JKW-KABAB-16-MA-008

🚧 This website is under continued development. We appreciate your patience!

Previous Text Back to Volume PageNext Text

Wylie title	dgongs gter 'od gsal snying thig las bla ma rtsa gsum spyi dang bye brag gi smin lam dbang gi phreng ba 'jug bde dkyus gcig tu bkod pa smin grol ye shes bdud rtsi'i gsang mdzod
Location	mkhyen brtse'i bka' babs Volume 16, Text 8, Pages 241-638 (Folios 1a to 199b3)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	Khyentse, Dilgo. dgongs gter 'od gsal snying thig las bla ma rtsa gsum spyi dang bye brag gi smin lam dbang gi phreng ba 'jug bde dkyus gcig tu bkod pa smin grol ye shes bdud rtsi'i gsang mdzod. In Rdzong sar 'jam dbyangs mkhyen brtse'i dbang po'i bka' babs, Vol. 16: 241-638. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Empowerment Ritual - dbang chog - dbang skur
Cycle	རྩ་གསུམ་འོད་གསལ་སྙིང་ཏིག་ (rtsa gsum 'od gsal snying tig)
Karchag page	JKW-KABAB-Volume-16-MA-Karchag
RTZ	In the Rinchen Terdzö: https://rtz.tsadra.org/index.php/Terdzo-HUNG-009
Colophon	Author colophon page 636: །ཅེས་ཤར་མདོ་ཁམས་སྡེ་དགེའི་ཆོས་རྒྱལ་ཆེན་པོའི་མངའ་རིས་ཀྱི་ཤར་ཕྱོགས་ཤྲཱི་ན་ལེནྡྲ་གཉིས་པ་རྫོང་སར་བཀྲ་ཤིས་ལྷ་རྩེའི་གཟིམ་སྤྱིལ་འོག་མིན་གཉིས་པ་སྤྲིན་གྱི་སྐྱེད་ཚལ་བཀྲ་ཤིས་འཆི་མེད་གྲུབ་པའི་དགའ་ཚལ་ནས་ཐུབ་བསྟན་ཡོངས་རྫོགས་ཀྱི་མངའ་བདག་ཁྱབ་བདག་རྡོ་རྗེ་སེམས་དངོས་འཇམ་དབྱངས་ཆོས་ཀྱི་བློ་གྲོས་མཆོག་གི་ཞལ་སྔ་ནས་ཟབ་རྒྱས་ཆོས་ཀྱི་འཁོར་ལོའི་དགེ་མཚན་ཉི་ཟླ་འཁོར་ཡུག་ཏུ་འཆར་བའི་སྐབས། ཐུན་མོང་མ་ཡིན་པའི་ཟབ་ཆོས་འདི་དག་གི་སྨིན་གྲོལ་གྱིས་བདག་ཀྱང་རྗེས་སུ་བཟུང་བའི་སྐལ་བཟང་ཐོབ་པའི་སྐབས་འདི་བཞིན་ཞབས་ཏོག་སྲིད་ཞུ་སྤེལ་འོས་ཀྱི་བཀའ་ཕུན་སུམ་ཚོགས་པའི་རྟེན་དང་བཅས་དགྱེས་བརྩེས་ཚངས་གནས་ཀྱི་རྒྱན་དུ་སྩལ་བ་དང་ཆབས་ཅིག །གཏེར་ཆེན་རོལ་པ་རྡོ་རྗེའི་མཆོག་སྤྲུལ་དྭགས་རྙིང་གི་བསྟན་པའི་སྣང་བྱེད་ཆེན་པོ་ཀརྨ་དྲི་མེད་འོད་ཟེར་ཞབས་ཀྱིས་སྨིན་གྲོལ་གྱི་བདུད་རྩི་ལྷན་ཅིག་བཞེས་པས། རྗེ་བླ་མའི་བཀའ་བཞིན་མྱུར་དུ་སྒྲུབ་འོས་པའི་བསྐུལ་མ་རྟེན་དང་བཅས་ཡང་ཡང་སྩལ་བས་རང་ཉིད་ཀྱིས་ཀྱང་དད་སྤྲོའི་བསྙེན་སྒྲུབ་ཀྱི་ཞོར་ཟིན་ཐུན་ཁ་ཤས་བཏབ་ཀྱང༌། མཐའ་མིའི་ལོག་སྤྱོད་ཀྱིས་ཁམས་བོད་ཐམས་ཅད་རྔ་ཐོག་གི་སྲན་མ་བཞིན་ཉམས་ཉེས་གྱུར་པས་རྩ་བའི་ཟབ་ཆོས་འདི་ཉིད་ཀྱང་དབྱིངས་ཀྱི་མཁའ་འགྲོའི་ཕྱག་མཚན་དུ་བཞེས་པ་ལ་ཉེ་བ་ཙམ་དུ་གྱུར་སྐབས། རྒྱལ་བའི་ཕྲིན་ལས་ཀྱི་རེ་ཁཱ་སུབ་ཏུ་མེད་པས་རྗེ་བླ་མ་རིན་པོ་ཆེའི་ཕྱག་དཔེ་འཕགས་ཡུལ་དུ་གདན་འདྲེན་ཞུས་པའི་བཀའ་དྲིན་ལས། རིམ་གྱིས་དཔེ་རྒྱུན་འཕེལ་བ་ལ་ཐེག་མཆོག་སྙིང་པོའི་བསྟན་དང་དེ་འཛིན་ལ་མཆོག་ཏུ་གུས་པའི་བྱང་གནམ་མཚོའི་དོ་སྐྱ་མཆོག་སྤྲུལ་འགྱུར་མེད་པདྨ་དྲི་མེད་ནས་རྩ་དཔེ་ཞལ་བཤུས་ཀྱི་གླེགས་བམ་དབུས་གྱུར་རྡོ་རྗེ་གདན་གྱི་གཙུག་ལག་ཁང་ནས་གནང་བའི་རྟེན་འབྲེལ་གྱི་མཚམས་སྦྱར་ཏེ། ཤར་མདོ་ཁམས་སྡེ་དགེའི་རྒྱལ་ཁམས་གྱི་མུ་ཏོ་བ། འདུ་ཤེས་གསུམ་གྱི་གཡར་དམ་འཆང་བས་གྲོང་གསེབ་ཏུ་འཁྱམས་པའི་རྙིང་སྔགས་རྒན་པོ། སྙན་ལ་བརྗིད་པའི་མིང་མང་པོའི་ཁུར་གྱི་ནོན་པའི་རྨོངས་བརྟུལ་གྱི་ཟོག་པོས་རྒྱ་གར་གྱི་ཡུལ་གྲུ་མཐའ་དབུས་ཀུན་ཏུ་རྒྱུ་བའི་སྐབས་སུ་རང་བློའི་དཔོག་ཚོད་ཇི་ལྟར་ནུས་པའི་ཞབས་ཏོག་ཞུས་པ་ལ། རྡུལ་བྲལ་ཆོས་སྤྱན་མངའ་ཞིང་ངེས་དོན་གྱི་བསྟན་པ་རིན་པོ་ཆེ་ཐུགས་ལ་བཅགས་པའི་གཟུར་གནས་མཁས་གྲུབ་རྣམས་ཀྱིས་དཔྱད་ཞུས་དང༌། སྨིན་གྲོལ་གྱི་སྲོག་རྩ་མི་ཆད་པའི་གཡར་དམ་བཞེས་གྲུབ་སྙིང་ནས་གསོལ་བ་འདེབས་པ་དང༌། ཡི་གེའི་མཐུན་སྦྱོར་བྱང་ཕྱོགས་རེབ་སྐོང་རིག་པའི་འབྱུང་གནས་ཀྱི་སྔགས་བན་འཇིགས་མེད་སྐལ་བཟང་བདེ་ཆེན་གྲུབ་པའི་རྡོ་རྗེའི་དད་གུས་ཀྱི་བརྩོན་པས་བགྱིས་པའི་ངལ་བའི་ཁུར་འདིས་ཀྱང་བསྟན་འགྲོའི་དགེ་མཚན་ཉིན་བྱེད་ཕྱོགས་ཀྱི་ཐ་གྲུ་ཀུན་ཏུ་འཕེལ་རྒྱས་བརྟན་པའི་རྒྱུར་འགྱུར་བ་བླ་མ་རྒྱལ་བ་སྲས་དང་བཅས་པས་བྱིན་གྱི་རླབས་པར་མཛད་དུ་གསོལ། སརྦ་དཱ་སུ་ཤྲཱི་ཡེ་བྷ་ཝནྟུ། Editor colophon page 638: སླར ༢༠༠༨ ལོར་བཀའ་བབས་སྐོར་བསྐྱར་བསྒྲིག་སྐབས་དབང་སྒྲུབ་རྣམས་ནག་འགྲོས་སུ་བཀྲོལ་བའི་ངལ་བ་མ་བྱས་ལ། བསྐུར་ཆོག་ཕལ་ཆེར་ཡིག་ཆུང་ལ་འབྱིན་འཇུག་ཅི་རིགས་བཅས་ནག་འགྲོས་སུ་བགྱིས་པ་པོ་ནི་ཕུན་ཚོགས་རྣམ་རྒྱལ་ཏེ་བླ་མའི་གསུང་ལ་རས་ཆོད་ཏུ་སོང་བའམ་དམ་མེད་ཧམ་པ་ཅན་རྣམས་ཟབ་ཆོས་ལ་རང་དགར་འཇུག་བདེར་གྱུར་པའི་ནོངས་པའི་ཚོགས་ཀུན་སྙིང་ནས་མཐོལ་ཤིང་དགེ་བས་གཏེར་ཆོས་ཀྱི་ཕྲིན་ལས་རྟག་ཁྱབ་ཏུ་འབར་བའི་རྒྱུར་གྱུར་ཅིག།
	Author colophon page 636: ces shar mdo khams sde dge'i chos rgyal chen po'i mnga' ris kyi shar phyogs shrI na len+d+ra gnyis pa rdzong sar bkra shis lha rtse'i gzim spyil 'og min gnyis pa sprin gyi skyed tshal bkra shis 'chi med grub pa'i dga' tshal nas thub bstan yongs rdzogs kyi mnga' bdag khyab bdag rdo rje sems dngos 'jam dbyangs chos kyi blo gros mchog gi zhal snga nas zab rgyas chos kyi 'khor lo'i dge mtshan nyi zla 'khor yug tu 'char ba'i skabs/__thun mong ma yin pa'i zab chos 'di dag gi smin grol gyis bdag kyang rjes su bzung ba'i skal bzang thob pa'i skabs 'di bzhin zhabs tog srid zhu spel 'os kyi bka' phun sum tshogs pa'i rten dang bcas dgyes brtses tshangs gnas kyi rgyan du stsal ba dang chabs cig__/gter chen rol pa rdo rje'i mchog sprul dwags rnying gi bstan pa'i snang byed chen po karma dri med 'od zer zhabs kyis smin grol gyi bdud rtsi lhan cig bzhes pas/__rje bla ma'i bka' bzhin myur du sgrub 'os pa'i bskul ma rten dang bcas yang yang stsal bas rang nyid kyis kyang dad spro'i bsnyen sgrub kyi zhor zin thun kha shas btab kyang*/__mtha' mi'i log spyod kyis khams bod thams cad rnga thog gi sran ma bzhin nyams nyes gyur pas rtsa ba'i zab chos 'di nyid kyang dbyings kyi mkha' 'gro'i phyag mtshan du bzhes pa la nye ba tsam du gyur skabs/__rgyal ba'i phrin las kyi re khA sub tu med pas rje bla ma rin po che'i phyag dpe 'phags yul du gdan 'dren zhus pa'i bka' drin las/__rim gyis dpe rgyun 'phel ba la theg mchog snying po'i bstan dang de 'dzin la mchog tu gus pa'i byang gnam mtsho'i do skya mchog sprul 'gyur med pad+ma dri med nas rtsa dpe zhal bshus kyi glegs bam dbus gyur rdo rje gdan gyi gtsug lag khang nas gnang ba'i rten 'brel gyi mtshams sbyar te/__shar mdo khams sde dge'i rgyal khams gyi mu to ba/__'du shes gsum gyi g.yar dam 'chang bas grong gseb tu 'khyams pa'i rnying sngags rgan po/__snyan la brjid pa'i ming mang po'i khur gyi non pa'i rmongs brtul gyi zog pos rgya gar gyi yul gru mtha' dbus kun tu rgyu ba'i skabs su rang blo'i dpog tshod ji ltar nus pa'i zhabs tog zhus pa la/__rdul bral chos spyan mnga' zhing nges don gyi bstan pa rin po che thugs la bcags pa'i gzur gnas mkhas grub rnams kyis dpyad zhus dang*/__smin grol gyi srog rtsa mi chad pa'i g.yar dam bzhes grub snying nas gsol ba 'debs pa dang*/__yi ge'i mthun sbyor byang phyogs reb skong rig pa'i 'byung gnas kyi sngags ban 'jigs med skal bzang bde chen grub pa'i rdo rje'i dad gus kyi brtson pas bgyis pa'i ngal ba'i khur 'dis kyang bstan 'gro'i dge mtshan nyin byed phyogs kyi tha gru kun tu 'phel rgyas brtan pa'i rgyur 'gyur ba bla ma rgyal ba sras dang bcas pas byin gyi rlabs par mdzad du gsol/__sarba dA su shrI ye b+ha wan+tu/ Editor colophon page 638: slar_2008_lor bka' babs skor bskyar bsgrig skabs dbang sgrub rnams nag 'gros su bkrol ba'i ngal ba ma byas la/__bskur chog phal cher yig chung la 'byin 'jug ci rigs bcas nag 'gros su bgyis pa po ni phun tshogs rnam rgyal te bla ma'i gsung la ras chod tu song ba'am dam med ham pa can rnams zab chos la rang dgar 'jug bder gyur pa'i nongs pa'i tshogs kun snying nas mthol shing dge bas gter chos kyi phrin las rtag khyab tu 'bar ba'i rgyur gyur cig

Tibetan Text

Wylie

[edit]

༄༅། །དགོངས་གཏེར་འོད་གསལ་སྙིང་ཐིག་ལས། བླ་མ་རྩ་གསུམ་སྤྱི་དང་བྱེ་བྲག་གི་སྨིན་ལམ་དབང་གི་ཕྲེང་བ་འཇུག་བདེ་དཀྱུས་གཅིག་ཏུ་བཀོད་པ་སྨིན་གྲོལ་ཡེ་ཤེས་བདུད་རྩིའི་གསང་མཛོད་ཅེས་བྱ་བ་བཞུགས་སོ།།

༄༅། །ཆོས་དབྱིངས་ཀུན་ཁྱབ་འོད་གསལ་ཡེ་ཤེས་སྤྲིན། །རྩ་གསུམ་སྒྱུ་འཕྲུལ་དྲྭ་བའི་རོལ་སྒེག་གིས། །བྱིན་རླབས་དངོས་གྲུབ་ཕྲིན་ལས་བདུད་རྩིའི་ཆར། །འབེབས་མཛད་རྡོ་རྗེ་ཐོད་ཕྲེང་རྩལ་འཆང་རྒྱལ། །ཁྱོད་ཐུགས་ཡེ་ཤེས་གསང་བའི་མཛོད་བརྡོལ་ནས། །ངོ་མཚར་ཟབ་རྒྱས་གདམས་པའི་ལམ་སྲོལ་གྱིས། །སྣང་བས་གངས་ཅན་བསྟན་འགྲོའི་ཕན་བདེའི་དཔལ། །འདོད་དགུ་འབྱེད་མཛད་མཁྱེན་བརྩེའི་དབང་པོར་གུས། །རྒྱལ་ཀུན་གསུང་གི་རྡོ་རྗེའི་ཁྱབ་བདག་ཕྱིར། །གསང་བ་རྒྱ་མཚོའི་འདོད་དགུའི་དཔལ་གྱི་དབྱིག །རྨད་བྱུང་སྨིན་གྲོལ་ངོ་མཚར་འཕྲུལ་གྱི་སྒོ། །འདི་ན་སྐལ་བཟང་ཀུན་དགའི་གསོས་སུ་སྦྱིན། །དེ་ལ་འདིར་རྩ་གསུམ་འོད་གསལ་སྙིང་ཐིག་གི་ཆོས་སྐོར་ཡོངས་རྫོགས་ཀྱི་སྨིན་ལམ་དབང་གི་ཕྲེང་བ་འཇུག་བདེ་དཀྱུས་གཅིག་ཏུ་བཀོད་པ་ལ། བླ་མ་སྐུ་གསུམ་སྤྱིར་སྒྲུབ་པ་དང༌། རྩ་གསུམ་བྱེ་བྲག་ཏུ་སྒྲུབ་པའི་སྨིན་བྱེད་གཉིས། དང་པོ་ལའང༌། ཕྱི་ནང་གསང་བ་ཡང་གསང་གི་དབང་བསྐུར་རོ། །དང་པོ་རྩ་བ་ཕྱི་སྒྲུབ་བླ་མ་གསང་འདུས་རྡོ་རྗེ་འཆང་ཐོད་ཕྲེང་རིགས་ལྔ་གུ་རུ་མཚན་བརྒྱད་བཅས་གཅིག་དྲིལ་སྒྱུ་འཕྲུལ་དྲྭ་བའི་དབང་བསྐུར་འབོག་པ་ལ། གྲུབ་པའི་སློབ་དཔོན་ཆེན་པོ་སྒེག་པའི་རྡོ་རྗེས། རྒྱུ་གཉིས་རྐྱེན་བཞིས་ཡན་ལག་བསྙད། དྲུག་ལ་གནས་པའི་ཐོབ་བྱེད་དོ། །ངོ་བོ་ཉིད་ཀྱི་རྣམ་པར་བཤད། །ཅེས་གསུང་པ་ལྟར་རྡོ་རྗེ་ཐེག་པའི་ལམ་གྱི་རྩ་བ་ནི་དབང་བསྐུར་བ་སྟེ། གསང་སྔགས་ལམ་གྱི་བསྟན་དོན་མཐར་ཐུག་ཤིན་ཏུ་རྟོགས་པར་དཀའ་བ་དག་མཉམ་བདེན་པ་དབྱེར་མེད་གཞི་ཡི་དཀྱིལ་འཁོར་ཡེ་ནས་རང་ལ་གནས་པ་ཉིད་དབང་བསྐུར་བའི་ཆོ་ག་ཟབ་མོས་བཙན་ཐབས་སུ་འཆར་བར་བྱེད་པ་སྟེ། རྡོ་རྗེ་བཞིའི་ཡེ་ཤེས་སྨིན་པར་བྱེད་པའི་ཐབས་ཁྱད་པར་ཅན་ཡིན་པའི་ཕྱིར་ཐོག་མའི་འཇུག་སྒོ་མེད་དུ་མི་རུང་བས། དབང་བསྐུར་མཚན་ཉིད་པ་ལ་རྒྱུ་གཉིས་རྐྱེན་བཞི་ཚོགས་པས་རྒྱུ་བཞིའི་གོ་འཕང་གི་ཆོས་གདུལ་བྱའི་རྒྱུད་ལ་འཇོག་པའི་བྱེད་ལས་ཀྱིས་ཡེ་ཤེས་དངོས་སུ་སྐྱེས་པའམ་སྐྱེ་ངེས་ཀྱི་ནུས་པ་ཅི་རིགས་ཐོན་དགོས་པས་ན། རྒྱུའི་རྐྱེན་དབང་གི་སྣོད་དུ་རུང་བའི་སློབ་མ་སྟེ། དད་དང་བརྩོན་འགྲུས་གསུམ་ལྡན་དང༌། །བརྟུལ་ཞུགས་གསུམ་ལྡན་སློབ་མ་ལ། །ཞེས་པ་ལྟར་དང༌། བདག་པོའི་རྐྱེན་ཕྱི་ནང་གསང་བའི་དེ་ཉིད་བཅུ་དང་ལྡན་པས་གཞན་རྒྱུད་སྨིན་ནུས་པའི་རང་བཞིན་བརྒྱད་ལྡན་གྱི་རྡོ་རྗེ་སློབ་དཔོན་མཚན་ཉིད་དང་ལྡན་པས། དམིགས་པའི་རྐྱེན་དབང་རྫས། སྔགས། ཏིང་འཛིན་གསུམ་ཚོགས་པའི་ནུས་པ་ཁྱད་པར་ཅན་དང་ལྡན་པ་ཚོགས་པས། དབང་དང་ཆོ་ག་སྔ་མ་སྔ་མས་གོ་ཕྱེས་ནས་ཕྱི་མ་ཕྱི་མ་འབྱུང་བས་ན་སྔ་མ་འདི་དེ་མ་ཐག་རྐྱེན་སྟེ། དེས་ན་དབང་བཞི་སྤྱི་དང་བྱེ་བྲག་གོ་རིམ་མ་འཆོལ་བར་བསྐུར་བས། མཚུངས་ལྡན་གྱི་རྒྱུ་སློབ་མའི་རྩ་རླུང་ཐིག་ལེ་སེམས་དང་བཅས་པའི་བྱེ་བྲག་དབང་སོ་སོའི་རྗེས་མཐུན་གྱི་ཆོས་རེ་ཆོས་ཉིད་བདེ་བ་ཆེན་པོའི་ཁྱབ་སྟེ་ཡོད་པ་ལ། ལྷན་ཅིག་བྱེད་རྒྱུ་དབང་བཞི་སོ་སོའི་དབང་རྫས་སྔགས་ཀྱི་ལྟ་དགོངས་ཁྱད་པར་ཅན་གྱིས་དུས་དེར་གང་ལ་དབང་བསྐུར་བ་དེའི་ཆེད་དུ་རབ་གནས་བྱས་པའི་བྱིན་རླབས་དང་ལྡན་པ་རྣམས་ཚོགས་པའི་མཐུ་ལས་རང་གནས་ཀྱི་ཡེ་ཤེས་མངོན་དུ་འཆར་བ་ནི། ཕུར་པའི་རྒྱུད་ལས། ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་རླབས་སོ། །སངས་རྒྱས་ཀྱི་མཐུའོ། །ཞེས་གསུངས་པ་བཞིན་ནོ། །དེ་ལྟར་དབང་ཐོབ་པས་ལྟ་བ་ཁྱད་པར་ཅན་རྒྱུད་ལ་སྐྱེས་པ་དང༌། དེའི་དོན་བཞིན་བསྐྱེད་རྫོགས་སྒོམ་པ་ལ་དབང་བ་དང༌། སྤྱོད་པ་ལ་ནུས་པ་ཐོབ་པ་དང༌། སྒྲུབ་པ་དང་མཆོད་པ་ཕྲིན་ལས་སྔགས་ཕྱག་རྒྱ་རྣམས་དོན་ཡོད་པ་དང་དམ་ཚིག་ཐོབ་པར་བྱེད་པས་གསང་སྔགས་ཀྱི་ལམ་ཀུན་གྱི་འབྱུང་གནས་སུ་གྱུར་པ་དང༌། གོ་འཕང་གི་རིམ་པ་ཐོབ་པར་བྱེད་པ་ལ་རྒྱལ་པོ་ལྟ་བུ་ཡིན་པས་ཚུལ་འདི་ཉིད་ཀྱི་རྣམ་བཞག་རྒྱུད་དང་སྒྲུབ་སྡེའི་མན་ངག་ལས་རྒྱ་ཆེར་འབྱུང་བ་ལྟར་ཉམས་འོག་ཏུ་ཚུད་པ་ནི་ཤིན་ཏུ་གལ་ཆེ་བའི་གནད་སྤྱིར་སྨོས་ནས། བྱེ་བྲག་རིམ་པ་དབང་གི་ཆོ་ག་དངོས་ལ། ཐུན་མོང་སྨིན་བྱེད་ཡེ་ཤེས་ཐིག་ལེ། དབང་བཞི་ཡེ་ཤེས་དཔལ་སྟེར་བྱིན་རླབས་བརྡ་ཡི་དབང་བཞི། གཏོར་དབང་བྱིན་རླབས་དཔལ་སྟེར་བཞི་ལས། དང་པོ། སྨིན་བྱེད་ཡེ་ཤེས་ཐིག་ལེའི་སྔོན་འགྲོ་ཕྱི་ནང་གི་འཇུག་པའི་ཆོས། དངོས་གཞི་ཐུན་མོང་རིག་དབང་ལྔ། མཐའ་རྟེན་རྣམ་རྒྱལ་བུམ་པའི་དབང་བཅས་དང༌། དབང་བཞི་ཡེ་ཤེས་དཔལ་སྟེར་ཟབ་དབང་དངོས་སུ་ཡིན་པ་དེ་གཉིས་སུ་དགོངས་པ་གུང་བསྒྲིལ་གྱིས་ཐོག་མར་བསྐུར་དགོས་པས་དེའི་ཚུལ་ལ། སྔོན་འགྲོ་ལྷག་གནས་གསུམ། དངོས་གཞི་དབང་དོན་སྒྲུབ་ཅིང་མཆོད་བསྙེན། བདག་ཉིད་འཇུག་ཅིང་སློབ་མ་གཞུག་པ། རྗེས་ཚོགས་དང་གཏོར་མ་བཏང་ཞིང་ལས་རིམ་མཐར་དབྱུང་བའོ།

།དང་པོ་ལའང༌། ཡུལ་ཅན་ལྷ་དང༌། བུམ་པ། ཡུལ་སློབ་མ་ལྷག་གནས་སོ། །དང་པོ་ནི། སྤྱིར་རྩ་གསུམ་འོད་གསལ་སྙིང་ཐིག་རང་གཞུང་གི་ཐུན་མོང་སྨིན་བྱེད་ཡེ་ཤེས་ཐིག་ལེར་སྟ་གོན་དངོས་བསྟན་དུ་མི་འབྱུང་ཡང་དངོས་གཞིའི་དབང་གི་སྔོན་འགྲོར་མེད་དུ་མི་རུང་བས་རྗེ་བླ་མའི་ཟབ་གཏེར་འཇམ་དཔལ་སྙིང་ཐིག་སྒྲོན་མ་བདུན་པའི་སྟ་གོན་འདིའི་སྔོན་དུ་སྦྱོར་བ་ཕྱག་བཞེས་སུ་མཛད་འདུག་ཀྱང་དེའི་དཔེ་མ་བཞུགས་སྟབས་དགོངས་གཏེར་འཆི་མེད་འཕགས་མའི་སྙིང་ཐིག་གི་རྩ་དབང་ཡེ་ཤེས་ཐིག་ལེ་ནས་ཁ་བསྐང་སྟེ་བཀོད་པ་ལ། མཚན་ཉིད་དང་ལྡན་པའི་གནས་སུ་སྒྲུབ་པའི་ཁང་པ་ཕྱགས་དར་རྒྱན་གྱིས་སྤྲས་པར་དཀར་ཕྱོགས་ཀྱི་ཚེས་བཅུ་སོགས་དུས་དགེ་ཞིང་ཤིས་པར། གུང་དུ་གཞུང་མཐུན་གྱི་རྟེན་བཀྲམ་པའི་སྤྱན་སྔར་བདག་བསྐྱེད་མཆོད་པ་ཆུ་གཉིས་ཉེར་སྤྱོད། སྨན་གཏོར་རཀྟ་རྣམས་ཅི་བདེར་བཀོད། དཀྱིལ་འཁོར་གྱི་གཞིར་སྟེགས་བུ་ཁེབས་ལྡན་གྱི་དབུས་རིན་པོ་ཆེའི་མཎྜལ་དྲིའི་ཐིག་ལེ་བཀོད་པ་ལ་མེ་ཏོག་གམ། འབྲུ་གཤེར་ལྡན་གྱི་ཚོམ་བུ་དབུས་སུ་ཆེ་བ་གཅིག །ཕྱོགས་བཞིར་དེ་ལས་དམའ་བ་བཞི། དེ་རྒྱབ་བརྒྱད། དེ་རྒྱབ་བཞི་བཅས་ཇེ་ཆུང་དུ་བཀོད། མདུན་རྒྱབ་གང་བདེར་སྨན་རཀ་གཏོར་གསུམ། ཆུ་གཉིས་ཉེར་སྤྱོད་བསྐོར་བཤམས། དཀར་གཏོར་གསེར་སྐྱེམས་དང་བཅས་པ། སློབ་དཔོན་གྱི་མདུན་དུ། ལས་བུམ། རྡོ་དྲིལ་སོགས་ཉེར་མཁོའི་ཡོ་བྱད་ཚོགས་པར་བྱས་ལ། བདེ་བའི་སྟན་ལ་འཁོད་པས་ཚིག་བདུན་དང་བརྒྱུད་འདེབས་སྔོན་དུ་འགྲོ་བས་སྐྱབས་སེམས་ནས་བརྩམས་ཕྱི་སྒྲུབ་སྒྱུ་འཕྲུལ་དྲྭ་བ་བཟླས་པ་བཅས་བསྡུས་ཙམ་བཏང་ལ། དཀར་གཏོར་བསང་སྦྱངས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་ལན་གསུམ་གྱིས་བྱིན་གྱིས་བརླབས༔ ཨོཾ་ལོ་ཀ་པཱ་ལ་ས་པ་རི་ཝ་ར་བཛྲ་ས་མ་ཡ་ཛཿས་མགྲོན་སྤྱན་དྲངས། སྠ་ན་པ་ཏི་ཀྵེ་ཏྲ་པཱ་ལཉྩ་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་སོགས། གྷྲྀ་ཧྞ་དཾ་བ་ལིནྟ་ཁཱ་ཧི། ལན་གསུམ་གྱིས་གཏོར་མ་ཕུལ་ཏེ། གང་དག་འདིར་གནས་སོགས་ཀྱིས་ཕྲིན་ལས་བཅོལ་ཞིང་གཏོར་མ་དང་གསེར་སྐྱེམས་ཕུལ་བས་ས་སློང་གི་དོན་ཡང་ཚང་བས་སྒྲུབ་གནས་རྙིང་པ་ལ་དེ་ཙམ་གྱིས་རུང་བར་ཕྱག་བཞེས་སུ་མཛད་དོ། །དེ་ནས་ལྷ་སྟ་གོན་དངོས་ལ་ཕྱི་སྒྲུབ་སྒྱུ་འཕྲུལ་དྲྭ་བའི་ལས་བྱང་གི་མཆོད་པ་བྱིན་རླབས༔ ཨོཾ་ཨཱཿཧཱུྃ༔ བདག་ཉིད་ལྷར་གསལ་ཐུགས་ཀའི་ས་བོན་ལས༔ འཕྲོས་པའི་འོད་ཀྱིས་མཆོད་རྫས་གཟུང་འཛིན་སྦྱངས༔ སྣང་སྲིད་གཞིར་བཞེངས་ཀུན་བཟང་མཆོད་པའི་སྤྲིན༔ དཔག་ཡས་ནམ་མཁའ་མཛོད་ཀྱི་གཏེར་དུ་གྱུར༔ ཨོཾ་བཛྲ་ཨརྒྷཾ་ནས། ཤཔྡའི་བར་དང༌། རཱུ་པ། ཤབྡ། གྷནྡྷེ། ར་ས། སྤརྴེ་མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་སརྦ་པཱུ་ཛ་ཨཱཿཧཱུྃ༔ ལན་གསུམ་བརྗོད་པས་བྱིན་གྱིས་བརླབ། ཚོམ་བུ་ལས་སྔགས་ཀྱིས་བསང༌། སྭ་བྷཱ་ཝས་སྦྱངས། སྟོང་པའི་ངང་ལས་མདུན་གྱི་རྟེན་ཡོངས་གྱུར༔ ཕྱི་སྣོད་བདེ་ཆེན་པདྨ་འོད་ཀྱི་གླིང་༔ ཤིན་ཏུ་ཉམས་དགའ་ངོ་མཚར་བཀོད་པས་མཛེས༔ སོགས་ཕྲིན་ལས་ལྟར་དམ་ཚིག་བསྐྱེད། ཡེ་ཤེས་པ་བསྟིམ། ཕྱག་མཆོད་བསྟོད་པའི་བར་དཀྱུས་ལྟར་བཏང༌། རྡོར་དྲིལ་དང་སྤོས་ཐོགས། པུས་བཙུག་ཐལ་མོ་སྦྱར་ལ། ཨོཾ༔ ཕྱོགས་དུས་རྩ་གསུམ་རྒྱལ་ཀུན་གྱི༔ ཁྱབ་བདག་འཆི་མེད་ཐོད་ཕྲེང་རྩལ༔ སྔོན་གྱི་ཐུགས་དམ་ཆེན་པོ་ཡིས༔ བདགལ་དགོངས་པར་མཛད་དུ་གསོལ༔ རིག་པ་འཛིན་པ་བདག་གིས་ནི༔ ཡོ་བྱད་རྣམ་པ་ཐམས་ཅད་པས༔ བདེ་བའི་ལོངས་སྤྱོད་རབ་སྦྱར་ཏེ༔ ལྷ་རྣམས་ཡོངས་སུ་མཆོད་པ་དང་༔ སྣོད་ལྡན་རྣམས་ལ་ཕན་བདགས་ཕྱིར༔ སྔགས་ཀྱི་ཆོ་གའི་ཐབས་ཆེན་པོས༔ སྙིང་པོའི་དཀྱིལ་འཁོར་བསྒྲུབ་པ་དང་༔ རང་གཞན་དོན་ཀུན་བགྱི་འཚལ་ན༔ ཡེ་ཤེས་སྙིང་རྗེ་ཆེན་པོ་ཡིས༔ བཟོད་པར་མཛད་དེ་གནང་ནས་ཀྱང་༔ སྣོད་བཅུད་རིག་འཛིན་བླ་མ་རྗེའི༔ རྡོ་རྗེ་གསུམ་དང་དབྱེར་མེད་པར༔ བྱིན་གྱིས་བརླབས་པར་མཛད་དུ་གསོལ༔ ཅེས་གསོལ་བས་ལྷ་ཚོགས་རྣམས་དགྱེས་པ་ཆེན་པོའི་རིག་པ་འཛིན་པ་ཁྱེད་ཀྱིས་དཀྱིལ་འཁོར་གྱི་ལས་ཇི་ལྟར་འོས་པ་གྱིས་ཤིག་ཅེས་བཀའི་གནང་བ་སྩལ་བས་སྒྲུབ་པའི་ས་ལ་ཐིམ་པས་ཡེ་ཤེས་གཟི་བྱིན་ལྷག་པར་འབར་བར་གྱུར། །ཅེས་དམིགས་ལ་མཎྜལ་ཚོམ་བུ་བཅས་བསྡུ།

གཉིས་པ་ནི། རིན་པོ་ཆེའི་བུམ་པ་དྲི་ཡི་ཆབ་དང་ཉེར་ལྔའི་བཅུད་ལྡན་གཉིས་ཁ་རྒྱན་མགུལ་ཆིངས་བཅས་པ་བཀོད་ནས། མཆོད་པ་རྣམས་སྔར་ལྟར་གསར་དུ་བཤམས་པའམ་ཁ་གསོ། དུང་ཞལ་གཟུངས་ཐག་བཅས་འདུ་བྱས་ལ། བསང་སྦྱངས། སྟོང་པའི་ངང་ལས་རྣམ་རྒྱལ་བུམ་པ་ནི༔ བྷྲཱུྃ་ཡིག་ཡོངས་གྱུར་རིན་ཆེན་སྣ་ཚོགས་ལས༔ ཡོངས་གྲུབ་ཕྱི་ནི་བུམ་གཟུགས་གཞལ་ཡས་ཁང་༔ ཚད་དང་མཚན་ཉིད་ཐམས་ཅད་རྫོགས་པ་ཡི༔ ལྟེ་བར་རིན་ཆེན་པདྨ་ཉི་ཟླའི་སྟེང་༔ རྡོ་རྗེ་ཧཱུྃ་ཡིག་མཉམ་སྦྱོར་འཕྲོ་འདུ་ལས༔ དབུས་སུ་ལྷུན་གྲུབ་རིག་འཛིན་ཐོད་ཕྲེང་རྩལ༔ སོགས་ཕྲིན་ལས་ལྟར་དམ་ཚིག་བསྐྱེད་ཡེ་ཤེས་པ་སྤྱན་འདྲེན་བཞུགས་གསོལ་མཆོད་ཅིང་བསྟོད་པའི་བར་བཏང༌། རང་གི་ཐུགས་ནས་སྔགས་ཀྱི་ཕྲེང་༔ རྡོ་རྗེའི་གཟུངས་ཐག་ལས་བརྒྱུད་དེ༔ བུམ་ལྷའི་ཐུགས་དམ་རྒྱུད་བསྐུལ་བས༔ བདེ་སྟོང་རོལ་པའི་འོད་ཟེར་སྤྲིན༔ མཁའ་ཁྱབ་ཀུན་ཏུ་སྣང་བ་ཡིས༔ འཕགས་མཆོད་འགྲོ་བའི་དོན་ཀུན་སྒྲུབ༔ ཚུར་འདུས་ཐུགས་ཀའི་དཔལ་བེར་འཁྱིལ༔ སྐུ་དང་སྔགས་ལས་བདུད་རྩིའི་རྒྱུན༔ དཔག་མེད་བྱུང་ནས་བུམ་པའི་བཅུད༔ དངོས་གྲུབ་ཀུན་གྱི་སྙིང་པོར་གྱུར༔ ཅེས་པས་ཏིང་འཛིན་གསལ་བཏབ། གཟུངས་ཐག་བླངས་ལ་བསྙེན་སྒྲུབ་ཀྱི་སྔགས་གཉིས་སུམ་བརྒྱ་ལས་མི་ཉུང་བ་དང༌། ཧཱུྃ་བཟླས་ཀྱང་ཅུང་ཟད་བྱ། མཐར། ཨོཾ་ཨཱཿཧཱུྃ༔ ཞེས་དུང་ཞལ་གྱི་ཆུ་མཆོད་ཡོན་དུ་ཕུལ་བས། ལྷ་ཚོགས་བདེ་བ་ཆེན་པོའི་ངོ་བོར་འོད་དུ་ཞུ་བས་སློབ་མའི་རྒྱུད་དག་ཅིང་དབང་གི་ཡེ་ཤེས་བསྐྱེད་པའི་དངོས་གྲུབ་སྟེར་བའི་ནུས་ལྡན་དུ་གྱུར། ཅེས་མོས། ལས་བུམ་ནང་དུ་པད་ཉིའི་སྟེང་༔ པདྨ་རྟ་མགྲིན་སྐུ་མདོག་དམར༔ དུར་ཁྲོད་ཆས་རྫོགས་དོར་སྟབས་བཞུགས༔ སྐུ་ལས་རྡོ་རྗེ་བདུད་རྩིའི་རྒྱུན༔ བབས་པས་བུམ་པ་གང་བར་གྱུར༔ ཨོཾ་ཧྲཱིཿཔདྨཱནྟ་ཀྲི་ཏ་སརྦ་བིགྷྣཱན་ཧ་ན་ཧ་ན་ཧཱུྃ་ཕཊ༔ ཞེས་པ་བརྒྱ་རྩ་བརྒྱད་བཟླ། ཧཱུྃ་ཞེས་བསྐུལ་བས། དཔལ་ཁྲོ་བོའི་རྒྱལ་པོ་རྟ་མགྲིན་གྱིས་དབང་གི་བྱ་བ་མ་གྲུབ་ཀྱི་བར་དུ་བར་གཅོད་ཀྱི་བགེགས་ཐམས་ཅད་བཟློག་པའི་ཕྲིན་ལས་མཛད་དུ་གསོལ། ཅེས་ལས་བཅོལ་ནས་བཞག །ཐུང་མོང་རིག་དབང་ལྔའི་དབང་རྫས་དང༌། སྐུ་རྟེན་ཙཀླིའི་བདུད་རྩི་སོགས་སྐབས་འདིར་ཚོགས་པར་བྱས་ལ་དེར་དམིགས་པས། དབང་རྫས་རྣམས་ངོ་བོ་རྣམ་པར་དག་པ་ཆོས་ཀྱི་དབྱིངས་རང་བཞིན་ཡེ་ཤེས་ཀྱི་སྣང་བ་ཅིར་ཡང་འཆར་བའི་བྱིན་རླབས་དང་དངོས་གྲུབ་མ་ལུས་པ་འབྱུང་བའི་དབྱིག་ཏུ་གྱུར་པར་མོས་ལ་དཀྱིལ་འཁོར་ཡོལ་བས་བསྒྲིབ།

གསུམ་པ་དབང་བསྐུར་བའི་ཡུལ་སློབ་མ་ལྷག་གནས་ནི། དཔུང་སྐུད། ཀུ་ཤ། སོ་ཤིང༌། ཁྱོར་ཆུ། སློབ་མ་མཆོད་པའི་ཉེར་སྤྱོད་ལྔ་བཅས་འདུ་བྱས་ལ། སྨིན་གྲོལ་འབོག་པར་འོས་པའི་སློབ་མ་ཇི་ལྟར་རིགས་པར་བོས་ལ། སྒོའི་ཕྱི་རོལ་དུ་ཁྲུས་ནས་དབྱུང༌། ནང་དུ་ཞུགས་པ་ན་མཎྜལ་བཀྱེ་བསྡུ་དང་སེམས་བསྐྱེད་གསལ་གདབ། དེའང་སྐྱེས་བུ་གསུམ་གྱི་ལམ་ཡོངས་སུ་རྫོགས་པའི་སྣོད་རུང་ལྷ་བས་ལྷག་པའི་རྟེན་རྡོ་རྗེའི་ཁམས་དྲུག་དང་ལྡན་པའི་དལ་འབྱོར་གྱི་མི་ལུས་རིན་པོ་ཆེ་དཔེ་གྲངས་རྒྱུ་དང་ངོ་བོའི་ཤིན་ཏུ་རྙེད་དཀའ་ཞིང་དོན་མེད་དུ་ཆུད་ཟ་བར་ཕངས་པ་དང༌། ཁྱད་པར་སངས་རྒྱས་ལས་ཀྱང་དཀོན་པའི་བསྟན་པའི་སྙིང་པོ་གསང་ཆེན་རྡོ་རྗེ་ཐེག་པའི་ལམ་དང་མངོན་སུམ་མཇལ་ཡང༌། འདུས་བྱས་ཀྱི་ཆོས་ལ་སྐད་ཅིག་ཀྱང་རྟག་པ་མེད་ཅིང་སྙིགས་མའི་བསྐལ་པས་འགལ་རྐྱེན་མང་བས་འཆི་བདག་གི་སུན་མ་ནི་ནམ་འོང་ཆ་མེད། འཆི་བའི་ཕ་རོལ་དུ་རྣམ་པར་ཤེས་པ་རྒྱུ་ལས་དཀར་ནག་གི་རྗེས་སུ་འབྲང་བ་ལས་རང་དབང་སྐད་ཅིག་ཀྱང་མེད། འབྲས་བུ་འཁོར་བའི་གནས་རིས་མཐོ་དམན་གང་དུ་སྐྱེས་ཀྱང་སྡུག་བསྔལ་གསུམ་གྱི་རང་བཞིན་ཁོ་ན་ལས་མ་འདས་པས་དེ་ལས་ཐར་པའི་ཐབས་ལ་བརྩོན་དགོས། འཁོར་བའི་སྡུག་བསྔལ་གཏིང་མཐའ་མེད་པ་ལས་ཐར་པའི་ཐབས་ནི་དམ་པའི་ཆོས་མ་གཏོགས་གཞན་གང་ཡང་མ་མཆིས་ཤིང༌། དེ་ལས་ཀྱང་ཐར་པ་བླ་ན་མེད་པ་སངས་རྒྱས་ཀྱི་གོ་འཕང་བསྒྲུབ་པ་ལ་ཐེག་པ་ཆེན་པོའི་སྒོར་ཞུགས་དགོས། དེ་ཡང་རྒྱུ་ལམ་དུ་བྱེད་པ་མཚན་ཉིད་ཐེག་པ་ལས་ཁྱད་པར་དུ་མས་འཕགས་པ་འབྲས་བུ་ལམ་བྱེད་རྡོ་རྗེ་ཐེག་པ་རྣལ་འབྱོར་བླ་མེད་ཀྱི་རྒྱུད་སྡེ་ནི་ཚེ་ལུས་གཅིག་ལ་རྡོ་རྗེ་འཆང་ཆེན་པོའི་གོ་འཕང་ངེས་པར་འགྲུབ་པར་བྱེད་པ་ཡིན་ཞིང༌། དེའི་ལམ་ཐམས་ཅད་ཀྱི་རྩ་བ་སྙིང་དང་མིག་ལྟ་བུ་ནི་རྩ་གསུམ་དཀྱིལ་འཁོར་རྒྱ་མཚོའི་ཁྱབ་བདག་དཔལ་ལྡན་བླ་མའི་རྡོ་རྗེ་གསུམ་གྱི་གསང་བ་ལམ་དུ་བྱེད་པ་ཉིད་བྱིན་རླབས་ཀྱྀ་ཚན་ཀ་ཆེ་ཞིང་ས་ལམ་མཆོག་གི་བགྲོད་པ་མྱུར་ཞིང་བདེ་བ་དང༌། གེགས་སེལ་བོགས་འབྱིན་ལམ་གྱི་དངོས་གཞི་ཐམས་ཅད་གཅིག་ཏུ་རྫོགས་པ་སོགས་དགོས་པ་དང་ཆེ་བ་དུ་མས་ཁྱད་དུ་འཕགས་པ་ནི་རིག་འཛིན་བླ་མའི་ཐུགས་སྒྲུབ་སྟེ། ཚུལ་དེ་ལ་དགོངས་ནས་སངས་རྒྱས་གཉིས་པ་པདྨ་ཐོད་ཕྲེང་རྩལ་གྱིས་ཐུགས་སྒྲུབ་བྱེ་བ་ཕྲག་བརྒྱ་མཛད་སྟེ་ཟབ་མོའི་གཏེར་དུ་སྦས་པ། སྨོན་ལམ་དང་ཐུགས་བསྐྱེད་དུས་སུ་བབས་པའི་ལས་ཅན་སྤྲུལ་པའི་སྐུ་མཆོག་གཏེར་འབྱིན་གྲུབ་བརྒྱའི་སྤྱི་མེས་རྣམས་ཀྱིས་གདུལ་བྱ་སོ་སོའི་ངོ་སྐལ་དང་མཐུན་པར་སྨིན་གྲོལ་ལས་ཚོགས་དང་བཅས་པ་དུས་དང་དུས་སུ་སྣང་བས་གངས་ཅན་ཕྱི་མའི་བསྟན་འགྲོའི་དོན་རྒྱ་ཆེར་མཛད་པ་ལས་འདིར་གསུང་རྡོ་རྗེ་པདྨ་སཾ་བྷ་ཝ་ཉིད་བཀྲ་ཤིས་བྲག་ཕུག་མ་ར་ཏི་ཀར་ཚེ་ལམ་གསང་བའི་དགྱེས་སྡེ་མནྡྷ་ར་བ་དང་ལྷན་ཅིག་བདེ་ཆེན་ཉེ་རྒྱུའི་སྤྱོད་པས་འཆི་མེད་ཚེ་དབང་རིག་པ་འཛིན་པའི་སྐུར་བཞེངས་ཚེ། སྤྲུལ་གཞི་གསུང་མཆོག་པདྨའི་རིགས་ཀྱི་ཁྱབ་བདག་པདྨ་དྲྭ་བ་ཡབ་ཡུམ་གྱིས་སྟོན་པ་ཉིད་དང་གཉིས་སུ་མེད་པ་དབང་བསྐུར་ཞིང་བྱིན་གྱིས་བརླབ་པའི་ཚེ་ལྷན་ཅིག་པའི་འཁོར་ཚོམ་བུ་ཚོགས་སྒྲུབ་ཀྱི་འདུས་པ་གྲུབ་པ་ཆེན་པོའི་ས་ལ་བཞུགས་པའི་དཔའ་བོ་དང་རྣལ་འབྱོར་མ་རྣམས་ལ་རང་བྱུང་ལྷུན་གྱིས་གྲུབ་པའི་ཆོས་ཀྱི་གསང་མཛོད་དུ་བསྟན་པ་ཉིད། སླར་ཡང་ཕྲིན་ལས་ཀྱི་སྒོ་འབྱེད་པའི་འཁོར་བོད་ཡུལ་གྱི་རྡོ་རྗེའི་འདུས་པ་ལས་ཅན་རྗེ་འབངས་གྲོགས་གསུམ་ལ་ཐུགས་ཀྱི་མན་ངག་མནོག་ཆོས་སུ་གདམས་པའི་ཟབ་ཆོས་རྩ་གསུམ་འོད་གསལ་སྙིང་ཐིག་གི་ཆོས་སྐོར་རྣམས་སློབ་དཔོན་ཆེན་པོ་འཇམ་དཔལ་བཤེས་གཉེན་དང་མངའ་བདག་ཁུ་དབོན་གཉིས་སུ་མེད་པའི་ཐུགས་བསྐྱེད་ཀྱི་རང་གཟུགས། གངས་ཅན་མཁས་གྲུབ་ཡོངས་ཀྱི་གཙུག་རྒྱན། ཀུན་མཁྱེན་བླ་མ་འོད་གསལ་སྤྲུལ་པའི་རྡོ་རྗེས་ཟབ་རྒྱས་ཆོས་སྒོ་འཛད་མེད་དགོངས་གཏེར་ནམ་མཁའ་མཛོད་ཀྱི་གཏེར་རྒྱ་བཀྲོལ་ཏེ་ལས་ཅན་ཀུན་ལ་སྤེལ་བར་མཛད་པ་སྟེ། འདི་ལའང་སྨིན་གྲོལ་ལས་ཚོགས་དང་བཅས་པ་རྒྱ་ཆེར་བཞུགས་པ་ལས་ཀུན་གྱི་རྩ་བའི་ཆོས་སྡེ་ཕྱི་སྒྲུབ་སྒྱུ་འཕྲུལ་དྲྭ་བ་དང་འབྲེལ་བའི་དབང་བསྐུར་བ་སྐབས་སུ་བབ་པ་ལས། དེ་ལའང་ཐུན་མོང་རྩ་བའི་སྨིན་བྱེད་རྒྱས་པ་ཡེ་ཤེས་ཐིག་ལེ། དབང་བཞི་ཡེ་ཤེས་དཔལ་སྟེར། གཏོར་དབང་བྱིན་རླབས་དཔལ་སྟེར། བྱིན་རླབས་བརྡ་ཡི་དབང་བཞི་རྣམས་སུ་བཞུགས་པ་ལས། འདིར་སྨིན་བྱེད་ཡེ་ཤེས་ཐིག་ལེའི་རིམ་པ་སྒྲུབ་པ་ཡིན། དེ་ཉིད་ལའང་སྔོན་འགྲོ་ལྷག་པར་གནས་པ་དང༌། དངོས་གཞི་དབང་བསྐུར་བ་གཉིས་སུ་ཡོད་པ་ལས། ཐོག་མར་སློབ་མ་ལྷག་གནས་ཀྱི་ཆོས་རྣམས་ཞུ་བའི་ཡོན་དུ་མཎྜལ་ཕུལ། ཞེས་མཚམས་སྦྱར་ལ་མཎྜལ་འབུལ་དུ་གཞུག །ཐལ་མོ་མེ་ཏོག་དང་བཅས་ཏེ་གུས་པ་ཆེན་པོས་གསོལ་བ་འདེབས་པ་འདིའི་རྗེས་ཟློས་མཛོད།

འཆི་མེད་པདྨ་ཐོད་ཕྲེང་རྩལ༔ རྡོ་རྗེའི་བླ་མ་དགོངས་སུ་གསོལ༔ བདག་ཅག་འཁོར་བ་ལས་སྒྲོལ་ཕྱིར༔ ཐུགས་རྗེ་ཆེན་པོས་རྗེས་བཟུང་འཚལ༔ ལན་གསུམ། དེ་ལྟར་གསོལ་བ་གདབ་པ་ལ་གདམས་པའི་གནད་དགྲོལ་ཞིང་བཀའི་གནང་བ་སྦྱིན་པ་ལགས་ཏེ། བསམ་ཡས་ཐེག་པའི་འཇུག་སྒོ་ནི༔ བློ་དང་མཚམས་པར་སྣང་བ་ལས༔ མཐར་ཐུག་རྡོ་རྗེའི་དཀྱིལ་འཁོར་དུ༔ འཇུག་པའི་སྐལ་ལྡན་ཤིན་ཏུ་དཀོན༔ དད་དང་དམ་ཚིག་མཆོག་ལྡན་ཅིང་༔ རྡོ་རྗེ་འཛིན་པའི་བསླབ་པ་ལས༔ ནམ་ཡང་འདའ་བར་མི་བགྱིད་ན༔ སངས་རྒྱས་རྣམས་ནི་ཐམས་ཅད་ཀྱི༔ མངོན་པར་བྱང་ཆུབ་ལམ་གྱི་མཆོག༔ ཡང་དག་ངེས་པའི་གསང་བ་བཞིན༔ ཐར་པ་ཆེན་པོའི་གྲོང་ཁྱེར་དུ༔ བདག་གིས་སྣོད་དུ་རུང་བའི་ཕྱིར༔ ལྷག་པར་གནས་པའི་ཆོ་ག་བྱ༔ ཞེས་གདམས་པའི་ལན་གསོལ་བ་འདིའི་རྗེས་ཟློས༔ བདག་ནི་གཙོ་བོ་ཁྱེད་ཉིད་ལས༔ སྐྱབས་གནས་གཞན་ན་མ་མཆིས་ཕྱིར༔ ཇི་ལྟར་བཀའ་སྩལ་བསྒྲུབ་བགྱིས་ན༔ ངེས་པར་དགོངས་ཏེ་གནང་དུ་གསོལ༔ དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ། སྐྱབས་ཀྱི་ཡུལ་མདུན་གྱི་ནམ་མཁར་འཆི་མེད་པདྨ་ཐོད་ཕྲེང་རིག་འཛིན་སྒྱུ་འཕྲུལ་དྲྭ་བའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། སྐྱབས་བྱ་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྐྱབས་སུ་འགྲོ་ཚུལ་སྒོ་གསུམ་འཇུག་པ་གཅིག་པས། སྐྱབས་འགྲོའི་རྒྱུ་དེང་ནས་བྱང་ཆུབ་མ་ཐོབ་བར་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཏེ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་ཅི་མཛད་ཁྱེད་མཁྱེན་བློ་གཏད་ལིང་སྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས༔ ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཐོག་མེད་དུས་ནས་ཕ་མར་གྱུར་པའི་མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལས་འདས་པ་སྐུ་གསུམ་བླ་མའི་གོ་འཕང་ལ་བདེ་མྱུར་གྱིས་འགོད་པར་བྱ། དེའི་ཕྱིར་དུ་བླ་ན་མེད་པའི་དཀྱིལ་འཁོར་གཉན་པོ་འདིར་འཇུག་ཅིང་དབང་གིས་རྒྱུད་སྨིན་པར་བྱས་ནས་ལམ་རིམ་པ་གཉིས་ཀྱི་ཏིང་ངེ་འཛིན་དང་མ་བྲལ་བས་རྒྱལ་བའི་སྲས་ཀྱི་སྤྱོད་པ་རླབས་པོ་ཆེའི་རྗེས་སུ་སློབ་སྙམ་པས་སྨོན་འཇུག་གི་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་སྤྲུལ་ནས་སྒོ་གསུམ་གུས་པ་ཆེན་པོའི་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྡིག་ལྟུང་གི་བྱས་བསགས་ལ་འགྱོད་པའི་སེམས་ཀྱིས་བཤགས་སྡོམ་དང༌། ཚོགས་གཉིས་ཀྱི་དགེ་སྤྱོད་ལ་རྗེས་སུ་ཡི་རང་བ། ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་བཞུགས་པར་གསོལ་ཞིང་དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་རྗེས་ཟློས། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དབང་གི་ཡེ་ཤེས་སྐྱེ་བརྟན་གོང་འཕེལ་དུ་འགྱུར་བ་ལ་རྒྱུད་རྣམ་པར་དག་ཅིང་སྡོམ་པ་དང་ལྡན་དགོས་པས། ཚོགས་ཞིང་དེ་རྣམས་དཔང་པོར་བྱས་ཏེ་ཕྱི་སོ་སོ་ཐར་པའི་སྡོམ་པ། ནང་བྱང་ཆུབ་སེམས་ཀྱི་བསླབ་པ། གསང་བ་བླ་མེད་རྡོ་རྗེ་ཐེག་པའི་དམ་ཚིག་རྣམས་ལེགས་པར་བླངས་ནས་ཚུལ་བཞིན་བསྲུང་སྙམ་པས་འདིའི་རྗེས་ཟློས་མཛོད། རྩ་གསུམ་དཀྱིལ་འཁོར་ལྷ་ཚོགས་དང་༔ རྡོ་རྗེ་སློབ་དཔོན་དགོངས་སུ་གསོལ༔ རིག་པ་འཛིན་པ་བདག་གིས་ནི༔ དེང་ནས་བྱང་ཆུབ་སྙིང་པོའི་བར༔ ངེས་པར་འབྱུང་བས་རྒྱུད་བསྐུལ་ནས༔ ཕྱི་ནང་གསང་བ་བླ་མེད་པའི༔ མཆོག་གསུམ་སྐྱབས་ཀྱི་སྙིང་པོར་བཟུང་༔ ལུས་ངག་ཡིད་ཀྱིས་གཞན་རྣམས་ལ༔ གནོད་པའི་བསམ་སྦྱོར་ཡོངས་སྤངས་ཞིང་༔ བྱམས་དང་སྙིང་རྗེ་ཆེན་པོའི་བློས༔ ཕ་རོལ་ཕྱིན་པ་དྲུག་ལ་སོགས༔ ཕན་བདེའི་སྤྱོད་པ་རླབས་ཆེན་སྤྱད༔ མ་བསྒྲལ་བསྒྲལ་དང་མ་གྲོལ་སྒྲོལ༔ དབུགས་མ་ཕྱུངས་རྣམས་དབུགས་དབྱུང་ཞིང་༔ ཐམས་ཅད་སྲིད་ཞི་ལས་འདས་པའི༔ བླ་མེད་བྱང་ཆུབ་དམ་པར་འགོད༔ བདེ་གཤེགས་རྡོ་རྗེ་རིན་པོ་ཆེ༔ པདྨ་ལས་ཀྱི་སྡོམ་པ་དང་༔ ཡན་ལག་དམ་ཚིག་ཉི་ཤུ་ལྔ༔ རྩ་བ་སྐུ་གསུང་ཐུགས་ལ་སོགས༔ རྡོ་རྗེ་འཆང་གི་རྒྱུད་སྡེ་ལས༔ སྔགས་ཀྱི་འདུལ་བར་གང་གསུང་པ༔ གཙོ་བོས་བདག་ལ་བཀའ་དྲིན་མཛོད༔ ལན་གསུམ།

དེ་དག་གིས་དབང་བསྐུར་བའི་སྣོད་དུ་རུང་བར་བྱས་ནས། རྡོ་རྗེ་ཐེག་པ་བླ་མེད་ཀྱི་ལམ་འདིར་ཕུང་ཁམས་སྐྱེ་མཆེད་རྣམ་པར་དག་པ་གདན་གསུམ་ལྷའི་རང་བཞིན་དུ་སྒོ་གསུམ་རྡོ་རྗེ་གསུམ་དུ་བྱིན་རླབས་ཏེ། དབང་ཤེས་གཟུང་འཛིན་འཁྲུལ་པ་ཡེ་ཤེས་ཀྱི་རོལ་པ་ཤེས་པས་འདོད་ཡོན་བདེ་ཆེན་གྱི་རྒྱན་དུ་ལམ་བྱེད་པ་དགོས་པས་ན། སྣོད་བཅུད་རྣམ་པར་དག་པ་རྡོ་རྗེ་དབྱིངས་ཀྱི་འཁོར་ལོར་ལྷུན་གྱིས་རྫོགས་པའི་དབུས་སུ་པདྨ་དང་ཟླ་བའི་གདན་གྱི་སྟེང་དུ་ཁྱེད་རང་རྣམས་སྐད་ཅིག་གིས་རིགས་ཀུན་གྱི་ཁྱབ་བདག་བླ་མ་རྡོ་རྗེ་སེམས་དཔའ་སྐུ་མདོག་དཀར་གསལ་ཞི་འཛུམ་ལོངས་སྤྱོད་རྫོགས་པའི་རྒྱན་ཆས་ཅན། ཕྱག་གཡས་པས་རྡོ་རྗེ་རྩེ་ལྔ་ཐུགས་ཀར་གཏོད་ཅིང་གཡོན་པས་དྲིལ་བུ་དཀུར་བསྟེན་པ་ཞབས་རྡོ་རྗེའི་སྐྱིལ་ཀྲུང་གིས་བཞུགས་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོས་མཚན་པ་ལས་འོད་ཟེར་འཕྲོས་སངས་རྒྱས་ཐམས་ཅད་ཀྱི་རྡོ་རྗེ་གསུམ་གྱི་བྱིན་རླབས་མ་ལུས་པ་ཡི་གེ་གསུམ་གྱི་རྣམ་པར་སྤྱན་དྲངས་ཏེ་ཐིམ་པས་སློབ་མའི་ལུས་ངག་ཡིད་གསུམ་ཡེ་ཤེས་ལྷ་ཡི་སྐུ་གསུང་ཐུགས་རྡོ་རྗེའི་ངོ་བོར་བྱིན་གྱིས་བརླབ་པར་གྱུར་པ་ལ་མཆོད་པའི་ཡོ་བྱད་རྣམས་ཀྱིས་མཆོད་ཅིང་མངའ་དབུལ་བར་མོས་ཤིག །མེ་ཏོག་སོགས་གནས་སོ་སོར་སྦྱིན་ལ། ཨོཾ་བཛྲ་པུཥྤེ་པྲ་ཏིཙྪ་སྭཱ་ཧཱ། སོགས་ཉེར་སྤྱོད་ལྔས་མཆོད། གཉིས་པ་སོ་ཤིང་སྦྱིན་པ་ལ། དྲི་དང་བ་བྱུང་གིས་བྱུགས་པའི་མཎྜལ་ཚོམས་བུ་ལྔ་པ་མདུན་དུ་བཀོད། སོ་ཤིང་ཚད་ལྡན་ལས་སྔགས་དང་ལས་ཆུའི་བསང༌། དེ་ནས་དངོས་གྲུབ་ཀྱི་སྣོད་བརྟག་པའི་ཕྱིར་དྲི་ལྡན་གྱི་ཤིང་སོར་བཅུ་གཉིས་པའི་ཚད་དང་མེ་ཏོག་གི་ཅོད་པན་ཅན་གྱི་སོ་ཤིང་འདི་ཉིད་ཁྱེད་རང་རྣམས་ལ་བྱིན་པས་མཁའ་དབྱིངས་ཀྱི་ཕྱག་རྒྱས་ཐོགས་ཏེ་རྩེ་མོས་སོ་བྲུ་བའི་ཚུལ་བྱས་པས་དེ་ལས་འཕྲོས་པའི་འོད་ཟེར་གྱིས་ལུས་ཀྱི་ནང་གང༌། སྡིག་སྒྲིབ་ཉེས་ལྟུང་ཐམས་ཅད་སྐད་ཅིག་གིས་སྦྱང་བར་མོས་པ་དང་བདག་ལ་དངོས་གྲུབ་ཀྱི་ལྟས་གསལ་བར་བསྟན་དུ་གསོལ་སྙམ་པས་སྔགས་འདིའི་རྗེས་ཟློས་དང་བཅས་ཏེ་མཎྜལ་དབུས་སུ་ལྟོས་མེད་དོར་མཛོད། ཧ་ས་ཧ། ཞེས་འདོར་དུ་གཞུག །དེ་ལྟར་དོར་བའི་སོ་ཤིང་གི་རྩེ་མོ་ཤར་དུ་བསྟན་ན་ཞི་བ། ལྷོར་རྒྱས་པ། ནུབ་ཏུ་དབང༌། བྱང་དུ་དྲག་པོའི་ཕྲིན་ལས། མཚམས་རྣམས་སུ་ཕྲ་མོའི་དངོས་གྲུབ། རང་དང་བླ་མ་ལ་བསྟན་ན་མཆོག་གི་དངོས་གྲུབ་འགྲུབ་པའི་ལྟས་ཡིན་པར་གསུངས་སོ། །གསུམ་པ་ཁྱོར་ཆུ་སྦྱིན་པ་ལ། དུང་ཞལ་དྲི་ལྡན་ཆུས་བཀང་བ་ལས་སྔགས་བཟླས་པས་བྱིན་གྱིས་བརླབ་ལ། རྨི་ལམ་བརྟག་པའི་སྔོན་དུ་ཁྱོར་ཆུ་སྦྱིན་པ་ནི། དྲི་བཟང་དང་སྦྱར་བའི་ཆུས་ཁ་བཤལ་ལ་ལྷག་མ་རྒྱབ་ཏུ་དོར་བ་སྒོ་གསུམ་གྱི་ཉེས་པའི་ཚོགས་སྤྱི་དང་ཁྱད་པར་ངག་གི་ཉེས་སྐྱོན་ཐམས་ཅད་ལྷག་མེད་དུ་བྱང་བའི་མོས་པ་མཛོད། །ཨོཾ་ཧྲཱིཿབི་ཤུདྡྷ་སརྦ་དྷརྨ་སརྦ་པ་པཾ་ནིཤྩ་སརྦ་བི་ཀལྤཱ་ན་ཨ་པ་ན་ཡ་ཧཱུྃ༔ ཞེས་དུང་ཞལ་གྱི་ཆུ་སྦྱིན་ལ་ཁ་བཤལ། བཞི་པ་སྲུང་སྐུད་འདོག་པ་ལ། སྐུད་པ་དམར་པོ་སུམ་བསྒྲིལ་རྡོ་རྗེའི་མདུད་པ་གསུམ་བཏབ་པས་ལས་སྔགས་བཟླས་པས་བྱིན་བརླབས། བྱིན་གྱིས་བརླབ་པའི་རྡོ་རྗེའི་མདུད་པ་འདི་ཉིད་ཕོ་ཡི་དཔུང་པ་གཡོན་དང་མོ་ཡི་གཡས་སུ་བཅིངས་པས་སྒོ་གསུམ་ལ་བར་དུ་གཅོད་པའི་ཚོགས་སྤྱི་དང་ཁྱད་པར་ཁམས་འཕོ་བའི་གེགས་ལས་སྲུང་བར་བྱས་པར་མོས་ཤིག །ལས་སྔགས་བཟླ་བཞིན་དུ་འཆིངས། མདུད་མཚམས་རྡོ་རྗེ་བཞག་ལ། བཛྲ་རཀྴ་ཞེས་བརྟན་པར་བྱ། ལྔ་པ་ཀུ་ཤ་སྦྱིན་པ་ལ། ཀུ་ཤའི་ཕོན་པོ་ཆེ་ཆུང་གཉིས་བསང༌། དྷི་དང་ཧ་ལས་སྐྱེས་པའི་ཀུ་ཤའི་ཆུན་པོ་ཆུང་བ་སྔས་དང་ཆེ་བ་སྟན་གྱི་དོན་དུ་ཟུངས་ཤིག །དྲི་མེད་ཡིད་འོང་དག་པའི་རྩྭ༔ བྱང་ཆུབ་མཆོག་གི་རྡོ་རྗེའི་སྟན༔ སྔས་དང་སྟན་དུ་སྦྱིན་པ་ཡིས༔ རྨི་ལམ་ལྟས་ཀུན་གསལ་བར་ཤོག༔ དྷཱི་ཧ་བཛྲ་ཨཱ་ས་ན་ས་མ་ཡ་སྟྭྃ༔ ཞེས་ལག་གཡས་གཡོན་དུ་སྦྱིན། ཕྱིར་མི་ལྡོག་པའི་སླད་དུ་ཟབ་མོའི་ཆོས་བཤད་ཅིང་སྤྲོ་བ་བསྐྱེད་ལ་གདམས་ངག་བརྗོད་པ་ལགས་པས་འདི་ལ་གསན་འཚལ། འཇིག་རྟེན་ཁམས་ནི་ཐམས་ཅད་དུ༔ འདྲེན་པ་སངས་རྒྱས་འབྱུང་བ་དང་༔ ཆོས་དང་འཕགས་པའི་ཚོགས་དཀོན་ཏེ༔ དེ་ལས་ཀྱང་ནི་རྡོ་རྗེའི་ཐེག༔ ཟབ་མོ་སྟོན་དང་སྒྲུབ་པ་ནི༔ མ་བྱུང་འབྱུང་བར་ཤིན་ཏུ་དཀའ༔ བསམ་པ་བློ་གྲོས་དྲི་མེད་པའི༔ སྣོད་དུ་གྱུར་པ་རྙེད་པ་གང་༔ ཚུལ་ཆེན་འདི་ལས་མི་འདའ་ན༔ དཀྱིལ་འཁོར་མཐོང་བ་ཙམ་གྱིས་ཀྱང་༔ བསྐལ་མང་སྡིག་སྒྲིབ་ཟད་བྱེད་ཕྱིར༔ ཚུལ་བཞིན་དབང་བླང་དམ་ཚིག་དང་༔ སྡོམ་པར་ལྡན་ན་སྨོས་ཅི་དགོས༔ དེ་བས་གཞན་དོན་སངས་རྒྱས་ཀྱི༔ གོ་འཕང་མཆོག་ཏུ་དོན་གཉེར་བས༔ རྡོ་རྗེའི་ལམ་འདི་བླང་བར་གྱིས༔ ཞེས་དང༌། བུ་ཀྱཻ་ཀུ་ཤའི་སྔས་སྟན་ལ༔ གཙང་ཞིང་དགེ་བའི་སེམས་ཀྱིས་ཉོལ༔ རྨི་ལམ་ཡུལ་དུ་གང་མཐོང་བ༔ ནང་པར་སྨོས་ཤིག་ལུང་བསྟན་འགྱུར༔ དོ་ནུབ་སྔར་བྱིན་པའི་ཀུ་ཤའི་སྔས་དང་སྟན་ལ་བླ་མ་དང་དཀྱིལ་འཁོར་པ་ལ་མགོ་ཕྱོགས་ཏེ་ཉོལ་ལ་ཐོ་རང་རྨི་ལམ་གང་བྱུང་བ་དེ་བདག་ལ་སྨྲོས་ཤིག །དེ་དག་གི་སྔོན་འགྲོ་སྟ་གོན་གྱི་བྱ་བ་རྣམས་གྲུབ་པ་ལགས་པས་དགེ་བ་གཞན་དོན་དུ་བསྔོ་བར་ཞུ། །ཞེས་དགེ་བསྔོ་བྱས་ལ་སློབ་མ་རྣམས་གྱེས། སློབ་དཔོན་གྱིས་བདག་བསྐྱེད་བསྡུ་ལྡང་བསྔོ་སྨོན་བྱས་པས་གྲུབ་བོ།

།གཉིས་པ་དངོས་གཞི་དབང་དོན་སྒྲུབ་ཅིང་མཆོད་བསྙེན་ལ་གཉིས། དཀྱིལ་འཁོར་དང་དབང་རྫས་བཀོད་པ། དབང་དོན་སྒྲུབ་ཅིང་མཆོད་པའོ། དང་པོ་ནི་སྟེགས་བུའི་སྟེང་རས་བྲིས་ཀྱི་དཀྱིལ་འཁོར་མཚན་ཉིད་དང་ལྡན་པ་བཀྲམ། ཅིས་ཀྱང་མ་འབྱོར་ན་གོང་དུ་སྨོས་པ་ལྟར་འབྲུའི་ཚོམ་བུ་ལྷ་གྲངས་བཀོད་པའི་དབུས་སུ་མཉྫའི་ཁར་སྟ་གོན་བྱས་པའི་རྣམ་བུམ་བཞག །ཤར་དུ་དབུ་རྒྱན། ལྷོར་རྡོ་རྗེ། ནུབ་ཏུ་དྲིལ་བུ། བྱང་དུ་རྡོ་དྲིལ་ལྷན་ཅིག་པ། དབུས་སུ་ཀུན་བཟང༌། བཀའ་བབ་རིག་འཛིན་བརྒྱད། བཀའ་བརྒྱད་དཔལ་དགུ། ཐོད་ཕྲེང་སྡེ་ལྔ། གུ་རུ་མཚན་བརྒྱད་བཅས་ཀྱི་ལྷ་ཙཀ་ལྷ་དབང་ཡེ་ཤེས་ཆར་འབེབས་ལྟར། མཚམས་རྣམས་སུ་གསང་དབང་ཐོད་པ་ཆང་དང་ཨ་མྲྀ་ཏ་མངར་གསུམ་སྦྱར་བས་བཀང་བ། རིག་ཙཀ །མེ་ལོང༌། ཤེལ་རྡོ། སྒྲུབ་པོད། དུང་དཀར། དྲིལ་བུ། འཁོར་ལོ། སེང་ཁྲི་སོགས་སློབ་མ་མངའ་གསོལ་ཆས། དབང་གཏོར་རི་རབ་རིན་ཆེན་ཟུར་བརྒྱད་ཉི་ཟླའི་སྟེང་བླ་གཏོར་རྒྱན་སྤྲོས་ཙཀ་གདུགས་ཅན། སྨན་རག །ཆུ་གཉིས་ཉེར་སྤྱོད་བསྐོར་བཤམ། ལས་བུམ། སྔོན་འགྲོ་བགེགས་གཏོར། ཚོགས་ཀྱི་ཡོ་བྱད། སྲུང་མའི་མཆོད་གཏོར། ཆད་བརྟན་སོགས་ལས་བྱང་ལ་དགོས་པ་དང༌། མིག་དར། མེ་ཏོག །མིག་ཐུར། ཕྱག་ཤིང༌། མཎྜལ་སོགས་ཉེ་བར་མཁོ་བའི་ཡོ་བྱད་རྣམས་གཞུང་ལྟར་ཚོགས་པར་བྱའོ། །གཉིས་པ་དབང་དོན་སྒྲུབ་མཆོད་ནི། གསོལ་འདེབས་བྱིན་རླབས་མྱུར་ལམ་དང༌། བརྒྱུད་འདེབས་བྱིན་རླབས་སྤྲིན་ཕུང་སྔོན་དུ་འགྲོ་བས་ཕྱི་སྒྲུབ་སྒྱུ་འཕྲུལ་དྲྭ་བའི་སྐྱབས་སེམས་ནས་བརྩམས་བདག་མདུན་དབྱེར་མེད་དུ་བསྐྱེད་ལ་བསྟོད་པའི་གླུས་བསྟོད། བྷྲཱུྃ་བི་ཤྭ་བི་ཤུདྡྷེ། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ་ཕཊ་ཛཿ ཞེས་པས་ཛབ྄་ཁང་ཕྱེས་ལ་བདག་མདུན་གཉིས་ཀར་དམིགས་ཏེ་བསྙེན་བཟླས་ཅི་འགྲུབ། སྒྲུབ་པའི་བཟླས་པ་ཐོད་ཕྲེང་རྩལ། དངོས་གཞི་བྱས་ལ་ཅི་མང་དང༌། ཧཱུྃ་བཟླས་ཁྱུགས་ཙམ་དང༌། བུམ་བཟླས་དམིགས་བསལ་ཅི་འགྲུབ་དང༌། ཁ་སྐོང༌། སྟོང་ཚིག་བུམ་ལྷ་འོད་ཞུ། ལས་བུམ་སྒྲུབ་བཟླས། བཀའ་གཏེར་སྲུང་མའི་གཏོར་ཆོག་རྒྱས་བསྡུས་སྐབས་བསྟུན། དམིགས་གསལ་བཀའ་སྲུང་གསོལ་མཆོད་རྡོ་རྗེའི་དྲྭ་བ་སྦྱར། ཚོགས་བྱིན་བརླབས་ནས་རོལ་པའི་བར་ཟུར་བྱང་ལྟར་སྦྱར། བསྐང་བཤགས་རྒྱས་བསྡུས་གང་འགྲུབ་བཏང༌།

གཉིས་པ་ལ་བདག་ཉིད་འཇུག་པ་དང༌། སློབ་མ་གཞུག་པ་གཉིས་ལས། དང་པོ་ནི། རང་རྒྱུད་ཀྱི་སྔགས་སྡོམ་དག་པ་དང༌། ཉམས་ཆགས་བྱང་བ། བསྒོམ་དང་ཡེ་ཤེས་ཀྱི་སྟོབས་འཕེལ་བ་སོགས་ཀྱི་དགོས་པས་བདག་འཇུག་འདི་ནི་ཤིན་ཏུ་གལ་ཆེ་བར་གསུངས་པས་སློབ་མ་ལ་ཇི་ལྟར་བསྐུར་བ་ལྟར་རྒྱས་པའམ། དབང་བཞི་ཡེ་ཤེས་དཔལ་སྟེར་ལ། སྐུ་གསུང་ཐུགས་ཀྱི་བྱིན་རླབས་སྦྱར་བ་ལྟ་བུའི་དོན་དབང་གི་ཚུལ་དུ་བྱས་ལ། མི་ནུས་ན་རིག་པའི་མེ་ཏོག་དོར་བ་ནི་སྔ་འགྱུར་རྒྱུད་སྡེ་ནས་འབྱུང་ཞིང་གྲུབ་བརྙེས་རིག་པ་འཛིན་པའི་ཕྱག་བཞེས་ཡིན་པས་འགལ་བ་མེད་ཅིང༌། སྤྱིར་རྡོ་རྗེ་སློབ་དཔོན་ཕྱི་ནང་གི་ལྟ་དགོངས་དང་མཚམས་པ་གཅེས་སོ། །གཉིས་པ་སློབ་མ་གཞུག་པ་ལ། སྔོན་དངོས་རྗེས་གསུམ་ལས། དང་པོ་སྔོན་འགྲོ་ཕྱི་ནང་གི་འཇུག་པའི་ཆོས་ནི། དཀྱིལ་འཁོར་ཡོལ་བས་སྒྲིབས། སྔར་སྟ་གོན་བྱས་པའི་སློབ་མ་རྣམས་བོས་ལ་སྒོའི་ཕྱི་རོལ་དུ་ཁྲུས་བྱ། བགེགས་གཏོར་བཏང༌། བཀའ་སྒོ། དྲག་སྔགས་རོལ་མོ་གུལ་ཡུངས་བཅས་བགེགས་སྐྲད། སྲུང་འཁོར་བཅིངས་ལ་མཚམས་བཅད། ནང་དུ་གྲལ་ལ་འཁོད་ནས་མེ་ཏོག་བཀྱེ་བསྡུས་སེམས་བསྐྱེད་གསལ་གདབ་སྐབས་སུ་བབས་པའི་ཆོས་བཤད་ཇི་ལྟར་རིགས་པ་དང་ཁྱད་པར་གྱི་ལོ་རྒྱུས། དེ་ཡང་བླ་མ་དགོངས་པ་འདུས་པའི་སྐུ་རྒྱུད་ཤེལ་གྱི་རི་བོ་ལས། དྲི་མེད་མཚོ་གླིང་གེ་སར་རྒྱས་པའི་སྟེང་༔ མངལ་གྱིས་མ་གོས་པདྨ་བཛྲ་རྩལ༔ བདེ་བའི་རོ་འབྱིན་ལྷ་ལྕམ་མནྡ་ར༔ ཐབས་ཤེས་བདེ་སྟོང་གར་གྱི་དབང་ཕྱུག་མཆོག༔ རྒྱལ་བ་ཡོངས་ཀྱི་ཐུགས་བཅུད་འདུས་པ་སྟེ༔ དེ་ཡི་རྩལ་ལས་རྣམ་འཕྲུལ་དུ་མར་སྣང་༔ ཞེས་གསུངས་པ་ལྟར་རབ་འབྱམས་རྒྱལ་བ་མ་ལུས་པའི་ཐུགས་བདེ་སྟོང་གཉིས་སུ་མེད་པའི་ཡེ་ཤེས་ཆེན་པོའི་ཆོ་འཕྲུལ་ཆོས་སྐུ་འོད་གསལ་རྡོ་རྗེ་སྙིང་པོའི་ཞིང་དུ་ཐོག་མའི་མགོན་པོ་འོད་མི་འགྱུར་བ་དང་དགོངས་ཀློང་གཉིས་སུ་མ་མཆིས་པ་ཁྱད་པར་དྲུག་གིས་མངོན་པར་བྱང་ཆུབ་བརྙེས་པས་ཡེ་ཤེས་ནང་གསལ་དབྱིངས་རིག་འདུ་འབྲལ་མེད་པའི་ཆོས་ཉིད་དུ་གདོད་ནས་འཕོ་འགྱུར་མེད་པར་བཞུགས་ཤིང༌། གཞི་སྣང་འོད་གསལ་ཡེ་ཤེས་ཕྱིར་གསལ་གྱི་འཆར་ཆ་སྐུ་དང་ཡེ་ཤེས་ཀྱི་སྒྲོན་མ་ཆོས་ཀྱི་དབྱིངས་དང་མཉམ་པར་སྤྲོས་ཤིང་བཀོད་པའི་ཁྱབ་བདག་ཚངས་པ་རྔ་སྒྲ་རིགས་ལྔ་གངས་ཆེན་མཚོའི་འཕྲོ་གཞི་དྲུག་པའི་རིགས་ཀྱི་འཁོར་ལོས་བསྒྱུར་བ་པདྨ་ཀུན་ཏུ་འཆང་ཆེན་པོའི་མཁྱེན་བརྩེ་ནུས་པའི་ཡེ་ཤེས་སྒྱུ་འཕྲུལ་རྡོ་རྗེ་བཀོད་པའི་རོལ་མོ་འབྱམས་ཀླས་ཤིང་ཐུགས་རྗེ་རིག་རྩལ་ཀུན་ཏུ་ཁྱབ་པས་འགྲོ་འདུལ་སྤྲུལ་པའི་རོལ་རྩེད་ཕྱོགས་བཅུའི་ཞིང་དང་དུས་གསུམ་གདུལ་བྱའི་སྤྱོད་ཡུལ་དང་འཚམས་པར་རྟག་ཏུ་སྣང་ཞིང་སྟོན་པ་ལས། རེ་ཞིག་མི་མཇེད་འཇིག་རྟེན་གྱི་བཀོད་པའི་ཞིང་གཅིག་གི་ཁྱོན་དུ་ཡང་བླ་མ་སྐུ་གསུམ། ཐོད་ཕྲེང་རིགས་ལྔ། སྤྲུལ་པའི་གུ་རུ་མཚན་བརྒྱད། འཕྲུལ་མཚན་ཉི་ཤུ། མདོ་སྔགས་ཀྱི་སྟོན་པ་བརྒྱ་རྩ། འགྲོ་འདུལ་གུ་རུ་རིགས་དྲུག་ལ་སོགས་པ་སྐུ་དང་མཚན་གྱི་བཀོད་པ་དུ་མ་ཞིག་སྟོན་པར་གྲགས་ཏེ་པདྨ་བཀའ་ཡི་ཐང་ཡིག་ལས། ཆོས་དབྱིངས་གནས་སུ་ཀུན་ཏུ་བཟང་པོ་དང་༔ སྟུག་པོ་བཀོད་པར་རྡོ་རྗེ་འཆང་ཆེན་པོ༔ རྡོ་རྗེ་གདན་དུ་ཐུབ་པ་ཆེན་པོ་ཉིད༔ གཉིས་མེད་པདྨ་ང་རུ་ལྷུན་གྱི་གྲུབ༔ འགྲོ་དོན་ཀུན་ལ་བྱིན་རླབས་རྨད་པོ་ཆེ༔ ཞེས་གསུངས་པས་མཚོན་ནང་གི་རྣམ་ཐར་གྱི་གསང་བ་སངས་རྒྱས་དངོས་དང་རྣམ་དབྱེར་མ་མཆིས་ཤིང་མཛད་པའི་ཕྲིན་ལས་ཀྱིས་གདུལ་དཀའ་འདུལ་བ་དང་བོད་འབངས་ཡོངས་ལ་བཀའ་དྲིན་ནི་སངས་རྒྱས་ལས་ཀྱང་ལྷག་པའི་མགོན་པོ་དེ་ཉིད་ཀྱི་རྩོད་དུས་ཕྱི་མའི་འགྲོ་བ་སྐྱོབས་པའི་བཙས་སུ་ཟབ་གཏེར་གྱི་ཆོས་དང་སྟོན་པས་དུས་བབས་ཀྱི་གདུལ་བྱ་གང་ལ་གང་འདུལ་གྱི་མཛད་པས་དབུགས་དབྱུང་བའི་ཐུགས་རྗེས་རྗེས་སུ་བསྐུལ་བའི་ལས་ཅན་ཐུགས་སྲས་རྗེ་འབངས་ཀུན་ལས་སྔོན་གྱི་སྨོན་ལམ་གྱི་མཐུ་བཙན་པ་ནི་ལྷ་བཙན་པོ་ཁྲི་སྲོང་ལྡེའུ་བཙན་ཉིད་ཡིན་ལ་དེའི་སྐུ་གསུང་ཐུགས་ཀྱི་སྤྲུལ་བསྒྱུར་དག་དང་མ་དག་ཅིར་ཡང་སྟོན་ཅིང་ཐམས་ཅད་དཔལ་ཨོ་རྒྱན་ཆོས་ཀྱི་རྒྱལ་པོས་རྗེས་སུ་བཟུང་ཞིང་བྱང་ཆུབ་ཀྱི་སྤྱོད་པ་རྒྱ་མཚོ་རྫོགས་སྨིན་སྦྱངས་མཐར་སོན་པས་སྟོན་འཁོར་དགོངས་ཀློང་གཅིག་ཏུ་འདྲེས་པས་དོན་གཉིས་ལྷུན་གྱིས་གྲུབ་པས་མངོན་སངས་རྒྱས་པར་ལུང་བསྟན་པ་བཞིན་དེང་དུས་འདིར་ཡང༌། མངའ་བདག་ཆོས་ཀྱི་རྒྱལ་པོའི་སྐུ། རང་བྱུང་སངས་རྒྱས་པདྨའི་གསུང༌། གནུབ་བན་ནམ་མཁའི་སྙིང་པོའི་ཐུགས། པན་ཆེན་བི་མ་ལ་མི་ཏྲའི་ཡོན་ཏན། ལང་གྲོ་ལོ་ཙཱ་ཆེན་པོའི་ཕྲིན་ལས་རྣམས་གཅིག་ཏུ་བསྡུས་པའི་བདག་ཉིད་ཆེན་པོ། མཁས་ཤིང་གྲུབ་པ་བརྙེས་པའི་ཚོགས་རྗེ། གངས་ཅན་རིས་མེད་བསྟན་པའི་ཤིང་རྟ་འཇམ་དབྱངས་མཁྱེན་བརྩེ་དབང་པོ་གང་ཉིད་ལ་ཐུགས་དྲན་ཟིན་ཙམ་ནས་ལྷ་དང་བླ་མ་རིག་འཛིན་ཌཱ་ཀིའི་བྱིན་གྱིས་བརླབས་པའི་དག་སྣང་འདུ་འབྲལ་མེད་ཅིང༌། དགུང་གྲངས་བཅུ་གསུམ་དུ་ཕེབས་པའི་སྐབས་སློབ་དཔོན་ཆེན་པོ་འཇམ་དཔལ་བཤེས་གཉེན་གྱིས་རྗེས་སུ་བཟུང་བའི་རྐྱེན་ལས་འཇམ་དཔལ་སྙིང་ཐིག་སྒྲོན་མ་བདུན་པ་ཐུགས་གཏེར་དུ་བརྡོལ་ཞིང་གཟུངས་སྤོབས་ཏིང་ངེ་འཛིན་མཐའ་ཡས་པ་ལ་དབང་ཐོབ། དཔལ་ཨོ་རྒྱན་ཆོས་ཀྱི་རྒྱལ་པོ་ཡབ་ཡུམ་གྱིས་བཀའ་བབས་ཆེན་པོ་བདུན་གྱི་མངའ་བདག་ཏུ་དབང་བསྐུར། ལུང་བསྟན་པའི་བདེན་དོན་མངོན་དུ་གྱུར་པས་དུས་ཀྱི་ཐ་མར་སངས་རྒྱས་གཉིས་པ་མངོན་སུམ་དུ་གྲུབ་སྟེ་ཛམ་གླིང་ཡོངས་ལ་རྩོད་མེད་ཉི་ཟླ་ལྟར་གྲགས་ཤིང་ཁྱད་པར་མངའ་བདག་ཁུ་དབོན། མངའ་རིས་པཎ་ཆེན། ཀུན་མཁྱེན་འཇིགས་མེད་གླིང་པ་སོགས་ཀྱི་སྐུའི་སྐྱེ་བ་སྔ་མའི་རྣམ་ཐར་ཁར་སང་གི་མཛད་པ་དེ་རིང་གསལ་བ་ལྟ་བུའི་སྔོན་གནས་རྗེས་དྲན་གྱི་ཡེ་ཤེས་ཆེན་པོའི་མཐུ་ཐོབ་པས། རིག་འཛིན་འཇིགས་མེད་གླིང་པ་ལ་ཆོས་སྐུ་ཡེ་ཤེས་ཀྱི་མཁའ་འགྲོས་རང་བྱུང་སྤྲུལ་པའི་ཤོག་སེར་ཧྲིལ་མོ་ལྔ་གཏད་པའི་ཆོས་སྡེའི་བྱེ་བྲག

།བཀའ་བབས་བདུན་གྱི་བཞི་པ། རྩ་གསུམ་འོད་གསལ་སྙིང་ཐིག་འདི་ཉིད་རྗེ་བཙུན་ཐམས་ཅད་མཁྱེན་གཟིགས་དགུང་གྲངས་བཅུ་དྲུག་པའི་སྐབས་དགོངས་ཀློང་ཡེ་ཤེས་ཀྱི་གསང་མཛོད་ལས་བརྡོལ་བ་ཐུགས་ཉམས་སུ་བཞེས་ཏེ་རིང་དུ་གསང་བས་རྒྱས་བཏབ། བསྟན་འགྲོར་ཕན་བདེའི་ཕྲིན་ལས་ཀྱི་སྒོ་མཐའ་དག་གི་གསོས་སྨན་དུ་མཛད། དུས་སུ་བབ་པ་ན་སྤྲུལ་པའི་ལོ་ཆེན་བཻ་རོ་དངོས་བྱོན་རྒྱལ་བས་ལུང་བསྟན་འཇམ་པའི་རྡོ་རྗེ་པདྨ་གར་དབང་གི་བཀའ་ཡི་ལྡེའུ་མིག་གིས་རྗེས་སུ་བསྐུལ་བའི་རྟེན་འབྱུང་ཕུན་སུམ་ཚོགས་པས་མཚམས་སྦྱར་ནས། དགུང་གྲངས་ལྔ་བཅུར་ཕེབས་པ་ལྕགས་ལུགས་ཆོ་འཕྲུལ་ཟླ་བའི་དཀར་ཕྱོགས་ཀྱི་ཚེས་བཅུར་གཏན་ལ་ཕབ་ནས་ཐོག་མའི་ཆོས་སྒོ་དབྱེ་བར་མཛད་ཅིང༌། རྗེ་དེས་ཀྱང་དཔལ་གཉགས་ལོ་ཆེན་པོའི་རྣམ་འཕྲུལ་ཀཿཐོག་སི་ཏུ་པཎྜི་ཏ་ཆོས་ཀྱི་རྒྱ་མཚོ་འཇིག་རྟེན་དབང་ཕྱུག་དཔལ་ཀརྨ་པ་མཁའ་ཁྱབ་རྡོ་རྗེ། མཁས་དབང་རྡོ་རྗེ་འཛིན་པ་བཀྲ་ཤིས་ཆོས་འཕེལ་སོགས་ལ་སྩལ་ཏེ་འོད་གསལ་རྡོ་རྗེ་སྙིང་པོའི་བསྟན་པ་རིན་པོ་ཆེའི་གཅེས་ནོར་དུ་བཞུགས་པ་ལ་བླ་མ་སྐུ་གསུམ་སྤྱི་དང༌། རྩ་གསུམ་བྱེ་བྲག་གི་སྒྲུབ་ཚུལ་གཉིས་ལས། དང་པོ་ལའང་ཕྱི་ནང་གསང་བ་ཡང་གསང་གི་སྒྲུབ་ཐབས་བཞི་ལས། འདིར་ནི་ཕྱི་སྒྲུབ་སྒྱུ་འཕྲུལ་དྲྭ་བ་སྟེ་གཞུང་ལས། རྩ་གསུམ་འཆི་མེད་ཐོད་ཕྲེང་རྩལ༔ བསྙེན་ཅིང་སྒྲུབ་པའི་ལས་ཀྱི་རིམ༔ ཤིན་ཏུ་ཟབ་པའི་མཐར་ཐུག་འདི༔ འདས་དུས་བཀྲ་ཤིས་བྲག་གི་ཕུག༔ མཱ་ར་ཏི་ཀའི་ཚོགས་ཁང་དུ༔ རིགས་སྲས་གྲུབ་པའི་རྣལ་འབྱོར་དང་༔ དཔའ་བོ་ཌཱ་ཀའི་དོན་དུ་བསྟན༔ ད་ལྟ་ལས་ཅན་དག་པའི་འཁོར༔ མངའ་བདག་རྗེ་འབངས་གྲོགས་བཅས་ལ༔ སྨིན་ཅིང་གྲོལ་བའི་སྒོ་འཕར་དབྱེ༔ མ་འོངས་ལྔ་བརྒྱའི་ཐ་མ་རུ༔ ཟབ་མོའི་ལམ་རྣམས་འཆལ་གྱུར་ཞིང་༔ ངེས་དོན་རྟོག་གེའི་ཚིག་ལ་རེ༔ བློ་ཡིས་མཚོན་པའི་སྟོང་ལྟ་ཡིས༔ བདེན་གཉིས་རྒྱུ་འབྲས་ཁྱད་དུ་བསད༔ བོད་ཁམས་སྡུག་བསྔལ་གསུམ་གྱིས་མནར༔ དེ་ཡི་ཚེ་ན་བདག་ཉིད་དང་༔ འཇམ་དཔལ་ཆོས་ཀྱི་བཤེས་གཉེན་གྱིས༔ བྱིན་གྱིས་བརླབ་པའི་སྙིང་གི་བུ༔ འོད་གསལ་སྤྲུལ་པའི་རྡོ་རྗེའི་དོན༔ རིག་པ་དབྱིངས་ཀྱི་སྒྲོམ་བུར་སྦས༔ ནམ་ཞིག་རྟེན་འབྲེལ་དུས་བབ་ཚེ༔ ཡང་གསང་སྙིང་གི་ཐིག་ལེའི་སྐོར༔ རྒྱ་ཆེར་བཤད་དང་སྒྲུབ་པའི་མཐུས༔ གངས་ཅན་སྐྱེ་འགྲོ་བདེ་བས་འཚོ༔ འབྲེལ་ཚད་གཏན་བདེའི་ས་ལ་བཀོད༔ ཞེས་རྡོ་རྗེའི་ཚིག་གི་བསྔགས་པའི་དོན་བཞིན་ཐོད་ཕྲེང་རིགས་ལྔ་གུ་རུ་མཚན་བརྒྱད་སྤྱི་དྲིལ་དུ་སྒྲུབ་པའི་དབང་བསྐུར་འབོག་པ་སྟེ་དེ་ལའང་སྨིན་བྱེད་རྒྱས་འབྲིང་བསྡུས་པ་གཏོར་དབང་མཐའ་བརྟེན་དང་བཅས་ལྔ་ལས། དབང་བསྐུར་རྒྱས་པར་བྱ་བ་སྐབས་སུ་བབས་པ་ཡིན་ལ། དེ་ལ་ཡང་སྔོན་འགྲོ་ལྷག་གནས་གསུམ་དང༌། ཕྱི་ནང་གི་འཇུག་པ་གཉིས། དངོས་གཞི་ཕན་ནུས་ཟབ་དབང་དང་བཅས་པ། རྗེས་གཏད་རྒྱ་སོགས་ཞིབ་རྒྱས་ཀྱི་ཐོག་མར་དབང་གིས་སྒོ་འབྱེད་པ་གལ་ཆེ་བའི་ཕྱིར་ཐུན་མོང་སྨིན་བྱེད་ཡེ་ཤེས་ཐིག་ལེ་དང༌། ཟབ་མོའི་དབང་བཞི་ཡེ་ཤེས་དཔལ་སྟེར་དགོངས་པ་གུང་བསྒྲིལ་གྱིས་འབུལ་བ་ལ་བདག་ཉིད་ཀྱིས་བགྱི་འོས་རྣམས་གྲུབ་ནས། ཁྱེད་རང་སློབ་མ་རྣམས་ཀྱི་ངོ་སྐལ་དུ་གྱུར་པ་ལ་དཀྱིལ་འཁོར་དུ་འཇུག་པའི་རིམ་པ་དང༌། ཞུགས་ནས་མངོན་པར་དབང་བསྐུར་བ་གཉིས་སུ་ཡོད་པ་ལས། ཐོག་མར་འཇུག་པའི་སྐབས་ཡིན། དེ་ལའང་ཕྱི་མཚན་མའི་དཀྱིལ་འཁོར་དུ་འཇུག་པ་དང༌། ནང་ཡེ་ཤེས་ཀྱི་དཀྱིལ་འཁོར་དུ་འཇུག་པ་གཉིས་ལས། དང་པོའི་ཡན་ལག་ཁྲུས་དང༌། བགེགས་བསལ་བ་སོགས་སོང་ནས་འཇུག་པའི་ཆོས་རྣམས་ཞུ་བའི་དོན་དུ་དམིགས་ཏེ་མཎྜལ་དབུལ་བར་ཞུ། ཞེས་མཚམས་སྦྱར་ནས་མཎྜལ་འབུལ་དུ་གཞུག །མཚམས་སྦྱོར་སྤྱི་ལྟར་བྱས་ལ་མིག་དར་གྱི་གདོང་དགབ་ཅིང་མེ་ཏོག་གཏད་ལ། བླ་མ་དང་དཀྱིལ་འཁོར་གྱི་གཙོ་བོ་གཉིས་སུ་མེད་པ་ལ་དད་མོས་གདུང་ཤུགས་དྲག་པོས་པུས་བཙུགས་ཐལ་སྦྱར་དང་བཅས་གསོལ་བ་འདེབས་པ་འདིའི་རྗེས་ཟློས་མཛོད། སངས་རྒྱས་ཀུན་གྱི་ཡེ་ཤེས་སྐུ༔ རྡོ་རྗེ་སློབ་དཔོན་དགོངས་སུ་གསོལ༔ བདག་ཅག་འཁོར་བ་ལས་བསྒྲལ་ཕྱིར༔ དཀྱིལ་འཁོར་ཆེན་པོར་འཇུག་པར་འཚལ༔ ལན་གསུམ། སློབ་དཔོན་གྱིས། གསང་བ་བླ་མེད་དཀྱིལ་འཁོར་འདིར༔ སྨིན་པའི་དབང་མཆོག་དོན་གཉེར་ན༔ དབང་སྲོག་དམ་ཚིག་རྒྱ་མཚོའི་གནས༔ སྲོག་ལ་བབས་ཀྱང་སྲུང་ནུས་སམ༔ ཞེས་དྲིས་པའི་ལན་གསོལ་བ་འདིས་རྗེས་ཟློས་མཛོད། ལྷ་དང་དབྱེར་མེད་སློབ་དཔོན་གྱི༔ བཀའ་བཞིན་རྗེས་སུ་སྒྲུབ་ལགས་ཀྱིས༔ སོ་ཐར་བྱང་སེམས་རིག་འཛིན་གྱི༔ སྡོམ་པས་བདག་རྒྱུད་གཏམ་པར་མཛོད༔ ཞེས་གསོལ་བ་ལ་སློབ་དཔོན་གྱིས་གནང་བ་སྦྱིན་པ་ནི། དུས་གསུམ་གཤེགས་པའི་སངས་རྒྱས་ཀུན༔ རྡོ་རྗེའི་ལམ་མཆོག་འདི་ལ་བརྟེན༔ དེ་ཕྱིར་གསང་ཆེན་དཀྱིལ་འཁོར་འདིར༔ བུ་ཁྱོད་འཇུག་ཅིང་སྨིན་པར་བྱ༔ ཞེས་གནང་བ་སྦྱིན།

དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ། སྐྱབས་ཀྱི་ཡུལ་མདུན་གྱི་ནམ་མཁར་འཆི་མེད་པདྨ་ཐོད་ཕྲེང་རིག་འཛིན་སྒྱུ་འཕྲུལ་དྲྭ་བའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། སྐྱབས་བྱ་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྐྱབས་སུ་འགྲོ་ཚུལ་སྒོ་གསུམ་འཇུག་པ་གཅིག་པས། སྐྱབས་འགྲོའི་རྒྱུ་དེང་ནས་བྱང་ཆུབ་མ་ཐོབ་བར་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཏེ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་ཅི་མཛད་ཁྱེད་མཁྱེན་བློ་གཏད་ལིང་སྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས། ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཐོག་མེད་དུས་ནས་ཕ་མར་གྱུར་པའི་མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལས་འདས་པ་སྐུ་གསུམ་བླ་མའི་གོ་འཕང་ལ་བདེ་མྱུར་གྱིས་འགོད་པར་བྱ། དེའི་ཕྱིར་དུ་བླ་ན་མེད་པའི་དཀྱིལ་འཁོར་གཉན་པོ་འདིར་འཇུག་ཅིང་དབང་གིས་རྒྱུད་སྨིན་པར་བྱས་ནས་ལམ་རིམ་པ་གཉིས་ཀྱི་ཏིང་ངེ་འཛིན་དང་མ་བྲལ་བས་རྒྱལ་བའི་སྲས་ཀྱི་སྤྱོད་པ་རླབས་པོ་ཆེའི་རྗེས་སུ་སློབ་སྙམ་པས་སྨོན་འཇུག་གི་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་སྤྲུལ་ནས་སྒོ་གསུམ་གུས་པ་ཆེན་པོའི་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྡིག་ལྟུང་གི་བྱས་བསགས་ལ་འགྱོད་པའི་སེམས་ཀྱིས་བཤགས་སྡོམ་དང༌། ཚོགས་གཉིས་ཀྱི་དགེ་སྤྱོད་ལ་རྗེས་སུ་ཡི་རང་བ། ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་བཞུགས་པར་གསོལ་ཞིང་དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་རྗེས་ཟློས། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དབང་གི་ཡེ་ཤེས་སྐྱེ་བརྟན་གོང་འཕེལ་དུ་འགྱུར་བ་ལ་རྒྱུད་རྣམ་པར་དག་ཅིང་སྡོམ་པ་དང་ལྡན་དགོས་པས། ཚོགས་ཞིང་དེ་རྣམས་དཔང་པོར་བྱས་ཏེ་ཕྱི་སོ་སོ་ཐར་པའི་སྡོམ་པ། ནང་བྱང་ཆུབ་སེམས་ཀྱི་བསླབ་པ། གསང་བ་བླ་མེད་རྡོ་རྗེ་ཐེག་པའི་དམ་ཚིག་རྣམས་ལེགས་པར་བླངས་ནས་ཚུལ་བཞིན་བསྲུང་སྙམ་པས་འདིའི་རྗེས་ཟློས་མཛོད། རྩ་གསུམ་དཀྱིལ་འཁོར་ལྷ་ཚོགས་དང་༔ རྡོ་རྗེ་སློབ་དཔོན་དགོངས་སུ་གསོལ༔ རིག་པ་འཛིན་པ་བདག་གིས་ནི༔ དེང་ནས་བྱང་ཆུབ་སྙིང་པོའི་བར༔ ངེས་པར་འབྱུང་བས་རྒྱུད་བསྐུལ་ནས༔ ཕྱི་ནང་གསང་བ་བླ་མེད་པའི༔ མཆོག་གསུམ་སྐྱབས་ཀྱི་སྙིང་པོར་བཟུང་༔ ལུས་ངག་ཡིད་ཀྱིས་གཞན་རྣམས་ལ༔ གནོད་པའི་བསམ་སྦྱོར་ཡོངས་སྤངས་ཞིང་༔ བྱམས་དང་སྙིང་རྗེ་ཆེན་པོའི་བློས༔ ཕ་རོལ་ཕྱིན་པ་དྲུག་ལ་སོགས༔ ཕན་བདེའི་སྤྱོད་པ་རླབས་ཆེན་སྤྱད༔ མ་བསྒྲལ་བསྒྲལ་དང་མ་གྲོལ་སྒྲོལ༔ དབུགས་མ་ཕྱུངས་རྣམས་དབུགས་དབྱུང་ཞིང་༔ ཐམས་ཅད་སྲིད་ཞི་ལས་འདས་པའི༔ བླ་མེད་བྱང་ཆུབ་དམ་པར་འགོད༔ བདེ་གཤེགས་རྡོ་རྗེ་རིན་པོ་ཆེ༔ པདྨ་ལས་ཀྱི་སྡོམ་པ་དང་༔ ཡན་ལག་དམ་ཚིག་ཉི་ཤུ་ལྔ༔ རྩ་བ་སྐུ་གསུང་ཐུགས་ལ་སོགས༔ རྡོ་རྗེ་འཆང་གི་རྒྱུད་སྡེ་ལས༔ སྔགས་ཀྱི་འདུལ་བ་གང་གསུང་པ༔ གཙོ་བོས་བདག་ལ་བཀའ་དྲིན་མཛོད༔ ལན་གསུམ། །དེ་ནས་གསང་སྔགས་ནང་གི་རྡོ་རྗེའི་རྣལ་འབྱོར་དུ་སེམས་བསྐྱེད་ཐུན་མོང་མ་ཡིན་པ་ནི། ཁྱེད་རང་རྣམས་ཀྱི་སྙིང་གར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་གྱི་སྟེང་དུ་དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་རེས་མཚན་པར་སྒོམས་ལ་བདེན་གཉིས་དབྱེར་མེད་དུ་སེམས་བསྐྱེད་པར་མོས་པས་འདིའི་རྗེས་ཟློས། ཨོཾ་སརྦ་ཡོ་ག་ཙིཏྟ་ཨུཏྤ་ད་ཡཱ་མི། ལན་གསུམ། རྡོ་རྗེ་མེ་ཏོག་དང་བཅས་པ་སྙིང་གར་བཞག་ལ། སེམས་བསྐྱེད་པ་འདི་ཉིད་བརྟཻན་པར་བྱས་པར་མོས་ཤིག །སུ་ར་ཏེ་ས་མ་ཡ་སྟྭཾ་ཧོ་སིདྡྷི་བཛྲ་ཡ་ཐཱ་སུ་ཁྃ། གསང་བའི་དེ་ཁོ་ན་ཉིད་བསྒོ་བའི་དོན་ཐུགས་ལ་ངེས་པར་མཛོད་ཅིག ཧོཿ ཚུལ་ཆེན་གསང་བ་སྔགས་ཀྱི་ལམ༔ ཐབས་མཁས་ངོ་མཚར་སྤྱོད་པ་ནི༔ གཞན་དུ་སྨྲས་ན་ཉམས་པར་འགྱུར༔ དེ་ཕྱིར་གཞན་ལ་མ་སྨྲ་ཞིག༔ ཅེས་གདམས། དེ་ནས་དཀྱིལ་འཁོར་དུ་འཇུག་པ་དངོས་ལ། ཐོག་མར་ཕྱི་ལྟར་དུ་འཇུག་པར་གསོལ་བ་གདབ་པའི་ཕྱིར། སློབ་མ་རྣམས་དཀྱིལ་འཁོར་ཕྱི་རོལ་ཤར་སྒོའི་ཐད་དུ་འཁོད་པར་མོས་ལ་དེ་ཡང་དོན་དམ་ཡེ་ཤེས་ཀྱི་དཀྱིལ་འཁོར་དུ་ལྷ་དང་བདག་ཉིད་གཉིས་མེད་དུ་སྒྲུབ་པའི་ཕྱིར་འཇུག་པ་ལ་ཐོག་མར་ཀུན་རྫོབ་བྱང་ཆུབ་སེམས་ཀྱིས་རྒྱུད་སྦྱངས་བས་གཞི་གཟུང་དགོས་པ་མཚོན་ཕྱིར་གཞལ་ཡས་ཁང་གི་སྒོ་བཞིའི་ཕོ་ཉ་ལ་གསོལ་བ་གདབ་པ་འདིའི་རྗེས་ཟློས་མཛོད། ཧོཿ སྨོན་པ་ཚད་མེད་རྣམ་བཞིའི་དངོས༔ དཀྱིལ་འཁོར་ཆེན་པོའི་སྒོ་ཕྱེ་ནས༔ གཉིས་མེད་འཇུག་པའི་བྱང་ཆུབ་སེམས༔ ཡེ་ཤེས་ལྷ་ཚོགས་བསྟན་དུ་གསོལ༔ ལན་གསུམ། ཞེས་གསོལ་བ་བཏབ་པས་ཆོས་དབྱིངས་བདེ་བ་ཆེན་པོའི་ཡེ་ཤེས་དགའ་བ་བཞི་ཡི་རང་གཟུགས་དཀྱིལ་འཁོར་གྱི་སྒོ་མ་བཞིས་སྒོ་ཤག་གིས་ཕྱེ་བ་ལ་འཇུག་པས་གཞན་ཕན་ཕྲིན་ལས་རྣམ་བཞིས་འགྲོ་ཀུན་སྒྲོལ་ནུས་ཀྱི་རྟེན་འབྲེལ་མངོན་དུ་གྱུར་པར་མོས་མཛོད། བདེ་ཆེན་རོལ་པའི་དཀྱིལ་འཁོར་ནས༔ དགའ་བཞིའི་ཡེ་ཤེས་གཟུགས་འཆང་བ༔ གང་འདུལ་ཕྲིན་ལས་སྒོ་བ་བཞིས༔ སྐལ་བ་ལྡན་རྣམས་འཇུག་པར་འཚལ༔ ཛཿཧཱུྃ་བྃ་ཧོཿ ཞེས་ཡོལ་བ་བསལ། དེ་ལྟར་སྔགས་དང་ཕྱག་རྒྱས་སྒོ་ཕྱེས་ཏེ་ཁྱེད་རྣམས་ལས་ཀྱི་རྡོ་རྗེས་སྣ་དྲངས་ཏེ་དཀྱིལ་འཁོར་གྱི་ཤར་སྒོ་ནས་བརྩམས་ཏེ་གཡས་བསྐོར་དུ་རིམ་གྱིས་འཇུག་པས་ལྷ་ཚོགས་རྣམས་ཀྱི་སྐུ་གསུང་ཐུགས་ལ་ཕྱག་འཚལ་བའི་མོས་པས་ཐལ་མོ་གནས་གསུམ་དུ་སྦྱོར་ལ་སྔགས་འདི་ཡིས་རྗེས་ཟློས་མཛོད། ཨོཾ་ན་མ་ཏེ་ཧཱུྃ༔ ན་མ་མི་ཧཱུྃ༔ ན་མོ་ན་མ་ཧཱུྃ༔ ལན་བཞི། སླར་ཡང་ཤར་གྱི་སྒོ་དྲུང་དུ་སྣ་ཚོགས་རྡོ་རྗེའི་གདན་སྟེང་དུ་འཁོད་པ་ལ་དཀྱིལ་འཁོར་ནང་དུ་འཇུག་ནས་ལྷ་དང་སྐལ་མཉམ་དུ་སྒྲུབ་པའི་ཆོ་ག་དངོས་ནི་དབང་གི་ཆོ་གས་སྔགས་སྡོམ་འབོག་པ་སྟེ། དབང་སྲོག་རྒྱུད་ལ་འཛིན་པ་དམ་ཚིག་ལ་རགས་ལས་པས་ཚུལ་བཞིན་བསྲུང་བའི་ཕན་ཡོན། དེ་ལས་འདས་པའི་ཉེས་དམིགས། གཉིས་ཀ་དང་སློབ་དཔོན་བཀའ་གཉན་པར་བསྒྲགས་པའི་དམ་བཞག་བཞི་པོ་རིམ་པར་འབྱུང་བ་ལ་སྙན་གཏོད་ཅིག །རྡོ་རྗེ་སྤྱི་བོར་བཞག་ལ། ཧོཿ དེང་ཁྱོད་རང་སྣང་དཀྱིལ་འཁོར་ཆེར༔ མཆོག་ཏུ་གསང་བས་རབ་ཞུགས་ན༔ ཡེ་ཤེས་དངོས་གྲུབ་ཐོབ་འགྱུར་གྱི༔ གཞན་དུ་སྨྲས་པ་དེ་ལྟར་མིན༔ བཛྲ་གུ་ཧྱ་ས་མ་ཡ་ཧོཿ རྡོ་རྗེ་སྙིང་གར་བཞག་ལ། ཧོཿ གཉིས་མེད་ཡེ་ཤེས་རྡོ་རྗེ་སེམས༔ ཁྱེད་ཀྱི་སྙིང་དབུས་ཡང་དག་ཞུགས༔ ཚུལ་མིན་སྨྲས་ན་ཉམས་པར་འགྱུར༔ དེ་བས་གསང་ཆེན་ཐུབ་པར་གྱིས༔ བཛྲ་ས་ཏཱ་ཛྙཱ་ན་ས་མ་ཡ་ཨཱཿ ནང་མཆོད་སྦྱར་བའི་དུང་ཆུ་སྦྱིན་ལ། རྡོ་རྗེའི་དམ་ཚིག་བདུད་རྩིའི་ཆུ༔ འཐུངས་ཤིག་འཐུངས་ཤིག་སེམས་དཔའ་ཆེ༔ དམ་ཚིག་འདས་ན་སྲེག་བྱེད་ཅིང་༔ བསྲུང་ན་དངོས་གྲུབ་རྣམ་གཉིས་ཐོབ༔ བཛྲ་ཨ་མྲྀ་ཏ་ཨུ་ད་ཀ་ས་མ་ཡ་ཧོ༔ རྡོ་རྗེ་གདེངས་ཤིང་མགོར་བཞག་ལ། དེང་ནས་ཁྱོད་ཀྱི་ཧེ་རུ་ཀ༔ རྡོ་རྗེ་སློབ་དཔོན་ང་ཡིན་གྱི༔ ཇི་ལྟར་བསྒོ་བའི་ཐ་ཚིག་ལས༔ ནམ་ཡང་འདའ་བར་མ་བྱེད་ཅིག༔ བཛྲ་ས་མ་ཡ་རཀྵནྟུ༔

དེ་ནས་དངོས་གཞིའི་དབང་གི་གཞི་འགོད་པ་ལ་ཡེ་ཤེས་དབབ་པའི་དོན་དུ་གསོལ་བ་གདབ་པ་འདིའི་རྗེས་ཟློས་མཛོད། ཧོཿ རབ་འབྱམས་རྩ་གསུམ་ལྷ་ཚོགས་ཀྱི༔ རྡོ་རྗེའི་ཡེ་ཤེས་བདེ་བ་ཆེ༔ དེང་འདིར་བདག་ལ་དབབ་ནས་ཀྱང་༔ བྱིན་གྱིས་རླབས་པར་མཛད་དུ་གསོལ༔ ཞེས་གསོལ་བ་གདབ་པ་སྔོན་དུ་འགྲོ་བས་ཁྱེད་རྣམས་ལུས་གནད་དྲང་པོར་བསྲང༌། ངག་གནད་རླུང་ཁ་སྦྱོར་དུ་ཆིངས། སེམས་ཀྱི་གནད་ཚོགས་དྲུག་གི་ཡུལ་ལ་མ་ཡེངས་པར་དམིགས་པ་འདི་རྩེ་གཅིག་ཏུ་སྒོམས་ཤིག །ལས་སྔགས་ཀྱིས་བསང༌། ཨོཾ་མ་ཧཱ་ཤཱུ་ནྱ་ཏས་སྟོང་པར་སྦྱངས། གཟུང་འཛིན་གཉིས་བསྡུས་ཀྱི་ཆོས་ཐམས་ཅད་སྟོང་པར་གྱུར། སྟོང་པའི་ངང་ལས་སྣོད་རྣམ་པར་དག་པ་འོག་མིན་པདྨ་འོད་ཀྱི་ཞིང་ངོ་མཚར་གྱི་བཀོད་པ་རྒྱ་མཚོས་མཛེས་ཤིང་བལྟ་ན་སྡུག་པའི་གཞལ་ཡས་ཁང་གི་དབུས་སུ། བཅུད་རྣམ་པར་དག་པ་ཁྱེད་རྣམས་གང་དུ་གནས་པའི་གོ་སར་པདྨ་ཉི་ཟླའི་གདན་གྱི་སྟེང་དུ་རང་རིག་ཧཱུྃ་ཡིག་གི་རྣམ་པས་མཚན་པའི་རྡོ་རྗེ་རྩེ་ལྔ་པ་ཡོངས་སུ་གྱུར་པ་ལས། ཁྱེད་རྣམས་ཕྱོགས་དུས་རྒྱལ་བ་འདུས་པའི་སྤྱི་གཟུགས་སྐུ་ལྔ་ལྷུན་གྲུབ་རིག་འཛིན་ཆེ་མཆོག་ཆོས་སྐུ་རྡོ་རྗེ་འཆང་གསང་བ་འདུས་པ་སྐུ་མདོག་མཐིང་གསལ་ལས་བཞི་ལྷུན་གྲུབ་སྤྱན་གསུམ་ཞི་འཛུམ་ཡིད་ཙམ་ཁྲོ་ཆགས་སྒེག་པའི་ཉམས་འགྱུར་ཡོངས་སུ་རྫོགས་པ། སྐུ་གཅེར་བུ་དར་དང་རིན་ཆེན་རུས་པའི་རྒྱན་གྱིས་ཀླུབས་པ། ཕྱག་གཡས་རྡོ་རྗེ་ཐུགས་ཀར་གཏོད་ཅིང༌། གཡོན་དྲིལ་བུ་དཀུར་བརྟེན་ནས་ཡུམ་ལ་འཁྱུད་ཅིང་ཞབས་བརྐྱང་བསྐུམ་ཕྱེད་པའི་སྐྱིལ་ཀྲུང་ཅན། གསང་བའི་ཡུམ་མཆོག་མནྡཱ་ར་དམར་མོ་གཞོན་སྒེག་ལང་ཚོའི་ཚུལ་ཅན་གྲི་ཐོད་འཛིན་པ་དང་གཉིས་མེད་སྦྱོར་བའི་རིགས་ཀྱི་བདག་པོ་ཀུན་བཟང་ཡབ་ཡུམ་ལས་རིག་འཛིན་བླ་མའི་སྤྲིན་ཕུང་འཕྲོ་བ། སྐུ་ཡི་གནས་རྣམས་སུ་དཔལ་ཆེན་སྒྲུབ་སྡེ་བརྒྱད་ཀྱི་དཀྱིལ་འཁོར་དང་གནས་ཡུལ་གྱི་དཔའ་བོ་མཁའ་འགྲོ་འབུམ་ཕྲག་ཡངས་པའི་ཚོགས་ཡོངས་སུ་རྫོགས་པས་ཡི་དམ་ཌཱ་ཀིའི་ཚོགས་སྤྲོ་བསྡུའི་ཁྱབ་བདག་ཆེན་པོར་བཞུགས་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོས་མཚན་པ་གསལ། དེ་ནས་རྒྱུད་རྣམ་པར་དག་པ་ཡེ་ཤེས་ལྷའི་གཟི་བྱིན་དབབ་པའི་སླད་དུ་སློབ་དཔོན་དང་རྩ་གསུམ་དཀྱིལ་འཁོར་གྱི་ལྷ་ཚོགས་ལ་མོས་གུས་གདུང་ཤུགས་ཚད་མེད་པའི་རྡོ་རྗེའི་གླུ་གར་རོལ་མོས་བསྐུལ་བས། ཕྱོགས་བཅུ་དུས་བཞིའི་བླ་མ་ཡི་དམ་སངས་རྒྱས་བྱང་སེམས་དཔའ་བོ་རྣལ་འབྱོར་མའི་ལྷ་ཚོགས་རྣམས་ཀྱི་སྐུ་གསུང་ཐུགས་རྡོ་རྗེའི་ཡེ་ཤེས་ཆེན་པོའི་བྱིན་རླབས་དང་དངོས་གྲུབ་མ་ལུས་པ་སྐུ་ཕྱག་རྒྱའི་གར་སྟབས་ཤིགས་སེ། གསུང་སྔགས་ཀྱི་ཛབ྄་དབྱངས་བརྡ་གླུ། ཐུགས་བདེ་སྟོང་ཕྱག་རྒྱའི་རོལ་པས་ལྷ་སྔགས་ཕྱག་མཚན་གྱི་རྣམ་པ་དཔག་ཏུ་མེད་པ་ཆར་དྲག་ཏུ་བབས་པ་བཞིན་བྱོན་ནས་ཁྱེད་རང་རྣམས་ལ་དབྱེར་མེད་དུ་ཐིམ་པས་ལྷག་པའི་ཡེ་ཤེས་ཆེན་པོའི་གཟི་བྱིན་སྙིང་ལ་དབབ་སྟེ་གཉིས་སུ་མེད་པར་བྱིན་གྱི་རླབས་པར་མོས་མཛོད། འབེབས་རྫས་བསྲེགས། དབྱངས་དང་ཅང་ཏེའུ་དྲིལ་བུ་སོགས་རོལ་མོས་བསྐུལ་ལ། ཧཱུྃ་ཧྲཱི༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ བདེ་གཤེགས་ཀུན་འདུས་འཆི་མེད་ཐོད་ཕྲེང་རྩལ༔ མོས་པའི་གནས་འདིར་གདུང་བས་སྤྱན་འདྲེན་ན༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་རྗེས་བྱིན་གྱིས་བརླབ་ཕྱིར་གཤེགས་ནས་ཀྱང་༔ རྣལ་འབྱོར་སྒོ་གསུམ་རྡོ་རྗེའི་དབང་བསྐུར་ལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་སརྦ་དྷརྨ་པཱ་ལ་ཛྙཱ་ན་བཛྲ་ས་མ་ཡ་ཨཱ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཡང་ཡང་བརྗོད། སྒོ་གསུམ་བདེ་བ་ཆེན་པོའི་ཉམས་འབར་བ་སོགས་ཕེབས་པའི་རྟགས་བྱུང་ན་རྩོལ་མེད་དུ་བསྐྱང་དུ་གཞུག །དེ་ལྟར་ཕབ་པའི་ཡེ་ཤེས་པའི་བྱིན་རླབས་ཀྱི་རྒྱུན་སྒོ་གསུམ་ལ་རབ་ཏུ་གནས་པར་བྱས་པར་མོས་ཤིག །ཏིཥྛ་བཛྲས་རྡོ་རྗེ་སྤྱི་བོར་རྒྱ་གྲམ་དུ་བཞག །མེ་ཏོག་དོར་བའི་དཀྱིལ་འཁོར་འདུ་བྱས་ལ། ཁྱེད་རང་རྣམས་སྔར་བྱིན་པའི་མེ་ཏོག་དེ་ཉིད། ཡེ་ཤེས་ཀྱི་དཀྱིལ་འཁོར་ལ་གཙོ་འཁོར་རང་རྒྱུད་པའི་བཟང་ངན་གྱི་བྱེ་བྲག་མེད་ཀྱང་རྣམ་པ་རང་རང་གི་ཚེ་རབས་སྔོན་ནས་འབྲེལ་བའི་རིགས་གང་ཡིན་པའི་ལྷ་ལ་ཕོག་པར་ཤོག་ཅིག་སྙམ་པས་ཚིག་འདིའི་རྗེས་ཟློས་དང་བཅས་འདོར་བར་ཞུ༔ ཧོཿ རང་སྣང་རྣམ་དག་འོག་མིན་དུ༔ བདེ་ཆེན་རྡོ་རྗེའི་མཎྜ་ལར༔ རིག་པའི་མེ་ཏོག་འདི་དོར་བས༔ ལྷག་པའི་ལྷ་ལ་འབབ་པར་ཤོག༔ ཨོཾ་སརྦ་ཏ་ཐཱ་ག་ཏ་མཎྜ་ལ་པུཥྤེ་པྲ་ཏཱིཙྪ་ཧོཿ ཞེས་དོར་དུ་གཞུག །དེ་ལྟར་དོར་བའི་མེ་ཏོག་དབུས་སུ་བབས་ན་བདེ་གཤེགས་རིགས་ཀྱི་ཁྱབ་བདག་བུདྡྷ་ཐོད་ཕྲེང་རྩལ། ཤར་དུ་རྡོ་རྗེ་ཐོད་ཕྲེང༌། ལྷོར་རཏྣ་ཐོད་ཕྲེང༌། ནུབ་ཏུ་པདྨ་ཐོད་ཕྲེང༌། བྱང་དུ་ཀརྨ་ཐོད་ཕྲེང་རྩལ་གྱི་རིགས་སུ་ངེས་པ་སྟེ་དེ་དག་གང་ལ་བབས་པ་ཉིད་ལྷག་པའི་ལྷར་ཟུངས་ཤིག །དབུས་སུ་བབ་ན་ཀུན་བཟང་ཐུགས་མཆོག་རྡོ་རྗེ་རྩལ༔ ཤར་དུ་རྡོ་རྗེ་མི་སྐྱོད་རྩལ༔ ལྷོར་རིན་ཆེན་དབང་ཕྱུག་རྩལ༔ ནུབ་ཏུ་གར་དབང་བཞད་པ་རྩལ༔ བྱང་དུ་ལས་རབ་ཡོངས་གྲུབ་རྩལ་སོགས་རིགས་དང་མཐུན་པའི་གསང་མཚན་གདགས། མེ་ཏོག་ཅོད་པན་སླར་སྤྱི་བོར་བཅིངས་ལ། མེ་ཏོག་ལྷག་པའི་ལྷས་བཞེས་ཏེ་སླར་ཡང་དབང་རྟགས་ཅོད་པན་གྱི་ཚུལ་དུ་སྤྱི་བོར་བཅིངས་པར་མོས་མཛོད། ཁྱོད་ནི་བླ་མེད་བྱང་ཆུབ་ཀྱི༔ ཡེ་ཤེས་དམ་པའི་སྣོད་ཡིན་ཕྱིར༔ རྡོ་རྗེའི་དམ་ཚིག་འདི་ཟུངས་ལ༔ རང་གཞན་དོན་གཉིས་སྒྲུབ་པར་གྱིས༔ པྲ་ཏི་གྲྀ་ཧྞ་ཨི་མཾ་ས་ཏྭ་མ་ཧཱ་བཱ་ལ༔ ཞེས་བརྗོད་པས་ལྷག་པའི་ལྷ་དང་བྱང་ཆུབ་བར་དུ་འབྲལ་བར་མེད་པ་བྱིན་གྱི་རླབས་ཏེ་བརྟན་པར་བྱས་པར་མོས་ཤིག །སློབ་དཔོན་གྱི་ཐུགས་ཀ་ནས་ཡེ་ཤེས་ཀྱི་འོད་ཟེར་གསེར་གྱི་ཐུར་མ་ལྟ་བུ་འཕྲོས།

ཁྱེད་རང་རྣམས་ཀྱི་མིག་ལ་ཕོག་པས་མ་རིག་པའི་སྒྲིབ་གཡོགས་མིག་དར་དང་ལྷན་ཅིག་བསལ་དག་པ་ཆེན་པོ་རྡོ་རྗེའི་ཡེ་ཤེས་ཀྱི་སྤྱན་ཕྱེས་པས་འོད་གསལ་ཡེ་ཤེས་ཀྱི་དཀྱིལ་འཁོར་མཐོང་བའི་སྐལ་ལྡན་དུ་བྱས་པར་མོས། མིག་ཐུར་ཐོགས་ལ། ཨེ་མ་ཧོ་གདོད་ནས་རྣམ་པར་དག༔ དྲི་མེད་འོད་གསལ་རྡོ་རྗེའི་སྤྱན༔ གློ་བུར་འཁྲུལ་པས་སྒྲིབ་པའི་མུན༔ ཡེ་ཤེས་ཐུར་མས་དབྱེ་བར་བྱ༔ ཛྙཱ་ན་ཙཀྵུ་པྲ་བེ་ཤ་ཡ་ཕཊ༔ ཅེས་གདོང་གཡོགས་བསལ་ལ། ཕྱག་ཤིང་གིས་དཀྱིལ་འཁོར་བསྟན་ཏེ། ལྟོས་ཤིག་སྐལ་ལྡན་རིགས་ཀྱི་བུ༔ ད་ནི་དད་པ་རབ་ཏུ་བསྐྱེད༔ རྩ་བ་གསུམ་གྱི་དཀྱིལ་འཁོར་འདིར༔ རྡོ་རྗེའི་རིག་པ་འཛིན་པར་འགྱུར༔ ཧོ་སརྦ་ཏ་ཐ་ག་ཏ་མཎྜ་ལ་པ་ཤྱ་ཧོ༔ དེ་ལྟར་རྣམ་དག་ཡེ་ཤེས་ཀྱི་སྤྱན་གསར་དུ་ཐོབ་པ་ལ་རང་སྣང་ཡེ་ཤེས་ཀྱི་དཀྱིལ་འཁོར་བལྟ་བར་བསྐུལ་ཞིང་བརྡ་དོན་རྟགས་ཀྱི་ཕན་ཡོན་བརྗོད་པས་ཐུགས་སྤྲོ་བ་བསྐྱེད་པ་ནི། དེ་ཡང་བདེ་ཆེན་དབྱིངས་ཕྱུག་ཡུམ་ལྔའི་མཁའ་ཀློང་འབྱུང་བ་རིམ་ལྔ་རི་རབ་དང་བཅས་པའི་སྟེང་དུ་རྡོ་རྗེའི་སྲུང་འཁོར་ཡངས་ཤིང་རྒྱ་ཆེ་བའི་ནང་དུ་འོག་མིན་བདེ་ཆེན་པདྨ་འོད་ཀྱི་གཞལ་མེད་ཁང་བྱང་ཆུབ་ཕྱོགས་ཆོས་རྣམ་པར་དག་པའི་ཐར་པ་ཆེན་པོའི་གྲོང་ཁྱེར་རྒྱན་དང་བཀོད་པའི་ངོ་མཚར་རབ་འབྱམས་ཡོངས་སུ་རྫོགས་པ་གྲུ་བཞི་སྒོ་བཞི་རིན་ཆེན་སྣ་ལྔའི་བརྩིགས་པ་ཕ་གུ་དྲྭ་ཕྱེད་ཤར་བུ་མདའ་ཡབ་དབུས་ཕྱུར་བུ་ཡེ་ཤེས་རིན་པོ་ཆེའི་ཏོག་གིས་མཚན་པ། རྟ་བབས་ཆོས་འཁོར་རི་དྭགས་ཀྱིས་སྤྲས་པའི་དབུས་རིན་ཆེན་ཟུར་བརྒྱད་པདྨ་ཉི་ཟླའི་སྟེང་དུ་ཡེ་ཤེས་ལྔའི་རིགས་ཀྱི་རྒྱལ་པོ་ཐམས་ཅད་ལྷུན་གྲུབ་མཆོག་གི་ལས་མཛད་བུདྡྷ་ཐོད་ཕྲེང་ཆོས་སྐུ་རྡོ་རྗེ་འཆང་གསང་བ་འདུས་པ་སྐུ་མདོག་མཐིང་ནག །ཁྲོ་ཆགས་སྒེག་ཚུལ་ཧེ་རུ་ཀའི་ཆས་ཅན་བདེ་བ་ཆེན་པོའི་ཡེ་ཤེས་ཀྱི་གཟི་བྱིན་རབ་ཏུ་འབར་བས་ཕྱག་གཉིས་རྡོར་དྲིལ་ཐུགས་ཀར་བསྣོལ་བ། ཞབས་བརྐྱང་བསྐུམས་གར་སྟབས་དང་བཅས་ཏེ་རང་འོད་ཀྱི་ཡུམ་མནྡཱ་ར་དམར་མོ་གྲི་ཐོད་འཛིན་པ་དང་སྦྱོར་བ། གཉིས་ཀའང་དར་དང་རིན་ཆེན་རུས་པས་རྒྱན་པའི་དབུ་གཙུག་ཏུ་ཆོས་སྐུ་ཀུན་ཏུ་བཟང་པོ་ལ་རྒྱུད་ལུང་མན་ངག་གི་རིག་འཛིན་བླ་མས་བསྐོར་བ། རྡོ་རྗེའི་སྐུ་ཡི་གནས་རྣམས་སུ་དཔལ་ཆེན་སྒྲུབ་སྡེ་བརྒྱད་ཀྱི་ཡི་དམ་ལྷ་ཚོགས་དང༌། གནས་ཡུལ་ཉེར་བཞིའི་དཔའ་བོ་མཁའ་འགྲོའི་ཚོམ་བུ་རྣམས་འཕྲོ་ཞིང་འདུ་བའི་ཕྱོགས་ཀྱི་པད་འདབ་བཞིར་ཐོད་ཕྲེང་རིགས་བཞི་ཡབ་ཡུམ། དེའི་ཕྱིར་རིན་ཆེན་ཟུར་བརྒྱད་ལ་སྤྲུལ་པའི་གུ་རུ་མཚན་བརྒྱད་སྒོ་བཞིར་རིགས་བཞིའི་དབང་ཆེན་ཧེ་རུ་ཀ་ཡབ་ཡུམ་དང་རིགས་ཀྱི་སྐུ་མདོག་ཕྱག་མཚན་རྒྱན་ཆ་ལུགས་རྣམས་འགྱུར་མ་འདྲེས་ཡོངས་སུ་རྫོགས་པ། བར་མཚམས་རྣམས་སུ་རྩ་གསུམ་ཆོས་སྲུང་རྒྱ་མཚོའི་ཚོགས་རྣམས་ཉི་མ་དང་འོད་ཟེར་གྱི་ཚུལ་དུ་ཡེ་ཤེས་ཀྱི་རོལ་པ་ཚད་མེད་པས་བཞུགས་ཏེ། དེ་ལྟར་ན་རྩ་གསུམ་ཀུན་འདུས་བླ་མ་ཆོས་སྐུ་གསང་བ་འདུས་པ་ལྷ་བཅུ་བདུན་གྱི་རྟེན་དང་བརྟེན་པ་བཅས་པ་མངོན་སུམ་དུ། མཇལ་བར་མོས་ལ་དད་གུས་སྤྲོ་བ་ཆེན་པོ་བསྐྱེད་པ་ནི་མཚོན་བྱེད་དཔེ་ཡི་བཅོས་མའི་དཀྱིལ་འཁོར་རྡུལ་ཚོན་དང་རྫས་ལ་བརྟེན་ཏེ་དང་པོའི་ལས་ཅན་དབང་གི་སྨིན་པར་བྱས་ནས་ལམ་གོམ་པས། མཚོན་བྱ་རང་བྱུང་ལྷན་སྐྱེས་ཀྱི་དཀྱིལ་འཁོར་རྡོ་རྗེ་ཕུང་པོའི་གྲོང་ཁྱེར་དུ་གདན་གསུམ་ཡོངས་རྫོགས་ཆེན་པོའི་མ་དྷ་ལར་གདོད་ནས་དག་པ་ཉིད་དུ་བཞུགས་པར་ཤེས་པས། ཡིན་ཚུལ་གཤིས་ཀྱི་དཀྱིལ་འཁོར་བདེ་སྟོང་སྒྱུ་འཕྲུལ་དྲྭ་བ་མ་བཅོས་མཉམ་རྫོགས་ཆེན་པོའི་བདག་ཉིད་རང་རིག་གཉུག་མའི་ངོ་བོ་ལྷུན་གྱིས་གྲུབ་པ་རྣམས། བཞུགས་ཚུལ་དོན་གྱི་དཀྱིལ་འཁོར་ཕྱི་ནང་གཞན་གསུམ་གཉིས་མེད་དབྱིངས་རིག་བརྡལ་བ་ཆེན་པོར་རོ་གཅིག་པའི་དོན་རྟོགས་ཏེ་ལ་བཟླ་དགོས་པས། ཧོཿ ཀ་དག་གཏིང་གསལ་ཆོས་ཀྱི་སྐུ༔ སྤྲོས་པ་བྲལ་བའི་ཡེ་ཤེས་ལས༔ ལྷུན་གྲུབ་འོད་ལྔའི་ཞིང་ཁམས་སུ༔ ལོངས་སྤྱོད་ཡོངས་རྫོགས་འཁོར་ལོར་ཤར༔ ཟང་འཇུག་སྤྲུལ་པའི་རྣམ་རོལ་ནི༔ ལྷག་པར་གཟུགས་བརྙན་དཀྱིལ་འཁོར་ནི༔ ས་བཅུ་ལམ་ལྔའི་ཡོན་ཏན་ཀུན༔ མ་བཙལ་ལྷུན་གྱི་གྲུབ་པ་ཡི༔ ཐར་པ་ཆེན་པོའི་གཞལ་མེད་ཁང་༔ ཡིད་འོང་ཉམས་དགའི་གནས་མཆོག་ཏུ༔ སྐུ་དང་ཡེ་ཤེས་དབྱེར་མེད་པའི༔ རབ་འབྱམས་རྩ་གསུམ་ལྷ་ཡི་ཚོགས༔ སྣང་ལ་རང་བཞིན་མ་གྲུབ་པར༔ གང་འདུལ་ཚུལ་གྱི་བཞུགས་པ་རྣམས༔ མངོན་སུམ་ལྟ་བུར་མཐོང་བའི་བློས༔ གཉིས་སུ་འཛིན་པའི་རྟོག་པ་སྤང་༔ ཐམས་ཅད་རང་སྣང་ཉིད་ཡིན་ཕྱིར༔ གཉིས་མེད་ཡེ་ཤེས་ཆེན་པོར་སྦྱོར༔ ཕྱི་རུ་མཚོན་བྱེད་དཀྱིལ་དང་འཁོར༔ ནང་ལྟར་རྡོ་རྗེ་ཕུང་པོའི་གྲོང་༔ གཞན་དུ་བསྐྱེད་རྫོགས་ཟུང་འཇུག་པའི༔ ཟབ་མོའི་ལམ་མཆོག་ལ་བརྟེན་ནས༔ རང་བྱུང་ལྷུན་གྲུབ་ལུས་ཀྱི་དཀྱིལ༔ རྡོ་རྗེའི་འོག་མིན་ཆེན་པོའི་ཀློང་༔ རྩ་དག་སྣང་སྟོང་སྤྲུལ་པའི་སྐུ༔ རླུང་དག་བདེ་སྟོང་ལོངས་སྤྱོད་རྫོགས༔ ཐིག་ལེ་འོད་གསལ་ཚོམ་བུར་ཤར༔ བཅིང་གྲོལ་མེད་པར་ཁྱོད་ཀྱིས་མཐོང་༔ བཛྲ་ཛྙཱ་ན་ས་མ་ཡ་ཧོ༔ ཞེས་སྤྲོ་བ་བསྐྱེད། སྟོན་འཁོར་རྣམ་དཔྱོད་དང་ལྡན་པ་སོགས་དགོས་པ་དང་འབྲེལ་ན། ཞེས་བརྗོད་ཕྱི་ནང་གཞན་གསུམ་གྱི༔ དཀྱིལ་འཁོར་རྣམ་དབྱེ་རྒྱས་པར་བཤད༔ ཞེས་གསུངས་ཤིང་གང་ལྟར་ཡང་༔ དེ་དག་གིས་ཇི་ལྟར་བརྗོད་པའི་དོན་བཞིན་མངོན་སུམ་ཉིད་དུ་རྟོགས་པའི་བློས་དད་ཅིང་སྤྲོ་བ་ཆེན་པོའི་འདིའི་རྗེས་ཟློས་མཛོད། ཨོཾ་སརྦ་ཏ་ཐཱ་ག་ཏ་མཎྜ་ལ་ཛྙཱ་ན་བཛྲ་སྭ་བྷ་ཝ་ཨཏྨ་ཀོ྅ཧྃ༔ ཞེས་ང་རྒྱལ་བརྟན་པོར་བཟུང་ངོ༌། །དེ་དག་གིས་ལྷ་དང་སྐལ་བ་མཉམ་པའི་ཆོས་སྔོན་འགྲོ་ཕྱི་ནང་གི་འཇུག་པའི་ཆོས་ཡོངས་སུ་གྲུབ་སྟེ། སྤྱི་དོན་གཉིས་པ་ཞུགས་ནས་མངོན་པར་དབང་བསྐུར་ཞུ་བའི་ཡོན་དུ་མཎྜལ་ཕུལ།

དེ་ནས་དངོས་གཞིའི་དབང་དངོས་བསྐུར་བའི་རིམ་པ་ལ་ཐུན་མོང་ཕྱི་ཕན་པ་རིག་པའི་དབང་ལྔ། ཐུན་མིན་ནང་ནུས་པ་འཇུག་པ་སྐུ་གསུང་ཐུགས་རྡོ་རྗེ་གསུམ་གྱི་བྱིན་རླབས་དང་དབང་བསྐུར། གསང་བ་སྐལ་བ་མཆོག་ལྡན་ལ་ཟབ་མོའི་དབང་རྣམས་སྔ་མས་གོ་ཕྱེ་ནས་ཕྱི་མ་གདུལ་བྱ་གང་ཟག་གཅིག་གི་རྒྱུད་ལ་དབང་བསྐུར་རིམ་པར་བསྐུར་བ་ལ། དང་པོ་ལ་ཕྱི་སྒྲོ་འདོགས་གཅོད་པའི་བླ་མས་བུམ་དབང་ཡན་ལག་དང་བཅས་པ་སྦྱིན་པ་ལའང་རྡོ་རྗེ་སློབ་མའི་ཐུན་མོང་རིག་པའི་ནང་དབང་ལྔ་ཞུ་བའི་སླད་དུ་གསོལ་བ་འདེབས་པ་འདིའི་རྗེས་ཟློས་མཛོད། སངས་རྒྱས་ཀུན་འདུས་རྡོ་རྗེ་འཛིན༔ བདག་ལ་བརྩེ་བས་ཉེར་དགོངས་ནས༔ རྩ་གསུམ་དཀྱིལ་འཁོར་ལྷ་ཚོགས་ཀྱི༔ དབང་བསྐུར་དམ་པ་སྩལ་དུ་གསོལ༔ ལན་གསུམ། གཞུང་ལས་ཐུགས་ནས་འཕྲོས་པའི་འོད་ཟེར་གྱིས༔ གདན་གསུམ་ཚང་བའི་དབང་གི་ལྷ༔ ནམ་མཁའ་གང་བར་སྤྱན་དྲངས་པར༔ མཆོད་ཅིང་བསྟོད་ནས་གསོལ་གདབ་པས༔ ཀུན་ཀྱང་དབང་གི་བྱ་བ་ལ༔ དགོངས་པ་མངོན་དུ་གཏད་པར་མོས༔ དབང་རྫས་སློབ་མ་བཅས་པ་ཡང་༔ སོ་སོའི་རིགས་ཀྱི་ལྷར་གསལ་ཞིང་༔ མི་མཐུན་ཕྱོགས་ལས་རྒྱལ་བའི་སླད༔ ཤིས་པ་བརྗོད་པ་སྔོན་འགྲོ་བས༔ ཞེས་གསུངས་པ་ལྟར། བདག་མདུན་གྱི་ཐུགས་ཀ་ནས་འཕྲོས་པའི་འོད་ཟེར་གྱིས་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་པའི་རྣམ་པར་སྤྱན་དྲངས། བཛྲ་ས་མ་ཛཿ ཐུགས་ཀ་ནས་སྤྲུལ་པའི་ལྷ་མོ་རྣམས་ཀྱིས་མཆོད་ཅིང་བསྟོད་པར་གྱུར། ཨོཾ་བཛྲ་ཨརྒྷཾ་པྲ་ཏཱིཙྪ་ཧོཿ དེས་འགྲེས་ཏེ། པཱདྱཾ་ནས། ཤབྡའི་བར་བརྗོད། ཕུང་ཁམས་དག་པ་གཤེགས་པ་གཤེགས་མའི་གདན༔ དབང་ཤེས་དག་པ་སེམས་དཔའ་སེམས་མ་སྟེ༔ ལས་ཀྱི་བདག་པོ་ཁྲོ་བོ་ཁྲོ་མོའི་ཚོགས༔ གདན་གསུམ་ཡོངས་རྫོགས་ལྷ་ལ་ཕྱག་འཚལ་བསྟོད༔ གསོལ་གདབ། རྡོ་རྗེ་ཅན་གྱི་སངས་རྒྱས་ལ༔ འགྲོ་བ་སྐྱོབས་པའི་ཆེད་དུ་དབང་༔ ཡོན་ཏན་འབྱུང་གནས་ཇི་ལྟར་སྩལ༔ དེ་ལྟར་འདི་ལ་སྩལ་དུ་གསོལ༔ ཅེས་གསོལ་བ་བཏབ་པས། དེ་བཞིན་གཤེགས་པ་རྣམས་ཀྱིས་དབང་གི་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་བཀྲ་ཤིས་བརྗོད། སེམས་མ་རྣམས་ཀྱིས་རྡོ་རྗེའི་གླུ་གར་བསྒྱུར། ཁྲོ་བོ་ཁྲོ་མོ་རྣམས་ཀྱིས་བགེགས་བསྐྲད་ཅིང་དབང་གི་ཕྲིན་ལས་ལ་འཇུག་པས་འཇིག་རྟེན་གསུམ་དུ་དགེ་ལེགས་ཀྱི་སྣང་བས་ཁྱབ་པར་བྱས་ནས་ཕྱོགས་ཐམས་ཅད་ལས་རྣམ་པར་རྒྱལ་བ་ཤིས་པའི་ཚིག་གིས་མངའ་གསོལ་བར་གྱུར། བཀྲ་ཤིས་གང་ཞིག་སེམས་ཅད་ཀུན་གྱི་སྙིང་ལ་གནས། ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །མ་ལུས་སེམས་ཅན་སྐྱེ་མཛད་བདེ་བ་ཆེན་པོ་སྟེ། དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །ཅེས་མེ་ཏོག་འཐོར་ཞིང་རོལ་མོ་བྱ། སློབ་མ་སྐད་ཅིག་གིས་ཞི་བའི་ལས་མཛད་རྡོ་རྗེ་ཐོད་ཕྲེང་རྩལ་སྐུ་མདོག་དཀར་གསལ་ཞི་ཞིང་དྭངས་པའི་ཉམས་ཅན། ཕྱག་གཡས་རྡོ་རྗེ་ཐུགས་ཀར་གཏོད་ཅིང༌། གཡོན་དེས་ཡུ་བ་བྱས་པའི་དྲིལ་བུ་དཀུར་བརྟེན་པ། དར་དང་རིན་ཆེན་རུས་པའི་རྒྱན་ལྡན་ཞབས་རྡོ་རྗེའི་སྐྱིལ་ཀྲུང་གིས་རང་འོད་རྡོ་རྗེ་མཁའ་འགྲོ་གྲི་ཐོད་འཛིན་པ་དང་མཉམ་པར་སྦྱོར་བས་པད་ཟླ་གླང་པོའི་ཁྲི་ལ་བཞུགས་པར་སྒོམས། ནམ་མཁའ་གང་བའི་ལྷ་ཚོགས་རྣམས་ཀྱིས་རྣམ་རྒྱལ་བུམ་པའི་ཆུ་མི་བསྐྱོད་པའི་བདག་ཉིད་ཅན་གྱིས་སྤྱི་བོ་ནས་དབང་བསྐུར་བར་མོས་ཤིག །རྣམ་བུམ་ཐོགས་ལ། ཧཱུྃ༔ ཞེ་སྡང་རྣམ་དག་རྡོ་རྗེའི་རིགས༔ མི་བསྐྱོད་ཆུ་ཡིས་དབང་བསྐུར་བས༔ རྣམ་ཤེས་ཕུང་པོ་རང་གྲོལ་ནས༔ མེ་ལོང་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐཱ་ག་ཏ་བཛྲ་ཨ་བྷི་ཥིཉྩ་ཧཱུྃ༔ བུམ་པས་དབང་བསྐུར། བུམ་ཆུ་སྦྱིན། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང་ཡིད་ཀྱི་དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པ་ལ་མཆོད་པར་གྱུར། ཨོཾ་བཛྲ་ཨརྒྷཾ་སོགས། རྡོ་རྗེའི་ཡེ་ཤེས་རྟོག་པ་མེད༔ འོད་གསལ་རང་བཞིན་མཁའ་དང་མཉམ༔ སྤྲོས་དང་སྤྲོས་མེད་ཚུལ་ལས་འདས༔ བསམ་མི་ཁྱབ་པས་བཀྲ་ཤིས་ཤོག །ཅེས་ཤིས་པ་བརྗོད། དེས་སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། ཉོན་མོངས་པ་ཞེ་སྡང་དག །རྣམ་ཤེས་ཀྱི་ཕུང་པོ་མེ་ལོང་ཡེ་ཤེས་སུ་གནས་གྱུར། ཐུགས་རྡོ་རྗེ་རིགས་ཀྱི་ལས་དངོས་གྲུབ་སྒྲུབ་པ་ལ་དབང་བ་ཡིན་ནོ། །ཞེས་རྟོགས་པ་བརྗོད། དེ་བཞིན་དུ། སློབ་མ་སྐད་ཅིག་གིས་རྒྱས་པའི་ལས་མཛད་རཏྣ་ཐོད་ཕྲེང་རྩལ་སྐུ་མདོག་སེར་གསལ་བརྗིད་ཅིང་དཔའ་བའི་ཉམས་ཅན། ཕྱག་གཡས་རིན་པོ་ཆེ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་དཀུར་བརྟེན་པ། དར་དང་རིན་ཆེན་རུས་པའི་རྒྱན་ལྡན་ཞབས་རྡོ་རྗེའི་སྐྱིལ་ཀྲུང་གིས་རང་འོད་རིན་ཆེན་མཁའ་འགྲོ་གྲི་ཐོད་འཛིན་པ་དང་མཉམ་པར་སྦྱོར་བ་པད་ཟླ་རྟ་མཆོག་གི་ཁྲི་ལ་བཞུགས་པར་སྒོམས། ནམ་མཁའ་གང་བའི་དབང་གི་ལྷ་ཚོགས་རྣམས་ཀྱིས་དབུ་རྒྱན་རིན་ཆེན་འབྱུང་ལྡན་གྱི་བདག་ཉིད་ཅན་སྤྱི་བོར་བཅིངས་ཏེ་དབང་བསྐུར་བར་མོས་ཤིག

།དབུ་རྒྱན་བཀོན་ལ། ཧཱུྃ༔ ང་རྒྱལ་རྣམ་དག་རིན་ཆེན་རིགས༔ རིན་འབྱུང་དབུ་རྒྱན་དབང་བསྐུར་བས༔ ཚོར་བའི་ཕུང་པོ་རང་གྲོལ་ནས༔ མཉམ་ཉིད་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐཱ་ག་ཏ་རཏྣ་ཨ་བྷི་ཥིཉྩ་ཏྲྃ༔ བཛྲ་ཀ་ལ་ཤ་ཨ་བྷི་ཥིཉྩ་ཧཱུྃ༔གིས་ཆུ་དབང༌། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། ཤེས་བྱའི་སྒྲིབ་པ་དག །ཆུའི་ལྷག་མ་ཡར་ལུད་པ་ལས་རིན་ཆེན་འབྱུང་ལྡན་གྱིས་དབུ་བརྒྱན་པ་ལ་མཆོད་པར་གྱུར། ཨོཾ་བཛྲ་ཨརྒྷཾ་སོགས་ཀྱིས་མཆོད། འདོད་འབྱུང་ཡེ་ཤེས་རྩོལ་བ་མེད༔ ཤེས་དང་ཤེས་བྱ་ཐམས་ཅད་པ༔ ལྷུན་གྱིས་གྲུབ་པའི་ཡོན་ཏན་རྩལ༔ འཕེལ་འགྲིབ་བྲལ་བའི་བཀྲ་ཤིས་ཤོག༔ དེས་སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཉོན་མོངས་པ་ང་རྒྱལ་དག །ཚོར་བའི་ཕུང་པོ་མཉམ་ཉིད་ཡེ་ཤེས་སུ་གནས་གྱུར། ཡོན་ཏན་རིན་ཆེན་རིགས་ཀྱི་ལས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །སློབ་མ་སྐད་ཅིག་གིས་དབང་གི་ལས་མཛད་པདྨ་ཐོད་ཕྲེང་རྩལ་སྐུ་མདོག་དམར་གསལ་སྒེག་ཅིང་ཆགས་པའི་ཉམས་ཅན། ཕྱག་གཡས་པདྨ་ཐུགས་ཀར་གཏོད་ཅིང་གཡོན་དེའི་ཡུ་བ་བྱས་པའི་དྲིལ་བུ་དཀུར་བརྟེན་པ། དར་དང་རིན་ཆེན་རུས་པའི་རྒྱན་ལྡན་ཞབས་རྡོ་རྗེའི་སྐྱིལ་ཀྲུང་གིས་རང་འོད་པདྨ་མཁའ་འགྲོ་གྲི་ཐོད་འཛིན་པ་དང་མཉམ་པར་སྦྱོར་བས་པད་ཟླ་རྨ་བྱའི་ཁྲི་ལ་བཞུགས་པར་སྒོམས། ནམ་མཁའ་གང་བའི་དབང་གི་ལྷ་ཚོགས་རྣམས་ཀྱིས་ཐབས་བདེ་བ་ཆེན་པོ་མཚོན་པའི་རྡོ་རྗེ་སྣང་བ་མཐའ་ཡས་ཀྱི་རང་བཞིན་ཅན་ཕྱག་གཡས་སུ་གཏད་པར་མོས་ཤིག །རྡོ་རྗེ་གཏད་ལ། ཧཱུྃ༔ འདོད་ཆགས་རྣམ་དག་པདྨའི་རིགས༔ མཐའ་ཡས་རྡོ་རྗེའི་དབང་བསྐུར་བས༔ འདུ་ཤེས་ཕུང་པོ་རང་གྲོལ་ནས༔ སོར་རྟོགས་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐཱ་ག་ཏ་པདྨ་ཨ་བྷི་ཥིཉྩ་ཧྲཱི༔ བཛྲ་ཀཱ་ལ་ཤ་ཨ་བྷི་ཥིཉྩ་ཧཱུྃ༔ཆུ་དབང༌། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། ངག་རླུང་གི་དྲི་མ་དག །ཆུའི་ལྷག་མ་ཡར་ལུད་པ་ལས་འོད་དཔག་ཏུ་མེད་པས་དབུ་བརྒྱན་པར་གྱུར། ཨོཾ་བཛྲ་ཨརྒྷཾ་སོགས། པདྨའི་ཡེ་ཤེས་འགགས་པ་མེད༔ སྒྲ་དབྱངས་རྒྱ་མཚོའི་རྗེས་སུ་འགྲོ༔ སེམས་ཅན་ཁམས་རྣམས་སད་མཛད་པ༔ ཡི་གེ་འཁོར་ལོའི་བཀྲ་ཤིས་ཤོག༔ དེས་སངས་རྒྱས་ཐམས་ཅད་ཀྱི་གསུང་གི་དབང་ཐོབ། ཉོན་མོངས་པ་འདོད་ཆགས་དག །འདུ་ཤེས་ཀྱི་ཕུང་པོ་སོར་རྟོགས་ཡེ་ཤེས་སུ་གནས་གྱུར། གསུང་པདྨའི་རིགས་ཀྱི་ལས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །སློབ་མ་སྐད་ཅིག་གིས་དྲག་པོའི་ལས་མཛད་ཀརྨ་ཐོད་ཕྲེང་རྩལ་སྐུ་མདོག་ལྗང་ནག་གཏུམ་ཞིང་ཁྲོས་པའི་ཉམས་ཅན། ཕྱག་གཡས་རྒྱ་གྲམ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་དཀུར་བརྟེན་པ། དར་དང་རིན་ཆེན་རུས་པའི་རྒྱན་ལྡན་ཞབས་རྡོ་རྗེའི་སྐྱིལ་ཀྲུང་གིས་རང་འོད་ལས་ཀྱི་མཁའ་འགྲོ་གྲི་ཐོད་འཛིན་པ་དང་མཉམ་པར་སྦྱོར་བས་པད་ཟླ་ཤང་ཤང་གི་ཁྲི་ལ་བཞུགས་པར་མོས་པས། ནམ་མཁའ་གང་བའི་དབང་གི་ལྷ་ཚོགས་རྣམས་ཀྱིས་ཤེས་རབ་སྟོང་པ་ཉིད་མཚོན་པའི་དྲིལ་བུ་ཕྱག་གཡོན་དུ་གཏད་པར་མོས་ཤིག

།དྲིལ་བུ་སྦྱིན་ལ། ཧཱུྃ༔ ཕྲག་དོག་རྣམ་དག་ལས་ཀྱི་རིགས༔ དོན་གྲུབ་དྲིལ་བུའི་དབང་བསྐུར་བས༔ འདུ་བྱེད་ཕུང་པོ་རང་གྲོལ་ནས༔ བྱ་གྲུབ་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐཱ་ག་ཏ་ཀརྨ་ཨ་བྷི་ཥིཉྩ་ཨཱཿ བཛྲ་ཀཱ་ལ་ཤ་ཨ་བྷི་ཥིཉྩ་ཧཱུྃ༔ཆུ་དབང༌། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། ཀུན་གཞིའི་སྒྲིབ་པ་དག །ཆུའི་ལྷག་མ་ཡར་ལུད་པ་ལས་དོན་ཡོད་གྲུབ་པས་དབུ་བརྒྱན་པར་གྱུར། ཨོཾ་བཛྲ་ཨརྒྷཾ་སོགས་ཀྱིས་མཆོད། ལས་ཀྱི་ཡེ་ཤེས་ཐོགས་པ་མེད༔ གདུལ་བྱའི་ཁམས་དང་མཐུན་པར་སྟོན༔ ཕན་འདོགས་ཚར་བཅད་རྗེས་བཟུང་བའི༔ བདེ་མཆོག་སྒྱུ་མས་བཀྲ་ཤིས་ཤོག༔ དེས་སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། ཉོན་མོངས་པ་ཕྲག་དོག་དག །འདུ་བྱེད་ཀྱི་ཕུང་པོ་བྱ་གྲུབ་ཡེ་ཤེས་སུ་གནས་གྱུར། ཕྲིན་ལས་ཀྱི་རིགས་ཀྱི་ལས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །སློབ་མ་སྐད་ཅིག་གིས་མཆོག་གི་ལས་མཛད་བུདྡྷ་ཐོད་ཕྲེང་མཐིང་གསལ་ཞི་འཛུམ་སྒེག་པའི་ཉམས་ཅན། ཕྱགས་གཡས་འཁོར་ལོ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་དཀུར་བརྟེན་པ། དར་དང་རིན་ཆེན་རུས་པའི་རྒྱན་ཅན་ཞབས་རྡོ་རྗེའི་སྐྱིལ་ཀྲུང་གི་རང་འོད་མཆོག་གི་རིགས་ཀྱི་མཁའ་འགྲོ་གྲི་ཐོད་འཛིན་པ་དང་མཉམ་པར་སྦྱོར་བས་པད་ཟླ་སེངྒེའི་ཁྲི་ལ་བཞུགས་པར་མོས། ནམ་མཁའ་གང་བའི་དབང་གི་ལྷ་ཚོགས་རྣམས་ཀྱིས་རྡོ་རྗེ་དང་བཅས་པའི་དྲིལ་བུ་ཐོགས་ཏེ། རྣམ་པར་སྣང་མཛད་ཀྱི་བདག་ཉིད་ཅན་གྱི་མིང་གི་དབང་བསྐུར་བར་མོས་ཤིག །རྡོར་དྲིལ་ལྷན་ཅིག་པ་སྤྱི་བོ་ནས་འཁྲོལ་ལ། ཧཱུྃ༔ གཏི་མུག་རྣམ་དག་བདེ་གཤེགས་རིགས༔ སྣང་མཛད་མིང་གི་དབང་བསྐུར་བས༔ གཟུགས་ཀྱི་ཕུང་པོ་རང་གྲོལ་ནས༔ ཆོས་དབྱིངས་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐ་ག་ཏ་བུདྡྷ་ཨ་བྷི་ཥིཉྩ་ཨཿ གསང་བའི་མཚན་བསྒྲགས། བཛྲ་ཀཱ་ལ་ཤ་ཨ་བྷི་ཥིཉྩ་ཧཱུྃ༔གི་ཆུ་དབང༌། དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། ལུས་ཀྱི་དྲི་མ་དག །ཆུའི་ལྷག་མ་ཡར་ལུད་པ་ལས་རྣམ་པར་སྣང་མཛད་ཀྱིས་དབུ་བརྒྱན་པར་གྱུར། །ཨོཾ་བཛྲ་ཨརྒྷཾ་སོགས། བདེ་གཤེགས་ཡེ་ཤེས་འགྱུར་བ་མེད༔ བརྟན་གཡོ་ཀུན་ལ་ཁྱབ་པའི་སྲོག༔ ཕྱག་རྒྱའི་གཟུགས་སུ་རང་སྣང་བའི༔ དཀྱིལ་འཁོར་ཆེན་པོའི་བཀྲ་ཤིས་ཤོག༔ དེས་སངས་རྒྱས་ཐམས་ཅད་ཀྱི་སྐུ་ཡི་དབང་ཐོབ། ཉོན་མོངས་པ་གཏི་མུག་དག །གཟུགས་ཀྱི་ཕུང་པོ་ཆོས་དབྱིངས་ཡེ་ཤེས་སུ་གནས་གྱུར། སྐུ་བདེ་གཤེགས་རིགས་ཀྱི་ལས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །གཞུང་ལས། སོ་སོའི་དག་པ་ངོ་སྤྲད་ཅིང་༔ ཤིས་པ་བརྗོད་པས་མངའ་གསོལ་བྱ༔ ཞེས་པ་ལྟར་རོ། གཉིས་པ་ནང་ནུས་པ་འཇུག་པ་རྡོ་རྗེ་སློབ་དཔོན་བདག་པོ་ཆེན་པོའི་དབང་གི་དོན་དུ་གསོལ་བ་གདབ་པ་འདིའི་རྗེས་ཟློས་མཛོད། །དཔལ་ལྡན་རིགས་ཀུན་ཁྱབ་བདག་ཆེས༔ ཕན་པའི་དབང་བསྐུར་སྩལ་ལགས་ན༔ ད་ནི་ནུས་པ་འཇུག་པའི་དབང་༔ མ་ལུས་བདག་ལ་སྩལ་དུ་གསོལ༔ ལན་གསུམ།

དེ་ནས་དབང་དངོས་ལ་སྤྱི་དང་བྱེ་བྲག་ཁྱད་པར་གྱི་དབང་གསུམ་ལས། དང་པོའི་དོན་དུ་ཁྱེད་རང་རྣམས་གཙོ་བོའི་མདུན་དཀྱིལ་འཁོར་གྱི་ཐད་དྲང་པོར་སེང་གེའི་ཁྲི་ལ་གནས་པའི་སྟེང་དུ་གདུགས་ཕུབ། འདོད་ཡོན་གྱི་མཆོད་པས་མདུན་བདར་ཏེ་དཀྱིལ་འཁོར་འཁོར་ལོའི་དབང་ཕྱུག་ཁྱབ་བྱེད་དྲུག་པའི་རིགས་ཆོས་སྐུ་རྡོ་རྗེ་འཆང་གསང་བ་འདུས་པ་རང་འོད་ཀྱི་ཕྱག་རྒྱ་མ་དང་སྦྱོར་ཞིང་སྐུ་ལ་རྩ་གསུམ་དཀྱིལ་འཁོར་མ་ལུས་ཡོངས་རྫོགས་ཏིལ་གྱི་གོང་བུ་ཁ་བྱེ་བ་བཞིན་བཞུགས་པ་རྒྱན་དང་ཕྱག་མཚན་ཡོངས་སུ་རྫོགས་པའི་བདག་ཉིད་སྙེམས་པ་བཟུང་བ་ལ་ཐབས་བདེ་བ་ཆེན་པོ་རྡོ་རྗེ་ཐུགས་ཀྱི་དམ་ཚིག་ཕྱག་གཡས་སུ་གཏད་པ་གསོར་ཏེ་ཐུགས་ཀར་གཏོད། ཤེས་རབ་སྟོང་པ་ཉིད་དྲིལ་བུ་གསུང་གི་དམ་ཚིག་གཡོན་དུ་གཏད་པས་དཀྲོལ་ལ་དཀུར་བརྟེན། བདེ་སྟོང་ཟུང་འཇུག་ཕྱག་རྒྱ་སྐུའི་དམ་ཚིག་རྡོ་དྲིལ་ཐུགས་ཀར་བསྣོལ་ཏེ་འཁྱུད་པའི་རྒྱས་ཡབ་ཡུམ་གཉིས་མེད་བདེ་བ་ཆེན་པོའི་སྦྱོར་བས་རྒྱུ་དུས་ཀྱི་ཡན་ལག་བདུན་ལ་གོམས་པས་འབྲས་བུ་སྐུ་གསུམ་ཁ་སྦྱོར་ཡན་ལག་བདུན་དུ་སངས་རྒྱས་པར་མོས་ཤིག །ཨོཾ་ཨཱཿཧཱུྃ༔ ཐབས་དང་ཤེས་རབ་དབྱེར་མེད་པའི༔ རྡོ་རྗེ་དྲིལ་བུ་འདི་བཟུང་ལ༔ ཡེ་ཤེས་ཕྱག་རྒྱར་མཉམ་སྦྱོར་བའི༔ བདེ་བ་ཆེ་ལ་རྟག་ཏུ་རོལ༔ དེ་བཞིན་གཤེགས་པ་ཐམས་ཅད་ཀྱི༔ སྐུ་གསུང་ཐུགས་ཀྱི་གསང་བ་དང་༔ དབྱེར་མེད་རྡོ་རྗེ་འཛིན་ཁྱེད་ཀྱིས༔ གང་འདུལ་འགྲོ་ཀུན་སྒྲོལ་བར་མཛོད༔ ཨོཾ་མ་ཧཱ་བཛྲ་ཧཱུྃ༔ རྡོ་རྗེ་ཐུགས་ཀར་གསོར། ཨོཾ་མ་ཧཱ་གཎྜེ་ཧོཿ དྲིལ་བུ་འཁྲོལ་ཏེ་དཀུར་བརྟེན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་ར་ག་ན་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ༔ ཞེས་འཁྱུད་རྒྱ་བྱར་གཞུག །སླར་ཡང་དབང་གི་ལྷ་རྣམས་ཀྱིས་བཀྲ་ཤིས་པའི་རྣམ་པ་དུ་མ་དང་ལྡན་པས་རིན་པོ་ཆེའི་བུམ་པ་བདུད་རྩིའི་ཆུ་རྒྱུན་གྱིས་གང་བས་དབང་བསྐུར་བར་མོས་ཤིག །རྣམ་བུམ་གྱི་དབང་བསྐུར་ལ། ཧཱུྃ་ཧྲཱིཿ སྣང་སྟོང་བུམ་པའི་དཀྱིལ་འཁོར་དུ༔ རྩ་བ་གསུམ་གྱི་ལྷ་ཚོགས་ཤར༔ སྐལ་ལྡན་བུ་ལ་དབང་བསྐུར་བས༔ ཕུང་ཁམས་ལྷ་སྐུར་སྨིན་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ལྟར་དབང་བསྐུར་བའི་ཆུ་རྒྱུན་གྱིས་ལུས་ཀྱི་ནང་གང༌། སྒྲིབ་པ་བཞིའི་ས་བོན་བག་ཆགས་དང་བཅས་པ་དག །ཆུའི་ལྷག་མ་གྱེན་དུ་འཁྱིལ་བ་ལས་རྡོ་རྗེ་སེམས་དཔས་དབུ་བརྒྱན་པར་གྱུར། །གཉིས་པ་བྱེ་བྲག་ཏུ་རྗེས་སུ་གནང་བ་ལ་ཁྱེད་རྣམས་ཀྱི་སྤྱི་བོར་བཀྲ་ཤིས་པའི་གདུགས་ཕུབ་ལག་གཡས་ཆོས་ཀྱི་དུང་གཏད་འབུད་དུ་གཞུག །གཡོན་པས་ཤེས་རབ་ཀྱི་དྲིལ་བུ་འཁྲོལ། མཆན་དུ་རྒྱུད་ཀྱི་གླེགས་བམ་གཏད། རྐང་འོག་ཏུ་ཕྲིན་ལས་རྒྱུན་མི་ཆད་པའི་འཁོར་ལོ་བྱིན་པ་བསྐོར་ཏེ་དེ་ཉིད་བཅུ་སོགས་རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་བསྐུར་བར་མོས་ཤིག །ཆས་རྣམས་གཏད་དེ། ཧཱུྃ་ཧྲཱིཿ བདེ་ཆེན་ཐབས་མཆོག་རྡོ་རྗེ་སེམས་དཔའ་དང་༔ ཤེས་རབ་སྟོང་ཉིད་དབང་ཕྱུག་སྙེམས་མ་ཡུམ༔ དབྱེར་མེད་མཉམ་སྦྱོར་རྡོ་རྗེ་སློབ་དཔོན་དབང་༔ དེང་འདིར་སྐལ་ལྡན་ཁྱོད་ལ་སྦྱིན་པ་ཡིས༔ ཟབ་གསང་རྡོ་རྗེ་རྩེ་མོའི་ཉེ་ལམ་གྱི༔ ཆོས་ཀྱི་འཁོར་ལོ་རྟག་ཏུ་བསྐོར་ནས་ཀྱང་༔ སྣ་ཚོགས་ཐབས་ཀྱིས་གདུལ་བྱ་མ་ལུས་ཀུན༔ བདེ་ཆེན་ཐར་པའི་གྲོང་དུ་དབུགས་དབྱུང་ཞིག༔ ནམ་མཁར་བཞུགས་པའི་དབང་གི་ལྷས་ཤིས་པའི་གླུ་དབྱངས་དང་མེ་ཏོག་གི་ཆར་བསྙིལ་བས་བདེ་བ་ཆེན་པོའི་ཡེ་ཤེས་སྐྱེས་བརྟན་གོང་འཕེལ་དུ་མཛད་པས་མངའ་གསོལ་བར་མོས། དཀོན་མཆོག་གསུམ་གྱི་ཤིས་བརྗོད་བྱ། རྟེན་སྙིང་དང༌། སུ་པྲ་ཏིཥྛ་བརྗོད། དབང་གི་ལྷ་རྣམས་གཉིས་མེད་དུ་ཐིམ་པར་མོས། དེ་ཡང་སྔགས་ཀྱི་སྨིན་གྲོལ་སྒྲ་ཇི་བཞིན་དུ་སྤྱོད་པ་དག་གིས་འདི་ཡན་ཆད་ཀྱི་དབང་གི་ཆོ་གས་རྒྱ་ཆེ་བའི་ལམ་གྱི་སྣོད་ལྡན་རྗེས་སུ་བཟུང་ཞིང༌། ཐུན་མོང་གི་བསྐྱེད་བཟླས་ཀྱི་མན་ངག་འབོགས་ཤིང༌། མཆོག་དབང་གོང་མ་གསུམ་ནི་འཁོར་བ་ལ་རྒྱབ་ཀྱིས་ཕྱོགས་ཤིང་ཟབ་མོའི་མན་ངག་མཐར་ཐུག་དོན་དུ་གཉེར་བ་ལ་དེའི་དབང་དང་གདམས་པ་སྟེར་བ་གསུང་པས་གཞུང་འདིར་ཡང༌།

དེ་ནས་ཟབ་མོའི་དབང་གསུམ་པོ༔ ཡེ་ཤེས་དཔལ་སྟེར་ཇི་བཞིན་ལ༔ སྤྲོས་དང་འབྲེལ་བ་དཀྱིལ་འཁོར་བ༔ ཡོངས་སུ་རྫོགས་པའི་ལྷ་དབང་བསྐུར༔ སོ་སོའི་སྔགས་ཀྱི་རྗེས་གནང་དང་༔ འོད་གསལ་ཡེ་ཤེས་དོན་ངོ་སྤྲོད༔ ལུང་བསྟན་དབུགས་དབྱུང་གཟེང་བསྟོད་བྱ༔ ཞེས་གསུངས་ཀྱང་དེང་སང་དབང་ཁྲིད་ཀྱི་རྒྱུན་མ་ཉམས་པ་གནད་དུ་ཟབ་པས་དབང་བཞི་སྦྲེལ་ཏེ་གསུངས་པའི་ཕྱག་བཞེས་བཞིན་དེ་དག་གིས་བུམ་དབང་མཐའ་རྟེན་དང་བཅས་གོང་དུ་སོང་ནས། གསུམ་པ་ཁྱད་པར་སྐུ་གསུང་ཐུགས་ཀྱི་བྱིན་རླབས་དང་ནུས་པ་རྒྱུད་ལ་འཇུག་པའི་ཕྱིར་ལྷ་སྔགས་རིག་པའི་དབང་བསྐུར་སྦྱིན་པའི་ཐོག་མར་སྐུ་ཕྱག་རྒྱའི་དབང་བསྐུར་བ་ལ། གསོལ་བ་འདེབས་པ་འདིའི་རྗེས་ཟློས་མཛོད། ཨེ་མ་རིགས་ཀུན་ཁྱབ་བདག་མཆོག༔ རྡོ་རྗེ་སློབ་དཔོན་དགོངས་སུ་གསོལ༔ བདག་ཅག་སྨིན་ཅིང་གྲོལ་བའི་ཕྱིར༔ ཡེ་ཤེས་ལྷ་ཡི་དབང་བསྐུར་སྩོལ༔ ལན་གསུམ་བྱ། མདུན་བསྐྱེད་ལྷ་ཚོགས་གཙོ་འཁོར་རྣམས་དང་རྡོ་རྗེའི་སྐུ་ཡི་གནས་སོ་སོ་ནས་ཡེ་ཤེས་ཀྱི་སྐུ་མར་མེ་གཅིག་ལས་གཉིས་མཆེད་ཀྱི་ཚུལ་དུ་བྱོན་ནས་ཁྱེད་རང་གི་སྐུ་ཡི་གནས་སོ་སོར་ལུས་དཀྱིལ་གྱི་རྣམ་པ་རྗེས་སུ་དྲན་པའི་ལྷ་གནས་ཀྱི་པད་ཉིའི་གདན་རེ་རེ་གསལ་བ་ལ་ལྷ་ཚོགས་དཔག་ཏུ་མེད་པ་སློབ་དཔོན་དང་མདུན་བསྐྱེད་ཐ་མི་དད་པའི་ཐུགས་ཀ་ནས་བྱུང་སྟེ་ལུས་གནས་རྣམས་ལ་ཐིམ་པས་ཡེ་ཤེས་ཀྱི་ཕྱག་རྒྱ་དང་གཉིས་མེད་དུ་གྱུར་པར་མོས་ཤིག །ཧཱུྃ་ཧྲཱིཿ སྒྱུ་འཕྲུལ་དྲྭ་བའི་དཀྱིལ་འཁོར་ནས༔ རྩ་གསུམ་ཀུན་འདུས་ཐོད་ཕྲེང་རྩལ༔ ཡབ་ཡུམ་གཉིས་མེད་དབང་བསྐུར་བས༔ བདེ་གཤེགས་ཡོངས་རྫོགས་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ ཧྲཱིཿ སྤྲོས་བྲལ་ཆོས་སྐུའི་དཀྱིལ་འཁོར་ནས༔ རིགས་ཀྱི་བདག་པོ་ཆེ་བའི་མཆོག༔ ཀུན་བཟང་ཡབ་ཡུམ་དབང་བསྐུར་བས༔ དབང་བཞི་ཡེ་ཤེས་སྨིན་པར་ཤོག༔ ཨོཾ་ཨཱཿཧཱུྃ་དྷརྨ་ཀཱ་ཡ་ཨ་བྷི་ཥིཉྩ་ཨོཾ༔ ཧྲཱིཿ སྣང་སྟོང་དབྱེར་མེད་དཀྱིལ་འཁོར་ནས༔ འཇམ་དཔལ་གྲུབ་པའི་རིག་པ་འཛིན༔ མཉྫུ་མི་ཏྲས་དབང་བསྐུར་བས༔ རྩ་ཁམས་ལྷ་སྐུར་སྨིན་པར་ཤོག༔ ཨོཾ་མ་ཧཱ་གུ་རུ་ཤཱ་རི་རཱཾ་མཉྫུ་ཤྲཱི་མི་ཏྲ་ཨཱཿཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ ཧྲཱིཿ གྲགས་སྟོང་དབྱེར་མེད་དཀྱིལ་འཁོར་ནས༔ རྟ་མཆོག་གྲུབ་པའི་རིག་པ་འཛིན༔ ནཱ་གཱ་རྫུ་ནས་དབང་བསྐུར་བས༔ སྲོག་རྩོལ་སྔགས་སུ་སྨིན་པར་ཤོག༔ ཨོཾ་མ་ཧཱ་གུ་རུ་ཤཱ་རི་རཱཾ་ན་གཱ་རྫུ་ན་ཨཱཿཧཱུྃ༔ ཀ་ཡ༴ ཧྲཱིཿ རིག་སྟོང་དབྱེར་མེད་དཀྱིལ་འཁོར་ནས༔ ཡང་དག་གྲུབ་པའི་རིག་པ་འཛིན༔ ཧཱུྃ་ཆེན་ཀཱ་རས་དབང་བསྐུར་བས༔ རྟོག་ཚོགས་ཆོས་སྐུར་སྨིན་པར་ཤོག༔ ཨོཾ་མ་ཧཱ་གུ་རུ་ཤཱ་རི་རཱཾ་ཧཱུྃ་ཀ་ར་ཨཱཿཧཱུྃ༔ ཀ་ཡ༴ ཧྲཱིཿ ཡོན་ཏན་སྣ་ཚོགས་དཀྱིལ་འཁོར་ནས༔ བདུད་རྩི་གྲུབ་པའི་རིག་པ་འཛིན༔ བི་མ་མི་ཏྲས་དབང་བསྐུར་བས༔ དགའ་བཞི་ཡེ་ཤེས་མངོན་གྱུར་ཤོག༔ ཨོཾ་མ་ཧཱ་གུ་རུ་ཤཱ་རི་རཱཾ་བི་མ་ལ་མི་ཏྲ་ཨཱཿཧཱུྃ༔ ཀཱ་ཡ༴ ཧྲཱིཿ ཕྲིན་ལས་རྣམ་བཞིའི་དཀྱིལ་འཁོར་ནས༔ ཕུར་པ་གྲུབ་པའི་རིག་པ་འཛིན༔ པྲ་ཆེན་ཧསྟིས་དབང༴ ཁམས་གསུམ་དབྱིངས་སུ་སྒྲོལ་བར་ཤོག༔ ཨོཾ་མ་ཧཱ་གུ་རུ་ཤཱ་རི་རཱཾ་པྲ་བྷ་ཧསྟི་ཨཱཿཧཱུྃ༔ ཀ་ཡ༴ ཧྲཱིཿ ཀློང་ལྔ་དབྱིངས་ཀྱི་དཀྱིལ་འཁོར་ནས༔ མ་མོ་གྲུབ་པའི་རིག་པ་འཛིན༔ དྷ་ན་སཾ་ཀྲྀས་དབང་༴ སྣང་སྲིད་སེམས་སུ་རྫོགས་པར་ཤོག༔ ཨོཾ་མ་ཧཱ་གུ་རུ་ཤཱ་རི་རཱཾ་དྷ་ན་སཾ་ཀྲྀ་ཏ་ཨཱཿཧཱུྃ༔ ཀཱ་ཡ༴ ཧྲཱིཿ དྲེགས་པ་ཟིལ་གནོན་དཀྱིལ་འཁོར་ནས༔ མཆོད་བསྟོད༴ རམྦུ་གུ་ཧྱས་དབང་༴ གཟུང་འཛིན་འབྱུང་པོ་འདུལ་བར་ཤོག༔ ཨོཾ་མ་ཧཱ་གུ་རུ་ཤཱ་རི་རཱཾ་རམྦུ་གུ་ཧྱ་ཨཱཿཧཱུྃ༔ ཀཱ་ཡ༴ ཧྲཱིཿ མངོན་སྤྱོད་དམོད་པའི་དཀྱིལ་འཁོར་ནས༔ དྲག་སྔགས་གྲུབ་པའི༔ ཤཱིནྟཾ་གྷརྦྷས་དབང༴ གཉིས་སྣང་དགྲ་བགེགས་ཚར་གཅོད་ཤོག༔ ཨོཾ་མ་ཧཱ་གུ་རུ་ཤཱ་རི་རཾ་ཤཱིནྟཾ་གྷརྦྷ་ཨཱཿཧཱུྃ༔ ཀཱ་ཡ༴ ཧཱུྃ༔ བདེ་ཆེན་འཁོར་ལོའི་དཀྱིལ་འཁོར་ནས༔ མཉམ་ཉིད་ཡེ་ཤེས་ངོ་བོ་ཉིད༔ འཇམ་དཔལ་སྐུ་ཡི་དབང་༴ གཤིན་རྗེ་ཡོངས་རྫོགས་དབང་ཐོབ་ཤོག༔ ཨོཾ་ཨ་ཀྲོ་ཏེ་ཀ་ཡ་མཱནྡྷ་ཀ་མ་ཐ་བྷཉྫ་ཧཱུྃ་ཕཊ༔ ཀཱ་ཡ༴ ཧཱུྃ༔ ལོངས་སྤྱོད་འཁོར་ལོའི་དཀྱིལ་འཁོར་ནས༔ སོར་རྟོག་ཡེ་ཤེས་ངོ་བོ༴ པདྨ་གསུང་གི་དབང་༴ རྟ་མགྲིན་ཡོངས་རྫོགས་དབང་ཐོབ་ཤོག༔ ཨོཾ་པདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲྀ་བ་ཧཱུྃ་ཕཊ༔ ཀཱ་ཡ༴ ཧཱུྃ༔ ཆོས་ཀྱི་འཁོར་ལོའི་དཀྱིལ་འཁོར་ནས༔ མེ་ལོང་ཡེ་ཤེས་ངོ་བོ་ཉིད༔ ཡང་དག་ཐུགས་ཀྱི་དབང་༴ ཁྲག་འཐུང་ཡོངས་རྫོགས་དབང་ཐོབ་ཤོག༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཀཱ་ཡ༴ ཧཱུྃ༔ སྤྲུལ་པའི་འཁོར་ལོའི་དཀྱིལ༴ ཆོས་དབྱིངས་ཡེ་ཤེས་ངོ་བོ་ཉིད༔ བདུད་རྩི་ཡོན་ཏན་དབང་༴ ཆེ་མཆོག་ཡོངས་རྫོགས་དབང་ཐོབ་ཤོག༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊཿ ཀཱ་ཡ༴ ཧཱུྃ༔ བདེ་སྐྱོང་འཁོར་ལོའི༴ བྱ་གྲུབ་ཡེ་ཤེས་ངོ་བོ་ཉིད༔ རྡོ་རྗེ་གཞོན་ནུའི་དབང༴ ཕུར་པ་ཡོངས་རྫོགས་དབང་ཐོབ་ཤོག༔ ཨོཾ་བཛྲ་ཀཱི་ལི་ཀཱི་ལི་ཡ་སརྦ་བིགྷྣཱན་བཾ་ཧཱུྃ་ཕཊཿ ཀཱ་ཡ༴ ཧཱུྃ༔ རྡོ་རྗེ་ནོར་བུའི་དཀྱིལ་འཁོར་ནས༔ ཀློང་གྱུར་ཡེ་ཤེས་ངོ་བོ་ཉིད༔ བླ་མེད་ཁྲག་འཐུང་དབང་༴ མ་མོ་ཡོངས་རྫོགས་དབང་ཐོབ་ཤོག༔ ཨོཾ་གུ་ཡ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷི་ཤྭ་རི་སྟྭཾ་མ་མ་ཡོ་གི་ནི་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཀཱ་ཡ༴ ཧཱུྃ༔ བདེ་ཆེན་ཐབས་ཀྱི་དཀྱིལ་འཁོར་ནས༔ དབྱིངས་གྲོལ་ཡེ་ཤེས༴ དྲེགས་པ་ཀུན་འདུལ་དབང་༴ མཆོད་བསྟོད་ཡོངས་རྫོགས་དབང་ཐོབ་ཤོག༔ ཨོཾ་བཛྲ་ཙཎྜ་སརྦ་དུཥྟ་ཧཱུྃ་ཕཊཿ ཀཱ་ཡ༴ ཧཱུྃ༔ སྟོང་ཉིད་ཤེས་རབ་དཀྱིལ༴ མཐའ་གྲོལ་ཡེ་ཤེས༴ སྟོབས་ལྡན་ནག་པོའི་དབང་༴ དྲག་སྔགས་ཡོངས་རྫོགས་དབང་ཐོབ་ཤོག༔ ཨོཾ་བཛྲ་སརྦ་དུཥྟན་ཧཱུྃ་ཕཊཿ ཀཱ་ཡ༴ ཧཱུྃ༔ གནས་ཡུལ་ཉེར་བཞིའི་དཀྱིལ་འཁོར་ནས༔ བྱང་ཆུབ་སེམས་ཀྱི་ཐིག་ལེའི་གཟུགས༔ དཔའ་བོ་མཁའ་འགྲོའི་དབང་༴ བདེ་སྟོང་ཡེ་ཤེས་མངོན་གྱུར་ཤོག༔ ཨོཾ་མ་ཧཱ་སུ་ཁ་སརྦ་ཌཱ་ཀ་ཌཱ་ཀཱི་ནཱི་ཧཱུྃ༔ ཀཱ་ཡ༴ ཧཱུྃ༔ རྡོ་རྗེ་རིགས་ཀྱི་དཀྱིལ་འཁོར༴ ཞི་བའི་ཕྲིན་ལས་སྒྲུབ་མཛད་པ༔ བཛྲ་ཐོད་ཕྲེང་དབང་༴ ནད་གདོན་འཇིགས་བརྒྱད་ཞི་བར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་སརྦ་སིདྡྷི་ཕ་ལ་ཧཱུྃ༔ ཀཱ་ཡ༴ ཧྲཱིཿ རིན་ཆེན་རིགས་ཀྱི་དཀྱིལ་འཁོར་ནས༔ རྒྱས་པའི་ཕྲིན་ལས་སྒྲུབ་མཛད་པ༔ རཏྣ་ཐོད་ཕྲེང་དབང་༴ ཚེ་བསོད་ཡེ་ཤེས་རྒྱས་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་༴ ཀཱ་ཡ༴ ཧྲཱིཿ པདྨ་རིགས་ཀྱི༴ དབང་གི༴ པདྨ་ཐོད་ཕྲེང་༴ ཁམས་གསུམ་དབང་དུ་འདུ་བར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ༴ ཀཱ་ཡ༴ ཧྲཱི༔ ལས་ཀྱི་རིགས་ཀྱི༴ དྲག་པོའི་ཕྲིན་ལས༴ ཀརྨ་ཐོད་ཕྲེང་༴ དགྲ་བགེགས་འབྱུང་པོ་ཚར་གཅོད་ཤོག༔ ཨོཾ་ཨཱཿཧཱུྃ་བཛྲ་གུ་རུ་ཀརྨ༴ ཀཱ་ཡ༴ ཧྲཱིཿ བདེ་བྱེད་བརྩེགས་པའི་དུར་ཁྲོད་དུ༔ མ་ཆགས་སྐྱོན་བྲལ་དངོས་གྲུབ་བརྙེས༔ པདྨ་འབྱུང་གནས་དབང་བསྐུར་བས༔ བདེ་ཆེན་ཡེ་ཤེས་སྐུ་འགྲུབ་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་པདྨ་ཀཱ་ར་ཐོད་ཕྲེང་རྩལ་སརྦ་སིདྡྷི་ཧཱུྃ༔ ཀཱ་ཡ༴ ཧྲཱིཿ བསིལ་བ་ཚལ་གྱི་དུར་ཁྲོད་དུ༔ ཡོན་ཏན་སྣ་ཚོགས་དངོས་གྲུབ་བརྙེས༔ པདྨ་སཾ་བྷས་དབང་བསྐུར་རོ༔ དོན་གཉིས་ལྷུན་གྱིས་འགྲུབ་པར་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་སཾ་བྷ་ཝ་སརྦ་སིདྡྷི་ཧཱུྃ༔ ཀཱ་ཡ༴ ཧྲཱིཿ ར་ག་རཀྟའི་གནས་མཆོག་ཏུ༔ ཐམས་ཅད་མཁྱེན་པའི་དངོས་གྲུབ༴ བློ་ལྡན་མཆོག་སྲེད་དབང་༴ ཇི་ལྟ་ཇི་སྙེད་མངོན་གྱུར་ཤོག༔ ཨོཾ༴ པྲ་ཛྙཱ་ཛྙཱ་ན་སརྦ་སིདྡྷི་ཧཱུྃ༔ ཀཱ་ཡ༴ ཧྲཱིཿ དགའ་བ་ཚལ་གྱི་དུར་ཁྲོད༴ ཁམས་གསུམ་དབང་སྡུད་དངོས་གྲུབ་བརྙེས༔ པདྨ་རྒྱལ་པོས་དབང་༴ རླུང་སེམས་དབུ་མར་ཐིམ་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་རཱ་ཛ་སརྦ་སིདྡྷི་ཧཱུྃ༔ ཀཱ་ཡ༴ ཧྲཱིཿ སོ་ས་གླིང་༴ འགྲོ་བ་འདུལ་བའི་དངོས་གྲུབ་བརྙེས༔ ཉི་མ་འོད་ཟེར་༴ གང་འདུལ་ཐབས་ལ་མཁས་པར་ཤོག༔ ཨོཾ་ཨཱཿཧཱུྃ༴ སུརྻ་རསྨི་སརྦ་སིདྡྷི་ཧཱུྃ༔ ཀཱ་ཡ༴ ཧྲཱིཿ ཟ་ཧོར་རྒྱལ་པོའི་ཡུལ་དབུས་སུ༔ བདུད་འདུལ་དྲག་པོའི་དངོས་གྲུབ་བརྙེས༔ ཤཀྱ་སེང་གེས་དབང་༴ ཉོན་མོངས་བདུད་བཞི་འདུལ་བར་ཤོག༔ ཨོཾ༴ ཤཱཀྱ་སེང་ཧ༴ ཀཱ་ཡ༴ ཧྲཱིཿ མ་ག་དྷ་ཡི་གྲོང་ཁྱེར་དུ༔ མུ་སྟེགས་འདུལ་བའི་དངོས་གྲུབ་བརྙེས༔ སེང་གེ་སྒྲ་སྒྲོགས་དབང་༴ འཇིགས་ཚོགས་ལྟ་བ་འཇོམས་པར་ཤོག༔ ཨོཾ༴ སེང་ཧ་གཎྜེ༴ ཀཱ་ཡ༴ ཧྲཱི༔ སྟག་ཚང་སེང་གེ་བསམ་འགྲུབ་ཏུ༔ དྲེགས་པ་འདུལ་བའི་དངོས་གྲུབ་བརྙེས༔ རྡོ་རྗེ་གྲོ་ལོད་དབང་༴ གཟུང་འཛིན་འབྱུང་པོ་ཚར་གཅོད་ཤོག༔ ཨོཾ༴ གུ་རུ་ཀྲོ་དྷཱ་གྲོ་བོ་ལོད་ལོ་ཀ་སརྦ་སིདྡྷི་ཧཱུྃ་ཕཊ༔ ཀཱ་ཡ༴ ཧཱུྃ་ཧྲཱིཿ ཚད་མེད་བཞི་ལྡན་དཀྱིལ་འཁོར་ནས༔ དབང་ཆེན་རིགས་བཞི་ཡབ་ཡུམ་གྱིས༔ རིགས་ཀྱི་བུ་ལ་དབང་༴ ཕྲིན་ལས་རྣམ་བཞི་ལྷུན་གྲུབ་ཤོག༔ ཨོཾ་ཨཱཿཧཱུྃ་བཛྲ་ཀྲོ་དྷཱ་ཧྱ་གྲྀ་ཝ་ར་ཙ་ཧྲཱི་ཡ་ཧ་རི་ནི་ས་སརྦ་སིདྡྷི་ཧཱུྃ་ཕཊཿ ཀཱ་ཡ་ཨ་བྷི་ཥིཉྩ་ཨོཾ༔

དེ་ལྟར་ཀུན་བཟང་པདྨ་ཐོད་ཕྲེང་བདེ་གཤེགས་ཡོངས་འདུས་སྒྱུ་འཕྲུལ་དྲྭ་བའི་དཀྱིལ་འཁོར་གྱི་ལྷ་ཚོགས་ཡོངས་སུ་རྫོགས་པའི་དབང་བསྐུར་བས་ཐ་མལ་གྱི་འཁྲུལ་རྟོག་ཡེ་ཤེས་ལྷའི་འཁོར་ལོར་བསྡོམ་སྟེ་ངོ་སྤྲད་པའི་མཐུས་དེང་ནས་བཟུང་སྟེ་སྣང་སྲིད་སྣོད་བཅུད་ཐམས་ཅད་དག་པ་རབ་འབྱམས་སྣང་སྟོང་ལྷའི་སྐུ་སྒོམ་པ་དང་མ་བྲལ་བས་སྣང་བ་ཐམས་ཅད་ལྷ་སྐུ་ཕྱག་རྒྱའི་གཟེར་གྱིས་ཐེབས་པར་གྱིས་ཤིག །གསུང་བཟླས་པས་ལུང་སྦྱིན་པ་ལ་དམིགས་པ་འདི་རྣམས་གསལ་ཐོབ་མཛོད། །བདག་མདུན་གྱི་ཐུགས་ཀར་རང་འདྲའི་ཡེ་ཤེས་སེམས་དཔའ་གསལ་བའི་ཐུགས་ཀར་པདྨ་ཉི་ཟླའི་སྟེང་དུ་ཏིང་འཛིན་སེམས་དཔའ་རྡོ་རྗེ་རྩེ་ལྔ་པའི་ལྟེ་བར་ཐུགས་སྲོག་ཧཱུྃ་ཡིག་མཐིང་གསལ། རྡོ་རྗེའི་ཡིག་འབྲུ་བཅུ་གཉིས་པས་བསྐོར་བ་དང༌། ཁྱེད་རང་རྣམས་ལྷར་གསལ་བའི་ཐུགས་ཀར་ཡེ་ཤེས་སེམས་དཔའ་སུམ་བརྩེགས་ཧཱུྃ་ཡིག་སྔགས་ཕྲེང་བཅས་གསལ་ཐོབ། སློབ་དཔོན་དང་ལྷ་ལ་མོས་གུས་བྱས་པའི་རྐྱེན་གྱིས་སྔགས་ཕྲེང་ལས་སྔགས་ཕྲེང་གཉིས་པ་བྱུང་ཞལ་ནས་ཐོན་ཁྱེད་རང་རྣམས་དང་ཐུགས་ཀའི་ལྷའི་ཞལ་དུ་ཞུགས་ནས་ཐུགས་སྲོག་ཧཱུྃ་ཡིག་གི་མཐར་འཁོད། བཟླས་པའི་རྐྱེན་གྱིས་དེ་ལས་འོད་ཟེར་དཔག་ཏུ་མེད་པ་འཕྲོས་ཕྱོགས་དུས་རྩ་གསུམ་རྒྱལ་བ་རབ་འབྱམས་ཐམས་ཅད་པདྨ་ཐོད་ཕྲེང་རྩལ་གྱི་སྐུ། སྔགས། ཕྱག་མཚན་གྱི་རྣམ་པ་དཔག་ཏུ་མེད་པ་བྱོན། ཁྱེད་རང་ལ་ཐིམ་པས་གསང་བ་གསུམ་གྱི་བྱིན་རླབས་དངོས་གྲུབ་ཐམས་ཅད་ཐོབ་པར་མོས་ལ་བསྙེན་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ལན་གསུམ། ཐུགས་ཀའི་སྔགས་ཕྲེང་ལས་རྡོ་རྗེའི་སྲོག་སྔགས་ལུ་གུ་རྒྱུད་ཀྱི་ཕྲེང་བ་ཡབ་ཡུམ་གྱི་ཞལ་དང་མཁའ་གསང་ནས་བརྒྱུད་དེ་འགལ་མེ་ལྟར་འཁོར་བ་སྐུ་ཡི་གནས་བཞིར་སོན་པས་བདེ་སྟོང་དགའ་བཞིའི་ཡེ་ཤེས་རྒྱུད་ལ་སྐྱེས་པའི་འོད་ཀྱིས་ཁམས་གསུམ་བརྟན་གཡོ་ཐམས་ཅད་ལྷ་སྔགས་ཡེ་ཤེས་སྒྱུ་འཕྲུལ་དྲྭ་བའི་འཁོར་ལོར་རྫོགས་པར་མོས་ལ་སྒྲུབ་སྔགས་རྩ་གསུམ་སྤྱི་དྲིལ་གྱི་བཟླས་པ་ལན་གསུམ་མཛོད། ཨོཾ་ཨཱཿཧཱུྃ་ཧྲཱི་ཧྲཱིཿབཛྲ་གུ་རུ་པདྨ་ཐོད་ཕྲེང་རྩལ་དེ་ཝ་ཌ་ཀི་ནི་བཛྲ་ས་ཡ་ཛཿསརྦ་སིདྡྷི་ཕ་ལ་ཧཱུྃ་ཨཿ སླར་ཡང་འོད་ཟེར་ལྔ་ལྡན་གྱི་སྤྲཽ་བསྡུས་ཞི་རྒྱས་དབང་དྲག་མཆོག་གི་ཕྲིན་ལས་ཐམས་ཅད་ཡིད་བཞིན་དུ་སྒྲུབ་པར་མོས་ལ་ལས་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་ཧྲཱི་ཧྲཱིཿབཛྲ་གུ་རུ་པདྨ་ཐོད་ཕྲེང་རྩལ་དེ་བ་ཌཱ་ཀི་ནཱི་བཛྲ་ས་མ་ཡ་ཛཿསརྦ་སིདྡྷི་ཕ་ལ་ཧཱུྃ་ཨཱཿ ཤནྟིཾ་པུཥྟིཾ་ཝ་ཤཾ་མཱ་ར་ཡ་ཕཊཿ ལན་གསུམ་བཟླ། སྣང་གྲགས་རིག་པ་སྐུ་གསུང་ཐུགས་དབྱེར་མི་ཕྱེད་པ་ཡེ་ཤེས་རྡོ་རྗེ་གཅིག་གི་བདག་ཉིད་དུ་ལྷུན་གྱིས་གྲུབ་པའི་དགོངས་པ་ལ་བློ་བཞག་པས་ཡེ་ཤེས་ཧཱུྃ་ལྔའི་བཟླས་པ་མཛོད། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཅུང་ཟད་བཟླ། ཕྲེང་བ་མགྲིན་པར་བཞག་ལ། སྔགས་ཀྱི་ཕྲེང་བ་གཏད་པས་བཟླས་བརྗོད་ཀྱི་ནུས་པ་བསྐྱེད་ཅིང་བརྟན་པ་བྱས་པར་མོས་ཤིག །ཨཱཿ ཇི་སྙེད་བརྗོད་པ་ཐམས་ཅད་ཀུན༔ རྡོ་རྗེའི་སྔགས་སུ་རྣམ་པར་དག༔ ནུས་པ་བསྐྱེད་པའི་དབང་བསྐུར་བས༔ དངོས་གྲུབ་རྣམ་གཉིས་མྱུར་འགྲུབ་ཤོག༔ ཨོཾ་སརྦ་མཎྜ་ལ་ཝ་ཀ་ཨ་བྷི་ཥིཉྩ་ཨཱཿ དེང་ཕྱིན་ཆད་གྲགས་སྟོང་སྔགས་ཀྱི་བཟླས་པ་ཆུ་བོའི་རྒྱུན་བཞིན་དུ་བརྩོན་ནས་བརྟན་གཡོའི་སྒྲ་སྐད་ཐམས་ཅད་རྡོ་རྗེའི་སྔགས་ཀྱི་གཟེར་གྱིས་ཐེབས་པར་གྱིས་ཤིག །ཐུགས་རང་བྱུང་གི་དགོངས་པ་ངོ་སྤྲད་པའི་སླད་དུ་མེ་ལོང་དྭངས་པའི་ངོས་སུ་གཟུགས་བརྙན་སྣ་ཚོགས་སུ་སྣང་ཡང་རང་བཞིན་མ་གྲུབ་པའི་དཔེས་མཚོན་ནས། རང་སེམས་སྟོང་པའི་རང་རྩལ་ལས་གཟུང་འཛིན་འཁྲུལ་པའི་སྣང་བ་སྣ་ཚོགས་སུ་ཤར་ཡང་གདོད་མ་ནས་སྐྱེ་འགག་གནས་གསུམ་བྲལ་བའི་དོན་རང་རིག་སྐད་ཅིག་མའི་རང་རྩལ་དུ་ངོ་ཤེས་པར་གྱིས་ལ་སྣང་རིག་ཟུང་འཇུག་འོད་གསལ་ཆེན་པོའི་ངང་དུ་མཉམ་པར་ཞོག་ཅིག

།མེ་ལོང་བསྟན་ལ། ཧཱུྃ༔ གཟུང་དང་འཛིན་པའི་རྟོག་པ་ཀུན༔ གདོད་ནས་རང་བཞིན་འོད་གསལ་ངང་༔ ཡེ་ཤེས་རྟོགས་པའི་དབང་བསྐུར་བས༔ ཟུང་འཇུག་གནས་ལུགས་མངོན་གྱུར་ཤོག༔ ཨོཾ་སརྦ་མཎྜལ༔ ཙིཏྟ་ཨ་བྷི་ཥིཉྩ་ཧཱུྃ༔ དེང་ནས་བཟུང་སྟེ་རིག་སྟོང་ཡེ་ཤེས་ཆེན་པོའི་ངང་ལ་རྟག་ཏུ་མཉམ་པར་བཞག་པ་ལས་མ་གཡོས་པས་རྟོག་ཚོགས་ཐམས་ཅད་ལ་དགོངས་པ་མི་འགྱུར་བའི་གཟེར་དང་འཕྲོ་འདུ་ཏིང་ངེ་འཛིན་གྱི་གཟེར་གྱིས་ཐེབས་པར་གྱིས་ཤིག །དེ་རྣམས་ཀྱིས་ཕྱི་མཚན་མའི་དཀྱིལ་འཁོར་དུ་བུམ་པའི་དབང་ཐོབ་གཞི་རགས་པ་ལུས་དང་ཕྲ་བ་རྩ་ཡི་དྲི་མ་སྦྱངས། ལམ་བསྐྱེད་རིམ་ལྷའི་འཁོར་ལོ་བསྒོམ་པ་ལ་དབང༌། འབྲས་བུ་སྐུ་རྡོ་རྗེ་སྤྲུལ་པའི་སྐུ་འཐོབ་པའི་ས་བོན་རྒྱུད་ལ་བཞག་པ་ཡིན་ནོ། །གཉིས་པ་གསང་བ་ཟབ་མོའི་དབང་གསུམ་མཐའ་རྟེན་གཏད་རྒྱ་དང་བཅས་ཏེ་བསྐུར་བ་ལ་སྦྱོར་དངོས་རྗེས་གསུམ་དུ་ཡོད་པའི་དང་པོ་ནང་རང་བྱུང་གི་ཡེ་ཤེས་སྟོན་པའི་བླ་མས་སྦྱོར་བ་རྩ་ཁམས་རང་བྱིན་གྱི་རླབས་པ་གསང་བའི་དབང་གི་སླད་དུ། བླ་མ་འཆི་མེད་པདྨ་ཐོད་ཕྲེང་དང་ཕྱག་རྒྱ་དབྱིངས་ཕྱུག་མནྡྷ་ར་མཉམ་པར་སྦྱོར་བའི་དགའ་བའི་སྒྲ་དང་བདེ་བའི་འོད་ཟེར་གྱིས་ཕྱོགས་བཅུའི་རྒྱལ་བ་སྲས་དང་བཅས་པ་རྣམས་སྤྱན་དྲངས་ཏེ་སྐུ་ལ་ཞུགས། ཐུགས་ཀར་བྱང་ཆུབ་ཀྱི་སེམས་སུ་ཞུ། རྡོ་རྗེའི་ལམ་ནས་ཡུམ་གྱི་མཁར་བབས། དཀར་དམར་ལྷག་པའི་བྱང་སེམས་ཐོད་པའི་བདུད་རྩི་དང་རོ་གཅིག་ཏུ་འདྲེས་པ་དེ་ཉིད་ཁྱེད་རང་རྣམས་ཀྱི་ལྕེ་ཐོག་ཏུ་བྱིན་པར་མོས་ཤིག །གསང་ཐོད་ཀྱི་བདུད་རྩི་སྦྱིན་ལ། ཧཱུྃཿཧྲཱིཿ ཨེ་ཝཾ་ཟུང་འཇུག་དཀྱིལ་འཁོར་ནས༔ ཞུ་བདེས་དྲངས་པའི་ཀུཎྜ་ལི༔ སྐལ་ལྡན་ཁྱོད་ལ་བྱིན་པ་ཡིས༔ རླུང་སྔགས་དབུ་མར་ཐིམ་པར་ཤོག༔ ཝ་ཀཱ་ཨ་བྷི་ཥིཉྩ་ཨཱཿ དེ་ལྟར་མྱང་བའི་བྱང་སེམས་ཀྱིས་རྩ་ཁམས་ཐམས་ཅད་ལ་ཁྱབ། གསལ་སྟོང་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེས་པར་མོས་ཤིག །དེས་ནང་ལུས་ཀྱི་དཀྱིལ་འཁོར་དུ་གསང་བའི་དབང་ཐོབ། གཞི་རགས་པ་ངག་དང་ཕྲ་བ་རླུང་གི་སྒྲིབ་པ་སྦྱང༌། ལམ་རང་བྱིན་རླབས་པའི་རྣལ་འབྱོར་བསྒོམ་པ་ལ་དབང༌། འབྲས་བུ་གསུང་རྡོ་རྗེ་ལོངས་སྤྱོད་རྫོགས་པའི་སྐུ་འགྲུབ་པའི་ས་བོན་རྒྱུད་ལ་བཞག་པ་ཡིན་ནོ། །གཉིས་པ་གསང་བ་ལྷན་སྐྱེས་ཀྱི་ཡེ་ཤེས་སྟོན་པའི་བླ་མས་དངོས་གཞི་དཔེ་ཡི་ཡེ་ཤེས་མཚོན་པའི་སླད་དུ་གཟུགས་དང་ལང་ཚོའི་མཛེས་སྡུག་ཕུལ་དུ་བྱུང་ཞིང༌། མཚན་ཉིད་མཆོག་དང་ལྡན་པའི་རིག་མ་ཕྱག་གཡོན་དུ་བྱིན་པར་མོས་ཤིག །ཕྱག་རྒྱའི་གཟུགས་བརྙན་གཏད་ལ། ཧྲཱིཿ ཕྱག་རྒྱ་བྷ་གའི་དཀྱིལ་འཁོར་དུ༔ བདེ་སྟོང་ཡེ་ཤེས་ཉམས་མྱོང་ཕྱིར༔ སྣ་ཚོགས་གཟུགས་ཅན་འདི་གཏད་པས༔ ཐིག་ལེ་ཆོས་སྐུར་སྒྲོལ་བར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ སློབ་མ་བདེ་བ་ཆེན་པོ་ཐོད་ཕྲེང་རྩལ་དང་གཏད་པའི་རིག་མ་མནྡ་ར་བ་གསལ་བའི་ཡབ་ཀྱི་གསང་བ་ཧཱུྃ་ལས་རྡོ་རྗེ་རྩེ་ལྔ་པ་བུ་གར་ཕཊ། ཡུམ་མཁའ་པྃ་ལས་པདྨ་འདབ་མ་གསུམ་པ་ཟེའུ་འབྲུ་ཨཱཾ་གྱིས་མཚན་པར་གསལ་ཐོབ། ཐབས་འདི་ལ་བརྟེན་ནས་རང་གནས་ཀྱི་ཡེ་ཤེས་བདེ་བ་ཆེན་པོ་མངོན་དུ་བྱའོ་སྙམ་པའི་ཡབ་ཡུམ་འདོད་པ་མཉམ་པས། ས་མ་ཡ་ཧོཿ ས་མ་ཡ་སྟྭཾ༔ ཨ་ནུ་རཱ་ག་ཡ་ཧོཿ ཨ་ནུ་རཱ་ག་ཡ་མི༔ ཞེས་ཕན་ཚུན་བརྡ་བཞིས་བསྣོལ་མར་བསྐུལ༔ ཛཿཧཱུྃ་བྃ་ཧོཿ ཞེས་འཁྱུད་སྡོམ་སྤྲད་ནས་སྙོམས་པར་ཞུགས་པའི་རྗེས་ཆགས་ཀྱི་མེས་བྱང་སེམས་ཐིག་ལེ་གཡོས། སྤྱི་བོ་ལ་སོགས་པའི་གནས་རྣམས་སུ་ཡས་བབས་རྒྱུའི་དགའ་བ་བཞི་ཉམས་སུ་མྱོང༌། རྡོ་རྗེ་ནོར་བུའི་རྩེར་ལྷན་ཅིག་སྐྱེས་པའི་བདེ་ཆེན་དཔེའི་ཡེ་ཤེས་མངོན་དུ་བྱས། སླར་གྱེན་དུ་བཟློག་པས་མས་བརྟན་འབྲས་བུའི་དགའ་བ་བཞི་དང་ཟུང་དུ་འཇུག་པའི་སྟོང་པ་བཞིའི་འོད་གསལ་གྱི་མཐར་ཐུག་བརྗོད་བྲལ་ཡེ་ཤེས་མངོན་དུ་མཐོང་བར་མོས་ཤིག །དེས་གསང་བ་བྷ་གའི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་ཐོབ། ཡིད་ཐིག་ལེའི་དྲི་མ་དག །གཞན་ལུས་ཕོ་ཉའི་ལམ་བསྒོམ་པ་ལ་དབང༌། འབྲས་བུ་ཐུགས་རྡོ་རྗེ་ཆོས་ཀྱི་སྐུ་ཐོབ་པའི་སྐལ་པ་རྒྱུད་ལ་བཞག་པ་ཡིན་ནོ། །གསུམ་པ་མཐར་ཐུག་དེ་ཁོ་ན་ཉིད་སྟོན་པའི་བླ་མས། བཞི་པ་དོན་གྱི་ངོ་སྤྲོད་གདབ་པ་ནི། སྔར་དེ་ལས་སྐྱེས་པའི་ཡེ་ཤེས་དྲན་པར་བྱས་ཏེ་དེའི་རང་ངོ་ལ་མཉམ་པར་འཇོག་པ་དང༌། དབྱིངས་རིག་ཟུང་འཇུག་གི་བརྡ་རྟགས་རྡོ་རྗེ་སེམས་དཔའི་མེ་ལོང་གིས་མཚོན་ཏེ་དཔེ་ལས་འདས་པའི་རིག་སྟོང་གཞི་གྲོལ་ཀུན་ཏུ་བཟང་པོའི་དགོངས་ཀློང་དུ་མཉམ་པར་ཞོག་ཅིག

།ཤེལ་རྡཽ་བསྟན་ལ། ཨཱཿ ཀ་དག་གཞི་ཡི་དཀྱིལ་འཁོར་དུ༔ ལྷུན་གྲུབ་ལམ་གྱི་སྣང་བ་གསལ༔ གཉིས་སུ་མེད་པར་དབང་བསྐུར་བས༔ ཆོད་ཟད་འབྲས་བུ་མངོན་གྱུར་ཤོག༔ ཛྙཱ་ན་ཨ་བྷི་ཥིཉྩ་ཧྲཱིཿ ཞེས་ཅུང་ཟད་མཉམ་པར་འཇོག །ཁྱད་པར་ཅན་གྱི་སྣོད་རུང་ལ༔ དབྱིངས་དང་རིག་རྩལ་དོན་ངོ་སྤྲོད༔ ཅེས་གསུངས་པས། དེ་ལྟར་རང་བྱུང་གཤིས་ཀྱི་གནས་ལུགས་དབྱིངས་རིག་དབྱེར་མེད་ཀུན་བཟང་དགོངས་པ་གཅེར་མཐོང་དུ་ངོ་སྤྲོད་པ་དེ་ཉིད་ལྟ་སྒོམ་སྤྱོད་པ་ཐུན་མོང་མ་ཡིན་པས་ལམ་དུ་ཁྱེར་ཏེ་འབྲས་བུ་གཞིར་རྫོགས་ཆེན་པོར་ལ་ཟློ་བའི་ཚུལ་རྡོ་རྗེའི་ཚིག་གིས་གསལ་འདེབས་པ་ལགས་པས་སྙན་གཏོད་འཚལ། ཨཿ ལྟ་བ་བློ་འདས་གདོད་མའི་བབས༔ སྒོམ་པ་མ་བཅོས་ལྷུག་པར་བཞག༔ སྤྱོད་པ་རང་གྲོལ་གཉུག་མའི་ངང་༔ འབྲས་བུ་གཞི་སྣང་ཆེན་པོར་རྫོགས༔ ཨ་ཨ་ཨཱཿ དེས་དོན་དམ་ཡེ་ཤེས་ཀྱི་དཀྱིལ་འཁོར་དུ་བཞི་པ་ཚིག་གི་དབང་ཐོབ་གཞི་རགས་པ་སྣང་གསུམ་འཕོ་བ་དང༌། ཕྲ་བ་ཤེས་བྱའི་སྒྲིབ་པ་སྦྱང༌། ལམ་ཟུང་འཇུག་ཕྱག་རྒྱ་ཆེན་པོ་སྒོམ་པ་ལ་དབང༌། འབྲས་བུ་ཡེ་ཤེས་རྡོ་རྗེ་ངོ་བོ་ཉིད་སྐུ་འཐོབ་པའི་སྐལ་བ་རྒྱུད་ལ་བཞག་པ་ཡིན་ནོ། །བཞི་པ་དབང་བཞི་ཡོངས་རྫོགས་ཀྱི་མཐའ་རྟེན་གཏད་རྒྱའི་དབང་ནི། སྒྲུབ་པའི་གླེགས་བམ་སྤྱི་བོར་བཞག༔ རྒྱུད་གསུམ་བྱིན་རླབས་དབུགས་དབྱུང་བྱ༔ ཞེས་གསུངས་པས། འདི་ཉིད་ཀྱི་སྒྲུབ་པོད་སློབ་མའི་སྤྱི་བོར་བཀོད་དེ། མདུན་གྱི་ནམ་མཁའ་ཕྱོགས་དུས་རྩ་བརྒྱུད་ཀྱི་བླ་མ་ཡི་དམ་རྒྱལ་བ་ཞི་ཁྲོ། དཔའ་བོ་མཁའ་འགྲོ། ཆོས་སྐྱོང་སྲུང་མ་དམ་ཅན་རྒྱ་མཚོ་རྣམས་མངོན་སུམ་བཞིན་དུ་བཞུགས་པའི་གནས་གསུམ་ནས་སྐུ་དང་སྔགས་ཕྲེང་ཕྱག་མཚན་འོད་ཟེར་ཐིག་ལེ་དཀར་དམར་མཐིང་གསུམ་ཆར་བབས་པ་ལྟར་བྱོན་ནས་ཁྱེད་རང་རྣམས་ཀྱི་གནས་གསུམ་དུ་ཐིམ་པས་དགོངས་བརྡ་སྙན་ཁུང་མཁའ་འགྲོ་གཏད་རྒྱ་སོགས་བརྒྱུད་པ་དྲུག་ལྡན་གྱི་དགོངས་བརྒྱུད་བྱིན་རླབས་རྡོ་རྗེའི་ཡེ་ཤེས་ཁྱེད་རང་གྱི་རྒྱུད་དུ་འཕོས་པར་མོས་ཤིག །ཨོཾ་ཨཱཿཧཱུྃ༔་་་་་་་བི་མའི་བླ་སྒྲུབ་བྱིན་རླབས་སྙིང་པོ་ལས་སོ། ཀུན་བཟང་རྡོ་རྗེ་སེམས་དཔའ་དགའ་རབ་རྗེ༔ དགོངས་པ་རོ་གཅིག་སྐུ་གསུམ་རྣམ་དབྱེར་མེད༔ ཤྲཱི་སིང་ཧ་རིག་རྩལ་རང་དབང་ཐོབ༔ བི་མ་མུ་དྲ་འཕོ་ཆེན་ཡེ་ཤེས་སྐུ༔ པདྨ་འབྱུང་གནས་རྩ་གསུམ་རྒྱ་མཚོའི་དངོས༔ བརྡ་བརྒྱུད་བླ་མ་འཆི་མེད་རིག་འཛིན་རྗེ༔ ཚིག་དོན་བྱིན་རླབས་ཆུ་རྒྱུན་མ་ཆད་པའི༔ བཀའ་དྲིན་ཅན་གྱི་སྙན་བརྒྱུད་བླ་མ་སོགས༔ ཕྱོགས་བཅུ་དུས་བཞིའི་རྩ་བརྒྱུད་བླ་མ་དང་༔ ཡི་དམ་ཞི་ཁྲོ་དཔའ་བོ་མཁའ་འགྲོ་མ༔ དབྱིངས་དང་ཡེ་ཤེས་ཆོས་སྲུང་རྒྱ་མཚོའི་ཚོགས༔ སྐལ་ལྡན་སློབ་མ་རིགས་ཀྱི་བུ་རྣམས་ལ༔ ཐུགས་རྗེའི་བརྩེར་དགོངས་ཡེ་ཤེས་བྱིན་ཆེན་ཕོབ༔ ཕྱི་ནང་གསང་བའི་ལམ་གྱི་བར་ཆད་སོལ༔ ཐུགས་རྒྱུད་དགོངས་པས་བྱིན་རླབས་དབང་མཆོག་བསྐུར༔ རྩ་རླུང་ཐིག་ལེ་སེམས་ཀྱི་སྒྲིབ་པ་སྦྱོངས༔ ཕུང་པོ་རྩ་ཁམས་སྣང་སྟོང་ལྷ་སྐུར་དག༔ ངག་རླུང་མི་ཤིགས་བདེ་ཆེན་ལོངས་སྤྱོད་རྫོགས༔ ཡིད་དང་ཐིག་ལེ་འོད་གསལ་ཆོས་སྐུར་སྨིན༔ དབྱེར་མེད་ཡེ་ཤེས་བླ་མའི་ས་ཐོབ་ཤོག༔ ཨོཾ་ཨཱཿཧཱུྃ་ཧྲཱིཿ་ཧྲཱིཿབཛྲ་གུ་རུ་པདྨ་ཐོད་ཕྲེང་རྩལ་དེ་ཝཱ་ཌཱ་ཀི་ནཱི་བཛྲ་ས་མ་ཡ་ཛཿསརྦ་སིདྡྷི་ཕ་ལ་ཧཱུྃ་ཨཱཿཀཱ་ཡ་ཀཱ་ལ་ཤ་ཝ་ཀ་གུ་ཧྱ་ཙིཏྟ་པྲ་ཛྙཱ་ཛྙཱ་ན་དྷ་དྷུ་ཨ་བྷི་ཥིཉྩ་ཨོཾ་ཨཱཿཧཱུྃཿཧོཿ དབྱངས་གསལ་རྟེན་སྙིང་བརྗོད། དཔོན་སློབ་གཉིས་ཀས་དགོངས་པའི་རྩལ་བསྐྱེད། ཐུགས་ཡིད་བསྲེས་ལ་མཉམ་པར་བཞག་གོ

།དེ་ནས་མཚམས་སྦྱོར་སྤྱི་ལྟར་བྱས་ལ་བཀྲ་ཤིས་ཀྱི་ཚིག་བཅད་རྒྱས་པར་བརྗོད་ཅིང་མེ་ཏོག་འཐོར། རོལ་མོ་བསྒྲག་གོ །གསུམ་པ་རྗེས་དམ་ཚིག་ཁས་བླངས་བཏང་རག་ཡོན་འབུལ་རྣམས་ལས། དང་པོ་ནི། རྗེས་སུ་དབང་སྲོག་དམ་ཚིག་གི༔ རྣམ་དབྱེ་རྒྱས་པར་བཤད་པ་དང་༔ ཞེས་གསུངས་པས། དེ་དག་གིས་ལམ་གྱི་རྩ་བ་རིག་འཛིན་བླ་མ་རྩ་གསུམ་འདུས་པའི་སྲོག་སྒྲུབ་ལ་བརྟེན་ནས་རྩ་བའི་དབང་བསྐུར་ཆེན་པོ་རྒྱས་པར་གྲུབ་པ་སྟེ། དེའི་དགོས་པའང་རྒྱུད་ལས། དེ་ལྟར་དབང་རྣམས་ཡོངས་རྫོགས་པར༔ བསྐུར་བའི་ཡོན་ཏན་བསམ་མི་ཁྱབ༔ གསང་སྔགས་དངོས་གྲུབ་དབང་ལས་འབྱུང་༔ ཞེས་ཆེས་ཆེར་བསྔགས་ཤིང་དབང་སྲོག་རྒྱུད་ལ་འཛིན་པ་དམ་ཚིག་འབའ་ཞིག་ལ་རགས་ལས་ཤིང༌། དམ་ཚིག་སྲུང་བ་ཡང་ཐོག་མར་དེའི་རྣམ་གྲངས་ཤེས་དགོས་པས་ན། སྤྱི་སོ་བྱང་སྔགས་ཀྱི་བསླབ་པ། ཁྱད་པར་རྡོ་རྗེ་ཐེག་པ་ཕྱི་ནང་བླ་མེད་ཀྱི་རྒྱུད་སྡེའི་དགོངས་པས་ས་མ་ཡ་འབུམ་སྡེ། ཀུན་གྱི་རྩ་བ་སྐུ་གསུང་ཐུགས། ཡན་ལག་གི་དམ་ཚིག་ཉེར་ལྔ། བྱེ་བྲག་ཉི་ཤུ་ལ་སོགས་པའི་དབྱེ་བསྡུའི་རྣམ་བཞག་གི་སྲུང་བྱའི་རྣམ་གྲངས། འདས་རལ་ཉམས་པའི་མཚམས། ཇི་ལྟར་སྲུང་བའི་ཐབས། ཉམས་པའི་ཉེས་དམིགས། སྲུང་བའི་ཕན་ཡོན། ཉམས་པ་སྐོང་བའི་ཐབས་ལ་སོགས་པ་རྒྱུད་དང་གྲུབ་པའི་མན་ངག་ལས་འབྱུང་བ་ལྟར་ཞིབ་ཏུ་ཤེས་པར་གལ་ཆེ་ཞིང༌། མདོར་ན་དམ་ཚིག་དང་སྡོམ་པ་མཐའ་དག་ཚུལ་བཞིན་བསྲུང་བར་བགྱིའོ་སྙམ་པའི་གཡར་དམ་བླངས་བ་འདིའི་རྗེས་ཟློས་མཛོད། །གཙོ་བོས་ཇི་ལྟར་སོགས་གསུམ། གཏང་རག་མཎྜལ། ལུས་ལོངས་སྤྱོད་འབུལ་བ། དགེ་བསྔོའི་མཚམས་སྦྱོར་རྣམས་སྤྱི་ལྟར་བྱས་ལ་སློབ་མ་རྣམས་གྱེས་སོ། །གསུམ་པ་རྗེས་རིམ་ནི། སློབ་དཔོན་གྱི་ལས་གཞུང་ལྟར་ཚོགས་ལ་རོལ་ནས་ལྷག་མ་བཏང༌། སྨོན་ལམ་གདབ། བཀའ་སྲུང་དང༌། ཆད་བརྟན་རྟ་བྲོ། གཏང་རག་མཆོད་བསྟོད་དངོས་གྲུབ་བླངས་བ་ནོངས་བཤགས། མདུན་བསྐྱེད་བརྟན་བཞུགས། དམ་ཚིག་པ་རང་ལ་བསྡུ་ཞིང་བདག་བསྐྱེད་བསྡུ་ལྡང༌། བསྔོ་སྨཽན་ཤིས་བརྗོད་བཅས་གཞུང་ལྟར་མཐར་ཆགས་སུ་བཏང་བས་གྲུབ་པའོ། །དེ་ཡང་དབང་བཞི་ཆིག་རྫོགས་ཡེ་ཤེས་དཔལ་སྟེར་འདི་ནི་ཕྱི་ནང་གསང་བ་ཡང་གསང་གི་སྒྲུབ་ཐབས་ཀུན་གྱི་དོན་དབང་སྙིང་པོ་ཡིན་པས་ན་གཞུང་ལས། འདི་ནི་ཐོག་མར་དཀྱིལ་འཁོར་ཆེར༔ ཞུགས་ཏེ་སྨིན་པའི་སློབ་མ་ལ༔ རྡོ་རྗེའི་ཡེ་ཤེས་ངོ་སྤྲོད་ཕྱིར༔ སྦྱིན་གྱིས་རྣམ་པ་ཀུན་ཏུ་མིན༔ ཞེས་གསུངས་པས་ན། གཞུང་འདིའི་ཐུན་མོང་སྨིན་བྱེད་ཡེ་ཤེས་ཐིག་ལེ་སྔོན་དུ་འགྲོ་བས་རྒྱུད་ལས་རུང་དུ་མ་བྱས་ན་ཟབ་དབང་བཞི་མཐར་ཆགས་སུ་བསྐུར་མི་རུང་བར་གསུང་པའི་གནད་ཀྱང་ཤེས་པར་གལ་ཆེ་ཞིང་སྦྱར་བས་རྩ་དབང་འབྲིང་པོའི་ཚུལ་དུ་ཟབ་པ་འགའ་ཞིག་ཏུ་སློབ་མའི་དབང་པོའི་ཁྱད་པར་གྱིས་དབང་གསུམ་ལས་འབྲིང་པོ་མཆོག་གི་དབང་བཞི་ལས་སྐུ་གསུང་ཐུགས་གཏོར་དབང་དང་བཅས་པ་དབང་བཞི་ཡེ་ཤེས་དཔལ་སྟེར་ལ་བྱེད་ན་སྔོན་འགྲོ་འཇུག་པའི་ཆོས་ཁྲུས་བྱ་༡བགེགས་སྲུང་༢མཎྜལ་འབུལ༣། །ཆས་འཇུག་༤གསོལ་གདབ༥་གནང་བ་སྦྱིན༦། །རྒྱུད་སྦྱོང་༧སྡོམ་བཟུང་༨དམ་ལ་བཞག༩ །དབབ་ཅིང་༡༠རིགས་བརྟགས་༡༡གདོང་གཡོགས་བཀྲོལ༡༢། །མཐོང་བ་བསྟན་དང་༡༣བཅུ་གསུམ་མོ། །ཞེས་དང༌། དབང་དངོས་ལ། བུམ་དབང༌། གསང་དབང༌། ཤེར་ཡེ། དབང་བཞི་པ། ཡོངས་རྫོགས་གཏོར་མའི་དབང་བསྐུར་བརྒྱད། རྗེས་དམ་ཚིག་ཁས་བླང། གཏང་རག ལུས་ལོངས་སྤྱོད་འབུལ་བ་དགེ་བསྔོ་བཅས་དབང་རྒྱས་པ་ལས་ཁོལ་དུ་ཕྱུང་བ་དབང་བཞི་ཡེ་ཤེས་དཔལ་སྟེར་འབྲིང་པོའི་ཚུལ་དུ་ཁ་རྐྱང་ལོགས་སུ་བསྐུར་ཚུལ་ཀྱང་ཞར་བྱུང་དུ་སྨོས་པ་སྟེ་དེ་ཙམ་དུ་མ་ཟད་འདི་ནི་གཏེར་གཞུང་ལྟར་དབང་ཆོག་རྒྱས་བསྡུས་གཏོར་དབང་བཅས་སོ་སོར་བཀོད་པ་ལས་དབང་བསྐུར་རྒྱས་པའི་ཁོངས་སུ་བྱིན་རླབས་བརྡ་ཡི་དབང་བཞི་དང་གཏོར་དབང་བྱིན་རླབས་དཔལ་སྟེར་རྣམས་དཀྱུས་གཅིག་ཏུ་སྦྲེལ་ན་འཇུག་པ་བདེ་ཞིང་རུང་བས་དེ་ལྟར་ན་སྔོན་འགྲོ་སྐྱབས་སེམས། ཚོགས་བསགས། སྡོམ་བཟུང༌། ཡེ་ཤེས་དབབ་བསྟིམ་རྣམས་དབང་རེ་རེ་བཞིན་མི་དགོས་པས་བྱིན་རླབས་བརྡ་ཡི་དབང་གཞུང་བཞིན། འདི་ལྟར་བུམ་པ་ལ་སོགས་པའི་དབང་རྫས་ལྔ་པོ་རེ་རེ་བཞིན་སོགས་ནས་དང༌། གཏོར་དབང་གི་སྤྱིར་གཏོར་མ་ལ་བསྙེན་སྒྲུབ་ཀྱི་དུས་སུ་དཀྱིལ་འཁོར་སོགས་སོ་སོའི་གེར་ཆོས་རྣམས་སྦྱར་ཞིང༌། དམ་ཚིག་ཁས་བླང་སོགས་དབང་རྒྱས་པ་ཡེ་ཤེས་ཐིག་ལེ་ལྟར་མཐར་དབྱུང་དགོས་པ་འཕྲོས་དོན་དུ་སྨོས་པའོ། །འཇི༵གས་བྲལ་གྲུབ་པའི་སློབ་དཔོན་གསུང༌། །མཁྱེན་བརྩེའི་ཡེ་ཤེས་གསང་མཛོད་བཅུད། །སྨིན་ལམ་འོ༵ད་ཟེར་སྤྲོས་འདི་ཀྱང༌། །སྐལ་ལྡན་བཀྲ༵་ཤིས་དཔ༵ས་གྱིས༵་འབྱོར། །དགོངས་གཏེར་རྩ་གསུམ་འོད་གསལ་སྙིང་ཐིག་གི་ཕྱི༵་ལྟར་བླ་མའི་ཐུགས་སྒྲུབ༵་སྒྱུ་འཕྲུལ༵་དྲྭ༵་བ༵་ལ་བརྟེན་པའི་རྩ་དབང་རྒྱས་པ་རྡོ་རྗེ་བཞི་ཡི་བཅུད་འབེབས་ཏེ་ལེའུ་ཚན་དང་པོ་འཇིགས་མེད་མཁྱེན་བརྩེའི་འོད་ཟེར་གྱིས་སྦྱར་བའོ། ༈

།རྡོ༵་རྗེ༵འི་མཚན་གྱི་དབྱངས་སྙན་ཁོ་ནས་ཀྱང༌། །རྣམ་གྲོལ་ལང་ཚོའི་གཟི༵་བརྗི༵ད་དཔལ་བསྐྱེད་ཅིང༌། །སྲིད་ཞིའི་གདུང་སེལ་ཨོ་རྒྱན་ཐོད་ཕྲེང་རྩལ༵། །ཀུན་འདུས་རྒྱལ་བའི་སྤྱི་གཟུགས་ཆེན་པོ་རྒྱལ། །དགོངས་གཏེར་རྩ་གསུམ་འོད་གསལ་སྙིང་ཐིག་གི་བྱིན་རླབས་བརྡ་ཡི་དབང་བཞི་འབོགས་པ་ལ། སྦྱོར་བ་ཡོ་བྱད་བཤམས་པ་ནི། རྩ་དབང་ཆེན་པོ་དང་འབྲེལ་ན་བཤམས་བཀོད་དང་དབང་སྒྲུབ་ལོགས་སུ་མི་དགོས་ལ་ཡེ་ཤེས་གཟི་བྱིན་བསྐྱེད་པའི་ཕྱིར་བྱིན་ཆེན་དབབ་པ་ལ་ནན་ཏན་དུ་བྱ་བར་གསུང༌། འདི་ཉིད་ཁོ་ནའི་ཚེ་རྡུལ་ཚོན་དང་རས་བྲིས། ཚོམས་བུ་གང་རུང་གི་དཀྱིལ་འཁོར་སྟེང་བུམ་པ་བཅུད་ལྡན། དེའི་ཁར་བདུད་རྩིའི་ཐོད་པ། མེ་ལོང་སིདྡྷུ་རའི་ཐིག་ལེ་ལྔ་ཚར་ཧྲཱིཿས་མཚན་པ། དེའི་སྟེང་གཏོར་མ། སྐུ་འབག་དང་བཅས་པ་འཕྲུལ་སྟེགས་ལ་བཀོད། མི་བདེ་ན་དབང་གཏོར་མདུན་དུ་བཞག །དེ་དག་གི་གཡས་གཡོན་དུ་སྨན་དང་རཀྟ། ཉེར་སྤྱོད་ལྔ་སོགས་མཆོད་པས་བསྐོར། མིག་དར། མེ་ཏོག །འབེབས་རྫས་སོགས་དགོས་པའི་ཡོ་བྱད་རྣམས་ཚོགས་པར་བྱས། བསྙེན་སྒྲུབ་ལས་སྔགས་མང་ཉུང་སྐབས་ཕྱེད་པས་བཟླ། ལས་བུམ་དུ་སྐད་ཅིག་གིས་ཁྲོ་བོ་རྟ་མགྲིན་དམར་པོ་གཡས་པདྨའི་དབྱུག་ཐོ་དང་གཡོན་མེ་ཡི་ཞགས་པ་ཐོགས་པར་གསལ་བའི་སྐུུ་ལས་རྡོ་རྗེ་བདུད་རྩིའི་རྡུལ་ཕྲ་རབ་བབས་པས་བུམ་པ་གང་བར་བསམ་ལ། ཨོཾ་ཧ་ཡ་གྲཱི་བ་ཧཱུྃ་ཕཊཿ ཅེས་བཟླས་ལ། ཧཱུྃ་ཞེས་བསྐུལ་བས་ལས་ཀྱི་ཁྲོ་བོས་དབང་གི་བྱ་བ་མ་གྲུབ་པར་བར་ཆད་ཀྱི་བགེགས་བཟློག་པའི་ཕྲིན་ལས་མཛད་དུ་གསོལ། ཞེས་ལས་བཅོལ། སྲུང་མའི་གཏོར་འབུལ་དང༌། ཚོགས་མཆོད་འདིའམ་དབང་གི་མཐའ་གང་འོས་སུ་བྱ། འོག་གི་སློབ་མའི་བྱ་བ་རྣམས་བདག་འཇུག་གི་ཏིང་ངེ་འཛིན་དབང་བསྐུར་གྱི་ཚུལ་དུ་ལེན་པའམ་རིག་པའི་མེ་ཏོག་དོར་བ་གང་འོས་བྱའོ། །དངོས་གཞི་སློབ་མའི་བྱ་བ་ནི། གནས་ཁང་གི་སྒོར་ཁྲུས་བྱ། བགེགས་གཏོར་བཏང་ནས་མཚམས་བཅད། ལས་རྡོར་གྱིས་མེ་ཏོག་བཀྱེ་བསྡུ་བྱས་ལ། སློབ་དཔོན་གྱིས་སེམས་བསྐྱེད་གསལ་འདེབས་དང་བཅས། གང་གསན་བྱའི་ཆོས་གསར་རྙིང་གི་རིགས་སྲོལ་བསམ་གྱིས་མི་ཁྱབ་པ་མཆིས་པ་ལས། སྐབས་འདིར་སྔ་འགྱུར་རྙིང་མའི་རིང་ལུགས་བབས་སོ་གསུམ་དུ་གྲགས་པའི་ནང་ཚན་ཟབ་མོ་གཏེར་གྱི་ཆོས་སྡེ་ཆེན་པོར་གཏོགས་པ། དེ་ལའང་རྩ་བ་སྒྲུབ་པ་སྡེ་བརྒྱད། ཡན་ལག་ཕྲིན་ལས་རབ་འབྱམས། སྙིང་པོ་བླ་རྫོགས་ཐུགས་གསུམ་གྱིས་མཚོན་ནས་རྣམ་གྲངས་དང་བྱེ་བྲག་མཐའ་ཡས་པ་མཆིས་པ་ལས་རྡོ་རྗེ་ཐེག་པའི་དངོས་གྲུབ་ཐམས་ཅད་ཀྱི་རྩ་བར་གྱུར་པ་ནི་བླ་མའི་ཐུགས་སྒྲུབ་ཁོ་ན་ཡིན་ལ། དེ་ལའང་སྔགས་གསར་རྙིང་རྣམས་སུ་བསྒྲུབ་བྱ་སྒྲུབ་བྱེད་ཀྱི་བཀའ་སྲོལ་ཇི་སྙེད་གཅིག་བྱོན་པ་ཐམས་ཅད་ལས་ཟབ་ཅིང་ཁྱད་པར་དུ་མས་འཕགས་པ་སངས་རྒྱས་ཀུན་དངོས་ཨོ་རྒྱན་གྱི་སློབ་དཔོན་ཆེན་པོས་རང་གི་སྒྲུབ་ཐབས་རང་ཉིད་ཀྱིས་མཛད་པ་ཉིད་ཆེས་ཟབ་ཅིང་བྱིན་རླབས་ཀྱི་ཚན་ཁ་ཆེ་ཞིང་དངོས་གྲུབ་སྒྲུབ་པ་ལ་བསླུ་བ་མེད་པ་ཡོངས་སུ་གྲགས་པ་སྟེ་རྡོ་རྗེའི་གསུང་ལས། གང་ཞིག་ལས་ཅན་སྐྱེས་བུ་དད་པ་ཅན༔ བདག་ལ་གདུང་བའི་སེམས་ཀྱིས་གསོལ་འདེབས་ན༔ རྒྱུ་འབྲས་རྟེན་འབྲེལ་སྨོན་ལམ་ཁྱད་པར་གྱིས༔ སངས་རྒྱས་གཞན་བས་བདག་ཉིད་ཐུགས་རྗེ་མྱུར༔ མཚོ་རྒྱལ་མོས་པས་རྒྱུན་དུ་གསོལ་བ་ཐོབ༔ ཞེས་གསུངས་པས་མཚོན་ཛམ་གླིང་འདིར་བྱོན་པའི་མཁས་དང་གྲུབ་པ་ཀུན་ལས་ཁྱད་པར་དུ་འཕགས་པའི་མ་འོངས་ཕྱི་མའི་གདུལ་བྱ་ལ་ཐུགས་བརྩེས་རྗེས་སུ་དགོངས་པས་ཕྱོགས་དང་རིས་སུ་མ་ཆད་ཅིང༌། ཚད་དང་མུ་མེད་པའི་ཕྲིན་ལས་ཀྱི་རྟག་པར་སྐྱོངས་བའི་མཐུ་སྟོབས་བྱིན་ནུས་ལ་རྡོ་རྗེའི་བདེན་ཚིག་གི་ཞལ་བཞེས་བསླུ་བ་མེད་པ་ཡང་ཡང་སྩལ་བའི་སྙིགས་དུས་ཀྱི་སྐྱོབས་པ་གཅིག་པུ་དེས་ཁྱད་པར་གྱི་འདུལ་ཞིང་བོད་ཡུལ་གྱི་བསྟན་ཞབས་གཏེར་གྱིས་སྐྱོངས་བར་ལུང་བསྟན་པ་བཞིན་གནས་དུས་གདུལ་བྱའི་སྐབས་སུ་བབས་པ་དང་འཚམས་པའི་འགྲོ་འདུལ་སྤྲུལ་པའི་སྐྱེས་ཆེན་རེ་ཐོག་བབས་སུ་བྱོན་པས་དབུགས་དབྱུང་བར་གསུངས་པ་བཞིན་ཕྱི་མའི་དུས་འདིར་སློབ་དཔོན་ཆེན་པོ་འཇམ་དཔལ་ཆོས་ཀྱི་བཤེས་གཉེན་དང༌། ཡབ་གཅིག་ཁྲི་སྲོང་ཁུ་དབོན་རྣམ་པ་གཉིས་སུ་མེད་པའི་མཆོག་གི་སྤྲུལ་པའི་སྐུ། ཐུན་མོང་གི་རྣམ་ཐར་མཁས་བཙུན་བཟང་པོའི་མཛད་པ་རྨད་དུ་བྱུང་བས་ཐུབ་བསྟན་ཡོངས་སུ་རྫོགས་པའི་ཤིང་རྟ། ཐུན་མིན་ཐུགས་བསྐྱེད་དང་སྨོན་ལམ་ལས་འཕྲོའི་ཟབ་རྒྱས་གསང་བ་རྒྱ་མཚོ་འཛིན་སྤེལ་སྡུད་པའི་མངའ་བདག་གསང་བདག་རྡོ་རྗེ་ཆོས་དང་ཐ་མི་དད་པ། དོན་གྱིས་སངས་རྒྱས་ཀུན་གྱི་གདུང་འཚོབ་ཅིང་འཕགས་པའི་རྣམ་ཐར་བསམ་མི་ཁྱབ་པ་ལ་དབང་འབྱོར་པ་འཇམ་དབྱངས་མཁྱེན་བརྩེའི་དབང་པོ་འོད་གསལ་སྤྲུལ་པའི་རྡོ་རྗེའི་ཟབ་མོ་དགོངས་པའི་གཏེར་ལས་བྱོན་པའི་རྩ་གསུམ་འོད་གསལ་སྙིང་ཐིག་གི་ཕྱི་སྒྲུབ་སྒྱུ་འཕྲུལ་དྲྭ་བ་ལ་དབང་བསྐུར་རྒྱས་འབྲིང་བསྡུས་པ་མཐའ་རྟེན་དང་བཅས་པ་ལས། རྩ་དབང་རྒྱས་པའི་གཤམ་དུ་སྦྲེལ་ན་འདི་ཡན་མི་དགོས། འདིར་སྨིན་བྱེད་བསྡུས་པ་བྱིན་རླབས་བརྡ་ཡི་དབང་བཞི་སྟེ་དབང་བསྐུར་བའི་ཚུལ་འདི་ནི། རིག་འཛིན་འདུས་པ་རྩ་བའི་རྒྱུད་ལས། རྡུལ་ཚོན་མེ་ལོང་བུམ་པ་དང༌། །གཏོར་མ་ལ་སོགས་རྫས་དག་ལ། །བརྟེན་ནས་མཚན་ཉིད་ཀུན་ལྡན་པའི། །བླ་མའི་བྱིན་རླབས་དབང་བསྐུར་ན། །དཀྱིལ་འཁོར་ཀུན་གྱི་སྙིང་པོ་མཆོག །བཞི་པའི་དེ་ཉིད་དབང་བཞི་ཐོབ། །ཞེས་གསུངས་པ་ལྟར་དབང་བཞི་བྱིན་རླབས་བརྡ་ཡི་ཚུལ་དུ་བསྐུར་བ་རྣམ་པ་ཉི་ཤུའི་བྱང་ཆུབ་པའི་སྨིན་བྱེད་སྟེ་འདི་ནི་བུམ་དབང་གཏོར་མ་ལྟ་བུ་རེ་རེས་ཀྱང་དབང་བཞི་ཀ་རྫོགས་པའི་བདག་ཉིད་ཅན་གྱི་རིམ་པ་དབང་གི་ཆོ་ག་སྒྲུབ་པའི་སྐབས་སུ་བབས་པ་སྟེ། དེ་ལ་སློབ་དཔོན་གྱི་བྱ་བ་སྔོན་དུ་སོང༌། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལ་བྱིན་རླབས་དབང་བསྐུར་ཟབ་མོ་ཞུ་བའི་ཡོན་དུ་མཎྜལ་འབུལ་བར་ཞུ། ཞེས་བརྗོད། སློབ་མས་ཀྱང་མཎྜལ་ཕུལ། དེ་ནས་གསོལ་བ་འདེབས་པ་འདིའི་རྗེས་ཟློས་མཛོད། སངས་རྒྱས་ཀུན་འདུས་རྡོ་རྗེ་འཛིན༔ བདག་ལ་བརྩེ་བས་ཉེར་དགོངས་ནས༔ རྩ་གསུམ་དཀྱིལ་འཁོར་ལྷ་ཚོགས་ཀྱི༔ དབང་བསྐུར་དམ་པ་སྩལ་དུ་གསོལ༔ ལན་གསུམ།

དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ། སྐྱབས་ཀྱི་ཡུལ་མདུན་གྱི་ནམ་མཁར་འཆི་མེད་པདྨ་ཐོད་ཕྲེང་རིག་འཛིན་སྒྱུ་འཕྲུལ་དྲྭ་བའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། སྐྱབས་བྱ་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྐྱབས་སུ་འགྲོ་ཚུལ་སྒོ་གསུམ་འཇུག་པ་གཅིག་པས། སྐྱབས་འགྲོའི་རྒྱུ་དེང་ནས་བྱང་ཆུབ་མ་ཐོབ་བར་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཏེ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་ཅི་མཛད་ཁྱེད་མཁྱེན་བློ་གཏད་ལིང་སྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས༔ ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཐོག་མེད་དུས་ནས་ཕ་མར་གྱུར་པའི་མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལས་འདས་པ་སྐུ་གསུམ་བླ་མའི་གོ་འཕང་ལ་བདེ་མྱུར་གྱིས་འགོད་པར་བྱ། དེའི་ཕྱིར་དུ་བླ་ན་མེད་པའི་དཀྱིལ་འཁོར་གཉན་པོ་འདིར་འཇུག་ཅིང་དབང་གིས་རྒྱུད་སྨིན་པར་བྱས་ནས་ལམ་རིམ་པ་གཉིས་ཀྱི་ཏིང་ངེ་འཛིན་དང་མ་བྲལ་བས་རྒྱལ་བའི་སྲས་ཀྱི་སྤྱོད་པ་རླབས་པོ་ཆེའི་རྗེས་སུ་སློབ་སྙམ་པས་སྨོན་འཇུག་གི་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་སྤྲུལ་ནས་སྒོ་གསུམ་གུས་པ་ཆེན་པོའི་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྡིག་ལྟུང་གི་བྱས་བསགས་ལ་འགྱོད་པའི་སེམས་ཀྱིས་བཤགས་སྡོམ་དང༌། ཚོགས་གཉིས་ཀྱི་དགེ་སྤྱོད་ལ་རྗེས་སུ་ཡི་རང་བ། ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་བཞུགས་པར་གསོལ་ཞིང་དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་རྗེས་ཟློས། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དེ་ནས་དངོས་གཞིའི་དབང་གི་གཞི་འགོད་པ་ལ་ཡེ་ཤེས་དབབ་པའི་དོན་དུ་གསོལ་བ་གདབ་པ་འདིའི་རྗེས་ཟློས་མཛོད། ཧོཿ རབ་འབྱམས་རྩ་གསུམ་ལྷ་ཚོགས་ཀྱི༔ རྡོ་རྗེའི་ཡེ་ཤེས་བདེ་བ་ཆེ༔ དེང་འདིར་བདག་ལ་དབབ་ནས་ཀྱང་༔ བྱིན་གྱིས་རླབས་པར་མཛད་དུ་གསོལ༔ ཞེས་གསོལ་བ་གདབ་པ་སྔོན་དུ་འགྲོ་བས་ཁྱེད་རྣམས་ལུས་གནད་དྲང་པོར་བསྲང༌། ངག་གནད་རླུང་ཁ་སྦྱོར་དུ་ཆིངས། སེམས་ཀྱི་གནད་ཚོགས་དྲུག་གི་ཡུལ་ལ་མ་ཡེངས་པར་དམིགས་པ་འདི་རྩེ་གཅིག་ཏུ་སྒོམས་ཤིག །ལས་སྔགས་ཀྱིས་བསང༌། ཨོཾ་མ་ཧཱ་ཤཱུ་ནྱ་ཏས་སྟོང་པར་སྦྱངས། གཟུང་འཛིན་གཉིས་བསྡུས་ཀྱི་ཆོས་ཐམས་ཅད་སྟོང་པར་གྱུར། སྟོང་པའི་ངང་ལས་སྣོད་རྣམ་པར་དག་པ་འོག་མིན་པདྨ་འོད་ཀྱི་ཞིང་ངོ་མཚར་གྱི་བཀོད་པ་རྒྱ་མཚོས་མཛེས་ཤིང་བལྟ་ན་སྡུག་པའི་གཞལ་ཡས་ཁང་གི་དབུས་སུ། བཅུད་རྣམ་པར་དག་པ་ཁྱེད་རྣམས་གང་དུ་གནས་པའི་གོ་སར་པདྨ་ཉི་ཟླའི་གདན་གྱི་སྟེང་དུ་རང་རིག་ཧཱུྃ་ཡིག་གི་རྣམ་པས་མཚན་པའི་རྡོ་རྗེ་རྩེ་ལྔ་པ་ཡོངས་སུ་གྱུར་པ་ལས། ཁྱེད་རྣམས་ཕྱོགས་དུས་རྒྱལ་བ་འདུས་པའི་སྤྱི་གཟུགས་སྐུ་ལྔ་ལྷུན་གྲུབ་རིག་འཛིན་ཆེ་མཆོག་ཆོས་སྐུ་རྡོ་རྗེ་འཆང་གསང་བ་འདུས་པ་སྐུ་མདོག་མཐིང་གསལ་ལས་བཞི་ལྷུན་གྲུབ་སྤྱན་གསུམ་ཞི་འཛུམ་ཡིད་ཙམ་ཁྲོ་ཆགས་སྒེག་པའི་ཉམས་འགྱུར་ཡོངས་སུ་རྫོགས་པ། སྐུ་གཅེར་བུ་དར་དང་རིན་ཆེན་རུས་པའི་རྒྱན་གྱིས་ཀླུབས་པ། ཕྱག་གཉིས་གཡས་རྡོ་རྗེ་ཐུགས་ཀར་གཏོད་ཅིང་གཡོན་དྲིལ་བུ་དཀུར་བརྟེན་ནས་ཡུམ་ལ་འཁྱུད་ཅིང་ཞབས་བརྐྱང་བསྐུམ་ཕྱེད་པའི་སྐྱིལ་ཀྲུང་ཅན། གསང་བའི་ཡུམ་མཆོག་མནྡཱ་ར་དམར་མོ་གཞོན་སྒེག་ལང་ཚོའི་ཚུལ་ཅན་གྲི་ཐོད་འཛིན་པ་དང་གཉིས་མེད་སྦྱོར་བའི་རིགས་ཀྱི་བདག་པོ་ཀུན་བཟང་ཡབ་ཡུམ་ལས་རིག་འཛིན་བླ་མའི་སྤྲིན་ཕུང་འཕྲོ་བ། སྐུ་ཡི་གནས་རྣམས་སུ་དཔལ་ཆེན་སྒྲུབ་སྡེ་བརྒྱད་ཀྱི་དཀྱིལ་འཁོར་དང་གནས་ཡུལ་གྱི་དཔའ་བོ་མཁའ་འགྲོ་འབུམ་ཕྲག་ཡངས་པའི་ཚོགས་ཡོངས་སུ་རྫོགས་པས་ཡི་དམ་ཌཱ་ཀིའི་ཚོགས་སྤྲོ་བསྡུའི་ཁྱབ་བདག་ཆེན་པོར་བཞུགས་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོས་མཚན་པ་གསལ། དེ་ནས་རྒྱུད་རྣམ་པར་དག་པ་ཡེ་ཤེས་ལྷའི་གཟི་བྱིན་དབབ་པའི་སླད་དུ་སློབ་དཔོན་དང་རྩ་གསུམ་དཀྱིལ་འཁོར་གྱི་ལྷ་ཚོགས་ལ་མོས་གུས་གདུང་ཤུགས་ཚད་མེད་པའི་རྡོ་རྗེའི་གླུ་གར་རོལ་མོས་བསྐུལ་བས། ཕྱོགས་བཅུ་དུས་བཞིའི་བླ་མ་ཡི་དམ་སངས་རྒྱས་བྱང་སེམས་དཔའ་བོ་རྣལ་འབྱོར་མའི་ལྷ་ཚོགས་རྣམས་ཀྱི་སྐུ་གསུང་ཐུགས་རྡོ་རྗེའི་ཡེ་ཤེས་ཆེན་པོའི་བྱིན་རླབས་དང་དངོས་གྲུབ་མ་ལུས་པ་སྐུ་ཕྱག་རྒྱའི་གར་སྟབས་ཤིགས་སེ། གསུང་སྔགས་ཀྱི་ཛབ྄་དབྱངས་བརྡ་གླུ། ཐུགས་བདེ་སྟོང་ཕྱག་རྒྱའི་རོལ་པས་ལྷ་སྔགས་ཕྱག་མཚན་གྱི་རྣམ་པ་དཔག་ཏུ་མེད་པ་ཆར་དྲག་ཏུ་བབས་པ་བཞིན་བྱོན་ནས་ཁྱེད་རང་རྣམས་ལ་དབྱེར་མེད་དུ་ཐིམ་པས་ལྷག་པའི་ཡེ་ཤེས་ཆེན་པོའི་གཟི་བྱིན་སྙིང་ལ་དབབ་སྟེ་གཉིས་སུ་མེད་པར་བྱིན་གྱི་རླབས་པར་མོས་མཛོད། འབེབས་རྫས་བསྲེགས། དབྱངས་དང་ཅང་ཏེའུ་དྲིལ་བུ་སོགས་རོལ་མོས་བསྐུལ་ལ། ཧཱུྃ་ཧྲཱི༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ བདེ་གཤེགས་ཀུན་འདུས་འཆི་མེད་ཐོད་ཕྲེང་རྩལ༔ མོས་པའི་གནས་འདིར་གདུང་བས་སྤྱན་འདྲེན་ན༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་རྗེས་བྱིན་གྱིས་བརླབ་ཕྱིར་གཤེགས་ནས་ཀྱང་༔ རྣལ་འབྱོར་སྒོ་གསུམ་རྡོ་རྗེའི་དབང་བསྐུར་ལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་སརྦ་དྷརྨ་པཱ་ལ་ཛྙཱ་ན་བཛྲ་ས་མ་ཡ་ཨཱ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཡང་ཡང་བརྗོད་པས་དབབ།

དེ་ནས་དབང་བསྐུར་བ་དངོས་ནི། འདི་ལྟར་བུམ་པ་ལ་སོགས་པའི་དབང་རྫས་ལྔ་པོ་རེ་རེ་བཞིན་ཡང་གནས་གསུམ་དུ་བཞག་ནས་མཐར་ཚིག་དོན་ངོ་སྤྲོད་རྣམས་རིམ་པ་བཞིན་དབང་བཞིའི་བདག་ཉིད་ཅན་དུ་བསྐུར་བ་ལ་རྣམ་པ་ཉི་ཤུས་བྱང་ཆུབ་པ་ཅེས་བྱ་བ་ཡིན་ལ། དེ་ལ་དང་པོ་བུམ་པས་དབང་བསྐུར་བ་ནི། བླ་མ་དཀྱིལ་འཁོར་གྱི་ལྷ་དང་དབྱེར་མ་མཆིས་པས་འདི་ལྟར་དབང་རྣམས་རིམ་པ་བཞིན་དུ་བསྐུར་བ་ལས་སྤང་བྱའི་དྲི་མ་རྣམས་དག་ཅིང་ཐོབ་བྱའི་ཡོན་ཏན་རྣམས་ཐོབ་པར་གྱུར་སྙམ་པའི་མོས་པ་མཛོད། ཧཱུྃ༔ སྣོད་བཅུད་ཡོངས་རྫོགས་བུམ་པའི་དཀྱིལ་འཁོར་ནས༔ བདེ་སྟོང་ཟུང་འཇུག་བདུད་རྩི་དབང་བསྐུར་བས༔ ཕུང་ཁམས་སྐྱེ་མཆེད་སྒྲིབ་གཉིས་རང་སར་གྲོལ༔ སྣ་ཚོགས་གཟུགས་ཅན་བུམ་དབང་མངོན་དུ་གྱུར༔ གང་འདུལ་ཆོས་སྟོན་གསང་དབང་ནུས་པ་སྨིན༔ འཁོར་འདས་ཀུན་ཁྱབ་ཤེས་རབ་ཡེ་ཤེས་ངང་༔ སྣང་སྟོང་ཟུང་འཇུག་དོན་དམ་བདེ་བ་ཆེ༔ འགྲོ་འདུལ་སྤྲུལ་པའི་དབང་མཆོག་ཐོབ་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ནཱིརྨ་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ རྩ་སྔགས་ལན་གསུམ་བརྗོད་པས་བུམ་ཆུ་འཐོར་འཐུང་སྙིང་གར་རེག༔ བདེ་གསལ་མི་རྟོག་རང་ཉམས་བསྐྱངས༔ དང་པོ་སྤྱི་བོར་བཞག་ནས་ཁྲུས་བྱས་པ་བུམ་དབང༌། གཉིས་པས་མགྲིན་པར་གཏད་ནས་བུམ་ཆུ་བླུད་པ་གསང་དབང༌། སྙིང་གར་རེག་ནས་ཚིག་དོན་ངོ་སྤྲད་པ་ནི་སེམས་ཉིད་སྤྲོས་པ་དང་བྲལ་བར་མཚོན་པའི་བུམ་པ་ཟླུམ་པོ། སྐྱེ་མེད་རྟོགས་པ་དོན་དམ་མཚོན་བྱེད་ཆུས་བཀང་སྟེ་དབང་བསྐུར་བས་དུག་གསུམ་བག་ཆགས་དང་བཅས་པ་དག་པར་ཤེས་པ་ནི་ཤེས་རབ་ཡེ་ཤེས་ཀྱི་དབང༌། དེས་བདེ་གསལ་མི་རྟོག་པའི་ཉམས་སྐྱེས་པ་ནི་དབང་བཞི་པ་སྟེ། དེས་བླ་མ་སྐུ་རྡོ་རྗེ་སྤྲུལ་པའི་སྐུའི་ལུས་ལྷར་སྨིན་པར་བྱེད་པ་སྐུ་བུམ་པ་ལ་བརྟེན་པའི་དབང་བཞི་རྫོགས་པ་ཡིན་ནོ། །གཉིས་པ་གསང་དབང་ནི། བླ་མ་འཆི་མེད་ཐོད་ཕྲེང་རྩལ་ཡབ་ཡུམ་སྙོམས་པར་ཞུགས་པའི་མཁའ་གསང་ནས་བྱུང་བའི་ཀུནྡ་བྱང་ཆུབ་ཀྱི་སེམས་ལྷན་ཅིག་སྐྱེས་པའི་ཡེ་ཤེས་ཀྱི་རྟེན་དུ་གྱུར་པ་ཐོད་པའི་བདུད་རྩི་དང་རོ་གཅིག་ཏུ་སྦྱར་ཏེ་གནས་གསུམ་དུ་བཞག་ཅིང་ཚིག་དོན་ངོ་སྤྲད་དེ་དབང་བསྐུར་བའི་མོས་པ་མཛོད། ཐོད་པའི་བདུད་རྩི་སྟེར་ལ། ཧཱུྃ༔ ཆོས་དབྱིངས་རང་བྱུང་བྷནྡྷའི་དཀྱིལ་འཁོར་ནས༔ རིག་པ་བྱང་ཆུབ་སེམས་ཀྱི་དབང་བསྐུར་བས༔ འགྲོ་འོང་རླུང་གི་སྒྲིབ་པ་རང་སར་གྲོལ༔ བུམ་དབང་ངོ་བོ་མཚན་དཔེའི་ཕུང་པོ་འབར༔ གསང་དབང་བརྡ་ཡིས་གདུལ་བྱའི་དྲི་མ་སེལ༔ ཤེས་རབ་ཡེ་ཤེས་སྲིད་ཞི་མཉམ་ཉིད་ངང་༔ བདེ་སྟོང་ཟུང་འཇུག་ཁ་སྦྱོར་བདུན་ལྡན་པའི༔ ལོངས་སྤྱོད་རྫོགས་སྐུའི་དབང་མཆོག་ཐོབ་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ སཾ་བྷོ་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ ལན་གསུམ། སྔར་བཞིན་བརྡ་དབང་རྫོགས་པར་བྱ། དེ་ལྟར་དང་པོ་ཐོད་པ་སྤྱི་བོར་བཞག་པ་བུམ་དབང༌། གཉིས་པ་མགྲིན་པར་གཏད་ནས་བདུད་རྩི་བླུད་པ་གསང་དབང༌། སྙིང་གར་གཏད་ནས་ཚིག་དོན་ངོ་སྤྲད་པ་ནི་སེམས་ཆོས་དབྱིངས་ཐིག་ལེ་ཉག་གཅིག་མཚོན་པའི་ཐོད་པ་ཟླུམ་པོའི་ནང་དུ། གཞི་ཉོན་མོངས་ལྔ་ངོ་བོ་ཤ་ལྔ་བདུད་རྩི་ཡེ་ཤེས་ལྔར་རང་རིག་པ་སྐུ་ལྔའི་བདག་ཉིད་འཆི་མེད་ཀྱི་གོ་འཕང་བརྙེས་པ་མཚོན་བྱེད་བདུད་རྩིས་བཀང་སྟེ་དབང་བསྐུར་བས། མཚན་འཛིན་གྱི་རྣམ་རྟོག་དག་པར་ཤེས་པ་ནི་ཤེས་རབ་ཡེ་ཤེས་ཀྱི་དབང༌། དེས་བདེ་གསལ་མི་རྟོག་པའི་ཉམས་སྐྱེས་པ་ནི་དབང་བཞི་པ་སྟེ་དེས་བླ་མ་གསུང་རྡོ་རྗེ་ལོངས་སྐུའི་ངག་སྔགས་སུ་སྨིན་པར་བྱེད་པ་གསུང་གསང་བ་ལ་བརྟེན་པའི་དབང་བཞི་རྫོགས་པ་ཡིན་ནོ། །གསུམ་པ་མེ་ལོང་གི་དབང་བསྐུར་བའི་སླད་དུ། སྣང་སྟོང་དབྱེར་མེད་ཆོས་དབྱིངས་ཡུམ་གྱི་ཆུ་སྐྱེས་མཚོན་པའི་མེ་ལོང་སིནྡྷཱུ་རའི་ཐིག་ལེ་དང་བཅས་པ་གནས་གསུམ་དུ་བཞག་ཅིང་ཚིག་དོན་ངོ་སྤྲད་དེ་དབང་བསྐུར་བའི་མོས་པ་མཛོད། ཧཱུྃ༔ གཞི་དབྱིངས་སྤྲོས་བྲལ་གདོད་མའི་དཀྱིལ་འཁོར་ནས༔ གཞི་སྣང་རིག་པ་ཡེ་ཤེས་དབང་བསྐུར་བས༔ གཟུང་འཛིན་རྟོག་ཚོགས་སྒྲིབ་གཉིས་རང་སར་གྲོལ༔ བུམ་དབང་ནང་གསལ་རྟག་ཆད་མཐའ་ལས་འདས༔ གསང་བའི་དམ་ཚིག་སྐྱེ་མེད་ནཱ་དའི་དབྱིངས༔ ཤེས་རབ་ཡེ་ཤེས་བསམ་བརྗོད་བྲལ་བའི་ངང་༔ རིག་སྟོང་ཟུང་འཇུག་ཤིན་ཏུ་ཞི་བའི་དབྱིངས༔ འོད་གསལ་ཆོས་སྐུའི་དབང་མཆོག་ཐོབ་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ དྷརྨ་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ ལན་གསུམ། གནས་གསུམ་རེག་ཅིང་དོན་ངོ་སྤྲད༔

དེ་ལྟར་མེ་ལོང་སྤྱི་བོར་བཞག་ཅིང་དཔྲལ་བར་ཐིག་ལེ་བཀོད་པ་བུམ་དབང༌། མགྲིན་པར་བཞག་ཅིང་ཐིག་ལེ་བྱས་པ་གསང་དབང༌། སྙིང་གར་བཞག་ཅིང་ཐིག་ལེ་བྱས་ཏེ་རིག་པ་གསལ་ལ་མ་འགག་པ་ངོ་སྤྲད་པ་ནི་སེམས་ཉིད་ཆོས་སྐུ་དྲི་མེད་མཚོན་བྱེད་མེ་ལོང་གཡའ་དག་ཟླུམ་པོ་ལ། ཀུན་རྫོབ་སྒྱུ་མ་ལྟ་བུ་དང་རྣམ་ཀུན་མཆོག་ལྡན་གྱི་སྟོང་ཉིད་ཀྱི་གཟུགས་བརྙན་ཅིར་ཡང་ཤར་བར་མཚོན་བྱེད་ཚོམ་བུ་སྔགས་བཅས་ཀྱི་བརྒྱན་པས་དབང་བསྐུར་བས་གསལ་བ་ལ་སྟོང་པས་རྒྱས་ཐོབ་པར་ཤེས་པ་ཤེས་རབ་ཡེ་ཤེས་ཀྱི་དབང༌། སེམས་བདེ་གསལ་མི་རྟོག་པའི་ཉམས་སྐྱེས་པ་ནི་དབང་བཞི་པ་སྟེ། དེས་བླ་མ་ཐུགས་རྡོ་རྗེ་ཆོས་ཀྱི་སྐུས་ཡིད་ཐུགས་སུ་སྨིན་པར་བྱེད་པ་ཤེས་རབ་ཡེ་ཤེས་ལ་བརྟེན་པའི་དབང་བཞི་རྫོགས་པ་ཡིན་ནོ། །བཞི་པ་གཏོར་མས་དབང་བསྐུར་བའི་སླད་དུ། གཏོར་སྣོད་དབྱིངས་ཀྱི་བྷཉྫ་ཡངས་པར་གཏོར་མའི་ངོ་བོ་རིག་པ་ཡེ་ཤེས་ལྔ་ལས་གུ་རུ་རྩ་བ་གསུམ་གྱི་ལྷ་ཚོགས་རང་ཤར་བའི་རྟེན་དང་བརྟེན་པར་བཅས་པ་གནས་གསུམ་དུ་བཞག་ཅིང་ཚིག་དོན་ངོ་སྤྲད་དེ་དབང་བསྐུར་བའི་མོས་པ་མཛོད། །ཧཱུྃ༔ མཉམ་ཉིད་དག་པ་གཞི་ཡི་དཀྱིལ་འཁོར་དུ༔ གློ་བུར་སྒྲིབ་བྲལ་འབྲས་བུའི་དབང་བསྐུར་བས༔ གཉིས་སུ་འཛིན་པའི་རྟོག་པ་རང་སར་གྲོལ༔ བུམ་དབང་ཆོས་ཉིད་འཕོ་མེད་ཀློང་དུ་སྨིན༔ གསང་དབང་གྲགས་སྟོང་རྡོ་རྗེའི་སྔགས་སུ་རྫོགས༔ ཤེས་རབ་སོ་སོར་རྟོགས་པའི་ཡེ་ཤེས་ཀློང་༔ ཐམས་ཅད་རོ་མཉམ་དོན་དམ་བདེ་བ་ཆེ༔ མི་འགྱུར་རྡོ་རྗེའི་དབང་མཆོག་ཐོབ་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ བཛྲ་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ ལན་གསུམ། སྤྱྀ་བོར་བཞག་ཅིང་དངོས་གྲུབ་སྦྱིན༔ སྙིང་གར་རེག་པས་ཉམས་མྱོང་སྐྱོངས༔ དེ་ལྟར་གཏོར་མ་སྤྱི་བོར་བཞག་པ་བུམ་དབང༌། མགྲིན་པར་གཏད་ནས་གཏོར་ཟན་མྱོང་བ་གསང་དབང༌། སྙིང་གར་གཏད་དེ་ཚིག་དོན་ངོ་སྤྲད་པ་ནི་དབྱིངས་སྟོང་པ་ཉིད་མཚོན་པའི་གཏོར་སྣོད་དུ། རིག་པ་ཡེ་ཤེས་ལྔ་མཚོན་པའི་གཏོར་ཆེན་རྩ་བ་གསུམ་གྱི་རྣམ་པ། དམ་རྫས་བདུད་རྩིའི་རང་བཞིན། འདོད་ཡོན་སྣ་ཚོགས་པའི་སྤྲིན་ཕུང་འཕྲོ་བའི་དབང་བསྐུར་བས། དབྱིངས་རིག་ཟུང་དུ་འཇུག་པའི་ཕྱག་རྒྱ་གཉན་པོའི་གཟི་བྱིན་གྱིས་མ་མོ་མཁའ་འགྲོ་རྣམས་དབང་དུ་སྡུད་ཅིང་ལྷན་སྐྱེས་ཀྱི་ཡེ་ཤེས་མཚོན་པ་ཤེས་རབ་ཡེ་ཤེས་ཀྱི་དབང༌། དེས་བདེ་གསལ་མི་རྟོག་པའི་ཉམས་སྐྱེས་པ་ནི་དབང་བཞི་པ་སྟེ། དེས་བླ་མ་ཡེ་ཤེས་རྡོ་རྗེ་ངོ་བོ་ཉིད་སྐུའི་སྤངས་རྟོགས་ཡོངས་རྫོགས་སུ་བྱེད་པ་ཡོན་ཏན། གཏོར་མ་ལ་བརྟེན་པའི་དབང་བཞི་རྫོགས་པ་ཡིན་ནོ། །ལྔ་པ་གུ་རུ་སྐུ་འབག་གི་དབང་བསྐུར་བའི་སླད་དུ། སྐུ་གཟུགས་འདི་ཉིད་ཆོས་དབྱིངས་སྐྱེ་བ་མེད་པ་ལས་རང་ཤར་བའི་ལོངས་སྤྱོད་རྫོགས་སྐུ་རྩ་གསུམ་ཀུན་འདུས་ཨོ་རྒྱན་སྣང་སྲིད་ཟིལ་གནོན་རྩལ་གང་འདུལ་སྤྲུལ་པའི་སྤྲིན་ཕུང་མཁའ་ཁྱབ་ཏུ་འཕྲོ་བའི་ཡེ་ཤེས་ཀྱི་སྐུ་དངོས་སུ་གསལ་བ་ཁྱེད་རང་རྣམས་ཀྱི་གནས་གསུམ་དུ་བཞག་ཅིང་གདུང་བའི་གླུས་ཐུགས་དམ་བསྐུལ་ཏེ་ཚིག་དོན་ངོ་སྤྲད་ནས་དབང་བསྐུར་བའི་མོས་པ་མཛོད། །གཙོ་བོ་ཡབ་ཡུམ་སྐུ་བརྙན་ཐོགས༔ ཧཱུྃ༔ ཐབས་ཤེས་ཟུང་དུ་འཇུག་པའི་དཀྱིལ་འཁོར་ནས༔ བདེ་སྟོང་སྒྱུ་འཕྲུལ་དྲྭ་བའི་དབང་བསྐུར་བས༔ སྲིད་དང་ཞི་བའི་རྟོག་ཚོགས་རང་སར་གྲོལ༔ བུམ་དབང་ཡོན་ཏན་ལྷུན་རྫོགས་རྡོ་རྗེའི་སྐུ༔ གསང་བ་རིག་པ་བྱིན་རླབས་ཚངས་པའི་གསུང་༔ ཤེས་རབ་ཡེ་ཤེས་མཁྱེན་ཆ་འགགས་མེད་ཐུགས༔ མ་འདྲེས་ཡོངས་རྫོགས་འོད་གསལ་གཉུགས་མའི་ཀློང་༔ མངོན་པར་བྱང་ཆུབ་དབང་མཆོག་ཐོབ་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ བྷོ་དྷི་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ ལན་གསུམ། གནས་གསུམ་རེག་པའི་དོན་ངོ་སྤྲད། དེ་ལྟར་སྐུ་འབག་ཡེ་ཤེས་ཀྱི་སྐུ་དངོས་སུ་གསལ་བ་སྤྱི་བོར་བཞག་པ་བུམ་དབང༌། མགྲིན་པར་བཞག་ཅིང་གསང་མཚན་བཏགས་པ་གསང་དབང༌། སྙིང་གར་བཞག་སྟེ་བླ་མ་དང་རང་སེམས་དབྱེར་མེད་དུ་ངོ་སྤྲད་པ་ནི། སེམས་ཉིད་བསམ་གྱིས་མི་ཁྱབ་པའི་ཡེ་ཤེས་སྟོང་གསལ་རང་རིག་འདུས་མ་བྱས་པ། གདོད་མ་ནས་བླ་མ་སྐུ་བཞིའི་ངོ་བོར་བཞུགས་པ་མཚོན་པར་བྱེད་པ་གུ་རུའི་སྐུ་འབག་གིས་དབང་བསྐུར་བས། རང་རིག་ངོ་བོ་སྒྲིབ་གཉིས་ཀྱི་འཆིང་བས་ཡེ་ནས་གོས་མ་མྱོང་བ་མཚོན་བྱ་དོན་གྱི་ཀུན་བཟང་པདྨ་འབྱུང་གནས་དང་རོ་གཅིག་ཏུ་བཞུགས་ཀྱང་རྣམ་འགྱུར་གློ་བུར་བའི་དྲི་མ་སྦྱངས་ཕྱིར་མཚོན་བྱེད་བརྡ་ཡི་བླ་མས་བདག་དང་སློབ་མའི་རྒྱུད་བྱིན་གྱིས་རླབས་པར་ཤེས་པ་ཤེས་རབ་ཡེ་ཤེས་ཀྱི་དབང༌། དེས་བདེ་གསལ་མི་རྟོག་པའི་ཉམས་སྐྱེས་པ་ནི་དབང་བཞི་པ་སྟེ། དེས་བླ་མ་མངོན་པར་བྱང་ཆུབ་པའི་སྐུས་འགྲོ་འདུལ་ལས་རབ་འབྱམས་འགྲུབ་པ་ཕྲིན་ལས་སྐུ་འབག་ལ་བརྟེན་པའི་དབང་བཞི་རྫོགས་པ་ཡིན་ནོ། །དེ་རྣམས་ཀྱིས། རབ་འབྱམས་རྩ་གསུམ་ཡོངས་རྫོགས་ཀྱི༔ སྐུ་དང་ཡེ་ཤེས་དབྱེར་མེད་པ༔ རྣམ་པ་ཉི་ཤུས་བྱང་ཆུབ་པའི༔ བྱིན་རླབས་བརྡ་ཡི་དབང་བཞི་འདི༔ ལུས་ཀྱི་ནང་གི་མགོ་བོ་སྟེ༔ དབང་པོའི་དྭངས་མ་མིག་དང་མཚུངས༔ དེ་ཕྱིར་ཚེ་འདི་ཁོ་ན་ལ༔ བྱང་ཆུབ་ཐོབ་པར་འདོད་པ་ཡི༔ སྣོད་ལྡན་སློབ་མ་མ་གཏོགས་པ༔ གཞན་དུ་སྤེལ་ན་བཀའ་ཆད་འབྱུང་༔ ཅེས་གསུངས་སྙིང་པོའི་རྣལ་འབྱོར་རྣམས༔ འདིར་ཞུགས་འདི་ཡི་དོན་ལ་སྤྱོད༔ ཟླ་དྲུག་ལོ་གསུམ་བཅུ་གཉིས་ན༔ ཟག་བཅས་རྡོ་རྗེའི་ལུས་སུ་འགྲོ༔ རང་གཞན་དོན་གཉིས་ལྷུན་གྱིས་གྲུབ༔ དབང་བཞིའི་ཡེ་ཤེས་སྐུ་ལྔར་སྨིན༔ ཞེས་ཟབ་པའི་མཐར་ཐུག་བླ་མ་རྩ་གསུམ་གྱི་དབང་ཆེན་རབ་འབྱམས་བསྙེན་སྒྲུབ་རྣམ་གསུམ་རྩ་བའི་དབང་ལྔ་བཞི་བཞིས་ཕྱེ་བ་ནི་མཐར་ཐུག་བྱང་ཆུབ་དོན་གཉེར་ཅན་ལས་ཀུན་ལ་སྤེལ་དུ་མི་རུང་བའི་བཀའ་གཙིགས་ཀྱི་རྒྱས་བསྡོམས་པ་ཉིད་རིག་འཛིན་བརྒྱུད་པའི་ཕྱག་བཞེས་མ་ཉམས་པར་བསྐུར་བས་དབང་བཞིའི་མངོན་པར་རྟོགས་པའི་བྱིན་རླབས་ཐོད་རྒལ་དུ་ཐོབ་པར་འགྱུར་བའི་ཐུན་མོང་མ་ཡིན་པའི་ཟབ་ལམ་བརྡ་ཡི་དབང་བཞི་ཞེས་བྱ་བའོ། །རྗེས་རིམ་ཤིས་བརྗོད་དང་དམ་ཚིག་ཁས་བླང་མཎྜལ་ཡོན་འབུལ་རྣམས་བྱས་ལ། ལས་བྱང་གི་ཚོགས་གཏོར་མ་བཏང་བ་མཆོད་བསྟོད་བཟོད་གསོལ་ཉེར་བསྡུ་སྨོན་ལམ་ཤིས་བརྗོད་རྣམས་བྱའོ། །འཁྲུལ་རྟོག་འཇི༵གས་བྲལ༵་མཁྱེན༵་བརྩེའི༵་གཏེར། །ལྔ་ལྡན་ཡེ་ཤེས་འོད༵་ཟེར༵་གྱི། །བྱིན་རླབས་བརྡ་དོན་རྣམ་བཀྲའི༵་གཟུགས། །རབ་མཛེས་ཤིས༵་པའི་དཔ༵ལ་གྱིས་འབྱོར༵། །རྩ་གསུམ་འོད་གསལ་སྙིང་ཐིག་གི་ཕྱི་སྒྲུབ་སྒྱུ་འཕྲུལ་དྲྭ་བའི་བྱིན་རླབས་བརྡ་ཡི་དབང་བཞི་ཡང་ཟབ་སྙིང་པོའི་ཐུགས་ཏིག་གི་རིམ་པ་སྟེ་ལེའུ་ཚན་གཉིས་པ་པདྨ་གར་དབང་མདོ་སྔགས་གླིང་པས་སྦྱར་བའོ། ༈

།འོ༵ད་གས༵ལ་བསམ་མི་ཁྱབ་པའི་ཡེ་ཤེས་ནི། །རང་བྱུང་སྤྲུལ༵་པའི༵་སྒྱུ་འཕྲུལ་རྡོ༵་རྗེའི༵་གཏེར། །རབ་འབྱམས་རྩ་གསུམ་རྒྱ་མཚོའི་ཁྱབ་བདག་ཆེ། །ཀུན་བཟང་པདྨ་འབྱུང་གནས་གཙུག་ཏུ་མཆོད། །རྩ་གསུམ་འོད་གསལ་སྙིང་ཐིག་གི་གཏོར་དབང་བྱིན་རླབས་དཔལ་སྟེར་སྒེར་དུ་བྱ་བར་འདོད་པས་དང་པོ་སྦྱོར་བཀོད་ནི། རྡུལ་ཚོན་ནམ་འབྲུ་ཚོམ་ལྷ་གྲངས་བཀོད་པའི་སྟེང་ཀ་པཱ་ལའམ་རིན་པོ་ཆེའི་སྣོད་དུ་བླ་མའི་གཏོར་ཆེན་བཟའ་བཅའ་སྣ་ཚོགས་ཀྱིས་བརྒྱན་པ་ལ་སྐུ་རྟེན་ཙཀླིའི་དར་གདུགས་རྣམས་མཛེས་པས་བཀོད། གཡས་གཡོན་དུ་སྨན་རག །བཀའ་སྲུང་གི་གཏོར་མ། མཆོད་པའི་བྱེ་བྲག་རྣམས་རྒྱས་པར་བཤམ་མོ། །གཉིས་པ་དངོས་གཞི་སྒྲུབ་ཐབས་ནི། བརྒྱུད་འདེབས་ནས་བརྩམས་བཟླས་པའི་བར་ལས་བྱང་གཞུང་བཞིན་བྱའོ། །ལས་བུམ་དུ་སྐད་ཅིག་གིས་ཁྲོ་བོ་རྟ་མགྲིན་དམར་པོ་གཡས་པདྨའི་དབྱུག་ཐོ་དང༌། གཡོན་མེ་ཡི་ཞགས་པ་ཐོགས་པར་གསལ་བའི་སྐུ་ལས་རྡོ་རྗེ་བདུད་རྩིའི་རྡུལ་ཕྲ་རབ་བབས་པས་བུམ་པ་གང་བར་བསམ། ཨོཾ་ཧྱ་ཡ་གྲཱྀ་བ་ཧཱུྃ་ཕཊཿ ཞེས་བརྒྱ་རྩ་བརྒྱད་བཟླ། ཁྲོ་བོ་ཆེན་པོའི་བགེགས་བཟློག་ཅིང་ལས་ཐམས་ཅད་འགྲུབ་པའི་ཕྲིན་ལས་མཛད་དུ་གསོལ། །ཞེས་ཕྲིན་ལས་བཅོལ། ཏིང་ངེ་འཛིན་གྱི་དབང་བླང་བ་རྣམས་བྱའོ། །གསུམ་པ་དབང་གི་ཆོ་ག་ལ། ཁྲུས་བྱ་བགེགས་ཕྲལ་སྲུང་འཁོར་བསྒོམ། །མཚམས་སྦྱར་གསོལ་གདབ་གནང་བ་སྦྱིན། །རྒྱུད་སྦྱང་སྡོམ་བཟུང་ཡེ་ཤེས་དབབ། །དབང་བསྐུར་དངོས་དང་རྗེས་རིམ་མོ། །ཞེས་བཅུ་གཅིག་ལས། ཁྲུས་བྱས། བགེགས་བསྐྲད། མེ་ཏོག་བཀྱེ་བསྡུ་བྱས་ཏེ་འཁོད་ལ། སྐབས་དོན་ལོ་རྒྱུས་ཀྱི་ཁྱད་པར། གཏེར་གཞུང་རྡོ་རྗེའི་ཚིག་རྐང་ལས། བྱིན་རླབས་གཏོར་མའི་དབང་བསྐུར་ནི༔ གནས་སྐབས་འགའ་རྐྱེན་སེལ་བ་དང་༔ ཕྲིན་ལས་རྣམ་བཞི་ལྷུན་གྲུབ་ཅིང་༔ མཐར་ཐུག་རྔ་ཡབ་དཔལ་གྱི་རིར༔ དབུགས་འབྱིན་མཆོག་གི་གོ་འཕང་སྦྱིན༔ ཞེས་གསུངས་པས་ན་ངོ་བོ་དབང་བསྐུར་བྱིན་རླབས་ཐམས་ཅད་ཀྱི་སྙིང་པོ་གྱུར་པས་དོན་སྨིན་བྱེད་ཡོངས་སུ་རྫོགས་ལ། རྣམ་པ་མཆོག་ཐུན་གྱི་དངོས་གྲུབ། གནས་སྐབས་མཐར་ཐུག་གི་ཕྲིན་ལས་རབ་འབྱམས་ཡིད་བཞིན་དུ་སྒྲུབ་པ་གཏོར་མའི་དབང་བསྐུར་ཆེན་པོ་སྟེ། ད་ལམ་སྐབས་སུ་བབས་པ་ཀུན་མཁྱེན་འཇམ་པའི་རྡོ་རྗེ་འོད་གསལ་སྤྲུལ་པའི་རྡོ་རྗེའི་བཀའ་བབས་བཞི་པ། རྩ་གསུམ་འོད་གསལ་སྙིང་ཐིག་གི་ཆོས་སྡེའི་བྱེ་བྲག །བླ་མ་ཆོས་སྐུ་རྡོ་རྗེ་འཆང་གསང་བ་འདུས་པ་ལྟར་སྒྲུབ་པ་འདི་ཕྲིན་ལས་ཀྱི་བྱང་བུ་སྒྱུ་འཕྲུལ་དྲྭ་བ་དང་འབྲེལ་བར་སྐུ་གསུམ་རྒྱལ་བ་འདུས་པའི་སྤྱི་གཟུགས་དཔལ་ཨོ་རྒྱན་ཆེན་པོ་པདྨ་འབྱུང་གནས་ཀྱི་རྣམ་ཐར་ཕྱི་སྒྱུ་འཕྲུལ་རྡོ་རྗེ་བཀོད་པའི་རོལ་མོ་སངས་རྒྱས་ཀུན་དང་གཉིས་སུ་མ་མཆིས་ཤིང༌། ཁྱད་པར་འཕགས་ཡུལ་ཨུ་རྒྱན་གངས་ཅན་གྱི་གདུལ་བྱ་ལ་སངས་རྒྱས་གཉིས་པར་གྲགས་པ་དོན་ལ་གནས་པའི་ཚར་གཅོད་པ་དང་རྗེས་འཛིན་གྱི་ཕྲིན་ལས་བཞིའི་འཁོར་བ་ཇི་སྲིད་བར་བཞུགས་ནས་ཡིད་བཞིན་གྱི་ནོར་བུ་རིན་པོ་ཆེ་སྐུའི་བསྟན་འགྲོའི་དོན་མཛད་པའི་བཀའ་དྲིན་རྗེས་སུ་དྲན་པའི་དཀྱིལ་འཁོར་ཀུན་གྱི་ཁྱབ་བདག་ཏུ་སྒྲུབ་ཅིང་མཆོད་པ་ཉིད་མཆོག་ཐུན་དངོས་གྲུབ་མ་ལུས་པའི་འབྱུང་གནས་སུ་མདོ་རྒྱུད་ཀུན་ལས་ཡང་ཡང་བསྔགས་ཤིང༌། གུ་རུ་ཉིད་ཀྱི་རྡོ་རྗེའི་གསུང་ལས་ཀྱང༌། ང་སྒྲུབ་སངས་རྒྱས་ཐམས་ཅད་འགྲུབ༔ ང་མཐོང་སངས་རྒྱས་ཐམས་ཅད་མཐོང་༔ ང་ནི་བདེ་གཤེགས་འདུས་པ་ཡིན༔ ཞེས་རྡོ་རྗེའི་ཚིག་གི་ཞལ་གྱིས་བཞེས་པས་མཚོན་གཏེར་ཁ་དུ་མ་ནས་འབྱུང་ཞིང༌། དེ་ཉིད་མཆོད་པའི་དུས་ཀྱི་ཁྱད་པར་ཡང་སྤྱིར་བདེ་མཆོག་ལ་སོགས་པའི་རྣལ་འབྱོར་མ་རྒྱུད་རྣམས་ནས་མར་ངོའི་ཚེས་བཅུ་ཉིད་བསགས་སྦྱང་གི་དུས་ཁྱད་པར་ཅན་དུ་གསུངས་ཤིང༌། ཁྱད་པར་གུ་རུ་རིན་པོ་ཆེ་ཉིད་ཀྱིས་རྣམ་ཐར་གྱི་མཛད་པའི་གཙོ་བོ་རགས་པ་རྣམས་ནི་ཡར་ངོའི་ཚེས་བཅུའི་དུས་སུ་བསྟན་པ་དེ་ཉིད་རྗེས་དྲན་གྱི་མཆོད་ཅིང་གསོལ་བ་བཏབ་པའི་ཐུགས་རྗེའི་གཟིགས་པ་ཁྱད་པར་དུ་འཇུག་པའི་ཞལ་བཞེས་ཀྱང་གནང་ཞིང་ཚེས་བཅུ་ཡར་མར་ངོའི་དུས་ཆེན་ལ་དཔའ་བོ་ཌཱ་ཀིའི་ཉེ་བའི་འདུ་བ་ཡང་ཡིན་པ་སོགས་དགོས་པའི་གནད་ཁྱད་པར་ཅན་ཆེས་མང་བས་གཏེར་ཁ་འདི་ཉིད་ལས་ཀྱང་ཁྱད་པར་ཡར་མར་ཚེས་བཅུའི་དུས༔ འདི་ཉིད་ཚོགས་སུ་སྒྲུབ་པ་ན༔ དངོས་ཉམས་རྨི་ལམ་མ་ངེས་པར༔ བདག་གི་ངེས་པར་བྱིན་རླབས་ཤིང་༔ འཕོས་ཚེ་ཟངས་མདོག་དཔལ་གྱི་རིར༔ རིག་པ་འཛིན་པའི་ཚོམ་བུར་སྦྱོར༔ དེ་ཕྱིར་སྙིང་གི་དབུས་སུ་ཟུང་༔ ཞེས་ཆེད་དུ་བསྔགས་ཤིང་གདམས་པའི་ཕྱིར་ཕན་ཡོན་བསམ་མི་ཁྱབ་པ་དང་ལྡན་པའི་དུས་བཟང་ཚེས་བཅུའི་མཆོད་པ་དང་འབྲེལ་བས་དབང་དང་སྒོམ་སྒྲུབ་བགྱིས་པ་གནད་དུ་ཟབ་པའི་རྒྱུ་མཚན་དང་དགོས་པ་རྣམས་ཤེས་པས་དེའི་དབང་གི་སྙིང་པོ་མདོར་བསྡུས་བགྱི་བ་ལ་སློབ་དཔོན་གྱི་བྱ་བ་རྣམས་སོང་ཟིན། ཁྱེད་རང་སློབ་མའི་ངོ་སྐལ་དུ་དབང་བསྐུར་བའི་ཡོན་དུ་དམིགས་ཏེ་མཎྜལ་ཕུལ། །སླཽབ་མས་མཎྜལ་ཕུལ་ཏེ། སངས་རྒྱས་ཀུན་འདུས་རྡོ་རྗེ་འཛིན༔ བདག་ལ་བརྩེ་བས་ཉེར་དགོངས་ནས༔ རྩ་གསུམ་དཀྱིལ་འཁོར་ལྷ་ཚོགས་ཀྱི༔ གཏོར་མའི་དབང་བསྐུར་སྩལ་དུ་གསོལ༔ ལན་གསུམ་གྱི་གསོལ་བ་གདབ་ལ། དུས་གསུམ་གཤེགས་པའི་སངས་རྒྱས་ཀུན༔ རྡོ་རྗེའི་ལམ་མཆོག་འདི་ལ་བརྟེན༔ དེ་ཕྱིར་གསང་ཆེན་དཀྱིལ་འཁོར་འདིར༔ བུ་ཁྱོད་འཇུག་ཅིང་སྨིན་པར་བྱ༔ ཞེས་བརྗོད་པས་རྗེས་སུ་གནང་བ་སྦྱིན།

དེ་ནས་སྐྱབས་སེམས་ཚོགས་བསགས་ཀྱིས་རྒྱུད་སྦྱངས། སྡོམ་པ་གསུམ་བཟུང་ཡེ་ཤེས་པ་དབབས་བསྟིམ་རྣམས་དབང་རྒྱས་པའི་སྐབས་ལྟར་བྱའོ། །དབང་མཆོག་སྔ་མ་རྣམས་ཀྱི་གཤམ་དུ་སྦྲེལ་ན་འདི་ཡན་ཆད་མི་དགོས་ཏེ། རྩ་གཞུང་ཉིད་ལས། རྩ་བའི་དབང་བཞི་དང་འབྲེལ་ན༔ རྗེས་སུ་གཟེངས་བསྟོད་ཚུལ་དུ་སྟེ༔ འདི་ཉིད་ཁོ་ནས་སྨིན་པའི་ཚེ༔ བདག་མདུན་དབྱེར་མེད་བསྐྱེད་བཟླས་དང་༔ སྔོན་འགྲོ་སྤྱི་བཞིན་སྦྱར་བའི་རྗེས༔ གཏོར་མ་ལྷ་རུ་ཤེས་པའི་ངང་༔ གནས་ལྔར་ཕྱག་མཚན་རྣམ་པ་ལྔ༔ ཡིག་འབྲུས་མཚན་པའི་འོད་ཟེར་གྱིས༔ སྐུ་གསུང་ཐུགས་ཡོན་ཕྲིན་ལས་ཀྱི༔ བྱིན་རླབས་དངོས་གྲུབ་ཐོབ་པར་བསམ༔ ཞེས་གསུངས་པས་དོན་དབང་བསྡུས་པ་གཏོར་མ་ལ་བརྟེན་ནས་དབང་བསྐུར་སྔ་མ་རྣམས་ཀྱི་ཡེ་ཤེས་ཀྱི་རྒྱུན་སྐྱེས་བརྟན་གོང་འཕེལ་དུ་གཟི་བྱིན་བསྐྱེད་པའམ། འདི་ཁོ་ནའི་ཚེ་ཐུན་མོང་དབང་བཀའ་གཏོར་དབང་གནད་ཀྱི་ཤོག་གཅིག་མ་བསྐུར་བའམ། ཚེས་བཅུའི་མཆོད་པ་དང་འབྲེལ་ན། གུ་རུའི་ཁྱད་པར་གྱི་དུས་བཟང་ཚེས་བཅུའི་མཆོད་པའི་རྗེས་འབྲེལ་བླ་མའི་ཐུགས་སྒྲུབ་ཐུན་མོང་གི་དབང་བཀའ་ཀུན་འདུས་སྒྲོན་མེ་ཞེས་གྲགས་པ་འདི་སྒྲུབ་པ་ལ་ཞེས་མཚམས་སྦྱོར་ཚུལ་གསུམ་སྐབས་སུ་གང་བབས་འཕྲུལ་ཤེས་པར་བྱས་ལ་མནྜལ་འབུལ་དུ་གཞུག །གཏོར་དབང་དངོས་ལ། སྤྱིར་གཏོར་མ་ལ་བསྙེན་སྒྲུབ་ཀྱི་དུས་སུ་དཀྱིལ་འཁོར་དུ་ཤེས་པ། མཆོད་པའི་དུས་སུ་འདོད་ཡོན་དུ་ཤེས་པ། དབང་གི་དུས་སུ་ལྷར་ཤེས་པ། རྗེས་དངོས་གྲུབ་ཏུ་ཤེས་པ་རྣམས་སུ་ཡོད་པ་ལས། འདིར་དབང་དུས་སུ་ལྷར་ཤེས་པར་བྱ་བ་ཡིན་པས་དམིགས་པ་འདི་བཞིན་དུ་མཛོད། །གཏོར་མ་རིན་ཆེན་འབར་བ་འདི་ཉིད་ཕྱི་ལྟར་རིན་པོ་ཆེའི་གཞལ་མེད་ཁང་ཡངས་ཤིང་རྒྱ་ཆེ་བ་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་ནང་ལྟར་རིགས་ཀུན་ཁྱབ་བདག་བླ་མ་ཆོས་སྐུ་རྡོ་རྗེ་འཆང་གསང་བ་འདུས་པ་ལ་ལོངས་སྐུ་ཐོད་ཕྲེང་རིགས་ལྔ། སྤྲུལ་སྐུའི་གུ་རུ་མཚན་བརྒྱད། རྩ་གསུམ་རྒྱལ་བའི་དཀྱིལ་འཁོར་སྤྲིན་ལྟར་གཏིབས་པ། མཐར་བསྐོར་དུ་ཆོས་སྐྱོང་སྲུང་མ་རྣམས་ཀྱིས་ཇི་ལྟར་བསྒོ་བའི་ཕྲིན་ལས་མཛད་དེ་མདོར་ན་རིག་འཛིན་སྒྱུ་འཕྲུལ་དྲྭ་བ་ཆེན་པོའི་རྟེན་དང་བརྟེན་པ་ཡོངས་རྫོགས་སུ་ཤར་བ་ཁྱེད་རང་རྣམས་ཀྱི་སྤྱི་བོར་སྤྱན་དྲངས་ཤིང་བྱིན་གྱི་རླབས་པ་ལ་བརྟེན་ནས། གཙོ་འཁོར་ཐམས་ཅད་ཀྱི་གནས་ལྔར་འཁོར་ལོ་པདྨ་རྡོ་རྗེ་རིན་ཆེན་རྒྱ་གྲམ་སྟེ་ཕྱག་མཚན་ལྔ་གསལ་བའི་ལྟེ་བར་ཨོཾ་ཨཱཿཧཱུྃ་སྭཱ་ཧཱས་རིགས་ལྔའི་སྙིང་པོའི་མཚན་པ་ལས་འོད་ཟེར་དཀར་དམར་མཐིང་ག་སྣ་ཚོགས་པའི་མདོག་ཅན་དཔག་ཏུ་མེད་པ་བྱུང༌། ཁྱེད་རང་རྣམས་ཀྱི་གནས་བཞིར་ཐིམ་པ་ལ་བརྟེན་ནས་ཕྱི་ནང་གསང་བ་དེ་ཁོ་ན་ཉིད་ཀྱི་དབང་བཞི་སྟན་ཐོག་གཅིག་ཏུ་ཐོབ། ལུས་ངག་ཡིད་གསུམ་ཆ་མཉམ་གྱི་སྒོ་ནས་བསགས་པའི་འགལ་རྐྱེན་སྡིག་སྒྲིབ་བར་དུ་གཅོད་པ་ཐམས་ཅད་ཉེ་བར་ཞི་ཞིང༌། གནས་སྐབས་སུ་དབང་བཞིའི་ལམ་བསྒོམ་པ་ལ་དབང་མཐར་ཐུག་སྐུ་བཞིའི་གོ་འཕང་ཐོབ་པའི་སྐལ་བ་ཅན་དུ་བྱས་པའི་མོས་པ་དུང་དུང་མཛོད་ཅིག །ཅེས་བརྡ་སྦྱར་ལ་གདངས་ཀྱི་དབྱངས་འགྱུར་སྙན་པོས་ཐུགས་དམ་བསྐུལ་བའི་ཕྱིར། ཧཱུྃ་ཧྲཱིཿ སྐུ་གསུམ་པདྨ་ཐོད་ཕྲེང་རྩལ༔ ཡི་དམ་ཡོངས་འདུས་ཧེ་རུ་ཀ༔ མཁའ་འགྲོའི་མིང་པོ་དཔའ་བོ་ཆེའི༔ གསང་གསུམ་བྱིན་རླབས་ཁྱོད་ལ་སྦྱིན༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་ཐོང་ཕྲེང་རྩལ་དེ་ཝ་ཌཱ་ཀི་ནཱི་བཛྲ་ས་མ་ཡ་ཛཿསརྦ་སིདྡྷི་ཕ་ལ་ཧཱུྃ༔ཨཱཿ ཀཱ་ཡ་ཝ་ཀ་ཙིཏྟ་གུ་ཎ་ཀརྨ་བྷ་ལིཾ་ཏ་ཨ་བྷི་ཥིཉྩ་ཧཱུྃ༔ ཅེས་བརྡ་སྤྲད་ལ་གཏོར་མ་གནས་གསུམ་དུ་བཞག །སྤྲོ་ན་སོ་སོར་དབང་བསྐུར་ཞིང་༔ ཞེས་གསུང་པས་ཚིག་རྐང་ཐ་མ་དང༌། ཀཱ་ཡ་སོགས་སྔགས་ཁ་ཕྲལ་ཏེ་བསྐུར་ཀྱང་རུང༌། དེ་ལྟར་གཏོར་མ་གནས་གསུམ་དུ་བཞག་ནས་དམ་རྫས་སྟེར་བར་འགྱུར་བ་རྫས་དབང་ལུས་ལ་བསྐུར་བ། བསྒྲགས་ཚིག་གསན་པ་ཚིག་དབང་རྣ་བར་བླུག་པ། གཏོར་མ་གནས་གསུམ་དུ་བཞག་ཏེ་གཏོར་མའི་ལྷའི་གནས་ལྔའི་ཕྱག་མཚན་དང་ཡིག་འབྲུ་ལས་འཕྲོས་པའི་འོད་ཀྱིས་སློབ་མའི་གནས་ལྔའི་ཕྱག་མཚན་ས་བོན་ལྔ་ལ་གསལ་བར་ཆགས་པས་དབང་བཞི་ཡོངས་སུ་རྫོགས་པ་ཐོབ་པར་མོས་པ་ནི་ཆོས་དབང་སེམས་ལ་བསྟིམ་པ། དེ་ལྟར་དབང་བཞི་གཏོར་མ་ལ་བརྟེན་ཏེ་བསྐུར་བས་རྩ་གསུམ་རྒྱལ་བ་རྒྱ་མཚོའི་སྐུ་གསུང་ཐུགས་ཡོན་ཏན་ཕྲིན་ལས་ཡོངས་སུ་རྫོགས་པའི་བྱིན་རླབས་དངོས་གྲུབ་ཐོབ་པ་ཆོས་དབང་སེམས་ལ་སྟིམ་པ་ཡིན་ཅིང༌། མཐར་དབང་ཞུ་ཡུལ་ཞུ་མཁན་བསྐུར་ཐོབ་ཐམས་ཅད་རང་སེམས་རིག་པའི་ཚུལ་འཛིན་མེད་ཁྱབ་བརྡལ་ཆེན་པོར་རང་གྲོལ་བ་ནི་གཏོར་མའི་བརྡ་དོན་དུ་ངེས་པ་དབང་དོན་ངོ་སྤྲད་པའོ། །རྗེས་དངོས་གྲུབ་ཏུ་ཤེས་པའི་ཕྱིར། གཏོར་མའི་ལྷ་འོད་དུ་ཞུ་བའི་གཏོར་ཟན་དངོས་གྲུབ་ཀྱི་རང་བཞིན་བདུད་རྩིའི་དྭངས་བཅུད་དུ་འཁྱིལ་བ་མྱོང་བ་རྩ་ཁམས་ཐམས་ཅད་ལ་ཁྱབ། ཟག་མེད་ཀྱི་བདེ་བས་རྒྱུད་གང༌། མཆོག་དང་ཐུན་མོང་གི་དངོས་གྲུབ་མ་ལུས་པ་ཐོབ་པའི་མོས་པ་མཛོད། གཏོར་ཟན་དངོས་སམ། མཐའ་བསྐོར་གྱི་ཐེབ་ཀྱུ་ལྟ་བུ་བདུད་རྩིར་སྦྱར་ནས་སྦྱིན། རང་རིག་ལས་མཆོད་ཡུལ་ལོགས་སུ་མེད་པར་ཐག་བཅད་ནས། བདག་ཉིད་ལྷར་གསལ་བའི་སྦྱི་བོར་བླ་མ། རྩ་ཁམས་དཔའ་བོ་རྣལ་འབྱོར་མ་དག་པས། གཏོར་ཟན་དངོས་གྲུབ་བདུད་རྩིར་འཁྱིལ་བ་དེ་རོལ་པས་དངོས་གྲུབ་རྣམ་པ་གཉིས་ཐོབ་པར་བསམ་པའོ། །གསུམ་པ་རྗེས་བརྒྱུད་པ་གཏོད་པ་ནི། དུས་འདི་ཕྱིན་ཆད་རྒྱལ་བའི་སྲས། །ཁྱོད་ཀྱི་འགྲོ་བ་འདུལ་བར་གྱིས། །དེ་ལྟར་དབང་བསྐུར་བ་ཐོབ་པའི་དུས་འདི་ཕྱིན་ཆད་རྒྱལ་བའི་གདུང་འཚོབ་སྟེ་རྒྱལ་བའི་སྲས་སུ་གྱུར་པ་ཡིན་པས་འགྲོ་བའི་དོན་གྱིས་ཤིག་ཅེས་གདམས་ལ། དམ་ཚིག་ཁས་བླང༌། མཎྜལ་ཡོན་འབུལ་དང༌། གཏོར་མ་གཏོང་བ། གཏང་རག་གི་མཆོད་བསྟོད། བཟོད་གསོལ། ཉེར་བསྡུ་སྨོན་ལམ་ཤིས་བརྗོད་རྣམས་བྱའོ། །འཇི༵གས་མེ༵ད་མཁྱེན༵་བརྩེ༵འི་སྒྱུ་འཕྲུལ་གྱི། །བྱིན་རླབས་འོ༵ད་ཟེ༵ར་འབེབས་བྱེད་ཐབས། འདོད་འབྱུང་གཏོར་མའི་དབང་མཆོག་ཡང༌། བཀྲ༵་ཤིས༵་དངོས་གྲུབ་དཔ༵ལ་གྱིས་འབྱོར༵། །རྩ་གསུམ་འོད་གསལ་སྙིང་ཐིག་གི་གཏོར་དབང་བྱིན་རླབས་དཔལ་སྟེར་གྲུབ་གཉིས་བདུད་རྩིའི་མཆོག་སྦྱིན་ལེའུ་ཚན་གསུམ་པ་བཟི་བརྗིད་རབ་ཏུ་དགའ་བའི་དཔལ་གྱིས་སྦྱར་བའོ། ༈

།འཆི་མེད་པ༵དྨ༵་རྒྱལ་པོ་གསུང་རྡོ་རྗེའི། །བརྩེ་ཆེན་འོད༵་གས༵ལ་སྤྲིན་གྱི་རོལ་སྒེག་ལ། །ཐུབ་བསྟན་མདོ༵་སྔ༵གས་ཡོངས་རྫོགས་ཆོས་ཆར་གྱིས། །ས་གསུམ་གླིང༵་ཀུན་སིམ་མཛད་མགོན་པོ་རྒྱལ། །དགོངས་གཏེར་རྩ་གསུམ་འོད་གསལ་སྙིང་ཐིག་གི་གུ་རུ་རིན་པོ་ཆེ་རྡོ་རྗེ་ཐོད་ཕྲེང་ལ་བརྟེན་པའི་ཚེ་སྒྲུབ་འཆི་མེད་དྲྭ་བའི་དབང་བཞི་ཡེ་ཤེས་སྙིང་པོ་ཇི་ལྟར་འབོག་ཚུལ་ལ་སྒྲུབ་པའི་རྫས་འདུ་བྱ་བ། དེ་ཉིད་ནུས་ལྡན་དུ་སྒྲུབ་པ། འབྲས་བུ་སྨིན་བྱེད་ཀྱི་རིམ་པའོ། །དང་པོ་ནི། དཀར་ཕྱོགས་ཀྱི་དུས་ཚེས་དགེ་བར་བཀྲ་ཤིས་ཡིད་འོང་གནས་སུ་གཞུང་མཐུན་རྟེན་གྱི་སྤྱན་སྔར་དཀྱིལ་འཁོར་རས་བྲིས་སམ། འབྲུ་དཀར་དྲི་བཟང་གི་གཤེར་ལྡན་གྱི་ཚོམས་བུ་གཙོ་བོ་འཁོར་ལྔ། དེ་རྒྱབ་བཞི། ཡང་བཞི་བཅས་བཀོད་པའི་སྟེང་མཉྫིའི་ཁར་བུམ་པ་བཅུད་ལྡན་མདུན་དུ་ལྷ་ཙཀ་ཡོངས་རྫོགས། དེའི་གཡས་གཡོན་དུ་ཚེ་རིལ་ཚེ་ཆང༌། གསང་ཐོད། རིག་ཙཀ མེ་ལོང༌། ཤེལ་རྡོ། དབང་གཏོར། བཀྲ་ཤིས་རྫས་རྟགས་རིན་ཆེན་བདུན་གྱི་ཙཀླི། མདའ་དར་བཅས་ལ་མཆོད་པས་བསྐོར། ཚོགས་མཆོད་དང༌། སྲུང་མ། ཆད་བརྟན། དཀར་བགེགས། རྒྱས་པར་སྤྲོ་ན་རིག་དབང་ལྔའི་ཆས་སོགས་འོག་ཏུ་དགོས་པ་ཀུན་འདུ་བྱའོ། །གཉིས་པ་ནི་བརྒྱུད་འདེབས་སྔོན་འགྲོས་ཚེ་སྒྲུབ་འཆི་མེད་དྲྭ་བའི་ལས་བྱང་ལྟར་བདག་མདུན་དབྱེར་མེད་ཛབ¿་ཁང་དབྱེ་མིན་རང་བློས་དཔག་པས་བསྙེན་བཟླས་བྱ། རྣམ་བུམ་ལ་དམིགས་ཏེ། བུམ་པ་བྷྲཱུྃ་ལས་གཞལ་ཡས་ཁང་༔ མཚན་ཉིད་ཐམས་ཅད་ཡོངས་རྫོགས་དབུས༔ འཆི་མེད་ཚེ་ཡི་ལྷ་ཚོགས་རྣམས༔ སྣང་སྟོང་ཆུ་ཟླ་ལྟ་བུར་གསལ༔ རང་གི་ཐུགས་སྲོག་སྔགས་ཕྲེང་ལས༔ འོད་ཟེར་མཆོད་པའི་ཚུལ་དུ་སྤྲོས༔ སྙོམས་འཇུག་བྱང་སེམས་བདུད་རྩི་ཡིས༔ བུམ་པ་ཡོངས་སུ་གང་བར་གྱུར༔ ཅེས་བརྗོད་ཅིང་བསམ་ལ་གཟུངས་ཐག་ནས་བཟུང་སྟེ་གོང་གི་བཟླས་པ་ཇི་ལྟར་ནུས་པ་རྣམས་དང༌། ལས་བུམ་དུའང་རྟ་མགྲིན་གསལ་ལ། ཨོཾ་ཧ་ཡ་གྲྀ་བ་ཧཱུྃ་ཕཊ། །ཅེས་བཟླས་མཐར་དབྱངས་གསལ་རྟེན་སྙིང་ལན་གསུམ། སྤྲོ་ན། གཞུང་གི་ཚེ་འགུགས་དང༌། མཆོད་བསྟོད། ཡིག་བརྒྱ་ལན་གསུམ་མཐར། ཨོཾ་ཨཱཿཧཱུྃ། མཆོད་ཡོན་ཕུལ་བའི་རྐྱེན་གྱིས་བུམ་པའི་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་ནས་བུམ་ཆུ་དང་དབྱེར་མེད་དུ་གྱུར་པར་བསམ། བདག་འཇུག་གི་རིག་པའི་མེ་ཏོག་དོར་ལ་སློབ་མ་འཇུག་པར་གནང་བ་ཞུ་བཀའ་གཏེར་སྲུང་མའི་གཏོར་འབུལ། ཚོགས་མཆོད། བསྐང་བཤགས་བཅས་ཕྱི་སྒྲུབ་ལྟར་བྱའོ།

།གསུམ་པ་ལ། ཐུན་མོང་མ་ཡིན་པའི་སྨིན་བྱེད་དང༌། ཐུན་མོང་གི་དབང་གཉིས་ལས་དང་པོ་ནི། སློབ་མ་རྣམས་ཕྱི་རོལ་དུ་ཁྲུས་བྱས། ནང་དུ་འཇུག་པ་ན་བགེགས་གཏོར་བསང་སྦྱངས་བྱིན་གྱི་རླབས་ཏེ་བསྔོས་ལ། བཀའ་བསྒོ་ཞིང་བསྐྲད་གཟིར་བྱ། སྲུང་འཁོར་སྒོམ། མེཏོག་བཀྱེ་བསྡུ་དང༌། ཀུན་སློང་དང་ཀུན་སྤྱོད་བཅོས་པ་སྔོན་དུ་འགྲོ་བས། དེ་ཡང་རྒྱལ་བ་ཐམས་ཅད་མཁྱེན་པས་གདུལ་བྱ་སོ་སོའི་མོས་པ་དང་འཚམས་པའི་ཆོས་འཁོར་རྒྱ་ཆེ་ལ་ཟབ་མོའི་སྒོ་དུ་མ་ནས་སྩལ་བ་ཐམས་ཅད་མཐར་ཐུག་རྫོགས་པའི་སངས་རྒྱས་ཀྱི་གོ་འཕང་ཐོབ་བྱེད་འབའ་ཞིག་ཏུ་ངེས་ཀྱང༌། ཐོག་མར་ཉིད་དུ་ཆོས་བཞིན་སྤྱོད་པའི་སྐྱེས་བུའི་སྒྲུབ་བྱ་གལ་ཆེ་བ་ནི་རྡོ་རྗེའི་ཚེ་སྒྲུབ་པའི་ལས་རིམ་ཡིན་ལ། དེ་ཡང་རྫས་སྔགས་ཏིང་ངེ་འཛིན་གྱི་སྒྲུབ་ཚུལ། ཐུན་མོང་དང་མཆོག་གི་ལམ་གྱིས་སྒྲུབ་པའི་སྒོ་དུ་མ་ཞིག་ཡོད་པ་ལས་ཀུན་མཐུན་ཀུན་ལས་ཁྱད་པར་འཕགས་པའི་སྒྲུབ་ཐབས་ནི་རྡོ་རྗེ་ཐེག་པ་རྣལ་འབྱོར་བླ་མེད་ཀྱི་ལམ་བསྐྱེད་རྫོགས་ཟུང་འཇུག་གི་སྒོ་ནས་སྒྲུབ་པ་ཉིད་ཆེས་ཟབ་ཅིང་རྨད་དུ་བྱུང་བ་སྟེ། དེ་ལའང་བཀའ་གཏེར་དག་སྣང་གི་སྒྲུབ་པའི་མན་ངག་བགྲང་ལས་འདས་པ་བཞུགས་པ་ལས་ད་ལྟ་སྐབས་སུ་བབ་པ་ནི་འཇམ་པའི་དབྱངས་མཁྱེན་བརྩེའི་དབང་པོ་ཞེས་འཆི་མེད་གྲུབ་པའི་སློབ་དཔོན་རྣམས་ཀྱི་རྗེས་སུ་བཟུང་ཞིང༌། མགོན་པོ་ཚེ་དཔག་མེད་ཚེ་ཡུམ་ཙཎྜ་ལི། འཕགས་མ་ཡིད་བཞིན་འཁོར་ལོ། །གཙུག་ཏོར་རྣམ་པར་རྒྱལ་མ་དངོས་ཀྱིས་ཞལ་བསྟན་ཏེ་དབང་དང་བྱིན་རླབས་སྩལ་བའི་རྟགས་མཚན་ཡང་ཡང་གཟིགས་པ། འཇམ་མགོན་གྲུབ་པའི་དཔའ་བོ་པདྨ་གར་གྱི་དབང་ཕྱུག་ལ་ཚེ་ལམ་གྱི་རྟོགས་པ་སྦར་བས་སྐུ་ཚེ་དང་ཕྲིན་ལས་ལ་མངའ་བརྙེས་པའི་གྲུབ་པའི་རྟགས་མཚན་མངོན་སུམ་བསྟན་ནུས་པའི་བདག་ཉིད་ཆེན་པོ་གང་ལ་རྩ་གསུམ་གྱི་ལྷ་སྔགས་ཀྱིས་ཚེ་སྒྲུབ་པའི་ཐབས་ཟབ་ཅིང་རྒྱ་ཆེ་བ་དུ་མའི་བཀའ་བབས་པ་ལས་འདིར་ནི་ངེས་པའི་དོན་དུ་གསུང་རྡོ་རྗེ་ཚེ་མཐའ་ཡས་པའི་ཡེ་ཤེས་དང་ཐ་མི་དད་ཀྱང་ཚུར་མཐོང་གི་གདུལ་བྱའི་སྣང་ངོར་རྒྱ་གར་ཤར་ཕྱོགས་བཀྲ་ཤིས་བྲག་ཕུག་མཱ་ར་ཏི་ཀའི་ཀེའུ་ཚང་དུ་ཚེ་ལམ་གྱི་ཕྱག་རྒྱ་མཎྜ་ར་བས་སྒྲུབ་སྡེ་མོ་མཛད་དེ་རྡོ་རྗེ་ཐེག་པའི་ཉེ་རྒྱུའི་བརྟུལ་ཞུགས་ཀྱི་ཚེ་སྒྲུབ་པས་མགོན་པོ་ཚེ་དཔག་མེད་ཡུབ་ཡུམ་དངོས་སུ་བྱོན་ནས་དབང་བསྐུར། ཚེ་རྒྱུད་བྱེ་བ་ཕྲག་བརྒྱ་བསྟན་པས་ཚེ་དབང་རིག་འཛིན་མངོན་དུ་གྱུར་པས་ནམ་མཁའ་ཇི་སྲིད་རྡོ་རྗེའི་སྐུ་ལ་སྐྱེ་འཆི་མི་མངའ་བས་ད་ལྟའང་ཛམ་གླིང་འདིའི་ལྷོ་ནུབ་ཟངས་མདོག་དཔལ་གྱི་རིར་མངོན་སུམ་དུ་བཞུགས་པ་དང༌། ལྷ་ལྕམ་མནྡ་ར་བ། རྗེ་འབངས་གྲོགས་ལྔ་སོགས་སྔོན་བྱོན་དང༌། རྒྱ་བན་རྡོ་རྗེ་འོད། གྲུབ་ཐོབ་དངོས་གྲུབ། གྲུབ་པའི་དབང་ཕྱུག་ཐང་སྟོང་རྒྱལ་པོ། མངའ་རིས་རིག་འཛིན་ལེགས་ལྡན་རྗེ་ལ་སོགས་ཕྱིས་སུ་བྱོན་པས་མཚོན་འཕགས་བོད་ཀུན་སྐུ་ཚེའི་དངོས་གྲུབ་བརྙེས་པ་ད་ལྟའི་བར་ཟམ་མ་ཆད་པ་ཀུན་ཀྱང་དེའི་རྟེན་འབྱུང་ལས་བྱུང་བས་ན་འཆི་མེད་ཡེ་ཤེས་རྡོ་རྗེའི་སྐུ་ཅན་སྟང་དཔྱལ་གྱི་རྡོ་རྗེ་གསུམ་གྱི་རྣལ་འབྱོར་ལ་གནད་དུ་བསྣུན་པ་ནི་རྡོ་རྗེའི་ཚེ་སྒྲུབ་པའི་གསེང་ལམ་ཀུན་ལས་ཟབ་མྱུར་བྱིན་རླབས་ཀྱི་ཚན་ཁ་ཆེ་བ་སྟེ་གཞུང་ལས། འདི་ནི་བསྙེན་སྒྲུབ་ལས་གསུམ་པོ༔ གཅིག་དྲིལ་བསྐྱེད་རྫོགས་ཟུང་འཇུག་སྟེ༔ འཆི་མེད་སྒྲུབ་པའི་མན་ངག་མཆོག༔ འབུམ་ཕྲག་ཀུན་གྱི་ཡང་སྙིང་ཡིན༔ ཞེས་དང༌། དེ་ཕྱིར་འཆི་མེད་སྒྲུབ་པའི་ཐབས༔ བྱེ་བ་ཕྲག་བརྒྱའི་ཡང་སྙིང་འདི༔ འདས་དུས་མཱ་ར་ཏི་ཀ་རུ༔ རིག་འཛིན་ཌཱ་ཀི་རྣམས་ལ་བསྟན༔ མ་འོངས་ལྔ་བརྒྱའི་ཐ་མ་ལ༔ བདག་གིས་བྱིན་རླབས་རྣལ་འབྱོར་པ༔ འོད་གསལ་སྤྲུལ་པའི་རྡོ་རྗེའི་དོན༔ རིག་པ་དབྱིངས་ཀྱི་སྒྲོམ་བུར་སྦས༔ ནམ་ཞིག་རྟེན་འབྲེལ་དུས་བབ་ཚེ༔ སྔོན་གྱི་སྨོན་ལམ་ལྷན་ཅིག་པའི༔ ཆོས་བདག་སྐྱེས་བུའི་ཚོགས་ལ་སོགས༔ འབྲེལ་ཚད་དོན་དང་ལྡན་པར་ཤོག༔ ཅེས་གསུངས་པའི་དགོངས་གཏེར་རྩ་གསུམ་འོད་གསལ་སྙིང་ཐིག་གི་ཚེ་སྒྲུབ་འཆི་མེད་དྲྭ་བའི་ཐུན་མོང་མ་ཡིན་པའི་ཟབ་ལམ་ཚེ་ཡི་དབང་བསྐུར་བགྱི་བ་ལ་སློབ་དཔོན་གྱི་བྱ་བ་རྣམས་སོང་གྲུབ་པ་ལགས་པས། ཁྱེད་རང་རྣམས་ཀྱི་བགྱི་བར་འོས་པ་ལ་ཐོག་མར་ཚེ་དབང་ཟབ་མོ་ཞུ་བའི་ཡོན་དུ་མཎྜལ་ཕུལ། །ཞེས་མཚམས་སྦྱར་ལ་མཎྜལ་འབུལ་དུ་གཞུག །འོག་ནས་ཐུན་མོང་རིགས་དབང་ལྔ་སོགས་རྒྱས་པར་སྤྲོ་ན་སྔོན་འགྲོ་ཕྱི་ནང་གི་འཇུག་པ་གོང་གི་རྩ་བའི་དབང་ཆོག་ཡེ་ཤེས་ཐིག་ལེ་ལྟར་བྱ། དབང་བཞི་ཙམ་ལས་རྒྱས་པ་རིགས་དབང་ལྔ་སོགས་མི་བསྐུར་ན། བླ་མ་དང་དཀྱིལ་འཁོར་གྱི་བདག་པོ་དབྱེར་མི་ཕྱེད་པའི་སྤྱན་སྔར་ཐལ་མོ་མེ་ཏོག་དང་བཅས་གསོལ་བ་འདེབས་འདིའི་རྗེས་ཟློས་མཛོད། སངས་རྒྱས་ཀུན་འདུས་རྡོ་རྗེ་འཛིན༔ བདག་ལ་བརྩེ་བས་ཉེར་དགོངས་ན༔ འཆི་མེད་རྩ་གསུམ་ལྷ་ཚོགས་ཀྱིས༔ ཚེ་ཡི་དབང་བསྐུར་སྩལ་དུ་གསོལ༔ ལན་གསུམ།

དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ། སྐྱབས་ཀྱི་ཡུལ་མདུན་གྱི་ནམ་མཁར་འཆི་མེད་པདྨ་ཐོད་ཕྲེང་རིག་འཛིན་སྒྱུ་འཕྲུལ་དྲྭ་བའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། སྐྱབས་བྱ་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྐྱབས་སུ་འགྲོ་ཚུལ་སྒོ་གསུམ་འཇུག་པ་གཅིག་པས། སྐྱབས་འགྲོའི་རྒྱུ་དེང་ནས་བྱང་ཆུབ་མ་ཐོབ་བར་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཏེ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་ཅི་མཛད་ཁྱེད་མཁྱེན་བློ་གཏད་ལིང་སྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས༔ ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཐོག་མེད་དུས་ནས་ཕ་མར་གྱུར་པའི་མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལས་འདས་པ་སྐུ་གསུམ་བླ་མའི་གོ་འཕང་ལ་བདེ་མྱུར་གྱིས་འགོད་པར་བྱ། དེའི་ཕྱིར་དུ་བླ་ན་མེད་པའི་དཀྱིལ་འཁོར་གཉན་པོ་འདིར་འཇུག་ཅིང་དབང་གིས་རྒྱུད་སྨིན་པར་བྱས་ནས་ལམ་རིམ་པ་གཉིས་ཀྱི་ཏིང་ངེ་འཛིན་དང་མ་བྲལ་བས་རྒྱལ་བའི་སྲས་ཀྱི་སྤྱོད་པ་རླབས་པོ་ཆེའི་རྗེས་སུ་སློབ་སྙམ་པས་སྨོན་འཇུག་གི་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་སྤྲུལ་ནས་སྒོ་གསུམ་གུས་པ་ཆེན་པོའི་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྡིག་ལྟུང་གི་བྱས་བསགས་ལ་འགྱོད་པའི་སེམས་ཀྱིས་བཤགས་སྡོམ་དང༌། ཚོགས་གཉིས་ཀྱི་དགེ་སྤྱོད་ལ་རྗེས་སུ་ཡི་རང་བ། ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་བཞུགས་པར་གསོལ་ཞིང་དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་རྗེས་ཟློས། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དབང་གི་ཡེ་ཤེས་སྐྱེ་བརྟན་གོང་འཕེལ་དུ་འགྱུར་བ་ལ་རྒྱུད་རྣམ་པར་དག་ཅིང་སྡོམ་པ་དང་ལྡན་དགོས་པས། ཚོགས་ཞིང་དེ་རྣམས་དཔང་པོར་བྱས་ཏེ་ཕྱི་སོ་སོ་ཐར་པའི་སྡོམ་པ། ནང་བྱང་ཆུབ་སེམས་ཀྱི་བསླབ་པ། གསང་བ་བླ་མེད་རྡོ་རྗེ་ཐེག་པའི་དམ་ཚིག་རྣམས་ལེགས་པར་བླངས་ནས་ཚུལ་བཞིན་བསྲུང་སྙམ་པས་འདིའི་རྗེས་ཟློས་མཛོད། རྩ་གསུམ་དཀྱིལ་འཁོར་ལྷ་ཚོགས་དང༔ རྡོ་རྗེ་སློབ་དཔོན་དགོངས་སུ་གསོལ༔ རིག་པ་འཛིན་པ་བདག་གིས་ནི༔ དེང་ནས་བྱང་ཆུབ་སྙིང་པོའི་བར༔ ངེས་པར་འབྱུང་བས་རྒྱུད་བསྐུལ་ནས༔ ཕྱི་ནང་གསང་བ་བླ་མེད་པའི༔ མཆོག་གསུམ་སྐྱབས་ཀྱི་སྙིང་པོར་བཟུང་༔ ལུས་ངག་ཡིད་ཀྱིས་གཞན་རྣམས་ལ༔ གནོད་པའི་བསམ་སྦྱོར་ཡོངས་སྤངས་ཞིང་༔ བྱམས་དང་སྙིང་རྗེ་ཆེན་པོའི་བློས༔ ཕ་རོལ་ཕྱིན་པ་དྲུག་ལ་སོགས༔ ཕན་བདེའི་སྤྱོད་པ་རླབས་ཆེན་སྤྱད༔ མ་བསྒྲལ་བསྒྲལ་དང་མ་གྲོལ་སྒྲོལ༔ དབུགས་མ་ཕྱུངས་རྣམས་དབུགས་དབྱུང་ཞིང་༔ ཐམས་ཅད་སྲིད་ཞི་ལས་འདས་པའི༔ བླ་མེད་བྱང་ཆུབ་དམ་པར་འགོད༔ བདེ་གཤེགས་རྡོ་རྗེ་རིན་པོ་ཆེ༔ པདྨ་ལས་ཀྱི་སྡོམ་པ་དང་༔ ཡན་ལག་དམ་ཚིག་ཉི་ཤུ་ལྔ༔ རྩ་བ་སྐུ་གསུང་ཐུགས་ལ་སོགས༔ རྡོ་རྗེ་འཆང་གི་རྒྱུད་སྡེ་ལས༔ སྔགས་ཀྱི་འདུལ་བ་གང་གསུང་པ༔ གཙོ་བོས་བདག་ལ་བཀའ་དྲིན་མཛོད༔ ལན་གསུམ།

དེ་ནས་དབང་གི་གཞི་འགོད་པ་ཡེ་ཤེས་པ་དབབ་པ་ལ། ཁྱེད་རང་རྣམས་ལུས་དྲང་པོར་བསྲང༌། ངག་སྲོག་རྩོལ་ཁ་སྦྱོར་དུ་འཆིངས། ཡིད་ཚོགས་དྲུག་གི་ཡུལ་ལ་སྐད་ཅིག་ཀྱང་མ་ཡེངས་པར་སྒོ་གསུམ་གྱི་གནད་བཅུན་ཏེ་དམིགས་པ་འདི་བཞིན་མཛོད། །སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། ཁྱེད་རང་གི་གདོས་བཅས་ཕུང་ཁམས་ཀྱིས་མཚོན་པའི་མ་དག་པའི་སྣང་བ་ཐམས་ཅད་མི་དམིགས་ཏེ་སྟོང་པར་སྦྱངས། སྟོང་པའི་ངང་ལས་ས་ཕྱོགས་བདེ་ཆེན་པདྨ་དྲྭ་བའི་བཀོད་པ་ཕུན་སུམ་ཚོགས་པས་སྤྲས་པའི་དབུས་སུ་རབ་ཏུ་རྒྱས་པའི་ཆུ་སྐྱེས་དང་ཉི་ཟླའི་དཀྱིལ་འཁོར་གྱི་གདན་ལ། ཁྱེད་རང་རྣམས་སྐད་ཅིག་གི་རྩ་གསུམ་ཀུན་འདུས་འཆི་མེད་པདྨ་འབྱུང་གནས་སྐུ་མདོག་དཀར་ལ་དམར་བའི་གདངས་ཅན་གཞོན་སྒེག་ཞི་འཛུམ་བཅུ་དྲུག་ལང་ཚོ་དར་ལ་བབ་པའི་མཚན་དཔེའི་གཟི་བྱིན་ལྟ་ན་སྡུག་པས་སྒེག་པ། ཞལ་གཅིག་ཞི་ཞིང་འཛུམ་པ། ཕྱག་གཡས་རྡོ་རྗེ་ཐུགས་ཀར་གཏོད་ཅིང་གཡོན་མཉམ་བཞག་གིས་བྷནྡྷ་བདུད་རྩིས་གང་བའི་ནང་དུ་འཆི་མེད་ཚེ་ཡི་བུམ་པས་མཚན་པ་བསྣམས་པ། ཞབས་རྡོ་རྗེའི་སྐྱིལ་མོ་ཀྲུང་གི་འཇའ་ཟེར་ཐིག་ལེའི་ཀློང་ན་བཞུགས་པའི་པང་དུ་ལྷ་ལྕམ་མནྡ་ར་དམར་གསལ་བདེ་ཆེན་ཆགས་པའི་ཉམས་འགྱུར་རབ་ཏུ་རྒྱས་ཤིང༌། ནུ་འབུར་མཁྲེགས་ཤིང་གསང་བའི་ཆུ་སྐྱེས་རྒྱས་པ་དང༌། ཕྱག་གཉིས་མདའ་དར་དང་བདེ་སྐྱོངས་བདུད་རྩིའི་གཏམ་པ་བསྣམས་པ་ཨུཏྤལ་དང་རིན་པོ་ཆེའི་རྒྱན་གྱིས་སྒེག་པས་པདྨའི་སྐྱིལ་ཀྲུང་གིས་ཡབ་ལ་གཉིས་མེད་དུ་འཁྲིལ་བའི་འཆི་མེད་འཇའ་ལུས་རྡོ་རྗེའི་སྐུ་ཅན་གྱི་གནས་ལྔར་ཐོད་ཕྲེང་རིགས་ལྔ། རིགས་ཀྱི་བདག་པོ་ཚེ་མཐའ་ཡས་པ་དང་འོད་དཔག་མེད་ཐོ་བརྩེགས་སུ་བཞུགས་པར་གསལ་གནས་གསུམ་དུ་སྐུ་གསུང་ཐུགས་རྡོ་རྗེའི་རང་བཞིན་ཨོཾ་དཀར་ཨཱཿདམར་ཧཱུྃ་མཐིང་གིས་མཚན་པ་གསལ་ཐོབ་ཅིག །སློབ་དཔོན་ཀྱང་འཆི་མེད་པདྨ་འབྱུང་གནས་སུ་གསལ་བ་ལ་མོས་གུས་བསྐྱེད་པས་ཐུགས་ཀ་ནས་འོད་ཟེར་གྱི་སྣང་བ་བསམ་གྱིས་མི་ཁྱབ་པ་འཕྲོས། ཕྱོགས་བཅུའི་སངས་རྒྱས་ཀྱི་ཞིང་རབ་འབྱམས་རྣམས་དང༌། ཁྱད་པར་དཔལ་རི་པདྨ་འོད་ཀྱི་གཞལ་ཡས་ཁང་ཆེན་པོ་ན། མ་ཧཱ་གུ་རུ་འཆི་མེད་པདྨ་འབྱུང་གནས་གྲུབ་པ་རིག་འཛིན་དཔའ་བོ་མཁའ་འགྲོ་རྩ་གསུམ་ཚེ་ཡི་ལྷ་ཚོགས་འཁོར་དང་བཅས་པ་སྐད་ཅིག་གིས་ཞི་ཁྲོའི་སྐུ་ཡི་རྣམ་འགྱུར། རྫུ་འཕྲུལ་བྱིན་རླབས་ཀྱི་རྩལ་བསམ་གྱིས་མི་ཁྱབ་པ་དང་བཅས་བྱོན་ནས་ཁྱེད་རང་རྣམས་ལ་ཐིམ་པས་རྒྱུད་བྱིན་གྱིས་བརླབ་པའི་མོས་འདུན་མཛོད་ཅིག །དབྱངས་དང་ཐོད་རྔ་བཅས། འབེབས་རྫས་བསྲེགས། དབྱངས་དང་ཅང་ཏེའུ་དྲིལ་བུ་སོགས་རོལ་མོས་བསྐུལ་ལ། ཧཱུྃ་ཧྲཱི༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ བདེ་གཤེགས་ཀུན་འདུས་འཆི་མེད་ཐོད་ཕྲེང་རྩལ༔ མོས་པའི་གནས་འདིར་གདུང་བས་སྤྱན་འདྲེན་ན༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་རྗེས་བྱིན་གྱིས་བརླབ་ཕྱིར་གཤེགས་ནས་ཀྱང་༔ རྣལ་འབྱོར་སྒོ་གསུམ་རྡོ་རྗེའི་དབང་བསྐུར་ལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་སརྦ་དྷརྨ་པཱ་ལ་ཛྙཱ་ན་བཛྲ་ས་མ་ཡ་ཨཱ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ བརྗོད་ལ་དབབ་མཐར། དེ་ལྟར་དབབ་པའི་ཡེ་ཤེས་པ་དེ་ཉིད་ཁྱེད་རང་རྣམས་ཀྱི་སྒོ་གསུམ་ལ་དབྱེར་མེད་དུ་བརྟན་པར་བྱས་པའི་མོས་པ་མཛོད༔ ཏིཥྛ་བཛྲ། ཞེས་བརྗོད་རྒྱ་གྲམ་དུ་བཞག

།དེ་ནས་དབང་དངོས་ལ་དབང་བཞི་མཐའ་རྟེན་དང་བཅས་པ་ལས། དང་པོ་ཐུན་མོང་དབང་བཞིས་སྒོ་གསུམ་གྱི་སྒྲིབ་པ་སྦྱངས་ཏེ་བྱིན་རླབས་ཀྱི་སྒོ་དབྱེ། ཁྱད་པར་འཆི་མེད་ཚེའི་དབང་གིས་སྐུ་གསུང་ཐུགས་ཡེ་ཤེས་རྡོ་རྗེའི་ངོ་བོར་སྨིན་པར་བྱེད། རང་རང་གི་དྭངས་མ་བསྡུ་བསྟིམ་གྱིས་རྒྱས་འདེབས་གསུམ་ཡོད་པ་ལས། དང་པོ་བུམ་དབང་མཐའ་རྟེན་དང་བཅས་པའི་དོན་དུ་ཐུགས་དམིགས་འདི་ལྟར་མཛོད། བདག་མདུན་དཀྱིལ་འཁོར་གྱི་ལྷ་ཡི་ཐུགས་ཀ་ནས་སྤྲོས་པའི་རིག་པའི་ལྷ་མོ་རྣམས་ཀྱིས་རིན་པོ་ཆེའི་བུམ་པ་འཆི་མེད་ཚེ་ཡི་བདུད་རྩིའི་གང་བས་དབང་བསྐུར་བ་ཁྱེད་རང་རྣམས་ཀྱི་སྤྱི་བོ་ཚངས་པའི་བུ་ག་ནས་ཞུགས། ལུས་ཀྱི་ནང་ཐམས་ཅད་གང༌། དུས་མ་ཡིན་པ་འཆི་བའི་བག་ཆགས་དང་བཅས་པ་སྦྱངས། འཆི་མེད་ཚེའི་དངོས་གྲུབ་ཐོབ། དྭངས་མ་སྙིང་དབུས་ཡེ་ཤེས་སེམས་དཔའ་པདྨ་ཚེ་དཔག་མེད་པའི་ཐུགས་ཀའི་ཧྲཱིཿལ་ཐིམ་པས་རྡོ་རྗེའི་སྲོག་འགྲུབ་པའི་མོས་པ་མཛོད། རྣམ་བུམ་ཐོགས་ལ། ཧྲཱིཿ གཞི་དབྱིངས་གཞོན་དུ་བུམ་སྐུའི་དཀྱིལ་འཁོར་དུ༔ གཞི་སྣང་རིག་པ་ཡེ་ཤེས་ལྷ་ཚོགས་ཤར༔ ཟུང་འཇུག་ཐུགས་རྗེ་བདུད་རྩིའི་དབང་བསྐུར་བས༔ འཆི་མེད་རྡོ་རྗེའི་སྐུ་རུ་འགྲུབ་པར་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་སིདྡྷི་པུཎྱེ་ཛྙཱ་ན་ཨ་ཡུར་སིདྡྷི་ཛཿ ཀཱ་ལ་ཤ་ཀ་ཡ་ཨ་བྷི་ཥིཉྩ་ཨོཾ༔ སྐབས་འདིར། སྤྲོ་ན་རིག་པའི་དབང་ལྔ་སོགས༔ ཡེ་ཤེས་ཐིག་ལེ་ཇི་བཞིན་ལ༔ གཙོ་འཁོར་ཡོངས་རྫོགས་ལྷ་དབང་བསྐུར༔ ཞེས་གསུངས་པས་རྒྱས་པར་ཐུན་མོང་རིགས་དབང་ལྔ་རྩ་དབང་ལྟར་སྦྱོར་དགོས་པས་ཕྱི་སྒྲུབ་ཀྱི་རིགས་དབང་ལྟར་སྦྱར་ན་ལེགས་མོད། འདིར་སྤྲོས་པ་འཚམས་ཕྱིར། ཁྱེད་རང་རྣམས་རྡོ་རྗེ་ཐོད་ཕྲེང་རྩལ་མཐིང་ནག་རྡོ་རྗེ་དང་དྲིལ་བུ་འཛིན་པའི་སྐུར་གསལ་བ་ལས། གདན་གསུམ་ཚང་བའི་དབང་ལྷ་ནམ་མཁའ་གང་བས་རྣམ་པར་རྒྱལ་བའི་བུམ་པའི་ཆུ་མི་བསྐྱོད་པའི་ངོ་བོ་ཅན་གྱིས་དབང་བསྐུར་བ་མོས་མཛོད། རྣམ་བུམ་ཐོགས་ལ། ཧཱུྃ༔ ཞེ་སྡང་རྣམ་དག་རྡོ་རྗེའི་རིགས༔ མི་བསྐྱོད་ཆུ་ཡིས་དབང་བསྐུར་བས༔ རྣམ་ཤེས་ཕུང་པོ་རང་གྲོལ་ནས༔ མེ་ལོང་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐ་ག་ཏ་བཛྲ་ཨ་བྷི་ཥིཉྩ་ཧཱུྃ༔ ཞེས་ཆུ་སྦྱིན། སྤྱི་བོར་འཐོར། བུམ་པའི་བདུད་རྩིས་ལུས་གང༌། དྲི་མ་དག་ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུར་བརྒྱན། དེས་མི་བསྐྱོད་པའི་སྒོ་ནས་ཆུ་ཡི་དབང་ཐོབ། ཉོན་མོངས་པ་ཞེ་སྡང་དག །རྣམ་པར་ཤེས་པའི་ཕུང་པོ་གནས་གྱུར་རྡོ་རྗེ་རིགས་ཀྱི་སྐུ་དང་ཡེ་ཤེས་མངོན་དུ་འགྲུབ་པའི་སྐལ་བ་ཅན་དུ་བྱས་པའོ། །དེས་འགྲེས་ཏེ། ཁྱེད་རང་རྣམས་རཏྣ་ཐོད་ཕྲེང་སེར་པོ་རིན་ཆེན་དང་དྲིལ་བུ་འཛིན་པའི་སྐུར་གསལ་བ་ལས། གདན་གསུམ་ཚང་བའི་དབང་ལྷ་ནམ་མཁའ་གང་བས་རིན་ཆེན་འབྱུང་ལྡན་གྱི་ངོ་བོ་དབུ་རྒྱན་གྱིས་དབང་བསྐུར་བར་མོས་མཛོད། དབུ་རྒྱན་ཐོགས་ལ་མགོར་བཅིངས། ཧཱུྃ༔ ང་རྒྱལ་རྣམ་དག་རིན་ཆེན་རིགས༔ རིན་ཆེན་འབྱུང་ལྡན་དབང་བསྐུར་བས༔ ཚོར་བའི་ཕུང་པོ་རང་གྲོལ་ནས༔ མཉམ་ཉིད་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐ་ག་ཏ་རཏྣ་ཨ་བྷི་ཥིཉྩ་ཏྲཱྃ༔ བུམ་ཆུ་འཐོར་ཏེ། བཛྲ་ཨུ་ད་ཀ་ཨ་བྷི་ཥིཉྩ་མི༔ བུམ་པའི་བདུད་རྩིས་ལུས་གང༌། དྲི་མ་དག་ཆུའི་ལྷག་མ་ཡར་ལུད་པ་ལས་རིན་ཆེན་འབྱུང་ལྡན་གྱིས་དབུར་བརྒྱན། དེས་རིན་ཆེན་འབྱུང་ལྡན་གྱི་སྒོ་ནས་དབུ་རྒྱན་གྱི་དབང་ཐོབ། ཉོན་མོངས་པ་ང་རྒྱལ་དག །ཚོར་བའི་ཕུང་པོ་གནས་གྱུར། རིན་ཆེན་རིགས་ཀྱི་སྐུ་དང་ཡེ་ཤེས་མངོན་དུ་འགྲུབ་པའི་སྐལ་བ་ཅན་དུ་བྱས་པའོ། ཁྱེད་རང་རྣམས་པདྨ་ཐོད་ཕྲེང་པདྨ་དང་དྲིལ་བུ་འཛིན་པའི་སྐུར་གསལ་བ་ལས། གདན་གསུམ་ཚང་བའི་དབང་ལྷ་ནམ་མཁའ་གང་བས་སྣང་བ་མཐའ་ཡས་ཀྱི་ངོ་བོ་རྡོ་རྗེས་དབང་བསྐུར་བར་མོས་མཛོད། རྡོ་རྗེ་ཐོགས་ལ་ལག་གཡས་སུ་གཏད། ཧཱུྃ༔ འདོད་ཆགས་རྣམ་དག་པདྨའི་རིགས༔ མཐའ་ཡས་རྡོ་རྗེའི་དབང་བསྐུར་བས༔ འདུ་ཤེས་ཕུང་པོ་རང་གྲོལ་ནས༔ སོར་རྟོག་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐ་ག་ཏ་པདྨ་ཨ་བྷི་ཥིཉྩ་ཧྲཱིཿ བུམ་ཆུ་འཐོར་ལ། བཛྲ་ཨུ་ད་ཀ་ཨ་བྷི་ཥིཉྩ་མི༔ བུམ་པའི་བདུད་རྩིས་ལུས་གང༌། དྲི་མ་དག་ཆུའི་ལྷག་མ་ཡར་ལུད་པ་ལས་སྣང་བ་མཐའ་ཡས་ཀྱི་དབུར་བརྒྱན། དེས་འོད་དཔག་མེད་ཀྱི་སྒོ་ནས་རྡོ་རྗེའི་དབང་ཐོབ། ཉོན་མོངས་པ་འདོད་ཆགས་དག །འདུ་ཤེས་ཀྱི་ཕུང་པོ་གནས་གྱུར་པདྨ་རིགས་ཀྱི་སྐུ་དང་ཡེ་ཤེས་མངོན་དུ་འགྲུབ་པའི་སྐལ་བ་ཅན་དུ་བྱས་པའོ། །ཁྱེད་རང་རྣམས་ཀརྨ་ཐོད་ཕྲེང་ལྗང་ནག་རྒྱ་གྲམ་དང་དྲིལ་བུ་འཛིན་པའི་སྐུར་གསལ་བ་ལས། གདན་གསུམ་ཚང་བའི་དབང་ལྷ་ནམ་མཁའ་གང་བས་དོན་ཡོད་གྲུབ་པའི་དྲིལ་བུ་ཐོགས་ཏེ་དབང་བསྐུར་བར་མོས། དྲིལ་བུ་ལག་གཡོན་དུ་གཏད། ཧཱུྃ༔ ཕྲག་དོག་རྣམ་དག་ལས་ཀྱི་རིགས༔ དོན་གྲུབ་དྲིལ་བུའི་དབང་བསྐུར་བས༔ འདུ་བྱེད་ཕུང་པོ་རང་གྲོལ་ནས༔ བྱ་གྲུབ་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐ་ག་ཏ་ཀརྨ་ཨ་བྷི་ཥིཉྩ་ཨཱཿ བུམ་ཆུ་འཐོར་ལ། བཛྲ་ཨུ་ད་ཀ་ཨ་བྷི་ཥིཉྩ་མི༔ བུམ་པའི་བདུད་རྩིས་ལུས་གང༌། དྲི་མ་དག །ཆུའི་ལྷག་མ་ཡར་ལུད་པ་ལས་དོན་ཡོད་གྲུབ་པས་དབུར་བརྒྱན། དེས་དོན་ཡོད་གྲུབ་པའི་སྒོ་ནས་དྲིལ་བུའི་དབང་ཐོབ། ཉོན་མོངས་པ་ཕྲག་དོག་དག །འདུ་བྱེད་ཀྱི་ཕུང་པོ་གནས་གྱུར། ལས་ཀྱི་རིགས་ཀྱི་སྐུ་དང་ཡེ་ཤེས་མངོན་དུ་འགྲུབ་པའི་སྐལ་བ་ཅན་དུ་བྱས་པའོ།

ཁྱེད་རང་རྣམས་བུདྡྷ་ཐོད་ཕྲེང་མཐིང་ག་འཁོར་ལོ་དང་དྲིལ་བུ་འཛིན་པའི་སྐུར་གསལ་བ་ལས། གདན་གསུམ་ཚང་བའི་དབང་ལྷ་ནམ་མཁའ་གང་བ་དང་སློབ་དཔོན་ལྷན་ཅིག་པས་རྣམ་པར་སྣང་མཛད་ཀྱི་ངོ་བོ་རྡོ་རྗེའི་མིང་གི་དབང་བསྐུར་བར་མོས། རྡོར་དྲིལ་ལྷན་ཅིག་པ་སྤྱི་བོར་འཁྲོལ། ཧཱུྃ༔ གཏི་མུག་རྣམ་དག་བདེ་གཤེགས་རིགས༔ སྣང་མཛད་མིང་གི་དབང་བསྐུར་བས༔ གཟུགས་ཀྱི་ཕུང་པོ་རང་གྲོལ་ནས༔ ཆོས་དབྱིངས་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐ་ག་ཏ་བུདྡྷ་ཨ་བྷི་ཥིཉྩ་ཨཱཿ བུམ་ཆུ་འཐོར་ལ། བཛྲ་ཨུ་ད་ཀ་ཨ་བྷི་ཥིཉྩ་མི༔ བུམ་པའི་བདུད་རྩིའི་ལུས་གང༌། དྲི་མ་དག །ཆུའི་ལྷག་མ་ཡར་ལུད་པ་ལས་རྣམ་པར་སྣང་མཛད་ཀྱིས་དབུར་བརྒྱན། དེས་རྣམ་པར་སྣང་མཛད་མིང་གི་དབང་ཐོབ། ཉོན་མོངས་པ་གཏི་མུག་དག །གཟུགས་ཀྱི་ཕུང་པོ་གནས་གྱུར། དེ་བཞིན་གཤེགས་པའི་རིགས་ཀྱི་སྐུ་དང་ཡེ་ཤེས༴ ནམ་མཁར་བཞུགས་པའི་དབང་ལྷ་རྣམས་ཀྱང་འོད་ཕུང་གི་རྣམ་པས་ཁྱེད་རང་རྣམས་ལ་ཐིམ་པར་མོས་ཤིག །མེ་ཏོག་འཐོར་ལ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། །མཆོད་པའི་བྱེ་བྲག་རྣམས་ཀྱིས་མཆོད་ཅིང་ཤིས་པ་བརྗོད་ལ་མངའ་གསོལ་བར་མོས་ཤིག །ཉེར་སྤྱོད་བཏེགས་ལ། ཨོཾ་བཛྲ་པུཥྤེ་ནས། ཤབྡ་པྲ་ཏཱི་ཙྪ་སྭཱཧཱ། །བཀྲ་ཤིས་ཀྱི་ཚིགས་སུ་བཅད་པས་ཤིས་པ་བརྗོད། ནུས་འཇུག་གི་རྡོ་རྗེ་གསུམ་གྱི་དམ་ཚིག་སྦྱིན་པ་རྡོ་རྗེ་སློབ་དཔོན་གྱི་དབང་རྣམས་མི་དགོས་ལ། དེ་དག་གི་སྣང་བཅས་ཕུང་ཁམས་ཀྱི་ཆོས་ཀུན་སྐྱེ་འཆི་མེད་པ་ཡེ་ཤེས་རྡོ་རྗེའི་སྐུ་རུ་ཤར་བའི་དབང་གིས་སྨིན་པའི་བྱིན་རླབས་བརྟན་ཅིང་གོང་འཕེལ་དུ་བྱ་བའི་ཕྱིར་ལྷ་སྐུ་ཕྱག་རྒྱའི་དབང་བསྐུར་བ་ལ། མདུན་བསྐྱེད་ལྷ་ཚོགས་རྣམས་ལས་རང་འདྲའི་ཡེ་ཤེས་ཀྱི་སྐུ་གཉིས་པ་རེ་སྤྲོས་ནས་ཁྱེད་རང་རྣམས་ལ་ཐིམ་པས་འཆི་མེད་རྡོ་རྗེའི་སྐུ་རུ་དབང་བསྐུར་བྱིན་གྱིས་བརླབ་པར་མོས་མཛོད། ཧྲཱིཿ ཆོས་དབྱིངས་མཐའ་དབུས་བྲལ་བ་ནས། །རྒྱལ་ཀུན་གསུང་གི་རྡོ་རྗེའི་ཚུལ། །འོད་སྣང་མཐའ་ཡས་དབང་བསྐུར་བས། །ཀ་དག་ཆོས་སྐུའི་ཚེ་ཐོབ་ཤོག །ཨོཾ་ཨཱཿཧཱུྃ་དྷརྨ་ཀ་ཡ་ཨ་མི་ཏ་བྷ་ཨ་བྷི་ཥིཉྩ་ཨ། ཧྲཱིཿ འོད་གསལ་རང་སྣང་བདེ་ཆེན་ཞིང༌། །རིགས་ཀུན་ཁྱབ་བདག་ཚེ་མཐའ་ཡས། །པདྨ་དྲ་བས་དབང་བསྐུར་བས། །མི་འགྱུར་རྡོ་རྗེའི་སྲོག་ཐོབ་ཤོག །ཨོཾ་ཨཱཿཧཱུྃ་སཾ་བྷོ་ཀཱ་ཡ་ཨ་ཡུརྫྙཱ་ན་ཨ་བྷི་ཥིཉྩ་ཨ། ཧྲཱིཿ ཐུགས་རྗེ་མཁའ་ཁྱབ་ཞིང་ཁམས་ནས། །སྤྲུལ་པའི་སྒྱུ་འཕྲུལ་རྒྱུན་མི་ཆད། །མཚོ་སྐྱེས་རྡོ་རྗེའི་དབང་བསྐུར་བས། །སྐྱེ་འཆི་མེད་པའི་ཚེ་ཐོབ་ཤོག །ཨོཾ་ཨཱཿཧཱུྃ་ནིརྨ་ཀ་ཡ་གུ་རུ་ཨ་བྷི་ཥིཉྩ་ཧཱུྃ༔ ཧྲཱིཿ བདེ་ཆེན་འཁོར་ལོའི་དཀྱིལ་འཁོར་ནས། །སྣང་སྟོང་གཉིས་མེད་རྡོ་རྗེའི་སྐུ། །བུདྡྷ་ཐོད་ཕྲེང་དབང་བསྐུར་བས། །སྐྱེ་འཆི་མེད་པའི་ཚེ་ཐོབ་ཤོག །ཨོཾ་ཨཱཿཧཱུྃ་བུདྡྷ་ཐོད་ཕྲེང་རྩལ་ཨ་བྷི་ཥིཉྩ་ཧཱུྃ། ཧྲཱིཿ ལོངས་སྤྱོད་འཁོར་ལོའི་དཀྱིལ་འཁོར་ནས། །གྲགས་སྟོང་གཉིས་མེད་རྡོ་རྗེའི་གསུང༌། །པདྨ་ཐོད་ཕྲེང་དབང་བསྐུར་བས། །གཞོམ་ཞིག་བྲལ་བའི་ཚེ་ཐོབ་ཤོག །ཨོཾ་ཨཱཿཧཱུྃ་པདྨ་ཐོད་ཕྲེང་རྩལ་ཨ་བྷི་ཥིཉྩ་ཨ། ཧྲཱིཿ ཆོས་ཀྱི་འཁོར་ལོའི་དཀྱིལ་འཁོར་ནས། །རིག་སྟོང་དབྱེར་མེད་རྡོ་རྗེའི་ཐུགས། །བཛྲ་ཐོད་ཕྲེང་དབང་བསྐུར་བས། །འཕོ་འགྱུར་མེད་པའི་ཚེ་ཐོབ་ཤོག །ཨོཾ་ཨཱཿཧཱུྃ་བཛྲ་ཐོད་ཕྲེང་རྩལ་ཨ་བྷི་ཥིཉྩ་ཨ། ཧྲཱིཿ སྤྲུལ་པའི་འཁོར་ལོའི་དཀྱིལ་འཁོར་ནས། །ཡོན་ཏན་ལྷུན་རྫོགས་ངོ་བོ་ཉིད། །རཏྣ་ཐོད་ཕྲེང་དབང་བསྐུར་བས། །བྲི་གང་བྲལ་བའི་ཚེ་ཐོབ་ཤོག །ཨོཾ་ཨཱཿཧཱུྃ་རཏྣ་ཐོད་ཕྲེང་རྩལ་ཨ་བྷི་ཥིཉྩ་ཨ། ཧྲཱིཿ བདེ་སྐྱོང་འཁོར་ལོའི་དཀྱིལ་འཁོར་ནས། །གང་འདུལ་ཕྲིན་ལས་བཞི་ཡི་གར། །ཀརྨ་ཐོད་ཕྲེང་དབང་བསྐུར་བས། །བྱ་རྩོལ་མེད་པའི་ཚེ་ཐོབ་ཤོག །ཨོཾ་ཨཱཿཧཱུྃ་ཀརྨ་ཐོད་ཕྲེང་རྩལ་ཨ་བྷི་ཥིཉྩ་ཧཱུྃ། ཧྲཱིཿ རྡོ་རྗེ་རིགས་ཀྱི་དཀྱིལ་འཁོར་ནས། །ཞི་བའི་ཕྲིན་ལས་སྒྲུབ་མཛད་པ། །བཛྲ་དབང་ཆེན་དབང་བསྐུར་བས། །མི་མཐུན་ཕྱོགས་ཀུན་ཞི་གྱུར་ཅིག །ཨོཾ་ཨཱཿཧཱུྃ་བཛྲ་ཧྱ་གྲྀ་ཝ་ཨ་བྷི་ཥིཉྩ་ཧཱུྃ། ཧྲཱིཿ རིན་ཆེན་རིགས་ཀྱི་དཀྱིལ་འཁོར་ནས། །རྒྱས་པའི་ཕྲིན་ལས་སྒྲུབ་མཛད་པ། །རཏྣ་དབང་ཆེན་དབང་བསྐུར་བས། །ཚེ་དཔལ་ཡོན་ཏན་རྒྱས་གྱུར་ཅིག །ཨོཾ་ཨཱཿཧཱུྃ་རཏྣ་ཧྱ་གྲྀ་ཝ་ཨ་བྷི་ཥིཉྩ་ཧཱུྃ། ཧྲཱིཿ པདྨ་རིགས་ཀྱི་དཀྱིལ་འཁོར་ནས། །དབང་གི་ཕྲིན་ལས་སྒྲུབ་མཛད་པ། །པདྨ་དབང་ཆེན་དབང་བསྐུར་བས། །སྣང་སྲིད་རླུང་སེམས་དབང་འདུས་ཤོག །ཨོཾ་ཨཱཿཧཱུྃ་པདྨ་ཧྱ་གྲྀ་ཝ་ཨ་བྷི་ཥིཉྩ་ཧཱུྃ། ཧྲཱིཿ ལས་ཀྱི་རིགས་ཀྱི་དཀྱིལ་འཁོར་ནས། །དྲག་པོའི་ཕྲིན་ལས་སྒྲུབ་མཛད་པ། །ཀརྨ་དབང་ཆེན་དབང་བསྐུར་བས། །དགྲ་བགེགས་གཟུང་འཛིན་ཚར་གཅོད་ཤོག །ཨོཾ་ཨཱཿཧཱུྃ་ཀརྨ་ཧྱ་གྲྀ་ཝ་ཨ་བྷི་ཥིཉྩ་ཧཱུྃ། ཧྲཱིཿ ཤར་སྒོ་བྱམས་པའི་དཀྱིལ་འཁོར་ནས། །ས་ཁམས་ཤ་ཡི་ཚེ་བདག་མོ། །སངས་རྒྱས་སྤྱན་མས་དབང་བསྐུར་བས། །རྡོ་རྗེའི་ཚེ་སྲོག་སྲ་བརྟན་ཤོག །ཨོཾ་ཨཱཿཧཱུྃ་ལམ་དེ་ཥ་ར་ཏི་སྟྭྃ༔ ཧྲཱིཿ ལྷོ་སྒོ་སྙིང་རྗེའི་དཀྱིལ་འཁོར་ནས། །ཆུ་ཁམས་ཁྲག་གི་ཚེ་བདག་མོ། །མ་མཱ་ཀི་ཡི་དབང་བསྐུར་བས། །ཚེ་སྲོག་ཆུ་ལྟར་རིང་བར་ཤོག །ཨོཾ་ཨཱཿཧཱུྃ་མཱྃ་མོ་ཧ་ར་ཏི་སྟྭྃ༔ ཧྲཱིཿ ནུབ་སྒོ་དགའ་བའི་དཀྱིལ་འཁོར་ནས། །མེ་ཁམས་དྲོད་ཀྱི་ཚེ་བདག་མོ། །གོས་དཀར་མོ་ཡི་དབང་བསྐུར་བས། །ཚེ་སྲོག་མེ་ལྟར་འབར་གྱུར་ཅིག །ཨོཾ་ཨཱཿཧཱུྃ་པྱཱཾ་ར་ག་ར་ཏི་སྟྭྃ༔ ཧྲཱིཿ བྱང་སྒོ་བཏང་སྙོམས་དཀྱིལ་འཁོར་ནས། །རླུང་ཁམས་དབུགས་ཀྱི་ཚེ་བདག་མོ། །དམ་ཚིག་སྒྲོལ་མས་དབང་བསྐུར་བས། །ཚེ་སྲོག་རླུང་ལྟར་ཁྱབ་གྱུར་ཅིག །ཨོཾ་ཨཱཿཧཱུྃ་ཏྃ་བཛྲ་ར་ཏི་སྟྭྃ༔

དེ་ནས་ཚེ་ཡི་དངོས་གྲུབ་འགུགས་པའི་སླད་དུ་དམིགས་པ་འདི་བཞིན་དུ་མཛད་འཚལ། སློབ་དཔོན་འཆི་མེད་པདྨ་འབྱུང་གནས་སུ་གསལ་བའི་གནས་ལྔ་ཐོད་ཕྲེང་རིགས་ལྔའི་ཐུགས་ཀར་ཕྱག་མཚན་ལྔ་དང་ཡིག་འབྲུ་ལྔས་མཚན་པ་ལས་འོད་ཟེར་བསམ་གྱིས་མི་ཁྱབ་པ་དང༌། ལྷ་མོ་མགྱོགས་མའི་སྤྲུལ་པ་ཉི་ཟེར་རྡུལ་ལྟར་སྤྲོས་པས་ཁྱེད་རང་རྣམས་ཀྱི་བླ་ཚེ་ཆད་ཉམས་ཡར་བ་དང༌། འབྱུང་བཞིའི་དྭངས་མ་འཁོར་འདས་ཀྱི་བཅུད་དང་དགེ་མཚན་ཐམས་ཅད་འཆི་མེད་ཚེའི་འོད་ཟེར་ཁ་དོག་སྣ་ཚོགས་པའི་རྣམ་པར་སྤྱན་དྲངས་ཁྱེད་རང་རྣམས་ཀྱི་སྤྱི་བོ་ནས་ཞུགས། ལུས་ཀྱི་ནང་ཐམས་ཅད་གང་བས་འཆི་མེད་ཚེའི་དངོས་གྲུབ་ཐོབ། མདུན་གྱི་ཚེ་རྫས་ལ་ཐིམ་པས་རྡོ་རྗེ་ཚེའི་བཅུད་ལེན་དུ་གྱུར་པའི་མོས་པ་མཛོད། ཅེས་དང༌། མདའ་དར་གཡབ། བུམ་ཆུ་འཐོར་ལ། ཧྲཱིཿ འོག་མིན་ཆོས་དབྱིངས་ཕོ་བྲང་ནས༔ ནང་གསལ་གཞོན་ནུ་བུམ་པའི་སྐུ༔ སྣང་མཐའ་ཡབ་ཡུམ་ཐུགས་དམ་བསྐུལ༔ ཀ་དག་གཞི་ཡི་ཚེ་བཅུད་ཁུག༔ ཧྲཱིཿ འགྲོ་འདུལ་རྡོ་རྗེའི་ཕོ་བྲང་ནས༔ བདེ་སྟོང་དབྱེར་མེད་ཐིག་ལེའི་སྐུ༔ པདྨ་དྲྭ་བའི་ཐུགས་དམ་བསྐུལ༔ ལྷུན་གྲུབ་ལམ་གྱི་ཚེ་བཅུད་ཁུག༔ ཧྲཱིཿ པདྨ་འོད་ཀྱི་ཕོ་བྲང་ནས༔ འཆི་མེད་འཇའ་ལུས་རྡོ་རྗེའི་སྐུ༔ མཚོ་སྐྱེས་ཡབ་ཡུམ་ཐུགས་དམ་བསྐུལ༔ ཟུང་འཇུག་འབྲས་བུའི་ཚེ་བཅུད་ཁུག༔ ཧྲཱིཿ བདེ་ཆེན་འཁོར་ལོའི་དཀྱིལ་འཁོར་ནས༔ སྣང་སྟོང་དབྱེར་མེད་རྡོ་རྗེའི་སྐུ༔ བུདྡྷ་ཐོད་ཕྲེང་ཐུགས་དམ་བསྐུལ༔ ཆོས་དབྱིངས་ཡེ་ཤེས་ཚེ་བཅུད་ཁུག༔ ཧྲཱིཿ ལོངས་སྤྱོད་འཁོར་ལོའི་དཀྱིལ་འཁོར་ནས༔ གྲགས་སྟོང་དབྱེར་མེད་རྡོ་རྗེའི་གསུང་༔ པདྨ་ཐོད་ཕྲེང་ཐུགས་དམ་བསྐུལ༔ སོར་རྟོག་ཡེ་ཤེས་ཚེ་བཅུད་ཁུག༔ ཧྲཱིཿ ཆོས་ཀྱི་འཁོར་ལོའི་དཀྱིལ་འཁོར་ནས༔ རིག་སྟོང་དབྱེར་མེད་རྡོ་རྗེའི་ཐུགས༔ བཛྲ་ཐོད་ཕྲེང་ཐུགས་དམ་བསྐུལ༔ མེ་ལོང་ཡེ་ཤེས་ཚེ་བཅུད་ཁུག༔ ཧྲཱི༔ སྤྲུལ་པའི་འཁོར་ལོའི་དཀྱིལ་འཁོར་ནས༔ ཡོན་ཏན་ལྷུན་རྫོགས་ངོ་བོ་ཉིད༔ རཏྣ་ཐོད་ཕྲེང་ཐུགས་དམ་བསྐུལ༔ མཉམ་ཉིད་ཡེ་ཤེས་ཚེ་བཅུད་ཁུག༔ ཧྲཱི༔ བདེ་སྐྱོང་འཁོར་ལོའི་དཀྱིལ་འཁོར་ནས༔ གང་འདུལ་ཕྲིན་ལས་རྣམ་བཞིའི་གང་༔ ཀརྨ་ཐོད་ཕྲེང་ཐུགས་དམ་བསྐུལ༔ བྱ་གྲུབ་ཡེ་ཤེས་ཚེ་བཅུད་ཁུག༔ ཧྲཱི༔ རྡོ་རྗེ་རིགས་ཀྱི་དཀྱིལ་འཁོར་ནས༔ ཞི་བའི་ཕྲིན་ལས་སྒྲུབ་མཛད་པ༔ བཛྲ་དབང་ཆེན་ཐུགས་དམ་བསྐུལ༔ དགའ་བའི་ཡེ་ཤེས་ཚེ་བཅུད་ཁུག༔ ཧྲཱི༔ རིན་ཆེན་རིགས་ཀྱི་དཀྱིལ་འཁོར་ནས༔ རྒྱས་པའི་ཕྲིན་ལས་སྒྲུབ་མཛད་པའི༔ རཏྣ་དབང་ཆེན་ཐུགས་དམ་བསྐུལ༔ མཆོག་དགའི་ཡེ་ཤེས་ཚེ་བཅུད་ཁུག༔ ཧྲཱི༔ པདྨའི་རིགས་ཀྱི་དཀྱིལ་འཁོར་ནས༔ དབང་གི་ཕྲིན་ལས་སྒྲུབ་མཛད་པའི༔ པདྨ་དབང་ཆེན་ཐུགས་དམ་བསྐུལ༔ དགའ་བྲལ་ཡེ་ཤེས་ཚེ་བཅུད་ཁུག༔ ཧྲཱི༔ ལས་ཀྱི་རིགས་ཀྱི་དཀྱིལ་འཁོར་ནས༔ དྲག་པོའི་ཕྲིན་ལས་སྒྲུབ་མཛད་པའི༔ ཀརྨ་དབང་ཆེན་ཐུགས་དམ་བསྐུལ༔ ལྷན་སྐྱེས་ཡེ་ཤེས་ཚེ་བཅུད་ཁུག༔ ཧྲཱི༔ བྱམས་པ་ཚད་མེད་དཀྱིལ་འཁོར་ནས༔ ཤ་ཡི་ཚེ་བདག་སངས་རྒྱས་སྤྱན༔ དཀར་མོ་མགྱོགས་མའི་ཐུགས་དམ་བསྐུལ༔ ས་ཡི་ཁམས་ནས་ཚེ་བཅུད་ཁུག༔ ཧྲཱི༔ སྙིང་རྗེ་ཚད་མེད་དཀྱིལ་འཁོར་ནས༔ ཁྲག་གི་ཚེ་བདག་མ་མ་ཀཱི༔ སེར་མོ་མགྱོགས་མའི་ཐུགས་དམ་བསྐུལ༔ ཆུ་ཡི་ཁམས་ནས་ཚེ་བཅུད་ཁུག༔ ཧྲཱིཿ དགའ་བ་ཚད་མེད་དཀྱིལ་འཁོར་ནས༔ དྲོད་ཀྱི་ཚེ་བདག་གོས་དཀར་མོ༔ དམར་མོ་མགྱོགས་མའི་ཐུགས་དམ་བསྐུལ༔ མེ་ཡི་ཁམས་ནས་ཚེ་བཅུད་ཁུག༔ ཧྲཱི༔ བཏང་སྙོམས་ཚད་མེད་དཀྱིལ་འཁོར་ནས༔ དབུགས་ཀྱི་ཚེ་བདག་དམ་ཚིག་སྒྲོལ༔ ལྗང་མོ་མགྱོགས་མའི་ཐུགས་དམ་བསྐུལ༔ རླུང་གི་ཁམས་ནས་ཚེ་བཅུད་ཁུག༔ ཧྲཱིཿ སྣང་སྲིད་འཁོར་འདས་ཚེ་བསོད་བཅུད༔ རྣལ་འབྱོར་བདག་གི་སྒོ་གསུམ་དང་༔ དབྱེར་མེད་སྒྲུབ་པའི་རྫས་ལ་སྟིམས༔ འཆི་མེད་རྡོ་རྗེའི་དངོས་གྲུབ་སྩོལ༔ ཨོཾ་ཨཱཿཧཱུྃ་ཧྲཱི་ཧྲཱིཿ བཛྲ་གུ་རུ་པདྨ་སིདྡྷི་པུཎྱེ་ཛྙཱ་ན་ཨཱ་ཡུར་སིདྡྷི་ཛཿ ཅེས་ཚེ་འགུགས་བརྗོད། དེ་དག་གིས་སྣང་བཅས་ཕྱི་མཚན་མའི་དཀྱིལ་འཁོར་དུ་སྒྲུབ་པའི་རྫས་རྣམས་ལ་བསྟེན་ཏེ། སྐུ་བུམ་པའི་དབང་ཡན་ལག་དང་བཅས་པ་བསྐུར་བས། དག་བྱ་ལུས་ཀྱི་སྒྲིབ་པ་དག །བསྐྱེད་བཟླས་ཕྲིན་ལས་དང་བཅས་པ་ལ་དབང་འབྲས་བུ་སྐྱེ་འཆི་མེད་པ་རྡོ་རྗེའི་ཚེ་དང་སྤྲུལ་པའི་སྐུ་ཐོབ་པའི་སྐལ་བ་ཅན་དུ་བྱས་པའོ།

།གཉིས་པ་གསང་བའི་དབང་སྦྱིན་པ་ལ་ནམ་མཁར་བཞུགས་པའི་ལྷ་རྣམས་རང་སྣང་གི་ཤེས་རབ་མ་དང་རྗེས་སུ་ཆགས་པའི་སྦྱོར་བས་སྙོམས་པར་ཞུགས་པའི་ཀུནྡ་བྱང་ཆུབ་ཀྱི་སེམས་ལྷན་ཅིག་སྐྱེས་པའི་རྟེན་དུ་གྱུར་པ་དྷུ་ཏིའི་ནང་བརྒྱུད་རྡོ་རྗེའི་ལམ་ནས་ཡུམ་གྱི་པདྨར་འཁྱིལ་བ་དེ་ཉིད་ཐོད་པའི་བདུད་རྩི་དང་རོ་གཅིག་ཏུ་འདྲེས་པ་དེ་ཉིད་ཁྱེད་རང་རྣམས་ཀྱི་ལྕེ་ལ་བཞག་པར་མོས་ཤིག །གསང་རྫས་བདུད་རྩི་མགྲིན་པར་བཞག་ཅིང༌། ཧྲཱིཿ བདེ་བ་ཆེན་པོ་པདྨ་ཐོད་ཕྲེང་དང་༔ སྟོང་ཉིད་ཤེས་རབ་མནྡ་ར་བ་ཡུམ༔ གཉིས་མེད་མཉམ་སྦྱོར་བྱང་སེམས་འདི་བྱིན་པས༔ ལས་རླུང་ཡེ་ཤེས་ཁམས་སུ་གནས་འགྱུར་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་སིདྡྷི་པུཎྱེ་ཛྙཱ་ན་ཨཱ་ཡུར་སིདྡྷི་ཛཿ བྷོ་དྷི་ཙིཏྟ་ཝཱ་ཀ་ཨ་བྷི་ཥིཉྩ་ཨཱཿ བདུད་རྩི་མྱང་དུ་གཞུག །མགྲིན་པ་ནས་ཐིག་ལེ་འཕེལ་བས་རྩ་ཁམས་གང༌། དུག་གསུམ་གྱི་རྟོག་པ་འགག །ཞུ་བདེ་ལྷན་སྐྱེས་ཀྱི་ཡེ་ཤེས་ཉམས་སུ་མྱོང་བའི་གསང་དབང་གི་ཡེ་ཤེས་ཏེ། དེའི་ངོ་བོ་གསལ་སྟོང་རྣམ་པར་མི་རྟོག་པའི་ངང་དུ་དར་གཅིག་མཉམ་པར་འཇོག་འཚལ། ཞེས་ཉམས་བསྐྱང་དུ་གཞུག །རྗེས་འབྲེལ་སྔགས་ཀྱི་བཟླས་ལུང་དང༌། ཞེས་གསུངས་པས། དེ་ནས་སྒྲར་གྲགས་པ་ཕྱེད་སྣང་ངག་རླུང་གི་ཁམས་ཀུན་ཁྱབ་བདག་བླ་མ་འཆི་མེད་པདྨ་ཐོད་ཕྲེང་རྩལ་གྱི་གསུང་དབྱངས་གཞོམ་མེད་རྡོ་རྗེ་ནཱ་དའི་ངོ་བོར་དག་པའི་ཕྱིར་བཟླས་པའི་ལུང་སྦྱིན་པ་ལ། སློབ་དཔོན་དང་དཀྱིལ་འཁོར་གྱི་ལྷ་ཚོགས་གཉིས་སུ་མེད་པའི་ཐུགས་ཀར་ཡེ་ཤེས་སེམས་དཔའ་ཚེ་དཔག་མེད་ཡབ་ཡུམ་གྱི་ཐུགས་ཀར་ཉི་ཟླའི་གའུ་ཁ་སྦྱོར་གྱི་ནང་དུ་ཏིང་འཛིན་སེམས་དཔའ་ཧྲཱིཿཡིག་གི་མཐར་སྔགས་ཀྱི་ཕྲེང་བས་བསྐོར་བ་ལས་ལུ་གུ་རྒྱུད་དུ་བྱུང༌། ཞལ་ནས་ཐོན། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་སྲོག་དྭངས་མའི་ས་བོན་གྱི་མཐར་འཁོད་པར་མོས་ལ་སྔགས་འདི་ཡི་རྗེས་ཟློས་མཛོད། ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་སིདྡྷི་པུཎྱེ་ཛྙཱ་ན་ཨཱ་ཡུར་སིདྡྷི་ཛཿ ཞེས་ལན་གསུམ་ཕྲེང་བ་སྦྲེལ་ཏེ་བཟླ། འདི་ལྟར་གྲགས་པ་ཐམས་ཅད་ཁྱབ་བདག་བླ་མ་འཆི་མེད་པདྨ་ཐོད་ཕྲེང་རྩལ་གྱི་གསུང་དབྱངས་གཞོམ་མེད་ཡི་གེ་འཁོར་ལོའི་སྤྲིན་གྲགས་སྟོང་བརྗོད་པ་དང་བྲལ་བ་ལས་སྒྲའི་ཚུལ་བསམ་གྱིས་མི་ཁྱབ་པས་འགྲོ་བའི་དོན་གྱིས་ཤིག །འཁོར་འདས་བརྟན་གཡོའི་དྭངས་བཅུད་གཅིག་ཏུ་འདུས་པའི་འཆི་མེད་བྱང་ཆུབ་སེམས་ཀྱི་བདུད་རྩི་བདེ་སྟོང་རྣམ་པར་རོལ་པའི་སྤྲིན་གྱི་དྭངས་མའི་ཐིག་ལེའི་རྩ་ཁམས་ཐམས་ཅད་ལ་ཁྱབ་སྟེ་ཁམས་ཞུ་བའི་བདེ་བས་དུག་གསུམ་གྱི་རྣམ་རྟོག་སྦྱངས་ནད་མེད་བདེ་བ་ཆེན་པོའི་ཡེ་ཤེས་ཀྱི་ལང་ཚོའི་དཔྱིད་ཐོབ་པར་མོས་ཤིག ཚེ་ཆང་སྦྱིན་ཏེ། ཧྲཱིཿ ཐབས་མཆོག་འོད་ཟེར་རྣམ་ལྔའི་རིགས་མདངས་ཀྱིས༔ འཁོར་འདས་ཚེ་དང་ཡེ་ཤེས་བསྡུས་པའི་བཅུད༔ ཤེས་རབ་མྱོང་གྲོལ་བདུད་རྩི་འདི་བྱིན་པས༔ འཆི་མེད་རིག་འཛིན་འགྲུབ་པའི་དབང་ཐོབ་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་སིདྡྷི་པུཎྱེ་ཛྙཱ་ན་ཨཱ་ཡུར་སིདྡྷི་ཛཿཝ་ཀ་ཨ་བྷི་ཥིཉྩ་ཨཱཿ གཞུང་རྩ་བ་ལས། སྐབས་སུ་འཇུག་གནས་ལྡང་བའི་རླུང་༔ འབྲུ་གསུམ་སྔགས་དང་སྦྱར་ལ་བཟླ༔ སྲོག་གི་ལྕགས་ཀྱུས་ཚེ་བཅུད་བཀུག༔ ཁ་སྦྱོར་རླུང་བསྡམས་བུམ་ཅན་བཟུང་༔ ཞེས་གསུངས་པས་གཞིར་གནས་ཀྱི་རླུང་གདོད་ནས་རང་བྱུང་རྡོ་རྗེའི་བཟླས་པར་ལྷུན་གྱིས་གྲུབ་པས་གཞོམས་མེད་གསང་བ་ཆེན་པོའི་རྡོ་རྗེའི་སྲོག་སྒྲུབ་པའི་ཕྱིར་རླུང་ལ་བརྟེན་པའི་ཚེ་བཅུད་བསྡུ་བསྟིམ་གྱི་དམིགས་པ་འདི་ལྟར་མཛོད། ཁྱེད་རང་རྣམས་འཆི་མེད་པདྨ་འབྱུང་གནས་ཡབ་ཡུམ་ཡེ་ཤེས་སེམས་དཔའི་ཐུགས་སྲོག་གི་ཧྲཱིཿདྭངས་གསལ་བདེ་བའི་གཟི་འོད་རབ་ཏུ་འབར་ཞིང་རྒྱས་པ་ལ། སྣོད་བཅུད་འཁོར་འདས་ཀྱི་དྭངས་མ་འོད་ལྔ་ཡེ་ཤེས་ཀྱི་རླུང་དུ་ཞུ་བ་སྣ་བུག་གཉིས་ནས་རླུང་ནང་དུ་འཇུག་པ་དང་སྦྲགས་སིབ་ཀྱིས་ཞུགས་ཏེ་སྙིང་གའི་ས་བོན་ལ་ཐིམ་པས་མི་ཤིག་རྡོ་རྗེའི་སྲོག་དང་རོ་གཅིག་ཏུ་འདྲེས་པས་འཆི་མེད་གཉུག་མའི་ཚེ་གྲུབ་པར་མོས་ལ་རྡོ་རྗེའི་བཟླས་པ་མཛོད། འབྱུང་འཇུག་གནས་གསུམ། ཨོཾ་ཨཱཿཧཱུྃ་དང་སྦྱར་བས་འབྲུ་གསུམ་རྡོ་རྗེའི་བཟླས་པའོ། བུམ་ཅན་དང་སྦྲགས་པའི་རྡོར་བཟླས་ལན་གསུམ་མམ་བདུན་བྱ། དེ་དག་གིས་ནང་བྱང་ཆུབ་སེམས་ཀྱི་དཀྱིལ་འཁོར་དུ་ཞུ་བདེའི་རྫས་ལ་བསྟེན་ནས་གསུང་གསང་བའི་དབང་མཐའ་རྟེན་དང་བཅས་པ་བསྐུར་བས། དག་བྱ་ངག་གི་སྒྲིབ་པ་དག །རླུང་སེམས་སྒྱུ་མ་ལྟ་བུའི་བདག་བྱིན་རླབས་པའི་རྣལ་འབྱོར་བསྒོམས་པ་ལ་དབང༌། འབྲས་བུ་གསུང་གཞོམ་ཞིག་བྲལ་བའི་རྡོ་རྗེ་ནཱ་དའི་ཚེ་དང་ལོངས་སྐུ་ཐོབ་པའི་སྐལ་བ་ཅན་དུ་བྱས་པའོ། །གསུམ་པ་ཤེས་རབ་ཡེ་ཤེས་ཀྱི་དབང་བསྐུར་བ་ལ། མཚན་ཉིད་ཐམས་ཅད་ཡོངས་སུ་རྫོགས་པའི་ཕྱག་རྒྱ་མ་རྒྱན་གྱིས་བརྒྱན་པའི་འདོད་ཡོན་ལས་བྱུང་བའི་བདེ་བ་མཐའ་དག་སྒྱུ་མ་ལྟ་བུར་ཤེས་པ་དང་ཕྱག་རྒྱ་བཞི་སྦྱོར་བདེ་ཆེན་རང་བྱུང་གི་ཡེ་ཤེས་སད་པར་བྱས་པར་མོས་ཤིག །རིག་ཙག་བསྟན་ལ། ཧྲཱིཿ ལྷན་སྐྱེས་ཡེ་ཤེས་འབྱུང་བའི་གནས་གཅིག་པུ༔ ཡིད་འོང་སྣ་ཚོགས་གཟུགས་ཅན་འདི་གཏད་པས༔ བདེ་སྟོང་རྣམ་ཀུན་མཆོག་ལྡན་འོད་གསལ་ངང་༔ ཟུང་འཇུག་གཉུག་མའི་གནས་ལུགས་མངོན་གྱུར་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་སིདྡྷི་པུཎྱེ་ ཛྙཱ་ན་ཨཱཿཡུར་སིདྡྷི་ཛཿ པྲ་ཛྙཱ་ཛྙཱ་ན་ཙིཏྟ་ཨ་བྷི་ཥིཉྩ་ཧཱུྃ༔

དེ་ནས་ཁྱེད་རང་རྣམས་དང་གཏད་པའི་རིག་མ་དཀྱིལ་འཁོར་གྱི་གཙོ་བོ་ཡབ་ཡུམ་དུ་གསལ་བ་ལྷའི་འདུ་ཤེས། མཁའ་གསང་རྡོ་རྗེ་པདྨར་བྱིན་གྱི་རླབས་པ་སྔགས་ཀྱི་འདུ་ཤེས། ཐབས་འདི་ལས་བདེ་བ་ཆེན་པོ་མངོན་དུ་བྱའོ་སྙམ་པ་ཆོས་ཀྱི་འདུ་ཤེས་ཏེ་དེ་ལྟར་འདུ་ཤེས་གསུམ་ལྡན་གྱིས་སྙོམས་པར་ཞུགས་པའི་རྐྱེན་གྱིས་ཡས་བབས་དང་མས་བརྟན་གྱི་དགའ་བ་བཞི་རིམ་པར་ཉམས་སུ་མྱང༌། བདེ་སྟོང་དབྱེར་མེད་ལྷན་ཅིག་སྐྱེས་དགའི་ཡེ་ཤེས་ཀྱིས་ཐམས་ཅད་ལ་ཁྱབ་ཅིང་བརྟན་པའི་མོས་པ་མཛོད་ཅིག །སྲིད་ཞིའི་དྭངས་མ་འདུས་པའི་ཚེ་རིལ་འདི་ཉིད་ཡེ་ཤེས་སེམས་དཔའ་སྐུ་ཆུང་ལ་ཡན་ལག་རྫོགས་པའི་གཟུགས་ཀྱིས་ཁའི་སྒོ་ནས་བྱོན། སྙིང་དབུས་ཉི་ཟླའི་གའུར་བཞུགས་པས་འཆི་མེད་ཚེའི་དངོས་གྲུབ་ཐོབ་པར་མོས་ཤིག །ཚེ་རིལ་སྦྱིན་ལ། ཧྲཱིཿ སྲིད་དང་ཞི་བའི་དྭངས་བཅུད་འདུས་པའི་དངོས༔ འཆི་མེད་བདུད་རྩི་རིལ་བུ་འདི་བྱིན་པས༔ རྩ་རླུང་ཐིག་ལེའི་སྒྲིབ་གཉིས་ཀུན་ཞི་ནས༔ དགའ་བཞིའི་ཡེ་ཤེས་རྟག་ཏུ་རྒྱས་པར་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་སིདྡྷི་པུཎྱེ་ ཛྙཱ་ན་ཨཱཿཡུར་སིདྡྷི་ཛཿ དེའི་མཐའ་རྟེན་དུ། འབར་འཛག་སྙོམས་འཇུག་འོད་ཟེར་གྱིས༔ ཐུན་མོང་མཆོག་གི་དྭངས་མ་བསྡུ༔ ཞེས་གསུངས་པས་ཡས་བབས་འབར་འཛག་གིས་ཚེ་བཅུད་བསྡུ་བསྟིམ་གྱི་དམིགས་པ་འདི་ལྟར་མཛོད། རང་ཉིད་འཆི་མེད་པདྨ་འབྱུང་གནས་ཡབ་ཡུམ་སྙོམས་པར་འཇུག་པའི་རྗེས་ཆགས་ཀྱི་མེས་ལྟེ་བའི་གཏུམ་མོ་འབར། འཁོར་ལོ་བཞི་བརྒྱུད། སྤྱི་བོའི་ཧྃ་ལ་རེག་པས་ཞུ་བདེའི་ཉམས་རྒྱས། བདུད་རྩིའི་དྭངས་མ་གནས་ནས་གཡོས་ཡས་བབས་ཀྱི་དགའ་བཞིའི་ཐོད་ཕྲེང་རིགས་ལྔ་བསྐུལ་ཀུན་ཀྱང་བཟོད་མེད་ཀྱི་བདེ་བས་སྙོམས་པར་ཞུགས་པའི་འོད་ཀྱིས་བརྟན་གཡོ་ཀུན་ལ་ཁྱབ། བདེ་ཆེན་དྭངས་མའི་བཅུད་དུ་ཞུ་བ་རང་གི་སྒོ་གསུམ་ལ་སིབ་ཀྱིས་ཐིམ་པས་རྩ་རླུང་ཐིག་ལེའི་ཁམས་ཉམས་པ་གསོས། རླུང་ཡོ་བ་བསྲང༌། འཕོ་མེད་བདེ་བ་ཆེན་པོའི་ལང་ཚོ་ཐོབ། དཀར་དམར་དྭངས་མ་ཐམས་ཅད་མི་ཤིག་ཐིག་ལེའི་ཀློང་དུ་རྒྱས་བཏབ་པར་བསམ་ལ་དྲག་རླུང་བུམ་པ་ཅན་ལ་གནད་དུ་བསྣུན་པར་མཛོད་ཅིག །ཅེས་བྱས་ལ་དཔོན་སློབ་ཀུན་གྱིས་བུམ་ཅན་བདུན་ནམ་གསུམ་བཟུང་ལ་དམིགས་པ་གཅུན། དེས་ཕྱག་རྒྱ་བྷ་གའི་དཀྱིལ་འཁོར་དུ་ཁ་སྦྱོར་གྱི་བདེ་བ་ལ་བརྟེན་ནས། གསུམ་པ་ཤེས་རབ་ཡེ་ཤེས་ཀྱི་དབང་བསྐུར་བས་དག་བྱ་ཡིད་ཀྱི་སྒྲིབ་པ་དག་འཕོ་མེད་བདེ་བ་ཆེན་པོའི་ཡེ་ཤེས་སྒོམ་པ་ལ་དབང༌། འབྲས་བུ་ཐུགས་གཡོ་འཁྲུལ་མེད་པ་ཆོས་སྐུ་ཐོབ་པའི་སྐལ་བ་ཅན་དུ་བྱས་པའོ།

།བཞི་པ་ཚིག་དབང་རིན་པོ་ཆེའི་ངོ་སྤྲོད་འབོག་པ་ལ་ཁྱེད་རྣམས་ལུས་གནད་དྲང་པོར་བསྲང་ལ་ལྟ་སྟངས་གནད་དུ་གཅུན་པས་རང་བྱུང་རྡོ་རྗེ་སེམས་དཔའི་མེ་ལོང་ལ་མིག་གཏད་པས། དབྱིངས་ཀ་དག་སྟོང་པའི་ཡེ་ཤེས་མེ་ལོང་དྭངས་གསལ་ལྟ་བུ་དང༌། རིག་གདངས་འོད་གསལ་ཤེལ་ལས་འཇའ་ཚོན་བྱུང་བ་ལྟར་ལྷུན་གྱིས་གྲུབ་པ། དེ་གཉིས་དབྱེར་མེད་ཟུང་འཇུག་གི་བརྡ་དོན་ཐབས་འདིས་ངོ་སྤྲད་པའི་དོན་གོ་བས་མཉམ་པར་ཞོག་ཅིག །མེ་ལོང་དང་ཤེལ་རྡོ་ཕྱར་ལ། ཧྲཱིཿ ཀ་དག་སྤྲོས་པ་བྲལ་བའི་ཡེ་ཤེས་ལས༔ ལྷུན་གྲུབ་སྣང་བ་རྣམ་བཞིའི་དཀྱིལ་འཁོར་ཤར༔ དབྱིངས་རིག་དབྱེར་མེད་ཆེན་པོར་དབང་བསྐུར་བས༔ ཆོས་ཟད་བློ་འདས་གོ་འཕང་མངོན་གྱུར་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་སིདྡྷི་པུཎྱེ་ཛྙཱ་ན་ཨཱཿཡུར་སིདྡྷི་ཛཿ ཛྙཱ་ན་དྷྭ་ཏུ་ཨ་བྷི་ཥིཉྩ་ཧྲཱི༔ ཚེ་མདའ་སྤྱི་བོར་རྒྱ་གྲམ་དུ་བཞག་ལ། ཁྱེད་རང་རྣམས་ཀྱི་ལུས་མི་ཤིག་རྡོ་རྗེའི་གོ་ཆས་གཡོག །དྭངས་མའི་རྩ་རླུང་ཐིག་ལེའི་བཅུད་རྣམས་བདེ་ཆེན་འོད་གསལ་གྱི་སྲོག་ཏུ་བསྟིམ། གཉུག་མ་མི་འགྱུར་རིག་པའི་རང་ངོར་སྐྱེ་ཤིའི་མཚན་མ་གདོད་ནས་མ་གྲུབ་པ་འཆི་མེད་གཉུག་མའི་དོན་ལ་མཉམ་པར་འཇོག་པར་ཞུ། ཨཱཿ སྲིད་ཞི་ཀུན་ཁྱབ་རྡོ་རྗེའི་ཚེ༔ ཐིག་ལེ་ཉག་གཅིག་ཀློང་དུ་ཐིམ༔ སྣང་གྲངས་རིགས་གསུམ་ལྷ་དང་སྔགས༔ ཡེ་ཤེས་རོལ་པས་རྒྱས་གདབ་བོ། །ཀཱ་ཡ་ཝ་ཀ་ཙིཏྟ་ཨཱ་ཡུརྫྙཱ་ན་དྷརྨ་དྷཱ་ཏུ་བཛྲ་རཀྵ་བྷྲཱུྃ༔ རྗེས་འབྲེལ་འཆི་མེད་རྡོ་རྗེ་གསུམ་གྱི་དབང་གི་བྱིན་རླབས་བརྟན་པའི་ཕྱིར། བདེ་སྟོང་ཟུང་འཇུག་ཐིག་ལེའི་ངང་༔ ལྷན་སྐྱེས་ཕྱག་ཆེན་དོན་ལ་བལྟ༔ སྐྱེ་མེད་ནམ་མཁའི་བཅུད་ལེན་བྱ༔ ཞེས་གསུངས་པས་སྣོད་བཅུད་ཐམས་ཅད་འོད་དུ་ཞུ་ནས་དྭངས་མ་འོད་ཟེར་མཐིང་གསལ་ནམ་མཁའ་གཅིག་ཏུ་གྱུར། དེ་ཉིད་རང་གི་སྣ་བུག་ནས་ཞུགས་དྷུ་ཏིའི་ཡེ་ཤེས་བརྒྱུད་སྙིང་དབུས་རིག་སྟོང་ཡེ་ཤེས་ཆེན་པོའི་ཐིག་ལེར་འདྲེས་པས་སྐྱེ་འཆི་རང་དག་རྡོ་རྗེ་ཡེ་ཤེས་ཀྱི་ཚེ་ཐོབ་པར་མོས་ལ་མཉམ་པར་ཞོག་ཅིག །དེ་དག་ནི་དབང་གཞུང་ལས། སྤྲོ་ན་དབང་བཞི་སོ་སོའི་མཐར༔ རང་རང་ལམ་གྱི་སྲིད་དང་ཞིའི༔ ཚེ་བཅུད་བསྡུད་པའི་དམིགས་པ་སྦྱིན༔ ཞེས་གསུངས་པའི་དོན་ནོ། །དེས་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་བརྡ་དོན་ཐབས་ལ་བརྟེན་ནས། བཞི་པ་ཚིག་གི་དབང་བསྐུར་བས་དག་བྱ་ཤེས་བྱའི་སྒྲིབ་པ་དག །ཟུང་འཇུག་མི་གནས་པའི་ཏིང་འཛིན་སྒོམ་པ་ལ་དབང༌། འབྲས་བུ་བདེ་ཆེན་ཡེ་ཤེས་ངོ་བོ་ཉིད་སྐུ་འགྲུབ་པའི་སྐལ་བ་ཅན་དུ་བྱས་པའོ།

།ལྔ་པ་རྡཽ་རྗེ་བཞི་ཡི་ཡེ་ཤེས་ཆེན་པོའི་དཀྱིལ་འཁོར་དུ་སྨིན་ཅིང་གྲོལ་བར་བྱས་པའི་བྱིན་རླབས་དང་དངོས་གྲུབ་ཀྱི་རྒྱུན་མ་སྐྱེས་པ་བསྐྱེད། སྐྱེས་པ་གོང་དུ་སྤེལ་ཞིང་བརྟན་པའི་ཕྱིར་མཐའ་རྟེན་གཏོར་མའི་དབང་བསྐུར་བ་ལ། གཏོར་སྣོད་རིན་ཆེན་འབར་བའི་གཞལ་ཡས་ཁང་འཆི་མེད་པདྨ་དྲྭ་བའི་ཕོ་བྲང་དང་ཐ་དད་མེད་པའི་ནང་དུ། རིགས་ཀུན་ཁྱབ་བདག་གུ་རུ་པདྨ་འབྱུང་གནས་འཆི་མེད་ཚེ་འོད་དཔག་མེད་ཀྱི་རིགས་བདག་དང་བཅས་པ་ལ། གུ་རུ་ཐོད་ཕྲེང་སྡེ་ལྔ། སྤྲུལ་པའི་མཚན་བརྒྱད། བདུད་འཇོམས་དབང་ཆེན་རིགས་བཞི་སྟེ་འཆི་མེད་པདྨ་དྲྭ་བའི་དཀྱིལ་འཁོར་གྱི་ལྷ་ཚོགས་རྩ་གསུམ་དམ་ཅན་སྲུང་མའི་ཚོགས་བཅས་སྤྲིན་གཏིབས་པ་ལྟར་བཞུགས་པའི་ལྷ་ཚོགས་རྣམས་ཀྱི་སྐུ་གསུང་ཐུགས་ལས་ངོ་བོ་རྡོ་རྗེའི་ཡེ་ཤེས་རྣམ་པ་བདུད་རྩིའི་འོད་ཟེར་དཀར་དམར་མཐིང་གསུམ་གྱི་མདངས་ཅན་འཆར་ཁའི་ཟེར་ཐག་ལྟ་བུ་དཔག་ཏུ་མེད་པ་འཕྲོས། ཁྱེད་རང་རྣམས་ཀྱི་གནས་གསུམ་དུ་ཐིམ་པས་སྒོ་གསུམ་སྐྱེ་འཆིའི་དྲི་མ་བག་ཆགས་དང་བཅས་པ་སྦྱངས་དབང་བཞིའི་ཡེ་ཤེས་རྩོལ་མེད་དུ་སྐྱེས། འཆི་མེད་སྐུ་གསུང་ཐུགས་ཡེ་ཤེས་རྡོ་རྗེའི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་བྱུང་སྙམ་དུ་བསམ་ལ་ཡིད་ཆེས་མོས་གུས་གཅིག་ཏུ་བསྐྱེད་ཅིག །ཅེས་བརྡ་སྤྲད། ཧྲཱིཿ ངོ་བོ་འོད་གསལ་ཆོས་སྐུ་སྣང་མཐའ་ཡས༔ རང་བཞིན་བདེ་སྟོང་ལོངས་སྐུ་ཚེ་དཔག་མེད༔ ཐུགས་རྗེ་འཆི་མེད་པདྨ་ཐོད་ཕྲེང་སོགས༔ རབ་འབྱམས་རྩ་གསུམ་ཚེ་ཡི་ལྷ་ཚོགས་ཀྱིས༔ དེང་འདིར་སྐལ་ལྡན་ཁྱོད་ལ་དབང་བསྐུར་བས༔ བླ་ཚེ་ཆད་ཉམས་ཡར་བ་རང་སོར་ཆུད༔ སྲིད་དང་ཞི་བའི་ཚེ་བཅུད་དབུ་མར་ཐིམ༔ སྒོ་གསུམ་འཆི་མེད་གཉུག་མའི་སྲོག་འགྲུབ་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་སིདྡྷི་པུཎྱེ་ ཛྙཱ་ན་ཨཱཿཡུར་སིདྡྷི་ཛཿ ཀཱ་ཡ་ཝ་ཀ་ཙིཏྟ་གུ་ཎ་ཀརྨ་བ་ལིཾ་ཏ་སརྦ་སིདྡྷི་ཨ་བྷི་ཥིཉྩ་ཧཱུྃ་ཨཱཿ དེ་དག་གིས་འཆི་མེད་རྡོ་རྗེ་ཚེ་ཡི་དབང་བསྐུར་ཟབ་རྒྱས་ཐུན་མོང་མ་ཡིན་པ་བསྐུར་བས་སྒོ་གསུམ་འཆི་བདག་གི་གཡུལ་ལས་རྒྱལ། སྐྱེ་འཆི་གཞོམ་གཞིག་དང་བྲལ་བ་བདེ་ཆེན་རྟག་པའི་ལང་ཚོ་ཐོབ་པ་ལ་བཀྲ་ཤིས་རྫས་རྟགས་རིན་ཆེན་བདུན་གྱི་སྲིད་ཞིའི་དཔལ་འབྱོར་ཕུན་སུམ་ཚོགས་པས་མངའ་གསོལ་ཞིང་ཤིས་པར་བརྗོད་པས་ས་གསུམ་ཀུན་ཏུ་དགེ་བའི་མེ་ཏོག་གི་ཆར་དུ་བསྙིལ་བར་མོས་ཤིག བཀྲ་ཤིས་རྟགས་བརྒྱད་གཏད་ལ། བཀྲ་ཤིས་ཚོགས་གཉིས་དཔལ་གྱི་ཆུ་གཏེར་ལས། །བཀྲ་ཤིས་མཚན་དཔེའི་ཉི་ཟླ་འཆར་བའི་གཟུགས། །བཀྲ་ཤིས་རྟགས་མཆོག་བརྒྱད་ཀྱིས་མངའ་གསོལ་བས། །བཀྲ་ཤིས་འཆི་མེད་རྡོ་རྗེའི་སྐུ་ཐོབ་ཤོག །མངྒ་ལཾ་ཨཥྟ་ཀུ་རུ་ཧོཿ བཀྲ་ཤིས་རྫས་བརྒྱད་གཏད་ལ། དགེ་ལེགས་སྟོབས་བཅུའི་དབང་དང་རྫུ་འཕྲུལ་ཅན། །དགེ་ལེགས་འཇིག་རྟེན་འདྲེན་པར་བྱོན་པའི་ཚེ། །དགེ་ལེགས་རྫས་སུ་བསྔགས་པ་འདི་གཏད་པས། །དགེ་ལེགས་ཚངས་པའི་དབྱངས་སྙན་སྒྲོགས་པར་ཤོག །མངྒ་ལ་དྲ་བྱམ་ཀུ་རུ་ཧོཿ རྒྱལ་སྲིད་སྣ་བདུན་གཏད་ལ། ཕུན་ཚོགས་སྡེ་བཞིའི་དཔུང་ལྡན་འཁོར་ལོས་བསྒྱུར། །ཕུན་ཚོགས་ཕྱོགས་ལས་རྣམ་རྒྱལ་མངའ་ཐང་གི །ཕུན་ཚོགས་རིན་ཆེན་བདུན་གྱི་འབྱོར་པ་ཡིས། །ཕུན་ཚོགས་མཁྱེན་བརྩཻ་ནུས་ལྡན་ཚེ་ཐོབ་ཤོག །སཔྟ་རཏྣ་ལཀྵིཾ་ཀུ་རུ་ཧོཿ སྐབས་སུ་བབས་པའི་ཤིས་བརྗོད་དང་བཅས་མེ་ཏོག་གི་ཆར་བསྙིལ་བཞིན་རོལ་མོ་རྒྱུན་རིང་དུ་འཁྲོལ་བས་དགེ་ལེགས་སུ་བྱའོ།

།དེ་དག་རྣམས་ཀྱིས་རྩ་གསུམ་འོད་གསལ་སྙིང་ཐིག་གི་འཆི་མེད་ཚེ་ཡི་ཟབ་དབང་ཐུན་མོང་མ་ཡིན་པ་ཐོབ་པའི་དགོས་པ་ཡང༌། དེ་ལྟར་རྩ་གསུམ་ཀུན་འདུས་པ༔ འཆི་མེད་དྲྭ་བའི་དཀྱིལ་འཁོར་དུ༔ སྨིན་བྱེད་དབང་བཞིའི་རིམ་པ་འདིས༔ མཐར་ཐུག་ཡེ་ཤེས་སྙིང་པོར་སྦྱོར༔ གནས་སྐབས་དུས་མིན་འཆི་བ་དང་༔ རྩ་རླུང་ཐིག་ལེའི་གེགས་ཀུན་ཞི༔ རྡོ་རྗེའི་ཚེ་ལ་དབང་ཐོབ་པའི༔ རིག་པ་འཛིན་པའི་གནས་སུ་འགྱུར༔ ཅེས་གནས་སྐབས་དང་མཐར་ཐུག་གི་དགོས་པའི་ཁྱད་པར་དུ་མ་དང་ལྡན་པར་བསྔགས་པ་དོན་ལ་གནས་པའི་དབང་བསྐུར་རྒྱས་པར་གྲུབ་པ་ལགས་པས། སྔགས་ཀྱི་རྩ་བ་དང་ཡན་ལག་གིས་བསྡུས་པའི་དམ་ཚིག་སྤྱི་དང༌། ཁྱད་པར་རྡོ་རྗེའི་ཚེ་ཡི་འགལ་རྐྱེན་སྲོག་གཅོད། རྟེན་གསུམ་གཞིག་གཞོམ་སོགས་སྤང་བྱ། ཚོགས་གཉིས་ཀྱི་སྒཽ་ཁྱད་པར་ཅན་གསགས་པ་སོགས་སྒྲུབ་བྱའི་རིགས་ལ་བརྩོན་པའི་གཡར་དམ་བཞེས་པ་འདིའི་རྗེས་ཟློས་མཛོད། །གཙོ་བོས་ཇི་ལྟར་སོགས་དམ་ཚིག་ཁས་བླང༌། གཏང་རག་མཎྜལ ལུས་ལོངས་སྤྱོད་འབུལ་བ། དགེ་བསྔོ་རྣམས་སྤྱི་ལྟར་བྱས་ལ་སློབ་མ་རྣམས་གྲོལ་སློབ་དཔོན་གྱིས་ཆོ་གའི་རྗེས་རིམ་རྣམས་མཐའ་རྒྱས་སུ་བྱའོ། །གཉིས་པ་ཐུན་མོང་གི་སྨིན་བྱེད་ནི། གདུལ་བྱ་སྤྲོས་པ་ལ་དགའ་ཞིང་ཟབ་ལམ་གྱི་ཉམས་ལེན་མི་ནུས་པ་ལ་རིག་དབང་ལྔ། རྡོ་རྗེ་གསུམ་གྱི་རྗེས་གནང༌། ཚེ་དབང་བཅས་དང༌། རྐྱེན་སེལ་སོགས་ཀྱི་སྐབས་བུམ་དབང་དང་ཚེ་དབང་ཁོ་ན་ཙམ་བྱ་བ་སྟེ་དེའི་ཚུལ་ལ་ཡང་གཞུང་ལས། གཞན་དུ་ཐུན་མོང་རིགས་ཅན་ལ༔ བུམ་དབང་རྗེས་འབྲེལ་བཅས་པ་ཡང་༔ གོང་མ་རྣམས་ཀྱི་མཐའ་བརྟེན་སྦྱར༔ ཞེས་པ་འདིའི་དགོངས་པ་སྟེ། ཕྲིན་ལས་དང་དབང་གི་སྤྱི་ཆིངས་སྔ་མ་ལྟར་ལ། དམིགས་བསལ་གྱི་ཁྱད་པར། སྔོན་འགྲོ་ཕྱི་ནང་གི་འཇུག་པའི་ཆོས། སྐྱབས་སེམས། སྡོམ་བཟུང༌། ཡེ་ཤེས་དབབ་བསྟིམ་གྲུབ་པ་དང༌། དེ་ནས་དངོས་ལ་བུམ་དབང་རྗེས་འབྲེལ་དང་བཅས་པས་དབང་གི་གཞི་འགོད་པ་དང༌། འཆི་མེད་ཚེ་ཡི་དབང་གི་རྡོ་རྗེའི་སྐུ་གསུང་ཐུགས་སུ་སྨིན་པར་བྱེད་པ་དངོས་གཉིས་ལས། དང་པོ་བུམ་དབང་རྗེས་འབྲེལ་དང་བཅས་པའི་དོན་དུ་ཐུགས་དམིགས་འདི་ལྟར་མཛོད། །བདག་མདུན་དཀྱིལ་འཁོར་གྱི་ལྷ་ཡི་ཐུགས་ཀ་ནས་སྤྲོས་པའི་རིག་པའི་ལྷ་མོ་རྣམས་སོགས་ནས་བུམ་དབང་དཀྱུས་ལྟར་ལ། རིགས་དབང་ལྔ། ལྷ་དབང་མཐར། བཟླས་ལུང༌། དེ་ནས་སྒྲར་གྲགས་པ་ཕྱེད་སྣང་ངག་རླུང་གི་ཁམས་ཀུན་སོགས་དང༌། ཐུགས་ཀྱི་དགོངས་པ་ངོ་སྤྲོད་བཅས་བྱ། དེ་དག་གི་བུམ་དབང་ཡན་ལག་དང་བཅས་པས་རྒྱུད་ཡོངས་སུ་དག་པར་བྱས་ནས། དངོས་གཞི་འཆི་མེད་ཚེ་ཡི་དབང་གིས་རྡོ་རྗེའི་སྐུ་གསུང་ཐུགས་སུ་སྨིན་པར་བྱེད་པ་ལ། ཐོག་མར་ཚེ་འགུགས་ཤིང་བཅུད་བསྡུ་བའི་སླད་དུ་དམིག་པ་འདི་བཞིན་མཛད་འཚལ། སློབ་དཔོན་འཆི་མེད་པདྨ་འབྱུང་གནས་སོགས་ཚེ་འགུགས། འཁོར་འདས་བརྟན་གཡོའི་དྭངས་བཅུད་གཅིག་ཏུ་འདུས་པའི་སོགས་ཀྱིས་ཚེ་ཆང༌། སྲིད་ཞིའི་དྭངས་མ་འདུས་པའི་ཚེ་རིལ་སོགས་ཚེ་རིལ། ཚེ་མདའ་སྤྱི་བོར་རྒྱ་གྲམ་དུ་བཞག་ལ། ཁྱེད་རང་རྣམས་ཀྱི་ལུས་མི་ཤིག་རྡོ་རྗེའི་གོ་ཆ་སོགས་ཀྱི་རྒྱས་གདབ་དེ་དག་གི་འཆི་མེད་རྡོ་རྗེ་ཚེ་ཡི་དབང་བསྐུར་བགྱིས་པས་སྒོ་གསུམ་འཆི་བདག་གི་གཡུལ་ལས་རྒྱལ། སྐྱེ་འཆི་གཞོམ་གཞིག་དང་བྲལ་བ་སོགས་ཀྱིས་མཚམས་སྦྱར་ནས་ཤིས་པའི་རྫས་ཀྱི་མངའ་གསོལ་ཤིས་བརྗོད། དམ་ཚིག་ཁས་བླང་སོགས་དབང་སྔ་མ་བཞིན་བགྱིས་པས་གྲུབ་པའོ། །སྐྱེ་འཆིའི་འཕོ་འཇི༵གས་ཀུན་བྲལ༵་བའི། །མཁྱེན༵་བརྩེ༵འི་ཡེ་ཤེས་དཀྱིལ་འཁོར་གཟུགས། །འཆི་མེད་ལང་ཚོའི་གཟི་འོད༵་ཟེར༵། །བཀྲ༵་ཤིས༵་རྟག་པའི་དཔ༵ལ་གྱིས་འབྱོ༵ར། །རྩ་གསུམ་འོད་གསལ་སྙིང་ཐིག་གི་ཚེ་སྒྲུབ་འཆི་མེད་དྲྭ་བའི་དབང་བཞི་ཡེ་ཤེས་སྙིང་པོ་ཐུན་མིན་ཐུན་མོང་བཅས་བཀླག་ཆོག་འཆི་མེད་རྡོ་རྗེའི་སྲོག་འཚོ་ལེའུ་ཚན་བཞི་པ་མི་ཤིག་ཚེ་དབང་གྲུབ་པའི་རྡོ་རྗེས་སྦྱར་བའོ། ༈

།རྡོ་རྗེའི་ཡེ་ཤེས་རྣམ་པ་ཐམས་ཅད་སྤྲིན། །དོན་གཉིས་ལྷུན་གྲུབ་དཀྱིལ་འཁོར་འཁོར་ལོའི་མགོན། །མཆོག་གི་ཡེ་ཤེས་གཟི༵་བརྗིད༵་དཔལ་འབར་རྩལ༵། །བུདྡྷ་ཐོད་ཕྲེང་རྒྱལ་བར་རྟག་པར་གུས། །རྩ་གསུམ་འོད་གསལ་སྙིང་ཐིག་གི་ཕྱི་སྒྲུབ་སྒྱུ་འཕྲུལ་དྲྭ་བའི་ཡན་ལག །ཐམས་ཅད་ལྷུན་གྲུབ་མཆོག་གི་ལས་མཛད་བུདྡྷ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་བསྐུར་འབོག་པ་ལ། མཎྜལ་ཚོམ་བུ་ཕྱོགས་བཞི་དབུས་དང་ལྔ། དེ་རྒྱབ་བཞི་བཀོད་པའི་སྟེང་འཕྲུལ་སྟེགས་ལ་འོག་ཏུ་རྣམ་རྒྱལ་བུམ་པ་བཅུད་ལྡན། སྟེང་དུ་བྷནྡྷ་ཁ་སྦྱོར་ནང་ཚུལ་བཞིན་སྒྲུབ་པའི་ཨ་མྲྀ་ཏས་བཀང་བ་དར་སྣ་ལྔས་གཡོགས་ཤིང་དབུ་རྒྱན་དང༌། གཡས་གཡོན་དུ་རྡོར་དྲིལ་བཅིངས་པའི་སྨན་གྱི་ཕོ་བྲང་དང༌། སྔགས་ཕྲེང་མེ་ལོང༌། དཔལ་གྱི་གཏོར་མ་གདུག་ཅན་རྣམས་མཆོད་པས་བསྐོར་ལ། བརྒྱུད་འདེབས། སྐྱབས་སེམས་ནས་བརྩམས་མཆོད་པ་བྱིན་རླབས་བར་ཕྱི་སྒྲུབ་སྒྱུ་འཕྲུལ་དྲྭ་བ་ལྟར་ལ། དངོས་གཞིའི་ལྷ་བསྐྱེད་ལ། ཧཱུྃ༔ དེ་བཞིན་ཉིད་དབྱིངས་དམིགས་མེད་སྙིང་རྗེའི་ཚུལ་ནས་བཟླས་པའི་བར་སྒོས་སྒྲུབ་ལྟར་དང༌། བསྙེན་པའི་མགོར་ཛབ¿་ཁང་ཀྱང་དབྱེ། བསྙེན་སྒྲུབ་ལས་གསུམ་གྱི་བཟླས་པའི་མཐར། བུམ་པ་བྷྲཱུྃ་ལས་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་བུདྡྷ་ཐོད་ཕྲེང་རྩལ། ཕྱོགས་བཞིར་དབང་ཆེན་རིགས་བཞི་སྒོ་སྐྱོང་དཔའ་བོ་ཡབ་ཡུམ་བཅས་མ་འདྲེས་གསལ་རྫོགས་སུ་ཤར་བའི་སྐུ་ལས་བྱང་སེམས་བདུད་རྩིའི་རྒྱུན་བབ་པས་བུམ་པ་ཡོངས་སུ་གང་བར་གྱུར། །ཞེས་དམིགས་ལ་གཟུངས་ཐག་ནས་བཟུང་སྟེ་བསྙེན་སྒྲུབ་ལས་གསུམ་ཁྱུག་ཙམ་བཟླ། མཆོག་སྒྲུབ་བདུད་རྩིའི་དཀྱིལ་འཁོར་ལ་དམིགས་ཏེ། ཨཱཿ སྟོང་པའི་ངང་ལས་རླུང་མེ་ཐོད་སྒྱེད་སྟེང་༔ ཆོས་ཀྱི་དབྱིངས་མཉམ་ཡེ་ཤེས་ཀ་པཱ་ལར༔ བདུད་རྩིའི་རྒྱ་མཚོ་ཞུ་ཞིང་ཁོལ་བའི་དབུས༔ སྣ་ཚོགས་པདྨ་འདབ་བཞིའི་ལྟེ་བ་རུ༔ གླང་པོས་བཏེགས་པའི་རིན་ཆེན་མཛེས་ཁྲི་དང་༔ ཐབས་ཤེས་ཟུང་འཇུག་ཉི་ཟླའི་གདན་གྱི་སྟེང་༔ ཨོཾ་ཡིག་ཡོངས་གྱུར་བུདྡྷ་ཐོད་ཕྲེང་རྩལ༔ སྐུ་མདོག་དཀར་གསལ་ཞི་འཛུམ་སྒེག་པའི་ཉམས༔ ཞལ་གཅིག་ཕྱག་གཉིས་སྤྱན་གསུམ་གཟི་འོད་འབར༔ ཕྱག་གཡས་འཁོར་ལོ་དཀར་པོ་ཐུགས་ཀར་གཏོད༔ གཡོན་པས་འཁོར་ལོའི་ཡུ་བ་བྱས་པ་ཡི༔ རིགས་ཀྱི་དྲིལ་བུ་དཀུར་བརྟེན་ཡུམ་ལ་འཁྱུད༔ རུས་པའི་ཕྱག་རྒྱ་དྲུག་གིས་རབ་ཏུ་སྤྲས༔ དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ ཡུམ་མཆོག་འཁོར་ལོ་དྲིལ་བུ་བསྣམས་པས་འཁྲིལ༔ རིག་འཛིན་བླ་མ་བྱེ་བའི་སྤྲིན་ཕུང་འཕྲོ༔ འདབ་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཞི་ཁྲོའི་ཕྱག་རྒྱ་ཤར༔ ཕྱོགས་བཞིར་རིག་འཛིན་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲོ་རྒྱ་མཚོའི་ཚོགས་ཀྱི་བསྐོར༔ ཀུན་ཀྱང་སྤྱི་མགྲིན་སྙིང་གར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ཀྱི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ ཧཱུྃ་ཧྲཱིཿ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷ་ནི་ནཱི་སརྦ་ཛྙཱ་ན་མཎྜ་ལ་བཛྲ་ས་མ་ཡ་ཛ༔ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞིན་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་གུས་པས་བརྡ་ཡིས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱི་ཙྪ་ཧོཿ ཨོཾ་ཨ་ཧཱུྃ༔ དངོས་སུ་འབྱོར་བཤམས་ཡིད་ཀྱིས་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ༔བཛྲ་གུ་རུ་དེ་བ་དྷ་ཀི་ནཱི་ས་པ་རི་ཝཱ་ར་ཨརྒྷཾ་ནས་རཱུ་པ་ཤབྡ་གྷནྡྷེ་ར་ས་སྤརྴེ་པྲ་ཏཱིཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པུ་ཛ་ཧོཿ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧིཿ ཧཱུྃ་ཧྲཱིཿ མ་བཅོས་སྤྲོལ་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔ སྨན་གྱི་ཕོ་བྲང་ལ་གཟུངས་ཐག་བཏགས་པ་བླངས་ལ། རང་གི་ཐུགས་ནས་འཕྲོས་པའི་འོད་ཟེར་གྱིས༔ ཐུགས་དམ་རྒྱུད་བསྐུལ་ལྷ་ཚོགས་སྙོམས་པར་ཞུགས༔ བདེ་བའི་སྒྲ་དང་ཡེ་ཤེས་འོད་སྣང་གིས༔ འཁོར་འདས་བཅུད་དང་དྭངས་མ་དགེ་མཚན་དང་༔ ཁྱད་པར་རྩ་གསུམ་རྒྱལ་བ་རབ་འབྱམས་ཀྱི༔ བདེ་ཆེན་ཡེ་ཤེས་བདུད་རྩིའི་རྣམ་པར་བསྡུས༔ རྫས་ལ་ཐིམ་པས་མཐོང་ཚོར་མྱོང་རེག་ཀུན༔ རྣམ་པར་གྲོལ་བའི་ཡེ་ཤེས་གཟི་བྱིན་འབར༔ ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ ཞེས་སྒྲུབ་སྔགས་དང༌། ཨོཾ་ཧཱུྃ་ཏྲཱྃ་ཧྲཱིཿཨཱཿ མཱུྃ་ལཱྃ་མཱྃ་པྃ་ཏཱྃ༔ བཛྲ་ཨ་མྲྀ་ཏ་ཧཱུྃ་ཧྲཱི་ཋཿ ཞེས་བཏགས་པ་འདི་ནི་ལེགས་པའི་ཡན་ལག་ཏུ་སེམས་པས་འདིར་མདོར་བསྡུས་སུ་འཇུག་བདེར་བྲིས་པ་ཡིན་ལགས། ལས་བུམ་སྒྲུབ་པ་སོགས་བྱིན་རླབས་བརྡ་ཡི་དབང་བཞི་ལྟར་བྱས། མཆོད་བསྟོད། ཡིག་བརྒྱ། ཨོཾ་ཨཱཿཧཱུྃ་གིས། མཆོད་ཡོན་ཕུལ་བའི་རྐྱེན་གྱིས་བུམ་པ་དང་མྱོང་གྲོལ་བདུད་རྩིའི་དཀྱིལ་འཁོར་གྱི་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་ནས་བུམ་ཆུ་ཡེ་ཤེས་བདེ་བ་ཆེན་པོའི་བདུད་རྩིའི་བདག་ཉིད་དུ་གྱུར།

དེ་ནས་རིག་པའི་མེ་ཏོག་དོར་བ་དང་ཚོགས་མཆོད་སོགས་སྤྱྀ་ལྟར་གྲུབ་པ་དང༌། སློབ་མ་རྣམས་ཁྲུས་བགེགས་བསྐྲད། སྲུང་འཁོར་བཅས་གྲུབ་པ་དང༌། སྐབས་སུ་བབ་པའི་ལོ་རྒྱུས། དེ་ལ་འདིར་དཔལ་ཨོ་རྒྱན་ཆོས་ཀྱི་རྒྱལ་པོ་ཉིད་ཆོས་སྐུའི་སངས་རྒྱས་ཐམས་ཅད་ཀྱི་དགོངས་ཀློང་གཅིག་ཏུ་འཁྱིལ་བའི་བདག་ཉིད་ཆེན་པོ་པདྨ་ཀུན་ཏུ་འཆང༌། ལོངས་སྐུའི་སངས་རྒྱས་ཐམས་ཅད་ཀྱི་སྐུ་དང་ཡེ་ཤེས་རྒྱ་མཚོའི་སྤྲོ་བསྡུས་བྱེད་པོར་དབང་བསྐུར་བ་གཟི་བརྗིད་ཚེ་འོད་དཔག་མེད། སྤྲུལ་སྐུའི་སངས་རྒྱས་ཐམས་ཅད་ཀྱི་རྨུ་རྒོད་གདུལ་དཀའ་ཉོན་མོངས་རགས་ཤིང་སྡུག་བསྔལ་ཆེ་བའི་ཡིད་ཅན་འདུལ་བའི་སྙིང་རྗེ་དང་ཐུགས་བསྐྱེད་སྨོན་ལམ་གྱི་གོ་ཆ་ལ་སངས་རྒྱས་ཀུན་ལས་ཁྱད་པར་འཕགས་པ་སྟོན་པ་རྫོགས་པའི་སངས་རྒྱས་ཤཱཀྱའི་རྒྱལ་པོ་ཉིད་སླར་ཡང་སྔགས་ཀྱི་སྟོན་པ་རྡོ་རྗེ་སློབ་དཔོན་གྱི་སྐུར་བཞེངས་པ་པདྨ་འབྱུང་གནས་ཏེ། རྒྱལ་བའི་རྣམ་འཕྲུལ་དང་སྤྱོད་ཡུལ་བསམ་གྱིས་མི་ཁྱབ་པ་སྤྲུལ་གཞི་ནུབ་ཕྱོགས་བདེ་ལྡན་ཞིང་དུ་བཀྲ་ཤིས་འོ་མའི་རྒྱ་མཚོར་གུ་རུ་ཉིད་ཀྱི་ཐུགས་ཡེ་ཤེས་ལྔ་ཡི་རང་མདངས། གུ་རུ་ཐོད་ཕྲེང་སྡེ་ལྔའི་བཀོད་པས་ཞི་རྒྱས་དབང་དྲག་མཆོག་གི་ཕྲིན་ལས་མཐར་ཕྱིན་པར་མཛད་པ་ལས། འདིར་དོན་གཉིས་ཐམས་ཅད་འབད་མེད་ལྷུན་གྲུབ་མཆོག་གི་ལས་མཛད་བུདྡྷ་ཐོད་ཕྲེང་རྩལ་གྱི་སྒོས་སྒྲུབ་རྩ་གསུམ་འོད་གསལ་སྙིང་ཐིག་གི་ཆོས་སྡེ་ལས་བྱོན་པའི་དབང་བསྐུར་བགྱི་བ་སྟེ། དེ་ཡང་སྒྲུབ་བྱའི་ལྷའི་རིགས་དང་ངོ་བོ། སྒྲུབ་བྱེད་ཀྱི་ལྷ་སྔགས་ཏིང་འཛིན་གྱི་ཁྱད་པར། སྒྲུབ་པ་པོ་གདུལ་བྱ་སོ་སོའི་ཁམས་དབང་བསམ་པ་མོས་པའི་རྗེས་སུ་འགྲོ་བའི་མཆོག་ཐུན་གྱི་དངོས་གྲུབ་ཇི་ལྟར་ཡོད་པ་བཞིན་སྒྲུབ་ནུས་པས་ན་འཇམ་དཔལ་དཔའ་བོ་གཅིག་གྲུབ་ལས། སྔགས་པས་ཡིད་བཞིན་ནོར་བུ་ལྟར། འབད་དེ་ཁོ་ན་དོན་བྱེད་དོ། །ཞེས་གསུངས་པ་བཞིན་ལ་དེའི་གནད་ཀྱང་སྔགས་ལ་ཞུགས་པའི་སྐྱེས་བུ་དེང་ཐབས་ཤེས་ཁྱད་པར་ཅན་གྱིས་ཟིན་པའི་སྒོ་གསུམ་གྱི་བྱ་བྱེད་ཐམས་ཅད་གནས་སྐབས་དང་མཐར་ཐུག་གི་ཕན་བདེའི་སྒོ་འབའ་ཞིག་སྒྲུབ་བྱེད་ཡིན་པའི་ཐབས་སྟོབས་ཀྱིས་བྱང་ཆུབ་ཀྱི་སྤྱོད་པ་རླབས་པོ་ཆེ་སྐད་ཅིག་གིས་ཡོངས་སུ་རྫོགས་པར་འགྱུར་ལ། ཁྱད་པར་རྡོ་རྗེ་ཐེག་པའི་མྱུར་ལམ་ནི་རྫས་སྔགས་ཏིང་འཛིན་གྱི་ནུས་པ་ཐམས་ཅད་དཔུང་བསྒྲིལ་བའི་མན་ངག་གི་མྱུར་ལམ་ཁྱད་པར་ཅན་ཡིན་པའི་དབང་གིས་བསྐྱེད་རྫོགས་ལ་བརྟན་པ་ཐོབ་པའི་རྣལ་འབྱོར་པས་དམིགས་པ་གཏད་པ་ཙམ་གྱིས་ལས་རབ་འབྱམས་བདེ་བླག་ཏུ་སྒྲུབ་ནུས་ཤིང༌། དེ་ཙམ་དུ་མ་ཟད་ལྷ་སྔགས་དབྱེར་མེད་ལ་སོམ་ཉི་མེད་པའི་དད་པ་བརྟན་པོ་ཁོ་ནས་རྩེ་གཅིག་ཏུ་སྒྲུབ་ཀྱང་གྲུབ་འབྲས་མངོན་དུ་འབྱིན་ནུས་པ་ལ་ནམ་ཡང་བསླུ་བ་མེད་པ་ཡིད་བཞིན་གྱི་ནོར་བུ་རིན་པོ་ཆེ་དང་ཆོས་མཚུངས་པས་བཀའ་གཏེར་མན་ངག་རྣམས་ལས། ལས་ཀྱི་ཚོགས་རབ་འབྱམས་སྒྲུབ་པའི་སྔགས་ཕྱག་རྒྱ་ཏིང་འཛིན་གྱི་སྒོ་དུ་མ་གསུངས་ཤིང༌། དེ་ཐམས་ཅད་ཀྱང་ཞི་རྒྱས་དབང་དྲག་མཆོག་གི་ལས་དང་ལྔར་འདུ་ཞིང༌། དེ་ལའང་ཐུན་མོང་དང་ཁྱད་པར་གྱི་སྒྲུབ་ཚུལ་གཉིས། ཚར་གཅོད་དང་རྗེས་འཛིན་གྱི་ཡན་ལག་གཉིས། ཕྱི་ཡི་རྫས། ནང་གི་ལུས་ངག་ཡིད་གསུམ་ལ་བརྟེན་པའི་དབྱེ་བ་དུ་མ་ཡོད་ལ། དོན་དུ་སྙིང་རྗེ་ཆེན་པོས་ཀུན་སློང་གི་རྒྱུ་བྱས་ནས། ཐབས་ཤེས་ཁྱད་པར་ཅན་གྱིས་ཟིན་པའི་སྔགས་ཀྱི་དགོངས་སྤྱོད་དང་ལྡན་པས་ལས་བརྩམས་པ་ནི་མཆོག་ཐུན་གྱི་དངོས་གྲུབ་མྱུར་བ་སྒྲུབ་བྱེད་ཆེས་ཟབ་པས་རིག་པ་འཛིན་པ་རྣམས་ཀྱིས་གཅིག་ཏུ་སྒྲུབ་དགོས་པ་སྟེ། ལས་ཀྱི་ཚོགས་དེ་དག་ལའང་ཐུན་མོང་ཁྱད་པར་གྱི་ལས་གཉིས་ལས། སྔགས་ཀྱི་ལས་རབ་འབྱམས་ཐམས་ཅད་ཀྱི་ཕུལ་དུ་ཕྱིན་པའི་སྒྲུབ་བྱ་ཁྱད་པར་ཅན་མཆོག་གི་དངོས་གྲུབ་སྟེ། དེ་སྒྲུབ་པ་ལའང་ཆོས་ཀུན་སེམས་ཉིད་གཉུག་མ་ཕྱག་རྒྱ་ཆེན་པོའི་རྒྱས་ཐེབས་པའི་དོན་གནས་སྣང་གཉིས་ཀ་ལ་འཆར་བའི་རིག་པ་རྩལ་གྱི་དབང་ཐོབ་པས་ལས་འདོད་དགུ་བསམ་པ་ཙམ་གྱིས་སྒྲུབ་ནུས་པ་རིག་འཛིན་ཤྲཱི་སེང་ཧ་གུ་རུ་རིན་པོ་ཆེ་སོགས་འཕགས་བོད་ཀྱི་གྲུབ་པའི་སྐྱེས་མཆོག་རྣམ་ལྟ་བུ་ཡིན་ཅིང༌། དེ་དང་རྗེས་མཐུན་གྱི་ཏིང་འཛིན་དང་བདུད་རྩི་སྨན་དང་སྐྱེ་བདུན་སོགས་རྫས། ཕྱག་རྒྱ་པདྨ་ཅན་སོགས་གྲོགས། ཀུན་བཟང་ཡབ་ཡུམ་གྱི་དགོངས་པ། སངས་རྒྱས་དང་བྱང་ཆུབ་སེམས་ཀྱི་མཚན་དང་གཟུངས་སྔགས་ལ་བརྟེན་པས་རང་རང་གི་སྐལ་བ་དང་མཚམས་པར་སྒྲུབ་ནུས་ཤིང༌། ཁྱད་པར་བླ་མའི་མོས་གུས་ལམ་བྱེད་འདི་ནི་མཆོག་གི་དངོས་གྲུབ་སྒྲུབ་པའི་ཉེ་རྒྱུ་མདོ་སྔགས་གསར་རྙིང་མཁས་གྲུབ་ཀུན་གྱི་ཡང་ཡང་བསྔགས་ཤིང་ཚད་མས་གྲུབ་པ་ལྟར་རྩ་གསུམ་ཀུན་འདུས་གུ་རུ་རིན་པོ་ཆེ་བུདྡྷ་ཐོད་ཕྲེང་ལ་བརྟེན་ནས་མཆོག་དངོས་སྒྲུབ་པ་ནི་ཆེས་ཟབ་པའི་མཐར་ཐུག་ཏུ་ངེས་ཤིང༌། དེ་ལ་ཡང་དབང་བསྐུར་སྔོན་དུ་འགྲོ་དགོས་པ་མ་ཟད་མཚན་ཉིད་དང་ལྡན་པའི་རྡོ་རྗེ་སློབ་དཔོན་གྱི་དབང་ཐོབ་པ་ཙམ་གྱི་འདོད་པའི་ལས་སྒྲུབ་པར་ནུས་པས་ན། ལས་རབ་འབྱམས་སྒྲུབ་པའི་རྗེས་གནང་ཞར་བྱུང་ཙམ་མ་ཡིན་པ་དམིགས་བསལ་གྱི་ལས་བཞི་མཆོག་དང་ལྔ་སྒྲུབ་རུང་བའི་ལྷ་སྔགས་ཏིང་འཛིན་གྱི་དབང་བསྐུར་ཁྱད་པར་ཅན་འདི་ལྟ་བུ་ནི་སྔོན་ཆད་མ་བྱུང་བའི་གསང་བ་རྨད་དུ་བྱུང་བ་ཉིད་དེ། གུ་རུ་ཉིད་ཀྱི་ཞལ་ནས། དུས་གསུམ་སངས་རྒྱས་ཀུན་གྱི་ནི༔ ཐུགས་རྗེའི་རང་བཞིན་མཁྱེན་བརྩེའི་སྒོ༔ བྱིན་རླབས་འགྲོ་ལ་འཇུག་པའི་ཕྱིར༔ ཕྲིན་ལས་གནང་ངོ་ཅོག་གི་གཞི༔ སྨིན་བྱེད་དབང་འདི་ཆེད་དུ་བསྔགས༔ ཞེས་གསུངས་པའི་སྨིན་བྱེད་ཟབ་མོ་ཞུ་བའི་དོན་དུ་མཎྜལ་ཕུལ། བླ་མ་དང་འདོད་དགུའི་ཕྲིན་ལས་ཐམས་ཅད་ལྷུན་གྱིས་གྲུབ་མཛད་བུདྡྷ་ཐོད་ཕྲེང་ཐ་མི་དད་པའི་སྤྱན་སྔར་སྙིམས་པ་མེ་ཏོག་དང་བཅས་པའི་ཐལ་མོ་སྦྱོར་ལ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། ཧོཿ དཀྱིལ་འཁོར་གཙོ་བོ་རིགས་ཀུན་བདག༔ ཐུགས་རྗེའི་གཏེར་ཆེན་སློབ་དཔོན་གྱིས༔ ལྷུན་གྲུབ་བུདྡྷ་ཐོད་ཕྲེང་གི༔ སྨིན་གྲོལ་དབང་མཆོག་སྩལ་དུ་གསོལ༔ ལན་གསུམ།

དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ། སྐྱབས་ཀྱི་ཡུལ་མདུན་གྱི་ནམ་མཁར་ཐམས་ཅད་ལྷུན་གྲུབ་བུདྡྷ་ཐོད་ཕྲེང་རྩལ་རིག་འཛིན་སྒྱུ་འཕྲུལ་དྲྭ་བའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། སྐྱབས་བྱ་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྐྱབས་སུ་འགྲོ་ཚུལ་སྒོ་གསུམ་འཇུག་པ་གཅིག་པས། སྐྱབས་འགྲོའི་རྒྱུ་དེང་ནས་བྱང་ཆུབ་མ་ཐོབ་བར་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཏེ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་ཅི་མཛད་ཁྱེད་མཁྱེན་བློ་གཏད་ལིང་སྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས༔ ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཐོག་མེད་དུས་ནས་ཕ་མར་གྱུར་པའི་མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལས་འདས་པ་སྐུ་གསུམ་བླ་མའི་གོ་འཕང་ལ་བདེ་མྱུར་གྱིས་འགོད་པར་བྱ། དེའི་ཕྱིར་དུ་བླ་ན་མེད་པའི་དཀྱིལ་འཁོར་གཉན་པོ་འདིར་འཇུག་ཅིང་དབང་གིས་རྒྱུད་སྨིན་པར་བྱས་ནས་ལམ་རིམ་པ་གཉིས་ཀྱི་ཏིང་ངེ་འཛིན་དང་མ་བྲལ་བས་རྒྱལ་བའི་སྲས་ཀྱི་སྤྱོད་པ་རླབས་པོ་ཆེའི་རྗེས་སུ་སློབ་སྙམ་པས་སྨོན་འཇུག་གི་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་སྤྲུལ་ནས་སྒོ་གསུམ་གུས་པ་ཆེན་པོའི་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྡིག་ལྟུང་གི་བྱས་བསགས་ལ་འགྱོད་པའི་སེམས་ཀྱིས་བཤགས་སྡོམ་དང༌། ཚོགས་གཉིས་ཀྱི་དགེ་སྤྱོད་ལ་རྗེས་སུ་ཡི་རང་བ། ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་བཞུགས་པར་གསོལ་ཞིང་དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་རྗེས་ཟློས། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དབང་གི་ཡེ་ཤེས་སྐྱེ་བརྟན་གོང་འཕེལ་དུ་འགྱུར་བ་ལ་རྒྱུད་རྣམ་པར་དག་ཅིང་སྡོམ་པ་དང་ལྡན་དགོས་པས། ཚོགས་ཞིང་དེ་རྣམས་དཔང་པོར་བྱས་ཏེ་ཕྱི་སོ་སོ་ཐར་པའི་སྡོམ་པ། ནང་བྱང་ཆུབ་སེམས་ཀྱི་བསླབ་པ། གསང་བ་བླ་མེད་རྡོ་རྗེ་ཐེག་པའི་དམ་ཚིག་རྣམས་ལེགས་པར་བླངས་ནས་ཚུལ་བཞིན་བསྲུང་སྙམ་པས་འདིའི་རྗེས་ཟློས་མཛོད། རྩ་གསུམ་དཀྱིལ་འཁོར་ལྷ་ཚོགས་དང་༔ རྡོ་རྗེ་སློབ་དཔོན་དགོངས་སུ་གསོལ༔ རིག་པ་འཛིན་པ་བདག་གིས་ནི༔ དེང་ནས་བྱང་ཆུབ་སྙིང་པོའི་བར༔ སོ་སོར་ཐར་དང་བྱང་ཆུབ་སེམས༔ རིག་འཛིན་ནང་གི་སྡོམ་པའི་ཚོགས༔ མ་ལུས་ཡོངས་སུ་བཟུང་བར་བགྱི༔ ལན་གསུམ།

དེ་ནས་དབང་གི་གཞི་འགོད་པ་ལ་ཡེ་ཤེས་པ་དབབ་པ་ལ་སྒོ་གསུམ་གྱི་གནད་གཅུན་ལ་ཐུགས་དམིགས་འདི་བཞིན་མཛོད། སློབ་དཔོན་གྱི་ཐུགས་ཀ་ནས་འཕྲོས་པའི་འོད་ཟེར་གྱིས་ཁྱེད་རང་རྣམས་ཀྱི་ཕུང་ཁམས་སྐྱེ་མཆེད་ཀྱིས་མཚོན་པའི་སྣོད་བཅུད་ཐམས་ཅད་གྱི་སྣང་ཞེན་དབྱིངས་སུ་སྦྱངས། སྟོང་པའི་ངང་ལས་ཆོས་དབྱིངས་ལྷུན་རྫོགས་བདེ་ཆེན་སྟུག་པོ་བཀོད་པའི་ཞིང་ཁམས་ཕུན་སུམ་ཚོགས་པའི་དབུས་སུ་གླང་པོས་བཏེགས་པའི་རིན་པོ་ཆེའི་ཁྲི་དང་པད་ཟླའི་སྟེང་དུ་ཁྱེད་རང་རྣམས་སྐད་ཅིག་གིས་ཨོཾ་ཡིག་ཡོངས་སུ་གྱུར་པ་ལས་དེ་བཞིན་གཤེགས་པ་ཐམས་ཅད་ཀྱི་སྐུ་ཡི་བདག་ཉིད་མ་ཧཱ་གུ་རུ་བུདྡྷ་ཐོད་ཕྲེང་རྩལ་སྐུ་མདོག་དཀར་གསལ་མཆོག་ཏུ་ཞི་ཞིང་འཛུམ་ཁྲོ་སྒེག་པའི་ཉམས་འགྱུར་ཅན་གྱི་མཚན་དཔེ་རབ་ཏུ་རྒྱས་པ། ཞལ་གཅིག་སྤྱན་གསུམ་ཕྱག་གཡས་པ་འཁོར་ལོ་དཀར་པོ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་འཛིན་ཏེ་ཡུམ་ལ་འཁྱུད་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་ཤིང་དར་དང་རིན་པོ་ཆེའི་རྒྱན་ཆས་ཡོངས་སུ་རྫོགས་པའི་ཡུམ་དབྱིངས་ཕྱུག་མ་དཀར་མོ་འཁོར་ལོ་དང་དྲིལ་བུ་འཛིན་པ་ལ་གཉིས་མེད་མཉམ་པར་སྦྱོར་བའི་ཡེ་ཤེས་བདེ་བ་ཆེན་པོའི་གཟི་འོད་ཉི་མ་འབུམ་ལྟར་རྒྱས་པའི་ཀློང་དུ་མཆོག་གི་ལས་མཛད་རྩ་གསུམ་རབ་འབྱམས་སྤྲོ་བསྡུའི་སྒྱུ་འཕྲུལ་བསམ་མི་ཁྱབ་པའི་བདག་ཉིད་ཆེན་པོར་གསལ་བའི་གནས་གསུམ་རྡོ་རྗེ་གསུམ་གྱི་ཡི་གེས་མཚན་པ་དང༌། སློབ་དཔོན་དཀྱིལ་འཁོར་གྱི་མངའ་བདག་མ་ཧཱ་གུ་རུ་བུདྡྷ་ཐོད་ཕྲེང་རྩལ་དུ་གསལ་བ་ལ་མོས་གུས་དྲག་ཏུ་བསྐྱེད་པས། བླ་མའི་ཐུགས་ཀ་ནས་རྡོ་རྗེའི་ཡེ་ཤེས་འགུགས་པའི་འོད་ཟེར་ལྕགས་ཀྱུའི་རྡུལ་ཕྲན་གྲངས་མེད་པ་ཤར་གྱི་འཕྲོས། ཆོས་དབྱིངས་རྒྱས་པར་བཀང་བའི་སངས་རྒྱས་ཀྱི་ཞིང་རབ་འབྱམས་རྣམས་དང༌། ཁྱད་པར་ལྷོ་ནུབ་པདྨ་འོད་ཀྱི་གཞལ་ཡས་ཁང་ཆེན་པོ་སྒྱུ་འཕྲུལ་བཀོད་པའི་རོལ་མོ་བསམ་གྱི་མི་ཁྱབ་པར་སྣང་བའི་བླ་མ་སྐུ་གསུམ་གྱི་ལྷ་ཚོགས་རྣམས་ལ་ཕོག །ཐུགས་དམ་ཆེན་པོའི་དགོངས་པ་བསྐུལ། ཐུགས་རྗེ་ཆེན་པོའི་རྩལ་བསྐྱེད་དེ་སྐད་ཅིག་གིས་ནམ་མཁའི་ཁྱོན་གང་བར་སྤྱན་དྲངས་ནས། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབ་པའི་ངེས་ཤེས་བསྐྱེད་ཅིག །ཡེ་ཤེས་འབེབས་རྫས་སྤོས་དང་ཐོད་རྔས་དབྱངས་སྙན་རོལ་མོ་གདུང་ཤུགས་ཀྱིས་བསྐུལ་ལ། ཧཱུྃ་ཧྲཱི༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ བདེ་གཤེགས་ཀུན་འདུས་བུདྡྷ་ཐོད་ཕྲེང་རྩལ༔ མོས་པའི་གནས་འདིར་གདུང་བས་སྤྱན་འདྲེན་ན༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་རྗེས་བྱིན་གྱིས་བརླབ་ཕྱིར་གཤེགས་ནས་ཀྱང་༔ རྣལ་འབྱོར་སྒོ་གསུམ་རྡོ་རྗེའི་དབང་བསྐུར་ལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་ཨཱཿཧཱུྃ་བུདྡྷ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿཛྙཱ་ན་ཨཱ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཞེས་དྲག་ཏུ་བརྗོད་པས་དབབ། ཏིཥྛ་བཛྲས་བརྟན་པར་བྱ། དེ་ནས་དབང་དངོས་ལ། སྤྱིར་སྐུ་གསུང་ཐུགས་ཡེ་ཤེས་རྡོ་རྗེའི་དབང་བསྐུར་བ་དང༌། བྱེ་བྲག་མཆོག་གི་ལས་རབ་འབྱམས་སྒྲུབ་པའི་བདུད་རྩི་མཆོག་གི་དཀྱིལ་འཁོར་ལ་བརྟེན་ནས་དབང་བསྐུར་བ་གཉིས་ལས། དང་པོ་ནི། ཐོག་མར་སྣོད་བཅུད་ཐ་མལ་གྱི་ཞེན་རྟོག་སྦྱངས་ཕྱིར་སྐུ་བུམ་པའི་དབང་བསྐུར་བ་ལ། སློབ་དཔོན་གྱི་ཐུགས་ཀའི་འོད་ཟེར་གྱིས་ནམ་མཁའི་དབྱིངས་སུ་ཏིལ་གྱི་གོང་བུ་ལྟར་སད་པའི་རྒྱལ་བ་སྲས་དང་བཅས་པས་རྣམ་པ་ཐམས་ཅད་དང་ལྡན་པའི་ཆོ་འཕྲུལ་ཆེན་པོས་རིན་པོ་ཆེའི་བུམ་པ་རྡོ་རྗེ་བདུད་རྩིས་ཆུས་གང་བ་ཁྱེད་རང་རྣམས་ཀྱི་སྤྱི་བོར་ཐོགས་ཏེ་གཏོར་བླུགས་ཀྱི་ཕྲིན་ལས་མཐར་ཕྱིན་པར་མོས་ཤིག །རྣམ་བུམ་སྤྱི་བོར་བཞག་ལ། ཨོཾ༔ བུམ་པ་བཟང་པོ་ཡོན་ཏན་ཀུན་གྱི་གཏེར༔ ལྷ་ཚོགས་འོད་ཞུ་བདུད་རྩིའི་བཅུད་ཀྱིས་གཏམས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བུདྡྷ་ཐོད་ཕྲེང་སྐུ་ཡི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་ཀཱ་ཡ་ཨ་བྷི་ཥིཉྩ་ཨོཾ༔ ཞེས་དབང་བསྐུར་བས་བུམ་པའི་ཆུས་ལུས་ཐམས་ཅད་གང་ལས་དང་ཉོན་མོངས་པའི་དྲི་མ་དག །ཆུའི་ལྷག་མ་ཡར་ལུད་པ་ལས་རིགས་ཀྱི་བདག་པོ་རྣམ་པར་སྣང་མཛད་ཀྱིས་དབུ་བརྒྱན་པར་གྱུར། དེ་ལྟར་སྐུ་བུམ་པའི་དབང་བསྐུར་བས་སྣོད་བཅུད་ཕུང་ཁམས་སྐྱེ་མཆེད་གདན་གསུམ་སྒྱུ་འཕྲུལ་དྲྭ་བའི་ལྷ་ཚོགས་གདོད་ནས་ཡིན་པ་ལ་ཡིན་པར་ངོ་ཤེས་པས་གསལ་བརྟན་དག་གསུམ་གྱི་སྣང་སྟོང་སྒྱུ་མ་ལྟ་བུའི་ཏིང་ངེ་འཛིན་ལ་གོམ་པ་ལ་སྣང་བ་ཐམས་ཅད་ལྷ་སྐུ་ཕྱག་རྒྱའི་རིམ་པས་གདུལ་བྱའི་མོས་པ་དང་མཐུན་པར་དོན་གྱིས་ཤིག

དེ་ནས་ངག་ཐ་མལ་དུ་ཞེན་པ་སྦྱངས་ཕྱིར་གསུང་བཟླས་པའི་ལུང་སྦྱིན་པ་ལ། སློབ་དཔོན་དང་དཀྱིལ་འཁོར་གྱི་ལྷ་ཚོགས་གཉིས་སུ་མེད་པའི་ཐུགས་ཀ་ནས་སྔགས་ཀྱི་ཕྲེང་བ་འཕྲོས། ཞལ་ནས་བྱུང༌། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་སྲོག་དྭངས་མའི་ས་བོན་གྱི་མཐར་ཕྲེང་བ་ལྟར་འཁོད། འོད་ཟེར་སྤྲོ་བསྡུས་དོན་གཉིས་སྒྲུབ་པར་མོས་ལ་བསྙེན་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་བུདྡྷ་ཐོད་ཕྲེང་རྩལ་སརྦ་སིདྡྷི་ཧཱུྃ༔ ལན་གསུམ། སླར་ཡང་འོད་ཟེར་སྤྲོ་བསྡུའི་སྣང་གྲགས་རིགས་གསུམ་ལྷ་སྔགས་ཆོས་སྐུའི་རོལ་པར་ཤར་བས་དོན་གཉིས་སྒྲུབ་པར་མོས་ལ། སྒྲུབ་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ༔ཨཱཿ ལན་གསུམ། སླར་ཡང་དཀྱིལ་འཁོར་གྱི་ལྷ་ཡི་ཐུགས་སྲོག་སྔགས་ལས། བྱུང་བའི་འོད་ཟེར་ལྔ་ལྡན་འཇའ་ཚོན་ལྟ་བུའི་སྣོད་བཅུད། ཕྱི་ནང་ཀུན་ཏུ་ཁྱབ་པས་སྒྲིབ་གཉིས་གཟུང་འཛིན་ཞི་ཉམས་རྟོགས་ཡེ་ཤེས་རྒྱས། རླུང་སེམས་དབང་དུ་འདུས། གཟུང་འཛིན་བདུད་བཞི་སྒྲོལ་བའི་མཆོག་གི་ཕྲིན་ལས་ལྷུན་གྱིས་གྲུབ་པས་དོན་གཉིས་རྫོགས་པར་མོས་ལ་ལས་སྦྱོར་གྱིས་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ༔ཨཱཿ ཨོཾ་སརྦ་ཀརྨ་ཛྙཱ་ན་སིདྡྷི་ཧཱུྃ༔ ཕྲེང་བ་མགྲིན་པར་བཞག་པས་ནུས་པ་བརྟན་པར་བྱས་པ་མོས་མཛོད། ཨཱཿ སྒྲ་ཡི་སྙིང་པོ་བསྙེན་སྒྲུབ་ཕྲིན་ལས་ཀྱི༔ བཟླས་པའི་ནུས་རྫོགས་སྔགས་ཀྱི་ཕྲེང་བ་ཡིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བུདྡྷ་ཐོད་ཕྲེང་གསུང་གི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་བུདྡྷ་ཐོད་ཕྲེང་རྩལ་ཝཱ་ཀ་ཨ་བྷི་ཥིཉྩ་ཨཱཿ འདི་ལྟར་སྒྲར་གྲགས་པ་ཐམས་ཅད་རྡོ་རྗེའི་གསུང་དབྱངས་གཞོམ་མེད་ཡེ་ཤེས་འཁོར་ལོའི་སྤྲིན་གྲགས་སྟོང་བརྗོད་པ་དང་བྲལ་བ་ལས་སྒྲ་ཡི་ཚུལ་བསམ་གྱིས་མི་ཁྱབ་པས་འགྲོ་བའི་དོན་གྱིས་ཤིག །དེ་ནས་ཡིད་ཐ་མལ་དུ་ཞེན་པ་སྦྱོང་བའི་སླད་དུ་ཐུགས་འོད་གསལ་གྱི་དགོངས་པ་ངོ་སྤྲད་པ་ནི། མེ་ལོང་བསྟན་ལ། མེ་ལོང་དྭངས་པ་ལ་གཟུགས་བརྙན་སྣ་ཚོགས་སུ་ཤར་ཡང༌། སྣང་དུས་ཉིད་ནས་དངོས་པོས་སྟོང༌། སྟོང་བཞིན་དུ་སྣ་ཚོགས་སུ་སྣང་བ་མ་འགགས་པ་བཞིན། ལྷ་སྔགས་ཀྱིས་མཚོན་པའི་འཁོར་འདས་ཀྱི་ཆོས་ཐམས་ཅད་རང་སེམས་སྟོང་པའི་རང་རྩལ་དུ་ཤར་ཡང༌། ཤར་དུས་ཉིད་ནས་བདེན་པར་མ་གྲུབ། མ་གྲུབ་བཞིན་དུ་ཅིར་ཡང་ཤར་བས་ཐམས་ཅད་སྐུ་གསུམ་འདུ་འབྲལ་མེད་པ་ཟུང་འཇུག་འོད་གསལ་འཁོར་ཡུག་གི་དགོངས་པ་ངོ་ཤེས་པར་གྱིས་ཤིག ཧཱུྃ༔ སྟོང་གསལ་རང་རིག་འདུས་མ་བྱས་པའི་དོན༔ བརྡ་ཡི་མཚོན་པ་ཡེ་ཤེས་མེ་ལོང་གིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བུདྡྷ་ཐོད་ཕྲེང་ཐུགས་ཀྱི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་ཙིཏྟ་ཨ་བྷི་ཥིཉྩ་ཧཱུྃ༔ འདི་ལྟར་རྟོག་ཚོགས་ཐམས་ཅད་བུདྡྷ་ཐོད་ཕྲེང་རྩལ་གྱི་ཐུགས་ཀ་དག་འོད་གསལ་ཟང་ཐལ་ཀུན་ཁྱབ་འདུས་མ་བྱས་མཉམ་ཉིད་ཆེན་པོའི་དགོངས་པར་ལ་ཟློ་བས་འབད་མེད་ལྷུན་གྱིས་གྲུབ་པའི་གཞན་དོན་རྒྱ་ཆེན་པོ་གྱིས་ཤིག །མཐར་ཡོན་ཏན་དང་ཕྲིན་ལས་ཡོངས་སུ་རྫོགས་པ་གཏོར་མ་ལ་བརྟེན་ནས་དབང་བསྐུར་བ་ལ་འདུན་པ་འདི་ལྟར་མཛོད། གཏོར་མ་འདི་ཉིད་ཐམས་ཅད་ལྷུན་གྲུབ་མཆོག་གི་ལས་མཛད་བུདྡྷ་ཐོད་ཕྲེང་རྩལ། དབང་ཆེན་སྡེ་བཞི། སྒོ་སྐྱོང་དཔའ་བོ་མཁའ་འགྲོ་དངོས་སུ་གསལ་བ་ཁྱེད་རང་གི་སྤྱི་བོར་སྤྱན་དྲངས་ཏེ་སྐུ་ཡི་གནས་ཐམས་ཅད་ལས་བྱུང་བའི་འོད་ཟེར་ཁ་དོག་ལྔ་ལྡན་གྱིས་སྒོ་གསུམ་ལ་ཁྱབ་པས་བྱིན་རླབས་ཡེ་ཤེས་ཆེན་པོ་རྒྱུད་ལ་སྩལ་བར་མོས་མཛོད།

དཔལ་གྱི་གཏོར་མ་གནས་གསུམ་དུ་བཞག་ལ། ཨོཾ་ཨཱ་ཧཱུྃ་ཧྲཱིཿ གཏོར་སྣོད་རང་བྱུང་གཞལ་མེད་ཁང་ཆེན་པོར༔ གཏོར་མའི་ངོ་བོ་ལྷ་དང་གཉིས་སུ་མེད༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བུདྡྷ་ཐོད་ཕྲེང་ཡེ་ཤེས་དབང་ཐོབ་ཤོག༔ ཨོཾ་ཨཱཿཧཱུྃ་ཧྲཱི་བཛྲ་གུ་རུ་བུདྡྷ་ཐོད་ཕྲེང་རྩལ་ཀཱ་ཡ་ཝཱ་ཀ་ཙིཏྟ་ཛྙཱ་ན་ཨ་བྷི་ཥིཉྩ་ཨོཾ་ཨཱཿཧཱུྃ་ཧྲཱིཿ དེ་ཁྱེད་རང་གི་སྒོ་གསུམ་དང་བུདྡྷ་ཐོད་ཕྲེང་རྩལ་གྱི་སྐུ་གསུང་ཐུགས་གཉིས་སུ་མེད་པར་བྱིན་གྱི་རླབས་ཤིང་དབང་བསྐུར་བ་དང༌། ཡོན་ཏན་དང་ཕྲིན་ལས་རྒྱ་མཚོའི་དཔལ་ལ་དོན་གཉིས་ཐམས་ཅད་རྩོལ་མེད་དུ་ལྷུན་གྱིས་གྲུབ་པས་དོན་བྱེད་པར་མོས་ཤིག །གཉིས་པ་མཆོག་གི་ལས་རབ་འབྱམས་སྒྲུབ་པའི་བདུད་རྩི་མཆོག་གི་དཀྱིལ་འཁོར་ལ་བརྟེན་ནས་དབང་བསྐུར་བ་ལ་རྒྱུད་ལས། བདུད་རྩི་མཆོག་ནི་མཉམ་པའི་དབྱིངས། །བདུད་རྩི་དོན་ནི་སྐྱེ་ཤི་མེད། །བདུད་རྩིའི་གནས་ནི་བྱང་ཆུབ་སེམས། །བདུད་རྩིའི་ལས་ནི་རྣམ་རྟོགས་སྦྱངས། །བདག་དཔལ་ཚོགས་ཞིང་འགྲོ་དོན་མཛད། །སྨན་གྱི་བྱིན་རླབས་བསམ་མི་ཁྱབ། །ཞེས་གསུངས་པ་ལྟར་སྣོད་བཅུད་གདན་གསུམ་སྒྱུ་འཕྲུལ་དྲྭ་བ་སྣང་སྟོང་ཆོས་ཀྱི་བདུད་རྩི་རུ་གདོད་མ་ཉིད་ནས་གནས་པའི་དོན། རྫས་ཀྱི་བདུད་རྩི་ལྕགས་ཀྱུ་ལྟ་བུ་དང་སྒྲོན་མ་ལྔ་རིགས་ལྔ་རྩ་བརྒྱད་ཡན་ལག་སྟོང་སྦྱར་སྨན་གྱི་ཕོ་བྲང་དཀྱིལ་འཁོར་བདུན་དང་སྦྱོར་ཐབས་བརྒྱད་ཀྱི་ལྷ་སྔགས་ཏིང་འཛིན་གྱིས་མངོན་དུ་བྱས་ནས། རྟགས་ཀྱི་བདུད་རྩིས་ཕུང་ཁམས་ཟག་བཅས་དུག་ལྔ་ཡེ་ཤེས་ཀྱི་བདག་ཉིད་ཆེན་པོར་སད་ནས། དོན་གྱི་བདུད་རྩི་སྐྱེ་འཆི་མེད་པ་གཉུག་མ་ཁྱབ་བརྡལ་གྱི་དགོངས་ཀློང་རིག་པ་རྩལ་གྱི་དབང་ཐོབ་པས་གཟུང་འཛིན་དབྱིངས་སུ་ཞི། མཁྱེན་བརྩེའི་ཡེ་ཤེས་རྒྱས། རླུང་སེམས་དབང་དུ་འདུས། དུག་གསུམ་རུ་ཏྲ་བསྒྲལ་བའི་མཆོག་གི་དངོས་གྲུབ་ཆེན་པོ་མངོན་དུ་བྱེད་པའི་དབང་ཐོབ་པར་མོས་ཤིག །སྨན་གྱི་ཕོ་བྲང་བཏེགས་ལ། ཧཱུྃ༔ བཀྲ་ཤིས་མཚན་ལྡན་རྡོ་རྗེའི་ཀ་པཱ་ལ༔ ཡེ་ཤེས་བདུད་རྩིས་བཅུད་ཀྱི་རབ་ཏུ་གཏམས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ གྲོལ་བ་བཞི་ལྡན་ཕྲིན་ལས་མཐར་ཕྱིན་ཤོག༔ ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ཨོཾ་ཧཱུྃ་ཏྲཱྃ་ཧྲཱིཿཨཿ མཱུྃ་ལཱྃ་མཱྃ་པཱྃ་ཏཱྃ་བཛྲ་ཨ་མྲྀ་ཏ་ཧཱུྃ་ཧྲཱི་ཋ༔ སརྦ་ཨ་བྷི་ཥིཉྩ་མི༔ ཕོ་བྲང་གནས་གསུམ་དུ་བཞག །དེ་ལྟར་བདུད་རྩི་མཆོག་གི་དངོས་གྲུབ་ཀྱི་དམ་རྫས་རྨད་དུ་བྱུང་བས་དབང་བསྐུར་བས། མདོར་ན་མཐོང་བས་སྡིག་ལྟུང་དག༔ དྲི་ཚོར་གྲིབ་སེལ་ཉམས་ཆག་བསྐང་༔ རེག་པས་བདེ་ཆེན་རྒྱུད་ལ་འཆར༔ མྱོང་བས་མངོན་སུམ་ཡེ་ཤེས་སྐྱེ༔ འཆང་བས་སྲུང་དང་རྒྱས་དབང་བསྒྱུར༔ ཞེས་སོགས་རྒྱས་པར་གསུངས་པ་ལྟར་གྲོལ་བ་དྲུག་གི་ཕྲིན་ལས་མངའ་དབང་འབྱོར་བས་འགྲོ་ཀུན་ཟུང་འཇུག་རྡོ་རྗེའི་དབྱིངས་སུ་འབད་མེད་དུ་སྒྲོལ་བའི་མཆོག་གི་ཕྲིན་ལས་རྟག་ཁྱབ་ཏུ་ལྷུན་གྱིས་གྲུབ་པའི་ལས་རབ་འབྱམས་སྒྲུབ་ནུས་པའི་དབང་ཐོབ་པར་མོས་མཛོད་ཅིག །འཕོ་ཞིང་འགྱུར་བའི་སྲིད་ལས་རྣམས་གྲོལ་བ། །ཡོན་ཏན་ཀུན་བདག་མཚུངས་མེད་ཆོས་ཀྱི་རྗེ། །རྟག་ཁྱབ་ཕན་བདེ་ལྷུན་གྲུབ་ཡེ་ཤེས་སྐུར། །བྱང་ཆུབ་མཆོག་གི་ཕྲིན་ལས་བཀྲ་ཤིས་ཤོག །དེ་དག་གིས་མཆོག་གི་ལས་མཛད་ཐམས་ཅད་ལྷུན་གྲུབ་བུདྡྷ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་བསྐུར་གྲུབ་པ་སྟེ། རྩ་བ་དང་ཡན་ལག་གི་དམ་ཚིག་གནང་བཀག་སྤྱི་དང་ཁྱད་པར་གུ་རུ་བུདྡྷ་ཐོད་ཕྲེང་རྩལ་གྱི་ལྷ་སྔགས་ཏིང་འཛིན་ལ་གཙོ་བོར་བརྟེན་པའི་མཆོག་གི་ཕྲིན་ལས་རབ་འབྱམས་ཀྱི་དོན་གཉིས་འདོད་དགུ་སྒྲུབ་པའི་གཡར་དམ་བཞེས་པས་དམ་ཚིག་ཁས་བླངས་པ་འདི་ཡི་རྗེས་ཟློས་མཛོད། གཙོ་བོས་ཇི་ལྟར་སོགས་དང༌། གཏང་རག །ལུས་ལོངས་སྤྱོད་འབུལ་བ། དགེ་བསྔོ་རྣམས་སྤྱི་ལྟར་བྱ་ཕྲིན་ལས་རྗེས་ཀྱི་རིམ་པ་མཐར་དབྱུང་བས་དགེ་ལེགས་སུ་བྱའོ། །སྲིད་ཞིའི་འཇི༵གས་མེ༵ད་མཁྱེན༵་བརྩེ༵འི་ཉིད། །དོན་གཉིས་ཐམས་ཅད་ལྷུན་གྲུབ་མཆོག །འོ༵ད་ཟེ༵ར་འབུམ༵་བཀྲ༵་ཤི༵ས་པའི་དཔ༵ལ། །དགེ་མཚན་སྦྲང་རྩིའི་བཅུད་ཀྱི་འབྱོར༵། །རྩ་གསུམ་འོད་གསལ་སྙིང་ཐིག་གི་ཐམས་ཅད་ལྷུན་གྲུབ་བུདྡྷ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་བསྐུར་རབ་འབྱམས་ཕྲིན་ལས་ཆར་འབེབས་ལེའུ་ཚན་ལྔ་པ་འོད་གསལ་རང་བྱུང་ཐུགས་མཆོག་རྩལ་གྱིས་སྦྱར་བའོ། ༈

།ཀུན་མཁྱེན༵་ཞི་བསིལ་བདུད་རྩིའི་འཛུམ་དཀར་གྱིས། །རབ་སྒེག་བརྩེ༵་ཆེན་ག་བུར་དབ༵ང་པོ༵འི་རྡུལ། །སིམ་བྱེད་ལེགས་བྲིས་དཔལ་གྱིས་མི་མཚོན་པ། །མི་བསྐྱོད་རྡོ་རྗེ་ཐོད་ཕྲེང་རྩལ་གྱིས་སྲུང༌། །རྩ་གསུམ་འོད་གསལ་སྙིང་ཐིག་གི་ཕྱི་སྒྲུབ་སྒྱུ་འཕྲུལ་དྲྭ་བའི་ཡན་ལག །ཞི་བའི་ལས་མཛད་རྡོ་རྗེ་ཐོད་ཕྲེང་རྩལ་གྱི་དབང་བསྐུར་འབོག་པ་ལ། སྤྱི་ཆིངས་རིགས་བཞི་ཀ་ལ་བུདྡྷ་ཐོད་ཕྲེང་རྩལ་གྱིས་དབང་བསྐུར་ལྟར་བཤམས་དགོས་ལ། འདིར་དམིགས་བསལ་ཞི་བའི་ལས་ཀུན་སྒྲུབ་བྱེད་བདུད་རྩིའི་བུམ་པ་མགུལ་ཆིངས་དཀར་པོ་ཅན། ནང་བཅུད་སོ་ལྔའི་རྫས་ཀྱིས་གཏམས་པ་དཀྱིལ་འཁོར་དབུས་སུ་མཉྫི་ལ་བཀོད། དེའི་མདུན་དུ་རྣམ་རྒྱལ་བུམ་པ་བཤམས། ལས་བྱང་བཏང་ལ་རྣམ་བུམ་སྒྲུབ་ཟིན་པའི་རྗེས། རྡོ་རྗེ་ཐོད་ཕྲེང་གཞུང་གི་ཞི་བའི་བུམ་པ་སྒྲུབ་པ་ནི། ཨོཾ་སྭ་བྷ་ཝ་བི་ཤུདྡྷཿསརྦ་དྷརྨ་སྭ་བྷ་བ་བི་ཤུདྡྷོ་྅ཧྃཿ སྟོང་པའི་ངང་ལས་པད་ཟླའི་གདན་གྱི་སྟེང་༔ བྷྲཱུྃ་ཡིག་ཡོངས་གྱུར་རིན་ཆེན་བུམ་པ་བཟང་༔ བདུད་རྩིའི་བཅུད་ཀྱི་ཡོངས་སུ་གང་བའི་དབུས༔ སྣ་ཚོགས་པདྨ་འདབ་བཞིའི་ལྟེ་བ་རུ༔ སེང་གེས་བཏེགས་པའི་རིན་ཆེན་མཛེས་ཁྲི་དང་༔ ཐབས་ཤེས་ཟུང་འཇུག་ཉི་ཟླའི་གདན་གྱི་སྟེང་༔ ཧཱུྃ་ཡིག་ཡོངས་གྱུར་རྡོ་རྗེ་ཐོད་ཕྲེང་རྩལ༔ སྐུ་མདོག་མཐིང་གསལ་ཞི་འཛུམ་སྒེག་པའི་ཉམས༔ ཕྱག་གཡས་རྡོ་རྗེ་རྩེ་ལྔ་ཐུགས་ཀར་གཏོད༔ གཡོན་པས་རྡོ་རྗེས་ཡུ་བ་བྱས་པ་ཡི༔ རིགས་ཀྱི་དྲིལ་བུ་དཀུར་བརྟེན་ཡུམ་ལ་འཁྱུད༔ རུས་པའི་ཕྱག་རྒྱ་དྲུག་གི་རབ་ཏུ་སྤྲས༔ དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ ཡུམ་མཆོག་རྡོ་རྗེ་དྲིལ་བུ་བསྣམས་པ་འཁྲིལ༔ རིག་འཛིན་བླ་མ་བྱེ་བའི་སྤྲིན་ཕུང་འཕྲོ༔ འདབ་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཞི་ཁྲོའི་ཕྱག་རྒྱར་ཤར༔ ཕྱོགས་བཞིར་རིག་འཛིན་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲོ་རྒྱ་མཚོའི་ཚོགས་ཀྱིས་བསྐོར༔ ཀུན་ཀྱང་སྤྱི་མགྲིན་སྙིང་གར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ཀྱི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ ཧཱུྃ་ཧྲཱིཿ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོས་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནི་སརྦ་ཛྙཱ་ན་མཎྜལ་བཛྲ་ས་མ་ཡ་ཛཿ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཞུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་གུས་པས་བརྡ་ཡིས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ ཨོཾ་ཨཱཿཧཱུྃ༔ དངོས་སུ་འབྱོར་བཤམས་ཡིད་ཀྱིས་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ་བཛྲ་གུ་རུ་དེ་ཝཱ་དྷཱ་ཀི་ནི་ས་པ་རི་ཝཱ་ར་ཨརྒྷཾ་ནས། རུ་པ་ཤབྡ་གྷནྡྷེ་རཱ་ས་སྤརྴེ་པྲ་ཏཱིཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པཱུ་ཙ་ཧོཿ མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧིཿ ཧཱུྃ་ཧྲཱིཿ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔ གཟུངས་ཐག་བླངས་ཏེ། རང་གི་ཐུགས་ནས་སྔགས་ཀྱི་འོད་ཟེར་འཕྲོས༔ བུམ་པའི་ལྷ་ཚོགས་ཐུགས་དམ་རྒྱུད་བསྐུལ་བས༔ འོད་ཟེར་དཀར་པོ་མཁའ་ཁྱབ་ཀུན་ཏུ་འཕྲོས༔ འཕགས་པ་མཆོད་ཅིང་འགྲོ་བའི་མི་མཐུན་སྦྱངས༔ ཚུར་འདུས་རྩ་གསུམ་རྒྱལ་བ་རབ་འབྱམས་དང་༔ གསང་སྔགས་རིགས་སྔགས་གཟུངས་སྔགས་བྱིན་རླབས་བཅུད༔ འོད་དཀར་བདུད་རྩིའི་རྣམ་པར་སྤྱན་དྲངས་ནས༔ བུམ་པའི་ལྷ་ཡི་ཐུགས་ཀར་ས་བོན་མཐར༔ སྔགས་ཀྱི་ཕྲེང་བས་མཚན་ལ་གཉིས་མེད་ཐིམ༔ དེ་ལས་བདུད་རྩིའི་ཆུ་རྒྱུན་རབ་ཏུ་བབས༔ བུམ་བཅུད་ལ་ཐིམ་མཐོང་ཚོར་མྱང་རེག་ཀུན༔ མི་མཐུན་ཕྱོགས་ཀུན་ཞི་བའི་ནུས་ལྡན་བསམ༔ ཨོཾ་ཨཱཿཧཱུྃ་བཛྲ་གུ་རུ་བཛྲ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿ ཧཱུྃ་སརྦ་པཱ་པཾ་ཀླེ་སརྦ་བྷ་ཡ་ཤནྟིཾ་ཀུ་རུ་སྭཱ་ཧཱ༔ ཞེས་སྒྲུབ་སྔགས་ལ་ལས་སྔགས་སྦྲེལ་བས་སྒྲུབ་ལ་བུམ་ལྷ་འོད་ཞུ་རྣམ་བུམ་དང་ཆབས་ཅིག་ཏུ་བྱ།

དབང་བསྐུར་དངོས་ལ། ལོ་རྒྱུས་ཀྱི་ཁྱད་པར། དེ་ལ་འདིར་དཔལ་ཨོ་རྒྱན་ཆོས་ཀྱི་རྒྱལ་པོ་ཉིད་ཆོས་སྐུའི་སངས་རྒྱས་ཐམས་ཅད་ཀྱི་དགོངས་ཀློང་གཅིག་ཏུ་འཁྱིལ་བའི་བདག་ཉིད་ཆེན་པོ་པདྨ་ཀུན་ཏུ་འཆང༌། ལོངས་སྐུའི་སངས་རྒྱས་ཐམས་ཅད་ཀྱི་སྐུ་དང་ཡེ་ཤེས་རྒྱ་མཚོའི་སྤྲོ་བསྡུས་བྱེད་པོར་དབང་བསྐུར་བ་གཟི་བརྗིད་ཚེ་འོད་དཔག་མེད། སྤྲུལ་སྐུའི་སངས་རྒྱས་ཐམས་ཅད་ཀྱི་རྨུ་རྒོད་གདུལ་དཀའ་ཉོན་མོངས་རགས་ཤིང་སྡུག་བསྔལ་ཆེ་བའི་ཡིད་ཅན་འདུལ་བའི་སྙིང་རྗེ་དང་ཐུགས་བསྐྱེད་སྨོན་ལམ་གྱི་གོ་ཆ་ལ་སངས་རྒྱས་ཀུན་ལས་ཁྱད་པར་འཕགས་པ་སྟོན་པ་རྫོགས་པའི་སངས་རྒྱས་ཤཱཀྱའི་རྒྱལ་པོ་ཉིད་སླར་ཡང་སྔགས་ཀྱི་སྟོན་པ་རྡོ་རྗེ་སློབ་དཔོན་གྱི་སྐུར་བཞེངས་པ་པདྨ་འབྱུང་གནས་ཏེ། རྒྱལ་བའི་རྣམ་འཕྲུལ་དང་སྤྱོད་ཡུལ་བསམ་གྱིས་མི་ཁྱབ་པ་སྤྲུལ་གཞི་ནུབ་ཕྱོགས་བདེ་ལྡན་ཞིང་དུ་བཀྲ་ཤིས་འོ་མའི་རྒྱ་མཚོར་གུ་རུ་ཉིད་ཀྱི་ཐུགས་ཡེ་ཤེས་ལྔ་ཡི་རང་མདངས། གུ་རུ་ཐོད་ཕྲེང་སྡེ་ལྔའི་བཀོད་པས་ཞི་རྒྱས་དབང་དྲག་མཆོག་གི་ཕྲིན་ལས་མཐར་ཕྱིན་པར་མཛད་པ་ལས། འདིར་ཞི་བའི་ལས་མཛད་རྡོ་རྗེ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་བསྐུར་བ་སྐབས་སུ་བབ་པ་ཡིན། དེ་ཡང་ཞི་བ་མཆོག་གི་ཕྲིན་ལས་སངས་རྒྱས་སྲས་དང་བཅས་པས་ཞི་བསིལ་བདུད་རྩིའི་ཆོས་ཀྱིས་འགྲོ་ཀུན་སྲིད་དང་ངན་འགྲོའི་གཡང་ས་ལས་སྐྱབས་ཏེ་ཕན་བདེའི་དཔལ་ལ་འགོད་པ་དང༌། སེམས་དཔའ་མཆོག་རྣམས་ཀྱིས་བྱམས་དང་སྙིང་རྗེའི་གོ་ཆ་ལྷུར་བཞེས་པས་ཉམ་ཐག་སྡུག་བསྔལ་ཅན་གྱི་སེམས་ཅན་སྒྲོལ་ཞིང་དབུགས་དབྱུང་བ་འཕགས་པ་འཇིག་རྟེན་དབང་ཕྱུག་གིས་ཕྱག་སོར་འོ་རྒྱུན་གྱིས་ཡི་དྭགས་ཀྱི་བཀྲེས་སྐོམ་སེལ་བ། ཛམ་གླིང་གི་ཚོང་པ་སྲིན་གླིང་ལས་སྒྲོལ་བ་སོགས་དང༌། ཐུན་མོང་ཞི་བའི་ལས། འཇིག་རྟེན་དབང་ཕྱུག་གི་རིགས་སྔགས་ཀྱི་ནུས་པས་དགེ་སློང་མ་དཔལ་མོ་ཀླུ་གདོན་གྱི་སྙུན་ལས་སྒྲོལ་བ་དང༌། གྲུབ་ཆེན་ཐང་སྟོང་རྒྱལ་པོའི་བོད་ཡུལ་ལྷ་ས། ས་སྐྱ། ཁམས་མེ་ཉག་རྣམས་སུ་ནད་མུག་མཚོན་གྱི་བསྐལ་པ་ཞི་བར་མཛད་པས་མཚོན་སེམས་དཔའ་ཆེན་པོ་རྣམས་ཀྱིས། གཡར་དམ་གྱི་གོ་ཆ་ཆེན་པོའི་ལྷུར་བཞེས་འོས་པ་སྟེ། དེ་ཡང་གདུལ་དཀའ་དམུ་རྒོད་ཀྱི་འགྲོ་བ་སྐྱོབ་པ་ལ་སངས་རྒྱས་ཀུན་ལས་ཐུགས་རྗེ་དང་ཕྲིན་ལས་ཁྱད་པར་འཕགས་པ་གུ་རུ་རྡོ་རྗེ་ཐོད་ཕྲེང་གི་ལྷ་སྔགས་ལ་བརྟེན་པ་ཆེས་ཟབ་མྱུར་བྱིན་རླབས་དང་ལྡན་པའི་དབང་བསྐུར་ཟབ་མོ་སྒྲུབ་པར་བགྱི་བ་ལ་སོགས་མཎྜལ་འབུལ་དུ་གཞུག བླ་མ་དང་ཞི་བའི་ལས་མཛད་རྡོ་རྗེ་ཐོད་ཕྲེང་ཐ་མི་དད་པའི་སྤྱན་སྔར་སྙིམས་པ་མེ་ཏོག་དང་བཅས་པའི་ཐལ་མོ་སྦྱོར་ལ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། ཧོཿ དཀྱིལ་འཁོར་གཙོ་བོ་རིགས་ཀུན་བདག༔ ཐུགས་རྗེའི་གཏེར་ཆེན་སློབ་དཔོན་གྱིས༔ ཞི་མཛད་བཛྲ་ཐོད་ཕྲེང་གི༔ སྨིན་གྲོལ་དབང་མཆོག་སྩལ་དུ་གསོལ༔ ལན་གསུམ།

དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ། སྐྱབས་ཀྱི་ཡུལ་མདུན་གྱི་ནམ་མཁར་ཞི་མཛད་བཛྲ་ཐོད་ཕྲེང་རྩལ་རིག་འཛིན་སྒྱུ་འཕྲུལ་དྲྭ་བའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། སྐྱབས་བྱ་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྐྱབས་སུ་འགྲོ་ཚུལ་སྒོ་གསུམ་འཇུག་པ་གཅིག་པས། སྐྱབས་འགྲོའི་རྒྱུ་དེང་ནས་བྱང་ཆུབ་མ་ཐོབ་བར་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཏེ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་ཅི་མཛད་ཁྱེད་མཁྱེན་བློ་གཏད་ལིང་སྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས༔ ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཐོག་མེད་དུས་ནས་ཕ་མར་གྱུར་པའི་མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལས་འདས་པ་སྐུ་གསུམ་བླ་མའི་གོ་འཕང་ལ་བདེ་མྱུར་གྱིས་འགོད་པར་བྱ། དེའི་ཕྱིར་དུ་བླ་ན་མེད་པའི་དཀྱིལ་འཁོར་གཉན་པོ་འདིར་འཇུག་ཅིང་དབང་གིས་རྒྱུད་སྨིན་པར་བྱས་ནས་ལམ་རིམ་པ་གཉིས་ཀྱི་ཏིང་ངེ་འཛིན་དང་མ་བྲལ་བས་རྒྱལ་བའི་སྲས་ཀྱི་སྤྱོད་པ་རླབས་པོ་ཆེའི་རྗེས་སུ་སློབ་སྙམ་པས་སྨོན་འཇུག་གི་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་སྤྲུལ་ནས་སྒོ་གསུམ་གུས་པ་ཆེན་པོའི་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྡིག་ལྟུང་གི་བྱས་བསགས་ལ་འགྱོད་པའི་སེམས་ཀྱིས་བཤགས་སྡོམ་དང༌། ཚོགས་གཉིས་ཀྱི་དགེ་སྤྱོད་ལ་རྗེས་སུ་ཡི་རང་བ། ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་བཞུགས་པར་གསོལ་ཞིང་དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་རྗེས་ཟློས། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དབང་གི་ཡེ་ཤེས་སྐྱེ་བརྟན་གོང་འཕེལ་དུ་འགྱུར་བ་ལ་རྒྱུད་རྣམ་པར་དག་ཅིང་སྡོམ་པ་དང་ལྡན་དགོས་པས། ཚོགས་ཞིང་དེ་རྣམས་དཔང་པོར་བྱས་ཏེ་ཕྱི་སོ་སོ་ཐར་པའི་སྡོམ་པ། ནང་བྱང་ཆུབ་སེམས་ཀྱི་བསླབ་པ། གསང་བ་བླ་མེད་རྡོ་རྗེ་ཐེག་པའི་དམ་ཚིག་རྣམས་ལེགས་པར་བླངས་ནས་ཚུལ་བཞིན་བསྲུང་སྙམ་པས་འདིའི་རྗེས་ཟློས་མཛོད། རྩ་གསུམ་དཀྱིལ་འཁོར་ལྷ་ཚོགས་དང༔ རྡོ་རྗེ་སློབ་དཔོན་དགོངས་སུ་གསོལ༔ རིག་པ་འཛིན་པ་བདག་གིས་ནི༔ དེང་ནས་བྱང་ཆུབ་སྙིང་པོའི་བར༔ སོ་སོར་ཐར་དང་བྱང་ཆུབ་སེམས༔ རིག་འཛིན་ནང་གི་སྡོམ་པའི་ཚོགས༔ མ་ལུས་ཡོངས་སུ་བཟུང་བར་བགྱི༔ ལན་གསུམ།

དེ་ནས་དབང་གི་གཞི་འགོད་པ་ལ་ཡེ་ཤེས་པ་དབབ་པ་ལ་སྒོ་གསུམ་གྱི་གནད་གཅུན་ལ་ཐུགས་དམིགས་འདི་བཞིན་མཛོད། སློབ་དཔོན་གྱི་ཐུགས་ཀ་ནས་འཕྲོས་པའི་འོད་ཟེར་གྱིས་ཁྱེད་རང་ཕུང་ཁམས་སྐྱེ་མཆེད་ཀྱིས་མཚོན་པའི་སྣོད་བཅུད་ཐ་མལ་གྱི་སྣང་ཞེན་དབྱིངས་སུ་སྦྱངས། སྟོང་པའི་ངང་ལས་ཆོས་དབྱིངས་ལྷུན་རྫོགས་བདེ་ཆེན་སྟུག་པོ་བཀོད་པའི་ཞིང་ཁམས་ཕུན་སུམ་ཚོགས་པའི་དབུས་སུ་སེང་གེས་བཏེགས་པའི་རིན་པོ་ཆེའི་ཁྲི་དང་པད་ཟླའི་སྟེང་དུ་ཁྱེད་རང་རྣམས་སྐད་ཅིག་གིས་ཧཱུྃ་ཡིག་ཡོངས་སུ་གྱུར་པ་ལས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་བདག་ཉིད་མ་ཧཱ་གུ་རུ་བཛྲ་ཐོད་ཕྲེང་རྩལ་སྐུ་མདོག་དཀར་གསལ་མཆོག་ཏུ་ཞི་ཞིང་འཛུམ་ཁྲོ་སྒེག་པའི་ཉམས་འགྱུར་ཅན་གྱི་མཚན་དཔེ་རབ་ཏུ་རྒྱས་པ། ཞལ་གཅིག་སྤྱན་གསུམ་ཕྱག་གཡས་རྡོ་རྗེ་རྩེ་ལྔ་པ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་འཛིན་ཏེ་ཡུམ་ལ་འཁྱུད་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་ཤིང་དར་དང་རིན་པོ་ཆེའི་རྒྱན་ཆས་ཡོངས་སུ་རྫོགས་པའི་ཡུམ་མཱ་མ་ཀི་སྔོན་མོ་རྡོ་རྗེ་དང་དྲིལ་བུ་འཛིན་པ་གཉིས་མེད་མཉམ་པར་སྦྱོར་བའི་ཡེ་ཤེས་བདེ་བ་ཆེན་པོའི་གཟི་འོད་ཉི་མ་འབུམ་ལྟར་རྒྱས་པའི་ཀློང་དུ་ཞི་བའི་ལས་མཛད་རྩ་གསུམ་རབ་འབྱམས་སྤྲོ་བསྡུའི་སྒྱུ་འཕྲུལ་བསམ་མི་ཁྱབ་པའི་བདག་ཉིད་ཆེན་པོར་གསལ་བའི་གནས་གསུམ་རྡོ་རྗེ་གསུམ་གྱི་ཡི་གེས་མཚན་པ་དང༌། སློབ་དཔོན་དཀྱིལ་འཁོར་གྱི་མངའ་བདག་མ་ཧཱ་གུ་རུ་རྡོ་རྗེ་ཐོད་ཕྲེང་དངོས་སུ་གསལ་བའི་མོས་གུས་དྲག་ཏུ་བསྐྱེད་པས། བླ་མའི་ཐུགས་ཀ་ནས་རྡོ་རྗེའི་ཡེ་ཤེས་འགུགས་པའི་འོད་ཟེར་ལྕགས་ཀྱུའི་རྡུལ་ཕྲན་གྲངས་མེད་པ་ཤར་གྱིས་འཕྲོས། ཆོས་དབྱིངས་རྒྱས་པར་བཀང་བའི་སངས་རྒྱས་ཀྱི་ཞིང་རབ་འབྱམས་རྣམས་དང༌། ཁྱད་པར་ལྷོ་ནུབ་པདྨ་འོད་ཀྱི་གཞལ་ཡས་ཁང་ཆེན་པོ་སྒྱུ་འཕྲུལ་བཀོད་པའི་རོལ་མོ་བསམ་གྱི་མི་ཁྱབ་པར་སྣང་བའི་བླ་མ་སྐུ་གསུམ་གྱི་ལྷ་ཚོགས་རྣམས་ལ་ཕོག །ཐུགས་དམ་ཆེན་པོའི་དགོངས་པ་བསྐུལ། ཐུགས་རྗེ་ཆེན་པོའི་རྩལ་བསྐྱེད་དེ་སྐད་ཅིག་གིས་ནམ་མཁའི་ཁྱོན་གང་བར་སྤྱན་དྲངས་ནས། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབ་པའི་ངེས་ཤེས་བསྐྱེད་ཅིག །ཡེ་ཤེས་འབེབས་རྫས་སྤོས་དང་ཐོད་རྔས་དབྱངས་སྙན་རོལ་མོ་གདུང་ཤུགས་ཀྱིས་བསྐུལ་ལ། ཧཱུྃ་ཧྲཱི༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ བདེ་གཤེགས་ཀུན་འདུས་བཛྲ་ཐོད་ཕྲེང་རྩལ༔ མོས་པའི་གནས་འདིར་གདུང་བས་སྤྱན་འདྲེན་ན༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་རྗེས་བྱིན་གྱིས་བརླབ་ཕྱིར་གཤེགས་ནས་ཀྱང་༔ རྣལ་འབྱོར་སྒོ་གསུམ་རྡོ་རྗེའི་དབང་བསྐུར་ལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་ཨཱཿཧཱུྃ་བཛྲ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿ ཛྙཱ་ན་ཨཱ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཞེས་དྲག་ཏུ་བརྗོད་པས་དབབ། ཏིཥྛ་བཛྲས་བརྟན་པར་བྱ།

དེ་ནས་དབང་དངོས་ལ། སྤྱིར་སྐུ་གསུང་ཐུགས་ཡེ་ཤེས་རྡོ་རྗེའི་དབང་བསྐུར་བ་དང༌། བྱེ་བྲག་ཞི་བའི་ལས་རབ་འབྱམས་སྒྲུབ་པའི་དག་བྱེད་བཀྲ་ཤིས་དགེ་བ་ཁྲུས་ཀྱི་བུམ་པས་དབང་བསྐུར་བ་གཉིས་ལས། དང་པོ་ནི། ཐོག་མར་སྣོད་བཅུད་ཐ་མལ་གྱི་ཞེན་རྟོག་སྦྱངས་ཕྱིར་སྐུ་བུམ་པའི་དབང་བསྐུར་བ་ལ། སློབ་དཔོན་གྱི་ཐུགས་ཀའི་འོད་ཟེར་གྱིས་ནམ་མཁའི་དབྱིངས་སུ་ཏིལ་གྱི་གོང་བུ་ལྟར་སད་པའི་རྒྱལ་བ་སྲས་དང་བཅས་པས་རྣམ་པ་ཐམས་ཅད་དང་ལྡན་པའི་ཆོ་འཕྲུལ་ཆེན་པོས་རིན་པོ་ཆེའི་བུམ་པ་རྡོ་རྗེ་བདུད་རྩིས་ཆུས་གང་བ་ཁྱེད་རང་རྣམས་ཀྱི་སྤྱི་བོར་ཐོགས་ཏེ་གཏོར་བླུགས་ཀྱི་ཕྲིན་ལས་མཐར་ཕྱིན་པར་མོས་ཤིག །རྣམ་བུམ་སྤྱི་བོར་བཞག་ལ། ཨོཾ༔ བུམ་པ་བཟང་པོ་ཡོན་ཏན་ཀུན་གྱི་གཏེར༔ ལྷ་ཚོགས་འོད་ཞུ་བདུད་རྩིའི་བཅུད་ཀྱིས་གཏམས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བཛྲ་ཐོད་ཕྲེང་སྐུ་ཡི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་བཛྲ་ཐོད་ཕྲེང་རྩལ་ཀཱ་ཡ་ཨ་བྷི་ཥིཉྩ་ཨོཾ༔ ཞེས་དབང་བསྐུར་བས་བུམ་པའི་ཆུས་ལུས་ཐམས་ཅད་གང་ལས་དང་ཉོན་མོངས་པའི་དྲི་མ་དག །ཆུའི་ལྷག་མ་ཡར་ལུད་པ་ལས་རིགས་ཀྱི་བདག་པོ་མི་བསྐྱོད་པས་དབུ་བརྒྱན་པར་གྱུར། དེ་ལྟར་སྐུ་བུམ་པའི་དབང་བསྐུར་བས་སྣོད་བཅུད་ཕུང་ཁམས་སྐྱེ་མཆེད་གདན་གསུམ་སྒྱུ་འཕྲུལ་དྲྭ་བའི་ལྷ་ཚོགས་གདོད་ནས་ཡིན་པ་ལ་ཡིན་པར་ངོ་ཤེས་པས་གསལ་བརྟན་དག་གསུམ་གྱི་སྣང་སྟོང་སྒྱུ་མ་ལྟ་བུའི་ཏིང་ངེ་འཛིན་ལ་གོམ་པ་ལ་སྣང་བ་ཐམས་ཅད་ལྷ་སྐུ་ཕྱག་རྒྱའི་རིམ་པས་གདུལ་བྱའི་མོས་པ་དང་མཐུན་པར་དོན་གྱིས་ཤིག །དེ་ནས་ངག་ཐ་མལ་དུ་ཞེན་པ་སྦྱངས་ཕྱིར་གསུང་བཟླས་པའི་ལུང་སྦྱིན་པ་ལ། སློབ་དཔོན་དང་དཀྱིལ་འཁོར་གྱི་ལྷ་ཚོགས་གཉིས་སུ་མེད་པའི་ཐུགས་ཀ་ནས་སྔགས་ཀྱི་ཕྲེང་བ་འཕྲོས། ཞལ་ནས་བྱུང༌། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་སྲོག་དྭངས་མའི་ས་བོན་གྱི་མཐར་ཕྲེང་བ་ལྟར་འཁོད། འོད་ཟེར་སྤྲོ་བསྡུས་དོན་གཉིས་སྒྲུབ་པར་མོས་ལ་བསྙེན་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་བཛྲ་ཐོད་ཕྲེང་རྩལ་སརྦ་སིདྡྷི་ཧཱུྃ༔ ལན་གསུམ། སླར་ཡང་འོད་ཟེར་སྤྲོ་བསྡུའི་སྣང་གྲགས་རིགས་གསུམ་ལྷ་སྔགས་ཆོས་སྐུའི་རོལ་པར་ཤར་བས་དོན་གཉིས་སྒྲུབ་པར་མོས་ལ། སྒྲུབ་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་བཛྲ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ༔ཨཱཿ ལན་གསུམ། སླར་ཡང་དཀྱིལ་འཁོར་གྱི་ལྷ་ཡི་ཐུགས་སྲོག་སྔགས་ལས། བྱུང་བའི་འོད་ཟེར་ལྔ་ལྡན་འཇའ་ཚོན་ལྟ་བུའི་སྣོད་བཅུད། ཕྱི་ནང་ཀུན་ཏུ་ཁྱབ་པས་འཇིག་པ་བརྒྱད་སོགས་མི་མཐུན་ཕྱོགས་ཀུན་ཞི་བའི་ཕྲིན་ལས་ལྷུན་གྱིས་གྲུབ་པས་དོན་གཉིས་རྫོགས་པར་མོས་ལ་ལས་སྦྱོར་གྱིས་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་བཛྲ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ༔ཨཱཿ ཧཱུྃ་སརྦ་ཤནྟིཾ་ཀུ་རུ་སྭཱ་ཧཱ༔ ལན་གསུམ། ཕྲེང་བ་མགྲིན་པར་བཞག་པས་ནུས་པ་བརྟན་པར་བྱས་པ་མོས་མཛོད། ཨཱཿ སྒྲ་ཡི་སྙིང་པོ་བསྙེན་སྒྲུབ་ཕྲིན་ལས་ཀྱི༔ བཟླས་པའི་ནུས་རྫོགས་སྔགས་ཀྱི་ཕྲེང་བ་ཡིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བཛྲ་ཐོད་ཕྲེང་གསུང་གི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་བཛྲ་ཐོད་ཕྲེང་རྩལ་ཝཱ་ཀ་ཨ་བྷི་ཥིཉྩ་ཨཱཿ འདི་ལྟར་སྒྲར་གྲགས་པ་ཐམས་ཅད་རྡོ་རྗེའི་གསུང་དབྱངས་གཞོམ་མེད་ཡེ་ཤེས་འཁོར་ལོའི་སྤྲིན་གྲགས་སྟོང་བརྗོད་པ་དང་བྲལ་བ་ལས་སྒྲ་ཡི་ཚུལ་བསམ་གྱིས་མི་ཁྱབ་པས་འགྲོ་བའི་དོན་གྱིས་ཤིག

།དེ་ནས་ཡིད་ཐ་མལ་དུ་ཞེན་པ་སྦྱོང་བའི་སླད་དུ་ཐུགས་འོད་གསལ་གྱི་དགོངས་པ་ངོ་སྤྲད་པ་ནི། མེ་ལོང་བསྟན་ལ། མེ་ལོང་དྭངས་པ་ལ་གཟུགས་བརྙན་སྣ་ཚོགས་སུ་ཤར་ཡང༌། སྣང་དུས་ཉིད་ནས་དངོས་པོས་སྟོང༌། སྟོང་བཞིན་དུ་སྣ་ཚོགས་སུ་སྣང་བ་མ་འགགས་པ་བཞིན། ལྷ་སྔགས་ཀྱིས་མཚོན་པའི་འཁོར་འདས་ཀྱི་ཆོས་ཐམས་ཅད་རང་སེམས་སྟོང་པའི་རང་རྩལ་དུ་ཤར་ཡང༌། ཤར་དུས་ཉིད་ནས་བདེན་པར་མ་གྲུབ། མ་གྲུབ་བཞིན་དུ་ཅིར་ཡང་ཤར་བས་ཐམས་ཅད་སྐུ་གསུམ་འདུ་འབྲལ་མེད་པ་ཟུང་འཇུག་འོད་གསལ་འཁོར་ཡུག་གི་དགོངས་པ་ངོ་ཤེས་པར་གྱིས་ཤིག ཧཱུྃ༔ སྟོང་གསལ་རང་རིག་འདུས་མ་བྱས་པའི་དོན༔ བརྡ་ཡི་མཚོན་པ་ཡེ་ཤེས་མེ་ལོང་གིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བཛྲ་ཐོད་ཕྲེང་ཐུགས་ཀྱི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་བཛྲ་ཐོད་ཕྲེང་རྩལ་ཙིཏྟ་ཨ་བྷི་ཥིཉྩ་ཧཱུྃ༔ འདི་ལྟར་རྟོག་ཚོགས་ཐམས་ཅད་བཛྲ་ཐོད་ཕྲེང་རྩལ་གྱི་ཐུགས་ཀ་དག་འོད་གསལ་ཟང་ཐལ་ཀུན་ཁྱབ་འདུས་མ་བྱས་མཉམ་ཉིད་ཆེན་པོའི་དགོངས་པར་ལ་ཟློ་བས་འབད་མེད་ལྷུན་གྱིས་གྲུབ་པའི་གཞན་དོན་རྒྱ་ཆེན་པོ་གྱིས་ཤིག །མཐར་ཡོན་ཏན་དང་ཕྲིན་ལས་ཡོངས་སུ་རྫོགས་པ་གཏོར་མ་ལ་བརྟེན་ནས་དབང་བསྐུར་བ་ལ་འདུན་པ་འདི་ལྟར་མཛོད། གཏོར་མ་འདི་ཉིད་ཞི་བའི་ལས་མཛད་བཛྲ་ཐོད་ཕྲེང་རྩལ། དབང་ཆེན་སྡེ་བཞི། སྒོ་སྐྱོང་དཔའ་བོ་མཁའ་འགྲོ་དངོས་སུ་གསལ་བ་ཁྱེད་རང་གི་སྤྱི་བོར་སྤྱན་དྲངས་ཏེ་སྐུ་ཡི་གནས་ཐམས་ཅད་ལས་བྱུང་བའི་འོད་ཟེར་ཁ་དོག་ལྔ་ལྡན་གྱིས་སྒོ་གསུམ་ལ་ཁྱབ་པས་བྱིན་རླབས་ཡེ་ཤེས་ཆེན་པོ་རྒྱུད་ལ་སྩལ་བར་མོས་མཛོད། དཔལ་གྱི་གཏོར་མ་གནས་གསུམ་དུ་བཞག་ལ། ཨོཾ་ཨཱ་ཧཱུྃ་ཧྲཱིཿ གཏོར་སྣོད་རང་བྱུང་གཞལ་མེད་ཁང་ཆེན་པོར༔ གཏོར་མའི་ངོ་བོ་ལྷ་དང་གཉིས་སུ་མེད༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བཛྲ་ཐོད་ཕྲེང་ཡེ་ཤེས་དབང་ཐོབ་ཤོག༔ ཨོཾ་ཨཱཿཧཱུྃ་ཧྲཱི་བཛྲ་གུ་རུ་བཛྲ་ཐོད་ཕྲེང་རྩལ་ཀཱ་ཡ་ཝཱ་ཀ་ཙིཏྟ་ཛྙཱ་ན་ཨ་བྷི་ཥིཉྩ་ཨོཾ་ཨཱཿཧཱུྃ་ཧྲཱིཿ དེ་ཁྱེད་རང་གི་སྒོ་གསུམ་དང་བཛྲ་ཐོད་ཕྲེང་རྩལ་གྱི་སྐུ་གསུང་ཐུགས་གཉིས་སུ་མེད་པར་བྱིན་གྱི་རླབས་ཤིང་དབང་བསྐུར་བ་དང༌། ཡོན་ཏན་དང་ཕྲིན་ལས་རྒྱ་མཚོའི་དཔལ་ལ་དོན་གཉིས་ཐམས་ཅད་རྩོལ་མེད་དུ་ལྷུན་གྱིས་གྲུབ་པས་དོན་བྱེད་པར་མོས་ཤིག །མཐའ་རྟེན་དུ། གཉིས་པ་ཞི་བའི་ལས་རབ་འབྱམས་སྒྲུབ་པའི་དག་བྱེད་བཀྲ་ཤིས་དགེ་བ་ཁྲུས་ཀྱི་བུམ་པས་དབང་བསྐུར་ལ། ཕྱི་རིན་ཆེན་བུམ་པ་བདུད་རྩིའི་གང་བ་འདི་ཉིད་ནང་དུ་གུ་རུ་རྡོ་རྗེ་ཐོད་ཕྲེང་རྩལ་གཙོ་འཁོར་ཡེ་ཤེས་འོད་ཟེར་གྱི་སྣང་བས་སྲིད་ཞིའི་རྒུད་པ་ཀུན་སེལ་གྱི་སྐུ་ལས་བྱུང་བའི་དག་བྱེད་ཡེ་ཤེས་བདུད་རྩིའི་དབང་བསྐུར་ཞིང་ཁྲུས་བགྱིས་པས་ནད་གདོན་བར་ཆད་འཇིགས་བརྒྱད་སོགས་མི་མཐུན་རྒུད་པའི་ཚོགས་ཐམས་ཅད་མིང་མེད་དུ་ཞི་བར་བྱེད་ནུས་པའི་ཕྲིན་ལས་རབ་འབྱམས་ཀྱི་དབང་ཐོབ་པར་མོས་ཤིག །ཞི་བྱེད་བུམ་པ་ཐོགས་ལ། བཀྲ་ཤིས་མཚན་ལྡན་རྡོ་རྗེའི་ཀ་ལ་ཤར༔ དག་བྱེད་བདུད་རྩིའི་རྒྱུན་གྱིས་རབ་ཏུ་གཏམས༔ སྐལ་ལྡན་སློབ་མར་དབང་བསྐུར་ཁྲུས་བགྱིས་པས༔ མི་མཐུན་འགལ་རྐྱེན་མཐའ་དག་ཞི་བར་ཤོག༔ ཨོཾ་ཨཱཿཧཱུྃ་བཛྲ་གུ་རུ་བཛྲ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ ཞེས་བརྗོད་དེ་བུམ་ཆུ་འཐུང་ཞིང་ཁྲུས་ཀྱང་བྱ། གྲིབ་སེལ་སྔགས་ཀྱང་ཅི་རིགས་བཟླ༔ ཞེས་གསུངས་པས་རྣམ་རྨེ། ཕྱག་རྡོར་ངན་སོང་ཀུན་སྦྱོང༌། བདུད་རྩི་འཁྱིལ་བའི་གཟུངས་རིང་ཐུང་དང༌། ཁྱད་པར་རྡོར་སེམས་ཡི་གེ་བརྒྱ་དང༌། ཨོཾ་ཨེ་ཧོ་བུདྡྷེ་ཤུདྡྷེ༔ ཡྃ་ཧོ་ཤུདྡྷེ་ཤུདྡྷེ༔ བྃ་ཧོ་བུདྡྷེ་བུདྡྷེ༔ ལྃ་ཧོ་ཤུདྡྷེ་ཤུདྡྷེ༔ རྃ་ཧོ་ཤུདྡྷེ་ཤུདྡྷེ༔ ཨ་ཨཱ་སྭཱ་ཧཱ༔ ཆགས་ཉམས་དང་རྟོག་སྒྲིབ་ཐམས་ཅད་ཤནྟིཾ་ཀུ་རུ་སྭཱ་ཧཱ༔ ཞེས་ཁྲུས་བདུན་གྱི་རིམ་པ་སྦྱར། དམིགས་བསལ་ནད་པ་སོགས་ལ་དབང་འདིའི་མཐའ་རྟེན་དུ་འང༌། སྒེར་དུ་བཀྲུ་བྱབས་སྲུང་བའི་ཁྲུས་ཀྱི་ཆོ་ག་སྦྱོར་ཀྱང་རུང་བར་མངོན་པས་འདོད་ན་རྡོ་རྗེ་རྣམ་འཇོམས་ཀྱི་ཁྲུས་ལྷ་སྔགས་ཁ་བསྒྱུར་གྱི་རུང་བར་སེམས་སོ། །དེ་ལྟར་དག་བྱེད་བདུད་རྩིའི་བུམ་པའི་ཡེ་ཤེས་ཀྱི་ཆུ་རྒྱུན་གྱི་ཁྲུས་བྱས་ཤིང་དབང་བསྐུར་བས་ཞི་བའི་ཕྲིན་ལས་རབ་འབྱམས་ཐོག་མེད་དུ་འགྲུབ་ནས་གནས་སྐབས་དང་མཐར་ཐུག་གི་སྲིད་ཞྀའི་རྒུད་པའི་ཚོགས་ཐམས་ཅད་ཞི་བར་བྱེད་པའི་ལས་རབ་འབྱམས་ཀྱི་སྒཽ་ནས་དོན་གཉིས་འབད་མེད་དུ་སྒྲུབ་ནུས་པའི་བྱིན་རླབས་དང་དངོས་གྲུབ་ལ་དབང་ཐོབ་པར་མོས་མཛོད། འཇིགས་པ་བརྒྱད་སོགས་ཕྱི་ནང་ཉེར་འཚེའི་ཚོགས། །ལས་ཉོན་སྒྲིབ་བསྐྱེད་བླུན་སེམས་ངན་པའི་ཆ། །བདུད་བཞིའི་འགྱུར་བ་བསྐྱེད་བྱེད་འགྲོ་བའི་རྒུད། །མིང་མེད་ཞི་བའི་ལས་ཀྱིས་བཀྲ་ཤིས་ཤོག །དེ་དག་གི་ཞི་བའི་ལས་མཛད་རྡོ་རྗེ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་བསྐུར་གྲུབ་པ་སྟེ། རྩ་བ་དང་ཡན་ལག་གི་དམ་ཚིག་གནང་བཀག་སྤྱི་དང་ཁྱད་པར་གུ་རུ་རྡོ་རྗེ་ཐོད་ཕྲེང་རྩལ་གྱི་ལྷ་སྔགས་ཏིང་འཛིན་ལ་གཙོ་བོར་བརྟེན་པའི་ཞི་བའི་ལས་སྒྲུབ་པའི་གཡར་དམ་བཞེས་པས་དམ་ཚིག་ཁས་བླངས་པ་འདི་ཡི་རྗེས་ཟློས་མཛོད། གཙོ་བོས་ཇི་ལྟར་སོགས་དང༌། གཏང་རག །ལུས་ལོངས་སྤྱོད་འབུལ་བ། དགེ་བསྔོ་རྣམས་སྤྱི་ལྟར་བྱ་ཕྲིན་ལས་རྗེས་ཀྱི་རིམ་པ་མཐར་དབྱུང་བས་དགེ་ལེགས་སུ་བྱའོ། །རྒུད་པས་འཇི༵གས་མེ༵ད་ཞི་དབྱིངས་མཁར། མཁྱེན༵་བརྩེའི༵་སྤྲིན་དཀར་འཛུམ་འོད༵་ཟེར༵། །སྲིད་ཞིའི་དབྱིངས་ཁྱབ་བཀྲ༵་ཤིས་དཔལ༵། །དགེ་ལེགས་འདོད་དགུའི་འབྱོ༵ར་པས་མཛེས། །རྩ་གསུམ་འོད་གསལ་སྙིང་ཐིག་གི་ཞི་བའི་ལས་མཛད་རྡོ་རྗེ་ཐོད་ཕྲེང་རྩལ་གྱིས་སྒོས་སྒྲུབ་ཀྱི་དབང་ཆོག་ཞི་བྱེད་བདུད་རྩིའི་སྤྲིན་ཕྲིན་ལེའུ་ཚན་དྲུག་པ་ཨོ་རྒྱན་དོན་ཀུན་གྲུབ་པས་སྦྱར་བའོ། ༈

།ཡེ་ཤེས་སྣང་བས་རྟག་འཁྱུད་འཇ༵མ་པའི་དཔ༵ལ། །བསྟན་འགྲོར་ཀུན་ཏུ་དག༵འ་བ༵འི་བཤེ༵ས་གཉེ༵ན་ཚུལ། །འོད༵་གས༵ལ་ཀློང་ནས་སྤྲུལ་པའི་རྡོ་རྗེའི་གཟུགས། །རིན་ཆེན་ཉི་མ་རཏྣ་ཐོད་ཕྲེང་གུས། །རྒྱས་པའི་ལས་མཛད་རཏྣ་ཐོད་ཕྲེང་རྩལ་གྱི་སྒོས་སྒྲུབ་ལ་བཤམས་ཀྱི་ཁྱད་པར་མཚན་ལྡན་བནྡྷ་གསེར་མདོག་རྒྱས་པའི་ལས་ལ་འོས་པ་དྲི་བཟང་དང་སྨན་སྣས་བྱུག །དྭངས་མ་ལྔ་སོགས་ཚེ་རྫས། ཚེ་རིང་འབྱོར་ལྡན་བཀྲ་ཤིས་པའི་ཁྱིམ་དང༌། སྐྱེས་པ་ཕོ་མོའི་ལག་ནས་བྱུང་བའི་རིན་ཆེན་དར་ཟབ་འབྲུ་སྨན་དཀར་མངར་གྱི་ཟས་དང་བདུད་རྩི་ཆོས་སྨན་གྱིས་བཀང་བ་དང༌། གཞུང་མཐུན་བསྙེན་སྒྲུབ་ལས་སྔགས་སྤེལ་ཚིག་ཅན་དང་ནམ་མཁའ་མཛོད་ཀྱི་སྔགས་བྱང་གསེར་གྱིས་བྲིས་པའི་གཟུངས་བསྒྲིལ་ཀྱང་བཞག་ན་ལེགས་པར་སེམས་སོ། །བྷནྡྷ་དེ་ཉིད་དར་སྣས་དྲིལ་ཞིང་དཀྱིལ་འཁོར་གྱི་དབུས་སུ་བརྟན་པོར་གཞུགས་སུ་གསོལ། སྦྱངས་ཁྲུས་ལེགས་པར་བྱས་ལ། བདག་མདུན་བུམ་པ་བཅས་བསྒྲུབས་ཟིན་པའི་རྗེས་རྟེན་ལ་བསང་ཆུས་བྲན་ཏེ། ཨོཾ་སྭ་བྷ་ཝ་བི་ཤུདྡྷཿསརྦ་དྷརྨ་སྭ་བྷ་ཝ་བི་ཤུདྡྷོ་྅ཧྃ༔ སྟོང་པའི་ངང་ལས་རང་གི་མདུན་གྱི་གཞིར༔ ཡིད་འཕྲོག་མཆོད་སྤྲིན་རྒྱ་མཚོའི་བཀོད་པ་དང་༔ སྲིད་ཞིའི་འབྱོར་ཚོགས་ནམ་མཁའ་མཛོད་ཀྱི་དབུས༔ ནོར་བུའི་གཞལ་མེད་ཁང་ཆེན་མཚན་ཉིད་རྫོགས༔ ལྟེ་བར་འདོད་འབྱུང་ཡེ་ཤེས་ཀ་པཱ་ལ༔ ཡངས་ཤིང་རྒྱ་ཆེ་གནོད་སྦྱིན་གཏེར་འཆང་ཆེའི༔ བུམ་པ་བཟང་དེར་འདོད་དགུའི་བཅུད་ཀྱིས་གཏམས༔ སྣང་སྟོང་འཇའ་ཟེར་ཐིག་ལེ་འཁྲིགས་པའི་དབུས༔ རྒྱས་པའི་ལས་མཛད་རཏྣ་ཐོད་ཕྲེང་རྩལ༔ གསེར་མདོག་བརྗིད་ཆགས་ཤིན་ཏུ་སྒེག་པའི་ཉམས༔ ཕྱག་གཡས་ཡིད་བཞིན་ནོར་བུ་ཐུགས་ཀར་གཏོད༔ གཡོན་པས་ནོར་བུའི་ཡུ་བ་བྱས་པ་ཡི༔ རིགས་ཀྱི་དྲིལ་བུ་དཀུར་བརྟེན་ཡུམ་ལ་འཁྱུད༔ དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ ཡུམ་མཆོག་རིན་ཆེན་དྲིལ་བུ་བསྣམས་པ་འཁྲིལ༔ རིགས་འཛིན་བླ་མ་བྱེ་བའི་སྤྲིན་ཕུང་འཕྲོ༔ ཕྱོགས་བཞིར་ནང་དུ་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཞི་ཁྲོའི་ཕྱག་རྒྱ་ཤར༔ ཕྱི་རོལ་རིག་འཛིན་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲོ་རྒྱ་མཚོའི་ཚོགས་ཀྱིས་བསྐོར༔ ཀུན་ཀྱང་སྤྱི་མགྲིན་སྙིང་གར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ཀྱི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ ཧཱུྃ་ཧྲཱིཿ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དྷེ་ཝ་དྷཱ་ཀི་ནཱི་སརྦ་ཛྙཱ་ན་མཎྜ་ལ་བཛྲ་ས་མ་ཡ་ཛ༔ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་གུས་པའི་བརྡ་ཡིས་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏཱིཙྪ་ཧོཿ ཨོཾ་ཨཱཿཧཱུྃ༔ དངོས་སུ་འབྱོར་བཤམས་ཡིད་ཀྱིས་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནི་ས་པ་རི་ཝཱ་ར་ཨརྒྷཾ་ནས་རཱུ་པ་ཤབྡ་གནྡྷེ་རཱ་ས་སྤརྴེ་པྲ་ཏཱིཙྪ་སྭཱ་ཧཱཿ མ་ཧཱ་སུ་ཁ་ཛྙཱ་ན་པཱུ་ཛ་ཧོཿ སརྦ་པཉྩ་ཨ་མྲྀ་ཏ་རཀྟ་བ་ལིངྟ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧིཿ ཧཱུྃ་ཧྲཱིཿ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འཕྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔ ཞེས་པས་མདུན་རྟེན་ལྷར་བསྐྱེད་ལ། རང་གི་ཐུགས་ནས་སྔགས་ཀྱི་འོད་ཟེར་འཕྲོས༔ ཐོད་པའི་ལྷ་ཚོགས་ཐུགས་དམ་རྒྱུད་བསྐུལ་བས༔ གསེར་མདོག་འོད་ཀྱིས་འཁོར་འདས་ཁམས་ཀུན་ཁྱབ༔ འཕགས་པ་མཆོད་ཅིང་འགྲོ་ཀུན་ལེགས་ཚོགས་སྤེལ༔ ཚུར་འདུས་རྩ་གསུམ་རྒྱལ་བ་རབ་འབྱམས་དང་༔ འཁོར་འདས་ལེགས་ཚོགས་ཡེ་ཤེས་ཡོན་ཏན་ཀུན༔ གསེར་མདོག་བདུད་རྩིའི་རྣམ་པར་སྤྱན་དྲངས་ནས༔ ཐོད་པའི་ལྷའི་ཐུགས་ཀར་ས་བོན་མཐར༔ སྔགས་ཀྱི་ཕྲེང་བས་མཚན་པ་གཉིས་མེད་ཐིམ༔ འཁོར་འདས་དངོས་གྲུབ་ཀུན་གྱི་དབྱིག་ཏུ་བསམ༔ ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿ ཏྲཱྃ་སརྦ་ལོ་ཀ་ཛྙཱ་ན་ཨཱ་ཡུར་པུཎྱེ་པུཥྟིཾ་ཨོཾ༔ ཞེས་ཇི་ལྟར་རིགས་པ་བཟླས་མཐར།

ཕྱི་སྒྲུབ་ལས་བྱང་ལྟར་ཚོགས་བསྐང་བཤགས་རྒྱས་པ་ཕུལ་ལ། བདག་མདུན་རྣམས་ཀྱི་ཐུགས་ཀ་ནས་འོད་ཟེར་ཉི་མ་བྱེ་བའི་གཟི་བརྗིད་ཅན་འཕྲོས་ཕྱོགས་བཅུའི་ཞིང་ཁམས་རབ་འབྱམས་རྣམས་སུ་ཁྱབ། འཁོར་འདས་ལམ་གསུམ་གྱི་ཚེ་བསོད་དཔལ་འབྱོར་ཕྱྭ་གཡང་ལོངས་སྤྱོད་ཐམས་ཅད་བཀྲ་ཤིས་རྫས་རྟགས་འཇའ་ཟེར་ཐིག་ལེ་ལ་སོགས་པའི་རྣམ་པར་སྤྱན་དྲངས། བདག་མདུན་རྟེན་རྫས་རྣམས་ལ་ཐིམ་པས་འདོད་རྒུའི་དངོས་གྲུབ་ཡིད་བཞིན་དུ་འགྲུབ་པར་བསམ་ལ། མདའ་དར་གཡབ་སྟེ། སྐབས་འདིར་ཅུང་ཟད་སྤྲོས་པ་དང་འབྲེལ་ན་ལྷ་བཙུན་ཆེན་པོ་ནམ་མཁའ་འཇིགས་མེད་ཀྱི་དག་སྣང་གཡང་འགུགས་མེ་ཏོག་ཆར་བསིལ་སྦྱར་ཀྱང་རུང་ཞིང༌། དབང་བསྐུར་ཙམ་ལ་གཏེར་གཞུང་དངོས་ནི། ཏྲཱྃ༔ དགོས་འབྱུང་རིན་ཆེན་གཏེར་གྱི་ཕོ་བྲང་ནས༔ རྒྱས་པའི་ལས་མཛད་རཏྣ་ཐོད་ཕྲེང་རྩལ༔ རབ་འབྱམས་རྩ་གསུམ་རྒྱ་མཚོའི་ཚོགས་རྣམས་ཀུན༔ མོས་ཤིང་གདུང་བས་ཐུགས་དམ་རྒྱུད་བསྐུལ་ན༔ ཡེ་ཤེས་ཡོན་ཏན་གཟི་བརྗིད་ཚད་མེད་པའི༔ འོད་ཟེར་ཕོ་ཉ་སྲིད་ཞིའི་ཁམས་ཀུན་སྤྲོས༔ སྣོད་ཀྱི་ཕྱྭ་དང་བཅུད་ཀྱི་དགེ་མཚན་གཡང་༔ ཚེ་བསོད་དཔལ་འབྱོར་འདོད་དགུའི་ལེགས་ཚོགས་ཀུན༔ འདིར་བསྡུས་སྒྲུབ་པའི་རྫས་ལ་བྱིན་ཆེན་ཕོབ༔ རྣལ་འབྱོར་བདག་ཅག་འཁོར་དང་བཅས་པ་སོགས༔ མཐོང་ཐོས་དྲན་རེག་གདུལ་བྱའི་ཚོགས་རྣམས་ཀྱི༔ འདོད་དགུའི་བསམ་པ་ཡིད་བཞིན་འགྲུབ་མཛད་གསོལ༔ ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ ཏྲཱྃ་སརྦ་ལོ་ཀ་ཛྙཱ་ན་ཨཱ་ཡུར་པུཎྱེ་པུཥྟིཾ་ཨོཾ༔ རཏྣ་ཀ་པཱ་ལ་བ་སུ་སིདྡྷི་སྡུས་སྡུས་རཏྣ་སིདྡྷི་ས་མ་ཡ་སྟྭྃ༔ ཨཱ་ཡུར་པུཎྱེ་ཛྙཱ་ན་སརྦ་སིདྡྷི་ཕ་ལ་ཧོཿ ཞེས་དངོས་གྲུབ་རྟེན་རྫས་རྣམས་ལ་བསྟིམ། ཡེ་དྷརྨའི་སྔགས་ཀྱིས་བརྟན་པར་བྱས་ལ་མེ་ཏོག་འཐོར། དབང་བསྐུར་སྐབས་ལོ་རྒྱུས། དེ་ལ་འདིར་དཔལ་ཨོ་རྒྱན་ཆོས་ཀྱི་རྒྱལ་པོ་ཉིད་ཆོས་སྐུའི་སངས་རྒྱས་ཐམས་ཅད་ཀྱི་དགོངས་ཀློང་གཅིག་ཏུ་འཁྱིལ་བའི་བདག་ཉིད་ཆེན་པོ་པདྨ་ཀུན་ཏུ་འཆང༌། ལོངས་སྐུའི་སངས་རྒྱས་ཐམས་ཅད་ཀྱི་སྐུ་དང་ཡེ་ཤེས་རྒྱ་མཚོའི་སྤྲོ་བསྡུས་བྱེད་པོར་དབང་བསྐུར་བ་གཟི་བརྗིད་ཚེ་འོད་དཔག་མེད། སྤྲུལ་སྐུའི་སངས་རྒྱས་ཐམས་ཅད་ཀྱི་རྨུ་རྒོད་གདུལ་དཀའ་ཉོན་མོངས་རགས་ཤིང་སྡུག་བསྔལ་ཆེ་བའི་ཡིད་ཅན་འདུལ་བའི་སྙིང་རྗེ་དང་ཐུགས་བསྐྱེད་སྨོན་ལམ་གྱི་གོ་ཆ་ལ་སངས་རྒྱས་ཀུན་ལས་ཁྱད་པར་འཕགས་པ་སྟོན་པ་རྫོགས་པའི་སངས་རྒྱས་ཤཱཀྱའི་རྒྱལ་པོ་ཉིད་སླར་ཡང་སྔགས་ཀྱི་སྟོན་པ་རྡོ་རྗེ་སློབ་དཔོན་གྱི་སྐུར་བཞེངས་པ་པདྨ་འབྱུང་གནས་ཏེ། རྒྱལ་བའི་རྣམ་འཕྲུལ་དང་སྤྱོད་ཡུལ་བསམ་གྱིས་མི་ཁྱབ་པ་སྤྲུལ་གཞི་ནུབ་ཕྱོགས་བདེ་ལྡན་ཞིང་དུ་བཀྲ་ཤིས་འོ་མའི་རྒྱ་མཚོར་གུ་རུ་ཉིད་ཀྱི་ཐུགས་ཡེ་ཤེས་ལྔ་ཡི་རང་མདངས། གུ་རུ་ཐོད་ཕྲེང་སྡེ་ལྔའི་བཀོད་པས་ཞི་རྒྱས་དབང་དྲག་མཆོག་གི་ཕྲིན་ལས་མཐར་ཕྱིན་པར་མཛད་པ་ལས། འདིར་རྒྱས་པའི་ལས་མཛད་རཏྣ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་ཡིན། དེ་ཡང་རྒྱས་པའི་ལས་རབ་འབྱམས་ནི་རིག་པ་འཛིན་པ་དང་རྒྱལ་སྲས་བྱང་ཆུབ་སེམས་དཔའི་སྤྱོད་པ་རྒྱ་མཚོ་ལྟ་བུའི་གཞི་མ་ནོར་བ་སྟེ། རྒྱས་པ་མཆོག་གི་ལས་སྔགས་ཀྱི་རྣལ་འབྱོར་པ་ལྟ་དགོངས་ཀྱི་གདེངས་ཐོབ་པས་རྩ་བརྒྱད་སྟོང་སྦྱར་བདུད་རྩི་སྨན་གྱི་སྦྱོར་བ་དཀྱིལ་འཁོར་བདུན་དང་སྦྱོར་ཐབས་བརྒྱད་ཀྱི་ལྷ་སྔགས་ཏིང་ངེ་འཛིན་གྱིས་སྣོད་བཅུད་ཧེ་རུ་ཀའི་ཞིང་དུ་བསྒྱུར་ཏེ་བདེ་ཆེན་ཡེ་ཤེས་མཁའ་ཁྱབ་ཏུ་སྤེལ་བ་དང༌། བྱང་ཆུབ་སེམས་དཔའ་ཆེན་པོ་རྣམས་ཀྱིས་ནམ་མཁའ་མཛོད་ཀྱི་ཡོ་བྱད་ལ་དབང་བསྒྱུར་བས་མཆོད་སྦྱིན་ཟད་མི་ཤེས་པའི་ཐབས་མཁས་ཀྱིས་བསོད་ནམས་ཀྱི་ཚོགས་ཡོངས་སུ་རྫོགས་པས་སངས་རྒྱས་ཀྱི་ས་ཡི་ཡོན་ཏན་རྒྱ་མཚོ་ལྟ་བུ་ལ་མྱུར་དུ་སྦྱོར་ཞིང༌། སྐྱེ་དགུ་རྣམས་ཕོངས་པ་ལས་སྒྲོལ་བ་སོགས་དགོས་པའི་ཁྱད་པར་དུ་མས་འཕགས་པའི་ཕྱིར་དེ་བཞིན་གཤེགས་པས་ཀྱང་ཕ་རོལ་དུ་ཕྱིན་པ་ཐམས་ཅད་ཀྱི་ཐོག་མར་སྦྱིན་པའི་གཏམ་མཛད། རྒྱས་པའི་ལས་ཐུན་མོང་བ། འཕགས་པ་ཀླུ་སྒྲུབ་ཀྱིས། གསེར་འགྱུར་གྱི་སྦྱོར་བས་ན་ལེནྡྲའི་གཙུག་ལག་ཁང་དུ་དགེ་འདུན་ལ་ལོ་མང་པོར་འཚོ་བ་སྦྱོར་བ་དང༌། སློབ་དཔོན་ཆེན་པོས་བསམ་ཡས་མལ་གྲོའི་ཀླུ་ལ་བཀའ་བསྒཽས་ནས་མངའ་བདག་རྒྱལ་པོའི་བང་མཛོད་ཐམས་ཅད་གསེར་གྱིས་བཀང་ནས་གཙུག་ལག་ཁང་བཞེངས་པ་དང༌། དགེ་འདུན་གྱི་སྡེ་གཉིས་བཙུག་པ་སོགས་གནས་སྐབས་དང་མཐར་ཐུག་གི་དགོས་པ་དུ་མ་དང་ལྡན་ཞིང༌། གཞན་ཡང་རིགས་བརྒྱུད་ཚེ་དཔལ་ཤེས་རབ་ལོངས་སྤྱོད་སོགས་རྒྱས་པའི་ལས་ཐམས་ཅད་མི་ཆོས་ཀྱི་གཞི་དང་ལྷ་ཆོས་ཀྱི་རྒྱན་དུ་གྱུར་པས། དེ་དག་སྒྲུབ་པའི་ཐབས་སྤྱི་དང་བྱེ་བྲག་ཆེས་མང་ཡང་གུ་རུ་ཡིད་བཞིན་ནོར་བུ་རཏྣ་ཐོད་ཕྲེང་ལ་བརྟེན་པ་ནི་ཐུགས་རྗེ་མྱུར་ཞིང་བྱིན་རླབས་ཀྱི་ཚན་ཁ་ཆེ་བ་མཆོག་ཐུན་ཅིག་ཅར་དུ་སྒྲུབ་པའི་དབང་བསྐུར་བགྱི་བ་ལ་ཐོག་མར་སྨིན་བྱེད་ཟབ་མོ་ཞུ་བའི་དོན་དུ་མཎྜལ་ཕུལ། བླ་མ་དང་རྒྱས་པའི་ལས་མཛད་རཏྣ་ཐོད་ཕྲེང་ཐ་མི་དད་པའི་སྤྱན་སྔར་སྙིམས་པ་མེ་ཏོག་དང་བཅས་པའི་ཐལ་མོ་སྦྱོར་ལ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། ཧོཿ དཀྱིལ་འཁོར་གཙོ་བོ་རིགས་ཀུན་བདག༔ ཐུགས་རྗེའི་གཏེར་ཆེན་སློབ་དཔོན་གྱིས༔ རྒྱས་མཛད་རཏྣ་ཐོད་ཕྲེང་གི༔ སྨིན་གྲོལ་དབང་མཆོག་སྩལ་དུ་གསོལ༔ ལན་གསུམ།

དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ། སྐྱབས་ཀྱི་ཡུལ་མདུན་གྱི་ནམ་མཁར་རྒྱས་མཛད་རཏྣ་ཐོད་ཕྲེང་རིག་འཛིན་སྒྱུ་འཕྲུལ་དྲྭ་བའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། སྐྱབས་བྱ་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྐྱབས་སུ་འགྲོ་ཚུལ་སྒོ་གསུམ་འཇུག་པ་གཅིག་པས། སྐྱབས་འགྲོའི་རྒྱུ་དེང་ནས་བྱང་ཆུབ་མ་ཐོབ་བར་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཏེ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་ཅི་མཛད་ཁྱེད་མཁྱེན་བློ་གཏད་ལིང་སྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས༔ ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཐོག་མེད་དུས་ནས་ཕ་མར་གྱུར་པའི་མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལས་འདས་པ་སྐུ་གསུམ་བླ་མའི་གོ་འཕང་ལ་བདེ་མྱུར་གྱིས་འགོད་པར་བྱ། དེའི་ཕྱིར་དུ་བླ་ན་མེད་པའི་དཀྱིལ་འཁོར་གཉན་པོ་འདིར་འཇུག་ཅིང་དབང་གིས་རྒྱུད་སྨིན་པར་བྱས་ནས་ལམ་རིམ་པ་གཉིས་ཀྱི་ཏིང་ངེ་འཛིན་དང་མ་བྲལ་བས་རྒྱལ་བའི་སྲས་ཀྱི་སྤྱོད་པ་རླབས་པོ་ཆེའི་རྗེས་སུ་སློབ་སྙམ་པས་སྨོན་འཇུག་གི་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་སྤྲུལ་ནས་སྒོ་གསུམ་གུས་པ་ཆེན་པོའི་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྡིག་ལྟུང་གི་བྱས་བསགས་ལ་འགྱོད་པའི་སེམས་ཀྱིས་བཤགས་སྡོམ་དང༌། ཚོགས་གཉིས་ཀྱི་དགེ་སྤྱོད་ལ་རྗེས་སུ་ཡི་རང་བ། ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་བཞུགས་པར་གསོལ་ཞིང་དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་རྗེས་ཟློས། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དབང་གི་ཡེ་ཤེས་སྐྱེ་བརྟན་གོང་འཕེལ་དུ་འགྱུར་བ་ལ་རྒྱུད་རྣམ་པར་དག་ཅིང་སྡོམ་པ་དང་ལྡན་དགོས་པས། ཚོགས་ཞིང་དེ་རྣམས་དཔང་པོར་བྱས་ཏེ་ཕྱི་སོ་སོ་ཐར་པའི་སྡོམ་པ། ནང་བྱང་ཆུབ་སེམས་ཀྱི་བསླབ་པ། གསང་བ་བླ་མེད་རྡོ་རྗེ་ཐེག་པའི་དམ་ཚིག་རྣམས་ལེགས་པར་བླངས་ནས་ཚུལ་བཞིན་བསྲུང་སྙམ་པས་འདིའི་རྗེས་ཟློས་མཛོད། རྩ་གསུམ་དཀྱིལ་འཁོར་ལྷ་ཚོགས་དང་༔ རྡོ་རྗེ་སློབ་དཔོན་དགོངས་སུ་གསོལ༔ རིག་པ་འཛིན་པ་བདག་གིས་ནི༔ དེང་ནས་བྱང་ཆུབ་སྙིང་པོའི་བར༔ སོ་སོར་ཐར་དང་བྱང་ཆུབ་སེམས༔ རིག་འཛིན་ནང་གི་སྡོམ་པའི་ཚོགས༔ མ་ལུས་ཡོངས་སུ་བཟུང་བར་བགྱི༔ ལན་གསུམ།

དེ་ནས་དབང་གི་གཞི་འགོད་པ་ལ་ཡེ་ཤེས་པ་དབབ་པ་ལ་སྒོ་གསུམ་གྱི་གནད་གཅུན་ལ་ཐུགས་དམིགས་འདི་བཞིན་མཛོད། སློབ་དཔོན་གྱི་ཐུགས་ཀ་ནས་འཕྲོས་པའི་འོད་ཟེར་གྱིས་ཁྱེད་རང་ཕུང་ཁམས་སྐྱེ་མཆེད་ཀྱིས་མཚོན་པའི་སྣོད་བཅུད་ཐམས་ཅད་གྱི་སྣང་ཞེན་དབྱིངས་སུ་སྦྱངས། སྟོང་པའི་ངང་ལས་ཆོས་དབྱིངས་ལྷུན་རྫོགས་བདེ་ཆེན་སྟུག་པོ་བཀོད་པའི་ཞིང་ཁམས་ཕུན་སུམ་ཚོགས་པའི་དབུས་སུ་རྟ་མཆོག་གིས་བཏེགས་པའི་རིན་པོ་ཆེའི་ཁྲི་དང་པད་ཟླའི་སྟེང་དུ་ཁྱེད་རང་རྣམས་སྐད་ཅིག་གིས་ཏྲྃ་ཡིག་ཡོངས་སུ་གྱུར་པ་ལས་དེ་བཞིན་གཤེགས་པ་ཐམས་ཅད་ཀྱི་ཡོན་ཏན་གྱི་བདག་ཉིད་མ་ཧཱ་གུ་རུ་རཏྣ་ཐོད་ཕྲེང་རྩལ་སྐུ་མདོག་སེར་གསལ་མཚན་དཔེའི་གཟི་བརྗིད་རྒྱས་པ་འཛུམ་ཁྲོ་སྒེག་པའི་ཉམས་འགྱུར་ཅན་གྱི་མཚན་དཔེ་རབ་ཏུ་རྒྱས་པ། ཞལ་གཅིག་སྤྱན་གསུམ་ཕྱག་གཡས་པས་ཡིད་བཞིན་གྱི་ནོར་བུ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་འཛིན་ཏེ་ཡུམ་ལ་འཁྱུད་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་ཤིང་དར་དང་རིན་པོ་ཆེའི་རྒྱན་ཆས་ཡོངས་སུ་རྫོགས་པའི་ཡུམ་སྤྱན་མ་སེར་མོ་རིན་ཆེན་དང་དྲིལ་བུ་འཛིན་པ་གཉིས་མེད་མཉམ་པར་སྦྱོར་བའི་ཡེ་ཤེས་བདེ་བ་ཆེན་པོའི་གཟི་འོད་ཉི་མ་འབུམ་ལྟར་རྒྱས་པའི་ཀློང་དུ་རྒྱས་པའི་ལས་མཛད་རྩ་གསུམ་རབ་འབྱམས་སྤྲོ་བསྡུའི་སྒྱུ་འཕྲུལ་བསམ་མི་ཁྱབ་པའི་བདག་ཉིད་ཆེན་པོར་གསལ་བའི་གནས་གསུམ་རྡོ་རྗེ་གསུམ་གྱི་ཡི་གེས་མཚན་པ་དང༌། སློབ་དཔོན་དཀྱིལ་འཁོར་གྱི་མངའ་བདག་མ་ཧཱ་གུ་རུ་རཏྣ་ཐོད་ཕྲེང་དངོས་སུ་གསལ་བའི་མོས་གུས་དྲག་ཏུ་བསྐྱེད་པས། བླ་མའི་ཐུགས་ཀ་ནས་རྡོ་རྗེའི་ཡེ་ཤེས་འགུགས་པའི་འོད་ཟེར་ལྕགས་ཀྱུའི་རྡུལ་ཕྲན་གྲངས་མེད་པ་ཤར་གྱི་འཕྲོས། ཆོས་དབྱིངས་རྒྱས་པར་བཀང་བའི་སངས་རྒྱས་ཀྱི་ཞིང་རབ་འབྱམས་རྣམས་དང༌། ཁྱད་པར་ལྷོ་ནུབ་པདྨ་འོད་ཀྱི་གཞལ་ཡས་ཁང་ཆེན་པོ་སྒྱུ་འཕྲུལ་བཀོད་པའི་རོལ་མོ་བསམ་གྱི་མི་ཁྱབ་པར་སྣང་བའི་བླ་མ་སྐུ་གསུམ་གྱི་ལྷ་ཚོགས་རྣམས་ལ་ཕོག །ཐུགས་དམ་ཆེན་པོའི་དགོངས་པ་བསྐུལ། ཐུགས་རྗེ་ཆེན་པོའི་རྩལ་བསྐྱེད་དེ་སྐད་ཅིག་གིས་ནམ་མཁའི་ཁྱོན་གང་བར་སྤྱན་དྲངས་ནས། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབ་པའི་ངེས་ཤེས་བསྐྱེད་ཅིག །ཡེ་ཤེས་འབེབས་རྫས་སྤོས་དང་ཐོད་རྔས་དབྱངས་སྙན་རོལ་མོ་གདུང་ཤུགས་ཀྱིས་བསྐུལ་ལ། ཧཱུྃ་ཧྲཱི༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ བདེ་གཤེགས་ཀུན་འདུས་རཏྣ་ཐོད་ཕྲེང་རྩལ༔ མོས་པའི་གནས་འདིར་གདུང་བས་སྤྱན་འདྲེན་ན༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་རྗེས་བྱིན་གྱིས་བརླབ་ཕྱིར་གཤེགས་ནས་ཀྱང་༔ རྣལ་འབྱོར་སྒོ་གསུམ་རྡོ་རྗེའི་དབང་བསྐུར་ལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་ཨཱཿཧཱུྃ་རཏྣ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿཛྙཱ་ན་ཨཱ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཞེས་དྲག་ཏུ་བརྗོད་པས་དབབ། ཏིཥྛ་བཛྲས་བརྟན་པར་བྱ།

དེ་ནས་དབང་དངོས་ལ། སྤྱིར་སྐུ་གསུང་ཐུགས་ཡེ་ཤེས་རྡོ་རྗེའི་དབང་བསྐུར་བ་དང༌། བྱེ་བྲག་རྒྱས་པའི་ལས་རབ་འབྱམས་སྒྲུབ་པ་འདོད་འབྱུང་རཏྣའི་ཀ་པཱ་ལའི་རྟེན་རྫས་ཀྱི་དབང་བསྐུར་བ་གཉིས་ལས། དང་པོ་ནི། ཐོག་མར་སྣོད་བཅུད་ཐ་མལ་གྱི་ཞེན་རྟོག་སྦྱངས་ཕྱིར་སྐུ་བུམ་པའི་དབང་བསྐུར་བ་ལ། སློབ་དཔོན་གྱི་ཐུགས་ཀའི་འོད་ཟེར་གྱིས་ནམ་མཁའི་དབྱིངས་སུ་ཏིལ་གྱི་གོང་བུ་ལྟར་སད་པའི་རྒྱལ་བ་སྲས་དང་བཅས་པས་རྣམ་པ་ཐམས་ཅད་དང་ལྡན་པའི་ཆོ་འཕྲུལ་ཆེན་པོས་རིན་པོ་ཆེའི་བུམ་པ་རྡོ་རྗེ་བདུད་རྩིས་ཆུས་གང་བ་ཁྱེད་རང་རྣམས་ཀྱི་སྤྱི་བོར་ཐོགས་ཏེ་གཏོར་བླུགས་ཀྱི་ཕྲིན་ལས་མཐར་ཕྱིན་པར་མོས་ཤིག །རྣམ་བུམ་སྤྱི་བོར་བཞག་ལ། ཨོཾ༔ བུམ་པ་བཟང་པོ་ཡོན་ཏན་ཀུན་གྱི་གཏེར༔ ལྷ་ཚོགས་འོད་ཞུ་བདུད་རྩིའི་བཅུད་ཀྱིས་གཏམས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ རཏྣ་ཐོད་ཕྲེང་སྐུ་ཡི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་ཀཱ་ཡ་ཨ་བྷི་ཥིཉྩ་ཨོཾ༔ ཞེས་དབང་བསྐུར་བས་བུམ་པའི་ཆུས་ལུས་ཐམས་ཅད་གང་ལས་དང་ཉོན་མོངས་པའི་དྲི་མ་དག །ཆུའི་ལྷག་མ་ཡར་ལུད་པ་ལས་རིགས་ཀྱི་བདག་པོ་རིན་ཆེན་འབྱུང་ལྡན་གྱིས་དབུ་བརྒྱན་པར་གྱུར། དེ་ལྟར་སྐུ་བུམ་པའི་དབང་བསྐུར་བས་སྣོད་བཅུད་ཕུང་ཁམས་སྐྱེ་མཆེད་གདན་གསུམ་སྒྱུ་འཕྲུལ་དྲྭ་བའི་ལྷ་ཚོགས་གདོད་ནས་ཡིན་པ་ལ་ཡིན་པར་ངོ་ཤེས་པས་གསལ་བརྟན་དག་གསུམ་གྱི་སྣང་སྟོང་སྒྱུ་མ་ལྟ་བུའི་ཏིང་ངེ་འཛིན་ལ་གོམ་པ་ལ་སྣང་བ་ཐམས་ཅད་ལྷ་སྐུ་ཕྱག་རྒྱའི་རིམ་པས་གདུལ་བྱའི་མོས་པ་དང་མཐུན་པར་དོན་གྱིས་ཤིག དེ་ནས་ངག་ཐ་མལ་དུ་ཞེན་པ་སྦྱངས་ཕྱིར་གསུང་བཟླས་པའི་ལུང་སྦྱིན་པ་ལ། སློབ་དཔོན་དང་དཀྱིལ་འཁོར་གྱི་ལྷ་ཚོགས་གཉིས་སུ་མེད་པའི་ཐུགས་ཀ་ནས་སྔགས་ཀྱི་ཕྲེང་བ་འཕྲོས། ཞལ་ནས་བྱུང༌། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་སྲོག་དྭངས་མའི་ས་བོན་གྱི་མཐར་ཕྲེང་བ་ལྟར་འཁོད། འོད་ཟེར་སྤྲོ་བསྡུས་དོན་གཉིས་སྒྲུབ་པར་མོས་ལ་བསྙེན་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་རཏྣ་ཐོད་ཕྲེང་རྩལ་སརྦ་སིདྡྷི་ཧཱུྃ༔ ལན་གསུམ། སླར་ཡང་འོད་ཟེར་སྤྲོ་བསྡུའི་སྣང་གྲགས་རིགས་གསུམ་ལྷ་སྔགས་ཆོས་སྐུའི་རོལ་པར་ཤར་བས་དོན་གཉིས་སྒྲུབ་པར་མོས་ལ། སྒྲུབ་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ལན་གསུམ། སླར་ཡང་དཀྱིལ་འཁོར་གྱི་ལྷ་ཡི་ཐུགས་སྲོག་སྔགས་ལས། བྱུང་བའི་འོད་ཟེར་ལྔ་ལྡན་འཇའ་ཚོན་ལྟ་བུའི་སྣོད་བཅུད། ཕྱི་ནང་ཀུན་ཏུ་ཁྱབ་པས་འབྱོར་པ་དྲུག་སོགས་ཡོན་ཏན་གྱི་དཔལ་ཐམས་ཅད་རྒྱས་པའི་ཕྲིན་ལས་ལྷུན་གྱིས་གྲུབ་པས་དོན་གཉིས་རྫོགས་པར་མོས་ལ་ལས་སྦྱོར་གྱིས་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ཏྲཱྃ་སརྦ་པུཥྟིཾ་ཀུ་རུ་ཨོཾ༔ ལན་གསུམ། ཕྲེང་བ་མགྲིན་པར་བཞག་པས་ནུས་པ་བརྟན་པར་བྱས་པ་མོས་མཛོད། ཨཱཿ སྒྲ་ཡི་སྙིང་པོ་བསྙེན་སྒྲུབ་ཕྲིན་ལས་ཀྱི༔ བཟླས་པའི་ནུས་རྫོགས་སྔགས་ཀྱི་ཕྲེང་བ་ཡིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ རཏྣ་ཐོད་ཕྲེང་གསུང་གི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་རཏྣ་ཐོད་ཕྲེང་རྩལ་ཝཱ་ཀ་ཨ་བྷི་ཥིཉྩ་ཨཱཿ འདི་ལྟར་སྒྲར་གྲགས་པ་ཐམས་ཅད་རྡོ་རྗེའི་གསུང་དབྱངས་གཞོམ་མེད་ཡེ་ཤེས་འཁོར་ལོའི་སྤྲིན་གྲགས་སྟོང་བརྗོད་པ་དང་བྲལ་བ་ལས་སྒྲ་ཡི་ཚུལ་བསམ་གྱིས་མི་ཁྱབ་པས་འགྲོ་བའི་དོན་གྱིས་ཤིག །

དེ་ནས་ཡིད་ཐ་མལ་དུ་ཞེན་པ་སྦྱོང་བའི་སླད་དུ་ཐུགས་འོད་གསལ་གྱི་དགོངས་པ་ངོ་སྤྲད་པ་ནི། མེ་ལོང་བསྟན་ལ། མེ་ལོང་དྭངས་པ་ལ་གཟུགས་བརྙན་སྣ་ཚོགས་སུ་ཤར་ཡང༌། སྣང་དུས་ཉིད་ནས་དངོས་པོས་སྟོང༌། སྟོང་བཞིན་དུ་སྣ་ཚོགས་སུ་སྣང་བ་མ་འགགས་པ་བཞིན། ལྷ་སྔགས་ཀྱིས་མཚོན་པའི་འཁོར་འདས་ཀྱི་ཆོས་ཐམས་ཅད་རང་སེམས་སྟོང་པའི་རང་རྩལ་དུ་ཤར་ཡང༌། ཤར་དུས་ཉིད་ནས་བདེན་པར་མ་གྲུབ། མ་གྲུབ་བཞིན་དུ་ཅིར་ཡང་ཤར་བས་ཐམས་ཅད་སྐུ་གསུམ་འདུ་འབྲལ་མེད་པ་ཟུང་འཇུག་འོད་གསལ་འཁོར་ཡུག་གི་དགོངས་པ་ངོ་ཤེས་པར་གྱིས་ཤིག །ཧཱུྃ༔ སྟོང་གསལ་རང་རིག་འདུས་མ་བྱས་པའི་དོན༔ བརྡ་ཡི་མཚོན་པ་ཡེ་ཤེས་མེ་ལོང་གིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ རཏྣ་ཐོད་ཕྲེང་ཐུགས་ཀྱི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་ཙིཏྟ་ཨ་བྷི་ཥིཉྩ་ཧཱུྃ༔ འདི་ལྟར་རྟོག་ཚོགས་ཐམས་ཅད་རཏྣ་ཐོད་ཕྲེང་རྩལ་གྱི་ཐུགས་ཀ་དག་འོད་གསལ་ཟང་ཐལ་ཀུན་ཁྱབ་འདུས་མ་བྱས་མཉམ་ཉིད་ཆེན་པོའི་དགོངས་པར་ལ་ཟློ་བས་འབད་མེད་ལྷུན་གྱིས་གྲུབ་པའི་གཞན་དོན་རྒྱ་ཆེན་པོ་གྱིས་ཤིག །མཐར་ཡོན་ཏན་དང་ཕྲིན་ལས་ཡོངས་སུ་རྫོགས་པ་གཏོར་མ་ལ་བརྟེན་ནས་དབང་བསྐུར་བ་ལ་འདུན་པ་འདི་ལྟར་མཛོད། གཏོར་མ་འདི་ཉིད་རྒྱས་པའི་ལས་མཛད་རཏྣ་ཐོད་ཕྲེང་རྩལ། དབང་ཆེན་སྡེ་བཞི། སྒོ་སྐྱོང་དཔའ་བོ་མཁའ་འགྲོ་དངོས་སུ་གསལ་བ་ཁྱེད་རང་གི་སྤྱི་བོར་སྤྱན་དྲངས་ཏེ་སྐུ་ཡི་གནས་ཐམས་ཅད་ལས་བྱུང་བའི་འོད་ཟེར་ཁ་དོག་ལྔ་ལྡན་གྱིས་སྒོ་གསུམ་ལ་ཁྱབ་པས་བྱིན་རླབས་ཡེ་ཤེས་ཆེན་པོ་རྒྱུད་ལ་སྩལ་བར་མོས་མཛོད། དཔལ་གྱི་གཏོར་མ་གནས་གསུམ་དུ་བཞག་ལ། ཨོཾ་ཨཱ་ཧཱུྃ་ཧྲཱིཿ གཏོར་སྣོད་རང་བྱུང་གཞལ་མེད་ཁང་ཆེན་པོར༔ གཏོར་མའི་ངོ་བོ་ལྷ་དང་གཉིས་སུ་མེད༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ རཏྣ་ཐོད་ཕྲེང་ཡེ་ཤེས་དབང་ཐོབ་ཤོག༔ ཨོཾ་ཨཱཿཧཱུྃ་ཧྲཱི་བཛྲ་གུ་རུ་རཏྣ་ཐོད་ཕྲེང་རྩལ་ཀཱ་ཡ་ཝཱ་ཀ་ཙིཏྟ་ཛྙཱ་ན་ཨ་བྷི་ཥིཉྩ་ཨོཾ་ཨཱཿཧཱུྃ་ཧྲཱིཿ དེ་ཁྱེད་རང་གི་སྒོ་གསུམ་དང་རཏྣ་ཐོད་ཕྲེང་རྩལ་གྱི་སྐུ་གསུང་ཐུགས་གཉིས་སུ་མེད་པར་བྱིན་གྱི་རླབས་ཤིང་དབང་བསྐུར་བ་དང༌། ཡོན་ཏན་དང་ཕྲིན་ལས་རྒྱ་མཚོའི་དཔལ་ལ་དོན་གཉིས་ཐམས་ཅད་རྩོལ་མེད་དུ་ལྷུན་གྱིས་གྲུབ་པས་དོན་བྱེད་པར་མོས་ཤིག མཐའ་རྟེན་ལ། གཉིས་པ་རྒྱས་པའི་ལས་རབ་འབྱམས་སྒྲུབ་པ་འདོད་འབྱུང་རཏྣའི་ཀ་པཱ་ལའི་རྟེན་རྫས་ཀྱི་དབང་བསྐུར་བ་ལ་ཐོག་མར་གཡང་འགུག་པ་ནི། མདའ་དར་གཡབ་ལ། ཏྲཱྃ༔ དགོས་འབྱུང་རིན་ཆེན་གཏེར་གྱི་ཕོ་བྲང་ནས༔ རྒྱས་པའི་ལས་མཛད་རཏྣ་ཐོད་ཕྲེང་རྩལ༔ རབ་འབྱམས་རྩ་གསུམ་རྒྱ་མཚོའི་ཚོགས་རྣམས་ཀུན༔ མོས་ཤིང་གདུང་བས་ཐུགས་དམ་རྒྱུད་བསྐུལ་ན༔ ཡེ་ཤེས་ཡོན་ཏན་གཟི་བརྗིད་ཚད་མེད་པའི༔ འོད་ཟེར་ཕོ་ཉ་སྲིད་ཞིའི་ཁམས་ཀུན་སྤྲོས༔ སྣོད་ཀྱི་ཕྱྭ་དང་བཅུད་ཀྱི་དགེ་མཚན་གཡང་༔ ཚེ་བསོད་དཔལ་འབྱོར་འདོད་དགུའི་ལེགས་ཚོགས་ཀུན༔ འདིར་བསྡུས་སྒྲུབ་པའི་རྫས་ལ་བྱིན་ཆེན་ཕོབ༔ རྣལ་འབྱོར་བདག་ཅག་འཁོར་དང་བཅས་པ་སོགས༔ མཐོང་ཐོས་དྲན་རེག་གདུལ་བྱའི་ཚོགས་རྣམས་ཀྱི༔ འདོད་དགུའི་བསམ་པ་ཡིད་བཞིན་འགྲུབ་མཛད་གསོལ༔ ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ ཏྲཱྃ་སརྦ་ལོ་ཀ་ཛྙཱ་ན་ཨཱ་ཡུར་པུཎྱེ་པུཥྟིཾ་ཨོཾ༔ རཏྣ་ཀ་པཱ་ལ་བ་སུ་སིདྡྷི་སྡུས་སྡུས་རཏྣ་སིདྡྷི་ས་མ་ཡ་སྟྭྃ༔ ཨཱ་ཡུར་པུཎྱེ་ཛྙཱ་ན་སརྦ་སིདྡྷི་ཕ་ལ་ཧོཿ ཕྱི་འདོད་དགུ་ཀུན་འབྱུང་ཡེ་ཤེས་ཀྱི་ཀ་པཱ་ལ་མཚན་དང་ལྡན་པའི་རྣམ་པ་ལ་ནང་དུ་གུ་རུ་རཏྣ་ཐོད་ཕྲེང་རྩལ་གཙོ་འཁོར་ཡོངས་རྫོགས་སྲིད་ཞིའི་དཔལ་འབྱོར་ཕྱྭ་གཡང་ལོངས་སྤྱོད་ཀྱི་ཆར་འབེབས་བཞིན་བཞུག་པ་སྤྱི་བོར་སྤྱན་དྲངས་ཤིང་དབང་བསྐུར་བས། ལྷ་ཚོགས་རྣམས་ཀྱི་སྐུ་ལས་བྱུང་བའི་འོད་ཟེར་གྱིས་སྒོ་གསུམ་ལ་རེག་པས་ཐོག་མེད་ནས་བསགས་པའི་དབུལ་ཕོངས་སེར་སྣའི་རྒྱུ་འབྲས་ཀྱི་སྒྲིབ་པ་ཐམས་ཅད་སྦྱང༌། ཚེ་བསོད་དཔལ་དང་རླུང་རྟའི་སྟོབས་བསྐྱེད་དེ་འབྱོར་པ་དྲུག་དང་ཚོགས་གཉིས་ཀྱི་མཐུ་བྱིན་རིན་ཆེན་ནམ་མཁའ་མཛོད་ཀྱི་གཏེར་ལ་དབང་ཐོབ་པར་མོས་ཤིག །བྷནྡྷ་སྤྱི་བོར་བཞག་ལ། ཏྲཱྃཿ བཀྲ་ཤིས་མཚན་ལྡན་རྡོ་རྗེའི་ཀ་པཱ་ལ༔ ཚེ་བསོད་དཔལ་འབྱོར་ཡེ་ཤེས་བཅུད་ཀྱིས་གཏམས༔ སྐལ་ལྡན་རིགས་ཀྱི་བུ་ལ་སྦྱིན་པ་ཡིས༔ མཐུན་རྐྱེན་དངོས་གྲུབ་ལེགས་ཚོགས་རྒྱས་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ ཏྲཱྃ་སརྦ་ལོ་ཀ་ཛྙཱ་ན་ཨ་ཡུར་པུཎྱེ་པུཥྟིཾ་ཀུ་རུ་ཨོཾ༔ གནས་གསུམ་དུ་བཞག །དེ་ལྟར་འདོད་དགུ་ཀུན་འབྱུང་དངོས་གྲུབ་མི་ཟད་པའི་དབྱིག་མཚན་ལྡན་བདེ་སྐྱོང་གི་ནོར་བུའི་དབང་བསྐུར་བས་རྒྱས་པའི་ཕྲིན་ལས་རབ་འབྱམས་ཐོག་མེད་དུ་འགྲུབ་ནས་གནས་སྐབས་དང་མཐར་ཐུག་གི་དཔལ་འབྱོར་ལེགས་པའི་ཚོགས་རབ་འབྱམས་ཡིད་བཞིན་དུ་གྲུབ་ནས་བསྟན་འགྲོའི་དོན་དཔག་ཏུ་མེད་པ་རྩོལ་མེད་དུ་སྒྲུབ་པའི་བྱིན་རླབས་དངོས་གྲུབ་ཀྱི་དབང་ཐོབ་པར་མོས་མཛོད། འབྱོར་པ་དྲུག་ལྡན་ནོར་བུའི་གཏེར་ལ་སྤྱོད། །སྲིད་དང་ཞི་བའི་ལེགས་ཚོགས་གོང་དུ་འཕེལ། །དོན་གཉིས་ཕུན་ཚོགས་ཡེ་ཤེས་འབྱོར་པའི་དཔལ། །ལྷུན་གྲུབ་མཐར་ཕྱིན་ཕྲིན་ལས་བཀྲ་ཤིས་ཤོག །དེ་དག་གིས་རྒྱས་པའི་ལས་མཛད་རཏྣ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་བསྐུར་གྲུབ་པ་སྟེ། རྩ་བ་དང་ཡན་ལག་གི་དམ་ཚིག་གནང་བཀག་སྤྱི་དང་ཁྱད་པར་གུ་རུ་རཏྣ་ཐོད་ཕྲེང་རྩལ་གྱི་ལྷ་སྔགས་ཏིང་འཛིན་ལ་གཙོ་བོར་བརྟེན་པའི་རྒྱས་པའི་ལས་སྒྲུབ་པའི་གཡར་དམ་བཞེས་པས་དམ་ཚིག་ཁས་བླངས་པ་འདི་ཡི་རྗེས་ཟློས་མཛོད། གཙོ་བོས་ཇི་ལྟར་སོགས་དང༌། གཏང་རག །ལུས་ལོངས་སྤྱོད་འབུལ་བ། དགེ་བསྔོ་རྣམས་སྤྱི་ལྟར་བྱ་ཕྲིན་ལས་རྗེས་ཀྱི་རིམ་པ་མཐར་དབྱུང་བས་དགེ་ལེགས་སུ་བྱའོ། །འཇི༵ག་མེ༵ད་ཚོགས་གཉིས་གཟི་བྱིན་དང༌། རྟག་འགྲོགས་མཁྱེན༵་བརྩེའི༵་འོ༵ད་སྟོང་ཅན། །མི་ཟད་འདོད་དགུའི་ཟེར༵་བཀྲ༵་བས། །རབ་ཤི༵ས་འདབ་སྟོང་དཔ༵ལ་བརྒྱས་འབྱོར༵། །རྩ་གསུམ་འོད་གསལ་སྙིང་ཐིག་གི་རྒྱས་པའི་ལས་མཛད་རཏྣ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་མཆོག་འདོད་འབྱུང་ནོར་བུའི་སྙེ་མ་ལེའུ་ཚན་བདུན་པ་འོད་གསལ་རང་བྱུང་ལྷུན་གྲུབ་རྩལ་གྱིས་སྦྱར་བའོ། ༈

།འཕོ་མེད་བདེ་ཆེན་རྡོ་རྗེའི་ཉིན་མོར་བྱེད། །རྟག་ཏུ་བྲི་གང་བྲལ་བའི་འཛུམ་ཟེར་གྱིས། །སྲིད་ཞི་བརྟན་གཡོའི་དཔལ་ཀུན་སྡུད་མཛད་པ། །གར་དབང་པདྨ་ཐོད་ཕྲེང་དགྱེས་པས་སྐྱོངས། །རྩ་གསུམ་འོད་གསལ་སྙིང་ཐིག་གི་དབང་གི་ལས་མཛད་པདྨ་ཐོད་ཕྲེང་རྩལ་གྱི་སྒོས་སྒྲུབ་དང་འབྲེལ་བའི་དབང་ལ། བདག་མདུན་བུམ་པ་བཅས་སྒྲུབ་ཟིན་པའི་རྗེས་དབང་གི་སྦྱིན་སྲེག་གྲུབ་ན་ལེགས་པས་དེའི་ཚུལ་ནི་ཚོང་འདུས་ཆེན་པོ་དང༌། སྨད་འཚོང་ཉལ་པོ་བྱས་པའི་ས་ལ་སྟེགས་བུ་དམར་པོ་འདོམ་གང་བ་བཅོས། ཟངས་ལས་བྱས་པའི་དབང་གི་ཐབ་ཁྲུ་གང་བ་ལྟེ་བ་པདྨ་དམར་པོ་འདབ་བཞི་དབུས་སུ་ཨུཏྤལ་དམར་པོས་མཚན་པ། ཁ་ཁྱེར་སོར་བཞི་པ་ལ་མེ་རི་མུ་རན་ལ་ལྕགས་ཀྱུ་དང་མེ་ཏོག་དམར་པོ་སྤེལ་བ་མཚན་ཉིད་དང་ལྡན་པར་བྲི་བའམ་ཡང་ན་འབྲུ་དམར་གྱི་ཚོམ་བུ་ལྷ་གྲངས་བཀོད་པས་ཀྱང་རུང་ལ། སེང་ལྡིང་ངམ། འོ་སེ། མཛོ་མོ་ཤིང་སོགས་ཟླ་གམ་དུ་བརྩིགས། དེ་དང་ཉེ་བར་རང་གི་མདུན་དགང་བླུགས་ཁ་སྦྱར་བ། རྡོར་དྲིལ་བསང་ཆུ། མེ་ཏོག་གི་སྣོད་སོགས་དང༌། གཡས་སུ་སྨན་གཏོར། རཀྟ་ཚོགས་ཀྱི་ཡོ་བྱད། གཡོན་དུ་ཏིལ་མར་གྱི་མར་ཁུ། ལས་མཐུན་ཡམ་ཤིང༌། གར་ཆང་དང་ལན་ཚྭ་དམར་པོ་སྦག་པའི་ཟས་སྣ་དཀར་དམར་ལ་དུ་འབྲུ་སྨན་རིན་ཆེན་དར་ཟབ་གླང་སྣ་མེ་ཏོག་བཅས་དམར་པོའི་རིགས་དང༌། མངར་སྐྱུར་གྱི་རོ་ཅན་གཙོ་བོར་བྱས། ནུབ་ཀྱི་ཕྱོགས་སུ་ཁ་བལྟས་ལ་པདྨའི་སྐྱིལ་ཀྲུང་གི་འཁོད་དེ། རྡོར་དྲིལ་བྱིན་རླབས་ནི། ཨོཾ་མ་ཧཱ་བཛྲ་ཧཱུྃ། ཞེས་པས་རྡོ་རྗེ་སྙིང་གར་གསོར༔ ཨོཾ་བཛྲ་གཎྜཻ་ཨཱཿས་དྲིལ་བུ་དཀུར་བརྟེན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭཱ་བྷཱ་བ་ཨཱཏྨ་ཀོ྅ཧཾ་གིས་རྡོར་དྲིལ་བསྣོལ་བའི་འཁྱུད་རྒྱ་དང་བཅས་དམ་ཚིག་གསུམ་བཟུང༌། གཉིས་པ་དངོས་གཞི་ལ། ཐོག་མར་མཆོད་སྲེག་གི་རྫས་རྣམས་ལ་བསང་ཆུ་འཐོང་ཞིང༌། རྃ་ཡྃ་ཁྃ་གིས་བསང་སྦྱང༌། སྟོང་པའི་ངང་ལས་བདེ་ཆེན་གྱི༔ རྣམ་རོལ་མཆོད་དང་བསྲེག་བྱའི་རྫས༔ ཡེ་ཤེས་བདུད་རྩི་འདོད་ཡོན་སྤྲིན༔ ཅིར་ཡང་འཆར་ཞིང་འབྱུང་བར་གྱུར༔ ཨོཾ་ཨཱཿཧཱུྃ༔ ལན་བདུན་དང༌། སྤྲོ་ན་ནམ་མཁའ་མཛོད་ཀྱི་སྔགས་རྒྱས་ཀྱང་བརླབ་ཅིང་སྤེལ། ཐལ་མོ་སྦྱར་བའི་བར་དུ་དཔལ་འབར་ཐོགས་ལ་ཐབ་ལ་གཡོན་དུ་བསྐོར་ཞིང༌། ཨོཾ་ཨགྣེ་ཛྭ་ལ་རཾ། ཞེས་ལན་གསུམ་གྱིས་མེ་སྦར། ཧཱུྃ་ཧཱུྃ་ཧཱུྃ༔ ཞེས་རླུང་གཡབ་ཀྱིས་གཡབ། བླུགས་གཟར་གྱི་མར་ཁུའི་ཐིག་པས་ཀྱང་གསོ། ཀུ་ཤའི་འཐོར་གཡབ་ཀྱིས་ཐབ་ལ་བསང་ཆུ་འཐོར་ཞིང༌། རྟ་སྔགས་ཀྱིས་བསང༌། སྭ་བྷཱ་ཝའི་སྔགས་ཀྱི་སྟོང་པར་སྦྱང༌། སྟོང་པའི་ངང་ལས་དབང་གི་ཐབ་ཁུང་ནི༔ ཟླ་གམ་འོད་དམར་རབ་ཏུ་འཁྲུགས་པའི་ནང་༔ དབང་གི་མེ་ཕུང་རྗེས་ཆགས་སྣང་བ་འབར༔ དེ་དབུས་བྷྲཱུྃ་ལས་པདྨའི་གཞལ་ཡས་ཁང་༔ མཚན་ཉིད་ཡོངས་རྫོགས་ངོ་མཚར་བཀོད་པས་མཛེས༔ ལྟེ་བར་རྨ་བྱས་བཏེགས་པའི་རིན་ཆེན་ཁྲིར༔ ཐབས་ཤེས་ཟུང་འཇུག་ཉི་ཟླའི་གདན་གྱི་སྟེང་༔ ཧྲཱིཿཡིག་ཡོངས་གྱུར་པདྨ་ཐོད་ཕྲེང་རྩལ༔ དམར་གསལ་སྒེག་ཅིང་ཤིན་ཏུ་ཆགས་པའི་ཉམས༔ ཞལ་གཅིག་ཕྱག་གཉིས་སྤྱན་གསུམ་གཟི་འོད་འབར༔ ཕྱག་གཡས་པདྨ་དམར་པོ་ཐུགས་ཀར་གཏོད༔ གཡོན་པས་པདྨའི་ཡུ་བ་བྱས་པ་ཡི༔ རིགས་ཀྱི་དྲིལ་བུ་དཀུར་བརྟེན་ཡུམ་ལ་འཁྱུད༔ རུས་པའི་ཕྱག་རྒྱ་དྲུག་གིས་རབ་ཏུ་སྤྲས༔ དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ ཡུམ་མཆོག་པདྨ་དྲིལ་བུ་བསྣམས་པས་འཁྲིལ༔ རིག་འཛིན་བླ་མ་བྱེ་བའི་སྤྲིན་ཕུང་འཕྲོ༔ འདབ་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཞི་ཁྲོའི་ཕྱག་རྒྱ་ཤར༔ སྒོ་བཞིར་རིག་འཛིན་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲོ་རྒྱ་མཚོའི་ཚོགས་ཀྱིས་བསྐོར༔ ཀུན་ཀྱང་སྤྱི་མགྲིན་སྙིང་གར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ཀྱི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ ཧཱུྃ་ཧྲཱིཿ རང་རིགས་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནཱི་སརྦ་ཛྙཱ་ན་མཎྜ་ལ་བཛྲ་ས་མ་ཡ་ཛཿ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ དགང་བླུགས་ཐོགས་ཏེ། ཧྲཱིཿ དགང་བླུགས་ཐབས་ཤེས་ཟུང་འཇུག་མཉམ་སྦྱོར་བ༔ ལྷ་རྣམས་ཞལ་གྱི་ངོ་བོར་རྣམ་དག་ལས༔ ཟག་མེད་བདུད་རྩིའི་ཆར་ཆེན་ཕབ་པ་ཡིས༔ པདྨ་ཐོད་ཕྲེང་ཡབ་ཡུམ་དཀྱིལ་འཁོར་པ༔ དགྱེས་ཚིམ་སྐུ་དང་སྦྱོར་མཚམས་ལས་བྱུང་བའི༔ འོད་ཟེར་དམར་པོས་འཁོར་འདས་ཁམས་ཀུན་ཁྱབ༔ རབ་འབྱམས་དབང་གིས་དོན་གཉིས་ལྷུན་གྲུབ་གྱུར༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ ལན་བདུན་མཐར། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ༔ སིདྡྷི་ཕ་ལ་ཧཱུྃ་ཨཱཿ ཁམས་གསུམ་སྣོད་བཅུད་རླུང་སེམས་སྣང་བ་ལེགས་པའི་ཡོན་ཏན་ཐམས་ཅད་ཝ་ཤཾ་ཀུ་རུ་ཧོཿ ཞེས་སྦྱར་བ་ལན་གསུམ་དུ་འབུལ། ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་འདུན་པས་བརྡ་ཡི་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏཱིཙྪ་ཧོཿ ཨོཾ་ཨཱཿཧཱུྃ༔ དངོས་སུ་འབྱོར་བཤམས་ཡིད་ཀྱིས་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནཱི་ས་པ་རི་ཝ་ར་ཨརྒྷཾ༴ རཱུ་པ་ཤཔྡ་གྷནྡྷེ་ར་ས་སྤརྴེ་པྲ་ཏཱིཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པཱུ་ཛ་ཧོཿ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི༔ ཧཱུྃ་ཧྲཱིཿ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔

དེ་ནས་རྫས་རྣམས་ཁུ་བའི་རང་བཞིན་ཅན་རྣམས་ཞལ་དང༌། ཡམ་ཤིང་འོད་ཀྱི་དཀྱིལ་འཁོར། འབྲུ་སྨན་སོགས་ཕྱག་གིས་མཚོན་པར་ཕུལ་བར་མོས་ཏེ་ལག་གི་བཟུང་དུ་བཏུབ་པ་རྣམས་གཡས་པའི་མཐེབ་སྲིན་སྦྱར་པདྨའི་མཆོག་སྦྱིན་གྱི་ཚུལ་དང༌། དེ་ལས་གཞན་པ་རྣམས་བླུགས་གཟར་གྱིས་འབུལ་ཞིང༌། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ ལན་བདུན་མཐར་སྤེལ་ཚིག །ཁམས་གསུམ་སྣོད་བཅུད་རླུང་སེམས་སྣང་བ་ལེགས་པའི་ཡོན་ཏན་ཐམས་ཅད་ཝཱ་ཤཾ་ཀུ་རུ་ཧོཿ ཞེས་གདགས་དེ་ལྟ་བུའི་མར་ཁུ་ཉེར་གཅིག་དང༌། ཡམ་ཤིང་དེ་མཚུངས་ཕུལ། ཁྱད་པར་དབང་གི་རྫས་ལ་ལྷ་སྔགས་ཀྱི་མཚམས་སུ་སྤེལ་ཚིག་བཏགས་པ་ལ་གྲངས་བཟུང༌། དེ་རྣམས་ཀྱི་ཚེ་ཐབས་ཀྱི་ལྷ་ཚོགས་རྣམས་ཀྱི་འོད་ཟེར་དམར་པོ་པདྨ་རཱ་གའི་མདངས་ཅན་ལྕགས་ཀྱུས་རྣམ་པས་དབང་གི་ལས་ཐམས་ཅད་རྩོལ་མེད་དུ་སྒྲུབ་པར་བསམ་ལ་དམིགས་པའི་གསལ་སྣང་རྩེ་གཅིག་ཏུ་སེམས་འཛིན་པ་ནི་རྣོ་ལ་ངར་གྱིས་གདབ་པ་བཞིན་ནོ། །གྲངས་རྫོགས་པའི་ཚེ་སྤྲོ་ན། ཨོཾ་བཛྲ་ཝསྟྲ་ཡེ་སྭཱ་ཧཱཿས་ལས་མཐུན་གྱི་གོས་ཟུང་དང༌། ཨོཾ་བཛྲ་ཏམྦུ་ལཱ་ཡེ་སྭཱ་ཧཱཿས་སོ་རྩི་འབུལ། སྤྲོ་ན་ཚོགས་མཆོད་ཀྱང་འབུལ། གཤེགས་སྐྱེམས་ལན་བདུན་སྔར་ལྟར་དང༌། གཏང་རག་གི་མཆོད་བསྟོད་སྔོན་དུ་འགྲོ་བས། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿ གུ་རུ་དྷེ་ཝ་ཌཱ་ཀི་ནི་ཀཱ་ཡ་ཝཀྩིཏྟ་སརྦ་སིདྡྷི་ཕ་ལ་ཧོཿས་དངོས་གྲུབ་བླང༌། ཡི་གེ་བརྒྱ་པས་ནོངས་པ་བཤགས། ཛཿཧཱུྃ་བྃ་ཧོཿས་ཐབ་ཀྱི་ཡེ་ཤེས་པ་རང་ལྟེ་བའི་གཏུམ་མོ་ལ་ཐིམ་པར་བསམ་ཞིང༌། བསྔོ་སྨོན་དང་ཤིས་པ་བརྗོད། ཐལ་བ་འབབ་ཆུ་ཆེན་པོའམ༔ ནུབ་ཕྱོགས་རི་རྩེ་རླུང་ལ་བསྐུར༔ དེས་ནི་རབ་འབྱམས་དབང་གི་ལས༔ མྱུར་དུ་གྲུབ་ཅིང་མཐར་ཕྱིན་འགྱུར༔ ཞེས་གསུངས་སོ། །དབང་བསྐུར་ལ་ལོ་རྒྱུས་ཀྱི་ཁྱད་པར། དེ་ལ་འདིར་དཔལ་ཨོ་རྒྱན་ཆོས་ཀྱི་རྒྱལ་པོ་ཉིད་ཆོས་སྐུའི་སངས་རྒྱས་ཐམས་ཅད་ཀྱི་དགོངས་ཀློང་གཅིག་ཏུ་འཁྱིལ་བའི་བདག་ཉིད་ཆེན་པོ་པདྨ་ཀུན་ཏུ་འཆང༌། ལོངས་སྐུའི་སངས་རྒྱས་ཐམས་ཅད་ཀྱི་སྐུ་དང་ཡེ་ཤེས་རྒྱ་མཚོའི་སྤྲོ་བསྡུས་བྱེད་པོར་དབང་བསྐུར་བ་གཟི་བརྗིད་ཚེ་འོད་དཔག་མེད། སྤྲུལ་སྐུའི་སངས་རྒྱས་ཐམས་ཅད་ཀྱི་རྨུ་རྒོད་གདུལ་དཀའ་ཉོན་མོངས་རགས་ཤིང་སྡུག་བསྔལ་ཆེ་བའི་ཡིད་ཅན་འདུལ་བའི་སྙིང་རྗེ་དང་ཐུགས་བསྐྱེད་སྨོན་ལམ་གྱི་གོ་ཆ་ལ་སངས་རྒྱས་ཀུན་ལས་ཁྱད་པར་འཕགས་པ་སྟོན་པ་རྫོགས་པའི་སངས་རྒྱས་ཤཱཀྱའི་རྒྱལ་པོ་ཉིད་སླར་ཡང་སྔགས་ཀྱི་སྟོན་པ་རྡོ་རྗེ་སློབ་དཔོན་གྱི་སྐུར་བཞེངས་པ་པདྨ་འབྱུང་གནས་ཏེ། རྒྱལ་བའི་རྣམ་འཕྲུལ་དང་སྤྱོད་ཡུལ་བསམ་གྱིས་མི་ཁྱབ་པ་སྤྲུལ་གཞི་ནུབ་ཕྱོགས་བདེ་ལྡན་ཞིང་དུ་བཀྲ་ཤིས་འོ་མའི་རྒྱ་མཚོར་གུ་རུ་ཉིད་ཀྱི་ཐུགས་ཡེ་ཤེས་ལྔ་ཡི་རང་མདངས། གུ་རུ་ཐོད་ཕྲེང་སྡེ་ལྔའི་བཀོད་པས་ཞི་རྒྱས་དབང་དྲག་མཆོག་གི་ཕྲིན་ལས་མཐར་ཕྱིན་པར་མཛད་པ་ལས། འདིར་དབང་གི་ལས་མཛད་པདྨ་ཐོད་ཕྲེང་རྩལ་གྱི་སྒོས་སྒྲུབ་རྩ་གསུམ་འོད་གསལ་སྙིང་ཐིག་གི་ཆོས་སྡེ་ལས་བྱོན་པའི་དབང་བསྐུར་བགྱི་བ་སྟེ། དེ་ཡང་ཞི་རྒྱས་དབང་མཆོག་དང་དྲག་པོའི་ཕྲིན་ལས་ཐམས་ཅད་ཀྱི་རྩ་བ་ནི་ཟབ་པ་དབང་གི་ལས་ཉིད་ཡིན་ཏེ། མཆོག་གི་དབང་སྡུད་རྒྱལ་དང་རྒྱལ་བའི་སྲས་པོ་རྣམས་ཀྱིས་ཐུགས་སྙིང་རྗེ་ཆེན་པོའི་ཁྱབ་བརྡལ་མུ་མེད་ཀྱི་ཏིང་ངེ་འཛིན་གྱིས་འཇིག་རྟེན་གསུམ་ཡིད་ཅན་མཐའ་དག་དབང་དུ་བསྡུས་པས་མངོན་མཐོ་ངེས་ལེགས་ཀྱི་དཔལ་ལ་སྦྱོར་བ་དང༌། སློབ་མ་དབང་རབ་མོས་གུས་ཀྱིས་གྲོལ་བ་རྣམས་ཀྱིས་བླ་མའི་ཐུགས་རྡོ་རྗེའི་ཡེ་ཤེས་ཀྱི་བྱིན་རླབས་དབང་དུ་བྱས་ནས་རྟོགས་གྲོལ་དུས་མཉམ་དུ་བྱུང་བ་དང༌། རྣལ་འབྱོར་པ་ལྟ་དགོངས་ཅན་གྱིས་ལས་ཀྱི་ཕྱག་རྒྱ་དབང་དུ་བྱས་ཏེ་ལྷན་སྐྱེས་ཡེ་ཤེས་ཀྱི་རྟོགས་པས་རླུང་སེམས་དབུ་མར་སྡུད་པ་དང༌། ཐུན་མོང་དབང་གི་ཕྲིན་ལས་སློབ་དཔོན་སངས་རྒྱས་གཉིས་པས་ཧས་པོ་རི་ནས་བོད་ཀྱི་ལྷ་སྲིན་ཆེ་དགུ་དབང་དུ་བསྡུས་ནས་བསམ་ཡས་གཙུག་ལག་ཁང་བཞེངས་པའི་འབངས་སུ་བཀོལ་བ་དང༌། ཁྲོ་ཕུ་ལོ་ཙཱ་བས་རྒྱ་གར་གྱི་པཎྜི་ཏ་འབུམ་ཕྲག་གསུམ་པ་དབང་དུ་བསྡུས་ཏེ་བོད་དུ་གདན་དྲངས་པ་སོགས་ཕན་བདེའི་ཕྲིན་ལས་ཐམས་ཅད་ཀྱི་རྩ་བ་དབང་གི་ལས་སྦྱོར་ཡིན་ཞིང༌། དེ་ཡང་ལྷ་སྔགས་གཞན་ལས་ཀྱང་གསུང་པདྨའི་རིགས་ཀྱི་ལྷ་ལ་བརྟེན་པས་དངོས་གྲུབ་མྱུར་བར་བསྔགས་པས། གར་དབང་ཐུགས་རྗེ་ཆེན་པོ། དབང་ཆེན་རྟ་མཆོག་རོལ་པ་སོགས་གཉིས་མེད་གཉིས་སུ་སྣང་བའི་ཡེ་ཤེས་ཕྱག་རྒྱའི་ཆོ་འཕྲུལ་དུ་བཀོད་པས་དེ་ཉིད་རིགས་བརྒྱའི་ཁྱབ་བདག་པདྨ་ཐོད་ཕྲེང་རྩལ་དུ་བཞེངས་པའི་སྐུ་སྔགས་ལ་བརྟེན་པའི་དབང་གི་ལས་ནི་མྱུར་ཞིང་ཚན་ཆེ་བས་མན་ངག་དེའི་དབང་བསྐུར་བགྱི་བ་ལ་ཐོག་མར་སྨིན་བྱེད་ཟབ་མོ་ཞུ་བའི་དོན་དུ་མཎྜལ་ཕུལ། ཞེས་འབུལ་དུ་གཞུག བླ་མ་དང་དབང་གི་ལས་མཛད་པདྨ་ཐོད་ཕྲེང་ཐ་མི་དད་པའི་སྤྱན་སྔར་སྙིམས་པ་མེ་ཏོག་དང་བཅས་པའི་ཐལ་མོ་སྦྱོར་ལ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། ཧོཿ དཀྱིལ་འཁོར་གཙོ་བོ་རིགས་ཀུན་བདག༔ ཐུགས་རྗེའི་གཏེར་ཆེན་སློབ་དཔོན་གྱིས༔ དབང་མཛད་པདྨ་ཐོད་ཕྲེང་གི༔ སྨིན་གྲོལ་དབང་མཆོག་སྩལ་དུ་གསོལ༔ ལན་གསུམ།

དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ། སྐྱབས་ཀྱི་ཡུལ་མདུན་གྱི་ནམ་མཁར་དབང་མཛད་པདྨ་ཐོད་ཕྲེང་རིག་འཛིན་སྒྱུ་འཕྲུལ་དྲྭ་བའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། སྐྱབས་བྱ་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྐྱབས་སུ་འགྲོ་ཚུལ་སྒོ་གསུམ་འཇུག་པ་གཅིག་པས། སྐྱབས་འགྲོའི་རྒྱུ་དེང་ནས་བྱང་ཆུབ་མ་ཐོབ་བར་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཏེ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་ཅི་མཛད་ཁྱེད་མཁྱེན་བློ་གཏད་ལིང་སྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས། ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཐོག་མེད་དུས་ནས་ཕ་མར་གྱུར་པའི་མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལས་འདས་པ་སྐུ་གསུམ་བླ་མའི་གོ་འཕང་ལ་བདེ་མྱུར་གྱིས་འགོད་པར་བྱ། དེའི་ཕྱིར་དུ་བླ་ན་མེད་པའི་དཀྱིལ་འཁོར་གཉན་པོ་འདིར་འཇུག་ཅིང་དབང་གིས་རྒྱུད་སྨིན་པར་བྱས་ནས་ལམ་རིམ་པ་གཉིས་ཀྱི་ཏིང་ངེ་འཛིན་དང་མ་བྲལ་བས་རྒྱལ་བའི་སྲས་ཀྱི་སྤྱོད་པ་རླབས་པོ་ཆེའི་རྗེས་སུ་སློབ་སྙམ་པས་སྨོན་འཇུག་གི་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་སྤྲུལ་ནས་སྒོ་གསུམ་གུས་པ་ཆེན་པོའི་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྡིག་ལྟུང་གི་བྱས་བསགས་ལ་འགྱོད་པའི་སེམས་ཀྱིས་བཤགས་སྡོམ་དང༌། ཚོགས་གཉིས་ཀྱི་དགེ་སྤྱོད་ལ་རྗེས་སུ་ཡི་རང་བ། ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་བཞུགས་པར་གསོལ་ཞིང་དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་རྗེས་ཟློས། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དབང་གི་ཡེ་ཤེས་སྐྱེ་བརྟན་གོང་འཕེལ་དུ་འགྱུར་བ་ལ་རྒྱུད་རྣམ་པར་དག་ཅིང་སྡོམ་པ་དང་ལྡན་དགོས་པས། ཚོགས་ཞིང་དེ་རྣམས་དཔང་པོར་བྱས་ཏེ་ཕྱི་སོ་སོ་ཐར་པའི་སྡོམ་པ། ནང་བྱང་ཆུབ་སེམས་ཀྱི་བསླབ་པ། གསང་བ་བླ་མེད་རྡོ་རྗེ་ཐེག་པའི་དམ་ཚིག་རྣམས་ལེགས་པར་བླངས་ནས་ཚུལ་བཞིན་བསྲུང་སྙམ་པས་འདིའི་རྗེས་ཟློས་མཛོད། རྩ་གསུམ་དཀྱིལ་འཁོར་ལྷ་ཚོགས་དང་༔ རྡོ་རྗེ་སློབ་དཔོན་དགོངས་སུ་གསོལ༔ རིག་པ་འཛིན་པ་བདག་གིས་ནི༔ དེང་ནས་བྱང་ཆུབ་སྙིང་པོའི་བར༔ སོ་སོར་ཐར་དང་བྱང་ཆུབ་སེམས༔ རིག་འཛིན་ནང་གི་སྡོམ་པའི་ཚོགས༔ མ་ལུས་ཡོངས་སུ་བཟུང་བར་བགྱི༔ ལན་གསུམ།

དེ་ནས་དབང་གི་གཞི་འགོད་པ་ལ་ཡེ་ཤེས་པ་དབབ་པ་ལ་སྒོ་གསུམ་གྱི་གནད་གཅུན་ལ་ཐུགས་དམིགས་འདི་བཞིན་མཛོད། སློབ་དཔོན་གྱི་ཐུགས་ཀ་ནས་འཕྲོས་པའི་འོད་ཟེར་གྱིས་ཁྱེད་རང་ཕུང་ཁམས་སྐྱེ་མཆེད་ཀྱིས་མཚོན་པའི་སྣོད་བཅུད་ཐམས་ཅད་གྱི་སྣང་ཞེན་དབྱིངས་སུ་སྦྱངས། སྟོང་པའི་ངང་ལས་ཆོས་དབྱིངས་ལྷུན་རྫོགས་བདེ་ཆེན་སྟུག་པོ་བཀོད་པའི་ཞིང་ཁམས་ཕུན་སུམ་ཚོགས་པའི་དབུས་སུ་རྨ་བྱས་བཏེགས་པའི་རིན་པོ་ཆེའི་ཁྲི་དང་པད་ཟླའི་སྟེང་དུ་ཁྱེད་རང་རྣམས་སྐད་ཅིག་གིས་ཧྲཱིཿ་ཡིག་ཡོངས་སུ་གྱུར་པ་ལས་དེ་བཞིན་གཤེགས་པ་ཐམས་ཅད་ཀྱི་གསུང་གི་བདག་ཉིད་མ་ཧཱ་གུ་རུ་པདྨ་ཐོད་ཕྲེང་རྩལ་སྐུ་མདོག་དམར་གསལ་གཞོན་ཆགས་ལང་ཚོས་དགྱེས་འཛུམ་ཁྲོ་སྒེག་པའི་ཉམས་འགྱུར་ཅན་གྱི་མཚན་དཔེ་རབ་ཏུ་རྒྱས་པ། ཞལ་གཅིག་སྤྱན་གསུམ་ཕྱག་གཡས་པས་པདྨ་དམར་པོ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་འཛིན་ཏེ་ཡུམ་ལ་འཁྱུད་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་ཤིང་དར་དང་རིན་པོ་ཆེའི་རྒྱན་ཆས་ཡོངས་སུ་རྫོགས་པའི་ཡུམ་གོས་དཀར་མ་དམར་མོ་པདྨ་དང་དྲིལ་བུ་འཛིན་པ་གཉིས་མེད་མཉམ་པར་སྦྱོར་བའི་ཡེ་ཤེས་བདེ་བ་ཆེན་པོའི་གཟི་འོད་ཉི་མ་འབུམ་ལྟར་རྒྱས་པའི་ཀློང་དུ་དབང་གི་ལས་མཛད་རྩ་གསུམ་རབ་འབྱམས་སྤྲོ་བསྡུའི་སྒྱུ་འཕྲུལ་བསམ་མི་ཁྱབ་པའི་བདག་ཉིད་ཆེན་པོར་གསལ་བའི་གནས་གསུམ་རྡོ་རྗེ་གསུམ་གྱི་ཡི་གེས་མཚན་པ་དང༌། སློབ་དཔོན་དཀྱིལ་འཁོར་གྱི་མངའ་བདག་མ་ཧཱ་གུ་རུ་པདྨ་ཐོད་ཕྲེང་དངོས་སུ་གསལ་བའི་མོས་གུས་དྲག་ཏུ་བསྐྱེད་པས། བླ་མའི་ཐུགས་ཀ་ནས་རྡོ་རྗེའི་ཡེ་ཤེས་འགུགས་པའི་འོད་ཟེར་ལྕགས་ཀྱུའི་རྡུལ་ཕྲན་གྲངས་མེད་པ་ཤར་གྱི་འཕྲོས། ཆོས་དབྱིངས་རྒྱས་པར་བཀང་བའི་སངས་རྒྱས་ཀྱི་ཞིང་རབ་འབྱམས་རྣམས་དང༌། ཁྱད་པར་ལྷོ་ནུབ་པདྨ་འོད་ཀྱི་གཞལ་ཡས་ཁང་ཆེན་པོ་སྒྱུ་འཕྲུལ་བཀོད་པའི་རོལ་མོ་བསམ་གྱི་མི་ཁྱབ་པར་སྣང་བའི་བླ་མ་སྐུ་གསུམ་གྱི་ལྷ་ཚོགས་རྣམས་ལ་ཕོག །ཐུགས་དམ་ཆེན་པོའི་དགོངས་པ་བསྐུལ། ཐུགས་རྗེ་ཆེན་པོའི་རྩལ་བསྐྱེད་དེ་སྐད་ཅིག་གིས་ནམ་མཁའི་ཁྱོན་གང་བར་སྤྱན་དྲངས་ནས། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབ་པའི་ངེས་ཤེས་བསྐྱེད་ཅིག །ཡེ་ཤེས་འབེབས་རྫས་སྤོས་དང་ཐོད་རྔས་དབྱངས་སྙན་རོལ་མོ་གདུང་ཤུགས་ཀྱིས་བསྐུལ་ལ། ཧཱུྃ་ཧྲཱི༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ བདེ་གཤེགས་ཀུན་འདུས་པདྨ་ཐོད་ཕྲེང་རྩལ༔ མོས་པའི་གནས་འདིར་གདུང་བས་སྤྱན་འདྲེན་ན༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་རྗེས་བྱིན་གྱིས་བརླབ་ཕྱིར་གཤེགས་ནས་ཀྱང་༔ རྣལ་འབྱོར་སྒོ་གསུམ་རྡོ་རྗེའི་དབང་བསྐུར་ལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་ཨཱཿཧཱུྃ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿཛྙཱ་ན་ཨཱ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཞེས་དྲག་ཏུ་བརྗོད་པས་དབབ། ཏིཥྛ་བཛྲས་བརྟན་པར་བྱ།

དེ་ནས་དབང་དངོས་ལ། སྤྱིར་སྐུ་གསུང་ཐུགས་ཡེ་ཤེས་རྡོ་རྗེའི་དབང་བསྐུར་བ་དང༌། བྱེ་བྲག་དབང་གི་ལས་རབ་འབྱམས་སྒྲུབ་པའི་རྣོ་འདོན་མེ་ཡི་ལས་ཀྱི་དབང་བསྐུར་བ་གཉིས་ལས། དང་པོ་ནི། ཐོག་མར་སྣོད་བཅུད་ཐ་མལ་གྱི་ཞེན་རྟོག་སྦྱངས་ཕྱིར་སྐུ་བུམ་པའི་དབང་བསྐུར་བ་ལ། སློབ་དཔོན་གྱི་ཐུགས་ཀའི་འོད་ཟེར་གྱིས་ནམ་མཁའི་དབྱིངས་སུ་ཏིལ་གྱི་གོང་བུ་ལྟར་སད་པའི་རྒྱལ་བ་སྲས་དང་བཅས་པས་རྣམ་པ་ཐམས་ཅད་དང་ལྡན་པའི་ཆོ་འཕྲུལ་ཆེན་པོས་རིན་པོ་ཆེའི་བུམ་པ་རྡོ་རྗེ་བདུད་རྩིས་ཆུས་གང་བ་ཁྱེད་རང་རྣམས་ཀྱི་སྤྱི་བོར་ཐོགས་ཏེ་གཏོར་བླུགས་ཀྱི་ཕྲིན་ལས་མཐར་ཕྱིན་པར་མོས་ཤིག །རྣམ་བུམ་སྤྱི་བོར་བཞག་ལ། ཨོཾ༔ བུམ་པ་བཟང་པོ་ཡོན་ཏན་ཀུན་གྱི་གཏེར༔ ལྷ་ཚོགས་འོད་ཞུ་བདུད་རྩིའི་བཅུད་ཀྱིས་གཏམས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ པདྨ་ཐོད་ཕྲེང་སྐུ་ཡི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་ཀཱ་ཡ་ཨ་བྷི་ཥིཉྩ་ཨོཾ༔ ཞེས་དབང་བསྐུར་བས་བུམ་པའི་ཆུས་ལུས་ཐམས་ཅད་གང་ལས་དང་ཉོན་མོངས་པའི་དྲི་མ་དག །ཆུའི་ལྷག་མ་ཡར་ལུད་པ་ལས་རིགས་ཀྱི་བདག་པོ་སྣང་བ་མཐའ་ཡས་ཀྱིས་དབུ་བརྒྱན་པར་གྱུར། དེ་ལྟར་སྐུ་བུམ་པའི་དབང་བསྐུར་བས་སྣོད་བཅུད་ཕུང་ཁམས་སྐྱེ་མཆེད་གདན་གསུམ་སྒྱུ་འཕྲུལ་དྲྭ་བའི་ལྷ་ཚོགས་གདོད་ནས་ཡིན་པ་ལ་ཡིན་པར་ངོ་ཤེས་པས་གསལ་བརྟན་དག་གསུམ་གྱི་སྣང་སྟོང་སྒྱུ་མ་ལྟ་བུའི་ཏིང་ངེ་འཛིན་ལ་གོམ་པ་ལ་སྣང་བ་ཐམས་ཅད་ལྷ་སྐུ་ཕྱག་རྒྱའི་རིམ་པས་གདུལ་བྱའི་མོས་པ་དང་མཐུན་པར་དོན་གྱིས་ཤིག །དེ་ནས་ངག་ཐ་མལ་དུ་ཞེན་པ་སྦྱངས་ཕྱིར་གསུང་བཟླས་པའི་ལུང་སྦྱིན་པ་ལ། སློབ་དཔོན་དང་དཀྱིལ་འཁོར་གྱི་ལྷ་ཚོགས་གཉིས་སུ་མེད་པའི་ཐུགས་ཀ་ནས་སྔགས་ཀྱི་ཕྲེང་བ་འཕྲོས། ཞལ་ནས་བྱུང༌། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་སྲོག་དྭངས་མའི་ས་བོན་གྱི་མཐར་ཕྲེང་བ་ལྟར་འཁོད། འོད་ཟེར་སྤྲོ་བསྡུས་དོན་གཉིས་སྒྲུབ་པར་མོས་ལ་བསྙེན་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ ལན་གསུམ། སླར་ཡང་འོད་ཟེར་སྤྲོ་བསྡུའི་སྣང་གྲགས་རིགས་གསུམ་ལྷ་སྔགས་ཆོས་སྐུའི་རོལ་པར་ཤར་བས་དོན་གཉིས་སྒྲུབ་པར་མོས་ལ། སྒྲུབ་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ལན་གསུམ། སླར་ཡང་དཀྱིལ་འཁོར་གྱི་ལྷ་ཡི་ཐུགས་སྲོག་སྔགས་ལས། བྱུང་བའི་འོད་ཟེར་ལྔ་ལྡན་འཇའ་ཚོན་ལྟ་བུའི་སྣོད་བཅུད། ཕྱི་ནང་ཀུན་ཏུ་ཁྱབ་པས་ཁམས་གསུམ་བརྟེན་གཡོའི་ལེགས་ཚོགས་མ་ལུས་པ་དབང་དུ་འདུས་པའི་ཕྲིན་ལས་ལྷུན་གྱིས་གྲུབ་པས་དོན་གཉིས་རྫོགས་པར་མོས་ལ་ལས་སྦྱོར་གྱིས་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ༔ཨཱཿ ཧྲཱི་སརྦ་ཝ་ཤྃ་ཀུ་རུ་ཧོཿ ལན་གསུམ། ཕྲེང་བ་མགྲིན་པར་བཞག་པས་ནུས་པ་བརྟན་པར་བྱས་པ་མོས་མཛོད། ཨཱཿ སྒྲ་ཡི་སྙིང་པོ་བསྙེན་སྒྲུབ་ཕྲིན་ལས་ཀྱི༔ བཟླས་པའི་ནུས་རྫོགས་སྔགས་ཀྱི་ཕྲེང་བ་ཡིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ པདྨ་ཐོད་ཕྲེང་གསུང་གི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཐོད་ཕྲེང་རྩལ་ཝཱ་ཀ་ཨ་བྷི་ཥིཉྩ་ཨཱཿ འདི་ལྟར་སྒྲར་གྲགས་པ་ཐམས་ཅད་རྡོ་རྗེའི་གསུང་དབྱངས་གཞོམ་མེད་ཡེ་ཤེས་འཁོར་ལོའི་སྤྲིན་གྲགས་སྟོང་བརྗོད་པ་དང་བྲལ་བ་ལས་སྒྲ་ཡི་ཚུལ་བསམ་གྱིས་མི་ཁྱབ་པས་འགྲོ་བའི་དོན་གྱིས་ཤིག

།དེ་ནས་ཡིད་ཐ་མལ་དུ་ཞེན་པ་སྦྱོང་བའི་སླད་དུ་ཐུགས་འོད་གསལ་གྱི་དགོངས་པ་ངོ་སྤྲད་པ་ནི། མེ་ལོང་བསྟན་ལ། མེ་ལོང་དྭངས་པ་ལ་གཟུགས་བརྙན་སྣ་ཚོགས་སུ་ཤར་ཡང༌། སྣང་དུས་ཉིད་ནས་དངོས་པོས་སྟོང༌། སྟོང་བཞིན་དུ་སྣ་ཚོགས་སུ་སྣང་བ་མ་འགགས་པ་བཞིན། ལྷ་སྔགས་ཀྱིས་མཚོན་པའི་འཁོར་འདས་ཀྱི་ཆོས་ཐམས་ཅད་རང་སེམས་སྟོང་པའི་རང་རྩལ་དུ་ཤར་ཡང༌། ཤར་དུས་ཉིད་ནས་བདེན་པར་མ་གྲུབ། མ་གྲུབ་བཞིན་དུ་ཅིར་ཡང་ཤར་བས་ཐམས་ཅད་སྐུ་གསུམ་འདུ་འབྲལ་མེད་པ་ཟུང་འཇུག་འོད་གསལ་འཁོར་ཡུག་གི་དགོངས་པ་ངོ་ཤེས་པར་གྱིས་ཤིག །ཧཱུྃ༔ སྟོང་གསལ་རང་རིག་འདུས་མ་བྱས་པའི་དོན༔ བརྡ་ཡི་མཚོན་པ་ཡེ་ཤེས་མེ་ལོང་གིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ པདྨ་ཐོད་ཕྲེང་ཐུགས་ཀྱི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་ཙིཏྟ་ཨ་བྷི་ཥིཉྩ་ཧཱུྃ༔ འདི་ལྟར་རྟོག་ཚོགས་ཐམས་ཅད་པདྨ་ཐོད་ཕྲེང་རྩལ་གྱི་ཐུགས་ཀ་དག་འོད་གསལ་ཟང་ཐལ་ཀུན་ཁྱབ་འདུས་མ་བྱས་མཉམ་ཉིད་ཆེན་པོའི་དགོངས་པར་ལ་ཟློ་བས་འབད་མེད་ལྷུན་གྱིས་གྲུབ་པའི་གཞན་དོན་རྒྱ་ཆེན་པོ་གྱིས་ཤིག །མཐར་ཡོན་ཏན་དང་ཕྲིན་ལས་ཡོངས་སུ་རྫོགས་པ་གཏོར་མ་ལ་བརྟེན་ནས་དབང་བསྐུར་བ་ལ་འདུན་པ་འདི་ལྟར་མཛོད། གཏོར་མ་འདི་ཉིད་དབང་གི་ལས་མཛད་པདྨ་ཐོད་ཕྲེང་རྩལ། དབང་ཆེན་སྡེ་བཞི། སྒོ་སྐྱོང་དཔའ་བོ་མཁའ་འགྲོ་དངོས་སུ་གསལ་བ་ཁྱེད་རང་གི་སྤྱི་བོར་སྤྱན་དྲངས་ཏེ་སྐུ་ཡི་གནས་ཐམས་ཅད་ལས་བྱུང་བའི་འོད་ཟེར་ཁ་དོག་ལྔ་ལྡན་གྱིས་སྒོ་གསུམ་ལ་ཁྱབ་པས་བྱིན་རླབས་ཡེ་ཤེས་ཆེན་པོ་རྒྱུད་ལ་སྩལ་བར་མོས་མཛོད། དཔལ་གྱི་གཏོར་མ་གནས་གསུམ་དུ་བཞག་ལ། ཨོཾ་ཨཱ་ཧཱུྃ་ཧྲཱིཿ གཏོར་སྣོད་རང་བྱུང་གཞལ་མེད་ཁང་ཆེན་པོར༔ གཏོར་མའི་ངོ་བོ་ལྷ་དང་གཉིས་སུ་མེད༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ པདྨ་ཐོད་ཕྲེང་ཡེ་ཤེས་དབང་ཐོབ་ཤོག༔ ཨོཾ་ཨཱཿཧཱུྃ་ཧྲཱི་བཛྲ་གུ་རུ་པདྨ་ཐོད་ཕྲེང་རྩལ་ཀཱ་ཡ་ཝཱ་ཀ་ཙིཏྟ་ཛྙཱ་ན་ཨ་བྷི་ཥིཉྩ་ཨོཾ་ཨཱཿཧཱུྃ་ཧྲཱིཿ དེ་ཁྱེད་རང་གི་སྒོ་གསུམ་དང་པདྨ་ཐོད་ཕྲེང་རྩལ་གྱི་སྐུ་གསུང་ཐུགས་གཉིས་སུ་མེད་པར་བྱིན་གྱི་རླབས་ཤིང་དབང་བསྐུར་བ་དང༌། ཡོན་ཏན་དང་ཕྲིན་ལས་རྒྱ་མཚོའི་དཔལ་ལ་དོན་གཉིས་ཐམས་ཅད་རྩོལ་མེད་དུ་ལྷུན་གྱིས་གྲུབ་པས་དོན་བྱེད་པར་མོས་ཤིག མཐའ་རྟེན་ནི། གཉིས་པ་དབང་གི་ལས་རབ་འབྱམས་སྒྲུབ་པའི་རྣོ་འདོན་མེ་ཡི་ལས་ཀྱི་དབང་བསྐུར་བ་ལ། དབང་གི་ལས་མཛད་པདྨ་ཐོད་ཕྲེང་ཡབ་ཡུམ་གྱི་ངོ་བོ་ཐབས་ཤེས་དགང་བླུགས་ཀྱི་ཕྱག་རྒྱ་འདི་གཏད་པས། དབང་བྱེད་ཀྱི་ཐབ་འདིར། མདུན་བསྐྱེད་དཀྱིལ་འཁོར་གྱི་ལྷ་ཚོགས་སྤྱན་དྲངས་ཏེ་སྲེག་བླུག་གི་མཆོད་པ་ཕུལ་བས་ཐུགས་དམ་བསྐུལ་ནས་རབ་འབྱམས་དབང་གི་ལས་ཡིད་བཞིན་དུ་མཛད་པར་མོས་མཛོད། ཅེས་མཚམས་སྦྱར་ཏེ་རྒྱས་པར་སྤྲོ་ན་སྔར་ལྟར་དབང་གི་སྦྱིན་སྲེག་འབུལ་དུ་གཞུག །བསྡུ་ན་དགང་བླུགས་ཙམ་གཏད་ཀྱང་རུང་བར་གསུངས་པས་དེ་ལྟར་ན། དགང་བླུགས་ཀྱི་ཕྱག་རྒྱ་འདི་གཏད་པས་དབང་གི་ལས་རབ་འབྱམས་ཐོགས་མེད་དུ་སྒྲུབ་ནུས་པར་མོས་མཛོད། ཅེས་བྱས་ལ། ཧྲཱིཿ པདྨ་ཐོད་ཕྲེང་ཡབ་ཡུམ་ངོ་བོ་ཉིད༔ ཐབས་ཤེས་ཟུང་འཇུག་དགང་བླུགས་འདི་གཏད་པས༔ ལྷ་རྣམས་ཞལ་གྱུར་སྲེགས་བླུགས་ལས་སྦྱོར་གྱིས༔ རབ་འབྱམས་དབང་གི་ཕྲིན་ལས་ཡོངས་རྫོགས་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ ཧྲཱིཿ སརྦ་ཝ་ཤཾ་ཀུ་རུ་ཧོཿ དབང་གི་ལས་རབ་འབྱམས་ཐོགས་མེད་དུ་སྒྲུབ་ཕྱིར་བདེ་སྟོང་གཉིས་མེད་དགང་བླུགས་གཏད་ཅིང་རྣོ་མྱུར་བྱིན་ཟའི་ལས་སྒྲུབ་པར་རྗེས་སུ་གནང་བས་ཁམས་གསུམ་སྐྱེ་འགྲོ་མོས་པ་བཞིའི་དབང་དུ་བྱས་ཤིང་མཐར་ཐུག་རླུང་སེམས་དྷུ་ཏིའི་དབྱིངས་སུ་སྡུས་པས་དོན་གཉིས་ལྷུན་གྱིས་སྒྲུབ་པའི་ལས་ལ་དབང་ཐོབ་པ་ལ་ཤིས་པའི་ཚིག་གི་གླུ་དང་བཅས་མེ་ཏོག་འཐོར་བས་མངའ་གསོལ་བར་མོས་ཤིག །འགྲོ་ཁམས་རྒྱ་མཚོ་མོས་པ་རྣམ་བཞིས་སྡུད། །འཁོར་འདས་ལམ་གྱི་དྭངས་བཅུད་ཐོགས་མེད་འགུགས། །མཆོག་ཐུན་དངོས་གྲུབ་ཡིད་བཞིན་འགྲུབ་པ་ཡིས། །རབ་འབྱམས་དབང་གི་ལས་ཀྱི་བཀྲ་ཤིས་ཤོག །དེས་དབང་གི་ལས་མཛད་པདྨ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་བསྐུར་གྲུབ་པ་སྟེ། རྩ་བ་དང་ཡན་ལག་གི་དམ་ཚིག་གནང་བཀག་སྤྱི་དང་ཁྱད་པར་གུ་རུ་པདྨ་ཐོད་ཕྲེང་རྩལ་གྱི་ལྷ་སྔགས་ཏིང་འཛིན་ལ་གཙོ་བོར་བརྟེན་པའི་དབང་གི་ལས་སྒྲུབ་པའི་གཡར་དམ་བཞེས་པས་དམ་ཚིག་ཁས་བླངས་པ་འདི་ཡི་རྗེས་ཟློས་མཛོད། གཙོ་བོས་ཇི་ལྟར་སོགས་དང༌། གཏང་རག །ལུས་ལོངས་སྤྱོད་འབུལ་བ། དགེ་བསྔོ་རྣམས་སྤྱི་ལྟར་བྱ་ཕྲིན་ལས་རྗེས་ཀྱི་རིམ་པ་མཐར་དབྱུང་བས་དགེ་ལེགས་སུ་བྱའོ། །འཇི༵གས་མེ༵ད་ཆོས་དབྱིངས་དྷུ་ཏིའི་མཁར། །དགའ་བཞི་མཁྱེ༵ན་བརྩེའི༵་ཡེ་ཤེས་འོ༵ད། །ཟེ༵ར་སྣང་རྣམ་བཀྲ༵འི་འདབ་རྒྱས་ནས། །བརྟན་གཡོའི་ཤི༵ས་དགུའི་དཔ༵ལ་གྱིས་འབྱོ༵ར། །རྩ་གསུམ་འོད་གསལ་སྙིང་ཐིག་གི་པདྨ་ཐོད་ཕྲེང་རྩལ་གྱི་དབང་ལས་ཀྱི་སྒོས་དབང་བདེ་སྟོང་ཀུན་དགའི་གློག་ཕྲེང་ལེའུ་ཚན་བརྒྱད་པ་པདྨ་དབང་ཆེན་དགྱེས་པའི་སྡེས་སྦྱར་བའི་ལེའུ་ཚན་ནོ། ༈

།འཇི༵གས་མེ༵ད་སྟོབས་བཅུའི་རྩེ་བརྒྱའི་མཚོན་འཆང་བ། །ཀུན་མཁྱེན༵་རིང་ལུགས་སུམ་བརྩེན་ཁབ་སྲུང་བཞིན། །རྗེས་བརྩེའི༵་ཟློས་གར་གངས་ཅན་བསྟན་འགྲོའི་རྒྱན། །རྟ་ཡི་རྒྱལ་པོ་ཀརྨ་ཐོད་ཕྲེང་རྒྱལ། །རྩ་གསུམ་འོད་གསལ་སྙིང་ཐིག་གི་དྲག་པོའི་ལས་མཛད་ཀརྨ་ཐོད་ཕྲེང་རྩལ་གྱི་སྒོས་སྒྲུབ་དང་འབྲེལ་བའི་དབང་ལ། བདག་མདུན་བུམ་སྒྲུབ་བཅས་སྔ་མ་རྣམས་ལྟར་བཏང་རྗེས་དྲག་པོའི་རྗེས་གནང་ཙམ་ལ་མ་བྱས་ཀྱང་རུང་མོད་སྤྲོས་པའི་ཡན་ལག་ཏུ་དྲག་གཏོར་གྱིས་ལས་རིམ་བྱ་བར་འདོད་ན། མདུན་བསྐྱེད་དཀྱིལ་འཁོར་གྱི་ལྷོའི་བྱང་ཕྱོགས་སུ་ཕུང་ཤུལ་གྱི་ས་སྟེགས་གྲུ་བཞི་པའི་སྟེང་མ་ཏྲྃ་མགོ་བོ་ལྷོ་ནུབ་ཏུ་བསྟན་པའི་གཟུགས་ཀྱི་སྟེང་དྲག་པོའི་འཁོར་ལོ་རྩིབས་བཞི་མཐིང་ག །དབུས་སུ་པད་ཉིའི་སྟེང་རལ་གྲིས་མཚན་པ། རྩིབས་བཞི་ཐིག་ལེ་ཕྱོགས་མདོག །བར་རྣམས་ཁྲག་མཚོ། མུ་ཁྱུད་ལྗང་ནག་སྟེང་ཐིག་ལེ་བཞི་ཕྱོགས་མདོག་ཏུ་བཀོད། རྡོ་ར་མེ་རིས་བསྐོར་བ་རྡུལ་ཚོན་ནམ་རས་བྲིས་བཀྲམ་པའི་སྟེང་འབྲུ་ནག་གི་ངར་ཕྱེ་དུག་ཁྲག་ཆང་གིས་སྦོལ་བའི་ཟོར་གཏོར་ཐོག་མདེལ་གྱི་དབྱིབས་ཅན། གཙོ་བོས་སུམ་ཆ་ལས་དམན་པའི་འཁོར་རང་འདྲ་བཞི། དེ་ལས་སུམ་ཆ་ཁྲི་བའི་དེ་རྒྱབ་བཞི་བཅས་ཕྱོགས་བཞིར་བཀོད། བར་རྣམས་མཐེབ་ཀྱུ་ཁྲག་སྐོང་གིས་ལྟེམས་ཤིང་ཐམས་ཅད་ཁ་དོག་ནག་པོ་འབའ་ཞིག་བྱ། སྤྲོ་ན་གཙོ་བོ་སྲིན་ཞལ་ཕྱུངས་ལེགས་དར་གདུགས་མཐིང་ག་ལ་གཞུང་མཐུན་སྐུ་ཙག་དང་ནང་ཁྲོལ། བ་སུ་ཏས་བརྒྱན། མཚེ་རྩང་སོགས་བཙུགས། བྱང་ཤར་ནས་གཡས་བསྐོར་གྱིས་མཚམས་འཛིན། ཁྲག་གི་མཆོད་ཡོན། དུག་ཆུའི་ཞབས་བསིལ། དབང་པོའི་མེ་ཏོག །ཚིལ་ཆེན་གྱི་བདུག་སྤོས། ཞུན་ཆེན་གྱི་མར་མེ། མཁྲིས་སྣའི་དྲི་ཆབ། དྲག་པོའི་ཞལ་ཟས། རྐང་གི་རོལ་མོ་བཅས་ཉེར་སྤྱོད་མཆོད་པས་བསྐོར། གཡས་གཡོན་དུ་སྨན་རཀ །ཐུན་གཏོར། གཏོར་ཆུང༌། ཤ་དུམ། ཚོགས་རྫས། བ་ལིང་རྣམས་དང༌། ལྕགས་ཧོམ་དུ་ལིངྒ། ཕུར་བུ། གསེར་སྐྱེམས་ཀྱི་སྣོད་སོགས་འདུ་བྱས་ལ་ལས་དཀྱིལ་ལ་དམིགས་ཏེ། མ་ཏྲྃ་རུ་དྲ་ཨ་ཀརྵ་ཡ་ཛཿ མ་ར་ཡ་ཕཊཿ གཏོར་སྣོད་མ་ཏྲྃ་བསྒྲལ་བའི་ཁོག་པ་རུ༔ དུར་ཁྲོད་དྲག་པོའི་བཀོད་པའི་རབ་ཏུ་བརྗིད༔ དེ་དབུས་གཏོར་མ་མི་དམིགས་སྟོང་པའི་ངང་༔ གནམ་ལྕགས་འབར་བའི་འཁོར་ལོ་རྩིབས་བཞིའི་དབུས༔ པད་ཉི་དྲེགས་པ་བདུད་བཞིའི་གདན་སྟེང་དུ༔ དྲག་པོའི་ལས་མཛད་ཀརྨ་ཐོད་ཕྲེང་རྩལ༔ ལྗང་ནག་ཁྲོ་གཏུམ་བཟོད་དཀའི་གཟི་བརྗིད་འབར༔ ཞལ་གཅིག་ཕྱག་གཉིས་སྤྱན་གསུམ་དམར་ཟླུམ་འཁྲུགས༔ ཕྱག་གཡས་རལ་གྲི་མེ་འབར་ནམ་མཁར་གདེངས༔ གཡོན་པས་ཐོད་པ་ཁྲག་བཀང་ཐུགས་ཀར་གཏོད༔ ལས་ཀྱི་གསང་གོས་ཕོད་ཀ་སྟག་ཤམ་གསོལ༔ རུས་པའི་རྒྱན་ལྡན་རང་འོད་ཡུམ་དང་འཁྲིལ༔ ཞབས་གཉིས་གྱད་ཀྱི་དོར་སྟབས་བདུད་དཔུང་མནན༔ དྲག་མེ་དམར་ནག་འཁྲུགས་པའི་ཀློང་ན་རོལ༔ རིག་འཛིན་དྲག་པོ་བྱེ་བའི་སྤྲིན་ཕུང་འཕྲོ༔ རྩིབས་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཁྲོ་བོའི་ཕྱག་རྒྱ་ཤར༔ དེ་ཡི་ཕྱོགས་བཞིར་པད་ཉི་བམ་རོའི་སྟེང་༔ རིག་འཛིན་དྲག་པོ་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲཽ་དྲག་མོའི་ཚོགས་ཀྱི་བསྐོར༔ ཀུན་ཀྱང་སྤྱི་མགྲིན་ཐུགས་ཀར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ལྔའི་ཅོད་པན་འཆང་༔ ཐུགས་ཀའི་འོད་ཀྱི་ལྷ་ཚོགས་སྤྱན་དྲངས་གྱུར༔ ཧཱུྃ་ཧྲཱི༔ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ༔བཛྲ་གུ་རུ་དེ་བ་དྷཱ་ཀི་ནི་སརྦ་ཛྙཱ་ན་མཎྜལ་ལ་བཛྲ་ས་མ་ཡ་ཛཿ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་གུས་པས་བརྡ་ཡི་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏིཙྪ་ཧོཿ ཨོཾ་ཨཱཿཧཱུྃ༔ དངོས་སུ་འབྱོར་བཤམས་ཡིད་ཀྱི་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབས༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནཱི་ས་པ་རི་ཝ་ར་ཨརྒྷཾ་ནས། རཱུ་པ་ཤབྡ་གནྡྷེ་ར་ས་སྤརྴེ་པྲ་ཏཱིཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པཱུ་ཛ་ཧོཿ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི༔ ཧཱུྃ་ཧྲཱིཿ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔ མདུན་བསྐྱེད་ཐུགས་ཀར་ཉི་མའི་དཀྱིལ་འཁོར་སྟེང་༔ རྡོ་རྗཻ་རྩེ་དགུའི་ལྟེ་བར་ཧཱུྃ་ཡིག་མཐར༔ སྔགས་ཀྱི་ཕྲེང་བས་བསྐོར་ལས་འོད་ཟེར་འཕྲོས༔ ཚ་ཞིང་རྩུབས་པ་མཚོན་ཆའི་ཚོགས་བཅས་འཕྲོས༔ ས་གསུམ་གདུག་པའི་འབྱུང་པོ་ཟིལ་གྱིས་མནན༔ དམ་སྲི་རྒྱལ་འགོང་བྱད་ཕུར་རྦོད་གཏོང་སོགས༔ མི་མཐུན་ཕྱོགས་ཀུན་ཐལ་བའི་རྡུལ་བཞིན་བརླག༔ ཕྱོགས་ལས་རྣམ་རྒྱལ་ཕྲིན་ལས་འགྲུབ་པར་བསམ༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཀརྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ སརྦ་ཤ་ཏྲཱུན་བིགྷྣཱན་བྷཱུ་ཏ་པྲེ་ཏ་པི་ཤ་ཙི་ན་བྷིནྡྷ་བྷིནྡྷ་ཧ་ན་ཧ་ན་པ་ཙ་པ་ཙ་ད་ཧ་ད་ཧ་དཱི་ན་མེ་ཀེ་ན་མཱ་ར་ཡ་ཕཊཿ ཅེས་ལས་སྔགས་སྤུ་གྲི་བཏགས་པ་གཙོ་བོར་བཟླ། ལས་སྦྱོར་དང་པོ་སྲུང་དམིགས་ནི། དཔལ་ཆེན་སྐུ་ལས་ཡེ་ཤེས་ཀྱི༔ རྣམ་འཕྲུལ་ནམ་མཁའ་གང་བར་སྤྲོས༔ ཕྱོགས་མཚམས་སྟེང་འོག་ཚོམ་བུར་བཞུགས༔ སྲུང་བ་མཚམས་ཀྱི་ལས་མཛད་དེ༔ གུར་ཁང་དྲུག་གིས་གཏམས་པར་གྱུར༔ རྩ་སྔགས་མཐར། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་བཛྲ་ཀཱ་བཱ་ཙི་རཀྵ་རཀྵ༔ ཞེས་དང༌། བཟློག་དམིགས་ནི། དཔལ་ཆེན་ལྷ་ཚོགས་འཁོར་དང་བཅས༔ ཁྲོས་འཁྲུགས་རྔམ་པའི་གཟི་བྱིན་བསྐྱེད༔ ཕྱི་རོལ་ཞལ་གཟིགས་སྔགས་ཀྱི་སྒྲ༔ འབྲུག་སྟོང་ལྟ་བུར་སྒྲོག་པ་ཡི༔ སྐུ་དང་ཞལ་ལས་དམོད་པའི་མཚོན༔ ནད་མཚོན་དུག་རླང་ཕོ་ཉའི་ཚོགས༔ སྐར་ལྟར་འཁྲུགས་ཤིང་སེར་ལྟར་འབབ༔ ནག་ཕྱོགས་འབྱུང་པོ་སྡེ་བཅས་དང་༔ ཕས་རྒོལ་རིག་སྔགས་དམོད་པའི་དབལ༔ མི་མཐུན་འབྲས་བུ་ཐན་ལྟས་ངན༔ ཐམས་ཅད་རང་དབང་མེད་པར་བཟློག༔ དགྲ་དང་བགེགས་ཀྱི་སྟེང་དུ་བབ༔ རྩ་སྦུར་མེ་ལྕེས་བསྲེགས་པ་བཞིན༔ རྗེས་ཤུལ་མེད་པར་བརླག་པར་བསམ༔ རྩ་སྔགས་མཐར། སརྦ་ཤ་ཏྲཱུན་བིགྷྣཱན་མཱ་ར་ཡ་བྷྱོ་བྷྱོ་ཟློག་ཟློག་བྷྱོ་ཟློག་ཅིག༔ ཅེས་སྦྱར་ལ་བཟླ། བསད་དམིགས་ནི། དཔལ་ཆེན་ཁྲག་འཐུང་དཀྱིལ་འཁོར་ལྷ༔ དྲག་ཤུལ་ཁྲོས་པའི་སྐུ་རུ་བཞེངས༔ ལས་བྱེད་ཕོ་ཉ་མཚོན་ཆའི་ཆར༔ ཐོག་སེར་མེ་རླུང་དང་བཅས་སྤྲོས༔ དགྲ་བགེགས་དགུགས་བསྟིམ་དབབ་པ་དང་༔ དབྱེ་དང་མངོན་སྤྱོད་ནན་ཏུར་གྱིས༔ གདུག་པ་ཅན་རྣམས་དབྱིངས་སུ་བསྟིམ༔ དྭངས་མ་བསྲེ་ཞིང་སྙིགས་མ་བསྒྲལ༔ བར་མ་རང་ལ་བསྟིམས་བྱས་ཏེ༔ བདག་ཕུར་འབེན་གསུམ་དབྱེར་མེད་པ༔ ཆོས་ཉིད་མཉམ་པའི་ངང་དུ་བརྡལ༔ རྩ་སྔགས་མཐར། སརྦ་ཤ་ཏྲཱུན་བིགྷྣཱན་བྷཱུ་ཏ་པྲེ་ཏ་པི་ཤ་ཙི་ན་བྷིནྡྷ་བྷིནྡྷ་ཧ་ན་ཧ་ན་པ་ཙ་པ་ཙ་ད་ཧ་ད་ཧ་དཱི་ན་མེ་ཀེ་ན་མཱ་ར་ཡ་ཕཊཿ ཞེས་བཏགས་པ་བཟླས་ལ་ཐུན་དང་ཟོར་རྫས་ལ་སྔགས། དེ་དག་གི་གཙོ་བོ་ཏིང་ངེ་འཛིན་སྲུང་བཟློག་བསད་པ་སྟེ་ཟོར་གཏོར་སོགས་བཅས་བཤམས་མ་གྲུབ་ཀྱང་སྲུང་བཟློག་གི་དམིགས་བཟླས་འདི་དག་བདག་བསྐྱེད་ཀྱི་རྣལ་འབྱོར་ལ་སྦྱར་བས་ཀྱང་རུང་ཞིང་དགོས་པའི་དོན་འགྲུབ་ལ། ཐུན་མཐར་དབྱངས་གསལ་རྟེན་སྙིང་དང༌། མཆོད་བསྟོད། ཡིག་བརྒྱ། བཀའ་གཏེར་སྲུང་མའི་གསོལ་བསྐང༌།

ཚོགས་མཆོད་བསྐང་བཤགས་བཅས་གྲུབ་པ་དང༌། བཟློག་པའི་ལས་རིམ་དངོས་ཀྱི་ཐོག་མར་ཐུགས་དམ་བསྐུལ་བ་ནི། ཧཱུྃ༔ ཆོས་ཉིད་གདོད་ནས་སྐྱེ་བ་མེད་པ་ལས༔ སྙིང་རྗེ་ཆེན་པོས་སྐྱེ་བའི་སྐུར་བསྟན་པ༔ རྩ་གསུམ་རྒྱལ་བ་མ་ལུས་འདུས་པའི་དངོས༔ དྲག་པོའི་ལས་མཛད་ཀརྨ་ཐོད་ཕྲེང་རྩལ༔ གཙོ་འཁོར་སྤྲུལ་པ་བཀའ་སྡོད་བཅས་པ་ཀུན༔ དུས་ལས་ཡལ་ཡོལ་དབྲི་བཀོལ་མི་མཛད་པ༔ ཆོས་དབྱིངས་ཡེ་ཤེས་གསལ་བའི་ངང་ཉིད་ལས༔ ཐུགས་དམ་དབང་གིས་ཁྲོས་འཁྲུགས་སྐུར་བཞེངས་ཏེ༔ གདུག་ཅན་དགྲ་བགེགས་གཏུམ་པོ་ཕམ་མཛད་ཕྱིར༔ འཁོར་བཅས་ཐ་ཚིག་གཉན་པོའི་དུས་ལ་བབས༔ གསོལ་ཡང་མི་དགོངས་བསྐུལ་ཡང་མི་བགྱིད་ན༔ ཐུགས་དམ་ཞལ་བཞེས་དམ་བཅའ་བརྫུན་དུ་ཐལ༔ དེ་ཕྱིར་ཡེ་ཤེས་ཆེན་པོའི་རྩལ་བསྐྱེད་ལ༔ མངོན་སྤྱོད་དམོད་པའི་ཕྲིན་ལས་ཡོངས་གྲུབ་མཛོད༔ གསེར་སྐྱེམས་དང་གཟུ་དཔང་ནི། རྃ་ཡྃ་ཁྃ། གསེར་སྐྱེམས་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། རིག་འཛིན་རྩ་བརྒྱུད་བླ་མ་དམ་པ་དང༌། །བདེ་གཤེགས་ཀུན་འདུས་ཞི་ཁྲོ་རབ་འབྱམས་ལྷ། ཁྱད་པར་ཀརྨ་ཐོད་ཕྲེང་ལྷ་ཚོགས་རྣམས། །གསེར་སྐྱེམས་བདུད་རྩིའི་མཆོད་པ་འདི་བཞེས་ལ། །གཟུ་དང་དཔང་མཛོད་མངོན་སྤྱོད་ལས་ལ་བཞེངས། །དཔལ་མགོན་མ་ནིང་ལེགས་ལྡན་སྔགས་ཀྱི་སྲུང༌། །དྲེགས་པའི་སྡེ་དཔོན་སུམ་ཅུ་ཡབ་ཡུམ་སྲས། །བཀའ་ཉན་བྲན་གཡོག་མངགས་བཞུགས་བཅས་པ་རྣམས། །གསེར་སྐྱེམས་བདུད་རྩིའི་མཆོད་པ་འདི་བཞེས་ལ། །གཟུ་དང་དཔང་མཛོད་མངོན་སྤྱོད་ལས་ལ་བཞེངས། །སྔགས་འཆང་བདག་གི་རིགས་ཀྱི་སྲུང་མ་དང༌། །ས་ཕྱོགས་འདི་ཡི་ཡུལ་གཞི་གནས་ཀྱི་བདག །ལོ་ཟླ་ཞག་དུས་ཚེས་ལ་དབང་བའི་ལྷ། །གསེར་སྐྱེམས་བདུད་རྩིའི་མཆོད་པ་འདི་བཞེས་ལ། གཟུ་དང་དཔང་མཛོད་མངོན་སྤྱོད་ལས་ལ་བཞེངས། བྲུབ་ཁུང་བསྐྱེད་པ་ནི། ཨེ་ཡྃ་རྃ་ཡོངས་སུ་གྱུར་པ་ལས་དྲག་པོའི་བཙོན་ཁང་གཏིང་རིང་བ། དུག་ལྔའི་རང་གཟུགས་འབྱུང་བ་ལྔ་འཁྲུག་ཅིང་ཕྱི་ནང་དུ་གཤིན་རྗེའི་དམག་ཚོགས་མཚོན་ཆ་སྣ་ཚོགས་འཛིན་པ་རྒྱོབ་སོད་ཀྱི་སྒྲ་སྒྲོགས་པ་འཇིགས་སུ་རུང་བ། དེའི་ནང་དུ་དགྲ་བགེགས་བྱད་མ་ཉམ་ཐག་པའི་ལུས་ཅན་ངུ་འབོད་ལྷང་ལྷང་པ་ཞིག་ཏུ་གྱུར། བདེན་སྟོབས་བརྗོད་ཅིང་འགུག་པ་ནི། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང༌། སངས་རྒྱས་ཀྱི་བཀའ་བདེན་པ་དང༌། ཆོས་ཀྱི་བཀའ་བདེན་པ་དང༌། དགེ་འདུན་གྱི་བཀའ་བདེན་པ་དང༌། གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང༌། ཆོས་ཀྱི་གདོད་ནས་སྟོང་ཀྱང་ཆོས་ཅན་རྒྱུ་འབྲས་བསླུུ་བ་མེད་པའི་བདེན་པ་དང༌། ཁྱད་པར་དུ་རྩ་གསུམ་ཀུན་འདུས་དྲག་པོའི་ལས་མཛད་གུ་རུ་ཀརྨ་ཐོད་ཕྲེང་རྩལ་ལྷ་ཚོགས་འཁོར་དང་བཅས་པའི་བཀའ་བདེན་པ་དང༌། བདེན་པ་ཆེན་པོའི་མཐུ་ལ་བརྟེན་ནས། བསྟན་དང་འགྲོ་བའི་སྤྱི་དགྲ། ཁྱད་པར་དུ་རིག་པ་འཛིན་པ་བདག་ཅག་ཡོན་མཆོད་འཁོར་དང་བཅས་པ་རྣམས་ལ་སྔ་དགྲ་ལག་གིས་བརྡར་བ། ཕྱི་དགྲ་ཡིད་ལ་བསམ་པ། ད་དགྲ་ཐད་དུ་འཛུགས་པའི་གཟུགས་ཅན་སྡང་བའི་དགྲ་དང༌། གཟུགས་མེད་གནོད་བྱེད་བགེགས་ཀྱི་ཚོགས་དང་བཅས་པ་ཐམས་ཅད་སྲིད་པ་གསུམ་གྱི་ཁོངས་གར་གནས་གར་བྲོས་ཀྱང་སྐད་ཅིག་ཡུད་ཙམ་ལ་དམིགས་པའི་རྟེན་འདི་ལ་ཁུག་ཅིག །རྩ་སྔགས་མཐར། དགྲ་བགེགས་བྱད་མ་གྲྀཧྞ་གྲྀཧྞ༔ བྷནྡྷ་བྷནྡྷ༔ ཨཱ་ཀརྵ་ཡ༔ ཨཱ་ཀརྵ་ཡ༔ ནཱ་ཤ་ཡ༔ ནཱ་ཤ་ཡ༔ ཧ་ར་ཧ་ར༔ མོ་ཧ་ཡ་མོ་ཧ་ཡ། ཛཿཧཱུྃ་བཾ་ཧོཿ ཞེས་བཏགས་ལ་ལན་གསུམ་གྱིས་བཀུག

།བསྒྲལ་བ་དངོས་ནི། ལས་ཕུར་བསྒྲིལ་ལ། ཧཱུྃ༔ ཀརྨ་ཐོད་ཕྲེང་གསོད་བྱེད་ཕོ་ཉ་ཆེ༔ ཤིན་ཏུ་མི་བཟད་ཡཀྴ་ཧེ་རུ་ཀ༔ ཕྱག་གཡས་རྣོ་དབལ་གདུག་པའི་ཕུར་བུ་འདྲིལ༔ གཡོན་པས་འཆོར་མེད་ལྕགས་ཀྱུ་རྣོན་པོ་གདེངས༔ དགྲ་བགེགས་གནོད་བྱེད་གདུག་ཅིང་གཏུམ་པའི་ཚོགས༔ ལྕགས་ཀྱུས་ཟུང་ལ་ཕུར་བུས་སྙིང་གར་ཐོབ༔ ཚེ་བསོད་དྭངས་མ་སྒྲུབ་མཆོག་རྣམས་ལ་སྟིམས༔ རྣམ་ཤེས་རྡོ་རྗེ་སེམས་དཔའི་སྲས་སུ་དྲངས༔ གཟུགས་ཕུང་རྡུལ་ཕྲན་བཞིན་དུ་དུམ་བུར་གཏུབས༔ མངོན་སྤྱོད་སྟོབས་ཀྱི་ཕྲིན་ལས་ཡོངས་རྫོགས་མཛོད༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཀརྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ བཛྲ་ཡཀྴ་ཀཱི་ལི་ཀཱི་ལ་ཡ་སརྦ་དུཥྟན་ཨཱ་ཡུར་པུཎྱེ་ཛཿབྷྲཱུྃ་ནྲྀ་ཏྲི་བིནྡྷ་ཨ་ཕཊཿ བྷིནྡྷ་བྷིནྡྷ་མཱ་ར་ཡ་རྦད༔ ཞེས་ཚེ་ཁྲུས་ཀྱི་དགོངས་པ་དང་ལྡན་པས་ཕུར་པ་བཏབ། སླར་ཕུར་རྩེ་ལས་ཐུན་རྫས་སྣ་ཚོགས་ཀྱི་ཆར་འབེབས་པར་བསམ་ལ། ཨེཿ ཁྲོ་རྒྱལ་འདུས་པ་ཡུངས་ཀར་ཐོགས༔ མ་མོ་ཁྲག་གི་རྦ་རླབས་འཁྲུགས༔ ཀླུ་བདུད་དུག་གི་ཁ་ཆུ་འབེབས༔ ཐིབས་གནོན་གདུག་པ་རྡོ་རྗེའི་མཚེ༔ གཟའ་རྒོད་མིག་དམར་གཟེར་མདའ་འཕེན༔ གཤིན་རྗེ་སྲོག་གཅོད་ཟངས་ལྕགས་ཆར༔ མཚོན་ཆ་སྣ་ཚོགས་རྡོ་ཡི་ཐུན༔ འབེབས་པ་ཟིལ་གནོན་སྤྲུལ་པས་འབེབས༔ འབེན་ནི་དགྲ་དང་བགེགས་ལ་བཅས༔ ཉམས་པའི་ལུས་སེམས་རྡུལ་དུ་རློག༔ ཅེས་དང༌། རྡོ་རྗེ་ཕུར་པ་ཀཱི་ལ་ཡ༔ བཏབ་པས་འཁོར་འདས་མཐའ་གཉིས་བསྒྲལ༔ དགྲ་བགེགས་སྟེང་དུ་ཕུར་ཐུན་ཡ༔ རྩ་སྔགས་ཀྱི་མཐར༔ ཨེ་མྱག་ཡ་རྔུབས་མུག་ཤག་ཀ་དུན༔ དགྲ་བོའི་སྲོག་ལ་ཧྲཱིང་ཧུར་ཐུམ་ཛ་རྩ་ཁྲག་སྙིང་ཐུམ་རིལ་རྃ་ཤག་རྦད༔ སྲོག་ཐུམ་རིལ་ཛ་རྩ་ཁྲག་ཧུར་རྃ༔ སྙིང་ཐུན་རྦད་སྲོག་ལ་མཱ་ར་བྷྱོ༔ ཞེས་དྲག་ཏུ་བརྗོད་ལ་ཕུར་བུ་བསྒྲིལ་ཞིང་ཐུན་བརྡེག མཐར་ཕུར་པ་འོད་དུ་ཞུ་ཧཱུྃ་ཡིག་ཏུ་གྱུར་པ་བདག་ལ་ཐིམ་པས་མཐུ་རྩལ་དང་ལྡན་པར་གྱུར༔

རལ་གྲིས་གཏུབ་ལ། ཟོར་གཏོར་དུ་ལིང་རོ་ཕུལ་ལ། ཧཱུྃ༔ ཀརྨ་ཐོད་ཕྲེང་ལྷ་ཚོགས་ཞལ་ཕྱེས་ཤིག༔ དགྲ་བགེགས་འབྱུང་པོ་བསྒྲལ་བའི་ཤ་ཁྲག་རུས༔ བདེ་ཆེན་རྡོ་རྗེའི་ལོངས་སྤྱོད་ཆེན་པོར་བཞེས༔ དུག་གསུམ་རྩད་ནས་གཅོད་པའི་ཕྲིན་ལས་མཛོད༔ སརྦ་ཤ་ཏྲཱུན་བིགྷྣཱན་མ་ཧཱ་མཱྃ་ས་རཀྟ་ཀིཾ་ནི་རི་ཏི་ཁ་ཁ་ཁཱ་ཧི་ཁཱ་ཧི༔ ཚོགས་ལ་རོལ་ཞིང༌། ལྷག་མ་བཏང་ལ་བཟློག་པའི་ཕྲིན་ལས་དངོས་ནི། གཏོར་ཆུང༌། ལིང་རོ། ཤ་དུམ། ཁྲག་སྐྱེམས་སོགས་ཟོར་དུ་འབུལ་བཞིན་པས། ཧཱུྃ༔ གཏུམ་ཆེན་དུས་མཐའི་མེ་ལྟར་རབ་འབར་བའི༔ མངོན་སྤྱོད་དྲག་ཤུལ་རོལ་པའི་དཀྱིལ་འཁོར་ནས༔ རྩ་གསུམ་རྒྱལ་བ་མ་ལུས་འདུས་པའི་དངོས༔ དྲག་པོའི་ལས་མཛད་ཀརྨ་ཐོད་ཕྲེང་རྩལ༔ གཙོ་འཁོར་སྤྲུལ་པར་བཅས་པ་དབྱིངས་ནས་བཞེངས༔ དགྲ་བགེགས་ཤ་ཁྲག་རུས་པའི་གཏོར་མ་བཞེས༔ ཁྲོས་འཁྲུགས་རྔམས་པ་འབར་བའི་ཤུགས་བསྐྱེད་ལ༔ རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི༔ གཟུང་འཛིན་འཁྲུལ་པའི་གཞན་དབང་ལས་བྱུང་བའི༔ ལུས་ཀྱི་བཞི་བརྒྱ་རྩ་བཞིའི་ནད་ཀུན་ཟློག༔ སེམས་ཀྱི་འཁྲུལ་སྣང་དངོས་ཞེན་སྡུག་བསྔལ་ཟློག༔ བྱད་ཀ་ཕུར་ཁ་བྱོལ་ཁ་རྦོད་གཏོང་ཟློག༔ གཟུགས་ཅན་དགྲ་ཡི་འཚེ་བ་ཐམས་ཅད་ཟློག༔ གཟུགས་མེད་ལྷ་འདྲེའི་ཆོ་འཕྲུལ་བར་ཆད་ཟློག༔ ས་ཆུ་མེ་རླུང་འབྱུང་བཞི་དགྲར་ལངས་ཟློག༔ འཇིགས་པ་ཆེན་པོ་བརྒྱད་དང་བཅུ་དྲུག་ཟློག༔ མཐའ་དམག་དུས་འཁྲུགས་བསྟན་ལ་འཚེ་བ་ཟློག༔ ཕྱི་ནང་རྩོད་འཛིངས་འགྲོ་བའི་རྐྱེན་ངན་ཟློག༔ གློ་བུར་ཀེག་སྲི་བར་ཆད་ཐམས་ཅད་ཟློག༔ བཟློག་གོ་དྲག་པོ་ཟོར་གྱི་གཏོར་མས་ཟློག༔ བསྒྱུར་རོ་མི་མཐུན་དགྲ་བགེགས་སྟེང་དུ་བསྒྱུར༔ བཟློག་སྒྱུར་བཅོལ་བའི་ཕྲིན་ལས་འགྲུབ་པར་མཛོད༔ སརྦ་ཤ་ཏྲཱུན་བིགྷྣཱན་མ་ར་ཡ་བྷྱོ་བྷྱོ་ཟློག་ཟློག་བྷྱོ་ཟློག་ཅིགཿ ཅུང་ཟད་རྒྱས་པར་སྤྲོ་ན། ཧཱུྃ༔ གཏུམ་ཆེན་དུས་མཐའི་མེ་ལྟར་རབ་འབར་བའི༔ མངོན་སྤྱོད་དྲག་ཤུལ་རོལ་པའི་དཀྱིལ་འཁོར་ནས༔ ཞི་བའི་ལས་མཛད་བཛྲ་ཧ་ཡ་གྲྀ༔ གཙོ་འཁོར་སྤྲུལ་པར་བཅས་པ་དབྱིངས་ནས་བཞེངས༔ དགྲ་བགེགས་ཤ་ཁྲག་རུས་པའི་གཏོར་མ་བཞེས༔ སོགས་བཟློག་བྱང་སྦྱར། དེའི་འགྲེས་ཏེ། ཧཱུྃ༔ གཏུམ་ཆེན་དུས་མཐའི་མེ་ལྟར་རབ་འབར་བའི༔ མངོན་སྤྱོད་དྲག་ཤུལ་རོལ་པའི་དཀྱིལ་འཁོར་ནས༔ རྒྱས་པའི་ལས་མཛད་རཏྣ་ཧ་ཡ་གྲྀ༔ གཙོ་འཁོར་སྤྲུལ་པར་བཅས་པ་དབྱིངས་ནས་བཞེངས༔ དགྲ་བགེགས་ཤ་ཁྲག་རུས་པའི་གཏོར་མ་བཞེས༔ སོགས། ཧཱུྃ༔ གཏུམ་ཆེན་དུས་མཐའི་མེ་ལྟར་རབ་འབར་བའི༔ མངོན་སྤྱོད་དྲག་ཤུལ་རོལ་པའི་དཀྱིལ་འཁོར་ནས༔ དབང་གི་ལས་མཛད་པདྨ་ཧ་ཡ་གྲྀ༔ གཙོ་འཁོར་སྤྲུལ་པར་བཅས་པ་དབྱིངས་ནས་བཞེངས༔ དགྲ་བགེགས་ཤ་ཁྲག་རུས་པའི་གཏོར་མ་ཞེས༔ སོགས༴ ཧཱུྃ༔ གཏུམ་ཆེན་དུས་མཐའི་མེ་ལྟར་རབ་འབར་བའི༔ མངོན་སྤྱོད་དྲག་ཤུལ་རོལ་པའི་དཀྱིལ་འཁོར་ནས༔ དྲག་པོའི་ལས་མཛད་ཀརྨ་ཧ་ཡ་གྲྀ༔ གཙོ་འཁོར་སྤྲུལ་པར་བཅས་པ་དབྱིངས་ནས་བཞེངས༔ དགྲ་བགེགས་ཤ་ཁྲག་རུས་པའི་གཏོར་མ་བཞེས༔ སོགས༴ ཧཱུྃ༔ གཏུམ་ཆེན་དུས་མཐའི་མེ་ལྟར་རབ་འབར་བའི༔ མངོན་སྤྱོད་དྲག་ཤུལ་རོལ་པའི་སྒོ་བཞི་ནས༔ ཚད་མེད་ཕྲིན་ལས་རིགས་བཞིའི་དཔའ་བོ་ཡུམ༔ དགྲ་བགེགས་ཤ་ཁྲག་རུས་པའི་གཏོར་མ་བཞེས༔ སོགས༴

བཟློག་བྱང་ཀུན་རྫོགས་པའི་མཐར་བཟློག་སྔགས་ཅུང་ཟད་བཟླས་ལ། དཀྱིལ་འཁོར་ལྷ་ཚོགས་ཐམས་ཅད་ཀུན༔ ཁྲོས་འཁྲུགས་རྔམས་པའི་གཟི་བྱིན་བསྐྱེད༔ འོད་ཟེར་སྤྲུལ་པས་སྟོང་གསུམ་གང་༔ མི་མཐུན་རྡུལ་དུ་བརླག་པར་བསམ༔ ཞེས་དམིགས་བཟློག་པ་ཞག་གྲངས་བྱེད་ན་འདི་ནས་ཟོར་བསྐུལ་གྱིས་ཐུན་གཏོར་འབུལ་ཞིང༌། ཆད་བརྟན་སོགས་རྗེས་རིམ་རྣམས་བྱ། ཉིན་ཐ་མའི་མཐར་ཟོར་དཀྱིལ་ལ་མཆོད་བསྟོད་དང་ཡིག་བརྒྱས་ནོངས་པ་བཤགས། ཧཱུྃ་ཕཊ་ཛཿ མདུན་བསྐྱེད་ཡེ་ཤེས་ཀྱི་འཁོར་ལོ་ནམ་མཁའི་དབྱིངས་སུ་བཞུགས་དམ་ཚིག་པ་བདག་ལ་ཐིམ། སླར་ཡང་གཏོར་ཆེན་ཟོར་རྫས་དང་བཅས་པ་སྐད་ཅིག་གིས་དྲག་པོའི་ལས་མཛད་ཀརྨ་ཐོད་ཕྲེང་རྩལ་དྲེགས་པ་ལྷ་སྲིན་སྡེ་བརྒྱད་ཀྱི་དམག་ཚོགས་ཁྲོ་གཏུམ་འཇིགས་པའི་གཟུགས་ཅན་སྲིད་གསུམ་གང་བ་ནད་མཚོན་དུག་གི་ཆར་འབེབས་པས་དགྲ་བོ་སྒྲོལ་བའི་ལས་ལ་རྔམས་པར་གྱུར། ཅེས་དམིགས་ལ། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཀརྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ སརྦ་ཤ་ཏྲཱུན་བིགྷྣཱན་བྷུ་ཏ་པྲི་ཏ་པི་ཤ་ཙ་ན་བྷིནྡྷ་བྷིནྡྷ་ཧ་ན་ཧ་ན་པ་ཙ་པ་ཙ་ད་ཧ་ད་ཧ་དཱི་ན་མེ་ཀེ་ན་མཱ་ར་ཡ་ཕཊཿ ཅེས་ཅུང་ཟད་བཟླ། དམར་གཏོར་ཤ་ཁྲག་དང་བཅས་པ་ལ་དགྲ་བགེགས་འགུགས་བསྟིམ་བྱ། རྩ་སྔགས་གཤམ་དུ་གཏོར་སྔགས་བཏགས་པ་ལན་གསུམ་གྱིས་འབུལ། ཧཱུྃ་བྷྱོ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔ ཕྲིན་ལས་རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་རབ་འཇིགས་སྐུར་སྟོན་པ༔ ཁྲག་འཐུང་ཡོངས་རྫོགས་དྲག་པོའི་ཕྲིན་ལས་མཛོད༔ ཟོར་ལམ་བསལ་ཞིང་སྒོ་དབྱེ་བ་ནི། ཧཱུྃ༔ ཕྱོགས་བཞི་མཚམས་བརྒྱད་སྟེང་འོག་ན༔ གནས་པའི་སྣང་སྲིད་ལྷ་འདྲེའི་ཚོགས༔ གསེར་སྐྱེམས་མཆོད་པ་འདི་བཞེས་ལ༔ རིག་འཛིན་བདག་གི་བཀའ་ལ་ཉོན༔ དམར་ཆེན་དྲག་པོའི་གཏོར་ཟོར་འདི༔ ལྷ་སྲིན་ཚོགས་ལ་འཕེན་སྙམ་སྟེ༔ དཀར་པོའི་ཕྱོགས་ལ་མི་འཕེན་ནོ༔ ཁྱེད་རྣམས་རང་རང་གནས་ལ་གཤེགས༔ ཧཱུྃ༔ རྣལ་འབྱོར་ཟོར་འཕེན་གང་དུ་འཕེན༔ སྡང་དགྲ་གནོད་བགེགས་ཕྱོགས་སུ་འཕེན༔ ཕྱོགས་དེར་གནས་པའི་གཞི་བདག་རྣམས༔ སྐུ་བཟུར་དབུ་སྨད་ཞབས་སྡུས་ལ༔ དོ་ནུབ་ཟོར་གྱི་ཟོར་ལམ་ཕྱེས༔ འཁོར་བཅས་དྲག་པོའི་དམག་སྣ་དྲོངས༔ སྡང་དགྲ་གནོད་བགེགས་ཕྱོགས་སུ་ཁྱེར༔ དཔའ་བོའི་འཁྲུལ་འཁོར་དེར་ཤོམས་ཤིག༔ ཅེས་བསྐུལ་ཞིང་གསེར་སྐྱེམས་འཕེན་ཕྱོགས་སུ་མཆོད། ལས་བྱང་གི་ཆད་ཐོ་བསྒྲགས་ལ་གཏོར་མ་ཟོར་ནང་འབུལ། ཧཱུྃ༔ ཀརྨ་ཐོད་ཕྲེང་དཀྱིལ་འཁོར་ལྷ་ཚོགས་རྣམས༔ མ་གཡེལ་མ་གཡེལ་ཐུགས་དམ་དུས་ལ་བབ༔ གཏོར་ཟོར་ནད་མཚོན་དུག་གི་ཆར་ཆེན་པོ༔ རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི༔ བྱང་ཆུབ་སྒྲུབ་ལ་བར་དུ་གཅོད་བྱེད་པའི༔ སྡང་དགྲ་གནོད་བགེགས་བྱད་མའི་སྟེང་དུ་ཕོབ༔ གསང་བའི་དགྲ་གསུམ་ཀ་དག་དབྱིངས་སུ་སོད༔ འཇིགས་པའི་བདུད་བཞི་འོད་གསལ་ཕྱག་རྒྱས་ཐོབ༔ བར་ཆད་འཕྲང་གསུམ་ཡེ་ཤེས་རལ་གྲིས་ཆོད༔ ཆགས་ཆེ་ཉམ་ང་མི་མཐུན་ཕྱོགས་ཀུན་ཟློག༔ དགྲ་དཔུང་ཐུལ་ལ་བགེགས་དཔུང་རྩད་ནས་ཆོད༔ མངོན་སྤྱོད་དམོད་པའི་ཕྲིན་ལས་ཡོངས་རྫོགས་མཛོད༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཀརྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ སརྦ་ཤ་ཏྲཱུན་བིགྷྣཱན་བྷུ་ཏ་པྲི་ཏ་པི་ཤ་ཙ་ན་བྷིནྡྷ་བྷིནྡྷ་ཧ་ན་ཧ་ན་པ་ཙ་པ་ཙ་ད་ཧ་ད་ཧ་དཱི་ན་མེ་ཀེ་ན་མཱ་ར་ཡ་ཕཊཿ ཟོར་རྫས་དུག་མཚོན་ཆར་ཕབ་པའི༔ རྗེས་སུ་ཡེ་ཤེས་ཁྲོ་བོའི་ཚོགས༔ དཔུང་དང་བཅས་པ་རབ་ཏུ་ཆས༔ དགྲ་དཔུང་བདུན་བརྒྱུད་རྩད་ནས་བཅད༔ བགེགས་དཔུང་ཐལ་བར་བརླག་པར་བསམ༔ བཟློག་སྔགས་བཟླ་ཞིང་ཐལ་རྡེབ་བྱ། སྲུང་འཁོར་སྒོམ། སྒོ་དྲུང་ཕྱིན་ལ་བརྟན་མ། རྟ་བྲོ་བྱ། ནང་དུ་ཕྱིན་ནས་ཟོར་དཀྱིལ་ལ་མཆོད་བསྟོད་ནོང་བཤགས་དངོས་གྲུབ་བླང་བ་རྟེན་བཞུགས། བསྡུ་ལྡང་དགེ་བསྔོ་ཤིས་བརྗོད་བཅས་བྱས་པས་གྲུབ་པའོ།

།གཏོར་བཟློག་དང་དབང་གི་མེ་མཆོད་གཉིས་མཐའ་གཅིག་ཏུ་དབང་ལ་དགོས་ངེས་མེད་ཀྱང་འཇུག་པ་བདེ་བས་ཉེར་མཁོའི་ཆེད་ཞར་བྱུང་བཀླག་ཆོག་ཏུ་བསྡེབས་པའོ། །ཟོར་ལས་དང་འབྲེལ་བའི་དབང་བྱེད་ན་བཟློག་པའི་རྗེས་དབང་བསྐུར་ཏེ་ཟོར་འཕེན་པ་སོགས་དབང་གི་སྐབས་སུ་བྱ་དགོས་ལ། དབང་སྐབས་ལོ་རྒྱུས་ཀྱི་ཁྱད་པར། དེ་ལ་འདིར་དཔལ་ཨོ་རྒྱན་ཆོས་ཀྱི་རྒྱལ་པོ་ཉིད་ཆོས་སྐུའི་སངས་རྒྱས་ཐམས་ཅད་ཀྱི་དགོངས་ཀློང་གཅིག་ཏུ་འཁྱིལ་བའི་བདག་ཉིད་ཆེན་པོ་པདྨ་ཀུན་ཏུ་འཆང༌། ལོངས་སྐུའི་སངས་རྒྱས་ཐམས་ཅད་ཀྱི་སྐུ་དང་ཡེ་ཤེས་རྒྱ་མཚོའི་སྤྲོ་བསྡུས་བྱེད་པོར་དབང་བསྐུར་བ་གཟི་བརྗིད་ཚེ་འོད་དཔག་མེད། སྤྲུལ་སྐུའི་སངས་རྒྱས་ཐམས་ཅད་ཀྱི་རྨུ་རྒོད་གདུལ་དཀའ་ཉོན་མོངས་རགས་ཤིང་སྡུག་བསྔལ་ཆེ་བའི་ཡིད་ཅན་འདུལ་བའི་སྙིང་རྗེ་དང་ཐུགས་བསྐྱེད་སྨོན་ལམ་གྱི་གོ་ཆ་ལ་སངས་རྒྱས་ཀུན་ལས་ཁྱད་པར་འཕགས་པ་སྟོན་པ་རྫོགས་པའི་སངས་རྒྱས་ཤཱཀྱའི་རྒྱལ་པོ་ཉིད་སླར་ཡང་སྔགས་ཀྱི་སྟོན་པ་རྡོ་རྗེ་སློབ་དཔོན་གྱི་སྐུར་བཞེངས་པ་པདྨ་འབྱུང་གནས་ཏེ། རྒྱལ་བའི་རྣམ་འཕྲུལ་དང་སྤྱོད་ཡུལ་བསམ་གྱིས་མི་ཁྱབ་པ་སྤྲུལ་གཞི་ནུབ་ཕྱོགས་བདེ་ལྡན་ཞིང་དུ་བཀྲ་ཤིས་འོ་མའི་རྒྱ་མཚོར་གུ་རུ་ཉིད་ཀྱི་ཐུགས་ཡེ་ཤེས་ལྔ་ཡི་རང་མདངས། གུ་རུ་ཐོད་ཕྲེང་སྡེ་ལྔའི་བཀོད་པས་ཞི་རྒྱས་དབང་དྲག་མཆོག་གི་ཕྲིན་ལས་མཐར་ཕྱིན་པར་མཛད་པ་ལས། འདིར་དྲག་པོའི་ལས་མཛད་ཀརྨ་ཐོད་ཕྲེང་རྩལ་གྱི་སྒོས་སྒྲུབ་རྩ་གསུམ་འོད་གསལ་སྙིང་ཐིག་གི་ཆོས་སྡེ་ལས་བྱོན་པའི་དབང་བསྐུར་བགྱི་བ་སྟེ། མངོན་སྤྱོད་དྲག་པོའི་ལས་ནི་སངས་རྒྱས་ཀྱི་ཕྲིན་ལས་ཀུན་ལས་ངོ་མཚར་ཁྱད་དུ་འཕགས་པ་སྟེ། དྲག་པོ་མཆོག་གི་ལས་ནི། གདུལ་བྱ་སེམས་ཅན་གྱི་ཉོན་མོངས་ཇི་ཙམ་རགས་བཞིན་སངས་རྒྱས་ཀྱི་ཕྲིན་ལས་དེ་ཙམ་མྱུར་ཞིང་སྟོབས་ཆེ་བ་ཆོས་ཉིད་ཡིན་པས། སྙིགས་དུས་སེམས་ཅན་རྣམས་རྒྱུ་ཉོན་མོངས་དུག་གསུམ་འབྲས་བུ་ནད་མཚོན་དུག་གི་དབལ་ཚ་བ་ལ་ཆེད་དུ་བསྔགས་པའི་གཉེན་པོ་ནི། གསང་སྔགས་བླ་མེད་ཀྱི་རྒྱུད་དེ། སྔོན་དུག་གསུམ་རང་རྒྱུད་དུ་སྤྱོད་པའི་རུ་ཏྲ་སྡེ་གསུམ་བྱུང་བ་དཔལ་ཆེན་པོའི་ཡེ་ཤེས་ཀྱི་རོལ་པས་ཐབས་ཀྱི་ཆེ་བ་སྦྱོར་སྒྲོལ་གྱི་མཛད་པས་བཏུལ་བ་སྔགས་གསར་རྙིང་གི་རྒྱུད་སྡེ་ཐམས་ཅད་ཀྱི་གླེང་གཞི་ལས་འབྱུང་ཞིང༌། ཁྱད་པར་སངས་རྒྱས་གཉིས་པ་སློབ་དཔོན་ཆེན་པོ་ནི་ཕྲིན་ལས་ཀྱི་གཙོ་བོ་དབང་དྲག་གི་བཀའ་བབས་པ་ལྟར་མཛད་པའི་རྟེན་འབྱུང་གིས། བརྒྱུད་འཛིན་རིག་འཛིན་གྲུབ་ཐོབ་སྤྲུལ་པའི་གཏེར་སྟོན་ཐམས་ཅད་ཀྱང༌། མངོན་སྤྱོད་དམོད་པའི་སྟོབས་རྩལ་འཆང་བས་གནུབས་ཆེན་སངས་རྒྱས་ཡེ་ཤེས་ཀྱིས་སྡིགས་མཛུབ་ཀྱིས་ཐོག་ཕབ་པས་སྡིག་སྤྱོད་རྒྱལ་པོ་གླང་དར་དཔའ་བཀོང་བ་དང༌། གསང་བདག་ཟུར་པ་མེས་དབོན་གྱི་བསད་གསོའི་བརྟུལ་ཞུགས་གྲུབ་པ་ལྟར་ཡིན་ལ། ཁྱད་པར་གུ་རུ་རིན་པོ་ཆེ་ཉིད་ངེས་པའི་དོན་དུ་སངས་རྒྱས་ཀུན་གྱི་སྤྱི་གཟུགས་སུ་གྱུར་ཅིང༌། རྣམ་པ་ཙམ་དུ་ཡང་ཕྲིན་ལས་ཀྱི་རིགས་ཁྲོ་རྒྱལ་རྡོ་རྗེ་ཕུར་པ་ལ་བརྟེན་ནས་བོད་ཀྱི་ལྷ་སྲིན་དམ་ལ་བཞག་པ་དང༌། ཕྱག་རྒྱ་ཆེན་པོའི་རིག་འཛིན་སྒྲུབ་པའི་ས་ལམ་གྱི་བར་ཆད་བརྟུལ་བའི་ཐུགས་དམ་གྱི་ལྷའི་ཚུལ་དུ་སྒྲུབ་པར་མཛད་པས་རྡོ་རྗེ་ཐོད་ཕྲེང་རྩལ་ཉིད་དཀྱིལ་འཁོར་གྱི་ལྷར་བརྟེན་ནས་མངོན་སྤྱོད་ཀྱི་ལས་སྒྲུབ་པའི་འགྲུབ་ཐག་ཉེ་ཞིང་ཟབ་ལ་མྱུར་བས་ན་འདིར་དྲག་པོའི་ལས་མཛད་ཀརྨ་ཐོད་ཕྲེང་ལ་བརྟེན་པའི་མངོན་སྤྱོད་དམོད་པའི་རྗེས་གནང་སྒྲུབ་པ་ལ་ཐོག་མར་སྨིན་བྱེད་ཟབ་མོ་ཞུ་བའི་དོན་དུ་མཎྜལ་ཕུལ། བླ་མ་དང་དྲག་པོའི་ལས་མཛད་ཀརྨ་ཐོད་ཕྲེང་ཐ་མི་དད་པའི་སྤྱན་སྔར་སྙིམས་པ་མེ་ཏོག་དང་བཅས་པའི་ཐལ་མོ་སྦྱོར་ལ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། ཧོཿ དཀྱིལ་འཁོར་གཙོ་བོ་རིགས་ཀུན་བདག༔ ཐུགས་རྗེའི་གཏེར་ཆེན་སློབ་དཔོན་གྱིས༔ དྲག་མཛད་ཀརྨ་ཐོད་ཕྲེང་གི༔ སྨིན་གྲོལ་དབང་མཆོག་སྩལ་དུ་གསོལ༔ ལན་གསུམ།

དེ་ནས་ཐོག་མར་རྒྱུད་རྣམ་པར་དག་པར་བྱ་བའི་སླད་དུ། སྐྱབས་ཀྱི་ཡུལ་མདུན་གྱི་ནམ་མཁར་དྲག་མཛད་ཀརྨ་ཐོད་ཕྲེང་རིག་འཛིན་སྒྱུ་འཕྲུལ་དྲྭ་བའི་དཀྱིལ་འཁོར་ལ་རྩ་གསུམ་རྒྱལ་བ་སྲས་དང་བཅས་པས་བསྐོར་ཏེ་སྤྲིན་གཏིབས་པ་བཞིན་བཞུགས་པ་ལ། སྐྱབས་བྱ་བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་སྐྱབས་སུ་འགྲོ་ཚུལ་སྒོ་གསུམ་འཇུག་པ་གཅིག་པས། སྐྱབས་འགྲོའི་རྒྱུ་དེང་ནས་བྱང་ཆུབ་མ་ཐོབ་བར་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་ཏེ་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་ཅི་མཛད་ཁྱེད་མཁྱེན་བློ་གཏད་ལིང་སྐྱུར་གྱིས་སྐྱབས་སུ་འགྲོ་བའི་འདུན་པས་འདིའི་རྗེས་ཟློས། ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཐོག་མེད་དུས་ནས་ཕ་མར་གྱུར་པའི་མཁའ་ཁྱབ་ཀྱི་སེམས་ཅན་ཐམས་ཅད་སྲིད་ཞིའི་མཐའ་གཉིས་ལས་འདས་པ་སྐུ་གསུམ་བླ་མའི་གོ་འཕང་ལ་བདེ་མྱུར་གྱིས་འགོད་པར་བྱ། དེའི་ཕྱིར་དུ་བླ་ན་མེད་པའི་དཀྱིལ་འཁོར་གཉན་པོ་འདིར་འཇུག་ཅིང་དབང་གིས་རྒྱུད་སྨིན་པར་བྱས་ནས་ལམ་རིམ་པ་གཉིས་ཀྱི་ཏིང་ངེ་འཛིན་དང་མ་བྲལ་བས་རྒྱལ་བའི་སྲས་ཀྱི་སྤྱོད་པ་རླབས་པོ་ཆེའི་རྗེས་སུ་སློབ་སྙམ་པས་སྨོན་འཇུག་གི་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་ཁྱད་པར་ཅན་དེ་དག་གི་སྤྱན་སྔར། བདག་སོགས་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་དུ་སྤྲུལ་ནས་སྒོ་གསུམ་གུས་པ་ཆེན་པོའི་ཕྱག་འཚལ་ཞིང༌། ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་རྒྱ་མཚོས་མཆོད་པ་དང༌། སྡིག་ལྟུང་གི་བྱས་བསགས་ལ་འགྱོད་པའི་སེམས་ཀྱིས་བཤགས་སྡོམ་དང༌། ཚོགས་གཉིས་ཀྱི་དགེ་སྤྱོད་ལ་རྗེས་སུ་ཡི་རང་བ། ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་བཞུགས་པར་གསོལ་ཞིང་དགེ་རྩ་བྱང་ཆུབ་ཆེན་པོར་ཡོངས་སུ་བསྔོ་བ་བཅས་བདུན་རྣམ་དག་ཚུལ་བཞིན་བགྱི་བའི་བློས་རྗེས་ཟློས། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དབང་གི་ཡེ་ཤེས་སྐྱེ་བརྟན་གོང་འཕེལ་དུ་འགྱུར་བ་ལ་རྒྱུད་རྣམ་པར་དག་ཅིང་སྡོམ་པ་དང་ལྡན་དགོས་པས། ཚོགས་ཞིང་དེ་རྣམས་དཔང་པོར་བྱས་ཏེ་ཕྱི་སོ་སོ་ཐར་པའི་སྡོམ་པ། ནང་བྱང་ཆུབ་སེམས་ཀྱི་བསླབ་པ། གསང་བ་བླ་མེད་རྡོ་རྗེ་ཐེག་པའི་དམ་ཚིག་རྣམས་ལེགས་པར་བླངས་ནས་ཚུལ་བཞིན་བསྲུང་སྙམ་པས་འདིའི་རྗེས་ཟློས་མཛོད། རྩ་གསུམ་དཀྱིལ་འཁོར་ལྷ་ཚོགས་དང་༔ རྡོ་རྗེ་སློབ་དཔོན་དགོངས་སུ་གསོལ༔ རིག་པ་འཛིན་པ་བདག་གིས་ནི༔ དེང་ནས་བྱང་ཆུབ་སྙིང་པོའི་བར༔ སོ་སོར་ཐར་དང་བྱང་ཆུབ་སེམས༔ རིག་འཛིན་ནང་གི་སྡོམ་པའི་ཚོགས༔ མ་ལུས་ཡོངས་སུ་བཟུང་བར་བགྱི༔ ལན་གསུམ།

དེ་ནས་དབང་གི་གཞི་འགོད་པ་ལ་ཡེ་ཤེས་པ་དབབ་པ་ལ་སྒོ་གསུམ་གྱི་གནད་གཅུན་ལ་ཐུགས་དམིགས་འདི་བཞིན་མཛོད། སློབ་དཔོན་གྱི་ཐུགས་ཀ་ནས་འཕྲོས་པའི་འོད་ཟེར་གྱིས་ཁྱེད་རང་ཕུང་ཁམས་སྐྱེ་མཆེད་ཀྱིས་མཚོན་པའི་སྣོད་བཅུད་ཐམས་ཅད་གྱི་སྣང་ཞེན་དབྱིངས་སུ་སྦྱངས། སྟོང་པའི་ངང་ལས་ཆོས་དབྱིངས་ལྷུན་རྫོགས་བདེ་ཆེན་སྟུག་པོ་བཀོད་པའི་ཞིང་ཁམས་ཕུན་སུམ་ཚོགས་པའི་དབུས་སུ་ཤང་ཤང་གིས་བཏེགས་པའི་རིན་པོ་ཆེའི་ཁྲི་དང་པད་ཟླའི་སྟེང་དུ་ཁྱེད་རང་རྣམས་སྐད་ཅིག་གིས་ཨཱཿ་ཡིག་ཡོངས་སུ་གྱུར་པ་ལས་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་བདག་ཉིད་མ་ཧཱ་གུ་རུ་ཀརྨ་ཐོད་ཕྲེང་རྩལ་སྐུ་མདོག་ལྗང་གསལ་རྔམས་ཤིང་ཁྲོས་པའི་ཉམས་འགྱུར་ཅན་གྱི་མཚན་དཔེ་རབ་ཏུ་རྒྱས་པ། ཞལ་གཅིག་སྤྱན་གསུམ་ཕྱག་གཡས་པས་སྣ་ཚོགས་རྡོ་རྗེ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་འཛིན་ཏེ་ཡུམ་ལ་འཁྱུད་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་ཤིང་དར་དང་རིན་པོ་ཆེའི་རྒྱན་ཆས་ཡོངས་སུ་རྫོགས་པའི་ཡུམ་དམ་ཚིག་སྒྲོལ་མ་ལྗང་གུ་སྣ་ཚོགས་རྡོ་རྗེ་དང་དྲིལ་བུ་འཛིན་པ་གཉིས་མེད་མཉམ་པར་སྦྱོར་བའི་ཡེ་ཤེས་བདེ་བ་ཆེན་པོའི་གཟི་འོད་ཉི་མ་འབུམ་ལྟར་རྒྱས་པའི་ཀློང་དུ་དྲག་པོའི་ལས་མཛད་རྩ་གསུམ་རབ་འབྱམས་སྤྲོ་བསྡུའི་སྒྱུ་འཕྲུལ་བསམ་མི་ཁྱབ་པའི་བདག་ཉིད་ཆེན་པོར་གསལ་བའི་གནས་གསུམ་རྡོ་རྗེ་གསུམ་གྱི་ཡི་གེས་མཚན་པ་དང༌། སློབ་དཔོན་དཀྱིལ་འཁོར་གྱི་མངའ་བདག་མ་ཧཱ་གུ་རུ་ཀརྨ་ཐོད་ཕྲེང་དངོས་སུ་གསལ་བའི་མོས་གུས་དྲག་ཏུ་བསྐྱེད་པས། བླ་མའི་ཐུགས་ཀ་ནས་རྡོ་རྗེའི་ཡེ་ཤེས་འགུགས་པའི་འོད་ཟེར་ལྕགས་ཀྱུའི་རྡུལ་ཕྲན་གྲངས་མེད་པ་ཤར་གྱི་འཕྲོས། ཆོས་དབྱིངས་རྒྱས་པར་བཀང་བའི་སངས་རྒྱས་ཀྱི་ཞིང་རབ་འབྱམས་རྣམས་དང༌། ཁྱད་པར་ལྷོ་ནུབ་པདྨ་འོད་ཀྱི་གཞལ་ཡས་ཁང་ཆེན་པོ་སྒྱུ་འཕྲུལ་བཀོད་པའི་རོལ་མོ་བསམ་གྱི་མི་ཁྱབ་པར་སྣང་བའི་བླ་མ་སྐུ་གསུམ་གྱི་ལྷ་ཚོགས་རྣམས་ལ་ཕོག །ཐུགས་དམ་ཆེན་པོའི་དགོངས་པ་བསྐུལ། ཐུགས་རྗེ་ཆེན་པོའི་རྩལ་བསྐྱེད་དེ་སྐད་ཅིག་གིས་ནམ་མཁའི་ཁྱོན་གང་བར་སྤྱན་དྲངས་ནས། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབ་པའི་ངེས་ཤེས་བསྐྱེད་ཅིག །ཡེ་ཤེས་འབེབས་རྫས་སྤོས་དང་ཐོད་རྔས་དབྱངས་སྙན་རོལ་མོ་གདུང་ཤུགས་ཀྱིས་བསྐུལ་ལ། ཧཱུྃ་ཧྲཱི༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ བདེ་གཤེགས་ཀུན་འདུས་ཀརྨ་ཐོད་ཕྲེང་རྩལ༔ མོས་པའི་གནས་འདིར་གདུང་བས་སྤྱན་འདྲེན་ན༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་རྗེས་བྱིན་གྱིས་བརླབ་ཕྱིར་གཤེགས་ནས་ཀྱང་༔ རྣལ་འབྱོར་སྒོ་གསུམ་རྡོ་རྗེའི་དབང་བསྐུར་ལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་ཨཱཿཧཱུྃ་ཀརྨ་ཐོད་ཕྲེང་རྩལ་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿཛྙཱ་ན་ཨཱ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཞེས་དྲག་ཏུ་བརྗོད་པས་དབབ། ཏིཥྛ་བཛྲས་བརྟན་པར་བྱ།

དེ་ནས་དབང་དངོས་ལ། སྤྱིར་སྐུ་གསུང་ཐུགས་ཡེ་ཤེས་རྡོ་རྗེའི་དབང་བསྐུར་བ་དང༌། བྱེ་བྲག་དྲག་པོའི་ལས་རབ་འབྱམས་སྒྲུབ་པའི་ཟོར་ཆེན་གཏོར་མའི་དབང་བསྐུར་བ་གཉིས་ལས། དང་པོ་ནི། ཐོག་མར་སྣོད་བཅུད་ཐ་མལ་གྱི་ཞེན་རྟོག་སྦྱངས་ཕྱིར་སྐུ་བུམ་པའི་དབང་བསྐུར་བ་ལ། སློབ་དཔོན་གྱི་ཐུགས་ཀའི་འོད་ཟེར་གྱིས་ནམ་མཁའི་དབྱིངས་སུ་ཏིལ་གྱི་གོང་བུ་ལྟར་སད་པའི་རྒྱལ་བ་སྲས་དང་བཅས་པས་རྣམ་པ་ཐམས་ཅད་དང་ལྡན་པའི་ཆོ་འཕྲུལ་ཆེན་པོས་རིན་པོ་ཆེའི་བུམ་པ་རྡོ་རྗེ་བདུད་རྩིས་ཆུས་གང་བ་ཁྱེད་རང་རྣམས་ཀྱི་སྤྱི་བོར་ཐོགས་ཏེ་གཏོར་བླུགས་ཀྱི་ཕྲིན་ལས་མཐར་ཕྱིན་པར་མོས་ཤིག །རྣམ་བུམ་སྤྱི་བོར་བཞག་ལ། ཨོཾ༔ བུམ་པ་བཟང་པོ་ཡོན་ཏན་ཀུན་གྱི་གཏེར༔ ལྷ་ཚོགས་འོད་ཞུ་བདུད་རྩིའི་བཅུད་ཀྱིས་གཏམས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ཀརྨ་ཐོད་ཕྲེང་སྐུ་ཡི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་ཀརྨ་ཐོད་ཕྲེང་རྩལ་ཀཱ་ཡ་ཨ་བྷི་ཥིཉྩ་ཨོཾ༔ ཞེས་དབང་བསྐུར་བས་བུམ་པའི་ཆུས་ལུས་ཐམས་ཅད་གང་ལས་དང་ཉོན་མོངས་པའི་དྲི་མ་དག །ཆུའི་ལྷག་མ་ཡར་ལུད་པ་ལས་རིགས་ཀྱི་བདག་པོ་དོན་ཡོད་གྲུབ་པས་དབུ་བརྒྱན་པར་གྱུར། དེ་ལྟར་སྐུ་བུམ་པའི་དབང་བསྐུར་བས་སྣོད་བཅུད་ཕུང་ཁམས་སྐྱེ་མཆེད་གདན་གསུམ་སྒྱུ་འཕྲུལ་དྲྭ་བའི་ལྷ་ཚོགས་གདོད་ནས་ཡིན་པ་ལ་ཡིན་པར་ངོ་ཤེས་པས་གསལ་བརྟན་དག་གསུམ་གྱི་སྣང་སྟོང་སྒྱུ་མ་ལྟ་བུའི་ཏིང་ངེ་འཛིན་ལ་གོམ་པ་ལ་སྣང་བ་ཐམས་ཅད་ལྷ་སྐུ་ཕྱག་རྒྱའི་རིམ་པས་གདུལ་བྱའི་མོས་པ་དང་མཐུན་པར་དོན་གྱིས་ཤིག །དེ་ནས་ངག་ཐ་མལ་དུ་ཞེན་པ་སྦྱངས་ཕྱིར་གསུང་བཟླས་པའི་ལུང་སྦྱིན་པ་ལ། སློབ་དཔོན་དང་དཀྱིལ་འཁོར་གྱི་ལྷ་ཚོགས་གཉིས་སུ་མེད་པའི་ཐུགས་ཀ་ནས་སྔགས་ཀྱི་ཕྲེང་བ་འཕྲོས། ཞལ་ནས་བྱུང༌། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་སྲོག་དྭངས་མའི་ས་བོན་གྱི་མཐར་ཕྲེང་བ་ལྟར་འཁོད། འོད་ཟེར་སྤྲོ་བསྡུས་དོན་གཉིས་སྒྲུབ་པར་མོས་ལ་བསྙེན་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཀརྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ ལན་གསུམ། སླར་ཡང་འོད་ཟེར་སྤྲོ་བསྡུའི་སྣང་གྲགས་རིགས་གསུམ་ལྷ་སྔགས་ཆོས་སྐུའི་རོལ་པར་ཤར་བས་དོན་གཉིས་སྒྲུབ་པར་མོས་ལ། སྒྲུབ་པའི་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་ཀརྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ལན་གསུམ། སླར་ཡང་དཀྱིལ་འཁོར་གྱི་ལྷ་ཡི་ཐུགས་སྲོག་སྔགས་ལས། བྱུང་བའི་འོད་ཟེར་ལྔ་ལྡན་འཇའ་ཚོན་ལྟ་བུའི་སྣོད་བཅུད། ཕྱི་ནང་ཀུན་ཏུ་ཁྱབ་པས་དགྲ་བགེགས་བདུད་བཞི་ཚར་གཅོད་པ་དྲག་པོའི་ཕྲིན་ལས་ལྷུན་གྱི་གྲུབ་པས་དོན་གཉིས་རྫོགས་པར་མོས་ལ་ལས་སྦྱོར་གྱིས་སྔགས་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་ཀརྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ཨཿསརྦ་མཱ་ར་ཡ་ཕཊཿ ལན་གསུམ། ཕྲེང་བ་མགྲིན་པར་བཞག་པས་ནུས་པ་བརྟན་པར་བྱས་པ་མོས་མཛོད། ཨཱཿ སྒྲ་ཡི་སྙིང་པོ་བསྙེན་སྒྲུབ་ཕྲིན་ལས་ཀྱི༔ བཟླས་པའི་ནུས་རྫོགས་སྔགས་ཀྱི་ཕྲེང་བ་ཡིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ཀརྨ་ཐོད་ཕྲེང་གསུང་གི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཀརྨ་ཐོད་ཕྲེང་རྩལ་ཝཱ་ཀ་ཨ་བྷི་ཥིཉྩ་ཨཱཿ འདི་ལྟར་སྒྲར་གྲགས་པ་ཐམས་ཅད་རྡོ་རྗེའི་གསུང་དབྱངས་གཞོམ་མེད་ཡེ་ཤེས་འཁོར་ལོའི་སྤྲིན་གྲགས་སྟོང་བརྗོད་པ་དང་བྲལ་བ་ལས་སྒྲ་ཡི་ཚུལ་བསམ་གྱིས་མི་ཁྱབ་པས་འགྲོ་བའི་དོན་གྱིས་ཤིག

།དེ་ནས་ཡིད་ཐ་མལ་དུ་ཞེན་པ་སྦྱོང་བའི་སླད་དུ་ཐུགས་འོད་གསལ་གྱི་དགོངས་པ་ངོ་སྤྲད་པ་ནི། མེ་ལོང་བསྟན་ལ། མེ་ལོང་དྭངས་པ་ལ་གཟུགས་བརྙན་སྣ་ཚོགས་སུ་ཤར་ཡང༌། སྣང་དུས་ཉིད་ནས་དངོས་པོས་སྟོང༌། སྟོང་བཞིན་དུ་སྣ་ཚོགས་སུ་སྣང་བ་མ་འགགས་པ་བཞིན། ལྷ་སྔགས་ཀྱིས་མཚོན་པའི་འཁོར་འདས་ཀྱི་ཆོས་ཐམས་ཅད་རང་སེམས་སྟོང་པའི་རང་རྩལ་དུ་ཤར་ཡང༌། ཤར་དུས་ཉིད་ནས་བདེན་པར་མ་གྲུབ། མ་གྲུབ་བཞིན་དུ་ཅིར་ཡང་ཤར་བས་ཐམས་ཅད་སྐུ་གསུམ་འདུ་འབྲལ་མེད་པ་ཟུང་འཇུག་འོད་གསལ་འཁོར་ཡུག་གི་དགོངས་པ་ངོ་ཤེས་པར་གྱིས་ཤིག ཧཱུྃ༔ སྟོང་གསལ་རང་རིག་འདུས་མ་བྱས་པའི་དོན༔ བརྡ་ཡི་མཚོན་པ་ཡེ་ཤེས་མེ་ལོང་གིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ཀརྨ་ཐོད་ཕྲེང་ཐུགས་ཀྱི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་ཀརྨ་ཐོད་ཕྲེང་རྩལ་ཙིཏྟ་ཨ་བྷི་ཥིཉྩ་ཧཱུྃ༔ འདི་ལྟར་རྟོག་ཚོགས་ཐམས་ཅད་ཀརྨ་ཐོད་ཕྲེང་རྩལ་གྱི་ཐུགས་ཀ་དག་འོད་གསལ་ཟང་ཐལ་ཀུན་ཁྱབ་འདུས་མ་བྱས་མཉམ་ཉིད་ཆེན་པོའི་དགོངས་པར་ལ་ཟློ་བས་འབད་མེད་ལྷུན་གྱིས་གྲུབ་པའི་གཞན་དོན་རྒྱ་ཆེན་པོ་གྱིས་ཤིག །མཐར་ཡོན་ཏན་དང་ཕྲིན་ལས་ཡོངས་སུ་རྫོགས་པ་གཏོར་མ་ལ་བརྟེན་ནས་དབང་བསྐུར་བ་ལ་འདུན་པ་འདི་ལྟར་མཛོད། གཏོར་མ་འདི་ཉིད་དྲག་པོའི་ལས་མཛད་ཀརྨ་ཐོད་ཕྲེང་རྩལ། དབང་ཆེན་སྡེ་བཞི། སྒོ་སྐྱོང་དཔའ་བོ་མཁའ་འགྲོ་དངོས་སུ་གསལ་བ་ཁྱེད་རང་གི་སྤྱི་བོར་སྤྱན་དྲངས་ཏེ་སྐུ་ཡི་གནས་ཐམས་ཅད་ལས་བྱུང་བའི་འོད་ཟེར་ཁ་དོག་ལྔ་ལྡན་གྱིས་སྒོ་གསུམ་ལ་ཁྱབ་པས་བྱིན་རླབས་ཡེ་ཤེས་ཆེན་པོ་རྒྱུད་ལ་སྩལ་བར་མོས་མཛོད། དཔལ་གྱི་གཏོར་མ་གནས་གསུམ་དུ་བཞག་ལ། ཨོཾ་ཨཱ་ཧཱུྃ་ཧྲཱིཿ གཏོར་སྣོད་རང་བྱུང་གཞལ་མེད་ཁང་ཆེན་པོར༔ གཏོར་མའི་ངོ་བོ་ལྷ་དང་གཉིས་སུ་མེད༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ ཀརྨ་ཐོད་ཕྲེང་ཡེ་ཤེས་དབང་ཐོབ་ཤོག༔ ཨོཾ་ཨཱཿཧཱུྃ་ཧྲཱི་བཛྲ་གུ་རུ་ཀརྨ་ཐོད་ཕྲེང་རྩལ་ཀཱ་ཡ་ཝཱ་ཀ་ཙིཏྟ་ཛྙཱ་ན་ཨ་བྷི་ཥིཉྩ་ཨོཾ་ཨཱཿཧཱུྃ་ཧྲཱིཿ དེ་ཁྱེད་རང་གི་སྒོ་གསུམ་དང་ཀརྨ་ཐོད་ཕྲེང་རྩལ་གྱི་སྐུ་གསུང་ཐུགས་གཉིས་སུ་མེད་པར་བྱིན་གྱི་རླབས་ཤིང་དབང་བསྐུར་བ་དང༌། ཡོན་ཏན་དང་ཕྲིན་ལས་རྒྱ་མཚོའི་དཔལ་ལ་དོན་གཉིས་ཐམས་ཅད་རྩོལ་མེད་དུ་ལྷུན་གྱིས་གྲུབ་པས་དོན་བྱེད་པར་མོས་ཤིག མཐའ་རྟེན།

གཉིས་པ་དྲག་པོའི་ལས་རབ་འབྱམས་སྒྲུབ་པའི་ཟོར་ཆེན་གཏོར་མའི་དབང་བསྐུར་བ་ལ། མདུན་གྱི་གཏོར་མ་དྲག་པོའི་ལས་མཛད་ཀརྨ་ཐོད་ཕྲེང་རྩལ་གྱི་སྐུ་འདི་ལྟར་གསལ་ཐོབ་མཛོད། །ཅེས་བརྡ་སྦྱར། སྤྲོས་པ་དང་འབྲེལ་ན་རྔ་རོལ་དང་བཅས་ཏེ། མ་ཏྲྃ་རུ་དྲ་ཨ་ཀརྵ་ཡ་ཛཿ མ་ར་ཡ་ཕཊཿ གཏོར་སྣོད་མ་ཏྲྃ་བསྒྲལ་བའི་ཁོག་པ་རུ༔ དུར་ཁྲོད་དྲག་པོའི་བཀོད་པའི་རབ་ཏུ་བརྗིད༔ དེ་དབུས་གཏོར་མ་མི་དམིགས་སྟོང་པའི་ངང་༔ གནམ་ལྕགས་འབར་བའི་འཁོར་ལོ་རྩིབས་བཞིའི་དབུས༔ པད་ཉི་དྲེགས་པ་བདུད་བཞིའི་གདན་སྟེང་དུ༔ དྲག་པོའི་ལས་མཛད་ཀརྨ་ཐོད་ཕྲེང་རྩལ༔ ལྗང་ནག་ཁྲོ་གཏུམ་བཟོད་དཀའི་གཟི་བརྗིད་འབར༔ ཞལ་གཅིག་ཕྱག་གཉིས་སྤྱན་གསུམ་དམར་ཟླུམ་འཁྲུགས༔ ཕྱག་གཡས་རལ་གྲི་མེ་འབར་ནམ་མཁར་གདེངས༔ གཡོན་པས་ཐོད་པ་ཁྲག་བཀང་ཐུགས་ཀར་གཏོད༔ ལས་ཀྱི་གསང་གོས་ཕོད་ཀ་སྟག་ཤམ་གསོལ༔ རུས་པའི་རྒྱན་ལྡན་རང་འོད་ཡུམ་དང་འཁྲིལ༔ ཞབས་གཉིས་གྱད་ཀྱི་དོར་སྟབས་བདུད་དཔུང་མནན༔ དྲག་མེ་དམར་ནག་འཁྲུགས་པའི་ཀློང་ན་རོལ༔ རིག་འཛིན་དྲག་པོ་བྱེ་བའི་སྤྲིན་ཕུང་འཕྲོ༔ རྩིབས་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཁྲོ་བོའི་ཕྱག་རྒྱ་ཤར༔ དེ་ཡི་ཕྱོགས་བཞིར་པད་ཉི་བམ་རོའི་སྟེང་༔ རིག་འཛིན་དྲག་པོ་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲཽ་དྲག་མོའི་ཚོགས་ཀྱི་བསྐོར༔ ཀུན་ཀྱང་སྤྱི་མགྲིན་ཐུགས་ཀར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ལྔའི་ཅོད་པན་འཆང་༔ ཐུགས་ཀའི་འོད་ཀྱི་ལྷ་ཚོགས་སྤྱན་དྲངས་གྱུར༔ ཧཱུྃ་ཧྲཱི༔ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ༔བཛྲ་གུ་རུ་དེ་བ་དྷཱ་ཀི་ནི་སརྦ་ཛྙཱ་ན་མཎྜལ་བཛྲ་ས་མ་ཡ་ཛཿ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་གུས་པས་བརྡ་ཡི་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏིཙྪ་ཧོཿ ཨོཾ་ཨཱཿཧཱུྃ༔ དངོས་སུ་འབྱོར་བཤམས་ཡིད་ཀྱི་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབས༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནཱི་ས་པ་རི་ཝ་ར་ཨརྒྷཾ་ནས། རཱུ་པ་ཤབྡ་གནྡྷེ་ར་ས་སྤརྴེ་པྲ་ཏཱིཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པཱུ་ཛ་ཧོཿ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི༔ ཧཱུྃ་ཧྲཱིཿ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔

དེ་ནས་གཏོར་ཟོར་དྲག་པོའི་ལས་མཛད་ཀརྨ་ཀཱི་ལ་ཡའི་དཀྱིལ་འཁོར་ནད་མཚོན་དུག་གི་ཐོག་གཟེར་འཁྲུགས་པ་སྲིད་གསུམ་བདུད་སྡེ་སྒྲོལ་བའི་མཚོན་ཆ་ཆེན་པོ་འདི་ཉིད་ལག་ཏུ་གཏད་ཅིང་དབང་བསྐུར་བས། སྲུང་བཟློག་བསད་གསུམ། མནན་བསྲེགས་འཕང་བ། དབྱཻ་བསྐྲད་རྨོངས་རེངས་ལ་སོགས་པ་དྲག་ཤུལ་གྱི་ལས་རབ་འབྱམས་ཐོག་མེད་དུ་སྒྲུབ་ནུས་པའི་སྟོབས་རྩལ་མངོན་དུ་བྱས་པར་མོས་མཛོད། །གཏོར་ཟོར་སློབ་མའི་ལག་ཏུ་གཏད་ལ། ཧཱུྃ༔ གདོད་ནས་རབ་འཇིགས་དྲག་པོའི་ཕོ་བྲང་དབུས༔ གཏོར་མ་ཀརྨ་ཐོད་ཕྲེང་འཁོར་བཅས་གསལ༔ སྐལ་ལྡན་རིགས་ཀྱི་བུ་ལ་གཏད་པ་ཡིས༔ ཟློག་བསྒྱུར་དྲག་པོའི་ཕྲིན་ལས་ཡོངས་རྫོགས་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཀརྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ སརྦ་ཤ་ཏྲཱུན་བིགྷྣཱན་བྷུ་ཏ་པྲི་ཏ་པི་ཤ་ཙ་ན་བྷིནྡྷ་བྷིནྡྷ་ཧ་ན་ཧ་ན་པ་ཙ་པ་ཙ་ད་ཧ་ད་ཧ་དཱི་ན་མེ་ཀེ་ན་མཱ་ར་ཡ་ཕཊཿ ཀུན་ལ་འགྲིམ་ཟིན་པ་དང་རྒྱས་པར་བྱེད་ན། ཧཱུྃ༔ ཀརྨ་ཐོད་ཕྲེང་དཀྱིལ་འཁོར་ལྷ་ཚོགས་རྣམས༔ མ་གཡེལ་མ་གཡེལ་ཐུགས་དམ་དུས་ལ་བབ༔ གཏོར་ཟོར་ནད་མཚོན་དུག་གི་ཆར་ཆེན་པོ༔ རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི༔ བྱང་ཆུབ་སྒྲུབ་ལ་བར་དུ་གཅོད་བྱེད་པའི༔ སྡང་དགྲ་གནོད་བགེགས་བྱད་མའི་སྟེང་དུ་ཕོབ༔ གསང་བའི་དགྲ་གསུམ་ཀ་དག་དབྱིངས་སུ་སོད༔ འཇིགས་པའི་བདུད་བཞི་འོད་གསལ་ཕྱག་རྒྱས་ཐོབ༔ བར་ཆད་འཕྲང་གསུམ་ཡེ་ཤེས་རལ་གྲིས་ཆོད༔ ཆགས་ཆེ་ཉམ་ང་མི་མཐུན་ཕྱོགས་ཀུན་ཟློག༔ དགྲ་དཔུང་ཐུལ་ལ་བགེགས་དཔུང་རྩད་ནས་ཆོད༔ མངོན་སྤྱོད་དམོད་པའི་ཕྲིན་ལས་ཡོངས་རྫོགས་མཛོད༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཀརྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ སརྦ་ཤ་ཏྲཱུན་བིགྷྣཱན་བྷུ་ཏ་པྲི་ཏ་པི་ཤ་ཙ་ན་བྷིནྡྷ་བྷིནྡྷ་ཧ་ན་ཧ་ན་པ་ཙ་པ་ཙ་ད་ཧ་ད་ཧ་དཱི་ན་མེ་ཀེ་ན་མཱ་ར་ཡ་ཕཊཿ སློབ་མའི་གཙོ་བོ་ཞིག་གིས་གནོད་པའི་ཕྱོགས་སུ་འཕང་བར་གསུངས། དེས་དྲག་པོ་མངོན་སྤྱོད་ཀྱི་ལས་རབ་འབྱམས་སྒྲུབ་པའི་དབང་བསྐུར་བྱིན་གྱིས་བརླབ་པས་ལྟ་བའི་རྫོང་ཟིན། སྒོམ་པའི་འཕྲང་བརྒལ། སྤྱོད་པས་སྲོག་འཕྲོག་པའི་གསལ་བ་གསུམ་གྱི་གདིང་ཐོབ་ནས་བྱང་ཆུབ་ལམ་གྱི་བར་ཆད་ཐམས་ཅད་ཡེ་ཤེས་དབྱིངས་སུ་སྒྲོལ་བའི་མཐུ་སྟོབས་ཐོགས་པ་མེད་པ་མངོན་དུ་གྱུར་པ་ལ་ཤིས་པ་བརྗོད་པས་མངའ་གསོལ་བར་མོས་མཛོད། །ཕྱི་རུ་འཚེ་ཞིང་གནོད་པའི་དགྲ་དང་བགེགས། །ནང་དུ་འདི་ཕྱིའི་ལེགས་ལམ་འགེག་པའི་གེགས། །གསང་བའི་ལམ་མཆོག་བར་དུ་གཅོད་པའི་བདུད། །ཚར་གཅོད་དྲག་པོའི་ལས་ཀྱི་བཀྲ་ཤིས་ཤོག །དེ་དག་གིས་དྲག་པོའི་ལས་མཛད་ཀརྨ་ཐོད་ཕྲེང་རྩལ་གྱི་སྒོས་སྒྲུབ་ཀྱི་དབང་བསྐུར་གྲུབ་པ་སྟེ། རྩ་བ་དང་ཡན་ལག་གི་དམ་ཚིག་གནང་བཀག་སྤྱི་དང་ཁྱད་པར་གུ་རུ་ཀརྨ་ཐོད་ཕྲེང་རྩལ་གྱི་ལྷ་སྔགས་ཏིང་འཛིན་ལ་གཙོ་བོར་བརྟེན་པའི་དྲག་པོའི་ལས་སྒྲུབ་པའི་གཡར་དམ་བཞེས་པས་དམ་ཚིག་ཁས་བླངས་པ་འདི་ཡི་རྗེས་ཟློས་མཛོད། གཙོ་བོས་ཇི་ལྟར་སོགས་དང༌། གཏང་རག །ལུས་ལོངས་སྤྱོད་འབུལ་བ། དགེ་བསྔོ་རྣམས་སྤྱི་ལྟར་བྱ་ཕྲིན་ལས་རྗེས་ཀྱི་རིམ་པ་མཐར་དབྱུང་བས་དགེ་ལེགས་སུ་བྱའོ། །བདུད་བཞིའི་འཇིག༵ས་བྲལ༵་མཁྱེན༵་བརྩེའི༵་མེ། །སྟོབས་བཅུའི་འོ༵ད་སྟོང་རབ་འབར་ཟེ༵ར། །རྣམ་བཀྲ༵ས་དཀར་ཕྱོགས་ཤིས༵་དགུའི་དཔ༵ལ། །ཅི་དགར་འབྱོར་པས་དགེ་ལེགས་བྱས། །རྩ་གསུམ་འོད་གསལ་སྙིང་ཐིག་གི་ཀརྨ་ཐོད་ཕྲེང་རྩལ་གྱི་དྲག་པོའི་ལས་ཀྱི་སྒོས་དབང་གནམ་ལྕགས་རྡོ་རྗེའི་ཐོག་གཟེར་ལེའུ་ཚན་དགུ་པ་བདུད་འདུལ་ཀརྨ་དྲག་པོའི་རྩལ་གྱིས་སྦྱར་བའོ། ༈

།ཆོས་དབྱིངས་ཁྱབ་བརྡལ་གར༵་དབ༵ང་ཐུགས་རྗེའི་སྤྲིན། །འོ༵ད་གསལ་སྐུ་དང་ཞིང་གི་ཕན་བདེའི་ཆར། །མཐའ་ཀླས་གདུལ་བྱའི་གླི༵ང་དུ་རྟག་འཕེལ་མཛད། །འགྲོ་འདུལ་འཕགས་པའི་དབང་ཕྱུག་བཞེངས་ལ་འདུད། །དགོངས་གཏེར་རྩ་གསུམ་འོད་གསལ་སྙིང་ཐིག་གི་ནང་སྒྲུབ་བླ་མ་ལོངས་སྐུ་ཐུགས་རྗེ་ཆེན་པོ་པདྨ་དྲྭ་བའི་དབང་ལ་སྤྱིར་ཐུན་མོང་སྨིན་བྱེད་ཡེ་ཤེས་ཐིག་ལེ་སོགས་དབང་བཞི་ཀ་ཚུལ་འདིའི་ནང་སྒྲུབ། གསང་བ། ཡང་གསང་ཀུན་ཆོས་སྡེ་གཅིག་གི་བསྡེབས་སུ་བྱོན་པས་དེ་ཐམས་ཅད་ལ་སྦྱར་དུ་རུང་བས་བླ་མ་སྐུ་གསུམ། དྲག་སྒྲུབ་གང་རུང་གཅིག་སྒེར་དུ་བྱེད་ན་དེ་ལྟར་བྱ་ཞིང༌། འདིར་སྨིན་བྱེད་ཡོངས་རྫོགས་བསྡེབས་གཅིག་ཏུ་བསྐུར་བའི་དབང་དུ་བྱས་ཏེ་རྩ་བ་ཕྱི་སྒྲུབ་སྒྱུ་འཕྲུལ་དྲྭ་བ་ལ་དབང་སྔ་མ་བཞི་ཀ་ཡོངས་རྫོགས་རྒྱས་པར་བསྐུར་བས་སྒོ་ཕྱེས་ཏེ། གཞན་རྣམས་ལ་དབང་བཞི་ཡེ་ཤེས་དཔལ་སྟེར་ཉིད་ཅུང་ཟད་རྒྱས་པར་སྤྲོས་ན། དབང་འབྲིང་ཁ་རྐྱང་དུ་བསྐུར་བ་ཕྱག་བཞེས་སུ་མཛད་པ་ལྟར་འཆད་པ་ལ་གསུམ། སྔོན་འགྲོ། དངོས་གཞི། རྗེས་སོ། སྔོན་འགྲོའི་དང་པོ་སྦྱོར་བ་ཡོ་བྱད་འདུ་བྱ་བ་ནི། གཞུང་མཐུན་དཀྱིལ་འཁོར་སྟེང་མཉྫི་ལ་རྣམ་རྒྱལ་བུམ་པ། ལྷ་ཙཀ་ཡོངས་རྫོགས། མེ་ལོང༌། གསང་ཐོད། རིག་ཙཀ །ཤེལ་རྡོ། སྒྲུབ་སྐོར་གྱི་གླེགས་བམ། དབང་གཏོར་བཅས་བཤམས་ལ་མཆོད་པས་བསྐོར། ཚོགས་དང༌། བཀའ་སྲུང་དང་ཆད་བརྟན་གཏོར་མ། དཀར་བགེགས། ལས་བུམ། མིག་དར། མེ་ཏོག །མིག་ཐུར། ཕྱག་ཤིང་སོགས་འོག་ཏུ་དགོས་པའི་རིགས་འདུ་བྱས་ལ། གཉིས་པ་དབང་དོན་སྒྲུབ་མཆོད་ནི། བརྒྱུད་འདེབས་སྔོན་དུ་འགྲོ་བས་ནང་སྒྲུབ་པདྨ་དྲྭ་བའི་ལས་བྱང་གིས་བདག་མདུན་དབྱེར་མེད་དུ་སྒྲུབ། བསྟོད་པའི་མཐར་ཛབ྄་ཁང་དབྱེ། བཟླས་པ་སྒྲུབ་པ་གཙོ་བོར་བྱ། བུམ་པ་ལ་དམིགས་ནས། བུམ་པ་བྷྲཱུྃ་ལས་གཞལ་ཡས་ཁང་༔ མཚན་ཉིད་ཐམས་ཅད་ཡོངས་རྫོགས་དབུས༔ འགྲོ་འདུལ་འཕགས་པའི་ལྷ་ཚོགས་རྣམས༔ སྣང་སྟོང་ཆུ་ཟླ་ལྟ་བུར་གསལ༔ རང་གི་ཐུགས་སྲོགས་སྔགས་ཕྲེང་ལས༔ འོད་ཟེར་མཆོད་པའི་ཚུལ་དུ་སྤྲོས༔ སྙོམས་འཇུག་བྱང་སེམས་བདུད་རྩི་ཡིས༔ བུམ་པ་ཡོངས་སུ་གང་བར་མོས༔ ཞེས་དམིགས་ལ་བསྙེན་སྒྲུབ་ལས་སྔགས་ཚང་བར་བཟླ། ལས་བུམ་དུ་སྐད་ཅིག་གིས་ཁྲོ་བོ་རྟ་མགྲིན་དམར་པོ་གཡས་པདྨའི་དབྱུག་ཐོ་དང་གཡོན་མེ་ཡི་ཞགས་པ་ཐོགས་པར་གསལ་བའི་སྐུ་ལས་རྡོ་རྗེའི་བདུད་རྩིའི་རྡུལ་ཕྲ་རབ་བབས་པས་བུམ་པ་གང་བར་བསམ་ལ། ཨོཾ་ཧ་ཡ་གྲྀ་བ་ཧཱུྃ་ཕཊཿ ཅེས་བཟླས་ལ། ཧཱུྃ་ཞེས་བསྐུལ་བས་ལས་ཀྱི་ཁྲོ་བོ་དབང་གི་བྱ་བ་མ་གྲུབ་བར་བར་ཆད་ཀྱི་བགེགས་བཟློག་པའི་ཕྲིན་ལས་མཛད་དུ་གསོལ། ཞེས་ལས་བཅོལ། གསུམ་པ་སློབ་དཔོན་བདག་ཉིད་འཇུག་པ་ནི། སློབ་མ་ལ་ཇི་ཙམ་བསྐུར་བའི་དབང་རྣམས་རྒྱས་པར་བདག་འཇུག་གི་ཚུལ་དུ་ལེན་པའམ། མི་ནུས་ན་རིག་པའི་མེ་ཏོག་དོར་བ་ཙམ་གྱི་སྒོ་ནས་འཇུག་ཅིང་གནང་བ་ནོད་པ་ནི། དཀྱིལ་འཁོར་ལ་མངོན་དུ་ཕྱོགས་པས་མེ་ཏོག་འཐོར་བ་དང་བཅས། ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃ༔ སྭཱ་བཛྲ་ས་མ་ཡ་སྭཱ༔ ཧཱ་བཛྲ་ས་མ་ཡ་ཧཱ༔ ཞེས་མེ་ཏོག་ཕུལ་བས། བདག་དང་དཀྱིལ་འཁོར་པའི་སྐུ་གསུང་ཐུགས་ཡོན་ཏན་ཕྲིན་ལས་རྣམས་གཉིས་སུ་མེད་པར་གྱུར་པར་བསམ་སྟེ་འཇུག་བྱའི་དཀྱིལ་འཁོར་དང་བདག་གི་སྐུ་གསུང་ཐུགས་ཡོན་ཏན་ཕྲིན་ལས་ཏེ་འབྲས་ཆོས་ལྔ་པོ་དབྱེར་མེད་རོ་གཅིག་ཏུ་བསམ་པའོ།

།ཨོཾ༔ ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བས། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟཱྃ། ཨོཾ་བཛྲ་ས་མ་ཡ་ཧོཿ ཞེས་དངོས་གྲུབ་བསྐུལ་ཞིང་བསྟིམ། དཀྱིལ་འཁོར་གྱི་ལྷ་ལ་ཐལ་མོ་སྦྱར་བས་བཏུད་དེ། ཨོཾ༔ རྡོ་རྗེ་ཡེ་ཤེས་ཐོབ་བྱེད་པའི། །དེ་བཞིན་གཤེགས་པ་ཐམས་ཅད་ཀྱི། །སྙིང་པོའི་དཀྱིལ་འཁོར་ཆེན་པོ་འདིར། །བདག་གིས་སློབ་མ་འཇུག་པར་འཚལ། ཅེས་གསོལ་བ་བཏབ་པས་གནང་བ་སྦྱིན་པར་བསམ་མོ། །གཉིས་པ་དངོས་བཞི་དབང་བསྐུར་བ་ལ་གསུམ་ལས། དང་པོ་སྔོན་འགྲོ་འཇུག་པའི་ཆོས་ལ་བཅུ་གཅིག་ལས། ཁྲུས་དང༌། བགེགས་བསྐྲད་པ་བཅས་སྔོན་དུ་འགྲོ་བས་ལས་རྡོར་གྱིས་མེ་ཏོག་བཀྱེ་བསྡུ་བྱ། སློབ་དཔོན་གྱིས། འོ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་བླ་ན་མེད་པ་ཡང་གསང་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་རྡོ་རྗེའི་ཐེག་པའི་ལམ་གྱི་རྩ་བ་མངོན་པར་དབང་བསྐུར་བ་ཟབ་མོ་གསན་ལ་ཚུལ་བཞིན་དུ་ཉམས་སུ་བླང་བར་བགྱིའོ་སྙམ་པ་བྱང་ཆུབ་ཀྱི་མཆོག་ཏུ་སེམས་བསྐྱེད་པ་དང༌། ཆོས་གསན་པའི་ཀུན་ཏུ་སྤྱོད་པའང་མདོ་རྒྱུད་རྣམས་ལས་ཇི་སྐད་གསུངས་པ་ལྟར་ལེགས་པར་བསལ་བཏབ་སྟེ་གསན་པར་ཞུ། གང་གསན་བྱའི་ཆོས་ནི་གངས་ཅན་བོད་ཀྱི་ཡུལ་འདིའི་ཕན་བདེའི་རྩ་ལག་ཆོས་ཀྱི་རྒྱལ་པོ་མེས་དབོན་རྣམ་གསུམ་དུ་གྲགས་པ་ལས། མདོ་སྔགས་སངས་རྒྱས་ཀྱི་བསྟན་པ་དཀར་འཇམ་ཡུགས་གཅིག་ཏུ་བརྡལ། མཁན་སློབ་ཉི་ཟླ་ཟུང་གིས་གཙོ་བོར་བྱས་ལོ་པཎ་བརྒྱ་རྩ་གདན་འཇོམས། ལུགས་གསུམ་མི་འགྱུར་ལྷུན་གྱིས་གྲུབ་པའི་བཙུག་ལག་ཁང་དང་དགེ་འདུན་གྱི་སྡེ་གཉིས་བཙུགས། ཟབ་རྒྱས་ཀྱི་སྡེ་སྣོད་བསྒྱུར་བཤད་ཉན་གསུམ་གྱིས་གཏན་ལ་ཕབ་པའི་ཕྱག་རྗེས་ལ་འགྲན་པའི་ཟླ་ཐམས་ཅད་དང་བྲལ་བ་མངའ་བདག་ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་ཉིད་འབྲས་བུ་མཐར་ཕྱིན་པའི་ཡེ་ཤེས་ཀྱི་རང་གཟུགས་བསམ་བཞིན་སྲིད་པ་ཉེ་བར་བཟུང་སྟེ་རྒྱལ་བསྟན་རིས་སུ་མ་ཆད་པ་འཛིན་སྐྱོང་སྤེལ་གསུམ་གྱིས་བཤད་སྒྲུབ་ལས་ཀྱི་འཁོར་ལོའི་ཕྲིན་ལས་མུ་མཐའ་མེད་པ་ལ། རྩ་གསུམ་རྒྱལ་བ་སྲས་དང་བཅས་པས་ཀྱང་བསྔགས་པའི་མེ་ཏོག་མཐོར་ཞིང་དགྱེས་ཤིང་བྱིན་གྱིས་རླབས་པའི་སྐྱེས་བུ་དམ་པ་འཇམ་དབྱངས་མཁྱེན་བརྩེའི་དབང་པོ་ཉིད། ཕྱི་གསན་བསམ་སྒོམ་པ་ནང་མཁས་བཙུན་བཟང་གྲུབ། གསང་བ་བཀའ་བབས་ཆེན་པོ་བདུན་གྱི་ངོ་མཚར་བའི་རྣམ་ཐར་བསམ་གྱིས་མི་ཁྱབ་པ་མངའ་བ་ལས། ཕྱི་མའི་ནང་ཚན་བཞི་པ་ཟབ་མོ་དགོངས་པའི་གཏེར་ལའང་རྣམ་གྲངས་དུ་མ་ཞིག་བཞུགས་པའི་བྱེ་བྲག་རྩ་གསུམ་འོད་གསལ་སྙིང་ཐིག་གི་ནང་སྒྲུབ་པདྨ་དྲྭ་བ་ཐུགས་རྗེ་ཆེན་པོའི་ཆོས་སྐོར་ཏེ། རང་རེ་བོད་ཀྱི་ཡུལ་འདི་འཕགས་མཆོག་ཐུགས་རྗེ་ཆེན་པོའི་ཕྱག་མཚན་དུ་བཞེས་པའི་ཞིང་ཁམས་ཡིན་པའི་དབང་གིས་ཐོག་མར་མིའི་འགྲོ་བ་མཆེད་པ། བདེ་སྐྱིད་ཀྱི་གཞི་ཟང་ཟིང་གི་ལོངས་སྤྱོད་འཕེལ་བ། ར་ས་དང་ཁྲ་འབྲུག་གི་གཙུག་ལག་རྟེན་བརྟེན་པ་བཅས་པ་བསྐྲུན་པ། མདོ་སྡེ་ཟ་མ་ཏོག་བསྒྱུར་ནས་དམ་པའི་ཆོས་ཀྱི་དབུ་བརྙེས་ཏེ་དགེ་བཅུའི་ལམ་སྲོལ་བྱུང་བ་ཀུན་ཀྱང་རང་བྱུང་འཕགས་པའི་རྟེན་དང་མེས་པོ་ཆོས་རྒྱལ་སྲོང་བཙན་གྱི་བཀའ་དྲིན་ལས་བྱུང་བ་གསུངས་པས་མཚོན་རྒྱུ་མཚན་དང་དགོས་པ་དུ་མས་བོད་ཡུལ་གྱི་ལྷ་སྐལ་ཇོ་བོ་ཐུགས་རྗེ་ཆེན་པོ་འབའ་ཞིག་སྟེ། དེའི་མཚན་ནས་བརྗོད་པ་དང༌། རིགས་སྔགས་བཟླས་པ་ཙམ་གྱིས་ཀྱང་བྱང་ཆུབ་ཀྱི་སྤྱོད་པ་འབད་མེད་དུ་རྫོགས་པ་དང༌། གཞན་ཕན་སྙིང་རྗེའི་ཏིང་ངེ་འཛིན་རྒྱུད་ལ་སྐྱེས་པ་སོགས་ཕན་ཡོན་བསམ་མི་ཁྱབ་པ་མདོ་རྒྱུད་དུ་མ་ནས་གསུངས་ན། ཚུལ་བཞིན་སྨིན་གྲོལ་གྱི་ལམ་ལ་འཇུག་ཅིང༌། རིམ་པ་གཉིས་ཀྱི་ཏིང་ངེ་འཛིན་སྒོམ་པ་ནི་དོན་གཉིས་ལྷུན་གྲུབ་ཟུང་འཇུག་གི་གོ་འཕང་ལ་དབུགས་དབྱུང་བའི་ཉེ་རྒྱུ་ཁོ་ནར་ངེས་པའི་ཕྱིར་གཅིག་ཏུ་བརྩོན་པ་གལ་ཆེ་བས་མཚུངས་མེད་ལྷག་པའི་ལྷ་གཅིག་དེའི་དབང་བསྐུར་ཟབ་མོ་ཞུ་བ་ལ་སྔོན་འགྲོ་འཇུག་པའི་ཆོས་རྣམས་གསན་པའི་ཡོན་དུ་མཎྜལ་ཕུལ། དེ་ལྟར་མཎྜལ་ཕུལ་ནས། ཁྱེད་རང་རྣམས་སྔོན་ཆད་གཉིས་འཛིན་གྱི་ཞེན་རྟོག་མཐུག་པོས་ལྡོངས་ཏེ་དཀྱིལ་འཁོར་གྱི་ལྷ་ཚོགས་མ་མཇལ་བའམ། མཇའ་ནའང་དཀྱིལ་འཁོར་སོ་མ་འདི་ཉིད་མ་མཇལ་བ་མཚོན་བྱེད་དུ་སྤྱན་དར་དམར་པོ་རེས་གདོང་བཅིང་བའི་མོས་པ་མཛོད། ཨོཾ་ཙཀྵུ་བྷནྡྷ་ཝཱ་ར་མ་ན་ཡ་ཧཱུྃ། ཞེས་མིག་དར་བཅིང༌། དཀྱིལ་འཁོར་ལྷ་རྣམས་ཕྱག་སྟོང་དུ་མཇལ་མི་རུང་བས་ཕྱག་རྟེན་དུ་ཨུ་དུམྦཱ་རའི་མེ་ཏོག་གི་ཕྲེང་བ་ཁ་དོག་ལྔ་པ་རེ་བྱིན་པའི་མོས་པ་མཛོད། ཨོཾ་སུ་ནཱེ་སིདྡྷི་ཧཱུྃ། ཞེས་མེ་ཏོག་གཏད།

དེ་ནས་གསོལ་བ་གདབ་པའི་སླད་དུ་དམིགས་པ་འདི་བཞིན་དུ་མཛོད། ས་ཕྱོགས་འདི་ཉིད་དག་པ་རབ་འབྱམས་ཡེ་ཤེས་ཀྱི་དཀྱིལ་འཁོར་ཆེན་པོར་གྱུར་པའི་ནང་དུ་སློབ་དཔོན་ཉིད་དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་འཕགས་པ་འཇིག་རྟེན་དབང་ཕྱུག་གི་རྣམ་པར་བཞུགས་པ་ལ་མི་ཕྱེད་དད་པའི་གདུང་ཤུགས་ཆེན་པོས་གསོལ་བ་གདབ་པའི་འདིའི་རྗེས་ཟློས་མཛོད། རྒྱལ་བ་ཀུན་གྱི་སྙིང་རྗེའི་ལྷ༔ འཇིག་རྟེན་དབང་ཕྱུག་དཀྱིལ་འཁོར་དུ༔ བདག་སོགས་སྣོད་ལྡན་ལེགས་དྲངས་ནས༔ སྨིན་ཅིང་གྲོལ་བར་མཛད་དུ་གསོལ༔ ཞེས་ལན་གསུམ་གྱིས་གསོལ་བ་གདབ། རྒྱལ་ཀུན་ཐུགས་རྗེའི་རང་གཟུགས་ཀྱི་ལྷག་པའི་ལྷའི་དཀྱིལ་འཁོར་དུ་འཇུག་པའི་བློ་སྐྱེས་པ་ནི་ཤིན་ཏུ་སྐལ་བ་བཟང་བར་ངེས་པས་གནང་བ་སྦྱིན་པ་ནི། དུས་གསུམ་བཤེགས་པའི་སངས་རྒྱས་ཀུན༔ རྡོ་རྗེའི་ལམ་མཆོག་འདི་ལ་བརྟེན༔ དེང་ཕྱིར་གསང་ཆེན་དཀྱིལ་འཁོར་འདིར༔ བུ་ཁྱོད་འཇུག་ཅིང་སྨིན་པར་བྱ༔ སྐྱབས་སུ་འགྲོ་བའི་སླད་དུ་མདུན་གྱི་ནམ་མཁར་བླ་མ་དང་དཀྱིལ་འཁོར་གྱི་གཙོ་བོ་གཉིས་སུ་མེད་པ་འཕགས་མཆོག་འཇིག་རྟེན་དབང་ཕྱུག་གི་རྣམ་པར་བཞུགས་པ་ལ་རྩ་གསུམ་རྒྱལ་བ་རབ་འབྱམས་ཀྱིས་བསྐོར་བ་མངོན་སུམ་དུ་བཞུགས་པའི་སྤྱན་སྔར་དུས་འདི་ནས་བཟུང་སྟེ་སྙིང་པོ་བྱང་ཆུབ་ལ་མཆིས་ཀྱི་བར་དུ་སྐྱབས་སུ་འགྲོའོ་སྙམ་པ་དང༌། མཁའ་མཉམ་གྱི་སེམས་ཅན་སྡུག་བསྔལ་གྱི་རྒྱུ་འབྲས་ལ་རྟག་ཏུ་སྤྱོད་པ་འདི་རྣམས་སྡུག་བསྔལ་ལས་བསྒྲལ་ནས་བྱང་ཆུབ་མཆོག་གི་གོ་འཕང་ལ་འགོད་པར་བྱ། དེའི་ཆེད་དུ་སེམས་བསྐྱེད་པར་བགྱིའོ་སྙམ་པས་འདིའི་རྗེས་ཟློས་མཛོད། ཧྲཱི༔ བདག་དང་མཁའ་མཉམ་འགྲོ་བ་མ་ལུས་ཀུན༔ སྐུ་གསུམ་འཕགས་པའི་ལྷ་ལ་སྐྱབས་སུ་མཆི༔ མཐའ་ཀླས་སྲིད་པའི་ཁམས་རྣམས་བསྒྲལ་བའི་ཕྱིར༔ པདྨ་དྲྭ་བའི་གོ་འཕང་བསྒྲུབ་པར་བགྱི༔ ལན་གསུམ།

དེ་ནས་ཚོགས་བསགས་པའི་ཕྱིར། ཚོགས་ཞིང་ཁྱད་པར་ཅན་དེ་དག་གི་སྤྱན་སྔར་རང་གཞན་སེམས་ཅན་ཐམས་ཅད་འཁོད་དེ་ཕྱག་འཚལ་མཆོད་པ་འབུལ་བ་སོགས་བསགས་སྦྱང་གི་སྙིང་པོ་ཡན་ལག་བདུན་པ་འདིའི་རྗེས་ཟློས་མཛོད། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རང་༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དེ་ནས་དབང་བསྐུར་བ་དེའང་རྟེན་དཀྱིལ་འཁོར་ལ་བརྟེན་ནས་ཐོབ་ནའང༌། དབང་སྲོག་འཛིན་པ་ནི་དམ་ཚིག་དང་སྡོམ་པ་ལ་རག་ལས་པས་སྨིན་བྱེད་ཀྱི་རྟེན་སྡོམ་ལྡན་དུ་བསྒྲུབ་པའི་ཕྱིར། ཐུན་མོང་དུ་རིགས་ལྔའི་དམ་ཚིག་ཁྱད་པར་རྩ་བ་སྐུ་གསུང་ཐུགས་ཀྱི་དམ་ཚིག་ཡན་ལག་གི་དམ་ཚིག་ཉི་ཤུ་ལྔ་སྟེ་བླ་ན་མེད་པའི་དམ་ཚིག་དང་སྡོམ་པ་མ་ལུས་པ་ཡོངས་སུ་བཟུང་བར་བྱ་སྙམ་པས་འདིའི་རྗེས་ཟློས་མཛོད། བདེ་གཤེགས་སྲས་བཅས་བདག་ལ་དགོངས། །རིག་པ་འཛིན་པ་བདག་གིས་ནི། །བྱང་ཆུབ་སྙིང་པོར་མཆིས་ཀྱི་བར། །སོ་སོར་ཐར་དང་བྱང་ཆུབ་སེམས། །རིག་འཛིན་ནང་གི་སྡོམ་པའི་ཚོགས། །མ་ལུས་ཡོངས་སུ་བཟུང་བར་བགྱི། །ལན་གསུམ། དེ་དག་གི་ཕྱི་མཚན་མའི་དཀྱིལ་འཁོར་དུ་འཇུག་པ་སོང་ནས། གཉིས་པ། ནང་ཡེ་ཤེས་ཀྱི་དཀྱིལ་འཁོར་དུ་འཇུག་པའི་སྔོན་འགྲོ་དམ་ལ་བཞག་པ་ནི། ཁྱབ་བདག་པདྨ་དྲྭ་བ་ནས་བར་མ་ཆད་པའི་དམ་ཚིག་བདུད་རྩིའི་ཆུ་ནན་རྡོ་རྗེའི་ལྕེ་ལ་བརྒྱུད་ནས་སྙིང་དབུས་ཡེ་ཤེས་སེམས་དཔའི་ཚུལ་དུ་བཞུགས་ཏེ། དམ་ཚིག་བསྲུངས་ན་བྱིན་གྱིས་རློབ་ཅིང་མ་བསྲུངས་ན་རྡོ་རྗེ་གནོད་སྦྱིན་དུ་ཁྲོས་ནས་བཀའི་ཆད་པ་འབེབས་པར་འགྱུར་བར་དེའི་དོན་ངེས་པར་གྱིས་ཤིག །དམ་ཆུ་སྦྱིན་ལ། ཧཱུྃ༔ སྔགས་ཀྱི་རྩ་བ་དམ་ཚིག་སྟེ༔ བསྲུངས་ན་དངོས་གྲུབ་རྣམ་གཉིས་ཐོབ༔ མ་བསྲུངས་ཚེ་འདིར་དམྱལ་བར་འགྲོ༔ དམ་བསྲུངས་རྡོ་རྗེའི་ཆུ་འཐུངས་ཤིག༔ ཅེས་གདམས་པ་ལ། དེང་ཕྱིན་ཆད་དམ་ཚིག་ཚུལ་བཞིན་དུ་བསྲུངས་སྙམ་པས་རྡོ་རྗེའི་བྲོ་བོར་བ་འདིའི་རྗེས་ཟློས། བཛྲ་ས་མ་ཡ་ཨི་དན་ན་ར་ཀན༔

དེ་ལྟར་དམ་ལ་བཞག་པས་བརྟན་པར་བྱས་ལ། ཡེ་ཤེས་དབབ་པའི་སླད་དུ། ཁྱེད་རང་རྣམས་ལུས་གནད་སྐྱིལ་ཀྲུང་དྲང་པོར་བསྲང༌། ངག་གནད་རླུང་ཁ་སྦྱོར་དུ་འཆིངས། སེམས་ཀྱི་གནད་གཞན་དུ་མ་ཡེངས་པས་དམིགས་པ་འདི་བཞིན་དུ་མཛོད། ཁྱེད་རང་རྣམས་སྐད་ཅིག་གིས་འཕགས་པ་འཇིག་རྟེན་དབང་ཕྱུག་སྐུ་མདོག་དམར་གསལ་བདེ་བ་ཆེན་པོའི་ལང་ཚོ་རབ་ཏུ་རྒྱས་པས་ཁྲོ་འཛུམ་ཆགས་པའི་ཉམས་ཀྱིས་སྒེག་པ། སྤྱན་གཉིས་འགྲོ་ལ་ལྷག་པར་གཟིགས་པ། དབུ་སྐྲ་རལ་པའི་ཐོར་ཚུགས་བཅིངས་པའི་ལྷག་མ་ཐུར་དུ་འཕྱང་བ། ཕྱག་གཡས་པདྨའི་ཕྲེང་བ་ཐུགས་ཀར་འདྲེན་ཞིང༌། གཡོན་མཉམ་གཞག་གིས་བདུད་རྩིའི་གང་བའི་ཚེ་བུམ་འཛིན་པ། ཞབས་རྡོ་རྗེའི་སྐྱིལ་ཀྲུང་གིས་པད་ཉི་ཟླ་བའི་སྟེང་བཞུགས་པའི་པང་དུ་ཡུམ་གསང་བ་ཡེ་ཤེས་དམར་པོ་ཨུཏྤལ་དང་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་དར་དང་རིན་པོ་ཆེའི་རྒྱན་ཆས་ཡོངས་སུ་རྫོགས་པ། རིགས་ཀྱི་བདག་པོ་བདེ་གཤེགས་སྣང་བ་མཐའ་ཡས་དང༌། ཐུགས་ཀར་བདེ་གཤེགས་ཞི་བའི་ལྷ་ཚོགས། དུང་ཁང་དུ་འབར་བ་ཁྲག་འཐུང་གི་ཚོམ་བུ་བཅས། མ་འདྲེས་གསལ་རྫོགས་སུ་བཞུགས་པའི་སྐུ་ལས་དྲི་མ་མེད་པའི་འོད་ཟེར་འཕྲོ་བའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཐུགས་ཀའི་ཧཱུྃ་ལས་འོད་ཟེར་འཕྲོས་པས། སྐུ་གསུམ་རྒྱལ་བའི་ཞིང་རབ་འབྱམས་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་འཕགས་པ་འཇིག་རྟེན་དབང་ཕྱུག་གི་རྣམ་པར་ཁ་བ་དང་བུ་ཡུག་འཚུབས་པ་ལྟར་བྱོན་ནས་ཁྱེད་རང་རྣམས་ལ་སིབ་སིམ་ཐིམ་པས་གཉིས་མེད་དུ་གྱུར་པའི་མོས་པ་མཛོད། ཁྱད་པར་གྱི་སྤོས་བདུག །ཌཱ་དྲིལ་སོགས་རོལ་མོའི་སྒྲ་འཁྲོལ་ཞིང༌། ཧཱུྃ་ཧྲཱིཿ འོག་མིན་པདྨོ་བཀོད་པའི་དཀྱིལ་འཁོར་ནས༔ འཆི་མེད་འོད་སྣང་མཐའ་ཡས་གཤེགས་སུ་གསོལ༔ སྣང་སྟོང་སྒྱུ་འཕྲུལ་དྲྭ་བའི་གཞལ་ཡས་ནས༔ འཕགས་མཆོག་སྙིང་རྗེའི་བདག་ཉིད་གཤེགས་སུ་གསོལ༔ གནས་ཡུལ་དུར་ཁྲོད་དྲག་པོའི་ཕོ་བྲང་ནས༔ དབང་ཆེན་རིགས་ལྔ་ཡབ་ཡུམ་གཤེགས་སུ་གསོལ༔ ཕྱོགས་བཅུ་དུས་བཞིའི་ཞིང་ཁམས་རབ་འབྱམས་ནས༔ སྲས་བཅས་རྒྱལ་བ་རྒྱ་མཚོ་གཤེགས་སུ་གསོལ༔ དོན་དམ་འགྲོ་འོང་མཚན་མ་ལས་འདས་ཀྱང་༔ འགགས་མེད་ཐུགས་རྗེའི་དབང་གིས་གནས་འདིར་གཤེགས༔ སྒོ་གསུམ་དཀྱིལ་འཁོར་གསུམ་དུ་དབང་བསྐུར་ལ༔ མཆོག་དང་ཐུན་མོང་དངོས་གྲུབ་བྱིན་ཆེན་ཕོབ༔ ཨོཾ་ཨཱཿཧཱུྃ་ཧྲཱི་ཧྲཱིཿ གུ་རུ་དེ་བ་ཌཱ་ཀི་ནཱི་ལོ་ཀེ་ཤྭ་ར་བཛྲ་ཛྙཱ་ན་སརྦ་ས་མ་ཡ་ཨ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ སྔགས་དྲག་ཏུ་བརྗོད་པས་དབབ། དེ་ལྟར་བྱིན་ཕེབས་པའི་ཡེ་ཤེས་པ་རྣམས་བརྟན་པར་གྱུར་སྙམ་པའི་མོས་པ་མཛོད། སྤྱི་བོར་རྡོ་རྗེ་རྒྱ་གྲམ་དུ་བཞག་སྟེ། ཨོཾ་བཛྲ་ཏིཥྛནྟུ། དངོས་གྲུབ་བརྟག་པའི་སླད་དུ་མིག་དར་དང་བཅས་པས་དཀྱིལ་འཁོར་གྱི་སྟེང་གི་ནམ་མཁའ་ལ་ལྟོས་ལ་ཁ་དོག་ཅི་མཐོང༌། ཞེས་དྲི། སོ་སོར་མཐོང་བ་དང་བསྟུན་ཏེ་འདི་སྐད་ཅེས། དེ་ནས་དཀར་པོར་མཐོང་ན་གཙོ་བོ་རྡོ་རྗེའི་རིགས། སྔོན་པོར་མཐོང་ན་དེ་བཞིན་གཤེགས་པའི་རིགས། སེར་པོར་རིན་ཆེན། དམར་པོར་པདྨ། ལྗང་གུ་ལས་ཀྱི་རིགས་ཀྱི་ལས་དང་དངོས་གྲུབ་ཐོབ་པ་ཡིན་ནོ། །ཞེས་བརྡ་སྤྲད། དེ་ནས་རིགས་བརྟག་པའི་ཕྱིར་མེ་ཏོག་དོར་བ་ནི། འདི་ན་འཕགས་པ་འཇིག་རྟེན་དབང་ཕྱུག་པདྨ་སྒྱུ་འཕྲུལ་དྲྭ་བའི་དཀྱིལ་འཁོར་གྱི་ལྷ་ཚོགས་བཞུགས་པ་ཡིན་པས། ངོ་བོ་ཡེ་ཤེས་ཀྱི་རོལ་པ་ལ་བཟང་ངན་མེད་ཀྱང་རང་གི་ལས་འབྲེལ་ཡོད་པའི་ལྷ་དེ་ལ་འབབ་པར་ཤོག་ཅིག་སྙམ་དུ་ཚིག་འདིའི་རྗེས་ཟློས་དང་བཅས་ཏེ་སྔར་བྱིན་པའི་མེ་ཏོག་གི་ཕྲེང་བ་དེ་ཉིད་ལྟོས་པ་མེད་པར་དོར་མཛོད། ཧོཿ རང་སྣང་རྣམ་དག་འོག་མིན་དུ༔ བདེ་ཆེན་རྡོ་རྗེའི་མཎྜལ་ལར༔ རིག་པའི་མེ་ཏོག་འདི་དོར་བས༔ ལྷག་པའི་ལྷ་ལ་འབབ་པར་ཤོག༔ ཨོཾ་སརྦ་ཏ་ཐཱ་ག་ཏ་མཎྜ་ལ་པུཥྤེ་པྲ་ཏིཙྪ་ཧོཿ ཞེས་མཎྜལ་ཚོམ་བུ་ལྔ་པ་དཀྱིལ་འཁོར་དང་རོ་གཅིག་ཏུ་མོས་ནས་དོར་དུ་གཞུག །དེའང་མེ་ཏོག་དབུས་ཀྱི་ཚོམ་བུ་ལ་བབས་ན་གསང་མཚན་རིགས་ཀྱི་གཙོ་བོ་དང་མཐུན་པར་བཏགས་པ་ཡིན་པས་མ་བརྗེད་པར་གྱིས་ཤིག །ཅེས་བཏགས་ནས། རང་གི་ཕུལ་བའི་མེ་ཏོག་གི་ཕྲེང་བ་དེ་རིགས་གང་གིས་བཞེས་པའི་ལྷ་དེས་སླར་ཡང་རང་གི་སྤྱི་བོར་བཅིངས་པའི་མོས་པ་མཛོད། ཁྱོད་ནི་བླ་མེད་བྱང་ཆུབ་ཀྱི༔ ཡེ་ཤེས་དམ་པའི་སྣོད་ཡིན་ཕྱིར༔ རྡོ་རྗེའི་དམ་ཚིག་འདི་ཟུངས་ལ༔ རང་གཞན་དོན་གཉིས་སྒྲུབ་པར་གྱིས༔ པྲ་ཏི་གྲྀཧྞ་ཨི་མཾ་ས་ཏྭ་མ་ཧཱ་བཱ་ལ༔ ཞེས་མེ་ཏོག་སྤྱི་བོར་བཞག

།དེ་ནས་མ་རིག་པའི་ལིང་ཏོག་མིག་དར་དང་ལྷན་ཅིག་བསལ་བའི་མོས་པ་མཛོད༔ ཧོཿ ཇི་ལྟར་མིག་མཁན་རྒྱལ་པོ་ཡིས༔ འཇིག་རྟེན་རབ་རིབ་བསལ་བ་ལྟར༔ བུ་ཁྱོད་ཀྱི་ནི་མི་ཤེས་པའི༔ རབ་རིབ་རྒྱལ་བ་རྣམས་ཀྱི་བསལ༔ ཨོཾ་ཛྙཱ་ན་ཙཀྵུ་པྲ་ཝེ་ཤ་ཡ་ཕཊཿ ཅེས་མིག་རས་བསལ། དེ་ལྟར་མ་རིག་པའི་ལིང་ཏོག་མིག་དར་གྱིས་མཚོན་པ་བསལ་བའི་ཤུལ་ནས་ཡེ་ཤེས་ཀྱི་མིག་གསར་དུ་ཐོབ་པ་དེས་འཕགས་པ་ཐུགས་རྗེ་ཆེན་པོ་པདྨ་སྒྱུ་འཕྲུལ་དྲྭ་བའི་དཀྱིལ་འཁོར་ཆེན་པོ་རྟེན་དང་བརྟེན་པར་བཅས་པ་མངོན་སུམ་པ་ལྟར་མཐོང་བའི་མོས་པ་མཛོད། དེ་ཡང་གཉིས་འཛིན་གྱི་རྟོག་པ་སྲེག་པའི་བརྡར་ཕྱི་རོལ་དུ་ཡེ་ཤེས་ཀྱི་མེ་རབ་ཏུ་འབར་བ། དེའི་ནང་དུ་མི་རྟོག་པའི་ཡེ་ཤེས་ལ་ཅིས་ཀྱང་མི་ཤིགས་པའི་བརྡར་རྡོ་རྗེའི་ར་བ། རྣམ་ཤེས་ཚོགས་བརྒྱད་གནས་སུ་དག་པའི་བརྡར་དུར་ཁྲོད་ཆེན་པོ་བརྒྱད་ཉེས་སྐྱོན་གྱིས་མ་གོས་པའི་བརྡར་པད་ཕྲེང༌། རང་བཞིན་གྱིས་འོད་གསལ་བའི་བརྡར་ཉི་གདན། རྟེན་འབྲེལ་བཅུ་གཉིས་དག་པའི་བརྡར་འོག་གཞི་སྣ་ཚོགས་རྡོ་རྗེ་རྭ་བཅུ་གཉིས་པ། སངས་རྒྱས་ཀྱི་ཡེ་ཤེས་ཉིད་དབྱིབས་དང་ཁ་དོག་ཏུ་སྣང་བས་གདུལ་བྱའི་རེ་བ་སྐོང་བའི་བརྡར་གཞལ་ཡས་ཁང་རྒྱུ་རིན་པོ་ཆེ་ལས་གྲུབ་པ། བྱང་ཕྱོགས་སོ་བདུན་དང་མ་འདྲེས་པའི་ཡོན་ཏན་སོགས་འབྲས་བུའི་ཆོས་ཐམས་ཅད་མ་འདྲེས་ཡོངས་རྫོགས་སུ་དག་པའི་བརྡར་དཀྱིལ་འཁོར་གྱི་དབྱིབས་དང་རྒྱན་གྱི་བྱེ་བྲག་ལ་སོགས་ཏེ་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་ཡེ་ཤེས་ལྔ་མཚོན་པའི་པདྨའི་འདབ་བཞི་ལྟེ་བ་དང་བཅས་པའི་དབུས་དང་ཕྱོགས་མཚམས་སུ་གདན་པདྨ་དང་ཟླ་བའི་དཀྱིལ་འཁོར། སྒོ་བཞིར་ཉི་མའི་གདན་རེ་རེ། བརྟེན་པ་ལྷ་ནི་དཀྱིལ་འཁོར་དབུས་སུ་རྒྱལ་ཀུན་ཐུགས་རྗེའི་རང་གཟུགས་འཕགས་པ་འཇིག་རྟེན་དབང་ཕྱུག་སྐུ་མདོག་དམར་གསལ་ཕྱག་གཡས་ཐུགས་ཀར་པད་ཕྲེང་འདྲེན་ཞིང༌། གཡོན་པས་མཉམ་བཞག་གིས་ཚེ་བུམ་འཛིན་པ། ཞབས་རྡོ་རྗེའི་སྐྱིལ་ཀྲུང་གིས་ཡུམ་གསང་བ་ཡེ་ཤེས་པདྨ་དང་བྷནྡྷ་འཛིན་པ་དང་སྦྱོར་བ་དར་དང་རིན་པོ་ཆེའི་རྒྱན་ཅན། ཕྱོགས་མཚམས་འདབ་མ་དྲུག་ལ་མཉམ་ཉིད་ཡེ་ཤེས་ཀྱི་བདག་ཉིད་ལྷ་ཡི་ཐུབ་པ་དཀར་པོ་པི་ཝང་འཛིན་པ། བྱ་གྲུབ་ཡེ་ཤེས་ཀྱི་བདག་ཉིད་ལྷ་མིན་ཐུབ་པ་ལྗང་སྔོན་གོ་མཚོན་འཛིན་པ། རང་བྱུང་ཡེ་ཤེས་ཀྱི་བདག་ཉིད་མིའི་ཐུབ་པ་སེར་པོ་གསེག་སྤར་འཛིན་པ། ཆོས་དབྱིངས་ཡེ་ཤེས་ཀྱི་བདག་ཉིད་བྱོལ་སོང་ཐུབ་པ་སྔོ་ནག་པུསྟི་འཛིན་པ། སོར་རྟོག་ཡེ་ཤེས་ཀྱི་བདག་ཉིད་ཡི་དྭགས་ཐུབ་པ་དམར་སྐྱ་སྒྲོམ་བུ་འཛིན་པ། མེ་ལོང་ཡེ་ཤེས་ཀྱི་བདག་ཉིད་དམྱལ་བའི་ཐུབ་པ་ནག་པོ་མེ་ཆུ་འཛིན་པ། ཀུན་ཀྱང་ཚངས་པར་སྤྱོད་པའི་ཆ་བྱད་ཅན་མཉམ་པའི་སྟབས་ཀྱི་བཞེངས་པ། པདྨའི་གེ་སར་ཟིལ་ཕོད་རབ་ཏུ་རྒྱས་པའི་སྟེང་ན་སྟོང་དང་སྙིང་རྗེའི་ཡེ་ཤེས་ཟུང་དུ་འཇུག་པའི་བདག་ཉིད་ཕ་རོལ་ཏུ་ཕྱིན་པ་བཅུའི་རྫོགས་སྨིན་སྦྱངས་པ་ཕ་མཐར་སོན་པའི་བསྐལ་བཟང་གི་སེམས་དཔའ་སྟོང་རྩ་གཉིས་ཐམས་ཅད་འགྲོ་འདུལ་ཐུགས་རྗེ་ཆེན་པོའི་རྣམ་པར་བཞུགས་པ། སྒོ་བཞིར་ཚད་མེད་བཞིས་འགྲོ་བ་འདུལ་བས་ཕྲིན་ལས་བཞིའི་བདག་ཉིད་སྒོ་མ་ཌཱ་ཀི་བཞི་སྟེ། ཤར་སྒོར་ལྕགས་ཀྱུ་མ་དཀར་མོ། །ལྷོ་སྒོར་ཞགས་པ་མ་སེར་མོ། །ནུབ་སྒོར་ལྕགས་སྒྲོག་མ་དམར་མོ། །བྱང་སྒོར་དྲིལ་བུ་མ་ལྗང་གུ། བཞི་ཀ་གཡོན་སྡིགས་མཛུབ་དང༌། ཞབས་དོར་སྟབས། དར་དང་རིན་པོ་ཆེ་རུས་པའི་བརྒྱན་པ། ལྷ་ཚོགས་དེ་ཐམས་ཅད་ཀྱང་སེམས་ཉིད་རང་བྱུང་གི་ཡེ་ཤེས་འགག་མེད་སྒྱུ་འཕྲུལ་གྱི་རོལ་པར་འཆར་བའི་ཡེ་ཤེས་ཀྱི་སྣང་བརྙན་ད་རེས་མཚན་མའི་རྟགས་འདིས་མཚོན་ནས་མཐོང་བར་གྱུར་སྙམ་དུ་མོས་པ་ཡང་དག་པར་མཛོད། ཅེས་ངོ་སྤྲོད། དེ་ལྟར་ཕྱི་ནང་གི་འཇུག་པའི་རིམ་པ་རྣམས་སོང་ནས། གཉིས་པ་དངོས་གཞི་ཞུགས་པའི་དཀྱིལ་འཁོར་དུ་མངོན་པར་དབང་བསྐུར་བ་ལའང་སྐབས་ཕྱེད་པའི་སླད་དུ་མཎྜལ་འབུལ་བར་ཞུ། དེ་ལྟར་མཎྜལ་ཕུལ་ནས་མི་ཕྱེད་དད་པའི་གདུང་ཤུགས་དྲག་པོས་གསོལ་བ་གདབ་པ་འདིའི་རྗེས་ཟློས་མཛོད། སངས་རྒྱས་ཀུན་འདུས་ཐུགས་རྗེའི་གཏེར༔ བདག་ལ་བརྩེ་བས་ཉེར་དགོངས་ནས༔ འགྲོ་འདུལ་འཕགས་པའི་ལྷ་ཚོགས་ཀྱི༔ དབང་བསྐུར་དམ་པ་སྩལ་དུ་གསོལ༔ ལན་གསུམ། ཞེས་པས་གསོལ་བ་གདབ་ནས། དངོས་གཞིའི་དབང་བསྐུར་བ་ལ། བུམ་པ། གསང་བ། ཤེས་རབ་ཡེ་ཤེས། བཞི་པ་ཚིག་དབང༌། མཐའ་རྟེན་གཏད་རྒྱའི་དབང་དང་ལྔ་ལས་ཐོག་མར་གཟུགས་བརྙན་གྱི་དཀྱིལ་འཁོར་དུ་བུམ་པའི་དབང་བསྐུར་བ་སྐབས་སུ་བབས་པ་ཡིན། དང་པོ་དད་བརྩོན་ཅན་རྗེས་སུ་བཟུང་བར་བྱ་བའི་ཕྱིར་ཕན་པའི་དབང་བསྐུར་བ་ལ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་པས་ཕྱོགས་བཅུ་དུས་བཞིའི་དེ་བཞིན་གཤེགས་པ་སྲས་དང་བཅས་པ་ཐམས་ཅད་གདན་གསུམ་ཚང་བའི་དབང་གི་ལྷ་ཚོགས་ཀྱི་རྣམ་པར་སྤྲིན་ཕུང་གཏིབས་པ་བཞིན་དུ་མདུན་གྱི་ནམ་མཁར་སད་པར་གྱུར། ནམ་མཁར་བཞུགས་པའི་དབང་གི་ལྷ་དང་སློབ་དཔོན་ལྷན་ཅིག་པས་བཀྲ་ཤིས་པའི་རྣམ་པ་དུ་མ་དང་ལྡན་པས་རིན་པོ་ཆེའི་བུམ་པ་བྱང་ཆུབ་སེམས་ཀྱི་བདུད་རྩིས་གང་བས་དབང་བསྐུར་བར་བསམ་ལ། རྣམ་བུམ་གྱི་དབང་བསྐུར་ལ། ཧཱུྃ་ཧྲཱིཿ སྣང་སྟོང་བུམ་པའི་དཀྱིལ་འཁོར་དུ༔ འགྲོ་འདུལ་ཐུགས་རྗེའི་ལྷ་ཚོགས་ཤར༔ སྐལ་ལྡན་བུ་ལ་དབང་བསྐུར་བས༔ ཕུང་ཁམས་ལྷ་སྐུར་སྨིན་པར་ཤོག༔ ཨོཾ་མ་ཎི་པདྨེ་ཧཱུྃ་ཧྲཱིཿ ཀཱ་ཡ་ཨ་བྷི་ཥིཉྩ་ཨོཾ། ཞེས་བུམ་པའི་ཆུས་དབང་བསྐུར་བས་སྐུ་གང་དྲི་མ་དག །ཆུའི་ལྷག་མ་སྤྱི་བོར་འཁྱིལ་བ་ལས་རིགས་ཀྱི་བདག་པོས་དབུ་བརྒྱན་པ་ལ་ནམ་མཁར་བཞུགས་པའི་གདན་གསུམ་ཚང་བའི་ལྷ་ཐམས་ཅད་ཀྱང་ཐིམ་པར་གྱུར་པ་ལ་དཀྱིལ་འཁོར་གྱི་ལྷ་དང་སློབ་དཔོན་ལྷན་ཅིག་པས་ཤིས་བརྗོད་མེ་ཏོག་གཏོར་བས་རབ་ཏུ་གནས་པར་བྱས་པའི་མོས་པ་མཛོད། ཅེས་མེ་ཏོག་འཐོར་བཞིན་དུ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ།

དེ་ནས་ནང་ལུས་དཀྱིལ་གྱི་བསྐྱེད་རིམ་ལ་དབང་བའི་སླད་དུ་ཐ་མལ་གྱི་སྣང་ཞེན་སྦྱོང་བ་དཀྱིལ་འཁོར་གྱི་ལྷ་ཚོགས་རྣམས་ཀྱི་སྐུའི་དབང་སྦྱིན་པ་ནི། ཁྱེད་རང་རྣམས་དཀྱིལ་འཁོར་གྱི་གཙོ་བོར་གསལ་བར་གྱུར་པ་ལ་དཀྱིལ་འཁོར་གྱི་ལྷ་ཚོགས་རྣམས་མར་མེ་གཅིག་ལས་གཉིས་ཆད་ལྟར་བྱོན་ནས་རང་རང་གི་བསྐུར་གནས་སོ་སོར་ཐིམ་པས་ཅིར་སྣང་ལྷ་སྐུ་སྒྱུ་མ་ལྟ་བུའི་རོལ་པས་རང་གཞན་གྱི་དོན་སྒྲུབ་པའི་ནུས་པ་ཁྱད་པར་ཅན་ཐོབ་པའི་མོས་པ་མཛོད། གཙོ་བོའི་ཙཀ་ལི་སྙིང་གར་བཞག་ཏེ། ཧྲཱིཿ བདེ་ཆེན་བཞད་པ་གར་གྱི་དབང༌། །སྟོང་དང་སྙིང་རྗེའི་དབང་ཕྱུག་ཆེ། །སྤྱན་རས་གཟིགས་ཀྱི་དབང་བསྐུར་བས། །བྱང་ཆུབ་སྤྱོད་པ་ཡོངས་རྫོགས་ཤོག །ཨོཾ་ཨཱཿཧཱུྃ། ཨོཾ་མ་ཎི་པདྨེ་ཧཱུྃ་ཧྲཱིཿ ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ མ་ཆགས་བདེ་ཆེན་པདྨའི་རིགས། །སྐུ་ཚེ་འོད་སྣང་མཐའ་ཡས་མགོན། །འོད་དཔག་མེད་པས་དབང་བསྐུར་བས། །རྡོ་རྗེའི་ཡེ་ཤེས་མཆོག་ཐོབ་ཤོག །ཨོཾ་ཨཱཿཧཱུྃ། ཨ་མི་ཏ་བྷ་ཧཱུྃ། ཀཱ་ཡ་ཨ་བྷི་ཥིཉྩ་ཧཱུྃ། ཧྲཱིཿ རྡོ་རྗེའི་སྐུ་ཡི་གནས་ལྔ་ནས། །ཡེ་ཤེས་རྣམ་པ་ལྔ་ཡི་དངོས། དབང་ཆེན་རིགས་ལྔས་དབང་བསྐུར་བས། །སྐུ་ལྔའི་ཡེ་ཤེས་མངོན་གྱུར་ཤོག །ཨོཾ་ཨཱཿཧཱུྃ། བུདྡྷ་པདྨ་བཛྲ་རཏྣ་ཀརྨ་ཧཱ་ཡ་གྲྀ་ཝ་ཨ༴ ཧྲཱིཿ ཐུགས་ཀ་སྤྱི་བོའི་དུང་ཁང་ནས། །ཐབས་ཤེས་བདེ་ཆེན་སྒྱུ་འཕྲུལ་དྲྭ། །ཞི་ཁྲོའི་ལྷ་ཡིས་དབང་བསྐུར་བས། །བདེ་སྟོང་ཡེ་ཤེས་མངོན་གྱུར་ཤོག །ཨོཾ་ཨཱཿཧཱུྃ། བཛྲ་ཤཱནྟིཾ་ཀྲོ་དྷཱ་ཨ༴ ཧྲཱིཿ མེ་ལོང་ཡེ་ཤེས་རྣམ་དག་པས། །ཚ་གྲང་སྡུག་བསྔལ་སྦྱངས་མཛད་པ། །དམྱལ་བའི་ཐུབ་པས་དབང་བསྐུར་བས། །ཞེ་སྡང་རྒྱུ་འབྲས་དག་གྱུར་ཅིག །ཨོཾ་ཨཱཿཧཱུྃ། མ་ཧཱ་མུ་ན་ཡེ་ཨ་བྷི་ཥིཉྩ་ཧཱུྃ། ཧྲཱིཿ མཉམ་ཉིད་ཡེ་ཤེས་རྣམ་དག་པས། །བཀྲེས་སྐོམ་སྡུག་བསྔལ་སྦྱོངས་མཛད་པ། །ཡི་དྭགས་ཐུབ་པས་དབང་བསྐུར་བས། །སེར་སྣའི་རྒྱུ་འབྲས་དག་གྱུར་ཅིག །ཨོཾ་ཨཱཿཧཱུྃ། མ་ཧཱ་མུ་ན་ཡེ་ཨ༴ ཧྲཱིཿ སོར་རྟོག་ཡེ་ཤེས་རྣམ་དག་པས། །ཀླེན་ལྐུག་སྡུག་བསྔལ་སྦྱངས་མཛད་པ། །དུད་འགྲོའི་ཐུབ་པས་དབང་བསྐུར་བས། །གཏི་མུག་རྒྱུ་འབྲས་དག་གྱུར་ཅིག །ཨོཾ་ཨཱཿཧཱུྃ། མ་ཧཱ་མུ་ན་ཡེ་ཨ༴ ཧྲཱིཿ རང་བྱུང་ཡེ་ཤེས་རྣམ་དག་པས། །སྐྱེ་རྒ་ན་འཆིའི་སྡུག་བསྔལ་སྦྱོངས། །མི་ཡི་ཐུབ་པས་དབང་བསྐུར་བས། །ཐེ་ཚོམ་རྒྱུ་འབྲས་དག་གྱུར་ཅིག །ཨོཾ་ཨཱཿཧཱུྃ། མ་ཧཱ་མུ་ན་ཡེ་ཨ༴ ཧྲཱིཿ བྱ་གྲུབ་ཡེ་ཤེས་རྣམ་དག་པས། །འཐབ་རྩོད་སྡུག་བསྔལ་སྦྱོངས་མཛད་པ། །ལྷ་མིན་ཐུབ་པས་དབང་བསྐུར་བས། །ཕྲག་དོག་རྒྱུ་འབྲས་དག་གྱུར་ཅིག །ཨོཾ་ཨཱཿཧཱུྃ། མ་ཧཱ་མུ་ན་ཡེ་ཨ༴ ཧྲཱིཿ མཉམ་ཉིད་ཡེ་ཤེས་རྣམ་དག་པས། །འཕོ་ལྟུང་སྡུག་བསྔལ་སྦྱོངས་མཛད་པ། །ལྷ་ཡི་ཐུབ་པས་དབང་བསྐུར་བས། །ང་རྒྱལ་རྒྱུ་འབྲས་དག་གྱུར་ཅིག །ཨོཾ་ཨཱཿཧཱུྃ། མ་ཧཱ་མུ་ན་ཡེ་ཨ༴ ཧྲཱི༔ མཁྱེན་བརྩེའི་ཡེ་ཤེས་རྣམ་དག་པས། །དུས་གསུམ་གདུལ་བྱ་འདུལ་མཛད་པ། །སངས་རྒྱས་སྟོང་གི་དབང་བསྐུར་བས། །འགྲོ་འདུལ་ཕྲིན་ལས་མཐར་ཕྱིན་ཤོག །ཨོཾ་ཨཱཿཧཱུྃ། མ་ཧཱ་མུ་ན་ཡེ་ཨ༴ ཧྲཱིཿ ཚད་མེད་བཞི་པོ་རྣམ་དག་པས། །བསྡུ་བ་རྣམ་བཞིའི་ཕྲིན་ལས་ཅན། །ཌཱ་ཀི་རིགས་བཞིའི་དབང་བསྐུར་བས། །དགའ་བཞིའི་ཡེ་ཤེས་མངོན་གྱུར་ཤོག །ཨོཾ་ཨཱཿཧཱུྃ་བཛྲ་རཏྣ་པདྨ་ཀརྨ་ཌཱ་ཀི་ནི་ཨ༴ དེ་ལྟར་ནང་ལྷའི་དབང་བསྐུར་བས་འཁོར་འདས་ཀྱི་རྟོག་ཚོགས་ཐམས་ཅད་སྣང་སྟོང་ལྷའི་རོལ་པར་ཡོངས་སུ་དག་པས་ནང་དཀྱིལ་ཟབ་མོའི་བསྐྱེད་རིམ་འཁོར་བཅས་ལ་དབང་འབྱོར་བར་བྱས་པ་ཡིན་ནོ།

།དེ་ནས་ངག་ཐ་མལ་དུ་ཞེན་པ་སྦྱོང་བའི་ཕྱིར་གསུང་བཟླས་པའི་ལུང་སྦྱིན་པ་ལ། སློབ་དཔོན་དང་དཀྱིལ་འཁོར་གྱི་ལྷ་ཚོགས་གཉིས་སུ་མེད་པའི་སོ་སོའི་ཐུགས་ཀ་ནས་སྔགས་ཀྱི་ཕྲེང་བ་འཕྲོས། ཞལ་ནས་བྱུང༌། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་སྲོག་ཡེ་ཤེས་སེམསདཔའ་དབང་ཆེན་རྟ་ཕག་ཡབ་ཡུམ་གྱི་ཐུགས་པད་ཉི་ཟླ་བའི་སྟེང་དྭངས་མའི་ས་བོན་ཧྲཱིཿཡིག་གི་མཐར་ཕྲེང་བ་ལྟར་འཁོད་པར་མོས་ལ་བསྙེན་པའི་སྔགས་འདི་ཡི་རྗེས་ཟློས་ལན་གསུམ་མཛོད། ཨོཾ་མ་ཎི་པདྨེ་ཧཱུྃ་ཧྲཱི༔ ལན་གསུམ། །སླར་ཡང་ཐུགས་ཀའི་ཧྲཱིཿལས་བྱུང་བའི་སྔགས་ཕྲེང་ཡེ་ཤེས་སེམས་དཔའ་ཡབ་ཡུམ་གྱི་ཞལ་དང་མཁའ་གསང་ནས་བརྒྱུད་དེ་འཁོར་བའི་འོད་ཟེར་གྱིས་རྩ་བ་གསུམ་གྱི་ལྷ་ཚོགས་མཆོད་ཅིང་ཐུགས་དམ་བསྐུལ། བྱིན་རླབས་དངོས་གྲུབ་ཐམས་ཅད་འོད་ཟེར་གྱི་རྣམ་པར་བསྡུས་ཏེ་ཐིམ། སྣོད་བཅུད་ཀྱི་དངོས་འཛིན་བག་ཆགས་དང་བཅས་པ་སྦྱངས་ནས་ལྷ་སྔགས་ཡེ་ཤེས་ཀྱི་འཁོར་ལོར་གྱུར་པར་མོས་ལ་གཙོ་འཁོར་ཡོངས་རྫོགས་སུ་སྒྲུབ་པའི་སྔགས་ཀྱི་རྗེས་ཟློས། ཨོཾ་ཨཱཿཧཱུྃ་ཧྲཱིཿཧྲཱིཿ་སརྦ་ཏ་ཐཱ་ག་ཏ་བྷོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཧྲཱི་བཛྲ་ཀྲོ་དྷ་ཧྱ་གྲྀ་བ་ཌཱ་ཀི་ནཱི་ཧ་རི་ནི་ས་ཙིཏྟ་ཧྲཱིཾ་ཧྲཱིཾ་ཛ་ཛཿ ལན་གསུམ། དེས་གསུང་གི་དབང་ཐོབ་པས་དེང་ཕྱིན་ཆད་གྲགས་སྟོང་སྔགས་ཀྱི་ལམ་ཁྱེར་དང་མ་བྲལ་བ་གྱིས་ཤིག །ཐུགས་རང་བྱུང་གི་དགོངས་པ་ངོ་སྤྲད་པའི་སླད་དུ། མེ་ལོང་དྭངས་པའི་ངོས་སུ་གཟུགས་བརྙན་སྣ་ཚོགས་སྣང་ཡང་རང་བཞིན་མ་གྲུབ་པའི་དཔེས་མཚོན་ནས། རང་སེམས་སྟོང་པའི་རང་རྩལ་ལས་གཟུང་འཛིན་འཁྲུལ་པའི་སྣང་བ་སྣ་ཚོགས་སུ་ཤར་ཡང་གདོད་མ་ནས་སྐྱེ་འགག་གནས་གསུམ་བྲལ་བའི་དོན་རང་རིག་སྐད་ཅིག་མའི་རང་རྩལ་དུ་ངོ་ཤེས་པར་གྱིས་ལ་སྣང་རིག་ཟུང་འཇུག་འོད་གསལ་ཆེན་པོའི་ངང་དུ་མཉམ་པར་ཞོག་ཅིག །མེ་ལོང་བསྟན་ལ། ཧཱུྃ༔ གཟུང་དང་འཛིན་པའི་རྟོག་པ་ཀུན༔ གདོད་ནས་རང་བཞིན་འོད་གསལ་ངང་༔ ཡེ་ཤེས་རྟོགས་པའི་དབང་བསྐུར་བས༔ ཟུང་འཇུག་གནས་ལུགས་མངོན་གྱུར་ཤོག༔ ཨོཾ་སརྦ་མཎྜ་ལ་ཙིཏྟ་ཨ་བྷི་ཥིཉྩ་ཧཱུྃ། དེང་ཕྱིན་ཆད་ཁམས་གསུམ་གྱི་རྣམ་པར་རྟོག་པའི་འཇུག་ལྡང་ཐམས་ཅད་རིག་སྟོང་དབྱེར་མེད་བསམ་གྱིས་མི་ཁྱབ་པ་ཐུགས་རྡོ་རྗེའི་ངོ་བོར་རྣམ་པར་དག་པ་ཡིན་ནོ། །ཞེས་རྟོགས་པ་བསྐྱེད། དེ་ལྟར་ཕྱི་མཚན་མའི་དཀྱིལ་འཁོར་དུ་བུམ་པའི་དབང་ཐོབ། ལུས་ཀྱི་དྲི་མ་དག །ལམ་བསྐྱེད་རིམ་བསྒོམ་པ་ལ་དབང༌། ཇི་ལྟར་སྣང་བ་ཐམས་ཅད་ལྷའི་འཁོར་ལོར་འཆར་བའི་ཡེ་ཤེས་མངོན་དུ་བྱས། འབྲས་བུ་སྐུ་རྡོ་རྗེ་སྤྲུལ་པའི་སྐུ་ཐོབ་པའི་སྐལ་བ་ཅན་དུ་བྱས་པ་ཡིན། ཞེས་རྟོགས་པ་བསྐྱེད་དོ།

།དེ་ནས་གསང་བ་ཟབ་མོའི་དབང་ལ་གསུམ་ཡོད་པ་ལས་དང་པོ་དང༌། རྩ་བའི་ས་བཅད་གཉིས་པ་བླ་མ་གསུང་རྡོ་རྗེའི་བདག་ཉིད་ཅན་ལ་གསང་དབང་ཞུ་བའི་ཕྱིར། དེ་ནས་སློབ་དཔོན་ཐུགས་རྗེ་ཆེན་པོ་རང་སྣང་གི་ཡུམ་གསང་བ་ཡེ་ཤེས་དང་རྗེས་སུ་ཆགས་པའི་སྦྱོར་བས་སྙོམས་པར་ཞུགས་པས་བྱང་ཆུབ་ཀྱི་སེམས་བདེ་བ་ཆེན་པོའི་རྟེན་དུ་གྱུར་པ་དྷུ་ཏིའི་ལམ་ནས་བརྒྱུད་འཁོར་ལོ་བཞིར་དགའ་བཞིའི་ཡེ་ཤེས་ཉམས་སུ་མྱོང་བ་ཡུམ་གྱི་པདྨོར་འཁྱིལ་བས་ཉི་ཟླ་གཉིས་འདྲེས་དེ་ཉིད་ཐོད་པའི་བདུད་རྩི་དང་རོ་གཅིག་ཏུ་གྱུར་པས་བདུད་རྩི་བྱང་ཆུབ་ཀྱི་སེམས་རྒྱུན་ཁྱེད་རང་རྣམས་ཀྱི་ལྕེ་ཐོག་ཏུ་བཞག་པའི་མོས་པ་མཛོད། ཧཱུྃ་ཧྲཱིཿ ཨེ་ཝཾ་ཟུང་འཇུག་དཀྱིལ་འཁོར་ནས༔ ཞུ་བདེའི་དྲངས་པའི་ཀུཎྜ་ལི༔ སྐལ་ལྡན་ཁྱོད་ལ་བྱིན་པ་ཡིས༔ རླུང་སྔགས་དབུ་མར་དག་པར་ཤོག༔ ཝ་ཀཱ་ཨ་བྷི་ཥིཉྩ་ཨཱཿ བདུད་རྩི་ཆང་དང་སྦྱར་བ་མྱོང་དུ་གཞུག །དེ་ནས་མགྲིན་པ་ནས་ཐིག་ལེ་འཕེལ་བས། ལུས་ཐམས་ཅད་རྩས་ཁྱབ། དེ་བྱང་ཆུབ་ཀྱི་སེམས་ཀྱིས་གང་ཞིང་ཁྱབ། དུས་གསུམ་གྱི་རྟོག་པ་འགགས། བྱང་ཆུབ་སེམས་ཀྱིས་ཁྱབ་པ་དེ་ཐམས་ཅད་ལ་བདེ་བས་ཁྱབ་སྟེ་ཞུ་བདེ་ཁྱད་པར་དུ་བྱས་པས་སེམས་གསལ་སྟོང་གི་ཡེ་ཤེས་ཉམས་སུ་མྱོང་བ་ནི་གསང་དབང་གི་ཡེ་ཤེས་སོ། །དེ་ལྟར་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་གསང་བའི་དབང་ཐོབ། ངག་གི་དྲི་མ་དག །ལམ་གཏུམ་མོའི་རྣལ་འབྱོར་བསྒོམ་པ་ལ་དབང༌། སྒྱུ་མ་ཆུ་ཟླ་ལྟ་བུའི་བདག་བྱིན་གྱིས་བརླབ་པའི་ཡེ་ཤེས་མངོན་དུ་བྱས་འབྲས་བུ་གསུང་རྡོ་རྗེ་ལོངས་སྤྱོད་རྫོགས་པའི་སྐུ་ཐོབ་པའི་སྐལ་བ་ཅན་དུ་བྱས་པ་ཡིན་ནོ། །ཞེས་རྟོགས་པ་བསྐྱེད། གསུམ་པ་བླ་མ་ཐུགས་རྡོ་རྗེའི་བདག་ཉིད་ཅན་གྱིས་ཤེས་རབ་ཡེ་ཤེས་ཀྱི་དབང་བསྐུར་བའི་སླད་དུ། བླ་མས་མཚན་ཉིད་དང་ལྡན་པའི་རིག་མ་གཟུགས་དང་ལང་ཚོ་ཕུན་སུམ་ཚོགས་པས་བརྒྱན་པ་ཞིག་ལག་པ་གཡས་ནས་བཟུང་སྟེ་ཁྱེད་རང་རྣམས་ཀྱི་ལག་གཡོན་དུ་གཏད་པའི་མོས་པ་མཛོད། ཧྲཱིཿ ཕྱག་རྒྱ་བྷ་གའི་དཀྱིལ་འཁོར་དུ༔ བདེ་སྟོང་ཡེ་ཤེས་ཉམས་མྱོང་ཕྱིར༔ སྣ་ཚོགས་གཟུགས་ཅན་འདི་གཏད་པས༔ ཐིག་ལེ་ཆོས་སྐུར་གྲོལ་བར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ ཞེས་རིག་མའི་ཙཀ་ལི་གཏད། དེ་ནས་ཁྱེད་རང་རྣམས་ཐུགས་རྗེ་ཆེན་པོ་དང༌། གཏད་པའི་རིག་མ་དེ་ཡུམ་གསང་བ་ཡེ་ཤེས་སུ་གསལ་བ་ནི་ལྷའི་འདུ་ཤེས། ཡབ་ཀྱི་གསང་གནས་ཧཱུྃ་ལས་རྡོ་རྗེའི་ལྟེ་བར་བྱང་ཆུབ་སེམས་ཀྱི་ངོ་བོ་ཧཱུྃ། པུ་གར་ཕཊ་ཀྱིས་མཚན་པ། ཡུམ་གྱི་མཁའ་ཨཱཿལས་པདྨ་ཟེའུ་འབྲུར་ཨས་མཚན་པར་གསལ་བ་ནི་སྔགས་ཀྱི་འདུ་ཤེས་ཐབས་འདི་ལ་བརྟེན་ནས་བདེ་སྟོང་གི་ཡེ་ཤེས་མངོན་དུ་བྱའོ་སྙམ་པ་ཆོས་ཀྱི་འདུ་ཤེས་ཏེ། དེ་ལྟར་འདུ་ཤེས་གསུམ་གྱི་སྒོ་ནས་སྙོམས་པར་ཞུགས་པ་རྗེས་ཆགས་ཀྱི་མེས་ཧྃ་ཡིག་ཞུ་བས་བྱང་ཆུབ་སེམས་ཀྱི་རྒྱུན་མགྲིན་པ་སོགས་འཁོར་ལོ་བཞིར་ལུགས་འབྱུང་གི་དགའ་བ་དང༌། མཆོག་དགའ་དང་ཁྱད་པར་གྱི་དགའ་བ་དང༌། དངོས་པོ་ལྷན་ཅིག་སྐྱེས་པའི་ཡེ་ཤེས་བཞི་རིམ་པར་ཉམས་སུ་མྱོང་ནས། སླར་ཡང་མཁའ་གསང་གི་རྩེར་འཛག་མེད་དུ་བཟུང་བ་དེ་ཉིད་གྱེན་དུ་དྲངས་པས་ལྟེ་བ་སོགས་འཁོར་ལོ་བཞིར་མས་བརྟན་གྱི་དགའ་བ་དང༌། ཁྱད་པར་གྱི་དགའ་བ་དང༌། རང་བཞིན་ལྷན་ཅིག་སྐྱེས་པའི་དགའ་བ་བཞི་རིམ་པར་ཉམས་སུ་མྱོང་སྟེ། རང་བཞིན་ལྷན་སྐྱེས་འོད་གསལ་བ་ཆེན་པོ་རང་གི་ངོ་བོར་ཆོས་ཐམས་ཅད་རོ་གཅིག་པར་མཐོང་བ་ནི་ཤེས་རབ་ཡེ་ཤེས་ཀྱི་དབང་གི་ངོ་བོ་སྟེ། དེ་ལྟར་ན་ཕྱག་རྒྱའི་བྷ་གའི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་ཐོབ་ཡིད་ཀྱི་དྲི་མ་དག །ཕོ་ཉའི་ལམ་སྒོམ་པ་ལ་དབང༌། ཆོས་ཐམས་ཅད་རང་བཞིན་བདེ་བ་ཆེན་པོར་རྟོགས་པའི་ཡེ་ཤེས་མངོན་དུ་བྱས། འབྲས་བུ་ཐུགས་རྡོ་རྗེ་ཆོས་ཀྱི་སྐུ་ཐོབ་པའི་སྐལ་བ་ཅན་དུ་བྱས་པ་ཡིན་ནོ། །ཞེས་རྟོགས་པ་བསྐྱེད།

བཞི་པ་བླ་མ་ཡེ་ཤེས་རྡོ་རྗེའི་བདག་ཉིད་ཅན་གྱིས་དབང་བཞི་པ་ཚིག་དབང་རིན་པོ་ཆེ་བསྐུར་བ་ལ། ཁྱེད་རང་རྣམས་ལུས་གནད་རྣམ་པར་སྣང་མཛད་ཀྱི་ཆོས་བདུན་དྲང་པོར་བསྲང༌། ངག་གནད་རླུང་རྩོལ་མེད་རང་བབས་སུ་བཞག །ཡིད་ཀྱི་གནད་དུས་གསུམ་རྟོག་པས་མ་བསླད་པའི་རང་རིག་སྐད་ཅིག་མའི་ངང་གཤིས་སྟོང་ཉིད་དུ་རྗེན་ནེ། གདངས་རིག་རྩལ་དུ་ལམ་མེ། དེ་གཉིས་དབྱེར་མེད་པར་ཉམས་སུ་མྱོང་བཞིན་དུ་བརྗོད་པའི་མཐའ་ཐམས་ཅད་ལས་འདས་པའི་བདེན་གཉིས་ཟུང་འཇུག་ལྷག་པའི་ཆོས་སྐུ་ཆེན་པོའི་དབྱིངས་སུ་འཛིན་མེད་དུ་མཉམ་པར་འཇོག་མཛོད། ཅེས་གདམས་ལ་དཔོན་སློབ་གཉིས་ཀས་ཅུང་ཟད་མཉམ་པར་བཞག །དེ་མཚོན་པར་བྱ་བའི་ཕྱིར་དབྱིངས་རིག་གཉིས་མེད་ཤེལ་དང་འཇའ་ཚོན་གྱི་བརྡས་མཚོན་ཏེ། ཨཱཿ ཀ་དག་གཞི་ཡི་དཀྱིལ་འཁོར་དུ༔ ལྷུན་གྲུབ་ལམ་གྱི་སྣང་བ་གསལ༔ གཉིས་སུ་མེད་པར་དབང་བསྐུར་བས༔ ཆོས་ཟད་འབྲས་བུ་མངོན་གྱུར་ཤོག༔ ཛྙཱ་ན་ཨ་བྷི་ཥིཉྩ་ཧྲཱིཿ དེ་ལྟར་བཞག་པས་སྣང་རིག་ངོས་བཟུང་དང་བྲལ་བའི་ཡེ་ཤེས་རྣམ་པར་མི་རྟོག་པ། མདངས་མ་འགགས་སལ་ལེ། རྩལ་ཅིར་ཡང་འཆར་བའི་ཟངས་ཐལ། དྭངས་གསལ་མི་གཡོ་བ་རྒྱ་ཆད་ཕྱོགས་ལྷུང་དང་བྲལ་བ་ནམ་མཁའ་དྭངས་པའི་དཀྱིལ་འཁོར་ལྟ་བུ་དེ་ནི་རང་བྱུང་གི་ཡེ་ཤེས་ཏེ་དབང་བཞི་པའི་ཡེ་ཤེས་ཡིན་ནོ། །ཞེས་ངོ་སྤྲོད། དེ་ལྟར་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་དབང་བཞི་པ་ཐོབ། ཕྲ་བའི་སྒོ་གསུམ་སྣང་གསུམ་གྱི་དྲི་མ་དག །ལམ་རྫོགས་པ་ཆེན་པོ་བསྒོམ་པ་ལ་དབང༌། ཤིན་ཏུ་རྣམ་པར་དག་པ་ལ་ལྷན་ཅིག་སྐྱེས་པའི་བདེ་ཆེན་མཆོག་ཏུ་མི་འགྱུར་བའི་ཡེ་ཤེས་མངོན་དུ་བྱས། འབྲས་བུ་ཡེ་ཤེས་རྡོ་རྗེ་ངོ་བོ་ཉིད་སྐུ་ཐོབ་པའི་སྐལ་བ་ཅན་དུ་བྱས་པ་ཡིན་ནོ། །ཞེས་རྟོགས་པ་བསྐྱེད། ལྔ་པ་དབང་བཞིའི་ཡེ་ཤེས་མ་སྐྱེས་པ་བསྐྱེད་ཅིང༌། སྐྱེས་པ་གོང་འཕེལ་དུ་བྱ་བ་མཐའ་རྟེན་གཏད་རྒྱའི་དབང་ནི། སྒྲུབ་པོད་སློབ་མའི་སྤྱི་བོར་བཀོད་དེ། མདུན་གྱི་ནམ་མཁར་ཕྱོགས་དུས་རྩ་བརྒྱུད་ཀྱི་བླ་མ་ཡི་དམ་རྒྱལ་བ་ཞི་ཁྲོ་དཔའ་བོ་མཁའ་འགྲོ། ཆོས་སྐྱོང་སྲུང་མ་དམ་ཅན་རྒྱ་མཚོ་རྣམས་མངོན་སུམ་བཞིན་དུ་བཞུགས་པའི་གནས་གསུམ་ནས་སྐུ་དང་སྔགས་ཕྲེང་ཕྱག་མཚན་འོད་ཟེར་ཐིག་ལེ་དཀར་དམར་མཐིང་གསུམ་ཆར་བབས་པ་ལྟར་བྱོན་ནས་ཁྱེད་རང་རྣམས་ཀྱི་གནས་གསུམ་དུ་ཐིམ་པས་དགོངས་བརྡ་སྙན་ཁུངས་མཁའ་འགྲོ་གཏད་རྒྱ་སོགས་བརྒྱུད་པ་དྲུག་ལྡན་དགོངས་པ་རྒྱུད་བྱིན་རླབས་རྡོ་རྗེའི་ཡེ་ཤེས་ཁྱེད་རང་གི་རྒྱུད་དུ་འཕོས་པར་མོས་ཤིག །ཨོཾ་ཨཱཿཧཱུྃ༔ ཀུན་བཟང་རྡོ་རྗེ་སེམས་དཔའ་དགའ་རབ་རྗེ༔ དགོངས་པ་རོ་གཅིག་སྐུ་གསུམ་རྣམ་དབྱེར་མེད༔ ཤྲི་སིང་ཧ་རིག་རྩལ་རང་དབང་ཐོབ༔ བི་མ་མི་ཏྲཱ་འཕོ་ཆེན་ཡེ་ཤེས་སྐུ༔ པདྨ་འབྱུང་གནས་རྩ་གསུམ་རྒྱ་མཚོའི་དངོས༔ བརྡ་བརྒྱུད་བླ་མ་འཆི་མེད་རིག་འཛིན་རྗེ༔ ཚིག་དོན་བྱིན་རླབས་ཆུ་རྒྱུན་མ་འཆད་པའི༔ བཀའ་དྲིན་ཅན་གྱི་སྙན་བརྒྱུད་བླ་མ་སོགས༔ ཕྱོགས་བཅུ་དུས་བཞི་འི་རྩ་བརྒྱུད་བླ་མ་དང་༔ ཡི་དམ་ཞི་ཁྲོ་དཔའ་བོ་མཁའ་འགྲོ་མ༔ དབྱིངས་དང་ཡེ་ཤེས་ཆོས་སྲུང་རྒྱ་མཚོའི་ཚོགས༔ སྐལ་ལྡན་སློབ་མ་རིགས་ཀྱི་བུ་རྣམས་ལ༔ ཐུགས་རྗེའི་བརྩེར་དགོངས་ཡེ་ཤེས་བྱིན་ཆེན་ཕོབ༔ ཕྱི་ནང་གསང་བའི་ལམ་གྱི་བར་ཆད་སོལ༔ ཐུགས་རྒྱུད་དགོངས་པས་བྱིན་རླབས་དབང་མཆོག་བསྐུར༔ རྩ་རླུང་ཐིག་ལེའི་སེམས་ཀྱི་སྒྲིབ་པ་སྦྱོངས༔ ཕུང་པོ་རྩ་ཁམས་སྣང་སྟོང་ལྷ་སྐུར་དག༔ ངག་རླུང་མི་ཤིགས་བདེ་ཆེན་ལོངས་སྤྱོད་རྫོགས༔ ཡིད་དང་ཐིག་ལེ་འོད་གསལ་ཆོས་སྐུར་སྨིན༔ དབྱེར་མེད་ཡེ་ཤེས་བླ་མའི་ས་ཐོབ་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་ཐོད་ཕྲེང་རྩལ་དེ་ཝ་ཌཱ་ཀི་ནཱི་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿཀཱ་ཡ་ཀཱ་ལ་ཤ་ཝ་ཀ་གུ་ཧྱ་ཙིཏྟ་པྲ་ཛྙཱ་ཛྙཱ་ན་དྷཱ་ཏུ་ཨ་བྷི་ཥིཉྩ་ཨོཾ་ཨཱཿཧཱུྃ་ཧོཿ དབྱངས་གསལ་རྟེན་སྙིང་བརྗོད། དཔོན་སློབ་གཉིས་ཀས་དགོངས་པའི་རྩལ་བསྐྱེད། ཐུགས་ཡིད་བསྲེས་ལ་མཉམ་པར་བཞག་གོ །དབང་གི་རྗེས་རིམ་ནི། དེ་ལྟར་འཕགས་པ་ཐུགས་རྗེ་ཆེནཔོ་པདྨ་སྒྱུ་འཕྲུལ་དྲྭ་བ་ཕྱི་ནང་གསང་བ་དེ་ཁོ་ན་ཉིད་ཀྱི་དཀྱིལ་འཁོར་དུ་དབང་བཞི་བསྐུར་བའི་བྱ་བ་རྣམས་ལེགས་པར་གྲུབ་ཟིན་པ་ཡིན་པས། གནས་སྐབས་དེ་དག་ཏུ་ཁས་བླངས་པའི་དམ་ཚིག་རྣམས་མི་ཉམས་པར་རྟག་ཏུ་བསྲུང་བར་བགྱིའོ་སྙམ་པའི་འདུན་པ་དྲག་པོས་འདིའི་རྗེས་ཟློས་མཛོད། གཙོ་བོས་ཇི་ལྟར་སོགས། དེ་ལྟར་ལེགས་པར་ཐོབ་པའི་བཀའ་དྲིན་བཏང་རག་གི་དོན་དུ་མཎྜལ་ཕུལ་མཛོད། ཅེས་མཎྜལ་འབུལ་དུ་གཞུག །སླར་ཡང་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པ་འཁོར་ལོས་བསྒྱུར་བའི་རྒྱལ་སྲིད་ཀྱི་འབྱོར་པ་ལྟར་སྤྲུལ་ཏེ་འབུལ་ན་ཆ་ཤས་ནས་ལོངས་སྤྱོད་དུ་གསོལ་སྙམ་པས་འདིའི་རྗེས་ཟློས་མཛོད། དེང་ནས་བརྩམས་ཏེ་སོགས། དེ་ལྟར་དབང་ཐོབ་པ་ལས་བྱུང་བའི་དགེ་བའི་རྩ་བས་མཚོན་དུས་གསུམ་དུ་བསགས་པའི་དགེ་ཚོགས་རྒྱ་མཚོ་ཐམས་ཅད་བྱང་ཆུབ་སྙིང་པོར་ཡོངས་སུ་བསྔོ་བ་འདི་ལྷན་ཅིག་ཏུ་གནང་བར་ཞུ། བསོད་ནམས་འདི་ཡིས་སོགས་བརྗོད་ལ་སློབ་མ་རྣམས་གྱེས། གསུམ་པ་ཆོ་གའི་རྗེས་ཀྱི་ལས་རིམ་རྣམས་གཞུང་ལྟར་མཐར་དབྱུང་བས་གྲུབ་པའོ། །སྲིད་ཞིའི་འཇི༵གས་མེ༵ད་མཁྱེན༵་དང་བརྩེ༵འི། །འོ༵ད་ཟེ༵ར་འབུམ་འཕྲོ་འཕགས་མཆོག་གི །སྨིན་གྲོལ་བཀྲ༵་ཤིས༵་དཔ༵ལ་གྱི་མཛོད། །གཞན་ཕན་རྒྱ་མཚོའི་འབྱོར༵་པས་མཛེས། །རྩ་གསུམ་འོད་གསལ་སྙིང་ཐིག་གི་ནང་སྒྲུབ་ཐུགས་རྗེ་ཆེན་པོ་པདྨ་དྲྭ་བའི་དབང་བསྐུར་གཞན་ཕན་རྒྱ་མཚོའི་སྒོ་འབྱེད་ལེའུ་ཚན་བཅུ་པ་པདྨ་དྲི་མེད་རབ་ཏུ་དགའ་བས་སྦྱར་བའོ། ༈

།ཡེ་ཤེས་འོ༵ད་བརྒྱའི་སྣང་བས་ཕྱོགས་དུས་ཞིང༌། །རབ་གས༵ལ་དཔག་མེད་མཚན་སྙན་ཁོ་ནས་ཀྱང༌། །ཕན་བདེའི་སྤྲུལ༵་པ༵འི་གར་གྱི་ཐུགས་བསྐྱེད་མཐུ། །རྡོ༵་རྗེའི༵་གོ་ཆ་ལྟ་བུར་བཞེས་གང་རྒྱལ། དགོངས་གཏེར་རྩ་གསུམ་འོད་གསལ་སྙིང་ཐིག་གི་གསང་སྒྲུབ་བླ་མ་ཆོས་སྐུ་འོད་དཔག་མེད་ཀྱི་སྒྲུབ་ཐབས་འོད་གསལ་དྲྭ་བའི་སྨིན་བྱེད་བཀླག་ཆོག་ཏུ་བཀོད་པ་ལ་གསུམ། དབང་བསྐུར་བའི་གཞི་དཀྱིལ་འཁོར་དང་དབང་རྫས་འདུ་བྱ་བ། དེ་ཉིད་བདག་མདུན་བུམ་པའི་ཆོ་གས་སྒྲུབ་པ། སློབ་མ་ལ་མངོན་པར་དབང་བསྐུར་བའི་རིམ་པ་དང་གསུམ་ལས། དང་པོ་ནི། ལྷག་པ་གཟུགས་བརྙན་གྱི་དཀྱིལ་འཁོར་བཅོས་མ་གཉིས་སམ། དྲི་བཟང་གིས་སྦག་པའི་ཚོམ་བུ་གཤེར་ལྡན་རིན་པོ་ཆེའི་མཎྜལ་ལ་ལྷ་གྲངས་སུ་བཀོད་པའི་སྟེང་མཉྫིའི་ཁར་རྣམ་རྒྱལ་བུམ་པ་ཆས་ལྡན་བཅུད་ཀྱིས་སུམ་གཉིས་བཀང་བ། གསང་ཐོད་བདུད་རྩིའི་སྦག་པའི་མ་ད་ན། རིག་ཙཀ །ཤེལ་རྡོ། ལྷ་ཙཀ །མེ་ལོང༌། གཏོར་མ་སྨན་རག །སྲུང་མ་དང་ཆད་བརྟན་གྱི་འབུལ་གཏོར་བཅས་བཤམས་ལ་ཉེར་སྤྱོད་མཆོད་པས་མཛེས་པར་བསྐོར། གཞན་ཡང་དཀར་བགེགས། ཚོགས་མིག་དར། མེ་ཏོག །མིག་ཐུར་རྣམས་དང༌། སློབ་དཔོན་གྱི་མདུན་དུ་འང་ལས་བུམ། ཌཱ་དྲིལ། རྡོ་རྗེ། འཐོར་ནས། ཡུངས་ཐུན་སོགས་འདུ་བྱའོ། །གཉིས་པ་ནི་ལྷག་པ་ཏིང་ངེ་འཛིན་རིག་སྟོང་ཡེ་ཤེས་ཀྱི་རང་རྩལ་མ་འགགས་སྒྱུ་འཕྲུལ་དྲྭ་བའི་བཀོད་པ་སྣོད་བཅུད་བདེ་ཆེན་ཞིང་གི་རྟེན་བརྟེན་པའི་ཆོ་འཕྲུལ་བདག་མདུན་གཉིས་མེད་དཀྱིལ་འཁོར་གཅིག་ཏུ་གདོད་ནས་དག་པའི་དགོངས་པའམ། མ་འགགས་ཡེ་ཤེས་ཀྱི་རོལ་པ་གང་འདུལ་དེར་སྣང་དུ་ཤར་བས་བསྙེན་སྒྲུབ་ལ་བབས་པའི་ཚེ་ཛབ¿་ཁང་དབྱེ་བ་གང་རུང་གི་སྒོ་ནས། བརྒྱུད་པའི་གསོལ་འདེབས་སྔོན་དུ་འགྲོ་བས་གསང་བའི་སྒྲུབ་ཐབས་འོད་གསལ་དྲྭ་བ་ལྟར་མཐར་ཆགས་སུ་བཏང༌། བསྙེན་སྒྲུབ་ཀྱི་བཟླས་པ་གྲུབ་པ་དང༌། རྣམ་རྒྱལ་བུམ་པ་ལ་དམིགས་ཏེ། མདུན་གྱི་བུམ་པ་མི་དམིགས་པ་བྷྲཱུྃ་ཡིག་འོད་དུ་ཞུ་བ་ལས་རིན་པོ་ཆེའི་གཞལ་ཡས་ཁང་དུ་བསྒོམས་པའི་སུམ་ཆ་མན་ཆད་བདུད་རྩིའི་རྒྱ་མཚོར་འཁྱིལ་བའི་དབུས་སུ་སྣ་ཚོགས་པདྨ་འདབ་བརྒྱད་ཀྱི་ལྟེ་བར་ཉི་ཟླའི་གདན་ལ་ཆོས་སྐུ་སྣང་བ་མཐའ་ཡས་སྐུ་མདོག་དམར་པོ་ཞལ་གཅིག་ཕྱག་གཉིས་མཉམ་བཞག་གི་སྟེང་ན་ལྷུང་བཟེད་བདུད་རྩིས་གང་བ་བསྣམས་པ། ན་བཟའ་ཆོས་གོས་རྣམ་གསུམ་ངུར་སྨྲིག་གི་མདོག་ཅན་གསོལ་ཞིང༌། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་ཐུགས་ཀར་ཞི་བ་བཞི་ཅུ་རྩ་གཉིས། བདེ་ཆེན་འཁོར་ལོར་འབར་བ་ལྔ་བཅུ་རྩ་བརྒྱད། མགྲིན་པར་རིག་འཛིན་དཔའ་བོ་མཁའ་འགྲོ་རྣམས་གདོད་ནས་དག་པ་ཡེ་ཤེས་ཀྱི་རྩ་རླུང་ཐིག་ལེ་རང་བྱུང་ལྷུན་གྲུབ་རྡོ་རྗེ་ལུས་ཀྱི་དཀྱིལ་འཁོར་ཆེན་པོར་མ་འདྲེས་གསལ་རྫོགས་སུ་བཞུགས་པ་ལ། རང་གི་ཐུགས་ཀ་ནས་སྔགས་ཀྱི་འོད་ཟེར་གཟུངས་ཐག་ལ་འཁྲིལ་ནས་དེ་མདུན་བསྐྱེད་ཀྱི་ཐུགས་ཀ་ནས་ཟླ་བའི་སྟེང་ན་ཧྲཱིཿདམར་པོ་ཡོད་པ་ལ་ཐིམ་པས་ཐུགས་རྒྱུད་བསྐུལ་ནས་དོན་གཉིས་བསྒྲུབས་པར་བསམ་ལ། བསྙེན་བསྒྲུབ་ཀྱི་བཟླས་པ་འོས་འཚམས་མཐར། ཨོཾ་ཨཱཿཧཱུྃ་གིས་མཆོད་ཡོན་ཕུལ་བས་ཡེ་ཤེས་འཁོར་ལོའི་ལྷ་ཚོགས་བདེ་བ་ཆེན་པོའི་ངོ་བོར་འོད་དུ་ཞུ་ནས་བུམ་ཆུ་དང་རོ་གཅིག་ཏུ་གྱུར་པར་བསམ། ལས་བུམ་ནང་དུ་པད་ཉིའི་སྟེང་༔ པདྨ་རྟ་མགྲིན་སྐུ་མདོག་དམར༔ དུར་ཁྲོད་ཆས་རྫོགས་དོར་སྟབས་བཞུགས༔ སྐུ་ལས་རྡོ་རྗེ་བདུད་རྩིའི་རྒྱུན༔ བབས་པས་བུམ་པ་གང་བར་གྱུར༔ ཨོཾ་ཧྲཱི་པདྨནྟ་ཀྲྀ་ཏ་སརྦ་བིགྷྣཱན་ཧ་ན་ཧ་ན་ཧཱུྃ་ཕཊཿ ཞེས་བརྒྱ་རྩ་བརྒྱད་བཟླ། ཧཱུྃ་ཞེས་བསྐུལ་བས། དཔལ་ཁྲོ་བོའི་རྒྱལ་བོ་རྟ་མགྲིན་གྱི་དབང་གི་བྱ་བ་མ་གྲུབ་ཀྱི་བར་དུ་བར་གཅོད་ཀྱི་བགེགས་ཐམས་ཅད་བཟློག་པའི་ཕྲིན་ལས་མཛད་དུ་གསོལ། ཅེས་ལས་བཅོལ་ནས་བཞག

།སྲུང་མའི་གསོལ་མཆོད་དང་ཚོགས་སྐོང་བཏང་དགོས་ཡོད་ན་བྱས་ལ། འོག་ནས་འབྱུང་བ་ལྟར་དབང་བཞི་མཐའ་རྟེན་དང་བཅས་པའི་བདག་འཇུག་སྔོན་དུ་འགྲོ་བས་སློབ་མ་འཇུག་པར་གསོལ་བ་བཏབ་སྟེ་གནང་བ་ཞུ། ཡང་ན་རིག་པའི་མེ་ཏོག་དོར་བས་ཀྱང་རུང་ངོ༌། །གསུམ་པ་ནི། སློབ་མ་རྣམས་ལ་སྒོ་དྲུང་དུ་ཁྲུས་དང༌། ནང་དུ་འཇུག་པ་ན་བགེགས་གཏོར་བསྔོ་ཞིང་བཀའ་བསྒོ། སྲུང་འཁོར་བཅས་སྤྱི་ལྟར་བྱས་ལ་གྲལ་དུ་འཁོད། མེ་ཏོག་བཀྱཻ་བསྡུ་གྲུབ་པ་དང༌། དེ་ཡང་རང་རེ་རྣམས་མདོ་སྔགས་ཀྱི་ཆོས་མ་ལུས་པའི་རྟེན་དུ་གྱུར་པའི་དལ་འབྱོར་གྱི་ལུས་རྟེན་ཁྱད་པར་ཅན་ཐོབ། ཐུབ་བསྟན་ཡོངས་སུ་རྫོགས་པ་དར་ལ་མ་ཉམས་པར་བཞུགས། སྐྱེས་བུ་དམ་པ་དགེ་བའི་བཤེས་གཉེན་མཆོག་རྣམས་ཀྱིས་རྗེས་སུ་བཟུང༌། ཐོས་བསམ་སྒོམ་པ་ཅི་འདོད་བྱེད་པ་ལ་འགལ་རྐྱེན་དང་བྲལ་ཞིང་མཐུན་རྐྱེན་ཕུན་སུམ་ཚོགས་པའི་སྐབས་འདིར་དམ་པའི་ཆོས་ཡང་དག་པ་ཞིག་ཅིས་ཀྱང་བྱེད་དགོས། དམ་པའི་ཆོས་ལ་ཡང་མདོ་དང་སྔགས། ཟབ་པ་དང་རྒྱ་ཆེ་བ། ཐུན་མོང་ཐུན་མིན་དུ་མ་ཞིག་བཞུགས་པ་ཐམས་ཅད་ཀྱི་མཐར་ཐུག་ནི་གསང་སྔགས་རྡོ་རྗེ་ཐེག་པ་ཡིན། དེ་ལའང་རྒྱུད་སྡེ་ཕྱི་ནང་གཉིས་སུ་བཞུགས་པ་ལས་ཟབ་པའི་མཐར་ཐུག་གསང་སྔགས་ནང་རྒྱུད་ཡོ་ག་གསུམ་དུ་གྲགས་ཤིང༌། རྒྱུད་སྡེ་དེ་གསུམ་གྱི་དགོངས་པ་ལྟར་བཀྲལ་བའི་བཀའ་གཏེར་དག་སྣང་གི་ཤིང་རྟའི་ལམ་སྲོལ་ཆེན་པོ་གསུམ་ལས། དམ་ཆོས་མི་ནུབ་པ་དང༌། གདམས་ངག་མི་འཆུག་པ། བྱིན་རླབས་མི་ཡལ་བ། བརྒྱུད་ཐག་ཉེ་བའི་དགོས་པ་ཆེན་པོ་བཞི་དང་ལྡན་པའི་ཟབ་མོ་གཏེར་གྱི་ཁོངས་སུ་གཏོགས། དེ་ལའང་རྒྱ་ཆེ་བ་ས་གཏེར་ཟབ་པ་དགོངས་གཏེར་གཉིས་ལས་ཕྱི་མ་སྟེ་སྒྲུབ་བྱེད་ཀྱི་ཆོས་དེ་ལ་སྒྲུབ་བྱ་ལྷ་ཡིས་དབྱེ་ན་རྒྱུད་དང༌། སྒྲུབ་སྡེའི་ངེས་པ་གཉིས་ལས། རྒྱུད་སྡེའི་དབང་དུ་བྱས་ན་སྒྱུ་འཕྲུལ་སྡེ་བརྒྱད་ཀྱི་ནང་ཚན་བྱིན་རླབས་ཀྱི་རྩ་བ་བླ་མ་རིག་འཛིན་སྒྱུ་འཕྲུལ་དྲྭ་བ་ཞི་ཁྲོ་རྣམ་པར་རོལ་པའི་རྒྱུད་ལ་བརྟེན་ཅིང་བྱེ་བྲག་ཏུ་སྐུ་གསུམ་གྱི་སྒྲུབ་སྐོར་ལས་བླ་མ་ཆོས་སྐུ་སྣང་བ་མཐའ་ཡས་འོད་དཔག་ཏུ་མེད་པའི་སྒྲུབ་ཐབས། མན་ངག་གི་ངེས་པས་སྒྲུབ་སྡེ་བཀའ་བརྒྱད་ཀྱི་བྱེ་བྲག་པདྨ་གསུང་ཞི་བའི་ཕྱོགས་སུ་བསྡུས་ཀྱང་མི་འགལ་ལ། གང་ལྟར་ཡང་དཔལ་ཨོ་རྒྱན་ཆོས་ཀྱི་རྒྱལ་པོ་ཉིད་ཀྱི་རྡོ་རྗེའི་གསུང་ལས། རྒྱ་གར་མཁས་པ་པདྨ་འབྱུང་གནས་ང་༔ གདུལ་བྱའི་མོས་ངོར་ཇི་སྙེད་སྤྲུལ་པའི་གར༔ ཆུ་ཟླའི་རོལ་པར་བསམ་མི་ཁྱབ་སྟོན་ཀྱང་༔ ངོ་བོ་མི་འགྱུར་ཀུན་བཟང་སྣང་མཐའ་ཡས༔ རྒྱལ་བ་རྒྱ་མཚོའི་ཁྱབ་བདག་སྤྱི་མེས་ཡིན༔ དེ་ཕྱིར་ང་བསྒྲུབ་སངས་རྒྱས་ཀུན་བསྒྲུབ་འགྱུར༔ ལྷ་གཞན་བསྒྲུབ་ཀྱང་ང་ཉིད་སྒྲུབ་པ་སྟེ༔ བཟང་ངན་ཕྱོགས་རིས་འདི་ཞེས་དབྱེ་བ་མེད༔ འོན་ཀྱང་སྔོན་གྱི་སྨོན་ལམ་ཁྱད་པར་གྱིས༔ པདྨའི་རིགས་སུ་བསྒྲུབས་ན་དངོས་གྲུབ་མྱུར༔ ཕྲིན་ལས་མཐའ་རྒྱས་གཞན་སྣང་དབང་དུ་སྡུད༔ འགལ་རྐྱེན་མི་འབྱུང་བྱང་ཆུབ་གོ་འཕང་ཉེ༔ ཞེས་ཆེད་དུ་གདམས་པ་ལྟར་པདྨའི་རིགས་མཆོག་གར་གྱི་དབང་པོའི་ཞིང་ཁམས། རྡོ་རྗེ་ཐེག་པའི་རྒྱུད་ཀྱི་གསང་བ་ལས་དཔའ་བོ་ཌཱ་ཀི་རང་བཞིན་གྱིས་འདུ་བའི་གནས་ཉི་ཤུ་རྩ་བཞི་ལས་བདེ་ཆེན་འབྱུང་གནས་མཚན་མ་པྲེ་ཏ་པཱུ་རི་ལྷ་གཅིག་འཕགས་པ་ཡབ་ཡུམ་གྱི་གདུང་ལས་གྲོལ་བས། ཕོ་མོ་ཐམས་ཅད་ཐེག་པ་ཆེན་པོའི་ཆོས་ལ་མོས་ཤིང་དཔའ་བོ་དང་ཌཱ་ཀིའི་རིགས་ཅན་རྣམས་ཀྱི་རྟེན་འབྲེལ་གྱིས་སྒྲུབ་ཐབས་ཉེ་བའི་ལྷ་ནི་གསུང་པདྨའི་རིགས་ཡིན་ལ། དེ་ལའང་རིགས་ཀྱི་གཙོ་བོ་དང་འཁོར། མཆོག་དང་ཐུན་མོང་གི་སྒྲུབ་ཚུལ་དུ་མ་ལས། འདི་ནི་གསུང་པདྨའི་རིགས་ཀྱི་ཁྱབ་བདག་ཆོས་སྐུ་སྣང་མཐའ་ཡས་པ་གཙོ་བོའི་མཆོག་གི་འོད་གསལ་གྱི་ཡེ་ཤེས་སྣང་བ་བཞི་མཐར་སོན་པར་བྱེད་པའི་སྒྲུབ་ཐབས་ཏེ། ངེས་པའི་དོན་དུ་ཀུན་བཟང་འོད་སྣང་མཐའ་ཡས་གསུངས་སོ་སོར་རྟོགས་པའི་ཡེ་ཤེས་ཁྱབ་བརྡལ་གྱི་འཁོར་ལོར་སྐུ་དང་ཞིང་ཁམས་རྒྱ་མཚོའི་སྒྲོན་མ་རྣམ་པར་བཀོད་པའི་གཟི་བརྗིད་ཚེ་དཔག་མེད་ཅེས་ཐོག་མའི་དུས་ནས་མངོན་པར་བྱང་ཆུབ་པའི་སངས་རྒྱས་ཉིད་ཡིན་ལ། ཐུན་མོང་དུ་དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོའི་སྤྱན་སྔར་སངས་རྒྱས་ཀྱི་ཞིང་ཡོངས་སུ་བཟུང་བའི་ཐུགས་བསྐྱེད་དང་སྨོན་ལམ་གྱི་དམ་བཅའ་རླབས་པོ་ཆེ་མཛད་པའི་ཚུལ། ད་ལྟར་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་གཅིག་གི་ཡོན་ཏན་དང་བཀོད་པ་ཐམས་ཅད་གཅིག་ཏུ་འདུས་པའི་ཞིང་མཆོག་བདེ་བ་ཅན་ཞེས་བྱ་བར་འཚོ་ཞིང་གཞེས་ལ། ཆོས་ཀྱང་སྟོན་པའི་མཚན་ཐོས་ནས་དད་པ་སྐད་ཅིག་ཙམ་སྐྱེས་པས་ཀྱང་བླ་ན་མེད་པའི་བྱང་ཆུབ་ལས་ཕྱིར་མི་ལྡོག་ཅིང་བུད་མེད་གྱི་ལུས་ཐ་མར་འགྱུར་བ་དང༌། དགེ་བའི་རྩ་བ་བསྐྱེད་ཅིང་བསམ་པ་ཐག་པས་ཞིང་དེར་སྐྱེ་བའི་རྒྱུར་བསྔོས་ན་འཆི་འཕོས་མ་ཐག་འཇིག་རྟེན་གྱི་ཁམས་བདེ་བ་ཅན་དུ་སྐྱེ་ཞིང་མྱུར་དུ་འཚང་རྒྱ་བ་སོགས་ཐུགས་བསྐྱེད་དང་ཕྲིན་ལས་རྨད་དུ་བྱུང་བའི་སངས་རྒྱས་བཅོམ་ལྡན་འདས་མགོན་པོ་འོད་དཔག་ཏུ་མེད་པ་ཞེས་འཕགས་པ་དཀོན་མཆོག་བརྩེགས་པ། འོད་དཔག་ཏུ་མེད་པ་བཀོད་པའི་མདོ་ལ་སོགས་པ་མདོ་སྡེ་དུ་མ་དང༌། རྒྱུད་སྡེ་ཆེན་པོ་བཞི་ཀ་ནས་ལྷ་སྔགས་ཀྱི་སྒྲུབ་ཚུལ་སྣ་ཚོགས་ཡང་ཡང་གསུང་པ་དེ་ཉིད་སྐབས་འདིར་སྔགས་བླ་མེད་ཨ་ཏི་ཡོ་ག་ལྟར་སྒྲུབ་པ་འདི། ཐམས་ཅད་མཁྱེན་གཟིགས་འོད་གསལ་སྤྲུལ་པའི་རྡོ་རྗེའི་ཟབ་མོ་དགོངས་པའི་གཏེར་མཛོད་ཀྱི་ཆོས་སྡེ་རྩ་གསུམ་འོད་གསལ་སྙིང་ཐིག་གི་རྩ་བའི་སྒྲུབ་ཐབས་འོད་གསལ་དྲྭ་བའི་དབང་གི་ཆོ་གས་སྨིན་པར་བྱེད་པ་སྐབས་སུ་བབས་པས་དེ་ཉིད་གསན་པའི་ཡོན་དུ་མཎྜལ་ཕུལ། བླ་མ་དང་དཀྱིལ་འཁོར་གྱི་གཙོ་བོ་གཉིས་སུ་མེད་པ་ལ་དད་མོས་གདུང་ཤུགས་དྲག་པོས་གསོལ་བ་གདབ་པ་འདིའི་རྗེས་ཟློས། སངས་རྒྱས་ཀུན་འདུས་རྡོ་རྗེ་འཛིན༔ བདག་ལ་བརྩེ་བས་ཉེར་དགོངས་ནས༔ འོད་སྣང་མཐའ་ཡས་དཀྱིལ་འཁོར་དུ༔ དབང་བསྐུར་དམ་པ་སྩལ་དུ་གསོལ༔ ལན་གསུམ།

དེ་ནས་ཕྱི་མཚན་མའི་དཀྱིལ་འཁོར་དུ་འཇུག་པ་ལ་ཐོག་མར་རྒྱུད་དག་པའི་སླད་དུ། བླ་མ་ཚེ་འོད་མཐའ་ཡས་དཀྱིལ་འཁོར་ལྷ་ཚོགས་སྐྱབས་ཡུལ་ཞིང་གི་རྡུལ་སྙེད་ཀྱི་སྤྱན་སྔར་བདག་སོགས་མཁའ་ཁྱབ་ཀྱི་སེམས་ཅན་ཐམས་ཅད་བྱང་ཆུབ་མ་ཐོབ་ཀྱི་བར་དུ་སྐྱབས་སུ་འགྲོ་བ་དང་ཀུན་རྫོབ་དང་དོན་དམ་པའི་བདག་ཉིད་ཅན་གྱི་སེམས་བསྐྱེད་པ་བཟུང་ངོ་སྙམ་པས་འདིའི་རྗེས་ཟློས་མཛོད། ཧྲཱིཿ ཀ་དག་སོ་སོར་རྟོག་པའི་ཡེ་ཤེས་སྐུ༔ འཆི་མེད་ཐོག་མའི་མགོན་པོར་སྐྱབས་སུ་མཆི༔ ལྷུན་གྲུབ་འོད་གསལ་སྣང་བཞིའི་དཀྱིལ་འཁོར་དུ༔ ཁམས་གསུམ་འགྲོ་ཀུན་སྒྲོལ་བར་སེམས་བསྐྱེད་དོ༔ ལན་གསུམ། ཚོགས་ཀྱི་ཞིང་དེ་དག་གི་མདུན་སར་བསགས་སྦྱོང་ཕུལ་དུ་གྱུར་པ་ཡན་ལག་བདུན་པའི་རིམ་པ་ལ་བསླབ་བོ་སྙམ་པས་འདིའི་རྗེས་ཟློས་མཛོད། ཧོ༔ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རང་༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། དེ་ནས་དབང་བསྐུར་བ་དེ་ཡང་རྟེན་དཀྱིལ་འཁོར་ལ་བརྟེན་ནས་ཐོབ་ནའང༌། དབང་འཛིན་པ་དམ་ཚིག་དང་སྡོམ་པ་ལ་རགས་ལས་པས་སྨིན་བྱེད་ཀྱི་རྟེན་སྡོམ་ལྡན་དུ་སྒྲུབ་པའི་ཕྱིར་ཁྱད་པར་གྱི་སྡོམ་པ་རྣམས་བཟུང་བར་བྱ་སྟེ། རིགས་ལྔའི་དམ་ཚིག་ཡན་ལག་གི་དམ་ཚིག་ཉི་ཤུ་རྩ་ལྔ། རྩ་བ་སྐུ་གསུང་ཐུགས་ཀྱི་དམ་ཚིག་སྟེ། མདོར་ན་བླ་ན་མེད་པའི་དམ་ཚིག་དང་སྡོམ་པ་མ་ལུས་པ་བཟུང་བར་བྱ་སྙམ་པས་འདིའི་རྗེས་ཟློས་མཛོད། བདེ་གཤེགས་སྲས་བཅས་བདག་ལ་དགོངས། །རིག་པ་འཛིན་པ་བདག་གི་ནི། །བྱང་ཆུབ་སྙིང་པོར་མཆིས་ཀྱི་བར། །སོ་སོར་ཐར་དང་བྱང་ཆུབ་སེམས། །རིག་འཛིན་ནང་གི་སྡོམ་པའི་ཚོགས། །མ་ལུས་ཡོངས་སུ་བཟུང་བར་བགྱི། །ལན་གསུམ།

དེ་ནས་ཡེ་ཤེས་ཀྱི་དཀྱིལ་འཁོར་དུ་འཇུག་པའི་སྔོན་འགྲོ་དམ་ལ་བཞག་པ་ནི། རྡོ་རྗེ་ཡེ་ཤེས་ཀྱི་བདུད་རྩིའི་ཆུ་ནན་འདི་ཉིད་ལྕེ་ལ་བཞག་ཀྱང་སྙིང་གི་དཀྱིལ་དུ་བབས་ཏེ། གལ་ཏེ་དམ་ཚིག་ལས་འདས་ན་བཛྲ་ཡཀྵ་ཀྲོ་དྷ་ཞེས་བྱ་བ་སྡིག་པ་མགོ་དགུ་པར་གྱུར་ནས་སྙིང་ཁྲག་འཇིབས་པས་མཐོང་ཆོས་སུའང་ཚེ་ཐུང་ཞིང་ནད་མང༌། ཕྱི་མར་དམྱལ་བའི་གནས་སུ་ལྷུང་ནས་ཉམ་ཐག་པར་འགྱུར་ལ། དམ་ཚིག་བསྲུངས་ན་ལྷ་ཡེ་ཤེས་སེམས་དཔར་གྱུར་ནས་རྟག་ཏུ་བྱིན་གྱིས་རློབ་ཅིང༌། འདི་ཕྱིའི་ཕན་བདེ་མ་ལུས་པ་སྟེར་བར་འགྱུར་བའི་དོན་ངེས་པར་གྱིས་ཤིག །ནང་མཆོད་དང་སྦྱར་བའི་ཆུ་བྱིན་ལ། ཧཱུྃ༔ སྔགས་ཀྱི་རྩ་བ་དམ་ཚིག་སྟེ༔ བསྲུང་ན་དངོས་གྲུབ་རྣམ་གཉིས་ཐོབ༔ མ་བསྲུངས་ཚེ་འདིར་དམྱལ་བར་འགྲོ༔ དམ་བསྲུངས་རྡོ་རྗེའི་ཆུ་འཐུངས་ཤིག །ཅེས་གདམས་པ་ལ། དེང་ཕྱིན་ཆད་དམ་ཚིག་ཚུལ་བཞིན་དུ་བསྲུངས་སྙམ་པས་རྡོ་རྗེའི་བྲོ་བོར་བ་འདིའི་རྗེས་ཟློས། བཛྲ་ས་མ་ཡ་ཨི་དན་ན་ར་ཀན༔ ཞེས་བརྗོད་དུ་བཞུགས་པས་རྒྱུད་བརྟན་པར་བྱ། སྔོན་ཆད་མ་རིག་པའི་སྒྲིབ་གཡོགས་ཀྱིས་རིག་པ་ཡེ་ཤེས་ཀྱི་མིག་ལྡོངས་པ་མཚོན་ཕྱིར་དར་ཡུག་དམར་པོས་གདོང་བཀག་པར་མོས་ཤིག །ཨཱཿཁཾ་བཱི་ར་ཧཱུྃ། ཞེས་མིག་རས་སྦྱིན། དཀྱིལ་འཁོར་པ་དང་མཇལ་བའི་ཕྱག་རྟེན་དབང་གི་ཅོད་པན་དམར་པོ་རིགས་ཀྱི་རྟགས་སུ་བྱིན་པར་མོས་ཤིག །ཨཱ་ཁཾ་བཱི་ར་ཧཱུྃ། ཞེས་མེ་ཏོག་ཐལ་སྦྱར་བར་དུ་སྦྱྀན། ཡེ་ཤེས་དབབ་པའི་སླད་དུ་སྒོ་གསུམ་གྱི་གནད་ལེགས་པར་གཅུན་ལ་དམིགས་པ་འདི་བཞིན་དུ་མཛོད། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། ཁྱེད་རང་རྣམས་ལ་ཕོག །རྣམ་སྨིན་ཤ་ཁྲག་གདོས་བཅས་ཀྱི་མཚོན་པའི་མ་དག་པའི་སྣང་བ་ཐམས་ཅད་མེ་ལོང་གི་རླངས་པ་ཡལ་བ་ལྟར་སངས་ཀྱིས་མི་དམིགས་ཏེ་སྟོང་པར་སྦྱངས། སྟོང་པའི་ངང་ལས་སྣོད་བཅུད་བདེ་ལྡན་ཞིང་གི་བཀོད་པ་ངོ་མཚར་རྨད་དུ་བྱུང་བའི་དབུས་སུ། གནས་ཁང་འདི་ཉིད་ཀྱང་བྱང་ཆུབ་སེམས་དཔའ་ནོར་བུ་རིན་པོ་ཆེའི་གཞལ་མེད་ཁང་ཡངས་ཤིང་རྒྱ་ཆེ་བའི་དབུས་སུ། ཁྱེད་རྣམས་གང་དུ་གནས་པའི་གོ་སར་རྨ་བྱས་བཏེགས་པའི་རིན་པོ་ཆེའི་ཁྲི་བཀོད་པ་ཕུལ་དུ་བྱུང་བའི་སྟེང་སྣ་ཚོགས་པདྨ་དང་ཟླ་བའི་གདན་ལ་ཆོས་སྐུ་འོད་སྣང་མཐའ་ཡས་སྐུ་མདོག་དམར་པོ་ཞལ་གཅིག་ཕྱག་གཉིས་མཉམ་བཞག་གི་སྟེང་ན་ལྷུང་བཟེད་བདུད་རྩིའི་གང་བ་བསྣམས་པ། ན་བཟའ་ཆོས་གོས་རྣམ་གསུམ་ངུར་སྨྲིག་གི་མདོག་ཅན་གསོལ་ཞིང་ཆགས་བྲལ་མཆོག་གི་སྤྲུལ་པའི་སྐུའི་ངང་ཚུལ་ཅན་གྱི་ཐུགས་ཀ་འོད་ལྔའི་དྲྭ་བའི་ཀློང་དུ་བདེ་གཤེགས་ཞི་བ་རྡོ་རྗེ་དབྱིངས་ཀྱི་ལྷ་ཚོགས་བཞི་ཅུ་རྩ་གཉིས་དང༌། སྤྱི་བོར་འབར་བ་ཁྲག་འཐུང་གི་ལྷ་ཚོགས་ལྔ་བཅུ་རྩ་བརྒྱད། མགྲིན་པར་རིག་འཛིན་དཔའ་བོ་ཌཱ་ཀིའི་ཚོམ་བུ་དང་བཅས་པ་གསལ་བའི་གནས་གསུམ་དུ་འབྲུ་གསུམ་གྱིས་མཚན་པ་ལས་འོད་ཟེར་འཕྲོས་པས་ནུབ་ཕྱོགས་བདེ་ལྡན་པདྨ་བཀོད་པའི་ཞིང་ཁམས་སོགས་སྐུ་གསུམ་དག་པའི་ཞིང་ཐམས་ཅད་ནས་སངས་རྒྱས་དང་བྱང་སེམས་དཔའ་བོ་རྣལ་འབྱོར་མའི་ཚོགས་ཐམས་ཅད་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པ་ཁ་ཆར་བུ་ཡུག་འཚུབས་པ་ལྟར་སྤྱན་དྲངས་ནས་ཁྱེད་རང་གི་སྒོ་གསུམ་ལ་སིབ་སིབ་ཐིམ་པའི་མོས་པ་མཛོད། སྤོས་དབྱངས་ཌཱ་དྲིལ་བཅས། ཧྲཱིཿ ངོ་བོ་འོད་གསལ་ཆོས་སྐུའི་ཕོ་བྲང་ནས༔ འཆི་མེད་ཐོག་མའི་མགོན་པོ་གཤེགས་སུ་གསོལ༔ རང་བཞིན་བདེ་སྟོང་ལོངས་སྐུའི་གཞལ་ཡས་ནས༔ རབ་འབྱམས་ཞི་ཁྲོའི་ལྷ་ཚོགས་གཤེགས་སུ་གསོལ༔ ཐུགས་རྗེ་འགྲོ་འདུལ་སྤྲུལ་པའི་ཞིང་ཁམས་ནས༔ རིག་འཛིན་ཌཱ་ཀི་རྒྱ་མཚོ་གཤེགས་སུ་གསོལ༔ ཀ་དག་གཉུག་མའི་ངང་དུ་བྱིན་ཕོབ་ལ༔ ལྷུན་གྲུབ་སྣང་བ་བཞི་ཡི་དབང་མཆོག་སྐུར༔ ཨོཾ་ཨཱཿཧཱུྃ་བཛྲ་ཛྙཱ་ན་ཨ་བེ་ཤ་ཡ་ཨཱ་ཨཱཿ ཡང་ཡང་བརྗོད་པས་བྱིན་དབབ། ཏིཥྛ་བཛྲས་རྡོ་རྗེ་མགོར་བཞག་བརྟན་པར་བྱ། སྔར་བྱིན་པའི་མེ་ཏོག་དེ་ཉིད་ལྷག་པའི་ལྷ་ལ་འབུལ་བའི་མོས་པས་འདིའི་རྗེས་ཟློས། ཧོཿ རང་སྣང་རྣམ་དག་འོག་མིན་དུ༔ བདེ་ཆེན་རྡོ་རྗེའི་མཎྜ་ལར༔ རིག་པའི་མེ་ཏོག་འདི་དོར་བས༔ ལྷག་པའི་ལྷ་ལ་འབབ་པར་ཤོག༔ ཨོཾ་སརྦ་ཏ་ཐཱ་ག་ཏ་མཎྜལ་པུཥྤེ་པྲ་ཏཱིཙྪ་ཧོཿ ཞེས་ཚོམ་བུའི་དཀྱིལ་འཁོར་དུ་དོར་བ་དེ་ཉིད་བླང་ལ་སྤྱི་བོར་བཞག་སྟེ། རྡོ་རྗེ་དང་རིན་པོ་ཆེ་དང་པདྨ་དང་ལས་ཀྱི་རིགས་ཀྱི་དངོས་གྲུབ་ཐོབ་པར་གྱུར་ཅིག །མ་རིག་པའི་རབ་རིབ་མིག་རས་དང་ལྷན་ཅིག་ཏུ་བསལ་བའི་མོས་པ་མཛོད། ཧོཿ ཇི་ལྟར་མིག་མཁན་རྒྱལ་པོ་ཡིས༔ འཇིག་རྟེན་རབ་རིབ་གསལ་བ་ལྟར༔ བུ་ཁྱོད་ཀྱིས་ནི་མི་ཤེས་པའི༔ རབ་རིབ་རྒྱལ་བ་རྣམས་ཀྱིས་བསལ༔ ཨོཾ་ཛྙཱ་ན་ཙཀྵུ་པྲ་ཝེ་ཤ་ཡ་ཕཊཿ ཅེས་མིག་རས་བསལ། ཨོཾ་ཙཀྵུ་ས་མནྟ་བི་ཤོ་དྷ་ན་ཡེ་སྭཱ་ཧཱ༔ ཞེས་མ་རིག་པའི་སྒྲིབ་བྱེད་བསལ་བས་དག་པ་ཡེ་ཤེས་ཀྱི་དཀྱིལ་འཁོར་མངོན་སུམ་དུ་མཇལ་བར་གྱུར་པར་མོས་ཤིག

།ཀྱེ་རིགས་ཀྱི་བུ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པའི་སངས་རྒྱས་ཀྱི་སྐུ་དང་ཡེ་ཤེས་བརྡ་དོན་རྟགས་ཀྱི་མཚོན་པའི་རས་བྲིས་ཀྱི་དཀྱིལ་འཁོར་འདི་ནི་རྟེན་གཞལ་ཡས་ཁང་པ་སྟེ། ནང་ཕུང་པོ་ཁམས་དང་སྐྱེ་མཆེད་མཚོན་ལ། དེ་ན་བཞུགས་པའི་བརྟེན་པ་ཡེ་ཤེས་ཀྱི་ལྷ་ནི་རང་གི་སེམས་རྣམ་ཤེས་ཚོགས་བརྒྱད་སེམས་བྱུང་དང་བཅས་པ་རང་བྱུང་ཡེ་ཤེས་དེ་བཞིན་གཤེགས་པ་ཐམས་ཅད་ཀྱི་གསུང་སོ་སོར་རྟོགས་པའི་ཡེ་ཤེས་པདྨའི་རིགས་ཀྱི་ཁྱབ་བདག་རྫོགས་པའི་སངས་རྒྱས་འོད་སྣང་མཐའ་ཡས་ཚེ་དང་ཡེ་ཤེས་དཔག་ཏུ་མེད་ཅིང་རྡུལ་བྲལ་ཤིན་ཏུ་རྣམ་པར་དག་པ་སྐུ་མདོག་པདྨ་རཱ་གའི་ལྷུན་པོ་ལ་ཉི་མ་བྱེ་བས་འཁྱུད་པའི་གཟི་བྱིན་ཅན། ཞབས་རྡོ་རྗེའི་སྐྱིལ་མོ་ཀྲུང་གི་བཞུགས་པའི་སྟེང་དུ་ལྷུང་བཟེད་ཀྱིས་མཚན་པའི་ཕྱག་གཉིས་མཉམ་པར་བཞག་ཅིང་དར་དམར་སེར་གྱི་ཤམ་ཐབས་སྔོན་པོས་བླ་གོས། དམར་པོའི་སྣམ་སྦྱར་ཅན། དབུའི་གཙུག་ཏོར་ལྟར་མི་མངོན་པ་ལ་སོགས་པའི་མཚན་དཔེའི་རྒྱན་མ་ཚང་བ་མེད་པས་བརྒྱན་པའི་རྡོ་རྗེའི་ཕུང་ཁམས་སྐྱེ་མཆེད་གདོད་ནས་བདེ་ཆེན་གདན་གསུམ་ཚངས་བ་རབ་འབྱམས་རྩ་གསུམ་རྒྱལ་བ་རྒྱ་མཚོའི་ཡེ་ཤེས་ཀྱི་འཁོར་ལོའི་སྤྲིན་ཆེན་པོའི་བདག་ཉིད་དུ་ལྷུན་གྱིས་གྲུབ་པས་བཞུགས་པ་ཐབས་འདིས་མངོན་སུམ་དུ་ངོ་སྤྲད་པའི་མཚོན་དོན་ཤེས་པར་མཛོད་ཅིག །དེ་དག་གིས་འཇུག་པའི་ཆོས་རྣམས་སོང་ནས། དབང་བསྐུར་དངོས་ལ་ཐོག་མར་བུམ་དབང་མཐའ་རྟེན་དང་བཅས་པ་བསྒྲུབ་པ་ལ་འདུན་པ་འདི་ལྟར་དུ་མཛོད། བདག་མདུན་གྱི་ཐུགས་ཀའི་འོད་ཟེར་ཕྱོགས་བཅུར་འཕྲོས་པས་རྒྱལ་བ་སྲས་དང་བཅས་པ་གདན་གསུམ་ཚང་བའི་དཀྱིལ་འཁོར་གྱི་རྣམ་པར་སྤྱན་དྲངས། དེ་བཞིན་གཤེགས་པ་རྣམས་ཀྱི་དགོངས་པ་མཛད། གཤེགས་མ་རྣམས་ཀྱི་དབང་བསྐུར། སེམས་དཔའ་རྣམས་ཀྱིས་བཀྲ་ཤིས་བརྗོད། སེམས་མ་རྣམས་ཀྱིས་གླུ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད། རྣམ་རྒྱལ་བུམ་པ་ལྷའི་ཕོ་བྲང་རྟེན་དང་བརྟེན་པར་བཅས་པས་དབང་བསྐུར་བས་ཕུང་ཁམས་སྐྱེ་མཆེད་སྐུ་རྡོ་རྗེའི་སྤྲུལ་པའི་སྐུར་གྱུར་པར་མོས་ཤིག །རྣམ་རྒྱལ་བུམ་པས་དབང་བསྐུར་ལ། ཧཱུྃ་ཧྲཱིཿ སྣང་སྟོང་བུམ་པའི་དཀྱིལ་འཁོར་དུ༔ བདེ་ལྡན་མགོན་པོའི་ལྷ་ཚོགས་ཤར༔ སྐལ་ལྡན་བུ་ལ་དབང་བསྐུར་བས༔ ཕུང་ཁམས་ལྷ་སྐུར་སྨིན་པར་ཤོག༔ ཨོཾ་ཨ་མི་དྷེ་ཝ་ཧྲཱིཿ ཀཱ་ཡ་ཨ་བྷི་ཥིཉྩ་ཨོཾ༔ བདུད་རྩིའི་ཆུ་རྒྱུན་གྱིས་དབང་བསྐུར། སྐུ་གང༌། དྲི་མ་དག །ཆུའི་ལྷག་མ་ཡར་ལུད་པ་ལས་རིགས་བདག་རྡོ་རྗེ་སེམས་དཔས་དབུར་བརྒྱན་པར་མོས་ཤིག །དཀྱིལ་འཁོར་བའི་ལྷ་ཚོགས་རྣམས་ལས་ཡེ་ཤེས་ཀྱི་སྐུ་གཉིས་པ་རེ་འཕྲོས་ནས་ཁྱེད་རང་ལ་ཐིམ་པས་རྟོག་ཚོགས་ལྷ་སྐུ་སྣང་སྟོང་ཕྱག་རྒྱའི་རོལ་པར་ཤར་བར་མོས་ཤིག །གཙོ་འཁོར་རྣམས་ཀྱི་སྐུ་རིམ་པར་མགོར་བཞག་ལ། ཧྲཱིཿ བདེ་ཆེན་པདྨ་དྲྭ་བ་ནས། །ཚེ་དང་ཡེ་ཤེས་དངོས་གྲུབ་གཏེར། །འོད་སྣང་མཐའ་ཡས་བཅོམ་ལྡན་འདས། །དཀྱིལ་འཁོར་གཙོ་བོའི་དབང་བསྐུར་རོ། །ཨོཾ་ཨ་མི་ཏ་བྷ་ཨ་བྷི་ཥིཉྩ་ཧཱུྃ༔ ཧཱུྃ། ཐུགས་ཀ་ཆོས་ཀྱི་འཁོར་ལོ་ནས། །ཕུང་ཁམས་གནས་ཡུལ་གནས་དག་པའི། །གདན་གསུམ་དཀྱིལ་འཁོར་ཡོངས་རྫོགས་ལྷ། །རྡོ་རྗེ་དབྱིངས་ཀྱི་དབང་སྐུར་རོ། །ཨོཾ་ཤཱནྟིཾ་མཎྜ་ལ་ཨ་བྷི་ཥིཉྩ་ཧཱུྃ༔ ཧཱུྃ། དུང་ཁང་བདེ་ཆེན་འཁོར་ལོ་རུ། །དུག་གསུམ་རཱུ་ཏྲ་མཐར་བྱེད་ཕྱིར། །འབར་ཁྲོས་རྔམས་པའི་ཡེ་ཤེས་སྐུ། །ཁྲག་འཐུང་ལྷ་ཡི་དབང་བསྐུར་རོ། །ཨོཾ་ཀྲོ་དྷ་མཎྜ་ལ་ཨ་བྷི་ཥིཉྩ་ཧཱུྃ༔ ཧཱུྃ། ལོངས་སྤྱོད་ཡོངས་རྫོགས་འཁོར་ལོ་ནས། །རྡོ་རྗེའི་ས་ལམ་ཡོངས་རྫོགས་པའི། །སྐུ་གསུང་ཐུགས་ཡོན་ཕྲིན་ལས་ཀྱི། །རིག་འཛིན་ལྷ་ཚོགས་དབང་བསྐུར་རོ། །ཨོཾ་བིདྱ་དྷཱ་ར་དེ་ཝ་ག་ཎ་ཨ་བྷི་ཥིཉྩ་ཧཱུྃ༔

དེ་ནས་ངག་ཐ་མལ་དུ་ཞེན་པ་སྦྱོང་བའི་ཕྱིར་གསུང་བཟླས་པའི་ལུང་སྦྱིན་པ་ལ། སློབ་དཔོན་དང་དཀྱིལ་འཁོར་གྱི་ལྷ་ཚོགས་གཉིས་སུ་མེད་པའི་སོ་སོའི་ཐུགས་ཀ་ནས་སྔགས་ཀྱི་ཕྲེང་བ་འཕྲོས། ཞལ་ནས་བྱུང༌། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་སྲོག་དྭངས་མའི་ཐིག་ལེ་ཀུན་ཏུ་བཟང་པོ་ཡབ་ཡུམ་གཉིས་སུ་མེད་པའི་ཐུགས་ཀར་ཉི་ཟླའི་གའུའི་སྦུབས་སུ་ཧྲཱིཿཡིག་གི་མཐར་སྔགས་ཕྲེང་འཁོར་བར་མོས་ལ་བསྙེན་པའི་སྔགས་འདི་ཡི་རྗེས་ཟློས་ལན་གསུམ་མཛོད། ཨོཾ་ཨ་མི་དྷེ་ཝ་ཧྲཱིཿ ལན་གསུམ། རིག་སྟོང་གདོད་ནས་དག་པའི་ཡེ་ཤེས་ཁྱབ་བདག་སྣང་མཐའ་ཡས་པའི་ཚུལ་དུ་ཤར་བའི་ཕུང་ཁམས་སྐྱེ་མཆེད་ཐམས་ཅད་འོད་གསལ་ཐིག་ལེ་ཆེན་པོ་ཞི་ཁྲོ་རབ་འབྱམས་དཔའ་བོ་ཌཱ་ཀིའི་གྲོང་ཁྱེར་དུ་གདོད་ནས་འདུ་འབྲལ་མེད་པར་རྫོགས་པའི་ཡིན་ལུགས་གསལ་འདེབས་ཀྱི་དགོངས་པས་གྲུབ་པའི་སྔགས་འདིའི་རྗེས་ཟློས་ལན་གསུམ་མཛོད། ཨོཾ་ཨཱཿཧཱུྃ་ཧྲཱིཿཧྲཱིཿབོ་དྷི་ཙིཏྟ་མ་ཧཱ་སུ་ཁཱ་ཛྙཱ་ན་དྷ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ལན་གསུམ། དེས་གསུང་གི་དབང་ཐོབ་པས་དེང་ཕྱིན་ཆད་གྲགས་སྟོང་སྔགས་ཀྱི་ལམ་ཁྱེར་དང་མ་བྲལ་བར་གྱིས་ཤིག །ཐུགས་རང་བྱུང་གི་དགོངས་པ་ངོ་སྤྲད་པའི་སླད་དུ། མེ་ལོང་དྭངས་པའི་ངོས་སུ་གཟུགས་བརྙན་སྣ་ཚོགས་སུ་སྣང་ཡང་རང་བཞིན་མ་གྲུབ་པའི་དཔེས་མཚོན་ནས། རང་སེམས་སྟོང་པའི་རང་རྩལ་ལས་གཟུང་འཛིན་འཁྲུལ་པའི་སྣང་བ་སྣ་ཚོགས་སུ་ཤར་ཡང་གདོད་མ་ནས་སྐྱེ་འགག་གནས་གསུམ་བྲལ་བའི་དོན་རང་རིག་སྐད་ཅིག་མའི་རང་རྩལ་དུ་ངོ་ཤེས་པར་གྱིས་ལ་སྣང་རིག་ཟུང་འཇུག་འོད་གསལ་ཆེན་པོའི་ངང་དུ་མཉམ་པར་ཞོག་ཅིག །མེ་ལོང་བསྟན་ལ། ཧཱུྃ༔ གཟུང་དང་འཛིན་པའི་རྟོག་པ་ཀུན༔ གདོད་ནས་རང་བཞིན་འོད་གསལ་ངང་༔ ཡེ་ཤེས་རྟོགས་པའི་དབང་བསྐུར་བས༔ ཟུང་འཇུག་གནས་ལུགས་མངོན་གྱུར་ཤོག༔ ཨོཾ་སརྦ་མཎྜལ་ཙིཏྟ་ཨ་བྷི་ཥིཉྩ་ཧཱུྃ༔ དེང་ཕྱིན་ཆད་ཁམས་གསུམ་གྱི་རྣམ་པར་རྟོག་པའི་འཇུག་ལྡང་ཐམས་ཅད་རིག་སྟོང་དབྱེར་མེད་བསམ་གྱིས་མི་ཁྱབ་པ་ཐུགས་རྡོ་རྗེའི་ངོ་བོར་རྣམ་པར་དག་པ་ཡིན་ནོ། །ཞེས་རྟོགས་པ་སྐྱེད། དེ་དག་རྣམས་ཀྱིས་ཕྱི་མཚན་མའི་དཀྱིལ་འཁོར་དུ་བུམ་པའི་དབང་ཐོབ་ལུས་ཀྱི་ལས་གསུམ་དག་གཟུགས་སུ་རྣམ་པར་རྟོག་པ་དང་རྩ་ཁམས་སྟོང་ཕྲག་བདུན་ཅུ་རྩ་གཉིས་སྦྱངས། དེ་བཞིན་གཤེགས་པ་ཐམས་ཅད་ཀྱི་སྐུ་རྡོ་རྗེའི་བྱིན་རླབས་ཞུགས། བསྐྱེད་རིམ་དམ་ཚིག་གི་ཕྱག་རྒྱ་བསྒོམ་པ་ལ་དབང༌། ཞི་བའི་ལས་དང་རྣམ་པར་སྨིན་པའི་རིག་འཛིན་འགྲུབ། བཅུ་གཅིག་ཀུན་ཏུ་འོད་ཀྱི་ས་ནོན། འབྲས་བུ་སྤྲུལ་པའི་སྐུ་མངོན་དུ་བྱེད་པའི་སྐལ་བ་རྒྱུད་ལ་བཞག་གོ །གཉིས་པ་གསང་བའི་དབང་གི་སླད་དུ། བླ་མ་འོད་དཔག་མེད་པདྨ་ཧེ་རུ་ཀ་ལོངས་སྤྱོད་རྫོགས་པའི་སྐུར་གནས་གྱུར་པ་ཡབ་ཡུམ་སྙོམས་པར་ཞུགས་པའི་བྱང་ཆུབ་ཀྱི་སེམས་སངས་རྒྱས་ཐམས་ཅད་འདུས་པའི་ངོ་བོ་བདེ་སྐྱོང་གི་བདུད་རྩི་དང་མཉམ་པར་སྦྱར་བ་ངག་ཏུ་བྱིན་པའི་མོས་པ་མཛོད། བྷནྡྷའི་བདུད་རྩི་སྦྱིན་ལ། ཧཱུྃ་ཧྲཱིཿ ཨེ་ཝཾ་ཟུང་འཇུག་དཀྱིལ་འཁོར་ནས༔ ཞུ་བདེས་དྲངས་པའི་ཀུནྜ་ལི༔ སྐལ་ལྡན་ཁྱོད་ལ་བྱིན་པ་ཡིས༔ རླུང་སྔགས་དབུ་མར་ཐིམ་པར་ཤོག༔ ཝཱ་ཀཱ་ཨ་བྷི་ཥིཉྩ་ཨཱཿ དེས་གདན་གསུམ་ཚང་བའི་སྐུའི་དཀྱིལ་འཁོར་དུ་གསང་བའི་དབང་ཐོབ། ངག་གི་ལས་རྣམ་པ་བཞི་དག །སྒྲ་ཚིག་རང་མཚན་དུ་འཛིན་པ་དང་རླུང་བཅུ་དག་པར་སྦྱངས། གསུང་རྡོ་རྗེའི་བྱིན་རླབས་ཞུགས་བཟླས་བརྗོད་དང་རྫོགས་རིམ་ཆོས་ཀྱི་ཕྱག་རྒྱ་བསྒོམ་པ་ལ་དབང༌། རྒྱས་པའི་ལས་དང་ཚེ་ལ་དབང་བའི་རིག་འཛིན་འགྲུབ། མ་ཆགས་པདྨ་ཅན་གྱི་ས་ནོན། འབྲས་བུ་ལོངས་སྤྱོད་རྫོགས་པའི་སྐུ་མངོན་དུ་བྱེད་པའི་སྐལ་བ་རྒྱུད་ལ་བཞག་པའོ།

།གསུམ་པ་ཤེར་དབང་གི་སླད་དུ། དཀྱིལ་འཁོར་པའི་ཐུགས་ཀ་ནས་གཟུགས་དང་ལང་ཚོས་རྒྱན་པའི་རིག་མ་སྤྲོས་པ་ཁྱེད་རང་རྣམས་ཡབ་པདྨ་ཧེ་རུ་ཀ་གསལ་བ་དང་སྙོམས་པར་ཞུགས་པས་དགའ་བཞིའི་མཐར་ཐུག་ལྷན་ཅིག་སྐྱེས་པའི་ཡེ་ཤེས་རྒྱུད་ལ་བརྟན་པར་མོས་ཤིག །རིག་ཙག་གཏད་ལ། ཧྲཱིཿ ཕྱག་རྒྱ་བྷ་གའི་དཀྱིལ་འཁོར་དུ༔ བདེ་སྟོང་ཡེ་ཤེས་ཉམས་མྱོང་ཕྱིར༔ སྣ་ཚོགས་གཟུགས་ཅན་འདི་གཏད་པས། ཐིག་ལེ་ཆོས་སྐུར་གྲོལ་བར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ དེས་རྡོ་རྗེ་བཙུན་མོའི་མཁའ་དབྱིངས་སུ་ཤེས་རབ་ཀྱི་དབང་ཐོབ། ཡིད་ཀྱི་ལས་གསུམ་དག །ཡིད་དང་ཆོས་སུ་རྟོགས་པ་ལས་བྱུང་བའི་རྣམ་ཤེས་ཚོགས་བདུན་དང༌། རང་བཞིན་བརྒྱད་ཅུའི་རྟོག་པ་སྦྱངས། ཐུགས་རྗེའི་བྱིན་རླབས་ཞུགས། ཟུང་འཇུག་ལས་ཀྱི་ཕྱག་རྒྱ་བརྟེན་པ་ལ་དབང༌། དབང་གི་ལས་དང་ཕྱག་རྒྱ་ཆེན་པོའི་རིག་འཛིན་འགྲུབ། ཡི་གེ་འཁོར་ལོའི་ཚོགས་ཆེན་གྱི་ས་ནོན། འབྲས་བུ་ཆོས་ཀྱི་སྐུ་མངོན་དུ་བྱེད་པའི་སྐལ་བ་རྒྱུད་ལ་བཞག་པའོ། །དབང་བཞི་པ་ནི། མེ་ལོང་དྲི་མ་མེད་པ་རང་བྱུང་དྭངས་ཤེལ་གྱི་བརྡས་མཚོན་ཏེ། དབྱིངས་ཀ་དག་སྤྲོས་པ་དང་བྲལ་བའི་རང་མདངས། རིག་རྩལ་འོད་གསལ་ལྷུན་གྲུབ་ཟུང་འབྲེལ་གྱི་དགོངས་པར་རྟག་ཏུ་མཉམ་པར་འཇོག་འཚལ། ཤེལ་རྡོ་མེ་ལོང་གཏད་ལ། ཨཱཿ ཀ་དག་གཞི་ཡི་དཀྱིལ་འཁོར་དུ༔ ལྷུན་གྲུབ་ལམ་གྱི་སྣང་བ་གསལ༔ གཉིས་སུ་མེད་པར་དབང་བསྐུར་བས༔ ཆོས་ཟད་འབྲས་བུ་མངོན་གྱུར་ཤོག༔ ཛྙཱ་ན་ཨ་བྷི་ཥིཉྩ་ཧྲཱིཿ དེས་རྣམ་ཐར་སྒོ་གསུམ་གྱི་བདག་ཉིད་དུ་རང་བཞིན་འོད་གསལ་རྫོགས་པ་ཆེན་པོའི་དབང་ཐོབ། དཔེ་དོན་འབྲེལ་བའི་ཆོས་ཉིད་ཉམས་སུ་མྱོང༌། ཀུན་གཞི་དང་ཤེས་བྱའི་སྒྲིབ་པ་དག །མཐོང་ལམ་ཕྱག་རྒྱ་ཆེན་པོ་སྒོམ་པ་ལ་དབང༌། དྲག་ཤུལ་གྱི་ལས་དང་ལྷུན་གྱིས་གྲུབ་པའི་རིག་འཛིན་འགྲུབ། ཡེ་ཤེས་བླ་མའི་ས་ནོན། འབྲས་བུ་ངོ་བོ་ཉིད་ཀྱི་སྐུ་མངོན་དུ་བྱེད་པའི་སྐལ་བ་རྒྱུད་ལ་བཞག་པའོ། །ལྔ་པ་སྨིན་གྲོལ་ཡོངས་རྫོགས་ཀྱི་བྱིན་རླབས་འཕོ་ཞིང་བརྟན་པའི་ཕྱིར་གཏད་རྒྱའི་དབང་བསྐུར་བ་ལ། སྒྲུབ་པོད་སློབ་མའི་སྤྱི་བོར་བཀོད་དེ། མདུན་གྱི་ནམ་མཁར་ཕྱོགས་དུས་རྩ་བརྒྱུད་ཀྱི་བླ་མ་ཡི་དམ་རྒྱལ་བ་ཞི་ཁྲོ། དཔའ་བོ་མཁའ་འགྲོ། ཆོས་སྐྱོང་སྲུང་མ་དམ་ཅན་རྒྱ་མཚོ་རྣམས་མངོན་སུམ་དུ་བཞུགས་པའི་གནས་གསུམ་ནས་སྐུ་དང་སྔགས་ཕྲེང་ཕྱག་མཚན་འོད་ཟེར་ཐིག་ལེ་དཀར་དམར་མཐིང་གསུམ་ཆར་བབས་པ་ལྟར་བྱོན་ནས་ཁྱེད་རང་རྣམས་ཀྱི་གནས་གསུམ་དུ་ཐིམ་པས་དགོངས་བརྡ་སྙན་ཁུངས་མཁའ་འགྲོ་གཏད་རྒྱ་སོགས་བརྒྱུད་པ་དྲུག་ལྡན་དགོངས་བརྒྱུད་བྱིན་རླབས་རྡོ་རྗེའི་ཡེ་ཤེས་ཁྱེད་རང་གི་རྒྱུད་དུ་འཕོས་པར་མོས་ཤིག །ཨོཾ་ཨཱཿཧཱུྃ༔ ཀུན་བཟང་རྡོ་རྗེ་སེམས་དཔའ་དགའ་རབ་རྗེ༔ དགོངས་པ་རོ་གཅིག་སྐུ་གསུམ་རྣམ་དབྱེར་མེད༔ ཤྲཱི་སིང་ཧ་རིག་རྩལ་རང་དབང་ཐོབ༔ བི་མ་མུ་ཏྲཱ་འཕོ་ཆེན་ཡེ་ཤེས་སྐུ༔ པདྨ་འབྱུང་གནས་རྩ་གསུམ་རྒྱ་མཚོའི་དངོས༔ བརྡ་བརྒྱུད་བླ་མ་འཆི་མེད་རིག་འཛིན་རྗེ༔ ཚིག་དོན་བྱིན་རླབས་ཆུ་རྒྱུན་མ་ཆད་པའི༔ བཀའ་དྲིན་ཅན་གྱི་སྙན་བརྒྱུད་བླ་མ་སོགས༔ ཕྱོགས་བཅུ་དུས་བཞིའི་རྩ་བརྒྱུད་བླ་མ་དང་༔ ཡི་དམ་ཞི་ཁྲོ་དཔའ་བོ་མཁའ་འགྲོ་མ༔ དབྱིངས་དང་ཡེ་ཤེས་ཆོས་སྲུང་རྒྱ་མཚོའི་ཚོགས༔ སྐལ་ལྡན་སློབ་མ་རིགས་ཀྱི་བུ་རྣམས་ལ༔ ཐུགས་རྗེའི་བརྩེར་དགོངས་ཡེ་ཤེས་བྱིན་ཆེན་ཕོབ༔ ཕྱི་ནང་གསང་བའི་ལམ་གྱི་བར་ཆད་སོལ༔ ཐུགས་རྒྱུད་དགོངས་པས་བྱིན་རླབས་དབང་མཆོག་བསྐུར༔ རྩ་རླུང་ཐིག་ལེའི་སེམས་ཀྱི་སྒྲིབ་པ་སྦྱོངས༔ ཕུང་པོ་རྩ་ཁམས་སྣང་སྟོང་ལྷ་སྐུར་དག༔ ངག་རླུང་མི་ཤིགས་བདེ་ཆེན་ལོངས་སྤྱོད་རྫོགས༔ ཡིད་དང་ཐིག་ལེ་འོད་གསལ་ཆོས་སྐུར་སྨིན༔ དབྱེར་མེད་ཡེ་ཤེས་བླ་མའི་ས་ཐོབ་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་ཐོད་ཕྲེང་རྩལ་དེ་ཝ་ཌཱ་ཀི་ནཱི་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿཀཱ་ཡ་ཀཱ་ལ་ཤ་ཝ་ཀ་གུ་ཧྱ་ཙིཏྟ་པྲ་ཛྙཱ་ཛྙཱ་ན་དྷཱ་ཏུ་ཨ་བྷི་ཥིཉྩ་ཨོཾ་ཨཱཿཧཱུྃ་ཧོཿ དབྱངས་གསལ་རྟེན་སྙིང་བརྗོད། དཔོན་སློབ་གཉིས་ཀས་དགོངས་པའི་རྩལ་བསྐྱེད། ཐུགས་ཡིད་བསྲེས་ལ་མཉམ་པར་བཞག་གོ །ཤིས་པ་བརྗོད། དེ་དག་གིས་པདྨ་མདོ་སྔགས་གླིང་པའི་ཟབ་གཏེར་ལས་བྱོན་པ་རྩ་གསུམ་འོད་གསལ་སྙིང་ཐིག་གི་གསང་སྒྲུབ་བླ་མ་མགོན་པོ་འོད་དཔག་ཏུ་མེད་པའི་དབང་བསྐུར་རྒྱས་པ་གྲུབ་པ་ཡིན་པས་སོགས་ཀྱིས་མཚམས་སྦྱར་ལ་དམ་ཚིག་བསྒྲག་བཟུང༌། གཏང་རག་མན་སྤྱི་འགྲེ་བྱས་ལ་སློབ་མ་གྱེས། གསུམ་པ་རྗེས་ཆོག་ཚོགས་ལ་རོལ་ཅིང་ལྷག་མ་གཏོར་སྐྱོང་ནས། བསྔོ་སྨོན་ཤིས་བརྗོད་ཡན་ཀྱིས་ཕྲིན་ལས་མཐར་དབྱུང་ངོ༌། །སྐྱེ་འཆིའི་འཇི༵ག་མེ༵ད་ཡེ་ཤེས་ནི། མཁྱེ༵ན་བརྩེའི་འོད༵་ཟེར་འབུམ་བཀྲ༵་བའི། །མཚན་ཐོས་ཙམ་གྱིས་སྲིད་ཞིའི་དཔལ། འདོད་འཇོ་ཤིས༵་པའི་དཔལ་གྱིས་འབྱོ༵ར། རྩ་གསུམ་འོད་གསལ་སྙིང་ཐིག་གི་གསང་སྒྲུབ་འོད་དཔག་མེད་བླ་མེད་ལྟར་སྒྲུབ་པ་འོད་གསལ་དྲྭ་བའི་དབང་བསྐུར་འཆི་མེད་ཡེ་ཤེས་དཔལ་འཛིན་ལེའུ་ཚན་བཅུ་གཅིག་པ་པདྨ་དབང་ཆེན་དགྱེས་པའི་སྡེས་སྦྱར་བའོ། ༈

།བདེ་ཆེན་ཁྱབ་བརྡལ་ཡེ་ཤེས་ར༵ང་བྱུང༵་རྩལ། །སྙིང་རྗེའི་འབར་བའི་ལང་ཚོ་བསྐལ་པའི་མེའི། །བདུད་སྡེའི་ཚང་ཚིང་བསྲེགས་མཛད་ཧེ་རུ་ཀ །པ༵དྨ་ཁྲག་འཐུང་དགྱེས་པས་གླིང༵་འདིར་སྲུངས། །དགོངས་གཏེར་རྩ་གསུམ་འོད་གསལ་སྙིང་ཐིག་གི་ཡང་གསང་བླ་མ་དྲག་པོ་དམར་ཆེན་ཡི་དམ་དགོངས་འདུས་ཀྱི་སྨིན་བྱེད་ཁྲིགས་བསྡེབས་སུ་བཀོད་པ་ལ། དཀྱིལ་འཁོར་དང་དབང་རྫས་ཤོམ་བཀོད། སྒྲུབ་ཅིང་བསྙེན་པ་ནུས་ལྡན་དུ་བྱ་བ། སྨིན་བྱེད་ཀྱི་རིམ་པ་དངོས་སོ། །དང་པོ་ནི། གང་དུ་དབང་བསྐུར་བའི་གནས་སུ་གཞུང་མཐུན་གྱི་དཀྱིལ་འཁོར་རྒྱས་པ་རས་བྲིས་དང༌། བསྡུ་ན་ཚོམ་བུ་ལྷ་གྲངས་བཀོད་པ་ལ་རྣམ་བུམ། གསང་དབང་གི་རྫས། བདུད་རྩི་བྷནྡྷ། རིག་ཙཀ །ཤེལ་རྡོ། སྒྲུབ་གཞུང་གི་གླེགས་བུ། ལྷ་ཙཀ །སྨན་གཏོར་རཀྟ། མིག་དར། མེ་ཏོག་སོགས་དང༌། མཐའ་བསྐོར་དུ་མཆོད་པ། བཀའ་སྲུང་གི་གཏོར་མ། ཚོགས་ཆད་བརྟན། དཀར་བགེགས། ལས་ཀྱི་བུམ་པ་སོགས་ལེགས་པར་འདུ་བྱས་ལ་བཤམས། གཉིས་པ་ནི། བརྒྱུད་པའི་གསོལ་འདེབས་སྔོན་དུ་འགྲོ་བས། ཕྲིན་ལས་ཀྱིས་དཀྱུས་ཀྱི་སྐྱབས་སེམས་ནས་བརྩམས། བསྟོད་པའི་བར་མཐར་ཆགས་སུ་བཏང༌། བྷྲཱུྃ་བི་ཤྭ་བི་ཤུདྡྷེ་ཧྲཱི་ཧཱུྃ་ཕཊ་ཛཿ ཞེས་བདག་ལས་མདུན་དུ་དཀྱིལ་འཁོར་གྱི་གོ་སར་གཉིས་པར་ཕྱེས་ཏེ་ཛབ¿་ཁང་དབྱེ། བསྙེན་སྒྲུབ་ཀྱི་བཟླས་པ་ལ་འཇུག །བུམ་པ་རང་བྱུང་གི་གཞལ་ཡས་ཁང་དུ་ལྷ་དྭངས་པའི་མཚོ་ལ་གཟའ་སྐར་ཤར་བ་ལྟར་སྐད་ཅིག་གིས་གསལ་བར་གྱུར། རང་སྲོག་སྔགས་ཀྱི་འོད་ཟེར་གཟུངས་ཐག་ལ། །འཁྲིལ་ཏེ་བུམ་པའི་ལྷ་ཚོགས་ཐུགས་ཀར་ཞུགས། །དེ་དག་སྐུ་ལས་བྱང་སེམས་བདུད་རྩིའི་རྒྱུན། །བབ་པས་བུམ་ཆུ་དབྱེར་མེད་རོ་གཅིག་གྱུར། །ཞེས་དམིགས་པས་བསྙེན་བསྒྲུབ་གཉིས་ཀའི་བཟླས་པ་བྱ། ལས་ཐམས་ཅད་པའི་བུམ་པ་མཚན་ཉིད་རྫོགས་པའི་ནང་དུ་པད་ཉིའི་གཏན་ལ་ཁྲོ་བོ་ཡཀྴ་མེ་དབལ་སྐུ་མདོག་སྨུག་ནག་ཐོ་བ་དང་ལྕགས་ཀྱུ་འཛིན་པ་ཁྲོ་བོའི་ཆས་ཐམས་ཅད་ཡོངས་སུ་རྫོགས་པའི་སྐུར་གསལ་བའི་སྐུ་ལས་བྱུང་བའི་བདུད་རྩིའི་རྒྱུན་གྱིས་བུམ་པ་ཡོངས་སུ་གང་བར་གྱུར། ཨོཾ་ཀརྨ་ཡཀྴ་ཧཱུྃ་ཕཊཿ ཞེས་བརྒྱ་རྩ་བཟླས་ལ། ཐུན་མཐར་དབྱངས་གསལ་རྟེན་སྙིང་བཟླ། མཆོད་བསྟོད་དང༌། ཡིག་བརྒྱ། ཨོཾ་ཨཱཿཧཱུྃ་གིས་མཆོད་ཡོན་ཕུལ་བས་ལྷ་རྣམས་རྗེས་སུ་ཆགས་པས་འོད་དུ་ཞུ་སྟེ་བུམ་ཆུ་དང་རོ་གཅིག་པར་བསམ། གསུམ་པ་ནི། སློབ་མ་རྗེས་འཛིན་གྱི་སྐབས་ཇི་ལྟ་བར་སློབ་དཔོན་བདག་ཉིད་འཇུག་པས་དབང་ལེན་པའམ། རིག་པའི་མེ་ཏོག་དོར་བས་ཡེ་ཤེས་ཀྱི་འཁོར་ལོའི་སྐུ་གསུང་ཐུགས་ཀྱི་གསང་བ་དང་གཉིས་སུ་མེད་པའི་ངེས་ཤེས་ཀྱིས་འཇུག་པ་བརྟན་པོས་ནུས་ལྡན་དུ་བྱས་ལ། གནང་བ་ཞུས་ཏེ། སྣོད་དང་ལྡན་པའི་སློབ་མ་ཁྲུས་ནས་དབྱུང༌། བགེགས་བསྐྲད། སྲུང་འཁོར་སྒོམ། ཐུན་མོང་གི་ཆོས་བཤད་ཀྱིས་བློ་བཅོས་ལ། དེ་ཡང་ཇི་སྐད་དུ། བདེ་གཤེགས་ཡོངས་འདུས་ཐོད་ཕྲེང་རྩལ༔ པདྨ་དྲག་པོ་སྒྲུབ་པའི་ཐབས༔ ཟབ་བཅུད་སྙིང་པོར་དྲིལ་བ་འདི༔ མ་འོངས་ལྔ་བརྒྱའི་ཐ་མ་རུ༔ མཐའ་བཞི་འབྱུང་པོའི་བོད་ཁམས་ཁེངས༔ ཐམས་ཅད་དེ་ལ་སྐྱབས་སོང་བས༔ མི་ཟད་སྡུག་བསྔལ་གསུམ་གྱིས་མནར༔ དཀོན་མཆོག་བསྟན་པའི་ལྷག་ཞབས་སྡུད༔ དེ་ཡི་ཚེ་ན་བདག་ཉིད་ཀྱིས༔ བྱིན་གྱི་རླབས་པའི་རྣལ་འབྱོར་པ༔ ཟུང་འཇུག་སྤྲུལ་པའི་རྡོ་རྗེའི་དོན༔ ཀློང་གསལ་ཐུགས་ཀྱི་སྒྲོམ་བུར་སྦས༔ ནམ་ཞིག་རྟེན་འབྲེལ་དུས་བབ་ཚེ༔ བར་ཆད་བདུད་དཔུང་འདུལ་བར་ཤོག༔ ཅེས་གསུངས་པ་ལྟར་མདོ་སྔགས་བསྟན་པ་རྒྱ་མཚོའི་ཡང་བཅུད། གསང་སྔགས་རྡོ་རྗེ་ཐེག་པའི་མྱུར་ལམ། ལམ་ཟབ་བླ་མ་སྒྲུབ་པའི་སྐོར་ལ་སྔ་འགྱུར་གསང་སྔགས་རྙིང་མའི་ཆོས་སྐད་དུ་ཕྱི་གསོལ་འདེབས། ནང་བྱིན་རླབས། གསང་བ་དངོས་གྲུབ། ཡང་གསང་དྲག་པོ་ཕྲིན་ལས་ཀྱི་སྒྲུབ་སྐོར་ཆེན་པོ་བཞི་རུ་གྲགས་པ་ལས་འདི་ནི་ཕྲིན་ལས་ཀྱི་སྐོར་ཏེ། སྙིགས་དུས་ཀྱི་གདུལ་བྱ་རྒྱུ་ཉོན་མོངས་དུག་གསུམ་རགས་པ་འཆོལ་ཉོག་རང་རྒྱུད་དུ་སྤྱོད་པས། འབྲས་བུ་ནད་མཚོན་མུ་གེའི་བསྐལ་པ་ཆེས་དར་ཞིང་གདུང་བའི་ཚེ་མཁྱེན་བརྩེ་ནུས་པའི་ཡེ་ཤེས་ཀྱི་རྩལ། སྟོབས་དང་དབང་བཅུའི་ཕྲིན་ལས་ཀྱི་རྣོ་མྱུར། གང་ལ་གང་འདུལ་གྱི་བྱིན་རླབས་ཀྱི་སྒོ་འགྲན་ཟླ་དང་བྲལ་བའི་སངས་རྒྱས་གཉིས་པ་པདྨ་འབྱུང་གནས་ཉིད་ཡིན་ལ། དེ་ཉིད་ཀྱི་སྐུ་ཡི་བཀོད་པ་མཚན་གྱི་བྱེ་བྲག་གི་སྒྲུབ་ཚུལ་མི་འདྲ་བ་དུ་མ་ཞིག་བཞུགས་པ་ཀུན་གྱི་མཐར་ཐུག་ནི་བླ་མ་དྲག་པོའི་སྒྲུབ་པ་སྟེ། དུས་གསུམ་སངས་རྒྱས་མ་ལུས་ཐམས་ཅད་ཀྱིས༔ དབང་བསྐུར་རྗེས་གནང་རྡོ་རྗེ་དྲག་པོ་རྩལ༔ པདྨ་འབྱུང་གནས་ང་ཉིད་སྒོམ་པ་ཡིས༔ ཞི་ཁྲོ་རབ་འབྱམས་ཐམས་ཅད་རྫོགས་པར་འགྱུར༔ ཞེས་དང༌། ཁྱད་པར་བྱིན་རླབས་དངོས་གྲུབ་མྱུར་འདོད་ན༔ རྡོ་རྗེ་དྲག་རྩལ་པདྨ་ང་ཉིད་བསྒོམ༔ ཞེས་གསུངས་ཤིང༌། དེ་ལའང་བཀའ་གཏེར་དག་སྣང་གི་བརྒྱུད་སྲོལ་མཐའ་ཡས་པ་མཆིས་པའི་ནང་ནས། ཟབ་གཏེར་གྱི་ཤིང་རྟའི་ལམ་སྲོལ་འདྲེན་པའི་གཏེར་སྟོན་རྒྱལ་པོ་ལྔ་ཡི་ཕྱི་མ་འཇིགས་བྲལ་གྱི་སློབ་དཔོན་ཆེན་པོ་པདྨ་འོད་གསལ་མདོ་སྔགས་གླིང་པའི་དགོངས་གཏེར་རྩ་གསུམ་འོད་གསལ་སྙིང་ཐིག་གི་བསྡེབས་སུ་བྱོན་པ་ཡང་གསང་བླ་མ་དྲག་པོའི་གསང་སྒྲུབ་ཡི་དམ་དགོངས་འདུས་ཀྱི་དབང་བསྐུར་བ་སྐབས་སུ་བབས་པ་སྟེ། ཐོག་མར་བླ་མ་དང་དཀྱིལ་འཁོར་ཐ་མི་དད་པའི་སྤྱན་སྔར་འཇུག་པའི་ཆོས་རྣམས་ཞུ་བའི་ཡོན་དུ་མཎྜལ་ཞིག་འབུལ་བར་ཞུ། ཞེས་མཎྜལ་འབུལ་དུ་གཞུག །ཐལ་མོ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས། སངས་རྒྱས་ཀུན་འདུས་རྡོ་རྗེ་འཛིན༔ བདག་ལ་བརྩེ་བས་ཉེར་དགོངས་ནས༔ བླ་མ་དྲག་པོའི་དཀྱིལ་འཁོར་དུ༔ དབང་བསྐུར་དམ་པ་སྩལ་དུ་གསོལ༔ ལན་གསུམ། རྡོ་རྗེ་ཐེག་པ་ལ་དོན་གཉེར་གྱི་བློ་སྐྱེ་བས་དོན་ཤིན་ཏུ་ལེགསཔ་ཡིན་ནོ་ཞེས་སྤྲོ་བ་བསྐྱེད་པའི་སྒོ་ནས་གནང་བ་སྦྱིན་པ་འདི་ལ་གསན་པས་ཁྱབ་པར་གདའ། དུས་གསུམ་གཤེགས་པའི་སངས་རྒྱས་ཀུན༔ རྡོ་རྗེའི་ལམ་མཆོག་འདི་ལ་བརྟེན༔ དེ་ཕྱིར་གསང་ཆེན་དཀྱིལ་འཁོར་འདིར༔ བུ་ཁྱོད་འཇུག་ཅིང་སྨིན་པར་བྱ༔ དུས་འདི་ནས་བྱང་ཆུབ་མ་ཐོབ་ཀྱི་བར་དུ་བླ་མ་པདྨ་དྲག་པོ་ཉིད་མཆོག་གསུམ་རྩ་གསུམ་དམ་ཅན་དང་བཅས་པ་གཅིག་བསྡུས་སུ་ཤེས་པས་ཐུན་མོང་མ་ཡིན་པས་སྐྱབས་སུ་འགྲོ་ཞིང་སེམས་ཅན་ཐམས་ཅད་ཀྱི་དོན་དུ་བྱང་ཆུབ་མཆོག་ཏུ་སེམས་བསྐྱེད་པར་བགྱིའོ་སྙམ་པས་འདིའི་རྗེས་ཟློས་མཛོད། ཧཱུྃ༔ བདེ་གཤེགས་ཀུན་འདུས་ཐོད་ཕྲེང་རྩལ༔ པདྨ་དྲག་པོར་སྐྱབས་སུ་མཆི༔ འགྲོ་ཀུན་བྱང་ཆུབ་ཐོབ་བྱའི་ཕྱིར༔ བསྐྱེད་རྫོགས་ཟུང་འཇུག་ཕྲིན་ལས་བསྒྲུབ༔ ལན་གསུམ།

དེ་ནས་ཚོགས་བསགས་པའི་ཕྱིར་ཚོགས་ཞིང་ཁྱད་པར་ཅན་དེ་དག་གི་སྤྱན་སྔར་རང་གཞན་སེམས་ཅན་ཐམས་ཅད་འཁོད་དེ་ཕྱག་འཚལ་མཆོད་པ་འབུལ་བ་སོགས་བསགས་སྦྱང་གི་སྙིང་པོ་ཡན་ལག་བདུན་པ་འདིའི་རྗེས་ཟློས་མཛོད། ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ལན་གསུམ། རྡོ་རྗེ་ཐེག་པ་སྤྱི་དང་ཁྱད་པར་གྱིས་བསྡུས་པའི་དམ་ཚིག་རྣམས་བཟུང་བར་བགྱིའོ་སྙམ་པ་འདིའི་རྗེས་ཟློས། བླ་མ་རིག་འཛིན་ཡི་དམ་ལྷ༔ མཁའ་འགྲོ་དམ་ཅན་མ་ལུས་དགོངས༔ རིག་པ་འཛིན་པ་བདག་གིས་ནི༔ དུས་འདི་ནས་བཟུང་སྤྲོས་བྲལ་གྱི༔ བྱང་ཆུབ་སྙིང་པོར་མཆིས་ཀྱི་བར༔ བདེ་གཤེགས་ཁྱེད་ཀྱི་མཛད་སྤྱོད་ལྟར༔ བླ་མེད་མི་སྤང་བླ་མ་བཀུར༔ ཡང་དག་ལམ་དུ་ཞུགས་ལ་བྱམས༔ སྔགས་དང་ཕྱག་རྒྱ་རྒྱུན་མི་བཅད༔ གསང་བའི་དོན་ཕྱིར་སྨྲ་མི་བྱ༔ བྱང་ཆུབ་སྙིང་པོ་བདག་ལ་སྩོལ༔ ལན་གསུམ། སྔོན་ཆད་དཀྱིལ་འཁོར་འདི་ཉིད་དུ་མ་ཞུགས་པར་མཚོན་བྱེད་གདོང་གཡོགས་དམར་པོས་འཆིང་བར་ཞུ། ཨོཾ་བཛྲ་ཡཀྴ་ཧཱུྃ། ཞེས་ལས་ཆུས་བསངས་བའི་མིག་དར། ཨོཾ་ཙཀྵུཿབནྡྷ་བཱ་ར་མ་ཎ་ཡ་ཧཱུྃ༔ གིས་འཆིང༌། དཀྱིལ་འཁོར་གྱི་ལྷ་དང་མཇལ་བའི་ཕྱག་རྟེན་དུ་རིན་པོ་ཆེའི་མེ་ཏོག་གི་ཕྲེང་བ་རེ་གཏད་པར་མོས་ཤིག ཨཱ་ཁཾ་བཱི་ར་ཧཱུྃ། ཞེས་ཅོད་པན་སྦྱིན། དེ་ནས་དུང་ཆོས་ཀྱི་ཆུ་བླུད་དེ། ཧཱུྃ༔ སྔགས་ཀྱི་རྩ་བ་དམ་ཚིག་སྟེ༔ བསྲུངས་ན་དངོས་གྲུབ་རྣམ་གཉིས་ཐོབ༔ མ་བསྲུང་ཚེ་འདིར་དམྱལ་བར་འགྲོ༔ དམ་བསྲུངས་རྡོ་རྗེའི་ཆུ་འཐུངས་ཤིག༔ བཛྲ་ས་མ་ཡ་ཨི་དཾ་ན་ར་ཀན༔ དམ་ཚིག་རྡོ་རྗེའི་མནའ་ཆུ་དེ་ཉིད་སྙིང་གི་དབུས་སུ་ཐིམ་ནས་དམ་ཚིག་བསྲུང་ན་སྐྱོབས་པའི་ལྷ་རྡོ་རྗེ་སེམས་དཔར་གྱུར་ལ། མ་སྲུངས་ན་ཡཀྴ་ལྕགས་ཀྱི་སྡིག་པར་འགྱུར་ནས་འདི་ཕྱི་ཀུན་ཏུ་སྲེག་པར་བྱེད་པས། དེང་ཕྱིན་ཆད་དམ་ཚིག་ལ་གནས་པར་གྱིས་ཤིག །ཅེས་བསྒོ། དེ་ནི་དབང་གི་གཞི་འགོད་པ་སློབ་མའི་ལུས་ཡེ་ཤེས་ཀྱི་འཁོར་ལོར་སྦ་ཞིང་བྱིན་གྱིས་བརླབ་པའི་ཕྱིར་མོས་པ་འདི་བཞིན་དུ་མཛོད། ཁྱེད་རང་རྣམས་ཀྱིས་སློབ་དཔོན་ལ་གུས་འདུད་དྲག་པོ་བྱས་པས། ངེད་ཀྱི་ཐུགས་རྗེའི་འོད་ཟེར་གྱིས་མདུན་བསྐྱེད་ཀྱི་ཐུགས་རྒྱུད་བསྐུལ། མདུན་བསྐྱེད་ཀྱི་ཐུགས་ཀའི་འོད་ཟེར་ཁྱེད་རང་རྣམས་ཀྱི་ལུས་ལ་ཕོག་པས། ཚེ་ཐོག་མ་མེད་པ་ནས་བསགས་པའི་སྡིག་སྒྲིབ་ཕུང་པོ་གདོས་བཅས་དང་བཅས་པ་འོད་དུ་ཞུ་སྟེ་མི་དམིགས་པ་སྟོང་པར་གྱུར་པའི་ངང་ལས་པད་ཉིའི་སྟེང་དུ་སེམས་ཉིད་ཧཱུྃ་ཡིག་དམར་པོ་འོད་ཟེར་འཕྲོ་བ་ཞིག་ཏུ་གྱུར། ཧཱུྃ་དེ་འོད་དུ་ཞུ་བ་ལས་ཁྱེད་རང་རྣམས་སྐད་ཅིག་གིས་དྲག་པོ་པདྨའི་སྐུ། ཞལ་གཅིག་ཕྱག་གཉིས་སྐུ་མདོག་དམར་ནག །ཞལ་གདངས་མཆེ་བ་གཙིགས་པ། སྤྱན་གསུམ་ཁྲོས་པའི་སྡང་མིག་གཟིགས་པ། དབུ་སྐྲ་ཕྱེད་བརྫེས་གྱེན་དུ་འཁྱིལ་པ། ཐོད་སྐམ་ལྔ་ཡིས་སྐྲ་མཚམས་བརྒྱན་པ། ཨག་ཚོམ་དམར་སེར་བསྐལ་པའི་མེ་ལྟར་འབར་བ། ཕྱག་གཡས་གསེར་གྱི་རྡོ་རྗེ་རྩེ་དགུ་ནམ་མཁའ་ལ་ཕྱར་ཏེ་འཛིན་པ་ལས་གནམ་ལྕགས་ཀྱི་སྡིག་པ་འཇིགས་སུ་རུང་བའི་ཆ་ཚ་འཕྲོ་བ། གཡོན་པས་སྒྲོལ་བྱེད་ཕྲིན་ལས་ཀྱི་ཕུར་པ་འདྲིལ་བས་བདུད་བགེགས་བར་ཆད་ཐམས་ཅད་ཚར་གཅོད་པ་སྟག་ལྤགས་ཀྱི་ཤམ་ཐབས་མཛད་པ། ཞིང་ལྤགས་ཀྱི་གཡང་གཞི་སྐེད་ལ་བཅིངས་པ། གླང་ཆེན་ཀོ་རློན་གྱི་སྟོད་གཡོགས་མཛད་པ། རིགས་བཞིའི་སྦྲུལ་གྱིས་ཡན་ལག་དཀྲིས་པ། ཐལ་ཆེན་གྱི་ཚོམ་བུ། རཀྟའི་ཐིག་ལེ། ཞག་གི་ཟོ་རིས། རིན་པོ་ཆེ་དང་རུས་པའི་རྒྱན་གྱིས་བརྒྱན་པ། ཐོད་རློན་ལྔ་བཅུས་དོ་ཤལ་མཛད་པ། བརྗིད་ཅིང་གཏུམ་པ། རྔམ་ཞིང་ཁྲོས་པ། ཁམས་གསུམ་དབང་དུ་སྡུད་པ། སྲིད་གསུམ་ཟིལ་གྱི་གནོན་པ། ཞབས་གཡས་བསྐུམས་གཡོན་བརྐྱངས་ནས་དྲེགས་པ་ཕོ་མོའི་གདན་ལ་འགྱིང་བ། ཡུམ་དབྱིངས་ཀྱི་དབང་ཕྱུག་མ་མཐིང་སྐྱ་གཅེར་བུ་རུས་རྒྱན་དང་གཟིག་ཤམ་ཅན་རྡོ་རྗེ་དང་དུང་ཁྲག་བསྣམས་པ་དང་སྦྱོར་བ་གཉིས་ཀའང་གར་དགུའི་གཟི་བྱིན་རབ་ཏུ་རྒྱས་པའི་སྤྱི་བོར་བླ་མ་ཞི་བ་རྡོ་རྗེ་ཐོད་ཕྲེང་རྩལ་ཡབ་ཡུམ་ལ་བརྒྱུད་གསུམ་བླ་མའི་ཚོགས་ཀྱིས་བསྐོར་བ། མགྲིན་པར་ཁྲག་འཐུང་པདྨ་བཛྲ་ཡབ་ཡུམ་ལ་འཇིགས་བྱེད་ལྔ་ཅུ་རྩ་བརྒྱད་ཀྱིས་བསྐོར་བ། ཐུགས་ཀར་ཆེ་མཆོག་ཧེ་རུ་ཀ་དབུ་ཉེར་གཅིག །ཕྱག་བཞི་བཅུ་རྩ་གཉིས་ཀྱི་ཞི་བ་རྡོ་རྗེ་དབྱིངས་ཀྱི་ལྷ་ཚོགས་བསྣམས་པ། ཡུམ་གནམ་ཞལ་མ་ཕྱག་བཅོ་བརྒྱད་ཀྱིས་དང་པོས་རྡོ་རྗེ་དང་དུང་ཁྲག་བསྣམས་པས་ཡབ་ལ་འཁྱུད་ཅིང༌། ཕྱག་ལྷག་མས་གནས་ཡུལ་གྱི་ཕྲ་མེན་བསྣམས་པ། འཁོར་དུ་བདེ་གཤེགས་སྒྲུབ་སྡེ་བརྒྱད་ཀྱིས་བསྐོར་བ། ལྟེ་བར་དབྱིངས་ཕྱུག་ཌཱ་ཀི་སྡེ་ལྔ་ལ་གནས་ཡུལ་དུར་ཁྲོད་ཀྱིས་དཔའ་བོ་ཌཱ་ཀིས་བསྐོར་བ། གསང་བར་ཕྲིན་ལས་ཀྱི་མགོན་པོ་མ་ནིང་ནག་པོ་ལ་རྒྱུད་གསུམ་དྲེགས་པའི་ཚོགས་ཀྱིས་བསྐོར་བ། སྐུའི་བ་སྤུའི་བུ་ག་ལས་ཡེ་ཤེས་ཀྱི་བྱ་ཁྱུང་གི་ཚྭ་ཚྭ་འཕྲོ་བ་སྒོམས་ཤིག །དེའི་དཔྲལ་བར་འཁོར་ལོའི་སྟེང་དུ་ཨོཾ། མགྲིན་པར་པདྨའི་སྟེང་ཨཱཿ ཐུགས་ཀར་རྡོ་རྗེའི་ལྟེ་བར་ཧཱུྃ། ཧཱུྃ་གི་འོད་ཟེར་གྱིས་ཕྱོགས་བཅུའི་ཞིང་རབ་འབྱམས་ནས་བདེ་གཤེགས་རྩ་བ་གསུམ་གྱི་ལྷ་ཚོགས་ཐམས་ཅད་བླ་མ་དྲག་པོའི་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པས་ཆར་དྲག་ཏུ་བབས་པ་བཞིན་བྱོན་ནས་གཉིས་སུ་མེད་པར་ཐིམ་པས་རྡོ་རྗེའི་ཡེ་ཤེས་ཀྱི་བྱིན་རླབས་མངོན་སུམ་དུ་ཐོབ་པའི་མོས་པ་མཛོད། གདུང་ཤུགས་སྤོས་རོལ་དང་བཅས་པས། ཧཱུྃ་ཧཱུྃ་ཧཱུྃ༔ ཡུལ་གྱི་མིང་ནི་རྔ་ཡབ་གླིང་༔ གནས་མཆོག་ཟངས་མདོགས་དཔལ་གྱི་རི༔ དུར་ཁྲོད་དྲག་པོའི་གཞལ་ཡས་ནས༔ ཨོ་རྒྱན་པདྨ་ཐོད་ཕྲེང་རྩལ༔ ཁྲག་འཐུང་ཁྲོ་བོའི་སྐུར་བཞེངས་ཤིག༔ སྙིགས་དུས་དམ་འགོང་ཚར་གཅོད་ཕྱིར༔ མོས་ཤིང་གདུང་བས་སྤྱན་འདྲེན་ན༔ ཐུགས་རྗེའི་དབང་གིས་གཤེགས་ནས་ཀྱང་༔ སྒོ་གསུམ་རྡོ་རྗེ་གསུམ་དུ་སྦྱོར༔ གཟུང་འཛིན་འབྱུང་པོ་དབྱིངས་སུ་སྒྲོལ༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀྲོ་དྷ་ཨརྩིག་ནིརྩིག་སརྦ་སིདྡྷི་ཧཱུྃ་ཕ¿ཊ༔ ཨ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཅེས་དྲག་ཏུ་བཟླ་ཞིང་ཡེ་ཤེས་དབབ། དེ་ལྟར་བྱིན་ཕབ་པའི་བྱིན་རླབས་ཀྱི་རྒྱུན་བྱང་ཆུབ་མ་ཐོབ་ཀྱི་བར་དུ་བརྟན་པར་བྱས་པར་མོས་ཤིག །རྒྱ་གྲམ་མགོར་བཞག་ལ། ཏིཥྛ་བཛྲ། མེ་ཏོག་དཀྱིལ་འཁོར་ལ་དངོས་སུ་འདོར་དུ་གཞུག་པའམ་ཚོམ་བུ་འདུ་བྱས་ལ། འདི་ན་དབང་དྲག་པདྨའི་དཀྱིལ་འཁོར་རྟེན་དང་བརྟེན་པར་བཅས་པའི་ལྷ་ཚོགས་མངོན་སུམ་དུ་གསལ་བར་བཞུགས་པས་ཁྱེད་རང་རྣམས་ཀྱི་ཚེ་རབས་ཀྱི་ཡི་དམ་གྱི་ལྷ་གང་ཡིན་པ་ཞིག་ལ་མེ་ཏོག་གི་ཕྲེང་བ་འདི་བབ་པར་གྱུར་ཅིག་སྙམ་པ་མཛོད་ལ་རྗེས་ཟློས་དང་བཅས་ཏེ་མེ་ཏོག་འདོར་བར་ཞུ། ཧོཿ རང་སྣང་རྣམ་དག་འོག་མིན་དུ༔ བདེ་ཆེན་རྡོ་རྗེའི་མཎྜ་ལར༔ རིག་པའི་མེ་ཏོག་འདི་དོར་བས༔ ལྷག་པའི་ལྷ་ལ་འབབ་པར་ཤོག༔ ཨོཾ་སརྦ་ཏ་ཐཱ་ག་ཏ་མཎྜ་ལ་པུཥྤེ་པྲ་ཏཱིཙྪ་ཧོཿ འོ་མེ་ཏོག་འདི་གར་བབས་ཀྱི་ལྷ་དང་དབྱེར་མེད་དུ་སྤྱི་བོར་ཐིམ་པར་སྒོམས་ཤིག །ཁྱོད་ནི་བླ་མེད་བྱང་ཆུབ་ཀྱི༔ ཡེ་ཤེས་དམ་པའི་སྣོད་ཡིན་ཕྱིར༔ རྡོ་རྗེའི་དམ་ཚིག་འདི་ཟུངས་ལ༔ རང་གཞན་དོན་གཉིས་སྒྲུབ་པར་གྱིས༔ པྲ་ཏི་གྲྀཧྞ་ཨི་མཾ་ས་ཏྭ་མ་ཧཱ་བཱ་ལཱ༔ ཞེས་མེ་ཏོག་སྤྱི་བོར་བཞག །ཧཱུྃ་ལས་བྱུང་བའི་མིག་ཐུར་གྱིས་མ་རིག་པའི་མིག་གི་རབ་རིབ་ཐམས་ཅད་བསལ་བའི་མོས་པ་མཛོད་ཅིག ཧོཿ ཇི་ལྟར་མིག་མཁན་རྒྱལ་པོ་ཡིས༔ འཇིག་རྟེན་རབ་རིབ་བསལ་བ་ལྟར༔ བུ་ཁྱོད་ཀྱིས་ནི་མི་ཤེས་པའི༔ རབ་རིབ་རྒྱལ་བ་རྣམས་ཀྱིས་བསལ༔ ཨོཾ་ཛྙཱ་ན་ཙཀྵུ་པྲ་ཝེ་ཤ་ཡ་ཕཊཿ ཅེས་མིག་རས་བསལ།

དེ་ནས་ཡེ་ཤེས་ཀྱི་མིག་གསར་དུ་ཐོབ་པ་དེ་ལ་མཐོང་བ་བསྟན་པར་བྱ་སྟེ། མདུན་གྱི་དཀྱིལ་འཁོར་རང་སྣང་དབྱེར་མེད་བླ་མ་རྡོ་རྗེ་དྲག་པོ་རྩལ་གྱི་དཀྱིལ་འཁོར་དུ་མངོན་སུམ་དུ་གསལ་བར་བཞུགས་པ་ནི་གཟུགས་བརྙན་གྱི་དཀྱིལ་འཁོར་འདིས་མཚོན་པ་ཡིན་ཏེ། དེ་ཡང་གཉིས་འཛིན་གྱི་རྟོག་པ་སྲེག་པའི་བརྡར། ཕྱི་རོལ་དུ་ཡེ་ཤེས་ཀྱི་མེ་རབ་ཏུ་འབར་བ་མི་རྟོག་པའི་ཡེ་ཤེས་ལ་གཞན་གྱིས་མི་ཤིགས་ཤིང་མི་ཚུགས་པའི་བརྡར། དེའི་ནང་དུ་རྡོ་རྗེའི་ར་བ། རྣམ་པར་ཐར་པའི་ཚོགས་བརྒྱད་གནས་སུ་དག་པའི་བརྡར། དུར་ཁྲོད་ཆེན་པོ་བརྒྱད། འཁོར་བར་གནས་ནས་འགྲོ་དོན་མཛད་ཀྱང་འཁོར་བའི་སྐྱོན་གྱིས་མ་གོས་པའི་བརྡར། པདྨའི་ཕྲེང་བ། རྟེན་འབྲེལ་བཅུ་གཉིས་གནས་སུ་དག་པའི་བརྡར། འོག་གཞི་སྣ་ཚོགས་རྡོ་རྗེ། ཆེ་བའི་ཡོན་ཏན་རྒྱས་པའི་བརྡར་དྲག་པོའི་གཞལ་ཡས་ཁང་གྲུ་བཞི་པ། སྐུ་གསུམ་ལྷུན་གྲུབ་པའི་བརྡར་མི་མགོ་སྐམ་རློན་རྙིད་པའི་བརྩིགས་པ། གདུལ་བྱ་གདུག་པ་ཅན་དྲག་པོའི་ཕྲིན་ལས་ཀྱིས་ཚར་གཅོད་པའི་བརྡར་དྲག་པོའི་རྒྱན་ཆས་བཀོད་པས་འཇིགས་སུ་རུང་བ། ཞི་བའི་ཐབས་ཀྱིས་འགྲོ་ཀུན་རྗེས་སུ་འཛིན་པའི་བརྡར་བྱང་ཆུབ་ཀྱི་ཆོས་སུམ་ཅུ་རྩ་བདུན་དང་ཡེ་ཤེས་ལྔ་ལ་སོགས་པའི་རང་བཞིན་གྱི་དཀྱིལ་འཁོར་གྱི་ཆོས་རྣམས་ཀྱིས་མཛེས་པར་སྤྲས་པའི་གཞལ་ཡས་ཁང་གི་དབུས་ཀྱི་ལྟེ་བར། སྡེ་བརྒྱད་པད་ཟླ་ཉི་མ་དྲེགས་པ་བསྣོལ་བའི་གདན་གྱི་སྟེང་དུ་ཐབས་མཆོག་རང་རིག་པའི་ཡེ་ཤེས་བདེ་བ་ཆེན་པོ་མཚོན་པའི་བརྡར། དུས་གསུམ་རྒྱལ་བ་ཐམས་ཅད་འདུས་པའི་སྤྱི་གཟུགས་ཁྲག་འཐུང་དྲག་པོ། ཤེས་རབ་སྟོང་པ་ཉིད་རང་རྩལ་ཆེ་བའི་ཡོན་ཏན་ཡེ་ཤེས་ལྔ་མ་འགགས་པར་རང་སྣང་བའི་བརྡར། ཡུམ་རྡོ་རྗེ་རྣལ་འབྱོར་མ་དང་གཉིས་མེད་དུ་སྦྱོར་བ། སྐུ་གསུང་ཐུགས་ཡོན་ཏན་ཕྲིན་ལས་ལྔའི་བདག་ཉིད་ཀྱིས་གདུལ་བྱ་རྗེས་སུ་འཛིན་པའི་བརྡར་གནས་ལྔར་ཁྲོ་རྒྱལ་ལྔ་དང༌། གཞན་ཡང་རྩ་གསུམ་རྒྱལ་བའི་དཀྱིལ་འཁོར་སོགས་སྤྲུལ་པའི་འཁོར་ཚོགས་བསམ་གྱིས་མི་ཁྱབ་པས་བསྐོར་བ་སྟེ། དེ་ལྟར་ན་ཁྲག་འཐུང་པདྨ་དྲག་པོའི་རྟེན་དང་བརྟེན་པར་བཅས་པའི་དཀྱིལ་འཁོར་ཐམས་ཅད་ཆོས་ཀྱི་དབྱིངས་མངོན་སུམ་པ་བཞིན་དུ་མཇལ་བར་གྱུར་སྙམ་དུ་དགའ་བ་དང་སྤྲཽ་བ་ཡང་དག་པ་སྐྱེད་མཛོད། ཅེས་བརྡ་སྤྲད། དེ་ལྟར་དཀྱིལ་འཁོར་དུ་འཇུག་པའི་བྱ་བ་འཁོར་དང་བཅས་པ་སོང་ནས། ཞུགས་པ་ལ་མངོན་པར་དབང་བསྐུར་བ་ཞུ་བའི་ཡོན་དུ་མཎྜལ་འབུལ་བར་ཞུ། ཞེས་བརྗོད་ལ་སློབ་མས་མཎྜལ་འབུལ། དབང་གི་དངོས་གཞི་ཞུ་བའི་དོན་དུ་གསོལ་བ་འདེབས་པ་འདིའི་རྗེས་ཟློས་མཛོད། སངས་རྒྱས་ཀུན་འདུས་ཐུགས་རྗེའི་གཏེར༔ བདག་ལ་བརྩེ་བས་ཉེར་དགོངས་ནས༔ པདྨ་དྲག་པོའི་ལྷ་ཚོགས་ཀྱི༔ དབང་བསྐུར་དམ་པ་སྩལ་དུ་གསོལ༔ ལན་གསུམ། དབང་དངོས་ལ་སྐུ་གསུང་ཐུགས་ཡེ་ཤེས་རྡོ་རྗེ་གཏད་རྒྱའི་དབང་དང་ལྔ་ལས་དང་པོ་སྐུ་བུམ་པ་ལྷ་ཡི་དབང་ལུས་ལ་བསྐུར་བའི་དོན་དུ། ཁྱེད་རྣམས་དཀྱིལ་འཁོར་གྱི་ཤར་ཕྱོགས་དབང་སྟེགས་ཀྱི་དཀྱིལ་འཁོར་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་སྡེ་བརྒྱད་པད་ཟླ་ཉི་མ་དྲེགས་པ་བསྣོལ་བའི་གདན་ལ་བླ་མ་དྲག་པོའི་རྣམ་པས་འཁོད་པ་ལ། བླ་མ་དང་གཉིས་སུ་མེད་པའི་དཀྱིལ་འཁོར་གྱི་གཙོ་བོས་ཐུགས་ནས་སྤྲུལ་པའི་རིགས་ལྔ་ཡབ་ཡུམ་སེམས་དཔའ་སེམས་མ་ཁྲོ་བོ་ཁྲོ་མོ་མཆོད་པའི་ལྷ་མོ་དང་བཅས་པས་བུམ་པ་སྤྱི་བོར་བཞག་སྟེ། དབང་བསྐུར་ཞིང་ཤིས་པ་བརྗོད་པས། ལས་དང་བག་ཆགས་ཀྱི་དྲི་མ་སྦྱངས་ནས་སྐུ་ལྔ་ཡེ་ཤེས་ལྔ་ཐོབ་རུང་དུ་བྱིན་གྱིས་བརླབ་པར་སྒོམ་ཞིག །རྣམ་བུམ་གྱིས་དབང་བསྐུར་ལ། ཧཱུྃ་ཧྲཱིཿ སྣང་སྟོང་བུམ་པའི་དཀྱིལ་འཁོར་དུ༔ པདྨ་དྲག་པོའི་ལྷ་ཚོགས་ཤར༔ སྐལ་ལྡན་བུ་ལ་དབང་བསྐུར་བས༔ ཕུང་ཁམས་ལྷ་སྐུར་སྨིན་པར་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀྲོ་དྷ་ཨརྩིག་ནིརྩིག་སརྦ་སིདྡྷི་ཧཱུྃ་ཕཊཿ ཀ་ཡ་ཨ་བྷི་ཥིཉྩ་ཨོཾ༔ བུམ་པ་སྤྱི་བོར་བཞག་ཅིང་བུམ་ཆུ་སྦྱིན། ཐ་མལ་གྱི་སྣང་ཞེན་སྦྱང་ཕྱིར་སྐུའི་དབང་སྦྱིན་པ་ནི། དཀྱིལ་འཁོར་གྱི་ལྷའི་གཙོ་འཁོར་རྣམས་ལས་སྐུ་གཉིས་པ་འཕྲོས་ཏེ་ཁྱེད་རང་ལ་ཐིམ་པས་པདྨ་དྲག་པོ་དངོས་སུ་གྱུར་པར་མོས་ཤིག །ཧཱུྃ༔ དབྱིངས་ལས་འབར་བའི་ཡེ་ཤེས་སྐུ། །སྣང་སྲིད་ཟིལ་གནོན་ཧེ་རུ་ཀ །པདྨ་དྲག་པོའི་དབང་བསྐུར་བས། །དུག་གསུམ་དབྱིངས་སུ་སྒྲོལ་ནུས་ཤོག ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀྲོ་དྷཱ་ཨརྩིག་ནིརྩིག་སརྦ་སིདྡྷི་ཧཱུྃ་ཕཊཿ ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ༔ རང་བྱུང་ལྷུན་གྲུབ་ཁྲོ་བོའི་རྒྱལ། །ཆོས་ཉིད་ཞི་ལས་མ་གཡོས་པའི། །ཐོད་ཕྲེང་རྩལ་གྱི་དབང་བསྐུར་བས། །བྱིན་རླབས་ནུས་མཐུ་ཡོངས་རྫོགས་ཤོག །ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཐོད་ཕྲེང་རྩལ་ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ༔ བདེ་ཆེན་ཁ་སྦྱོར་བདུན་རྫོགས་ནས། །ཕྱོགས་དུས་རྒྱལ་བའི་སྤྱི་གཟུགས་ཆེ། །པདྨ་བཛྲས་དབང་བསྐུར་བས། །བདེ་སྟོང་ཡེ་ཤེས་མངོན་གྱུར་ཤོག །ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་བཛྲ་ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ༔ ཐུགས་མཆོག་ཡེ་ཤེས་འབར་བའི་སྲོག །ཁྲོ་རྒྱལ་ཡོངས་ཀྱི་འཁོར་ལོའི་བསྒྱུར། །ཆེ་མཆོག་དཔལ་གྱི་དབང་བསྐུར་བས། །རིགས་ཀུན་བདག་པོའི་ས་ཐོབ་ཤོག །ཨོཾ་ཨཱཿཧཱུྃ་ཤཱནྟིཾ་བཛྲ་དྷཱ་ཏུ་ཛྭ་ལ་ཀྲོ་དྷ་མཎྜ་ལ་ཨ་བྷི་ཥིཉྩ་ཧཱུྃ༔ ཧཱུྃ༔ ལས་དང་ཡེ་ཤེས་གཉེར་འཛིན་པ། བདེ་སྟོང་ཐིག་ལེ་ཆེན་པོའི་གཟུགས། །གནས་ཡུལ་ཌཱ་ཀིའི་དབང་བསྐུར་བས། །ལྷན་སྐྱེས་ཡེ་ཤེས་མངོན་གྱུར་ཤོག །ཨོཾ་ཨཱཿཧཱུྃ་དྷཱ་ཀ་དྷཱ་ཀི་ནི་ཨ་བྷྀ་ཥིཉྩ་ཧཱུྃ༔ ཧཱུྃ༔ དབྱིངས་ལས་རང་བྱུང་ཐུགས་རྗེའི་གཟུགས། །རྒྱུད་གསུམ་དྲེགས་པའི་གཙོ་བོ་ཆེ། །མ་ནིང་ལྕམ་དྲལ་དབང་བསྐུར་བས། །ལས་ཀུན་ཐོགས་མེད་སྒྲུབ་ནུས་ཤོག །ཨོཾ་བྷཱ་ཀཱ་ཤ་ས་ན་དྷཱ་ར་ཨ་བྷྀ་ཥིཉྩ་ཧཱུྃ༔ ཧཱུྃ༔ ཚར་གཅོད་རྗེས་འཛིན་ལས་ཀུན་བྱེད། །དཔལ་གྱི་ཕོ་ཉ་དྲེགས་པ་འདུལ། །ཟ་བྱེད་ཁྱུང་གི་དབང་བསྐུར་བས། །སྟེང་འོག་བར་གྱི་གདོན་འདུལ་ཤོག །ཨོཾ་མ་ཧཱ་ག་རུ་ཊ་ཨ་བྷི་ཥིཉྩ་ཧཱུྃ༔ ངག་གི་ཞེན་པ་སྦྱང་ཕྱིར་བཟླས་པའི་ལུང་སྦྱིན་པ་ལ། དཀྱིལ་འཁོར་གྱི་གཙོ་བོའི་ཐུགས་ཀའི་སྔགས་ཕྲེང་ལས་སྔགས་ཕྲེང་འོད་ཟེར་དང་བཅས་པ་བྱུང༌། ཞལ་ནས་ཐོན། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་ཀར་ཧཱུྃ་གི་མཐར་འཁོད་པ་ལས་འོད་ཟེར་སྤྲོ་བསྡུས་དོན་གཉིས་སྒྲུབ་པར་མོས་ལ་བསྙེན་པའི་སྔགས་འདིའི་རྗེས་ཟློས་ལན་གསུམ་མཛད་པ་ཞུ། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀྲོ་དྷཱ་ཨརྩིག་ནིརྩིག་སརྦ་སིདྡྷི་ཧཱུྃ་ཕཊཿ ལན་གསུམ།

སླར་ཡང་ཐུགས་ཀའི་ཧྲཱི་ལས་བྱུང་བའི་སྔགས་ཕྲེང་གནས་ལྔའི་ལྷ་ཚོགས་རྣམས་ཀྱི་ཞལ་དང་མཁའ་གསང་ནས་བརྒྱུད་དེ་འཁོར་བའི་འོད་ཟེར་གྱིས་རྩ་བ་གསུམ་གྱི་ལྷ་ཚོགས་མཆོད་ཅིང་ཐུགས་དམ་བསྐུལ་བྱིན་རླབས་དངོས་གྲུབ་ཐམས་ཅད་འོད་ཟེར་གྱི་རྣམ་པར་བསྡུས་ཏེ་ཐིམ། སྣོད་བཅུད་ཀྱི་དངོས་འཛིན་བག་ཆགས་དང་བཅས་པ་སྦྱངས་ནས་ལྷ་སྔགས་ཡེ་ཤེས་ཀྱི་འཁོར་ལོར་གྱུར་པར་མོས་ལ་དྲག་སྔགས་མེའི་སྤུ་གྲི་འདིའི་རྗེས་ཟློས་མཛོད། ཨོཾ་ཨཱཿཧཱུྃ་བཛྲ་གུ་རུ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རྃ་རྃ་ཛྭ་ལ་རྃ་སརྦ་ཌཱ་ཀི་ནི་ཧཱུྃ་བྷྱོ་ཧཱུྃ་ཕཊ༔ ལན་གསུམ། ཐུགས་རང་བྱུང་གི་དགོངས་པ་ངོ་སྤྲད་པའི་སླད་དུ། མེ་ལོང་དྭངས་པའི་ངོས་སུ་གཟུགས་བརྙན་སྣ་ཚོགས་སུ་སྣང་ཡང་རང་བཞིན་མ་གྲུབ་པའི་དཔེས་མཚོན་ནས། རང་སེམས་སྟོང་པའི་རང་རྩལ་ལས་གཟུང་འཛིན་འཁྲུལ་པའི་སྣང་བ་སྣ་ཚོགས་སུ་ཤར་ཡང་གདོད་མ་ནས་སྐྱེ་འགགས་གནས་གསུམ་བྲལ་བའི་དོན་རང་རིག་སྐད་ཅིག་མའི་རང་རྩལ་དུ་ངོ་ཤེས་པར་གྱིས་ལ་སྣང་རིག་ཟུང་འཇུག་འོད་གསལ་ཆེན་པོའི་ངང་དུ་མཉམ་པར་ཞོག་ཅིག །མེ་ལོང་བསྟན་ལ། ཧཱུྃ༔ གཟུང་དང་འཛིན་པའི་རྟོག་པ་ཀུན༔ གདོད་ནས་རང་བཞིན་འོད་གསལ་ངང་༔ ཡེ་ཤེས་རྟོགས་པའི་དབང་བསྐུར་བས༔ ཟུང་འཇུག་གནས་ལུགས་མངོན་གྱུར་ཤོག༔ ཨོཾ་སརྦ་མཎྜ་ལ་ཙིཏྟ་ཨ་བྷི་ཥིཉྩ་ཧཱུྃ༔ དེ་དག་གིས་དབང་དྲག་པདྨ་དྲག་པོའི་དཀྱིལ་འཁོར་གྱི་སྐུ་གསུང་ཐུགས་ཀྱི་ཡེ་ཤེས་ཀྱི་སྒོ་གསུམ་བྱིན་གྱིས་བརླབས་པའི་ཁམས་གསུམ་སྣོད་བཅུད་ཀྱི་སྣང་གྲགས་རིག་པ་གདོད་ནས་རྡོ་རྗེ་གསུམ་གྱི་འཁོར་ལོར་ཤེས་པའི་དག་སྣང་དང་མ་བྲལ་བས་ལྷ་སྔགས་ཆོས་སྐུ་ལམ་ཁྱེར་རྒྱུན་མི་ཆད་པ་མཛོད་ཅིག །དེ་ལྟར་རིགས་ཀྱི་བུ་ཁྱོད་རྣམས་ལ་དབང་དྲག་པདྨའི་སྐུའི་ལྷ་དབང་ལུས་ལ་བསྐུར་བས་ལུས་ཀྱི་སྒྲིབ་པ་དག་ནས། ཉོན་མོངས་དང་ཕུང་པོ་ལྔ་གནས་གྱུར་ཏེ། གུ་རུ་དྲག་པོ་སྐུ་ལྔའི་དཀྱིལ་འཁོར་དུ་བྱིན་གྱིས་བརླབས་པ་ཡིན་པས། ལུས་ལྷ་དང་མ་བྲལ་བར་གྱིས་ཤིག །མཐར་ཐུག་གི་འབྲས་བུ་སྤྲུལ་སྐུ་ཐོབ་པར་འགྱུར་རོ། །གཉིས་པ་གསུང་གི་སྔགས་དབང་ངག་ལ་བསྐུར་བའི་ཕྱིར། བླ་མ་རྡོ་རྗེ་དྲག་པོ་རྩལ་ཡབ་ཡུམ་རྗེས་སུ་ཆགས་པའི་སྦྱོར་བས་སྙོམས་པར་ཞུགས་པའི་ཀུནྡ་བྱང་ཆུབ་ཀྱི་སེམས་ལྷན་ཅིག་སྐྱེས་པའི་རྟེན་དུ་གྱུར་པ་དྷུ་ཏི་ནས་བརྒྱུད། རྡོ་རྗེའི་ལམ་ནས་ཡུམ་གྱི་པདྨར་འཁྱིལ་བ་དེ་ཉིད་ཐོད་པའི་བདུད་རྩི་དང་རོ་གཅིག་ཏུ་འདྲེས་པ་ཁྱེད་རང་གི་ལྕེ་ཐོག་ཏུ་བཞག་པའི་མོས་པ་མཛོད། ཧཱུྃ་ཧྲཱིཿ ཨེ་ཝཾ་ཟུང་འཇུག་དཀྱིལ་འཁོར་ནས༔ ཞུ་བདེས་དྲངས་པའི་ཀུཎྜ་ལི༔ སྐལ་ལྡན་ཁྱོད་ལ་བྱིན་པ་ཡིས༔ རླུང་སྔགས་དབུ་མར་ཐིམ་པར་ཤོག༔ ཝཱ་ཀ་ཨ་བྷི་ཥིཉྩ་ཨཱཿ ཞེས་པས་བདུད་རྩི་མྱང༌། སློབ་མས་ཨ་ཧོ་མ་ཧཱ་སུ་ཁ་ཞེས་མྱང་ཞིང༌། བདུད་རྩི་དེ་ཉིད་མགྲིན་པ་ནས་ཇེ་ཆེར་འཕེལ་བས་རྩ་ཐམས་ཅད་གང༌། དུས་གསུམ་གྱི་རྟོག་པ་འགགས། ཞུ་བདེ་ལྷན་སྐྱེས་ཀྱི་ཡེ་ཤེས་ཉམས་སུ་མྱོང་བ་ནི་གསང་དབང་གི་ཡེ་ཤེས་སོ། །རིགས་ཀྱི་བུ་ཁྱོད་རྣམས་ལ་དབང་དྲག་པདྨའི་གསུང་གི་སྔགས་དབང་ངག་ལ་བསྐུར་བས། ངག་གི་སྒྲིབ་པ་དག །ཉོན་མོངས་པའི་འཁྲུལ་པའི་ངག་འདི་ཡི་དམ་ལྷའི་གསུང་ཡན་ལག་དྲུག་ཅུར་གྱུར་ཏེ། གུ་རུ་པདྨའི་དྲག་པོའི་གསུང་དུ་བྱིན་གྱིས་བརླབས་པ་ཡིན་པས། ངག་སྔགས་དང་མ་བྲལ་བར་གྱིས་ཤིག །མཐར་ཐུག་གི་འབྲས་བུ་ལོངས་སྤྱོད་རྫོགས་པའི་སྐུར་ཐོབ་པར་འགྱུར་རོ། །གསུམ་པ་ཆོས་དབང་སེམས་ལ་བསྐུར་བའི་ཕྱིར། བླ་མས་པདྨ་ཅན་གྱི་མཚན་ཉིད་དང་ལྡན་པའི་ཕྱག་རྒྱ་མ་ལོ་བཅུ་དྲུག་ལོན་པའི་ན་ཚོད་ཅན་ཡིད་དུ་འོང་བ་ཞིག་སྤྲུལ་ཏེ་ཁྱེད་རང་ལ་གཏད་པའི་མོས་པ་མཛོད། ཧྲཱིཿ ཕྱག་རྒྱ་བྷ་གའི་དཀྱིལ་འཁོར་དུ༔ བདེ་སྟོང་ཡེ་ཤེས་ཉམས་མྱོང་ཕྱིར༔ སྣ་ཚོགས་གཟུགས་ཅན་འདི་གཏད་པས༔ ཐིག་ལེ་ཆོས་སྐུར་གྲོལ་བར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ ཞེས་རིག་ཙཀ་གཏད། དེ་ལྟར་གཏད་པས་རིག་མ་དབྱིངས་ཕྱུག་མ་དང་ཁྱེད་རང་ཡབ་པདྨ་དྲག་པོ་གསལ་བ་འདུ་ཤེས་གསུམ་གྱི་སྙོམས་པར་ཞུགས་པས་དགའ་བཞིའི་མཐར་ཐུག་ལྷན་ཅིག་སྐྱེས་པའི་ཡེ་ཤེས་རྒྱུད་ལ་བརྟན་པར་མོས་ཤིག །རིགས་ཀྱི་བུ་ཁྱོད་ལ་དབང་དྲག་པདྨའི་ཆོས་དབང་སེམས་ལ་བསྐུར་བས་ཡིད་ཀྱི་སྒྲིབ་པ་དག་ནས་ཉོན་མོངས་པ་དུག་ལྔ་གནས་གྱུར་ཏེ། གུ་རུ་པདྨ་དྲག་པོའི་ཐུགས་ཡེ་ཤེས་ལྔ་དང་ལྡན་པར་བྱིན་གྱིས་བརླབས་པ་ཡིན་པས་སེམས་ཆོས་ཉིད་དང་མ་བྲལ་བར་གྱིས་ཤིག །མཐར་ཐུག་གི་འབྲས་བུ་ཆོས་སྐུ་ཐོབ་པར་འགྱུར་རོ།

།བཞི་པ་རྒྱལ་ཐབས་སྤྱི་བླུགས་ལྟ་བ་སྤྱི་འབྱམས་ཀྱི་དབང་བསྐུར་བ་ལ། ཁྱེད་རང་རྣམས་ལུས་གནད་རྣམ་པར་སྣང་མཛད་ཀྱི་ཆོས་བདུན་དྲང་པོར་བསྲང༌། ངག་གནད་རླུང་རྩོལ་མེད་རང་བབས་སུ་བཞག །ཡིད་ཀྱི་གནད་དུས་གསུམ་རྟོག་པས་མ་བསླད་པའི་རང་རིག་སྐད་ཅིག་མའི་གནས་ལུགས་ཀྱི་སྟེང་དུ་ཡུལ་དྲུག་འཛིན་པས་མ་བསླད་པར་རང་སར་ཆམ་མེར་ཞོག་ཅིག །ཤེལ་རྡོ་བསྟན་ལ། ཨཱཿ ཀ་དག་གཞི་ཡི་དཀྱིལ་འཁོར་དུ༔ ལྷུན་གྲུབ་ལམ་གྱི་སྣང་བ་གསལ༔ གཉིས་སུ་མེད་པར་དབང་བསྐུར་བས༔ ཆོས་ཟད་འབྲས་བུ་མངོན་གྱུར་ཤོག༔ ཛྙ་ན་ཨ་བྷི་ཥིཉྩ་ཧྲཱིཿ ཞེས་དབྱིངས་རིག་ཟུང་འཇུག་གི་བརྡ་དྭངས་ཤེལ་དྲི་མེད་ཀྱི་མཚོན་ཏེ། དོན་མོས་གུས་གཅིག་ཆར་བའི་ལམ་ལ་བརྟེན་ནས་བྱིན་རླབས་འཕོ་བའི་སྟོབ་ཀྱིས་ཡེ་ཤེས་ངོ་སྤྲད་པ། དེས་དབང་གསུམ་པའི་སྐབས་ཉམས་སུ་མྱོང་བའི་བདེ་བའི་ཡེ་ཤེས་ཀྱིས་མཚོན་བྱེད་བྱས་པས། སེམས་ཉིད་གདོད་མའི་གནས་ལུགས་ཀུན་ཁྱབ་མཚན་མ་དང་བྲལ་བའི་ཆོས་སྐུ་ཉིད། རྟོགས་མ་རྟོགས་ཀྱི་དབྱེ་བ་དང་འཁོར་འདས་གང་དུའང་མ་འགགས་པ་འཆར་རུང་ངོ་བོ་ཉིད་སྐུར་ལྷུན་གྱིས་གྲུབ་པའི་ཆ་ནས་ལོངས་སྐུ། གནས་ལུགས་དེའི་དོན་ལ་གོམས་པས་འཁོར་བ་མ་སྤངས་རང་གྲོལ་དུ་དག་སྟེ་སྐུ་དང་ཡེ་ཤེས་ཀྱི་རོལ་རྩལ་རྫོགས་པ་སྤྲུལ་སྐུ། དེ་གསུམ་དབྱེར་མེད་ཟུང་འཇུག་བདེ་བ་ཆེན་པོ་ངོ་བོ་ཉིད་སྐུ་རང་རིག་བླ་མ་ཡེ་ཤེས་ཀྱི་འཁོར་ལོར་མངོན་སུམ་དུ་མཐོང་བར་མོས་ལ་ཅུང་ཟད་ཅིག་མཉམ་པར་འཇོག་པར་ཞུ། དེ་ལྟར་བཞི་པ་ལྟ་བ་སྤྱི་འབྱམས་ཀྱི་དབང་བསྐུར་བ་ལ་བརྟེན་ནས། དྲི་མ་བག་ཆགས་དང་བཅས་པ་དག །ལམ་སྤྲོས་པའི་མཐའ་ཐམས་ཅད་དང་བྲལ་བ་སྒོམ་པ་ལ་དབང༌། མཐར་ཐུག་ངོ་བོ་ཉིད་སྐུ་ཐོབ་པའི་སྐལ་ལྡན་དུ་བྱས་པ་ཡིན་ནོ། །ལྔ་པ་སྨིན་གྲོལ་བྱིན་རླབས་ཀྱི་རྒྱུན་གཅིག་ཆར་དུ་རྫོགས་ཕྱིར་མཐའ་རྟེན་གཏད་རྒྱའི་དབང་ནི། སྒྲུབ་པོད་སློབ་མའི་སྤྱི་བོར་བཀོད་དེ། མདུན་གྱི་ནམ་མཁར་ཕྱོགས་དུས་རྩ་བརྒྱུད་ཀྱི་བླ་མ་ཡི་དམ་རྒྱལ་བ་ཞི་ཁྲོ། དཔའ་བོ་མཁའ་འགྲོ། ཆོས་སྐྱོང་སྲུང་མ་དམ་ཅན་རྒྱ་མཚོ་རྣམས་མངོན་སུམ་བཞིན་དུ་བཞུགས་པའི་གནས་གསུམ་ནས་སྐུ་དང་སྔགས་ཕྲེང་ཕྱག་མཚན་འོད་ཟེར་ཐིག་ལེ་དཀར་དམར་མཐིང་གསུམ་ཆར་བབས་པ་ལྟར་བྱོན་ནས་ཁྱེད་རང་རྣམས་ཀྱི་གནས་གསུམ་དུ་ཐིམ་པས་དགོངས་བརྡ་སྙན་ཁུངས་མཁའ་འགྲོ་གཏད་རྒྱ་སོགས་བརྒྱུད་པ་དྲུག་ལྡན་དགོངས་བརྒྱུད་བྱིན་རླབས་རྡོ་རྗེའི་ཡེ་ཤེས་རང་གི་རྒྱུད་དུ་འཕོས་པར་མོས་ཤིག །ཨོཾ་ཨཱཿཧཱུྃ༔ ཀུན་བཟང་རྡོ་རྗེ་སེམས་དཔའ་དགའ་རབ་རྗེ༔ དགོངས་པ་རོ་གཅིག་སྐུ་གསུམ་རྣམ་དབྱེར་མེད༔ ཤྲཱི་སིང་ཧ་རིག་རྩལ་རང་དབང་ཐོབ༔ བི་མ་མུ་ཏྲཱ་འཕོ་ཆེན་ཡེ་ཤེས་སྐུ༔ པདྨ་འབྱུང་གནས་རྩ་གསུམ་རྒྱ་མཚོའི་དངོས༔ བརྡ་བརྒྱུད་བླ་མ་འཆི་མེད་རིག་འཛིན་རྗེ༔ ཚིག་དོན་བྱིན་རླབས་ཆུ་རྒྱུན་མ་ཆད་པའི༔ བཀའ་དྲིན་ཅན་གྱི་སྙན་བརྒྱུད་བླ་མ་སོགས༔ ཕྱོགས་བཅུ་དུས་བཞིའི་རྩ་བརྒྱུད་བླ་མ་དང༌། ཡི་དམ་ཞི་ཁྲོ་དཔའ་བོ་མཁའ་འགྲོ་མ༔ དབྱིངས་དང་ཡེ་ཤེས་ཆོས་སྲུང་རྒྱ་མཚོའི་ཚོགས༔ སྐལ་ལྡན་སློབ་མ་རིགས་ཀྱི་བུ་རྣམས་ལ༔ ཐུགས་རྗེའི་བརྩེར་དགོངས་ཡེ་ཤེས་བྱིན་ཆེན་ཕོབ༔ ཕྱི་ནང་གསང་བའི་ལམ་གྱི་བར་ཆད་སོལ༔ ཐུགས་རྒྱུད་དགོངས་པས་བྱིན་རླབས་དབང་མཆོག་བསྐུར༔ རྩ་རླུང་ཐིག་ལེའི་སེམས་ཀྱི་སྒྲིབ་པ་སྦྱོང་༔ ཕུང་པོ་རྩ་ཁམས་སྣང་སྟོང་ལྷ་སྐུར་དག༔ ངག་རླུང་མི་ཤིགས་བདེ་ཆེན་ལོངས་སྤྱོད་རྫོགས༔ ཡིད་དང་ཐིག་ལེ་འོད་གསལ་ཆོས་སྐུར་སྨིན༔ དབྱེར་མེད་ཡེ་ཤེས་བླ་མའི་ས་ཐོབ་ཤོག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་ཐོད་ཕྲེང་རྩལ་དེ་ཝ་ཌཱ་ཀི་ནི་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿཀཱ་ཡ་ཀཱ་ལ་ཤ་ཝཱ་ཀ་གུ་ཧྱ་ཙིཏྟ་པྲ་ཛྙཱ་ཛྙཱ་ན་དྷ་ཏུ་ཨ་བྷི་ཥིཉྩ་ཨོཾ་ཨཱཿཧཱུྃ་ཧོཿ དབྱངས་གསལ་རྟེན་སྙིང་བརྗོད་དཔོན་སློབ་གཉིས་ཀས་དགོངས་པའི་རྩལ་བསྐྱེད། ཐུགས་ཡིད་བསྲེས་ལ་མཉམ་པར་བཞག་གོ །དེ་དག་གིས་དབང་དང་བྱིན་རླབས་ཀྱི་བརྒྱུད་པ་ཡོངས་སུ་རྫོགས་ཤིང༌། གཏད་པ་ཡིན་པས་བསྐྱེད་རྫོགས་མན་ངག་གི་དོན་ལ་འཆད་ཉན་སྒོམ་པས་གཏན་ལ་དབབ་ཅིང་རང་གཞན་གྱི་དོན་གཉིས་སྒྲུབ་པ་ལ་འབད་པ་དང༌། དབང་གི་ཡེ་ཤེས་སྐྱེས་བརྟན་གོང་འཕེལ་གྱི་ཕྱིར་ཤིས་པ་བརྗོད་པས་ཀྱང་མངའ་གསོལ་བར་མོས་ཤིག །བཀྲ་ཤིས་གང་འོས་བརྗོད། དེ་ལྟར་ན་བླ་མ་པདྨ་དྲག་པོའི་དབང་བསྐུར་ལེགས་པར་སོང་གྲུབ་པས་དེ་དག་གི་དུས་སུ་ཐོབ་ཅིང་ཁས་བླངས་པའི་དམ་ཚིག་དང་སྡོམ་པ་རྣམས་སྲོག་གི་ཕྱིར་ཡང་མི་བཏང་བར་ནན་ཏན་དུ་བསྲུང་སྙམ་པས་འདིའི་རྗེས་ཟློས་མཛོད། གཙོ་བོས་ཇི་ལྟར་སོགས། ལན་གསུམ། དེ་ལྟར་ལེགས་པར་ཐོབ་པའི་གཏང་རག་གི་དོན་དུ་མཎྜལ་ཕུལ་མཛོད། སློབ་མས་ཀྱང་མཎྜལ་ཕུལ། དེ་ལྟར་ཐོབ་པའི་དགེ་བ་སེམས་ཅན་གྱི་དོན་དུ་བསྔོ་བར་ཞུ། བསོད་ནམས་འདི་ཡིས་སོགས། སླར་ཡང་མཆོད་པ་ཁ་གསོ་བཏང་རག་གི་མཆོད་བསྟོད་སོགས་རྗེས་ཀྱི་ཆོ་ག་རྣམས་གཞུང་ལྟར་བྱའོ། །བདུད་བཞིའི་འཇི༵གས་བྲལ༵་ཧེ་རུ་ཀ །མཁྱེན༵་བརྩེའི༵་ཡེ་ཤེས་འོད་ཕྲེང་ཟེར། །དབང་དྲག་ནུས་མཐུའི་བཀྲ༵་ཤིས༵་དཔ༵ལ། །པདྨའི་དགའ་ཚལ་ལྟར་འབྱོར༵་གྱུར། །རྩ་གསུམ་འོད་གསལ་སྙིང་ཐིག་གི་ཡང་གསང་བླ་མ་དྲག་པོ་ཡི་དམ་དགོངས་འདུས་ཀྱི་དབང་བསྐུར་བདེ་ཆེན་དབང་དྲག་ནུས་པའི་སྟོབས་སྦྱིན་ལེའུ་ཚན་བཅུ་གཉིས་པ་པདྨ་གར་དབང་མདོ་སྔགས་གླིང་པས་སྦྱར་བ་སྟེ་བྱིན་རླབས་ཀྱི་རྩ་བ་བླ་མ་སྐུ་གསུམ་དྲག་པོ་དང་བཅས་པའི་སྐོར་དང་པོའོ། ༈

།ཤྲཱི་བི་ཛ་ཡནྟུ། །རྒྱལ་ཀུན་ཡེ་ཤེས་སྐུ་མཆོག་འཇ༵མ་དཔལ་དབྱང༵ས། མཁྱེན༵་བརྩེ༵་ནུས་པའི་ཡེ་ཤེས་རྨད་བྱུང་བས། །གངས་ཅན་མཁས་དང་གྲུབ་པའི་དབ༵ང་པོ་རུ། །ལེགས་འཆར་འཁོར་ལོའི་མགོན་པོ་བླ་མས་སྐྱོངས། །དགོངས་གཏེར་རྩ་གསུམ་འོད་གསལ་སྙིང་ཐིག་གིས་ཆོས་སྡེའི་རྩ་གསུམ་བྱེ་བྲག་གི་སྒྲུབ་སྐོར་ལ་གསུམ་ལས། དང་པོ་དངོས་གྲུབ་ཀྱི་རྩ་བ་ཡི་དམ་གྱི་སྐོར་ལ་ཐོག་མར་ཟབ་གཉན་བྱིན་རླབས་ཀྱི་གཟི་བྱིན་མ་ཉམས་པའི་སྐུ་འཇམ་དཔལ་དྲག་པོ་གཤིན་རྗེ་གཤེད་དམར་པོ་འཆི་བདག་ཟིལ་གནོན་གྱྀ་རིམ་པ་དབང་གི་ཆོ་གས་སློབ་མ་རྗེས་སུ་འཛིན་པ་ལ། སྟེགས་བུར་མཎྜལ་མེ་ཏོག་གི་ཚོམ་བུ་གཅིག་བཀོད་པའི་སྟེང་མཉྫིའི་སྟེང་བུམ་པ་བཅུད་ལྡན། དུར་ཁྲོད་དཔལ་ཆས་ཀྱི་ཙཀ་ལི། སྔགས་བྱང༌། ཐོད་དབྱུག་དང་དུང་ཁྲག་ཕུར་པ་རྣམས་དངོས་སཾ་ཙཀླི་གང་འབྱོར། སྨན་རག་གཏོར་གསུམ། ཉེར་སྤྱོད་མཆོད་པ་བཅས་བཤམས། སློབ་དཔོན་གྱི་མདུན་དུ་ལས་བུམ་སོགས་ཀྱང་འདུ་བྱ། ཕྲིན་ལས་བསྐྱེད་བཟླས་ཀྱི་རིམ་པ་ལ། བརྒྱུད་འདེབས་སྔོན་དུ་འགྲོ་བས། ཧཱུྃ༔ འཇམ་དཔལ་ཁྲག་འཐུང་དཀྱིལ་འཁོར་ལྷ་ཚོགས་ལ༔ བདག་སོགས་བྱང་ཆུབ་བར་དུ་སྐྱབས་སུ་མཆི༔ འགྲོ་ཀུན་ཕན་བདེའི་གོ་འཕང་ལ་འགོད་ཕྱིར༔ སྨོན་འཇུག་དོན་དམ་སེམས་མཆོག་བསྐྱེད་པར་བགྱི༔ ལན་གསུམ། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བརྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་འཕྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་བགེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང༌། །དག་པ་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཚེ་རབ་བགྲང་བའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། ཅེས་ལག་བརྒྱད་པས་རྒྱུད་སྦྱོངས། བགེགས་བསྐྲད་པ་ནི། གཏོར་མ་དངོས་སུ་བཤམས་པ་ཡོད་ན་བྱིན་རླབས་བསྔོ་བ་སོགས་སྤྱི་ལྟར་བྱ། བཀའ་བསྒོ་ནི། ཧཱུྃ་གསང་བ་མཆོག་གྀ་དཀྱིལ་འཁོར་འདིར༔ གཉིས་འཛིན་འཁྲུལ་པའི་བགེགས་ཚོགས་ཀུན༔ རང་བཞིན་མེད་པའི་དབྱིངས་སུ་དེངས༔ འོད་གསལ་ཆོས་སྐུར་མཚམས་བཅད་དོ༔ ཧཱུྃ་ཧཱུྃ་ཧཱུྃ་བཛྲ་ཛྙཱ་ན་རཀྵ་བྷྲཱུྃ༔ བྱིན་འབེབས་ནི། ཧཱུྃ༔ ཁྱབ་བརྡལ་འོད་གསལ་ཆེན་པོའི་དབྱིངས༔ ཡེ་ཤེས་སྒྱུ་མའི་སྐུར་བཞེངས་པ༔ ཁྲག་འཐུང་དཀྱིལ་འཁོར་རབ་འབྱམས་ཀྱིས༔ དབང་བསྐུར་བྱིན་ཕོབ་དངོས་གྲུབ་སྩོལ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ བཛྲ་ཛྙཱ་ན་ཨ་བེ་ཤ་ཡ་ཨ་ཨཱཿ མཆོད་རྫས་བྱིན་གྱིས་བརླབ་པ་ནི། ཨོཾ་ཨཱཿཧཱུྃ༔ སྣོད་བཅུད་དུར་ཁྲོད་རོལ་པའི་ཞིང་༔ སྣང་སྲིད་དཔལ་གྱི་དམ་ཚིག་རྫས༔ ཕྱི་ནང་གསང་བ་རྨད་བྱུང་བའི༔ མཆོད་པའི་ཕྱག་རྒྱ་ཆེན་པོར་གྱུར༔ ཨོཾ་སརྦ་པཱུ་ཛ་མ་ཧཱ་མུ་ཏྲ་ས་མ་ཡེ་ཨཱཿཧཱུྃ༔ དངོས་གཞི་ལྷ་བསྐྱེད་ནས་བཟླས་པའི་བར་གཞུང་ལྟར་བྱ། རྟོགས་སྒོམ་དམན་ན་ཛབ¿་ཁང་དབྱེ། བུམ་པ་རང་བྱུང་གི་གཞལ་ཡས་ཁང་དུ་བཅོམ་ལྡན་འདས་འཇམ་དཔལ་གཤིན་རྗེ་གཤེད་དམར་གསལ་ཐོད་དབྱུག་དང་དུང་ཁྲག་འཛིན་པ་ཡུམ་བཻ་ཏ་ལི་དང་གཉིས་མེད་དུ་སྦྱོར་བ་གསལ་བའི་སྐུ་ལས་བདེ་ཆེན་བྱང་ཆུབ་སེམས་ཀྱི་བདུད་རྩི་བབས་པ་བུམ་པའི་ཆུ་དང་རོ་གཅིག་ཏུ་གྱུར། ཨོཾ་ཧྲཱིཥྟི་ཝིཥྟི་ཏ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ཅི་ནུས་བཟླས་ལ་འོད་ཞུ་བྱ། ལས་ཀྱི་བུམ་པར་ཁྲོ་བོ་བདུད་རྩི་འཁྱིལ་བའི་སྔགས་ཀྱིས་ནུས་ལྡན་དུ་བྱིན་གྱིས་རླབས། རིག་པའི་མེ་ཏོག་དོར་བ་སྔོན་དུ་འགྲོ་བས། དངོས་གཞིའི་དབང་བསྐུར་བ་ནི། སློབ་མ་ཁྲུས་བྱས། བགེགས་བསལ། མཚམས་བཅད། སེམས་བསྐྱེད་གསལ་འདེབས་བྱས་ལ།

དེ་ཡང་རྒྱལ་བ་སྲས་དང་བཅས་པའི་སྒྲིབ་བྲལ་ཡེ་ཤེས་རྡོ་རྗེའི་སྐུ་ཡི་ཁྱབ་བདག་རྗེ་བཙུན་འཇམ་དཔལ་དབྱངས་ལ་ཞི་བ་འཇམ་དཔལ་སྒྱུ་འཕྲུལ་དྲྭ་བ་ཁྲི་དྲུག་སྟོང་དང༌། དྲག་པོ་གཤིན་རྗེ་གཤེད་ལ་རྩ་བཤད་མན་ངག་གི་རྒྱུད་དང་བཀའ་བབས་གྲུབ་བརྙེས་ཀྱི་སློབ་དཔོན་སོ་སོས་བཀྲལ་བའི་མན་ངག་གི་བཀའ་སྲོལ་མཐའ་ཡས་པ་བཞུགས་ཤིང༌། གངས་ཅན་འདིར་ཡང་སྔ་འགྱུར་རྙིང་མའི་ཕྱོགས་ལ་ངོ་བོའི་དབྱེ་བས་གཤེད་སྐོར་རིགས་ལྔ་དང༌། རྣམ་པའི་ཚུལ་ལས་ཡེ་ཤེས་ལས་དང་འཇིག་རྟེན་པའི་ཚུལ་གསུམ། ཕྲིན་ལས་ཀྱི་བྱེ་བྲག་རྣ་ཆ་བརྒྱད་ཡོངས་སུ་གྲགས་པ་དང༌། ཕྱི་འགྱུར་གསར་མའི་ཕྱོགས་ལ་དམར་ནག་འཇིགས་གསུམ་ནང་གསེས་དང་བཅས་པ་བྱོན་པ་ལས། འདིར་ཡེ་ཤེས་ཀྱི་གཤིན་རྗེ་གཤེད་པོ་དམར་པོ་གསུང་པདྨའི་རིགས་ཏེ་འདི་ལའང་བླ་མ་གནུབས་ཆེན་པོ་ནས་བརྒྱུད་པའི་གཤིན་རྗེ་གཤེད་རུ་མཚོན་དམར་པོ་སོགས་བཀའ་མ་དང༌། གཏེར་ཁ་སྔ་ཕྱི་མང་དུ་བཞུགས་པ་ལས། སྐབས་སུ་བབས་པ་འདི་ནི། མཚན་དཔེའི་མེ་ཏོག་ཁ་བྱེ་མ་ཐག་པ་ནས་གཟུངས་དང་སྤོབས་པ། སོ་སོ་ཡང་དག་པའི་བློ་གྲོས་ཀྱི་གཏེར་མཛོད་གྲོལ་བ། ཤེས་བྱ་ཐམས་ཅད་ལ་གསན་བསམ་སྒོམ་པའི་ཡོན་ཏན་གྱི་ཕ་མཐར་སོན་པ། རྗེ་བཙུན་འཇམ་དཔལ་དབྱངས་ཞི་བ་དང་ཁྲོ་བོའི་རྗེས་སུ་བཟུང་བའི་དངོས་གྲུབ་ཀྱི་མཚན་མ་བརྙེས་པ་རྒྱལ་བ་སྲས་དང་བཅས་པའི་ཕྲིན་ལས་རྗེས་སུ་སྐྱོངས་ཤིང་དམ་པའི་ཆོས་ཀྱི་མཛོད་སྲུང་བ་སོགས་རྒྱུ་མཚན་དང་དགོས་པ་དུ་མས་སློབ་དཔོན་འཇམ་དཔལ་བཤེས་གཉེན་དང༌། བི་མ་ལ། ཡབ་གཅིག་ཁྲི་སྲོང་གི་རྣམ་འཕྲུལ་ཚད་མ་གསུམ་གྱི་གྲུབ་པ་འཇམ་དབྱངས་མཁྱེན་བརྩེའི་དབང་པོ་ལ། བཀའ་བབས་ཆེན་པོ་བདུན་བཞུགས་པའི་བཞི་པ། ཟབ་མོ་དགོངས་པའི་གཏེར་གྱི་བྱེ་བྲག །རྩ་གསུམ་འོད་གསལ་སྙིང་ཐིག་གི་ཆོས་སྡེ་ལས། དངོས་གྲུབ་ཀྱི་རྩ་བ་ཡི་དམ་གྱི་སྒྲུབ་སྐོར་ལས། སྐུ་འཇམ་དཔལ་གཤིན་རྗེའི་གཤེད་དམར་པོ་འཆི་བདག་ཟིལ་གནོན་ལ་བརྟེན་པའི་སློབ་མ་རྗེས་འཛིན་དབང་བསྐུར་གྱི་བྱ་བ་སྐབས་སུ་བབ་པས་དེ་ཉིད་གསན་པའི་ཡོན་དུ་མཎྜལ་ཕུལ། སློབ་དཔོན་འཇམ་དཔལ་གཤིན་རྗེ་གཤེད་དངོས་སུ་གསལ་བ་ལ་མོས་གུས་དྲག་པོས་ཐལ་མོ་མེ་ཏོག་དང་བཅས་ཏེ། གསོལ་བ་འདེབས་པ་འདིའི་རྗེས་ཟློས་མཛོད། །ཆོས་དབྱིངས་བདེ་བས་དགྱེས་རོལ་པའི༔ འཇམ་དཔལ་ཁྲག་འཐུང་དགོངས་སུ་གསོལ༔ ཧེ་རུ་ཀ་དཔལ་གྲོང་ཁྱེར་དུ༔ བདག་ཅག་འཇུག་ཅིང་སྨིན་པར་འཚལ༔ ལན་གསུམ། བཅོམ་ལྡན་འཇམ་དཔལ་གཤིན་རྗེ་གཤེད་རང་སྣང་ཡེ་ཤེས་ཀྱི་འཁོར་ལོ་རྩ་གསུམ་རྒྱལ་བ་ཆོས་སྲུང་དང་བཅས་པ་མཁའ་ཁྱབ་ཏུ་གསལ་བ་ལ། བདག་སོགས་སེམས་ཅན་ཐམས་ཅད་དེང་ནས་བྱང་ཆུབ་བར་རྩེ་གཅིག་གུས་པ་ཆེན་པོའི་སྐྱབས་སུ་འགྲོ་བའི་འདུན་པས་འདིའི་རྗེས་ཟློས་ལན་གསུམ་མཛོད། ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ ལན་གསུམ། ཕ་མར་གྱུར་པའི་མཁའ་མཉམ་གྱི་འགྲོ་བ་མཐའ་དག་དཔལ་ཧེ་རུ་ཀའི་གོ་འཕང་མཆོག་ལ་འགོད་པར་བྱ། དེའི་ཆེད་དུ་གསང་བའི་དཀྱིལ་འཁོར་ཆེན་པོར་སྨིན་བྱེད་ཟབ་མོའི་སྒོར་ཞུགས་ཤིང་ལམ་རིམ་པ་གཉིས་ཀྱི་རྣལ་འབྱོར་ལ་བརྩོན་པར་བགྱིའོ་སྙམ་དུ་སེམས་བསྐྱེད་པ་འདིའི་རྗེས་ཟློས་ལན་གསུམ་མཛོད། མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ། རྒྱུད་རྣམ་པར་དག་པའི་ཆེད་དུ་ཞིང་མཆོག་དམ་པ་དེ་དག་གི་སྤྱན་སྔར་ཚོགས་གཉིས་བསགས་ཤིང་སྡིག་སྒྲིབ་སྦྱང་བ་དང་དགེ་རྩ་ཡོངས་སུ་སྤེལ་བར་བྱེད་པའི་དོན་དང་ཏིང་ངེ་འཛིན་རྗེས་སུ་དྲན་པས་རྒྱུན་བཤགས་ཡན་ལག་བརྒྱད་པ་འདིའི་རྗེས་ཟློས། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བརྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་འཕྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་བགེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང༌། །དག་པ་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཚེ་རབས་བགྲང་བའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། ལན་གསུམ།

དབང་གི་གཞི་དགོད་ཅིང་ཡེ་ཤེས་དབབ་པའི་སླད་དུ་ཁྱེད་རང་རྣམས་ལུས་ངག་ཡིད་གསུམ་གཅུན་ལ་དམིགས་པ་འདི་རྩེ་གཅིག་ཏུ་སྒོམས་ཤིང༌། ཆོས་ཐམས་ཅད་རང་བཞིན་གྱིས་སྟོང་ཉིད་སྤྲོས་པ་དང་བྲལ་བའི་ངང་ལས་ཁྱེད་རང་རྣམས་གང་དུ་གནས་པའི་གོ་སར་པདྨ་ཉི་མ་དྲེགས་པ་ཆུ་གླང་བསྣོལ་བའི་སྟེང་དུ་ཡཿཡོངས་སུ་གྱུར་པ་ལས་སྐད་ཅིག་གིས་ཁྱེད་རང་རྣམས་བཅོམ་ལྡན་འདས་འཇམ་དཔལ་གཤིན་རྗེ་གཤེད་དམར་པོ་ཞལ་གཅིག་ཤིན་ཏུ་ཁྲོས་པའི་ཉམས་ཅན། དཔལ་དང་དུར་ཁྲོད་ཀྱི་ཆས་རྣམས་ཀྱིས་བརྒྱན་པ་ཕྱག་གཡས་ཐོད་དབྱུག་ནམ་མཁར་ཕྱར་ཞིང་གཡོན་པས་བྷནྡྷ་དམར་གྱིས་གང་བ་ཐུགས་ཀར་འཛིན་པ། ཡུམ་རྡོ་རྗེ་བཻ་ཏ་ལི་དམར་ནག་འབར་ཞིང་ཆགས་པའི་ཉམས་ཅན་ཕྱག་གཉིས་རིན་པོ་ཆེ་དང་དུང་ཁྲག་བསྣམས་པས་ཡབ་ལ་འཁྱུད་པ། ཞབས་དོར་སྟབས་ཀྱིས་ཡེ་ཤེས་ཀྱི་མེ་དཔུང་འབར་བའི་ཀློང་ན་བཞུགས་པ་གསལ་ཐོབ་ཅིག །སློབ་དཔོན་དཔལ་ཆེན་པོར་གསལ་བའི་ཐུགས་ཀ་ནས་འོད་ཟེར་གྱི་སྣང་བ་ཆོས་ཀྱི་དབྱྀངས་ཀུན་ཏུ་ཁྱབ་པར་འཕྲོས་པས་བསྒོམ་པ་དང་འདྲ་བའི་ཡེ་ཤེས་སེམས་དཔའ་དང་རྩ་གསུམ་རྒྱལ་བ་སྲས་དང་བཅས་པ་རྣམས་ཀྱང་དཔལ་ཆེན་གཤིན་རྗེ་གཤེད་ཀྱི་སྐུ་གསུང་ཐུགས་ཀྱི་ཕྱག་རྒྱའི་རྣམ་པར་ཁ་ཆར་བུ་ཡུག་འཚུབས་པ་ལྟར་བྱོན་ནས་ཁྱེད་རང་རྣམས་ལ་ཐིམ་པས་བྱིན་གྱིས་བརླབས་པའི་མོས་འདུན་དྲག་ཏུ་མཛོད་ཅིག །ཧཱུྃ་ཧཱུྃ་ཧཱུྃ༔ མཉམ་པ་ཉིད་ཀྱི་ཡེ་ཤེས་ལས༔ རིན་ཆེན་རིགས་མཆོག་བཅོམ་ལྡན་འདས༔ འཇམ་དཔལ་ཁྲོ་བོའི་སྐུར་བཞེངས་ནས༔ གནས་འདིར་སྤྱན་འདྲེན་གཤེགས་སུ་གསོལ༔ ཨོཾ་ཧྲཱིཥྟཱི་ཝཱིཥྟི་ཏ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ཛྙཱ་ན་བཛྲ་ཨཱ་བཻ་ཤ་ཡ་ཨཱཿ ཅེས་དབབ། ཡེ་ཤེས་པའི་བྱིན་རླབས་ཀྱི་རྒྱུན་བྱང་ཆུབ་མ་ཐོབ་ཀྱི་བར་དུ་བརྟན་པར་བྱས་པར་མོས་ཤིག །ཏིཥྛ་བཛྲ་ཞེས་རྒྱ་གྲམ་མགོར་བཞག །དབང་དངོས་ལ་སྐུ་བུམ་པའི་དབང་གི་སླད་དུ་སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མ་མཆིས་པ་དང༌། དབང་ལྷ་ནམ་མཁའ་གང་བར་སད་པ་རྣམས་ཀྱིས་བཀྲ་ཤིས་པའི་རྣམ་པ་དུ་མ་དང་ལྡན་པས་རྡོ་རྗེ་བདུད་རྩིའི་ཆུ་རྒྱུན་གྱིས་གང་བའི་བུམ་པས་སྤྱི་བོ་ནས་དབང་བསྐུར་བར་མོས་ཤིག །རྣམ་བུམ་སྤྱི་བོར་བཞག་ལ། ཧཱུྃ༔ རིན་ཆེན་བུམ་པའི་གཞལ་ཡས་ན༔ འཇམ་དཔལ་ཞི་ཁྲོའི་ལྷ་ཚོགས་བཞུགས༔ དེང་འདིར་ཁྱོད་ལ་དབང་བསྐུར་བས༔ བསྐྱེད་པ་སྐུ་ཡི་དབང་ཐོབ་ཤོག༔ ཨོཾ་ཧྲཱིཥྟི་ཝིཥྟི་ཏ་ན་ན་ཧཱུྃ་ཧཱུྃ་ཕཊ་སྭཱ་ཧཱ༔ ཀཱ་ཡ་ཨ་བྷི་ཥིཉྩ་ཨོཾ༔ བུམ་ཆུ་འཐོར་འཐུང་བྱ། བུམ་པའི་ཆུས་ལུས་ཀྱི་ནང་གང༌། རྟོག་སྒྲིབ་བག་ཆགས་དང་བཅས་པའི་དྲི་མ་གཏོར་ཞིང་ཡེ་ཤེས་ལྔའི་ནུས་པ་རྒྱུད་ལ་བླུགས་པར་མོས་ཤིག །དེ་ལྟར་སྐུ་བུམ་པའི་དབང་བསྐུར་བས་ལུས་སྣང་སྟོང་ལྷ་ཡི་སྐུར་དག །ཕུང་ཁམས་སྐྱེ་མཆེད་ཐམས་ཅད་གདན་གསུམ་རྡོ་རྗེའི་དལ་དུ་སད། མཁའ་ཁྱབ་ཡེ་ཤེས་སྒྱུ་འཕྲུལ་དྲྭ་བའི་ཁྱབ་བདག་དེ་བཞིན་གཤེགས་པའི་རིགས་སུ་མངོན་པར་བྱང་ཆུབ་ནས་འཕགས་ལམ་ཡན་ལག་བརྒྱད་དང༌། དབང་དང་སྟོབས་བཅུའི་བདག་ཉིད་ཟག་མེད་ཀྱི་ཡོན་ཏན་ལ་མངའ་བརྙེས་པའི་བརྡ་རྟགས་སུ་ཡེ་ཤེས་མཆོག་གི་ཕྱག་རྒྱ་དཔལ་དང་དུར་ཁྲོད་རོལ་པའི་ཆས་ཀྱིས་བརྒྱན་པས་སྐུ་ཕྱག་རྒྱའི་དབང་དང་བྱིན་རླབས་རྫོགས་པར་མོས་མཛོད། དུར་ཁྲོད་དཔལ་ཆས་གཏད་ལ། དཔལ་དང་དུར་ཁྲོད་རོལ་པའི་ཆས༔ འདི་ནི་འཇམ་དཔལ་ཧེ་རུ་ཀའི༔ ཡེ་ཤེས་མཆོག་གི་ཕྱག་རྒྱ་སྟེ༔ དཔའ་བོ་ཆེན་པོ་ཁྱོད་ཀྱིས་ལོངས༔ ཛྙཱ་ན་མུ་ཏྲ་ས་མ་ཡ་ཨ་བྷི་ཥིཉྩ་ཧཱུྃ༔ དེ་རྣམས་ཀྱི་ལྷ་དབང་ལུས་ལ་ཐོབ། གསལ་བརྟན་དག་གསུམ་དང་ལྡན་པའི་ལྷའི་སྐུ་བསྒོམ་པ་ལ་དབང་བ་ཡིན་པས། དེང་ཕྱིན་ཆད་སྣང་སྟོང་སྒྱུ་མ་ལྟ་བུའི་ལྷའི་དཀྱིལ་འཁོར་བསྒོམ་པ་དང་མ་བྲལ་བས་ཐ་མལ་གྱི་སྣང་ཞེན་ཀུན་ལ་བསྐྱེད་པ་ཕྱག་རྒྱའི་གཟེར་གྱིས་ཐེབས་པར་གྱིས་ཤིག །གསུང་རིགས་སྔགས་ཀྱི་དབང་ལ་རྡོ་རྗེའི་སྔགས་བྱང་མགྲིན་པར་བཞག་པས་ངག་གི་དབང་ཕྱུག་འཇམ་དཔལ་དྲག་པོའི་རྡོ་རྗེའི་གསུང་གི་དབང་དང་བྱིན་རླབས་རྫོགས་པར་མོས་ཤིག །སྔགས་བྱང་མགྲིན་པར་བཞག་ལ། ཧཱུྃ༔ ཐབས་དང་ཤེས་རབ་འབྲེལ་བ་ལས༔ ཟུང་འཇུག་ཡི་གེ་བཅུ་བཞི་བྱུང་༔ དེང་འདིར་ཁྱོད་ལ་དབང་བསྐུར་བས༔ བཟླས་པ་སྔགས་ཀྱི་དབང་ཐོབ་ཤོག༔ ཝཱ་ཀ་ཨ་བྷི་ཥིཉྩ་ཨཱཿ རྗེས་འབྲེལ་བཟླས་པའི་ལུང་གི་སླད་དུ་སློབ་དཔོན་དང་མདུན་བསྐྱེད་དབྱེར་མེད་པའི་ཐུགས་ཀར་ཡཿདམར་པོ་སྔགས་ཕྲེང་གི་བསྐོར་བ་ལས་གཉིས་པ་འཕྲོས། ཞལ་ནས་ཐོན། ཁྱེད་རང་གི་ཞལ་དུ་ཞུགས། སྙིང་གར་ཉི་སྟེང་ཡཿཡིག་ལ་ཐིམ་པས་འོད་ཟེར་སྤྲོ་བསྡུས་རྒྱལ་བ་རྣམས་མཆོད། སྣང་སྲིད་དག་པའི་འཁོར་ལོར་སྦྱངས། ཚུར་འདུས་ཏེ་ཁྱེད་རང་ལ་ཐིམ་པར་མོས་ལ་རྗེས་ཟློས། ཨོཾ་ཧྲཱིཥྟི་ཝིཥྟི་ཏ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ལན་གསུམ།

དེས་སྔགས་དབང་ངག་ལ་ཐོབ། བསྙེན་སྒྲུབ་ཡན་ལག་བཞི་ལྡན་གྱི་བཟླས་བརྗོད་དང༌། ཏིང་འཛིན་དམིགས་པའི་འཕྲོ་འདུ་བྱ་བ་ལ་དབང་བ་ཡིན་པས། དེང་ཕྱིན་ཆད་གྲགས་སྟོང་སྒྲ་བརྙན་ལྟ་བུའི་གསང་སྔགས་ཀྱི་བཟླས་པ་དང༌། དགོངས་པ་རྣམ་བཞིའི་སྤྲོ་བསྡུ་ཆུ་བོའི་གཞུང་བཞིན་ཆད་པ་མེད་པས་ཐ་མལ་གྱི་སྨྲ་བརྗོད་འཛིན་རྟོག་ཀུན་ལ་བཟླས་པ་སྔགས་དང་འཕྲོ་འདུ་ཏིང་ངེ་འཛིན་གྱི་གཟེར་ཐེབས་པར་གྱིས་ཤིག །ཐུགས་ཡེ་ཤེས་ཕྱག་རྒྱའི་དབང༌། འབར་བའི་ཕྱག་མཚན་རྡོ་རྗེའི་ཐོད་དབྱུག་སྙིང་གར་བཞག་པས། གདེངས་པ་ཙམ་གྱིས་གཉིས་སྣང་སྲིད་པའི་གྲོང་ཁྱེར་རྡུལ་དུ་བརླག་སྟེ་དབྱིངས་རིག་གཉིས་མེད་འཇམ་དཔལ་ཡེ་ཤེས་སེམས་དཔའ་སྒྲོལ་བྱེད་སྙིང་རྗེའི་སྲོག་ལྡན་རྡོ་རྗེའི་ཐུགས་ཀྱི་དབང་དང་བྱིན་རླབས་རྫོགས་པར་མོས་ཤིག །ཐོད་དབྱུག་སྙིང་གར་བཞག །ཧཱུྃ༔ རྡོ་རྗེའི་ཐོད་དབྱུག་འཕྱར་བ་ཡིས༔ གཟུང་འཛིན་འབྱུང་པོ་དབྱིངས་སུ་བསྒྲལ༔ དེང་འདིར་ཁྱོད་ལ་དབང་བསྐུར་བས༔ འོད་གསལ་ཐུགས་ཀྱི་དབང་ཐོབ་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ དེས་ཆོས་དབང་སེམས་ལ་ཐོབ། འོད་གསལ་རྣམ་པར་མི་རྟོག་པའི་འཇུག་ལྡང་ལ་དབང་བ་ཡིན་པས། དེང་ཕྱིན་ཆད་དབྱིངས་རིག་གཉིས་མེད་རང་བྱུང་གཉུག་མའི་གཤིས་ལ་རང་བབས་ཀྱི་བསམ་གཏན་དང་མ་བྲལ་བས་གཉིས་སུ་སྣང་བའི་ཆོས་ཐམས་ཅད་ལ་དགོངས་པ་མི་གཡོ་བའི་གཟེར་ཐེབས་པར་གྱིས་ཤིག །མཚན་ལྡན་འདོད་དགུ་འབྱུང་བའི་བྷནྡྷ་དམར་ཆེན་རཀྟས་གང་བས་དབང་བསྐུར་བས་སངས་རྒྱས་ཀུན་གྱི་རྣམ་ཐར་རྒྱ་མཚོའི་སྤྱོད་པ་འཆང་བའི་འཇམ་དཔལ་དྲག་པོའི་ཡོན་ཏན་གྱི་དབང་དང་བྱིན་རླབས་རྫོགས་པ་ཐོབ་པར་མོས་ཤིག །དུང་ཁྲག་གཏད་ལ། ཧཱུྃ༔ ཡོན་ཏན་མི་ཟད་འདོད་དགུའི་གཏེར༔ བྷནྡྷ་རཀྟས་བཀང་བ་ཡིས༔ དེང་འདིར་ཁྱོད་ལ་དབང་བཀུར་བས༔ གང་འདུལ་འགྲོ་བ་སྒྲོལ་བར་ཤོག༔ གུ་ཎ་ཨ་བྷི་ཥིཉྩ་སྭཱ༔ དེས་ཡོན་ཏན་གྱི་དབང་ཐོབ། ལས་དང་དངོས་གྲུབ་མཐའ་དག་བསྒྲུབ་པ་ལ་དབང་བ་ཡིན་པས། ཐུན་མོང་དུ་ཕྲིན་ལས་བཞི་དང་གྲུབ་པ་ཆེན་པོ་བརྒྱད། མཐར་ཐུག་ཕྱག་རྒྱ་ཆེན་པོ་མཆོག་གི་དངོས་གྲུབ་མངོན་དུ་བྱས་ནས་སེམས་ཅན་རྣམས་ལ་གནས་སྐབས་དང་མཐར་ཐུག་གི་ཕན་བདེའི་དཔལ་ཡོན་སྟེར་བ་ལ་བརྩོན་པར་གྱིས་ཤིག །ཁྲག་འཐུང་ཀུན་གྱི་རྗེ་བཙན་འཇིགས་མཛད་ཡ་མནྟ་ཀའི་ཕྲིན་ལས་སྟོབས་རྫོགས་སྒྲོལ་བྱེད་ཕུར་བུའི་ཕྱག་མཚན་ལག་ཏུ་གཏད་པས་གདུལ་ཀའི་སྲོག་རྩ་གཅོད་པ་དྲག་པོ་གཙོ་བོར་གྱུར་པའི་ཕྲིན་ལས་རབ་འབྱམས་ཀྱི་དབང་དང་བྱིན་རླབས་ནུས་སྟོབས་ཀྱི་མཐུ་ཐོབ་པར་མོས་ཤིག །ཕུར་པ་གཏད་དེ་བསྒྲིལ་དུ་བཞུག །ཧཱུྃ༔ ཕྲིན་ལས་དྲག་པོ་ཀཱི་ལ་ཡ༔ འཇམ་དཔལ་ཁྲོ་བོའི་ནུས་མཐུ་རྫོགས༔ དེང་འདིར་ཁྱེད་ལ་དབང་བསྐུར་བས༔ འཆི་བདག་བདུད་དཔུང་ཚར་གཅོད་ཤོག༔ ཀརྨ་ཨ་བྷི་ཥིཉྩ་ཧཱ༔ ཚུལ་འདི་ལས་བྱང་དང༌། དབང་ཆོག་ཙམ་ལས་གཏན་ལ་ཕབ་མ་མཛད་པས། དབང་བསྐུར་སྤྱི་ཙམ་ལ་འདི་ཉིད་ཁོ་ནས་རུང་མོད་གཏེར་གཞུང་དུ། སྤྲོ་ན་དགྲ་བགེགས་བར་ཆད་ཀུན༔ གཟུགས་བརྙན་སྦྱོར་བ་ལ་བསྟེན་ནས༔ གདབ་པའི་ཕྲིན་ལས་སྤྱི་ལྟར་རྗེས༔ ནང་གི་སྦྱིན་སྲེག་ཚུལ་དུ་རོལ༔ ཞེས་གསུངས་པ་ལྟར་བྱ་བར་འདོད་ན་གོང་གི་ཀརྨ་ཐོད་ཕྲེང་གི་ཟོར་བཟློག་གི་གདབ་ལས་བཞིན། དགོངས་གསོལ། གསེར་སྐྱེམས། གཟུ་དཔང༌། ཧོམ་བསྐྱེད། འགུགས་པ་བཅས་ཁ་བསྒྱུར་ཅུང་ཟད་དང་བཅས་ཏེ་བྱས་ལ། མཐའ་རྟེན་དྲག་པོ་སྒྲོལ་བའི་རྗེས་གནང་རྒྱས་པར་བྱ་བ་ལ། མངོན་སྤྱོད་བརྩམ་པ་པོ་ཁྱེད་རྣམས་འཁོར་འདས་ཀུན་གྱི་སྟོང་སྲོག་ལྟ་བ་བློ་འདས་ཀྱི་གདེངས་ཐོབ་པས་རྫོང་ཟིན་པའི་རིག་རྩལ་གསལ་བ་གསུམ་གྱི་དགོངས་པའི་ཏིང་འཛིན་ལས་ནམ་ཡང་མི་གཡོ་བས་བྱིང་རྒོད་ཀྱི་འཕྲང་བརྒལ་ཏེ། ཁྲག་འཐུང་ཀུན་གྱི་རྗེ་བཙན་སོགས་གོང་ལྟར་བྱས་ལ་ཕུར་པ་གཏད་ལ། གདབ་ཏུ་གཞུག །སྒྲོལ་གྲིས་བཏུབ་པའི་ལིང་རོ་གཏོར་མ་ཕུལ་ཞིང་དཔོན་སློབ་ཀུན་གྱིས་རོལ་པ་བཅས་བྱའོ། །གང་ལྟར་ཡང་མཐར། དེས་ཕྲིན་ལས་ཀྱི་དབང་བསྐུར་བ་ཐོབ། གཤིན་རྗེ་གཤེད་པོའི་ཕྲིན་ལས་འཁོར་ལོ་ཕྱོགས་མེད་དུ་བསྐོར་བ་ལ་དབང་བ་ཡིན་པས། སྲུང་བ་དང་ཞི་བའི་ལས་ཀྱི་རྗེས་སུ་འཛིན་པ་དང༌། ཟློག་བསད་མནན་དཀྲུགས་དབྱེ་བསྐྲད་རེངས་རྨོངས་ལ་སོགས་པས་གདུག་པ་ཅན་ཚར་བཅད་པའི་ཕྲིན་ལས་རྟག་ཏུ་བསྒྲུབ་པར་གྱིས་ཤིག །དེ་དག་གི་དབང་བསྐུར་ཐོབ་པའི་དགོས་པ་ཡང་རྩ་བ་ལས། འདིས་ནི་བསྙེན་རྫོགས་རྟགས་ལྡན་པའི༔ མཚན་ཉིད་ཚང་བའི་སློབ་དཔོན་གྱིས༔ དད་བརྩོན་སྐལ་བར་ལྡན་པ་ཡི༔ རྡོ་རྗེའི་སློབ་མ་རྗེས་བཟུང་ན༔ གནས་སྐབས་ཚེ་ཡི་བར་ཆད་དང་༔ འཇིགས་བརྒྱད་མི་མཐུན་ཕྱོགས་ཀུན་ཞི༔ ཕྲིན་ལས་གང་བརྩམ་ཡིད་བཞིན་འགྲུབ༔ མཐར་ཐུག་འཇམ་དཔལ་ཁྲོ་བོའི་སྐུ༔ མངོན་པར་བྱང་ཆུབ་མཆོག་ཐོབ་གྱུར༔ ས་མ་ཡ༔ ཞེས་ཆེས་ཆེར་བསྔགས་པ་ལྟར་དད་མོས་ཡིད་ཆེས་དང་ལྡན་པས་འདི་ཉིད་ཀྱི་ལྷ་སྔགས་ལ་གཡར་དམ་རྩེ་གཅིག་ཏུ་བཟུང་སོགས་དམ་ཚིག་ཁས་བླང། གཏང་རག །བསྔོ་སྨོན་དང༌། ཚོགས་ཀྱི་འཁོར་ལོ་བཅས་རྗེས་རིམ་སྤྱི་ལྟར་བྱའོ། །འཇི༵གས་བྲལ༵་མཁྱེན༵་བརྩེའི་ཡེ་ཤེས་ཉི། འོ༵ད་ཟེ༵ར་མཁའ་ཁྱབ་སྤྲོས་པ་ལས། །ཟབ་རྒྱས་ཆོས་ཀྱི་བཀྲ༵་ཤིས༵་དཔ༵ལ། །འདོད་དགུའི་འབྱོ༵ར་པ་ལྷུན་གྱིས་གྲུབ། །རྩ་གསུམ་འོད་གསལ་སྙིང་ཐིག་གི་ཡི་དམ་སྐུ་འཇམ་དཔལ་གཤིན་རྗེ་གཤེད་དམར་པོ་འཆི་བདག་ཟིལ་ནོན་གྱི་དབང་བསྐུར་ཡེ་ཤེས་སྣང་བའི་སྒོ་འབྱེད་ལེའུ་ཚན་བཅུ་གསུམ་པ་འཇམ་དཔལ་དགའ་བའི་བཤེས་གཉེན་གྱིས་སྦྱར་བའོ། ༈

།གསུང་གི་རྡོ་རྗེ་པ༵དྨ་སམ་བྷ་ཝའི། །ཐུགས་རྗེའི་རང་གཟུགས་རྒྱལ་ཀུན་དགྱེས༵་པ༵འི་དཔ༵ལ། །དཀྱིལ་འཁོར་རྒྱ་མཚོའི་སྤྲོ་བསྡུའི་བདག་པོ་རུ། །ལེགས་འཆར་སྙིང་གི་ཟེའུ་འབྲུར་རྟག་ཏུ་མཆོད། །དགོངས་གཏེར་རྩ་གསུམ་འོད་གསལ་སྙིང་ཐིག་གི་པདྨ་གསུང་རྟ་མགྲིན་འཆི་མེད་དབང་ཆེན་འདུས་པའི་ཡེ་ཤེས་སྒོ་འབྱེད་བྱིན་རླབས་སྣང་བ་ལ། གཞུང་མཐུན་རས་བྲིས་ཀྱི་དཀྱིལ་འཁོར་བཀྲམ་པའི་སྟེང་བུམ་པ། སྔགས་བྱང༌། རྡོ་རྗེའི་ཁ་ཊྭཱྃ་རལ་གྲི་བྷནྡྷ་མདུང་ཐུང་ཞགས་པ་བཅས་ཕྱག་མཚན་ཕྱོགས་བསྡུས། ཚེ་རིལ། ཚེ་ཆང༌། སྒྲོལ་ཕུར། ཤེལ་རྡོ་མེ་ལོང༌། དཔལ་གཏོར་སྨན་རག །བསྒྲལ་དབང་རྒྱས་པ་སྤྲོ་ན་ལྕགས་ཧོམ་དུ་ལིང་ག་སོགས་འདུ་བྱ། ཉེར་སྤྱོད་མཆོད་པ། ཚོགས་ཆད་བརྟན། སྲུང་མའི་གཏོར་འབུལ། ལས་བུམ་སོགས་འདུ་བྱས་ལ་བརྒྱུད་འདེབས་སྔོན་དུ་འགྲོ་བས། སྐྱབས་སེམས་ནས་བརྩམས་ལས་བྱང་མཐར་ཆགས་སུ་བཏང་སྟེ། བདག་མདུན་བསྐྱེད་བཟླས་གཞུང་ལྟར་དང༌། བསྙེན་སྒྲུབ་ལས་ཀྱི་བཟླས་པ་བྱ། བུམ་ལྷ་གསལ་གདབ་དང་བདུད་རྩི་འབེབས་པའི་དམིགས་པ་སྤྱི་ལྟར་བྱ་བས། བསྙེན་སྒྲུབ་ཀྱི་བཟླས་པ་བྱ། ཐུན་མཐར་ཚེ་འགུགས་དང༌། ལས་བུམ་རྐྱང་སྒྲུབ། སྲུང་མའི་གཏོར་འབུལ། ཚོགས་བྱིན་རླབས་ནས་བསྒྲལ་བསྟབ་པར་བྱ། བདག་འཇུག་གམ་རིག་པའི་མེ་ཏོག་དོར་སློབ་མ་ཁྲུས་ནས་དབྱུང༌། བགེགས་བསྐྲད་བསྲུང་འཁོར་རྣམས། མེ་ཏོག་བཀྱེ་བསྡུ་བྱ། སེམས་བསྐྱེད་གསལ་བཏབ་ལ། དེ་ཡང་བདེ་བ་ཆེན་པོ་མཆོག་ཏུ་མི་འགྱུར་བའི་ཡེ་ཤེས་ཀྱི་དབྱིངས་སུ་དགོངས་པ་འཕོ་འགྱུར་མེད་པའི་ཀློང་ལས། ཀུན་ཁྱབ་བརྩེ་བའི་ཐུགས་རྗེ་འགོགས་པ་མེད་པའི་ཡེ་ཤེས་གྱི་རོལ་མོ་ཕྱོགས་དུས་ཀྱི་གདུལ་བྱར་རྟག་ཏུ་གཡོ་ཞིང་སྣང་བས་མཁའ་ཁྱབ་ཀྱི་ཡིད་ཅན་སྲིད་ཞིའི་གཡང་ལས་སྒྲོལ་བར་མཛད་པ་ལས། ཕྲིན་ལས་ཀྱི་གཙོ་བོ་གསུངས་ཆོས་ཀྱི་སྣང་བ་ཆེན་པོ་སྟེ། དེ་ལའང་རྒྱུ་དང་འབྲས་བུའི་ཐེག་པའི་རྣམ་བཞག་དུ་མ་ཞིག་བཞུགས་པའི་ཡ་གྱལ་ནི་གསང་སྔགས་རྡོ་རྗེ་ཐེག་པའི་རྒྱུད་སྡེ་ཆེན་པོ་བཞི་ཡིན་ལ། དེ་ལས་ཀྱང་ཟབ་པ་ཕུལ་དུ་ཕྱིན་པ་བླ་མེད་ཀྱི་རྒྱུད་ལ་ནང་རྒྱུད་ཡོ་ག་གསུམ་དུ་གྲགས་ཤིང་རྒྱུད་མ་ཧཱ་ཡོ་ག་ལའང་སྒྲུབ་སྡེ་ཆེན་པོ་བརྒྱད་དུ་བཞུགས་པའི་ནང་ཚན་གསུང་པདྨའི་རིགས་ཞི་ཁྲོ་དང༌། རྟ་མཆོག་ཧེ་རུ་ཀ་ལའང་རྒྱུད་ལུང་མན་ངག །བཀའ་གཏེར་དག་སྣང་གི་ལམ་སྲོལ་མཐའ་ཡས་པས་འཕགས་པའི་ཡུལ་དུ་སློབ་དཔོན་ནཱ་ག་རྫུུ་ན། གྲུབ་ཆེན་མི་ཏྲ་ཛོ་ཀི །སངས་རྒྱས་གཉིས་པ་པདྨ་འབྱུང་གནས། དགེ་སློང་མ་དཔལ་མོ་སོགས་དང༌། བོད་ཡུལ་དུ་ཆོས་རྒྱལ་སྲོང་བཙན་སྒམ་པོ། ལོ་ཙཱ་རྒྱལ་བ་མཆོག་དབྱངས་སོགས་གསར་རྙིང་གི་མཁས་གྲུབ་ལྷ་སྔགས་འདི་ཉིད་ཀྱི་དངོས་གྲུབ་བརྙེས་པ་ད་ལྟའི་བར་ཟམ་མ་ཆད་པ་བྱོན་ཅིང༌། སྐབས་སུ་བབ་པ་འདི་ནི་ཟབ་མོ་གཏེར་གྱི་ཆོས་སྐོར་ཏེ། དེ་ལྟར་འཆི་མེད་རྟ་མཆོག་དཔལ༔ རྩ་གསུམ་ཡོངས་རྫོགས་དཀྱིལ་འཁོར་ལྷའིཿ དབང་བསྐུར་བྱིན་རླབས་སྣང་བ་འདིས༔ བསྙེན་རྫོགས་རྟགས་ལྡན་རྣལ་འབྱོར་པས༔ རྡོ་རྗེ་སློབ་མ་རྗེས་བཟུང་ན༔ གནས་སྐབས་ཚེ་ཡི་བར་ཆད་ཞི༔ ཕྲིན་ལས་རྣམ་བཞི་གང་བརྩམས་འགྲུབ༔ མཐར་ཐུག་རྩ་རླུང་ཐིག་ལེའི་ཁམས༔ སྒྲིབ་བྲལ་དྭངས་མའི་ལྷ་སྐུར་སྨིན༔ དེ་ཕྱིར་སྙིང་ཁྲག་ཡང་ཞུན་འདི༔ རིག་པ་དབྱིངས་ཀྱི་སྒྲོམ་བུར་རྒྱ༔ དུས་བབ་གཞན་དོན་མཐར་ཕྱིན་ཤོག༔ ཞེས་གསུངས་པ་ཉིད་སྙིགས་དུས་འགྲོ་བ་འདུལ་བའི་ཐུགས་བསྐྱེད་དང་ཕྲིན་ལས་མཁའ་ཁྱབ་ཏུ་བརྡལ་བས་གངས་ཅན་གྱི་བསྟན་འགྲོའི་ཕན་བདེའི་སྲོག་རྩ་མཐུད་པ་ལ་གཞན་དྲིང་མི་འཇོག་པའི་རྣམ་ཐར་ངོ་མཚར་བའི་སྣང་བ་ཅན། པདྨའི་རྒྱལ་ཚབ་འགྲོ་འདུལ་སྤྲུལ་པའི་གཏེར་ཆེན་པདྨ་འོད་གསལ་མདོ་སྔགས་གླིང་པའི་ཟབ་མོ་དགོངས་པའི་གཏེར་ལས་བྱོན་པའི་རྩ་གསུམ་འོད་གསལ་སྙིང་ཐིག་གི་ཡི་དམ་པདྨ་གསུང་གི་སྒྲུབ་སྐོར། འཆི་མེད་དབང་ཆེན་འདུས་པ་རྩ་གསུམ་ཡོངས་རྫོགས་ཀྱི་ཟབ་མོའི་དབང་བསྐུར་བྱིན་རླབས་གནང་བ་སྒྲུབ་པ་ལ་སོགས་ཀྱི་མཚམས་སྦྱར་ནས། སློབ་དཔོན་དབང་ཆེན་རྟ་མཆོག་རོལ་པ་དངོས་སུ་གསལ་བ་ལ་མོས་གུས་དྲག་པོས་ཐལ་མོ་མེ་ཏོག་དང་བཅས་ཏེ་གསོལ་བ་འདེབས་འདིའི་རྗེས་ཟློས། རིགས་རྣམས་ཀུན་བདག་ཆེ་བའི་མཆོག༔ རྡོ་རྗེ་སློབ་དཔོན་དགོངས་སུ་གསོལ༔ འཆི་མེད་རྩ་གསུམ་དཀྱིལ་འཁོར་དུ༔ མགོན་པོས་བདག་ནི་འཇུག་པར་འཚལ༔ བླ་མ་དཀྱིལ་འཁོར་གྱི་ལྷ་དང་གཉིས་སུ་མེད་པ་དབང་ཆེན་རྟ་མཆོག་རོལ་པ་རང་སྣང་ཡེ་ཤེས་བཀོད་པ་ཆོས་ཀྱི་དབྱིངས་དང་མཉམ་པའི་སྤྱན་སྔར་ཐེག་པ་ཆེན་པོའི་སྐྱབས་འགྲོ་དང་སེམས་བསྐྱེད་ཡང་དག་པར་ལེན་པའི་མོས་པས་འདིའི་རྗེས་ཟློས། ཧྲཱི༔ དབང་ཆེན་རྩ་གསུམ་འདུས་པའི་ལྷ་ཚོགས་ལ༔ བདག་སོགས་བྱང་ཆུབ་བར་དུ་སྐྱབས་སུ་མཆི༔ འགྲོ་ཀུན་ཕན་བདེའི་གོ་འཕང་ལ་འགོད་ཕྱིར༔ སྨོན་འཇུག་དོན་དམ་སེམས་མཆོག་བསྐྱེད་པར་བགྱི༔ ལན་གསུམ།

རྒྱུད་རྣམ་པར་དག་པར་བྱ་བའི་སླད་དུ། ཞིང་མཆོག་དམ་པ་དེ་དག་གི་སྤྱན་སྔར་ཚོགས་གཉིས་བསགས་ཤིང་སྡིག་སྒྲིབ་སྦྱང་བ་དང་དགེ་རྩ་ཡོངས་སུ་སྤེལ་བར་བྱེད་པའི་དོན་དང་ཏིང་ངེ་འཛིན་རྗེས་སུ་དྲན་པས་རྒྱུན་བཤགས་ཡན་ལག་བརྒྱད་པ་འདིའི་རྗེས་ཟློས། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བརྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་འཕྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་བགེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང༌། །དག་པ་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཚེ་རབས་བགྲང་བའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། ལན་གསུམ། རྒྱུད་སྡོམ་པ་དང་ལྡན་པར་བྱའི་སླད་དུ་དམ་བཅའ་རྣམ་གསུམ་བརྟན་པོར་བཟུང་སྙམ་པས་འདིའི་རྗེས་ཟློས། ཨོཾ༔ བདེ་བར་གཤེགས་པ་ཁྱེད་ཅི་འདྲ༔ དེ་འདྲ་ཁོ་ནར་བདག་གྱུར་ཅིག༔ སྤྱོད་པ་རྨད་བྱུང་བསམ་ཡས་པ༔ འགྲོ་ལ་ཕན་ཕྱིར་བདག་གི་སྤྱད༔ བྱང་ཆུབ་སེམས་མཆོག་དམ་པ་དང་༔ སྐུ་གསུང་ཐུགས་ཀྱི་ཕྱག་རྒྱ་འདི༔ སྲོག་གི་ཕྱིར་ཡང་མི་གཏོང་ན༔ རྡོ་རྗེ་རྒྱལ་པོས་བྱིན་རླབས་མཛོད༔ དུས་ངན་ཐ་མའི་འཇིག་རྟེན་འདིར༔ སངས་རྒྱས་མཛད་དཀའ་བདག་གིས་བསྒྲུབ༔ བྱང་ཆུབ་སྤྱོད་དཀའ་བདག་གི་སྤྱད༔ རྡོ་རྗེ་རྣལ་འབྱོར་དཀྱིལ་འཁོར་འདིར༔ བདག་ཅག་བསམ་པ་རྫོགས་གྱུར་ཅིག༔ ལན་གསུམ། དབང་གི་གཞི་དགོད་ཅིང་ཡེ་ཤེས་པའི་བྱིན་རླབས་དབབ་པའི་སླད་དུ་ཁྱེད་རང་རྣམས་ལུས་ངག་ཡིད་གསུམ་གཅུན་ལ་དམིགས་པ་འདི་རྩེ་གཅིག་ཏུ་སྒོམས་ཤིག །ལས་སྔགས་ཀྱི་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་སྣོད་རྣམ་པར་དག་པ་ཟླ་གམ་དབང་ཆེན་རོལ་པའི་གཞལ་ཡས་ཁང་གི་དབུས་སུ། པདྨ་ཉི་ཟླ་ཀླུ་སྲིན་ཕོ་མོ་བསྣོལ་བའི་གདན་ལ། བཅུད་རྣམ་པར་དག་པ་རང་གི་རིག་པའི་ངོ་བོ་ཡི་གེ་ཧྲཱིཿདམར་པོ་འོད་འབར་བ། དེ་ཡོངས་སུ་གྱུར་པ་ལས་ཁྱེད་རང་སྐད་ཅིག་གིས་དབང་ཆེན་རྟ་མཆོག་རོལ་པ། སྒེག་ཅིང་དཔའ་ལ་འཇིགས་སུ་རུང་བའི་སྐུ་མདོག་དམར་ནག་རྩ་བའི་ཞལ་དམར་གཡས་ལྗང་གཡོན་དམར་བ། དབུ་གཙུག་རྟ་མགོ་ལྗང་ཞུར་རྟ་སྐད་འཚེར་བ། ཞལ་གདངས་ལྗགས་འདྲིལ་མཆེ་གཙིགས་སྨ་ར་སྨིན་མ་དབུ་སྐྲ་དམར་སེར་མེ་ལྟར་འབར་བ། ཕྱག་དྲུག་གཡས་གསུམ་རལ་གྲི་ཁ་ཊྭཱྃ་དབྱུག་ཐོ་ཕྱར་ཞིང༌། གཡོན་གསུམ་བྷན་དམར་དྲིལ་བུ་ལྕགས་ཀྱུ་བསྣམས་པ། ཐོད་སྐམ་རིན་པོ་ཆེའི་རྩེ་ཕྲན་ཅན་ལྔ་ལྔས་དབུ་བརྒྱན་ཅིང་ཐོད་ཕྲེང་ཚར་གསུམ་མགུལ་རྒྱན་བྱས་པ། སེང་གླང་གི་པགས་པའི་སྟོད་གཡོགས། ཞིང་ལྤགས་སྐེད་དཀྲིས་སྟག་ལྤགས་ཤམ་ཐབས་བྱས་པ། ཁྲག་ཞག་ཐལ་བས་བྱུགས་ཤིང་སྦྲུལ་རིགས་ལྔ་དང་རུས་པའི་རྒྱན་དྲུག་གིས་སྤྲས་པ། ཁྱུང་གི་དབུ་བརྒྱན་ཅིང་དཔལ་གྱི་གཤོག་པ་དར་ལྭའི་འཕུར་དཔྱངས་རྡོ་རྗེའི་གོ་ཁྲབ་གསོལ་བ། ཡུམ་པདྨ་གཟི་ལྡན་མ་ཕྱག་རྒྱ་ལྔས་བརྒྱན་ཅིང་ཁ་ཊྭཱྃ་དང་ཐོད་ཁྲག་འཛིན་པར་འཁྱུད་པ། གར་གྱི་ཉམས་དགུ་དང་ལྡན་ཞིང་ཞབས་བཞི་འདོར་ཐབས་སུ་བགྲད་པ་ཡེ་ཤེས་ཀྱི་མེ་ཕུང་འབར་བའི་ཀློང་ན་བཞུགས་པའི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པ་དང་རྒྱུད་རྣམ་པར་དག་པ་ཡེ་ཤེས་ཀྱི་གཟི་བྱིན་དབབ་པའི་སླད་དུ། སློབ་དཔོན་དཀྱིལ་འཁོར་པ་དང་བཅས་པའི་ཐུགས་ཀ་ནས་ཀྱང་འོད་ཟེར་དཔག་ཏུ་མེད་པ་འཕྲོས། འོག་མིན་དབང་ཆེན་རོལ་པའི་དུར་ཁྲོད་ནས་དཔལ་ཆེན་རྟ་མཆོག་རྒྱལ་པོའི་ལྷ་ཚོགས་རྣམས་ཀྱི་ཐུགས་རྒྱུད་བསྐུལ་ཏེ་ལྷ་སྔགས་ཕྱག་རྒྱ་འོད་ཟེར་གྱི་རྣམ་པར་མཁའ་དབྱིངས་གང་བར་སྤྱན་དྲངས་ཏེ་ཁྱེད་རང་རྣམས་ཀྱི་སྒོ་གསུམ་ལ་གཉིས་མེད་དུ་བརྟན་པའི་མོས་པ་མཛོད་ཅིག སྤོས་དང་རོལ་མོ་བཅས། ཧཱུྃ་ཧྲཱི༔ འོག་མིན་གསང་ཆེན་རྡོ་རྗེའི་ཕོ་བྲང་ནས༔ རྩ་གསུམ་ཀུན་འདུས་དབང་ཆེན་ཚེ་ཡི་ལྷ༔ རབ་འབྱམས་དཔའ་བོ་མཁའ་འགྲོའི་འཁོར་དང་བཅས༔ བྱིན་གྱིས་བརླབ་ཕྱིར་གནས་འདིར་གཤེགས་སུ་གསོལ༔ ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོདྷ་ཧྱ་གྲི་བ་ཧུ་ལུ་ཧུ་ལུ་ཧཱུྃ་ཕཊ༔ ཛྙཱ་ན་ཨཱ་བེ་ཤ་ཡ་ཨ་ཨཱཿ ཞེས་བཟླ་ཞིང་བྱིན་དབབ། ཡེ་ཤེས་པ་བརྟན་པར་བྱས་པའི་མོས་པ་མཛོད། ཏིཥྛ་བཛྲ་ཞེས་རྡོ་རྗེ་མགོར་བཞག

དེ་དག་གིས་དབང་གི་སྔོན་འགྲོའི་རིམ་པ་གྲུབ་ནས། དབང་དངོས་ལ། སྐུ་གསུང་ཐུགས་ཡེ་ཤེས་རྡོ་རྗེའི་དབང་བསྐུར་མཐའ་རྟེན་དང་བཅས་པ་ལས། དང་པོ་རྣམ་བཅས་བདེ་བ་ཆེན་པོ་སྐུ་བུམ་པའི་དབང་བསྐུར་བ་ལ། བླ་མ་དང་དཀྱིལ་འཁོར་གྱི་གཙོ་བོ་ཐ་མི་དད་པའི་ཐུགས་ཀའི་འོད་ཟེར་གྱིས་གདན་གསུམ་ཚང་བའི་དབང་ལྷ་སྤྲོས་པས་རྣམ་རྒྱལ་བུམ་པ་རྡོ་རྗེའི་ཡེ་ཤེས་ཆེན་པོའི་ཆུ་རྒྱུན་གྱི་གང་བས་སྤྱི་བོ་ནས་དབང་བསྐུར། ཉོན་མོངས་པ་ལྔའི་སྒྲིབ་པ་དག །ཕུང་ཁམས་རིགས་ལྔའི་སངས་རྒྱས་སུ་གནས་གྱུར། ཡེ་ཤེས་ལྔ་ལྷུན་གྱིས་གྲུབ་པར་མོས་ཤིག །ཞེས་བུམ་པ་སྤྱི་བོར་བཞག་བུམ་ཆུ་བླུད་ལ། ཧྲཱིཿ འཆི་མེད་རྟ་མཆོག་ཧེ་རུ་ཀའི༔ སྐུ་ཡི་དབང་བསྐུར་ཁྱོད་ལ་སྦྱིན༔ ཕུང་པོ་ལྷ་ཡི་སྐུར་སྨིན་ནས༔ སྣང་སྟོང་ཟུང་འཇུག་མངོན་གྱུར་ཤོག༔ ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕཊཿ ཀཱ་ཡ་ཨ་བྷི་ཥིཉྩ་ཨོཾ༔ དེའི་རྗེས་འབྲེལ་དུ་དཔལ་གྱི་གཏོར་མ་ཕྱི་སྣོད་དབང་ཆེན་ཟླ་གམ་འབར་བའི་གཞལ་ཡས་ཁང༌། ནང་བཅུད་དཔལ་ཆེན་རྟ་མཆོག་རོལ་པའི་དཀྱིལ་འཁོར་སྤྲུལ་པ་འཁོར་ཚོགས་བཀའ་སྡོད་དང་བཅས་པ་བྱིན་རླབས་གཟི་བརྗིད་འབར་ཞིང་དབང་གི་རྟ་སྐད་ལྷང་ངེར་གསལ་བའི་སྐུ་ཡི་གནས་ཐམས་ཅད་ནས་འོད་ཟེར་དཔག་ཏུ་མེད་པ་བྱུང༌། ཁྱེད་རྣམས་ཀྱི་སྒོ་གསུམ་ལ་ཐིམ་པས་སྡིག་སྒྲིབ་ནད་གདོན་བར་ཆད་ཐམས་ཅད་བསལ། སྐུ་གསུང་ཐུགས་ཀྱི་བྱིན་རླབས་ཞུགས། དབང་ཆེན་རྟ་མཆོག་རོལ་པའི་གསང་བ་གསུམ་དང་གཉིས་མེད་དུ་གྱུར་པས་ལས་དང་དངོས་གྲུབ་ཐམས་ཅད་ཐོགས་མེད་དུ་གྲུབ་པའི་མོས་པ་མཛོད། དཔལ་གཏོར་སྤྱི་བོར་བཞག །ཧྲཱི༔ ཟབ་གསལ་གཉིས་མེད་དཀྱིལ་འཁོར་དུ༔ འཆི་མེད་རྩ་གསུམ་ལྷ་ཚོགས་བཞུགས༔ སྐལ་ལྡན་ཁྱོད་ལ་དབང་བསྐུར་བས༔ དངོས་གྲུབ་རྣམ་གཉིས་འགྲུབ་པར་ཤོག༔ ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕཊཿ སརྦ་སིདྡྷི་བ་ལིཾ་ཏ་ཨ་བྷི་ཥིཉྩ་ཨཱཿ གཉིས་པ་གསུང་གསང་བའི་དབང་བསྐུར་བ་ནི། སྔགས་བྱང་མགྲིན་པར་བཞག་སྟེ་དབང་བསྐུར་བས། གྲགས་སྟོང་ནཱ་དའི་རང་བཞིན་གྱི་རྡོ་རྗེའི་གསུང་གི་ནུས་པ་རྫོགས་པར་མོས་ཤིག །སྔགས་བྱང་མགྲིན་པར་བཞག་ལ། ཧྲཱིཿ འཆི་མེད་རྟ་མཆོག་ཧེ་རུ་ཀའི༔ གསུང་གི་དབང་བསྐུར་ཁྱོད་ལ་སྦྱིན༔ སྲོག་རྩོལ་སྔགས་སུ་ཡོངས་སྨིན་ནས༔ གསལ་སྟོང་ཟུང་འཇུག་མངོན་གྱུར་ཤོག༔ ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕཊཿ ཝཱ་ཀ་ཨ་བྷི་ཥིཉྩ་ཨོཾ༔ རྗེས་འབྲེལ་གསུང་བཟླས་པའི་ལུང་སྦྱིན་པ་ལ་དམིགས་པ་འདི་ལྟར་མཛོད། བླ་མ་དང་མདུན་བསྐྱེད་དབྱེར་མེད་པའི་ཐུགས་ཀར་ཡེ་ཤེས་འོད་ལྔའི་ཀློང་དུ་ཉི་ཟླའི་གའུ་ཁ་སྦྱོར་གྱི་དབུས། ཐུགས་སྲོག་ཧྲཱིཿདམར་པོ་ལ་སྔགས་ཕྲེང་གིས་བསྐོར་བ་ལས་སྔགས་ཕྲེང་གཉིས་པ་འཕྲོས། ཞལ་ནས་བྱུང་སྟེ་ཁྱེད་རང་ལྷར་གསལ་བའི་ཞལ་དུ་ཞུགས། ཐུགས་ཀ་ཧྲཱིཿཡིག་དམར་པོའི་མཐར་འཁོད། བཟླས་པའི་རྐྱེན་གྱི་འོད་ཟེར་འཕྲོས་དཀྱིལ་འཁོར་ལྷ་ཚོགས་ཐམས་ཅད་ལ་བདེ་སྟོང་རོལ་པའི་འོད་ཟེར་གྱི་མཆོད་པ་ཕུལ། དངོས་གྲུབ་ཐམས་ཅད་ཐོབ་པར་བསམ་ལ། བསྙེན་སྔགས་འདིའི་རྗེས་ཟློས་ལན་གསུམ་མཛོད། ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕཊཿ སླར་ཡང་སྔགས་ཕྲེང་ལས་བྱུང་བའི་འོད་ཟེར་སྤྲོ་བསྡུས་ཀྱིས་འཁོར་འདས་བརྟན་གཡོའི་དྭངས་བཅུད་ཀྱི་བདུད་རྩི་བཀུག་པ། རིགས་བདག་ཡབ་ཡུམ་གྱི་སྐུའི་དབྱིབས་བརྒྱུད་སྦྱོར་མཚམས་ནས་བྱུང༌། འཁོར་ལོ་ལྔའི་ཐོད་ཕྲེང་རིགས་ལྔ་ཡབ་ཡུམ་མཆོད་དེ། བདེ་སྟོང་ཡེ་ཤེས་རྡོ་རྗེའི་སྲོག་ལ་དབང་ཐོབ་པར་བསམ་ལ། སྒྲུབ་སྔགས་འདིའི་རྗེས་ཟློས་ལན་གསུམ་མཛོད། ཨོཾ་ཧྲཱི་པདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཛྙཱ་ན་བཛྲ་ཨཱ་ཡུ་ཥེ་ཧཱུྃ་བྷྲཱུྃ་ནྲྀ་ཛཿ སརྦ་སིདྡྷི་ཕ་ལ་ཧཱུྃ༔ སླར་ཡང་ཐུགས་སྲོག་གི་འོད་ཟེར་ཁ་དོག་སྣ་ལྔ་སྤྲོ་བསྡུའི་ཕྲིན་ལས་རྣམ་པ་བཞི་ལྷུན་གྱིས་གྲུབ་ཅིང༌། སྣང་གྲགས་རིག་པ་ལྷ་སྔགས་ཆོས་སྐུའི་རོལ་པར་སད་པ་མོས་ལ། ལས་སྦྱོར་གྱི་སྔགས་འདིའི་རྗེས་ཟློས་མཛོད། ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕཊཿ ཨོཾ་བཛྲ་དུན་བྷྱོ༔ ཏིག་ནན་ཛ་ཛ༔ ས་མ་ཡ་སྟྃ༔ ས་མ་ཡ་ཛཿ ས་མ་ཡ་བཟློག༔ ས་མ་ཡ་བྷྱོ༔ ས་མ་ཡ་གཏུབ༔ ས་མ་ཡ་བྱེར༔ ས་མ་ཡ་རྦད༔ ས་མ་ཡ་རྦད་རྦུད་ཕཊ་ཡ༔ འབྱུང་པོ་མཱ་ར་ཡ་ཛ་ཛཿ ཧཱུྃ་ཧཱུྃ་ཧཱུྃ༔ སྲོག་གི་བྱིན་རླབས་བརྟན་པའི་སླད་དུ། བརྟན་གཡོའི་དྭངས་མ་མ་ལུས་པ་འདུས་པའི་ཛ་གད་མགྲིན་པར་མྱང་བས་གསུང་མི་འགགས་པ་ནཱ་ད་གཞོམ་གཞིག་བྲལ་བ་རྡོ་རྗེ་ཚེའི་དངོས་གྲུབ་ཐོབ་པར་མོས་ཤིག །ཧྲཱིཿ རྩ་གསུམ་དབང་ཆེན་འདུས་པ་ཡིས༔ བྱིན་རླབས་དངོས་གྲུབ་ཀུན་གྱི་དབྱིག༔ འཆི་མེད་བདུད་རྩི་འདི་བྱིན་པའི༔ རླུང་ལྔ་དབུ་མར་ཐིམ་པར་ཤོག །ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་གྲཱི་བ་ཛྙཱ་ན་བཛྲ་ཨཱ་ཡུ་ཥེ་ཧཱུྃ་བྷྲཱུྃ་ནྲྀ་ཛཿ སརྦ་སིདྡྷི་ཕ་ལ་ཧཱུྃ། མ་ཧཱ་པཉྩ་ཨ་ཡུརྫྙཱ་ན་ཨ་མྲྀ་ཏ་ཨ་བྷི་ཥིཉྩ་ཨཱཿ དེས་ངག་གི་སྒྲིབ་པ་དག །བཟླས་བརྗོད་དང་མཚན་བཅས་རྫོགས་རིམ་བསྒོམ་པ་ལ་དབང་བར་བྱས་པས། སྒྲ་གྲགས་ཐམས་ཅད་རྡོ་རྗེ་སྔགས་ཀྱི་རང་སྒྲ་ཡེ་ནས་ཡིན་པར་ཤེས་པར་གྲགས་སྟོང་བཟླས་པའི་རིམ་པ་དང་བདག་བྱིན་རླབས་ཀྱི་རྣལ་འབྱོར་ལ་བརྩོན་པར་མཛོད་དང༌། གསུང་རྡོ་རྗེ་མངོན་དུ་འགྲུབ་པར་འགྱུར་རོ། །གསུམ་པ་སྣང་མེད་སྟོང་པ་ཆེན་པོ་དབྱིངས་རིག་ཟུང་འཇུག་གི་བརྡ་རྟགས་ཕྱག་མཚན་སྙིང་གར་བཞག་པས་རིག་སྟོང་འོད་གསལ་ཐུགས་ཀྱི་དགོངས་པ་མངོན་དུ་གྱུར་པར་མོས་ཤིག །ཕྱག་མཚན་སྙིང་གར་བཞག །ཧྲཱིཿ འཆི་མེད་རྟ་མཆོག་ཧེ་རུ་ཀའི༔ ཐུགས་ཀྱི་དབང་བསྐུར་ཁྱོད་ལ་སྦྱིན༔ རྟོག་ཚོགས་ཆོས་ཀྱི་སྐུར་སྨིན་ནས༔ བདེ་སྟོང་ཟུང་འཇུག་མངོན་གྱུར་ཤོག༔ ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕཊཿ ཙིཏྟ་ཨ་བྷི་ཥིཉྩ་ཧཱུྃ༔ མཐའ་རྟེན་དུ། འཁོར་འདས་ཀྱི་དྭངས་བཅུད་གཅིག་ཏུ་འདྲིལ་བའི་རིལ་བུ་སྙིང་གར་བསྟིམ་པས་ཐུགས་མི་ཤིགས་པ་ཀ་དག་འོད་གསལ་ཆེན་པོའི་རྡོ་རྗེ་ཚེའི་དངོས་གྲུབ་ཐོབ་པར་མོས་ཤིག

།ཚེ་རིལ་སྙིང་གར་བཞག་ཅིང་མྱང་དུ་གཞུག་ལ། ཧྲཱིཿ སྲིད་ཞིའི་དྭངས་མ་འདུས་པའི་བཅུད༔ རྡོ་རྗེ་བདུད་རྩིའི་རིལ་བུ་འདི༔ སྐལ་ལྡན་ཁྱོད་ལ་སྦྱིན་པ་ཡིས༔ དགའ་བཞིའི་ཡེ་ཤེས་འཕེལ་བར་ཤོག༔ ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཛྙཱ་ན་བཛྲ་ཨཱ་ཡུ་ཥེ་ཧཱུྃ་བྷྲཱུྃ་ནྲྀ་ཛཿ སརྦ་སིདྡྷི་ཕ་ལ་ཧཱུྃ། ཨ་ཡུརྫྙཱ་ན་མ་ཧཱ་སུ་ཁ་ཨ་བྷི་ཥིཉྩ་ཧཱུྃ༔ དེས་ཡིད་ཀྱི་སྒྲིབ་པ་དག །བདེ་སྟོང་རྣམ་པར་མི་རྟོག་པའི་ཐབས་ལམ་བསྒོམ་པ་ལ་དབང་བར་བྱས་པས། རྟོག་ཚོགས་ཐམས་ཅད་བདེ་ཆེན་བྱང་ཆུབ་སེམས་ཀྱི་རོལ་པར་ཡེ་ནས་ཡིན་པར་ཤེས་པས། རིག་སྟོང་ཐབས་ཤེས་དབྱིངས་ཡེ་ཟུང་འཇུག་གི་རྣལ་འབྱོར་ལ་བརྩོན་པར་མཛོད་དང༌། ཐུགས་རྡོ་རྗེ་མངོན་དུ་འགྲུབ་པར་འགྱུར་རོ། །བཞི་པ་ཡེ་ཤེས་རྡོ་རྗེ་ཚིག་གིས་ངོ་སྤྲད་པའི་དོན་གྱི་ཡེ་ཤེས་ལ་སྦྱོར་བའི་དབང་ནི། དབྱིངས་སྐྱེ་མེད་ཀ་དག་དང་རིག་པ་ལྷུན་གྲུབ་འོད་གསལ་གྱི་སྣང་བ་གཉིས་སུ་མེད་པའི་བརྡར་ཤེལ་དང་མེ་ལོང་བསྟན་ཏེ། ཧྲཱིཿ འཆི་མེད་རྟ་མཆོག་ཧེ་རུ་ཀའི༔ ཡེ་ཤེས་དབང་བསྐུར་ཁྱོད་ལ་སྦྱིན༔ སྒོ་གསུམ་ངོ་བོ་ཉིད་སྐུའི་ཀློང་༔ རིག་སྟོང་ཟུང་འཇུག་མངོན་གྱུར་ཤོག༔ ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཛྙཱ་ན་བཛྲ་ཨཱ་ཡུ་ཥེ་ཧཱུྃ་བྷྲཱུྃ་ནྲྀ་ཛཿ སརྦ་སིདྡྷི་ཕ་ལ་ཧཱུྃ༔ ཛྙཱ་ན་ཨ་བྷི་ཥིཉྩ་ཨཱཿ འོག་གི་བསྒྲལ་དབང་རྒྱས་པ་བྱེད་ན་འདིར་སྦྱར་དགོས། རྗེས་འབྲེལ་འོད་གསལ་ཆོས་ཉིད་ཀྱི་རྟོགས་པས་རྒྱུ་བདག་འཛིན་མཚན་མའི་རུ་ཏྲ་སྡེ་གསུམ་དང་འབྲས་བུ་སྐྱེ་འཆི་འཁྲུལ་པའི་རྟོག་པས་གཡེངས་ཤིང་འཁྲུལ་པའི་གདུལ་བྱ་གཞན་སྒྲོལ་བའི་རྟགས་སུ་དབང་དྲག་པདྨ་ཀཱི་ལ་ཡའི་སྒྲོལ་བྱེད་ལས་ཀྱི་ཕུར་པས་དབང་བསྐུར་བར་མོས་ཤིག །ཕུར་པ་གཏད་ལ། ཧཱུྃ༔ དབང་ཆེན་དྲག་པོ་ཀཱི་ལ་ཡ༔ རིགས་འདུས་ཕུར་བུ་འདི་གཏད་པས༔ བྱིན་རླབས་ཕྲིན་ལས་ཡོངས་རྫོགས་ནས༔ ཁམས་གསུམ་འགྲོ་ཀུན་སྒྲོལ་བར་ཤོག༔ ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕཊཿ ཨོཾ་བཛྲ་དུན་བྷྱོ༔ ཏིག་ནན་ཛ་ཛཿ ས་མ་ཡ་སྟྭྃ༔ ས་མ་ཡ་ཛ༔ ས་མ་ཡ་ཟློག༔ ས་མ་ཡ་བྷྱོ༔ ས་མ་ཡ་གཏུབ༔ ས་མ་ཡ་བྱེར༔ ས་མ་ཡ་རྦད༔ ས་མ་ཡ་རྦད་རྦུད་ཕཊ་ཡ༔ འབྱུང་པོ་མཱ་ར་ཡ་ཛ་ཛ༔ ཧཱུྃ་ཧཱུྃ་ཧཱུྃ༔ སྤྱི་འགྲེ་འདི་ཙམ་གྱི་རུང་མོད། སྤྲོ་ན་གཟུགས་བརྙན་སྦྱོར་བ་ལ༔ ཚེ་བདུད་བར་ཆད་ཡོངས་བཀུག་ནས༔ རྡོ་རྗེ་ཕུར་བུའི་བསྒྲལ་བའི་མཐར༔ དཀྱིལ་འཁོར་ལྷ་ཚོགས་ཞལ་དུ་སྦྱོར༔ ཞེས་གསུང་པ་བཞིན་རྒྱས་པར་བྱ་བར་འདོད་ན། དབང་བཞི་པ་དངོས་གཞི་བསྐུར་ཟིན་པའི་རྗེས། དེ་ཡང་སངས་རྒྱས་རྣམས་གཉེན་པོ་རྡོ་རྗེ་ལྟ་བུའི་ཡེ་ཤེས་མངོན་དུ་བྱས་ནས་འོད་ཟེར་ཆེན་པོའི་དབང་བསྐུར་ཏེ་མངོན་པར་སངས་རྒྱས་པར་བརྩམས་པ་ན། བདུད་སྡེའི་དཔུང་གཡོས་པའི་ཚེ་དྲང་དོན་དུ་བྱམས་པའི་ཏིང་ངེ་འཛིན་ལ་མཉམ་པར་བཞག་པས་བདུད་བཏུལ་བར་གསུངས་ཤིང༌། ངེས་དོན་གསང་སྔགས་ཀྱི་རྒྱུད་སྡེ་རྣམས་སུ་བདེ་བར་གཤེགས་པའི་ཡེ་ཤེས་ཀྱི་དགོངས་པས་རྗེ་བཙུན་འཇམ་དཔལ་དབྱངས་དང༌། གཏུམ་ཆེན་མི་གཡོ་བ་བསྐུལ་བའི་འོད་ཟེར་བཀྱེ་བས་དེ་གཉིས་ཀྱི་སྤྲུལ་པའི་ཁྲོ་བོས་ནག་པོའི་ཕྱོགས་ཁྲག་ཁྲིག་བཅུ་གཉིས་བསྒྲལ་ཏེ་བར་ཆད་བདུད་སྡེའི་གཡུལ་ལས་རྒྱལ་ནས་མངོན་པར་བྱང་ཆུབ་འཆི་མེད་རྡོ་རྗེ་ལྟ་བུའི་ཡེ་ཤེས་ཀྱི་གོ་འཕང་མངོན་དུ་མཛད་པར་གསུངས་པ་ལྟར་སྐབས་འདིར་ཡང་སྔོན་བྱུང་སྟོན་པའི་རྣམ་ཐར་རྗེས་འཇུག་གདུལ་བྱའི་ཉམས་ལེན་ལ་སྦྱོར་བས། ཁྱེད་རྣམས་རང་བཞིན་རྫོགས་པ་ཆེན་པོའི་དཀྱིལ་འཁོར་དུ་བཞི་པ་ཡེ་ཤེས་རྡོ་རྗེའི་དབང་གིས་བརྡ་དོན་ངོ་སྤྲད་པས་མཐར་ཐུག་གི་གྲུབ་པ་མཐའ་སྙོགས་པ་ལ། བར་དུ་གཅོད་པའི་བདུད་ཚོགས་ཀྱིས་གླགས་མི་རྙེད་པའི་ཕྱིར་མངོན་སྤྱོད་དྲག་པོ་སྒྲོལ་བའི་རྗེས་གནང་མཐའ་རྟེན་གྱི་ཚུལ་དུ་སྦྱོར་བ་ཡིན་པས་ཏིང་འཛིན་དམིགས་པའི་རིམ་པ་འདི་དག་ལ་ཐུགས་གཏད་པར་ཞུ། ཧོམ་མདུན་དུ་བཀོད་དེ། པདྨ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊཿ ཕྱི་སྣོད་ཀྱི་འཇིག་རྟེན་དབང་དྲག་པདྨ་རོལ་པའི་དུར་ཁྲོད་དྲག་པོའི་གཞལ་ཡས་ཁང་དུ་གྱུར་པའི་ནང་དུ། ནང་བཅུད་སྐྱེ་འགྲོ་ཐམས་ཅད་དབང་ཆེན་རྟ་མཆོག་རོལ་པ་པདྨ་ཧེ་རུ་ཀ་དཔའ་བོ་མཁའ་འགྲོ་རྒྱ་མཚོའི་ཚོགས་དང་བཅས་པའི་རྣམ་རོལ་དུ་སད་པས་སློབ་དཔོན་དང་སློབ་མ་གཉིས་ཀ་གཙོ་བོ་དབང་དྲག་པདྨ་ཧེ་རུ་ཀ་ཁྲོ་གཏུམ་བཟོད་པར་དཀའ་བ་གཟི་བརྗིད་བསྐལ་པའི་མེ་ལྟར་འབར་བའི་སྐུར་གྱུར།

།ཐུགས་དམ་བསྐུལ་བ་ནི། རྐང་གླིང་དང་བཤུགས་པ་དྲག་པོས་རྔམས་རོལ་དང་བཅས་ཏེ་གཡབ་དྲིལ་བཅས། ཧཱུྃ༔ ཆོས་ཉིད་གདོད་ནས་སྐྱེ་བ་མེད་པ་ལས༔ སྙིང་རྗེ་ཆེན་པོས་སྐྱེ་བའི་སྐུར་བསྟན་པ༔ རྩ་གསུམ་རྒྱལ་བ་མ་ལུས་འདུས་པའི་དངོས༔ འཆི་མེད་དབང་ཆེན་རྟ་མཆོག་རོལ་པ་རྩལ༔ གཙོ་འཁོར་སྤྲུལ་པ་བཀའ་སྡོད་བཅས་པ་ཀུན༔ དུས་ལས་ཡལ་ཡོལ་དབྲི་བཀོལ་མི་མཛད་པ༔ ཆོས་དབྱིངས་ཡེ་ཤེས་གསལ་བའི་ངང་ཉིད་ལས༔ ཐུགས་དམ་དབང་གིས་ཁྲོས་འཁྲུགས་སྐུར་བཞེངས་ཏེ༔ གདུག་ཅན་དགྲ་བགེགས་གཏུམ་པོ་ཕམ་མཛད་ཕྱིར༔ འཁོར་བཅས་ཐ་ཚིག་གཉན་པོའི་དུས་ལ་བབ༔ གསོལ་ཡང་མི་དགོངས་བསྐུལ་ཡང་མི་བགྱིད་ན༔ ཐུགས་དམ་ཞལ་བཞེས་དམ་བཅའ་རྫུན་དུ་ཐལ༔ དེ་ཕྱིར་ཡེ་ཤེས་ཆེན་པོའི་རྩལ་བསྐྱེད་ལ༔ མངོན་སྤྱོད་དམོད་པའི་ཕྲིན་ལས་ཡོངས་གྲུབ་མཛོད༔ གསེར་སྐྱེམས་དང་གཟུ་དཔང་ནི། རྃ་ཡྃ་ཁྃ། གསེར་སྐྱེམས་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། རིག་འཛིན་རྩ་བརྒྱུད་བླ་མ་དམ་པ་དང༌། །བདེ་གཤེགས་ཀུན་འདུས་ཞི་ཁྲོ་རབ་འབྱམས་ལྷ། །ཁྱད་པར་དབང་ཆེན་རྟ་མཆོག་ལྷ་ཚོགས་རྣམས། །གསེར་སྐྱེམས་བདུད་རྩིའི་མཆོད་པ་འདི་བཞེས་ལ། །གཟུ་དང་དཔང་མཛོད་མངོན་སྤྱོད་ལས་ལ་བཞེངས། །དཔལ་མགོན་མ་ནིང་ལེགས་ལྡན་སྔགས་ཀྱི་སྲུང༌། །དྲེགས་པའི་སྡེ་དཔོན་སུམ་ཅུ་ཡབ་ཡུམ་སྲས། །བཀའ་ཉན་བྲན་གཡོག་མངགས་བཞུགས་བཅས་པ་རྣམས། །གསེར་སྐྱེམས་བདུད་རྩིའི་མཆོད་པ་འདི་བཞེས་ལ། །གཟུ་དང་དཔང་མཛོད་མངོན་སྤྱོད་ལས་ལ་བཞེངས། །སྔགས་འཆང་བདག་གི་རིགས་ཀྱི་སྲུང་མ་དང༌། །ས་ཕྱོགས་འདི་ཡི་ཡུལ་གཞི་གནས་ཀྱི་བདག །ལོ་ཟླ་ཞག་དུས་ཚེས་ལ་དབང་བའི་ལྷ། །གསེར་སྐྱེམས་བདུད་རྩིའི་མཆོད་པ་འདི་བཞེས་ལ། གཟུ་དང་དཔང་མཛོད་མངོན་སྤྱོད་ལས་ལ་བཞེངས། ཧོམ་བསྐྱེད་པ་ནི། ཨེ་ཡྃ་རྃ་ཡོངས་སུ་གྱུར་པ་ལས་དྲག་པོའི་བཙོན་ཁང་གཏིང་རིང་བ། དུག་ལྔའི་རང་གཟུགས་འབྱུང་བ་ལྔ་འཁྲུག་ཅིང་ཕྱི་ནང་དུ་གཤིན་རྗེའི་དམག་ཚོགས་མཚོན་ཆ་སྣ་ཚོགས་འཛིན་པ་རྒྱོབ་སོད་ཀྱི་སྒྲ་སྒྲོགས་པ་འཇིགས་སུ་རུང་བ། དེའི་ནང་དུ་དགྲ་བགེགས་བྱད་མ་ཉམ་ཐག་པའི་ལུས་ཅན་ངུ་འབོད་ལྷང་ལྷང་པ་ཞིག་ཏུ་གྱུར༔ བདེན་སྟོབས་བརྗོད་ཅིང་འགུག་པ་ནི། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང༌། སངས་རྒྱས་ཀྱི་བཀའ་བདེན་པ་དང༌། ཆོས་ཀྱི་བཀའ་བདེན་པ་དང༌། དགེ་འདུན་གྱི་བཀའ་བདེན་པ་དང༌། གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང༌། ཆོས་ཀྱི་གདོད་ནས་སྟོང་ཀྱང་ཆོས་ཅན་རྒྱུ་འབྲས་བསླུུ་བ་མེད་པའི་བདེན་པ་དང༌། ཁྱད་པར་དུ་འཆི་མེད་པདྨ་དྲག་པོ་རྩ་གསུམ་ཀུན་འདུས་དབང་ཆེན་རྟ་མཆོག་རོལ་པའི་ལྷ་ཚོགས་འཁོར་དང་བཅས་པའི་བཀའ་བདེན་པ་དང༌། བདེན་པ་ཆེན་པོའི་མཐུ་ལ་བརྟེན་ནས། བསྟན་དང་འགྲོ་བའི་སྤྱི་དགྲ། ཁྱད་པར་དུ་རིག་པ་འཛིན་པ་བདག་ཅག་ཡོན་མཆོད་འཁོར་དང་བཅས་པ་རྣམས་ཀྱིས། འཆི་མེད་ཡེ་ཤེས་རྡོ་རྗེའི་ཚེའི་དངོས་གྲུབ་ཟབ་མོ་སྒྲུབ་པ་ལ་ཀླགས་བལྟ་ཞིང་བར་དུ་གཅོད་པའི་ཚེ་བདུད་ལོག་འདྲེན་མ་རུངས་བགེགས་ཀྱི་ཚོགས་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཛྙཱ་ན་བཛྲ་ཨཱ་ཡུ་ཥེ་ཧཱུྃ་བྷྲཱུཾ་ནྲྀ་ཛཿ སརྦ་སིདྡྷི་ཕ་ལ་ཧཱུྃ༔ བཛྲ་ཨངྐུ་ཤ་ཛཿ བཛྲ་པཱ་ཤ་ཧོ༔ བཛྲ་སྥོ་ཊ་བྃ བཛྲ་གྷཎྜེ་ཧོ༔ བཛྲ་ཨ་བེ་ཤ་ཡ་ཨཱཿ བཛྲ་པྲ་བེ་ཤ་ཡ་ཕཊ༔ ཞེས་འགུགས་བསྟིམ་དབྱེ་དབབ་རྣམས་སྔགས་ཕྱག་རྒྱ་ཏིང་འཛིན་དང་སྦྱར་བས་བྱས་ལ། དེ་ཡང་དྲག་ཤུལ་གྱི་ཕྲིན་ལས་བརྩམས་པ་པོ་མཉམ་བཞག་ཆོས་སྐུའི་དགོངས་པ་ལྟ་བ་བློ་འདས་ལས་མི་གཡོ་བའི་གདེང་གི་རྫོང་བཟུང་ལ། རྗེས་ཐོབ་སྙིང་རྗེའི་རྩལ་གྱིས་ཐུགས་རྗེས་གཞན་སྒྲོལ་བའི་ཕྱིར་ལོག་རྡུག་འབྱམས་གསུམ་གྱི་སྐྱོན་བསལ་བའི་ཕྱིར་གསལ་བ་གསུམ་དང་ལྡན་པའི་སྒོམ་པའི་ཏིང་འཛིན་གྱིས་བྱིངས་རྒོད་ཀྱི་འཕྲང་བརྒལ་ཏེ་གདུག་པ་དབྱིངས་སུ་བསྒྲལ་བའི་ཕྱིར་སྒྲོལ་བྱེད་ལས་ཀྱི་ཕུར་ལག་ཏུ་གཏད་པར་བསྒྲལ་བྱའི་ཡུལ་དགྲ་བགེགས་ལ་གདབས་ཏེ་ཚེ་ཁྲུས་གནས་གསུམ་གྱི་དགོངས་པའི་མ་རུངས་པའི་སྲོག་འཕྲོག །བསྒྲལ་བྱ་དབྱིངས་སུ་སྦར། ཚེ་བསོད་རྒྱན་དུ་ཐོབ།

ཤ་ཁྲག་གི་དམ་རྫས་དབང་དང་དྲག་ཤུལ་རོལ་པ་དཀྱིལ་འཁོར་གྱི་ལྷ་ལ་ཕུལ་བས་དགྱེས་ཤིང་རྔམས་པའི་ཚུལ་གྱི་བཞེས་ཏེ། ཕུང་པོ་དུར་ཁྲོད་དུ་བསྒྲལ། ཉོན་མོངས་བདུད་ཡེ་ཤེས་སུ་དག །སྣང་སྲིད་བདེ་ཆེན་དུ་ཤར་བས་ལྷ་བུའི་བདུད་ལས་རྒྱལ། སྐྱེ་ཤི་ཁུངས་གཏོར་བས་འཆི་མེད་རྡོ་རྗེའི་དབྱིངས་སུ་བཙན་ས་ཟིན་པར་མོས་མཛོད། ཧཱུྃ༔ དབང་ཆེན་དྲག་པོ་ཀཱི་ལ་ཡ༔ རིགས་འདུས་ཕུར་བུ་འདི་གཏད་པས༔ བྱིན་རླབས་ཕྲིན་ལས་ཡོངས་རྫོགས་ནས༔ ཁམས་གསུམ་འགྲོ་ཀུན་སྒྲོལ་བར་ཤོག༔ ཨོཾ་ཧྲཱིཿཔདྨནྟ་ཀྲྀ་ཏ་བཛྲ་ཀྲོ་དྷ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕཊཿ ཨོཾ་བཛྲ་དུན་བྷྱོ༔ ཏིག་ནན་ཛ་ཛཿ ས་མ་ཡ་སྟྭྃ༔ ས་མ་ཡ་ཛ༔ ས་མ་ཡ་ཟློག༔ ས་མ་ཡ་བྷྱོ༔ ས་མ་ཡ་གཏུབ༔ ས་མ་ཡ་བྱེར༔ ས་མ་ཡ་རྦད༔ ས་མ་ཡ་རྦད་རྦུད་ཕཊ་ཡ༔ འབྱུང་པོ་མཱ་ར་ཡ་ཛ་ཛ༔ ཧཱུྃ་ཧཱུྃ་ཧཱུྃ༔ ཕུར་པ་གཏད་ཅིང་གདབ་ལས་བྱ་ལིང་རོ་གཏོར་མ་དང་ལྷག་མ་སློབ་མ་ལའང་སྦྱིན། དེ་དག་གིས་འཆི་མེད་རྡོ་རྗེའི་གསང་བ་གསུམ་གྱི་བྱིན་རླབས་དབང་བསྐུར་གྱི་རིམ་པས་སྒོ་གསུམ་སྨིན་པར་བྱས་པས་ཡེ་ཤེས་བདེ་བ་ཆེན་པོ་སྐྱེ་བརྟན་གོང་འཕེལ་གྱི་ཕྱིར། ཚེ་འགུགས་ཤིང་བཅུད་བསྡུ་བ་ལ། སྙིང་གར་ཉི་ཟླ་ཁ་སྦྱོར་གྱི་དབུས་སུ་ཚེའི་རྟེན་ཧྲཱིཿནྲྀ་ཨའི་ཡི་གེ་གསལ་བ་དང༌། སློབ་དཔོན་གྱི་ཐུགས་ཀ་ནས་ཀྱང་འོད་ཟེར་འཕྲོས། ཕོ་ཉ་ལས་བྱེད་རྣམས་ཀྱི་ཐུགས་རྒྱུད་བསྐུལ། དེ་དག་ལས་སྤྲུལ་པ་ཡང་སྤྲུལ་ནམ་མཁའ་གང་བར་སྤྲོས་པ་རྣམས་ཀྱིས་ཁྱེད་རང་རྣམས་ཀྱི་བླ་ཚེ་ཆད་ཉམས་ཡར་བ་ཐམས་ཅད་དང་འཁོར་འདས་བརྟན་གཡོའི་བཅུད་དང་དྭངས་མ་ཐམས་ཅད་དབང་མེད་དུ་བསྡུས། འཆི་མེད་ཚེའི་བདུད་རྩི་ཉི་མ་འཆར་ཁའི་མདངས་འོད་ལྟ་བུ་སྙིང་གའི་ཚེ་རྟེན་ལ་ཐིམ་པས་རྡོ་རྗེ་ཚེའི་དངོས་གྲུབ་ཐོབ་པར་མོས་ཤིག །མདའ་དར་གཡབ་ཅིང༌། ཧྲཱིཿ སྐྱེ་མེད་འོད་གསལ་རྡོ་རྗེའི་མཁའ་དབྱིངས་ལས༔ འགགས་མེད་དབང་ཆེན་ཁྲོ་བོའི་རོལ་པར་ཤར༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་དམ་བསྐུལ་ལོ་ཐུགས་རྗེའི་ཡེ་ཤེས་བསྐྱེད༔ ཧྲཱིཿ ཐོག་མའི་མགོན་པོ་ཀུན་བཟང་ཚེ་ཡི་ལྷས༔ འཁོར་འདས་དབྱེར་མེད་རྡོ་རྗེའི་ཚེ་བཅུད་ཁུག༔ འཆི་མེད་དབང་ཆེན་ཁྲོ་རྒྱལ་ཡབ་ཡུམ་གྱིས༔ ཟུང་འཇུག་སྐུ་དང་ཡེ་ཤེས་ཚེ་བཅུད་ཁུག༔ སྤྲུལ་པའི་རྣམ་རོལ་རིགས་བཞིའི་ཧེ་རུ་ཀས༔ ཁམས་གསུམ་སྐྱེ་འགྲོ་ཡོངས་ཀྱི་ཚེ་བཅུད་ཁུག༔ གང་འདུལ་ལས་མཛད་ཕྱོགས་སྐྱོང་སྒོ་མ་བཞིས༔ ས་ཆུ་མེ་རླུང་འབྱུང་བཞིའི་ཚེ་བཅུད་ཁུག༔ རབ་འབྱམས་རྩ་གསུམ་རྒྱ་མཚོའི་ལྷ་ཚོགས་ཀྱིས༔ བརྟན་གཡོ་སྣོད་བཅུད་སྲིད་ཞིའི་ཚེ་བཅུད་ཁུག༔ རྩེ་གཅིག་སྒྲུབ་པའི་རྣལ་འབྱོར་བདག་ཅག་གི༔ བླ་ཚེ་ཆད་ཉམས་ཡར་བ་རང་སོར་ཆུད༔ བར་ཆད་འབྱུང་པོའི་ཚོགས་རྣམས་དབྱིངས་སུ་སྒྲོལ༔ འཆི་མེད་འཇའ་ལུས་རྡོ་རྗེའི་དངོས་གྲུབ་སྩོལ༔ ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོདྷ་ཧྱ་གྲི་བ་ཨཱ་ཡུ་ཥེ་ཧཱུྃ་བྷྲཱུྃ་ནྲྀ་ཛ༔ སརྦ་སིདྡྷི་ཕ་ལ་ཧཱུྃ༔ ཀཱ་ཡ་ཝཱ་ཀ་ཙིཏྟ་དྷརྨ་དྷཱ་ཏུ་ཛྙཱ་ན་བཛྲ་རཀྵ་བྷྲཱུྃ༔ འཁོར་འདས་ཚེ་བཅུད་སྙིང་དབུས་ཀྱི༔ ཚེ་ཡི་རྟེན་ལ་གཉིས་མེད་བསྟིམ༔ ཡབ་ཡུམ་སྙོམས་ཞུགས་རྗེས་ཆགས་ཀྱི༔ བདེ་བ་མི་ཕྱེད་རྡོ་རྗེའི་སྲོག༔ འོད་དམར་པདྨ་རཱ་གའི་ཕྲེང་༔ ལུ་གུ་རྒྱུད་ཀྱི་ཐག་པ་ཡིས༔ སྐུ་བཅིང་རླུང་རྣམས་དབུ་མར་བཅུག༔ ཐིག་ལེ་ཚེ་རྟེན་དྲྭ་བར་བསྡམ༔ ཅིས་ཀྱང་མི་ཆོད་མི་ཤིག་པའི༔ རྡོ་རྗེ་གསུམ་གྱི་སྲོག་ལྡན་བསམ༔ ཨོཾ་ཨཱཿཧཱུྃ་བཛྲ་ཀཱ་བཱ་ཙི་རཀྵ་ཧཱུྃ༔ ཞེས་རྒྱས་གདབ་དང༌། ཤིས་བརྗོད་བཅས་བྱའོ། །དབང་དང་ཆོ་གའི་རྗེས་རིམ་སྤྱི་ལྟར་མཐར་དབྱུང་བར་བྱའོ། །འཇི༵གས་མེ༵ད་བདེ་ཆེན་ཡེ་ཤེས་ནི། །མཁྱེ༵ན་བརྩེ༵འི་ནུས་པའི་འོ༵ད་ཟེ༵ར་འཛུམ། །བཀྲ༵་ཤིས༵་མཆོག་ཐུན་དངོས་གྲུབ་ཀྱི། །དཔ༵ལ་འབྱོ༵ར་མི་ཟད་གཏེར་དུ་གྲུབ། །རྩ་གསུམ་འོད་གསལ་སྙིང་ཐིག་གི་ཡི་དམ་པདྨ་གསུང་འཆི་མེད་དབང་ཆེན་འདུས་པའི་དབང་བསྐུར་བདེ་ཆེན་ཚེ་མཆོག་གྲུབ་པའི་སྲོལ་འབྱེད་ལེའུ་ཚན་བཅུ་བཞི་པ་ཤིན་ཏུ་དགའ་བའི་རྡོ་རྗེས་སྦྱར་བའོ། ༈

།འཇིགས་བྲལ་བདེ་ཆེན་རྡོ་རྗེ་སེམས་དཔའ་མཆོག །དཀྱིལ་འཁོར་རྒྱ་མཚོའི་ཁྱབ་བདག་སློབ་དཔོན་ཚུལ། །ཀུན་མཁྱེ༵ན་ཡེ་ཤེས་མེ་ལོང་རྗེས་བརྩེ༵འི་གཏེར། །གངས་ཅན་མཁས་གྲུབ་དབ༵ང་པོ༵ར་འཆར་གང་རྒྱལ། །རྩ་གསུམ་འོད་གསལ་སྙིང་ཐིག་ཡི་དམ་རྡོ་རྗེའི་རིགས་རྣམ་པར་འཇོམས་པའི་དབང་བསྐུར་བགྱི་བར་འདོད་པས་སྟེགས་བུར་གཞུང་མཐུན་དཀྱིལ་འཁོར་བཀྲམ་པའི་སྟེང་མཉྫིའི་ཁར་བུམ་པ་རྫས་ལྡན་དབང་ཁྲུས་སྦྲག་མ་བྱེད་ན་བུམ་རྫས་ཉེར་ལྔའི་སྟེང༌། ཤེལ། རྡོ་རྗེ་ཕ་ལམ། ཨུཏྤལ་སྔོན་པོ། ཤུ་དག །གི་ཝྃ། ག་བུར་བཅས་སྦྱར་ཤིང་ཁྲུས་རྫས་བླུགས། སྔགས་ཕྲེང༌། ཕྱག་མཚན་རྡོ་རྗེ། ཤེལ་དང་མེ་ལོང༌། དབང་གཏོར་དཀར་ཟླུམ་རྣམས་དང༌། མཐའ་སྐོར་ཉེར་སྤྱོད་ཀྱི་མཆོད་པ། ལས་བུམ་ཁྲུས་བླུད་བྱེད་ན་གཏོར་སྣོད་དུ་ཟན་གྱི་གྲུ་བཞི། ཟླུམ་པོ། ཟླ་གམ། གྲུ་གསུམ་གྱི་དབྱིབས་ཅན་གྱི་བཤོས་བུ་བཞི་རྒྱན་ལྡན་དང་དེའི་མདུན་དུ། སྐུ་གླུད་སེར་པོ། དཀར་པོ། དམར་པོ། ལྗང་གུ་བཅས་ལ་ཆང་བུ་ཏིང་ལོ་ནམ་རྒྱང་མཐའ་འཕང་འབྲུ་སྨན་དར་རས་རིན་ཆེན་སོགས་མཐུན་རྫས་ཀྱིས་གཏམས་པ་དང༌། དཀར་བགེགས་བཅས་འདུ་བྱས་ལ། དབང་དོན་སྒྲུབ་པ་དངོས་ནི། བརྒྱུད་འདེབས་དང༌། སྐྱབས་སེམས་ནི། བདག་དང་མཁའ་མཉམ་འགྲོ་བ་མ་ལུས་ཀུན༔ སྐྱབས་གནས་རྒྱ་མཚོའི་ཚོགས་ལ་སྐྱབས་སུ་མཆི༔ མཐའ་ཀླས་སྲིད་པའི་ཁམས་རྣམས་བསྒྲལ་བའི་ཕྱིར༔ རྡོ་རྗེ་འཛིན་པའི་གོ་འཕང་སྒྲུབ་པར་བགྱི༔ ལན་གསུམ། ཧཱུྃ་ཧྲཱི༔ རང་ཉིད་ལྷར་གསལ་ཐུགས་ནས་འཕྲོས་པ་ཡི༔ རྡོ་རྗེ་རིན་ཆེན་པདྨ་རྒྱ་གྲམ་དང་༔ འཁོར་ལོ་མེ་ཕུང་ཁྲོ་བོའི་གུར་ཁང་གིས༔ གཉིས་འཛིན་འཁྲུལ་པའི་བགེགས་ཚོགས་མཚམས་བཅད་འགྱུར། ཧཱུྃ་ཧཱུྃ་ཧཱུྃ༔ ཧཱུྃ་ཧྲཱིཿ འོག་མིན་བདེ་ཆེན་ཆོས་སྐུའི་ཕོ་བྲང་དང་༔ ལྷུན་གྲུབ་ཡེ་ཤེས་རང་སྣང་འོད་ལྔའི་ཞིང་༔ གང་འདུལ་སྒྱུ་འཕྲུལ་སྤྲུལ་པའི་དཀྱིལ་འཁོར་ནས༔ སྐུ་གསུམ་ལྷ་ཚོགས་རྣམས་ཀྱི་བྱིན་ཕོབ་ཅིག༔ ཨོཾ་ཨཱཿཧྲཱི་ཧྲཱིཿ གུ་རུ་དྷེ་ཝ་ཌཱ་ཀི་ནི་བཛྲ་དྷཱ་ར་བཛྲ་ཛྙཱ་ན་སརྦ་ས་མ་ཡ་ཨ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཨོཾ་ཨཱཿཧཱུྃ༔ ཡུལ་དང་དབང་པོ་འབྲེལ་བའི་སྲེད་ལེན་ཀུན༔ བདེ་སྟོང་ཟུང་འཇུག་ཆེན་པོར་མཉམ་སྦྱོར་བའི༔ རོལ་རྩལ་འགགས་མེད་ཀུན་བཟང་མཆོད་པའི་སྤྲིན༔ མཐའ་ཀླས་ནམ་མཁའ་མཛོད་ཀྱི་འཁོར་ལོར་ཤར༔ ཨོཾ་བཛྲ་ཨརྒྷཾ་ནས། ཤབྡའི་བར་དང༌། རཱུ་པ། ཤབྡ། གྷནྡྷེ། རཱ་ས། སྤརྴེ་མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛ་ས་མ་ཡེ་ཨཱཿཧཱུྃ༔ ལན་གསུམ་བརྗོད་ལ། དངོས་གཞིའི་ལྷ་བསྐྱེད་ནས་བཟླས་པའི་བར་གཞུང་མཐར་ཆགས་སུ་བཏང༌། ཛབ¿་ཁང་ཕྱེས་ལ་བདག་མདུན་ལ་དམིགས་ནས་རྣམ་འཇོམས་ཀྱི་རྒྱུད་གླེང་གཞི་སྔོན་དུ་འགྲོ་བས་གཟུངས་རྒྱས་ཇི་ལྟར་རིག་པ་སྔོན་འགྲོའི་གཞུང་ལྟར་ཉེ་བསྙེན་གཙོ་བོར་བསགས། རྣམ་བུམ་བསང་སྦྱངས། བྷྲཱུྃ་ལས་རིན་ཆེན་བུམ་པ་མཚན་ཉིད་རྫོགས༔ སོགས་ནས་བསྟོད་པའི་བར་ལས་བྱང་ལྟར་བྱ། བདག་གི་ཐུགས་ཀའི་ས་བོན་སྔགས་ཕྲེང་དང་བཅས་པ་ལས་འཕྲོས་པའི་འོད་ཟེར་གཟུངས་ཐག་ལ་བརྒྱུད་བུམ་ལྷའི་ཐུགས་ཀར་ཕོག་ཐུགས་དམ་གྱི་རྒྱུད་བསྐུལ། སྐུའི་ཆ་ཐམས་ཅད་ལས་རྡོ་རྗེ་བདུད་རྩིའི་རྒྱུན་བབ་པས་བུམ་པ་ཡོངས་སུ་གང་བར་གྱུར། །གཟུངས་ཐག་བླང་ལ་གཟུང་རིང་ཐུང་ཅི་འགྲུབ་བཟླ། ལས་བུམ་གྱི་ནང་དུ་བདུད་རྩི་འཁྱིལ་པ་སྐུ་མདོག་ལྗང་སྔོན་ཞལ་གཅིག་ཕྱག་གཉིས་པ། གཡས་རྡོ་རྗེ་རྒྱ་གྲམ། གཡོན་བདུད་རྩིའི་བུམ་པ་བསྣམས་པའི་ཐུགས་ཀར་ཧཱུྃ་ལ་སྔགས་ཀྱིས་བསྐོར་བར་དམིགས་ནས། ཨོཾ་ཨ་མྲྀ་ཏེ་ཧཱུྃ་ཕཊ། ཅེས་བསྙེན་པ་ཅི་རིགས་པ་བྱས་ནས། ཐུན་མཐར་དབྱངས་གསལ་རྟེན་སྙིང་མཆོད་བསྟོད་ཡིག་བརྒྱ་མཐར། དུང་ཆོས་ཀྱི་ཆུ་མཆོད་ཡོན་དུ་ཕུལ། ཨོཾ་ཨཱཿཧཱུྃ། ཞེས་བརྗོད་པས། ལྷ་ཚོགས་འོད་དུ་ཞུ་ནས་བུམ་ཆུ་དང་གཉིས་མེད་འདྲེས་པར་གྱུར་བར་བསམ། བདག་འཇུག་དབང་ལེན་དང་རིག་པའི་མེ་ཏོག་དོར་བ་གང་འོས་བྱས་ལ། སློབ་མ་རྣམས་ཁྲུས་བྱ་གཏོར་མ་གཏོང་ཞིང་བགེགས་བསྐྲད། སྲུང་འཁོར་བསྒོམ། མེ་ཏོག་བཀྱེ་བསྡུ། སེམས་བསྐྱེད་གསལ་འདེབས་བཅས་སྔོན་དུ་འགྲོ་བས། སྟོན་པ་ཐམས་ཅད་མཁྱེན་པའི་རྡོ་རྗེ་ཐེག་པའི་རྒྱུད་སྡེ་ཆེན་པོ་བཞི་ཀའི་ཕྲིན་ལས་ཀྱི་ལྷ་རབ་འབྱམས་ཀྱི་རྩ་བ་ནི་རྡོ་རྗེ་རྣམ་པར་འཇོམས་པ་སྟེ། འདི་ལ་གསར་རྙྀང་གི་བཀའ་སྲོལ་ཤིན་ཏུ་མང་ཞིང་རེ་རེ་ལའང་དབང་དང་རྗེས་གནང་རིག་གཏད་ཁྲུས་ཀྱི་ཆོ་ག་སོགས་རྒྱས་བསྡུས་མཐའ་ཀླས་ཤིང༌། སྔ་འགྱུར་རྙིང་མའི་ཕྱོགས་སུ་པཎ་ཆེན་བི་མ་ལ་མི་ཏྲ་དང༌། གཉགས་ཛྙཱ་ན་ཀུ་མ་ར་ལས་བརྒྱུད་པའི་བཀའ་མ་རྣམས་འཇོམས་ཁྲོ་བོ་དཀར་ནག་དང༌། གཏེར་སྟོན་གྲུབ་ཐོབ་ཡོངས་ཀྱི་རྒྱལ་པོ་རིག་འཛིན་ཀློང་གསལ་སྙིང་པོ་དང་བདུད་འདུལ་རྡོ་རྗེའི་གཏེར་བྱོན་རྣམ་འཇོམས་དཀར་ནག་སོགས་རྒྱ་ཆེན་བཞུགས་པ་ལས། སྐབས་སུ་བབས་པ་འདི་ནི་མདོ་སྔགས་ཆོས་ཚུལ་རྒྱ་མཚོའི་ཤིང་རྟ་པཎ་ཆེན་བི་མ་ལ་མི་ཏྲའི་ཡེ་ཤེས་སྒྱུ་འཕྲུལ་དྲྭ་བའི་རོལ་གར་འཇམ་དབྱངས་བླ་མ་མཁྱེན་བརྩེའི་དབང་པོ་འོད་གསལ་སྤྲུལ་པའི་རྡོ་རྗེའི་དགོངས་གཏེར་རྩ་གསུམ་འོད་གསལ་སྙིང་ཐིག་གི་ཆོས་སྐོར་ལས་བྱོན་པའི་རྡོ་རྗེ་རྣམ་པར་འཇོམས་པའི་སྒྲུབ་སྐོར་ཏེ་གཞུང་ལས། རྒྱུད་དོ་ཅོག་གི་རྩ་བ་ཆེ༔ རྡོ་རྗེ་རྣམ་པར་འཇོམས་པ་ཡི༔ གཟུངས་སྔགས་ཟབ་མོའི་ཕྲིན་ལས་འདི༔ མ་འོངས་དོན་དུ་པདྨས་བསྡེབས༔ ཆོས་དབྱིངས་བུམ་སྐུའི་སྒྲོམ་བུར་རྒྱ༔ ནམ་ཞིག་འགྲོ་དོན་དུས་བབ་རྟགས༔ གཟའ་ཀླུ་རྒྱལ་བསེན་རླུང་ལྟར་འཚུབས༔ ནད་གདོན་སྨྱོ་འབོག་ཆུ་ལྟར་གཡོ༔ ཁྱད་པར་དལ་ཡམས་བཙན་ཐབས་འབེབས༔ ཕྱི་སྣོད་འབྱུང་བ་ཁོལ་བུར་གཡོ༔ ནང་བཅུད་སྟོད་སྨད་འཁྲུགས་པ་མང་༔ དེ་ཡི་ཚེ་ན་བདག་ཉིད་དང་༔ འཇམ་དཔལ་གྲུབ་པའི་སློབ་དཔོན་གྱིས༔ བྱིན་རླབས་སྦས་པའི་རྣལ་འབྱོར་པ༔ འོད་གསལ་སྤྲུལ་པའི་རྡོ་རྗེ་དང་༔ འཕྲད་ནས་འབྲེལ་ཚད་དོན་ལྡན་ཤོག༔ ཞེས་གསུངས་པ་ལྟར་དེང་སང་སྙིགས་མའི་མཐར་ཐུག་མི་ཐུབ་པ་ལྔ་བདོ་བའི་སྐབས་གཉེན་པོ་ཟླ་མེད་ངོ་བོ་ལྷ་སྔགས་མདོ་རྒྱུད་ཀུན་ནས་ཡང་ཡང་བསྔགས་པས་ཁུངས་བཙུན་ཅིང༌། རྣམ་པ་ཟབ་ཅིང་བྱིན་རླབས་ཀྱི་ཚན་ཁ་མ་ཉམས་པ་འདི་ཉིད་ལའང་དབང་ཁྲུས། འབྱུང་ལྔའི་གླུད་གཏོར། སྦྱིན་སྲེག་སྲུང་བ། རྒྱུད་སྡེ་བཞི་དང་འབྲེལ་བའི་བསྐྱེད་རྫོགས་ཀྱི་ཉམས་ལེན་བཅས་ཀུན་ལས་ཁྱད་པར་འཕགས་པའི་ཆེ་བ་དུ་མ་དང་ལྡན་པའི་ལས་ཐམས་ཅད་ཀྱི་རྩ་བ་དབང་བསྐུར་གྱི་རིམ་པ་སྐབས་སུ་བབས་པས་མཎྜལ་ཕུལ། ཐལ་མོ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། ཧོཿ དཀྱིལ་འཁོར་གཙོ་བོ་རིགས་ཀུན་བདག༔ ཐུགས་རྗེའི་གཏེར་ཆེན་སློབ་དཔོན་གྱིས༔ རྡོ་རྗེ་རྣམ་པར་འཇོམས་པ་ཡི༔ སྨིན་གྲོལ་དབང་མཆོག་སྩལ་དུ་གསོལ༔ ལན་གསུམ། ཐོག་མར་སྦྱོར་བའི་རིམ་པ་བླ་མ་དང་གཉིས་སུ་མེད་པའི་རྡོ་རྗེ་རྣམ་པར་འཇོམས་པ་ལ་སྐྱབས་ཡུལ་རྒྱ་མཚོའི་ཚོགས་ཀྱིས་བསྐོར་བ་མངོན་སུམ་བཞུགས་པའི་སྤྱན་སྔར་བདག་གཞན་མཁའ་མཉམ་གྱི་འགྲོ་བ་མཐའ་དག་བྱང་ཆུབ་མ་ཐོབ་ཀྱི་བར་དུ་སྐྱབས་སུ་འགྲོ་བ་དང༌། སྨོན་པ་དང༌། འཇུག་པའི་བདག་ཉིད་ཅན་གྱི་སེམས་བསྐྱེད་པ་འདིའི་རྗེས་ཟློས་མཛོད། བདག་དང་མཁའ་མཉམ་འགྲོ་བ་མ་ལུས་ཀུན༔ སྐྱབས་གནས་རྒྱ་མཚོའི་ཚོགས་ལ་སྐྱབས་སུ་མཆི༔ མཐའ་ཀླས་སྲིད་པའི་ཁམས་རྣམས་བསྒྲལ་བའི་ཕྱིར༔ རྡོ་རྗེ་འཛིན་པའི་གོ་འཕང་སྒྲུབ་པར་བགྱི༔ ལན་གསུམ།

ཚོགས་ཞིང་དེ་དག་གི་སྤྱན་སྔར་བདག་གཞན་སེམས་ཅན་ཐམས་ཅད་ཀྱིས་སྒོ་གསུམ་སྤྱོད་ལམ་མཐུན་པར་ཕྱག་འཚལ་བ་སོགས་ཡན་ལག་བརྒྱད་པ་ཚུལ་བཞིན་དུ་བགྱིའོ་སྙམ་པས་འདིའི་རྗེས་ཟློས། རྡོ་རྗེ་སློབ་དཔོན་སོགས་ལན་གསུམ། མཁའ་ཁྱབ་ཀྱི་རྒྱལ་བ་སྲས་དང་བཅས་པའི་སྤྱན་སྔར་ལྷག་པའི་བྱང་ཆུབ་སེམས་དང་མ་བྲལ་བས་རྡོ་རྗེ་ཐེག་པ་ཐུན་མོང་མ་ཡིན་པའི་སྡོམ་པ་རིགས་ལྔ་སྤྱི་དང་བྱེ་བྲག་ཁྱད་པར་གྱིས་བསྡུས་པའི་དམ་ཚིག་རྣམས་ལེགས་པར་བླང་ཏེ་བསྲུང་སྙམ་པས་འདིའི་རྗེས་ཟློས། ཨོཾ། བདེ་བར་གཤེགས་པ་ཁྱེད་ཅི་འདྲ། །དེ་འདྲ་ཁོ་ནར་བདག་གྱུར་ཅིག །སྤྱོད་པ་རྨད་བྱུང་བསམ་ཡས་པ། །འགྲོ་ལ་ཕན་ཕྱིར་བདག་གིས་སྤྱད། །བྱང་ཆུབ་སེམས་མཆོག་དམ་པ་དང༌། །སྐུ་གསུང་ཐུགས་ཀྱི་ཕྱག་རྒྱ་འདི། །སྲོག་གི་ཕྱིར་ཡང་མི་གཏོང་ན། །རྡོ་རྗེ་རྒྱལ་པོས་བྱིན་རླབས་མཛོད། །དུས་ངན་ཐ་མའི་འཇིག་རྟེན་འདིར། །སངས་རྒྱས་མཛད་དཀའ་བདག་གིས་བསྒྲུབ། །བྱང་ཆུབ་སྤྱོད་དཀའ་བདག་གིས་སྤྱད། །རྡོ་རྗེ་རྣལ་འབྱོར་དཀྱིལ་འཁོར་འདིར། །བདག་ཅག་བསམ་པ་རྫོགས་གྱུར་ཅིག །ལན་གསུམ། དངོས་གཞི་བྱིན་རླབས་ཀྱི་གཞི་དགོད་པ་ལ། སྒོ་གསུམ་གྱི་གནད་གཅུན་ཏེ་དམིགས་པ་འདི་བཞིན་དུ་མཛོད། སློབ་དཔོན་གྱི་ཐུགས་ཀའི་འོད་ཀྱིས་སློབ་མའི་མ་དག་པའི་སྣང་བ་ཐམས་ཅད་སྟོང་པར་སྦྱངས་པར་བསམས་ལ། ཨོཾ་སྭཱ་བྷ་ཝཱ་ཤུདྡྷཿསརྦ་དྷརྨཱ་སྭ་བྷཱ་ཝ་ཤུདྡྷོ་྅ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་སྣོད་བཅུད་རྣམ་པར་དག་པ་རྡོ་རྗེའི་ཞིང་ཁམས་ཆེན་པོའི་དབུས་སུ་པད་ཉིའི་གདན་གྱི་སྟེང་བཅོམ་ལྡན་འདས་རྡོ་རྗེ་རྣམ་པར་འཇོམས་པ་སྐུ་མདོག་ལྗང་སྔོན་ཞལ་གཅིག་ཕྱག་གཉིས་སྤྱན་གསུམ། སྒེག་ཅིང་ཁྲོ་བོའི་ཉམས་ཅན། རལ་པའི་ཅོད་པན་གྱིས་མཛེས་པ། ཕྱག་གཡས་རྡོ་རྗེ་རྒྱ་གྲམ་ཕྱོགས་གསུམ་པ་ཐུགས་ཀར་གསོར་ཞིང༌། གཡོན་དཀུར་བརྟེན་ནས་འགྱིང་བ། དར་སྔོན་པོའི་སྟོད་གཡོག་དང་ཚི་གུའི་སྨད་དཀྲིས་ཅན། རིན་པོ་ཆེའི་རྒྱན་བརྒྱད་ཀྱིས་བརྒྱན་པ། སེམས་དཔའི་སྐྱིལ་ཀྲུང་གིས་རོལ་པའོ། །དེའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ་ལས་འོད་ཟེར་ཕྱོགས་བཅུའི་ཞིང་རབ་འབྱམས་སུ་འཕྲོས་པས་སངས་རྒྱས་བྱང་སེམས་རྩ་གསུམ་ལྷ་ཚོགས་ཐམས་ཅད་རྡོ་རྗེ་རྣམ་པར་འཇོམས་པའི་དཀྱིལ་འཁོར་གྱི་ལྷ་ཚོགས་ཀྱི་སྐུ་དང་ཡིག་འབྲུ་ཕྱག་མཚན་གཟི་བྱིན་འོད་ཕུང་གི་རྣམ་པར་ཁ་ཆར་བུ་ཡུག་འཚུབས་པ་བཞིན་དུ་བྱོན་ནས་ཁྱེད་རང་རྣམས་ཀྱི་སྤྱི་བོ་ནས་མར་ལུས་ངག་ཡིད་གསུམ་ལ་སིབ་སིབ་ཐིམ་པས་རྒྱུད་བྱིན་གྱིས་བརླབས་པའི་མོས་པ་མཛོད་ཅིག །སྤོས་རོལ་དབྱངས་བཅས། ཧཱུྃ༔ དག་པ་རབ་འབྱམས་ཆོས་སྐུའི་ཕོ་བྲང་ནས༔ ལོངས་སྤྱོད་ཡོངས་རྫོགས་རྡོ་རྗེ་རྣམ་པར་འཇོམས༔ སྤྲུལ་སྐུའི་ཚུལ་གྱིས་འགྲོ་དོན་སྒྲུབ་སླད་དུ༔ ཐུགས་རྗེ་ཐུགས་དམ་དབང་གིས་གནས་འདིར་གཤེགས༔ ཨོཾ་བཛྲ་བུདྡྷ་རཏྣ་ས་པ་རི་ཝཱ་ར་ཨེ་ཧྱ་ཧི་ཛཿཧཱུྃ་བྃ་ཧོཿ ཨོཾ་བཛྲ་ཨཱ་བེ་ཤ་ཡ་ཨ་ཨཱཿ ཞེས་བརྗོད་ཅིང་བྱིན་དབབ་ཏིཥྛ་བཛྲས་བརྟན་པར་བྱ། དབང་དངོས་ལ་སྐུ་བུམ་པའི་དབང་གི་སླད་དུ་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་པས་དབང་གི་ལྷ་ནམ་མཁའ་གང་བར་སྤྱན་དྲངས་པ་དང་ལྷན་ཅིག་ཏུ་བཀྲ་ཤིས་པའི་རྣམ་པ་དུ་མ་དང་ལྡན་པས་རིན་པོ་ཆེའི་བུམ་པ་རྡོ་རྗེ་བདུད་རྩིའི་ཆུ་རྒྱུན་གྱིས་གང་བས་ཁྱེད་རང་རྣམས་ཀྱི་སྤྱི་བོ་ནས་ཁྲུས་བྱས་ཤིང་དབང་བསྐུར་བའི་མོས་པ་མཛོད། རྣམ་བུམ་བཏེགས་ལ། ཧཱུྃ༔ བུམ་པ་ཟླུམ་པོ་སྤྲོས་བྲལ་ཆོས་སྐུའི་ཀློང་༔ ལོངས་སྤྱོད་ཡོངས་རྫོགས་སྤྲུལ་པའི་དཀྱིལ་འཁོར་ལྷ༔ འོད་ཞུ་བདུད་རྩིའི་རྒྱུན་གྱིས་དབང་བསྐུར་བས༔ ཕུང་ཁམས་སྐྱེ་མཆེད་སྒྲིབ་གཉིས་དག་པར་ཤོག༔ ན་མཿཙཎྜ་བཛྲ་ཀྲོ་དྷཱ་ཡ༔ ཧུ་ལུ་ཧུ་ལུ༔ ཏིཥྛ་ཏིཥྛ༔ བྷནྡྷ་བྷནྡྷ༔ ཧ་ན་ཧ་ན༔ ཨ་མྲྀ་ཏེ་ཧཱུྃ་ཕ¿ཊ༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ལྟར་བཅོམ་ལྡན་འདས་རྡོ་རྗེ་རྣམ་པར་འཇོམས་པ་ཆེན་པོ་བྱང་ཆུབ་ཀྱི་སེམས་སུ་ཞུ་བའི་རྡོ་རྗེ་བདུད་རྩིའི་རྒྱུན་གྱིས་ཁྱེད་རང་གི་ལུས་ཀྱི་ནང་ཐམས་ཅད་གང༌། གྲིབ་དང་མི་གཙང་བ་ཐམས་ཅད་བྱང༌། བདེ་བ་ཆེན་པོ་ཉམས་སུ་མྱོང༌། ཆུའི་ལྷག་མ་སྤྱི་བོར་འཁྱིལ་པ་ལས་རིགས་ཀྱི་བདག་པོ་རྡོ་རྗེ་སེམས་དཔའི་དབུ་བརྒྱན་པར་གྱུར། དེས་སྐུ་བུམ་པའི་དབང་ཐོབ། ལུས་ཀྱི་སྒྲིབ་པ་དག་སྐུ་ཕྱག་རྒྱའི་རྣལ་འབྱོར་བསྒོམ་པ་ལ་དབང་བར་བྱས་པ་ཡིན་ནོ། །གཉིས་པ་གསུང་བཟླས་པའི་ལུང་སྦྱིན་ཅིང་དབང་བསྐུར་བའི་སླད་དུ། སློབ་དཔོན་དང་མདུན་བསྐྱེད་དབྱེར་མེད་པའི་ཐུགས་ཀའི་ཧཱུྃ་ཡིག་སྔགས་ཕྲེང་དང་བཅས་པ་ལས་སྔགས་ཕྲེང་གཉིས་པ་བྱུང་ཞལ་ནས་ཐོན་ཁྱེད་རང་གི་ཞལ་དུ་ཞུགས་ཐུགས་ཀའི་ཧཱུྃ་ཡིག་གི་མཐར་འཁོད་པར་བསམ་ལ་ཆེ་བ་བརྗོད་པ་ཚར་གཅིག་བཀླག །གཟུངས་དངོས་ཀྱི་རྗེས་ཟློས་ལན་གསུམ་བྱར་གཞུག །དང་པོས་བྱིན་གྱིས་བརླབས། གཉིས་པས་དབྱེར་མེད་དུ་འདྲེས། གསུམ་པས་བརྟན་པར་བྱས་པའི་མོས་པ་བྱ། མཐར་ཕན་ཡོན་ཚར་གཅིག་བཀླག །དེ་བརྟན་པར་བྱ་བའི་སླད་དུ་སྔགས་ཀྱི་ཕྲེང་བ་མགྲིན་པར་བཞག་ཏེ་དབང་བསྐུར་བའི་མོས་པ་མཛོད།

སྔགས་བྱང་སྔགས་ཕྲེང་མགྲིན་པར་བཞག་ལ། ཧཱུྃ༔ བཅོམ་ལྡན་གསང་བའི་བདག་པོའི་ཡེ་ཤེས་ལས༔ ཡོངས་ཤར་ཐབས་ཤེས་ཟུང་འཇུག་ཡི་གེའི་སྤྲིན༔ ནུས་པ་སྔགས་ཀྱི་ཕྲེང་བས་དབང་བསྐུར་བས༔ འགྲོ་འོང་རླུང་གི་སྒྲིབ་གཉིས་དག་གྱུར་ཅིག༔ ཝཱ་ཀ་ཨ་བྷི་ཥིཉྩ་ཨཱཿ དེས་གསུང་གསང་བའི་དབང་ཐོབ། ངག་གི་དྲི་མ་དག །གསུང་བཟླས་བརྗོད་བྱེད་པ་ལ་དབང་བར་བྱས་པ་ཡིན་ནོ། །ཐུགས་ཀྱི་དབང་བསྐུར་བའི་སླད་དུ། །སློབ་དཔོན་མདུན་བསྐྱེད་དང་བཅས་པའི་ཁྲོ་རྒྱལ་ཆེན་པོའི་ཐུགས་ཀ་ནས་ཐུགས་གཉིས་སུ་མེད་པའི་ཡེ་ཤེས་ཀྱི་ངོ་བོ་རྡོ་རྗེ་མཐིང་ནག་རྩེ་ལྔ་པ་བྱུང་ཁྱེད་རང་རྣམས་ཀྱི་སྙིང་གར་ཐིམ་པས་རྒྱུད་བྱིན་གྱིས་བརླབས་པའི་མོས་པ་དང་བཅས་ཏེ་འོད་གསལ་རྣམ་པར་མི་རྟོག་པའི་དབྱིངས་སུ་མཉམ་པར་འཇོག་མཛོད། རྡོ་རྗེ་སྙིང་གར་བཞག་ལ། ཧཱུྃ༔ ཆོས་ཅན་སྣང་བའི་དངོས་པོར་ཇི་སྙེད་ཀུན༔ ཆོས་ཉིད་བདེ་སྟོང་ཟུང་འཇུག་རྡོ་རྗེའི་དབྱིངས༔ ཡེ་ཤེས་ལྷ་ཡི་ཐུགས་ཀྱི་དབང་བསྐུར་བས༔ གཟུང་འཛིན་རྟོགས་ཚོགས་སྒྲིབ་གཉིས་དག་པར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ དེས་ཐུགས་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་སྒྲིབ་པ་དག །ཐུགས་གཉིས་མེད་ཡེ་ཤེས་བསྒོམ་པ་ལ་དབང་བར་བྱས་པ་ཡིན་ནོ། །ཕོ་ཉའི་ལམ་ལས་སྐྱེས་པའི་དཔེའི་ཡེ་ཤེས་ཀྱི་རང་ངོར་བལྟས་ཏེ་མཉམ་པར་བཞག་པས་དོན་དམ་དཔེ་བྲལ་ལྷན་ཅིག་སྐྱེས་པའི་ཡེ་ཤེས་རིག་སྟོང་ནམ་མཁའ་ལྟ་བུའི་དགོངས་པ་ཤེལ་དང་མེ་ལོང་གི་བརྡས་ངོ་སྤྲད་པ་མངོན་དུ་གྱུར་པ་དེ་ཉིད་བསྐྱང་བར་ཞུ། ཤེལ་རྡོ་དང་མེ་ལོང་བསྟན་ལ། ཧཱུྃ༔ དཔེ་ཡི་ཐབས་ལས་བྱུང་བའི་ཉམས་མྱོང་ནི༔ དོན་དམ་ལྷན་སྐྱེས་རྡོ་རྗེ་རྣམ་པར་འཇོམས༔ ཀ་དག་ལྷུན་གྲུབ་དབྱེར་མེད་དབང་བསྐུར་བས༔ རྩ་རླུང་ཐིག་ལེའི་སྒྲིབ་གཉིས་དག་གྱུར་ཅིག༔ ཛྙཱ་ན་ཨ་བྷི་ཥིཉྩ་ཧྲཱིཿ དེས་ཡེ་ཤེས་རྡོ་རྗེའི་དབང་བཞི་པ་ཐོབ། སྒོ་གསུམ་ཆ་མཉམ་པའི་སྒྲིབ་པ་དག །རྫོགས་པ་ཆེན་པོ་བསྒོམ་པ་ལ་དབང༌། ངོ་བོ་ཉིད་སྐུ་འགྲུབ་པའི་སྐལ་བ་ཅན་དུ་བྱས་པ་ཡིན་ནོ། །དེ་བརྟན་པར་བྱ་བའི་སླད་དུ། གཏོར་མ་འདི་བཅོམ་ལྡན་འདས་རྡོ་རྗེ་རྣམ་པར་འཇོམས་པ་དངོས་སུ་གསལ་བ་ཁྱེད་རང་རྣམས་ཀྱི་སྤྱི་བོར་སྤྱན་དྲངས་ཤིང་བྱིན་གྱིས་བརླབ་པའི་མོས་པ་མཛོད། གཏོར་མ་མགོར་བཞག་ལ། ཧཱུྃ༔ ཕྱི་སྣོད་དག་པ་རབ་འབྱམས་རྡོ་རྗེའི་གྲོང་༔ ནང་བཅུད་ཡི་དམ་ལྷ་ཡི་དཀྱིལ་འཁོར་བཞུགས༔ དེང་འདིར་སྐལ་ལྡན་ཁྱོད་ལ་དབང་བསྐུར་བས༔ ཕྲིན་ལས་རྣམ་བཞི་ལྷུན་གྱིས་གྲུབ་པར་ཤོག༔ ཤཱནྟིཾ་པུཥྟིཾ་ཝཱ་ཤཾ་མཱ་ར་ཡ་ཨ་བྷི་ཥིཉྩ་ཧཱུྃ༔ མཐར་གཏོར་མའི་ལྷ་ཚོགས་རྣམས་འོད་དུ་མེར་གྱི་ཞུ་སྟེ་ཁྱེད་རང་རྣམས་ལ་གཉིས་སུ་མེད་པར་ཐིམ་པས་ཁྱེད་རང་རྣམས་ཀྱི་ལུས་ངག་ཡིད་གསུམ་དང༌། བཅོམ་ལྡན་འདས་རྡོ་རྗེ་རྣམ་པར་འཇོམས་པའི་སྐུ་གསུང་ཐུགས་བྱང་ཆུབ་སྙིང་པོའི་བར་དུ་དབྱེར་མི་ཕྱེད་པར་གྱུར་ནས། ཡོན་ཏན་དང་ཕྲིན་ལས་རྒྱ་མཚོར་དབང་འབྱོར་པ་ལ་སློབ་དཔོན་མདུན་བསྐྱེད་དང་བཅས་པས་མེ་ཏོག་གི་ཆར་འབེབས་ཤིང་ཤིས་པ་བརྗོད་པས་ཚིགས་སུ་བཅད་པས་ཀྱང་མངའ་གསོལ་བའི་མོས་པ་མཛོད། ཅེས་མཚམས་སྦྱར་ལ་ཤིས་བརྗོད་ཇི་ལྟར་འོས་པ་བྱ་ཞིང་མེ་ཏོག་འཐོར། རོལ་མོ་བསྒྲག །རྒྱས་པར་སྤྲོ་ན་བཀྲ་ཤིས་རྫས་རྟགས་རིན་ཆེན་བདུན་སོགས་ཀྱིས་ཀྱང་མངའ་གསོལ་བྱ། རྩ་བའི་དབང་བསྐུར་འདི་ཡན་ཆད་ཀྱིས་གྲུབ་ལ། རྗེས་འབྲེལ་ཁྲུས་ཀྱི་ཆོ་ག་བྱེད་ན། གཏོར་དབང་གི །ཡོན་ཏན་དང་ཕྲིན་ལས་རྒྱ་མཚོ་ལ་དབང་འབྱོར་པ་ཡིན་ནོ། །ཞེས་པའི་རྗེས། དེ་དག་གིས་དབང་བཞི་མཐའ་རྟེན་དང་བཅས་པ་ལེགས་པར་གྲུབ་ནས། རྗེས་འབྲེལ་ཉམས་གྲིབ་སེལ་བ་ཁྲུས་ཀྱི་ཆོ་ག་བགྱི་བ་ལ་ཐུགས་དམིགས་འདི་ལྟར་གནང་མཛོད། རང་གི་སྙིང་ག་ནས་འོད་ཟེར་འཕྲོས་པས་ཁྲོ་བོ་རྡོ་རྗེ་རྣམ་པར་འཇོམས་པ་ལ་སངས་རྒྱས་དང་བྱང་ཆུབ་སེམས་དཔའ་ཁྲོ་བོ་བཅུའི་ཚོགས་ཀྱིས་བསྐོར་བ་མདུན་གྱི་ནམ་མཁར་ཨོཾ་བཛྲ་ས་མ་ཛཿས་སྤྱན་དྲངས་ལ། ཨོཾ་བཛྲ་བི་ད་ར་ཎ་ས་པ་རི་ཝ་ར་ཨརྒྷཾ་སོགས་ཀྱིས་མཆོད།

དེ་བཞིན་གཤེགས་པ་ཐམས་ཅད་ཀྱི། །མཐུ་སྟོབས་གཅིག་ཏུ་གྱུར་པ་ནི། །རྡོ་རྗེ་ཁྲོ་བོའི་སྐུར་སྟོན་པ། །རྣམ་པར་འཇོམས་ལ་ཕྱག་འཚལ་བསྟོད། །ཅེས་བསྟོད། སྤྱན་དྲངས་པའི་ལྷ་རྣམས་དང་བུམ་པའི་ལྷ་དབྱེར་མེད་པ་ནམ་མཁའ་གང་བའི་ལྷ་ཚོགས་རྣམས་ཀྱིས་རིན་པོ་ཆེའི་བུམ་པ་ནས་ཡེ་ཤེས་ཀྱི་བདུད་རྩིའི་ཆུས་ཁྲུས་མཛད་པས་ཁྱེད་རང་གི་ནད་གདོན་སྡིག་སྒྲིབ་ཐམས་ཅད་བུ་ག་དང་བ་སྤུའི་ཁུང་བུ་རྣམས་ནས་དུད་ཁུ་འཛག་པ་ལྟར་ནག་ཉིལ་གྱིས་ཐོན་ནས་ལུས་དུང་དཀར་པོའི་རྡུལ་ཕྱིས་པ་ལྟར་སྦྱངས་ཤིང་ཡེ་ཤེས་ཀྱི་བདུད་རྩིས་ངང་ཆིལ་གྱིས་གང་བར་མོས་ལ། རྣམ་བུམ་གྱི་ཁྲུས་ཆུས་བཀྲུས་ཏེ། ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ བསྐྱེད་པ་སྐུ་ཡི་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ ལུས་ཀྱི་གྲིབ་དང་མི་གཙང་དང་༔ ནད་གདོན་སྡིག་སྒྲིབ་དག་གྱུར་ཅིག༔ གཟུངས་སྔགས་དང༌། ཀཱ་ཡ་བི་ཤྭ་དྷ་ན་སརྦ་ཤནྟིཾ་ཀུ་རུ་ཡེ་སྭཱ་ཧཱ༔ ནད་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ གདོན་ཐམས་ཅད༴ བགེགས་ཐམས་ཅད༴ གྲིབ་ཐམས་ཅད༴ མི་གཙང་བ་ཐམས་ཅད༴ སྡིག་པ་ཐམས་ཅད༴ སྒྲིབ་པ་ཐམས་ཅད༴ བར་དུ་གཅོད་པ་དང་མི་མཐུན་པའི་ཕྱོགས་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱཿ ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ བཟླས་པ་སྔགས་ཀྱི་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ ངག་གི་གྲིབ་དང་མི་གཙང་དང་༔ ནད་གདོན་སྡིག་སྒྲིབ་དག་གྱུར་ཅིག །གཟུངས་སྔགས་མཐར། ཝ་ཀ་བི་ཤོདྷ་ན་སརྦ་ཤནྟིཾ་ཀུ་རུ་ཡེ་སྭཱ་ཧཱ༔ ནད་ཐམས་ཅད༴ གདོན་ཐམས་ཅད་སོགས་སྔ་མ་ལྟར་སྦྱར། ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ འོད་གསལ་ཡེ་ཤེས་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ ཡིད་ཀྱི་གྲིབ་དང་མི་གཙང་དང་༔ ནད་གདོན་སྡིག་སྒྲིབ་དག་གྱུར་ཅིག༔ གཟུངས་སྔགས་མཐར། ཙིཏྟ་བི་ཤོ་དྷ་ན་སརྦ་ཤནྟིཾ་ཀུ་རུ་ཡེ་སྭཱ་ཧཱ༔ ནད་ཐམས་ཅད༴ གདོན་ཐམས་ཅད་སོགས་སྔར་ལྟར་འགྲེ༔ ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ གསང་གསུམ་དབྱེར་མེད་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ སྒོ་གསུམ་གྲིབ་དང་མི་གཙང་དང་༔ ནད་གདོན་སྡིག་སྒྲིབ་དག་གྱུར་ཅིག༔ གཟུངས་སྔགས་མཐར། ཀཱ་ཡ་ཝ་ཀ་ཙིཏྟ་བི་ཤོ་དྷ་ན་སརྦ་ཤནྟིཾ་ཀུ་རུ་སྭཱ་ཧཱ༔ ནད་ཐམས་ཅད༴ གདོན་ཐམས་ཅད་སོགས། སྤྲོ་ན་ཡེ་ཤེས་རྣམ་ལྔ་དང་༔ ཕར་ཕྱིན་དྲུག་གི་ཁྲུས་ཀྱང་བྱ༔ ཞེས་གསུངས་པས་རྒྱས་པར་བྱ་ན། ཧཱུྃ༔ བདུད་རྩིའི་ཆུ་བོ་ཁྲུས་ཀྱི་རྫིང་༔ མེ་ལོང་ཡེ་ཤེས་རང་བཞིན་གྱིས༔ ཉོན་མོངས་ཞེ་སྡང་ལས་གྱུར་པའི༔ མི་མཐུན་ཕྱོགས་ཀུན་ཞི་གྱུར་ཅིག༔ སྔགས་མཐར། ཉོན་མོངས་ཞེ་སྡང་ལས་གྱུར་པའི་བརྟན་གཡོའི་རྟེན་འབྲེལ་ལོག་པའི་རྒུད་པ་ཐམས་ཅད༔ ཧཱུྃ༔ བདུད་རྩིའི་ཆུ་བོ༴ ཆོས་དབྱིངས་ཡེ་ཤེས༴ ཉོན་མོངས་གཏི་མུག༴ མི་མཐུན༴ སྔགས་མཐར། ཉོན་མོངས་པ་གཏི་མུག་ལས་གྱུར་པའི་བརྟན་གཡོའི་རྟེན་འབྲེལ༴ ཧཱུྃ༔ བདུད་རྩིའི་ཆུ་བོ༴ མཉམ་ཉིད་ཡེ་ཤེས༴ ཉོན་མོངས་ང་རྒྱལ༴ མི་མཐུན༴ སྔགས་མཐར། ཉོན་མོངས་པ་ང་རྒྱལ་ལས་གྱུར་པའི་བརྟན་གཡོའི༴ ཧཱུྃ༔ བདུད་རྩིའི་ཆུ་བོ༴ སོར་རྟོག་ཡེ་ཤེས་རང་བཞིན༴ ཉོན་མོངས་འདོད་ཆགས་ལས༴ མི་མཐུན་ཕྱོགས་ཀུན༴ སྔགས་མཐར། ཉོན་མོངས་པ་འདོད་ཆགས་ལས་གྱུར་པའི་བརྟན་གཡོའི་རྟེན་འབྲེལ་ལོག་པའི་རྒུད་པ་ཐམས་ཅད་ཤནྟིཾ་ཀུ་རུ་སྭཱ་ཧཱ༔ ཧཱུྃ༔ བདུད་རྩིའི་ཆུ་བོ་ཁྲུས་ཀྱི་རྫིང་༔ བྱ་གྲུབ་ཡེ་ཤེས་རང་བཞིན་གྱིས༔ ཉོན་མོངས་ཕྲག་དོག་ལས་གྱུར་པའི༔ མི་མཐུན་ཕྱོགས་ཀུན་ཞི་གྱུར་ཅིག༔ སྔགས་མཐར། ཉོན་མོངས་པ་ཕྲག་དོག་ལས་གྱུར་པའི་བརྟན་གཡོའི༴ ཧཱུྃ༔ རང་བྱུང་ཡེ་ཤེས་བདུད་རྩིའི་ཆུས༔ བརྟན་གཡོའི་རྒུད་པ་ཀུན་སྦྱངས་ནས༔ ཀློང་ལྔའི་དབྱིངས་ལས་རིག་པའི་གདངས༔ རྟག་ཏུ་བཀྲ་ཤིས་འཕེལ་གྱུར་ཅིག༔ གཟུངས་སྔགས་དང་རྟེན་འབྲེལ་སྙིང་པོ་བརྗོད་ཅིང་བཀྲུའོ། །ཧཱུྃ༔ འདི་ནི་སྦྱིན་པའི་རང་བཞིན་ཆུ། སེར་སྣའི་དྲི་མ་སྦྱོང་མཛད་པ། །གཏོང་བ་དྲི་ཡིས་ལེགས་བགོས་ཆུས། །ཁྲུས་ལེགས་མཛད་ཀྱིས་ཁྲུས་བགྱིའོ། །གཟུངས་སྔགས་མཐར། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ༔ ཞེས་ཁྲུས་སྔགས་གདགས་པས་བཀྲུ། དེ་བཞིན་དུ། འདི་ནི་ཚུལ་ཁྲིམས༴ འཆལ་བའི༴ སྲུང་བ༴ ཁྲུས་ལེགས༴ གཟུངས་སྔགས་དང་ཁྲུས་སྔགས། འདི་ནི་བཟོད་པའི༴ ཁོང་ཁྲོའི༴ བྱམས་པའི༴ ཁྲུས་ལེགས༴ སྔགས་མཐར། འདི་ནི་བརྩོན་འགྲུས༴ ལེ་ལོའི༴ བརྩོན་པའི༴ ཁྲུས་ལེགས༴ སྔགས་མཐར། འདི་ནི་བསམ་གཏན༴ རྣམ་གཡེངས༴ ཏིང་འཛིན༴ ཁྲུས་ལེགས༴ སྔགས་མཐར༴ འདི་ནི་ཤེས་རབ༴ ཤེས་འཆལ༴ ཡེ་ཤེས༴ ཁྲུས་ལེགས༴ སྔགས་མཐར། ནད་ཐམས་ཅད་ཤནྟིཾ་ཀུ་རུ་སོགས་སྔ་མ་ལྟར་ལན་གཅིག་སྦྱར། ཞེས་བརྗོད་པའི་དོན་བཞིན་ཕྱི་ནང་གི་དྲི་མ་ཐམས་ཅད་དག་པར་བསམ་ལ་བུམ་ཆུས་སྤྱི་བོ་ནས་བླུགས་ཏེ་བཀྲུ། གལ་ཏེ་དངོས་སུ་བཀྲུར་མི་རུང་ན་མེ་ལོང་སོགས་ལ་ཤར་བའམ་གཟུགས་བརྙན་ལའང་བཀྲུར་རུང་བར་གསུངས། མཐར་སྨྲེ་བརྩེགས་ཀྱི་སྔགས་དང༌། ཨེ་ཧོ་ཤུདྡྷེ་སོགས་འབྱུང་བ་ལྔའི་ཁྲུས་སྔགས་ཀྱང་སྦྱར་ན་ལེགས་པའི་ཕྱག་སྲོལ་མཛད་མ་སྦྱར་ཀྱང་ཆད་སྐྱོན་མེད།

དེ་ནས་བྱབས་པ་ནི། ཁྲུས་ཆུ་ཅུང་ཟད་ཁར་འཛིན་བཅུག་ལ། བྱབས་པ་དང་མཉམ་དུ་ཕྱིར་འདོར་དུ་བཅུག་ཏེ། སློབ་དཔོན་ཀྱི་ཀུ་ཤ་དང་རྨ་བྱའི་སྒྲོ་ཆུན་རྡོ་རྗེ་དང་བཅས་པས་བྱབས་པའི་མོད་ལ་མདུན་གྱི་ལྷ་ཚོགས་རྣམས་སྐུ་ལས་ཡེ་ཤེས་ཀྱི་འོད་ཟེར་བྱུང་བ་ཁྱེད་རང་ལ་ཕོག་པས་ནད་གདོན་སྡིག་སྒྲིབ་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླངས་པ་ལྟར་བསྡུས་ཏེ་མདུན་དུ་བྱབས་པར་གྱུར། ཁྲུས་གླུད་བྱེད་ན་མདུན་གྱི་ཁྲུས་གླུད་ལ་ཐིམ་པར་གྱུར། ཞེས་བརྗོད་ལ་ཀུ་ཤ་རྨ་བྱའི་སྒྲོ་ཆུན་རྡོ་རྗེ་དང་བཅས་པ་ལག་པ་གཡས་སུ་ཐོགས་པས་སྒྲུབ་བྱའི་སྤྱི་བོ་ནས་རྐང་པའི་བར་དུ་བྱབས་ལ། ཧཱུྃ༔ སངས་རྒྱས་ཀུན་གྱི་ཡེ་ཤེས་སྐུ༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་བདེན་སྟོབས་ཀྱིས༔ བསྒྲུབ་བྱའི་ལུས་ཀྱི་ནད་གདོན་བགེགས༔ གྲིབ་དང་མི་གཙང་སྡིག་སྒྲིབ་ཀུན༔ ཐམས་ཅད་བྱང་ཞིང་དག་གྱུར་ཅིག༔ གཟུངས་སྔགས་མཐར། ཀཱ་ཡ་བི་ཤོ་དྷ་ན་ཨ་པ་ནཱ་ཡེ་སྭཱ་ཧཱ༔ ནད་ཐམས་ཅད་ཨ་པ་ནཱ་ཡེ་སྭཱ་ཧཱ༔ གདོན་ཐམས་ཅད༴ བགེགས་ཐམས་ཅད༴ གྲིབ་ཐམས་ཅད༴ མི་གཙང་བ་ཐམས་ཅད༴ སྡིག་པ༴ སྒྲིབ་པ༴ བར་དུ་གཅོད་པ་དང་མི་མཐུན་པའི་ཕྱོགས་ཐམས་ཅད་ཨ་པ་ནཱ་ཡེ་སྭཱ་ཧཱ༔ ཧཱུྃ༔ སངས་རྒྱས་ཀུན་གྱི་ཡེ་ཤེས་གསུང་༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་བདེན་སྟོབས་ཀྱིས༔ བསྒྲུབ་བྱའི་ངག་གི་ནད་གདོན་བགེགས༔ གྲིབ་དང་མི་གཙང་སྡིག་སྒྲིབ་ཀུན༔ ཐམས་ཅད་བྱང་ཞིང་དག་གྱུར་ཅིག༔ སྔགས་དང་སྤེལ་ཚིག་སྦྱར༔ ཧཱུྃ༔ སངས་རྒྱས་ཀུན་གྱི་ཡེ་ཤེས་ཐུགས༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་བདེན་སྟོབས་ཀྱིས༔ བསྒྲུབ་བྱའི་ཡིད་ཀྱི་ནད་གདོན་བགེགས༔ གྲིབ་དང་མི་གཙང་སྡིག་སྒྲིབ་ཀུན༔ ཐམས་ཅད་བྱང་ཞིང་དག་གྱུར་ཅིག༔ སྔགས་དང་སྤེལ་ཚིག་སྔ་མ་ལྟར་སྦྱར་བས་བྱབས། རྒྱས་པར་སྤྲོ་ན་འབྱུང་བཞི་སོ་སོའི་རྫས་ཀྱི་སློབ་མ་ལ་བསྐོར་ཞིང་སྐུ་གླུད་ཀྱི་ནང་སོགས་སུ་དོར། ཀུ་ཤ་དང་རྨ་བྱའི་ཆུན་པོའི་བྱབས་ལ། ཁྱེད་རྣམས་ལ་འབྱུང་བ་བཞི་པོ་སོ་སོའི་རྫས་ཀྱིས་བསྐོར་ཞིང་དོར་བས་དེ་དག་ལས་བྱུང་བའི་ནད་གདོན་གྲིབ་ཀྱི་ཚོགས་ཐམས་ཅད་སངས་ཀྱིས་བསལ། དག་བྱེད་དགེ་བའི་རྫས་ཀུ་ཤ་དང་རྨ་བྱའི་ཆུན་པོས་བྱབས་པས་དུ་བ་རླུང་གི་བདས་པ་ལྟར་མི་མཐུན་པའི་ཕྱོགས་ཐམས་ཅད་སངས་ཀྱིས་དག་པར་མོས་མཛོད། ཧཱུྃ༔ ས་ནི་དུག་གི་ཕ་ཡིན་ཏེ༔ ས་ནི་དུག་གི་མ་ཡང་ཡིན༔ སངས་རྒྱས་ཀུན་གྱི་སྐུ་གསུང་ཐུགས༔ གཅིག་བསྡུས་བཅོམ་ལྡན་གསང་བའི་བདག༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་ནུས་སྟོབས་དང་༔ ལྷ་སྔགས་ཡེ་ཤེས་རོལ་པ་ཡིས༔ བདེན་པའི་བདེན་ཚིག་འདི་བརྗོད་པས༔ ཁྱེད་ཀྱི་བད་ཀན་ལས་གྱུར་ནད༔ ལྕི་ཞིང་འཐིབས་པའི་རིགས་རྣམས་ཀུན༔ འབྱུང་བ་ས་ཡི་ཀློང་དུ་ཐིམ༔ ནད་དང་སྡུག་བསྔལ་བྲལ་བར་ཤོག༔ གཟུངས་སྔགས་མཐར། སརྦ་རོ་གེ་བྷྱ༔ ལཾ་ཧོ་ཤུདྡྷེ་ཤུདྡྷེ་ཡེ་སྭཱ་ཧཱ༔ ཆུ་ནི་དུག་གི་ཕ་ཡིན་ཏེ༔ ཆུ་ནི་དུག་གི་མ་ཡང་ཡིན༔ སངས་རྒྱས་ཀུན་གྱི་སྐུ་གསུང་ཐུགས༔ གཅིག་བསྡུས་བཅོམ་ལྡན་གསང་བའི་བདག༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་ནུས་སྟོབས་དང་༔ ལྷ་སྔགས་ཡེ་ཤེས་རོལ་པ་ཡི༔ བདེན་པའི་བདེན་ཚིག་འདི་བརྗོད་པས༔ ཁྱོད་ཀྱི་ཁྲག་དང་ཆུ་སེར་ནད༔ ཞེན་ཅིང་ཁྱབ་པའི་རིགས་རྣམས་ཀུན༔ འབྱུང་བ་ཆུ་ཡི་ཀློང་དུ་ཐིམ༔ ནད་དང་སྡུག་བསྔལ་བྲལ་བར་ཤོག༔ གཟུངས་སྔགས་མཐར། སརྦ་རོ་གེ་བྷྱ༔ བཾ་ཧོ་ཤུདྡྷེ་ཤུདྡྷེ་ཡེ་སྭཱ་ཧཱ༔ མེ་ནི་དུག་གི་ཕ་ཡིན་ཏེ༔ མེ་ནི་དུག་གི་མ་ཡང་ཡིན༔ སངས་རྒྱས་ཀུན་གྱི༴ གཅིག་བསྡུས་བཅོམ་ལྡན༴ རྡོ་རྗེ་རྣམ་པར༴ བྱིན་རླབས༴ ལྷ་སྔགས་ཡེ་ཤེས༴ བདེན་པའི་བདེན་ཚིག༴ ཁྱོད་ཀྱི་མཁྲིས་པ་ལས་གྱུར་ནདཿ ཚ་ཞིང་བསྲེགས་པའི་རིགས་རྣམས་ཀུན༔ འབྱུང་བ་མེ་ཡི་ཀློང་དུ་ཐིམ༔ ནད་དང་སྡུག་བསྔལ་བྲལ་བར་ཤོག༔ གཟུངས་སྔགས་མཐར། སརྦ་རོ་གེ་བྷྱ༔ རཾ་ཧོ་ཤུདྡྷེ་ཤུདྡྷེ་ཡེ་སྭཱ་ཧཱ༔ རླུང་ནི་དུག་གི་ཕ་ཡིན་ཏེ༔ རླུང་ནི་དུག་གི་མ་ཡང་ཡིན༔ སངས་རྒྱས་ཀུན་གྱི་སྐུ་གསུང་ཐུགས༔ གཅིག་བསྡུས་བཅོམ་ལྡན༴ རྡོ་རྗེ་རྣམ་པར༴ བྱིན་རླབས༴ ལྷ་སྔགས༴ བདེན་པའི༴ ཁྱེད་ཀྱི་རླུང་ལས་གྱུར་པའི་ནད༔ ཡངས་ཤིང་གཡོ་བའི་རིགས་རྣམས་ཀུན༔ འབྱུང་བ་རླུང་གི་ཀློང་དུ་ཐིམ༔ ནད་དང་སྡུག་བསྔལ་བྲལ་བར་ཤོག༔ གཟུངས་སྔགས་མཐར། སརྦ་རོ་གེ་བྷྱ༔ ཡཾ་ཧོ་ཤུདྡྷེ་ཤུདྡྷེ་ཡེ་སྭཱ་ཧཱ། ཀུ་ཤ་དང་རྨ་བྱས་བྱབས་ལ། སླར་ཡང་དཀོན་མཆོག་གསུམ་གྱི་བདེན་པའི་སྟོབས་བརྗོད། དེ་བྱབས་པས་བཞི་བརྒྱ་རྩ་བཞིའི་ནད་ཀྱི་རྒྱུ་འབྲས་ཐམས་ཅད་བྱང་ཞིང་དག་ནས་སྒོ་གསུམ་ཤེལ་སྒོང་ལྟར་གྱུར་པའི་མོས་པ་མཛོད༔ འདོད་ཆགས་ཞེ་སྡང་གཏི་མུག་གསུམ༔ འདི་དག་འཇིག་རྟེན་དུག་གསུམ་སྟེ༔ བཅོམ་ལྡན་སངས་རྒྱས་དུག་མི་མངའ༔ སངས་རྒྱས་བདེན་པས་དུག་བཅོམ་མོ༔ བསྒྲུབ་བྱའི་ལུས་ངག་ཡིད་གསུམ་ལ༔ དུག་གསུམ་རྒྱུ་ལས་སྐྱེས་པ་ཡི༔ བཞི་བརྒྱ་རྩ་བཞིའི་ནད་རྣམས་ཀུན༔ ཐམས་ཅད་བྱང་ཞིང་དག་གྱུར་ཅིག༔ གཟུངས་སྔགས་མཐར། ཀཱ་ཡ་ཝཱ་ཀ་ཙིཏྟ་སརྦ་རོ་གེ་བྷྱ༔ ཨ་པ་ནཱ་ཡེ་སྭཱ་ཧཱ༔ རླུང་ལས་གྱུར་པའི་ནད་ཐམས་ཅད་ཨ་པ་ནཱ་ཡེ་སྭཱ་ཧཱ༔ མཁྲིས་པ་ལས་གྱུར་པའི་ནད་ཐམས་ཅད་ཨ་པ་ནཱ་ཡེ་སྭཱ་ཧཱ༔ བད་ཀན་ལས་གྱུར་པའི་ནད་ཐམས་ཅད༴ ལྡན་པ་ལས་གྱུར་པའི་ནད༴ འདུས་པ་ལས་གྱུར་པའི་ནད་ཐམས་ཅད་ཨ་པ་ནཱ་ཡེ་སྭཱ་ཧཱ༔ དེ་བཞིན་ཐོག་མཐའ་འདྲ་བ་ལ། སྐྱོབས་པ་དམ་ཆོས་དུག་མི་མངའ༔ དམ་ཆོས་བདེན་པས་དུག་བཅོམ་མོ༔ འཕགས་པའི་དགེ་འདུན་དུག་མི་མངའ༔ དགེ་འདུན་བདེན་པས་དུག་བཅོམ་མོ༔ ཞེས་ཁ་བསྒྱུར་བས་བྱབས། བུམ་པའི་ཆུས་ཁྲུས་བྱས་ལ། སླར་ཡང་ལྷ་ཚོགས་རྣམས་ཀྱིས་བདུད་རྩིའི་ཆུ་རྒྱུན་གྱི་ཁྲུས་མཛད་པས་བཞི་བརྒྱ་རྩ་བཞིའི་ནད་ཀྱི་ཚོགས་ཐམས་ཅད་ལྷག་མེད་དུ་བཀྲུས་པར་མོས་མཛོད།

ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ ངོ་བོ་ཆོས་སྐུའི་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ ཡོངས་གྲུབ་ཚེ་ཡི་ནད་ཀྱི་རིགས༔ བཞི་བརྒྱ་རྩ་བཞི་ཞི་གྱུར་ཅིག༔ གཟུངས་སྔགས་མཐར། ཀཱ་ཡ་ཝཱ་ཀ་ཙིཏྟ་སརྦ་རོ་གེ་བྷྱ༔ ཤིནྟཾ་ཀུ་རུ་ཡེ་སྭཱ་ཧཱ༔ རླུང་ལས་གྱུར་པའི་ནད་ཐམས་ཅད་ཤིནྟཾ༴ མཁྲིས་པ་ལས་གྱུར་པའི་ནད་ཐམས་ཅད༴ བད་ཀན་ལས་གྱུར་པའི༴ ལྡན་པ་ལས༴ འདུས་ལས་གྱུར་པའི༴ རྡོ་རྗེ་རྣམ་པར་འཇོམས་པ་ཡི༔ རང་བཞིན་ལོངས་སྐུའི་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ གཞན་དབང་སྔོན་ལས་ལས་གྱུར་ནད༔ བཞི་བརྒྱ་རྩ་བཞི་ཞི་གྱུར་ཅིག །གཟུངས་སྔགས་མཐར། ཀཱ་ཡ་ཝཱ་ཀ་ཙིཏྟ་སརྦ་རོ་གེ་བྷྱ༔ ཤིནྟཾ་ཀུ་རུ་ཡེ་སྭཱ་ཧཱ༔ རླུང་ལས་གྱུར་པའི་ནད་ཐམས་ཅད་སོགས་སྔ་མ་ལྟར་སྦྱར། རྡོ་རྗེ་རྣམ་པར་འཇོམས་པ་ཡི༔ ཐུགས་རྗེ་སྤྲུལ་སྐུའི་བདུད་རྩིའི༴ དེང་འདིར་ཁྱོད་ལ་ཁྲུས༴ ཀུན་བརྟགས་གདོན་ལས་གྱུར་པའི་ནད༔ བཞི་བརྒྱ་རྩ་བཞི་ཞི་གྱུར་ཅིག༔ གཟུངས་སྔགས་མཐར། ཀཱ་ཡ་ཝཱའ་ཀ་ཙིཏྟ་སརྦ་རོ་གེ་བྷྱ༔ ཤིནྟཾ་ཀུ་རུ་ཡེ་སྭཱ་ཧཱ༔ རླུང་ལས་གྱུར་སོགས། རྡོ་རྗེ་རྣམ་པར་འཇོམ་པ༴ སྐུ་གསུམ་དབྱེར་མེད་བདུད་རྩིའི་ཆུས༔ དེང་འདིར༴ ལྟར་སྣང་འཕྲལ་རྐྱེན་ལས་གྱུར་ནད༔ བཞི་བརྒྱ་རྩ་བཞི་ཞི་གྱུར་ཅིག༔ གཟུངས་སྔགས་མཐར། ཀཱ་ཡ་ཝཱ་ཀ་ཙིཏྟ་སརྦ་རོ་གེ་བྷྱ༔ ཤཱིནྟཾ་ཀུ་རུ་ཡེ་སྭཱ་ཧཱ༔ རླུང་ལས་སོགས། འབྱུང་བཞིའི་གཏོར་མ་ལ་ཆབ་ཀྱིས་བྲན། རཾ་ཡཾ་ཁཾ་གིས་བསང་སྦྱང༌། སྟོང་པའི་ངང་ལས་བྷཱུྃ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ངོ་བོ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྣམ་པ་འབྱུང་བ་སོ་སོའི་བྱེད་ལས་དང་མཚན་ཉིད་ཐམས་ཅད་ཚང་བར་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ། ལན་གསུམ། གླུད་གཏོར་བསང་སྦྱངས། སྟོང་པའི་ངང་ལས་གླུད་གཏོར་ཕུང་ཁམས་སྐྱེ་མཆེད་ཐམས་ཅད་ཚང་ཞིང་མཛེས་པ་འདོད་དགུའི་འབྱོར་པ་དང་བཅས་པར་གྱུར། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅ཧཾཿ ལན་གསུམ། རྫས་རྣམས་རང་བཞིན་གྱིས་རྣམ་པར་དག་པའི་སྟོང་པ་ཉིད་དུ་གྱུར། ན་མཿསརྦ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཏད་ཁཾ་ཨུད་ག་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། འདོད་པའི་ཡོན་ཏན་ལྔ་ཟད་མི་ཤེས་པས་ནམ་མཁའ་གང་བར་གྱུར། ཨོཾ་བཛྲ་ཨམྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊཿ ཡོ་བྱད་ཐམས་ཅད་བདུད་རྩིའི་རྒྱ་མཚོར་གྱུར། ཨོཾ་ན་མ་སརྦ་ཐཱ་ག་ཏ་ཨ་ཝ་ལོ་ཀེ་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། ཡོ་བྱད་ཐམས་ཅད་སོ་སོའི་བསམ་པ་དང་མཐུན་པར་གྱུར། ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མཿས་མནྟ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲཱི་ད་ཡ་ཛྭ་ལ་ནི་ཧཱུྃ། ཡོ་བྱད་ལ་མགྲོན་རྣམས་འཐབ་རྩོད་མེད་པར་ལོངས་སྤྱོད་པར་གྱུར། ན་མཿས་མནྟ་བུདྡྷ་ནཾ་གྲ་ཧེ་ཤྭ་རི་པྲ་བྷཉྫ་ཏི་མ་ཧཱ་ས་མ་ཡ་སྭཱ་ཧཱ༔ མགྲོན་རྣམས་ཐམས་ཅད་བདག་གི་དབང་དུ་བསྡུས་པར་གྱུར། ན་མོ། བདག་གི་བསམ་པའི་སྟོབས་དག་དང༌། །དེ་བཞིན་གཤེགས་པའི་སྦྱིན་སྟོབས་དང༌། །ཆོས་ཀྱི་དབྱིངས་ཀྱྀ་སྟོབས་རྣམས་ཀྱིས། །ལན་ཆགས་མགྲོན་རྣམས་བརྔན་པ་དང༌། །སེམས་ཅན་ཀུན་ལ་ཕན་གདགས་སླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ནི་མ་ལུས་པ། །ཐོགས་པ་མེད་པ་འབྱུང་གྱུར་ཅིག །ཞེས་བདེན་པའི་སྟོབས་བརྗོད་པས་ཀྱང་བྱིན་གྱིས་རླབས་པ་རྒྱ་ཆེར་སྤེལ་སྟེ། མགྲོན་བཀུག་པ་ནི། འདོད་རྒྱལ་གྱི་སྔགས་དང་ཕྱག་རྒྱ་བྱས་ལ།

ན་མོ། །སངས་རྒྱས་ཀྱི་བཀའ་བདེན་པ་དང༌། ཆོས་ཀྱི་བཀའ་བདེན་པ་དང༌། དགེ་འདུན་གྱི་ བཀའ་བདེན་པ་དང༌། གསང་སྔགས་དང༌། རིག་སྔགས་དང༌། གཟུངས་སྔགས་དང༌། སྙིང་པོ་དང༌། ཕྱག་རྒྱ་ཏིང་ངེ་འཛིན་གྱི་བདེན་པ་དང༌། ཁྱད་པར་དུའང་བཅོམ་ལྡན་འདས་ཁྲོ་བོའི་རྒྱལ་པོ་རྡོ་རྗེ་རྣམ་པར་འཇོམས་པའི་ལྷ་ཚོགས་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་མཐུ་ལས་བསྒྲུབ་བྱ་འདིའི་ལུས་ངག་ཡིད་གསུམ་ལ་གནོད་ཅིང་གདུག་པའི་སེམས་འཆང་བའི་གྲིབ་བདག་འབྱུང་བོ་གདུག་པ་ཅན་ཐམས་ཅད་གླུད་ཀྱི་གཏོར་མ་ལེན་པའི་ཆེད་དུ་སྐད་ཅིག་ཡུད་ཙམ་གྱིས་འདིར་མཆིས་པར་གྱུར་ཅིག །རྣམ་འཇོམས་གཟུངས་སྔགས་མཐར། ཨོཾ་བཛྲ་ཨ་ཀརྴ་ཡ་ཛཿ ཛཿཧཱུྃ་བྃ་ཧོཿ ལན་གསུམ། ཧཱུྃ༔ ང་ནི་བཅོམ་ལྡན་གསང་བའི་བདག༔ རྡོ་རྗེ་རྣམ་པར་འཇོམས་པ་སྟེ༔ སངས་རྒྱས་ཀུན་གྱི་མཐུ་སྟོབས་དང་༔ བྱིན་རླབས་ཐུགས་རྗེ་གཅིག་བསྡུས་ནས༔ གདུག་པ་འདུལ་བར་དབང་ཡང་བསྐུར༔ དེ་ཕྱིར་གདོན་བགེགས་འབྱུང་པོ་ཀུན༔ ང་ཡི་བཀའ་ལ་འདའ་མ་བྱེད༔ ཁྲོ་རྒྱལ་རྡོ་རྗེའི་སྐུ་ལས་ནི༔ འབྱུང་པོ་གང་ཞིག་འདའ་བྱེད་པའི༔ ལུས་ངག་ཡིད་གསུམ་རྡུལ་དུ་རློག༔ མིང་ཡང་གྲགས་པར་མི་འགྱུར་ཕྱིར༔ དེ་བས་དམ་ལ་གནས་པར་གྱིས༔ གཟུངས་སྔགས་ལན་གསུམ་བཟླ་ཞིང་རྡོ་རྗེ་གསོར་བས་འབྱུང་པོ་རྣམས་ནང་ལ་གནས་པར་བསམ་འབྲུ་གསུམ་དང་སཾ་བྷ་ར་བརྗོད། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ༴ དེ་བཞིན་གཤེགས་སྐུ་འབྱམས་ཀླས་ལ༴ དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། ཧཱུྃ། ཆོས་དབྱིངས་ཡེ་ཤེས་དེ་བཞིན་གཤེགས༔ རྣམ་པར་སྣང་མཛད་ཏིང་འཛིན་དང་༔ སངས་རྒྱས་ཀུན་གྱི་སྐུ་གསུང་ཐུགས༔ མཐུ་སྟོབས་བྱིན་རླབས་གཅིག་བསྡུས་པ༔ གསང་བའི་བདག་པོའི་བཀའ་བྱུང་གི༔ ཤར་ཕྱོགས་སྟོང་གི་འཇིག་རྟེན་ན༔ གནས་པའི་ལྷ་སྲིན་སྡེ་བརྒྱད་དང་༔ མ་རིག་གཏི་མུག་ལས་བྱུང་བའི༔ ཀླུ་གདོན་སུམ་བརྒྱ་དྲུག་ཅུ་ཀུན༔ འབྱུང་བ་ས་ཡི་དྭངས་མའི་བཅུད༔ གཅིག་བསྡུས་འདོད་ཡོན་རྒྱ་མཚོའི་སྤྲིན༔ གླུད་གཏོར་བཟང་པོ་འདི་ཁྱེར་ལ༔ བསྒྲུབ་བྱའི་ལུས་ངག་ཡིད་གསུམ་ལ༔ བཟུང་བ་ཐོང་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཐེག༔ ཕྱིན་ཆད་གནོད་འཚེའི་བསམ་སྦྱོར་སྤོངས༔ གལ་ཏེ་བཀའ་ལས་འདའ་བྱེད་ན༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་ལས་སྤྲུལ་པའི་ཁྲོ་བོའི་རྒྱལ༔ གཏི་མུག་རྣམ་དག་ཧེ་རུ་ཀ༔ རྡོ་རྗེ་གཏུམ་པོ་ཐུགས་ཁྲོས་ནས༔ འབར་བའི་མཚོན་ཆ་སྣ་ཚོགས་ཀྱིས༔ ལུས་ངག་ཡིད་གསུམ་རྡུལ་དུ་བརླག༔ དེ་བས་ད་ལྟ་ཕྱིར་དེངས་ཤིག༔ ཨོཾ་བུདྡྷ་མ་ཧཱ་ཀྲོ་དྷ་ཧ་ན་ཧ་ན་ཧཱུྃ་ཕཊ༔ ཧཱུྃ༔ མཉམ་ཉིད་ཡེ་ཤེས་འདོད་དགུའི་གཏེར༔ རིན་ཆེན་འབྱུང་ལྡན་ཏིང་འཛིན་དང་༔ སངས་རྒྱས་ཀུན་གྱི་སྐུ་གསུང་ཐུགས༔ མཐུ་སྟོབས་བྱིན་རླབས་གཅིག་བསྡུས་པ༔ གསང་བའི་བདག་པོའི་བཀའ་བྱུང་གི༔ ལྷོ་ཕྱོགས་སྟོང་གི་འཇིག་རྟེན་ན༔ གནས་པའི་ལྷ་སྲིན་སྡེ་བརྒྱད་དང་༔ མ་རིག་ང་རྒྱལ་ལས་བྱུང་བའི༔ ཕོ་གདོན་སུམ་བརྒྱ་དྲུག་ཅུ་ཀུན༔ འབྱུང་བ་ཆུ་ཡི་དྭངས་མའི་བཅུད༔ གཅིག་བསྡུས་འདོད་ཡོན་རྒྱ་མཚོའི་སྤྲིན༔ གླུད་གཏོར་བཟང་པོ་འདི་ཁྱེར་ལ༔ བསྒྲུབ་བྱའི་ལུས་ངག་ཡིད་གསུམ་ལ༔ བཟུང་བ་ཐོང་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཐེག༔ ཕྱིན་ཆད་གནོད་འཚེའི་བསམ་སྦྱོར་སྤོངས༔ གལ་ཏེ་བཀའ་ལས་འདའ་བྱེད་ན༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་ལས་བྱུང་བའི་ཁྲོ་བོའི་རྒྱལ༔ ང་རྒྱལ་རྣམ་དག་ཧེ་རུ་ཀ༔ རྡོ་རྗེ་བེ་ཅོན་ཐུགས་ཁྲོས་ནས༔ འབར་བའི་མཚོན་ཆ་སྣ་ཚོགས་ཀྱིས༔ ལུས་ངག་ཡིད་གསུམ་རྡུལ་དུ་བརླག༔ དེ་བས་རང་རང་ཕྱིར་དེངས་ཤིག༔ ཨོཾ་རཏྣ་མ་ཧཱ་ཀྲོ་དྷ་ཏིཥྛ་ཧཱུྃ་ཕཊ༔ ཧཱུྃ༔ སོར་རྟོག་ཡེ་ཤེས་པདྨའི་རིགས༔ སྣང་བ་མཐའ་ཡས་ཏིང་འཛིན་དང་༔ སངས་རྒྱས་ཀུན་གྱི་སྐུ་གསུང་ཐུགས༔ མཐུ་སྟོབས་བྱིན་རླབས༴ གསང་བའི་བདག་པོའི༴ ནུབ་ཕྱོགས་སྟོང་གི༴ གནས་པའི་ལྷ་སྲིན༴ མ་རིག་འདོད་ཆགས་ལས་བྱུང་བའི༔ མོ་གདོན་སུམ་བརྒྱ་དྲུག་ཅུ་ཀུན༔ འབྱུང་བ་མེ་ཡི་དྭངས་མའི་བཅུད༔ གཅིག་བསྡུས་འདོད་ཡོན༴ གླུད་གཏོར་བཟང་པོ༴ བསྒྲུབ་བྱའི་ལུས་ངག༴ བཟུང་བ་ཐོང་ལ༴ བསྡམ་པ་ཀློད་ལ༴ ཕྱིན་ཆད་གནོད་འཚེའི་བསམ༴ གལ་ཏེ་བཀའ་ལས༴ དུས་གསུམ་སངས་རྒྱས༴ གསུང་ལས་སྤྲུལ་པའི་ཁྲོ་བོའི་རྒྱལ༔ འདོད་ཆགས་རྣམ་དག་ཧེ་རུ་ཀ༔ རྡོ་རྗེ་ཐོ་བ་ཐུགས་ཁྲོས་ནས༔ འབར་བའི་མཚོན་ཆ༴ ལུས་ངག༴ དེ་བས་ད་ལྟ༴ ཨོཾ་པདྨ་མ་ཧཱ་ཀྲོ་དྷ་བནྡྷ་བྷནྡྷ་ཧཱུྃ་ཕཊཿ ཧཱུྃ༔ བྱ་གྲུབ་ཡེ་ཤེས་ལས་ཀྱི་རིགས༔ དོན་ཡོད་གྲུབ་པའི་ཏིང་འཛིན་དང་༔ སངས་རྒྱས་ཀུན་གྱི༴ མཐུ་སྟོབས་བྱིན་རླབས༴ གསང་བའི་བདག་པོའི༴ བྱང་ཕྱོགས་སྟོང་གི༴ གནས་པའི༴ མ་རིག་ཕྲག་དོག༴ སྣ་ཚོགས་འཁྲུལ་པའི་གདོན་བགེགས་ཀུན༔ འབྱུང་བ་རླུང་གི་དྭངས༴ གཅིག་བསྡུས༴ གླུད་གཏོར༴ བཟུང་བ་ཐོང་༴ བསྡམས་པ༴ ཕྱིན་ཆད་གནོད་འཚེའི༴ གལ་ཏེ་བཀའ་ལས༴ དུས་གསུམ་སངས་རྒྱས་ཐམས་ཅད་ཀྱི༔ ཕྲིན་ལས་སྤྲུལ་པའི་ཁྲོ་བོའི༴ ཕྲག་དོག་རྣམ་དག་ཧེ་རུ་ཀ༔ རྡོ་རྗེ་ཕུར་བུ་ཐུགས༴ འབར་བའི་མཚོན་ཆ༴ ལུས་ངག་ཡིད༴ དེ་བས་ད་ལྟ་ཕྱིར་དེངས་ཤིག༔ ཨོཾ་ཀརྨ་མ་ཧཱ་ཀྲོ་དྷ་ཧུ་ལུ་ཧུ་ལུ་ཧཱུྃ་ཕཊཿ གླུད་ཕྲན་དང་ཆང་བུ་རྣམས་རེ་རེ་བཞིན་སྣོད་དུ་བླུགས་ནས། རྃ་ཡྃ་ཁྃ༔ ཨོཾ་ཨཱཿཧཱུྃ༔ སཾ་བྷ་དང་མཚན་བཞི་བརྗོད། ཁྱེར་ཅིག་ཁྱེར་ཅིག་སྟོབས་ལྡན་རྣམས༔ སྲེད་དང་ཆགས་དང་ཞེན་པ་རྣམས༔ དྲན་དང་བཟུང་དང་བསམ་དང་རེག༔ ཀློད་དང་གྲོལ་དང་ཞི་བར་མཛོད༔ ཞེས་གྲངས་རྫོགས་ཀྱི་བར་བསྔོས་མཐར་གླུད་གཏོར་རྣམས་སྒྲུབ་བྱའི་འདྲེ་ལྔའམ་ཆུ་ཀླུང་སོགས་གནོད་པའི་ཕྱོགས་སུ་བསྐྱལ་ལ། བདེན་བརྗོད། ན་མོ། །སངས་རྒྱས་ཀྱི་བཀའ་བདེན་པ་དང༌། ཆོས་ཀྱི་བཀའ་བདེན་པ་དང༌། དགེ་འདུན་གྱི་ བཀའ་བདེན་པ་དང༌། གསང་སྔགས་དང༌། རིག་སྔགས་དང༌། གཟུངས་སྔགས་དང༌། སྙིང་པོ་དང༌། ཕྱག་རྒྱ་ཏིང་ངེ་འཛིན་གྱི་བདེན་པ་དང༌། ཁྱད་པར་དུའང་བཅོམ་ལྡན་འདས་རྣམ་པར་འཇོམས་པའི་ལྷ་ཚོགས་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་མཐུ་ལས་བསྒྲུབ་བྱ་འདིའི་ལུས་ངག་ཡིད་གསུམ་ལ་གནོད་ཅིང་གདུག་པའི་སེམས་འཆང་བའི་གྲིབ་བདག་འབྱུང་པོ་གདུག་པ་ཅན་ཐམས་ཅད་འདིར་མ་གནས་པར་གཞན་དུ་དེངས་ཤིག །གང་དག་མི་འགྲོ་བ་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་ཐུགས་དང་གཉིས་སུ་མེད་པའི་ཡེ་ཤེས་ཀྱི་རྡོ་རྗེ་རབ་ཏུ་འབར་བས་མགོ་བོ་ཚལ་པ་བརྒྱར་འགས་པར་གྱུར་ཅིག །ཅེས་གཏོར་མ་རྒྱང་རིང་དུ་དོར་ཞིང་ཡུངས་ཀར་གྱི་བྲབ། གུ་གུལ་གྱིས་བདུག །ཉེ་སྙིང་མཐར་ཧཱུྃ་བཞིའི་སྔགས་སྦྱར།

དེ་ནས་བསྲུང་བ་ནི། བདག་མདུན་གྱི་ཐུགས་ཀ་ནས་འོད་ཟེར་འཕྲོས་པས་བསྒྲུབ་བྱའི་ལུས་ཐམས་ཅད་རྡོ་རྗེར་བྱིན་གྱིས་བརླབས་ནས་རྡོ་རྗེའི་གོ་ཆས་གཏམས་ཏེ་ཅིས་ཀྱང་མི་ཤིགས་པར་གྱུར། ཅེས་བསམ་ལ། རྡོ་རྗེ་མགོ་བོ་དང༌། མགྲིན་པ། སྙིང་ག །དཔུང་པ། གཡས། གཡོན། ལྟེ་བ། སུམ་མདོ་རྣམས་སུ་བཞག་ལ། ཧཱུྃ༔ སངས་རྒྱས་ཀུན་གྱི་སྐུ་གསུང་ཐུགས༔ དབྱེར་མེད་གསང་བདག་དཔའ་བོ་ཆེའི༔ ལྷ་སྔགས་ཡེ་ཤེས་རོལ་པ་ཡིས༔ སྒོ་གསུམ་མི་མཐུན་ཕྱོགས་ལས་སྲུངས༔ གཟུངས་སྔགས་དང༌། ཀཱ་ཡ་ཝ་ཀ་ཙིཏྟ་སརྦ་ཛྙཱ་ན་བཛྲ་རཀྵ་རཀྵ་བྷྲཱུྃ༔ ནད་ཐམས་ཅད་རཀྵ་རཀྵ་ཡེ་སྭཱ་ཧཱ༔ གདོན་ཐམས་ཅད་རཀྵ༴ བགེགས་ཐམས༴ གྲིབ་ཐམས༴ མི་གཙང་བ༴ སྡིག་པ༴ སྒྲིབ་པ་ཐམས༴ བར་དུ་གཅོད་པ་དང་མི་མཐུན་པའི་ཕྱོགས་ཐམས་ཅད་རཀྵ་རཀྵ་ཡེ་སྭཱ་ཧཱ༔ དེ་ལྟར་བགྱིས་པས་ཉི་མ་དང་ཟླ་བ་གཟའ་སྒྲ་གཅན་གྱི་གནོད་པ་ལས་གྲོལ་བ་བཞིན་བསྒྲུབ་བྱ་འཁོར་དང་བཅས་པ་བདུད་དང་བར་ཆད་གདོན་བགེགས་སོགས་སྤང་བྱ་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ཏེ་ཤིན་ཏུ་བཀྲ་ཤིས་པར་གྱུར་པ་ལ། བླ་མ་དང་གཉིས་སུ་མེད་པའི་བཅོམ་ལྡན་འདས་རྡོ་རྗེ་རྣམ་པར་འཇོམས་པ་ལ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ལྷ་དང་དྲང་སྲོང་བདེན་ཚིག་གྲུབ་པའི་ཚོགས་ཀྱིས་བསྐོར་ཏེ་ཤིས་པ་བརྗོད་པའི་གླུ་དབྱངས་དི་རི་རི་སྒྲོག་ཅིང་མེ་ཏོག་མནྡཱ་རའི་ཆར་ཆེན་པོ་ཕབས་པས་དགེ་ལེགས་ཀྱི་སྣང་བས་ས་གསུམ་ཀུན་ཏུ་ཁྱབ་པར་བྱས་པའི་མོས་པ་མཛོད། གང་ལ་སེར་སྣ་རྣམ་ཆགས་པ། །རྣམ་བཅོམ་དྲི་མ་མེད་མཛད་ཅིང༌། །ཐུགས་ཞི་གནོད་པ་མི་མངའ་དེས། །ཁྱེད་ལ་བདེ་ལེགས་མཛད་པར་འགྱུར། །འདྲེན་པ་གང་ཞིག་འགྲོ་བ་རྣམས། །ཐར་པའི་ལམ་དུ་འཇུག་མཛད་ཕྱིར། །ཆོས་རྣམས་མ་ལུས་སྟོན་མཛད་དེས། །ཁྱེད་ལ་བདེ་ལེགས་མཛད་པར་འགྱུར། །སྟོན་པ་འགྲོ་བ་རྣམས་ཀྱི་རྟེན། །སེམས་ཅན་ཀུན་གྱི་དོན་གྱི་ཕྱིར། །གང་ལ་བདེ་བ་མངའ་མཛད་དེས། །ཁྱེད་ལ་བདེ་ལེགས་མཛད་པར་འགྱུར། །སྐྱོབ་པ་གང་ཞིག་བྱམས་པ་ཡི། །ཐུགས་ཀྱིས་འགྲོ་བ་འདི་དག་ཀུན། །བུ་གཅིག་བཞིན་དུ་རྟག་བསྐྱངས་དེས། །ཁྱེད་ལ་བདེ་ལེགས་མཛད་པར་འགྱུར། །གང་ཞིག་འཁོར་བར་འགྲོ་བ་ཡི། །སེམས་ཅན་ཀུན་གྱི་རྟེན་གྱུར་ཅིང༌། །གླིང་དང་དཔུང་གཉེན་གྱུར་པ་དེས། །ཁྱེད་ལ་བདེ་ལེགས་མཛད་པར་འགྱུར། །གང་ཞིག་ཆོས་ཀུན་མངོན་སུམ་མཛད། །གཙང་ཞིང་བཀྲུ་བ་མི་མངའ་ཡང༌། །གསུམ་གཙང་གཙང་མར་མཛད་པ་དེས། །ཁྱེད་ལ་བདེ་ལེགས་མཛད་པར་འགྱུར། །དཔའ་བོ་ཆེན་པོ་གང་སྐྱེས་པ། །ཕུན་སུམ་ཚོགས་དོན་འབྱོར་གྱུར་ཅིང༌། །དོན་འགྲུབ་ཚོགས་ཀྱང་གྲུབ་པ་དེས། །ཁྱེད་ལ་བདེ་ལེགས་མཛད་པར་འགྱུར། །གང་ཞིག་སྐྱེས་པས་ས་རྣམས་ནི། །ནགས་ཚལ་བཅས་པ་རབ་གཡོ་ཞིང༌། །སེམས་ཅན་ཐམས་ཅད་རབ་དགའ་དེས། །ཁྱེད་ལ་བདེ་ལེགས་མཛད་པར་འགྱུར། །བྱང་ཆུབ་སྙིང་པོར་གཤེགས་པ་ན། །ས་དག་རྣམ་དྲུག་གཡོས་གྱུར་ཅིང༌། །བདུད་ཡིད་མི་བདེར་གྱུར་པ་དེས། །ཁྱེད་ལ་བདེ་ལེགས་མཛད་པར་འགྱུར། །ཆོས་ཀྱི་འཁོར་ལོ་བསྐོར་བ་ན། །འཕགས་པའི་བདེན་པ་རྣམས་གསུང་ཤིང༌། །ཐུབ་པའི་སྙན་པ་གང་བྱུང་དེས། །ཁྱེད་ལ་བདེ་ལེགས་མཛད་པར་འགྱུར། །ཡིད་འཕྲོག་གང་ཞིག་མུ་སྟེགས་བྱེད། །ཐམས་ཅད་ཆོས་ཀྱི་ཕམ་མཛད་ཅིང༌། །ཚོགས་ཀུན་དབང་དུ་མཛད་པ་དེས། །ཁྱེད་ལ་བདེ་ལེགས་མཛད་པར་འགྱུར། །སངས་རྒྱས་ཁྱེད་ལ་བདེ་ལེགས་མཛད།

།བརྒྱ་བྱིན་ཚངས་པའི་ལྷ་རྣམས་དང༌། །འབྱུང་པོ་ཀུན་གྱི་བདེ་ལེགས་ནི། །ཁྱེད་ལ་རྟག་ཏུ་སྦྱིན་གྱུར་ཅིག །སངས་རྒྱས་བསོད་ནམས་མཐུ་དག་དང༌། །ལྷ་རྣམས་ཀུན་གྱི་བསམ་པ་ཡིས། །ཁྱེད་ཀྱི་འདོད་དོན་གང་ཡིན་པ། །དོན་དེ་དེ་རིང་འགྲུབ་གྱུར་ཅིག །རྐང་གཉིས་ཁྱེད་ཅག་བདེ་ལེགས་ཤོག །རྐང་བཞི་ཁྱེད་ཅག་བདེ་ལེགས་ཤོག །ཁྱེད་ཅག་ལམ་དུ་བདེ་ལེགས་ཤོག །ཕྱིར་འོང་དག་ཀྱང་བདེ་ལེགས་ཤོག །ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང༌། །ཁྱེད་ཅག་ཀུན་ཏུ་བདེ་ལེགས་གྱུར། །ཁྱེད་ཅག་སྡིག་པར་མ་གྱུར་ཅིག །རྡོ་རྗེའི་སློབ་མ་རྣམས་ཀྱི་གཙོར་བྱས་པའི་སྐྱེ་དགུ་ཐམས་ཅད་མི་མཐུན་པའི་ཕྱོགས་ཐམས་ཅད་ལས་ཤིན་ཏུ་རྒྱལ་ཞིང་བཀྲ་ཤིས་པར་གྱུར་ཅིག །ཅེས་སམ་བསྡུ་ན། མཆོག་གསུམ་གྱི་ཤིས་བརྗོད་ཅི་རིགས་པ་དང༌། །མེ་ལོང་ཡེ་ཤེས་རྒྱ་མཚོ་ཆེན་པོ་ཡིས། །ཡེ་ཤེས་རྒྱ་མཚོ་མཆོག་ཏུ་དག་གྱུར་ཏེ། །རྣམ་དག་ཆོས་ལ་ཐོགས་མེད་ལོངས་སྤྱོད་པའི། །བཀྲ་ཤིས་དེས་ཀྱང་སྒྲིབ་པ་དག་གྱུར་ཅིག །གི་ཝཾ་དུག་གསུམ་འཇོམས་པ་ནད་ཀྱི་སྨན། །སྨན་མཆོག་ཆོས་ཉིད་རབ་ཏུ་རྟོགས་གྱུར་ནས། །ཉོན་མོངས་ཟུག་རྔུ་མེད་པར་གྱུར་པ་ཡི། །བཀྲ་ཤིས་དེས་ཀྱང་སྡུག་བསྔལ་ཞི་གྱུར་ཅིག །ཞོ་ནི་ཀུན་གྱི་སྙིང་པོར་གྱུར་པ་སྟེ། །སྙིང་པོ་རྣམ་དག་ཡེ་ཤེས་རྣམས་རྟོགས་ཏེ། །ཡོན་ཏན་ཀུན་གྱི་དབྱིངས་སུ་གྱུར་པ་ཡིས། །བཀྲ་ཤིས་དེས་ཀྱང་དུག་གསུམ་ཞི་གྱུར་ཅིག །དཱུརྺས་ཚེ་ནི་འཕེལ་བར་བྱེད་པ་སྟེ། །རྡོ་རྗེ་སེམས་དཔའི་ཚེ་ནི་རབ་བསྒྲུབས་ནས། །ཉོན་མོངས་སྐྱེ་ཤི་རྒྱུན་ཆད་གྱུར་པ་ཡི། །བཀྲ་ཤིས་དེས་ནི་ཚེ་ཡང་འཕེལ་གྱུར་ཅིག །བིལྦ་རྒྱུ་རྐྱེན་འབྲས་བུར་བཅས་པའི་ཆོས། །འཇིག་རྟེན་འཇིག་རྟེན་འདས་པའི་སྤྱོད་པ་ཀུན། །བྱང་ཆུབ་སྙིང་པོ་མཆོག་ཏུ་གྱུར་པ་ཡི། །བཀྲ་ཤིས་དེས་ཀྱང་དོན་ཀུན་འགྲུབ་གྱུར་ཅིག །དུང་ནི་ཆོས་ཀྱི་སྒྲ་རྣམས་སྒྲོགས་པའི་ཚུལ། །ཡེ་ཤེས་རྒྱ་མཚོ་ཉིད་དུ་དག་གྱུར་ཏེ། །ཆོས་རྣམས་མ་ནོར་ཡོངས་སུ་སྟོན་པ་ཡི། །བཀྲ་ཤིས་དེས་ཀྱང་ཚིག་དབང་ཐོབ་གྱུར་ཅིག །ལི་ཁྲི་དམར་པོ་དབང་གི་རང་བཞིན་ཏེ། །ཆོས་རྣམས་མ་ལུས་དབང་དུ་བསྡུས་ནས་ཀྱང༌། །ཆོས་ཀྱི་རྒྱལ་སྲིད་རབ་ཏུ་བརྟན་གྱུར་པའི། །བཀྲ་ཤིས་དེས་ཀྱང་ཆོས་སྲིད་བརྟན་གྱུར་ཅིག །ཡུངས་ཀར་རྡོ་རྗེའི་རིགས་ཏེ་ཐམས་ཅད་དུ། །བགེགས་རྣམས་མ་ལུས་འཇོམས་པར་བྱེད་པ་ཡི། །མཐུ་སྟོབས་ཡོན་ཏན་ཕུན་སུམ་ཚོགས་གྱུར་པའི། །བཀྲ་ཤིས་དེས་ཀྱང་བགེགས་རྣམས་ཞི་གྱུར་ཅིག །ཅེས་བཀྲ་ཤིས་པའི་རྫས་བརྒྱད་པོ་རིམ་པ་བཞིན་གཏད་ནས་ཤིས་པར་བྱས་ལ། སྡིག་པ་ཐམས་ཅད་བྱང་བྱས་ནས། ཞེས་པ་ནས། སྡིག་པ་ཀུན་ལས་རྣམ་པར་ཐར། ཞེས་པའི་བར་གྱིས་ཕན་ཡོན་བཤད། དཀར་མངར་དང་སྨན་གྱི་ཁ་ཟས་སོགས་ཀྱང་སྒྲུབ་བྱ་ནད་པ་ཡིན་ན་སྟེར་བར་གསུངས། དེ་དག་ནི་ཁྲུས་ཀྱི་ཆོ་ག་རྒྱས་པར་བྱ་བའི་ཚུལ་ཏེ། གཞན་དུ་ན། བཀྲུ་བའི་སྐབས་ཡེ་ཤེས་ལྔ་དང་ཕར་ཕྱིན་དྲུག །བྱབས་པ་ལ་འབྱུང་ལྔའི་རྫས་དང་སྐུ་གསུང་ཐུགས་ཀྱིས་ཁྲུས། འབྱུང་བཞིའི་གླུད་གཏོར་དོར་བས་སྦྱང་བ་གསུམ་སྔོན་དུ་འགྲོ་བའི་བྱབས་ཁྲུས་སྤྱི་ལྟར་བྱས་ཀྱང་རུང་བར་མངོན་ནོ། །གང་ལྟར་ཡང༌། དེ་དག་གིས་རྡོ་རྗེ་རྣམ་པར་འཇོམས་པའི་དབང་ལེགས་པར་གྲུབ་པ་ཡིན་པས། འདི་ཉིད་ཡི་དམ་དུ་བཟུང་བ། དམ་ཚིག་སྤྱི་དང་བྱེ་བྲག་བསྲུང་སྙམ་པས་འདིའི་རྗེས་ཟློས། གཙོ་བོས་ཇི་ལྟར་སོགས་རྗེས་རྣམས་སྤྱི་ལྟར་བྱ། སློབ་དཔོན་གྱིས་མདུན་བསྐྱེད་ཀྱི་མཆོད་པ་བསང་སྦྱང་བྱིན་གྱིས་བརླབ། མཆོད་བསྟོད་དང༌། མ་རྙེད་ཡོངས་སུ་མ་ཚང་དང་སོགས་ཀྱི་མཐར་ཡི་གེ་བརྒྱ་པ་ལན་གསུམ་གྱིས་ནོངས་པ་བཤགས། མདུན་བསྐྱེད་རྟེན་ཡོད་ན་བརྟན་བཞུགས་དང༌། ཧོཿ སྣང་སྟོང་སྒྱུ་འཕྲུལ་དྲྭ་བའི་ཡེ་ཤེས་ལྷ༔ ཟུང་འཇུག་མཚན་མ་མེད་པའི་དབྱིངས་སུ་གཤེགས༔ རྟེན་དང་བརྟེན་པར་བཅས་པའི་དམ་ཚིག་པ༔ འོད་གསལ་སྨོན་པ་མེད་པའི་ཀློང་དུ་ཐིམ༔ ཨཱ་ཨཱ་ཨཱཿ ཨོཾ་ཨཱཿཧཱུྃ༔ སླར་ཡང་སྣང་བའི་རང་བཞིན་གདན་གསུམ་ལྷ༔ སྒྲར་གྲགས་རླུང་གི་འཁོར་ལོ་ཡི་གེའི་སྤྲིན༔ རྟོག་པ་རྟོག་མེད་རང་གྲོལ་གཉུག་མའི་ངང་༔ དུས་གསུམ་དུས་མེད་ཆེན་པོར་རྟག་ཏུ་སྤྱོད༔ བསྔོ་སྨོན་དང་ཤིས་བརྗོད་ནི། ཡེ་ཤེས་སྒྱུ་འཕྲུལ་དྲྭ་བའི་དཀྱིལ་འཁོར་དུ༔ བསྐྱེད་རྫོགས་ཟུང་འཇུག་དགེ་ཚོགས་ཅི་མཆིས་པ༔ འགྲོ་ཀུན་བླ་མེད་གོ་འཕང་ཐོབ་བྱའི་ཕྱིར༔ སྤྲོས་བྲལ་ཆོས་སྐུའི་དབྱིངས་སུ་བསྔོ་བར་བགྱི༔ ཕུང་ཁམས་བདེ་ཆེན་རྡོ་རྗེའི་སྐུར་སྨིན་ཅིང་༔ སྲོག་རྩོལ་འོད་གསལ་དབུ་མའི་ཀློང་དུ་རྫོགས༔ རིག་སྟོང་བརྗོད་བྲལ་གདོད་མའི་གཞི་དབྱིངས་སུ༔ རབ་འབྱམས་རྩ་གསུམ་གོ་འཕང་མངོན་གྱུར་ཤོག༔ སྤངས་རྟོགས་ཕྲིན་ལས་མཐར་ཕྱིན་རྫོགས་སངས་རྒྱས༔ དེས་གསུང་ཞི་བསིལ་བདུད་རྩི་དམ་པའི་ཆོས༔ ཚོགས་ཀྱི་མཆོག་གྱུར་འཕགས་པའི་དགེ་འདུན་ཏེ༔ བླ་མེད་དཀོན་མཆོག་གསུམ་གྱི་བཀྲ་ཤིས་ཤོག༔ ཅེས་སོགས་བརྗོད་པས་དགེ་ལེགས་སུ་བྱའོ། །འཁྲུལ་རྟོག་འཇི༵གས་མེ༵ད་མཁྱེ༵ན་དང་བརྩེ༵འི། །འོ༵ད་བརྒྱའི་སྣང་བའི་འཛུམ་ཟེར༵་གྱིས། བཀྲ༵་ཤིས༵་ཕན་བདེའི་པདྨོའི་ནགས། །གྲུབ་གཉིས་དཔ༵ལ་བརྒྱས་རྟག་ཏུ་འབྱོ༵ར། །རྩ་གསུམ་འོད་གསལ་སྙིང་ཐིག་གི་ཡི་དམ་ཐུགས་རྡོ་རྗེའི་རིགས་རྡོ་རྗེ་རྣམ་པར་འཇོམས་པའི་སྒྲུབ་ཐབས་དབང་ཆོག་དང་བཅས་པ་ཟབ་ལམ་བདུད་རྩིའི་གངྒ་ལེའུ་ཚན་བཅོ་ལྔ་རྡོ་རྗེ་ཐུགས་མཆོག་གྲུབ་པ་རྩལ་གྱིས་སྦྱར་བའོ། ༈

།མི་ཕྱེད་རྡོ༵་རྗེ༵་སེམས་དཔའི་ཡེ་ཤེས་ནི། །བདེ་ཆེན་ཐུག༵ས་ཀྱི་ཁྱབ་བདག་ཧེ་རུ་ཀ །མཆོ༵ག་དངོས་གྲུབ་པའི་རིག་འཛིན་རྩལ༵་འཆང་གི །བདེ་ཆེན་གཟི་བྱིན་འབར་བར་བདག་སྐྱོངས་ཤིག །རྩ་གསུམ་འོད་གསལ་སྙིང་ཐིག་གི་ཡི་དམ་ཡང་ཕུར་སྦྲགས་མ་ཁྲག་འཐུང་འདུས་པའི་དྲིལ་སྒྲུབ་ཀྱི་དབང་ལ། མཚན་མའི་དཀྱིལ་འཁོར་རྡུལ་ཚོན་དང་རས་བྲིས་གང་ཡང་རུང་བའི་དབུས་སུ་མཚན་དང་ལྡན་པའི་བྷནྡྷའི་ནང་རོ་རས་ཀྱིས་དཀྲིས་པའི་སྡོང་བུ་དགུ་པའི་ཞུན་ཆེན་གྱི་མར་མེ་བྱས་པ་དབུས་སུ་བཞག་ཏེ་མདུན་དུ་བླ་མའི་གཏོར་ཆེན་བཅས་ལ་སྨན་རཀ་དང་ཉེར་སྤྱོད་ཀྱིས་བསྐོར། ཕུར་པ་དང་ལས་བུམ། ཚོགས་གཏོར། སྔོན་འགྲོ་སོགས་སྤྱི་ལྟར་འདུ་བྱས་ལ། བརྒྱུད་འདེབས་དང༌། ཁྲག་འཐུང་འདུས་པའི་དྲིལ་སྒྲུབ་ཀྱིས་ལས་གཞུང་བསྲང་ལ་བདག་མདུན་ལ་དམིགས་པའི་བསྙེན་སྒྲུབ་ལས་སྦྱོར་གྱི་བཟླས་པ་བྱ། ལས་བུམ་གྱི་ནང་དུ་པད་ཉིའི་གདན་ལ་ཁྲོ་བོ་བདུད་རྩིའི་འཁྱིལ་བ་ལྗང་སེར་རྒྱ་གྲམ་དང་སྡིག་མཛུབ་མཛད་པ་ཁྲོ་བོའི་ཆས་ཐམས་ཅད་དང་ལྡན་པར་གསལ་བར་གྱུར། །དེ་ལ་དམིགས་ཏེ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། །ཞེས་བརྒྱ་རྩ་ཙམ་བཟླས་ལ། ལྷ་འོད་དུ་ཞུ་བས་ལས་ཐམས་ཅད་སྒྲུབ་པའི་ནུས་པ་དང་ལྡན་པར་གྱུར། །ཐུན་མཐར་དབྱངས་གསལ་རྟེན་སྙིང་མཆོད་བསྟོད་ཡིག་བརྒྱ་དང༌། ཆོས་སྐྱོང་གི་གསོལ་མཆོད། ཚོགས་དང་བསྐང་བཤགས་བཅས་སྔོན་དུ་འགྲོ་བས་བདག་ཉིད་དཀྱིལ་འཁོར་འཇུག་པས་གཞུང་ལྟར་དབང་ལེན་པའམ་རིག་པའི་མེ་ཏོག་དོར་ལ། སྨིན་པར་འོས་པའི་སློབ་མ་བོས་ཏེ། ཁྲུས་དང་བགེགས་བསྐྲད་སྲུང་འཁོར་སྔོན་དུ་འགྲོ་བས་སེམས་བསྐྱེད་གསལ་བཏབ་དང་བཅས། དེ་ཡང་སངས་རྒྱས་གཉིས་པ་སློབ་དཔོན་ཆེན་པོ་པདྨའི་ཞབས་ནི་ངེས་པའི་དོན་དུ་དཀྱིལ་འཁོར་རྒྱ་མཚོའི་ཁྱབ་བདག་དཔལ་ཧེ་རུ་ཀ་དངོས་སུ་བཞུགས་ཀྱང་ཚུར་མཐོང་གདུལ་བྱ་འདུལ་ཕྱིར་སྐུ་ཚེ་གཅིག་གི་སྟེང་དུ་རིག་འཛིན་རྣམ་པ་བཞིའི་གོ་འཕང་རིམ་གྱིས་བགྲོད་ཚུལ་བསྟན་པས་ན། བལ་ཡུལ་ཡང་ལེ་ཤོད་གཡའ་རི་གོང་གི་སྒྲུབ་ཕུག་ཏུ་དཔལ་ཆེན་པོ་ཡང་དག་ཧེ་རུ་ཀ་ཟླ་གམ་དགུ་པའི་དགོངས་པ་ལ་བརྟེན་ནས་ཕྱག་རྒྱ་ཆེན་པོ་མཆོག་གི་རིག་འཛིན་གྱི་ས་བརྙེས་ཚུལ་བསྟན་ཅིང༌། དེའི་ཚེ་མི་སྲུན་པའི་ལྷ་འདྲེ་གློག་མ་སྤྲིན་གྱིས་གུ་རུ་རིན་པོ་ཆེའི་དགོངས་པ་ལ་བར་དུ་གཅོད་མ་ནུས་ཀྱང་བལ་ཡུལ་དུ་ལོ་ཉེས་ནད་མུག་སོགས་བྱུང་བའི་བར་ཆད་བསལ་ཕྱིར་རྒྱ་གར་ནས་རྡོ་རྗེ་ཕུར་པའི་ཆོས་སྐོར་མི་ཁུར་གཉིས་སྤྱན་དྲངས་པ་གླེགས་བམ་ཕེབས་པ་ཙམ་གྱིས་བར་ཆད་ཀྱི་གཡུལ་ལས་རྒྱལ་བས་ཡང་ཕུར་སྦྲག་མའི་སྒྲུབ་སྐོར་ཉིད་དངོས་གྲུབ་མྱུར་ཞིང་བར་ཆད་མེད་པའི་ཟབ་ཁྱད་ཅན་དུ་གཟིགས་ནས་དེའི་སྒྲུབ་སྐོར་མཐའ་ཡས་པ་མཛད་པ་བཀའ་གཏེར་དག་སྣང་གི་བབས་སོ་དུ་མ་བཞུགས་པ་ལས་སྐབས་སུ་བབ་པ་འདི་ནི་པཎ་ཆེན་བི་མ་ལ་མི་ཏྲ་དང༌། མངའ་བདག་ཆོས་ཀྱི་རྒྱལ་པོ་ཁུ་དབོན་རྣམས་གཉིས་སུ་མེད་པའི་སྒྱུ་འཕྲུལ། འོད་གསལ་ཁྱབ་བརྡལ་གྱི་དགོངས་པ་རང་སྣང་རིས་མེད་ཀྱི་རྟོགས་གོམས་མཐར་སོན་པས་མཆོག་གི་དངོས་གྲུབ་མངོན་སུམ་དུ་བརྙེས་པའི་གཏེར་ཆེན་ཡོངས་ཀྱི་སྤྱི་མེས་པདྨ་མདོ་སྔགས་གླིང་པ་འོད་གསལ་སྤྲུལ་པའི་རྡོ་རྗེའི་བཀའ་བབས་བདུན་གྱི་བྱེ་བྲག་ཟབ་མོ་དགོངས་པའི་གཏེར་གྱི་ཆོས་སྡེ་རྩ་གསུམ་འོད་གསལ་སྙིང་ཐིག་གི་ཡི་དམ་གྱི་སྒྲུབ་སྡེ་ཆེན་པོ་བརྒྱད་ཀྱི་ཡ་གྱལ་ཁྲག་འཐུང་འདུས་པའི་དྲིལ་སྒྲུབ་ཞེས་བྱ་སྟེ་ཧེ་རུ་ཀ་གལ་པོའི་རྒྱུད་ལས། ཡང་དག་གྲུབ་པ་གཅིག་པུ་ནི། །སངས་རྒྱས་བདེ་ཆེན་ཀུན་འདུས་པ། །རྣལ་འབྱོར་ཟབ་མོ་སྐུ་གསུམ་རྫོགས། །མཁའ་འགྲོ་སྐུ་གསུམ་བདེ་མཆོག་བདེ། །ཞེས་གསུངས་པ་ལྟར་རྡོ་རྗེ་སེམས་དཔའ་དཀྱིལ་འཁོར་རྒྱ་མཚོའི་ཁྱབ་བདག་ཉིད་ཧེ་རུ་ཀ་སངས་རྒྱས་ཐམས་ཅད་མཉམ་པར་སྦྱོར་བའི་འཁོར་ལོའི་ཚུལ་དུ་སྒྲུབ་པ་འདི་ནི་རིགས་ཐམས་ཅད་ཀྱི་ཁྱབ་བྱེད་དྲུག་པའི་བདག་ཉིད་ཡིན་པས་ཞི་ཁྲོ་རབ་འབྱམས་བདེ་གཤེགས་སྒྲུབ་སྡེ་ཀུན་འདྲིལ་བཀའ་བརྒྱད་ལ་འདུ། དེ་ཡང་མཁའ་འགྲོ་སྒྱུ་མ་ཐུགས་རྡོ་རྗེ་བདེ་བ་མཆོག་ཡང་དག་ཧེ་རུ་ཀ་འདུས་པ་ཉིད་རྒྱུད་སྡེ་ཏནྟྲ་སྡེ་བཅོ་བརྒྱད་ལས་སྒྲུབ་པ་ལག་ལེན་དུ་སྟོན་པའི་རྒྱུད་སྡེ་ལྔ་ལས། ཐུགས་ཀྱི་ཏནྟྲ་ཧེ་རུ་རོལ་པའི་རྒྱུད་གལ་པོ་ཆེ་ཆུང་ལ་བརྟེན་ཅིང་སྒྲུབ་སྡཻ་ལྟར་ན། འཇིག་རྟེན་ལས་འདས་པའི་སྒྲུབ་སྡེ་ལྔའི་ཡ་གྱལ་མཆོག་གི་དངོས་གྲུབ་སྒྲུབ་པ་ལ་ཟབ་པ་ཧེ་རུ་ཀའི་སྤྱི་རྒྱུད་དང༌། འཇིག་རྟེན་ལས་འདས་པའི་མདོ་ལ་སོགས་པ་བསྟན་པའི་རྒྱུད་ལུང་གཉིས་ཀའི་སྙིང་པོ་སྟེ། བདེ་གཤེགས་སྒྲུབ་པ་ཆེན་པོ་བཀའ་བརྒྱད་ཀྱི་ཡང་ཟབ་བཅུད་དུ་དྲིལ་བའི་མན་ངག་གུ་རུའི་ཐུགས་དམ་མཐར་ཐུག་པ་འདི་ནི། སྔགས་གསར་མ་ལྟར་ན་མ་རྒྱུད་རིགས་དྲུག་གི་ནང་ཚན་དཔལ་ཧེ་རུ་ཀའི་རིགས་བདེ་མཆོག་དང་དགྱེས་རྡོར། གཉིས་མེད་རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོ་སོགས་ཤིན་ཏུ་ཟབ་པར་གྲགས་པ་རྣམས་དང༌། ངོ་བོ་གཅིག་པས་རྒྱ་བོད་མཁས་གྲུབ་ཀུན་གྱི་ཐུགས་དམ་གསང་བའི་ལྷ་མཆོག་ཁྱད་པར་ཅན་དང་སངས་རྒྱས་ཀུན་གྱི་ཕྲིན་ལས་ཀྱི་མངའ་བདག་དཔལ་ཆེན་རྡོ་རྗེ་ཕུར་པ་གཉིས་དཀྱིལ་འཁོར་གཅིག་ཏུ་སྒྲུབ་པའི་དབང་བསྐུར་བགྱིས་པ་ལ། འཇུག་པ་དང་དབང་གི་ཆོ་ག་གཉིས་སུ་ཡོད་པ་ལས། ཐོག་མར་འཇུག་པའི་ཆོས་རྣམས་ཞུ་བའི་ཡོན་དུ་མཎྜལ་ཕུལ། བླ་མ་དཔལ་ཧེ་རུ་ཀ་དངོས་སུ་གསལ་བ་ལ། མི་ཕྱེད་དད་པའི་གདུང་ཤུགས་དྲག་པོས་སྙིམ་པ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་མཛོད། ཧོཿ གསང་བ་མཆོག་གི་དགྱེས་པ་ན༔ ཐམས་ཅད་བདག་ཉིད་རྟག་བཞུགས་པའི༔ ཧེ་རུ་ཀ་དཔལ་སློབ་དཔོན་གྱིས༔ བདག་ཅག་ཡོངས་སུ་སྨིན་མཛད་གསོལ༔ ལན་གསུམ། དཔལ་ཆེན་ཡང་དག་ཧེ་རུ་ཀ་རང་སྣང་ཡེ་ཤེས་ཀྱི་དཀྱིལ་འཁོར་འཁོར་ལོ་རྩ་གསུམ་རྒྱལ་བ་ཆོས་སྲུང་དང་བཅས་པ་མཁའ་ཁྱབ་ཏུ་བཞུགས་པ་ལ་བདག་སོགས་སེམས་ཅན་ཐམས་ཅད་དེང་ནས་བྱང་ཆུབ་མ་ཐོབ་ཀྱི་བར་དུ་རྩེ་གཅིག་གུས་པ་ཆེན་པོས་སྐྱབས་སུ་འགྲོ་བ་དང༌། ཕ་མར་གྱུར་པའི་མཁའ་མཉམ་གྱི་འགྲོ་བ་མཐའ་དག་དཔལ་ཧེ་རུ་ཀའི་གོ་འཕང་མཆོག་ལ་དགོད་པར་བྱ། དེའི་གསང་བའི་དཀྱིལ་འཁོར་ཆེན་པོར་སྨིན་བྱེད་ཟབ་མོའི་སྒོར་ཞུགས་ཤིང་ལམ་རིམ་པ་གཉིས་ཀྱི་རྣལ་འབྱོར་ལ་བརྩོན་པ་བགྱིའོ་སྙམ་དུ་སེམས་བསྐྱེད་པ་འདིའི་རྗེས་ཟློས། ཧཱུྃ༔ གསང་བ་མཆོག་གི་དགྱེས་པ་ན༔ ཐམས་ཅད་བདག་ཉིད་རྟག་བཞུགས་པའི༔ བླ་མ་ཧེ་རུ་ཀ་དཔལ་ལ༔ སྐྱབས་གསོལ་བྱང་ཆུབ་སེམས་གཉིས་བསྐྱེད༔ ལན་གསུམ། རྒྱུད་རྣམ་པར་དག་པར་བྱ་བའི་སླད་དུ། ཞིང་མཆོག་དམ་པ་དེ་དག་གི་སྤྱན་སྔར་ཚོགས་གཉིས་བསགས་ཤིང་སྡིག་སྒྲིབ་སྦྱང་བ་དང་དགེ་རྩ་ཡོངས་སུ་སྤེལ་བར་བྱེད་པའི་དོན་དང་ཏིང་ངེ་འཛིན་རྗེས་སུ་དྲན་པས་རྒྱུན་བཤགས་ཡན་ལག་བརྒྱད་པ་འདིའི་རྗེས་ཟློས། རྡོ་རྗེ་སློབ་དཔོན་སངས་རྒྱས་དཔལ། སོགས་ལན་གསུམ། དེ་ཡང་དབང་ཐོབ་པ་དཀྱིལ་འཁོར་གྱི་བྱ་བས་ཐོབ་ཀྱང་དབང་སྲོག་རྒྱུད་ལ་འཛིན་པ་དམ་ཚིག་ལ་རགས་ལས་པས་ཚོགས་ཞིང་དཀྱིལ་འཁོར་གྱི་ལྷ་དབྱེར་མེད་པའི་དཔང་པོའི་ཚུལ་དུ་བཞུགས་པའི་སྤྱན་སྔར་མཁའ་ཁྱབ་ཀྱི་ཡིད་ཅན་སྲིད་ཞིའི་མཐའ་ལ་མི་གནས་པའི་ཟུང་འཇུག་ཆེན་པོའི་གོ་འཕང་ལ་འགོད་པའི་ལྷག་པ་ཀུན་སློང་བྱང་ཆུབ་སེམས་དང་མ་བྲལ་བས་དེའི་དམ་ཚིག་དང་སྡོམ་པའི་བསླབ་པ་རྒྱ་མཚོ་མཐའ་ཡས་པ་བཟུང་ནས་རྒྱལ་བ་སྲས་དང་བཅས་པའི་སྤྱོད་ཡུལ་ལ་བསླབ་པར་དམ་འཆའ་བ་འདིའི་རྗེས་ཟློས།

བདེ་གཤེགས་སྲས་བཅས་བདག་ལ་དགོངས། །རིག་པ་འཛིན་པ་བདག་གིས་ནི། །བྱང་ཆུབ་སྙིང་པོར་མཆིས་ཀྱི་བར། །སོ་སོར་ཐར་དང་བྱང་ཆུབ་སེམས། །རིག་འཛིན་ནང་གི་སྡོམ་པའི་ཚོགས། །མ་ལུས་ཡོངས་སུ་བཟུང་བར་བགྱི། །ལན་གསུམ། འདིར་གཏེར་གཞུང་ལས། སློབ་མ་ཡང་དག་ཧེ་རུ་ཀ༔ ལུས་དཀྱིལ་དང་བཅས་གསལ་གདབ་སླད༔ གཏོར་མ་རིག་འཛིན་བླ་མར་གསལ༔ སྤྱི་བོར་བཞག་ཅིང་བྱིན་ཆེན་དབབ༔ ཞེས་གསུངས་པས། དེ་དག་གི་འཇུག་པའི་ཆོས་རྣམས་གྲུབ་ནས་གཉིས་པ་དངོས་གཞིའི་དབང་བསྐུར་བ་ལ་སྤྱིར་དབང་གི་ངོ་བོ་ཤེས་རབ་དང་ཏིང་འཛིན། ངེས་ཚིག་ལམ་སྒྲུབ་པ་ལ་དབང་བ། དབྱེ་བ་དབང་བཞི་ཞེས། བྱེད་ལས་སྔགས་ལམ་སྒྲུབ་པ་ལ་དབང་བས་རིམ་པ་དབང་གི་ཆོ་ག་ཞེས་ཡོངས་སུ་གྲགས་པ་ལས། དེ་དག་ཀུན་གྱི་རྩ་བ་མཚན་ཉིད་དང་ལྡན་པའི་རྡོ་རྗེ་སློབ་དཔོན་གྱིས་ལྟ་དགོངས་ཏིང་ངེ་འཛིན་གྱི་ནུས་པ་འབའ་ཞིག་ལ་རགས་ལས་པས། སྐབས་འདིར་དབང་གི་གཞི་དགོད་པ་ཡེ་ཤེས་པ་དབབ་པའི་ཐོག་མར་རིག་འཛིན་བླ་མའི་ཡེ་ཤེས་འབེབས་པའི་གཏོར་མའི་དབང་བསྐུར་གྱི་དོན་དུ་ཐུགས་དམིགས་འདི་བཞིན་དུ་མཛོད་ཅིག །གཏོར་སྣོད་ཆོས་དབྱིངས་རྡོ་རྗེ་བཙུན་མོའི་ཡེ་ཤེས་ཀྱི་མཁའ་ཀློང་དུར་ཁྲོད་གསང་བ་མཆོག་གི་གཞལ་ཡས་ཁང་དཔལ་ཧེ་རུ་ཀ་དགྱེས་པའི་ཕོ་བྲང་དུ། དཔལ་གྱི་གཏོར་མ་འདི་ཉིད་སྲིད་ཞིའི་སྤྱི་དཔལ་ཕྱོགས་དུས་རྩ་གསུམ་རྒྱལ་བའི་ཁྱབ་བདག་བདེ་བ་ཆེན་པོ་རིག་འཛིན་བླ་མ་རྡོ་རྗེ་ཐོད་ཕྲེང་རྩལ་བརྒྱུད་གསུམ་རིག་འཛིན་མཁའ་འགྲོ་རྒྱ་མཚོའི་ཚོགས་དང་བཅས་ཏེ་བཀྲ་ཤིས་སེ། བྱིན་ཐིབས་སེ། འོད་དཔུང་ངེར་བཞུགས་པའི་གནས་གསུམ་དུ་རྡོ་རྗེ་ཡི་གེ་གསུམ་གྱི་མཚན་པ་ལས་བདེ་བ་ཆེན་པོའི་འོད་ཟེར་བསམ་གྱིས་མི་ཁྱབ་པ་འཕྲོས། སློབ་མའི་སྒོ་གསུམ་ལ་ཕོག་པ་ཙམ་གྱིས་བ་མོ་ལ་ཉི་ཟེར་ཕོག་པ་བཞིན་མ་དག་པའི་སྣང་གྲགས་ཀྱི་ཞེན་རྟོག་མཐའ་དག་དབྱིངས་སུ་ཐིམ། ཡེ་ཤེས་ལྷ་ཡི་སྐུ་གསུང་ཐུགས་ཀྱི་རང་བཞིན་དུ་སངས་ཀྱིས་སད་པར་བསམ་ལ། བླ་གཏོར་ལས་རྡོར་གྱིས་བཏེགས། སློབ་དཔོན་གྱིས་ཌཱ་དྲིལ་གདུང་དབྱངས་དང་བཅས། ཧཱུྃ༔ ཡང་དག་གྲུབ་པའི་རིག་འཛིན་རྣམས༔ ཆོས་ཀྱི་དབྱིངས་ནས་གནས་འདིར་གཤེགས༔ བདེ་བ་ཆེན་པོའི་བྱིན་ཆེན་ཕོབ༔ ཐ་མལ་སྣང་ཞེན་སྦྱང་དུ་གསོལ༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཧཱུྃ༔ས་མ་ཡ་ཨ་བེ་ཤ་ཡ་སྟྭྃ༔ ཞེས་ཐུགས་དམ་བསྐུལ་མཐར། གཏོར་མ་སློབ་དཔོན་གྱིས་སློབ་མའི་སྤྱི་བོར་བཞག་སྟེ་དབང་བསྐུར། དེ་ལྟར་བླ་མའི་བྱིན་རླབས་འཕོས་པ་ཙམ་གྱིས་ཁྱེད་རང་རྣམས་དཔལ་ཆེན་བཛྲ་ཧེ་རུ་ཀ་སྐུ་མདོག་མཐིང་ནག་འབར་བ་ཆེན་པོའི་འོད་ཟེར་ཅན་ཞལ་གསུམ་ཕྱག་དྲུག་ཞབས་བཞི་པ། གཡས་ཞལ་དཀར་པོ་འཛུམ་པ། གཡོན་ཞལ་དམར་པོ་གཤེ་བ། དབུས་ཞལ་མཐིང་ནག་ཁྲོས་པའི་ཉམས་ཅན། ཉི་ཟླ་འབར་བའི་སྤྱན་གསུམ་དང་ལྡན་པ། ཞལ་གདངས་ཤིང་མཆེ་བ་གཙིགས་པ། ལྗགས་འདྲིལ་ལ་ཕཊ་ཀྱི་རྐན་སྒྲ་རྡེབ་ཅིང་ཤངས་ནས་ཧཱུྃ་སྒྲ་འབྱིན་པ་སྨིན་མཚམས་ནས་ཁྲོ་གཉེར་གཡོ་བ། སྨ་ར་དང་སྨིན་མའི་གློག་འོད་འཁྱུག་ཅིང༌། རལ་པ་ཁམ་ནག་གྱེན་དུ་འབར་བ། ཉི་མ་བྱེ་བའི་གཟི་མདངས་ཅན། སྒེག་པ་ལ་སོགས་པ་གར་གྱི་ཉམས་དགུས་རྒྱས་པ་ཕྱག་དྲུག་གི་གཡས་ཀྱི་དང་པོས་རྡོ་རྗེ་རྩེ་དགུ་པ་བསྣམས་པས། གཡོན་དང་པོས་ཐོད་ཁྲག་བསྣམས་པ་ཐུགས་ཀར་དཀྲུགས་པའི་ཚུལ་ཅན། བར་མ་གཉིས་ཀྱིས་ཁ་ཊྭཱྃ་ག་དང་རྒྱུ་མའི་ཞགས་པ། ཐ་མ་གཉིས་ཀྱིས་ཐོད་པའི་རྔེའུ་ཆུང་དང་ཁྱུང་ཆེན་ཁྲ་ཐབས་སུ་འགྱེད་པ། ཞབས་བཞི་གཡོན་བརྐྱངས་པའི་སྟབས་ཀྱིས་ཁྱུ་མཆོག་ལྷ་ཆེན་ཕོ་མོ་ཉི་ཟླ་པདྨའི་གདན་ལ་རོལ་པ་ཐོད་སྐམ་ལྔའི་དབུ་རྒྱན་ཅན། ཐོད་རློན་གྱི་དོ་ཤལ་དང་ཐོད་ཚལ་སྦྲུལ་རྒྱན་དང་བཅས་པ། ཞིང་ལྤགས་དང་གླང་པོ་ཆེའི་ཀོ་བས་སྟོད་གཡོགས་ཤིང༌། སྟགས་ལྤགས་ཀྱི་ཤམ་ཐབས་གྲོལ་བ། ཁྲག་ཞག་ཐལ་བའི་མཚན་མ་སོགས། དུར་ཁྲོད་ཆེན་པོའི་ཆས་བརྒྱད་ཀྱིས་བརྒྱན་པ། ཡུམ་ཀྲོ་དྷི་ཤྭ་རི་མ་མཐིང་ག་གཡས་ཁ་ཊྭྃ་འཛིན་པས་ཡབ་ལ་འཁྱུད་ཅིང༌། གཡོན་དུང་ཁྲག་སྟོབ་པ། གཅེར་བུ་ལང་ཚོ་རྒྱས་པའི་འཇོ་སྒེག་ཅན་ཞབས་གཡས་བརྐྱངས་པའི་རོལ་བས་ཡབ་དང་གཉིས་སུ་མེད་པར་སྦྱོར་བ་ཡེ་ཤེས་ཀྱི་མེ་དཔུང་རབ་ཏུ་འབར་ཞིང་འཁྲུགས་པའི་དབུས་ན་བཞུགས་པའོ།

།དཔལ་ཆེན་པོའི་ཐུགས་ཀར་རིན་ཆེན་ཟུར་བརྒྱད་པའི་དབུས་སུ་ལྟེ་བ་པད་ཉི་དྲེགས་པའི་སྟེང་འཁོར་འདས་ཀུན་གྱི་དྭངས་མ་མི་ཤིགས་པའི་སྲོག་ཆེན་པོ་ཡེ་ཤེས་སེམས་དཔའ་དཔལ་ཆེན་བཛྲ་ཀཱི་ལ་ཡ་སྐུ་མདོག་མཐིང་ནག་ཞལ་གཅིག་ཕྱག་གཉིས་ཀྱིས་ཕྲིན་ལས་དོན་གྱི་རྟགས་ཕུར་པ་འདྲིལ་བ། དབྱིངས་ཡུམ་འཁོར་ལོ་རྒྱས་འདེབས་དང་གཉིས་སུ་མེད་པ་དཔལ་དང་དུར་ཁྲོད་རོལ་པའི་རྒྱན་ཆས་ཐམས་ཅད་ཡོངས་སུ་རྫོགས་པ་འབར་བའི་མེའི་ཕྲེང་བ་འཁྲུགས་པའི་ཀློང་དུ་བདེ་བ་ཆེན་པོའི་གཟི་བྱིན་རབ་ཏུ་འབར་བར་བཞུགས་པས། ཤར་དུ་གཽ་རི་མཐིང་ག །ལྷོར་ཙོའུུ་རི་སེར་མོ། །ནུབ་ཏུ་པྲ་མོ་དམར་མོ། བྱང་དུ་བཻ་ཏ་ལྗང་གུ། ཤར་ལྷོར་པུས་ཀ་སེར་མོ། ལྷོ་ནུབ་གྷསྨ་དམར་ལྗང༌། ནུབ་བྱང་སྨེ་ཤ་མཐིང་ནག །བྱང་ཤར་ཙཎྜ་སེར་སྐྱ་ཞལ་གཅིག་ཕྱག་གཉིས་གཅེར་བུ་དུར་ཁྲོད་རོལ་པའི་ཆས་ཅན་ཌཱ་རུ་དང་ཐོད་ཆང་བསྣམས་པ་ཚོགས་བརྒྱད་གནས་སུ་དག་པའི་ཡེ་ཤེས་ཀྱི་མ་མོ་བརྒྱད་དང༌། གཞན་ཡང་ཕུང་ཁམས་སྐྱེ་མཆེད་ཐམས་ཅད་བདེ་བ་ཆེན་པོའི་ཡེ་ཤེས་ཀྱི་དཀྱིལ་འཁོར་ཡོངས་སུ་རྫོགས་པའི་བདག་ཉིད་ཅན་དུ་གསལ་ཐོབ་ཅིག །དབང་བསྐུར་དངོས་ལ། སྐུ་གསུང་ཐུགས་རྡོ་རྗེ་གསུམ་གྱི་དབང་བཞི་ཟབ་མོ་བྱིན་རླབས་ཀྱི་ཚུལ་དུ་བསྐུར་བ་ལ། དབྱིངས་རྣམ་ཐར་གསུམ་ལྡན་རྡོ་རྗེ་བཙུན་མོའི་མཁའ་ཀློང་ཨེ་ཡི་བཛྲ་མཉྫི་ཀོང་བུར། རིག་པ་ཡེ་ཤེས་ཀྱི་སྡོང་བུ་འོད་གསལ་རྡོ་རྗེ་སྙིང་པོའི་བདག་ཉིད་མཉམ་པར་སྦྱོར་བ་འཕོ་མེད་བདེ་བ་ཆེན་པོ་ཞུན་ཆེན་གྱི་མར་ཁུས་བྲན་པས། རྣམ་ལྔའི་ཡེ་ཤེས་ཀྱི་མེ་འོད་ཀུན་ཏུ་འཕྲོ་བས་མ་རིག་འཁོར་བའི་མུན་པ་སེལ་བ་སངས་རྒྱས་ཀུན་གྱི་དཀྱིལ་འཁོར་ཡོངས་སུ་རྫོགས་པའི་ཡེ་ཤེས་ཀྱི་སྒྲོན་མེ་འདི་ཉིད་སྤྱི་བོར་བཀོད་དེ་བུམ་པའི་དབང་བསྐུར་བར་མོས་ཤིག །མར་མེ་སྤྱི་བོར་བཞག ཨོཾ༔ ཡང་དག་གྲུབ་པ་གཅིག་པུ་ནི༔ སངས་རྒྱས་བདེ་ཆེན་ཀུན་འདུས་པ༔ མཁའ་འགྲོ་སྒྱུ་མ་བདེ་མཆོག་གི༔ རྡོ་རྗེའི་སྐུ་ཡི་དབང་བསྐུར་རོ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཀཱ་ཡ་ས་མ་ཡ་ཨཱ་བེ་ཤ་ཡ་སྟྭྃ༔ ལྷག་པའི་ལྷ་ལས་གཉིས་པ་ཐིམ༔ བྱང་ཆུབ་སེམས་སུ་ཞུ་བ་ཡིས༔ ཡེ་ཤེས་ཆེན་པོར་བྱིན་གྱིས་བརླབས༔ བདེ་བའི་རྒྱུན་གྱིས་དབང་བསྐུར་བས༔ སྣང་སྟོང་ཟུང་འཇུག་རྟོགས་པ་བསྐྱེད༔ དེ་ལྟར་དམིགས་པས་ལུས་སྨིན་པར་བྱེད་པ་བུམ་པའི་དབང་ཐོབ། ལུས་ཀྱི་དྲི་མ་སྦྱངས། ལམ་དུས་སུ་བསྐྱེད་པའི་རིམ་པ་བསྒོམ་པ་ལ་དབང༌། སྣོད་བཅུད་ཁྲག་འཐུང་གི་དཀྱིལ་འཁོར་དུ་རྫོགས་ཏེ། སྐུ་རྡོ་རྗེ་མངོན་པར་བྱང་ཆུབ་པ་ལྔ་ཡི་བདག་ཉིད་མཆོག་གི་སྤྲུལ་སྐུ་ཐོབ་པའི་སྐལ་བ་ཅན་དུ་གྱུར། གཉིས་པ་ནང་གསང་བ་སྔགས་ཀྱི་དབང་བསྐུར་བའི་སླད་དུ། ཐོད་པའི་མར་མེ་མགྲིན་པར་བཞག་ལ། ཨཱཿ ཡང་དག་གྲུབ་པ་གཅིག་པུ་ནི༔ སངས་རྒྱས་བདེ་ཆེན་ཀུན་འདུས་པ༔ མཁའ་འགྲོ་སྒྱུ་མ་བདེ་མཆོག་གི༔ ནུས་པ་གསུང་གི་དབང་བསྐུར་རོ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཝ་ཀ་ས་མ་ཡ་ཨཱ་བེ་ཤ་ལ་སྟྭྃ༔ དཔལ་ཆེན་ཡབ་ཡུམ་སྙོམས་བཞུགས་པའི༔ བྱང་སེམས་མགྲིན་པའི་ལམ་ནས་བརྒྱུད༔ རྩ་ཁམས་ཐམས་ཅད་ཁྱབ་པ་ལས༔ གསལ་སྟོང་ཡེ་ཤེས་སྐྱེས་པར་བསམ༔ རྗེས་འབྲེལ་བཟླས་པའི་ལུང་སྦྱིན་པ་ལ། མདུན་བསྐྱེད་བླ་མ་ཧེ་རུ་ཀའི་ཐུགས་ཀར་ཡེ་ཤེས་སེམས་དཔའ། རྡོ་རྗེ་གཞོན་ནུའི་ཐུགས་ཀར་ཉི་ཟླའི་གའུའི་དབུས་སུ་ཧཱུྃ་མཐིང་ག་སྔགས་ཀྱིས་བསྐོར་བ་ལས་སྔགས་ཕྲེང་བར་མ་ཆད་དུ་བྱུང༌། ཞལ་ནས་ཐོན་ཁྱེད་རང་ལྷར་གསལ་བའི་ཞལ་དུ་ཞུགས་ཐུགས་ཀར་གཞིར་གནས་ཀྱི་ཧཱུྃ་ཡིག་མཐར་འཁོད་པ་ལས། སྔགས་དང་འོད་ཟེར་ཡེ་ཤེས་སེམས་དཔའ་ཡབ་ཡུམ་གྱྀ་ཞལ་དང་མཁའ་གསང་ནས་བརྒྱུད་དེ། བདེ་བ་ཆེན་པོའི་གཟི་བྱིན་རྒྱས། དངོས་གྲུབ་གཉིས་ཐོབ་པར་བསམ་ལ། བསྙེན་པའི་སྔགས་ཁྲག་འཐུང་སྤྱིའི་སྙིང་པོ་འདིའི་རྗེས་ཟློས་ལན་གསུམ་མཛོད། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ལན་གསུམ་བཟླ། སླར་ཡང་ཡེ་ཤེས་སེམས་དཔའི་ཐུགས་ཀར་ཀཱི་ལ་ཡའི་སྔགས་ཀྱིས་བསྐོར་བ་ལས། ལྷ་སྔགས་ཕྱག་མཚན་གྱི་སྤྲཽ་བསྡུའི་དོན་གཉིས་སྒྲུབ་པར་མོས་ལ་སྒྲུབ་པའི་སྔགས་འདིའི་རྗེས་ཟློས་ལན་གསུམ་མཛོད། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊཿ ལན་གསུམ་བཟླ།

གཙོ་བོའི་ཐུགས་ཀའི་འོད་ཟེར་གྱིས་མ་མོ་བརྒྱད་བསྐུལ། སོ་སོའི་ཐུགས་ཀར་ཉི་མའི་སྟེང་རང་རང་གི་ས་བོན་རང་སྔགས་ཀྱིས་བསྐོར་བ་ལས་བྱུང་བའི་སྐུ་སྔགས་ཕྱག་མཚན་གྱིས་ཐུན་མོང་མཆོག་གི་ཕྲིན་ལས་བཞི་སྒྲུབ་པར་མོས་ལ་ལས་སྦྱོར་གྱི་སྔགས་འདིའི་རྗེས་ཟློས་ལན་གསུམ་རེ་མཛོད། ཨོཾ་ཨཱཿབཛྲ་གོཾ་ཧཱུྃ་ཕཊཿ ཨོཾ་ཤིནྟཾ་ཀུ་རུ་སྭཱ་ཧཱ༔ དང༌། ཨོཾ་ཨཱཿབཛྲ་ཙོཾ་ཧཱུྃ་ཕཊཿ བྷྲཱུྃ་པིུཥྟཾ་ཀུ་རུ་ཨོཾ༔ དང༌། ཨོཾ་ཨཱཿབཛྲ་པྃ་ཧཱུྃ་ཕཊཿ ཧྲཱིཿཝ་ཤཾ་ཀུ་རུ་ཧོཿ དང༌། ཨོཾ་ཨཱཿབཛྲ་བྃ་ཧཱུྃ་ཕཊཿ ཧཱུྃ་མ་ར་ཡ་ཕཊཿ དང༌། ཨོཾ་ཨཱཿབཛྲ་པྃ་ཧཱུྃ་ཕཊཿ པྲ་བེ་ཤ་ཡ་ཕཊཿ དང༌། ཨོཾ་ཨཱཿབཛྲ་གྷཾ་ཧཱུྃ་ཕཊཿ ཨུཙྪ་ཊ་ཡ་ཕཊཿ དང༌། ཨོཾ་ཨཱཿབཛྲ་ཤཾ་ཧཱུྃ་ཕཊཿ སྟམྦྷཱ་ཡ་ཕཊཿ དང༌། ཨོཾ་ཨཱཿབཛྲ་ཙཾ་ཧཱུྃ་ཕཊཿ མོ་ཧ་ཡ་ཕཊཿ རྣམས་གསུམ་རེ་བཟླ། ཞེས་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་གསང་རྫས་ཀྱི་དབང་ཐོབ། ངག་གི་དྲི་མ་སྦྱངས། ལམ་དུས་སུ་བདག་བྱིན་རླབས་པའི་གཏུམ་མོ་སྦར་བ་ལ་དབང༌། སྐྲ་སྐད་འབྱིན་འཇུག་གསང་སྔགས་སུ་དག་སྟེ། གསུང་རྡོ་རྗེ་བདེན་དོན་བཅུ་གཉིས་ཀྱི་བདག་ཉིད་ལོངས་སྐུ་ཐོབ་པའི་སྐལ་བ་ཅན་དུ་བྱས་སོ། །གསུམ་པ་ཤེས་རབ་ཡེ་ཤེས་ཀྱི་དོན་དུ་དབང་བསྐུར་བ་ལ། མར་མེ་སྙིག་གར་བཞག་ལ། ཧཱུྃ༔ ཡང་དག་གྲུབ་པ་གཅིག་པུ་ཉིད༔ སངས་རྒྱས་བདེ་ཆེན་ཀུན་འདུས་པ༔ མཁའ་འགྲོ་སྒྱུ་མ་བདེ་མཆོག་གི༔ འོད་གསལ་ཐུགས་ཀྱི་དབང་བསྐུར་རོ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཙིཏྟ་ས་མ་ཡ་ཨཱ་བེ་ཤ་ཡ་སྟྭྃ༔ དཔལ་ཆེན་ཁྲག་འཐུང་སྦྱོར་ཡུམ་ལས༔ གཉིས་པ་སྤྲོས་ཏེ་སློབ་མའི་ཡུམ༔ ཀྲོ་དྷི་ཤྭ་རིར་དབྱེར་མེད་པས༔ སྙོམས་འཇུག་གསང་བའི་སྒྱུ་རྩལ་གྱིས༔ དགའ་བཞིའི་བདེ་ཆེན་སྐྱེད་པར་བསམ༔ དེས་གསང་བ་ཆོས་ཐམས་ཅད་འབྱུང་བའི་དཀྱིལ་འཁོར་དུ་ཡིད་སྨིན་པར་བྱེད་པ་ཤེས་རབ་ཡེ་ཤེས་ཀྱི་དབང་ཐོབ། སེམས་ཀྱི་དྲི་མ་སྦྱངས་ལམ་དུས་སུ་ཕོ་ཉ་བདེ་བ་ཆེན་པོ་རྡོ་རྗེ་སེམས་དཔའི་གསང་ལམ་བསྒོམ་པ་ལ་དབང༌། བྱུང་ཚོར་ལྷན་སྐྱེས་ཡེ་ཤེས་སུ་དག་སྟེ་ཐུགས་རྡོ་རྗེ་དགའ་བ་བཅུ་དྲུག་གི་བདག་ཉིད་ཆོས་སྐུ་ཐོབ་པའི་སྐལ་པ་ཅན་དུ་གྱུར། བཞི་པ་མཐར་ཐུག་དེ་ཁོ་ན་ཉིད་ཀྱི་དབང་གི་སླད་དུ། སྒྲུབ་པའི་མར་མེ་སླར་ཡང་སྙིང་གར་བཞག་ལ། ཧོཿ ཡང་དག་གྲུབ་པ་གཅིག་པུ་ཉིད༔ སངས་རྒྱས་བདེ་ཆེན་ཀུན་འདུས་པ༔ མཁའ་འགྲོ་སྒྱུ་མ་བདེ་མཆོག་གི༔ འོད་གསལ་ཡེ་ཤེས་དབང་བསྐུར་རོ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཛྙཱ་ན་ས་མ་ཡ་ཨཱ་བེ་ཤ་ཡ་སྟྭྃ༔ གཉུག་མའི་གནས་ལུགས་ཡང་དག་པ༔ རིག་སྟོང་གཉིས་སུ་མེད་པ་ནི༔ སྣང་གསལ་མར་མེའི་བརྡས་མཚོན་ཏེ༔ དོན་གྱི་ཡེ་ཤེས་སྐྱེད་པར་བསམ༔ མཐར་ནི་ལྷ་བསྟིམ་གཉིས་མེད་བཞག༔ དཔལ་ཆེན་སྐུ་ཡི་གསལ་སྣང་དང་༔ ཁ་སྦྱོར་རླུང་བཟུང་འབར་འཛག་གི༔ བདེ་བས་ཐབས་བྱས་སྟོང་ཉིད་ངང་༔ དབང་བཞིའི་རྟོགས་པ་བརྟན་པར་མོས༔ དེ་ལྟར་ན་དོན་དམ་སྤྲོས་མེད་བརྡ་ཡི་དཀྱིལ་འཁོར་དུ། ཚིག་དང་རིག་པའི་རྩལ་དབང་ཐོབ། སྒོ་གསུམ་གྱི་དྲི་མ་སྦྱངས། ལམ་དུས་སུ་ཁྲེགས་ཆོད་ཐོད་རྒལ་ཟུང་འཇུག་གི་ཉམས་ལེན་བྱ་བ་ལ་དབང༌། སྣང་བཞི་ཟད་སར་འཁྱོལ་ཏེ་ལྷུན་གྲུབ་ངོ་བོ་ཉིད་ཀྱི་སྐུ་ཐོབ་པའི་སྐལ་པ་ཅན་དུ་གྱུར་པའོ། །དེ་དག་གིས་བདེ་ཆེན་ཧེ་རུ་ཀའི་གསང་གསུམ་མཆོག་གི་དངོས་གྲུབ་ལ་སྦྱོར་བ་སྟོད་ལས་བྱང་ཆུབ་སྒྲུབ་པའི་དབང་བསྐུར་ཟིན་ནས། གཉིས་པ་སྨད་ལས་དགྲ་བགེགས་སྒྲོལ་བའི་དབང་བསྐུར་བ་ལ། དེ་ལྟར་དཔལ་ཧེ་རུཀའི་རྡོ་རྗེ་བཞི་ཡི་དཀྱིལ་འཁོར་དུ་སྐུ་བཞིའི་བདེ་བ་ཆེན་པོའི་ཡེ་ཤེས་མཆོག་ལ་སྦྱོར་བའི་དབང་བཞིའི་རྟོགས་པས་བདག་འཛིན་མཚན་མའི་རུ་ཏྲ་བསྒྲལ་བའི་ཡེ་ཤེས་ཀྱི་རྩལ་མཁའ་ཁྱབ་ཐུགས་རྗེ་ཐལ་འབྱིན་གྱི་ཕུར་པའི་ཡེ་ཤེས་ཆེན་པོའི་ཟིལ་གྱིས། ལས་ཀྱི་མ་མོ་བརྒྱད་བསྐུལ་ཏེ་གཙོ་འཁོར་སྤྲུལ་པ་ཕོ་ཉ་དང་བཅས་པས་བདུད་བཞི་དབྱིངས་སུ་བསྒྲལ་ཕྱིར་མཐའ་རྟེན་ཕུར་པ་རྫས་ཀྱི་དབང་བསྐུར་བར་མོས་ཤིག །ལས་ཕུར་གཏད་ལ། ཧཱུྃ༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་གཟི་བྱིན་གྱིས༔ ལས་ཀྱི་མ་མོ་རྒྱུད་བསྐུལ་ནས༔ བདུད་བཞིའི་དཔུང་ཚོགས་ཚར་གཅོད་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊཿ མ་མ་སརྦ་ས་མ་ཡ་ཧཱུྃ་ཧཱུྃ༔ སརྦ་བིགྷྣཱན་ཤ་ཏྲཱུན་མཱ་ར་ཡ་ཕཊཿ ཕུར་པ་སློབ་མའི་ལག་ཏུ་གཏད་པ་ཕྱོགས་བཅུར་འདྲིལ་བའི་སྟང་སྟབས་བྱས་ལ། རྡོ་རྗེ་གཞོན་ནུའི་ཐུགས་ཀ་ནས༔ འོད་ཟེར་ཚ་ཞིང་རྩུབ་པ་དང་༔ གཽ་རི་ལ་སོགས་བརྒྱད་རྣམས་ལས༔ རང་རང་མདོག་མཚུངས་མེ་འོད་འཕྲོས༔ ཁམས་གསུམ་ཐམས་ཅད་ཡོངས་སུ་གང་༔ ཕྲིན་ལས་རྣམ་བཞི་ལྷུན་གྱིས་གྲུབ༔ གསང་བའི་དགྲ་གསུམ་དབྱིངས་སུ་བསད༔ འཇིགས་པའི་བདུད་བཞི་རང་ངོར་བཅོམ༔ བར་གཅོད་འཕྲང་གསུམ་ཀློང་དུ་གསལ༔ དཔལ་ཆེན་བཛྲ་ཧེ་རུ་ཀའི༔ བརྟུལ་ཞུགས་སྤྱོད་པ་མཐར་ཕྱིན་བསམ༔ ཤིས་པ་བརྗོད་པས། མངའ་གསོལ་བྱ། དེ་དག་གིས། ཁྲག་འཐུང་གལ་པོའི་ཏནྟྲ་ཡི༔ རྡོ་རྗེའི་གླེང་གཞི་ངེས་པའི་དོན༔ སྨིན་བྱེད་རྒྱུད་ཀྱི་སྙིང་པོ་སྟེ༔ སྙིང་གི་བུ་ལ་གཏད་རྒྱས་གདབ༔ ཞེས་གསུངས་པ་ལྟར་སྙིང་པོ་དོན་གྱི་ཟབ་མོའི་དབང་བཞི་མཐའ་རྟེན་དང་བཅས་པ་ཐུན་མོང་མ་ཡིན་པ་གྲུབ་པ་ལགས་པས། སོགས་མཚམས་སྦྱོར་སྤྱི་མཐུན་གྱིས་དམ་ཚིག་ཁས་བླངས་གཏང་རག་མཎྜལ་བསྔོ་སྨོན་སོགས་དབང་དང༌། ཆོ་གའི་རྗེས་རིམ་གསང་བ་སྤྱི་ལྟར་བྱའོ། །འཇི༵གས་མེ༵ད་ནང་གི་ཡེ་ཤེས་ཉིད། །མཁྱེན༵་བརྩེ༵འི་འོད༵་ཟེར༵་འབུམ་འཕྲོ་བས། །བཀྲ༵་ཤིས༵་མཆོག་ཐུན་དངོས་གྲུབ་དཔ༵ལ། །འདོད་དགུའི་འབྱོར༵་པའི་སྐྱེས་འདི་རྨད། །རྩ་གསུམ་འོད་གསལ་སྙིང་ཐིག་གི་ཡི་དམ་ཡང་དག་ཐུགས་ཀྱི་དཀྱིལ་འཁོར་དང་རྡོ་རྗེ་ཕུར་པ་སྦྲགས་མའི་དྲིལ་སྒྲུབ་ཀྱི་དབང་བསྐུར་བཀླག་ཆོག་ཏུ་བཀོད་པ་མཆོག་དངོས་གྲུབ་པའི་དཔལ་སྟེར་ལེའུ་ཚན་བཅུ་དྲུག་པ་རང་བྱུང་འོད་གསལ་ཐུགས་མཆོག་རྡོ་རྗེས་སྦྱར་བའོ། ༈

།སངས་རྒྱས་ཀུན་གྱི་ཕྲིན་ལས་རྡོ༵་རྗེ༵འི་མཚོན། །སྙིང་རྗེ་ཁྲོས་པའི་གཟི༵་བརྗིད༵་དང་བཅས་པས། །བདུད་བཞིའི་གྲོང་ཁྱེར་མཐར་བྱེད་མཐུ་སྟོབས་རྩལ། །མཚུངས་མེད་ལྷག་པའི་ལྷ་མཆོག་རྒྱལ་གྱུར་ཅིག །རྩ་གསུམ་འོད་གསལ་སྙིང་ཐིག་གི་ཕྲིན་ལས་རྡོ་རྗེ་གཞོན་ནུ་ཕུར་པ་འདུས་པའི་དྲིལ་སྒྲུབ་ཀྱི་དབང་ལ་རྟེན་གྱི་དཀྱིལ་འཁོར་འདུ་བྱ་བ་དང༌། དེ་ཉིད་སྒྲུབ་ཅིང་བསྐུར་བའི་ཚུལ་གཉིས་ལས། དང་པོ་ནི། དབང་བསྐུར་བའི་གནས་དེར་རས་བྲིས་གཞུང་མཐུན་བཀྲམ་པའི་ལྟེ་བར་ཕུར་གདན་ལ་ལྕགས་སམ་དྲག་པོའི་ཤིང་གི་སྒྲུབ་ཕུར་མཚན་ཉིད་དང་ལྡན་པ་དར་མཐིང་གའི་ཅོད་པན་ཅན་བཙུགས། མདུན་དུ་བླ་མའི་གཏོར་ཆེན། ལས་ཕུར་བཅས་བཀོད་ལ་ཉེར་སྤྱོད་མཆོད་པས་བསྐོར། སྨན་རཀ །སྲུང་མ་དང་ཆད་བརྟན་གྱི་འབུལ་གཏོར། ཚོགས་མཆོད། དཀར་བགེགས་སོགས་ཀྱང་བཤམས། ལས་ཀྱི་བུམ་པ་དང༌། རྡོར་དྲིལ་སོགས་སློབ་དཔོན་གྱི་མདུན་དུ་བཀོད་ལ། གཉིས་པ་ནི། བརྒྱུད་འདེབས། ཕུར་པ་འདུས་པའི་དྲིལ་སྒྲུབ་ཀྱི་གཞུང་བསྲང་ལ་བདག་མདུན་ཛབ྄་ཁང་དབྱེ་བས་བསྐྱེད་བཟླས་ལེགས་པར་བྱ། བསང་ཆུའམ་ལས་བུམ་གྱི་ནང་དུ། པད་ཉིའི་གདན་ལ་ཁྲོ་བོ་བདུད་རྩི་འཁྱིལ་བ་ལྗང་ནག་རྒྱ་གྲམ་དང་སྡིགས་འཛུབ་མཛད་ཅིང་ཁྲོ་བོའི་ཆས་ཐམས་ཅད་ཀྱིས་བརྒྱན་པའི་སྐུར་གསལ་བ། བཛྲ་ཨ་མྲྀ་ཏའི་སྔགས་ཀྱིས་བྱིན་བརླབ། ཁྲོ་བོ་འོད་དུ་ཞུ་ནས་ཆུའི་རྡུལ་རེ་རེ་བཞིན་ཁྲོ་བོར་གྱུར་པས་ཕྲིན་ལས་མཛད་པར་མོས། སྲུང་མའི་གསོལ་མཆོད། ཚོགས་དང་སྐོང་བཤགས། རིག་པའི་མེ་ཏོག་དོར་ཏེ་གནང་བ་ཞུས་ལ། སློབ་མ་རྣམས། ཁྲུས་བྱས། བགེགས་བསྐྲད། སྲུང་འཁོར་སེམས་བསྐྱེད་གསལ་བཏབ་པའི་རྗེས། དེ་ཡང་རྒྱུད་ལས། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །ཞེས་གསུངས་པ་ལྟར་ངོ་བོ་ཕྱོགས་དུས་ཀྱི་དེ་བཞིན་གཤེགས་པ་སྲས་དང་བཅས་པའི་སྟོང་ཉིད་སྙིང་རྗེ་གཉིས་སུ་མེད་པའི་ཡེ་ཤེས་ཀྱི་ཕྱག་རྒྱར་བཞེངས་པས་བདེ་བར་གཤེགས་པ་ཐམས་ཅད་རྡོ་རྗེ་གཞོན་ནུའི་སྤྲུལ་པར་གསུངས་ཤིང༌། རྣམ་པ་བདུད་དགྲ་དམ་སྲི་འདུལ་བ་ལ་འགྲན་ཟླ་མེད་པའི་མཐུ་སྟོབས་ཀྱི་རྩལ་དང་ལྡན་པ་ཕྲིན་ལས་ཀྱི་གསང་བ་གཅིག་ཏུ་བསྡུས་པ་ཀརྨ་ཧེ་རུ་ཀའི་ཚུལ་དུ་སྣང་ལ། ཁྱད་པར་དུ་ཞི་བའི་དུས་ན་དཔལ་རྡོ་རྗེ་སེམས་དཔའ། སྔགས་ཕྱི་མའི་སྐབས་སུ་རྡོ་རྗེ་རྣམ་པར་འཇོམས་པ། བྱང་ཆུབ་སེམས་དཔའི་སྐབས་སུ་གསང་བདག་ཕྱག་ན་རྡོ་རྗེ། རྡོ་རྗེ་གཙུག་གཏོར་ཕྱིར་བཟློག་ཆེན་མོ་སོགས་མཚན་དང་སྐུའི་བཀོད་པ། རིགས་སྔགས་ཀྱི་ཆོ་འཕྲུལ་བསམ་གྱིས་མི་ཁྱབ་པས་ལས་དང་དངོས་གྲུབ་རབ་འབྱམས་སྒྲུབ་པ་ལ་བྱིན་རླབས་ནུས་པའི་གཟི་བྱིན་ད་ལྟའི་བར་ཉམས་པ་མེད་པས་འཕགས་བོད་གསར་རྙིང་མཁས་གྲུབ་ཀུན་གྱི་ཐུགས་དམ་གསང་བའི་ལྷ་གཅིག་མར་ཡོངས་སུ་གྲགས་ལ། འདི་ཉིད་ལ་རྒྱུད་དང་གདམས་ངག་བཀའ་བབས་ཀྱི་ལུགས་སྲོལ་ཟབ་ཅིང་རྒྱ་ཆེ་བ་བྱུང་བ་ལས།

སྐབས་སུ་བབས་པ་འདི་ནི། སྔ་འགྱུར་ཟབ་མོ་གཏེར་གྱི་ཆོས་སྡེའི་བྱེ་བྲག་ཀུན་མཁྱེན་བླ་མ་འོད་གསལ་སྤྲུལ་པའི་རྡོ་རྗེའི་ཟབ་མོའི་དགོངས་ཀློང་ཡེ་ཤེས་ཀྱི་གསང་མཛོད་ལས་བྱོན་པའི་རྩ་གསུམ་འོད་གསལ་སྙིང་ཐིག་གི་ཕུར་པ་འདུས་པའི་དྲིལ་སྒྲུབ་ཞེས་ཕྲིན་ལས་ཀྱི་སྒྲུབ་སྡེའི་སྐོར་ཏེ། རྗེ་འདི་ཉིད་ཀྱིས་ཕུར་པ་བཀའ་གཏེར་དག་སྣང་གི་རིམ་པ་གངས་ཅན་ན་བཞུགས་སོ་ཅོག་ལེགས་པར་གསན། ཐུགས་དམ་ཉམས་བཞེས་མཐར་ཕྱིན་པར་གནང་བས་དཔལ་ཆེན་པོའི་ཡེ་ཤེས་ཀྱི་སྐུའི་རྗེས་སུ་བཟུང༌། སངས་རྒྱས་གཉིས་པ་པདྨ་ཀཱ་ར། པཎ་ཆེན་དྲི་མེད་བཤེས་གཉེན། མཁའ་འགྲོ་ཡེ་ཤེས་མཚོ་རྒྱལ་སོགས་ཕུར་པ་གྲུབ་པའི་རིག་འཛིན་རྣམས་ཀྱི་བྱིན་རླབས་དབུགས་དབྱུང་ཁྱད་པར་ཅན་སྩལ། སྨིན་གྲོལ་རྒྱུད་ཀྱི་བཤད་བཀའི་ཉེ་བརྒྱུད་བརྙེས༔ བོད་ཕུང་མཐའ་དམག་དམ་སྲི་ཕྲིན་ལས་དྲག་པོའི་སྟོབས་ཀྱིས་བསྒྲལ་བ་སོགས་ངོ་མཚར་གྱི་ཆེ་བ་དུ་མ་དང་ལྡན་པའི་བྱེ་བྲག་ཡང་གསང་ཐུགས་ཀྱི་ཕུར་གཅིག་གི་དབང་བསྐུར་སྒྲུབ་པ་ལ་སོགས་ཀྱི་མཚམས་སྦྱར་ནས་མཎྜལ་འབུལ་དུ་གཞུག །སློབ་དཔོན་དཔལ་ཆེན་ཁྲག་འཐུང་རྡོ་རྗེ་གཞོན་ནུ་དངོས་སུ་གསལ་བ་ལ་མོས་གུས་དྲག་པོས་ཐལ་མོ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་མཛོད། ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པ༔ དབང་དང་བྱིན་རླབས་བདག་ལ་སྩོལ༔ ལན་གསུམ། དཔལ་ཆེན་ཁྲག་འཐུང་རྡོ་རྗེ་གཞོན་ནུ་རང་སྣང་ཡེ་ཤེས་ཀྱི་དཀྱིལ་འཁོར་འཁོར་ལོ་རྩ་གསུམ་རྒྱལ་བ་ཆོས་སྲུང་དང་བཅས་པ་མཁའ་ཁྱབ་ཏུ་བཞུགས་པ་ལ་བདག་སོགས་སེམས་ཅན་ཐམས་ཅད་དེང་ནས་བྱང་ཆུབ་མ་ཐོབ་ཀྱི་བར་དུ་རྩེ་གཅིག་གུས་པས་སྐྱབས་སུ་འགྲོ་བ་དང་མཁའ་མཉམ་གྱི་ཡིད་ཅན་དཔལ་ཧེ་རུ་ཀའི་གོ་འཕང་ལ་དགོད་པར་བྱ། དེའི་ཆེད་དུ་གསང་བའི་དཀྱིལ་འཁོར་ཆེན་པོར་སྨིན་བྱེད་ཟབ་མོའི་སྒོར་ཞུགས་ཤིང་ལམ་རིམ་པ་གཉིས་ཀྱི་རྣལ་འབྱོར་ལ་བརྩོན་པར་བགྱིའོ་སྙམ་དུ་སེམས་བསྐྱེད་པ་འདིའི་རྗེས་ཟློས། ཧཱུྃ༔ བླ་མ་རྡོ་རྗེ་གཞོན་ནུ་ལ༔ མི་ཕྱེད་གུས་པས་སྐྱབས་སུ་མཆི༔ སྲིད་པ་ཕུར་བུའི་དཀྱིལ་འཁོར་དུ༔ ཁམས་གསུམ་བསྒྲལ་བར་སེམས་བསྐྱེད་དོ༔ ལན་གསུམ། ཡུལ་མཆོག་དེ་རྣམས་ཀྱི་སྤྱན་སྔར་ཕྱག་དང་བཤགས་པས་སྒོ་གསུམ་གྱི་སྒྲིབ་གཉིས་བག་ཆགས་སྦྱོང་བ་དང༌། མཆོད་པ་ལ་སོགས་པས་ཚོགས་གཉིས་ཕུང་པོ་བླ་ན་མེད་པ་བསགས་པ་དང༌། ཡོངས་སུ་བསྔོ་བས་དགེ་བའི་རྩ་བ་རྒྱ་ཆེར་སྤེལ་བ་རྣམས་ཀྱི་དམིགས་འདུན་གསལ་ཐོབ་ལ་འདིའི་རྗེས་ཟློས། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བརྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་འཕྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་བགེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང༌། །དག་པ་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཚེ་རབ་བགྲང་བའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། ལན་གསུམ། དབང་གི་བཅུད་ཆགས་པ་ལ་རྒྱུད་སྡོམ་པ་དང་ལྡན་པའི་སྣོད་དགོས་པས། རྡོ་རྗེ་ཐེག་པ་ཐུན་མོང་མ་ཡིན་པའི་སྡོམ་པ་རིགས་ལྔ་སྤྱི་དང་བྱེ་བྲག་ཁྱད་པར་གྱིས་བསྡུས་པའི་དམ་ཚིག་རྣམས་ལེགས་པར་བླངས་ཏེ་བསྲུང་སྙམ་པས་འདིའི་རྗེས་ཟློས། ཨོཾ། བདེ་བར་གཤེགས་པ་ཁྱེད་ཅི་འདྲ། །དེ་འདྲ་ཁོ་ནར་བདག་གྱུར་ཅིག །སྤྱོད་པ་རྨད་བྱུང་བསམ་ཡས་པ། །འགྲོ་ལ་ཕན་ཕྱིར་བདག་གིས་སྤྱད། །བྱང་ཆུབ་སེམས་མཆོག་དམ་པ་དང༌། །སྐུ་གསུང་ཐུགས་ཀྱི་ཕྱག་རྒྱ་འདི། །སྲོག་གི་ཕྱིར་ཡང་མི་གཏོང་ན། །རྡོ་རྗེ་རྒྱལ་པོས་བྱིན་རླབས་མཛོད། །དུས་ངན་ཐ་མའི་འཇིག་རྟེན་འདིར། །སངས་རྒྱས་མཛད་དཀའ་བདག་གིས་བསྒྲུབ། །བྱང་ཆུབ་སྤྱོད་དཀའ་བདག་གི་སྤྱད། །རྡོ་རྗེ་རྣལ་འབྱོར་དཀྱིལ་འཁོར་འདིར། །བདག་ཅག་བསམ་པ་རྫོགས་གྱུར་ཅིག །ལན་གསུམ། དངོས་གཞི་དབང་གི་གཞི་དགོད་ཅིང་ཡེ་ཤེས་པ་དབབ་པ་ལ། རིག་འཛིན་བླ་མའི་བྱིན་རླབས་གཏོར་མའི་དབང་བསྐུར་བགྱི་བ་ལ། གཏོར་སྣོད་རིན་ཆེན་འབར་བའི་གཞལ་མེད་ཁང་གི་དབུས་སུ་གཏོར་མ་ཉིད་བླ་མ་རིག་འཛིན་རྡོ་རྗེ་ཐོད་ཕྲེང་རྩལ་ཕྲིན་ལས་ཕུར་པ་གྲུབ་པའི་རིག་འཛིན་གྲུབ་ཐོབ་རྒྱ་མཚོ་སྤྲིན་གཏིབས་པ་ལྟར་བཞུགས་པའི་གསང་བ་གསུམ་གྱི་བྱིན་རླབས་ཐམས་ཅད་འོད་ཟེར་བདུད་རྩིའི་ཕྲེང་བ་དཀར་དམར་མཐིང་ག་ཁ་དོག་སྣ་ཚོགས་པའི་རྣམ་པ་ཆར་ལྟར་བྲུལ། སློབ་མའི་གནས་གསུམ་དུ་ཐིམ་པའི་མོས་པ་མཛོད། །སློབ་དཔོན་གྱིས་ཌཱ་དྲིལ་གདངས་དབྱངས་དང་བཅས་ཏེ་བསྐུལ། ལས་རྡོར་གྱིས་གཏོར་མ་བཏེགས་ལ། ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔ སྲིད་པ་རྡོ་རྗེར་གྲུབ་མཛོད་ཅིག༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་གྲུབ་པར་མཛོད༔ ཨོཾ་ཨཱཿབཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཕཊཿ ས་མ་ཡ་ཨཱ་བེ་ཤ་ཡ་སྟྭྃ༔ སློབ་དཔོན་གྱིས་གཏོར་མ་སློབ་མའི་གནས་གསུམ་དུ་བཞག །གཏོར་མ་དང་གཉིས་སུ་མེད་པའི་བརྒྱུད་གསུམ་རིག་འཛིན་བླ་མ་ཐམས་ཅད་དགྱེས་པ་ཆེན་པོས་འོད་དུ་ཞུ་ནས་སློབ་མའི་སྒོ་གསུམ་ལ་ཐིམ་པས་རྡོ་རྗེའི་ཡེ་ཤེས་ཆེན་པོའི་བྱིན་རླབས་ཀྱི་ཟིལ་གྱིས། ཁྱེད་རྣམས་དཔལ་ཆེན་པོའི་སྐུ་འདི་ལྟར་གསལ་ཐོབ་མཛོད། ཨོཾ་མ་ཧཱ་ཤཱུ་ནྱ་ཏཱ་སོགས། ཆོས་ཐམས་ཅད་རང་བཞིན་གྱིས་འོད་གསལ་སྟོང་པ་ཉིད་ཀྱི་ངང་ལས། སྣོད་རྣམ་པར་དག་པ་འོག་མིན་གསང་ཆེན་རོལ་པའི་དུར་ཁྲོད་ཀྱི་བཀོད་པ་རྫོགས་པའི་དབུས་སུ་པདྨ་ཉི་མ་ལྷ་ཆེན་ཕོ་མོའི་གདན་ལ། བཅུད་རྣམ་པར་དག་པ་ཁྱེད་རང་རྣམས་ཀྱི་རིག་པའི་ངོ་བོ་ཧཱུྃ་མཐིང་ནག་ཡོངས་སུ་གྱུར་པ་ལས་སྐད་ཅིག་གི་དཔལ་ཆེན་རྡོ་རྗེ་གཞོན་ནུ་སྐུ་མདོག་མཐིང་ནག །ཞལ་གསུམ་གཡས་དཀར་ལ་གཡོན་དམར་ཕྱག་དྲུག་གཡས་དང་པོ་དང་བར་པས་རྡོ་རྗེ་རྩེ་དགུ་དང་རྩེ་ལྔ། གཡོན་དང་པོ་དང་བར་པས་མེ་ཕུང་དང་ཁ་ཊྭཱྃ་ག་བསྣམས་ཤིང་ཐ་མ་གཉིས་ཀྱིས་རི་རབ་ཕུར་བུ་འདྲིལ་བ་དཔལ་དང་དུར་ཁྲོད་ཀྱི་ཆས་ཀྱིས་བརྒྱན་ཅིང་ཞབས་བཞི་འདོར་ཐབས་སུ་བགྲད་པའི་པང་དུ་ཡུམ་འཁོར་ལོ་རྒྱས་འདེབས་མ་མཐིང་སྐྱ་ཨུཏྤལ་དང་དུང་ཁྲག་བསྣམས་པས་འཁྱུད་པ་གནས་ལྔར་སྲས་མཆོག་རིགས་ལྔ་ཚིག་མཚམས་ཁྲོ་བོ་བཅུ་སྟང་དཔྱལ་ཁྲ་ཐབས་དང་བཅས་པ། ཡན་ལག་བཞིར་སྒོ་མ་ཕུར་སྲུང་དང་བཅས་གསལ་བའི་དཔྲལ་བར་ཨོཾ་དཀར་པོ། །མགྲིན་པར་ཨ་དམར་པོ། ཐུགས་ཀར་ཧཱུྃ་སྔོན་པོས་མཚན་པར་གསལ་ཐོབ་ཅིག

།དེ་ནས་དབང་དངོས་ལ། བསྙེན་པའི་ཕུར་པ་ལ་བརྟེན་ནས་སྟོད་ལས་མཆོག་སྒྲུབ་ཀྱི་དབང་བཞི་བྱིན་རླབས་ཀྱི་ཚུལ་དུ་བསྐུར་བ་དང༌། ལས་ཀྱི་ཕུར་པ་ལ་བརྟེན་ནས་སྨད་ལས་བསྒྲལ་དབང་གི་ཚུལ་དུ་བསྐུར་བ་གཉིས་ལས། དང་པོ་ནི། མདུན་བསྐྱེད་མཚན་མ་རྫས་ཀྱི་ཕུར་པ་འདི་ཉིད་རྣམ་པ་ཕྱིའི་དབྱིབས་རྫས་ཀྱི་ཕུར་པ་ལ་ནང་དུར་ཁྲོད་རོལ་པའི་གཞལ་ཡས་ཁང་ཁྲག་འཐུང་བཛྲ་ཀཱི་ལ་ཡའི་དཀྱིལ་འཁོར་དབུས་སུ་གཙོ་བོ་རྡོ་རྗེ་གཞོན་ནུ་ཡབ་ཡུམ་ཁྲོ་བཅུ་ཁྲ་ཐབས་སྲས་མཆོག་སྒོ་སྐྱོང་དམ་ཅན་སྲུང་མ་དང་བཅས་པ་ལུས་དཀྱིལ་གྱི་ལྷའི་ཚུལ་དུ་བཞུགས་པ་སྤྱན་དྲངས་ཏེ་དཔྲལ་བར་བཞག་པས་སྐུ་སྣང་སྟོང་བུམ་པའི་དབང་བསྐུར་སྩོལ་བའི་མོས་པ་མཛོད། སྒྲུབ་ཕུར་སྤྱི་བོར་བཞག་སྟེ། ཨོཾཿ སངས་རྒྱས་ཀུན་གྱི་ཡེ་ཤེས་སྐུ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ སྐུ་ཡི་དབྱིག་ཏུ་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊཿ ཀཱ་ཡ་ས་མ་ཡ་ཨ་བེ་ཤ་ཡ་སྟྭྃ༔ མཚན་མ་རྫས་ཀྱི་ཕུར་བུའི་དཀྱིལ་འཁོར་གྱི་ལྷ་ཚོགས་རྣམས་ཀྱི་སྐུ་ལས་ཡེ་ཤེས་ཀྱི་འོད་ཟེར་བདུད་རྩིའི་ཆུ་རྒྱུན་གྱི་རྣམ་པས་ལུས་ཀྱི་ནང་གང༌། རྟོག་སྒྲིབ་བག་ཆགས་དང་བཅས་པའི་དྲི་མ་གཏོར་ཞིང་ཡེ་ཤེས་ལྔའི་ནུས་པ་རྒྱུད་ལ་ཞུགས་ཤིང་རིགས་ཀྱི་བདག་པོ་མི་བསྐྱོད་པའི་དབུ་བརྒྱན་པར་གྱུར། མཐར་ལྷ་ཚོགས་རྣམས་ལས་སྐུ་གཉིས་པ་རེ་འཕྲོས་ཏེ་ཁྱེད་རང་ལ་ཐིམ་པར་མོས་ཤིག །དེས་སྐུ་བུམ་པའི་དབང་བསྐུར། ལུས་ཀྱི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། གཟི་བརྗིད་སྟོབས་ཀྱི་དངོས་གྲུབ་ཐོབ། སྐུའི་བྱིན་རླབས་ལུས་ལ་ཞུགས། བསྐྱེད་རིམ་དབྱིབས་ཀྱི་རྣལ་འབྱོར་བསྒཽམ་པ་ལ་དབང༌། འབྲས་བུ་སྐུ་རྡོ་རྗེ་སྤྲུལ་སྐུ་འགྲུབ་པའི་སྐལ་བ་ཅན་དུ་བྱས་པ་ཡིན་ནོ། །མཚན་མ་རྫས་ཀྱི་ཕུར་བུའི་དཀྱིལ་འཁོར་གྱི་ལྷ་ཚོགས་མགྲིན་པར་བཞག་སྟེ་གསང་བའི་དབང་བསྐུར་སྩོལ་བ་མོས་མཛོད། ཨཱཿ སངས་རྒྱས་ཀུན་གྱྀ་ཡེ་ཤེས་གསུང་༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ གསུང་གི་དབྱིག་ཏུ་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊཿ ཝཱ་ཀ་ས་མ་ཡ་ཨ་བེ་ཤ་ཡ་སྟྭྃ༔ དཀྱིལ་འཁོར་གྱི་ལྷ་ཚོགས་རང་འོད་ཀྱི་ཡུམ་དང་མཉམ་པར་སྦྱོར་བའི་བྱང་ཆུབ་སེམས་ཀྱི་བདུད་རྩིའི་རྒྱུན་སངས་རྒྱས་ཐམས་ཅད་འདུས་པའི་ངོ་བོ་སློབ་མའི་ལྕེ་ཐོག་ཏུ་བྱིན། མགྲིན་པའི་ལམ་བརྒྱུད་རྩ་ཁམས་ཐམས་ཅད་ལ་ཁྱབ། རང་བཞིན་བརྒྱད་ཅུའི་རྟོག་ཚོགས་འོད་གསལ་གྱི་དབྱིངས་སུ་ཐིམ་པས་གསང་བའི་དབང་བསྐུར་ཐོབ་པར་མོས་མཛོད། རྗེས་འབྲེལ་བཟླས་པའི་ལུང་སྦྱིན་པ་ལ། སློབ་དཔོན་དང་མདུན་བསྐྱེད་དབྱེར་མེད་པའི་ཐུགས་ཀར་ཡེ་ཤེས་སེམས་དཔའ་རྡོར་སེམས་ཚོན་གང་བ། དེའི་ཐུགས་ཀར་ཉི་ཟླའི་གའུའི་ནང་ཧཱུྃ་ཡིག་གི་མཐར་འཁོད་པ་ལས་སྐུ་དང་སྔགས་ཕྲེང་མེ་འོད་མཚོན་ཆ་ནམ་མཁའ་གང་བ་འཕྲོས། རྒྱལ་བ་སྲས་བཅས་མཆོད། ཁམས་གསུམ་གྱི་ཉོན་མོངས་པ་སྦྱངས། སྲིད་པ་གསུམ་གྱི་དྲེགས་བྱེད་ཐམས་ཅད་གཟིར། བར་ཆད་འབྱུང་པོ་ཐམས་ཅད་ཚར་བཅད། སྣོད་བཅུད་དཀྱིལ་འཁོར་གསུམ་དུ་རྫོགས་པར་མོས་ལ་སྔགས་འདི་ཡི་རྗེས་ཟློས་ལན་གསུམ་མཛོད། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊཿ ལན་གསུམ་བཟླར་གཞུག །དེས་གསུང་གསང་བའི་དབང་བསྐུར། ངག་གི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། དྲག་སྔགས་ནུས་པའི་དངོས་གྲུབ་ཐོབ། གསུང་གི་བྱིན་རླབས་ངག་ལ་ཞུགས། བདག་བྱིན་བརླབས་པའི་རྣལ་འབྱོར་བསྒོམ་པ་ལ་དབང༌། འབྲས་བུ་གསུང་རྡོ་རྗེ་ལོངས་སྤྱོད་རྫོགས་སྐུ་གྲུབ་པའི་སྐལ་བ་ཅན་དུ་བྱས་པ་ཡིན་ནོ། །མཚན་མ་རྫས་ཀྱིས་ཕུར་བུ་དཀྱིལ་འཁོར་གྱི་ལྷ་ཚོགས་སྙིང་གར་བཞག་སྟེ་གསུམ་པའི་དབང་བསྐུར་སྩལ་བའི་མོས་པ་མཛོད། ཧཱུྃ༔ སངས་རྒྱས་ཀུན་གྱི་ཡེ་ཤེས་ཐུགས༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ ཐུགས་ཀྱི་དབྱིག་ཏུ་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊཿ ཙིཏྟ་ས་མ་ཡ་ཨཱ་བེ་ཤ་ཡ་སྟྭྃ༔ དཔལ་ཆེན་པོའི་སྦྱོར་ཡུམ་ལས་གཟུགས་དང་ལང་ཚོ་ལྡན་པའི་རིག་མ་ཡེ་ཤེས་ཕྱག་རྒྱའི་ངོ་བོ་ཅན་སྤྲཽས་འདུས་ཤེས་གསུམ་གྱི་སྙོམས་པར་ཞུགས་པས། ལུགས་འབྱུང་དང་ལུགས་ལྡོག་གི་ཐབས་ཤེས་དགའ་བ་བཅུ་དྲུག་མྱོང་བའི་མཐར་ཐུག་ལྷན་སྐྱེས་བདེ་བ་ཆེན་པོ་འཕོ་མེད་དུ་བརྟན་པར་མོས་ཤིག་དེས་ཐུགས་ཤེས་རབ་ཡེ་ཤེས་ཀྱི་དབང་བསྐུར། ཡིད་ཀྱི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། བདེ་ཆེན་ཕྱག་རྒྱ་ཆེན་པོའི་དངོས་གྲུབ་ཐོབ། ཐུགས་ཀྱི་བྱིན་རླབས་སེམས་ལ་ཞུགས། གཞན་ལུས་ཕོ་ཉའི་མྱུར་ལམ་བསྟེན་པ་ལ་དབང༌། འབྲས་བུ་ཐུགས་རྡོ་རྗེ་ཆོས་སྐུ་འགྲུབ་པའི་སྐལ་པ་ཅན་དུ་བྱས་པ་ཡིན་ནོ། །མཚན་མ་རྫས་ཀྱི་ཕུར་བུ་སླར་ཡང་སྙིང་གར་བཞག་སྟེ། དབང་བཞི་པའི་དོན་ངོ་སྤྲོད་པར་མོས་མཛོད། ཧྲཱིཿ སངས་རྒྱས་ཀུན་གྱི་ཡེ་ཤེས་དབྱིངས༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ ཡེ་ཤེས་དབྱིག་ཏུ་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊཿ ཛྙཱ་ན་ས་མ་ཡ་ཨཱ་བེ་ཤ་ཡ་སྟྭྃ༔ མཚོན་བྱེད་དཔེ་ཡི་ཐབས་ལ་བརྟེན་ནས་མཚོན་བྱ་དོན་གྱི་ཡེ་ཤེས་ངོ་སྤྲད་པ་ནི།

རྡོ་རྗེའི་ཚིག་འདི་ལ་གསན་འཚལ། ཕུར་ནི་ཐབས་ཀྱི་རྒྱལ་པོ་སྟེ༔ པ་ནི་ཤེས་རབ་དབྱིངས་ཀྱི་ངང་༔ ཟུང་འཇུག་ཆེན་པོར་མཉམ་བཞག་པས༔ བཞི་པའི་ཡེ་ཤེས་སྐྱེས་པར་བསམ༔ ཞེས་གསུངས་པ་ལྟར་དབྱིངས་སྟོང་ཉིད་སྤྲོས་བྲལ་གྱི་འཆར་ཆ། རིག་རྩལ་འཁོར་འདས་སྣ་ཚོགས་སུ་ཤར་ཡང༌། ཟུང་འཇུག་གདོད་མའི་གཤིས་ལ་སྐྱེ་འགགས་གནས་གསུམ་དང་བྲལ་བ་སྨྲ་བསམ་བརྗོད་བྲལ་ཆེན་པོ་ནམ་ཡང་འཕོ་འགྱུར་མེད་པའི་དོན་ལ་མཉམ་པར་ཞོག་མཛོད། དེས་ཡེ་ཤེས་བཞི་པའི་དབང་བསྐུར། སྒོ་གསུམ་ཆ་མཉམ་གྱི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། ཡེ་ཤེས་རྡོ་རྗེའི་སྟོབས་དང་དབང་བཅུའི་དངོས་གྲུབ་ཐོབ། རིག་པ་རྩལ་གྱི་བྱིན་རླབས་ཅིག་ཆར་དུ་ཞུགས། འོད་གསལ་རྡོ་རྗེ་སྙིང་པོའི་དོན་བསྒོམ་པ་ལ་དབང༌། འབྲས་བུ་མི་འགྱུར་རྡོ་རྗེ་མངོན་པར་བྱང་ཆུབ་པའི་སྐུ་འགྲུབ་པའི་སྐལ་པ་ཅན་དུ་བྱས་པ་ཡིན་ནོ། །སླར་ཡང་དབང་གི་ཡེ་ཤེས་སྐྱེས་བརྟན་གོང་འཕེལ་དུ་བྱ་བའི་ཕྱིར། མཚན་མ་རྫས་ཀྱི་ཕུར་བུའི་དཀྱིལ་འཁོར་ལྷ་ཚོགས་རྣམས་ཀྱི་སྟེང་གི་ཆ་ལ་རིག་འཛིན་གྲུབ་ཐོབ་བརྒྱུད་པའི་བླ་མ། བར་གྱི་ཆ་ལ་ཡི་དམ་ཞི་བ་དང་ཁྲོ་བོ། འོག་རོལ་དུ་མཁའ་འགྲོ་དམ་ཅན་སྲུང་མ་རྣམས་སྤྲྀན་གཏིབས་པ་ལྟར་བཞུགས་པའི་གསང་བ་གསུམ་ལས་འབྲུ་གསུམ་དང་བྱིན་རླབས་འོད་ཟེར་བདུད་རྩིའི་རྒྱུན་དཔག་ཏུ་མེད་པ་བྱུང༌། ཁྱེད་རང་རྣམས་ལ་ཐིམ་པས་སྒོ་གསུམ་ཆ་མཉམ་དང་བཅས་པ་དབང་བཞིའི་ཡེ་ཤེས་ཀྱི་སྨིན། རྡོ་རྗེ་བཞིའི་དཀྱིལ་འཁོར་ཆེན་པོའི་བདག་ཉིད་དུ་གྲོལ། ལས་དང་ཉོན་མོངས་ཤེས་བྱའི་སྒྲིབ་པ་བག་ཆགས་དང་བཅས་པ་སྦྱངས། རིག་འཛིན་རྣམ་པ་བཞིའི་ས་ལམ་ཡོངས་སུ་རྫོགས། མཆོག་དང་ཐུན་མོང་གི་དངོས་གྲུབ་ཀྱི་གཏེར་ལ་སྤྱོད། སངས་རྒྱས་ཀུན་གྱི་སྐུ་དང་ཡེ་ཤེས་ཀྱི་བདག་ཉིད་དཔལ་ཆེན་པོ་རྡོ་རྗེ་གཞོན་ནུའི་གསང་བ་མི་ཟད་རྒྱན་གྱི་འཁོར་ལོ་དང་རོ་གཅིག་ཏུ་གྱུར་པའི་མོས་པ་མཛོད། སྒྲུབ་ཕུར་སྤྱི་བོར་བཀོད་ལ། ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་སྩོལ་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཡེ་ཤེས་ཁྲོ་བོ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊཿ ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་ས་མ་ཡ་ཨཱ་བེ་ཤ་ཡ་སྟྭྃ༔ དཀྱིལ་འཁོར་གྱི་ལྷ་ཚོགས་དགྱེས་པ་ཆེན་པོའི་འོད་དུ་ཞུ་ནས། ཁྱེད་རང་རྣམས་ལ་ཐིམ་པས་གཉིས་སུ་མེད་པར་བྱིན་གྱིས་བརླབ་པ་ལ་ཤིས་པ་བརྗོད་པའི་ཚིག་གི་མངའ་གསོལ་བར་མོས་མཛོད། ཧཱུྃ༔ རིག་འཛིན་རྩལ་འཆང་བྱིན་རླབས་ཀུན་གྱི་བདག༔ སྲིད་པའི་ཕུར་བུ་དངོས་གྲུབ་ཀུན་གྱི་གཏེར༔ མ་མོ་མཁའ་འགྲོ་མྱུར་མགྱོགས་ཕྲིན་ལས་ཅན༔ ཕུར་པའི་དཀྱིལ་འཁོར་ལྷ་ཡི་བཀྲ་ཤིས་ཤོག༔ གཉིས་པ་ལས་ཀྱི་ཕུར་པ་ལ་བརྟེན་ནས། མངོན་སྤྱོད་གཙོ་བོར་གྱུར་པའི་ལས་རབ་འབྱམས་སྒྲུབ་པའི་དབང་བསྐུར་ལ་ཁྱེད་རང་རྣམས་དཔལ་ཆེན་པོའི། སྙེམས་པ་མཆོག་ཏུ་བརྟན་པས་ཕྱག་ཏུ་ཕྲིན་ལས་ཀྱི་ཕོ་ཉ་ཡོངས་སུ་རྫོགས་པའི་གདབ་ཕུར་གཏད་པར་མོས་ཤིག །ལས་ཕུར་སློབ་མས་འདྲིལ་ཏེ། ཧཱུྃ༔ བྲན་དང་བཀའ་ཉན་ཕོ་ཉའི་ཚོགས༔ ཁྱེད་ཀྱི་ཐུགས་དམ་དུས་ལ་བབ༔ སྔོན་ཆད་ཚུལ་བཞིན་དམ་བཅས་པའི༔ མངོན་སྤྱོད་ཕྲིན་ལས་འགྲུབ་པར་མཛོད༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊཿ མ་རཀྨོ་ཡཀྨོ༔ ཀཱ་ལ་རཱུ་པ༔ སྙིང་རྩ་ལ་ཡཾ་ཡཾ༔ སྲོག་ལ་ཡཾ་ཡཾ༔ སྙིང་ལ་ཁྲིལ་ཁྲིལ༔ སྲོག་ལ་ཆུམ་ཆུམ༔ ཙིཏྟ་སྲོག་ལ་ཏུང་ཏུང་༔ སྙིང་ཁྲག་སྲོག་ལ་ཤད་ཤད༔ ཐུམ་རི་ལི་ལི༔ ཙེག་ཙེག༔ འུར་འུར༔ ཤིག་ཤིག༔ གུལ་གུལ༔ མྱགས་མྱགས༔ སོད་སོད༔ དྷ་ཏི་མ་མ་ཀརྨ་ཤཱི་གྷྲཾ་ཀ་ར་ཡེ༔ མཱ་ར་སེ་ན་པྲ་མརྡྷ་ན་ཡེ་ཧཱུྃ་ཕཊ༔ དེ་ལྟར་གཏད་པའི་ཕུར་པ་ཕྱོགས་བཅུར་བསྒྲིལ་ཞིང་གཟིར་བས་བྱ་བ་ནན་ཏན་གྱི་ཕྲིན་ལས་སྲུང་བ་རྡོ་རྗེའི་རྫོང་མཁར། བཟློག་པ་དྲག་པོའི་དམག་དཔུང༌། གདབ་པ་ལས་ཀྱི་སྤུ་གྲི། མཐའ་སྡུད་མནན་བསྲེག་འཕང་གསུམ་གྱིས་མཚོན་དྲག་ཤུལ་གྱི་ལས་ཆེན་བཅུ་གཉིས་ལོག་རྡུག་འབྱམས་གསུམ་གྱི་སྐྱོན་དང་བྲལ་བས་ཕྱི་ནང་གསང་བའི་དགྲ་གསུམ་བསད། བདུད་བཞི་བཅོམ། འཕྲང་གསུམ་ལས་བརྒལ་ནས་དཔལ་ཁྲག་འཐུང་ཆེན་པོ་འཇིགས་མཛད་རྡོ་རྗེ་གཞོན་ནུ་དང་དགོངས་སྤྱོད་མཉམ་པར་མོས་མཛོད། དེ་དག་གིས། ཐུགས་ཀྱི་ཕུར་གཅིག་ལ་བརྟེན་ནས༔ ཏིང་ངེ་འཛིན་གྱི་དབང་བསྐུར་བ༔ རྒྱུད་ཀྱི་ཁོང་སྙིང་ཕྱུངས་པ་སྟེ༔ སྣོད་ལྡན་བུ་ལ་གཏད་དོ་རྒྱ༔ ཞེས་སྤྲོས་པའི་ཡན་ལག་བསྡུས་ཀྱང་ཡང་གསང་ཐུགས་ཀྱི་ཕུར་གཅིག་ལ་བརྟེན་པའི་སྙིང་པོ་དོན་གྱི་དབང་བཞིའི་མཐའ་བརྟེན་དང་བཅས་པ་ཡོངས་སུ་རྫོགས་པའི་ཟབ་ཁྱད་ཅན་སྔོན་ཆད་རྒྱ་ཆེར་མ་བསྟན་པའི་ཟབ་གསང་ཌཱ་ཀིའི་ཐུགས་ཏིག་བྱིན་རླབས་དོན་གྱི་བརྒྱུད་པ་མ་ཉམས་པའི་དབང་གི་རིམ་པ་ལེགས་པར་གྲུབ་པ་ལགས་པས་སོགས་མཚམས་སྦྱོར་དང་བཅས་དམ་ཚིག་ཁས་བླང༌། གཏང་རག་ལུས་འབུལ། དགེ་བསྔོ་རྣམས་དང༌། ཚོགས་ལ་རོལ་ཞིང་ལྷག་མ་བཏང་བ་སོགས་ཕྲིན་ལས་རྗེས་ཀྱི་རིམ་པ་མཐར་ཆགས་སུ་བྱའོ། །འཇི༵གས་བྲལ༵་མཁྱེན༵་བརྩེ༵་དགྱེས་པའི་མདངས། །སྟོབས་བཅུའི་འོ༵ད་ཟེར་སྟོང་འབར་བ། །ཕྱོགས་ལས་རྣམ་རྒྱལ་བཀྲ༵་ཤིས༵་ཀྱི། །བསྟན་འགྲོའི་དཔ༵ལ་འབྱོར༵་རྒྱས་གྱུར་ཅིག །རྩ་གསུམ་འོད་གསལ་སྙིང་ཐིག་གི་ཡི་དམ་ཕྲིན་ལས་ཕུར་པ་འདུས་པའི་དྲིལ་སྒྲུབ་ཀྱི་དབང་གི་རིམ་པ་ཕྲིན་ལས་རྒྱན་གྱི་རོལ་མོ་ལེའུ་ཚན་བཅུ་བདུན་པ་ཕྲིན་ལས་དྲག་པོ་རྩལ་གྱིས་སྦྱར་བ་སྟེ་རྫོགས་པའོ། ༈ །་་་་་མཚམས་འདིར་ཕུར་པ་འདུས་པའི་དྲིལ་སྒྲུབ་མཁྱེན་བརྩེ་དབང་པོས་ཕབ་འཕྲོ་ཅན། དིལ་མཁྱེན་རིན་པོ་ཆེས་དགོངས་པའི་གཏེར་ལས་ཕབ་པའི་དབང༌། རྩ་གསུམ་འོད་གསལ་སྙིང་ཐིག་གི་ཁ་སྐོང་ཕུར་པ་འདུས་པའི་དྲིལ་སྒྲུབ་ཀྱི་དབང་བསྐུར་བཀླག་ཆོག་ཏུ་བཀོད་པ་རྡོ་རྗེ་བདུད་རྩིའི་བུམ་བཟང་ཟུར་གསལ་ལྟར་བསྐུར་དགོས་མཆན། ༈

།གཉིས་པ་རྩ་གསུམ་འོད་གསལ་སྙིང་ཐིག་གི་ཕྲིན་ལས་ཀྱི་རྩ་བ་མཁའ་འགྲོའི་སྒྲུབ་སྐོར་ལ། རིགས་ལྔ་མཁའ་འགྲོ་སྤྱི་དང་བྱེ་བྲག་གི་སྒྲུབ་ཐབས་དབང༌། ལས་ཚོགས་བཅས་རྒྱ་ཆེར་ཡོད་པའི་རྩ་ཐོ་རྗེ་བླ་མ་ཐམས་ཅད་མཁྱེན་པའི་ཕྱག་བྲིས་དངོས་མཇལ་བའི་སྐལ་བཟང་ཐོབ་ཀྱང་ཕག་མོ་དཀར་མོ་ཙམ་ལས་གཞན་གཏན་ལ་མ་ཕབ་པར་མངོན་ལ། དེ་ལ་ནི་མཁས་གྲུབ་རྒྱལ་པོ་འཇམ་མགོན་རྣམ་གཉིས་ཀྱི་ལྗགས་བསྒྲིགས་བཞུགས་བཞིན་པ་དང༌། གཞན་བདུད་རྩི་བདེ་ཆེན་སྙིང་པོ་དང༌། ཕུར་པ་འདུས་པའི་དྲིལ་སྒྲུབ་གཉིས་དབུ་གཞག་ཙམ་ལ་རྫོགས་པར་མ་ཕེབས། ༈ །གསུམ་པ་བཀའ་སྲུང་གསོལ་མཆོད་རྡོ་རྗེའི་དྲྭ་བའི།་་་་སྲོག་དབང་མཁྱེན་བརྩེ་དབང་པོས་ཕབ་མ་གྲུབ་པ་ལ། དིལ་མཁྱེན་རིན་པོ་ཆེས་བཀའ་སྲུང་གསོལ་མཆོད་རྡོ་རྗེའི་དྲྭ་བའི་སྲོག་དབང་རྡོ་རྗེའི་རྒྱ་ཅན་དགོངས་པའི་གཏེར་ལས་ཕབ་ཅིང་དེའི་ཆོག་བསྒྲིག་རྩ་གསུམ་འོད་གསལ་སྙིང་ཐིག་གི་བཀའ་སྲུང་ལྕམ་དྲལ་དྲིལ་སྒྲུབ་ཀྱི་སྲོག་དབང་བྱ་ཚུལ་ཟུར་དུ་བཞུགས་པ་ལྟར་བསྐུར་དགོས་མཆན། དེ་ལྟར་ན་ད་ལྟ་བདག་ཅག་གི་སྤྱོད་ཡུལ་དུ་གྱུར་པ་མཐའ་དེ་ཙམ་གྱིས་རྫོགས་པར་གྲུབ་པའོ། །ཐེག་མཆོག་སྟོན་པའི་ཐུགས་བསྐྱེད་སྐྱ་རེངས་དང༌། །སྐལ་བཟང་གདུལ་བྱའི་སྨོན་ལམ་རྟ་བདུན་ཤུགས། །ནང་མཛོམས་བཀའ་བབས་རིན་ཆེན་བདུན་གྱི་ཉི། །མི་མཇེད་ཞིང་གི་རྒྱན་དུ་མཛེས་པར་ཤར། །རྒྱ་ཆེའི་བཀའ་དང་ཟབ་གཏེར་བདུད་རྩིའི་རླབས། །སྨིན་གྲོལ་བསྐྱེད་རྫོགས་གདམས་པའི་རོ་ནུས་ཅན། །གཅིག་ལས་གཅིག་མཚར་འཁོར་བསྒྱུར་དབང་མཛད་བཞིན། །མངོན་སུམ་སྤྱོད་པའི་སྔོན་སྨོན་བཟང་པོའི་མཐུ། །གཟུར་གནས་བློ་ཡི་རིན་ཆེན་མིག་ཡངས་ཤིང༌། །འཆད་རྩོམ་སྒྲུབ་པའི་གཏོང་བའི་ཕྱག་ཡངས་པའི། །བློ་ལྡན་མཆིས་ན་ཐེག་མཆོག་ཆོས་ཀྱི་ཁབ། །མེལ་ཚེ་བགྱིད་ལ་མི་བྲེལ་སུ་ཞིག་མཆིས། །བསགས་པ་རྒྱ་ཆེ་ཕ་ཡི་ནོར་སྐལ་མཆོག །རྗེས་འཇུག་བུ་ལ་བརྩེ་བས་སྦྱིན་པ་འདི། །རང་གར་བོར་ན་དེ་ལས་ཁྲེལ་འོས་སུ། །དེ་ཚུལ་ཤེས་པས་རྟག་ཏུ་བརྩོན་པ་ལགས། །བསགས་སྲུང་བརླག་པའི་སྡུག་བསྔལ་ཁུར་བརྩེགས་ཤིང༌། །ཕུང་གྲོལ་གདེང་ཀས་གཡེངས་པའི་མཛོད་ཕལ་ཆེར། །དགྲ་སྡེས་བརླག་ཀྱང་ཆོས་ཀྱི་གསང་མཛོད་ནི། །འགྲིབ་མེད་བདག་གི་དཔལ་དུ་ཆས་ལ་གཟིགས། །འདི་ནི་སྐྱེ་འཆིའི་འཕོ་སྐྱེས་ཀྱིས་ཐེབ་ཀྱང༌། །ཕྱི་མར་བཅོལ་བའི་ནོར་ལ་རང་དབང་དུ། །འདི་བས་ལྷག་པས་ལེན་ཅིང་འཛིན་སྤེལ་གྱི། །སྤོབས་པའི་མགོ་འཕང་བསྟོད་ལ་སོམ་ཉིད་ཅི། །མཐིང་སྐྱ་མིག་གི་བུང་བ་གཏིང་དུ་ལྷུང༌། །འཁྱོགས་པོའི་སོར་མོ་རྒ་ཤིང་ལྟར་གྱུར་ཡང༌། །ལེགས་བཤད་བཟང་གོས་འཆི་ཁར་ཚེམས་གྲུབ་འདི། །ཆོས་སྲས་ན་ཚོད་གཞོན་ལ་སྐྱེས་སུ་འབུལ། །གསེར་གྱི་རྒྱ་ཕིབས་མཛེས་པའི་ཚོན་རིས་ཅན། །རིན་ཆེན་དར་ཟབ་མཆོད་རྫས་ཀྱིས་གཡོགས་པའི། །གཙུགས་ལག་བཤིག་ཀྱང་སྔ་འགྱུར་དབང་ཆུ་བཞི། །སླར་ཡང་འཕགས་ཡུལ་ཆས་འདི་བདག་ཀྱང་སྤྲོ། །རིག་འཛིན་གྲུབ་པའི་ནུ་ཞོས་གསོས་པ་ཡི། །སེང་ཕྲུག་བདག་ཀྱང་ཐེག་མཆོག་གངས་རིའི་སྦོར། །དགའ་བས་བརྩོན་པའི་ཟློས་གར་འདི་ཡིན་པས། །མཁས་གྲུབ་བྱེ་བས་བྱམས་བརྩེས་གཟིགས་མཛོད་ཀྱེ། །གཡོན་ཅན་གྲོགས་ལྡན་འདུ་འཛི་ལོག་འཚོས་གཡེངས། །བསྐྱེད་རྫོགས་གདིངས་བྲལ་ལྟར་སྣང་ཆོས་ཀྱིས་འཚོ། །ཤ་ཆང་ཁྱིམ་གྱི་གྲོང་གསེབ་སྔགས་རྒན་གྱི། །འདམ་ལས་ངོ་མཚར་པདྨའི་འཛུམ་འདི་བྱུང༌། །ལེགས་བྱས་གང་མཆིས་དམ་པའི་བུང་བ་ཡིས། །དགྱེས་པར་བཞེས་ལ་སྲིད་དང་ངན་སོང་གི །གཡང་སར་ཕྱོགས་ལ་བདག་གི་ཅོ་ཏོ་ནས། །གཟུང་སྟེ་བདེ་ཆེན་གླིང་དུ་ཁྲིད་མཛད་གསོལ། །དེ་སྐད་གངས་ཅན་བོད་ཀྱི་ཤར་ཕྱོགས་ཆར། །མདོ་ཁམས་དམ་ཆོས་བདུད་རྩིའི་དགའ་སྟོན་ལ། །ཅི་དགར་རོལ་པའི་སྐལ་བ་མི་དམན་པ། །མཁྱེན་བརྩེའི་འོད་ཟེར་བུང་བས་བསྟན་ནས་སོང༌། །ཡབ་གཅིག་བླ་མའི་བཞེད་པ་བདག་གིས་སྐོང༌། །ཡུམ་གཅིག་མཁའ་འགྲོའི་གསང་མཛོད་དད་པས་སྤྱོད།

།ལས་གཅིག་བྱས་པ་དོན་ལྡན་འདི་གྱུར་ནས། །ཕྱམས་གཅིག་སྐུ་གསུམ་གླིང་དུ་བརྟཻན་པར་ཤོག །ནམ་ཞིག་དྷུ་མ་ཐ་ལའི་གྲོང་ཁྱེར་ན། །མཁའ་སྤྱོད་མིག་ཡངས་འཛུམ་པའི་ཕོ་ཉ་བཅས། །ཆོས་ཉིད་རང་སྒྲའི་རྒྱུད་ཀྱི་གླིང་བུ་ལེན། །ཟབ་དོན་འགྲམ་ཆང་འཐུང་ལ་མི་ངལ་ཤོག །སངས་རྒྱས་གཉིས་པའི་ཐུགས་བསྐྱེད་དཔུང་ཚོགས་བཞིས། །དཔལ་ལ་དབང་བསྒྱུར་དྲག་ཤུལ་རྡོ་རྗེའི་ཆར། །ནག་ཕྱོགས་རྫོང་ལ་འབེབས་པའི་དམག་དཔོན་དུ། །བདག་གྱུར་ཡིད་སྲུབ་རྒོལ་ངན་མཐར་བྱེད་ཤོག །འཕགས་པའི་ཆོ་རིགས་གཙང་ཞིང་ཐོས་བསམ་སྒོམ། །ལང་ཚོའི་མེ་ཏོག་བཞད་ལ་འདི་འབུལ་བས། །བཤད་སྒྲུབ་ལས་ཀྱི་འཁོར་ལོའི་ཟློས་གར་གྱིས། །ཐུབ་བསྟན་ཀུན་དགེའི་སྐྱེད་ཚལ་མཛེས་པར་མཛོད། །བདག་ཀྱང་ཐོས་པའི་མཛོད་བསགས་བསམ་པས་སྤེལ། །སྒོམ་སྟོབས་གནད་ཀྱི་ཉམས་ལེན་སྲོག་གི་ཟུངས། །ཡིད་འོད་དབེན་པའི་ངོགས་ནས་སྨིན་གྱུར་ཏེ། །ཐུབ་པའི་བསྟན་ལ་བྱ་བ་བྱེད་ནུས་ཤོག །བཀྲ་ཤིས་གང་ཞིག་རྩ་གསུམ་དགྱེས་པའི་ཉིན་མོར་བྱེད། །བྱིན་རླབས་སྣང་བ་འབུམ་གྱིས་སྒེག་པའི་འོད་ཕྲེང་གིས། །དངོས་གྲུབ་པདྨོའི་འཛུམ་གཡོ་ཕྲིན་ལས་དྲི་བསུང་ཁྱབ། །ཕན་བདེའི་བུང་བའི་ཟློས་གར་བརྩེ་བས་མཛེས་གྱུར་ཅིག །ཅེས་ཤར་མདོ་ཁམས་སྡེ་དགེའི་ཆོས་རྒྱལ་ཆེན་པོའི་མངའ་རིས་ཀྱི་ཤར་ཕྱོགས་ཤྲཱི་ན་ལེནྡྲ་གཉིས་པ་རྫོང་སར་བཀྲ་ཤིས་ལྷ་རྩེའི་གཟིམ་སྤྱིལ་འོག་མིན་གཉིས་པ་སྤྲིན་གྱི་སྐྱེད་ཚལ་བཀྲ་ཤིས་འཆི་མེད་གྲུབ་པའི་དགའ་ཚལ་ནས་ཐུབ་བསྟན་ཡོངས་རྫོགས་ཀྱི་མངའ་བདག་ཁྱབ་བདག་རྡོ་རྗེ་སེམས་དངོས་འཇམ་དབྱངས་ཆོས་ཀྱི་བློ་གྲོས་མཆོག་གི་ཞལ་སྔ་ནས་ཟབ་རྒྱས་ཆོས་ཀྱི་འཁོར་ལོའི་དགེ་མཚན་ཉི་ཟླ་འཁོར་ཡུག་ཏུ་འཆར་བའི་སྐབས། ཐུན་མོང་མ་ཡིན་པའི་ཟབ་ཆོས་འདི་དག་གི་སྨིན་གྲོལ་གྱིས་བདག་ཀྱང་རྗེས་སུ་བཟུང་བའི་སྐལ་བཟང་ཐོབ་པའི་སྐབས་འདི་བཞིན་ཞབས་ཏོག་སྲིད་ཞུ་སྤེལ་འོས་ཀྱི་བཀའ་ཕུན་སུམ་ཚོགས་པའི་རྟེན་དང་བཅས་དགྱེས་བརྩེས་ཚངས་གནས་ཀྱི་རྒྱན་དུ་སྩལ་བ་དང་ཆབས་ཅིག །གཏེར་ཆེན་རོལ་པ་རྡོ་རྗེའི་མཆོག་སྤྲུལ་དྭགས་རྙིང་གི་བསྟན་པའི་སྣང་བྱེད་ཆེན་པོ་ཀརྨ་དྲི་མེད་འོད་ཟེར་ཞབས་ཀྱིས་སྨིན་གྲོལ་གྱི་བདུད་རྩི་ལྷན་ཅིག་བཞེས་པས། རྗེ་བླ་མའི་བཀའ་བཞིན་མྱུར་དུ་སྒྲུབ་འོས་པའི་བསྐུལ་མ་རྟེན་དང་བཅས་ཡང་ཡང་སྩལ་བས་རང་ཉིད་ཀྱིས་ཀྱང་དད་སྤྲོའི་བསྙེན་སྒྲུབ་ཀྱི་ཞོར་ཟིན་ཐུན་ཁ་ཤས་བཏབ་ཀྱང༌། མཐའ་མིའི་ལོག་སྤྱོད་ཀྱིས་ཁམས་བོད་ཐམས་ཅད་རྔ་ཐོག་གི་སྲན་མ་བཞིན་ཉམས་ཉེས་གྱུར་པས་རྩ་བའི་ཟབ་ཆོས་འདི་ཉིད་ཀྱང་དབྱིངས་ཀྱི་མཁའ་འགྲོའི་ཕྱག་མཚན་དུ་བཞེས་པ་ལ་ཉེ་བ་ཙམ་དུ་གྱུར་སྐབས། རྒྱལ་བའི་ཕྲིན་ལས་ཀྱི་རེ་ཁཱ་སུབ་ཏུ་མེད་པས་རྗེ་བླ་མ་རིན་པོ་ཆེའི་ཕྱག་དཔེ་འཕགས་ཡུལ་དུ་གདན་འདྲེན་ཞུས་པའི་བཀའ་དྲིན་ལས། རིམ་གྱིས་དཔེ་རྒྱུན་འཕེལ་བ་ལ་ཐེག་མཆོག་སྙིང་པོའི་བསྟན་དང་དེ་འཛིན་ལ་མཆོག་ཏུ་གུས་པའི་བྱང་གནམ་མཚོའི་དོ་སྐྱ་མཆོག་སྤྲུལ་འགྱུར་མེད་པདྨ་དྲི་མེད་ནས་རྩ་དཔེ་ཞལ་བཤུས་ཀྱི་གླེགས་བམ་དབུས་གྱུར་རྡོ་རྗེ་གདན་གྱི་གཙུག་ལག་ཁང་ནས་གནང་བའི་རྟེན་འབྲེལ་གྱི་མཚམས་སྦྱར་ཏེ། ཤར་མདོ་ཁམས་སྡེ་དགེའི་རྒྱལ་ཁམས་གྱི་མུ་ཏོ་བ། འདུ་ཤེས་གསུམ་གྱི་གཡར་དམ་འཆང་བས་གྲོང་གསེབ་ཏུ་འཁྱམས་པའི་རྙིང་སྔགས་རྒན་པོ། སྙན་ལ་བརྗིད་པའི་མིང་མང་པོའི་ཁུར་གྱི་ནོན་པའི་རྨོངས་བརྟུལ་གྱི་ཟོག་པོས་རྒྱ་གར་གྱི་ཡུལ་གྲུ་མཐའ་དབུས་ཀུན་ཏུ་རྒྱུ་བའི་སྐབས་སུ་རང་བློའི་དཔོག་ཚོད་ཇི་ལྟར་ནུས་པའི་ཞབས་ཏོག་ཞུས་པ་ལ། རྡུལ་བྲལ་ཆོས་སྤྱན་མངའ་ཞིང་ངེས་དོན་གྱི་བསྟན་པ་རིན་པོ་ཆེ་ཐུགས་ལ་བཅགས་པའི་གཟུར་གནས་མཁས་གྲུབ་རྣམས་ཀྱིས་དཔྱད་ཞུས་དང༌། སྨིན་གྲོལ་གྱི་སྲོག་རྩ་མི་ཆད་པའི་གཡར་དམ་བཞེས་གྲུབ་སྙིང་ནས་གསོལ་བ་འདེབས་པ་དང༌། ཡི་གེའི་མཐུན་སྦྱོར་བྱང་ཕྱོགས་རེབ་སྐོང་རིག་པའི་འབྱུང་གནས་ཀྱི་སྔགས་བན་འཇིགས་མེད་སྐལ་བཟང་བདེ་ཆེན་གྲུབ་པའི་རྡོ་རྗེའི་དད་གུས་ཀྱི་བརྩོན་པས་བགྱིས་པའི་ངལ་བའི་ཁུར་འདིས་ཀྱང་བསྟན་འགྲོའི་དགེ་མཚན་ཉིན་བྱེད་ཕྱོགས་ཀྱི་ཐ་གྲུ་ཀུན་ཏུ་འཕེལ་རྒྱས་བརྟན་པའི་རྒྱུར་འགྱུར་བ་བླ་མ་རྒྱལ་བ་སྲས་དང་བཅས་པས་བྱིན་གྱི་རླབས་པར་མཛད་དུ་གསོལ། སརྦ་དཱ་སུ་ཤྲཱི་ཡེ་བྷ་ཝནྟུ། སླར ༢༠༠༨ ལོར་བཀའ་བབས་སྐོར་བསྐྱར་བསྒྲིག་སྐབས་དབང་སྒྲུབ་རྣམས་ནག་འགྲོས་སུ་བཀྲོལ་བའི་ངལ་བ་མ་བྱས་ལ། བསྐུར་ཆོག་ཕལ་ཆེར་ཡིག་ཆུང་ལ་འབྱིན་འཇུག་ཅི་རིགས་བཅས་ནག་འགྲོས་སུ་བགྱིས་པ་པོ་ནི་ཕུན་ཚོགས་རྣམ་རྒྱལ་ཏེ་བླ་མའི་གསུང་ལ་རས་ཆོད་ཏུ་སོང་བའམ་དམ་མེད་ཧམ་པ་ཅན་རྣམས་ཟབ་ཆོས་ལ་རང་དགར་འཇུག་བདེར་གྱུར་པའི་ནོངས་པའི་ཚོགས་ཀུན་སྙིང་ནས་མཐོལ་ཤིང་དགེ་བས་གཏེར་ཆོས་ཀྱི་ཕྲིན་ལས་རྟག་ཁྱབ་ཏུ་འབར་བའི་རྒྱུར་གྱུར་ཅིག། །།

[edit]

@#/___/dgongs gter 'od gsal snying thig las/__bla ma rtsa gsum spyi dang bye brag gi smin lam dbang gi phreng ba 'jug bde dkyus gcig tu bkod pa smin grol ye shes bdud rtsi'i gsang mdzod ces bya ba bzhugs so//__@#/__/chos dbyings kun khyab 'od gsal ye shes sprin/__/rtsa gsum sgyu 'phrul drwa ba'i rol sgeg gis/__/byin rlabs dngos grub phrin las bdud rtsi'i char/__/'bebs mdzad rdo rje thod phreng rtsal 'chang rgyal/__/khyod thugs ye shes gsang ba'i mdzod brdol nas/__/ngo mtshar zab rgyas gdams pa'i lam srol gyis/__/snang bas gangs can bstan 'gro'i phan bde'i dpal/__/'dod dgu 'byed mdzad mkhyen brtse'i dbang por gus/__/rgyal kun gsung gi rdo rje'i khyab bdag phyir/__/gsang ba rgya mtsho'i 'dod dgu'i dpal gyi dbyig__/rmad byung smin grol ngo mtshar 'phrul gyi sgo/__/'di na skal bzang kun dga'i gsos su sbyin/__/de la 'dir rtsa gsum 'od gsal snying thig gi chos skor yongs rdzogs kyi smin lam dbang gi phreng ba 'jug bde dkyus gcig tu bkod pa la/__bla ma sku gsum spyir sgrub pa dang*/__rtsa gsum bye brag tu sgrub pa'i smin byed gnyis/__dang po la'ang*/__phyi nang gsang ba yang gsang gi dbang bskur ro/__/dang po rtsa ba phyi sgrub bla ma gsang 'dus rdo rje 'chang thod phreng rigs lnga gu ru mtshan brgyad bcas gcig dril sgyu 'phrul drwa ba'i dbang bskur 'bog pa la/__grub pa'i slob dpon chen po sgeg pa'i rdo rjes/__rgyu gnyis rkyen bzhis yan lag bsnyad/__drug la gnas pa'i thob byed do/__/ngo bo nyid kyi rnam par bshad/__/ces gsung pa ltar rdo rje theg pa'i lam gyi rtsa ba ni dbang bskur ba ste/__gsang sngags lam gyi bstan don mthar thug shin tu rtogs par dka' ba dag mnyam bden pa dbyer med gzhi yi dkyil 'khor ye nas rang la gnas pa nyid dbang bskur ba'i cho ga zab mos btsan thabs su 'char bar byed pa ste/__rdo rje bzhi'i ye shes smin par byed pa'i thabs khyad par can yin pa'i phyir thog ma'i 'jug sgo med du mi rung bas/__dbang bskur mtshan nyid pa la rgyu gnyis rkyen bzhi tshogs pas rgyu bzhi'i go 'phang gi chos gdul bya'i rgyud la 'jog pa'i byed las kyis ye shes dngos su skyes pa'am skye nges kyi nus pa ci rigs thon dgos pas na/__rgyu'i rkyen dbang gi snod du rung ba'i slob ma ste/__dad dang brtson 'grus gsum ldan dang*/__/brtul zhugs gsum ldan slob ma la/__/zhes pa ltar dang*/__bdag po'i rkyen phyi nang gsang ba'i de nyid bcu dang ldan pas gzhan rgyud smin nus pa'i rang bzhin brgyad ldan gyi rdo rje slob dpon mtshan nyid dang ldan pas/__dmigs pa'i rkyen dbang rdzas/__sngags/__ting 'dzin gsum tshogs pa'i nus pa khyad par can dang ldan pa tshogs pas/__dbang dang cho ga snga ma snga mas go phyes nas phyi ma phyi ma 'byung bas na snga ma 'di de ma thag rkyen ste/__des na dbang bzhi spyi dang bye brag go rim ma 'chol bar bskur bas/__mtshungs ldan gyi rgyu slob ma'i rtsa rlung thig le sems dang bcas pa'i bye brag dbang so so'i rjes mthun gyi chos re chos nyid bde ba chen po'i khyab ste yod pa la/__lhan cig byed rgyu dbang bzhi so so'i dbang rdzas sngags kyi lta dgongs khyad par can gyis dus der gang la dbang bskur ba de'i ched du rab gnas byas pa'i byin rlabs dang ldan pa rnams tshogs pa'i mthu las rang gnas kyi ye shes mngon du 'char ba ni/__phur pa'i rgyud las/__chos nyid kyi bden pa'o/__/gsang sngags kyi byin rlabs so/__/sangs rgyas kyi mthu'o/__/zhes gsungs pa bzhin no/__/de ltar dbang thob pas lta ba khyad par can rgyud la skyes pa dang*/__de'i don bzhin bskyed rdzogs sgom pa la dbang ba dang*/__spyod pa la nus pa thob pa dang*/__sgrub pa dang mchod pa phrin las sngags phyag rgya rnams don yod pa dang dam tshig thob par byed pas gsang sngags kyi lam kun gyi 'byung gnas su gyur pa dang*/__go 'phang gi rim pa thob par byed pa la rgyal po lta bu yin pas tshul 'di nyid kyi rnam bzhag rgyud dang sgrub sde'i man ngag las rgya cher 'byung ba ltar nyams 'og tu tshud pa ni shin tu gal che ba'i gnad spyir smos nas/__bye brag rim pa dbang gi cho ga dngos la/__thun mong smin byed ye shes thig le/__dbang bzhi ye shes dpal ster byin rlabs brda yi dbang bzhi/__gtor dbang byin rlabs dpal ster bzhi las/__dang po/__smin byed ye shes thig le'i sngon 'gro phyi nang gi 'jug pa'i chos/__dngos gzhi thun mong rig dbang lnga/__mtha' rten rnam rgyal bum pa'i dbang bcas dang*/__dbang bzhi ye shes dpal ster zab dbang dngos su yin pa de gnyis su dgongs pa gung bsgril gyis thog mar bskur dgos pas de'i tshul la/__sngon 'gro lhag gnas gsum/__dngos gzhi dbang don sgrub cing mchod bsnyen/__bdag nyid 'jug cing slob ma gzhug pa/__rjes tshogs dang gtor ma btang zhing las rim mthar dbyung ba'o/__/dang po la'ang*/__yul can lha dang*/__bum pa/__yul slob ma lhag gnas so/__/dang po ni/__spyir rtsa gsum 'od gsal snying thig rang gzhung gi thun mong smin byed ye shes thig ler sta gon dngos bstan du mi 'byung yang dngos gzhi'i dbang gi sngon 'gror med du mi rung bas rje bla ma'i zab gter 'jam dpal snying thig sgron ma bdun pa'i sta gon 'di'i sngon du sbyor ba phyag bzhes su mdzad 'dug kyang de'i dpe ma bzhugs stabs dgongs gter 'chi med 'phags ma'i snying thig gi rtsa dbang ye shes thig le nas kha bskang ste bkod pa la/__mtshan nyid dang ldan pa'i gnas su sgrub pa'i khang pa phyags dar rgyan gyis spras par dkar phyogs kyi tshes bcu sogs dus dge zhing shis par/__gung du gzhung mthun gyi rten bkram pa'i spyan sngar bdag bskyed mchod pa chu gnyis nyer spyod/__sman gtor rak+ta rnams ci bder bkod/__dkyil 'khor gyi gzhir stegs bu khebs ldan gyi dbus rin po che'i maN+Dal dri'i thig le bkod pa la me tog gam/__'bru gsher ldan gyi tshom bu dbus su che ba gcig__/phyogs bzhir de las dma' ba bzhi/__de rgyab brgyad/__de rgyab bzhi bcas je chung du bkod/__mdun rgyab gang bder sman raka gtor gsum/__chu gnyis nyer spyod bskor bshams/__dkar gtor gser skyems dang bcas pa/__slob dpon gyi mdun du/__las bum/__rdo dril sogs nyer mkho'i yo byad tshogs par byas la/__bde ba'i stan la 'khod pas tshig bdun dang brgyud 'debs sngon du 'gro bas skyabs sems nas brtsams phyi sgrub sgyu 'phrul drwa ba bzlas pa bcas bsdus tsam btang la/__dkar gtor bsang sbyangs/__stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/__oM AHhU~M lan gsum gyis byin gyis brlabs:__oM lo ka pA la sa pa ri wa ra badz+ra sa ma ya dzaHsa mgron spyan drangs/__s+tha na pa ti k+She tra pA lany+tsa na maHsarba ta thA ga ta b+h+yo bi shwa sogs/__g+hr-i h+Na daM ba lin+ta khA hi/__lan gsum gyis gtor ma phul te/__gang dag 'dir gnas sogs kyis phrin las bcol zhing gtor ma dang gser skyems phul bas sa slong gi don yang tshang bas sgrub gnas rnying pa la de tsam gyis rung bar phyag bzhes su mdzad do/__/de nas lha sta gon dngos la phyi sgrub sgyu 'phrul drwa ba'i las byang gi mchod pa byin rlabs:__oM AHhU~M:__bdag nyid lhar gsal thugs ka'i sa bon las:__'phros pa'i 'od kyis mchod rdzas gzung 'dzin sbyangs:__snang srid gzhir bzhengs kun bzang mchod pa'i sprin:__dpag yas nam mkha' mdzod kyi gter du gyur:__oM badz+ra ar+g+haM nas/__shap+da'i bar dang*/__rU pa/__shab+da/__g+han+d+he/__ra sa/__spar+she ma hA pany+tsa a mr-i ta rak+ta ba liM ta ga Na tsakra sarba pU dza AHhU~M:__lan gsum brjod pas byin gyis brlab/__tshom bu las sngags kyis bsang*/__swa b+hA was sbyangs/__stong pa'i ngang las mdun gyi rten yongs gyur:__phyi snod bde chen pad+ma 'od kyi gling :__shin tu nyams dga' ngo mtshar bkod pas mdzes:__sogs phrin las ltar dam tshig bskyed/__ye shes pa bstim/__phyag mchod bstod pa'i bar dkyus ltar btang*/__rdor dril dang spos thogs/__pus btsug thal mo sbyar la/__oM:__phyogs dus rtsa gsum rgyal kun gyi:__khyab bdag 'chi med thod phreng rtsal:__sngon gyi thugs dam chen po yis:__bdagal dgongs par mdzad du gsol:__rig pa 'dzin pa bdag gis ni:__yo byad rnam pa thams cad pas:__bde ba'i longs spyod rab sbyar te:__lha rnams yongs su mchod pa dang :__snod ldan rnams la phan bdags phyir:__sngags kyi cho ga'i thabs chen pos:__snying po'i dkyil 'khor bsgrub pa dang :__rang gzhan don kun bgyi 'tshal na:__ye shes snying rje chen po yis:__bzod par mdzad de gnang nas kyang :__snod bcud rig 'dzin bla ma rje'i:__rdo rje gsum dang dbyer med par:__byin gyis brlabs par mdzad du gsol:__ces gsol bas lha tshogs rnams dgyes pa chen po'i rig pa 'dzin pa khyed kyis dkyil 'khor gyi las ji ltar 'os pa gyis shig ces bka'i gnang ba stsal bas sgrub pa'i sa la thim pas ye shes gzi byin lhag par 'bar bar gyur/__/ces dmigs la maN+Dal tshom bu bcas bsdu/__gnyis pa ni/__rin po che'i bum pa dri yi chab dang nyer lnga'i bcud ldan gnyis kha rgyan mgul chings bcas pa bkod nas/__mchod pa rnams sngar ltar gsar du bshams pa'am kha gso/__dung zhal gzungs thag bcas 'du byas la/__bsang sbyangs/__stong pa'i ngang las rnam rgyal bum pa ni:__b+h+rU~M yig yongs gyur rin chen sna tshogs las:__yongs grub phyi ni bum gzugs gzhal yas khang :__tshad dang mtshan nyid thams cad rdzogs pa yi:__lte bar rin chen pad+ma nyi zla'i steng :__rdo rje hU~M yig mnyam sbyor 'phro 'du las:__dbus su lhun grub rig 'dzin thod phreng rtsal:__sogs phrin las ltar dam tshig bskyed ye shes pa spyan 'dren bzhugs gsol mchod cing bstod pa'i bar btang*/__rang gi thugs nas sngags kyi phreng :__rdo rje'i gzungs thag las brgyud de:__bum lha'i thugs dam rgyud bskul bas:__bde stong rol pa'i 'od zer sprin:__mkha' khyab kun tu snang ba yis:__'phags mchod 'gro ba'i don kun sgrub:__tshur 'dus thugs ka'i dpal ber 'khyil:__sku dang sngags las bdud rtsi'i rgyun:__dpag med byung nas bum pa'i bcud:__dngos grub kun gyi snying por gyur:__ces pas ting 'dzin gsal btab/__gzungs thag blangs la bsnyen sgrub kyi sngags gnyis sum brgya las mi nyung ba dang*/__hU~M bzlas kyang cung zad bya/__mthar/__oM AHhU~M:__zhes dung zhal gyi chu mchod yon du phul bas/__lha tshogs bde ba chen po'i ngo bor 'od du zhu bas slob ma'i rgyud dag cing dbang gi ye shes bskyed pa'i dngos grub ster ba'i nus ldan du gyur/__ces mos/__las bum nang du pad nyi'i steng :__pad+ma rta mgrin sku mdog dmar:__dur khrod chas rdzogs dor stabs bzhugs:__sku las rdo rje bdud rtsi'i rgyun:__babs pas bum pa gang bar gyur:__oM hrIHpad+mAn+ta kri ta sarba big+h+nAn ha na ha na hU~M phaT:__zhes pa brgya rtsa brgyad bzla/__hU~M zhes bskul bas/__dpal khro bo'i rgyal po rta mgrin gyis dbang gi bya ba ma grub kyi bar du bar gcod kyi bgegs thams cad bzlog pa'i phrin las mdzad du gsol/__ces las bcol nas bzhag__/thung mong rig dbang lnga'i dbang rdzas dang*/__sku rten tsakli'i bdud rtsi sogs skabs 'dir tshogs par byas la der dmigs pas/__dbang rdzas rnams ngo bo rnam par dag pa chos kyi dbyings rang bzhin ye shes kyi snang ba cir yang 'char ba'i byin rlabs dang dngos grub ma lus pa 'byung ba'i dbyig tu gyur par mos la dkyil 'khor yol bas bsgrib/__gsum pa dbang bskur ba'i yul slob ma lhag gnas ni/__dpung skud/__ku sha/__so shing*/__khyor chu/__slob ma mchod pa'i nyer spyod lnga bcas 'du byas la/__smin grol 'bog par 'os pa'i slob ma ji ltar rigs par bos la/__sgo'i phyi rol du khrus nas dbyung*/__nang du zhugs pa na maN+Dal bkye bsdu dang sems bskyed gsal gdab/__de'ang skyes bu gsum gyi lam yongs su rdzogs pa'i snod rung lha bas lhag pa'i rten rdo rje'i khams drug dang ldan pa'i dal 'byor gyi mi lus rin po che dpe grangs rgyu dang ngo bo'i shin tu rnyed dka' zhing don med du chud za bar phangs pa dang*/__khyad par sangs rgyas las kyang dkon pa'i bstan pa'i snying po gsang chen rdo rje theg pa'i lam dang mngon sum mjal yang*/__'dus byas kyi chos la skad cig kyang rtag pa med cing snyigs ma'i bskal pas 'gal rkyen mang bas 'chi bdag gi sun ma ni nam 'ong cha med/__'chi ba'i pha rol du rnam par shes pa rgyu las dkar nag gi rjes su 'brang ba las rang dbang skad cig kyang med/__'bras bu 'khor ba'i gnas ris mtho dman gang du skyes kyang sdug bsngal gsum gyi rang bzhin kho na las ma 'das pas de las thar pa'i thabs la brtson dgos/__'khor ba'i sdug bsngal gting mtha' med pa las thar pa'i thabs ni dam pa'i chos ma gtogs gzhan gang yang ma mchis shing*/__de las kyang thar pa bla na med pa sangs rgyas kyi go 'phang bsgrub pa la theg pa chen po'i sgor zhugs dgos/__de yang rgyu lam du byed pa mtshan nyid theg pa las khyad par du mas 'phags pa 'bras bu lam byed rdo rje theg pa rnal 'byor bla med kyi rgyud sde ni tshe lus gcig la rdo rje 'chang chen po'i go 'phang nges par 'grub par byed pa yin zhing*/__de'i lam thams cad kyi rtsa ba snying dang mig lta bu ni rtsa gsum dkyil 'khor rgya mtsho'i khyab bdag dpal ldan bla ma'i rdo rje gsum gyi gsang ba lam du byed pa nyid byin rlabs ky-i tshan ka che zhing sa lam mchog gi bgrod pa myur zhing bde ba dang*/__gegs sel bogs 'byin lam gyi dngos gzhi thams cad gcig tu rdzogs pa sogs dgos pa dang che ba du mas khyad du 'phags pa ni rig 'dzin bla ma'i thugs sgrub ste/__tshul de la dgongs nas sangs rgyas gnyis pa pad+ma thod phreng rtsal gyis thugs sgrub bye ba phrag brgya mdzad ste zab mo'i gter du sbas pa/__smon lam dang thugs bskyed dus su babs pa'i las can sprul pa'i sku mchog gter 'byin grub brgya'i spyi mes rnams kyis gdul bya so so'i ngo skal dang mthun par smin grol las tshogs dang bcas pa dus dang dus su snang bas gangs can phyi ma'i bstan 'gro'i don rgya cher mdzad pa las 'dir gsung rdo rje pad+ma saM b+ha wa nyid bkra shis brag phug ma ra ti kar tshe lam gsang ba'i dgyes sde man+d+ha ra ba dang lhan cig bde chen nye rgyu'i spyod pas 'chi med tshe dbang rig pa 'dzin pa'i skur bzhengs tshe/__sprul gzhi gsung mchog pad+ma'i rigs kyi khyab bdag pad+ma drwa ba yab yum gyis ston pa nyid dang gnyis su med pa dbang bskur zhing byin gyis brlab pa'i tshe lhan cig pa'i 'khor tshom bu tshogs sgrub kyi 'dus pa grub pa chen po'i sa la bzhugs pa'i dpa' bo dang rnal 'byor ma rnams la rang byung lhun gyis grub pa'i chos kyi gsang mdzod du bstan pa nyid/__slar yang phrin las kyi sgo 'byed pa'i 'khor bod yul gyi rdo rje'i 'dus pa las can rje 'bangs grogs gsum la thugs kyi man ngag mnog chos su gdams pa'i zab chos rtsa gsum 'od gsal snying thig gi chos skor rnams slob dpon chen po 'jam dpal bshes gnyen dang mnga' bdag khu dbon gnyis su med pa'i thugs bskyed kyi rang gzugs/__gangs can mkhas grub yongs kyi gtsug rgyan/__kun mkhyen bla ma 'od gsal sprul pa'i rdo rjes zab rgyas chos sgo 'dzad med dgongs gter nam mkha' mdzod kyi gter rgya bkrol te las can kun la spel bar mdzad pa ste/__'di la'ang smin grol las tshogs dang bcas pa rgya cher bzhugs pa las kun gyi rtsa ba'i chos sde phyi sgrub sgyu 'phrul drwa ba dang 'brel ba'i dbang bskur ba skabs su bab pa las/__de la'ang thun mong rtsa ba'i smin byed rgyas pa ye shes thig le/__dbang bzhi ye shes dpal ster/__gtor dbang byin rlabs dpal ster/__byin rlabs brda yi dbang bzhi rnams su bzhugs pa las/__'dir smin byed ye shes thig le'i rim pa sgrub pa yin/__de nyid la'ang sngon 'gro lhag par gnas pa dang*/__dngos gzhi dbang bskur ba gnyis su yod pa las/__thog mar slob ma lhag gnas kyi chos rnams zhu ba'i yon du maN+Dal phul/__zhes mtshams sbyar la maN+Dal 'bul du gzhug__/thal mo me tog dang bcas te gus pa chen pos gsol ba 'debs pa 'di'i rjes zlos mdzod/__'chi med pad+ma thod phreng rtsal:__rdo rje'i bla ma dgongs su gsol:__bdag cag 'khor ba las sgrol phyir:__thugs rje chen pos rjes bzung 'tshal:__lan gsum/__de ltar gsol ba gdab pa la gdams pa'i gnad dgrol zhing bka'i gnang ba sbyin pa lags te/__bsam yas theg pa'i 'jug sgo ni:__blo dang mtshams par snang ba las:__mthar thug rdo rje'i dkyil 'khor du:__'jug pa'i skal ldan shin tu dkon:__dad dang dam tshig mchog ldan cing :__rdo rje 'dzin pa'i bslab pa las:__nam yang 'da' bar mi bgyid na:__sangs rgyas rnams ni thams cad kyi:__mngon par byang chub lam gyi mchog:__yang dag nges pa'i gsang ba bzhin:__thar pa chen po'i grong khyer du:__bdag gis snod du rung ba'i phyir:__lhag par gnas pa'i cho ga bya:__zhes gdams pa'i lan gsol ba 'di'i rjes zlos:__bdag ni gtso bo khyed nyid las:__skyabs gnas gzhan na ma mchis phyir:__ji ltar bka' stsal bsgrub bgyis na:__nges par dgongs te gnang du gsol:__de nas thog mar rgyud rnam par dag par bya ba'i slad du/__skyabs kyi yul mdun gyi nam mkhar 'chi med pad+ma thod phreng rig 'dzin sgyu 'phrul drwa ba'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/__skyabs bya bdag gzhan mkha' khyab kyi yid can mtha' dag skyabs su 'gro tshul sgo gsum 'jug pa gcig pas/__skyabs 'gro'i rgyu deng nas byang chub ma thob bar 'khor ba dang ngan song gi sdug bsngal las sgrol te thar pa dang thams cad mkhyen pa'i go 'phang la 'god par ci mdzad khyed mkhyen blo gtad ling skyur gyis skyabs su 'gro ba'i 'dun pas 'di'i rjes zlos:__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__thog med dus nas pha mar gyur pa'i mkha' khyab kyi sems can thams cad srid zhi'i mtha' gnyis las 'das pa sku gsum bla ma'i go 'phang la bde myur gyis 'god par bya/__de'i phyir du bla na med pa'i dkyil 'khor gnyan po 'dir 'jug cing dbang gis rgyud smin par byas nas lam rim pa gnyis kyi ting nge 'dzin dang ma bral bas rgyal ba'i sras kyi spyod pa rlabs po che'i rjes su slob snyam pas smon 'jug gi sems bskyed pa gsal thob la 'di'i rjes zlos/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__tshogs kyi zhing khyad par can de dag gi spyan sngar/__bdag sogs sems can thams cad kyi lus zhing gi rdul snyed sprul nas sgo gsum gus pa chen po'i phyag 'tshal zhing*/__kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/__sdig ltung gi byas bsags la 'gyod pa'i sems kyis bshags sdom dang*/__tshogs gnyis kyi dge spyod la rjes su yi rang ba/__zab rgyas chos kyi 'khor lo bskor bar bskul ba dang*/__mya ngan las mi 'da' bar bzhugs par gsol zhing dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos rjes zlos/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__dbang gi ye shes skye brtan gong 'phel du 'gyur ba la rgyud rnam par dag cing sdom pa dang ldan dgos pas/__tshogs zhing de rnams dpang por byas te phyi so so thar pa'i sdom pa/__nang byang chub sems kyi bslab pa/__gsang ba bla med rdo rje theg pa'i dam tshig rnams legs par blangs nas tshul bzhin bsrung snyam pas 'di'i rjes zlos mdzod/__rtsa gsum dkyil 'khor lha tshogs dang :__rdo rje slob dpon dgongs su gsol:__rig pa 'dzin pa bdag gis ni:__deng nas byang chub snying po'i bar:__nges par 'byung bas rgyud bskul nas:__phyi nang gsang ba bla med pa'i:__mchog gsum skyabs kyi snying por bzung :__lus ngag yid kyis gzhan rnams la:__gnod pa'i bsam sbyor yongs spangs zhing :__byams dang snying rje chen po'i blos:__pha rol phyin pa drug la sogs:__phan bde'i spyod pa rlabs chen spyad:__ma bsgral bsgral dang ma grol sgrol:__dbugs ma phyungs rnams dbugs dbyung zhing :__thams cad srid zhi las 'das pa'i:__bla med byang chub dam par 'god:__bde gshegs rdo rje rin po che:__pad+ma las kyi sdom pa dang :__yan lag dam tshig nyi shu lnga:__rtsa ba sku gsung thugs la sogs:__rdo rje 'chang gi rgyud sde las:__sngags kyi 'dul bar gang gsung pa:__gtso bos bdag la bka' drin mdzod:__lan gsum/__de dag gis dbang bskur ba'i snod du rung bar byas nas/__rdo rje theg pa bla med kyi lam 'dir phung khams skye mched rnam par dag pa gdan gsum lha'i rang bzhin du sgo gsum rdo rje gsum du byin rlabs te/__dbang shes gzung 'dzin 'khrul pa ye shes kyi rol pa shes pas 'dod yon bde chen gyi rgyan du lam byed pa dgos pas na/__snod bcud rnam par dag pa rdo rje dbyings kyi 'khor lor lhun gyis rdzogs pa'i dbus su pad+ma dang zla ba'i gdan gyi steng du khyed rang rnams skad cig gis rigs kun gyi khyab bdag bla ma rdo rje sems dpa' sku mdog dkar gsal zhi 'dzum longs spyod rdzogs pa'i rgyan chas can/__phyag g.yas pas rdo rje rtse lnga thugs kar gtod cing g.yon pas dril bu dkur bsten pa zhabs rdo rje'i skyil krung gis bzhugs pa'i spyi bor oM dkar po/__mgrin par AHdmar po/__thugs kar hU~M sngon pos mtshan pa las 'od zer 'phros sangs rgyas thams cad kyi rdo rje gsum gyi byin rlabs ma lus pa yi ge gsum gyi rnam par spyan drangs te thim pas slob ma'i lus ngag yid gsum ye shes lha yi sku gsung thugs rdo rje'i ngo bor byin gyis brlab par gyur pa la mchod pa'i yo byad rnams kyis mchod cing mnga' dbul bar mos shig__/me tog sogs gnas so sor sbyin la/__oM badz+ra puSh+pe pra tits+tsha swA hA/__sogs nyer spyod lngas mchod/__gnyis pa so shing sbyin pa la/__dri dang ba byung gis byugs pa'i maN+Dal tshoms bu lnga pa mdun du bkod/__so shing tshad ldan las sngags dang las chu'i bsang*/__de nas dngos grub kyi snod brtag pa'i phyir dri ldan gyi shing sor bcu gnyis pa'i tshad dang me tog gi cod pan can gyi so shing 'di nyid khyed rang rnams la byin pas mkha' dbyings kyi phyag rgyas thogs te rtse mos so bru ba'i tshul byas pas de las 'phros pa'i 'od zer gyis lus kyi nang gang*/__sdig sgrib nyes ltung thams cad skad cig gis sbyang bar mos pa dang bdag la dngos grub kyi ltas gsal bar bstan du gsol snyam pas sngags 'di'i rjes zlos dang bcas te maN+Dal dbus su ltos med dor mdzod/__ha sa ha/__zhes 'dor du gzhug__/de ltar dor ba'i so shing gi rtse mo shar du bstan na zhi ba/__lhor rgyas pa/__nub tu dbang*/__byang du drag po'i phrin las/__mtshams rnams su phra mo'i dngos grub/__rang dang bla ma la bstan na mchog gi dngos grub 'grub pa'i ltas yin par gsungs so/__/gsum pa khyor chu sbyin pa la/__dung zhal dri ldan chus bkang ba las sngags bzlas pas byin gyis brlab la/__rmi lam brtag pa'i sngon du khyor chu sbyin pa ni/__dri bzang dang sbyar ba'i chus kha bshal la lhag ma rgyab tu dor ba sgo gsum gyi nyes pa'i tshogs spyi dang khyad par ngag gi nyes skyon thams cad lhag med du byang ba'i mos pa mdzod/__/oM hrIHbi shud+d+ha sarba d+harma sarba pa paM nish+tsa sarba bi kalpA na a pa na ya hU~M:__zhes dung zhal gyi chu sbyin la kha bshal/__bzhi pa srung skud 'dog pa la/__skud pa dmar po sum bsgril rdo rje'i mdud pa gsum btab pas las sngags bzlas pas byin brlabs/__byin gyis brlab pa'i rdo rje'i mdud pa 'di nyid pho yi dpung pa g.yon dang mo yi g.yas su bcings pas sgo gsum la bar du gcod pa'i tshogs spyi dang khyad par khams 'pho ba'i gegs las srung bar byas par mos shig__/las sngags bzla bzhin du 'chings/__mdud mtshams rdo rje bzhag la/__badz+ra rak+sha zhes brtan par bya/__lnga pa ku sha sbyin pa la/__ku sha'i phon po che chung gnyis bsang*/__d+hi dang ha las skyes pa'i ku sha'i chun po chung ba sngas dang che ba stan gyi don du zungs shig__/dri med yid 'ong dag pa'i rtswa:__byang chub mchog gi rdo rje'i stan:__sngas dang stan du sbyin pa yis:__rmi lam ltas kun gsal bar shog:__d+hI ha badz+ra A sa na sa ma ya s+t+wa~M:__zhes lag g.yas g.yon du sbyin/__phyir mi ldog pa'i slad du zab mo'i chos bshad cing spro ba bskyed la gdams ngag brjod pa lags pas 'di la gsan 'tshal/__'jig rten khams ni thams cad du:__'dren pa sangs rgyas 'byung ba dang :__chos dang 'phags pa'i tshogs dkon te:__de las kyang ni rdo rje'i theg:__zab mo ston dang sgrub pa ni:__ma byung 'byung bar shin tu dka':__bsam pa blo gros dri med pa'i:__snod du gyur pa rnyed pa gang :__tshul chen 'di las mi 'da' na:__dkyil 'khor mthong ba tsam gyis kyang :__bskal mang sdig sgrib zad byed phyir:__tshul bzhin dbang blang dam tshig dang :__sdom par ldan na smos ci dgos:__de bas gzhan don sangs rgyas kyi:__go 'phang mchog tu don gnyer bas:__rdo rje'i lam 'di blang bar gyis:__zhes dang*/__bu kyai ku sha'i sngas stan la:__gtsang zhing dge ba'i sems kyis nyol:__rmi lam yul du gang mthong ba:__nang par smos shig lung bstan 'gyur:__do nub sngar byin pa'i ku sha'i sngas dang stan la bla ma dang dkyil 'khor pa la mgo phyogs te nyol la tho rang rmi lam gang byung ba de bdag la smros shig__/de dag gi sngon 'gro sta gon gyi bya ba rnams grub pa lags pas dge ba gzhan don du bsngo bar zhu/__/zhes dge bsngo byas la slob ma rnams gyes/__slob dpon gyis bdag bskyed bsdu ldang bsngo smon byas pas grub bo/__/gnyis pa dngos gzhi dbang don sgrub cing mchod bsnyen la gnyis/__dkyil 'khor dang dbang rdzas bkod pa/__dbang don sgrub cing mchod pa'o/__dang po ni stegs bu'i steng ras bris kyi dkyil 'khor mtshan nyid dang ldan pa bkram/__cis kyang ma 'byor na gong du smos pa ltar 'bru'i tshom bu lha grangs bkod pa'i dbus su many+dza'i khar sta gon byas pa'i rnam bum bzhag__/shar du dbu rgyan/__lhor rdo rje/__nub tu dril bu/__byang du rdo dril lhan cig pa/__dbus su kun bzang*/__bka' bab rig 'dzin brgyad/__bka' brgyad dpal dgu/__thod phreng sde lnga/__gu ru mtshan brgyad bcas kyi lha tsaka lha dbang ye shes char 'bebs ltar/__mtshams rnams su gsang dbang thod pa chang dang a mr-i ta mngar gsum sbyar bas bkang ba/__rig tsaka__/me long*/__shel rdo/__sgrub pod/__dung dkar/__dril bu/__'khor lo/__seng khri sogs slob ma mnga' gsol chas/__dbang gtor ri rab rin chen zur brgyad nyi zla'i steng bla gtor rgyan spros tsaka gdugs can/__sman rag__/chu gnyis nyer spyod bskor bsham/__las bum/__sngon 'gro bgegs gtor/__tshogs kyi yo byad/__srung ma'i mchod gtor/__chad brtan sogs las byang la dgos pa dang*/__mig dar/__me tog__/mig thur/__phyag shing*/__maN+Dal sogs nye bar mkho ba'i yo byad rnams gzhung ltar tshogs par bya'o/__/gnyis pa dbang don sgrub mchod ni/__gsol 'debs byin rlabs myur lam dang*/__brgyud 'debs byin rlabs sprin phung sngon du 'gro bas phyi sgrub sgyu 'phrul drwa ba'i skyabs sems nas brtsams bdag mdun dbyer med du bskyed la bstod pa'i glus bstod/__b+h+rU~M bi shwa bi shud+d+he/__oM AHhU~M badz+ra gu ru pad+ma sid+d+hi hU~M phaT dzaH__zhes pas dzaba? khang phyes la bdag mdun gnyis kar dmigs te bsnyen bzlas ci 'grub/__sgrub pa'i bzlas pa thod phreng rtsal/__dngos gzhi byas la ci mang dang*/__hU~M bzlas khyugs tsam dang*/__bum bzlas dmigs bsal ci 'grub dang*/__kha skong*/__stong tshig bum lha 'od zhu/__las bum sgrub bzlas/__bka' gter srung ma'i gtor chog rgyas bsdus skabs bstun/__dmigs gsal bka' srung gsol mchod rdo rje'i drwa ba sbyar/__tshogs byin brlabs nas rol pa'i bar zur byang ltar sbyar/__bskang bshags rgyas bsdus gang 'grub btang*/__gnyis pa la bdag nyid 'jug pa dang*/__slob ma gzhug pa gnyis las/__dang po ni/__rang rgyud kyi sngags sdom dag pa dang*/__nyams chags byang ba/__bsgom dang ye shes kyi stobs 'phel ba sogs kyi dgos pas bdag 'jug 'di ni shin tu gal che bar gsungs pas slob ma la ji ltar bskur ba ltar rgyas pa'am/__dbang bzhi ye shes dpal ster la/__sku gsung thugs kyi byin rlabs sbyar ba lta bu'i don dbang gi tshul du byas la/__mi nus na rig pa'i me tog dor ba ni snga 'gyur rgyud sde nas 'byung zhing grub brnyes rig pa 'dzin pa'i phyag bzhes yin pas 'gal ba med cing*/__spyir rdo rje slob dpon phyi nang gi lta dgongs dang mtshams pa gces so/__/gnyis pa slob ma gzhug pa la/__sngon dngos rjes gsum las/__dang po sngon 'gro phyi nang gi 'jug pa'i chos ni/__dkyil 'khor yol bas sgribs/__sngar sta gon byas pa'i slob ma rnams bos la sgo'i phyi rol du khrus bya/__bgegs gtor btang*/__bka' sgo/__drag sngags rol mo gul yungs bcas bgegs skrad/__srung 'khor bcings la mtshams bcad/__nang du gral la 'khod nas me tog bkye bsdus sems bskyed gsal gdab skabs su babs pa'i chos bshad ji ltar rigs pa dang khyad par gyi lo rgyus/__de yang bla ma dgongs pa 'dus pa'i sku rgyud shel gyi ri bo las/__dri med mtsho gling ge sar rgyas pa'i steng :__mngal gyis ma gos pad+ma badz+ra rtsal:__bde ba'i ro 'byin lha lcam man+da ra:__thabs shes bde stong gar gyi dbang phyug mchog:__rgyal ba yongs kyi thugs bcud 'dus pa ste:__de yi rtsal las rnam 'phrul du mar snang :__zhes gsungs pa ltar rab 'byams rgyal ba ma lus pa'i thugs bde stong gnyis su med pa'i ye shes chen po'i cho 'phrul chos sku 'od gsal rdo rje snying po'i zhing du thog ma'i mgon po 'od mi 'gyur ba dang dgongs klong gnyis su ma mchis pa khyad par drug gis mngon par byang chub brnyes pas ye shes nang gsal dbyings rig 'du 'bral med pa'i chos nyid du gdod nas 'pho 'gyur med par bzhugs shing*/__gzhi snang 'od gsal ye shes phyir gsal gyi 'char cha sku dang ye shes kyi sgron ma chos kyi dbyings dang mnyam par spros shing bkod pa'i khyab bdag tshangs pa rnga sgra rigs lnga gangs chen mtsho'i 'phro gzhi drug pa'i rigs kyi 'khor los bsgyur ba pad+ma kun tu 'chang chen po'i mkhyen brtse nus pa'i ye shes sgyu 'phrul rdo rje bkod pa'i rol mo 'byams klas shing thugs rje rig rtsal kun tu khyab pas 'gro 'dul sprul pa'i rol rtsed phyogs bcu'i zhing dang dus gsum gdul bya'i spyod yul dang 'tshams par rtag tu snang zhing ston pa las/__re zhig mi mjed 'jig rten gyi bkod pa'i zhing gcig gi khyon du yang bla ma sku gsum/__thod phreng rigs lnga/__sprul pa'i gu ru mtshan brgyad/__'phrul mtshan nyi shu/__mdo sngags kyi ston pa brgya rtsa/__'gro 'dul gu ru rigs drug la sogs pa sku dang mtshan gyi bkod pa du ma zhig ston par grags te pad+ma bka' yi thang yig las/__chos dbyings gnas su kun tu bzang po dang :__stug po bkod par rdo rje 'chang chen po:__rdo rje gdan du thub pa chen po nyid:__gnyis med pad+ma nga ru lhun gyi grub:__'gro don kun la byin rlabs rmad po che:__zhes gsungs pas mtshon nang gi rnam thar gyi gsang ba sangs rgyas dngos dang rnam dbyer ma mchis shing mdzad pa'i phrin las kyis gdul dka' 'dul ba dang bod 'bangs yongs la bka' drin ni sangs rgyas las kyang lhag pa'i mgon po de nyid kyi rtsod dus phyi ma'i 'gro ba skyobs pa'i btsas su zab gter gyi chos dang ston pas dus babs kyi gdul bya gang la gang 'dul gyi mdzad pas dbugs dbyung ba'i thugs rjes rjes su bskul ba'i las can thugs sras rje 'bangs kun las sngon gyi smon lam gyi mthu btsan pa ni lha btsan po khri srong lde'u btsan nyid yin la de'i sku gsung thugs kyi sprul bsgyur dag dang ma dag cir yang ston cing thams cad dpal o rgyan chos kyi rgyal pos rjes su bzung zhing byang chub kyi spyod pa rgya mtsho rdzogs smin sbyangs mthar son pas ston 'khor dgongs klong gcig tu 'dres pas don gnyis lhun gyis grub pas mngon sangs rgyas par lung bstan pa bzhin deng dus 'dir yang*/__mnga' bdag chos kyi rgyal po'i sku/__rang byung sangs rgyas pad+ma'i gsung*/__gnub ban nam mkha'i snying po'i thugs/__pan chen bi ma la mi tra'i yon tan/__lang gro lo tsA chen po'i phrin las rnams gcig tu bsdus pa'i bdag nyid chen po/__mkhas shing grub pa brnyes pa'i tshogs rje/__gangs can ris med bstan pa'i shing rta 'jam dbyangs mkhyen brtse dbang po gang nyid la thugs dran zin tsam nas lha dang bla ma rig 'dzin DA ki'i byin gyis brlabs pa'i dag snang 'du 'bral med cing*/__dgung grangs bcu gsum du phebs pa'i skabs slob dpon chen po 'jam dpal bshes gnyen gyis rjes su bzung ba'i rkyen las 'jam dpal snying thig sgron ma bdun pa thugs gter du brdol zhing gzungs spobs ting nge 'dzin mtha' yas pa la dbang thob/__dpal o rgyan chos kyi rgyal po yab yum gyis bka' babs chen po bdun gyi mnga' bdag tu dbang bskur/__lung bstan pa'i bden don mngon du gyur pas dus kyi tha mar sangs rgyas gnyis pa mngon sum du grub ste dzam gling yongs la rtsod med nyi zla ltar grags shing khyad par mnga' bdag khu dbon/__mnga' ris paN chen/__kun mkhyen 'jigs med gling pa sogs kyi sku'i skye ba snga ma'i rnam thar khar sang gi mdzad pa de ring gsal ba lta bu'i sngon gnas rjes dran gyi ye shes chen po'i mthu thob pas/__rig 'dzin 'jigs med gling pa la chos sku ye shes kyi mkha' 'gros rang byung sprul pa'i shog ser hril mo lnga gtad pa'i chos sde'i bye brag__/bka' babs bdun gyi bzhi pa/__rtsa gsum 'od gsal snying thig 'di nyid rje btsun thams cad mkhyen gzigs dgung grangs bcu drug pa'i skabs dgongs klong ye shes kyi gsang mdzod las brdol ba thugs nyams su bzhes te ring du gsang bas rgyas btab/__bstan 'gror phan bde'i phrin las kyi sgo mtha' dag gi gsos sman du mdzad/__dus su bab pa na sprul pa'i lo chen bai ro dngos byon rgyal bas lung bstan 'jam pa'i rdo rje pad+ma gar dbang gi bka' yi lde'u mig gis rjes su bskul ba'i rten 'byung phun sum tshogs pas mtshams sbyar nas/__dgung grangs lnga bcur phebs pa lcags lugs cho 'phrul zla ba'i dkar phyogs kyi tshes bcur gtan la phab nas thog ma'i chos sgo dbye bar mdzad cing*/__rje des kyang dpal gnyags lo chen po'i rnam 'phrul kaHthog si tu paN+Di ta chos kyi rgya mtsho 'jig rten dbang phyug dpal karma pa mkha' khyab rdo rje/__mkhas dbang rdo rje 'dzin pa bkra shis chos 'phel sogs la stsal te 'od gsal rdo rje snying po'i bstan pa rin po che'i gces nor du bzhugs pa la bla ma sku gsum spyi dang*/__rtsa gsum bye brag gi sgrub tshul gnyis las/__dang po la'ang phyi nang gsang ba yang gsang gi sgrub thabs bzhi las/__'dir ni phyi sgrub sgyu 'phrul drwa ba ste gzhung las/__rtsa gsum 'chi med thod phreng rtsal:__bsnyen cing sgrub pa'i las kyi rim:__shin tu zab pa'i mthar thug 'di:__'das dus bkra shis brag gi phug:__mA ra ti ka'i tshogs khang du:__rigs sras grub pa'i rnal 'byor dang :__dpa' bo DA ka'i don du bstan:__da lta las can dag pa'i 'khor:__mnga' bdag rje 'bangs grogs bcas la:__smin cing grol ba'i sgo 'phar dbye:__ma 'ongs lnga brgya'i tha ma ru:__zab mo'i lam rnams 'chal gyur zhing :__nges don rtog ge'i tshig la re:__blo yis mtshon pa'i stong lta yis:__bden gnyis rgyu 'bras khyad du bsad:__bod khams sdug bsngal gsum gyis mnar:__de yi tshe na bdag nyid dang :__'jam dpal chos kyi bshes gnyen gyis:__byin gyis brlab pa'i snying gi bu:__'od gsal sprul pa'i rdo rje'i don:__rig pa dbyings kyi sgrom bur sbas:__nam zhig rten 'brel dus bab tshe:__yang gsang snying gi thig le'i skor:__rgya cher bshad dang sgrub pa'i mthus:__gangs can skye 'gro bde bas 'tsho:__'brel tshad gtan bde'i sa la bkod:__zhes rdo rje'i tshig gi bsngags pa'i don bzhin thod phreng rigs lnga gu ru mtshan brgyad spyi dril du sgrub pa'i dbang bskur 'bog pa ste de la'ang smin byed rgyas 'bring bsdus pa gtor dbang mtha' brten dang bcas lnga las/__dbang bskur rgyas par bya ba skabs su babs pa yin la/__de la yang sngon 'gro lhag gnas gsum dang*/__phyi nang gi 'jug pa gnyis/__dngos gzhi phan nus zab dbang dang bcas pa/__rjes gtad rgya sogs zhib rgyas kyi thog mar dbang gis sgo 'byed pa gal che ba'i phyir thun mong smin byed ye shes thig le dang*/__zab mo'i dbang bzhi ye shes dpal ster dgongs pa gung bsgril gyis 'bul ba la bdag nyid kyis bgyi 'os rnams grub nas/__khyed rang slob ma rnams kyi ngo skal du gyur pa la dkyil 'khor du 'jug pa'i rim pa dang*/__zhugs nas mngon par dbang bskur ba gnyis su yod pa las/__thog mar 'jug pa'i skabs yin/__de la'ang phyi mtshan ma'i dkyil 'khor du 'jug pa dang*/__nang ye shes kyi dkyil 'khor du 'jug pa gnyis las/__dang po'i yan lag khrus dang*/__bgegs bsal ba sogs song nas 'jug pa'i chos rnams zhu ba'i don du dmigs te maN+Dal dbul bar zhu/__zhes mtshams sbyar nas maN+Dal 'bul du gzhug__/mtshams sbyor spyi ltar byas la mig dar gyi gdong dgab cing me tog gtad la/__bla ma dang dkyil 'khor gyi gtso bo gnyis su med pa la dad mos gdung shugs drag pos pus btsugs thal sbyar dang bcas gsol ba 'debs pa 'di'i rjes zlos mdzod/__sangs rgyas kun gyi ye shes sku:__rdo rje slob dpon dgongs su gsol:__bdag cag 'khor ba las bsgral phyir:__dkyil 'khor chen por 'jug par 'tshal:__lan gsum/__slob dpon gyis/__gsang ba bla med dkyil 'khor 'dir:__smin pa'i dbang mchog don gnyer na:__dbang srog dam tshig rgya mtsho'i gnas:__srog la babs kyang srung nus sam:__zhes dris pa'i lan gsol ba 'dis rjes zlos mdzod/__lha dang dbyer med slob dpon gyi:__bka' bzhin rjes su sgrub lags kyis:__so thar byang sems rig 'dzin gyi:__sdom pas bdag rgyud gtam par mdzod:__zhes gsol ba la slob dpon gyis gnang ba sbyin pa ni/__dus gsum gshegs pa'i sangs rgyas kun:__rdo rje'i lam mchog 'di la brten:__de phyir gsang chen dkyil 'khor 'dir:__bu khyod 'jug cing smin par bya:__zhes gnang ba sbyin/__de nas thog mar rgyud rnam par dag par bya ba'i slad du/__skyabs kyi yul mdun gyi nam mkhar 'chi med pad+ma thod phreng rig 'dzin sgyu 'phrul drwa ba'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/__skyabs bya bdag gzhan mkha' khyab kyi yid can mtha' dag skyabs su 'gro tshul sgo gsum 'jug pa gcig pas/__skyabs 'gro'i rgyu deng nas byang chub ma thob bar 'khor ba dang ngan song gi sdug bsngal las sgrol te thar pa dang thams cad mkhyen pa'i go 'phang la 'god par ci mdzad khyed mkhyen blo gtad ling skyur gyis skyabs su 'gro ba'i 'dun pas 'di'i rjes zlos/__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__thog med dus nas pha mar gyur pa'i mkha' khyab kyi sems can thams cad srid zhi'i mtha' gnyis las 'das pa sku gsum bla ma'i go 'phang la bde myur gyis 'god par bya/__de'i phyir du bla na med pa'i dkyil 'khor gnyan po 'dir 'jug cing dbang gis rgyud smin par byas nas lam rim pa gnyis kyi ting nge 'dzin dang ma bral bas rgyal ba'i sras kyi spyod pa rlabs po che'i rjes su slob snyam pas smon 'jug gi sems bskyed pa gsal thob la 'di'i rjes zlos/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__tshogs kyi zhing khyad par can de dag gi spyan sngar/__bdag sogs sems can thams cad kyi lus zhing gi rdul snyed sprul nas sgo gsum gus pa chen po'i phyag 'tshal zhing*/__kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/__sdig ltung gi byas bsags la 'gyod pa'i sems kyis bshags sdom dang*/__tshogs gnyis kyi dge spyod la rjes su yi rang ba/__zab rgyas chos kyi 'khor lo bskor bar bskul ba dang*/__mya ngan las mi 'da' bar bzhugs par gsol zhing dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos rjes zlos/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__dbang gi ye shes skye brtan gong 'phel du 'gyur ba la rgyud rnam par dag cing sdom pa dang ldan dgos pas/__tshogs zhing de rnams dpang por byas te phyi so so thar pa'i sdom pa/__nang byang chub sems kyi bslab pa/__gsang ba bla med rdo rje theg pa'i dam tshig rnams legs par blangs nas tshul bzhin bsrung snyam pas 'di'i rjes zlos mdzod/__rtsa gsum dkyil 'khor lha tshogs dang :__rdo rje slob dpon dgongs su gsol:__rig pa 'dzin pa bdag gis ni:__deng nas byang chub snying po'i bar:__nges par 'byung bas rgyud bskul nas:__phyi nang gsang ba bla med pa'i:__mchog gsum skyabs kyi snying por bzung :__lus ngag yid kyis gzhan rnams la:__gnod pa'i bsam sbyor yongs spangs zhing :__byams dang snying rje chen po'i blos:__pha rol phyin pa drug la sogs:__phan bde'i spyod pa rlabs chen spyad:__ma bsgral bsgral dang ma grol sgrol:__dbugs ma phyungs rnams dbugs dbyung zhing :__thams cad srid zhi las 'das pa'i:__bla med byang chub dam par 'god:__bde gshegs rdo rje rin po che:__pad+ma las kyi sdom pa dang :__yan lag dam tshig nyi shu lnga:__rtsa ba sku gsung thugs la sogs:__rdo rje 'chang gi rgyud sde las:__sngags kyi 'dul ba gang gsung pa:__gtso bos bdag la bka' drin mdzod:__lan gsum/___/de nas gsang sngags nang gi rdo rje'i rnal 'byor du sems bskyed thun mong ma yin pa ni/__khyed rang rnams kyi snying gar kun rdzob byang chub sems kyi ngo bo zla ba'i dkyil 'khor gyi steng du don dam byang chub sems kyi ngo bo rdo rje dkar po rtse lnga pa res mtshan par sgoms la bden gnyis dbyer med du sems bskyed par mos pas 'di'i rjes zlos/__oM sarba yo ga tsit+ta ut+pa da yA mi/__lan gsum/__rdo rje me tog dang bcas pa snying gar bzhag la/__sems bskyed pa 'di nyid brtain par byas par mos shig__/su ra te sa ma ya s+t+waM ho sid+d+hi badz+ra ya thA su kha~M/__gsang ba'i de kho na nyid bsgo ba'i don thugs la nges par mdzod cig__hoH__tshul chen gsang ba sngags kyi lam:__thabs mkhas ngo mtshar spyod pa ni:__gzhan du smras na nyams par 'gyur:__de phyir gzhan la ma smra zhig:__ces gdams/__de nas dkyil 'khor du 'jug pa dngos la/__thog mar phyi ltar du 'jug par gsol ba gdab pa'i phyir/__slob ma rnams dkyil 'khor phyi rol shar sgo'i thad du 'khod par mos la de yang don dam ye shes kyi dkyil 'khor du lha dang bdag nyid gnyis med du sgrub pa'i phyir 'jug pa la thog mar kun rdzob byang chub sems kyis rgyud sbyangs bas gzhi gzung dgos pa mtshon phyir gzhal yas khang gi sgo bzhi'i pho nya la gsol ba gdab pa 'di'i rjes zlos mdzod/__hoH__smon pa tshad med rnam bzhi'i dngos:__dkyil 'khor chen po'i sgo phye nas:__gnyis med 'jug pa'i byang chub sems:__ye shes lha tshogs bstan du gsol:__lan gsum/__zhes gsol ba btab pas chos dbyings bde ba chen po'i ye shes dga' ba bzhi yi rang gzugs dkyil 'khor gyi sgo ma bzhis sgo shag gis phye ba la 'jug pas gzhan phan phrin las rnam bzhis 'gro kun sgrol nus kyi rten 'brel mngon du gyur par mos mdzod/__bde chen rol pa'i dkyil 'khor nas:__dga' bzhi'i ye shes gzugs 'chang ba:__gang 'dul phrin las sgo ba bzhis:__skal ba ldan rnams 'jug par 'tshal:__dzaHhU~M ba~M hoH__zhes yol ba bsal/__de ltar sngags dang phyag rgyas sgo phyes te khyed rnams las kyi rdo rjes sna drangs te dkyil 'khor gyi shar sgo nas brtsams te g.yas bskor du rim gyis 'jug pas lha tshogs rnams kyi sku gsung thugs la phyag 'tshal ba'i mos pas thal mo gnas gsum du sbyor la sngags 'di yis rjes zlos mdzod/__oM na ma te hU~M:__na ma mi hU~M:__na mo na ma hU~M:__lan bzhi/__slar yang shar gyi sgo drung du sna tshogs rdo rje'i gdan steng du 'khod pa la dkyil 'khor nang du 'jug nas lha dang skal mnyam du sgrub pa'i cho ga dngos ni dbang gi cho gas sngags sdom 'bog pa ste/__dbang srog rgyud la 'dzin pa dam tshig la rags las pas tshul bzhin bsrung ba'i phan yon/__de las 'das pa'i nyes dmigs/__gnyis ka dang slob dpon bka' gnyan par bsgrags pa'i dam bzhag bzhi po rim par 'byung ba la snyan gtod cig__/rdo rje spyi bor bzhag la/__hoH__deng khyod rang snang dkyil 'khor cher:__mchog tu gsang bas rab zhugs na:__ye shes dngos grub thob 'gyur gyi:__gzhan du smras pa de ltar min:__badz+ra gu h+ya sa ma ya hoH__rdo rje snying gar bzhag la/__hoH__gnyis med ye shes rdo rje sems:__khyed kyi snying dbus yang dag zhugs:__tshul min smras na nyams par 'gyur:__de bas gsang chen thub par gyis:__badz+ra sa tA dz+nyA na sa ma ya AH__nang mchod sbyar ba'i dung chu sbyin la/__rdo rje'i dam tshig bdud rtsi'i chu:__'thungs shig 'thungs shig sems dpa' che:__dam tshig 'das na sreg byed cing :__bsrung na dngos grub rnam gnyis thob:__badz+ra a mr-i ta u da ka sa ma ya ho:__rdo rje gdengs shing mgor bzhag la/__deng nas khyod kyi he ru ka:__rdo rje slob dpon nga yin gyi:__ji ltar bsgo ba'i tha tshig las:__nam yang 'da' bar ma byed cig:__badz+ra sa ma ya rak+Shan+tu:__de nas dngos gzhi'i dbang gi gzhi 'god pa la ye shes dbab pa'i don du gsol ba gdab pa 'di'i rjes zlos mdzod/__hoH__rab 'byams rtsa gsum lha tshogs kyi:__rdo rje'i ye shes bde ba che:__deng 'dir bdag la dbab nas kyang :__byin gyis rlabs par mdzad du gsol:__zhes gsol ba gdab pa sngon du 'gro bas khyed rnams lus gnad drang por bsrang*/__ngag gnad rlung kha sbyor du chings/__sems kyi gnad tshogs drug gi yul la ma yengs par dmigs pa 'di rtse gcig tu sgoms shig__/las sngags kyis bsang*/__oM ma hA shU n+ya tas stong par sbyangs/__gzung 'dzin gnyis bsdus kyi chos thams cad stong par gyur/__stong pa'i ngang las snod rnam par dag pa 'og min pad+ma 'od kyi zhing ngo mtshar gyi bkod pa rgya mtshos mdzes shing blta na sdug pa'i gzhal yas khang gi dbus su/__bcud rnam par dag pa khyed rnams gang du gnas pa'i go sar pad+ma nyi zla'i gdan gyi steng du rang rig hU~M yig gi rnam pas mtshan pa'i rdo rje rtse lnga pa yongs su gyur pa las/__khyed rnams phyogs dus rgyal ba 'dus pa'i spyi gzugs sku lnga lhun grub rig 'dzin che mchog chos sku rdo rje 'chang gsang ba 'dus pa sku mdog mthing gsal las bzhi lhun grub spyan gsum zhi 'dzum yid tsam khro chags sgeg pa'i nyams 'gyur yongs su rdzogs pa/__sku gcer bu dar dang rin chen rus pa'i rgyan gyis klubs pa/__phyag g.yas rdo rje thugs kar gtod cing*/__g.yon dril bu dkur brten nas yum la 'khyud cing zhabs brkyang bskum phyed pa'i skyil krung can/__gsang ba'i yum mchog man+dA ra dmar mo gzhon sgeg lang tsho'i tshul can gri thod 'dzin pa dang gnyis med sbyor ba'i rigs kyi bdag po kun bzang yab yum las rig 'dzin bla ma'i sprin phung 'phro ba/__sku yi gnas rnams su dpal chen sgrub sde brgyad kyi dkyil 'khor dang gnas yul gyi dpa' bo mkha' 'gro 'bum phrag yangs pa'i tshogs yongs su rdzogs pas yi dam DA ki'i tshogs spro bsdu'i khyab bdag chen por bzhugs pa'i spyi bor oM dkar po/__mgrin par AHdmar po/__thugs kar hU~M sngon pos mtshan pa gsal/__de nas rgyud rnam par dag pa ye shes lha'i gzi byin dbab pa'i slad du slob dpon dang rtsa gsum dkyil 'khor gyi lha tshogs la mos gus gdung shugs tshad med pa'i rdo rje'i glu gar rol mos bskul bas/__phyogs bcu dus bzhi'i bla ma yi dam sangs rgyas byang sems dpa' bo rnal 'byor ma'i lha tshogs rnams kyi sku gsung thugs rdo rje'i ye shes chen po'i byin rlabs dang dngos grub ma lus pa sku phyag rgya'i gar stabs shigs se/__gsung sngags kyi dzaba? dbyangs brda glu/__thugs bde stong phyag rgya'i rol pas lha sngags phyag mtshan gyi rnam pa dpag tu med pa char drag tu babs pa bzhin byon nas khyed rang rnams la dbyer med du thim pas lhag pa'i ye shes chen po'i gzi byin snying la dbab ste gnyis su med par byin gyi rlabs par mos mdzod/__'bebs rdzas bsregs/__dbyangs dang cang te'u dril bu sogs rol mos bskul la/__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__bde gshegs kun 'dus 'chi med thod phreng rtsal:__mos pa'i gnas 'dir gdung bas spyan 'dren na:__rab 'byams rtsa gsum rgya mtsho'i 'khor dang bcas:__thugs rjes byin gyis brlab phyir gshegs nas kyang :__rnal 'byor sgo gsum rdo rje'i dbang bskur la:__mchog dang thun mong dngos grub ma lus stsol:__oM AHhU~M badz+ra gu ru de ba DA ki nI sarba d+harma pA la dz+nyA na badz+ra sa ma ya A be sha ya A AH__hU~M hU~M hU~M:__yang yang brjod/__sgo gsum bde ba chen po'i nyams 'bar ba sogs phebs pa'i rtags byung na rtsol med du bskyang du gzhug__/de ltar phab pa'i ye shes pa'i byin rlabs kyi rgyun sgo gsum la rab tu gnas par byas par mos shig__/tiSh+Tha badz+ras rdo rje spyi bor rgya gram du bzhag__/me tog dor ba'i dkyil 'khor 'du byas la/__khyed rang rnams sngar byin pa'i me tog de nyid/__ye shes kyi dkyil 'khor la gtso 'khor rang rgyud pa'i bzang ngan gyi bye brag med kyang rnam pa rang rang gi tshe rabs sngon nas 'brel ba'i rigs gang yin pa'i lha la phog par shog cig snyam pas tshig 'di'i rjes zlos dang bcas 'dor bar zhu:__hoH__rang snang rnam dag 'og min du:__bde chen rdo rje'i maN+Da lar:__rig pa'i me tog 'di dor bas:__lhag pa'i lha la 'bab par shog:__oM sarba ta thA ga ta maN+Da la puSh+pe pra tIts+tsha hoH__zhes dor du gzhug__/de ltar dor ba'i me tog dbus su babs na bde gshegs rigs kyi khyab bdag bud+d+ha thod phreng rtsal/__shar du rdo rje thod phreng*/__lhor rat+na thod phreng*/__nub tu pad+ma thod phreng*/__byang du karma thod phreng rtsal gyi rigs su nges pa ste de dag gang la babs pa nyid lhag pa'i lhar zungs shig__/dbus su bab na kun bzang thugs mchog rdo rje rtsal:__shar du rdo rje mi skyod rtsal:__lhor rin chen dbang phyug rtsal:__nub tu gar dbang bzhad pa rtsal:__byang du las rab yongs grub rtsal sogs rigs dang mthun pa'i gsang mtshan gdags/__me tog cod pan slar spyi bor bcings la/__me tog lhag pa'i lhas bzhes te slar yang dbang rtags cod pan gyi tshul du spyi bor bcings par mos mdzod/__khyod ni bla med byang chub kyi:__ye shes dam pa'i snod yin phyir:__rdo rje'i dam tshig 'di zungs la:__rang gzhan don gnyis sgrub par gyis:__pra ti gr-i h+Na i maM sa twa ma hA bA la:__zhes brjod pas lhag pa'i lha dang byang chub bar du 'bral bar med pa byin gyi rlabs te brtan par byas par mos shig__/slob dpon gyi thugs ka nas ye shes kyi 'od zer gser gyi thur ma lta bu 'phros/__khyed rang rnams kyi mig la phog pas ma rig pa'i sgrib g.yogs mig dar dang lhan cig bsal dag pa chen po rdo rje'i ye shes kyi spyan phyes pas 'od gsal ye shes kyi dkyil 'khor mthong ba'i skal ldan du byas par mos/__mig thur thogs la/__e ma ho gdod nas rnam par dag:__dri med 'od gsal rdo rje'i spyan:__glo bur 'khrul pas sgrib pa'i mun:__ye shes thur mas dbye bar bya:__dz+nyA na tsak+Shu pra be sha ya phaT:__ces gdong g.yogs bsal la/__phyag shing gis dkyil 'khor bstan te/__ltos shig skal ldan rigs kyi bu:__da ni dad pa rab tu bskyed:__rtsa ba gsum gyi dkyil 'khor 'dir:__rdo rje'i rig pa 'dzin par 'gyur:__ho sarba ta tha ga ta maN+Da la pa sh+ya ho:__de ltar rnam dag ye shes kyi spyan gsar du thob pa la rang snang ye shes kyi dkyil 'khor blta bar bskul zhing brda don rtags kyi phan yon brjod pas thugs spro ba bskyed pa ni/__de yang bde chen dbyings phyug yum lnga'i mkha' klong 'byung ba rim lnga ri rab dang bcas pa'i steng du rdo rje'i srung 'khor yangs shing rgya che ba'i nang du 'og min bde chen pad+ma 'od kyi gzhal med khang byang chub phyogs chos rnam par dag pa'i thar pa chen po'i grong khyer rgyan dang bkod pa'i ngo mtshar rab 'byams yongs su rdzogs pa gru bzhi sgo bzhi rin chen sna lnga'i brtsigs pa pha gu drwa phyed shar bu mda' yab dbus phyur bu ye shes rin po che'i tog gis mtshan pa/__rta babs chos 'khor ri dwags kyis spras pa'i dbus rin chen zur brgyad pad+ma nyi zla'i steng du ye shes lnga'i rigs kyi rgyal po thams cad lhun grub mchog gi las mdzad bud+d+ha thod phreng chos sku rdo rje 'chang gsang ba 'dus pa sku mdog mthing nag__/khro chags sgeg tshul he ru ka'i chas can bde ba chen po'i ye shes kyi gzi byin rab tu 'bar bas phyag gnyis rdor dril thugs kar bsnol ba/__zhabs brkyang bskums gar stabs dang bcas te rang 'od kyi yum man+dA ra dmar mo gri thod 'dzin pa dang sbyor ba/__gnyis ka'ang dar dang rin chen rus pas rgyan pa'i dbu gtsug tu chos sku kun tu bzang po la rgyud lung man ngag gi rig 'dzin bla mas bskor ba/__rdo rje'i sku yi gnas rnams su dpal chen sgrub sde brgyad kyi yi dam lha tshogs dang*/__gnas yul nyer bzhi'i dpa' bo mkha' 'gro'i tshom bu rnams 'phro zhing 'du ba'i phyogs kyi pad 'dab bzhir thod phreng rigs bzhi yab yum/__de'i phyir rin chen zur brgyad la sprul pa'i gu ru mtshan brgyad sgo bzhir rigs bzhi'i dbang chen he ru ka yab yum dang rigs kyi sku mdog phyag mtshan rgyan cha lugs rnams 'gyur ma 'dres yongs su rdzogs pa/__bar mtshams rnams su rtsa gsum chos srung rgya mtsho'i tshogs rnams nyi ma dang 'od zer gyi tshul du ye shes kyi rol pa tshad med pas bzhugs te/__de ltar na rtsa gsum kun 'dus bla ma chos sku gsang ba 'dus pa lha bcu bdun gyi rten dang brten pa bcas pa mngon sum du/__mjal bar mos la dad gus spro ba chen po bskyed pa ni mtshon byed dpe yi bcos ma'i dkyil 'khor rdul tshon dang rdzas la brten te dang po'i las can dbang gi smin par byas nas lam gom pas/__mtshon bya rang byung lhan skyes kyi dkyil 'khor rdo rje phung po'i grong khyer du gdan gsum yongs rdzogs chen po'i ma d+ha lar gdod nas dag pa nyid du bzhugs par shes pas/__yin tshul gshis kyi dkyil 'khor bde stong sgyu 'phrul drwa ba ma bcos mnyam rdzogs chen po'i bdag nyid rang rig gnyug ma'i ngo bo lhun gyis grub pa rnams/__bzhugs tshul don gyi dkyil 'khor phyi nang gzhan gsum gnyis med dbyings rig brdal ba chen por ro gcig pa'i don rtogs te la bzla dgos pas/__hoH__ka dag gting gsal chos kyi sku:__spros pa bral ba'i ye shes las:__lhun grub 'od lnga'i zhing khams su:__longs spyod yongs rdzogs 'khor lor shar:__zang 'jug sprul pa'i rnam rol ni:__lhag par gzugs brnyan dkyil 'khor ni:__sa bcu lam lnga'i yon tan kun:__ma btsal lhun gyi grub pa yi:__thar pa chen po'i gzhal med khang :__yid 'ong nyams dga'i gnas mchog tu:__sku dang ye shes dbyer med pa'i:__rab 'byams rtsa gsum lha yi tshogs:__snang la rang bzhin ma grub par:__gang 'dul tshul gyi bzhugs pa rnams:__mngon sum lta bur mthong ba'i blos:__gnyis su 'dzin pa'i rtog pa spang :__thams cad rang snang nyid yin phyir:__gnyis med ye shes chen por sbyor:__phyi ru mtshon byed dkyil dang 'khor:__nang ltar rdo rje phung po'i grong :__gzhan du bskyed rdzogs zung 'jug pa'i:__zab mo'i lam mchog la brten nas:__rang byung lhun grub lus kyi dkyil:__rdo rje'i 'og min chen po'i klong :__rtsa dag snang stong sprul pa'i sku:__rlung dag bde stong longs spyod rdzogs:__thig le 'od gsal tshom bur shar:__bcing grol med par khyod kyis mthong :__badz+ra dz+nyA na sa ma ya ho:__zhes spro ba bskyed/__ston 'khor rnam dpyod dang ldan pa sogs dgos pa dang 'brel na/__zhes brjod phyi nang gzhan gsum gyi:__dkyil 'khor rnam dbye rgyas par bshad:__zhes gsungs shing gang ltar yang :__de dag gis ji ltar brjod pa'i don bzhin mngon sum nyid du rtogs pa'i blos dad cing spro ba chen po'i 'di'i rjes zlos mdzod/__oM sarba ta thA ga ta maN+Da la dz+nyA na badz+ra swa b+ha wa at+ma ko\u0f85ha~M:__zhes nga rgyal brtan por bzung ngo*/__/de dag gis lha dang skal ba mnyam pa'i chos sngon 'gro phyi nang gi 'jug pa'i chos yongs su grub ste/__spyi don gnyis pa zhugs nas mngon par dbang bskur zhu ba'i yon du maN+Dal phul/__de nas dngos gzhi'i dbang dngos bskur ba'i rim pa la thun mong phyi phan pa rig pa'i dbang lnga/__thun min nang nus pa 'jug pa sku gsung thugs rdo rje gsum gyi byin rlabs dang dbang bskur/__gsang ba skal ba mchog ldan la zab mo'i dbang rnams snga mas go phye nas phyi ma gdul bya gang zag gcig gi rgyud la dbang bskur rim par bskur ba la/__dang po la phyi sgro 'dogs gcod pa'i bla mas bum dbang yan lag dang bcas pa sbyin pa la'ang rdo rje slob ma'i thun mong rig pa'i nang dbang lnga zhu ba'i slad du gsol ba 'debs pa 'di'i rjes zlos mdzod/__sangs rgyas kun 'dus rdo rje 'dzin:__bdag la brtse bas nyer dgongs nas:__rtsa gsum dkyil 'khor lha tshogs kyi:__dbang bskur dam pa stsal du gsol:__lan gsum/__gzhung las thugs nas 'phros pa'i 'od zer gyis:__gdan gsum tshang ba'i dbang gi lha:__nam mkha' gang bar spyan drangs par:__mchod cing bstod nas gsol gdab pas:__kun kyang dbang gi bya ba la:__dgongs pa mngon du gtad par mos:__dbang rdzas slob ma bcas pa yang :__so so'i rigs kyi lhar gsal zhing :__mi mthun phyogs las rgyal ba'i slad:__shis pa brjod pa sngon 'gro bas:__zhes gsungs pa ltar/__bdag mdun gyi thugs ka nas 'phros pa'i 'od zer gyis phyogs bcu'i rgyal ba sras dang bcas pa thams cad gdan gsum tshang ba'i dkyil 'khor pa'i rnam par spyan drangs/__badz+ra sa ma dzaH__thugs ka nas sprul pa'i lha mo rnams kyis mchod cing bstod par gyur/__oM badz+ra ar+g+haM pra tIts+tsha hoH__des 'gres te/__pAd+yaM nas/__shab+da'i bar brjod/__phung khams dag pa gshegs pa gshegs ma'i gdan:__dbang shes dag pa sems dpa' sems ma ste:__las kyi bdag po khro bo khro mo'i tshogs:__gdan gsum yongs rdzogs lha la phyag 'tshal bstod:__gsol gdab/__rdo rje can gyi sangs rgyas la:__'gro ba skyobs pa'i ched du dbang :__yon tan 'byung gnas ji ltar stsal:__de ltar 'di la stsal du gsol:__ces gsol ba btab pas/__de bzhin gshegs pa rnams kyis dbang gi dgongs pa mdzad/__gshegs ma rnams kyis dbang bskur/__sems dpa' rnams kyis bkra shis brjod/__sems ma rnams kyis rdo rje'i glu gar bsgyur/__khro bo khro mo rnams kyis bgegs bskrad cing dbang gi phrin las la 'jug pas 'jig rten gsum du dge legs kyi snang bas khyab par byas nas phyogs thams cad las rnam par rgyal ba shis pa'i tshig gis mnga' gsol bar gyur/__bkra shis gang zhig sems cad kun gyi snying la gnas/__kun gyi bdag nyid rigs kun gyi ni bdag po mchog__/ma lus sems can skye mdzad bde ba chen po ste/__des ni deng khyod dbang bskur mchog la bkra shis shog__/ces me tog 'thor zhing rol mo bya/__slob ma skad cig gis zhi ba'i las mdzad rdo rje thod phreng rtsal sku mdog dkar gsal zhi zhing dwangs pa'i nyams can/__phyag g.yas rdo rje thugs kar gtod cing*/__g.yon des yu ba byas pa'i dril bu dkur brten pa/__dar dang rin chen rus pa'i rgyan ldan zhabs rdo rje'i skyil krung gis rang 'od rdo rje mkha' 'gro gri thod 'dzin pa dang mnyam par sbyor bas pad zla glang po'i khri la bzhugs par sgoms/__nam mkha' gang ba'i lha tshogs rnams kyis rnam rgyal bum pa'i chu mi bskyod pa'i bdag nyid can gyis spyi bo nas dbang bskur bar mos shig__/rnam bum thogs la/__hU~M:__zhe sdang rnam dag rdo rje'i rigs:__mi bskyod chu yis dbang bskur bas:__rnam shes phung po rang grol nas:__me long ye shes mngon gyur shog:__oM sarba ta thA ga ta badz+ra a b+hi Shiny+tsa hU~M:__bum pas dbang bskur/__bum chu sbyin/__de ltar dbang bskur ba'i chu rgyun gyis lus kyi nang gang yid kyi dri ma dag__/chu'i lhag ma yar lud pa las mi bskyod pas dbu brgyan pa la mchod par gyur/__oM badz+ra ar+g+haM sogs/__rdo rje'i ye shes rtog pa med:__'od gsal rang bzhin mkha' dang mnyam:__spros dang spros med tshul las 'das:__bsam mi khyab pas bkra shis shog__/ces shis pa brjod/__des sangs rgyas thams cad kyi thugs kyi dbang thob/__nyon mongs pa zhe sdang dag__/rnam shes kyi phung po me long ye shes su gnas gyur/__thugs rdo rje rigs kyi las dngos grub sgrub pa la dbang ba yin no/__/zhes rtogs pa brjod/__de bzhin du/__slob ma skad cig gis rgyas pa'i las mdzad rat+na thod phreng rtsal sku mdog ser gsal brjid cing dpa' ba'i nyams can/__phyag g.yas rin po che thugs kar gtod cing g.yon des yu ba byas pa'i dril bu dkur brten pa/__dar dang rin chen rus pa'i rgyan ldan zhabs rdo rje'i skyil krung gis rang 'od rin chen mkha' 'gro gri thod 'dzin pa dang mnyam par sbyor ba pad zla rta mchog gi khri la bzhugs par sgoms/__nam mkha' gang ba'i dbang gi lha tshogs rnams kyis dbu rgyan rin chen 'byung ldan gyi bdag nyid can spyi bor bcings te dbang bskur bar mos shig__/dbu rgyan bkon la/__hU~M:__nga rgyal rnam dag rin chen rigs:__rin 'byung dbu rgyan dbang bskur bas:__tshor ba'i phung po rang grol nas:__mnyam nyid ye shes mngon gyur shog:__oM sarba ta thA ga ta rat+na a b+hi Shiny+tsa tra~M:__badz+ra ka la sha a b+hi Shiny+tsa hU~M:gis chu dbang*/__de ltar dbang bskur ba'i chu rgyun gyis lus kyi nang gang*/__shes bya'i sgrib pa dag__/chu'i lhag ma yar lud pa las rin chen 'byung ldan gyis dbu brgyan pa la mchod par gyur/__oM badz+ra ar+g+haM sogs kyis mchod/__'dod 'byung ye shes rtsol ba med:__shes dang shes bya thams cad pa:__lhun gyis grub pa'i yon tan rtsal:__'phel 'grib bral ba'i bkra shis shog:__des sangs rgyas thams cad kyi yon tan gyi dbang thob/__nyon mongs pa nga rgyal dag__/tshor ba'i phung po mnyam nyid ye shes su gnas gyur/__yon tan rin chen rigs kyi las dang dngos grub sgrub pa la dbang ba yin no/__/slob ma skad cig gis dbang gi las mdzad pad+ma thod phreng rtsal sku mdog dmar gsal sgeg cing chags pa'i nyams can/__phyag g.yas pad+ma thugs kar gtod cing g.yon de'i yu ba byas pa'i dril bu dkur brten pa/__dar dang rin chen rus pa'i rgyan ldan zhabs rdo rje'i skyil krung gis rang 'od pad+ma mkha' 'gro gri thod 'dzin pa dang mnyam par sbyor bas pad zla rma bya'i khri la bzhugs par sgoms/__nam mkha' gang ba'i dbang gi lha tshogs rnams kyis thabs bde ba chen po mtshon pa'i rdo rje snang ba mtha' yas kyi rang bzhin can phyag g.yas su gtad par mos shig__/rdo rje gtad la/__hU~M:__'dod chags rnam dag pad+ma'i rigs:__mtha' yas rdo rje'i dbang bskur bas:__'du shes phung po rang grol nas:__sor rtogs ye shes mngon gyur shog:__oM sarba ta thA ga ta pad+ma a b+hi Shiny+tsa hrI:__badz+ra kA la sha a b+hi Shiny+tsa hU~M:chu dbang*/__de ltar dbang bskur ba'i chu rgyun gyis lus kyi nang gang*/__ngag rlung gi dri ma dag__/chu'i lhag ma yar lud pa las 'od dpag tu med pas dbu brgyan par gyur/__oM badz+ra ar+g+haM sogs/__pad+ma'i ye shes 'gags pa med:__sgra dbyangs rgya mtsho'i rjes su 'gro:__sems can khams rnams sad mdzad pa:__yi ge 'khor lo'i bkra shis shog:__des sangs rgyas thams cad kyi gsung gi dbang thob/_nyon mongs pa 'dod chags dag__/'du shes kyi phung po sor rtogs ye shes su gnas gyur/__gsung pad+ma'i rigs kyi las dang dngos grub sgrub pa la dbang ba yin no/__/slob ma skad cig gis drag po'i las mdzad karma thod phreng rtsal sku mdog ljang nag gtum zhing khros pa'i nyams can/__phyag g.yas rgya gram thugs kar gtod cing g.yon des yu ba byas pa'i dril bu dkur brten pa/__dar dang rin chen rus pa'i rgyan ldan zhabs rdo rje'i skyil krung gis rang 'od las kyi mkha' 'gro gri thod 'dzin pa dang mnyam par sbyor bas pad zla shang shang gi khri la bzhugs par mos pas/__nam mkha' gang ba'i dbang gi lha tshogs rnams kyis shes rab stong pa nyid mtshon pa'i dril bu phyag g.yon du gtad par mos shig__/dril bu sbyin la/__hU~M:__phrag dog rnam dag las kyi rigs:__don grub dril bu'i dbang bskur bas:__'du byed phung po rang grol nas:__bya grub ye shes mngon gyur shog:__oM sarba ta thA ga ta karma a b+hi Shiny+tsa AH__badz+ra kA la sha a b+hi Shiny+tsa hU~M:chu dbang*/__de ltar dbang bskur ba'i chu rgyun gyis lus kyi nang gang*/__kun gzhi'i sgrib pa dag__/chu'i lhag ma yar lud pa las don yod grub pas dbu brgyan par gyur/__oM badz+ra ar+g+haM sogs kyis mchod/__las kyi ye shes thogs pa med:__gdul bya'i khams dang mthun par ston:__phan 'dogs tshar bcad rjes bzung ba'i:__bde mchog sgyu mas bkra shis shog:__des sangs rgyas thams cad kyi phrin las kyi dbang thob/__nyon mongs pa phrag dog dag__/'du byed kyi phung po bya grub ye shes su gnas gyur/__phrin las kyi rigs kyi las dang dngos grub sgrub pa la dbang ba yin no/__/slob ma skad cig gis mchog gi las mdzad bud+d+ha thod phreng mthing gsal zhi 'dzum sgeg pa'i nyams can/__phyags g.yas 'khor lo thugs kar gtod cing g.yon des yu ba byas pa'i dril bu dkur brten pa/__dar dang rin chen rus pa'i rgyan can zhabs rdo rje'i skyil krung gi rang 'od mchog gi rigs kyi mkha' 'gro gri thod 'dzin pa dang mnyam par sbyor bas pad zla seng+ge'i khri la bzhugs par mos/__nam mkha' gang ba'i dbang gi lha tshogs rnams kyis rdo rje dang bcas pa'i dril bu thogs te/__rnam par snang mdzad kyi bdag nyid can gyi ming gi dbang bskur bar mos shig__/rdor dril lhan cig pa spyi bo nas 'khrol la/__hU~M:__gti mug rnam dag bde gshegs rigs:__snang mdzad ming gi dbang bskur bas:__gzugs kyi phung po rang grol nas:__chos dbyings ye shes mngon gyur shog:__oM sarba ta tha ga ta bud+d+ha a b+hi Shiny+tsa aH__gsang ba'i mtshan bsgrags/__badz+ra kA la sha a b+hi Shiny+tsa hU~M:gi chu dbang*/__de ltar dbang bskur ba'i chu rgyun gyis lus kyi nang gang*/__lus kyi dri ma dag__/chu'i lhag ma yar lud pa las rnam par snang mdzad kyis dbu brgyan par gyur/__/oM badz+ra ar+g+haM sogs/__bde gshegs ye shes 'gyur ba med:__brtan g.yo kun la khyab pa'i srog:__phyag rgya'i gzugs su rang snang ba'i:__dkyil 'khor chen po'i bkra shis shog:__des sangs rgyas thams cad kyi sku yi dbang thob/__nyon mongs pa gti mug dag__/gzugs kyi phung po chos dbyings ye shes su gnas gyur/__sku bde gshegs rigs kyi las dang dngos grub sgrub pa la dbang ba yin no/__/gzhung las/__so so'i dag pa ngo sprad cing :__shis pa brjod pas mnga' gsol bya:__zhes pa ltar ro/__gnyis pa nang nus pa 'jug pa rdo rje slob dpon bdag po chen po'i dbang gi don du gsol ba gdab pa 'di'i rjes zlos mdzod/__/dpal ldan rigs kun khyab bdag ches:__phan pa'i dbang bskur stsal lags na:__da ni nus pa 'jug pa'i dbang :__ma lus bdag la stsal du gsol:__lan gsum/__de nas dbang dngos la spyi dang bye brag khyad par gyi dbang gsum las/__dang po'i don du khyed rang rnams gtso bo'i mdun dkyil 'khor gyi thad drang por seng ge'i khri la gnas pa'i steng du gdugs phub/__'dod yon gyi mchod pas mdun bdar te dkyil 'khor 'khor lo'i dbang phyug khyab byed drug pa'i rigs chos sku rdo rje 'chang gsang ba 'dus pa rang 'od kyi phyag rgya ma dang sbyor zhing sku la rtsa gsum dkyil 'khor ma lus yongs rdzogs til gyi gong bu kha bye ba bzhin bzhugs pa rgyan dang phyag mtshan yongs su rdzogs pa'i bdag nyid snyems pa bzung ba la thabs bde ba chen po rdo rje thugs kyi dam tshig phyag g.yas su gtad pa gsor te thugs kar gtod/__shes rab stong pa nyid dril bu gsung gi dam tshig g.yon du gtad pas dkrol la dkur brten/__bde stong zung 'jug phyag rgya sku'i dam tshig rdo dril thugs kar bsnol te 'khyud pa'i rgyas yab yum gnyis med bde ba chen po'i sbyor bas rgyu dus kyi yan lag bdun la goms pas 'bras bu sku gsum kha sbyor yan lag bdun du sangs rgyas par mos shig__/oM AHhU~M:__thabs dang shes rab dbyer med pa'i:__rdo rje dril bu 'di bzung la:__ye shes phyag rgyar mnyam sbyor ba'i:__bde ba che la rtag tu rol:__de bzhin gshegs pa thams cad kyi:__sku gsung thugs kyi gsang ba dang :__dbyer med rdo rje 'dzin khyed kyis:__gang 'dul 'gro kun sgrol bar mdzod:__oM ma hA badz+ra hU~M:__rdo rje thugs kar gsor/__oM ma hA gaN+De hoH__dril bu 'khrol te dkur brten/__oM sarba ta thA ga ta ma hA a nu ra ga na dz+nyA na badz+ra swa b+hA wa At+ma ko\u0f85haM:__zhes 'khyud rgya byar gzhug__/slar yang dbang gi lha rnams kyis bkra shis pa'i rnam pa du ma dang ldan pas rin po che'i bum pa bdud rtsi'i chu rgyun gyis gang bas dbang bskur bar mos shig__/rnam bum gyi dbang bskur la/__hU~M hrIH__snang stong bum pa'i dkyil 'khor du:__rtsa ba gsum gyi lha tshogs shar:__skal ldan bu la dbang bskur bas:__phung khams lha skur smin par shog:__oM AHhU~M badz+ra gu ru pad+ma sid+d+hi hU~M:__kA ya a b+hi Shiny+tsa oM:__de ltar dbang bskur ba'i chu rgyun gyis lus kyi nang gang*/__sgrib pa bzhi'i sa bon bag chags dang bcas pa dag__/chu'i lhag ma gyen du 'khyil ba las rdo rje sems dpas dbu brgyan par gyur/__/gnyis pa bye brag tu rjes su gnang ba la khyed rnams kyi spyi bor bkra shis pa'i gdugs phub lag g.yas chos kyi dung gtad 'bud du gzhug__/g.yon pas shes rab kyi dril bu 'khrol/__mchan du rgyud kyi glegs bam gtad/__rkang 'og tu phrin las rgyun mi chad pa'i 'khor lo byin pa bskor te de nyid bcu sogs rdo rje rgyal po bka' rab 'byams kyi dbang bskur bar mos shig__/chas rnams gtad de/__hU~M hrIH__bde chen thabs mchog rdo rje sems dpa' dang :__shes rab stong nyid dbang phyug snyems ma yum:__dbyer med mnyam sbyor rdo rje slob dpon dbang :__deng 'dir skal ldan khyod la sbyin pa yis:__zab gsang rdo rje rtse mo'i nye lam gyi:__chos kyi 'khor lo rtag tu bskor nas kyang :__sna tshogs thabs kyis gdul bya ma lus kun:__bde chen thar pa'i grong du dbugs dbyung zhig:__nam mkhar bzhugs pa'i dbang gi lhas shis pa'i glu dbyangs dang me tog gi char bsnyil bas bde ba chen po'i ye shes skyes brtan gong 'phel du mdzad pas mnga' gsol bar mos/__dkon mchog gsum gyi shis brjod bya/__rten snying dang*/__su pra tiSh+Tha brjod/__dbang gi lha rnams gnyis med du thim par mos/__de yang sngags kyi smin grol sgra ji bzhin du spyod pa dag gis 'di yan chad kyi dbang gi cho gas rgya che ba'i lam gyi snod ldan rjes su bzung zhing*/__thun mong gi bskyed bzlas kyi man ngag 'bogs shing*/__mchog dbang gong ma gsum ni 'khor ba la rgyab kyis phyogs shing zab mo'i man ngag mthar thug don du gnyer ba la de'i dbang dang gdams pa ster ba gsung pas gzhung 'dir yang*/__de nas zab mo'i dbang gsum po:__ye shes dpal ster ji bzhin la:__spros dang 'brel ba dkyil 'khor ba:__yongs su rdzogs pa'i lha dbang bskur:__so so'i sngags kyi rjes gnang dang :__'od gsal ye shes don ngo sprod:__lung bstan dbugs dbyung gzeng bstod bya:__zhes gsungs kyang deng sang dbang khrid kyi rgyun ma nyams pa gnad du zab pas dbang bzhi sbrel te gsungs pa'i phyag bzhes bzhin de dag gis bum dbang mtha' rten dang bcas gong du song nas/__gsum pa khyad par sku gsung thugs kyi byin rlabs dang nus pa rgyud la 'jug pa'i phyir lha sngags rig pa'i dbang bskur sbyin pa'i thog mar sku phyag rgya'i dbang bskur ba la/__gsol ba 'debs pa 'di'i rjes zlos mdzod/__e ma rigs kun khyab bdag mchog:__rdo rje slob dpon dgongs su gsol:__bdag cag smin cing grol ba'i phyir:__ye shes lha yi dbang bskur stsol:__lan gsum bya/__mdun bskyed lha tshogs gtso 'khor rnams dang rdo rje'i sku yi gnas so so nas ye shes kyi sku mar me gcig las gnyis mched kyi tshul du byon nas khyed rang gi sku yi gnas so sor lus dkyil gyi rnam pa rjes su dran pa'i lha gnas kyi pad nyi'i gdan re re gsal ba la lha tshogs dpag tu med pa slob dpon dang mdun bskyed tha mi dad pa'i thugs ka nas byung ste lus gnas rnams la thim pas ye shes kyi phyag rgya dang gnyis med du gyur par mos shig__/hU~M hrIH__sgyu 'phrul drwa ba'i dkyil 'khor nas:__rtsa gsum kun 'dus thod phreng rtsal:__yab yum gnyis med dbang bskur bas:__bde gshegs yongs rdzogs dbang thob shog:__oM AHhU~M badz+ra gu ru pad+ma sid+d+hi hU~M:__kA ya a b+hi Shiny+tsa oM:__hrIH__spros bral chos sku'i dkyil 'khor nas:__rigs kyi bdag po che ba'i mchog:__kun bzang yab yum dbang bskur bas:__dbang bzhi ye shes smin par shog:__oM AHhU~M d+harma kA ya a b+hi Shiny+tsa oM:__hrIH__snang stong dbyer med dkyil 'khor nas:__'jam dpal grub pa'i rig pa 'dzin:__many+dzu mi tras dbang bskur bas:__rtsa khams lha skur smin par shog:__oM ma hA gu ru shA ri rAM many+dzu shrI mi tra AHhU~M:__kA ya a b+hi Shiny+tsa oM:__hrIH__grags stong dbyer med dkyil 'khor nas:__rta mchog grub pa'i rig pa 'dzin:__nA gA rdzu nas dbang bskur bas:__srog rtsol sngags su smin par shog:__oM ma hA gu ru shA ri rAM na gA rdzu na AHhU~M:__ka ya=__hrIH__rig stong dbyer med dkyil 'khor nas:__yang dag grub pa'i rig pa 'dzin:__hU~M chen kA ras dbang bskur bas:__rtog tshogs chos skur smin par shog:__oM ma hA gu ru shA ri rAM hU~M ka ra AHhU~M:__ka ya=__hrIH__yon tan sna tshogs dkyil 'khor nas:__bdud rtsi grub pa'i rig pa 'dzin:__bi ma mi tras dbang bskur bas:__dga' bzhi ye shes mngon gyur shog:__oM ma hA gu ru shA ri rAM bi ma la mi tra AHhU~M:__kA ya=__hrIH__phrin las rnam bzhi'i dkyil 'khor nas:__phur pa grub pa'i rig pa 'dzin:__pra chen hastis dbang=__khams gsum dbyings su sgrol bar shog:__oM ma hA gu ru shA ri rAM pra b+ha hasti AHhU~M:__ka ya=__hrIH__klong lnga dbyings kyi dkyil 'khor nas:__ma mo grub pa'i rig pa 'dzin:__d+ha na saM kr-is dbang =__snang srid sems su rdzogs par shog:__oM ma hA gu ru shA ri rAM d+ha na saM kr-i ta AHhU~M:__kA ya=__hrIH__dregs pa zil gnon dkyil 'khor nas:__mchod bstod=__ram+bu gu h+yas dbang =__gzung 'dzin 'byung po 'dul bar shog:__oM ma hA gu ru shA ri rAM ram+bu gu h+ya AHhU~M:__kA ya=__hrIH__mngon spyod dmod pa'i dkyil 'khor nas:__drag sngags grub pa'i:__shIn+taM g+har+b+has dbang=__gnyis snang dgra bgegs tshar gcod shog:__oM ma hA gu ru shA ri raM shIn+taM g+har+b+ha AHhU~M:__kA ya=__hU~M:__bde chen 'khor lo'i dkyil 'khor nas:__mnyam nyid ye shes ngo bo nyid:__'jam dpal sku yi dbang =__gshin rje yongs rdzogs dbang thob shog:__oM a kro te ka ya mAn+d+ha ka ma tha b+hany+dza hU~M phaT:__kA ya=__hU~M:__longs spyod 'khor lo'i dkyil 'khor nas:__sor rtog ye shes ngo bo=__pad+ma gsung gi dbang =__rta mgrin yongs rdzogs dbang thob shog:__oM pad+man+ta kr-i ta badz+ra kro d+ha h+ya gr-i ba hU~M phaT:__kA ya=__hU~M:__chos kyi 'khor lo'i dkyil 'khor nas:__me long ye shes ngo bo nyid:__yang dag thugs kyi dbang =__khrag 'thung yongs rdzogs dbang thob shog:__oM ru lu ru lu hU~M b+h+yo hU~M phaT:__kA ya=__hU~M:__sprul pa'i 'khor lo'i dkyil=__chos dbyings ye shes ngo bo nyid:__bdud rtsi yon tan dbang =__che mchog yongs rdzogs dbang thob shog:__oM badz+ra kro d+ha ma hA shrI he ru ka hU~M phaTaH__kA ya=__hU~M:__bde skyong 'khor lo'i=__bya grub ye shes ngo bo nyid:__rdo rje gzhon nu'i dbang=__phur pa yongs rdzogs dbang thob shog:__oM badz+ra kI li kI li ya sarba big+h+nAn baM hU~M phaTaH__kA ya=__hU~M:__rdo rje nor bu'i dkyil 'khor nas:__klong gyur ye shes ngo bo nyid:__bla med khrag 'thung dbang =__ma mo yongs rdzogs dbang thob shog:__oM gu ya dz+nyA na shrI he ru ka gu h+ya dz+nyA na kro d+hi shwa ri s+t+waM ma ma yo gi ni ru lu ru lu hU~M b+h+yo hU~M:__kA ya=__hU~M:__bde chen thabs kyi dkyil 'khor nas:__dbyings grol ye shes=__dregs pa kun 'dul dbang =__mchod bstod yongs rdzogs dbang thob shog:__oM badz+ra tsaN+Da sarba duSh+ta hU~M phaTaH__kA ya=__hU~M:__stong nyid shes rab dkyil=__mtha' grol ye shes=__stobs ldan nag po'i dbang =__drag sngags yongs rdzogs dbang thob shog:__oM badz+ra sarba duSh+tan hU~M phaTaH__kA ya=__hU~M:__gnas yul nyer bzhi'i dkyil 'khor nas:__byang chub sems kyi thig le'i gzugs:__dpa' bo mkha' 'gro'i dbang =__bde stong ye shes mngon gyur shog:__oM ma hA su kha sarba DA ka DA kI nI hU~M:__kA ya=__hU~M:__rdo rje rigs kyi dkyil 'khor=__zhi ba'i phrin las sgrub mdzad pa:__badz+ra thod phreng dbang =__nad gdon 'jigs brgyad zhi bar shog:__oM AHhU~M badz+ra gu ru pad+ma thod phreng rtsal sarba sid+d+hi pha la hU~M:__kA ya=__hrIH__rin chen rigs kyi dkyil 'khor nas:__rgyas pa'i phrin las sgrub mdzad pa:__rat+na thod phreng dbang =__tshe bsod ye shes rgyas par shog:__oM AHhU~M badz+ra gu ru rat+na thod phreng =__kA ya=__hrIH__pad+ma rigs kyi=__dbang gi=__pad+ma thod phreng =__khams gsum dbang du 'du bar shog:__oM AHhU~M badz+ra gu ru pad+ma thod phreng rtsal=__kA ya=__hrI:__las kyi rigs kyi=__drag po'i phrin las=__karma thod phreng =__dgra bgegs 'byung po tshar gcod shog:__oM AHhU~M badz+ra gu ru karma=__kA ya=__hrIH__bde byed brtsegs pa'i dur khrod du:__ma chags skyon bral dngos grub brnyes:__pad+ma 'byung gnas dbang bskur bas:__bde chen ye shes sku 'grub shog:__oM AHhU~M badz+ra ma hA pad+ma kA ra thod phreng rtsal sarba sid+d+hi hU~M:__kA ya=__hrIH__bsil ba tshal gyi dur khrod du:__yon tan sna tshogs dngos grub brnyes:__pad+ma saM b+has dbang bskur ro:__don gnyis lhun gyis 'grub par shog:__oM AHhU~M badz+ra ma hA gu ru pad+ma saM b+ha wa sarba sid+d+hi hU~M:__kA ya=__hrIH__ra ga rak+ta'i gnas mchog tu:__thams cad mkhyen pa'i dngos grub=__blo ldan mchog sred dbang =__ji lta ji snyed mngon gyur shog:__oM=__pra dz+nyA dz+nyA na sarba sid+d+hi hU~M:__kA ya=__hrIH__dga' ba tshal gyi dur khrod=__khams gsum dbang sdud dngos grub brnyes:__pad+ma rgyal pos dbang =__rlung sems dbu mar thim par shog:__oM AHhU~M badz+ra gu ru pad+ma rA dza sarba sid+d+hi hU~M:__kA ya=__hrIH__so sa gling =__'gro ba 'dul ba'i dngos grub brnyes:__nyi ma 'od zer =__gang 'dul thabs la mkhas par shog:__oM AHhU~M=__sur+Ya rasmi sarba sid+d+hi hU~M:__kA ya=__hrIH__za hor rgyal po'i yul dbus su:__bdud 'dul drag po'i dngos grub brnyes:__shakya seng ges dbang =__nyon mongs bdud bzhi 'dul bar shog:__oM=__shAkya seng ha=__kA ya=__hrIH__ma ga d+ha yi grong khyer du:__mu stegs 'dul ba'i dngos grub brnyes:__seng ge sgra sgrogs dbang =__'jigs tshogs lta ba 'joms par shog:__oM=__seng ha gaN+De=__kA ya=__hrI:__stag tshang seng ge bsam 'grub tu:__dregs pa 'dul ba'i dngos grub brnyes:__rdo rje gro lod dbang =__gzung 'dzin 'byung po tshar gcod shog:__oM=__gu ru kro d+hA gro bo lod lo ka sarba sid+d+hi hU~M phaT:__kA ya=__hU~M hrIH__tshad med bzhi ldan dkyil 'khor nas:__dbang chen rigs bzhi yab yum gyis:__rigs kyi bu la dbang =__phrin las rnam bzhi lhun grub shog:__oM AHhU~M badz+ra kro d+hA h+ya gr-i wa ra tsa hrI ya ha ri ni sa sarba sid+d+hi hU~M phaTaH__kA ya a b+hi Shiny+tsa oM:__de ltar kun bzang pad+ma thod phreng bde gshegs yongs 'dus sgyu 'phrul drwa ba'i dkyil 'khor gyi lha tshogs yongs su rdzogs pa'i dbang bskur bas tha mal gyi 'khrul rtog ye shes lha'i 'khor lor bsdom ste ngo sprad pa'i mthus deng nas bzung ste snang srid snod bcud thams cad dag pa rab 'byams snang stong lha'i sku sgom pa dang ma bral bas snang ba thams cad lha sku phyag rgya'i gzer gyis thebs par gyis shig__/gsung bzlas pas lung sbyin pa la dmigs pa 'di rnams gsal thob mdzod/__/bdag mdun gyi thugs kar rang 'dra'i ye shes sems dpa' gsal ba'i thugs kar pad+ma nyi zla'i steng du ting 'dzin sems dpa' rdo rje rtse lnga pa'i lte bar thugs srog hU~M yig mthing gsal/__rdo rje'i yig 'bru bcu gnyis pas bskor ba dang*/__khyed rang rnams lhar gsal ba'i thugs kar ye shes sems dpa' sum brtsegs hU~M yig sngags phreng bcas gsal thob/__slob dpon dang lha la mos gus byas pa'i rkyen gyis sngags phreng las sngags phreng gnyis pa byung zhal nas thon khyed rang rnams dang thugs ka'i lha'i zhal du zhugs nas thugs srog hU~M yig gi mthar 'khod/__bzlas pa'i rkyen gyis de las 'od zer dpag tu med pa 'phros phyogs dus rtsa gsum rgyal ba rab 'byams thams cad pad+ma thod phreng rtsal gyi sku/__sngags/__phyag mtshan gyi rnam pa dpag tu med pa byon/__khyed rang la thim pas gsang ba gsum gyi byin rlabs dngos grub thams cad thob par mos la bsnyen sngags 'di'i rjes zlos mdzod/__oM AHhU~M badz+ra gu ru pad+ma sid+d+hi hU~M:_lan gsum/__thugs ka'i sngags phreng las rdo rje'i srog sngags lu gu rgyud kyi phreng ba yab yum gyi zhal dang mkha' gsang nas brgyud de 'gal me ltar 'khor ba sku yi gnas bzhir son pas bde stong dga' bzhi'i ye shes rgyud la skyes pa'i 'od kyis khams gsum brtan g.yo thams cad lha sngags ye shes sgyu 'phrul drwa ba'i 'khor lor rdzogs par mos la sgrub sngags rtsa gsum spyi dril gyi bzlas pa lan gsum mdzod/__oM AHhU~M hrI hrIHbadz+ra gu ru pad+ma thod phreng rtsal de wa Da ki ni badz+ra sa ya dzaHsarba sid+d+hi pha la hU~M aH__slar yang 'od zer lnga ldan gyi sprau bsdus zhi rgyas dbang drag mchog gi phrin las thams cad yid bzhin du sgrub par mos la las sngags 'di'i rjes zlos mdzod/__oM AHhU~M hrI hrIHbadz+ra gu ru pad+ma thod phreng rtsal de ba DA ki nI badz+ra sa ma ya dzaHsarba sid+d+hi pha la hU~M AH__shan+tiM puSh+tiM wa shaM mA ra ya phaTaH__lan gsum bzla/__snang grags rig pa sku gsung thugs dbyer mi phyed pa ye shes rdo rje gcig gi bdag nyid du lhun gyis grub pa'i dgongs pa la blo bzhag pas ye shes hU~M lnga'i bzlas pa mdzod/__hU~M hU~M hU~M hU~M hU~M/__cung zad bzla/__phreng ba mgrin par bzhag la/__sngags kyi phreng ba gtad pas bzlas brjod kyi nus pa bskyed cing brtan pa byas par mos shig__/AH__ji snyed brjod pa thams cad kun:__rdo rje'i sngags su rnam par dag:__nus pa bskyed pa'i dbang bskur bas:__dngos grub rnam gnyis myur 'grub shog:__oM sarba maN+Da la wa ka a b+hi Shiny+tsa AH__deng phyin chad grags stong sngags kyi bzlas pa chu bo'i rgyun bzhin du brtson nas brtan g.yo'i sgra skad thams cad rdo rje'i sngags kyi gzer gyis thebs par gyis shig__/thugs rang byung gi dgongs pa ngo sprad pa'i slad du me long dwangs pa'i ngos su gzugs brnyan sna tshogs su snang yang rang bzhin ma grub pa'i dpes mtshon nas/__rang sems stong pa'i rang rtsal las gzung 'dzin 'khrul pa'i snang ba sna tshogs su shar yang gdod ma nas skye 'gag gnas gsum bral ba'i don rang rig skad cig ma'i rang rtsal du ngo shes par gyis la snang rig zung 'jug 'od gsal chen po'i ngang du mnyam par zhog cig__/me long bstan la/__hU~M:__gzung dang 'dzin pa'i rtog pa kun:__gdod nas rang bzhin 'od gsal ngang :__ye shes rtogs pa'i dbang bskur bas:__zung 'jug gnas lugs mngon gyur shog:__oM sarba maN+Dal:__tsit+ta a b+hi Shiny+tsa hU~M:__deng nas bzung ste rig stong ye shes chen po'i ngang la rtag tu mnyam par bzhag pa las ma g.yos pas rtog tshogs thams cad la dgongs pa mi 'gyur ba'i gzer dang 'phro 'du ting nge 'dzin gyi gzer gyis thebs par gyis shig__/de rnams kyis phyi mtshan ma'i dkyil 'khor du bum pa'i dbang thob gzhi rags pa lus dang phra ba rtsa yi dri ma sbyangs/__lam bskyed rim lha'i 'khor lo bsgom pa la dbang*/__'bras bu sku rdo rje sprul pa'i sku 'thob pa'i sa bon rgyud la bzhag pa yin no/__/gnyis pa gsang ba zab mo'i dbang gsum mtha' rten gtad rgya dang bcas te bskur ba la sbyor dngos rjes gsum du yod pa'i dang po nang rang byung gi ye shes ston pa'i bla mas sbyor ba rtsa khams rang byin gyi rlabs pa gsang ba'i dbang gi slad du/__bla ma 'chi med pad+ma thod phreng dang phyag rgya dbyings phyug man+d+ha ra mnyam par sbyor ba'i dga' ba'i sgra dang bde ba'i 'od zer gyis phyogs bcu'i rgyal ba sras dang bcas pa rnams spyan drangs te sku la zhugs/__thugs kar byang chub kyi sems su zhu/__rdo rje'i lam nas yum gyi mkhar babs/__dkar dmar lhag pa'i byang sems thod pa'i bdud rtsi dang ro gcig tu 'dres pa de nyid khyed rang rnams kyi lce thog tu byin par mos shig__/gsang thod kyi bdud rtsi sbyin la/__hU~MHhrIH__e waM zung 'jug dkyil 'khor nas:__zhu bdes drangs pa'i kuN+Da li:__skal ldan khyod la byin pa yis:__rlung sngags dbu mar thim par shog:__wa kA a b+hi Shiny+tsa AH__de ltar myang ba'i byang sems kyis rtsa khams thams cad la khyab/__gsal stong rnam par mi rtog pa'i ye shes rgyud la skyes par mos shig__/des nang lus kyi dkyil 'khor du gsang ba'i dbang thob/__gzhi rags pa ngag dang phra ba rlung gi sgrib pa sbyang*/__lam rang byin rlabs pa'i rnal 'byor bsgom pa la dbang*/__'bras bu gsung rdo rje longs spyod rdzogs pa'i sku 'grub pa'i sa bon rgyud la bzhag pa yin no/__/gnyis pa gsang ba lhan skyes kyi ye shes ston pa'i bla mas dngos gzhi dpe yi ye shes mtshon pa'i slad du gzugs dang lang tsho'i mdzes sdug phul du byung zhing*/__mtshan nyid mchog dang ldan pa'i rig ma phyag g.yon du byin par mos shig__/phyag rgya'i gzugs brnyan gtad la/__hrIH__phyag rgya b+ha ga'i dkyil 'khor du:__bde stong ye shes nyams myong phyir:__sna tshogs gzugs can 'di gtad pas:__thig le chos skur sgrol bar shog:__tsit+ta a b+hi Shiny+tsa hU~M:__slob ma bde ba chen po thod phreng rtsal dang gtad pa'i rig ma man+da ra ba gsal ba'i yab kyi gsang ba hU~M las rdo rje rtse lnga pa bu gar phaT/__yum mkha' pa~M las pad+ma 'dab ma gsum pa ze'u 'bru AM gyis mtshan par gsal thob/__thabs 'di la brten nas rang gnas kyi ye shes bde ba chen po mngon du bya'o snyam pa'i yab yum 'dod pa mnyam pas/__sa ma ya hoH__sa ma ya s+t+waM:__a nu rA ga ya hoH__a nu rA ga ya mi:__zhes phan tshun brda bzhis bsnol mar bskul:__dzaHhU~M ba~M hoH__zhes 'khyud sdom sprad nas snyoms par zhugs pa'i rjes chags kyi mes byang sems thig le g.yos/__spyi bo la sogs pa'i gnas rnams su yas babs rgyu'i dga' ba bzhi nyams su myong*/__rdo rje nor bu'i rtser lhan cig skyes pa'i bde chen dpe'i ye shes mngon du byas/__slar gyen du bzlog pas mas brtan 'bras bu'i dga' ba bzhi dang zung du 'jug pa'i stong pa bzhi'i 'od gsal gyi mthar thug brjod bral ye shes mngon du mthong bar mos shig__/des gsang ba b+ha ga'i dkyil 'khor du shes rab ye shes kyi dbang thob/__yid thig le'i dri ma dag__/gzhan lus pho nya'i lam bsgom pa la dbang*/__'bras bu thugs rdo rje chos kyi sku thob pa'i skal pa rgyud la bzhag pa yin no/__/gsum pa mthar thug de kho na nyid ston pa'i bla mas/__bzhi pa don gyi ngo sprod gdab pa ni/__sngar de las skyes pa'i ye shes dran par byas te de'i rang ngo la mnyam par 'jog pa dang*/__dbyings rig zung 'jug gi brda rtags rdo rje sems dpa'i me long gis mtshon te dpe las 'das pa'i rig stong gzhi grol kun tu bzang po'i dgongs klong du mnyam par zhog cig__/shel rdau bstan la/__AH__ka dag gzhi yi dkyil 'khor du:__lhun grub lam gyi snang ba gsal:__gnyis su med par dbang bskur bas:__chod zad 'bras bu mngon gyur shog:__dz+nyA na a b+hi Shiny+tsa hrIH__zhes cung zad mnyam par 'jog__/khyad par can gyi snod rung la:__dbyings dang rig rtsal don ngo sprod:__ces gsungs pas/__de ltar rang byung gshis kyi gnas lugs dbyings rig dbyer med kun bzang dgongs pa gcer mthong du ngo sprod pa de nyid lta sgom spyod pa thun mong ma yin pas lam du khyer te 'bras bu gzhir rdzogs chen por la zlo ba'i tshul rdo rje'i tshig gis gsal 'debs pa lags pas snyan gtod 'tshal/__aH__lta ba blo 'das gdod ma'i babs:__sgom pa ma bcos lhug par bzhag:__spyod pa rang grol gnyug ma'i ngang :__'bras bu gzhi snang chen por rdzogs:__a a AH__des don dam ye shes kyi dkyil 'khor du bzhi pa tshig gi dbang thob gzhi rags pa snang gsum 'pho ba dang*/__phra ba shes bya'i sgrib pa sbyang*/__lam zung 'jug phyag rgya chen po sgom pa la dbang*/__'bras bu ye shes rdo rje ngo bo nyid sku 'thob pa'i skal ba rgyud la bzhag pa yin no/__/bzhi pa dbang bzhi yongs rdzogs kyi mtha' rten gtad rgya'i dbang ni/__sgrub pa'i glegs bam spyi bor bzhag:__rgyud gsum byin rlabs dbugs dbyung bya:__zhes gsungs pas/__'di nyid kyi sgrub pod slob ma'i spyi bor bkod de/__mdun gyi nam mkha' phyogs dus rtsa brgyud kyi bla ma yi dam rgyal ba zhi khro/__dpa' bo mkha' 'gro/__chos skyong srung ma dam can rgya mtsho rnams mngon sum bzhin du bzhugs pa'i gnas gsum nas sku dang sngags phreng phyag mtshan 'od zer thig le dkar dmar mthing gsum char babs pa ltar byon nas khyed rang rnams kyi gnas gsum du thim pas dgongs brda snyan khung mkha' 'gro gtad rgya sogs brgyud pa drug ldan gyi dgongs brgyud byin rlabs rdo rje'i ye shes khyed rang gyi rgyud du 'phos par mos shig__/oM AHhU~M: bi ma'i bla sgrub byin rlabs snying po las so/__kun bzang rdo rje sems dpa' dga' rab rje:__dgongs pa ro gcig sku gsum rnam dbyer med:__shrI sing ha rig rtsal rang dbang thob:__bi ma mu dra 'pho chen ye shes sku:__pad+ma 'byung gnas rtsa gsum rgya mtsho'i dngos:__brda brgyud bla ma 'chi med rig 'dzin rje:__tshig don byin rlabs chu rgyun ma chad pa'i:__bka' drin can gyi snyan brgyud bla ma sogs:__phyogs bcu dus bzhi'i rtsa brgyud bla ma dang :__yi dam zhi khro dpa' bo mkha' 'gro ma:__dbyings dang ye shes chos srung rgya mtsho'i tshogs:__skal ldan slob ma rigs kyi bu rnams la:__thugs rje'i brtser dgongs ye shes byin chen phob:__phyi nang gsang ba'i lam gyi bar chad sol:__thugs rgyud dgongs pas byin rlabs dbang mchog bskur:__rtsa rlung thig le sems kyi sgrib pa sbyongs:__phung po rtsa khams snang stong lha skur dag:__ngag rlung mi shigs bde chen longs spyod rdzogs:__yid dang thig le 'od gsal chos skur smin:__dbyer med ye shes bla ma'i sa thob shog:__oM AHhU~M hrIH hrIHbadz+ra gu ru pad+ma thod phreng rtsal de wA DA ki nI badz+ra sa ma ya dzaHsarba sid+d+hi pha la hU~M AHkA ya kA la sha wa ka gu h+ya tsit+ta pra dz+nyA dz+nyA na d+ha d+hu a b+hi Shiny+tsa oM AHhU~MHhoH__dbyangs gsal rten snying brjod/__dpon slob gnyis kas dgongs pa'i rtsal bskyed/__thugs yid bsres la mnyam par bzhag go__/de nas mtshams sbyor spyi ltar byas la bkra shis kyi tshig bcad rgyas par brjod cing me tog 'thor/__rol mo bsgrag go__/gsum pa rjes dam tshig khas blangs btang rag yon 'bul rnams las/__dang po ni/__rjes su dbang srog dam tshig gi:__rnam dbye rgyas par bshad pa dang :__zhes gsungs pas/__de dag gis lam gyi rtsa ba rig 'dzin bla ma rtsa gsum 'dus pa'i srog sgrub la brten nas rtsa ba'i dbang bskur chen po rgyas par grub pa ste/__de'i dgos pa'ang rgyud las/__de ltar dbang rnams yongs rdzogs par:__bskur ba'i yon tan bsam mi khyab:__gsang sngags dngos grub dbang las 'byung :__zhes ches cher bsngags shing dbang srog rgyud la 'dzin pa dam tshig 'ba' zhig la rags las shing*/__dam tshig srung ba yang thog mar de'i rnam grangs shes dgos pas na/__spyi so byang sngags kyi bslab pa/__khyad par rdo rje theg pa phyi nang bla med kyi rgyud sde'i dgongs pas sa ma ya 'bum sde/__kun gyi rtsa ba sku gsung thugs/__yan lag gi dam tshig nyer lnga/__bye brag nyi shu la sogs pa'i dbye bsdu'i rnam bzhag gi srung bya'i rnam grangs/__'das ral nyams pa'i mtshams/__ji ltar srung ba'i thabs/__nyams pa'i nyes dmigs/__srung ba'i phan yon/__nyams pa skong ba'i thabs la sogs pa rgyud dang grub pa'i man ngag las 'byung ba ltar zhib tu shes par gal che zhing*/__mdor na dam tshig dang sdom pa mtha' dag tshul bzhin bsrung bar bgyi'o snyam pa'i g.yar dam blangs ba 'di'i rjes zlos mdzod/__/gtso bos ji ltar sogs gsum/__gtang rag maN+Dal/__lus longs spyod 'bul ba/__dge bsngo'i mtshams sbyor rnams spyi ltar byas la slob ma rnams gyes so/__/gsum pa rjes rim ni/__slob dpon gyi las gzhung ltar tshogs la rol nas lhag ma btang*/__smon lam gdab/__bka' srung dang*/__chad brtan rta bro/__gtang rag mchod bstod dngos grub blangs ba nongs bshags/__mdun bskyed brtan bzhugs/__dam tshig pa rang la bsdu zhing bdag bskyed bsdu ldang*/__bsngo smaun shis brjod bcas gzhung ltar mthar chags su btang bas grub pa'o/__/de yang dbang bzhi chig rdzogs ye shes dpal ster 'di ni phyi nang gsang ba yang gsang gi sgrub thabs kun gyi don dbang snying po yin pas na gzhung las/__'di ni thog mar dkyil 'khor cher:__zhugs te smin pa'i slob ma la:__rdo rje'i ye shes ngo sprod phyir:__sbyin gyis rnam pa kun tu min:__zhes gsungs pas na/__gzhung 'di'i thun mong smin byed ye shes thig le sngon du 'gro bas rgyud las rung du ma byas na zab dbang bzhi mthar chags su bskur mi rung bar gsung pa'i gnad kyang shes par gal che zhing sbyar bas rtsa dbang 'bring po'i tshul du zab pa 'ga' zhig tu slob ma'i dbang po'i khyad par gyis dbang gsum las 'bring po mchog gi dbang bzhi las sku gsung thugs gtor dbang dang bcas pa dbang bzhi ye shes dpal ster la byed na sngon 'gro 'jug pa'i chos khrus bya 1bgegs srung 2maN+Dal 'bul3/__/chas 'jug 4gsol gdab5 gnang ba sbyin6/__/rgyud sbyong 7sdom bzung 8dam la bzhag9__/dbab cing 10rigs brtags 11gdong g.yogs bkrol12/__/mthong ba bstan dang 13bcu gsum mo/__/zhes dang*/__dbang dngos la/__bum dbang*/__gsang dbang*/__sher ye/__dbang bzhi pa/__yongs rdzogs gtor ma'i dbang bskur brgyad/__rjes dam tshig khas blang/__gtang rag__lus longs spyod 'bul ba dge bsngo bcas dbang rgyas pa las khol du phyung ba dbang bzhi ye shes dpal ster 'bring po'i tshul du kha rkyang logs su bskur tshul kyang zhar byung du smos pa ste de tsam du ma zad 'di ni gter gzhung ltar dbang chog rgyas bsdus gtor dbang bcas so sor bkod pa las dbang bskur rgyas pa'i khongs su byin rlabs brda yi dbang bzhi dang gtor dbang byin rlabs dpal ster rnams dkyus gcig tu sbrel na 'jug pa bde zhing rung bas de ltar na sngon 'gro skyabs sems/__tshogs bsags/__sdom bzung*/__ye shes dbab bstim rnams dbang re re bzhin mi dgos pas byin rlabs brda yi dbang gzhung bzhin/__'di ltar bum pa la sogs pa'i dbang rdzas lnga po re re bzhin sogs nas dang*/__gtor dbang gi spyir gtor ma la bsnyen sgrub kyi dus su dkyil 'khor sogs so so'i ger chos rnams sbyar zhing*/__dam tshig khas blang sogs dbang rgyas pa ye shes thig le ltar mthar dbyung dgos pa 'phros don du smos pa'o/__/'ji~Xgs bral grub pa'i slob dpon gsung*/__/mkhyen brtse'i ye shes gsang mdzod bcud/__/smin lam 'o~Xd zer spros 'di kyang*/__/skal ldan bkra~X shis dpa~Xs gyisa~X 'byor/__/dgongs gter rtsa gsum 'od gsal snying thig gi phyi~X ltar bla ma'i thugs sgruba~X sgyu 'phrula~X drwa~X ba~X la brten pa'i rtsa dbang rgyas pa rdo rje bzhi yi bcud 'bebs te le'u tshan dang po 'jigs med mkhyen brtse'i 'od zer gyis sbyar ba'o/__!__/rdo~X rje~X'i mtshan gyi dbyangs snyan kho nas kyang*/__/rnam grol lang tsho'i gzi~X brji~Xd dpal bskyed cing*/__/srid zhi'i gdung sel o rgyan thod phreng rtsala~X/__/kun 'dus rgyal ba'i spyi gzugs chen po rgyal/__/dgongs gter rtsa gsum 'od gsal snying thig gi byin rlabs brda yi dbang bzhi 'bogs pa la/__sbyor ba yo byad bshams pa ni/__rtsa dbang chen po dang 'brel na bshams bkod dang dbang sgrub logs su mi dgos la ye shes gzi byin bskyed pa'i phyir byin chen dbab pa la nan tan du bya bar gsung*/__'di nyid kho na'i tshe rdul tshon dang ras bris/__tshoms bu gang rung gi dkyil 'khor steng bum pa bcud ldan/__de'i khar bdud rtsi'i thod pa/__me long sid+d+hu ra'i thig le lnga tshar hrIHsa mtshan pa/__de'i steng gtor ma/__sku 'bag dang bcas pa 'phrul stegs la bkod/__mi bde na dbang gtor mdun du bzhag__/de dag gi g.yas g.yon du sman dang rak+ta/__nyer spyod lnga sogs mchod pas bskor/__mig dar/__me tog__/'bebs rdzas sogs dgos pa'i yo byad rnams tshogs par byas/__bsnyen sgrub las sngags mang nyung skabs phyed pas bzla/__las bum du skad cig gis khro bo rta mgrin dmar po g.yas pad+ma'i dbyug tho dang g.yon me yi zhags pa thogs par gsal ba'i sku+u las rdo rje bdud rtsi'i rdul phra rab babs pas bum pa gang bar bsam la/__oM ha ya grI ba hU~M phaTaH__ces bzlas la/__hU~M zhes bskul bas las kyi khro bos dbang gi bya ba ma grub par bar chad kyi bgegs bzlog pa'i phrin las mdzad du gsol/__zhes las bcol/__srung ma'i gtor 'bul dang*/__tshogs mchod 'di'am dbang gi mtha' gang 'os su bya/__'og gi slob ma'i bya ba rnams bdag 'jug gi ting nge 'dzin dbang bskur gyi tshul du len pa'am rig pa'i me tog dor ba gang 'os bya'o/__/dngos gzhi slob ma'i bya ba ni/__gnas khang gi sgor khrus bya/__bgegs gtor btang nas mtshams bcad/__las rdor gyis me tog bkye bsdu byas la/__slob dpon gyis sems bskyed gsal 'debs dang bcas/__gang gsan bya'i chos gsar rnying gi rigs srol bsam gyis mi khyab pa mchis pa las/__skabs 'dir snga 'gyur rnying ma'i ring lugs babs so gsum du grags pa'i nang tshan zab mo gter gyi chos sde chen por gtogs pa/__de la'ang rtsa ba sgrub pa sde brgyad/__yan lag phrin las rab 'byams/__snying po bla rdzogs thugs gsum gyis mtshon nas rnam grangs dang bye brag mtha' yas pa mchis pa las rdo rje theg pa'i dngos grub thams cad kyi rtsa bar gyur pa ni bla ma'i thugs sgrub kho na yin la/__de la'ang sngags gsar rnying rnams su bsgrub bya sgrub byed kyi bka' srol ji snyed gcig byon pa thams cad las zab cing khyad par du mas 'phags pa sangs rgyas kun dngos o rgyan gyi slob dpon chen pos rang gi sgrub thabs rang nyid kyis mdzad pa nyid ches zab cing byin rlabs kyi tshan kha che zhing dngos grub sgrub pa la bslu ba med pa yongs su grags pa ste rdo rje'i gsung las/__gang zhig las can skyes bu dad pa can:__bdag la gdung ba'i sems kyis gsol 'debs na:__rgyu 'bras rten 'brel smon lam khyad par gyis:__sangs rgyas gzhan bas bdag nyid thugs rje myur:__mtsho rgyal mos pas rgyun du gsol ba thob:__zhes gsungs pas mtshon dzam gling 'dir byon pa'i mkhas dang grub pa kun las khyad par du 'phags pa'i ma 'ongs phyi ma'i gdul bya la thugs brtses rjes su dgongs pas phyogs dang ris su ma chad cing*/__tshad dang mu med pa'i phrin las kyi rtag par skyongs ba'i mthu stobs byin nus la rdo rje'i bden tshig gi zhal bzhes bslu ba med pa yang yang stsal ba'i snyigs dus kyi skyobs pa gcig pu des khyad par gyi 'dul zhing bod yul gyi bstan zhabs gter gyis skyongs bar lung bstan pa bzhin gnas dus gdul bya'i skabs su babs pa dang 'tshams pa'i 'gro 'dul sprul pa'i skyes chen re thog babs su byon pas dbugs dbyung bar gsungs pa bzhin phyi ma'i dus 'dir slob dpon chen po 'jam dpal chos kyi bshes gnyen dang*/__yab gcig khri srong khu dbon rnam pa gnyis su med pa'i mchog gi sprul pa'i sku/__thun mong gi rnam thar mkhas btsun bzang po'i mdzad pa rmad du byung bas thub bstan yongs su rdzogs pa'i shing rta/__thun min thugs bskyed dang smon lam las 'phro'i zab rgyas gsang ba rgya mtsho 'dzin spel sdud pa'i mnga' bdag gsang bdag rdo rje chos dang tha mi dad pa/__don gyis sangs rgyas kun gyi gdung 'tshob cing 'phags pa'i rnam thar bsam mi khyab pa la dbang 'byor pa 'jam dbyangs mkhyen brtse'i dbang po 'od gsal sprul pa'i rdo rje'i zab mo dgongs pa'i gter las byon pa'i rtsa gsum 'od gsal snying thig gi phyi sgrub sgyu 'phrul drwa ba la dbang bskur rgyas 'bring bsdus pa mtha' rten dang bcas pa las/__rtsa dbang rgyas pa'i gsham du sbrel na 'di yan mi dgos/__'dir smin byed bsdus pa byin rlabs brda yi dbang bzhi ste dbang bskur ba'i tshul 'di ni/__rig 'dzin 'dus pa rtsa ba'i rgyud las/__rdul tshon me long bum pa dang*/__/gtor ma la sogs rdzas dag la/__/brten nas mtshan nyid kun ldan pa'i/__/bla ma'i byin rlabs dbang bskur na/__/dkyil 'khor kun gyi snying po mchog__/bzhi pa'i de nyid dbang bzhi thob/__/zhes gsungs pa ltar dbang bzhi byin rlabs brda yi tshul du bskur ba rnam pa nyi shu'i byang chub pa'i smin byed ste 'di ni bum dbang gtor ma lta bu re res kyang dbang bzhi ka rdzogs pa'i bdag nyid can gyi rim pa dbang gi cho ga sgrub pa'i skabs su babs pa ste/__de la slob dpon gyi bya ba sngon du song*/__khyed rang rnams kyi ngo skal du gyur pa la byin rlabs dbang bskur zab mo zhu ba'i yon du maN+Dal 'bul bar zhu/__zhes brjod/__slob mas kyang maN+Dal phul/__de nas gsol ba 'debs pa 'di'i rjes zlos mdzod/__sangs rgyas kun 'dus rdo rje 'dzin:__bdag la brtse bas nyer dgongs nas:__rtsa gsum dkyil 'khor lha tshogs kyi:__dbang bskur dam pa stsal du gsol:__lan gsum/__de nas thog mar rgyud rnam par dag par bya ba'i slad du/__skyabs kyi yul mdun gyi nam mkhar 'chi med pad+ma thod phreng rig 'dzin sgyu 'phrul drwa ba'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/__skyabs bya bdag gzhan mkha' khyab kyi yid can mtha' dag skyabs su 'gro tshul sgo gsum 'jug pa gcig pas/__skyabs 'gro'i rgyu deng nas byang chub ma thob bar 'khor ba dang ngan song gi sdug bsngal las sgrol te thar pa dang thams cad mkhyen pa'i go 'phang la 'god par ci mdzad khyed mkhyen blo gtad ling skyur gyis skyabs su 'gro ba'i 'dun pas 'di'i rjes zlos:__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__thog med dus nas pha mar gyur pa'i mkha' khyab kyi sems can thams cad srid zhi'i mtha' gnyis las 'das pa sku gsum bla ma'i go 'phang la bde myur gyis 'god par bya/__de'i phyir du bla na med pa'i dkyil 'khor gnyan po 'dir 'jug cing dbang gis rgyud smin par byas nas lam rim pa gnyis kyi ting nge 'dzin dang ma bral bas rgyal ba'i sras kyi spyod pa rlabs po che'i rjes su slob snyam pas smon 'jug gi sems bskyed pa gsal thob la 'di'i rjes zlos/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__tshogs kyi zhing khyad par can de dag gi spyan sngar/__bdag sogs sems can thams cad kyi lus zhing gi rdul snyed sprul nas sgo gsum gus pa chen po'i phyag 'tshal zhing*/__kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/__sdig ltung gi byas bsags la 'gyod pa'i sems kyis bshags sdom dang*/__tshogs gnyis kyi dge spyod la rjes su yi rang ba/__zab rgyas chos kyi 'khor lo bskor bar bskul ba dang*/__mya ngan las mi 'da' bar bzhugs par gsol zhing dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos rjes zlos/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__de nas dngos gzhi'i dbang gi gzhi 'god pa la ye shes dbab pa'i don du gsol ba gdab pa 'di'i rjes zlos mdzod/__hoH__rab 'byams rtsa gsum lha tshogs kyi:__rdo rje'i ye shes bde ba che:__deng 'dir bdag la dbab nas kyang :__byin gyis rlabs par mdzad du gsol:__zhes gsol ba gdab pa sngon du 'gro bas khyed rnams lus gnad drang por bsrang*/__ngag gnad rlung kha sbyor du chings/__sems kyi gnad tshogs drug gi yul la ma yengs par dmigs pa 'di rtse gcig tu sgoms shig__/las sngags kyis bsang*/__oM ma hA shU n+ya tas stong par sbyangs/__gzung 'dzin gnyis bsdus kyi chos thams cad stong par gyur/__stong pa'i ngang las snod rnam par dag pa 'og min pad+ma 'od kyi zhing ngo mtshar gyi bkod pa rgya mtshos mdzes shing blta na sdug pa'i gzhal yas khang gi dbus su/__bcud rnam par dag pa khyed rnams gang du gnas pa'i go sar pad+ma nyi zla'i gdan gyi steng du rang rig hU~M yig gi rnam pas mtshan pa'i rdo rje rtse lnga pa yongs su gyur pa las/__khyed rnams phyogs dus rgyal ba 'dus pa'i spyi gzugs sku lnga lhun grub rig 'dzin che mchog chos sku rdo rje 'chang gsang ba 'dus pa sku mdog mthing gsal las bzhi lhun grub spyan gsum zhi 'dzum yid tsam khro chags sgeg pa'i nyams 'gyur yongs su rdzogs pa/__sku gcer bu dar dang rin chen rus pa'i rgyan gyis klubs pa/__phyag gnyis g.yas rdo rje thugs kar gtod cing g.yon dril bu dkur brten nas yum la 'khyud cing zhabs brkyang bskum phyed pa'i skyil krung can/__gsang ba'i yum mchog man+dA ra dmar mo gzhon sgeg lang tsho'i tshul can gri thod 'dzin pa dang gnyis med sbyor ba'i rigs kyi bdag po kun bzang yab yum las rig 'dzin bla ma'i sprin phung 'phro ba/__sku yi gnas rnams su dpal chen sgrub sde brgyad kyi dkyil 'khor dang gnas yul gyi dpa' bo mkha' 'gro 'bum phrag yangs pa'i tshogs yongs su rdzogs pas yi dam DA ki'i tshogs spro bsdu'i khyab bdag chen por bzhugs pa'i spyi bor oM dkar po/__mgrin par AHdmar po/__thugs kar hU~M sngon pos mtshan pa gsal/__de nas rgyud rnam par dag pa ye shes lha'i gzi byin dbab pa'i slad du slob dpon dang rtsa gsum dkyil 'khor gyi lha tshogs la mos gus gdung shugs tshad med pa'i rdo rje'i glu gar rol mos bskul bas/__phyogs bcu dus bzhi'i bla ma yi dam sangs rgyas byang sems dpa' bo rnal 'byor ma'i lha tshogs rnams kyi sku gsung thugs rdo rje'i ye shes chen po'i byin rlabs dang dngos grub ma lus pa sku phyag rgya'i gar stabs shigs se/__gsung sngags kyi dzaba? dbyangs brda glu/__thugs bde stong phyag rgya'i rol pas lha sngags phyag mtshan gyi rnam pa dpag tu med pa char drag tu babs pa bzhin byon nas khyed rang rnams la dbyer med du thim pas lhag pa'i ye shes chen po'i gzi byin snying la dbab ste gnyis su med par byin gyi rlabs par mos mdzod/__'bebs rdzas bsregs/__dbyangs dang cang te'u dril bu sogs rol mos bskul la/__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__bde gshegs kun 'dus 'chi med thod phreng rtsal:__mos pa'i gnas 'dir gdung bas spyan 'dren na:__rab 'byams rtsa gsum rgya mtsho'i 'khor dang bcas:__thugs rjes byin gyis brlab phyir gshegs nas kyang :__rnal 'byor sgo gsum rdo rje'i dbang bskur la:__mchog dang thun mong dngos grub ma lus stsol:__oM AHhU~M badz+ra gu ru de ba DA ki nI sarba d+harma pA la dz+nyA na badz+ra sa ma ya A be sha ya A AH__hU~M hU~M hU~M:__yang yang brjod pas dbab/__de nas dbang bskur ba dngos ni/__'di ltar bum pa la sogs pa'i dbang rdzas lnga po re re bzhin yang gnas gsum du bzhag nas mthar tshig don ngo sprod rnams rim pa bzhin dbang bzhi'i bdag nyid can du bskur ba la rnam pa nyi shus byang chub pa ces bya ba yin la/__de la dang po bum pas dbang bskur ba ni/__bla ma dkyil 'khor gyi lha dang dbyer ma mchis pas 'di ltar dbang rnams rim pa bzhin du bskur ba las spang bya'i dri ma rnams dag cing thob bya'i yon tan rnams thob par gyur snyam pa'i mos pa mdzod/__hU~M:__snod bcud yongs rdzogs bum pa'i dkyil 'khor nas:__bde stong zung 'jug bdud rtsi dbang bskur bas:__phung khams skye mched sgrib gnyis rang sar grol:__sna tshogs gzugs can bum dbang mngon du gyur:__gang 'dul chos ston gsang dbang nus pa smin:__'khor 'das kun khyab shes rab ye shes ngang :__snang stong zung 'jug don dam bde ba che:__'gro 'dul sprul pa'i dbang mchog thob par shog:__oM AHhU~M badz+ra gu ru pad+ma sid+d+hi hU~M:__nIrma kA ya dz+nyA na a b+hi Shiny+tsa AH__rtsa sngags lan gsum brjod pas bum chu 'thor 'thung snying gar reg:__bde gsal mi rtog rang nyams bskyangs:__dang po spyi bor bzhag nas khrus byas pa bum dbang*/__gnyis pas mgrin par gtad nas bum chu blud pa gsang dbang*/__snying gar reg nas tshig don ngo sprad pa ni sems nyid spros pa dang bral bar mtshon pa'i bum pa zlum po/__skye med rtogs pa don dam mtshon byed chus bkang ste dbang bskur bas dug gsum bag chags dang bcas pa dag par shes pa ni shes rab ye shes kyi dbang*/__des bde gsal mi rtog pa'i nyams skyes pa ni dbang bzhi pa ste/__des bla ma sku rdo rje sprul pa'i sku'i lus lhar smin par byed pa sku bum pa la brten pa'i dbang bzhi rdzogs pa yin no/__/gnyis pa gsang dbang ni/__bla ma 'chi med thod phreng rtsal yab yum snyoms par zhugs pa'i mkha' gsang nas byung ba'i kun+da byang chub kyi sems lhan cig skyes pa'i ye shes kyi rten du gyur pa thod pa'i bdud rtsi dang ro gcig tu sbyar te gnas gsum du bzhag cing tshig don ngo sprad de dbang bskur ba'i mos pa mdzod/__thod pa'i bdud rtsi ster la/__hU~M:__chos dbyings rang byung b+han+d+ha'i dkyil 'khor nas:__rig pa byang chub sems kyi dbang bskur bas:__'gro 'ong rlung gi sgrib pa rang sar grol:__bum dbang ngo bo mtshan dpe'i phung po 'bar:__gsang dbang brda yis gdul bya'i dri ma sel:__shes rab ye shes srid zhi mnyam nyid ngang :__bde stong zung 'jug kha sbyor bdun ldan pa'i:__longs spyod rdzogs sku'i dbang mchog thob par shog:___oM AHhU~M badz+ra gu ru pad+ma sid+d+hi hU~M:__saM b+ho kA ya dz+nyA na a b+hi Shiny+tsa AH__lan gsum/__sngar bzhin brda dbang rdzogs par bya/__de ltar dang po thod pa spyi bor bzhag pa bum dbang*/__gnyis pa mgrin par gtad nas bdud rtsi blud pa gsang dbang*/__snying gar gtad nas tshig don ngo sprad pa ni sems chos dbyings thig le nyag gcig mtshon pa'i thod pa zlum po'i nang du/__gzhi nyon mongs lnga ngo bo sha lnga bdud rtsi ye shes lngar rang rig pa sku lnga'i bdag nyid 'chi med kyi go 'phang brnyes pa mtshon byed bdud rtsis bkang ste dbang bskur bas/__mtshan 'dzin gyi rnam rtog dag par shes pa ni shes rab ye shes kyi dbang*/__des bde gsal mi rtog pa'i nyams skyes pa ni dbang bzhi pa ste des bla ma gsung rdo rje longs sku'i ngag sngags su smin par byed pa gsung gsang ba la brten pa'i dbang bzhi rdzogs pa yin no/__/gsum pa me long gi dbang bskur ba'i slad du/__snang stong dbyer med chos dbyings yum gyi chu skyes mtshon pa'i me long sin+d+hU ra'i thig le dang bcas pa gnas gsum du bzhag cing tshig don ngo sprad de dbang bskur ba'i mos pa mdzod/__hU~M:__gzhi dbyings spros bral gdod ma'i dkyil 'khor nas:__gzhi snang rig pa ye shes dbang bskur bas:__gzung 'dzin rtog tshogs sgrib gnyis rang sar grol:__bum dbang nang gsal rtag chad mtha' las 'das:__gsang ba'i dam tshig skye med nA da'i dbyings:__shes rab ye shes bsam brjod bral ba'i ngang :__rig stong zung 'jug shin tu zhi ba'i dbyings:__'od gsal chos sku'i dbang mchog thob par shog:__oM AHhU~M badz+ra gu ru pad+ma sid+d+hi hU~M:__d+harma kA ya dz+nyA na a b+hi Shiny+tsa AH__lan gsum/__gnas gsum reg cing don ngo sprad:__de ltar me long spyi bor bzhag cing dpral bar thig le bkod pa bum dbang*/__mgrin par bzhag cing thig le byas pa gsang dbang*/__snying gar bzhag cing thig le byas te rig pa gsal la ma 'gag pa ngo sprad pa ni sems nyid chos sku dri med mtshon byed me long g.ya' dag zlum po la/__kun rdzob sgyu ma lta bu dang rnam kun mchog ldan gyi stong nyid kyi gzugs brnyan cir yang shar bar mtshon byed tshom bu sngags bcas kyi brgyan pas dbang bskur bas gsal ba la stong pas rgyas thob par shes pa shes rab ye shes kyi dbang*/__sems bde gsal mi rtog pa'i nyams skyes pa ni dbang bzhi pa ste/__des bla ma thugs rdo rje chos kyi skus yid thugs su smin par byed pa shes rab ye shes la brten pa'i dbang bzhi rdzogs pa yin no/__/bzhi pa gtor mas dbang bskur ba'i slad du/__gtor snod dbyings kyi b+hany+dza yangs par gtor ma'i ngo bo rig pa ye shes lnga las gu ru rtsa ba gsum gyi lha tshogs rang shar ba'i rten dang brten par bcas pa gnas gsum du bzhag cing tshig don ngo sprad de dbang bskur ba'i mos pa mdzod/__/hU~M:__mnyam nyid dag pa gzhi yi dkyil 'khor du:__glo bur sgrib bral 'bras bu'i dbang bskur bas:__gnyis su 'dzin pa'i rtog pa rang sar grol:__bum dbang chos nyid 'pho med klong du smin:__gsang dbang grags stong rdo rje'i sngags su rdzogs:__shes rab so sor rtogs pa'i ye shes klong :__thams cad ro mnyam don dam bde ba che:__mi 'gyur rdo rje'i dbang mchog thob par shog:__oM AHhU~M badz+ra gu ru pad+ma sid+d+hi hU~M:__badz+ra kA ya dz+nyA na a b+hi Shiny+tsa AH__lan gsum/__spy-i bor bzhag cing dngos grub sbyin:__snying gar reg pas nyams myong skyongs:__de ltar gtor ma spyi bor bzhag pa bum dbang*/__mgrin par gtad nas gtor zan myong ba gsang dbang*/__snying gar gtad de tshig don ngo sprad pa ni dbyings stong pa nyid mtshon pa'i gtor snod du/__rig pa ye shes lnga mtshon pa'i gtor chen rtsa ba gsum gyi rnam pa/__dam rdzas bdud rtsi'i rang bzhin/__'dod yon sna tshogs pa'i sprin phung 'phro ba'i dbang bskur bas/__dbyings rig zung du 'jug pa'i phyag rgya gnyan po'i gzi byin gyis ma mo mkha' 'gro rnams dbang du sdud cing lhan skyes kyi ye shes mtshon pa shes rab ye shes kyi dbang*/__des bde gsal mi rtog pa'i nyams skyes pa ni dbang bzhi pa ste/__des bla ma ye shes rdo rje ngo bo nyid sku'i spangs rtogs yongs rdzogs su byed pa yon tan/__gtor ma la brten pa'i dbang bzhi rdzogs pa yin no/__/lnga pa gu ru sku 'bag gi dbang bskur ba'i slad du/__sku gzugs 'di nyid chos dbyings skye ba med pa las rang shar ba'i longs spyod rdzogs sku rtsa gsum kun 'dus o rgyan snang srid zil gnon rtsal gang 'dul sprul pa'i sprin phung mkha' khyab tu 'phro ba'i ye shes kyi sku dngos su gsal ba khyed rang rnams kyi gnas gsum du bzhag cing gdung ba'i glus thugs dam bskul te tshig don ngo sprad nas dbang bskur ba'i mos pa mdzod/__/gtso bo yab yum sku brnyan thogs:__hU~M:__thabs shes zung du 'jug pa'i dkyil 'khor nas:__bde stong sgyu 'phrul drwa ba'i dbang bskur bas:__srid dang zhi ba'i rtog tshogs rang sar grol:__bum dbang yon tan lhun rdzogs rdo rje'i sku:__gsang ba rig pa byin rlabs tshangs pa'i gsung :__shes rab ye shes mkhyen cha 'gags med thugs:__ma 'dres yongs rdzogs 'od gsal gnyugs ma'i klong :__mngon par byang chub dbang mchog thob par shog:__oM AHhU~M badz+ra gu ru pad+ma sid+d+hi hU~M:__b+ho d+hi kA ya dz+nyA na a b+hi Shiny+tsa AH__lan gsum/__gnas gsum reg pa'i don ngo sprad/__de ltar sku 'bag ye shes kyi sku dngos su gsal ba spyi bor bzhag pa bum dbang*/__mgrin par bzhag cing gsang mtshan btags pa gsang dbang*/__snying gar bzhag ste bla ma dang rang sems dbyer med du ngo sprad pa ni/__sems nyid bsam gyis mi khyab pa'i ye shes stong gsal rang rig 'dus ma byas pa/__gdod ma nas bla ma sku bzhi'i ngo bor bzhugs pa mtshon par byed pa gu ru'i sku 'bag gis dbang bskur bas/__rang rig ngo bo sgrib gnyis kyi 'ching bas ye nas gos ma myong ba mtshon bya don gyi kun bzang pad+ma 'byung gnas dang ro gcig tu bzhugs kyang rnam 'gyur glo bur ba'i dri ma sbyangs phyir mtshon byed brda yi bla mas bdag dang slob ma'i rgyud byin gyis rlabs par shes pa shes rab ye shes kyi dbang*/__des bde gsal mi rtog pa'i nyams skyes pa ni dbang bzhi pa ste/__des bla ma mngon par byang chub pa'i skus 'gro 'dul las rab 'byams 'grub pa phrin las sku 'bag la brten pa'i dbang bzhi rdzogs pa yin no/__/de rnams kyis/__rab 'byams rtsa gsum yongs rdzogs kyi:__sku dang ye shes dbyer med pa:__rnam pa nyi shus byang chub pa'i:__byin rlabs brda yi dbang bzhi 'di:__lus kyi nang gi mgo bo ste:__dbang po'i dwangs ma mig dang mtshungs:__de phyir tshe 'di kho na la:__byang chub thob par 'dod pa yi:__snod ldan slob ma ma gtogs pa:__gzhan du spel na bka' chad 'byung :__ces gsungs snying po'i rnal 'byor rnams:__'dir zhugs 'di yi don la spyod:__zla drug lo gsum bcu gnyis na:__zag bcas rdo rje'i lus su 'gro:__rang gzhan don gnyis lhun gyis grub:__dbang bzhi'i ye shes sku lngar smin:__zhes zab pa'i mthar thug bla ma rtsa gsum gyi dbang chen rab 'byams bsnyen sgrub rnam gsum rtsa ba'i dbang lnga bzhi bzhis phye ba ni mthar thug byang chub don gnyer can las kun la spel du mi rung ba'i bka' gtsigs kyi rgyas bsdoms pa nyid rig 'dzin brgyud pa'i phyag bzhes ma nyams par bskur bas dbang bzhi'i mngon par rtogs pa'i byin rlabs thod rgal du thob par 'gyur ba'i thun mong ma yin pa'i zab lam brda yi dbang bzhi zhes bya ba'o/__/rjes rim shis brjod dang dam tshig khas blang maN+Dal yon 'bul rnams byas la/__las byang gi tshogs gtor ma btang ba mchod bstod bzod gsol nyer bsdu smon lam shis brjod rnams bya'o/__/'khrul rtog 'ji~Xgs brala~X mkhyena~X brtse'i~X gter/__/lnga ldan ye shes 'oda~X zera~X gyi/__/byin rlabs brda don rnam bkra'i~X gzugs/__/rab mdzes shisa~X pa'i dpa~Xl gyis 'byora~X/__/rtsa gsum 'od gsal snying thig gi phyi sgrub sgyu 'phrul drwa ba'i byin rlabs brda yi dbang bzhi yang zab snying po'i thugs tig gi rim pa ste le'u tshan gnyis pa pad+ma gar dbang mdo sngags gling pas sbyar ba'o/__!__/'o~Xd gsa~Xl bsam mi khyab pa'i ye shes ni/__/rang byung sprula~X pa'i~X sgyu 'phrul rdo~X rje'i~X gter/__/rab 'byams rtsa gsum rgya mtsho'i khyab bdag che/__/kun bzang pad+ma 'byung gnas gtsug tu mchod/__/rtsa gsum 'od gsal snying thig gi gtor dbang byin rlabs dpal ster sger du bya bar 'dod pas dang po sbyor bkod ni/__rdul tshon nam 'bru tshom lha grangs bkod pa'i steng ka pA la'am rin po che'i snod du bla ma'i gtor chen bza' bca' sna tshogs kyis brgyan pa la sku rten tsakli'i dar gdugs rnams mdzes pas bkod/__g.yas g.yon du sman rag__/bka' srung gi gtor ma/__mchod pa'i bye brag rnams rgyas par bsham mo/__/gnyis pa dngos gzhi sgrub thabs ni/__brgyud 'debs nas brtsams bzlas pa'i bar las byang gzhung bzhin bya'o/__/las bum du skad cig gis khro bo rta mgrin dmar po g.yas pad+ma'i dbyug tho dang*/__g.yon me yi zhags pa thogs par gsal ba'i sku las rdo rje bdud rtsi'i rdul phra rab babs pas bum pa gang bar bsam/__oM h+ya ya gr-I ba hU~M phaTaH__zhes brgya rtsa brgyad bzla/__khro bo chen po'i bgegs bzlog cing las thams cad 'grub pa'i phrin las mdzad du gsol/__/zhes phrin las bcol/__ting nge 'dzin gyi dbang blang ba rnams bya'o/__/gsum pa dbang gi cho ga la/__khrus bya bgegs phral srung 'khor bsgom/__/mtshams sbyar gsol gdab gnang ba sbyin/__/rgyud sbyang sdom bzung ye shes dbab/__/dbang bskur dngos dang rjes rim mo/__/zhes bcu gcig las/__khrus byas/__bgegs bskrad/__me tog bkye bsdu byas te 'khod la/__skabs don lo rgyus kyi khyad par/__gter gzhung rdo rje'i tshig rkang las/__byin rlabs gtor ma'i dbang bskur ni:__gnas skabs 'ga' rkyen sel ba dang :__phrin las rnam bzhi lhun grub cing :__mthar thug rnga yab dpal gyi rir:__dbugs 'byin mchog gi go 'phang sbyin:__zhes gsungs pas na ngo bo dbang bskur byin rlabs thams cad kyi snying po gyur pas don smin byed yongs su rdzogs la/__rnam pa mchog thun gyi dngos grub/__gnas skabs mthar thug gi phrin las rab 'byams yid bzhin du sgrub pa gtor ma'i dbang bskur chen po ste/__da lam skabs su babs pa kun mkhyen 'jam pa'i rdo rje 'od gsal sprul pa'i rdo rje'i bka' babs bzhi pa/__rtsa gsum 'od gsal snying thig gi chos sde'i bye brag__/bla ma chos sku rdo rje 'chang gsang ba 'dus pa ltar sgrub pa 'di phrin las kyi byang bu sgyu 'phrul drwa ba dang 'brel bar sku gsum rgyal ba 'dus pa'i spyi gzugs dpal o rgyan chen po pad+ma 'byung gnas kyi rnam thar phyi sgyu 'phrul rdo rje bkod pa'i rol mo sangs rgyas kun dang gnyis su ma mchis shing*/__khyad par 'phags yul u rgyan gangs can gyi gdul bya la sangs rgyas gnyis par grags pa don la gnas pa'i tshar gcod pa dang rjes 'dzin gyi phrin las bzhi'i 'khor ba ji srid bar bzhugs nas yid bzhin gyi nor bu rin po che sku'i bstan 'gro'i don mdzad pa'i bka' drin rjes su dran pa'i dkyil 'khor kun gyi khyab bdag tu sgrub cing mchod pa nyid mchog thun dngos grub ma lus pa'i 'byung gnas su mdo rgyud kun las yang yang bsngags shing*/__gu ru nyid kyi rdo rje'i gsung las kyang*/__nga sgrub sangs rgyas thams cad 'grub:__nga mthong sangs rgyas thams cad mthong :__nga ni bde gshegs 'dus pa yin:__zhes rdo rje'i tshig gi zhal gyis bzhes pas mtshon gter kha du ma nas 'byung zhing*/__de nyid mchod pa'i dus kyi khyad par yang spyir bde mchog la sogs pa'i rnal 'byor ma rgyud rnams nas mar ngo'i tshes bcu nyid bsags sbyang gi dus khyad par can du gsungs shing*/__khyad par gu ru rin po che nyid kyis rnam thar gyi mdzad pa'i gtso bo rags pa rnams ni yar ngo'i tshes bcu'i dus su bstan pa de nyid rjes dran gyi mchod cing gsol ba btab pa'i thugs rje'i gzigs pa khyad par du 'jug pa'i zhal bzhes kyang gnang zhing tshes bcu yar mar ngo'i dus chen la dpa' bo DA ki'i nye ba'i 'du ba yang yin pa sogs dgos pa'i gnad khyad par can ches mang bas gter kha 'di nyid las kyang khyad par yar mar tshes bcu'i dus:__'di nyid tshogs su sgrub pa na:__dngos nyams rmi lam ma nges par:__bdag gi nges par byin rlabs shing :__'phos tshe zangs mdog dpal gyi rir:__rig pa 'dzin pa'i tshom bur sbyor:__de phyir snying gi dbus su zung :__zhes ched du bsngags shing gdams pa'i phyir phan yon bsam mi khyab pa dang ldan pa'i dus bzang tshes bcu'i mchod pa dang 'brel bas dbang dang sgom sgrub bgyis pa gnad du zab pa'i rgyu mtshan dang dgos pa rnams shes pas de'i dbang gi snying po mdor bsdus bgyi ba la slob dpon gyi bya ba rnams song zin/__khyed rang slob ma'i ngo skal du dbang bskur ba'i yon du dmigs te maN+Dal phul/__/slaub mas maN+Dal phul te/__sangs rgyas kun 'dus rdo rje 'dzin:__bdag la brtse bas nyer dgongs nas:__rtsa gsum dkyil 'khor lha tshogs kyi:__gtor ma'i dbang bskur stsal du gsol:__lan gsum gyi gsol ba gdab la/__dus gsum gshegs pa'i sangs rgyas kun:__rdo rje'i lam mchog 'di la brten:__de phyir gsang chen dkyil 'khor 'dir:__bu khyod 'jug cing smin par bya:__zhes brjod pas rjes su gnang ba sbyin/__de nas skyabs sems tshogs bsags kyis rgyud sbyangs/__sdom pa gsum bzung ye shes pa dbabs bstim rnams dbang rgyas pa'i skabs ltar bya'o/__/dbang mchog snga ma rnams kyi gsham du sbrel na 'di yan chad mi dgos te/__rtsa gzhung nyid las/__rtsa ba'i dbang bzhi dang 'brel na:__rjes su gzengs bstod tshul du ste:__'di nyid kho nas smin pa'i tshe:__bdag mdun dbyer med bskyed bzlas dang :__sngon 'gro spyi bzhin sbyar ba'i rjes:__gtor ma lha ru shes pa'i ngang :__gnas lngar phyag mtshan rnam pa lnga:__yig 'brus mtshan pa'i 'od zer gyis:__sku gsung thugs yon phrin las kyi:__byin rlabs dngos grub thob par bsam:__zhes gsungs pas don dbang bsdus pa gtor ma la brten nas dbang bskur snga ma rnams kyi ye shes kyi rgyun skyes brtan gong 'phel du gzi byin bskyed pa'am/__'di kho na'i tshe thun mong dbang bka' gtor dbang gnad kyi shog gcig ma bskur ba'am/__tshes bcu'i mchod pa dang 'brel na/__gu ru'i khyad par gyi dus bzang tshes bcu'i mchod pa'i rjes 'brel bla ma'i thugs sgrub thun mong gi dbang bka' kun 'dus sgron me zhes grags pa 'di sgrub pa la zhes mtshams sbyor tshul gsum skabs su gang babs 'phrul shes par byas la man+Dal 'bul du gzhug__/gtor dbang dngos la/__spyir gtor ma la bsnyen sgrub kyi dus su dkyil 'khor du shes pa/__mchod pa'i dus su 'dod yon du shes pa/__dbang gi dus su lhar shes pa/__rjes dngos grub tu shes pa rnams su yod pa las/__'dir dbang dus su lhar shes par bya ba yin pas dmigs pa 'di bzhin du mdzod/__/gtor ma rin chen 'bar ba 'di nyid phyi ltar rin po che'i gzhal med khang yangs shing rgya che ba tshad dang mtshan nyid thams cad yongs su rdzogs pa'i dbus su nang ltar rigs kun khyab bdag bla ma chos sku rdo rje 'chang gsang ba 'dus pa la longs sku thod phreng rigs lnga/__sprul sku'i gu ru mtshan brgyad/__rtsa gsum rgyal ba'i dkyil 'khor sprin ltar gtibs pa/__mthar bskor du chos skyong srung ma rnams kyis ji ltar bsgo ba'i phrin las mdzad de mdor na rig 'dzin sgyu 'phrul drwa ba chen po'i rten dang brten pa yongs rdzogs su shar ba khyed rang rnams kyi spyi bor spyan drangs shing byin gyi rlabs pa la brten nas/__gtso 'khor thams cad kyi gnas lngar 'khor lo pad+ma rdo rje rin chen rgya gram ste phyag mtshan lnga gsal ba'i lte bar oM AHhU~M swA hAs rigs lnga'i snying po'i mtshan pa las 'od zer dkar dmar mthing ga sna tshogs pa'i mdog can dpag tu med pa byung*/__khyed rang rnams kyi gnas bzhir thim pa la brten nas phyi nang gsang ba de kho na nyid kyi dbang bzhi stan thog gcig tu thob/__lus ngag yid gsum cha mnyam gyi sgo nas bsags pa'i 'gal rkyen sdig sgrib bar du gcod pa thams cad nye bar zhi zhing*/__gnas skabs su dbang bzhi'i lam bsgom pa la dbang mthar thug sku bzhi'i go 'phang thob pa'i skal ba can du byas pa'i mos pa dung dung mdzod cig__/ces brda sbyar la gdangs kyi dbyangs 'gyur snyan pos thugs dam bskul ba'i phyir/__hU~M hrIH__sku gsum pad+ma thod phreng rtsal:__yi dam yongs 'dus he ru ka:__mkha' 'gro'i ming po dpa' bo che'i:__gsang gsum byin rlabs khyod la sbyin:__oM AHhU~M hrIHhrIHbadz+ra gu ru pad+ma thong phreng rtsal de wa DA ki nI badz+ra sa ma ya dzaHsarba sid+d+hi pha la hU~M:AH__kA ya wa ka tsit+ta gu Na karma b+ha liM ta a b+hi Shiny+tsa hU~M:__ces brda sprad la gtor ma gnas gsum du bzhag__/spro na so sor dbang bskur zhing :__zhes gsung pas tshig rkang tha ma dang*/__kA ya sogs sngags kha phral te bskur kyang rung*/__de ltar gtor ma gnas gsum du bzhag nas dam rdzas ster bar 'gyur ba rdzas dbang lus la bskur ba/__bsgrags tshig gsan pa tshig dbang rna bar blug pa/__gtor ma gnas gsum du bzhag te gtor ma'i lha'i gnas lnga'i phyag mtshan dang yig 'bru las 'phros pa'i 'od kyis slob ma'i gnas lnga'i phyag mtshan sa bon lnga la gsal bar chags pas dbang bzhi yongs su rdzogs pa thob par mos pa ni chos dbang sems la bstim pa/__de ltar dbang bzhi gtor ma la brten te bskur bas rtsa gsum rgyal ba rgya mtsho'i sku gsung thugs yon tan phrin las yongs su rdzogs pa'i byin rlabs dngos grub thob pa chos dbang sems la stim pa yin cing*/__mthar dbang zhu yul zhu mkhan bskur thob thams cad rang sems rig pa'i tshul 'dzin med khyab brdal chen por rang grol ba ni gtor ma'i brda don du nges pa dbang don ngo sprad pa'o/__/rjes dngos grub tu shes pa'i phyir/__gtor ma'i lha 'od du zhu ba'i gtor zan dngos grub kyi rang bzhin bdud rtsi'i dwangs bcud du 'khyil ba myong ba rtsa khams thams cad la khyab/__zag med kyi bde bas rgyud gang*/__mchog dang thun mong gi dngos grub ma lus pa thob pa'i mos pa mdzod/__gtor zan dngos sam/__mtha' bskor gyi theb kyu lta bu bdud rtsir sbyar nas sbyin/__rang rig las mchod yul logs su med par thag bcad nas/__bdag nyid lhar gsal ba'i sbyi bor bla ma/__rtsa khams dpa' bo rnal 'byor ma dag pas/__gtor zan dngos grub bdud rtsir 'khyil ba de rol pas dngos grub rnam pa gnyis thob par bsam pa'o/__/gsum pa rjes brgyud pa gtod pa ni/__dus 'di phyin chad rgyal ba'i sras/__/khyod kyi 'gro ba 'dul bar gyis/__/de ltar dbang bskur ba thob pa'i dus 'di phyin chad rgyal ba'i gdung 'tshob ste rgyal ba'i sras su gyur pa yin pas 'gro ba'i don gyis shig ces gdams la/__dam tshig khas blang*/__maN+Dal yon 'bul dang*/__gtor ma gtong ba/__gtang rag gi mchod bstod/__bzod gsol/__nyer bsdu smon lam shis brjod rnams bya'o/__/'ji~Xgs me~Xd mkhyena~X brtse~X'i sgyu 'phrul gyi/__/byin rlabs 'o~Xd ze~Xr 'bebs byed thabs/__'dod 'byung gtor ma'i dbang mchog yang*/___bkra~X shisa~X dngos grub dpa~Xl gyis 'byora~X/__/rtsa gsum 'od gsal snying thig gi gtor dbang byin rlabs dpal ster grub gnyis bdud rtsi'i mchog sbyin le'u tshan gsum pa bzi brjid rab tu dga' ba'i dpal gyis sbyar ba'o/__!__/'chi med pa~Xd+ma~X rgyal po gsung rdo rje'i/__/brtse chen 'oda~X gsa~Xl sprin gyi rol sgeg la/__/thub bstan mdo~X snga~Xgs yongs rdzogs chos char gyis/__/sa gsum glinga~X kun sim mdzad mgon po rgyal/__/dgongs gter rtsa gsum 'od gsal snying thig gi gu ru rin po che rdo rje thod phreng la brten pa'i tshe sgrub 'chi med drwa ba'i dbang bzhi ye shes snying po ji ltar 'bog tshul la sgrub pa'i rdzas 'du bya ba/__de nyid nus ldan du sgrub pa/__'bras bu smin byed kyi rim pa'o/__/dang po ni/__dkar phyogs kyi dus tshes dge bar bkra shis yid 'ong gnas su gzhung mthun rten gyi spyan sngar dkyil 'khor ras bris sam/__'bru dkar dri bzang gi gsher ldan gyi tshoms bu gtso bo 'khor lnga/__de rgyab bzhi/__yang bzhi bcas bkod pa'i steng many+dzi'i khar bum pa bcud ldan mdun du lha tsaka yongs rdzogs/__de'i g.yas g.yon du tshe ril tshe chang*/__gsang thod/__rig tsaka__me long*/__shel rdo/__dbang gtor/__bkra shis rdzas rtags rin chen bdun gyi tsakli/__mda' dar bcas la mchod pas bskor/__tshogs mchod dang*/__srung ma/__chad brtan/__dkar bgegs/__rgyas par spro na rig dbang lnga'i chas sogs 'og tu dgos pa kun 'du bya'o/__/gnyis pa ni brgyud 'debs sngon 'gros tshe sgrub 'chi med drwa ba'i las byang ltar bdag mdun dbyer med dzab[¿] khang dbye min rang blos dpag pas bsnyen bzlas bya/__rnam bum la dmigs te/__bum pa b+h+rU~M las gzhal yas khang :__mtshan nyid thams cad yongs rdzogs dbus:__'chi med tshe yi lha tshogs rnams:__snang stong chu zla lta bur gsal:__rang gi thugs srog sngags phreng las:__'od zer mchod pa'i tshul du spros:__snyoms 'jug byang sems bdud rtsi yis:__bum pa yongs su gang bar gyur:__ces brjod cing bsam la gzungs thag nas bzung ste gong gi bzlas pa ji ltar nus pa rnams dang*/__las bum du'ang rta mgrin gsal la/__oM ha ya gr-i ba hU~M phaT/__/ces bzlas mthar dbyangs gsal rten snying lan gsum/__spro na/__gzhung gi tshe 'gugs dang*/__mchod bstod/__yig brgya lan gsum mthar/__oM AHhU~M/__mchod yon phul ba'i rkyen gyis bum pa'i lha bde stong chen po'i ngo bor 'od du zhu nas bum chu dang dbyer med du gyur par bsam/__bdag 'jug gi rig pa'i me tog dor la slob ma 'jug par gnang ba zhu bka' gter srung ma'i gtor 'bul/__tshogs mchod/__bskang bshags bcas phyi sgrub ltar bya'o/__/gsum pa la/__thun mong ma yin pa'i smin byed dang*/__thun mong gi dbang gnyis las dang po ni/__slob ma rnams phyi rol du khrus byas/__nang du 'jug pa na bgegs gtor bsang sbyangs byin gyi rlabs te bsngos la/__bka' bsgo zhing bskrad gzir bya/__srung 'khor sgom/__metog bkye bsdu dang*/__kun slong dang kun spyod bcos pa sngon du 'gro bas/__de yang rgyal ba thams cad mkhyen pas gdul bya so so'i mos pa dang 'tshams pa'i chos 'khor rgya che la zab mo'i sgo du ma nas stsal ba thams cad mthar thug rdzogs pa'i sangs rgyas kyi go 'phang thob byed 'ba' zhig tu nges kyang*/__thog mar nyid du chos bzhin spyod pa'i skyes bu'i sgrub bya gal che ba ni rdo rje'i tshe sgrub pa'i las rim yin la/__de yang rdzas sngags ting nge 'dzin gyi sgrub tshul/__thun mong dang mchog gi lam gyis sgrub pa'i sgo du ma zhig yod pa las kun mthun kun las khyad par 'phags pa'i sgrub thabs ni rdo rje theg pa rnal 'byor bla med kyi lam bskyed rdzogs zung 'jug gi sgo nas sgrub pa nyid ches zab cing rmad du byung ba ste/__de la'ang bka' gter dag snang gi sgrub pa'i man ngag bgrang las 'das pa bzhugs pa las da lta skabs su bab pa ni 'jam pa'i dbyangs mkhyen brtse'i dbang po zhes 'chi med grub pa'i slob dpon rnams kyi rjes su bzung zhing*/__mgon po tshe dpag med tshe yum tsaN+Da li/__'phags ma yid bzhin 'khor lo/__/gtsug tor rnam par rgyal ma dngos kyis zhal bstan te dbang dang byin rlabs stsal ba'i rtags mtshan yang yang gzigs pa/__'jam mgon grub pa'i dpa' bo pad+ma gar gyi dbang phyug la tshe lam gyi rtogs pa sbar bas sku tshe dang phrin las la mnga' brnyes pa'i grub pa'i rtags mtshan mngon sum bstan nus pa'i bdag nyid chen po gang la rtsa gsum gyi lha sngags kyis tshe sgrub pa'i thabs zab cing rgya che ba du ma'i bka' babs pa las 'dir ni nges pa'i don du gsung rdo rje tshe mtha' yas pa'i ye shes dang tha mi dad kyang tshur mthong gi gdul bya'i snang ngor rgya gar shar phyogs bkra shis brag phug mA ra ti ka'i ke'u tshang du tshe lam gyi phyag rgya maN+Da ra bas sgrub sde mo mdzad de rdo rje theg pa'i nye rgyu'i brtul zhugs kyi tshe sgrub pas mgon po tshe dpag med yub yum dngos su byon nas dbang bskur/__tshe rgyud bye ba phrag brgya bstan pas tshe dbang rig 'dzin mngon du gyur pas nam mkha' ji srid rdo rje'i sku la skye 'chi mi mnga' bas da lta'ang dzam gling 'di'i lho nub zangs mdog dpal gyi rir mngon sum du bzhugs pa dang*/__lha lcam man+da ra ba/__rje 'bangs grogs lnga sogs sngon byon dang*/__rgya ban rdo rje 'od/__grub thob dngos grub/__grub pa'i dbang phyug thang stong rgyal po/__mnga' ris rig 'dzin legs ldan rje la sogs phyis su byon pas mtshon 'phags bod kun sku tshe'i dngos grub brnyes pa da lta'i bar zam ma chad pa kun kyang de'i rten 'byung las byung bas na 'chi med ye shes rdo rje'i sku can stang dpyal gyi rdo rje gsum gyi rnal 'byor la gnad du bsnun pa ni rdo rje'i tshe sgrub pa'i gseng lam kun las zab myur byin rlabs kyi tshan kha che ba ste gzhung las/__'di ni bsnyen sgrub las gsum po:__gcig dril bskyed rdzogs zung 'jug ste:__'chi med sgrub pa'i man ngag mchog:__'bum phrag kun gyi yang snying yin:__zhes dang*/__de phyir 'chi med sgrub pa'i thabs:__bye ba phrag brgya'i yang snying 'di:__'das dus mA ra ti ka ru:__rig 'dzin DA ki rnams la bstan:__ma 'ongs lnga brgya'i tha ma la:__bdag gis byin rlabs rnal 'byor pa:__'od gsal sprul pa'i rdo rje'i don:__rig pa dbyings kyi sgrom bur sbas:__nam zhig rten 'brel dus bab tshe:__sngon gyi smon lam lhan cig pa'i:__chos bdag skyes bu'i tshogs la sogs:__'brel tshad don dang ldan par shog:__ces gsungs pa'i dgongs gter rtsa gsum 'od gsal snying thig gi tshe sgrub 'chi med drwa ba'i thun mong ma yin pa'i zab lam tshe yi dbang bskur bgyi ba la slob dpon gyi bya ba rnams song grub pa lags pas/__khyed rang rnams kyi bgyi bar 'os pa la thog mar tshe dbang zab mo zhu ba'i yon du maN+Dal phul/__/zhes mtshams sbyar la maN+Dal 'bul du gzhug__/'og nas thun mong rigs dbang lnga sogs rgyas par spro na sngon 'gro phyi nang gi 'jug pa gong gi rtsa ba'i dbang chog ye shes thig le ltar bya/__dbang bzhi tsam las rgyas pa rigs dbang lnga sogs mi bskur na/__bla ma dang dkyil 'khor gyi bdag po dbyer mi phyed pa'i spyan sngar thal mo me tog dang bcas gsol ba 'debs 'di'i rjes zlos mdzod/__sangs rgyas kun 'dus rdo rje 'dzin:__bdag la brtse bas nyer dgongs na:__'chi med rtsa gsum lha tshogs kyis:__tshe yi dbang bskur stsal du gsol:__lan gsum/__de nas thog mar rgyud rnam par dag par bya ba'i slad du/__skyabs kyi yul mdun gyi nam mkhar 'chi med pad+ma thod phreng rig 'dzin sgyu 'phrul drwa ba'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/__skyabs bya bdag gzhan mkha' khyab kyi yid can mtha' dag skyabs su 'gro tshul sgo gsum 'jug pa gcig pas/__skyabs 'gro'i rgyu deng nas byang chub ma thob bar 'khor ba dang ngan song gi sdug bsngal las sgrol te thar pa dang thams cad mkhyen pa'i go 'phang la 'god par ci mdzad khyed mkhyen blo gtad ling skyur gyis skyabs su 'gro ba'i 'dun pas 'di'i rjes zlos:__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__thog med dus nas pha mar gyur pa'i mkha' khyab kyi sems can thams cad srid zhi'i mtha' gnyis las 'das pa sku gsum bla ma'i go 'phang la bde myur gyis 'god par bya/__de'i phyir du bla na med pa'i dkyil 'khor gnyan po 'dir 'jug cing dbang gis rgyud smin par byas nas lam rim pa gnyis kyi ting nge 'dzin dang ma bral bas rgyal ba'i sras kyi spyod pa rlabs po che'i rjes su slob snyam pas smon 'jug gi sems bskyed pa gsal thob la 'di'i rjes zlos/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__tshogs kyi zhing khyad par can de dag gi spyan sngar/__bdag sogs sems can thams cad kyi lus zhing gi rdul snyed sprul nas sgo gsum gus pa chen po'i phyag 'tshal zhing*/__kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/__sdig ltung gi byas bsags la 'gyod pa'i sems kyis bshags sdom dang*/__tshogs gnyis kyi dge spyod la rjes su yi rang ba/__zab rgyas chos kyi 'khor lo bskor bar bskul ba dang*/__mya ngan las mi 'da' bar bzhugs par gsol zhing dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos rjes zlos/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__dbang gi ye shes skye brtan gong 'phel du 'gyur ba la rgyud rnam par dag cing sdom pa dang ldan dgos pas/__tshogs zhing de rnams dpang por byas te phyi so so thar pa'i sdom pa/__nang byang chub sems kyi bslab pa/__gsang ba bla med rdo rje theg pa'i dam tshig rnams legs par blangs nas tshul bzhin bsrung snyam pas 'di'i rjes zlos mdzod/__rtsa gsum dkyil 'khor lha tshogs dang:__rdo rje slob dpon dgongs su gsol:__rig pa 'dzin pa bdag gis ni:__deng nas byang chub snying po'i bar:__nges par 'byung bas rgyud bskul nas:__phyi nang gsang ba bla med pa'i:__mchog gsum skyabs kyi snying por bzung :__lus ngag yid kyis gzhan rnams la:__gnod pa'i bsam sbyor yongs spangs zhing :__byams dang snying rje chen po'i blos:__pha rol phyin pa drug la sogs:__phan bde'i spyod pa rlabs chen spyad:__ma bsgral bsgral dang ma grol sgrol:__dbugs ma phyungs rnams dbugs dbyung zhing :__thams cad srid zhi las 'das pa'i:__bla med byang chub dam par 'god:__bde gshegs rdo rje rin po che:__pad+ma las kyi sdom pa dang :__yan lag dam tshig nyi shu lnga:__rtsa ba sku gsung thugs la sogs:__rdo rje 'chang gi rgyud sde las:__sngags kyi 'dul ba gang gsung pa:__gtso bos bdag la bka' drin mdzod:__lan gsum/__de nas dbang gi gzhi 'god pa ye shes pa dbab pa la/__khyed rang rnams lus drang por bsrang*/__ngag srog rtsol kha sbyor du 'chings/__yid tshogs drug gi yul la skad cig kyang ma yengs par sgo gsum gyi gnad bcun te dmigs pa 'di bzhin mdzod/__/slob dpon gyi thugs ka nas 'od zer 'phros/__khyed rang gi gdos bcas phung khams kyis mtshon pa'i ma dag pa'i snang ba thams cad mi dmigs te stong par sbyangs/__stong pa'i ngang las sa phyogs bde chen pad+ma drwa ba'i bkod pa phun sum tshogs pas spras pa'i dbus su rab tu rgyas pa'i chu skyes dang nyi zla'i dkyil 'khor gyi gdan la/__khyed rang rnams skad cig gi rtsa gsum kun 'dus 'chi med pad+ma 'byung gnas sku mdog dkar la dmar ba'i gdangs can gzhon sgeg zhi 'dzum bcu drug lang tsho dar la bab pa'i mtshan dpe'i gzi byin lta na sdug pas sgeg pa/__zhal gcig zhi zhing 'dzum pa/__phyag g.yas rdo rje thugs kar gtod cing g.yon mnyam bzhag gis b+han+d+ha bdud rtsis gang ba'i nang du 'chi med tshe yi bum pas mtshan pa bsnams pa/__zhabs rdo rje'i skyil mo krung gi 'ja' zer thig le'i klong na bzhugs pa'i pang du lha lcam man+da ra dmar gsal bde chen chags pa'i nyams 'gyur rab tu rgyas shing*/__nu 'bur mkhregs shing gsang ba'i chu skyes rgyas pa dang*/__phyag gnyis mda' dar dang bde skyongs bdud rtsi'i gtam pa bsnams pa ut+pal dang rin po che'i rgyan gyis sgeg pas pad+ma'i skyil krung gis yab la gnyis med du 'khril ba'i 'chi med 'ja' lus rdo rje'i sku can gyi gnas lngar thod phreng rigs lnga/__rigs kyi bdag po tshe mtha' yas pa dang 'od dpag med tho brtsegs su bzhugs par gsal gnas gsum du sku gsung thugs rdo rje'i rang bzhin oM dkar AHdmar hU~M mthing gis mtshan pa gsal thob cig__/slob dpon kyang 'chi med pad+ma 'byung gnas su gsal ba la mos gus bskyed pas thugs ka nas 'od zer gyi snang ba bsam gyis mi khyab pa 'phros/__phyogs bcu'i sangs rgyas kyi zhing rab 'byams rnams dang*/__khyad par dpal ri pad+ma 'od kyi gzhal yas khang chen po na/__ma hA gu ru 'chi med pad+ma 'byung gnas grub pa rig 'dzin dpa' bo mkha' 'gro rtsa gsum tshe yi lha tshogs 'khor dang bcas pa skad cig gis zhi khro'i sku yi rnam 'gyur/__rdzu 'phrul byin rlabs kyi rtsal bsam gyis mi khyab pa dang bcas byon nas khyed rang rnams la thim pas rgyud byin gyis brlab pa'i mos 'dun mdzod cig__/dbyangs dang thod rnga bcas/__'bebs rdzas bsregs/__dbyangs dang cang te'u dril bu sogs rol mos bskul la/__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__bde gshegs kun 'dus 'chi med thod phreng rtsal:__mos pa'i gnas 'dir gdung bas spyan 'dren na:__rab 'byams rtsa gsum rgya mtsho'i 'khor dang bcas:__thugs rjes byin gyis brlab phyir gshegs nas kyang :__rnal 'byor sgo gsum rdo rje'i dbang bskur la:__mchog dang thun mong dngos grub ma lus stsol:__oM AHhU~M badz+ra gu ru de ba DA ki nI sarba d+harma pA la dz+nyA na badz+ra sa ma ya A be sha ya A AH__hU~M hU~M hU~M:__brjod la dbab mthar/__de ltar dbab pa'i ye shes pa de nyid khyed rang rnams kyi sgo gsum la dbyer med du brtan par byas pa'i mos pa mdzod:__tiSh+Tha badz+ra/__zhes brjod rgya gram du bzhag__/de nas dbang dngos la dbang bzhi mtha' rten dang bcas pa las/__dang po thun mong dbang bzhis sgo gsum gyi sgrib pa sbyangs te byin rlabs kyi sgo dbye/__khyad par 'chi med tshe'i dbang gis sku gsung thugs ye shes rdo rje'i ngo bor smin par byed/__rang rang gi dwangs ma bsdu bstim gyis rgyas 'debs gsum yod pa las/__dang po bum dbang mtha' rten dang bcas pa'i don du thugs dmigs 'di ltar mdzod/__bdag mdun dkyil 'khor gyi lha yi thugs ka nas spros pa'i rig pa'i lha mo rnams kyis rin po che'i bum pa 'chi med tshe yi bdud rtsi'i gang bas dbang bskur ba khyed rang rnams kyi spyi bo tshangs pa'i bu ga nas zhugs/__lus kyi nang thams cad gang*/__dus ma yin pa 'chi ba'i bag chags dang bcas pa sbyangs/__'chi med tshe'i dngos grub thob/__dwangs ma snying dbus ye shes sems dpa' pad+ma tshe dpag med pa'i thugs ka'i hrIHla thim pas rdo rje'i srog 'grub pa'i mos pa mdzod/__rnam bum thogs la/__hrIH__gzhi dbyings gzhon du bum sku'i dkyil 'khor du:__gzhi snang rig pa ye shes lha tshogs shar:__zung 'jug thugs rje bdud rtsi'i dbang bskur bas:__'chi med rdo rje'i sku ru 'grub par shog:__oM AHhU~M hrIHhrIHbadz+ra gu ru pad+ma sid+d+hi puN+ye dz+nyA na a yur sid+d+hi dzaH__kA la sha ka ya a b+hi Shiny+tsa oM:__skabs 'dir/__spro na rig pa'i dbang lnga sogs:__ye shes thig le ji bzhin la:__gtso 'khor yongs rdzogs lha dbang bskur:__zhes gsungs pas rgyas par thun mong rigs dbang lnga rtsa dbang ltar sbyor dgos pas phyi sgrub kyi rigs dbang ltar sbyar na legs mod/__'dir spros pa 'tshams phyir/__khyed rang rnams rdo rje thod phreng rtsal mthing nag rdo rje dang dril bu 'dzin pa'i skur gsal ba las/__gdan gsum tshang ba'i dbang lha nam mkha' gang bas rnam par rgyal ba'i bum pa'i chu mi bskyod pa'i ngo bo can gyis dbang bskur ba mos mdzod/__rnam bum thogs la/__hU~M:__zhe sdang rnam dag rdo rje'i rigs:__mi bskyod chu yis dbang bskur bas:__rnam shes phung po rang grol nas:__me long ye shes mngon gyur shog:__oM sarba ta tha ga ta badz+ra a b+hi Shiny+tsa hU~M:__zhes chu sbyin/__spyi bor 'thor/__bum pa'i bdud rtsis lus gang*/__dri ma dag chu'i lhag ma yar lud pa las mi bskyod pas dbur brgyan/__des mi bskyod pa'i sgo nas chu yi dbang thob/__nyon mongs pa zhe sdang dag__/rnam par shes pa'i phung po gnas gyur rdo rje rigs kyi sku dang ye shes mngon du 'grub pa'i skal ba can du byas pa'o/__/des 'gres te/__khyed rang rnams rat+na thod phreng ser po rin chen dang dril bu 'dzin pa'i skur gsal ba las/__gdan gsum tshang ba'i dbang lha nam mkha' gang bas rin chen 'byung ldan gyi ngo bo dbu rgyan gyis dbang bskur bar mos mdzod/__dbu rgyan thogs la mgor bcings/__hU~M:__nga rgyal rnam dag rin chen rigs:__rin chen 'byung ldan dbang bskur bas:__tshor ba'i phung po rang grol nas:__mnyam nyid ye shes mngon gyur shog:__oM sarba ta tha ga ta rat+na a b+hi Shiny+tsa trA~M:__bum chu 'thor te/__badz+ra u da ka a b+hi Shiny+tsa mi:__bum pa'i bdud rtsis lus gang*/__dri ma dag chu'i lhag ma yar lud pa las rin chen 'byung ldan gyis dbur brgyan/__des rin chen 'byung ldan gyi sgo nas dbu rgyan gyi dbang thob/__nyon mongs pa nga rgyal dag__/tshor ba'i phung po gnas gyur/__rin chen rigs kyi sku dang ye shes mngon du 'grub pa'i skal ba can du byas pa'o/__khyed rang rnams pad+ma thod phreng pad+ma dang dril bu 'dzin pa'i skur gsal ba las/__gdan gsum tshang ba'i dbang lha nam mkha' gang bas snang ba mtha' yas kyi ngo bo rdo rjes dbang bskur bar mos mdzod/__rdo rje thogs la lag g.yas su gtad/__hU~M:__'dod chags rnam dag pad+ma'i rigs:__mtha' yas rdo rje'i dbang bskur bas:__'du shes phung po rang grol nas:__sor rtog ye shes mngon gyur shog:__oM sarba ta tha ga ta pad+ma a b+hi Shiny+tsa hrIH__bum chu 'thor la/__badz+ra u da ka a b+hi Shiny+tsa mi:__bum pa'i bdud rtsis lus gang*/__dri ma dag chu'i lhag ma yar lud pa las snang ba mtha' yas kyi dbur brgyan/__des 'od dpag med kyi sgo nas rdo rje'i dbang thob/__nyon mongs pa 'dod chags dag__/'du shes kyi phung po gnas gyur pad+ma rigs kyi sku dang ye shes mngon du 'grub pa'i skal ba can du byas pa'o/__/khyed rang rnams karma thod phreng ljang nag rgya gram dang dril bu 'dzin pa'i skur gsal ba las/__gdan gsum tshang ba'i dbang lha nam mkha' gang bas don yod grub pa'i dril bu thogs te dbang bskur bar mos/__dril bu lag g.yon du gtad/__hU~M:__phrag dog rnam dag las kyi rigs:__don grub dril bu'i dbang bskur bas:__'du byed phung po rang grol nas:__bya grub ye shes mngon gyur shog:___oM sarba ta tha ga ta karma a b+hi Shiny+tsa AH__bum chu 'thor la/__badz+ra u da ka a b+hi Shiny+tsa mi:__bum pa'i bdud rtsis lus gang*/__dri ma dag__/chu'i lhag ma yar lud pa las don yod grub pas dbur brgyan/__des don yod grub pa'i sgo nas dril bu'i dbang thob/__nyon mongs pa phrag dog dag__/'du byed kyi phung po gnas gyur/__las kyi rigs kyi sku dang ye shes mngon du 'grub pa'i skal ba can du byas pa'o/__khyed rang rnams bud+d+ha thod phreng mthing ga 'khor lo dang dril bu 'dzin pa'i skur gsal ba las/__gdan gsum tshang ba'i dbang lha nam mkha' gang ba dang slob dpon lhan cig pas rnam par snang mdzad kyi ngo bo rdo rje'i ming gi dbang bskur bar mos/__rdor dril lhan cig pa spyi bor 'khrol/__hU~M:__gti mug rnam dag bde gshegs rigs:__snang mdzad ming gi dbang bskur bas:__gzugs kyi phung po rang grol nas:__chos dbyings ye shes mngon gyur shog:__oM sarba ta tha ga ta bud+d+ha a b+hi Shiny+tsa AH__bum chu 'thor la/__badz+ra u da ka a b+hi Shiny+tsa mi:__bum pa'i bdud rtsi'i lus gang*/__dri ma dag__/chu'i lhag ma yar lud pa las rnam par snang mdzad kyis dbur brgyan/__des rnam par snang mdzad ming gi dbang thob/__nyon mongs pa gti mug dag__/gzugs kyi phung po gnas gyur/__de bzhin gshegs pa'i rigs kyi sku dang ye shes=__nam mkhar bzhugs pa'i dbang lha rnams kyang 'od phung gi rnam pas khyed rang rnams la thim par mos shig__/me tog 'thor la/__oM su pra tiSh+Tha badz+ra ye swA hA/__/mchod pa'i bye brag rnams kyis mchod cing shis pa brjod la mnga' gsol bar mos shig__/nyer spyod btegs la/__oM badz+ra puSh+pe nas/__shab+da pra tI ts+tsha swAhA/__/bkra shis kyi tshigs su bcad pas shis pa brjod/__nus 'jug gi rdo rje gsum gyi dam tshig sbyin pa rdo rje slob dpon gyi dbang rnams mi dgos la/__de dag gi snang bcas phung khams kyi chos kun skye 'chi med pa ye shes rdo rje'i sku ru shar ba'i dbang gis smin pa'i byin rlabs brtan cing gong 'phel du bya ba'i phyir lha sku phyag rgya'i dbang bskur ba la/__mdun bskyed lha tshogs rnams las rang 'dra'i ye shes kyi sku gnyis pa re spros nas khyed rang rnams la thim pas 'chi med rdo rje'i sku ru dbang bskur byin gyis brlab par mos mdzod/__hrIH__chos dbyings mtha' dbus bral ba nas/__/rgyal kun gsung gi rdo rje'i tshul/__/'od snang mtha' yas dbang bskur bas/__/ka dag chos sku'i tshe thob shog__/oM AHhU~M d+harma ka ya a mi ta b+ha a b+hi Shiny+tsa a/__hrIH__'od gsal rang snang bde chen zhing*/__/rigs kun khyab bdag tshe mtha' yas/__/pad+ma dra bas dbang bskur bas/__/mi 'gyur rdo rje'i srog thob shog__/oM AHhU~M saM b+ho kA ya a yur+dz+nyA na a b+hi Shiny+tsa a/__hrIH__thugs rje mkha' khyab zhing khams nas/__/sprul pa'i sgyu 'phrul rgyun mi chad/__/mtsho skyes rdo rje'i dbang bskur bas/__/skye 'chi med pa'i tshe thob shog__/oM AHhU~M nirma ka ya gu ru a b+hi Shiny+tsa hU~M:__hrIH__bde chen 'khor lo'i dkyil 'khor nas/__/snang stong gnyis med rdo rje'i sku/__/bud+d+ha thod phreng dbang bskur bas/__/skye 'chi med pa'i tshe thob shog__/oM AHhU~M bud+d+ha thod phreng rtsal a b+hi Shiny+tsa hU~M/__hrIH__longs spyod 'khor lo'i dkyil 'khor nas/__/grags stong gnyis med rdo rje'i gsung*/__/pad+ma thod phreng dbang bskur bas/__/gzhom zhig bral ba'i tshe thob shog__/oM AHhU~M pad+ma thod phreng rtsal a b+hi Shiny+tsa a/__hrIH__chos kyi 'khor lo'i dkyil 'khor nas/__/rig stong dbyer med rdo rje'i thugs/__/badz+ra thod phreng dbang bskur bas/__/'pho 'gyur med pa'i tshe thob shog__/oM AHhU~M badz+ra thod phreng rtsal a b+hi Shiny+tsa a/__hrIH__sprul pa'i 'khor lo'i dkyil 'khor nas/__/yon tan lhun rdzogs ngo bo nyid/__/rat+na thod phreng dbang bskur bas/__/bri gang bral ba'i tshe thob shog__/oM AHhU~M rat+na thod phreng rtsal a b+hi Shiny+tsa a/__hrIH__bde skyong 'khor lo'i dkyil 'khor nas/__/gang 'dul phrin las bzhi yi gar/__/karma thod phreng dbang bskur bas/__/bya rtsol med pa'i tshe thob shog__/oM AHhU~M karma thod phreng rtsal a b+hi Shiny+tsa hU~M/__hrIH__rdo rje rigs kyi dkyil 'khor nas/__/zhi ba'i phrin las sgrub mdzad pa/__/badz+ra dbang chen dbang bskur bas/__/mi mthun phyogs kun zhi gyur cig__/oM AHhU~M badz+ra h+ya gr-i wa a b+hi Shiny+tsa hU~M/__hrIH__rin chen rigs kyi dkyil 'khor nas/__/rgyas pa'i phrin las sgrub mdzad pa/__/rat+na dbang chen dbang bskur bas/__/tshe dpal yon tan rgyas gyur cig__/oM AHhU~M rat+na h+ya gr-i wa a b+hi Shiny+tsa hU~M/__hrIH__pad+ma rigs kyi dkyil 'khor nas/__/dbang gi phrin las sgrub mdzad pa/__/pad+ma dbang chen dbang bskur bas/__/snang srid rlung sems dbang 'dus shog__/oM AHhU~M pad+ma h+ya gr-i wa a b+hi Shiny+tsa hU~M/__hrIH__las kyi rigs kyi dkyil 'khor nas/__/drag po'i phrin las sgrub mdzad pa/__/karma dbang chen dbang bskur bas/__/dgra bgegs gzung 'dzin tshar gcod shog__/oM AHhU~M karma h+ya gr-i wa a b+hi Shiny+tsa hU~M/__hrIH__shar sgo byams pa'i dkyil 'khor nas/__/sa khams sha yi tshe bdag mo/__/sangs rgyas spyan mas dbang bskur bas/__/rdo rje'i tshe srog sra brtan shog__/oM AHhU~M lam de Sha ra ti s+t+wa~M:__hrIH__lho sgo snying rje'i dkyil 'khor nas/__/chu khams khrag gi tshe bdag mo/__/ma mA ki yi dbang bskur bas/__/tshe srog chu ltar ring bar shog__/oM AHhU~M mA~M mo ha ra ti s+t+wa~M:__hrIH__nub sgo dga' ba'i dkyil 'khor nas/__/me khams drod kyi tshe bdag mo/__/gos dkar mo yi dbang bskur bas/__/tshe srog me ltar 'bar gyur cig__/oM AHhU~M pyAM ra ga ra ti s+t+wa~M:__hrIH__byang sgo btang snyoms dkyil 'khor nas/__/rlung khams dbugs kyi tshe bdag mo/__/dam tshig sgrol mas dbang bskur bas/__/tshe srog rlung ltar khyab gyur cig__/oM AHhU~M ta~M badz+ra ra ti s+t+wa~M:__de nas tshe yi dngos grub 'gugs pa'i slad du dmigs pa 'di bzhin du mdzad 'tshal/__slob dpon 'chi med pad+ma 'byung gnas su gsal ba'i gnas lnga thod phreng rigs lnga'i thugs kar phyag mtshan lnga dang yig 'bru lngas mtshan pa las 'od zer bsam gyis mi khyab pa dang*/__lha mo mgyogs ma'i sprul pa nyi zer rdul ltar spros pas khyed rang rnams kyi bla tshe chad nyams yar ba dang*/__'byung bzhi'i dwangs ma 'khor 'das kyi bcud dang dge mtshan thams cad 'chi med tshe'i 'od zer kha dog sna tshogs pa'i rnam par spyan drangs khyed rang rnams kyi spyi bo nas zhugs/__lus kyi nang thams cad gang bas 'chi med tshe'i dngos grub thob/__mdun gyi tshe rdzas la thim pas rdo rje tshe'i bcud len du gyur pa'i mos pa mdzod/__ces dang*/__mda' dar g.yab/__bum chu 'thor la/__hrIH__'og min chos dbyings pho brang nas:__nang gsal gzhon nu bum pa'i sku:__snang mtha' yab yum thugs dam bskul:__ka dag gzhi yi tshe bcud khug:__hrIH__'gro 'dul rdo rje'i pho brang nas:__bde stong dbyer med thig le'i sku:__pad+ma drwa ba'i thugs dam bskul:__lhun grub lam gyi tshe bcud khug:__hrIH__pad+ma 'od kyi pho brang nas:__'chi med 'ja' lus rdo rje'i sku:__mtsho skyes yab yum thugs dam bskul:__zung 'jug 'bras bu'i tshe bcud khug:__hrIH__bde chen 'khor lo'i dkyil 'khor nas:__snang stong dbyer med rdo rje'i sku:__bud+d+ha thod phreng thugs dam bskul:__chos dbyings ye shes tshe bcud khug:__hrIH__longs spyod 'khor lo'i dkyil 'khor nas:__grags stong dbyer med rdo rje'i gsung :__pad+ma thod phreng thugs dam bskul:__sor rtog ye shes tshe bcud khug:__hrIH__chos kyi 'khor lo'i dkyil 'khor nas:__rig stong dbyer med rdo rje'i thugs:__badz+ra thod phreng thugs dam bskul:__me long ye shes tshe bcud khug:__hrI:__sprul pa'i 'khor lo'i dkyil 'khor nas:__yon tan lhun rdzogs ngo bo nyid:__rat+na thod phreng thugs dam bskul:__mnyam nyid ye shes tshe bcud khug:__hrI:__bde skyong 'khor lo'i dkyil 'khor nas:__gang 'dul phrin las rnam bzhi'i gang :__karma thod phreng thugs dam bskul:__bya grub ye shes tshe bcud khug:__hrI:__rdo rje rigs kyi dkyil 'khor nas:__zhi ba'i phrin las sgrub mdzad pa:__badz+ra dbang chen thugs dam bskul:__dga' ba'i ye shes tshe bcud khug:__hrI:__rin chen rigs kyi dkyil 'khor nas:__rgyas pa'i phrin las sgrub mdzad pa'i:__rat+na dbang chen thugs dam bskul:__mchog dga'i ye shes tshe bcud khug:__hrI:__pad+ma'i rigs kyi dkyil 'khor nas:__dbang gi phrin las sgrub mdzad pa'i:__pad+ma dbang chen thugs dam bskul:__dga' bral ye shes tshe bcud khug:__hrI:__las kyi rigs kyi dkyil 'khor nas:__drag po'i phrin las sgrub mdzad pa'i:__karma dbang chen thugs dam bskul:__lhan skyes ye shes tshe bcud khug:__hrI:__byams pa tshad med dkyil 'khor nas:__sha yi tshe bdag sangs rgyas spyan:__dkar mo mgyogs ma'i thugs dam bskul:__sa yi khams nas tshe bcud khug:__hrI:__snying rje tshad med dkyil 'khor nas:__khrag gi tshe bdag ma ma kI:__ser mo mgyogs ma'i thugs dam bskul:__chu yi khams nas tshe bcud khug:__hrIH__dga' ba tshad med dkyil 'khor nas:__drod kyi tshe bdag gos dkar mo:__dmar mo mgyogs ma'i thugs dam bskul:__me yi khams nas tshe bcud khug:__hrI:__btang snyoms tshad med dkyil 'khor nas:__dbugs kyi tshe bdag dam tshig sgrol:__ljang mo mgyogs ma'i thugs dam bskul:__rlung gi khams nas tshe bcud khug:__hrIH__snang srid 'khor 'das tshe bsod bcud:__rnal 'byor bdag gi sgo gsum dang :__dbyer med sgrub pa'i rdzas la stims:__'chi med rdo rje'i dngos grub stsol:__oM AHhU~M hrI hrIH__badz+ra gu ru pad+ma sid+d+hi puN+ye dz+nyA na A yur sid+d+hi dzaH_ces tshe 'gugs brjod/__de dag gis snang bcas phyi mtshan ma'i dkyil 'khor du sgrub pa'i rdzas rnams la bsten te/__sku bum pa'i dbang yan lag dang bcas pa bskur bas/__dag bya lus kyi sgrib pa dag__/bskyed bzlas phrin las dang bcas pa la dbang 'bras bu skye 'chi med pa rdo rje'i tshe dang sprul pa'i sku thob pa'i skal ba can du byas pa'o/__/gnyis pa gsang ba'i dbang sbyin pa la nam mkhar bzhugs pa'i lha rnams rang snang gi shes rab ma dang rjes su chags pa'i sbyor bas snyoms par zhugs pa'i kun+da byang chub kyi sems lhan cig skyes pa'i rten du gyur pa d+hu ti'i nang brgyud rdo rje'i lam nas yum gyi pad+mar 'khyil ba de nyid thod pa'i bdud rtsi dang ro gcig tu 'dres pa de nyid khyed rang rnams kyi lce la bzhag par mos shig__/gsang rdzas bdud rtsi mgrin par bzhag cing*/__hrIH__bde ba chen po pad+ma thod phreng dang :__stong nyid shes rab man+da ra ba yum:__gnyis med mnyam sbyor byang sems 'di byin pas:__las rlung ye shes khams su gnas 'gyur shog:__oM AHhU~M hrIHhrIHbadz+ra gu ru pad+ma sid+d+hi puN+ye dz+nyA na A yur sid+d+hi dzaH__b+ho d+hi tsit+ta wA ka a b+hi Shiny+tsa AH__bdud rtsi myang du gzhug__/mgrin pa nas thig le 'phel bas rtsa khams gang*/__dug gsum gyi rtog pa 'gag__/zhu bde lhan skyes kyi ye shes nyams su myong ba'i gsang dbang gi ye shes te/__de'i ngo bo gsal stong rnam par mi rtog pa'i ngang du dar gcig mnyam par 'jog 'tshal/__zhes nyams bskyang du gzhug__/rjes 'brel sngags kyi bzlas lung dang*/__zhes gsungs pas/__de nas sgrar grags pa phyed snang ngag rlung gi khams kun khyab bdag bla ma 'chi med pad+ma thod phreng rtsal gyi gsung dbyangs gzhom med rdo rje nA da'i ngo bor dag pa'i phyir bzlas pa'i lung sbyin pa la/__slob dpon dang dkyil 'khor gyi lha tshogs gnyis su med pa'i thugs kar ye shes sems dpa' tshe dpag med yab yum gyi thugs kar nyi zla'i ga'u kha sbyor gyi nang du ting 'dzin sems dpa' hrIHyig gi mthar sngags kyi phreng bas bskor ba las lu gu rgyud du byung*/__zhal nas thon/__khyed rang rnams lhar gsal ba'i zhal du zhugs/__thugs srog dwangs ma'i sa bon gyi mthar 'khod par mos la sngags 'di yi rjes zlos mdzod/__oM AHhU~M hrIHhrIHbadz+ra gu ru pad+ma sid+d+hi puN+ye dz+nyA na A yur sid+d+hi dzaH__zhes lan gsum phreng ba sbrel te bzla/__'di ltar grags pa thams cad khyab bdag bla ma 'chi med pad+ma thod phreng rtsal gyi gsung dbyangs gzhom med yi ge 'khor lo'i sprin grags stong brjod pa dang bral ba las sgra'i tshul bsam gyis mi khyab pas 'gro ba'i don gyis shig__/'khor 'das brtan g.yo'i dwangs bcud gcig tu 'dus pa'i 'chi med byang chub sems kyi bdud rtsi bde stong rnam par rol pa'i sprin gyi dwangs ma'i thig le'i rtsa khams thams cad la khyab ste khams zhu ba'i bde bas dug gsum gyi rnam rtog sbyangs nad med bde ba chen po'i ye shes kyi lang tsho'i dpyid thob par mos shig__tshe chang sbyin te/__hrIH__thabs mchog 'od zer rnam lnga'i rigs mdangs kyis:__'khor 'das tshe dang ye shes bsdus pa'i bcud:__shes rab myong grol bdud rtsi 'di byin pas:__'chi med rig 'dzin 'grub pa'i dbang thob shog:__oM AHhU~M hrIHhrIHbadz+ra gu ru pad+ma sid+d+hi puN+ye dz+nyA na A yur sid+d+hi dzaHwa ka a b+hi Shiny+tsa AH__gzhung rtsa ba las/__skabs su 'jug gnas ldang ba'i rlung :__'bru gsum sngags dang sbyar la bzla:__srog gi lcags kyus tshe bcud bkug:__kha sbyor rlung bsdams bum can bzung :__zhes gsungs pas gzhir gnas kyi rlung gdod nas rang byung rdo rje'i bzlas par lhun gyis grub pas gzhoms med gsang ba chen po'i rdo rje'i srog sgrub pa'i phyir rlung la brten pa'i tshe bcud bsdu bstim gyi dmigs pa 'di ltar mdzod/__khyed rang rnams 'chi med pad+ma 'byung gnas yab yum ye shes sems dpa'i thugs srog gi hrIHdwangs gsal bde ba'i gzi 'od rab tu 'bar zhing rgyas pa la/__snod bcud 'khor 'das kyi dwangs ma 'od lnga ye shes kyi rlung du zhu ba sna bug gnyis nas rlung nang du 'jug pa dang sbrags sib kyis zhugs te snying ga'i sa bon la thim pas mi shig rdo rje'i srog dang ro gcig tu 'dres pas 'chi med gnyug ma'i tshe grub par mos la rdo rje'i bzlas pa mdzod/__'byung 'jug gnas gsum/__oM AHhU~M dang sbyar bas 'bru gsum rdo rje'i bzlas pa'o/__bum can dang sbrags pa'i rdor bzlas lan gsum mam bdun bya/__de dag gis nang byang chub sems kyi dkyil 'khor du zhu bde'i rdzas la bsten nas gsung gsang ba'i dbang mtha' rten dang bcas pa bskur bas/__dag bya ngag gi sgrib pa dag__/rlung sems sgyu ma lta bu'i bdag byin rlabs pa'i rnal 'byor bsgoms pa la dbang*/__'bras bu gsung gzhom zhig bral ba'i rdo rje nA da'i tshe dang longs sku thob pa'i skal ba can du byas pa'o/__/gsum pa shes rab ye shes kyi dbang bskur ba la/__mtshan nyid thams cad yongs su rdzogs pa'i phyag rgya ma rgyan gyis brgyan pa'i 'dod yon las byung ba'i bde ba mtha' dag sgyu ma lta bur shes pa dang phyag rgya bzhi sbyor bde chen rang byung gi ye shes sad par byas par mos shig__/rig tsag bstan la/__hrIH__lhan skyes ye shes 'byung ba'i gnas gcig pu:__yid 'ong sna tshogs gzugs can 'di gtad pas:__bde stong rnam kun mchog ldan 'od gsal ngang :__zung 'jug gnyug ma'i gnas lugs mngon gyur shog:__oM AHhU~M hrIHhrIHbadz+ra gu ru pad+ma sid+d+hi puN+ye _dz+nyA na AHyur sid+d+hi dzaH__pra dz+nyA dz+nyA na tsit+ta a b+hi Shiny+tsa hU~M:__de nas khyed rang rnams dang gtad pa'i rig ma dkyil 'khor gyi gtso bo yab yum du gsal ba lha'i 'du shes/__mkha' gsang rdo rje pad+mar byin gyi rlabs pa sngags kyi 'du shes/__thabs 'di las bde ba chen po mngon du bya'o snyam pa chos kyi 'du shes te de ltar 'du shes gsum ldan gyis snyoms par zhugs pa'i rkyen gyis yas babs dang mas brtan gyi dga' ba bzhi rim par nyams su myang*/__bde stong dbyer med lhan cig skyes dga'i ye shes kyis thams cad la khyab cing brtan pa'i mos pa mdzod cig__/srid zhi'i dwangs ma 'dus pa'i tshe ril 'di nyid ye shes sems dpa' sku chung la yan lag rdzogs pa'i gzugs kyis kha'i sgo nas byon/__snying dbus nyi zla'i ga'ur bzhugs pas 'chi med tshe'i dngos grub thob par mos shig__/tshe ril sbyin la/__hrIH__srid dang zhi ba'i dwangs bcud 'dus pa'i dngos:__'chi med bdud rtsi ril bu 'di byin pas:__rtsa rlung thig le'i sgrib gnyis kun zhi nas:__dga' bzhi'i ye shes rtag tu rgyas par shog:__oM AHhU~M hrIHhrIHbadz+ra gu ru pad+ma sid+d+hi puN+ye _dz+nyA na AHyur sid+d+hi dzaH___de'i mtha' rten du/__'bar 'dzag snyoms 'jug 'od zer gyis:__thun mong mchog gi dwangs ma bsdu:__zhes gsungs pas yas babs 'bar 'dzag gis tshe bcud bsdu bstim gyi dmigs pa 'di ltar mdzod/__rang nyid 'chi med pad+ma 'byung gnas yab yum snyoms par 'jug pa'i rjes chags kyi mes lte ba'i gtum mo 'bar/__'khor lo bzhi brgyud/__spyi bo'i ha~M la reg pas zhu bde'i nyams rgyas/__bdud rtsi'i dwangs ma gnas nas g.yos yas babs kyi dga' bzhi'i thod phreng rigs lnga bskul kun kyang bzod med kyi bde bas snyoms par zhugs pa'i 'od kyis brtan g.yo kun la khyab/__bde chen dwangs ma'i bcud du zhu ba rang gi sgo gsum la sib kyis thim pas rtsa rlung thig le'i khams nyams pa gsos/__rlung yo ba bsrang*/__'pho med bde ba chen po'i lang tsho thob/__dkar dmar dwangs ma thams cad mi shig thig le'i klong du rgyas btab par bsam la drag rlung bum pa can la gnad du bsnun par mdzod cig__/ces byas la dpon slob kun gyis bum can bdun nam gsum bzung la dmigs pa gcun/__des phyag rgya b+ha ga'i dkyil 'khor du kha sbyor gyi bde ba la brten nas/__gsum pa shes rab ye shes kyi dbang bskur bas dag bya yid kyi sgrib pa dag 'pho med bde ba chen po'i ye shes sgom pa la dbang*/__'bras bu thugs g.yo 'khrul med pa chos sku thob pa'i skal ba can du byas pa'o/__/bzhi pa tshig dbang rin po che'i ngo sprod 'bog pa la khyed rnams lus gnad drang por bsrang la lta stangs gnad du gcun pas rang byung rdo rje sems dpa'i me long la mig gtad pas/__dbyings ka dag stong pa'i ye shes me long dwangs gsal lta bu dang*/__rig gdangs 'od gsal shel las 'ja' tshon byung ba ltar lhun gyis grub pa/__de gnyis dbyer med zung 'jug gi brda don thabs 'dis ngo sprad pa'i don go bas mnyam par zhog cig__/me long dang shel rdo phyar la/__hrIH__ka dag spros pa bral ba'i ye shes las:__lhun grub snang ba rnam bzhi'i dkyil 'khor shar:__dbyings rig dbyer med chen por dbang bskur bas:__chos zad blo 'das go 'phang mngon gyur shog:__oM AHhU~M hrIHhrIHbadz+ra gu ru pad+ma sid+d+hi puN+ye dz+nyA na AHyur sid+d+hi dzaH__dz+nyA na d+h+wa tu a b+hi Shiny+tsa hrI:_tshe mda' spyi bor rgya gram du bzhag la/__khyed rang rnams kyi lus mi shig rdo rje'i go chas g.yog__/dwangs ma'i rtsa rlung thig le'i bcud rnams bde chen 'od gsal gyi srog tu bstim/__gnyug ma mi 'gyur rig pa'i rang ngor skye shi'i mtshan ma gdod nas ma grub pa 'chi med gnyug ma'i don la mnyam par 'jog par zhu/__AH__srid zhi kun khyab rdo rje'i tshe:___thig le nyag gcig klong du thim:__snang grangs rigs gsum lha dang sngags:__ye shes rol pas rgyas gdab bo/__/kA ya wa ka tsit+ta A yur+dz+nyA na d+harma d+hA tu badz+ra rak+Sha b+h+rU~M:__rjes 'brel 'chi med rdo rje gsum gyi dbang gi byin rlabs brtan pa'i phyir/__bde stong zung 'jug thig le'i ngang :__lhan skyes phyag chen don la blta:__skye med nam mkha'i bcud len bya:__zhes gsungs pas snod bcud thams cad 'od du zhu nas dwangs ma 'od zer mthing gsal nam mkha' gcig tu gyur/__de nyid rang gi sna bug nas zhugs d+hu ti'i ye shes brgyud snying dbus rig stong ye shes chen po'i thig ler 'dres pas skye 'chi rang dag rdo rje ye shes kyi tshe thob par mos la mnyam par zhog cig__/de dag ni dbang gzhung las/__spro na dbang bzhi so so'i mthar:__rang rang lam gyi srid dang zhi'i:__tshe bcud bsdud pa'i dmigs pa sbyin:__zhes gsungs pa'i don no/__/des don dam byang chub sems kyi dkyil 'khor du brda don thabs la brten nas/__bzhi pa tshig gi dbang bskur bas dag bya shes bya'i sgrib pa dag__/zung 'jug mi gnas pa'i ting 'dzin sgom pa la dbang*/__'bras bu bde chen ye shes ngo bo nyid sku 'grub pa'i skal ba can du byas pa'o/__/lnga pa rdau rje bzhi yi ye shes chen po'i dkyil 'khor du smin cing grol bar byas pa'i byin rlabs dang dngos grub kyi rgyun ma skyes pa bskyed/__skyes pa gong du spel zhing brtan pa'i phyir mtha' rten gtor ma'i dbang bskur ba la/__gtor snod rin chen 'bar ba'i gzhal yas khang 'chi med pad+ma drwa ba'i pho brang dang tha dad med pa'i nang du/__rigs kun khyab bdag gu ru pad+ma 'byung gnas 'chi med tshe 'od dpag med kyi rigs bdag dang bcas pa la/__gu ru thod phreng sde lnga/__sprul pa'i mtshan brgyad/__bdud 'joms dbang chen rigs bzhi ste 'chi med pad+ma drwa ba'i dkyil 'khor gyi lha tshogs rtsa gsum dam can srung ma'i tshogs bcas sprin gtibs pa ltar bzhugs pa'i lha tshogs rnams kyi sku gsung thugs las ngo bo rdo rje'i ye shes rnam pa bdud rtsi'i 'od zer dkar dmar mthing gsum gyi mdangs can 'char kha'i zer thag lta bu dpag tu med pa 'phros/__khyed rang rnams kyi gnas gsum du thim pas sgo gsum skye 'chi'i dri ma bag chags dang bcas pa sbyangs dbang bzhi'i ye shes rtsol med du skyes/__'chi med sku gsung thugs ye shes rdo rje'i dbang dang byin rlabs dngos grub ma lus pa thob byung snyam du bsam la yid ches mos gus gcig tu bskyed cig__/ces brda sprad/__hrIH__ngo bo 'od gsal chos sku snang mtha' yas:__rang bzhin bde stong longs sku tshe dpag med:__thugs rje 'chi med pad+ma thod phreng sogs:__rab 'byams rtsa gsum tshe yi lha tshogs kyis:__deng 'dir skal ldan khyod la dbang bskur bas:__bla tshe chad nyams yar ba rang sor chud:__srid dang zhi ba'i tshe bcud dbu mar thim:__sgo gsum 'chi med gnyug ma'i srog 'grub shog:__oM AHhU~M hrIHhrIHbadz+ra gu ru pad+ma sid+d+hi puN+ye _dz+nyA na AHyur sid+d+hi dzaH__kA ya wa ka tsit+ta gu Na karma ba liM ta sarba sid+d+hi a b+hi Shiny+tsa hU~M AH__de dag gis 'chi med rdo rje tshe yi dbang bskur zab rgyas thun mong ma yin pa bskur bas sgo gsum 'chi bdag gi g.yul las rgyal/__skye 'chi gzhom gzhig dang bral ba bde chen rtag pa'i lang tsho thob pa la bkra shis rdzas rtags rin chen bdun gyi srid zhi'i dpal 'byor phun sum tshogs pas mnga' gsol zhing shis par brjod pas sa gsum kun tu dge ba'i me tog gi char du bsnyil bar mos shig__bkra shis rtags brgyad gtad la/__bkra shis tshogs gnyis dpal gyi chu gter las/__/bkra shis mtshan dpe'i nyi zla 'char ba'i gzugs/__/bkra shis rtags mchog brgyad kyis mnga' gsol bas/__/bkra shis 'chi med rdo rje'i sku thob shog__/mang+ga laM aSh+ta ku ru hoH__bkra shis rdzas brgyad gtad la/__dge legs stobs bcu'i dbang dang rdzu 'phrul can/__/dge legs 'jig rten 'dren par byon pa'i tshe/__/dge legs rdzas su bsngags pa 'di gtad pas/__/dge legs tshangs pa'i dbyangs snyan sgrogs par shog__/mang+ga la dra byam ku ru hoH__rgyal srid sna bdun gtad la/__phun tshogs sde bzhi'i dpung ldan 'khor los bsgyur/__/phun tshogs phyogs las rnam rgyal mnga' thang gi__/phun tshogs rin chen bdun gyi 'byor pa yis/__/phun tshogs mkhyen brtsai nus ldan tshe thob shog__/sap+ta rat+na lak+ShiM ku ru hoH__skabs su babs pa'i shis brjod dang bcas me tog gi char bsnyil bzhin rol mo rgyun ring du 'khrol bas dge legs su bya'o/__/de dag rnams kyis rtsa gsum 'od gsal snying thig gi 'chi med tshe yi zab dbang thun mong ma yin pa thob pa'i dgos pa yang*/__de ltar rtsa gsum kun 'dus pa:__'chi med drwa ba'i dkyil 'khor du:__smin byed dbang bzhi'i rim pa 'dis:__mthar thug ye shes snying por sbyor:__gnas skabs dus min 'chi ba dang :__rtsa rlung thig le'i gegs kun zhi:__rdo rje'i tshe la dbang thob pa'i:__rig pa 'dzin pa'i gnas su 'gyur:__ces gnas skabs dang mthar thug gi dgos pa'i khyad par du ma dang ldan par bsngags pa don la gnas pa'i dbang bskur rgyas par grub pa lags pas/__sngags kyi rtsa ba dang yan lag gis bsdus pa'i dam tshig spyi dang*/__khyad par rdo rje'i tshe yi 'gal rkyen srog gcod/__rten gsum gzhig gzhom sogs spang bya/__tshogs gnyis kyi sgau khyad par can gsags pa sogs sgrub bya'i rigs la brtson pa'i g.yar dam bzhes pa 'di'i rjes zlos mdzod/__/gtso bos ji ltar sogs dam tshig khas blang*/__gtang rag maN+Dal__lus longs spyod 'bul ba/__dge bsngo rnams spyi ltar byas la slob ma rnams grol slob dpon gyis cho ga'i rjes rim rnams mtha' rgyas su bya'o/__/gnyis pa thun mong gi smin byed ni/__gdul bya spros pa la dga' zhing zab lam gyi nyams len mi nus pa la rig dbang lnga/__rdo rje gsum gyi rjes gnang*/__tshe dbang bcas dang*/__rkyen sel sogs kyi skabs bum dbang dang tshe dbang kho na tsam bya ba ste de'i tshul la yang gzhung las/__gzhan du thun mong rigs can la:__bum dbang rjes 'brel bcas pa yang :__gong ma rnams kyi mtha' brten sbyar:__zhes pa 'di'i dgongs pa ste/__phrin las dang dbang gi spyi chings snga ma ltar la/__dmigs bsal gyi khyad par/__sngon 'gro phyi nang gi 'jug pa'i chos/__skyabs sems/__sdom bzung*/__ye shes dbab bstim grub pa dang*/__de nas dngos la bum dbang rjes 'brel dang bcas pas dbang gi gzhi 'god pa dang*/__'chi med tshe yi dbang gi rdo rje'i sku gsung thugs su smin par byed pa dngos gnyis las/__dang po bum dbang rjes 'brel dang bcas pa'i don du thugs dmigs 'di ltar mdzod/__/bdag mdun dkyil 'khor gyi lha yi thugs ka nas spros pa'i rig pa'i lha mo rnams sogs nas bum dbang dkyus ltar la/__rigs dbang lnga/__lha dbang mthar/__bzlas lung*/__de nas sgrar grags pa phyed snang ngag rlung gi khams kun sogs dang*/__thugs kyi dgongs pa ngo sprod bcas bya/__de dag gi bum dbang yan lag dang bcas pas rgyud yongs su dag par byas nas/__dngos gzhi 'chi med tshe yi dbang gis rdo rje'i sku gsung thugs su smin par byed pa la/__thog mar tshe 'gugs shing bcud bsdu ba'i slad du dmig pa 'di bzhin mdzad 'tshal/__slob dpon 'chi med pad+ma 'byung gnas sogs tshe 'gugs/__'khor 'das brtan g.yo'i dwangs bcud gcig tu 'dus pa'i sogs kyis tshe chang*/__srid zhi'i dwangs ma 'dus pa'i tshe ril sogs tshe ril/__tshe mda' spyi bor rgya gram du bzhag la/__khyed rang rnams kyi lus mi shig rdo rje'i go cha sogs kyi rgyas gdab de dag gi 'chi med rdo rje tshe yi dbang bskur bgyis pas sgo gsum 'chi bdag gi g.yul las rgyal/__skye 'chi gzhom gzhig dang bral ba sogs kyis mtshams sbyar nas shis pa'i rdzas kyi mnga' gsol shis brjod/__dam tshig khas blang sogs dbang snga ma bzhin bgyis pas grub pa'o/__/skye 'chi'i 'pho 'ji~Xgs kun brala~X ba'i/__/mkhyena~X brtse~X'i ye shes dkyil 'khor gzugs/__/'chi med lang tsho'i gzi 'oda~X zera~X/__/bkra~X shisa~X rtag pa'i dpa~Xl gyis 'byo~Xr/___/rtsa gsum 'od gsal snying thig gi tshe sgrub 'chi med drwa ba'i dbang bzhi ye shes snying po thun min thun mong bcas bklag chog 'chi med rdo rje'i srog 'tsho le'u tshan bzhi pa mi shig tshe dbang grub pa'i rdo rjes sbyar ba'o/__!__/rdo rje'i ye shes rnam pa thams cad sprin/__/don gnyis lhun grub dkyil 'khor 'khor lo'i mgon/__/mchog gi ye shes gzi~X brjida~X dpal 'bar rtsala~X/__/bud+d+ha thod phreng rgyal bar rtag par gus/__/rtsa gsum 'od gsal snying thig gi phyi sgrub sgyu 'phrul drwa ba'i yan lag__/thams cad lhun grub mchog gi las mdzad bud+d+ha thod phreng rtsal gyi sgos sgrub kyi dbang bskur 'bog pa la/__maN+Dal tshom bu phyogs bzhi dbus dang lnga/__de rgyab bzhi bkod pa'i steng 'phrul stegs la 'og tu rnam rgyal bum pa bcud ldan/__steng du b+han+d+ha kha sbyor nang tshul bzhin sgrub pa'i a mr-i tas bkang ba dar sna lngas g.yogs shing dbu rgyan dang*/__g.yas g.yon du rdor dril bcings pa'i sman gyi pho brang dang*/__sngags phreng me long*/__dpal gyi gtor ma gdug can rnams mchod pas bskor la/__brgyud 'debs/__skyabs sems nas brtsams mchod pa byin rlabs bar phyi sgrub sgyu 'phrul drwa ba ltar la/__dngos gzhi'i lha bskyed la/__hU~M:__de bzhin nyid dbyings dmigs med snying rje'i tshul nas bzlas pa'i bar sgos sgrub ltar dang*/__bsnyen pa'i mgor dzab[¿] khang kyang dbye/__bsnyen sgrub las gsum gyi bzlas pa'i mthar/__bum pa b+h+rU~M las gzhal yas khang mtshan nyid thams cad yongs su rdzogs pa'i dbus su bud+d+ha thod phreng rtsal/__phyogs bzhir dbang chen rigs bzhi sgo skyong dpa' bo yab yum bcas ma 'dres gsal rdzogs su shar ba'i sku las byang sems bdud rtsi'i rgyun bab pas bum pa yongs su gang bar gyur/__/zhes dmigs la gzungs thag nas bzung ste bsnyen sgrub las gsum khyug tsam bzla/__mchog sgrub bdud rtsi'i dkyil 'khor la dmigs te/__AH__stong pa'i ngang las rlung me thod sgyed steng :__chos kyi dbyings mnyam ye shes ka pA lar:__bdud rtsi'i rgya mtsho zhu zhing khol ba'i dbus:__sna tshogs pad+ma 'dab bzhi'i lte ba ru:___glang pos btegs pa'i rin chen mdzes khri dang :__thabs shes zung 'jug nyi zla'i gdan gyi steng :__oM yig yongs gyur bud+d+ha thod phreng rtsal:__sku mdog dkar gsal zhi 'dzum sgeg pa'i nyams:__zhal gcig phyag gnyis spyan gsum gzi 'od 'bar:__phyag g.yas 'khor lo dkar po thugs kar gtod:__g.yon pas 'khor lo'i yu ba byas pa yi:__rigs kyi dril bu dkur brten yum la 'khyud:__rus pa'i phyag rgya drug gis rab tu spras:__dar dang rin chen rgyan rdzogs skyil krung bzhugs:__yum mchog 'khor lo dril bu bsnams pas 'khril:__rig 'dzin bla ma bye ba'i sprin phung 'phro:__'dab bzhir dbang chen rta mchog rigs bzhi las:__rab 'byams yi dam zhi khro'i phyag rgya shar:__phyogs bzhir rig 'dzin dpa' bo yab yum la:__gnas gsum mkha' 'gro rgya mtsho'i tshogs kyi bskor:__kun kyang spyi mgrin snying gar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs kyi cod pan 'chang :__thugs ka'i 'od kyis lha tshogs spyan drangs gyur:__hU~M hrIH__rang rig lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M badz+ra gu ru de ba d+ha ni nI sarba dz+nyA na maN+Da la badz+ra sa ma ya dza:__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhin sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed gus pas brda yis phyag 'tshal lo:__a ti pU hoH__pra tI ts+tsha hoH__oM a hU~M:__dngos su 'byor bshams yid kyis mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phob:__oM AHhU~M:badz+ra gu ru de ba d+ha ki nI sa pa ri wA ra ar+g+haM nas rU pa shab+da g+han+d+he ra sa spar+she pra tIts+tsha swA hA:__ma hA su kha dz+nyA na pu dza hoH__sarba pany+tsa a mr-i ta rak+ta ba liM ta ga Na tsakra pU dza kha kha khA hi khA hiH__hU~M hrIH__ma bcos sprol bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pas bstod do mchog thun dngos grub stsol:__sman gyi pho brang la gzungs thag btags pa blangs la/__rang gi thugs nas 'phros pa'i 'od zer gyis:__thugs dam rgyud bskul lha tshogs snyoms par zhugs:__bde ba'i sgra dang ye shes 'od snang gis:__'khor 'das bcud dang dwangs ma dge mtshan dang :__khyad par rtsa gsum rgyal ba rab 'byams kyi:__bde chen ye shes bdud rtsi'i rnam par bsdus:__rdzas la thim pas mthong tshor myong reg kun:__rnam par grol ba'i ye shes gzi byin 'bar:__oM AHhU~M badz+ra gu ru bud+d+ha thod phreng rtsal badz+ra sa ma ya dzaHsid+d+hi pha la hU~M AH__zhes sgrub sngags dang*/__oM hU~M trA~M hrIHAH__mU~M lA~M mA~M pa~M tA~M:__badz+ra a mr-i ta hU~M hrI ThaH__zhes btags pa 'di ni legs pa'i yan lag tu sems pas 'dir mdor bsdus su 'jug bder bris pa yin lags/__las bum sgrub pa sogs byin rlabs brda yi dbang bzhi ltar byas/__mchod bstod/__yig brgya/__oM AHhU~M gis/__mchod yon phul ba'i rkyen gyis bum pa dang myong grol bdud rtsi'i dkyil 'khor gyi lha bde stong chen po'i ngo bor 'od du zhu nas bum chu ye shes bde ba chen po'i bdud rtsi'i bdag nyid du gyur/__de nas rig pa'i me tog dor ba dang tshogs mchod sogs spy-i ltar grub pa dang*/__slob ma rnams khrus bgegs bskrad/__srung 'khor bcas grub pa dang*/__skabs su bab pa'i lo rgyus/__de la 'dir dpal o rgyan chos kyi rgyal po nyid chos sku'i sangs rgyas thams cad kyi dgongs klong gcig tu 'khyil ba'i bdag nyid chen po pad+ma kun tu 'chang*/__longs sku'i sangs rgyas thams cad kyi sku dang ye shes rgya mtsho'i spro bsdus byed por dbang bskur ba gzi brjid tshe 'od dpag med/__sprul sku'i sangs rgyas thams cad kyi rmu rgod gdul dka' nyon mongs rags shing sdug bsngal che ba'i yid can 'dul ba'i snying rje dang thugs bskyed smon lam gyi go cha la sangs rgyas kun las khyad par 'phags pa ston pa rdzogs pa'i sangs rgyas shAkya'i rgyal po nyid slar yang sngags kyi ston pa rdo rje slob dpon gyi skur bzhengs pa pad+ma 'byung gnas te/__rgyal ba'i rnam 'phrul dang spyod yul bsam gyis mi khyab pa sprul gzhi nub phyogs bde ldan zhing du bkra shis 'o ma'i rgya mtshor gu ru nyid kyi thugs ye shes lnga yi rang mdangs/__gu ru thod phreng sde lnga'i bkod pas zhi rgyas dbang drag mchog gi phrin las mthar phyin par mdzad pa las/__'dir don gnyis thams cad 'bad med lhun grub mchog gi las mdzad bud+d+ha thod phreng rtsal gyi sgos sgrub rtsa gsum 'od gsal snying thig gi chos sde las byon pa'i dbang bskur bgyi ba ste/__de yang sgrub bya'i lha'i rigs dang ngo bo/__sgrub byed kyi lha sngags ting 'dzin gyi khyad par/__sgrub pa po gdul bya so so'i khams dbang bsam pa mos pa'i rjes su 'gro ba'i mchog thun gyi dngos grub ji ltar yod pa bzhin sgrub nus pas na 'jam dpal dpa' bo gcig grub las/__sngags pas yid bzhin nor bu ltar/__'bad de kho na don byed do/__/zhes gsungs pa bzhin la de'i gnad kyang sngags la zhugs pa'i skyes bu deng thabs shes khyad par can gyis zin pa'i sgo gsum gyi bya byed thams cad gnas skabs dang mthar thug gi phan bde'i sgo 'ba' zhig sgrub byed yin pa'i thabs stobs kyis byang chub kyi spyod pa rlabs po che skad cig gis yongs su rdzogs par 'gyur la/__khyad par rdo rje theg pa'i myur lam ni rdzas sngags ting 'dzin gyi nus pa thams cad dpung bsgril ba'i man ngag gi myur lam khyad par can yin pa'i dbang gis bskyed rdzogs la brtan pa thob pa'i rnal 'byor pas dmigs pa gtad pa tsam gyis las rab 'byams bde blag tu sgrub nus shing*/__de tsam du ma zad lha sngags dbyer med la som nyi med pa'i dad pa brtan po kho nas rtse gcig tu sgrub kyang grub 'bras mngon du 'byin nus pa la nam yang bslu ba med pa yid bzhin gyi nor bu rin po che dang chos mtshungs pas bka' gter man ngag rnams las/__las kyi tshogs rab 'byams sgrub pa'i sngags phyag rgya ting 'dzin gyi sgo du ma gsungs shing*/__de thams cad kyang zhi rgyas dbang drag mchog gi las dang lngar 'du zhing*/__de la'ang thun mong dang khyad par gyi sgrub tshul gnyis/__tshar gcod dang rjes 'dzin gyi yan lag gnyis/__phyi yi rdzas/__nang gi lus ngag yid gsum la brten pa'i dbye ba du ma yod la/__don du snying rje chen pos kun slong gi rgyu byas nas/__thabs shes khyad par can gyis zin pa'i sngags kyi dgongs spyod dang ldan pas las brtsams pa ni mchog thun gyi dngos grub myur ba sgrub byed ches zab pas rig pa 'dzin pa rnams kyis gcig tu sgrub dgos pa ste/__las kyi tshogs de dag la'ang thun mong khyad par gyi las gnyis las/__sngags kyi las rab 'byams thams cad kyi phul du phyin pa'i sgrub bya khyad par can mchog gi dngos grub ste/__de sgrub pa la'ang chos kun sems nyid gnyug ma phyag rgya chen po'i rgyas thebs pa'i don gnas snang gnyis ka la 'char ba'i rig pa rtsal gyi dbang thob pas las 'dod dgu bsam pa tsam gyis sgrub nus pa rig 'dzin shrI seng ha gu ru rin po che sogs 'phags bod kyi grub pa'i skyes mchog rnam lta bu yin cing*/__de dang rjes mthun gyi ting 'dzin dang bdud rtsi sman dang skye bdun sogs rdzas/__phyag rgya pad+ma can sogs grogs/__kun bzang yab yum gyi dgongs pa/__sangs rgyas dang byang chub sems kyi mtshan dang gzungs sngags la brten pas rang rang gi skal ba dang mtshams par sgrub nus shing*/__khyad par bla ma'i mos gus lam byed 'di ni mchog gi dngos grub sgrub pa'i nye rgyu mdo sngags gsar rnying mkhas grub kun gyi yang yang bsngags shing tshad mas grub pa ltar rtsa gsum kun 'dus gu ru rin po che bud+d+ha thod phreng la brten nas mchog dngos sgrub pa ni ches zab pa'i mthar thug tu nges shing*/__de la yang dbang bskur sngon du 'gro dgos pa ma zad mtshan nyid dang ldan pa'i rdo rje slob dpon gyi dbang thob pa tsam gyi 'dod pa'i las sgrub par nus pas na/__las rab 'byams sgrub pa'i rjes gnang zhar byung tsam ma yin pa dmigs bsal gyi las bzhi mchog dang lnga sgrub rung ba'i lha sngags ting 'dzin gyi dbang bskur khyad par can 'di lta bu ni sngon chad ma byung ba'i gsang ba rmad du byung ba nyid de/__gu ru nyid kyi zhal nas/__dus gsum sangs rgyas kun gyi ni:__thugs rje'i rang bzhin mkhyen brtse'i sgo:__byin rlabs 'gro la 'jug pa'i phyir:__phrin las gnang ngo cog gi gzhi:__smin byed dbang 'di ched du bsngags:__zhes gsungs pa'i smin byed zab mo zhu ba'i don du maN+Dal phul/__bla ma dang 'dod dgu'i phrin las thams cad lhun gyis grub mdzad bud+d+ha thod phreng tha mi dad pa'i spyan sngar snyims pa me tog dang bcas pa'i thal mo sbyor la gsol ba 'debs pa 'di'i rjes zlos lan gsum mdzod/__hoH__dkyil 'khor gtso bo rigs kun bdag:__thugs rje'i gter chen slob dpon gyis:__lhun grub bud+d+ha thod phreng gi:__smin grol dbang mchog stsal du gsol:__lan gsum/__de nas thog mar rgyud rnam par dag par bya ba'i slad du/__skyabs kyi yul mdun gyi nam mkhar thams cad lhun grub bud+d+ha thod phreng rtsal rig 'dzin sgyu 'phrul drwa ba'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/__skyabs bya bdag gzhan mkha' khyab kyi yid can mtha' dag skyabs su 'gro tshul sgo gsum 'jug pa gcig pas/__skyabs 'gro'i rgyu deng nas byang chub ma thob bar 'khor ba dang ngan song gi sdug bsngal las sgrol te thar pa dang thams cad mkhyen pa'i go 'phang la 'god par ci mdzad khyed mkhyen blo gtad ling skyur gyis skyabs su 'gro ba'i 'dun pas 'di'i rjes zlos:__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__thog med dus nas pha mar gyur pa'i mkha' khyab kyi sems can thams cad srid zhi'i mtha' gnyis las 'das pa sku gsum bla ma'i go 'phang la bde myur gyis 'god par bya/__de'i phyir du bla na med pa'i dkyil 'khor gnyan po 'dir 'jug cing dbang gis rgyud smin par byas nas lam rim pa gnyis kyi ting nge 'dzin dang ma bral bas rgyal ba'i sras kyi spyod pa rlabs po che'i rjes su slob snyam pas smon 'jug gi sems bskyed pa gsal thob la 'di'i rjes zlos/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__tshogs kyi zhing khyad par can de dag gi spyan sngar/__bdag sogs sems can thams cad kyi lus zhing gi rdul snyed sprul nas sgo gsum gus pa chen po'i phyag 'tshal zhing*/__kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/__sdig ltung gi byas bsags la 'gyod pa'i sems kyis bshags sdom dang*/__tshogs gnyis kyi dge spyod la rjes su yi rang ba/__zab rgyas chos kyi 'khor lo bskor bar bskul ba dang*/__mya ngan las mi 'da' bar bzhugs par gsol zhing dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos rjes zlos/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__dbang gi ye shes skye brtan gong 'phel du 'gyur ba la rgyud rnam par dag cing sdom pa dang ldan dgos pas/__tshogs zhing de rnams dpang por byas te phyi so so thar pa'i sdom pa/__nang byang chub sems kyi bslab pa/__gsang ba bla med rdo rje theg pa'i dam tshig rnams legs par blangs nas tshul bzhin bsrung snyam pas 'di'i rjes zlos mdzod/__rtsa gsum dkyil 'khor lha tshogs dang :__rdo rje slob dpon dgongs su gsol:__rig pa 'dzin pa bdag gis ni:__deng nas byang chub snying po'i bar:__so sor thar dang byang chub sems:__rig 'dzin nang gi sdom pa'i tshogs:__ma lus yongs su bzung bar bgyi:__lan gsum/__de nas dbang gi gzhi 'god pa la ye shes pa dbab pa la sgo gsum gyi gnad gcun la thugs dmigs 'di bzhin mdzod/__slob dpon gyi thugs ka nas 'phros pa'i 'od zer gyis khyed rang rnams kyi phung khams skye mched kyis mtshon pa'i snod bcud thams cad gyi snang zhen dbyings su sbyangs/__stong pa'i ngang las chos dbyings lhun rdzogs bde chen stug po bkod pa'i zhing khams phun sum tshogs pa'i dbus su glang pos btegs pa'i rin po che'i khri dang pad zla'i steng du khyed rang rnams skad cig gis oM yig yongs su gyur pa las de bzhin gshegs pa thams cad kyi sku yi bdag nyid ma hA gu ru bud+d+ha thod phreng rtsal sku mdog dkar gsal mchog tu zhi zhing 'dzum khro sgeg pa'i nyams 'gyur can gyi mtshan dpe rab tu rgyas pa/__zhal gcig spyan gsum phyag g.yas pa 'khor lo dkar po thugs kar gtod cing g.yon des yu ba byas pa'i dril bu 'dzin te yum la 'khyud pa/__zhabs rdo rje'i skyil krung gis bzhugs shing dar dang rin po che'i rgyan chas yongs su rdzogs pa'i yum dbyings phyug ma dkar mo 'khor lo dang dril bu 'dzin pa la gnyis med mnyam par sbyor ba'i ye shes bde ba chen po'i gzi 'od nyi ma 'bum ltar rgyas pa'i klong du mchog gi las mdzad rtsa gsum rab 'byams spro bsdu'i sgyu 'phrul bsam mi khyab pa'i bdag nyid chen por gsal ba'i gnas gsum rdo rje gsum gyi yi ges mtshan pa dang*/__slob dpon dkyil 'khor gyi mnga' bdag ma hA gu ru bud+d+ha thod phreng rtsal du gsal ba la mos gus drag tu bskyed pas/__bla ma'i thugs ka nas rdo rje'i ye shes 'gugs pa'i 'od zer lcags kyu'i rdul phran grangs med pa shar gyi 'phros/__chos dbyings rgyas par bkang ba'i sangs rgyas kyi zhing rab 'byams rnams dang*/__khyad par lho nub pad+ma 'od kyi gzhal yas khang chen po sgyu 'phrul bkod pa'i rol mo bsam gyi mi khyab par snang ba'i bla ma sku gsum gyi lha tshogs rnams la phog__/thugs dam chen po'i dgongs pa bskul/__thugs rje chen po'i rtsal bskyed de skad cig gis nam mkha'i khyon gang bar spyan drangs nas/__khyed rang rnams la sib sib thim pas rgyud byin gyis brlab pa'i nges shes bskyed cig__/ye shes 'bebs rdzas spos dang thod rngas dbyangs snyan rol mo gdung shugs kyis bskul la/__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__bde gshegs kun 'dus bud+d+ha thod phreng rtsal:__mos pa'i gnas 'dir gdung bas spyan 'dren na:__rab 'byams rtsa gsum rgya mtsho'i 'khor dang bcas:__thugs rjes byin gyis brlab phyir gshegs nas kyang :__rnal 'byor sgo gsum rdo rje'i dbang bskur la:__mchog dang thun mong dngos grub ma lus stsol:__oM AHhU~M bud+d+ha thod phreng rtsal badz+ra sa ma ya dzaH__sid+d+hi pha la hU~M AHdz+nyA na A be sha ya A AH__hU~M hU~M hU~M:__zhes drag tu brjod pas dbab/__tiSh+Tha badz+ras brtan par bya/__de nas dbang dngos la/__spyir sku gsung thugs ye shes rdo rje'i dbang bskur ba dang*/__bye brag mchog gi las rab 'byams sgrub pa'i bdud rtsi mchog gi dkyil 'khor la brten nas dbang bskur ba gnyis las/__dang po ni/__thog mar snod bcud tha mal gyi zhen rtog sbyangs phyir sku bum pa'i dbang bskur ba la/__slob dpon gyi thugs ka'i 'od zer gyis nam mkha'i dbyings su til gyi gong bu ltar sad pa'i rgyal ba sras dang bcas pas rnam pa thams cad dang ldan pa'i cho 'phrul chen pos rin po che'i bum pa rdo rje bdud rtsis chus gang ba khyed rang rnams kyi spyi bor thogs te gtor blugs kyi phrin las mthar phyin par mos shig__/rnam bum spyi bor bzhag la/__oM:__bum pa bzang po yon tan kun gyi gter:__lha tshogs 'od zhu bdud rtsi'i bcud kyis gtams:__skal ldan rigs kyi bu la dbang bskur bas:__bud+d+ha thod phreng sku yi dbang thob shog:__oM AHhU~M badz+ra gu ru bud+d+ha thod phreng rtsal kA ya a b+hi Shiny+tsa oM:__zhes dbang bskur bas bum pa'i chus lus thams cad gang las dang nyon mongs pa'i dri ma dag__/chu'i lhag ma yar lud pa las rigs kyi bdag po rnam par snang mdzad kyis dbu brgyan par gyur/__de ltar sku bum pa'i dbang bskur bas snod bcud phung khams skye mched gdan gsum sgyu 'phrul drwa ba'i lha tshogs gdod nas yin pa la yin par ngo shes pas gsal brtan dag gsum gyi snang stong sgyu ma lta bu'i ting nge 'dzin la gom pa la snang ba thams cad lha sku phyag rgya'i rim pas gdul bya'i mos pa dang mthun par don gyis shig__de nas ngag tha mal du zhen pa sbyangs phyir gsung bzlas pa'i lung sbyin pa la/__slob dpon dang dkyil 'khor gyi lha tshogs gnyis su med pa'i thugs ka nas sngags kyi phreng ba 'phros/__zhal nas byung*/__khyed rang rnams lhar gsal ba'i zhal du zhugs/__thugs srog dwangs ma'i sa bon gyi mthar phreng ba ltar 'khod/__'od zer spro bsdus don gnyis sgrub par mos la bsnyen pa'i sngags 'di'i rjes zlos mdzod/__oM AHhU~M badz+ra ma hA gu ru bud+d+ha thod phreng rtsal sarba sid+d+hi hU~M:__lan gsum/__slar yang 'od zer spro bsdu'i snang grags rigs gsum lha sngags chos sku'i rol par shar bas don gnyis sgrub par mos la/__sgrub pa'i sngags 'di'i rjes zlos mdzod/__oM AHhU~M badz+ra gu ru bud+d+ha thod phreng rtsal badz+ra sa ma ya dza sid+d+hi pha la hU~M:AH__lan gsum/__slar yang dkyil 'khor gyi lha yi thugs srog sngags las/__byung ba'i 'od zer lnga ldan 'ja' tshon lta bu'i snod bcud/__phyi nang kun tu khyab pas sgrib gnyis gzung 'dzin zhi nyams rtogs ye shes rgyas/__rlung sems dbang du 'dus/__gzung 'dzin bdud bzhi sgrol ba'i mchog gi phrin las lhun gyis grub pas don gnyis rdzogs par mos la las sbyor gyis sngags 'di'i rjes zlos mdzod/__oM AHhU~M badz+ra gu ru bud+d+ha thod phreng rtsal badz+ra sa ma ya dza sid+d+hi pha la hU~M:AH__oM sarba karma dz+nyA na sid+d+hi hU~M:__phreng ba mgrin par bzhag pas nus pa brtan par byas pa mos mdzod/__AH__sgra yi snying po bsnyen sgrub phrin las kyi:__bzlas pa'i nus rdzogs sngags kyi phreng ba yis:__skal ldan rigs kyi bu la dbang bskur bas:__bud+d+ha thod phreng gsung gi dbang thob shog:__oM AHhU~M badz+ra ma hA gu ru bud+d+ha thod phreng rtsal wA ka a b+hi Shiny+tsa AH__'di ltar sgrar grags pa thams cad rdo rje'i gsung dbyangs gzhom med ye shes 'khor lo'i sprin grags stong brjod pa dang bral ba las sgra yi tshul bsam gyis mi khyab pas 'gro ba'i don gyis shig__/de nas yid tha mal du zhen pa sbyong ba'i slad du thugs 'od gsal gyi dgongs pa ngo sprad pa ni/__me long bstan la/__me long dwangs pa la gzugs brnyan sna tshogs su shar yang*/__snang dus nyid nas dngos pos stong*/__stong bzhin du sna tshogs su snang ba ma 'gags pa bzhin/__lha sngags kyis mtshon pa'i 'khor 'das kyi chos thams cad rang sems stong pa'i rang rtsal du shar yang*/__shar dus nyid nas bden par ma grub/__ma grub bzhin du cir yang shar bas thams cad sku gsum 'du 'bral med pa zung 'jug 'od gsal 'khor yug gi dgongs pa ngo shes par gyis shig__hU~M:__stong gsal rang rig 'dus ma byas pa'i don:__brda yi mtshon pa ye shes me long gis:__skal ldan rigs kyi bu la dbang bskur bas:__bud+d+ha thod phreng thugs kyi dbang thob shog:__oM AHhU~M badz+ra gu ru bud+d+ha thod phreng rtsal tsit+ta a b+hi Shiny+tsa hU~M:__'di ltar rtog tshogs thams cad bud+d+ha thod phreng rtsal gyi thugs ka dag 'od gsal zang thal kun khyab 'dus ma byas mnyam nyid chen po'i dgongs par la zlo bas 'bad med lhun gyis grub pa'i gzhan don rgya chen po gyis shig__/mthar yon tan dang phrin las yongs su rdzogs pa gtor ma la brten nas dbang bskur ba la 'dun pa 'di ltar mdzod/__gtor ma 'di nyid thams cad lhun grub mchog gi las mdzad bud+d+ha thod phreng rtsal/__dbang chen sde bzhi/__sgo skyong dpa' bo mkha' 'gro dngos su gsal ba khyed rang gi spyi bor spyan drangs te sku yi gnas thams cad las byung ba'i 'od zer kha dog lnga ldan gyis sgo gsum la khyab pas byin rlabs ye shes chen po rgyud la stsal bar mos mdzod/__dpal gyi gtor ma gnas gsum du bzhag la/__oM A hU~M hrIH__gtor snod rang byung gzhal med khang chen por:__gtor ma'i ngo bo lha dang gnyis su med:__skal ldan rigs kyi bu la dbang bskur bas:__bud+d+ha thod phreng ye shes dbang thob shog:__oM AHhU~M hrI badz+ra gu ru bud+d+ha thod phreng rtsal kA ya wA ka tsit+ta dz+nyA na a b+hi Shiny+tsa oM AHhU~M hrIH__de khyed rang gi sgo gsum dang bud+d+ha thod phreng rtsal gyi sku gsung thugs gnyis su med par byin gyi rlabs shing dbang bskur ba dang*/__yon tan dang phrin las rgya mtsho'i dpal la don gnyis thams cad rtsol med du lhun gyis grub pas don byed par mos shig__/gnyis pa mchog gi las rab 'byams sgrub pa'i bdud rtsi mchog gi dkyil 'khor la brten nas dbang bskur ba la rgyud las/__bdud rtsi mchog ni mnyam pa'i dbyings/__/bdud rtsi don ni skye shi med/__/bdud rtsi'i gnas ni byang chub sems/__/bdud rtsi'i las ni rnam rtogs sbyangs/__/bdag dpal tshogs zhing 'gro don mdzad/__/sman gyi byin rlabs bsam mi khyab/__/zhes gsungs pa ltar snod bcud gdan gsum sgyu 'phrul drwa ba snang stong chos kyi bdud rtsi ru gdod ma nyid nas gnas pa'i don/__rdzas kyi bdud rtsi lcags kyu lta bu dang sgron ma lnga rigs lnga rtsa brgyad yan lag stong sbyar sman gyi pho brang dkyil 'khor bdun dang sbyor thabs brgyad kyi lha sngags ting 'dzin gyis mngon du byas nas/__rtags kyi bdud rtsis phung khams zag bcas dug lnga ye shes kyi bdag nyid chen por sad nas/__don gyi bdud rtsi skye 'chi med pa gnyug ma khyab brdal gyi dgongs klong rig pa rtsal gyi dbang thob pas gzung 'dzin dbyings su zhi/__mkhyen brtse'i ye shes rgyas/__rlung sems dbang du 'dus/__dug gsum ru tra bsgral ba'i mchog gi dngos grub chen po mngon du byed pa'i dbang thob par mos shig__/sman gyi pho brang btegs la/__hU~M:__bkra shis mtshan ldan rdo rje'i ka pA la:__ye shes bdud rtsis bcud kyi rab tu gtams:__skal ldan rigs kyi bu la dbang bskur bas:__grol ba bzhi ldan phrin las mthar phyin shog:__oM AHhU~M badz+ra gu ru bud+d+ha thod phreng rtsal badz+ra sa ma ya dza sid+d+hi pha la hU~M AH__oM hU~M trA~M hrIHaH__mU~M lA~M mA~M pA~M tA~M badz+ra a mr-i ta hU~M hrI Tha:__sarba a b+hi Shiny+tsa mi:__pho brang gnas gsum du bzhag___/de ltar bdud rtsi mchog gi dngos grub kyi dam rdzas rmad du byung bas dbang bskur bas/__mdor na mthong bas sdig ltung dag:__dri tshor grib sel nyams chag bskang :__reg pas bde chen rgyud la 'char:__myong bas mngon sum ye shes skye:__'chang bas srung dang rgyas dbang bsgyur:__zhes sogs rgyas par gsungs pa ltar grol ba drug gi phrin las mnga' dbang 'byor bas 'gro kun zung 'jug rdo rje'i dbyings su 'bad med du sgrol ba'i mchog gi phrin las rtag khyab tu lhun gyis grub pa'i las rab 'byams sgrub nus pa'i dbang thob par mos mdzod cig__/'pho zhing 'gyur ba'i srid las rnams grol ba/__/yon tan kun bdag mtshungs med chos kyi rje/__/rtag khyab phan bde lhun grub ye shes skur/__/byang chub mchog gi phrin las bkra shis shog__/de dag gis mchog gi las mdzad thams cad lhun grub bud+d+ha thod phreng rtsal gyi sgos sgrub kyi dbang bskur grub pa ste/__rtsa ba dang yan lag gi dam tshig gnang bkag spyi dang khyad par gu ru bud+d+ha thod phreng rtsal gyi lha sngags ting 'dzin la gtso bor brten pa'i mchog gi phrin las rab 'byams kyi don gnyis 'dod dgu sgrub pa'i g.yar dam bzhes pas dam tshig khas blangs pa 'di yi rjes zlos mdzod/__gtso bos ji ltar sogs dang*/__gtang rag__/lus longs spyod 'bul ba/__dge bsngo rnams spyi ltar bya phrin las rjes kyi rim pa mthar dbyung bas dge legs su bya'o/__/srid zhi'i 'ji~Xgs me~Xd mkhyena~X brtse~X'i nyid/__/don gnyis thams cad lhun grub mchog__/'o~Xd ze~Xr 'buma~X bkra~X shi~Xs pa'i dpa~Xl/__/dge mtshan sbrang rtsi'i bcud kyi 'byora~X/__/rtsa gsum 'od gsal snying thig gi thams cad lhun grub bud+d+ha thod phreng rtsal gyi sgos sgrub kyi dbang bskur rab 'byams phrin las char 'bebs le'u tshan lnga pa 'od gsal rang byung thugs mchog rtsal gyis sbyar ba'o/__!__/kun mkhyena~X zhi bsil bdud rtsi'i 'dzum dkar gyis/__/rab sgeg brtse~X chen ga bur dba~Xng po~X'i rdul/__/sim byed legs bris dpal gyis mi mtshon pa/__/mi bskyod rdo rje thod phreng rtsal gyis srung*/__/rtsa gsum 'od gsal snying thig gi phyi sgrub sgyu 'phrul drwa ba'i yan lag__/zhi ba'i las mdzad rdo rje thod phreng rtsal gyi dbang bskur 'bog pa la/__spyi chings rigs bzhi ka la bud+d+ha thod phreng rtsal gyis dbang bskur ltar bshams dgos la/__'dir dmigs bsal zhi ba'i las kun sgrub byed bdud rtsi'i bum pa mgul chings dkar po can/__nang bcud so lnga'i rdzas kyis gtams pa dkyil 'khor dbus su many+dzi la bkod/__de'i mdun du rnam rgyal bum pa bshams/__las byang btang la rnam bum sgrub zin pa'i rjes/__rdo rje thod phreng gzhung gi zhi ba'i bum pa sgrub pa ni/__oM swa b+ha wa bi shud+d+haHsarba d+harma swa b+ha ba bi shud+d+ho \u0f85ha~MH__stong pa'i ngang las pad zla'i gdan gyi steng :__b+h+rU~M yig yongs gyur rin chen bum pa bzang :__bdud rtsi'i bcud kyi yongs su gang ba'i dbus:__sna tshogs pad+ma 'dab bzhi'i lte ba ru:__seng ges btegs pa'i rin chen mdzes khri dang :__thabs shes zung 'jug nyi zla'i gdan gyi steng :__hU~M yig yongs gyur rdo rje thod phreng rtsal:__sku mdog mthing gsal zhi 'dzum sgeg pa'i nyams:__phyag g.yas rdo rje rtse lnga thugs kar gtod:__g.yon pas rdo rjes yu ba byas pa yi:__rigs kyi dril bu dkur brten yum la 'khyud:__rus pa'i phyag rgya drug gi rab tu spras:__dar dang rin chen rgyan rdzogs skyil krung bzhugs:__yum mchog rdo rje dril bu bsnams pa 'khril:__rig 'dzin bla ma bye ba'i sprin phung 'phro:__'dab bzhir dbang chen rta mchog rigs bzhi las:__rab 'byams yi dam zhi khro'i phyag rgyar shar:__phyogs bzhir rig 'dzin dpa' bo yab yum la:__gnas gsum mkha' 'gro rgya mtsho'i tshogs kyis bskor:__kun kyang spyi mgrin snying gar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs kyi cod pan 'chang :__thugs ka'i 'od kyis lha tshogs spyan drangs gyur:__hU~M hrIH__rang rig lhun mnyam mtha' dbus med pa'i dkyil:__ye shes bzhi 'phros 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M badz+ra gu ru de ba d+hA ki ni sarba dz+nyA na maN+Dal badz+ra sa ma ya dzaH__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la zhu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed gus pas brda yis phyag 'tshal lo:__a ti pU hoH__pra tIts+tsha hoH__oM AHhU~M:__dngos su 'byor bshams yid kyis mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phob:__oM AHhU~M badz+ra gu ru de wA d+hA ki ni sa pa ri wA ra ar+g+haM nas/__ru pa shab+da g+han+d+he rA sa spar+she pra tIts+tsha swA hA:__ma hA su kha dz+nyA na pU tsa hoH__ma hA sarba pany+tsa a mr-i ta rak+ta ba liM ta ga Na tsakra pU dza kha kha khA hi khA hiH__hU~M hrIH__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pas bstod do mchog thun dngos grub stsol:__gzungs thag blangs te/__rang gi thugs nas sngags kyi 'od zer 'phros:__bum pa'i lha tshogs thugs dam rgyud bskul bas:__'od zer dkar po mkha' khyab kun tu 'phros:__'phags pa mchod cing 'gro ba'i mi mthun sbyangs:__tshur 'dus rtsa gsum rgyal ba rab 'byams dang :__gsang sngags rigs sngags gzungs sngags byin rlabs bcud:__'od dkar bdud rtsi'i rnam par spyan drangs nas:__bum pa'i lha yi thugs kar sa bon mthar:__sngags kyi phreng bas mtshan la gnyis med thim:__de las bdud rtsi'i chu rgyun rab tu babs:__bum bcud la thim mthong tshor myang reg kun:__mi mthun phyogs kun zhi ba'i nus ldan bsam:__oM AHhU~M badz+ra gu ru badz+ra thod phreng rtsal badz+ra sa ma ya dzaH__sid+d+hi pha la hU~M AH__hU~M sarba pA paM kle sarba b+ha ya shan+tiM ku ru swA hA:__zhes sgrub sngags la las sngags sbrel bas sgrub la bum lha 'od zhu rnam bum dang chabs cig tu bya/__dbang bskur dngos la/__lo rgyus kyi khyad par/__de la 'dir dpal o rgyan chos kyi rgyal po nyid chos sku'i sangs rgyas thams cad kyi dgongs klong gcig tu 'khyil ba'i bdag nyid chen po pad+ma kun tu 'chang*/__longs sku'i sangs rgyas thams cad kyi sku dang ye shes rgya mtsho'i spro bsdus byed por dbang bskur ba gzi brjid tshe 'od dpag med/__sprul sku'i sangs rgyas thams cad kyi rmu rgod gdul dka' nyon mongs rags shing sdug bsngal che ba'i yid can 'dul ba'i snying rje dang thugs bskyed smon lam gyi go cha la sangs rgyas kun las khyad par 'phags pa ston pa rdzogs pa'i sangs rgyas shAkya'i rgyal po nyid slar yang sngags kyi ston pa rdo rje slob dpon gyi skur bzhengs pa pad+ma 'byung gnas te/__rgyal ba'i rnam 'phrul dang spyod yul bsam gyis mi khyab pa sprul gzhi nub phyogs bde ldan zhing du bkra shis 'o ma'i rgya mtshor gu ru nyid kyi thugs ye shes lnga yi rang mdangs/__gu ru thod phreng sde lnga'i bkod pas zhi rgyas dbang drag mchog gi phrin las mthar phyin par mdzad pa las/__'dir zhi ba'i las mdzad rdo rje thod phreng rtsal gyi sgos sgrub kyi dbang bskur ba skabs su bab pa yin/__de yang zhi ba mchog gi phrin las sangs rgyas sras dang bcas pas zhi bsil bdud rtsi'i chos kyis 'gro kun srid dang ngan 'gro'i g.yang sa las skyabs te phan bde'i dpal la 'god pa dang*/__sems dpa' mchog rnams kyis byams dang snying rje'i go cha lhur bzhes pas nyam thag sdug bsngal can gyi sems can sgrol zhing dbugs dbyung ba 'phags pa 'jig rten dbang phyug gis phyag sor 'o rgyun gyis yi dwags kyi bkres skom sel ba/__dzam gling gi tshong pa srin gling las sgrol ba sogs dang*/__thun mong zhi ba'i las/__'jig rten dbang phyug gi rigs sngags kyi nus pas dge slong ma dpal mo klu gdon gyi snyun las sgrol ba dang*/__grub chen thang stong rgyal po'i bod yul lha sa/__sa skya/__khams me nyag rnams su nad mug mtshon gyi bskal pa zhi bar mdzad pas mtshon sems dpa' chen po rnams kyis/__g.yar dam gyi go cha chen po'i lhur bzhes 'os pa ste/__de yang gdul dka' dmu rgod kyi 'gro ba skyob pa la sangs rgyas kun las thugs rje dang phrin las khyad par 'phags pa gu ru rdo rje thod phreng gi lha sngags la brten pa ches zab myur byin rlabs dang ldan pa'i dbang bskur zab mo sgrub par bgyi ba la sogs maN+Dal 'bul du gzhug__bla ma dang zhi ba'i las mdzad rdo rje thod phreng tha mi dad pa'i spyan sngar snyims pa me tog dang bcas pa'i thal mo sbyor la gsol ba 'debs pa 'di'i rjes zlos lan gsum mdzod/__hoH__dkyil 'khor gtso bo rigs kun bdag:__thugs rje'i gter chen slob dpon gyis:__zhi mdzad badz+ra thod phreng gi:__smin grol dbang mchog stsal du gsol:__lan gsum/__de nas thog mar rgyud rnam par dag par bya ba'i slad du/__skyabs kyi yul mdun gyi nam mkhar zhi mdzad badz+ra thod phreng rtsal rig 'dzin sgyu 'phrul drwa ba'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/__skyabs bya bdag gzhan mkha' khyab kyi yid can mtha' dag skyabs su 'gro tshul sgo gsum 'jug pa gcig pas/__skyabs 'gro'i rgyu deng nas byang chub ma thob bar 'khor ba dang ngan song gi sdug bsngal las sgrol te thar pa dang thams cad mkhyen pa'i go 'phang la 'god par ci mdzad khyed mkhyen blo gtad ling skyur gyis skyabs su 'gro ba'i 'dun pas 'di'i rjes zlos:__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__thog med dus nas pha mar gyur pa'i mkha' khyab kyi sems can thams cad srid zhi'i mtha' gnyis las 'das pa sku gsum bla ma'i go 'phang la bde myur gyis 'god par bya/__de'i phyir du bla na med pa'i dkyil 'khor gnyan po 'dir 'jug cing dbang gis rgyud smin par byas nas lam rim pa gnyis kyi ting nge 'dzin dang ma bral bas rgyal ba'i sras kyi spyod pa rlabs po che'i rjes su slob snyam pas smon 'jug gi sems bskyed pa gsal thob la 'di'i rjes zlos/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__tshogs kyi zhing khyad par can de dag gi spyan sngar/__bdag sogs sems can thams cad kyi lus zhing gi rdul snyed sprul nas sgo gsum gus pa chen po'i phyag 'tshal zhing*/__kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/__sdig ltung gi byas bsags la 'gyod pa'i sems kyis bshags sdom dang*/__tshogs gnyis kyi dge spyod la rjes su yi rang ba/__zab rgyas chos kyi 'khor lo bskor bar bskul ba dang*/__mya ngan las mi 'da' bar bzhugs par gsol zhing dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos rjes zlos/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__dbang gi ye shes skye brtan gong 'phel du 'gyur ba la rgyud rnam par dag cing sdom pa dang ldan dgos pas/__tshogs zhing de rnams dpang por byas te phyi so so thar pa'i sdom pa/__nang byang chub sems kyi bslab pa/__gsang ba bla med rdo rje theg pa'i dam tshig rnams legs par blangs nas tshul bzhin bsrung snyam pas 'di'i rjes zlos mdzod/__rtsa gsum dkyil 'khor lha tshogs dang:__rdo rje slob dpon dgongs su gsol:__rig pa 'dzin pa bdag gis ni:__deng nas byang chub snying po'i bar:__so sor thar dang byang chub sems:__rig 'dzin nang gi sdom pa'i tshogs:__ma lus yongs su bzung bar bgyi:__lan gsum/__de nas dbang gi gzhi 'god pa la ye shes pa dbab pa la sgo gsum gyi gnad gcun la thugs dmigs 'di bzhin mdzod/__slob dpon gyi thugs ka nas 'phros pa'i 'od zer gyis khyed rang phung khams skye mched kyis mtshon pa'i snod bcud tha mal gyi snang zhen dbyings su sbyangs/__stong pa'i ngang las chos dbyings lhun rdzogs bde chen stug po bkod pa'i zhing khams phun sum tshogs pa'i dbus su seng ges btegs pa'i rin po che'i khri dang pad zla'i steng du khyed rang rnams skad cig gis hU~M yig yongs su gyur pa las de bzhin gshegs pa thams cad kyi thugs kyi bdag nyid ma hA gu ru badz+ra thod phreng rtsal sku mdog dkar gsal mchog tu zhi zhing 'dzum khro sgeg pa'i nyams 'gyur can gyi mtshan dpe rab tu rgyas pa/__zhal gcig spyan gsum phyag g.yas rdo rje rtse lnga pa thugs kar gtod cing g.yon des yu ba byas pa'i dril bu 'dzin te yum la 'khyud pa/__zhabs rdo rje'i skyil krung gis bzhugs shing dar dang rin po che'i rgyan chas yongs su rdzogs pa'i yum mA ma ki sngon mo rdo rje dang dril bu 'dzin pa gnyis med mnyam par sbyor ba'i ye shes bde ba chen po'i gzi 'od nyi ma 'bum ltar rgyas pa'i klong du zhi ba'i las mdzad rtsa gsum rab 'byams spro bsdu'i sgyu 'phrul bsam mi khyab pa'i bdag nyid chen por gsal ba'i gnas gsum rdo rje gsum gyi yi ges mtshan pa dang*/__slob dpon dkyil 'khor gyi mnga' bdag ma hA gu ru rdo rje thod phreng dngos su gsal ba'i mos gus drag tu bskyed pas/__bla ma'i thugs ka nas rdo rje'i ye shes 'gugs pa'i 'od zer lcags kyu'i rdul phran grangs med pa shar gyis 'phros/__chos dbyings rgyas par bkang ba'i sangs rgyas kyi zhing rab 'byams rnams dang*/__khyad par lho nub pad+ma 'od kyi gzhal yas khang chen po sgyu 'phrul bkod pa'i rol mo bsam gyi mi khyab par snang ba'i bla ma sku gsum gyi lha tshogs rnams la phog__/thugs dam chen po'i dgongs pa bskul/__thugs rje chen po'i rtsal bskyed de skad cig gis nam mkha'i khyon gang bar spyan drangs nas/__khyed rang rnams la sib sib thim pas rgyud byin gyis brlab pa'i nges shes bskyed cig__/ye shes 'bebs rdzas spos dang thod rngas dbyangs snyan rol mo gdung shugs kyis bskul la/__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__bde gshegs kun 'dus badz+ra thod phreng rtsal:__mos pa'i gnas 'dir gdung bas spyan 'dren na:__rab 'byams rtsa gsum rgya mtsho'i 'khor dang bcas:__thugs rjes byin gyis brlab phyir gshegs nas kyang :__rnal 'byor sgo gsum rdo rje'i dbang bskur la:__mchog dang thun mong dngos grub ma lus stsol:__oM AHhU~M badz+ra thod phreng rtsal badz+ra sa ma ya dzaH__sid+d+hi pha la hU~M AH__dz+nyA na A be sha ya A AH__hU~M hU~M hU~M:__zhes drag tu brjod pas dbab/__tiSh+Tha badz+ras brtan par bya/__de nas dbang dngos la/__spyir sku gsung thugs ye shes rdo rje'i dbang bskur ba dang*/__bye brag zhi ba'i las rab 'byams sgrub pa'i dag byed bkra shis dge ba khrus kyi bum pas dbang bskur ba gnyis las/__dang po ni/__thog mar snod bcud tha mal gyi zhen rtog sbyangs phyir sku bum pa'i dbang bskur ba la/__slob dpon gyi thugs ka'i 'od zer gyis nam mkha'i dbyings su til gyi gong bu ltar sad pa'i rgyal ba sras dang bcas pas rnam pa thams cad dang ldan pa'i cho 'phrul chen pos rin po che'i bum pa rdo rje bdud rtsis chus gang ba khyed rang rnams kyi spyi bor thogs te gtor blugs kyi phrin las mthar phyin par mos shig__/rnam bum spyi bor bzhag la/__oM:__bum pa bzang po yon tan kun gyi gter:__lha tshogs 'od zhu bdud rtsi'i bcud kyis gtams:__skal ldan rigs kyi bu la dbang bskur bas:__badz+ra thod phreng sku yi dbang thob shog:__oM AHhU~M badz+ra gu ru badz+ra thod phreng rtsal kA ya a b+hi Shiny+tsa oM:__zhes dbang bskur bas bum pa'i chus lus thams cad gang las dang nyon mongs pa'i dri ma dag__/chu'i lhag ma yar lud pa las rigs kyi bdag po mi bskyod pas dbu brgyan par gyur/__de ltar sku bum pa'i dbang bskur bas snod bcud phung khams skye mched gdan gsum sgyu 'phrul drwa ba'i lha tshogs gdod nas yin pa la yin par ngo shes pas gsal brtan dag gsum gyi snang stong sgyu ma lta bu'i ting nge 'dzin la gom pa la snang ba thams cad lha sku phyag rgya'i rim pas gdul bya'i mos pa dang mthun par don gyis shig__/de nas ngag tha mal du zhen pa sbyangs phyir gsung bzlas pa'i lung sbyin pa la/__slob dpon dang dkyil 'khor gyi lha tshogs gnyis su med pa'i thugs ka nas sngags kyi phreng ba 'phros/__zhal nas byung*/__khyed rang rnams lhar gsal ba'i zhal du zhugs/__thugs srog dwangs ma'i sa bon gyi mthar phreng ba ltar 'khod/__'od zer spro bsdus don gnyis sgrub par mos la bsnyen pa'i sngags 'di'i rjes zlos mdzod/__oM AHhU~M badz+ra ma hA gu ru badz+ra thod phreng rtsal sarba sid+d+hi hU~M:__lan gsum/__slar yang 'od zer spro bsdu'i snang grags rigs gsum lha sngags chos sku'i rol par shar bas don gnyis sgrub par mos la/__sgrub pa'i sngags 'di'i rjes zlos mdzod/__oM AHhU~M badz+ra gu ru badz+ra thod phreng rtsal badz+ra sa ma ya dza sid+d+hi pha la hU~M:AH__lan gsum/__slar yang dkyil 'khor gyi lha yi thugs srog sngags las/__byung ba'i 'od zer lnga ldan 'ja' tshon lta bu'i snod bcud/__phyi nang kun tu khyab pas 'jig pa brgyad sogs mi mthun phyogs kun zhi ba'i phrin las lhun gyis grub pas don gnyis rdzogs par mos la las sbyor gyis sngags 'di'i rjes zlos mdzod/__oM AHhU~M badz+ra gu ru badz+ra thod phreng rtsal badz+ra sa ma ya dza sid+d+hi pha la hU~M:AH__hU~M sarba shan+tiM ku ru swA hA:__lan gsum/__phreng ba mgrin par bzhag pas nus pa brtan par byas pa mos mdzod/__AH__sgra yi snying po bsnyen sgrub phrin las kyi:__bzlas pa'i nus rdzogs sngags kyi phreng ba yis:__skal ldan rigs kyi bu la dbang bskur bas:__badz+ra thod phreng gsung gi dbang thob shog:__oM AHhU~M badz+ra ma hA gu ru badz+ra thod phreng rtsal wA ka a b+hi Shiny+tsa AH__'di ltar sgrar grags pa thams cad rdo rje'i gsung dbyangs gzhom med ye shes 'khor lo'i sprin grags stong brjod pa dang bral ba las sgra yi tshul bsam gyis mi khyab pas 'gro ba'i don gyis shig__/de nas yid tha mal du zhen pa sbyong ba'i slad du thugs 'od gsal gyi dgongs pa ngo sprad pa ni/__me long bstan la/__me long dwangs pa la gzugs brnyan sna tshogs su shar yang*/__snang dus nyid nas dngos pos stong*/__stong bzhin du sna tshogs su snang ba ma 'gags pa bzhin/__lha sngags kyis mtshon pa'i 'khor 'das kyi chos thams cad rang sems stong pa'i rang rtsal du shar yang*/__shar dus nyid nas bden par ma grub/__ma grub bzhin du cir yang shar bas thams cad sku gsum 'du 'bral med pa zung 'jug 'od gsal 'khor yug gi dgongs pa ngo shes par gyis shig__hU~M:__stong gsal rang rig 'dus ma byas pa'i don:__brda yi mtshon pa ye shes me long gis:__skal ldan rigs kyi bu la dbang bskur bas:__badz+ra thod phreng thugs kyi dbang thob shog:__oM AHhU~M badz+ra gu ru badz+ra thod phreng rtsal tsit+ta a b+hi Shiny+tsa hU~M:__'di ltar rtog tshogs thams cad badz+ra thod phreng rtsal gyi thugs ka dag 'od gsal zang thal kun khyab 'dus ma byas mnyam nyid chen po'i dgongs par la zlo bas 'bad med lhun gyis grub pa'i gzhan don rgya chen po gyis shig__/mthar yon tan dang phrin las yongs su rdzogs pa gtor ma la brten nas dbang bskur ba la 'dun pa 'di ltar mdzod/__gtor ma 'di nyid zhi ba'i las mdzad badz+ra thod phreng rtsal/__dbang chen sde bzhi/__sgo skyong dpa' bo mkha' 'gro dngos su gsal ba khyed rang gi spyi bor spyan drangs te sku yi gnas thams cad las byung ba'i 'od zer kha dog lnga ldan gyis sgo gsum la khyab pas byin rlabs ye shes chen po rgyud la stsal bar mos mdzod/__dpal gyi gtor ma gnas gsum du bzhag la/__oM A hU~M hrIH__gtor snod rang byung gzhal med khang chen por:__gtor ma'i ngo bo lha dang gnyis su med:__skal ldan rigs kyi bu la dbang bskur bas:__badz+ra thod phreng ye shes dbang thob shog:__oM AHhU~M hrI badz+ra gu ru badz+ra thod phreng rtsal kA ya wA ka tsit+ta dz+nyA na a b+hi Shiny+tsa oM AHhU~M hrIH__de khyed rang gi sgo gsum dang badz+ra thod phreng rtsal gyi sku gsung thugs gnyis su med par byin gyi rlabs shing dbang bskur ba dang*/__yon tan dang phrin las rgya mtsho'i dpal la don gnyis thams cad rtsol med du lhun gyis grub pas don byed par mos shig__/mtha' rten du/__gnyis pa zhi ba'i las rab 'byams sgrub pa'i dag byed bkra shis dge ba khrus kyi bum pas dbang bskur la/__phyi rin chen bum pa bdud rtsi'i gang ba 'di nyid nang du gu ru rdo rje thod phreng rtsal gtso 'khor ye shes 'od zer gyi snang bas srid zhi'i rgud pa kun sel gyi sku las byung ba'i dag byed ye shes bdud rtsi'i dbang bskur zhing khrus bgyis pas nad gdon bar chad 'jigs brgyad sogs mi mthun rgud pa'i tshogs thams cad ming med du zhi bar byed nus pa'i phrin las rab 'byams kyi dbang thob par mos shig__/zhi byed bum pa thogs la/__bkra shis mtshan ldan rdo rje'i ka la shar:__dag byed bdud rtsi'i rgyun gyis rab tu gtams:__skal ldan slob mar dbang bskur khrus bgyis pas:__mi mthun 'gal rkyen mtha' dag zhi bar shog:__oM AHhU~M badz+ra gu ru badz+ra thod phreng rtsal badz+ra sa ma ya dzaH__sid+d+hi pha la hU~M:__oM sarba ta thA ga ta a b+hi She ka te sa ma ya shrI ye hU~M:__zhes brjod de bum chu 'thung zhing khrus kyang bya/__grib sel sngags kyang ci rigs bzla:__zhes gsungs pas rnam rme/__phyag rdor ngan song kun sbyong*/__bdud rtsi 'khyil ba'i gzungs ring thung dang*/__khyad par rdor sems yi ge brgya dang*/__oM e ho bud+d+he shud+d+he:__ya~M ho shud+d+he shud+d+he:__ba~M ho bud+d+he bud+d+he:__la~M ho shud+d+he shud+d+he:__ra~M ho shud+d+he shud+d+he:__a A swA hA:__chags nyams dang rtog sgrib thams cad shan+tiM ku ru swA hA:__zhes khrus bdun gyi rim pa sbyar/__dmigs bsal nad pa sogs la dbang 'di'i mtha' rten du 'ang*/__sger du bkru byabs srung ba'i khrus kyi cho ga sbyor kyang rung bar mngon pas 'dod na rdo rje rnam 'joms kyi khrus lha sngags kha bsgyur gyi rung bar sems so/__/de ltar dag byed bdud rtsi'i bum pa'i ye shes kyi chu rgyun gyi khrus byas shing dbang bskur bas zhi ba'i phrin las rab 'byams thog med du 'grub nas gnas skabs dang mthar thug gi srid zh-i'i rgud pa'i tshogs thams cad zhi bar byed pa'i las rab 'byams kyi sgau nas don gnyis 'bad med du sgrub nus pa'i byin rlabs dang dngos grub la dbang thob par mos mdzod/__'jigs pa brgyad sogs phyi nang nyer 'tshe'i tshogs/__/las nyon sgrib bskyed blun sems ngan pa'i cha/__/bdud bzhi'i 'gyur ba bskyed byed 'gro ba'i rgud/__/ming med zhi ba'i las kyis bkra shis shog__/de dag gi zhi ba'i las mdzad rdo rje thod phreng rtsal gyi sgos sgrub kyi dbang bskur grub pa ste/__rtsa ba dang yan lag gi dam tshig gnang bkag spyi dang khyad par gu ru rdo rje thod phreng rtsal gyi lha sngags ting 'dzin la gtso bor brten pa'i zhi ba'i las sgrub pa'i g.yar dam bzhes pas dam tshig khas blangs pa 'di yi rjes zlos mdzod/__gtso bos ji ltar sogs dang*/__gtang rag__/lus longs spyod 'bul ba/__dge bsngo rnams spyi ltar bya phrin las rjes kyi rim pa mthar dbyung bas dge legs su bya'o/__/rgud pas 'ji~Xgs me~Xd zhi dbyings mkhar/__mkhyena~X brtse'i~X sprin dkar 'dzum 'oda~X zera~X/__/srid zhi'i dbyings khyab bkra~X shis dpala~X/__/dge legs 'dod dgu'i 'byo~Xr pas mdzes/__/rtsa gsum 'od gsal snying thig gi zhi ba'i las mdzad rdo rje thod phreng rtsal gyis sgos sgrub kyi dbang chog zhi byed bdud rtsi'i sprin phrin le'u tshan drug pa o rgyan don kun grub pas sbyar ba'o/__!__/ye shes snang bas rtag 'khyud 'ja~Xm pa'i dpa~Xl/__/bstan 'gror kun tu dga~X' ba~X'i bshe~Xs gnye~Xn tshul/__/'oda~X gsa~Xl klong nas sprul pa'i rdo rje'i gzugs/__/rin chen nyi ma rat+na thod phreng gus/__/rgyas pa'i las mdzad rat+na thod phreng rtsal gyi sgos sgrub la bshams kyi khyad par mtshan ldan ban+d+ha gser mdog rgyas pa'i las la 'os pa dri bzang dang sman snas byug__/dwangs ma lnga sogs tshe rdzas/__tshe ring 'byor ldan bkra shis pa'i khyim dang*/__skyes pa pho mo'i lag nas byung ba'i rin chen dar zab 'bru sman dkar mngar gyi zas dang bdud rtsi chos sman gyis bkang ba dang*/__gzhung mthun bsnyen sgrub las sngags spel tshig can dang nam mkha' mdzod kyi sngags byang gser gyis bris pa'i gzungs bsgril kyang bzhag na legs par sems so/__/b+han+d+ha de nyid dar snas dril zhing dkyil 'khor gyi dbus su brtan por gzhugs su gsol/__sbyangs khrus legs par byas la/__bdag mdun bum pa bcas bsgrubs zin pa'i rjes rten la bsang chus bran te/__oM swa b+ha wa bi shud+d+haHsarba d+harma swa b+ha wa bi shud+d+ho \u0f85ha~M:__stong pa'i ngang las rang gi mdun gyi gzhir:__yid 'phrog mchod sprin rgya mtsho'i bkod pa dang :__srid zhi'i 'byor tshogs nam mkha' mdzod kyi dbus:__nor bu'i gzhal med khang chen mtshan nyid rdzogs:__lte bar 'dod 'byung ye shes ka pA la:__yangs shing rgya che gnod sbyin gter 'chang che'i:__bum pa bzang der 'dod dgu'i bcud kyis gtams:__snang stong 'ja' zer thig le 'khrigs pa'i dbus:__rgyas pa'i las mdzad rat+na thod phreng rtsal:__gser mdog brjid chags shin tu sgeg pa'i nyams:__phyag g.yas yid bzhin nor bu thugs kar gtod:__g.yon pas nor bu'i yu ba byas pa yi:__rigs kyi dril bu dkur brten yum la 'khyud:__dar dang rin chen rgyan rdzogs skyil krung bzhugs:__yum mchog rin chen dril bu bsnams pa 'khril:__rigs 'dzin bla ma bye ba'i sprin phung 'phro:__phyogs bzhir nang du rta mchog rigs bzhi las:__rab 'byams yi dam zhi khro'i phyag rgya shar:__phyi rol rig 'dzin dpa' bo yab yum la:__gnas gsum mkha' 'gro rgya mtsho'i tshogs kyis bskor:__kun kyang spyi mgrin snying gar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs kyi cod pan 'chang :__thugs ka'i 'od kyis lha tshogs spyan drangs gyur:__hU~M hrIH__rang rig lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M badz+ra gu ru d+he wa d+hA ki nI sarba dz+nyA na maN+Da la badz+ra sa ma ya dza:__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed gus pa'i brda yis phyag 'tshal lo:__a ti pU ho:__pra tIts+tsha hoH__oM AHhU~M:__dngos su 'byor bshams yid kyis mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phob:__oM AHhU~M badz+ra gu ru de ba d+hA ki ni sa pa ri wA ra ar+g+haM nas rU pa shab+da gan+d+he rA sa spar+she pra tIts+tsha swA hAH__ma hA su kha dz+nyA na pU dza hoH__sarba pany+tsa a mr-i ta rak+ta ba ling+ta ga Na tsakra pU dza kha kha khA hi khA hiH__hU~M hrIH__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'phro 'dul dkyil 'khor lha tshogs la:__gus pas bstod do mchog thun dngos grub stsol:__zhes pas mdun rten lhar bskyed la/__rang gi thugs nas sngags kyi 'od zer 'phros:__thod pa'i lha tshogs thugs dam rgyud bskul bas:__gser mdog 'od kyis 'khor 'das khams kun khyab:__'phags pa mchod cing 'gro kun legs tshogs spel:__tshur 'dus rtsa gsum rgyal ba rab 'byams dang :__'khor 'das legs tshogs ye shes yon tan kun:__gser mdog bdud rtsi'i rnam par spyan drangs nas:__thod pa'i lha'i thugs kar sa bon mthar:__sngags kyi phreng bas mtshan pa gnyis med thim:__'khor 'das dngos grub kun gyi dbyig tu bsam:__oM AHhU~M badz+ra gu ru rat+na thod phreng rtsal badz+ra sa ma ya dzaH__sid+d+hi pha la hU~M AH__trA~M sarba lo ka dz+nyA na A yur puN+ye puSh+tiM oM:__zhes ji ltar rigs pa bzlas mthar/__phyi sgrub las byang ltar tshogs bskang bshags rgyas pa phul la/__bdag mdun rnams kyi thugs ka nas 'od zer nyi ma bye ba'i gzi brjid can 'phros phyogs bcu'i zhing khams rab 'byams rnams su khyab/__'khor 'das lam gsum gyi tshe bsod dpal 'byor phywa g.yang longs spyod thams cad bkra shis rdzas rtags 'ja' zer thig le la sogs pa'i rnam par spyan drangs/__bdag mdun rten rdzas rnams la thim pas 'dod rgu'i dngos grub yid bzhin du 'grub par bsam la/__mda' dar g.yab ste/__skabs 'dir cung zad spros pa dang 'brel na lha btsun chen po nam mkha' 'jigs med kyi dag snang g.yang 'gugs me tog char bsil sbyar kyang rung zhing*/__dbang bskur tsam la gter gzhung dngos ni/__trA~M:__dgos 'byung rin chen gter gyi pho brang nas:__rgyas pa'i las mdzad rat+na thod phreng rtsal:__rab 'byams rtsa gsum rgya mtsho'i tshogs rnams kun:__mos shing gdung bas thugs dam rgyud bskul na:__ye shes yon tan gzi brjid tshad med pa'i:__'od zer pho nya srid zhi'i khams kun spros:__snod kyi phywa dang bcud kyi dge mtshan g.yang :__tshe bsod dpal 'byor 'dod dgu'i legs tshogs kun:__'dir bsdus sgrub pa'i rdzas la byin chen phob:__rnal 'byor bdag cag 'khor dang bcas pa sogs:__mthong thos dran reg gdul bya'i tshogs rnams kyi:__'dod dgu'i bsam pa yid bzhin 'grub mdzad gsol:__oM AHhU~M badz+ra gu ru rat+na thod phreng rtsal badz+ra sa ma ya dzaHsid+d+hi pha la hU~M AH__trA~M sarba lo ka dz+nyA na A yur puN+ye puSh+tiM oM:__rat+na ka pA la ba su sid+d+hi sdus sdus rat+na sid+d+hi sa ma ya s+t+wa~M:__A yur puN+ye dz+nyA na sarba sid+d+hi pha la hoH__zhes dngos grub rten rdzas rnams la bstim/__ye d+harma'i sngags kyis brtan par byas la me tog 'thor/__dbang bskur skabs lo rgyus/__de la 'dir dpal o rgyan chos kyi rgyal po nyid chos sku'i sangs rgyas thams cad kyi dgongs klong gcig tu 'khyil ba'i bdag nyid chen po pad+ma kun tu 'chang*/__longs sku'i sangs rgyas thams cad kyi sku dang ye shes rgya mtsho'i spro bsdus byed por dbang bskur ba gzi brjid tshe 'od dpag med/__sprul sku'i sangs rgyas thams cad kyi rmu rgod gdul dka' nyon mongs rags shing sdug bsngal che ba'i yid can 'dul ba'i snying rje dang thugs bskyed smon lam gyi go cha la sangs rgyas kun las khyad par 'phags pa ston pa rdzogs pa'i sangs rgyas shAkya'i rgyal po nyid slar yang sngags kyi ston pa rdo rje slob dpon gyi skur bzhengs pa pad+ma 'byung gnas te/__rgyal ba'i rnam 'phrul dang spyod yul bsam gyis mi khyab pa sprul gzhi nub phyogs bde ldan zhing du bkra shis 'o ma'i rgya mtshor gu ru nyid kyi thugs ye shes lnga yi rang mdangs/__gu ru thod phreng sde lnga'i bkod pas zhi rgyas dbang drag mchog gi phrin las mthar phyin par mdzad pa las/__'dir rgyas pa'i las mdzad rat+na thod phreng rtsal gyi sgos sgrub kyi dbang yin/__de yang rgyas pa'i las rab 'byams ni rig pa 'dzin pa dang rgyal sras byang chub sems dpa'i spyod pa rgya mtsho lta bu'i gzhi ma nor ba ste/__rgyas pa mchog gi las sngags kyi rnal 'byor pa lta dgongs kyi gdengs thob pas rtsa brgyad stong sbyar bdud rtsi sman gyi sbyor ba dkyil 'khor bdun dang sbyor thabs brgyad kyi lha sngags ting nge 'dzin gyis snod bcud he ru ka'i zhing du bsgyur te bde chen ye shes mkha' khyab tu spel ba dang*/__byang chub sems dpa' chen po rnams kyis nam mkha' mdzod kyi yo byad la dbang bsgyur bas mchod sbyin zad mi shes pa'i thabs mkhas kyis bsod nams kyi tshogs yongs su rdzogs pas sangs rgyas kyi sa yi yon tan rgya mtsho lta bu la myur du sbyor zhing*/__skye dgu rnams phongs pa las sgrol ba sogs dgos pa'i khyad par du mas 'phags pa'i phyir de bzhin gshegs pas kyang pha rol du phyin pa thams cad kyi thog mar sbyin pa'i gtam mdzad/__rgyas pa'i las thun mong ba/__'phags pa klu sgrub kyis/__gser 'gyur gyi sbyor bas na len+d+ra'i gtsug lag khang du dge 'dun la lo mang por 'tsho ba sbyor ba dang*/__slob dpon chen pos bsam yas mal gro'i klu la bka' bsgaus nas mnga' bdag rgyal po'i bang mdzod thams cad gser gyis bkang nas gtsug lag khang bzhengs pa dang*/__dge 'dun gyi sde gnyis btsug pa sogs gnas skabs dang mthar thug gi dgos pa du ma dang ldan zhing*/__gzhan yang rigs brgyud tshe dpal shes rab longs spyod sogs rgyas pa'i las thams cad mi chos kyi gzhi dang lha chos kyi rgyan du gyur pas/__de dag sgrub pa'i thabs spyi dang bye brag ches mang yang gu ru yid bzhin nor bu rat+na thod phreng la brten pa ni thugs rje myur zhing byin rlabs kyi tshan kha che ba mchog thun cig car du sgrub pa'i dbang bskur bgyi ba la thog mar smin byed zab mo zhu ba'i don du maN+Dal phul/__bla ma dang rgyas pa'i las mdzad rat+na thod phreng tha mi dad pa'i spyan sngar snyims pa me tog dang bcas pa'i thal mo sbyor la gsol ba 'debs pa 'di'i rjes zlos lan gsum mdzod/__hoH__dkyil 'khor gtso bo rigs kun bdag:__thugs rje'i gter chen slob dpon gyis:__rgyas mdzad rat+na thod phreng gi:__smin grol dbang mchog stsal du gsol:__lan gsum/__de nas thog mar rgyud rnam par dag par bya ba'i slad du/__skyabs kyi yul mdun gyi nam mkhar rgyas mdzad rat+na thod phreng rig 'dzin sgyu 'phrul drwa ba'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/__skyabs bya bdag gzhan mkha' khyab kyi yid can mtha' dag skyabs su 'gro tshul sgo gsum 'jug pa gcig pas/__skyabs 'gro'i rgyu deng nas byang chub ma thob bar 'khor ba dang ngan song gi sdug bsngal las sgrol te thar pa dang thams cad mkhyen pa'i go 'phang la 'god par ci mdzad khyed mkhyen blo gtad ling skyur gyis skyabs su 'gro ba'i 'dun pas 'di'i rjes zlos:__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__thog med dus nas pha mar gyur pa'i mkha' khyab kyi sems can thams cad srid zhi'i mtha' gnyis las 'das pa sku gsum bla ma'i go 'phang la bde myur gyis 'god par bya/__de'i phyir du bla na med pa'i dkyil 'khor gnyan po 'dir 'jug cing dbang gis rgyud smin par byas nas lam rim pa gnyis kyi ting nge 'dzin dang ma bral bas rgyal ba'i sras kyi spyod pa rlabs po che'i rjes su slob snyam pas smon 'jug gi sems bskyed pa gsal thob la 'di'i rjes zlos/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__tshogs kyi zhing khyad par can de dag gi spyan sngar/__bdag sogs sems can thams cad kyi lus zhing gi rdul snyed sprul nas sgo gsum gus pa chen po'i phyag 'tshal zhing*/__kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/__sdig ltung gi byas bsags la 'gyod pa'i sems kyis bshags sdom dang*/__tshogs gnyis kyi dge spyod la rjes su yi rang ba/__zab rgyas chos kyi 'khor lo bskor bar bskul ba dang*/__mya ngan las mi 'da' bar bzhugs par gsol zhing dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos rjes zlos/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__dbang gi ye shes skye brtan gong 'phel du 'gyur ba la rgyud rnam par dag cing sdom pa dang ldan dgos pas/__tshogs zhing de rnams dpang por byas te phyi so so thar pa'i sdom pa/__nang byang chub sems kyi bslab pa/__gsang ba bla med rdo rje theg pa'i dam tshig rnams legs par blangs nas tshul bzhin bsrung snyam pas 'di'i rjes zlos mdzod/__rtsa gsum dkyil 'khor lha tshogs dang :__rdo rje slob dpon dgongs su gsol:__rig pa 'dzin pa bdag gis ni:__deng nas byang chub snying po'i bar:__so sor thar dang byang chub sems:__rig 'dzin nang gi sdom pa'i tshogs:__ma lus yongs su bzung bar bgyi:__lan gsum/__de nas dbang gi gzhi 'god pa la ye shes pa dbab pa la sgo gsum gyi gnad gcun la thugs dmigs 'di bzhin mdzod/__slob dpon gyi thugs ka nas 'phros pa'i 'od zer gyis khyed rang phung khams skye mched kyis mtshon pa'i snod bcud thams cad gyi snang zhen dbyings su sbyangs/__stong pa'i ngang las chos dbyings lhun rdzogs bde chen stug po bkod pa'i zhing khams phun sum tshogs pa'i dbus su rta mchog gis btegs pa'i rin po che'i khri dang pad zla'i steng du khyed rang rnams skad cig gis tra~M yig yongs su gyur pa las de bzhin gshegs pa thams cad kyi yon tan gyi bdag nyid ma hA gu ru rat+na thod phreng rtsal sku mdog ser gsal mtshan dpe'i gzi brjid rgyas pa 'dzum khro sgeg pa'i nyams 'gyur can gyi mtshan dpe rab tu rgyas pa/__zhal gcig spyan gsum phyag g.yas pas yid bzhin gyi nor bu thugs kar gtod cing g.yon des yu ba byas pa'i dril bu 'dzin te yum la 'khyud pa/__zhabs rdo rje'i skyil krung gis bzhugs shing dar dang rin po che'i rgyan chas yongs su rdzogs pa'i yum spyan ma ser mo rin chen dang dril bu 'dzin pa gnyis med mnyam par sbyor ba'i ye shes bde ba chen po'i gzi 'od nyi ma 'bum ltar rgyas pa'i klong du rgyas pa'i las mdzad rtsa gsum rab 'byams spro bsdu'i sgyu 'phrul bsam mi khyab pa'i bdag nyid chen por gsal ba'i gnas gsum rdo rje gsum gyi yi ges mtshan pa dang*/__slob dpon dkyil 'khor gyi mnga' bdag ma hA gu ru rat+na thod phreng dngos su gsal ba'i mos gus drag tu bskyed pas/__bla ma'i thugs ka nas rdo rje'i ye shes 'gugs pa'i 'od zer lcags kyu'i rdul phran grangs med pa shar gyi 'phros/__chos dbyings rgyas par bkang ba'i sangs rgyas kyi zhing rab 'byams rnams dang*/__khyad par lho nub pad+ma 'od kyi gzhal yas khang chen po sgyu 'phrul bkod pa'i rol mo bsam gyi mi khyab par snang ba'i bla ma sku gsum gyi lha tshogs rnams la phog__/thugs dam chen po'i dgongs pa bskul/__thugs rje chen po'i rtsal bskyed de skad cig gis nam mkha'i khyon gang bar spyan drangs nas/__khyed rang rnams la sib sib thim pas rgyud byin gyis brlab pa'i nges shes bskyed cig__/ye shes 'bebs rdzas spos dang thod rngas dbyangs snyan rol mo gdung shugs kyis bskul la/__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__bde gshegs kun 'dus rat+na thod phreng rtsal:__mos pa'i gnas 'dir gdung bas spyan 'dren na:__rab 'byams rtsa gsum rgya mtsho'i 'khor dang bcas:__thugs rjes byin gyis brlab phyir gshegs nas kyang :__rnal 'byor sgo gsum rdo rje'i dbang bskur la:__mchog dang thun mong dngos grub ma lus stsol:__oM AHhU~M rat+na thod phreng rtsal badz+ra sa ma ya dzaH__sid+d+hi pha la hU~M AHdz+nyA na A be sha ya A AH__hU~M hU~M hU~M:__zhes drag tu brjod pas dbab/__tiSh+Tha badz+ras brtan par bya/__de nas dbang dngos la/__spyir sku gsung thugs ye shes rdo rje'i dbang bskur ba dang*/__bye brag rgyas pa'i las rab 'byams sgrub pa 'dod 'byung rat+na'i ka pA la'i rten rdzas kyi dbang bskur ba gnyis las/__dang po ni/__thog mar snod bcud tha mal gyi zhen rtog sbyangs phyir sku bum pa'i dbang bskur ba la/__slob dpon gyi thugs ka'i 'od zer gyis nam mkha'i dbyings su til gyi gong bu ltar sad pa'i rgyal ba sras dang bcas pas rnam pa thams cad dang ldan pa'i cho 'phrul chen pos rin po che'i bum pa rdo rje bdud rtsis chus gang ba khyed rang rnams kyi spyi bor thogs te gtor blugs kyi phrin las mthar phyin par mos shig__/rnam bum spyi bor bzhag la/__oM:__bum pa bzang po yon tan kun gyi gter:__lha tshogs 'od zhu bdud rtsi'i bcud kyis gtams:__skal ldan rigs kyi bu la dbang bskur bas:__rat+na thod phreng sku yi dbang thob shog:__oM AHhU~M badz+ra gu ru rat+na thod phreng rtsal kA ya a b+hi Shiny+tsa oM:__zhes dbang bskur bas bum pa'i chus lus thams cad gang las dang nyon mongs pa'i dri ma dag__/chu'i lhag ma yar lud pa las rigs kyi bdag po rin chen 'byung ldan gyis dbu brgyan par gyur/__de ltar sku bum pa'i dbang bskur bas snod bcud phung khams skye mched gdan gsum sgyu 'phrul drwa ba'i lha tshogs gdod nas yin pa la yin par ngo shes pas gsal brtan dag gsum gyi snang stong sgyu ma lta bu'i ting nge 'dzin la gom pa la snang ba thams cad lha sku phyag rgya'i rim pas gdul bya'i mos pa dang mthun par don gyis shig__de nas ngag tha mal du zhen pa sbyangs phyir gsung bzlas pa'i lung sbyin pa la/__slob dpon dang dkyil 'khor gyi lha tshogs gnyis su med pa'i thugs ka nas sngags kyi phreng ba 'phros/__zhal nas byung*/__khyed rang rnams lhar gsal ba'i zhal du zhugs/__thugs srog dwangs ma'i sa bon gyi mthar phreng ba ltar 'khod/__'od zer spro bsdus don gnyis sgrub par mos la bsnyen pa'i sngags 'di'i rjes zlos mdzod/__oM AHhU~M badz+ra ma hA gu ru rat+na thod phreng rtsal sarba sid+d+hi hU~M:__lan gsum/__slar yang 'od zer spro bsdu'i snang grags rigs gsum lha sngags chos sku'i rol par shar bas don gnyis sgrub par mos la/__sgrub pa'i sngags 'di'i rjes zlos mdzod/__oM AHhU~M badz+ra gu ru rat+na thod phreng rtsal badz+ra sa ma ya dza sid+d+hi pha la hU~M AH__lan gsum/__slar yang dkyil 'khor gyi lha yi thugs srog sngags las/__byung ba'i 'od zer lnga ldan 'ja' tshon lta bu'i snod bcud/__phyi nang kun tu khyab pas 'byor pa drug sogs yon tan gyi dpal thams cad rgyas pa'i phrin las lhun gyis grub pas don gnyis rdzogs par mos la las sbyor gyis sngags 'di'i rjes zlos mdzod/__oM AHhU~M badz+ra gu ru rat+na thod phreng rtsal badz+ra sa ma ya dza sid+d+hi pha la hU~M AH__trA~M sarba puSh+tiM ku ru oM:__lan gsum/__phreng ba mgrin par bzhag pas nus pa brtan par byas pa mos mdzod/__AH__sgra yi snying po bsnyen sgrub phrin las kyi:__bzlas pa'i nus rdzogs sngags kyi phreng ba yis:__skal ldan rigs kyi bu la dbang bskur bas:__rat+na thod phreng gsung gi dbang thob shog:__oM AHhU~M badz+ra ma hA gu ru rat+na thod phreng rtsal wA ka a b+hi Shiny+tsa AH__'di ltar sgrar grags pa thams cad rdo rje'i gsung dbyangs gzhom med ye shes 'khor lo'i sprin grags stong brjod pa dang bral ba las sgra yi tshul bsam gyis mi khyab pas 'gro ba'i don gyis shig__/de nas yid tha mal du zhen pa sbyong ba'i slad du thugs 'od gsal gyi dgongs pa ngo sprad pa ni/__me long bstan la/__me long dwangs pa la gzugs brnyan sna tshogs su shar yang*/__snang dus nyid nas dngos pos stong*/__stong bzhin du sna tshogs su snang ba ma 'gags pa bzhin/__lha sngags kyis mtshon pa'i 'khor 'das kyi chos thams cad rang sems stong pa'i rang rtsal du shar yang*/__shar dus nyid nas bden par ma grub/__ma grub bzhin du cir yang shar bas thams cad sku gsum 'du 'bral med pa zung 'jug 'od gsal 'khor yug gi dgongs pa ngo shes par gyis shig__/hU~M:__stong gsal rang rig 'dus ma byas pa'i don:__brda yi mtshon pa ye shes me long gis:__skal ldan rigs kyi bu la dbang bskur bas:__rat+na thod phreng thugs kyi dbang thob shog:__oM AHhU~M badz+ra gu ru rat+na thod phreng rtsal tsit+ta a b+hi Shiny+tsa hU~M:__'di ltar rtog tshogs thams cad rat+na thod phreng rtsal gyi thugs ka dag 'od gsal zang thal kun khyab 'dus ma byas mnyam nyid chen po'i dgongs par la zlo bas 'bad med lhun gyis grub pa'i gzhan don rgya chen po gyis shig__/mthar yon tan dang phrin las yongs su rdzogs pa gtor ma la brten nas dbang bskur ba la 'dun pa 'di ltar mdzod/__gtor ma 'di nyid rgyas pa'i las mdzad rat+na thod phreng rtsal/__dbang chen sde bzhi/__sgo skyong dpa' bo mkha' 'gro dngos su gsal ba khyed rang gi spyi bor spyan drangs te sku yi gnas thams cad las byung ba'i 'od zer kha dog lnga ldan gyis sgo gsum la khyab pas byin rlabs ye shes chen po rgyud la stsal bar mos mdzod/__dpal gyi gtor ma gnas gsum du bzhag la/__oM A hU~M hrIH__gtor snod rang byung gzhal med khang chen por:__gtor ma'i ngo bo lha dang gnyis su med:__skal ldan rigs kyi bu la dbang bskur bas:__rat+na thod phreng ye shes dbang thob shog:__oM AHhU~M hrI badz+ra gu ru rat+na thod phreng rtsal kA ya wA ka tsit+ta dz+nyA na a b+hi Shiny+tsa oM AHhU~M hrIH__de khyed rang gi sgo gsum dang rat+na thod phreng rtsal gyi sku gsung thugs gnyis su med par byin gyi rlabs shing dbang bskur ba dang*/__yon tan dang phrin las rgya mtsho'i dpal la don gnyis thams cad rtsol med du lhun gyis grub pas don byed par mos shig__mtha' rten la/__gnyis pa rgyas pa'i las rab 'byams sgrub pa 'dod 'byung rat+na'i ka pA la'i rten rdzas kyi dbang bskur ba la thog mar g.yang 'gug pa ni/__mda' dar g.yab la/__trA~M:__dgos 'byung rin chen gter gyi pho brang nas:__rgyas pa'i las mdzad rat+na thod phreng rtsal:__rab 'byams rtsa gsum rgya mtsho'i tshogs rnams kun:__mos shing gdung bas thugs dam rgyud bskul na:__ye shes yon tan gzi brjid tshad med pa'i:__'od zer pho nya srid zhi'i khams kun spros:__snod kyi phywa dang bcud kyi dge mtshan g.yang :__tshe bsod dpal 'byor 'dod dgu'i legs tshogs kun:__'dir bsdus sgrub pa'i rdzas la byin chen phob:__rnal 'byor bdag cag 'khor dang bcas pa sogs:__mthong thos dran reg gdul bya'i tshogs rnams kyi:__'dod dgu'i bsam pa yid bzhin 'grub mdzad gsol:__oM AHhU~M badz+ra gu ru rat+na thod phreng rtsal badz+ra sa ma ya dzaHsid+d+hi pha la hU~M AH__trA~M sarba lo ka dz+nyA na A yur puN+ye puSh+tiM oM:__rat+na ka pA la ba su sid+d+hi sdus sdus rat+na sid+d+hi sa ma ya s+t+wa~M:__A yur puN+ye dz+nyA na sarba sid+d+hi pha la hoH__phyi 'dod dgu kun 'byung ye shes kyi ka pA la mtshan dang ldan pa'i rnam pa la nang du gu ru rat+na thod phreng rtsal gtso 'khor yongs rdzogs srid zhi'i dpal 'byor phywa g.yang longs spyod kyi char 'bebs bzhin bzhug pa spyi bor spyan drangs shing dbang bskur bas/__lha tshogs rnams kyi sku las byung ba'i 'od zer gyis sgo gsum la reg pas thog med nas bsags pa'i dbul phongs ser sna'i rgyu 'bras kyi sgrib pa thams cad sbyang*/__tshe bsod dpal dang rlung rta'i stobs bskyed de 'byor pa drug dang tshogs gnyis kyi mthu byin rin chen nam mkha' mdzod kyi gter la dbang thob par mos shig__/b+han+d+ha spyi bor bzhag la/__trA~MH__bkra shis mtshan ldan rdo rje'i ka pA la:__tshe bsod dpal 'byor ye shes bcud kyis gtams:__skal ldan rigs kyi bu la sbyin pa yis:__mthun rkyen dngos grub legs tshogs rgyas par shog:__oM AHhU~M badz+ra gu ru rat+na thod phreng badz+ra sa ma ya dzaHsid+d+hi pha la hU~M AH__trA~M sarba lo ka dz+nyA na a yur puN+ye puSh+tiM ku ru oM:__gnas gsum du bzhag__/de ltar 'dod dgu kun 'byung dngos grub mi zad pa'i dbyig mtshan ldan bde skyong gi nor bu'i dbang bskur bas rgyas pa'i phrin las rab 'byams thog med du 'grub nas gnas skabs dang mthar thug gi dpal 'byor legs pa'i tshogs rab 'byams yid bzhin du grub nas bstan 'gro'i don dpag tu med pa rtsol med du sgrub pa'i byin rlabs dngos grub kyi dbang thob par mos mdzod/__'byor pa drug ldan nor bu'i gter la spyod/__/srid dang zhi ba'i legs tshogs gong du 'phel/__/don gnyis phun tshogs ye shes 'byor pa'i dpal/__/lhun grub mthar phyin phrin las bkra shis shog__/de dag gis rgyas pa'i las mdzad rat+na thod phreng rtsal gyi sgos sgrub kyi dbang bskur grub pa ste/__rtsa ba dang yan lag gi dam tshig gnang bkag spyi dang khyad par gu ru rat+na thod phreng rtsal gyi lha sngags ting 'dzin la gtso bor brten pa'i rgyas pa'i las sgrub pa'i g.yar dam bzhes pas dam tshig khas blangs pa 'di yi rjes zlos mdzod/__gtso bos ji ltar sogs dang*/__gtang rag__/lus longs spyod 'bul ba/__dge bsngo rnams spyi ltar bya phrin las rjes kyi rim pa mthar dbyung bas dge legs su bya'o/__/'ji~Xg me~Xd tshogs gnyis gzi byin dang*/__rtag 'grogs mkhyena~X brtse'i~X 'o~Xd stong can/__/mi zad 'dod dgu'i zera~X bkra~X bas/__/rab shi~Xs 'dab stong dpa~Xl brgyas 'byora~X/__/rtsa gsum 'od gsal snying thig gi rgyas pa'i las mdzad rat+na thod phreng rtsal gyi sgos sgrub kyi dbang mchog 'dod 'byung nor bu'i snye ma le'u tshan bdun pa 'od gsal rang byung lhun grub rtsal gyis sbyar ba'o/__!__/'pho med bde chen rdo rje'i nyin mor byed/__/rtag tu bri gang bral ba'i 'dzum zer gyis/__/srid zhi brtan g.yo'i dpal kun sdud mdzad pa/__/gar dbang pad+ma thod phreng dgyes pas skyongs/__/rtsa gsum 'od gsal snying thig gi dbang gi las mdzad pad+ma thod phreng rtsal gyi sgos sgrub dang 'brel ba'i dbang la/__bdag mdun bum pa bcas sgrub zin pa'i rjes dbang gi sbyin sreg grub na legs pas de'i tshul ni tshong 'dus chen po dang*/__smad 'tshong nyal po byas pa'i sa la stegs bu dmar po 'dom gang ba bcos/__zangs las byas pa'i dbang gi thab khru gang ba lte ba pad+ma dmar po 'dab bzhi dbus su ut+pal dmar pos mtshan pa/__kha khyer sor bzhi pa la me ri mu ran la lcags kyu dang me tog dmar po spel ba mtshan nyid dang ldan par bri ba'am yang na 'bru dmar gyi tshom bu lha grangs bkod pas kyang rung la/__seng lding ngam/__'o se/__mdzo mo shing sogs zla gam du brtsigs/__de dang nye bar rang gi mdun dgang blugs kha sbyar ba/__rdor dril bsang chu/__me tog gi snod sogs dang*/__g.yas su sman gtor/__rak+ta tshogs kyi yo byad/__g.yon du til mar gyi mar khu/__las mthun yam shing*/__gar chang dang lan tshwa dmar po sbag pa'i zas sna dkar dmar la du 'bru sman rin chen dar zab glang sna me tog bcas dmar po'i rigs dang*/__mngar skyur gyi ro can gtso bor byas/__nub kyi phyogs su kha bltas la pad+ma'i skyil krung gi 'khod de/__rdor dril byin rlabs ni/__oM ma hA badz+ra hU~M/__zhes pas rdo rje snying gar gsor:___oM badz+ra gaN+Dai AHsa dril bu dkur brten/__oM sarba ta thA ga ta ma hA a nu rA ga Na badz+ra swA b+hA ba At+ma ko\u0f85haM gis rdor dril bsnol ba'i 'khyud rgya dang bcas dam tshig gsum bzung*/__gnyis pa dngos gzhi la/__thog mar mchod sreg gi rdzas rnams la bsang chu 'thong zhing*/__ra~M ya~M kha~M gis bsang sbyang*/__stong pa'i ngang las bde chen gyi:__rnam rol mchod dang bsreg bya'i rdzas:__ye shes bdud rtsi 'dod yon sprin:__cir yang 'char zhing 'byung bar gyur:__oM AHhU~M:__lan bdun dang*/__spro na nam mkha' mdzod kyi sngags rgyas kyang brlab cing spel/__thal mo sbyar ba'i bar du dpal 'bar thogs la thab la g.yon du bskor zhing*/__oM ag+ne dz+wa la raM/__zhes lan gsum gyis me sbar/__hU~M hU~M hU~M:__zhes rlung g.yab kyis g.yab/__blugs gzar gyi mar khu'i thig pas kyang gso/__ku sha'i 'thor g.yab kyis thab la bsang chu 'thor zhing*/__rta sngags kyis bsang*/__swa b+hA wa'i sngags kyi stong par sbyang*/__stong pa'i ngang las dbang gi thab khung ni:__zla gam 'od dmar rab tu 'khrugs pa'i nang :__dbang gi me phung rjes chags snang ba 'bar:__de dbus b+h+rU~M las pad+ma'i gzhal yas khang :__mtshan nyid yongs rdzogs ngo mtshar bkod pas mdzes:__lte bar rma byas btegs pa'i rin chen khrir:__thabs shes zung 'jug nyi zla'i gdan gyi steng :__hrIHyig yongs gyur pad+ma thod phreng rtsal:__dmar gsal sgeg cing shin tu chags pa'i nyams:__zhal gcig phyag gnyis spyan gsum gzi 'od 'bar:__phyag g.yas pad+ma dmar po thugs kar gtod:__g.yon pas pad+ma'i yu ba byas pa yi:__rigs kyi dril bu dkur brten yum la 'khyud:__rus pa'i phyag rgya drug gis rab tu spras:__dar dang rin chen rgyan rdzogs skyil krung bzhugs:__yum mchog pad+ma dril bu bsnams pas 'khril:__rig 'dzin bla ma bye ba'i sprin phung 'phro:__'dab bzhir dbang chen rta mchog rigs bzhi las:__rab 'byams yi dam zhi khro'i phyag rgya shar:__sgo bzhir rig 'dzin dpa' bo yab yum la:__gnas gsum mkha' 'gro rgya mtsho'i tshogs kyis bskor:__kun kyang spyi mgrin snying gar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs kyi cod pan 'chang :__thugs ka'i 'od kyis lha tshogs spyan drangs gyur:__hU~M hrIH__rang rigs lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M badz+ra gu ru de ba d+hA ki nI sarba dz+nyA na maN+Da la badz+ra sa ma ya dzaH__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__dgang blugs thogs te/__hrIH__dgang blugs thabs shes zung 'jug mnyam sbyor ba:__lha rnams zhal gyi ngo bor rnam dag las:__zag med bdud rtsi'i char chen phab pa yis:__pad+ma thod phreng yab yum dkyil 'khor pa:__dgyes tshim sku dang sbyor mtshams las byung ba'i:__'od zer dmar pos 'khor 'das khams kun khyab:__rab 'byams dbang gis don gnyis lhun grub gyur:__oM AHhU~M badz+ra gu ru pad+ma thod phreng rtsal sarba sid+d+hi hU~M:__lan bdun mthar/__oM AHhU~M badz+ra gu ru pad+ma thod phreng rtsal badz+ra sa ma ya dza:__sid+d+hi pha la hU~M AH__khams gsum snod bcud rlung sems snang ba legs pa'i yon tan thams cad wa shaM ku ru hoH__zhes sbyar ba lan gsum du 'bul/__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed 'dun pas brda yi phyag 'tshal lo:__a ti pU ho:__pra tIts+tsha hoH__oM AHhU~M:__dngos su 'byor bshams yid kyis mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phob:__oM AHhU~M badz+ra gu ru de ba d+hA ki nI sa pa ri wa ra ar+g+haM=__rU pa shap+da g+han+d+he ra sa spar+she pra tIts+tsha swA hA:__ma hA su kha dz+nyA na pU dza hoH__sarba pany+tsa a mr-i ta rak+ta ba liM ta ga Na tsakra pU dza kha kha khA hi khA hi:__hU~M hrIH__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pas bstod do mchog thun dngos grub stsol:__de nas rdzas rnams khu ba'i rang bzhin can rnams zhal dang*/__yam shing 'od kyi dkyil 'khor/__'bru sman sogs phyag gis mtshon par phul bar mos te lag gi bzung du btub pa rnams g.yas pa'i mtheb srin sbyar pad+ma'i mchog sbyin gyi tshul dang*/__de las gzhan pa rnams blugs gzar gyis 'bul zhing*/__oM AHhU~M badz+ra gu ru pad+ma thod phreng rtsal sarba sid+d+hi hU~M:__lan bdun mthar spel tshig__/khams gsum snod bcud rlung sems snang ba legs pa'i yon tan thams cad wA shaM ku ru hoH__zhes gdags de lta bu'i mar khu nyer gcig dang*/__yam shing de mtshungs phul/__khyad par dbang gi rdzas la lha sngags kyi mtshams su spel tshig btags pa la grangs bzung*/__de rnams kyi tshe thabs kyi lha tshogs rnams kyi 'od zer dmar po pad+ma rA ga'i mdangs can lcags kyus rnam pas dbang gi las thams cad rtsol med du sgrub par bsam la dmigs pa'i gsal snang rtse gcig tu sems 'dzin pa ni rno la ngar gyis gdab pa bzhin no/__/grangs rdzogs pa'i tshe spro na/__oM badz+ra was+t+ra ye swA hAHsa las mthun gyi gos zung dang*/__oM badz+ra tam+bu lA ye swA hAHsa so rtsi 'bul/__spro na tshogs mchod kyang 'bul/__gshegs skyems lan bdun sngar ltar dang*/__gtang rag gi mchod bstod sngon du 'gro bas/__oM AHhU~M badz+ra gu ru pad+ma thod phreng rtsal badz+ra sa ma ya dzaH__sid+d+hi pha la hU~M AH__gu ru d+he wa DA ki ni kA ya wak+tsit+ta sarba sid+d+hi pha la hoHsa dngos grub blang*/__yi ge brgya pas nongs pa bshags/__dzaHhU~M ba~M hoHsa thab kyi ye shes pa rang lte ba'i gtum mo la thim par bsam zhing*/__bsngo smon dang shis pa brjod/__thal ba 'bab chu chen po'am:__nub phyogs ri rtse rlung la bskur:__des ni rab 'byams dbang gi las:__myur du grub cing mthar phyin 'gyur:__zhes gsungs so/__/dbang bskur la lo rgyus kyi khyad par/__de la 'dir dpal o rgyan chos kyi rgyal po nyid chos sku'i sangs rgyas thams cad kyi dgongs klong gcig tu 'khyil ba'i bdag nyid chen po pad+ma kun tu 'chang*/__longs sku'i sangs rgyas thams cad kyi sku dang ye shes rgya mtsho'i spro bsdus byed por dbang bskur ba gzi brjid tshe 'od dpag med/__sprul sku'i sangs rgyas thams cad kyi rmu rgod gdul dka' nyon mongs rags shing sdug bsngal che ba'i yid can 'dul ba'i snying rje dang thugs bskyed smon lam gyi go cha la sangs rgyas kun las khyad par 'phags pa ston pa rdzogs pa'i sangs rgyas shAkya'i rgyal po nyid slar yang sngags kyi ston pa rdo rje slob dpon gyi skur bzhengs pa pad+ma 'byung gnas te/__rgyal ba'i rnam 'phrul dang spyod yul bsam gyis mi khyab pa sprul gzhi nub phyogs bde ldan zhing du bkra shis 'o ma'i rgya mtshor gu ru nyid kyi thugs ye shes lnga yi rang mdangs/__gu ru thod phreng sde lnga'i bkod pas zhi rgyas dbang drag mchog gi phrin las mthar phyin par mdzad pa las/__'dir dbang gi las mdzad pad+ma thod phreng rtsal gyi sgos sgrub rtsa gsum 'od gsal snying thig gi chos sde las byon pa'i dbang bskur bgyi ba ste/__de yang zhi rgyas dbang mchog dang drag po'i phrin las thams cad kyi rtsa ba ni zab pa dbang gi las nyid yin te/__mchog gi dbang sdud rgyal dang rgyal ba'i sras po rnams kyis thugs snying rje chen po'i khyab brdal mu med kyi ting nge 'dzin gyis 'jig rten gsum yid can mtha' dag dbang du bsdus pas mngon mtho nges legs kyi dpal la sbyor ba dang*/__slob ma dbang rab mos gus kyis grol ba rnams kyis bla ma'i thugs rdo rje'i ye shes kyi byin rlabs dbang du byas nas rtogs grol dus mnyam du byung ba dang*/__rnal 'byor pa lta dgongs can gyis las kyi phyag rgya dbang du byas te lhan skyes ye shes kyi rtogs pas rlung sems dbu mar sdud pa dang*/__thun mong dbang gi phrin las slob dpon sangs rgyas gnyis pas has po ri nas bod kyi lha srin che dgu dbang du bsdus nas bsam yas gtsug lag khang bzhengs pa'i 'bangs su bkol ba dang*/__khro phu lo tsA bas rgya gar gyi paN+Di ta 'bum phrag gsum pa dbang du bsdus te bod du gdan drangs pa sogs phan bde'i phrin las thams cad kyi rtsa ba dbang gi las sbyor yin zhing*/__de yang lha sngags gzhan las kyang gsung pad+ma'i rigs kyi lha la brten pas dngos grub myur bar bsngags pas/__gar dbang thugs rje chen po/__dbang chen rta mchog rol pa sogs gnyis med gnyis su snang ba'i ye shes phyag rgya'i cho 'phrul du bkod pas de nyid rigs brgya'i khyab bdag pad+ma thod phreng rtsal du bzhengs pa'i sku sngags la brten pa'i dbang gi las ni myur zhing tshan che bas man ngag de'i dbang bskur bgyi ba la thog mar smin byed zab mo zhu ba'i don du maN+Dal phul/__zhes 'bul du gzhug__bla ma dang dbang gi las mdzad pad+ma thod phreng tha mi dad pa'i spyan sngar snyims pa me tog dang bcas pa'i thal mo sbyor la gsol ba 'debs pa 'di'i rjes zlos lan gsum mdzod/__hoH__dkyil 'khor gtso bo rigs kun bdag:__thugs rje'i gter chen slob dpon gyis:__dbang mdzad pad+ma thod phreng gi:__smin grol dbang mchog stsal du gsol:__lan gsum/__de nas thog mar rgyud rnam par dag par bya ba'i slad du/__skyabs kyi yul mdun gyi nam mkhar dbang mdzad pad+ma thod phreng rig 'dzin sgyu 'phrul drwa ba'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/__skyabs bya bdag gzhan mkha' khyab kyi yid can mtha' dag skyabs su 'gro tshul sgo gsum 'jug pa gcig pas/__skyabs 'gro'i rgyu deng nas byang chub ma thob bar 'khor ba dang ngan song gi sdug bsngal las sgrol te thar pa dang thams cad mkhyen pa'i go 'phang la 'god par ci mdzad khyed mkhyen blo gtad ling skyur gyis skyabs su 'gro ba'i 'dun pas 'di'i rjes zlos/__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__thog med dus nas pha mar gyur pa'i mkha' khyab kyi sems can thams cad srid zhi'i mtha' gnyis las 'das pa sku gsum bla ma'i go 'phang la bde myur gyis 'god par bya/__de'i phyir du bla na med pa'i dkyil 'khor gnyan po 'dir 'jug cing dbang gis rgyud smin par byas nas lam rim pa gnyis kyi ting nge 'dzin dang ma bral bas rgyal ba'i sras kyi spyod pa rlabs po che'i rjes su slob snyam pas smon 'jug gi sems bskyed pa gsal thob la 'di'i rjes zlos/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__tshogs kyi zhing khyad par can de dag gi spyan sngar/__bdag sogs sems can thams cad kyi lus zhing gi rdul snyed sprul nas sgo gsum gus pa chen po'i phyag 'tshal zhing*/__kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/__sdig ltung gi byas bsags la 'gyod pa'i sems kyis bshags sdom dang*/__tshogs gnyis kyi dge spyod la rjes su yi rang ba/__zab rgyas chos kyi 'khor lo bskor bar bskul ba dang*/__mya ngan las mi 'da' bar bzhugs par gsol zhing dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos rjes zlos/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__dbang gi ye shes skye brtan gong 'phel du 'gyur ba la rgyud rnam par dag cing sdom pa dang ldan dgos pas/__tshogs zhing de rnams dpang por byas te phyi so so thar pa'i sdom pa/__nang byang chub sems kyi bslab pa/__gsang ba bla med rdo rje theg pa'i dam tshig rnams legs par blangs nas tshul bzhin bsrung snyam pas 'di'i rjes zlos mdzod/__rtsa gsum dkyil 'khor lha tshogs dang :__rdo rje slob dpon dgongs su gsol:__rig pa 'dzin pa bdag gis ni:__deng nas byang chub snying po'i bar:__so sor thar dang byang chub sems:__rig 'dzin nang gi sdom pa'i tshogs:__ma lus yongs su bzung bar bgyi:__lan gsum/__de nas dbang gi gzhi 'god pa la ye shes pa dbab pa la sgo gsum gyi gnad gcun la thugs dmigs 'di bzhin mdzod/__slob dpon gyi thugs ka nas 'phros pa'i 'od zer gyis khyed rang phung khams skye mched kyis mtshon pa'i snod bcud thams cad gyi snang zhen dbyings su sbyangs/__stong pa'i ngang las chos dbyings lhun rdzogs bde chen stug po bkod pa'i zhing khams phun sum tshogs pa'i dbus su rma byas btegs pa'i rin po che'i khri dang pad zla'i steng du khyed rang rnams skad cig gis hrIH yig yongs su gyur pa las de bzhin gshegs pa thams cad kyi gsung gi bdag nyid ma hA gu ru pad+ma thod phreng rtsal sku mdog dmar gsal gzhon chags lang tshos dgyes 'dzum khro sgeg pa'i nyams 'gyur can gyi mtshan dpe rab tu rgyas pa/__zhal gcig spyan gsum phyag g.yas pas pad+ma dmar po thugs kar gtod cing g.yon des yu ba byas pa'i dril bu 'dzin te yum la 'khyud pa/__zhabs rdo rje'i skyil krung gis bzhugs shing dar dang rin po che'i rgyan chas yongs su rdzogs pa'i yum gos dkar ma dmar mo pad+ma dang dril bu 'dzin pa gnyis med mnyam par sbyor ba'i ye shes bde ba chen po'i gzi 'od nyi ma 'bum ltar rgyas pa'i klong du dbang gi las mdzad rtsa gsum rab 'byams spro bsdu'i sgyu 'phrul bsam mi khyab pa'i bdag nyid chen por gsal ba'i gnas gsum rdo rje gsum gyi yi ges mtshan pa dang*/__slob dpon dkyil 'khor gyi mnga' bdag ma hA gu ru pad+ma thod phreng dngos su gsal ba'i mos gus drag tu bskyed pas/__bla ma'i thugs ka nas rdo rje'i ye shes 'gugs pa'i 'od zer lcags kyu'i rdul phran grangs med pa shar gyi 'phros/__chos dbyings rgyas par bkang ba'i sangs rgyas kyi zhing rab 'byams rnams dang*/__khyad par lho nub pad+ma 'od kyi gzhal yas khang chen po sgyu 'phrul bkod pa'i rol mo bsam gyi mi khyab par snang ba'i bla ma sku gsum gyi lha tshogs rnams la phog__/thugs dam chen po'i dgongs pa bskul/__thugs rje chen po'i rtsal bskyed de skad cig gis nam mkha'i khyon gang bar spyan drangs nas/__khyed rang rnams la sib sib thim pas rgyud byin gyis brlab pa'i nges shes bskyed cig__/ye shes 'bebs rdzas spos dang thod rngas dbyangs snyan rol mo gdung shugs kyis bskul la/__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__bde gshegs kun 'dus pad+ma thod phreng rtsal:__mos pa'i gnas 'dir gdung bas spyan 'dren na:__rab 'byams rtsa gsum rgya mtsho'i 'khor dang bcas:__thugs rjes byin gyis brlab phyir gshegs nas kyang :__rnal 'byor sgo gsum rdo rje'i dbang bskur la:__mchog dang thun mong dngos grub ma lus stsol:__oM AHhU~M pad+ma thod phreng rtsal badz+ra sa ma ya dzaH__sid+d+hi pha la hU~M AHdz+nyA na A be sha ya A AH__hU~M hU~M hU~M:__zhes drag tu brjod pas dbab/__tiSh+Tha badz+ras brtan par bya/__de nas dbang dngos la/__spyir sku gsung thugs ye shes rdo rje'i dbang bskur ba dang*/__bye brag dbang gi las rab 'byams sgrub pa'i rno 'don me yi las kyi dbang bskur ba gnyis las/__dang po ni/__thog mar snod bcud tha mal gyi zhen rtog sbyangs phyir sku bum pa'i dbang bskur ba la/__slob dpon gyi thugs ka'i 'od zer gyis nam mkha'i dbyings su til gyi gong bu ltar sad pa'i rgyal ba sras dang bcas pas rnam pa thams cad dang ldan pa'i cho 'phrul chen pos rin po che'i bum pa rdo rje bdud rtsis chus gang ba khyed rang rnams kyi spyi bor thogs te gtor blugs kyi phrin las mthar phyin par mos shig__/rnam bum spyi bor bzhag la/__oM:__bum pa bzang po yon tan kun gyi gter:__lha tshogs 'od zhu bdud rtsi'i bcud kyis gtams:__skal ldan rigs kyi bu la dbang bskur bas:__pad+ma thod phreng sku yi dbang thob shog:__oM AHhU~M badz+ra gu ru pad+ma thod phreng rtsal kA ya a b+hi Shiny+tsa oM:__zhes dbang bskur bas bum pa'i chus lus thams cad gang las dang nyon mongs pa'i dri ma dag__/chu'i lhag ma yar lud pa las rigs kyi bdag po snang ba mtha' yas kyis dbu brgyan par gyur/__de ltar sku bum pa'i dbang bskur bas snod bcud phung khams skye mched gdan gsum sgyu 'phrul drwa ba'i lha tshogs gdod nas yin pa la yin par ngo shes pas gsal brtan dag gsum gyi snang stong sgyu ma lta bu'i ting nge 'dzin la gom pa la snang ba thams cad lha sku phyag rgya'i rim pas gdul bya'i mos pa dang mthun par don gyis shig__/de nas ngag tha mal du zhen pa sbyangs phyir gsung bzlas pa'i lung sbyin pa la/__slob dpon dang dkyil 'khor gyi lha tshogs gnyis su med pa'i thugs ka nas sngags kyi phreng ba 'phros/__zhal nas byung*/__khyed rang rnams lhar gsal ba'i zhal du zhugs/__thugs srog dwangs ma'i sa bon gyi mthar phreng ba ltar 'khod/__'od zer spro bsdus don gnyis sgrub par mos la bsnyen pa'i sngags 'di'i rjes zlos mdzod/__oM AHhU~M badz+ra ma hA gu ru pad+ma thod phreng rtsal sarba sid+d+hi hU~M:__lan gsum/__slar yang 'od zer spro bsdu'i snang grags rigs gsum lha sngags chos sku'i rol par shar bas don gnyis sgrub par mos la/__sgrub pa'i sngags 'di'i rjes zlos mdzod/__oM AHhU~M badz+ra gu ru pad+ma thod phreng rtsal badz+ra sa ma ya dza sid+d+hi pha la hU~M AH__lan gsum/__slar yang dkyil 'khor gyi lha yi thugs srog sngags las/__byung ba'i 'od zer lnga ldan 'ja' tshon lta bu'i snod bcud/__phyi nang kun tu khyab pas khams gsum brten g.yo'i legs tshogs ma lus pa dbang du 'dus pa'i phrin las lhun gyis grub pas don gnyis rdzogs par mos la las sbyor gyis sngags 'di'i rjes zlos mdzod/__oM AHhU~M badz+ra gu ru pad+ma thod phreng rtsal badz+ra sa ma ya dza sid+d+hi pha la hU~M:AH__hrI sarba wa sha~M ku ru hoH_lan gsum/__phreng ba mgrin par bzhag pas nus pa brtan par byas pa mos mdzod/__AH__sgra yi snying po bsnyen sgrub phrin las kyi:__bzlas pa'i nus rdzogs sngags kyi phreng ba yis:__skal ldan rigs kyi bu la dbang bskur bas:__pad+ma thod phreng gsung gi dbang thob shog:__oM AHhU~M badz+ra ma hA gu ru pad+ma thod phreng rtsal wA ka a b+hi Shiny+tsa AH__'di ltar sgrar grags pa thams cad rdo rje'i gsung dbyangs gzhom med ye shes 'khor lo'i sprin grags stong brjod pa dang bral ba las sgra yi tshul bsam gyis mi khyab pas 'gro ba'i don gyis shig__/de nas yid tha mal du zhen pa sbyong ba'i slad du thugs 'od gsal gyi dgongs pa ngo sprad pa ni/__me long bstan la/__me long dwangs pa la gzugs brnyan sna tshogs su shar yang*/__snang dus nyid nas dngos pos stong*/__stong bzhin du sna tshogs su snang ba ma 'gags pa bzhin/__lha sngags kyis mtshon pa'i 'khor 'das kyi chos thams cad rang sems stong pa'i rang rtsal du shar yang*/__shar dus nyid nas bden par ma grub/__ma grub bzhin du cir yang shar bas thams cad sku gsum 'du 'bral med pa zung 'jug 'od gsal 'khor yug gi dgongs pa ngo shes par gyis shig__/hU~M:__stong gsal rang rig 'dus ma byas pa'i don:__brda yi mtshon pa ye shes me long gis:__skal ldan rigs kyi bu la dbang bskur bas:__pad+ma thod phreng thugs kyi dbang thob shog:__oM AHhU~M badz+ra gu ru pad+ma thod phreng rtsal tsit+ta a b+hi Shiny+tsa hU~M:__'di ltar rtog tshogs thams cad pad+ma thod phreng rtsal gyi thugs ka dag 'od gsal zang thal kun khyab 'dus ma byas mnyam nyid chen po'i dgongs par la zlo bas 'bad med lhun gyis grub pa'i gzhan don rgya chen po gyis shig__/mthar yon tan dang phrin las yongs su rdzogs pa gtor ma la brten nas dbang bskur ba la 'dun pa 'di ltar mdzod/__gtor ma 'di nyid dbang gi las mdzad pad+ma thod phreng rtsal/__dbang chen sde bzhi/__sgo skyong dpa' bo mkha' 'gro dngos su gsal ba khyed rang gi spyi bor spyan drangs te sku yi gnas thams cad las byung ba'i 'od zer kha dog lnga ldan gyis sgo gsum la khyab pas byin rlabs ye shes chen po rgyud la stsal bar mos mdzod/__dpal gyi gtor ma gnas gsum du bzhag la/__oM A hU~M hrIH__gtor snod rang byung gzhal med khang chen por:__gtor ma'i ngo bo lha dang gnyis su med:__skal ldan rigs kyi bu la dbang bskur bas:__pad+ma thod phreng ye shes dbang thob shog:__oM AHhU~M hrI badz+ra gu ru pad+ma thod phreng rtsal kA ya wA ka tsit+ta dz+nyA na a b+hi Shiny+tsa oM AHhU~M hrIH__de khyed rang gi sgo gsum dang pad+ma thod phreng rtsal gyi sku gsung thugs gnyis su med par byin gyi rlabs shing dbang bskur ba dang*/__yon tan dang phrin las rgya mtsho'i dpal la don gnyis thams cad rtsol med du lhun gyis grub pas don byed par mos shig__mtha' rten ni/__gnyis pa dbang gi las rab 'byams sgrub pa'i rno 'don me yi las kyi dbang bskur ba la/__dbang gi las mdzad pad+ma thod phreng yab yum gyi ngo bo thabs shes dgang blugs kyi phyag rgya 'di gtad pas/__dbang byed kyi thab 'dir/__mdun bskyed dkyil 'khor gyi lha tshogs spyan drangs te sreg blug gi mchod pa phul bas thugs dam bskul nas rab 'byams dbang gi las yid bzhin du mdzad par mos mdzod/__ces mtshams sbyar te rgyas par spro na sngar ltar dbang gi sbyin sreg 'bul du gzhug__/bsdu na dgang blugs tsam gtad kyang rung bar gsungs pas de ltar na/__dgang blugs kyi phyag rgya 'di gtad pas dbang gi las rab 'byams thogs med du sgrub nus par mos mdzod/__ces byas la/__hrIH__pad+ma thod phreng yab yum ngo bo nyid:__thabs shes zung 'jug dgang blugs 'di gtad pas:__lha rnams zhal gyur sregs blugs las sbyor gyis:__rab 'byams dbang gi phrin las yongs rdzogs shog:__oM AHhU~M badz+ra gu ru pad+ma thod phreng rtsal sarba sid+d+hi hU~M:_hrIH__sarba wa shaM ku ru hoH__dbang gi las rab 'byams thogs med du sgrub phyir bde stong gnyis med dgang blugs gtad cing rno myur byin za'i las sgrub par rjes su gnang bas khams gsum skye 'gro mos pa bzhi'i dbang du byas shing mthar thug rlung sems d+hu ti'i dbyings su sdus pas don gnyis lhun gyis sgrub pa'i las la dbang thob pa la shis pa'i tshig gi glu dang bcas me tog 'thor bas mnga' gsol bar mos shig__/'gro khams rgya mtsho mos pa rnam bzhis sdud/__/'khor 'das lam gyi dwangs bcud thogs med 'gugs/__/mchog thun dngos grub yid bzhin 'grub pa yis/__/rab 'byams dbang gi las kyi bkra shis shog__/des dbang gi las mdzad pad+ma thod phreng rtsal gyi sgos sgrub kyi dbang bskur grub pa ste/__rtsa ba dang yan lag gi dam tshig gnang bkag spyi dang khyad par gu ru pad+ma thod phreng rtsal gyi lha sngags ting 'dzin la gtso bor brten pa'i dbang gi las sgrub pa'i g.yar dam bzhes pas dam tshig khas blangs pa 'di yi rjes zlos mdzod/__gtso bos ji ltar sogs dang*/__gtang rag__/lus longs spyod 'bul ba/__dge bsngo rnams spyi ltar bya phrin las rjes kyi rim pa mthar dbyung bas dge legs su bya'o/__/'ji~Xgs me~Xd chos dbyings d+hu ti'i mkhar/__/dga' bzhi mkhye~Xn brtse'i~X ye shes 'o~Xd/__/ze~Xr snang rnam bkra~X'i 'dab rgyas nas/__/brtan g.yo'i shi~Xs dgu'i dpa~Xl gyis 'byo~Xr/__/rtsa gsum 'od gsal snying thig gi pad+ma thod phreng rtsal gyi dbang las kyi sgos dbang bde stong kun dga'i glog phreng le'u tshan brgyad pa pad+ma dbang chen dgyes pa'i sdes sbyar ba'i le'u tshan no/__!__/'ji~Xgs me~Xd stobs bcu'i rtse brgya'i mtshon 'chang ba/__/kun mkhyena~X ring lugs sum brtsen khab srung bzhin/__/rjes brtse'i~X zlos gar gangs can bstan 'gro'i rgyan/__/rta yi rgyal po karma thod phreng rgyal/__/rtsa gsum 'od gsal snying thig gi drag po'i las mdzad karma thod phreng rtsal gyi sgos sgrub dang 'brel ba'i dbang la/__bdag mdun bum sgrub bcas snga ma rnams ltar btang rjes drag po'i rjes gnang tsam la ma byas kyang rung mod spros pa'i yan lag tu drag gtor gyis las rim bya bar 'dod na/__mdun bskyed dkyil 'khor gyi lho'i byang phyogs su phung shul gyi sa stegs gru bzhi pa'i steng ma tra~M mgo bo lho nub tu bstan pa'i gzugs kyi steng drag po'i 'khor lo rtsibs bzhi mthing ga__/dbus su pad nyi'i steng ral gris mtshan pa/__rtsibs bzhi thig le phyogs mdog__/bar rnams khrag mtsho/__mu khyud ljang nag steng thig le bzhi phyogs mdog tu bkod/__rdo ra me ris bskor ba rdul tshon nam ras bris bkram pa'i steng 'bru nag gi ngar phye dug khrag chang gis sbol ba'i zor gtor thog mdel gyi dbyibs can/__gtso bos sum cha las dman pa'i 'khor rang 'dra bzhi/__de las sum cha khri ba'i de rgyab bzhi bcas phyogs bzhir bkod/__bar rnams mtheb kyu khrag skong gis ltems shing thams cad kha dog nag po 'ba' zhig bya/__spro na gtso bo srin zhal phyungs legs dar gdugs mthing ga la gzhung mthun sku tsag dang nang khrol/__ba su tas brgyan/__mtshe rtsang sogs btsugs/__byang shar nas g.yas bskor gyis mtshams 'dzin/__khrag gi mchod yon/__dug chu'i zhabs bsil/__dbang po'i me tog__/tshil chen gyi bdug spos/__zhun chen gyi mar me/__mkhris sna'i dri chab/__drag po'i zhal zas/__rkang gi rol mo bcas nyer spyod mchod pas bskor/__g.yas g.yon du sman raka__/thun gtor/__gtor chung*/__sha dum/__tshogs rdzas/__ba ling rnams dang*/__lcags hom du ling+ga/__phur bu/__gser skyems kyi snod sogs 'du byas la las dkyil la dmigs te/__ma tra~M ru dra a kar+Sha ya dzaH__ma ra ya phaTaH__gtor snod ma tra~M bsgral ba'i khog pa ru:__dur khrod drag po'i bkod pa'i rab tu brjid:__de dbus gtor ma mi dmigs stong pa'i ngang :__gnam lcags 'bar ba'i 'khor lo rtsibs bzhi'i dbus:__pad nyi dregs pa bdud bzhi'i gdan steng du:__drag po'i las mdzad karma thod phreng rtsal:__ljang nag khro gtum bzod dka'i gzi brjid 'bar:__zhal gcig phyag gnyis spyan gsum dmar zlum 'khrugs:__phyag g.yas ral gri me 'bar nam mkhar gdengs:__g.yon pas thod pa khrag bkang thugs kar gtod:__las kyi gsang gos phod ka stag sham gsol:__rus pa'i rgyan ldan rang 'od yum dang 'khril:__zhabs gnyis gyad kyi dor stabs bdud dpung mnan:__drag me dmar nag 'khrugs pa'i klong na rol:__rig 'dzin drag po bye ba'i sprin phung 'phro:__rtsibs bzhir dbang chen rta mchog rigs bzhi las:__rab 'byams yi dam khro bo'i phyag rgya shar:__de yi phyogs bzhir pad nyi bam ro'i steng :__rig 'dzin drag po dpa' bo yab yum la:__gnas gsum mkha' 'grau drag mo'i tshogs kyi bskor:__kun kyang spyi mgrin thugs kar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs lnga'i cod pan 'chang :__thugs ka'i 'od kyi lha tshogs spyan drangs gyur:__hU~M hrI:__rang rig lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M:badz+ra gu ru de ba d+hA ki ni sarba dz+nyA na maN+Dal la badz+ra sa ma ya dzaH__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed gus pas brda yi phyag 'tshal lo:__a ti pU hoH__pra tits+tsha hoH__oM AHhU~M:__dngos su 'byor bshams yid kyi mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phobs:__oM AHhU~M badz+ra gu ru de ba d+hA ki nI sa pa ri wa ra ar+g+haM nas/__rU pa shab+da gan+d+he ra sa spar+she pra tIts+tsha swA hA:__ma hA su kha dz+nyA na pU dza hoH__sarba pany+tsa a mr-i ta rak+ta ba liM ta ga Na tsakra pU dza kha kha khA hi khA hi:__hU~M hrIH__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pas bstod do mchog thun dngos grub stsol:__mdun bskyed thugs kar nyi ma'i dkyil 'khor steng :__rdo rjai rtse dgu'i lte bar hU~M yig mthar:__sngags kyi phreng bas bskor las 'od zer 'phros:__tsha zhing rtsubs pa mtshon cha'i tshogs bcas 'phros:__sa gsum gdug pa'i 'byung po zil gyis mnan:__dam sri rgyal 'gong byad phur rbod gtong sogs:__mi mthun phyogs kun thal ba'i rdul bzhin brlag:__phyogs las rnam rgyal phrin las 'grub par bsam:__oM AHhU~M badz+ra ma hA gu ru karma thod phreng rtsal sarba sid+d+hi hU~M:__sarba sha trUn big+h+nAn b+hU ta pre ta pi sha tsi na b+hin+d+ha b+hin+d+ha ha na ha na pa tsa pa tsa da ha da ha dI na me ke na mA ra ya phaTaH__ces las sngags spu gri btags pa gtso bor bzla/__las sbyor dang po srung dmigs ni/__dpal chen sku las ye shes kyi:__rnam 'phrul nam mkha' gang bar spros:__phyogs mtshams steng 'og tshom bur bzhugs:__srung ba mtshams kyi las mdzad de:__gur khang drug gis gtams par gyur:__rtsa sngags mthar/__hU~M hU~M hU~M hU~M hU~M hU~M hU~M hU~M hU~M hU~M badz+ra kA bA tsi rak+Sha rak+Sha:__zhes dang*/__bzlog dmigs ni/__dpal chen lha tshogs 'khor dang bcas:__khros 'khrugs rngam pa'i gzi byin bskyed:__phyi rol zhal gzigs sngags kyi sgra:__'brug stong lta bur sgrog pa yi:__sku dang zhal las dmod pa'i mtshon:__nad mtshon dug rlang pho nya'i tshogs:__skar ltar 'khrugs shing ser ltar 'bab:__nag phyogs 'byung po sde bcas dang :__phas rgol rig sngags dmod pa'i dbal:__mi mthun 'bras bu than ltas ngan:__thams cad rang dbang med par bzlog:__dgra dang bgegs kyi steng du bab:__rtsa sbur me lces bsregs pa bzhin:__rjes shul med par brlag par bsam:__rtsa sngags mthar/__sarba sha trUn big+h+nAn mA ra ya b+h+yo b+h+yo zlog zlog b+h+yo zlog cig:__ces sbyar la bzla/__bsad dmigs ni/__dpal chen khrag 'thung dkyil 'khor lha:__drag shul khros pa'i sku ru bzhengs:__las byed pho nya mtshon cha'i char:__thog ser me rlung dang bcas spros:__dgra bgegs dgugs bstim dbab pa dang :__dbye dang mngon spyod nan tur gyis:__gdug pa can rnams dbyings su bstim:__dwangs ma bsre zhing snyigs ma bsgral:__bar ma rang la bstims byas te:__bdag phur 'ben gsum dbyer med pa:__chos nyid mnyam pa'i ngang du brdal:__rtsa sngags mthar/__sarba sha trUn big+h+nAn b+hU ta pre ta pi sha tsi na b+hin+d+ha b+hin+d+ha ha na ha na pa tsa pa tsa da ha da ha dI na me ke na mA ra ya phaTaH__zhes btags pa bzlas la thun dang zor rdzas la sngags/__de dag gi gtso bo ting nge 'dzin srung bzlog bsad pa ste zor gtor sogs bcas bshams ma grub kyang srung bzlog gi dmigs bzlas 'di dag bdag bskyed kyi rnal 'byor la sbyar bas kyang rung zhing dgos pa'i don 'grub la/__thun mthar dbyangs gsal rten snying dang*/__mchod bstod/__yig brgya/__bka' gter srung ma'i gsol bskang*/__tshogs mchod bskang bshags bcas grub pa dang*/__bzlog pa'i las rim dngos kyi thog mar thugs dam bskul ba ni/__hU~M:__chos nyid gdod nas skye ba med pa las:__snying rje chen pos skye ba'i skur bstan pa:__rtsa gsum rgyal ba ma lus 'dus pa'i dngos:__drag po'i las mdzad karma thod phreng rtsal:__gtso 'khor sprul pa bka' sdod bcas pa kun:__dus las yal yol dbri bkol mi mdzad pa:__chos dbyings ye shes gsal ba'i ngang nyid las:__thugs dam dbang gis khros 'khrugs skur bzhengs te:__gdug can dgra bgegs gtum po pham mdzad phyir:__'khor bcas tha tshig gnyan po'i dus la babs:__gsol yang mi dgongs bskul yang mi bgyid na:__thugs dam zhal bzhes dam bca' brdzun du thal:__de phyir ye shes chen po'i rtsal bskyed la:__mngon spyod dmod pa'i phrin las yongs grub mdzod:__gser skyems dang gzu dpang ni/__ra~M ya~M kha~M/__gser skyems zag pa med pa'i ye shes kyi bdud rtsi'i rgya mtsho chen por gyur/__oM AHhU~M/__rig 'dzin rtsa brgyud bla ma dam pa dang*/__/bde gshegs kun 'dus zhi khro rab 'byams lha/__khyad par karma thod phreng lha tshogs rnams/__/gser skyems bdud rtsi'i mchod pa 'di bzhes la/__/gzu dang dpang mdzod mngon spyod las la bzhengs/__/dpal mgon ma ning legs ldan sngags kyi srung*/__/dregs pa'i sde dpon sum cu yab yum sras/__/bka' nyan bran g.yog mngags bzhugs bcas pa rnams/__/gser skyems bdud rtsi'i mchod pa 'di bzhes la/__/gzu dang dpang mdzod mngon spyod las la bzhengs/__/sngags 'chang bdag gi rigs kyi srung ma dang*/__/sa phyogs 'di yi yul gzhi gnas kyi bdag__/lo zla zhag dus tshes la dbang ba'i lha/__/gser skyems bdud rtsi'i mchod pa 'di bzhes la/__gzu dang dpang mdzod mngon spyod las la bzhengs/__brub khung bskyed pa ni/__e ya~M ra~M yongs su gyur pa las drag po'i btson khang gting ring ba/__dug lnga'i rang gzugs 'byung ba lnga 'khrug cing phyi nang du gshin rje'i dmag tshogs mtshon cha sna tshogs 'dzin pa rgyob sod kyi sgra sgrogs pa 'jigs su rung ba/__de'i nang du dgra bgegs byad ma nyam thag pa'i lus can ngu 'bod lhang lhang pa zhig tu gyur/__bden stobs brjod cing 'gug pa ni/__na mo/__rig 'dzin rtsa brgyud kyi dpal ldan bla ma dam pa rnams kyi bka' bden pa dang*/__sangs rgyas kyi bka' bden pa dang*/__chos kyi bka' bden pa dang*/__dge 'dun gyi bka' bden pa dang*/__gsang sngags dang rig sngags dang gzungs sngags dang snying po dang phyag rgya dang ting nge 'dzin gyi bden pa dang*/__chos kyi gdod nas stong kyang chos can rgyu 'bras bslu+u ba med pa'i bden pa dang*/__khyad par du rtsa gsum kun 'dus drag po'i las mdzad gu ru karma thod phreng rtsal lha tshogs 'khor dang bcas pa'i bka' bden pa dang*/__bden pa chen po'i mthu la brten nas/__bstan dang 'gro ba'i spyi dgra/__khyad par du rig pa 'dzin pa bdag cag yon mchod 'khor dang bcas pa rnams la snga dgra lag gis brdar ba/__phyi dgra yid la bsam pa/__da dgra thad du 'dzugs pa'i gzugs can sdang ba'i dgra dang*/__gzugs med gnod byed bgegs kyi tshogs dang bcas pa thams cad srid pa gsum gyi khongs gar gnas gar bros kyang skad cig yud tsam la dmigs pa'i rten 'di la khug cig__/rtsa sngags mthar/__dgra bgegs byad ma gr-ih+Na gr-ih+Na:__b+han+d+ha b+han+d+ha:__A kar+Sha ya:__A kar+Sha ya:__nA sha ya:__nA sha ya:__ha ra ha ra:__mo ha ya mo ha ya/__dzaHhU~M baM hoH__zhes btags la lan gsum gyis bkug__/bsgral ba dngos ni/__las phur bsgril la/__hU~M:__karma thod phreng gsod byed pho nya che:__shin tu mi bzad yak+sha he ru ka:__phyag g.yas rno dbal gdug pa'i phur bu 'dril:__g.yon pas 'chor med lcags kyu rnon po gdengs:__dgra bgegs gnod byed gdug cing gtum pa'i tshogs:__lcags kyus zung la phur bus snying gar thob:__tshe bsod dwangs ma sgrub mchog rnams la stims:__rnam shes rdo rje sems dpa'i sras su drangs:__gzugs phung rdul phran bzhin du dum bur gtubs:__mngon spyod stobs kyi phrin las yongs rdzogs mdzod:__oM AHhU~M badz+ra ma hA gu ru karma thod phreng rtsal sarba sid+d+hi hU~M:___badz+ra yak+sha kI li kI la ya sarba duSh+tan A yur puN+ye dzaHb+h+rU~M nr-i tri bin+d+ha a phaTaH__b+hin+d+ha b+hin+d+ha mA ra ya rbad:__zhes tshe khrus kyi dgongs pa dang ldan pas phur pa btab/__slar phur rtse las thun rdzas sna tshogs kyi char 'bebs par bsam la/__eH__khro rgyal 'dus pa yungs kar thogs:__ma mo khrag gi rba rlabs 'khrugs:__klu bdud dug gi kha chu 'bebs:__thibs gnon gdug pa rdo rje'i mtshe:__gza' rgod mig dmar gzer mda' 'phen:__gshin rje srog gcod zangs lcags char:__mtshon cha sna tshogs rdo yi thun:__'bebs pa zil gnon sprul pas 'bebs:__'ben ni dgra dang bgegs la bcas:__nyams pa'i lus sems rdul du rlog:__ces dang*/__rdo rje phur pa kI la ya:__btab pas 'khor 'das mtha' gnyis bsgral:__dgra bgegs steng du phur thun ya:__rtsa sngags kyi mthar:__e myag ya rngubs mug shag ka dun:__dgra bo'i srog la hrIng hur thum dza rtsa khrag snying thum ril ra~M shag rbad:__srog thum ril dza rtsa khrag hur ra~M:__snying thun rbad srog la mA ra b+h+yo:__zhes drag tu brjod la phur bu bsgril zhing thun brdeg__mthar phur pa 'od du zhu hU~M yig tu gyur pa bdag la thim pas mthu rtsal dang ldan par gyur:__ral gris gtub la/__zor gtor du ling ro phul la/__hU~M:__karma thod phreng lha tshogs zhal phyes shig:__dgra bgegs 'byung po bsgral ba'i sha khrag rus:__bde chen rdo rje'i longs spyod chen por bzhes:__dug gsum rtsad nas gcod pa'i phrin las mdzod:__sarba sha trUn big+h+nAn ma hA mA~M sa rak+ta kiM ni ri ti kha kha khA hi khA hi:__tshogs la rol zhing*/__lhag ma btang la bzlog pa'i phrin las dngos ni/__gtor chung*/__ling ro/__sha dum/__khrag skyems sogs zor du 'bul bzhin pas/__hU~M:__gtum chen dus mtha'i me ltar rab 'bar ba'i:__mngon spyod drag shul rol pa'i dkyil 'khor nas:__rtsa gsum rgyal ba ma lus 'dus pa'i dngos:__drag po'i las mdzad karma thod phreng rtsal:__gtso 'khor sprul par bcas pa dbyings nas bzhengs:__dgra bgegs sha khrag rus pa'i gtor ma bzhes:__khros 'khrugs rngams pa 'bar ba'i shugs bskyed la:__rnal 'byor bdag cag yon mchod 'khor bcas kyi:__gzung 'dzin 'khrul pa'i gzhan dbang las byung ba'i:__lus kyi bzhi brgya rtsa bzhi'i nad kun zlog:__sems kyi 'khrul snang dngos zhen sdug bsngal zlog:__byad ka phur kha byol kha rbod gtong zlog:__gzugs can dgra yi 'tshe ba thams cad zlog:__gzugs med lha 'dre'i cho 'phrul bar chad zlog:__sa chu me rlung 'byung bzhi dgrar langs zlog:__'jigs pa chen po brgyad dang bcu drug zlog:__mtha' dmag dus 'khrugs bstan la 'tshe ba zlog:__phyi nang rtsod 'dzings 'gro ba'i rkyen ngan zlog:__glo bur keg sri bar chad thams cad zlog:__bzlog go drag po zor gyi gtor mas zlog:__bsgyur ro mi mthun dgra bgegs steng du bsgyur:__bzlog sgyur bcol ba'i phrin las 'grub par mdzod:__sarba sha trUn big+h+nAn ma ra ya b+h+yo b+h+yo zlog zlog b+h+yo zlog cigaH__cung zad rgyas par spro na/__hU~M:__gtum chen dus mtha'i me ltar rab 'bar ba'i:__mngon spyod drag shul rol pa'i dkyil 'khor nas:__zhi ba'i las mdzad badz+ra ha ya gr-i:__gtso 'khor sprul par bcas pa dbyings nas bzhengs:__dgra bgegs sha khrag rus pa'i gtor ma bzhes:__sogs bzlog byang sbyar/__de'i 'gres te/__hU~M:__gtum chen dus mtha'i me ltar rab 'bar ba'i:__mngon spyod drag shul rol pa'i dkyil 'khor nas:__rgyas pa'i las mdzad rat+na ha ya gr-i:__gtso 'khor sprul par bcas pa dbyings nas bzhengs:__dgra bgegs sha khrag rus pa'i gtor ma bzhes:__sogs/__hU~M:__gtum chen dus mtha'i me ltar rab 'bar ba'i:__mngon spyod drag shul rol pa'i dkyil 'khor nas:__dbang gi las mdzad pad+ma ha ya gr-i:__gtso 'khor sprul par bcas pa dbyings nas bzhengs:__dgra bgegs sha khrag rus pa'i gtor ma zhes:__sogs=__hU~M:__gtum chen dus mtha'i me ltar rab 'bar ba'i:__mngon spyod drag shul rol pa'i dkyil 'khor nas:__drag po'i las mdzad karma ha ya gr-i:__gtso 'khor sprul par bcas pa dbyings nas bzhengs:__dgra bgegs sha khrag rus pa'i gtor ma bzhes:__sogs=__hU~M:__gtum chen dus mtha'i me ltar rab 'bar ba'i:__mngon spyod drag shul rol pa'i sgo bzhi nas:__tshad med phrin las rigs bzhi'i dpa' bo yum:__dgra bgegs sha khrag rus pa'i gtor ma bzhes:__sogs=__bzlog byang kun rdzogs pa'i mthar bzlog sngags cung zad bzlas la/__dkyil 'khor lha tshogs thams cad kun:__khros 'khrugs rngams pa'i gzi byin bskyed:__'od zer sprul pas stong gsum gang :__mi mthun rdul du brlag par bsam:__zhes dmigs bzlog pa zhag grangs byed na 'di nas zor bskul gyis thun gtor 'bul zhing*/__chad brtan sogs rjes rim rnams bya/__nyin tha ma'i mthar zor dkyil la mchod bstod dang yig brgyas nongs pa bshags/__hU~M phaT dzaH__mdun bskyed ye shes kyi 'khor lo nam mkha'i dbyings su bzhugs dam tshig pa bdag la thim/__slar yang gtor chen zor rdzas dang bcas pa skad cig gis drag po'i las mdzad karma thod phreng rtsal dregs pa lha srin sde brgyad kyi dmag tshogs khro gtum 'jigs pa'i gzugs can srid gsum gang ba nad mtshon dug gi char 'bebs pas dgra bo sgrol ba'i las la rngams par gyur/__ces dmigs la/__oM AHhU~M badz+ra ma hA gu ru karma thod phreng rtsal sarba sid+d+hi hU~M:__sarba sha trUn big+h+nAn b+hu ta pri ta pi sha tsa na b+hin+d+ha b+hin+d+ha ha na ha na pa tsa pa tsa da ha da ha dI na me ke na mA ra ya phaTaH__ces cung zad bzla/__dmar gtor sha khrag dang bcas pa la dgra bgegs 'gugs bstim bya/__rtsa sngags gsham du gtor sngags btags pa lan gsum gyis 'bul/__hU~M b+h+yo:__chos kyi dbyings nas rang byung grub pa'i lha:__phrin las rol pa'i dur khrod chen po nas:__shin tu mi bzad rab 'jigs skur ston pa:__khrag 'thung yongs rdzogs drag po'i phrin las mdzod:__zor lam bsal zhing sgo dbye ba ni/__hU~M:__phyogs bzhi mtshams brgyad steng 'og na:__gnas pa'i snang srid lha 'dre'i tshogs:__gser skyems mchod pa 'di bzhes la:__rig 'dzin bdag gi bka' la nyon:__dmar chen drag po'i gtor zor 'di:__lha srin tshogs la 'phen snyam ste:__dkar po'i phyogs la mi 'phen no:__khyed rnams rang rang gnas la gshegs:__hU~M:__rnal 'byor zor 'phen gang du 'phen:__sdang dgra gnod bgegs phyogs su 'phen:___phyogs der gnas pa'i gzhi bdag rnams:__sku bzur dbu smad zhabs sdus la:__do nub zor gyi zor lam phyes:__'khor bcas drag po'i dmag sna drongs:__sdang dgra gnod bgegs phyogs su khyer:__dpa' bo'i 'khrul 'khor der shoms shig:__ces bskul zhing gser skyems 'phen phyogs su mchod/__las byang gi chad tho bsgrags la gtor ma zor nang 'bul/__hU~M:__karma thod phreng dkyil 'khor lha tshogs rnams:__ma g.yel ma g.yel thugs dam dus la bab:__gtor zor nad mtshon dug gi char chen po:__rnal 'byor bdag cag yon mchod 'khor bcas kyi:__byang chub sgrub la bar du gcod byed pa'i:__sdang dgra gnod bgegs byad ma'i steng du phob:__gsang ba'i dgra gsum ka dag dbyings su sod:__'jigs pa'i bdud bzhi 'od gsal phyag rgyas thob:__bar chad 'phrang gsum ye shes ral gris chod:__chags che nyam nga mi mthun phyogs kun zlog:__dgra dpung thul la bgegs dpung rtsad nas chod:__mngon spyod dmod pa'i phrin las yongs rdzogs mdzod:__oM AHhU~M badz+ra ma hA gu ru karma thod phreng rtsal sarba sid+d+hi hU~M:__sarba sha trUn big+h+nAn b+hu ta pri ta pi sha tsa na b+hin+d+ha b+hin+d+ha ha na ha na pa tsa pa tsa da ha da ha dI na me ke na mA ra ya phaTaH__zor rdzas dug mtshon char phab pa'i:__rjes su ye shes khro bo'i tshogs:__dpung dang bcas pa rab tu chas:__dgra dpung bdun brgyud rtsad nas bcad:__bgegs dpung thal bar brlag par bsam:__bzlog sngags bzla zhing thal rdeb bya/__srung 'khor sgom/__sgo drung phyin la brtan ma/__rta bro bya/__nang du phyin nas zor dkyil la mchod bstod nong bshags dngos grub blang ba rten bzhugs/__bsdu ldang dge bsngo shis brjod bcas byas pas grub pa'o/__/gtor bzlog dang dbang gi me mchod gnyis mtha' gcig tu dbang la dgos nges med kyang 'jug pa bde bas nyer mkho'i ched zhar byung bklag chog tu bsdebs pa'o/__/zor las dang 'brel ba'i dbang byed na bzlog pa'i rjes dbang bskur te zor 'phen pa sogs dbang gi skabs su bya dgos la/__dbang skabs lo rgyus kyi khyad par/__de la 'dir dpal o rgyan chos kyi rgyal po nyid chos sku'i sangs rgyas thams cad kyi dgongs klong gcig tu 'khyil ba'i bdag nyid chen po pad+ma kun tu 'chang*/__longs sku'i sangs rgyas thams cad kyi sku dang ye shes rgya mtsho'i spro bsdus byed por dbang bskur ba gzi brjid tshe 'od dpag med/__sprul sku'i sangs rgyas thams cad kyi rmu rgod gdul dka' nyon mongs rags shing sdug bsngal che ba'i yid can 'dul ba'i snying rje dang thugs bskyed smon lam gyi go cha la sangs rgyas kun las khyad par 'phags pa ston pa rdzogs pa'i sangs rgyas shAkya'i rgyal po nyid slar yang sngags kyi ston pa rdo rje slob dpon gyi skur bzhengs pa pad+ma 'byung gnas te/__rgyal ba'i rnam 'phrul dang spyod yul bsam gyis mi khyab pa sprul gzhi nub phyogs bde ldan zhing du bkra shis 'o ma'i rgya mtshor gu ru nyid kyi thugs ye shes lnga yi rang mdangs/__gu ru thod phreng sde lnga'i bkod pas zhi rgyas dbang drag mchog gi phrin las mthar phyin par mdzad pa las/__'dir drag po'i las mdzad karma thod phreng rtsal gyi sgos sgrub rtsa gsum 'od gsal snying thig gi chos sde las byon pa'i dbang bskur bgyi ba ste/__mngon spyod drag po'i las ni sangs rgyas kyi phrin las kun las ngo mtshar khyad du 'phags pa ste/__drag po mchog gi las ni/__gdul bya sems can gyi nyon mongs ji tsam rags bzhin sangs rgyas kyi phrin las de tsam myur zhing stobs che ba chos nyid yin pas/__snyigs dus sems can rnams rgyu nyon mongs dug gsum 'bras bu nad mtshon dug gi dbal tsha ba la ched du bsngags pa'i gnyen po ni/__gsang sngags bla med kyi rgyud de/__sngon dug gsum rang rgyud du spyod pa'i ru tra sde gsum byung ba dpal chen po'i ye shes kyi rol pas thabs kyi che ba sbyor sgrol gyi mdzad pas btul ba sngags gsar rnying gi rgyud sde thams cad kyi gleng gzhi las 'byung zhing*/__khyad par sangs rgyas gnyis pa slob dpon chen po ni phrin las kyi gtso bo dbang drag gi bka' babs pa ltar mdzad pa'i rten 'byung gis/__brgyud 'dzin rig 'dzin grub thob sprul pa'i gter ston thams cad kyang*/__mngon spyod dmod pa'i stobs rtsal 'chang bas gnubs chen sangs rgyas ye shes kyis sdigs mdzub kyis thog phab pas sdig spyod rgyal po glang dar dpa' bkong ba dang*/__gsang bdag zur pa mes dbon gyi bsad gso'i brtul zhugs grub pa ltar yin la/__khyad par gu ru rin po che nyid nges pa'i don du sangs rgyas kun gyi spyi gzugs su gyur cing*/__rnam pa tsam du yang phrin las kyi rigs khro rgyal rdo rje phur pa la brten nas bod kyi lha srin dam la bzhag pa dang*/__phyag rgya chen po'i rig 'dzin sgrub pa'i sa lam gyi bar chad brtul ba'i thugs dam gyi lha'i tshul du sgrub par mdzad pas rdo rje thod phreng rtsal nyid dkyil 'khor gyi lhar brten nas mngon spyod kyi las sgrub pa'i 'grub thag nye zhing zab la myur bas na 'dir drag po'i las mdzad karma thod phreng la brten pa'i mngon spyod dmod pa'i rjes gnang sgrub pa la thog mar smin byed zab mo zhu ba'i don du maN+Dal phul/__bla ma dang drag po'i las mdzad karma thod phreng tha mi dad pa'i spyan sngar snyims pa me tog dang bcas pa'i thal mo sbyor la gsol ba 'debs pa 'di'i rjes zlos lan gsum mdzod/__hoH__dkyil 'khor gtso bo rigs kun bdag:__thugs rje'i gter chen slob dpon gyis:__drag mdzad karma thod phreng gi:__smin grol dbang mchog stsal du gsol:__lan gsum/__de nas thog mar rgyud rnam par dag par bya ba'i slad du/__skyabs kyi yul mdun gyi nam mkhar drag mdzad karma thod phreng rig 'dzin sgyu 'phrul drwa ba'i dkyil 'khor la rtsa gsum rgyal ba sras dang bcas pas bskor te sprin gtibs pa bzhin bzhugs pa la/__skyabs bya bdag gzhan mkha' khyab kyi yid can mtha' dag skyabs su 'gro tshul sgo gsum 'jug pa gcig pas/__skyabs 'gro'i rgyu deng nas byang chub ma thob bar 'khor ba dang ngan song gi sdug bsngal las sgrol te thar pa dang thams cad mkhyen pa'i go 'phang la 'god par ci mdzad khyed mkhyen blo gtad ling skyur gyis skyabs su 'gro ba'i 'dun pas 'di'i rjes zlos/__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__thog med dus nas pha mar gyur pa'i mkha' khyab kyi sems can thams cad srid zhi'i mtha' gnyis las 'das pa sku gsum bla ma'i go 'phang la bde myur gyis 'god par bya/__de'i phyir du bla na med pa'i dkyil 'khor gnyan po 'dir 'jug cing dbang gis rgyud smin par byas nas lam rim pa gnyis kyi ting nge 'dzin dang ma bral bas rgyal ba'i sras kyi spyod pa rlabs po che'i rjes su slob snyam pas smon 'jug gi sems bskyed pa gsal thob la 'di'i rjes zlos/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__tshogs kyi zhing khyad par can de dag gi spyan sngar/__bdag sogs sems can thams cad kyi lus zhing gi rdul snyed du sprul nas sgo gsum gus pa chen po'i phyag 'tshal zhing*/__kun tu bzang po'i rnam par thar pa las byung ba'i mchod pa'i sprin rgya mtshos mchod pa dang*/__sdig ltung gi byas bsags la 'gyod pa'i sems kyis bshags sdom dang*/__tshogs gnyis kyi dge spyod la rjes su yi rang ba/__zab rgyas chos kyi 'khor lo bskor bar bskul ba dang*/__mya ngan las mi 'da' bar bzhugs par gsol zhing dge rtsa byang chub chen por yongs su bsngo ba bcas bdun rnam dag tshul bzhin bgyi ba'i blos rjes zlos/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__dbang gi ye shes skye brtan gong 'phel du 'gyur ba la rgyud rnam par dag cing sdom pa dang ldan dgos pas/__tshogs zhing de rnams dpang por byas te phyi so so thar pa'i sdom pa/__nang byang chub sems kyi bslab pa/__gsang ba bla med rdo rje theg pa'i dam tshig rnams legs par blangs nas tshul bzhin bsrung snyam pas 'di'i rjes zlos mdzod/__rtsa gsum dkyil 'khor lha tshogs dang :__rdo rje slob dpon dgongs su gsol:__rig pa 'dzin pa bdag gis ni:__deng nas byang chub snying po'i bar:__so sor thar dang byang chub sems:__rig 'dzin nang gi sdom pa'i tshogs:__ma lus yongs su bzung bar bgyi:__lan gsum/__de nas dbang gi gzhi 'god pa la ye shes pa dbab pa la sgo gsum gyi gnad gcun la thugs dmigs 'di bzhin mdzod/__slob dpon gyi thugs ka nas 'phros pa'i 'od zer gyis khyed rang phung khams skye mched kyis mtshon pa'i snod bcud thams cad gyi snang zhen dbyings su sbyangs/__stong pa'i ngang las chos dbyings lhun rdzogs bde chen stug po bkod pa'i zhing khams phun sum tshogs pa'i dbus su shang shang gis btegs pa'i rin po che'i khri dang pad zla'i steng du khyed rang rnams skad cig gis AH yig yongs su gyur pa las de bzhin gshegs pa thams cad kyi phrin las kyi bdag nyid ma hA gu ru karma thod phreng rtsal sku mdog ljang gsal rngams shing khros pa'i nyams 'gyur can gyi mtshan dpe rab tu rgyas pa/__zhal gcig spyan gsum phyag g.yas pas sna tshogs rdo rje thugs kar gtod cing g.yon des yu ba byas pa'i dril bu 'dzin te yum la 'khyud pa/__zhabs rdo rje'i skyil krung gis bzhugs shing dar dang rin po che'i rgyan chas yongs su rdzogs pa'i yum dam tshig sgrol ma ljang gu sna tshogs rdo rje dang dril bu 'dzin pa gnyis med mnyam par sbyor ba'i ye shes bde ba chen po'i gzi 'od nyi ma 'bum ltar rgyas pa'i klong du drag po'i las mdzad rtsa gsum rab 'byams spro bsdu'i sgyu 'phrul bsam mi khyab pa'i bdag nyid chen por gsal ba'i gnas gsum rdo rje gsum gyi yi ges mtshan pa dang*/__slob dpon dkyil 'khor gyi mnga' bdag ma hA gu ru karma thod phreng dngos su gsal ba'i mos gus drag tu bskyed pas/__bla ma'i thugs ka nas rdo rje'i ye shes 'gugs pa'i 'od zer lcags kyu'i rdul phran grangs med pa shar gyi 'phros/__chos dbyings rgyas par bkang ba'i sangs rgyas kyi zhing rab 'byams rnams dang*/__khyad par lho nub pad+ma 'od kyi gzhal yas khang chen po sgyu 'phrul bkod pa'i rol mo bsam gyi mi khyab par snang ba'i bla ma sku gsum gyi lha tshogs rnams la phog__/thugs dam chen po'i dgongs pa bskul/__thugs rje chen po'i rtsal bskyed de skad cig gis nam mkha'i khyon gang bar spyan drangs nas/__khyed rang rnams la sib sib thim pas rgyud byin gyis brlab pa'i nges shes bskyed cig__/ye shes 'bebs rdzas spos dang thod rngas dbyangs snyan rol mo gdung shugs kyis bskul la/__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__bde gshegs kun 'dus karma thod phreng rtsal:__mos pa'i gnas 'dir gdung bas spyan 'dren na:__rab 'byams rtsa gsum rgya mtsho'i 'khor dang bcas:__thugs rjes byin gyis brlab phyir gshegs nas kyang :__rnal 'byor sgo gsum rdo rje'i dbang bskur la:__mchog dang thun mong dngos grub ma lus stsol:__oM AHhU~M karma thod phreng rtsal badz+ra sa ma ya dzaH__sid+d+hi pha la hU~M AHdz+nyA na A be sha ya A AH__hU~M hU~M hU~M:__zhes drag tu brjod pas dbab/__tiSh+Tha badz+ras brtan par bya/__de nas dbang dngos la/__spyir sku gsung thugs ye shes rdo rje'i dbang bskur ba dang*/__bye brag drag po'i las rab 'byams sgrub pa'i zor chen gtor ma'i dbang bskur ba gnyis las/__dang po ni/__thog mar snod bcud tha mal gyi zhen rtog sbyangs phyir sku bum pa'i dbang bskur ba la/__slob dpon gyi thugs ka'i 'od zer gyis nam mkha'i dbyings su til gyi gong bu ltar sad pa'i rgyal ba sras dang bcas pas rnam pa thams cad dang ldan pa'i cho 'phrul chen pos rin po che'i bum pa rdo rje bdud rtsis chus gang ba khyed rang rnams kyi spyi bor thogs te gtor blugs kyi phrin las mthar phyin par mos shig__/rnam bum spyi bor bzhag la/__oM:__bum pa bzang po yon tan kun gyi gter:__lha tshogs 'od zhu bdud rtsi'i bcud kyis gtams:__skal ldan rigs kyi bu la dbang bskur bas:__karma thod phreng sku yi dbang thob shog:__oM AHhU~M badz+ra gu ru karma thod phreng rtsal kA ya a b+hi Shiny+tsa oM:__zhes dbang bskur bas bum pa'i chus lus thams cad gang las dang nyon mongs pa'i dri ma dag__/chu'i lhag ma yar lud pa las rigs kyi bdag po don yod grub pas dbu brgyan par gyur/__de ltar sku bum pa'i dbang bskur bas snod bcud phung khams skye mched gdan gsum sgyu 'phrul drwa ba'i lha tshogs gdod nas yin pa la yin par ngo shes pas gsal brtan dag gsum gyi snang stong sgyu ma lta bu'i ting nge 'dzin la gom pa la snang ba thams cad lha sku phyag rgya'i rim pas gdul bya'i mos pa dang mthun par don gyis shig__/de nas ngag tha mal du zhen pa sbyangs phyir gsung bzlas pa'i lung sbyin pa la/__slob dpon dang dkyil 'khor gyi lha tshogs gnyis su med pa'i thugs ka nas sngags kyi phreng ba 'phros/__zhal nas byung*/__khyed rang rnams lhar gsal ba'i zhal du zhugs/__thugs srog dwangs ma'i sa bon gyi mthar phreng ba ltar 'khod/__'od zer spro bsdus don gnyis sgrub par mos la bsnyen pa'i sngags 'di'i rjes zlos mdzod/__oM AHhU~M badz+ra ma hA gu ru karma thod phreng rtsal sarba sid+d+hi hU~M:__lan gsum/__slar yang 'od zer spro bsdu'i snang grags rigs gsum lha sngags chos sku'i rol par shar bas don gnyis sgrub par mos la/__sgrub pa'i sngags 'di'i rjes zlos mdzod/__oM AHhU~M badz+ra gu ru karma thod phreng rtsal badz+ra sa ma ya dza sid+d+hi pha la hU~M AH__lan gsum/__slar yang dkyil 'khor gyi lha yi thugs srog sngags las/__byung ba'i 'od zer lnga ldan 'ja' tshon lta bu'i snod bcud/__phyi nang kun tu khyab pas dgra bgegs bdud bzhi tshar gcod pa drag po'i phrin las lhun gyi grub pas don gnyis rdzogs par mos la las sbyor gyis sngags 'di'i rjes zlos mdzod/__oM AHhU~M badz+ra gu ru karma thod phreng rtsal badz+ra sa ma ya dza sid+d+hi pha la hU~M AH__aHsarba mA ra ya phaTaH__lan gsum/__phreng ba mgrin par bzhag pas nus pa brtan par byas pa mos mdzod/__AH__sgra yi snying po bsnyen sgrub phrin las kyi:__bzlas pa'i nus rdzogs sngags kyi phreng ba yis:__skal ldan rigs kyi bu la dbang bskur bas:__karma thod phreng gsung gi dbang thob shog:__oM AHhU~M badz+ra ma hA gu ru karma thod phreng rtsal wA ka a b+hi Shiny+tsa AH__'di ltar sgrar grags pa thams cad rdo rje'i gsung dbyangs gzhom med ye shes 'khor lo'i sprin grags stong brjod pa dang bral ba las sgra yi tshul bsam gyis mi khyab pas 'gro ba'i don gyis shig__/de nas yid tha mal du zhen pa sbyong ba'i slad du thugs 'od gsal gyi dgongs pa ngo sprad pa ni/__me long bstan la/__me long dwangs pa la gzugs brnyan sna tshogs su shar yang*/__snang dus nyid nas dngos pos stong*/__stong bzhin du sna tshogs su snang ba ma 'gags pa bzhin/__lha sngags kyis mtshon pa'i 'khor 'das kyi chos thams cad rang sems stong pa'i rang rtsal du shar yang*/__shar dus nyid nas bden par ma grub/__ma grub bzhin du cir yang shar bas thams cad sku gsum 'du 'bral med pa zung 'jug 'od gsal 'khor yug gi dgongs pa ngo shes par gyis shig__hU~M:__stong gsal rang rig 'dus ma byas pa'i don:__brda yi mtshon pa ye shes me long gis:__skal ldan rigs kyi bu la dbang bskur bas:__karma thod phreng thugs kyi dbang thob shog:__oM AHhU~M badz+ra gu ru karma thod phreng rtsal tsit+ta a b+hi Shiny+tsa hU~M:__'di ltar rtog tshogs thams cad karma thod phreng rtsal gyi thugs ka dag 'od gsal zang thal kun khyab 'dus ma byas mnyam nyid chen po'i dgongs par la zlo bas 'bad med lhun gyis grub pa'i gzhan don rgya chen po gyis shig__/mthar yon tan dang phrin las yongs su rdzogs pa gtor ma la brten nas dbang bskur ba la 'dun pa 'di ltar mdzod/__gtor ma 'di nyid drag po'i las mdzad karma thod phreng rtsal/__dbang chen sde bzhi/__sgo skyong dpa' bo mkha' 'gro dngos su gsal ba khyed rang gi spyi bor spyan drangs te sku yi gnas thams cad las byung ba'i 'od zer kha dog lnga ldan gyis sgo gsum la khyab pas byin rlabs ye shes chen po rgyud la stsal bar mos mdzod/__dpal gyi gtor ma gnas gsum du bzhag la/__oM A hU~M hrIH__gtor snod rang byung gzhal med khang chen por:__gtor ma'i ngo bo lha dang gnyis su med:__skal ldan rigs kyi bu la dbang bskur bas:__karma thod phreng ye shes dbang thob shog:__oM AHhU~M hrI badz+ra gu ru karma thod phreng rtsal kA ya wA ka tsit+ta dz+nyA na a b+hi Shiny+tsa oM AHhU~M hrIH__de khyed rang gi sgo gsum dang karma thod phreng rtsal gyi sku gsung thugs gnyis su med par byin gyi rlabs shing dbang bskur ba dang*/__yon tan dang phrin las rgya mtsho'i dpal la don gnyis thams cad rtsol med du lhun gyis grub pas don byed par mos shig_mtha' rten/__gnyis pa drag po'i las rab 'byams sgrub pa'i zor chen gtor ma'i dbang bskur ba la/__mdun gyi gtor ma drag po'i las mdzad karma thod phreng rtsal gyi sku 'di ltar gsal thob mdzod/__/ces brda sbyar/__spros pa dang 'brel na rnga rol dang bcas te/__ma tra~M ru dra a kar+Sha ya dzaH__ma ra ya phaTaH__gtor snod ma tra~M bsgral ba'i khog pa ru:__dur khrod drag po'i bkod pa'i rab tu brjid:__de dbus gtor ma mi dmigs stong pa'i ngang :__gnam lcags 'bar ba'i 'khor lo rtsibs bzhi'i dbus:__pad nyi dregs pa bdud bzhi'i gdan steng du:__drag po'i las mdzad karma thod phreng rtsal:__ljang nag khro gtum bzod dka'i gzi brjid 'bar:__zhal gcig phyag gnyis spyan gsum dmar zlum 'khrugs:__phyag g.yas ral gri me 'bar nam mkhar gdengs:__g.yon pas thod pa khrag bkang thugs kar gtod:__las kyi gsang gos phod ka stag sham gsol:__rus pa'i rgyan ldan rang 'od yum dang 'khril:__zhabs gnyis gyad kyi dor stabs bdud dpung mnan:__drag me dmar nag 'khrugs pa'i klong na rol:__rig 'dzin drag po bye ba'i sprin phung 'phro:__rtsibs bzhir dbang chen rta mchog rigs bzhi las:__rab 'byams yi dam khro bo'i phyag rgya shar:__de yi phyogs bzhir pad nyi bam ro'i steng :__rig 'dzin drag po dpa' bo yab yum la:__gnas gsum mkha' 'grau drag mo'i tshogs kyi bskor:__kun kyang spyi mgrin thugs kar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs lnga'i cod pan 'chang :__thugs ka'i 'od kyi lha tshogs spyan drangs gyur:__hU~M hrI:__rang rig lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M:badz+ra gu ru de ba d+hA ki ni sarba dz+nyA na maN+Dal badz+ra sa ma ya dzaH__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed gus pas brda yi phyag 'tshal lo:__a ti pU hoH__pra tits+tsha hoH__oM AHhU~M:__dngos su 'byor bshams yid kyi mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phobs:__oM AHhU~M badz+ra gu ru de ba d+hA ki nI sa pa ri wa ra ar+g+haM nas/__rU pa shab+da gan+d+he ra sa spar+she pra tIts+tsha swA hA:__ma hA su kha dz+nyA na pU dza hoH__sarba pany+tsa a mr-i ta rak+ta ba liM ta ga Na tsakra pU dza kha kha khA hi khA hi:__hU~M hrIH__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pas bstod do mchog thun dngos grub stsol:__de nas gtor zor drag po'i las mdzad karma kI la ya'i dkyil 'khor nad mtshon dug gi thog gzer 'khrugs pa srid gsum bdud sde sgrol ba'i mtshon cha chen po 'di nyid lag tu gtad cing dbang bskur bas/__srung bzlog bsad gsum/__mnan bsregs 'phang ba/__dbyai bskrad rmongs rengs la sogs pa drag shul gyi las rab 'byams thog med du sgrub nus pa'i stobs rtsal mngon du byas par mos mdzod/__/gtor zor slob ma'i lag tu gtad la/__hU~M:__gdod nas rab 'jigs drag po'i pho brang dbus:__gtor ma karma thod phreng 'khor bcas gsal:__skal ldan rigs kyi bu la gtad pa yis:__zlog bsgyur drag po'i phrin las yongs rdzogs shog:__oM AHhU~M badz+ra ma hA gu ru karma thod phreng rtsal sarba sid+d+hi hU~M:__sarba sha trUn big+h+nAn b+hu ta pri ta pi sha tsa na b+hin+d+ha b+hin+d+ha ha na ha na pa tsa pa tsa da ha da ha dI na me ke na mA ra ya phaTaH__kun la 'grim zin pa dang rgyas par byed na/__hU~M:__karma thod phreng dkyil 'khor lha tshogs rnams:__ma g.yel ma g.yel thugs dam dus la bab:__gtor zor nad mtshon dug gi char chen po:__rnal 'byor bdag cag yon mchod 'khor bcas kyi:__byang chub sgrub la bar du gcod byed pa'i:__sdang dgra gnod bgegs byad ma'i steng du phob:__gsang ba'i dgra gsum ka dag dbyings su sod:__'jigs pa'i bdud bzhi 'od gsal phyag rgyas thob:__bar chad 'phrang gsum ye shes ral gris chod:__chags che nyam nga mi mthun phyogs kun zlog:__dgra dpung thul la bgegs dpung rtsad nas chod:__mngon spyod dmod pa'i phrin las yongs rdzogs mdzod:__oM AHhU~M badz+ra ma hA gu ru karma thod phreng rtsal sarba sid+d+hi hU~M:__sarba sha trUn big+h+nAn b+hu ta pri ta pi sha tsa na b+hin+d+ha b+hin+d+ha ha na ha na pa tsa pa tsa da ha da ha dI na me ke na mA ra ya phaTaH__slob ma'i gtso bo zhig gis gnod pa'i phyogs su 'phang bar gsungs/__des drag po mngon spyod kyi las rab 'byams sgrub pa'i dbang bskur byin gyis brlab pas lta ba'i rdzong zin/__sgom pa'i 'phrang brgal/__spyod pas srog 'phrog pa'i gsal ba gsum gyi gding thob nas byang chub lam gyi bar chad thams cad ye shes dbyings su sgrol ba'i mthu stobs thogs pa med pa mngon du gyur pa la shis pa brjod pas mnga' gsol bar mos mdzod/__/phyi ru 'tshe zhing gnod pa'i dgra dang bgegs/__/nang du 'di phyi'i legs lam 'geg pa'i gegs/__/gsang ba'i lam mchog bar du gcod pa'i bdud/__/tshar gcod drag po'i las kyi bkra shis shog__/de dag gis drag po'i las mdzad karma thod phreng rtsal gyi sgos sgrub kyi dbang bskur grub pa ste/__rtsa ba dang yan lag gi dam tshig gnang bkag spyi dang khyad par gu ru karma thod phreng rtsal gyi lha sngags ting 'dzin la gtso bor brten pa'i drag po'i las sgrub pa'i g.yar dam bzhes pas dam tshig khas blangs pa 'di yi rjes zlos mdzod/__gtso bos ji ltar sogs dang*/__gtang rag__/lus longs spyod 'bul ba/__dge bsngo rnams spyi ltar bya phrin las rjes kyi rim pa mthar dbyung bas dge legs su bya'o/__/bdud bzhi'i 'jiga~Xs brala~X mkhyena~X brtse'i~X me/__/stobs bcu'i 'o~Xd stong rab 'bar ze~Xr/__/rnam bkra~Xs dkar phyogs shisa~X dgu'i dpa~Xl/__/ci dgar 'byor pas dge legs byas/__/rtsa gsum 'od gsal snying thig gi karma thod phreng rtsal gyi drag po'i las kyi sgos dbang gnam lcags rdo rje'i thog gzer le'u tshan dgu pa bdud 'dul karma drag po'i rtsal gyis sbyar ba'o/__!__/chos dbyings khyab brdal gara~X dba~Xng thugs rje'i sprin/__/'o~Xd gsal sku dang zhing gi phan bde'i char/__/mtha' klas gdul bya'i gli~Xng du rtag 'phel mdzad/__/'gro 'dul 'phags pa'i dbang phyug bzhengs la 'dud/__/dgongs gter rtsa gsum 'od gsal snying thig gi nang sgrub bla ma longs sku thugs rje chen po pad+ma drwa ba'i dbang la spyir thun mong smin byed ye shes thig le sogs dbang bzhi ka tshul 'di'i nang sgrub/__gsang ba/__yang gsang kun chos sde gcig gi bsdebs su byon pas de thams cad la sbyar du rung bas bla ma sku gsum/__drag sgrub gang rung gcig sger du byed na de ltar bya zhing*/__'dir smin byed yongs rdzogs bsdebs gcig tu bskur ba'i dbang du byas te rtsa ba phyi sgrub sgyu 'phrul drwa ba la dbang snga ma bzhi ka yongs rdzogs rgyas par bskur bas sgo phyes te/__gzhan rnams la dbang bzhi ye shes dpal ster nyid cung zad rgyas par spros na/__dbang 'bring kha rkyang du bskur ba phyag bzhes su mdzad pa ltar 'chad pa la gsum/__sngon 'gro/__dngos gzhi/__rjes so/__sngon 'gro'i dang po sbyor ba yo byad 'du bya ba ni/__gzhung mthun dkyil 'khor steng many+dzi la rnam rgyal bum pa/__lha tsaka yongs rdzogs/__me long*/__gsang thod/__rig tsaka__/shel rdo/__sgrub skor gyi glegs bam/__dbang gtor bcas bshams la mchod pas bskor/__tshogs dang*/__bka' srung dang chad brtan gtor ma/__dkar bgegs/__las bum/__mig dar/__me tog__/mig thur/__phyag shing sogs 'og tu dgos pa'i rigs 'du byas la/__gnyis pa dbang don sgrub mchod ni/__brgyud 'debs sngon du 'gro bas nang sgrub pad+ma drwa ba'i las byang gis bdag mdun dbyer med du sgrub/__bstod pa'i mthar dzaba? khang dbye/__bzlas pa sgrub pa gtso bor bya/__bum pa la dmigs nas/__bum pa b+h+rU~M las gzhal yas khang :__mtshan nyid thams cad yongs rdzogs dbus:__'gro 'dul 'phags pa'i lha tshogs rnams:__snang stong chu zla lta bur gsal:__rang gi thugs srogs sngags phreng las:__'od zer mchod pa'i tshul du spros:__snyoms 'jug byang sems bdud rtsi yis:__bum pa yongs su gang bar mos:__zhes dmigs la bsnyen sgrub las sngags tshang bar bzla/__las bum du skad cig gis khro bo rta mgrin dmar po g.yas pad+ma'i dbyug tho dang g.yon me yi zhags pa thogs par gsal ba'i sku las rdo rje'i bdud rtsi'i rdul phra rab babs pas bum pa gang bar bsam la/__oM ha ya gr-i ba hU~M phaTaH__ces bzlas la/__hU~M zhes bskul bas las kyi khro bo dbang gi bya ba ma grub bar bar chad kyi bgegs bzlog pa'i phrin las mdzad du gsol/__zhes las bcol/__gsum pa slob dpon bdag nyid 'jug pa ni/__slob ma la ji tsam bskur ba'i dbang rnams rgyas par bdag 'jug gi tshul du len pa'am/__mi nus na rig pa'i me tog dor ba tsam gyi sgo nas 'jug cing gnang ba nod pa ni/__dkyil 'khor la mngon du phyogs pas me tog 'thor ba dang bcas/__oM badz+ra sa ma ya oM/__AHbadz+ra sa ma ya AH__hU~M badz+ra sa ma ya hU~M:__swA badz+ra sa ma ya swA:__hA badz+ra sa ma ya hA:__zhes me tog phul bas/__bdag dang dkyil 'khor pa'i sku gsung thugs yon tan phrin las rnams gnyis su med par gyur par bsam ste 'jug bya'i dkyil 'khor dang bdag gi sku gsung thugs yon tan phrin las te 'bras chos lnga po dbyer med ro gcig tu bsam pa'o/__/oM:__ye shes rgyal po sku gsung thugs/__/yon tan phrin las rmad po che/__/de nyid du ni mnyam sbyor bas/__/phyag rgya chen por bdag sbyor cig__/oM badz+ra sa ma ya hU~M/__oM badz+ra sa ma ya stA~M/__oM badz+ra sa ma ya hoH__zhes dngos grub bskul zhing bstim/__dkyil 'khor gyi lha la thal mo sbyar bas btud de/__oM:__rdo rje ye shes thob byed pa'i/__/de bzhin gshegs pa thams cad kyi/__/snying po'i dkyil 'khor chen po 'dir/__/bdag gis slob ma 'jug par 'tshal/__ces gsol ba btab pas gnang ba sbyin par bsam mo/__/gnyis pa dngos bzhi dbang bskur ba la gsum las/__dang po sngon 'gro 'jug pa'i chos la bcu gcig las/__khrus dang*/__bgegs bskrad pa bcas sngon du 'gro bas las rdor gyis me tog bkye bsdu bya/__slob dpon gyis/__'o nam mkha' dang mnyam pa'i sems can thams cad kyi don du bla na med pa yang gsang rdzogs pa'i sangs rgyas kyi go 'phang thob par bya/__de'i ched du rdo rje'i theg pa'i lam gyi rtsa ba mngon par dbang bskur ba zab mo gsan la tshul bzhin du nyams su blang bar bgyi'o snyam pa byang chub kyi mchog tu sems bskyed pa dang*/__chos gsan pa'i kun tu spyod pa'ang mdo rgyud rnams las ji skad gsungs pa ltar legs par bsal btab ste gsan par zhu/__gang gsan bya'i chos ni gangs can bod kyi yul 'di'i phan bde'i rtsa lag chos kyi rgyal po mes dbon rnam gsum du grags pa las/__mdo sngags sangs rgyas kyi bstan pa dkar 'jam yugs gcig tu brdal/__mkhan slob nyi zla zung gis gtso bor byas lo paN brgya rtsa gdan 'joms/__lugs gsum mi 'gyur lhun gyis grub pa'i btsug lag khang dang dge 'dun gyi sde gnyis btsugs/__zab rgyas kyi sde snod bsgyur bshad nyan gsum gyis gtan la phab pa'i phyag rjes la 'gran pa'i zla thams cad dang bral ba mnga' bdag chos kyi rgyal po khri srong lde'u btsan nyid 'bras bu mthar phyin pa'i ye shes kyi rang gzugs bsam bzhin srid pa nye bar bzung ste rgyal bstan ris su ma chad pa 'dzin skyong spel gsum gyis bshad sgrub las kyi 'khor lo'i phrin las mu mtha' med pa la/__rtsa gsum rgyal ba sras dang bcas pas kyang bsngags pa'i me tog mthor zhing dgyes shing byin gyis rlabs pa'i skyes bu dam pa 'jam dbyangs mkhyen brtse'i dbang po nyid/__phyi gsan bsam sgom pa nang mkhas btsun bzang grub/__gsang ba bka' babs chen po bdun gyi ngo mtshar ba'i rnam thar bsam gyis mi khyab pa mnga' ba las/__phyi ma'i nang tshan bzhi pa zab mo dgongs pa'i gter la'ang rnam grangs du ma zhig bzhugs pa'i bye brag rtsa gsum 'od gsal snying thig gi nang sgrub pad+ma drwa ba thugs rje chen po'i chos skor te/__rang re bod kyi yul 'di 'phags mchog thugs rje chen po'i phyag mtshan du bzhes pa'i zhing khams yin pa'i dbang gis thog mar mi'i 'gro ba mched pa/__bde skyid kyi gzhi zang zing gi longs spyod 'phel ba/__ra sa dang khra 'brug gi gtsug lag rten brten pa bcas pa bskrun pa/__mdo sde za ma tog bsgyur nas dam pa'i chos kyi dbu brnyes te dge bcu'i lam srol byung ba kun kyang rang byung 'phags pa'i rten dang mes po chos rgyal srong btsan gyi bka' drin las byung ba gsungs pas mtshon rgyu mtshan dang dgos pa du mas bod yul gyi lha skal jo bo thugs rje chen po 'ba' zhig ste/__de'i mtshan nas brjod pa dang*/__rigs sngags bzlas pa tsam gyis kyang byang chub kyi spyod pa 'bad med du rdzogs pa dang*/__gzhan phan snying rje'i ting nge 'dzin rgyud la skyes pa sogs phan yon bsam mi khyab pa mdo rgyud du ma nas gsungs na/__tshul bzhin smin grol gyi lam la 'jug cing*/__rim pa gnyis kyi ting nge 'dzin sgom pa ni don gnyis lhun grub zung 'jug gi go 'phang la dbugs dbyung ba'i nye rgyu kho nar nges pa'i phyir gcig tu brtson pa gal che bas mtshungs med lhag pa'i lha gcig de'i dbang bskur zab mo zhu ba la sngon 'gro 'jug pa'i chos rnams gsan pa'i yon du maN+Dal phul/__de ltar maN+Dal phul nas/__khyed rang rnams sngon chad gnyis 'dzin gyi zhen rtog mthug pos ldongs te dkyil 'khor gyi lha tshogs ma mjal ba'am/__mja' na'ang dkyil 'khor so ma 'di nyid ma mjal ba mtshon byed du spyan dar dmar po res gdong bcing ba'i mos pa mdzod/__oM tsak+Shu b+han+d+ha wA ra ma na ya hU~M/__zhes mig dar bcing*/__dkyil 'khor lha rnams phyag stong du mjal mi rung bas phyag rten du u dum+bA ra'i me tog gi phreng ba kha dog lnga pa re byin pa'i mos pa mdzod/__oM su nA+e sid+d+hi hU~M/__zhes me tog gtad/__de nas gsol ba gdab pa'i slad du dmigs pa 'di bzhin du mdzod/__sa phyogs 'di nyid dag pa rab 'byams ye shes kyi dkyil 'khor chen por gyur pa'i nang du slob dpon nyid dus gsum sangs rgyas thams cad 'dus pa'i ngo bo 'phags pa 'jig rten dbang phyug gi rnam par bzhugs pa la mi phyed dad pa'i gdung shugs chen pos gsol ba gdab pa'i 'di'i rjes zlos mdzod/__rgyal ba kun gyi snying rje'i lha:__'jig rten dbang phyug dkyil 'khor du:__bdag sogs snod ldan legs drangs nas:__smin cing grol bar mdzad du gsol:__zhes lan gsum gyis gsol ba gdab/__rgyal kun thugs rje'i rang gzugs kyi lhag pa'i lha'i dkyil 'khor du 'jug pa'i blo skyes pa ni shin tu skal ba bzang bar nges pas gnang ba sbyin pa ni/__dus gsum bshegs pa'i sangs rgyas kun:__rdo rje'i lam mchog 'di la brten:__deng phyir gsang chen dkyil 'khor 'dir:__bu khyod 'jug cing smin par bya:__skyabs su 'gro ba'i slad du mdun gyi nam mkhar bla ma dang dkyil 'khor gyi gtso bo gnyis su med pa 'phags mchog 'jig rten dbang phyug gi rnam par bzhugs pa la rtsa gsum rgyal ba rab 'byams kyis bskor ba mngon sum du bzhugs pa'i spyan sngar dus 'di nas bzung ste snying po byang chub la mchis kyi bar du skyabs su 'gro'o snyam pa dang*/__mkha' mnyam gyi sems can sdug bsngal gyi rgyu 'bras la rtag tu spyod pa 'di rnams sdug bsngal las bsgral nas byang chub mchog gi go 'phang la 'god par bya/__de'i ched du sems bskyed par bgyi'o snyam pas 'di'i rjes zlos mdzod/__hrI:__bdag dang mkha' mnyam 'gro ba ma lus kun:__sku gsum 'phags pa'i lha la skyabs su mchi:__mtha' klas srid pa'i khams rnams bsgral ba'i phyir:__pad+ma drwa ba'i go 'phang bsgrub par bgyi:__lan gsum/__de nas tshogs bsags pa'i phyir/__tshogs zhing khyad par can de dag gi spyan sngar rang gzhan sems can thams cad 'khod de phyag 'tshal mchod pa 'bul ba sogs bsags sbyang gi snying po yan lag bdun pa 'di'i rjes zlos mdzod/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rang :__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:___lan gsum/__de nas dbang bskur ba de'ang rten dkyil 'khor la brten nas thob na'ang*/__dbang srog 'dzin pa ni dam tshig dang sdom pa la rag las pas smin byed kyi rten sdom ldan du bsgrub pa'i phyir/__thun mong du rigs lnga'i dam tshig khyad par rtsa ba sku gsung thugs kyi dam tshig yan lag gi dam tshig nyi shu lnga ste bla na med pa'i dam tshig dang sdom pa ma lus pa yongs su bzung bar bya snyam pas 'di'i rjes zlos mdzod/__bde gshegs sras bcas bdag la dgongs/__/rig pa 'dzin pa bdag gis ni/__/byang chub snying por mchis kyi bar/__/so sor thar dang byang chub sems/__/rig 'dzin nang gi sdom pa'i tshogs/__/ma lus yongs su bzung bar bgyi/__/lan gsum/__de dag gi phyi mtshan ma'i dkyil 'khor du 'jug pa song nas/__gnyis pa/__nang ye shes kyi dkyil 'khor du 'jug pa'i sngon 'gro dam la bzhag pa ni/__khyab bdag pad+ma drwa ba nas bar ma chad pa'i dam tshig bdud rtsi'i chu nan rdo rje'i lce la brgyud nas snying dbus ye shes sems dpa'i tshul du bzhugs te/__dam tshig bsrungs na byin gyis rlob cing ma bsrungs na rdo rje gnod sbyin du khros nas bka'i chad pa 'bebs par 'gyur bar de'i don nges par gyis shig__/dam chu sbyin la/__hU~M:__sngags kyi rtsa ba dam tshig ste:__bsrungs na dngos grub rnam gnyis thob:__ma bsrungs tshe 'dir dmyal bar 'gro:__dam bsrungs rdo rje'i chu 'thungs shig:__ces gdams pa la/__deng phyin chad dam tshig tshul bzhin du bsrungs snyam pas rdo rje'i bro bor ba 'di'i rjes zlos/__badz+ra sa ma ya i dan na ra kan:__de ltar dam la bzhag pas brtan par byas la/__ye shes dbab pa'i slad du/__khyed rang rnams lus gnad skyil krung drang por bsrang*/__ngag gnad rlung kha sbyor du 'chings/__sems kyi gnad gzhan du ma yengs pas dmigs pa 'di bzhin du mdzod/__khyed rang rnams skad cig gis 'phags pa 'jig rten dbang phyug sku mdog dmar gsal bde ba chen po'i lang tsho rab tu rgyas pas khro 'dzum chags pa'i nyams kyis sgeg pa/__spyan gnyis 'gro la lhag par gzigs pa/__dbu skra ral pa'i thor tshugs bcings pa'i lhag ma thur du 'phyang ba/__phyag g.yas pad+ma'i phreng ba thugs kar 'dren zhing*/__g.yon mnyam gzhag gis bdud rtsi'i gang ba'i tshe bum 'dzin pa/__zhabs rdo rje'i skyil krung gis pad nyi zla ba'i steng bzhugs pa'i pang du yum gsang ba ye shes dmar po ut+pal dang thod pa 'dzin pa dang mnyam par sbyor ba/__gnyis ka'ang dar dang rin po che'i rgyan chas yongs su rdzogs pa/__rigs kyi bdag po bde gshegs snang ba mtha' yas dang*/__thugs kar bde gshegs zhi ba'i lha tshogs/__dung khang du 'bar ba khrag 'thung gi tshom bu bcas/__ma 'dres gsal rdzogs su bzhugs pa'i sku las dri ma med pa'i 'od zer 'phro ba'i spyi bor oM/__mgrin par AH__thugs kar hU~M/__thugs ka'i hU~M las 'od zer 'phros pas/__sku gsum rgyal ba'i zhing rab 'byams nas sangs rgyas dang byang chub sems dpa' thams cad 'phags pa 'jig rten dbang phyug gi rnam par kha ba dang bu yug 'tshubs pa ltar byon nas khyed rang rnams la sib sim thim pas gnyis med du gyur pa'i mos pa mdzod/__khyad par gyi spos bdug__/DA dril sogs rol mo'i sgra 'khrol zhing*/__hU~M hrIH__'og min pad+mo bkod pa'i dkyil 'khor nas:__'chi med 'od snang mtha' yas gshegs su gsol:__snang stong sgyu 'phrul drwa ba'i gzhal yas nas:__'phags mchog snying rje'i bdag nyid gshegs su gsol:__gnas yul dur khrod drag po'i pho brang nas:__dbang chen rigs lnga yab yum gshegs su gsol:__phyogs bcu dus bzhi'i zhing khams rab 'byams nas:__sras bcas rgyal ba rgya mtsho gshegs su gsol:__don dam 'gro 'ong mtshan ma las 'das kyang :__'gags med thugs rje'i dbang gis gnas 'dir gshegs:__sgo gsum dkyil 'khor gsum du dbang bskur la:__mchog dang thun mong dngos grub byin chen phob:__oM AHhU~M hrI hrIH__gu ru de ba DA ki nI lo ke shwa ra badz+ra dz+nyA na sarba sa ma ya a be sha ya A AH___hU~M hU~M hU~M:__sngags drag tu brjod pas dbab/__de ltar byin phebs pa'i ye shes pa rnams brtan par gyur snyam pa'i mos pa mdzod/__spyi bor rdo rje rgya gram du bzhag ste/__oM badz+ra tiSh+Than+tu/__dngos grub brtag pa'i slad du mig dar dang bcas pas dkyil 'khor gyi steng gi nam mkha' la ltos la kha dog ci mthong*/__zhes dri/__so sor mthong ba dang bstun te 'di skad ces/__de nas dkar por mthong na gtso bo rdo rje'i rigs/__sngon por mthong na de bzhin gshegs pa'i rigs/__ser por rin chen/__dmar por pad+ma/__ljang gu las kyi rigs kyi las dang dngos grub thob pa yin no/__/zhes brda sprad/__de nas rigs brtag pa'i phyir me tog dor ba ni/__'di na 'phags pa 'jig rten dbang phyug pad+ma sgyu 'phrul drwa ba'i dkyil 'khor gyi lha tshogs bzhugs pa yin pas/__ngo bo ye shes kyi rol pa la bzang ngan med kyang rang gi las 'brel yod pa'i lha de la 'bab par shog cig snyam du tshig 'di'i rjes zlos dang bcas te sngar byin pa'i me tog gi phreng ba de nyid ltos pa med par dor mdzod/__hoH__rang snang rnam dag 'og min du:__bde chen rdo rje'i maN+Dal lar:__rig pa'i me tog 'di dor bas:__lhag pa'i lha la 'bab par shog:__oM sarba ta thA ga ta maN+Da la puSh+pe pra tits+tsha hoH__zhes maN+Dal tshom bu lnga pa dkyil 'khor dang ro gcig tu mos nas dor du gzhug__/de'ang me tog dbus kyi tshom bu la babs na gsang mtshan rigs kyi gtso bo dang mthun par btags pa yin pas ma brjed par gyis shig__/ces btags nas/__rang gi phul ba'i me tog gi phreng ba de rigs gang gis bzhes pa'i lha des slar yang rang gi spyi bor bcings pa'i mos pa mdzod/__khyod ni bla med byang chub kyi:__ye shes dam pa'i snod yin phyir:__rdo rje'i dam tshig 'di zungs la:__rang gzhan don gnyis sgrub par gyis:__pra ti gr-ih+Na i maM sa twa ma hA bA la:__zhes me tog spyi bor bzhag__/de nas ma rig pa'i ling tog mig dar dang lhan cig bsal ba'i mos pa mdzod:__hoH__ji ltar mig mkhan rgyal po yis:__'jig rten rab rib bsal ba ltar:__bu khyod kyi ni mi shes pa'i:__rab rib rgyal ba rnams kyi bsal:__oM dz+nyA na tsak+Shu pra we sha ya phaTaH__ces mig ras bsal/__de ltar ma rig pa'i ling tog mig dar gyis mtshon pa bsal ba'i shul nas ye shes kyi mig gsar du thob pa des 'phags pa thugs rje chen po pad+ma sgyu 'phrul drwa ba'i dkyil 'khor chen po rten dang brten par bcas pa mngon sum pa ltar mthong ba'i mos pa mdzod/__de yang gnyis 'dzin gyi rtog pa sreg pa'i brdar phyi rol du ye shes kyi me rab tu 'bar ba/__de'i nang du mi rtog pa'i ye shes la cis kyang mi shigs pa'i brdar rdo rje'i ra ba/__rnam shes tshogs brgyad gnas su dag pa'i brdar dur khrod chen po brgyad nyes skyon gyis ma gos pa'i brdar pad phreng*/__rang bzhin gyis 'od gsal ba'i brdar nyi gdan/__rten 'brel bcu gnyis dag pa'i brdar 'og gzhi sna tshogs rdo rje rwa bcu gnyis pa/__sangs rgyas kyi ye shes nyid dbyibs dang kha dog tu snang bas gdul bya'i re ba skong ba'i brdar gzhal yas khang rgyu rin po che las grub pa/__byang phyogs so bdun dang ma 'dres pa'i yon tan sogs 'bras bu'i chos thams cad ma 'dres yongs rdzogs su dag pa'i brdar dkyil 'khor gyi dbyibs dang rgyan gyi bye brag la sogs te mtshan nyid thams cad yongs su rdzogs pa'i dbus ye shes lnga mtshon pa'i pad+ma'i 'dab bzhi lte ba dang bcas pa'i dbus dang phyogs mtshams su gdan pad+ma dang zla ba'i dkyil 'khor/__sgo bzhir nyi ma'i gdan re re/__brten pa lha ni dkyil 'khor dbus su rgyal kun thugs rje'i rang gzugs 'phags pa 'jig rten dbang phyug sku mdog dmar gsal phyag g.yas thugs kar pad phreng 'dren zhing*/__g.yon pas mnyam bzhag gis tshe bum 'dzin pa/__zhabs rdo rje'i skyil krung gis yum gsang ba ye shes pad+ma dang b+han+d+ha 'dzin pa dang sbyor ba dar dang rin po che'i rgyan can/__phyogs mtshams 'dab ma drug la mnyam nyid ye shes kyi bdag nyid lha yi thub pa dkar po pi wang 'dzin pa/__bya grub ye shes kyi bdag nyid lha min thub pa ljang sngon go mtshon 'dzin pa/__rang byung ye shes kyi bdag nyid mi'i thub pa ser po gseg spar 'dzin pa/__chos dbyings ye shes kyi bdag nyid byol song thub pa sngo nag pusti 'dzin pa/__sor rtog ye shes kyi bdag nyid yi dwags thub pa dmar skya sgrom bu 'dzin pa/__me long ye shes kyi bdag nyid dmyal ba'i thub pa nag po me chu 'dzin pa/__kun kyang tshangs par spyod pa'i cha byad can mnyam pa'i stabs kyi bzhengs pa/__pad+ma'i ge sar zil phod rab tu rgyas pa'i steng na stong dang snying rje'i ye shes zung du 'jug pa'i bdag nyid pha rol tu phyin pa bcu'i rdzogs smin sbyangs pa pha mthar son pa'i bskal bzang gi sems dpa' stong rtsa gnyis thams cad 'gro 'dul thugs rje chen po'i rnam par bzhugs pa/__sgo bzhir tshad med bzhis 'gro ba 'dul bas phrin las bzhi'i bdag nyid sgo ma DA ki bzhi ste/__shar sgor lcags kyu ma dkar mo/__/lho sgor zhags pa ma ser mo/__/nub sgor lcags sgrog ma dmar mo/__/byang sgor dril bu ma ljang gu/__bzhi ka g.yon sdigs mdzub dang*/__zhabs dor stabs/__dar dang rin po che rus pa'i brgyan pa/__lha tshogs de thams cad kyang sems nyid rang byung gi ye shes 'gag med sgyu 'phrul gyi rol par 'char ba'i ye shes kyi snang brnyan da res mtshan ma'i rtags 'dis mtshon nas mthong bar gyur snyam du mos pa yang dag par mdzod/__ces ngo sprod/__de ltar phyi nang gi 'jug pa'i rim pa rnams song nas/__gnyis pa dngos gzhi zhugs pa'i dkyil 'khor du mngon par dbang bskur ba la'ang skabs phyed pa'i slad du maN+Dal 'bul bar zhu/__de ltar maN+Dal phul nas mi phyed dad pa'i gdung shugs drag pos gsol ba gdab pa 'di'i rjes zlos mdzod/__sangs rgyas kun 'dus thugs rje'i gter:__bdag la brtse bas nyer dgongs nas:__'gro 'dul 'phags pa'i lha tshogs kyi:__dbang bskur dam pa stsal du gsol:__lan gsum/__zhes pas gsol ba gdab nas/__dngos gzhi'i dbang bskur ba la/__bum pa/__gsang ba/__shes rab ye shes/__bzhi pa tshig dbang*/__mtha' rten gtad rgya'i dbang dang lnga las thog mar gzugs brnyan gyi dkyil 'khor du bum pa'i dbang bskur ba skabs su babs pa yin/__dang po dad brtson can rjes su bzung bar bya ba'i phyir phan pa'i dbang bskur ba la/__slob dpon gyi thugs ka nas 'od zer 'phros pas phyogs bcu dus bzhi'i de bzhin gshegs pa sras dang bcas pa thams cad gdan gsum tshang ba'i dbang gi lha tshogs kyi rnam par sprin phung gtibs pa bzhin du mdun gyi nam mkhar sad par gyur/__nam mkhar bzhugs pa'i dbang gi lha dang slob dpon lhan cig pas bkra shis pa'i rnam pa du ma dang ldan pas rin po che'i bum pa byang chub sems kyi bdud rtsis gang bas dbang bskur bar bsam la/__rnam bum gyi dbang bskur la/__hU~M hrIH__snang stong bum pa'i dkyil 'khor du:__'gro 'dul thugs rje'i lha tshogs shar:__skal ldan bu la dbang bskur bas:__phung khams lha skur smin par shog:__oM ma Ni pad+me hU~M hrIH__kA ya a b+hi Shiny+tsa oM/__zhes bum pa'i chus dbang bskur bas sku gang dri ma dag__/chu'i lhag ma spyi bor 'khyil ba las rigs kyi bdag pos dbu brgyan pa la nam mkhar bzhugs pa'i gdan gsum tshang ba'i lha thams cad kyang thim par gyur pa la dkyil 'khor gyi lha dang slob dpon lhan cig pas shis brjod me tog gtor bas rab tu gnas par byas pa'i mos pa mdzod/__ces me tog 'thor bzhin du/__oM su pra tiSh+Tha badz+ra ye swA hA/__de nas nang lus dkyil gyi bskyed rim la dbang ba'i slad du tha mal gyi snang zhen sbyong ba dkyil 'khor gyi lha tshogs rnams kyi sku'i dbang sbyin pa ni/__khyed rang rnams dkyil 'khor gyi gtso bor gsal bar gyur pa la dkyil 'khor gyi lha tshogs rnams mar me gcig las gnyis chad ltar byon nas rang rang gi bskur gnas so sor thim pas cir snang lha sku sgyu ma lta bu'i rol pas rang gzhan gyi don sgrub pa'i nus pa khyad par can thob pa'i mos pa mdzod/__gtso bo'i tsaka li snying gar bzhag te/__hrIH__bde chen bzhad pa gar gyi dbang*/__/stong dang snying rje'i dbang phyug che/__/spyan ras gzigs kyi dbang bskur bas/__/byang chub spyod pa yongs rdzogs shog__/oM AHhU~M/__oM ma Ni pad+me hU~M hrIH__kA ya a b+hi Shiny+tsa hU~M/__hrIH__ma chags bde chen pad+ma'i rigs/__/sku tshe 'od snang mtha' yas mgon/__/'od dpag med pas dbang bskur bas/__/rdo rje'i ye shes mchog thob shog__/oM AHhU~M/__a mi ta b+ha hU~M/__kA ya a b+hi Shiny+tsa hU~M/__hrIH__rdo rje'i sku yi gnas lnga nas/__/ye shes rnam pa lnga yi dngos/__dbang chen rigs lngas dbang bskur bas/__/sku lnga'i ye shes mngon gyur shog__/oM AHhU~M/__bud+d+ha pad+ma badz+ra rat+na karma hA ya gr-i wa a=__hrIH__thugs ka spyi bo'i dung khang nas/__/thabs shes bde chen sgyu 'phrul drwa/__/zhi khro'i lha yis dbang bskur bas/__/bde stong ye shes mngon gyur shog__/oM AHhU~M/__badz+ra shAn+tiM kro d+hA a=__hrIH__me long ye shes rnam dag pas/__/tsha grang sdug bsngal sbyangs mdzad pa/__/dmyal ba'i thub pas dbang bskur bas/__/zhe sdang rgyu 'bras dag gyur cig__/oM AHhU~M/__ma hA mu na ye a b+hi Shiny+tsa hU~M/__hrIH__mnyam nyid ye shes rnam dag pas/__/bkres skom sdug bsngal sbyongs mdzad pa/__/yi dwags thub pas dbang bskur bas/__/ser sna'i rgyu 'bras dag gyur cig__/oM AHhU~M/__ma hA mu na ye a=__hrIH__sor rtog ye shes rnam dag pas/__/klen lkug sdug bsngal sbyangs mdzad pa/__/dud 'gro'i thub pas dbang bskur bas/__/gti mug rgyu 'bras dag gyur cig__/oM AHhU~M/__ma hA mu na ye a=__hrIH__rang byung ye shes rnam dag pas/__/skye rga na 'chi'i sdug bsngal sbyongs/__/mi yi thub pas dbang bskur bas/__/the tshom rgyu 'bras dag gyur cig__/oM AHhU~M/__ma hA mu na ye a=__hrIH__bya grub ye shes rnam dag pas/__/'thab rtsod sdug bsngal sbyongs mdzad pa/__/lha min thub pas dbang bskur bas/__/phrag dog rgyu 'bras dag gyur cig__/oM AHhU~M/__ma hA mu na ye a=__hrIH__mnyam nyid ye shes rnam dag pas/__/'pho ltung sdug bsngal sbyongs mdzad pa/__/lha yi thub pas dbang bskur bas/__/nga rgyal rgyu 'bras dag gyur cig__/oM AHhU~M/__ma hA mu na ye a=__hrI:__mkhyen brtse'i ye shes rnam dag pas/__/dus gsum gdul bya 'dul mdzad pa/__/sangs rgyas stong gi dbang bskur bas/__/'gro 'dul phrin las mthar phyin shog__/oM AHhU~M/__ma hA mu na ye a=__hrIH__tshad med bzhi po rnam dag pas/__/bsdu ba rnam bzhi'i phrin las can/__/DA ki rigs bzhi'i dbang bskur bas/__/dga' bzhi'i ye shes mngon gyur shog__/oM AHhU~M badz+ra rat+na pad+ma karma DA ki ni a=__de ltar nang lha'i dbang bskur bas 'khor 'das kyi rtog tshogs thams cad snang stong lha'i rol par yongs su dag pas nang dkyil zab mo'i bskyed rim 'khor bcas la dbang 'byor bar byas pa yin no/__/de nas ngag tha mal du zhen pa sbyong ba'i phyir gsung bzlas pa'i lung sbyin pa la/__slob dpon dang dkyil 'khor gyi lha tshogs gnyis su med pa'i so so'i thugs ka nas sngags kyi phreng ba 'phros/__zhal nas byung*/__khyed rang rnams lhar gsal ba'i zhal du zhugs/__thugs srog ye shes semasadapa' dbang chen rta phag yab yum gyi thugs pad nyi zla ba'i steng dwangs ma'i sa bon hrIHyig gi mthar phreng ba ltar 'khod par mos la bsnyen pa'i sngags 'di yi rjes zlos lan gsum mdzod/__oM ma Ni pad+me hU~M hrI:__lan gsum/__/slar yang thugs ka'i hrIHlas byung ba'i sngags phreng ye shes sems dpa' yab yum gyi zhal dang mkha' gsang nas brgyud de 'khor ba'i 'od zer gyis rtsa ba gsum gyi lha tshogs mchod cing thugs dam bskul/__byin rlabs dngos grub thams cad 'od zer gyi rnam par bsdus te thim/__snod bcud kyi dngos 'dzin bag chags dang bcas pa sbyangs nas lha sngags ye shes kyi 'khor lor gyur par mos la gtso 'khor yongs rdzogs su sgrub pa'i sngags kyi rjes zlos/__oM AHhU~M hrIHhrIH sarba ta thA ga ta b+ho d+hi tsit+ta ma hA su kha dz+nyA na d+hA tu AH__oM ru lu ru lu hU~M b+h+yo hU~M:__hrI badz+ra kro d+ha h+ya gr-i ba DA ki nI ha ri ni sa tsit+ta hrIM hrIM dza dzaH__lan gsum/__des gsung gi dbang thob pas deng phyin chad grags stong sngags kyi lam khyer dang ma bral ba gyis shig__/thugs rang byung gi dgongs pa ngo sprad pa'i slad du/__me long dwangs pa'i ngos su gzugs brnyan sna tshogs snang yang rang bzhin ma grub pa'i dpes mtshon nas/__rang sems stong pa'i rang rtsal las gzung 'dzin 'khrul pa'i snang ba sna tshogs su shar yang gdod ma nas skye 'gag gnas gsum bral ba'i don rang rig skad cig ma'i rang rtsal du ngo shes par gyis la snang rig zung 'jug 'od gsal chen po'i ngang du mnyam par zhog cig__/me long bstan la/__hU~M:__gzung dang 'dzin pa'i rtog pa kun:__gdod nas rang bzhin 'od gsal ngang :__ye shes rtogs pa'i dbang bskur bas:__zung 'jug gnas lugs mngon gyur shog:__oM sarba maN+Da la tsit+ta a b+hi Shiny+tsa hU~M/__deng phyin chad khams gsum gyi rnam par rtog pa'i 'jug ldang thams cad rig stong dbyer med bsam gyis mi khyab pa thugs rdo rje'i ngo bor rnam par dag pa yin no/__/zhes rtogs pa bskyed/__de ltar phyi mtshan ma'i dkyil 'khor du bum pa'i dbang thob/__lus kyi dri ma dag__/lam bskyed rim bsgom pa la dbang*/__ji ltar snang ba thams cad lha'i 'khor lor 'char ba'i ye shes mngon du byas/__'bras bu sku rdo rje sprul pa'i sku thob pa'i skal ba can du byas pa yin/__zhes rtogs pa bskyed do/__/de nas gsang ba zab mo'i dbang la gsum yod pa las dang po dang*/__rtsa ba'i sa bcad gnyis pa bla ma gsung rdo rje'i bdag nyid can la gsang dbang zhu ba'i phyir/__de nas slob dpon thugs rje chen po rang snang gi yum gsang ba ye shes dang rjes su chags pa'i sbyor bas snyoms par zhugs pas byang chub kyi sems bde ba chen po'i rten du gyur pa d+hu ti'i lam nas brgyud 'khor lo bzhir dga' bzhi'i ye shes nyams su myong ba yum gyi pad+mor 'khyil bas nyi zla gnyis 'dres de nyid thod pa'i bdud rtsi dang ro gcig tu gyur pas bdud rtsi byang chub kyi sems rgyun khyed rang rnams kyi lce thog tu bzhag pa'i mos pa mdzod/__hU~M hrIH__e waM zung 'jug dkyil 'khor nas:__zhu bde'i drangs pa'i kuN+Da li:__skal ldan khyod la byin pa yis:__rlung sngags dbu mar dag par shog:__wa kA a b+hi Shiny+tsa AH__bdud rtsi chang dang sbyar ba myong du gzhug__/de nas mgrin pa nas thig le 'phel bas/__lus thams cad rtsas khyab/__de byang chub kyi sems kyis gang zhing khyab/__dus gsum gyi rtog pa 'gags/__byang chub sems kyis khyab pa de thams cad la bde bas khyab ste zhu bde khyad par du byas pas sems gsal stong gi ye shes nyams su myong ba ni gsang dbang gi ye shes so/__/de ltar kun rdzob byang chub sems kyi dkyil 'khor du gsang ba'i dbang thob/__ngag gi dri ma dag__/lam gtum mo'i rnal 'byor bsgom pa la dbang*/__sgyu ma chu zla lta bu'i bdag byin gyis brlab pa'i ye shes mngon du byas 'bras bu gsung rdo rje longs spyod rdzogs pa'i sku thob pa'i skal ba can du byas pa yin no/__/zhes rtogs pa bskyed/__gsum pa bla ma thugs rdo rje'i bdag nyid can gyis shes rab ye shes kyi dbang bskur ba'i slad du/__bla mas mtshan nyid dang ldan pa'i rig ma gzugs dang lang tsho phun sum tshogs pas brgyan pa zhig lag pa g.yas nas bzung ste khyed rang rnams kyi lag g.yon du gtad pa'i mos pa mdzod/__hrIH__phyag rgya b+ha ga'i dkyil 'khor du:__bde stong ye shes nyams myong phyir:__sna tshogs gzugs can 'di gtad pas:__thig le chos skur grol bar shog:__tsit+ta a b+hi Shiny+tsa hU~M:__zhes rig ma'i tsaka li gtad/__de nas khyed rang rnams thugs rje chen po dang*/__gtad pa'i rig ma de yum gsang ba ye shes su gsal ba ni lha'i 'du shes/__yab kyi gsang gnas hU~M las rdo rje'i lte bar byang chub sems kyi ngo bo hU~M/__pu gar phaT kyis mtshan pa/__yum gyi mkha' AHlas pad+ma ze'u 'brur as mtshan par gsal ba ni sngags kyi 'du shes thabs 'di la brten nas bde stong gi ye shes mngon du bya'o snyam pa chos kyi 'du shes te/__de ltar 'du shes gsum gyi sgo nas snyoms par zhugs pa rjes chags kyi mes ha~M yig zhu bas byang chub sems kyi rgyun mgrin pa sogs 'khor lo bzhir lugs 'byung gi dga' ba dang*/__mchog dga' dang khyad par gyi dga' ba dang*/__dngos po lhan cig skyes pa'i ye shes bzhi rim par nyams su myong nas/__slar yang mkha' gsang gi rtser 'dzag med du bzung ba de nyid gyen du drangs pas lte ba sogs 'khor lo bzhir mas brtan gyi dga' ba dang*/__khyad par gyi dga' ba dang*/__rang bzhin lhan cig skyes pa'i dga' ba bzhi rim par nyams su myong ste/__rang bzhin lhan skyes 'od gsal ba chen po rang gi ngo bor chos thams cad ro gcig par mthong ba ni shes rab ye shes kyi dbang gi ngo bo ste/__de ltar na phyag rgya'i b+ha ga'i dkyil 'khor du shes rab ye shes kyi dbang thob yid kyi dri ma dag__/pho nya'i lam sgom pa la dbang*/__chos thams cad rang bzhin bde ba chen por rtogs pa'i ye shes mngon du byas/__'bras bu thugs rdo rje chos kyi sku thob pa'i skal ba can du byas pa yin no/__/zhes rtogs pa bskyed/__bzhi pa bla ma ye shes rdo rje'i bdag nyid can gyis dbang bzhi pa tshig dbang rin po che bskur ba la/__khyed rang rnams lus gnad rnam par snang mdzad kyi chos bdun drang por bsrang*/__ngag gnad rlung rtsol med rang babs su bzhag__/yid kyi gnad dus gsum rtog pas ma bslad pa'i rang rig skad cig ma'i ngang gshis stong nyid du rjen ne/__gdangs rig rtsal du lam me/__de gnyis dbyer med par nyams su myong bzhin du brjod pa'i mtha' thams cad las 'das pa'i bden gnyis zung 'jug lhag pa'i chos sku chen po'i dbyings su 'dzin med du mnyam par 'jog mdzod/__ces gdams la dpon slob gnyis kas cung zad mnyam par bzhag__/de mtshon par bya ba'i phyir dbyings rig gnyis med shel dang 'ja' tshon gyi brdas mtshon te/__AH__ka dag gzhi yi dkyil 'khor du:__lhun grub lam gyi snang ba gsal:__gnyis su med par dbang bskur bas:__chos zad 'bras bu mngon gyur shog:__dz+nyA na a b+hi Shiny+tsa hrIH__de ltar bzhag pas snang rig ngos bzung dang bral ba'i ye shes rnam par mi rtog pa/__mdangs ma 'gags sal le/__rtsal cir yang 'char ba'i zangs thal/__dwangs gsal mi g.yo ba rgya chad phyogs lhung dang bral ba nam mkha' dwangs pa'i dkyil 'khor lta bu de ni rang byung gi ye shes te dbang bzhi pa'i ye shes yin no/__/zhes ngo sprod/__de ltar don dam byang chub sems kyi dkyil 'khor du dbang bzhi pa thob/__phra ba'i sgo gsum snang gsum gyi dri ma dag__/lam rdzogs pa chen po bsgom pa la dbang*/__shin tu rnam par dag pa la lhan cig skyes pa'i bde chen mchog tu mi 'gyur ba'i ye shes mngon du byas/__'bras bu ye shes rdo rje ngo bo nyid sku thob pa'i skal ba can du byas pa yin no/__/zhes rtogs pa bskyed/__lnga pa dbang bzhi'i ye shes ma skyes pa bskyed cing*/__skyes pa gong 'phel du bya ba mtha' rten gtad rgya'i dbang ni/__sgrub pod slob ma'i spyi bor bkod de/__mdun gyi nam mkhar phyogs dus rtsa brgyud kyi bla ma yi dam rgyal ba zhi khro dpa' bo mkha' 'gro/__chos skyong srung ma dam can rgya mtsho rnams mngon sum bzhin du bzhugs pa'i gnas gsum nas sku dang sngags phreng phyag mtshan 'od zer thig le dkar dmar mthing gsum char babs pa ltar byon nas khyed rang rnams kyi gnas gsum du thim pas dgongs brda snyan khungs mkha' 'gro gtad rgya sogs brgyud pa drug ldan dgongs pa rgyud byin rlabs rdo rje'i ye shes khyed rang gi rgyud du 'phos par mos shig__/oM AHhU~M:__kun bzang rdo rje sems dpa' dga' rab rje:__dgongs pa ro gcig sku gsum rnam dbyer med:__shri sing ha rig rtsal rang dbang thob:__bi ma mi trA 'pho chen ye shes sku:__pad+ma 'byung gnas rtsa gsum rgya mtsho'i dngos:__brda brgyud bla ma 'chi med rig 'dzin rje:__tshig don byin rlabs chu rgyun ma 'chad pa'i:__bka' drin can gyi snyan brgyud bla ma sogs:__phyogs bcu dus bzhi 'i rtsa brgyud bla ma dang :__yi dam zhi khro dpa' bo mkha' 'gro ma:__dbyings dang ye shes chos srung rgya mtsho'i tshogs:__skal ldan slob ma rigs kyi bu rnams la:__thugs rje'i brtser dgongs ye shes byin chen phob:__phyi nang gsang ba'i lam gyi bar chad sol:__thugs rgyud dgongs pas byin rlabs dbang mchog bskur:__rtsa rlung thig le'i sems kyi sgrib pa sbyongs:__phung po rtsa khams snang stong lha skur dag:__ngag rlung mi shigs bde chen longs spyod rdzogs:__yid dang thig le 'od gsal chos skur smin:__dbyer med ye shes bla ma'i sa thob shog:__oM AHhU~M hrIHhrIHbadz+ra gu ru pad+ma thod phreng rtsal de wa DA ki nI badz+ra sa ma ya dzaHsid+d+hi pha la hU~M AHkA ya kA la sha wa ka gu h+ya tsit+ta pra dz+nyA dz+nyA na d+hA tu a b+hi Shiny+tsa oM AHhU~M hoH__dbyangs gsal rten snying brjod/__dpon slob gnyis kas dgongs pa'i rtsal bskyed/__thugs yid bsres la mnyam par bzhag go__/dbang gi rjes rim ni/__de ltar 'phags pa thugs rje chenapo pad+ma sgyu 'phrul drwa ba phyi nang gsang ba de kho na nyid kyi dkyil 'khor du dbang bzhi bskur ba'i bya ba rnams legs par grub zin pa yin pas/__gnas skabs de dag tu khas blangs pa'i dam tshig rnams mi nyams par rtag tu bsrung bar bgyi'o snyam pa'i 'dun pa drag pos 'di'i rjes zlos mdzod/__gtso bos ji ltar sogs/__de ltar legs par thob pa'i bka' drin btang rag gi don du maN+Dal phul mdzod/__ces maN+Dal 'bul du gzhug__/slar yang lus longs spyod dge tshogs rgya mtsho dang bcas pa 'khor los bsgyur ba'i rgyal srid kyi 'byor pa ltar sprul te 'bul na cha shas nas longs spyod du gsol snyam pas 'di'i rjes zlos mdzod/__deng nas brtsams te sogs/__de ltar dbang thob pa las byung ba'i dge ba'i rtsa bas mtshon dus gsum du bsags pa'i dge tshogs rgya mtsho thams cad byang chub snying por yongs su bsngo ba 'di lhan cig tu gnang bar zhu/__bsod nams 'di yis sogs brjod la slob ma rnams gyes/__gsum pa cho ga'i rjes kyi las rim rnams gzhung ltar mthar dbyung bas grub pa'o/__/srid zhi'i 'ji~Xgs me~Xd mkhyena~X dang brtse~X'i/__/'o~Xd ze~Xr 'bum 'phro 'phags mchog gi__/smin grol bkra~X shisa~X dpa~Xl gyi mdzod/__/gzhan phan rgya mtsho'i 'byora~X pas mdzes/__/rtsa gsum 'od gsal snying thig gi nang sgrub thugs rje chen po pad+ma drwa ba'i dbang bskur gzhan phan rgya mtsho'i sgo 'byed le'u tshan bcu pa pad+ma dri med rab tu dga' bas sbyar ba'o/__!__/ye shes 'o~Xd brgya'i snang bas phyogs dus zhing*/__/rab gsa~Xl dpag med mtshan snyan kho nas kyang*/__/phan bde'i sprula~X pa~X'i gar gyi thugs bskyed mthu/__/rdo~X rje'i~X go cha lta bur bzhes gang rgyal/__dgongs gter rtsa gsum 'od gsal snying thig gi gsang sgrub bla ma chos sku 'od dpag med kyi sgrub thabs 'od gsal drwa ba'i smin byed bklag chog tu bkod pa la gsum/__dbang bskur ba'i gzhi dkyil 'khor dang dbang rdzas 'du bya ba/__de nyid bdag mdun bum pa'i cho gas sgrub pa/__slob ma la mngon par dbang bskur ba'i rim pa dang gsum las/__dang po ni/__lhag pa gzugs brnyan gyi dkyil 'khor bcos ma gnyis sam/__dri bzang gis sbag pa'i tshom bu gsher ldan rin po che'i maN+Dal la lha grangs su bkod pa'i steng many+dzi'i khar rnam rgyal bum pa chas ldan bcud kyis sum gnyis bkang ba/__gsang thod bdud rtsi'i sbag pa'i ma da na/__rig tsaka__/shel rdo/__lha tsaka__/me long*/__gtor ma sman rag__/srung ma dang chad brtan gyi 'bul gtor bcas bshams la nyer spyod mchod pas mdzes par bskor/__gzhan yang dkar bgegs/__tshogs mig dar/__me tog__/mig thur rnams dang*/__slob dpon gyi mdun du 'ang las bum/__DA dril/__rdo rje/__'thor nas/__yungs thun sogs 'du bya'o/__/gnyis pa ni lhag pa ting nge 'dzin rig stong ye shes kyi rang rtsal ma 'gags sgyu 'phrul drwa ba'i bkod pa snod bcud bde chen zhing gi rten brten pa'i cho 'phrul bdag mdun gnyis med dkyil 'khor gcig tu gdod nas dag pa'i dgongs pa'am/__ma 'gags ye shes kyi rol pa gang 'dul der snang du shar bas bsnyen sgrub la babs pa'i tshe dzab[¿] khang dbye ba gang rung gi sgo nas/__brgyud pa'i gsol 'debs sngon du 'gro bas gsang ba'i sgrub thabs 'od gsal drwa ba ltar mthar chags su btang*/__bsnyen sgrub kyi bzlas pa grub pa dang*/__rnam rgyal bum pa la dmigs te/__mdun gyi bum pa mi dmigs pa b+h+rU~M yig 'od du zhu ba las rin po che'i gzhal yas khang du bsgoms pa'i sum cha man chad bdud rtsi'i rgya mtshor 'khyil ba'i dbus su sna tshogs pad+ma 'dab brgyad kyi lte bar nyi zla'i gdan la chos sku snang ba mtha' yas sku mdog dmar po zhal gcig phyag gnyis mnyam bzhag gi steng na lhung bzed bdud rtsis gang ba bsnams pa/__na bza' chos gos rnam gsum ngur smrig gi mdog can gsol zhing*/__zhabs rdo rje'i skyil mo krung gis bzhugs pa'i thugs kar zhi ba bzhi cu rtsa gnyis/__bde chen 'khor lor 'bar ba lnga bcu rtsa brgyad/__mgrin par rig 'dzin dpa' bo mkha' 'gro rnams gdod nas dag pa ye shes kyi rtsa rlung thig le rang byung lhun grub rdo rje lus kyi dkyil 'khor chen por ma 'dres gsal rdzogs su bzhugs pa la/__rang gi thugs ka nas sngags kyi 'od zer gzungs thag la 'khril nas de mdun bskyed kyi thugs ka nas zla ba'i steng na hrIHdmar po yod pa la thim pas thugs rgyud bskul nas don gnyis bsgrubs par bsam la/__bsnyen bsgrub kyi bzlas pa 'os 'tshams mthar/__oM AHhU~M gis mchod yon phul bas ye shes 'khor lo'i lha tshogs bde ba chen po'i ngo bor 'od du zhu nas bum chu dang ro gcig tu gyur par bsam/__las bum nang du pad nyi'i steng :__pad+ma rta mgrin sku mdog dmar:__dur khrod chas rdzogs dor stabs bzhugs:__sku las rdo rje bdud rtsi'i rgyun:__babs pas bum pa gang bar gyur:__oM hrI pad+man+ta kr-i ta sarba big+h+nAn ha na ha na hU~M phaTaH__zhes brgya rtsa brgyad bzla/__hU~M zhes bskul bas/__dpal khro bo'i rgyal bo rta mgrin gyi dbang gi bya ba ma grub kyi bar du bar gcod kyi bgegs thams cad bzlog pa'i phrin las mdzad du gsol/__ces las bcol nas bzhag__/srung ma'i gsol mchod dang tshogs skong btang dgos yod na byas la/__'og nas 'byung ba ltar dbang bzhi mtha' rten dang bcas pa'i bdag 'jug sngon du 'gro bas slob ma 'jug par gsol ba btab ste gnang ba zhu/__yang na rig pa'i me tog dor bas kyang rung ngo*/__/gsum pa ni/__slob ma rnams la sgo drung du khrus dang*/__nang du 'jug pa na bgegs gtor bsngo zhing bka' bsgo/__srung 'khor bcas spyi ltar byas la gral du 'khod/__me tog bkyai bsdu grub pa dang*/__de yang rang re rnams mdo sngags kyi chos ma lus pa'i rten du gyur pa'i dal 'byor gyi lus rten khyad par can thob/__thub bstan yongs su rdzogs pa dar la ma nyams par bzhugs/__skyes bu dam pa dge ba'i bshes gnyen mchog rnams kyis rjes su bzung*/__thos bsam sgom pa ci 'dod byed pa la 'gal rkyen dang bral zhing mthun rkyen phun sum tshogs pa'i skabs 'dir dam pa'i chos yang dag pa zhig cis kyang byed dgos/__dam pa'i chos la yang mdo dang sngags/__zab pa dang rgya che ba/__thun mong thun min du ma zhig bzhugs pa thams cad kyi mthar thug ni gsang sngags rdo rje theg pa yin/__de la'ang rgyud sde phyi nang gnyis su bzhugs pa las zab pa'i mthar thug gsang sngags nang rgyud yo ga gsum du grags shing*/__rgyud sde de gsum gyi dgongs pa ltar bkral ba'i bka' gter dag snang gi shing rta'i lam srol chen po gsum las/__dam chos mi nub pa dang*/__gdams ngag mi 'chug pa/__byin rlabs mi yal ba/__brgyud thag nye ba'i dgos pa chen po bzhi dang ldan pa'i zab mo gter gyi khongs su gtogs/__de la'ang rgya che ba sa gter zab pa dgongs gter gnyis las phyi ma ste sgrub byed kyi chos de la sgrub bya lha yis dbye na rgyud dang*/__sgrub sde'i nges pa gnyis las/__rgyud sde'i dbang du byas na sgyu 'phrul sde brgyad kyi nang tshan byin rlabs kyi rtsa ba bla ma rig 'dzin sgyu 'phrul drwa ba zhi khro rnam par rol pa'i rgyud la brten cing bye brag tu sku gsum gyi sgrub skor las bla ma chos sku snang ba mtha' yas 'od dpag tu med pa'i sgrub thabs/__man ngag gi nges pas sgrub sde bka' brgyad kyi bye brag pad+ma gsung zhi ba'i phyogs su bsdus kyang mi 'gal la/__gang ltar yang dpal o rgyan chos kyi rgyal po nyid kyi rdo rje'i gsung las/__rgya gar mkhas pa pad+ma 'byung gnas nga :__gdul bya'i mos ngor ji snyed sprul pa'i gar:__chu zla'i rol par bsam mi khyab ston kyang :__ngo bo mi 'gyur kun bzang snang mtha' yas:__rgyal ba rgya mtsho'i khyab bdag spyi mes yin:__de phyir nga bsgrub sangs rgyas kun bsgrub 'gyur:__lha gzhan bsgrub kyang nga nyid sgrub pa ste:__bzang ngan phyogs ris 'di zhes dbye ba med:__'on kyang sngon gyi smon lam khyad par gyis:__pad+ma'i rigs su bsgrubs na dngos grub myur:__phrin las mtha' rgyas gzhan snang dbang du sdud:__'gal rkyen mi 'byung byang chub go 'phang nye:__zhes ched du gdams pa ltar pad+ma'i rigs mchog gar gyi dbang po'i zhing khams/__rdo rje theg pa'i rgyud kyi gsang ba las dpa' bo DA ki rang bzhin gyis 'du ba'i gnas nyi shu rtsa bzhi las bde chen 'byung gnas mtshan ma pre ta pU ri lha gcig 'phags pa yab yum gyi gdung las grol bas/__pho mo thams cad theg pa chen po'i chos la mos shing dpa' bo dang DA ki'i rigs can rnams kyi rten 'brel gyis sgrub thabs nye ba'i lha ni gsung pad+ma'i rigs yin la/__de la'ang rigs kyi gtso bo dang 'khor/__mchog dang thun mong gi sgrub tshul du ma las/__'di ni gsung pad+ma'i rigs kyi khyab bdag chos sku snang mtha' yas pa gtso bo'i mchog gi 'od gsal gyi ye shes snang ba bzhi mthar son par byed pa'i sgrub thabs te/__nges pa'i don du kun bzang 'od snang mtha' yas gsungs so sor rtogs pa'i ye shes khyab brdal gyi 'khor lor sku dang zhing khams rgya mtsho'i sgron ma rnam par bkod pa'i gzi brjid tshe dpag med ces thog ma'i dus nas mngon par byang chub pa'i sangs rgyas nyid yin la/__thun mong du de bzhin gshegs pa 'jig rten dbang phyug rgyal po'i spyan sngar sangs rgyas kyi zhing yongs su bzung ba'i thugs bskyed dang smon lam gyi dam bca' rlabs po che mdzad pa'i tshul/__da ltar sangs rgyas kyi zhing bye ba khrag khrig brgya stong phrag brgyad cu rtsa gcig gi yon tan dang bkod pa thams cad gcig tu 'dus pa'i zhing mchog bde ba can zhes bya bar 'tsho zhing gzhes la/__chos kyang ston pa'i mtshan thos nas dad pa skad cig tsam skyes pas kyang bla na med pa'i byang chub las phyir mi ldog cing bud med gyi lus tha mar 'gyur ba dang*/__dge ba'i rtsa ba bskyed cing bsam pa thag pas zhing der skye ba'i rgyur bsngos na 'chi 'phos ma thag 'jig rten gyi khams bde ba can du skye zhing myur du 'tshang rgya ba sogs thugs bskyed dang phrin las rmad du byung ba'i sangs rgyas bcom ldan 'das mgon po 'od dpag tu med pa zhes 'phags pa dkon mchog brtsegs pa/__'od dpag tu med pa bkod pa'i mdo la sogs pa mdo sde du ma dang*/__rgyud sde chen po bzhi ka nas lha sngags kyi sgrub tshul sna tshogs yang yang gsung pa de nyid skabs 'dir sngags bla med a ti yo ga ltar sgrub pa 'di/__thams cad mkhyen gzigs 'od gsal sprul pa'i rdo rje'i zab mo dgongs pa'i gter mdzod kyi chos sde rtsa gsum 'od gsal snying thig gi rtsa ba'i sgrub thabs 'od gsal drwa ba'i dbang gi cho gas smin par byed pa skabs su babs pas de nyid gsan pa'i yon du maN+Dal phul/__bla ma dang dkyil 'khor gyi gtso bo gnyis su med pa la dad mos gdung shugs drag pos gsol ba gdab pa 'di'i rjes zlos/__sangs rgyas kun 'dus rdo rje 'dzin:__bdag la brtse bas nyer dgongs nas:__'od snang mtha' yas dkyil 'khor du:__dbang bskur dam pa stsal du gsol:__lan gsum/__de nas phyi mtshan ma'i dkyil 'khor du 'jug pa la thog mar rgyud dag pa'i slad du/__bla ma tshe 'od mtha' yas dkyil 'khor lha tshogs skyabs yul zhing gi rdul snyed kyi spyan sngar bdag sogs mkha' khyab kyi sems can thams cad byang chub ma thob kyi bar du skyabs su 'gro ba dang kun rdzob dang don dam pa'i bdag nyid can gyi sems bskyed pa bzung ngo snyam pas 'di'i rjes zlos mdzod/__hrIH__ka dag so sor rtog pa'i ye shes sku:__'chi med thog ma'i mgon por skyabs su mchi:__lhun grub 'od gsal snang bzhi'i dkyil 'khor du:__khams gsum 'gro kun sgrol bar sems bskyed do:__lan gsum/__tshogs kyi zhing de dag gi mdun sar bsags sbyong phul du gyur pa yan lag bdun pa'i rim pa la bslab bo snyam pas 'di'i rjes zlos mdzod/__ho:__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rang :__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__de nas dbang bskur ba de yang rten dkyil 'khor la brten nas thob na'ang*/__dbang 'dzin pa dam tshig dang sdom pa la rags las pas smin byed kyi rten sdom ldan du sgrub pa'i phyir khyad par gyi sdom pa rnams bzung bar bya ste/__rigs lnga'i dam tshig yan lag gi dam tshig nyi shu rtsa lnga/__rtsa ba sku gsung thugs kyi dam tshig ste/__mdor na bla na med pa'i dam tshig dang sdom pa ma lus pa bzung bar bya snyam pas 'di'i rjes zlos mdzod/__bde gshegs sras bcas bdag la dgongs/__/rig pa 'dzin pa bdag gi ni/__/byang chub snying por mchis kyi bar/__/so sor thar dang byang chub sems/__/rig 'dzin nang gi sdom pa'i tshogs/__/ma lus yongs su bzung bar bgyi/__/lan gsum/__de nas ye shes kyi dkyil 'khor du 'jug pa'i sngon 'gro dam la bzhag pa ni/__rdo rje ye shes kyi bdud rtsi'i chu nan 'di nyid lce la bzhag kyang snying gi dkyil du babs te/__gal te dam tshig las 'das na badz+ra yak+Sha kro d+ha zhes bya ba sdig pa mgo dgu par gyur nas snying khrag 'jibs pas mthong chos su'ang tshe thung zhing nad mang*/__phyi mar dmyal ba'i gnas su lhung nas nyam thag par 'gyur la/__dam tshig bsrungs na lha ye shes sems dpar gyur nas rtag tu byin gyis rlob cing*/__'di phyi'i phan bde ma lus pa ster bar 'gyur ba'i don nges par gyis shig__/nang mchod dang sbyar ba'i chu byin la/__hU~M:__sngags kyi rtsa ba dam tshig ste:__bsrung na dngos grub rnam gnyis thob:__ma bsrungs tshe 'dir dmyal bar 'gro:__dam bsrungs rdo rje'i chu 'thungs shig__/ces gdams pa la/__deng phyin chad dam tshig tshul bzhin du bsrungs snyam pas rdo rje'i bro bor ba 'di'i rjes zlos/__badz+ra sa ma ya i dan na ra kan:__zhes brjod du bzhugs pas rgyud brtan par bya/__sngon chad ma rig pa'i sgrib g.yogs kyis rig pa ye shes kyi mig ldongs pa mtshon phyir dar yug dmar pos gdong bkag par mos shig___/AHkhaM bI ra hU~M/__zhes mig ras sbyin/__dkyil 'khor pa dang mjal ba'i phyag rten dbang gi cod pan dmar po rigs kyi rtags su byin par mos shig__/A khaM bI ra hU~M/__zhes me tog thal sbyar bar du sby-in/__ye shes dbab pa'i slad du sgo gsum gyi gnad legs par gcun la dmigs pa 'di bzhin du mdzod/__slob dpon gyi thugs ka nas 'od zer 'phros/__khyed rang rnams la phog__/rnam smin sha khrag gdos bcas kyi mtshon pa'i ma dag pa'i snang ba thams cad me long gi rlangs pa yal ba ltar sangs kyis mi dmigs te stong par sbyangs/__stong pa'i ngang las snod bcud bde ldan zhing gi bkod pa ngo mtshar rmad du byung ba'i dbus su/__gnas khang 'di nyid kyang byang chub sems dpa' nor bu rin po che'i gzhal med khang yangs shing rgya che ba'i dbus su/__khyed rnams gang du gnas pa'i go sar rma byas btegs pa'i rin po che'i khri bkod pa phul du byung ba'i steng sna tshogs pad+ma dang zla ba'i gdan la chos sku 'od snang mtha' yas sku mdog dmar po zhal gcig phyag gnyis mnyam bzhag gi steng na lhung bzed bdud rtsi'i gang ba bsnams pa/__na bza' chos gos rnam gsum ngur smrig gi mdog can gsol zhing chags bral mchog gi sprul pa'i sku'i ngang tshul can gyi thugs ka 'od lnga'i drwa ba'i klong du bde gshegs zhi ba rdo rje dbyings kyi lha tshogs bzhi cu rtsa gnyis dang*/__spyi bor 'bar ba khrag 'thung gi lha tshogs lnga bcu rtsa brgyad/__mgrin par rig 'dzin dpa' bo DA ki'i tshom bu dang bcas pa gsal ba'i gnas gsum du 'bru gsum gyis mtshan pa las 'od zer 'phros pas nub phyogs bde ldan pad+ma bkod pa'i zhing khams sogs sku gsum dag pa'i zhing thams cad nas sangs rgyas dang byang sems dpa' bo rnal 'byor ma'i tshogs thams cad sku phyag rgya/__gsung yig 'bru/__thugs phyag mtshan gyi rnam pa kha char bu yug 'tshubs pa ltar spyan drangs nas khyed rang gi sgo gsum la sib sib thim pa'i mos pa mdzod/__spos dbyangs DA dril bcas/__hrIH__ngo bo 'od gsal chos sku'i pho brang nas:__'chi med thog ma'i mgon po gshegs su gsol:__rang bzhin bde stong longs sku'i gzhal yas nas:__rab 'byams zhi khro'i lha tshogs gshegs su gsol:__thugs rje 'gro 'dul sprul pa'i zhing khams nas:__rig 'dzin DA ki rgya mtsho gshegs su gsol:__ka dag gnyug ma'i ngang du byin phob la:__lhun grub snang ba bzhi yi dbang mchog skur:__oM AHhU~M badz+ra dz+nyA na a be sha ya A AH__yang yang brjod pas byin dbab/__tiSh+Tha badz+ras rdo rje mgor bzhag brtan par bya/__sngar byin pa'i me tog de nyid lhag pa'i lha la 'bul ba'i mos pas 'di'i rjes zlos/__hoH__rang snang rnam dag 'og min du:__bde chen rdo rje'i maN+Da lar:__rig pa'i me tog 'di dor bas:__lhag pa'i lha la 'bab par shog:__oM sarba ta thA ga ta maN+Dal puSh+pe pra tIts+tsha hoH__zhes tshom bu'i dkyil 'khor du dor ba de nyid blang la spyi bor bzhag ste/__rdo rje dang rin po che dang pad+ma dang las kyi rigs kyi dngos grub thob par gyur cig__/ma rig pa'i rab rib mig ras dang lhan cig tu bsal ba'i mos pa mdzod/__hoH__ji ltar mig mkhan rgyal po yis:__'jig rten rab rib gsal ba ltar:__bu khyod kyis ni mi shes pa'i:__rab rib rgyal ba rnams kyis bsal:__oM dz+nyA na tsak+Shu pra we sha ya phaTaH__ces mig ras bsal/__oM tsak+Shu sa man+ta bi sho d+ha na ye swA hA:__zhes ma rig pa'i sgrib byed bsal bas dag pa ye shes kyi dkyil 'khor mngon sum du mjal bar gyur par mos shig__/kye rigs kyi bu byang chub phyogs kyi chos sum cu rtsa bdun la sogs pa'i sangs rgyas kyi sku dang ye shes brda don rtags kyi mtshon pa'i ras bris kyi dkyil 'khor 'di ni rten gzhal yas khang pa ste/__nang phung po khams dang skye mched mtshon la/__de na bzhugs pa'i brten pa ye shes kyi lha ni rang gi sems rnam shes tshogs brgyad sems byung dang bcas pa rang byung ye shes de bzhin gshegs pa thams cad kyi gsung so sor rtogs pa'i ye shes pad+ma'i rigs kyi khyab bdag rdzogs pa'i sangs rgyas 'od snang mtha' yas tshe dang ye shes dpag tu med cing rdul bral shin tu rnam par dag pa sku mdog pad+ma rA ga'i lhun po la nyi ma bye bas 'khyud pa'i gzi byin can/__zhabs rdo rje'i skyil mo krung gi bzhugs pa'i steng du lhung bzed kyis mtshan pa'i phyag gnyis mnyam par bzhag cing dar dmar ser gyi sham thabs sngon pos bla gos/__dmar po'i snam sbyar can/__dbu'i gtsug tor ltar mi mngon pa la sogs pa'i mtshan dpe'i rgyan ma tshang ba med pas brgyan pa'i rdo rje'i phung khams skye mched gdod nas bde chen gdan gsum tshangs ba rab 'byams rtsa gsum rgyal ba rgya mtsho'i ye shes kyi 'khor lo'i sprin chen po'i bdag nyid du lhun gyis grub pas bzhugs pa thabs 'dis mngon sum du ngo sprad pa'i mtshon don shes par mdzod cig__/de dag gis 'jug pa'i chos rnams song nas/__dbang bskur dngos la thog mar bum dbang mtha' rten dang bcas pa bsgrub pa la 'dun pa 'di ltar du mdzod/__bdag mdun gyi thugs ka'i 'od zer phyogs bcur 'phros pas rgyal ba sras dang bcas pa gdan gsum tshang ba'i dkyil 'khor gyi rnam par spyan drangs/__de bzhin gshegs pa rnams kyi dgongs pa mdzad/__gshegs ma rnams kyi dbang bskur/__sems dpa' rnams kyis bkra shis brjod/__sems ma rnams kyis glu gar bsgyur/__khro bo rnams kyis bgegs bskrad/__rnam rgyal bum pa lha'i pho brang rten dang brten par bcas pas dbang bskur bas phung khams skye mched sku rdo rje'i sprul pa'i skur gyur par mos shig__/rnam rgyal bum pas dbang bskur la/__hU~M hrIH__snang stong bum pa'i dkyil 'khor du:__bde ldan mgon po'i lha tshogs shar:__skal ldan bu la dbang bskur bas:__phung khams lha skur smin par shog:__oM a mi d+he wa hrIH__kA ya a b+hi Shiny+tsa oM:__bdud rtsi'i chu rgyun gyis dbang bskur/__sku gang*/__dri ma dag__/chu'i lhag ma yar lud pa las rigs bdag rdo rje sems dpas dbur brgyan par mos shig__/dkyil 'khor ba'i lha tshogs rnams las ye shes kyi sku gnyis pa re 'phros nas khyed rang la thim pas rtog tshogs lha sku snang stong phyag rgya'i rol par shar bar mos shig__/gtso 'khor rnams kyi sku rim par mgor bzhag la/__hrIH__bde chen pad+ma drwa ba nas/__/tshe dang ye shes dngos grub gter/__/'od snang mtha' yas bcom ldan 'das/__/dkyil 'khor gtso bo'i dbang bskur ro/__/oM a mi ta b+ha a b+hi Shiny+tsa hU~M:__hU~M/__thugs ka chos kyi 'khor lo nas/__/phung khams gnas yul gnas dag pa'i/__/gdan gsum dkyil 'khor yongs rdzogs lha/__/rdo rje dbyings kyi dbang skur ro/__/oM shAn+tiM maN+Da la a b+hi Shiny+tsa hU~M:__hU~M/__dung khang bde chen 'khor lo ru/__/dug gsum rU tra mthar byed phyir/__/'bar khros rngams pa'i ye shes sku/__/khrag 'thung lha yi dbang bskur ro/__/oM kro d+ha maN+Da la a b+hi Shiny+tsa hU~M:__hU~M/__longs spyod yongs rdzogs 'khor lo nas/__/rdo rje'i sa lam yongs rdzogs pa'i/__/sku gsung thugs yon phrin las kyi/__/rig 'dzin lha tshogs dbang bskur ro/__/oM bid+ya d+hA ra de wa ga Na a b+hi Shiny+tsa hU~M:__de nas ngag tha mal du zhen pa sbyong ba'i phyir gsung bzlas pa'i lung sbyin pa la/__slob dpon dang dkyil 'khor gyi lha tshogs gnyis su med pa'i so so'i thugs ka nas sngags kyi phreng ba 'phros/__zhal nas byung*/__khyed rang rnams lhar gsal ba'i zhal du zhugs/__thugs srog dwangs ma'i thig le kun tu bzang po yab yum gnyis su med pa'i thugs kar nyi zla'i ga'u'i sbubs su hrIHyig gi mthar sngags phreng 'khor bar mos la bsnyen pa'i sngags 'di yi rjes zlos lan gsum mdzod/__oM a mi d+he wa hrIH__lan gsum/__rig stong gdod nas dag pa'i ye shes khyab bdag snang mtha' yas pa'i tshul du shar ba'i phung khams skye mched thams cad 'od gsal thig le chen po zhi khro rab 'byams dpa' bo DA ki'i grong khyer du gdod nas 'du 'bral med par rdzogs pa'i yin lugs gsal 'debs kyi dgongs pas grub pa'i sngags 'di'i rjes zlos lan gsum mdzod/__oM AHhU~M hrIHhrIHbo d+hi tsit+ta ma hA su khA dz+nyA na d+ha tu AH__oM ru lu ru lu hU~M b+h+yo hU~M:__lan gsum/__des gsung gi dbang thob pas deng phyin chad grags stong sngags kyi lam khyer dang ma bral bar gyis shig__/thugs rang byung gi dgongs pa ngo sprad pa'i slad du/__me long dwangs pa'i ngos su gzugs brnyan sna tshogs su snang yang rang bzhin ma grub pa'i dpes mtshon nas/__rang sems stong pa'i rang rtsal las gzung 'dzin 'khrul pa'i snang ba sna tshogs su shar yang gdod ma nas skye 'gag gnas gsum bral ba'i don rang rig skad cig ma'i rang rtsal du ngo shes par gyis la snang rig zung 'jug 'od gsal chen po'i ngang du mnyam par zhog cig__/me long bstan la/__hU~M:__gzung dang 'dzin pa'i rtog pa kun:__gdod nas rang bzhin 'od gsal ngang :__ye shes rtogs pa'i dbang bskur bas:__zung 'jug gnas lugs mngon gyur shog:__oM sarba maN+Dal tsit+ta a b+hi Shiny+tsa hU~M:__deng phyin chad khams gsum gyi rnam par rtog pa'i 'jug ldang thams cad rig stong dbyer med bsam gyis mi khyab pa thugs rdo rje'i ngo bor rnam par dag pa yin no/__/zhes rtogs pa skyed/__de dag rnams kyis phyi mtshan ma'i dkyil 'khor du bum pa'i dbang thob lus kyi las gsum dag gzugs su rnam par rtog pa dang rtsa khams stong phrag bdun cu rtsa gnyis sbyangs/__de bzhin gshegs pa thams cad kyi sku rdo rje'i byin rlabs zhugs/__bskyed rim dam tshig gi phyag rgya bsgom pa la dbang*/__zhi ba'i las dang rnam par smin pa'i rig 'dzin 'grub/__bcu gcig kun tu 'od kyi sa non/__'bras bu sprul pa'i sku mngon du byed pa'i skal ba rgyud la bzhag go__/gnyis pa gsang ba'i dbang gi slad du/__bla ma 'od dpag med pad+ma he ru ka longs spyod rdzogs pa'i skur gnas gyur pa yab yum snyoms par zhugs pa'i byang chub kyi sems sangs rgyas thams cad 'dus pa'i ngo bo bde skyong gi bdud rtsi dang mnyam par sbyar ba ngag tu byin pa'i mos pa mdzod/__b+han+d+ha'i bdud rtsi sbyin la/__hU~M hrIH__e waM zung 'jug dkyil 'khor nas:__zhu bdes drangs pa'i kun+Da li:__skal ldan khyod la byin pa yis:__rlung sngags dbu mar thim par shog:__wA kA a b+hi Shiny+tsa AH__des gdan gsum tshang ba'i sku'i dkyil 'khor du gsang ba'i dbang thob/__ngag gi las rnam pa bzhi dag__/sgra tshig rang mtshan du 'dzin pa dang rlung bcu dag par sbyangs/__gsung rdo rje'i byin rlabs zhugs bzlas brjod dang rdzogs rim chos kyi phyag rgya bsgom pa la dbang*/__rgyas pa'i las dang tshe la dbang ba'i rig 'dzin 'grub/__ma chags pad+ma can gyi sa non/__'bras bu longs spyod rdzogs pa'i sku mngon du byed pa'i skal ba rgyud la bzhag pa'o/__/gsum pa sher dbang gi slad du/__dkyil 'khor pa'i thugs ka nas gzugs dang lang tshos rgyan pa'i rig ma spros pa khyed rang rnams yab pad+ma he ru ka gsal ba dang snyoms par zhugs pas dga' bzhi'i mthar thug lhan cig skyes pa'i ye shes rgyud la brtan par mos shig__/rig tsag gtad la/__hrIH__phyag rgya b+ha ga'i dkyil 'khor du:__bde stong ye shes nyams myong phyir:__sna tshogs gzugs can 'di gtad pas/__thig le chos skur grol bar shog:__tsit+ta a b+hi Shiny+tsa hU~M:__des rdo rje btsun mo'i mkha' dbyings su shes rab kyi dbang thob/__yid kyi las gsum dag__/yid dang chos su rtogs pa las byung ba'i rnam shes tshogs bdun dang*/__rang bzhin brgyad cu'i rtog pa sbyangs/__thugs rje'i byin rlabs zhugs/__zung 'jug las kyi phyag rgya brten pa la dbang*/__dbang gi las dang phyag rgya chen po'i rig 'dzin 'grub/__yi ge 'khor lo'i tshogs chen gyi sa non/__'bras bu chos kyi sku mngon du byed pa'i skal ba rgyud la bzhag pa'o/__/dbang bzhi pa ni/__me long dri ma med pa rang byung dwangs shel gyi brdas mtshon te/__dbyings ka dag spros pa dang bral ba'i rang mdangs/__rig rtsal 'od gsal lhun grub zung 'brel gyi dgongs par rtag tu mnyam par 'jog 'tshal/__shel rdo me long gtad la/__AH__ka dag gzhi yi dkyil 'khor du:__lhun grub lam gyi snang ba gsal:__gnyis su med par dbang bskur bas:__chos zad 'bras bu mngon gyur shog:__dz+nyA na a b+hi Shiny+tsa hrIH__des rnam thar sgo gsum gyi bdag nyid du rang bzhin 'od gsal rdzogs pa chen po'i dbang thob/__dpe don 'brel ba'i chos nyid nyams su myong*/__kun gzhi dang shes bya'i sgrib pa dag__/mthong lam phyag rgya chen po sgom pa la dbang*/__drag shul gyi las dang lhun gyis grub pa'i rig 'dzin 'grub/__ye shes bla ma'i sa non/__'bras bu ngo bo nyid kyi sku mngon du byed pa'i skal ba rgyud la bzhag pa'o/__/lnga pa smin grol yongs rdzogs kyi byin rlabs 'pho zhing brtan pa'i phyir gtad rgya'i dbang bskur ba la/__sgrub pod slob ma'i spyi bor bkod de/__mdun gyi nam mkhar phyogs dus rtsa brgyud kyi bla ma yi dam rgyal ba zhi khro/__dpa' bo mkha' 'gro/__chos skyong srung ma dam can rgya mtsho rnams mngon sum du bzhugs pa'i gnas gsum nas sku dang sngags phreng phyag mtshan 'od zer thig le dkar dmar mthing gsum char babs pa ltar byon nas khyed rang rnams kyi gnas gsum du thim pas dgongs brda snyan khungs mkha' 'gro gtad rgya sogs brgyud pa drug ldan dgongs brgyud byin rlabs rdo rje'i ye shes khyed rang gi rgyud du 'phos par mos shig__/oM AHhU~M:__kun bzang rdo rje sems dpa' dga' rab rje:__dgongs pa ro gcig sku gsum rnam dbyer med:__shrI sing ha rig rtsal rang dbang thob:__bi ma mu trA 'pho chen ye shes sku:__pad+ma 'byung gnas rtsa gsum rgya mtsho'i dngos:__brda brgyud bla ma 'chi med rig 'dzin rje:__tshig don byin rlabs chu rgyun ma chad pa'i:__bka' drin can gyi snyan brgyud bla ma sogs:__phyogs bcu dus bzhi'i rtsa brgyud bla ma dang :__yi dam zhi khro dpa' bo mkha' 'gro ma:__dbyings dang ye shes chos srung rgya mtsho'i tshogs:__skal ldan slob ma rigs kyi bu rnams la:__thugs rje'i brtser dgongs ye shes byin chen phob:__phyi nang gsang ba'i lam gyi bar chad sol:__thugs rgyud dgongs pas byin rlabs dbang mchog bskur:__rtsa rlung thig le'i sems kyi sgrib pa sbyongs:__phung po rtsa khams snang stong lha skur dag:__ngag rlung mi shigs bde chen longs spyod rdzogs:__yid dang thig le 'od gsal chos skur smin:__dbyer med ye shes bla ma'i sa thob shog:__oM AHhU~M hrIHhrIHbadz+ra gu ru pad+ma thod phreng rtsal de wa DA ki nI badz+ra sa ma ya dzaHsid+d+hi pha la hU~M AHkA ya kA la sha wa ka gu h+ya tsit+ta pra dz+nyA dz+nyA na d+hA tu a b+hi Shiny+tsa oM AHhU~M hoH__dbyangs gsal rten snying brjod/__dpon slob gnyis kas dgongs pa'i rtsal bskyed/__thugs yid bsres la mnyam par bzhag go__/shis pa brjod/__de dag gis pad+ma mdo sngags gling pa'i zab gter las byon pa rtsa gsum 'od gsal snying thig gi gsang sgrub bla ma mgon po 'od dpag tu med pa'i dbang bskur rgyas pa grub pa yin pas sogs kyis mtshams sbyar la dam tshig bsgrag bzung*/__gtang rag man spyi 'gre byas la slob ma gyes/__gsum pa rjes chog tshogs la rol cing lhag ma gtor skyong nas/__bsngo smon shis brjod yan kyis phrin las mthar dbyung ngo*/__/skye 'chi'i 'ji~Xg me~Xd ye shes ni/__mkhye~Xn brtse'i 'oda~X zer 'bum bkra~X ba'i/__/mtshan thos tsam gyis srid zhi'i dpal/__'dod 'jo shisa~X pa'i dpal gyis 'byo~Xr/__rtsa gsum 'od gsal snying thig gi gsang sgrub 'od dpag med bla med ltar sgrub pa 'od gsal drwa ba'i dbang bskur 'chi med ye shes dpal 'dzin le'u tshan bcu gcig pa pad+ma dbang chen dgyes pa'i sdes sbyar ba'o/__!__/bde chen khyab brdal ye shes ra~Xng byunga~X rtsal/__/snying rje'i 'bar ba'i lang tsho bskal pa'i me'i/__/bdud sde'i tshang tshing bsregs mdzad he ru ka__/pa~Xd+ma khrag 'thung dgyes pas glinga~X 'dir srungs/__/dgongs gter rtsa gsum 'od gsal snying thig gi yang gsang bla ma drag po dmar chen yi dam dgongs 'dus kyi smin byed khrigs bsdebs su bkod pa la/__dkyil 'khor dang dbang rdzas shom bkod/__sgrub cing bsnyen pa nus ldan du bya ba/__smin byed kyi rim pa dngos so/__/dang po ni/__gang du dbang bskur ba'i gnas su gzhung mthun gyi dkyil 'khor rgyas pa ras bris dang*/__bsdu na tshom bu lha grangs bkod pa la rnam bum/__gsang dbang gi rdzas/__bdud rtsi b+han+d+ha/__rig tsaka__/shel rdo/__sgrub gzhung gi glegs bu/__lha tsaka__/sman gtor rak+ta/__mig dar/__me tog sogs dang*/__mtha' bskor du mchod pa/__bka' srung gi gtor ma/__tshogs chad brtan/__dkar bgegs/__las kyi bum pa sogs legs par 'du byas la bshams/__gnyis pa ni/__brgyud pa'i gsol 'debs sngon du 'gro bas/__phrin las kyis dkyus kyi skyabs sems nas brtsams/__bstod pa'i bar mthar chags su btang*/__b+h+rU~M bi shwa bi shud+d+he hrI hU~M phaT dzaH__zhes bdag las mdun du dkyil 'khor gyi go sar gnyis par phyes te dzab[¿] khang dbye/__bsnyen sgrub kyi bzlas pa la 'jug__/bum pa rang byung gi gzhal yas khang du lha dwangs pa'i mtsho la gza' skar shar ba ltar skad cig gis gsal bar gyur/__rang srog sngags kyi 'od zer gzungs thag la/__/'khril te bum pa'i lha tshogs thugs kar zhugs/__/de dag sku las byang sems bdud rtsi'i rgyun/__/bab pas bum chu dbyer med ro gcig gyur/__/zhes dmigs pas bsnyen bsgrub gnyis ka'i bzlas pa bya/__las thams cad pa'i bum pa mtshan nyid rdzogs pa'i nang du pad nyi'i gtan la khro bo yak+sha me dbal sku mdog smug nag tho ba dang lcags kyu 'dzin pa khro bo'i chas thams cad yongs su rdzogs pa'i skur gsal ba'i sku las byung ba'i bdud rtsi'i rgyun gyis bum pa yongs su gang bar gyur/__oM karma yak+sha hU~M phaTaH__zhes brgya rtsa bzlas la/__thun mthar dbyangs gsal rten snying bzla/__mchod bstod dang*/__yig brgya/__oM AHhU~M gis mchod yon phul bas lha rnams rjes su chags pas 'od du zhu ste bum chu dang ro gcig par bsam/__gsum pa ni/__slob ma rjes 'dzin gyi skabs ji lta bar slob dpon bdag nyid 'jug pas dbang len pa'am/__rig pa'i me tog dor bas ye shes kyi 'khor lo'i sku gsung thugs kyi gsang ba dang gnyis su med pa'i nges shes kyis 'jug pa brtan pos nus ldan du byas la/__gnang ba zhus te/__snod dang ldan pa'i slob ma khrus nas dbyung*/__bgegs bskrad/__srung 'khor sgom/__thun mong gi chos bshad kyis blo bcos la/__de yang ji skad du/__bde gshegs yongs 'dus thod phreng rtsal:__pad+ma drag po sgrub pa'i thabs:__zab bcud snying por dril ba 'di:__ma 'ongs lnga brgya'i tha ma ru:__mtha' bzhi 'byung po'i bod khams khengs:__thams cad de la skyabs song bas:__mi zad sdug bsngal gsum gyis mnar:__dkon mchog bstan pa'i lhag zhabs sdud:__de yi tshe na bdag nyid kyis:__byin gyi rlabs pa'i rnal 'byor pa:__zung 'jug sprul pa'i rdo rje'i don:__klong gsal thugs kyi sgrom bur sbas:__nam zhig rten 'brel dus bab tshe:__bar chad bdud dpung 'dul bar shog:__ces gsungs pa ltar mdo sngags bstan pa rgya mtsho'i yang bcud/__gsang sngags rdo rje theg pa'i myur lam/__lam zab bla ma sgrub pa'i skor la snga 'gyur gsang sngags rnying ma'i chos skad du phyi gsol 'debs/__nang byin rlabs/_gsang ba dngos grub/__yang gsang drag po phrin las kyi sgrub skor chen po bzhi ru grags pa las 'di ni phrin las kyi skor te/__snyigs dus kyi gdul bya rgyu nyon mongs dug gsum rags pa 'chol nyog rang rgyud du spyod pas/__'bras bu nad mtshon mu ge'i bskal pa ches dar zhing gdung ba'i tshe mkhyen brtse nus pa'i ye shes kyi rtsal/__stobs dang dbang bcu'i phrin las kyi rno myur/__gang la gang 'dul gyi byin rlabs kyi sgo 'gran zla dang bral ba'i sangs rgyas gnyis pa pad+ma 'byung gnas nyid yin la/__de nyid kyi sku yi bkod pa mtshan gyi bye brag gi sgrub tshul mi 'dra ba du ma zhig bzhugs pa kun gyi mthar thug ni bla ma drag po'i sgrub pa ste/__dus gsum sangs rgyas ma lus thams cad kyis:__dbang bskur rjes gnang rdo rje drag po rtsal:__pad+ma 'byung gnas nga nyid sgom pa yis:__zhi khro rab 'byams thams cad rdzogs par 'gyur:__zhes dang*/__khyad par byin rlabs dngos grub myur 'dod na:__rdo rje drag rtsal pad+ma nga nyid bsgom:__zhes gsungs shing*/__de la'ang bka' gter dag snang gi brgyud srol mtha' yas pa mchis pa'i nang nas/__zab gter gyi shing rta'i lam srol 'dren pa'i gter ston rgyal po lnga yi phyi ma 'jigs bral gyi slob dpon chen po pad+ma 'od gsal mdo sngags gling pa'i dgongs gter rtsa gsum 'od gsal snying thig gi bsdebs su byon pa yang gsang bla ma drag po'i gsang sgrub yi dam dgongs 'dus kyi dbang bskur ba skabs su babs pa ste/__thog mar bla ma dang dkyil 'khor tha mi dad pa'i spyan sngar 'jug pa'i chos rnams zhu ba'i yon du maN+Dal zhig 'bul bar zhu/__zhes maN+Dal 'bul du gzhug__/thal mo me tog dang bcas te gsol ba 'debs pa 'di'i rjes zlos/__sangs rgyas kun 'dus rdo rje 'dzin:__bdag la brtse bas nyer dgongs nas:__bla ma drag po'i dkyil 'khor du:__dbang bskur dam pa stsal du gsol:__lan gsum/__rdo rje theg pa la don gnyer gyi blo skye bas don shin tu legasapa yin no zhes spro ba bskyed pa'i sgo nas gnang ba sbyin pa 'di la gsan pas khyab par gda'/_dus gsum gshegs pa'i sangs rgyas kun:__rdo rje'i lam mchog 'di la brten:__de phyir gsang chen dkyil 'khor 'dir:__bu khyod 'jug cing smin par bya:__dus 'di nas byang chub ma thob kyi bar du bla ma pad+ma drag po nyid mchog gsum rtsa gsum dam can dang bcas pa gcig bsdus su shes pas thun mong ma yin pas skyabs su 'gro zhing sems can thams cad kyi don du byang chub mchog tu sems bskyed par bgyi'o snyam pas 'di'i rjes zlos mdzod/__hU~M:__bde gshegs kun 'dus thod phreng rtsal:__pad+ma drag por skyabs su mchi:__'gro kun byang chub thob bya'i phyir:__bskyed rdzogs zung 'jug phrin las bsgrub:__lan gsum/_de nas tshogs bsags pa'i phyir tshogs zhing khyad par can de dag gi spyan sngar rang gzhan sems can thams cad 'khod de phyag 'tshal mchod pa 'bul ba sogs bsags sbyang gi snying po yan lag bdun pa 'di'i rjes zlos mdzod/__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__lan gsum/__rdo rje theg pa spyi dang khyad par gyis bsdus pa'i dam tshig rnams bzung bar bgyi'o snyam pa 'di'i rjes zlos/__bla ma rig 'dzin yi dam lha:__mkha' 'gro dam can ma lus dgongs:__rig pa 'dzin pa bdag gis ni:__dus 'di nas bzung spros bral gyi:__byang chub snying por mchis kyi bar:__bde gshegs khyed kyi mdzad spyod ltar:__bla med mi spang bla ma bkur:__yang dag lam du zhugs la byams:__sngags dang phyag rgya rgyun mi bcad:__gsang ba'i don phyir smra mi bya:__byang chub snying po bdag la stsol:__lan gsum/__sngon chad dkyil 'khor 'di nyid du ma zhugs par mtshon byed gdong g.yogs dmar pos 'ching bar zhu/__oM badz+ra yak+sha hU~M/__zhes las chus bsangs ba'i mig dar/__oM tsak+ShuHban+d+ha bA ra ma Na ya hU~M:__gis 'ching*/__dkyil 'khor gyi lha dang mjal ba'i phyag rten du rin po che'i me tog gi phreng ba re gtad par mos shig__A khaM bI ra hU~M/__zhes cod pan sbyin/__de nas dung chos kyi chu blud de/__hU~M:__sngags kyi rtsa ba dam tshig ste:__bsrungs na dngos grub rnam gnyis thob:__ma bsrung tshe 'dir dmyal bar 'gro:__dam bsrungs rdo rje'i chu 'thungs shig:___badz+ra sa ma ya i daM na ra kan:__dam tshig rdo rje'i mna' chu de nyid snying gi dbus su thim nas dam tshig bsrung na skyobs pa'i lha rdo rje sems dpar gyur la/__ma srungs na yak+sha lcags kyi sdig par 'gyur nas 'di phyi kun tu sreg par byed pas/__deng phyin chad dam tshig la gnas par gyis shig__/ces bsgo/__de ni dbang gi gzhi 'god pa slob ma'i lus ye shes kyi 'khor lor sba zhing byin gyis brlab pa'i phyir mos pa 'di bzhin du mdzod/__khyed rang rnams kyis slob dpon la gus 'dud drag po byas pas/__nged kyi thugs rje'i 'od zer gyis mdun bskyed kyi thugs rgyud bskul/__mdun bskyed kyi thugs ka'i 'od zer khyed rang rnams kyi lus la phog pas/__tshe thog ma med pa nas bsags pa'i sdig sgrib phung po gdos bcas dang bcas pa 'od du zhu ste mi dmigs pa stong par gyur pa'i ngang las pad nyi'i steng du sems nyid hU~M yig dmar po 'od zer 'phro ba zhig tu gyur/__hU~M de 'od du zhu ba las khyed rang rnams skad cig gis drag po pad+ma'i sku/__zhal gcig phyag gnyis sku mdog dmar nag__/zhal gdangs mche ba gtsigs pa/__spyan gsum khros pa'i sdang mig gzigs pa/__dbu skra phyed brdzes gyen du 'khyil pa/__thod skam lnga yis skra mtshams brgyan pa/__ag tshom dmar ser bskal pa'i me ltar 'bar ba/__phyag g.yas gser gyi rdo rje rtse dgu nam mkha' la phyar te 'dzin pa las gnam lcags kyi sdig pa 'jigs su rung ba'i cha tsha 'phro ba/__g.yon pas sgrol byed phrin las kyi phur pa 'dril bas bdud bgegs bar chad thams cad tshar gcod pa stag lpags kyi sham thabs mdzad pa/__zhing lpags kyi g.yang gzhi sked la bcings pa/__glang chen ko rlon gyi stod g.yogs mdzad pa/__rigs bzhi'i sbrul gyis yan lag dkris pa/__thal chen gyi tshom bu/__rak+ta'i thig le/__zhag gi zo ris/__rin po che dang rus pa'i rgyan gyis brgyan pa/__thod rlon lnga bcus do shal mdzad pa/__brjid cing gtum pa/__rngam zhing khros pa/__khams gsum dbang du sdud pa/__srid gsum zil gyi gnon pa/__zhabs g.yas bskums g.yon brkyangs nas dregs pa pho mo'i gdan la 'gying ba/__yum dbyings kyi dbang phyug ma mthing skya gcer bu rus rgyan dang gzig sham can rdo rje dang dung khrag bsnams pa dang sbyor ba gnyis ka'ang gar dgu'i gzi byin rab tu rgyas pa'i spyi bor bla ma zhi ba rdo rje thod phreng rtsal yab yum la brgyud gsum bla ma'i tshogs kyis bskor ba/__mgrin par khrag 'thung pad+ma badz+ra yab yum la 'jigs byed lnga cu rtsa brgyad kyis bskor ba/__thugs kar che mchog he ru ka dbu nyer gcig__/phyag bzhi bcu rtsa gnyis kyi zhi ba rdo rje dbyings kyi lha tshogs bsnams pa/__yum gnam zhal ma phyag bco brgyad kyis dang pos rdo rje dang dung khrag bsnams pas yab la 'khyud cing*/__phyag lhag mas gnas yul gyi phra men bsnams pa/__'khor du bde gshegs sgrub sde brgyad kyis bskor ba/__lte bar dbyings phyug DA ki sde lnga la gnas yul dur khrod kyis dpa' bo DA kis bskor ba/__gsang bar phrin las kyi mgon po ma ning nag po la rgyud gsum dregs pa'i tshogs kyis bskor ba/__sku'i ba spu'i bu ga las ye shes kyi bya khyung gi tshwa tshwa 'phro ba sgoms shig__/de'i dpral bar 'khor lo'i steng du oM/__mgrin par pad+ma'i steng AH__thugs kar rdo rje'i lte bar hU~M/__hU~M gi 'od zer gyis phyogs bcu'i zhing rab 'byams nas bde gshegs rtsa ba gsum gyi lha tshogs thams cad bla ma drag po'i sku phyag rgya/__gsung yig 'bru/__thugs phyag mtshan gyi rnam pas char drag tu babs pa bzhin byon nas gnyis su med par thim pas rdo rje'i ye shes kyi byin rlabs mngon sum du thob pa'i mos pa mdzod/__gdung shugs spos rol dang bcas pas/__hU~M hU~M hU~M:__yul gyi ming ni rnga yab gling :__gnas mchog zangs mdogs dpal gyi ri:__dur khrod drag po'i gzhal yas nas:__o rgyan pad+ma thod phreng rtsal:__khrag 'thung khro bo'i skur bzhengs shig:__snyigs dus dam 'gong tshar gcod phyir:__mos shing gdung bas spyan 'dren na:__thugs rje'i dbang gis gshegs nas kyang :__sgo gsum rdo rje gsum du sbyor:__gzung 'dzin 'byung po dbyings su sgrol:__mchog dang thun mong dngos grub stsol:__oM AHhU~M badz+ra ma hA gu ru pad+ma kro d+ha artsig nirtsig sarba sid+d+hi hU~M pha[¿]Ta:_a be sha ya A AH__hU~M hU~M hU~M:__ces drag tu bzla zhing ye shes dbab/__de ltar byin phab pa'i byin rlabs kyi rgyun byang chub ma thob kyi bar du brtan par byas par mos shig__/rgya gram mgor bzhag la/__tiSh+Tha badz+ra/__me tog dkyil 'khor la dngos su 'dor du gzhug pa'am tshom bu 'du byas la/__'di na dbang drag pad+ma'i dkyil 'khor rten dang brten par bcas pa'i lha tshogs mngon sum du gsal bar bzhugs pas khyed rang rnams kyi tshe rabs kyi yi dam gyi lha gang yin pa zhig la me tog gi phreng ba 'di bab par gyur cig snyam pa mdzod la rjes zlos dang bcas te me tog 'dor bar zhu/__hoH__rang snang rnam dag 'og min du:__bde chen rdo rje'i maN+Da lar:__rig pa'i me tog 'di dor bas:__lhag pa'i lha la 'bab par shog:__oM sarba ta thA ga ta maN+Da la puSh+pe pra tIts+tsha hoH__'o me tog 'di gar babs kyi lha dang dbyer med du spyi bor thim par sgoms shig__/khyod ni bla med byang chub kyi:__ye shes dam pa'i snod yin phyir:__rdo rje'i dam tshig 'di zungs la:__rang gzhan don gnyis sgrub par gyis:__pra ti gr-ih+Na i maM sa twa ma hA bA lA:__zhes me tog spyi bor bzhag__/hU~M las byung ba'i mig thur gyis ma rig pa'i mig gi rab rib thams cad bsal ba'i mos pa mdzod cig__hoH__ji ltar mig mkhan rgyal po yis:__'jig rten rab rib bsal ba ltar:__bu khyod kyis ni mi shes pa'i:__rab rib rgyal ba rnams kyis bsal:__oM dz+nyA na tsak+Shu pra we sha ya phaTaH__ces mig ras bsal/__de nas ye shes kyi mig gsar du thob pa de la mthong ba bstan par bya ste/__mdun gyi dkyil 'khor rang snang dbyer med bla ma rdo rje drag po rtsal gyi dkyil 'khor du mngon sum du gsal bar bzhugs pa ni gzugs brnyan gyi dkyil 'khor 'dis mtshon pa yin te/__de yang gnyis 'dzin gyi rtog pa sreg pa'i brdar/__phyi rol du ye shes kyi me rab tu 'bar ba mi rtog pa'i ye shes la gzhan gyis mi shigs shing mi tshugs pa'i brdar/__de'i nang du rdo rje'i ra ba/__rnam par thar pa'i tshogs brgyad gnas su dag pa'i brdar/__dur khrod chen po brgyad/__'khor bar gnas nas 'gro don mdzad kyang 'khor ba'i skyon gyis ma gos pa'i brdar/__pad+ma'i phreng ba/__rten 'brel bcu gnyis gnas su dag pa'i brdar/__'og gzhi sna tshogs rdo rje/__che ba'i yon tan rgyas pa'i brdar drag po'i gzhal yas khang gru bzhi pa/__sku gsum lhun grub pa'i brdar mi mgo skam rlon rnyid pa'i brtsigs pa/__gdul bya gdug pa can drag po'i phrin las kyis tshar gcod pa'i brdar drag po'i rgyan chas bkod pas 'jigs su rung ba/__zhi ba'i thabs kyis 'gro kun rjes su 'dzin pa'i brdar byang chub kyi chos sum cu rtsa bdun dang ye shes lnga la sogs pa'i rang bzhin gyi dkyil 'khor gyi chos rnams kyis mdzes par spras pa'i gzhal yas khang gi dbus kyi lte bar/__sde brgyad pad zla nyi ma dregs pa bsnol ba'i gdan gyi steng du thabs mchog rang rig pa'i ye shes bde ba chen po mtshon pa'i brdar/__dus gsum rgyal ba thams cad 'dus pa'i spyi gzugs khrag 'thung drag po/__shes rab stong pa nyid rang rtsal che ba'i yon tan ye shes lnga ma 'gags par rang snang ba'i brdar/__yum rdo rje rnal 'byor ma dang gnyis med du sbyor ba/__sku gsung thugs yon tan phrin las lnga'i bdag nyid kyis gdul bya rjes su 'dzin pa'i brdar gnas lngar khro rgyal lnga dang*/__gzhan yang rtsa gsum rgyal ba'i dkyil 'khor sogs sprul pa'i 'khor tshogs bsam gyis mi khyab pas bskor ba ste/__de ltar na khrag 'thung pad+ma drag po'i rten dang brten par bcas pa'i dkyil 'khor thams cad chos kyi dbyings mngon sum pa bzhin du mjal bar gyur snyam du dga' ba dang sprau ba yang dag pa skyed mdzod/__ces brda sprad/__de ltar dkyil 'khor du 'jug pa'i bya ba 'khor dang bcas pa song nas/__zhugs pa la mngon par dbang bskur ba zhu ba'i yon du maN+Dal 'bul bar zhu/__zhes brjod la slob mas maN+Dal 'bul/__dbang gi dngos gzhi zhu ba'i don du gsol ba 'debs pa 'di'i rjes zlos mdzod/__sangs rgyas kun 'dus thugs rje'i gter:__bdag la brtse bas nyer dgongs nas:__pad+ma drag po'i lha tshogs kyi:__dbang bskur dam pa stsal du gsol:__lan gsum/__dbang dngos la sku gsung thugs ye shes rdo rje gtad rgya'i dbang dang lnga las dang po sku bum pa lha yi dbang lus la bskur ba'i don du/__khyed rnams dkyil 'khor gyi shar phyogs dbang stegs kyi dkyil 'khor mtshan nyid thams cad yongs su rdzogs pa'i dbus su sde brgyad pad zla nyi ma dregs pa bsnol ba'i gdan la bla ma drag po'i rnam pas 'khod pa la/__bla ma dang gnyis su med pa'i dkyil 'khor gyi gtso bos thugs nas sprul pa'i rigs lnga yab yum sems dpa' sems ma khro bo khro mo mchod pa'i lha mo dang bcas pas bum pa spyi bor bzhag ste/__dbang bskur zhing shis pa brjod pas/__las dang bag chags kyi dri ma sbyangs nas sku lnga ye shes lnga thob rung du byin gyis brlab par sgom zhig__/rnam bum gyis dbang bskur la/__hU~M hrIH__snang stong bum pa'i dkyil 'khor du:__pad+ma drag po'i lha tshogs shar:__skal ldan bu la dbang bskur bas:__phung khams lha skur smin par shog:__oM AHhU~M badz+ra ma hA gu ru pad+ma kro d+ha artsig nirtsig sarba sid+d+hi hU~M phaTaH__ka ya a b+hi Shiny+tsa oM:__bum pa spyi bor bzhag cing bum chu sbyin/__tha mal gyi snang zhen sbyang phyir sku'i dbang sbyin pa ni/__dkyil 'khor gyi lha'i gtso 'khor rnams las sku gnyis pa 'phros te khyed rang la thim pas pad+ma drag po dngos su gyur par mos shig__/hU~M:__dbyings las 'bar ba'i ye shes sku/__/snang srid zil gnon he ru ka__/pad+ma drag po'i dbang bskur bas/__/dug gsum dbyings su sgrol nus shog__oM AHhU~M badz+ra ma hA gu ru pad+ma kro d+hA artsig nirtsig sarba sid+d+hi hU~M phaTaH__kA ya a b+hi Shiny+tsa hU~M:__hU~M:__rang byung lhun grub khro bo'i rgyal/__/chos nyid zhi las ma g.yos pa'i/__/thod phreng rtsal gyi dbang bskur bas/__/byin rlabs nus mthu yongs rdzogs shog__/oM AHhU~M badz+ra ma hA gu ru pad+ma thod phreng rtsal kA ya a b+hi Shiny+tsa hU~M:__hU~M:__bde chen kha sbyor bdun rdzogs nas/__/phyogs dus rgyal ba'i spyi gzugs che/__/pad+ma badz+ras dbang bskur bas/__/bde stong ye shes mngon gyur shog__/oM AHhU~M badz+ra ma hA gu ru pad+ma badz+ra kA ya a b+hi Shiny+tsa hU~M:__hU~M:__thugs mchog ye shes 'bar ba'i srog__/khro rgyal yongs kyi 'khor lo'i bsgyur/__/che mchog dpal gyi dbang bskur bas/__/rigs kun bdag po'i sa thob shog__/oM AHhU~M shAn+tiM badz+ra d+hA tu dz+wa la kro d+ha maN+Da la a b+hi Shiny+tsa hU~M:__hU~M:__las dang ye shes gnyer 'dzin pa/__bde stong thig le chen po'i gzugs/__/gnas yul DA ki'i dbang bskur bas/__/lhan skyes ye shes mngon gyur shog__/oM AHhU~M d+hA ka d+hA ki ni a b+h-i Shiny+tsa hU~M:__hU~M:__dbyings las rang byung thugs rje'i gzugs/__/rgyud gsum dregs pa'i gtso bo che/__/ma ning lcam dral dbang bskur bas/__/las kun thogs med sgrub nus shog__/oM b+hA kA sha sa na d+hA ra a b+h-i Shiny+tsa hU~M:__hU~M:__tshar gcod rjes 'dzin las kun byed/__/dpal gyi pho nya dregs pa 'dul/__/za byed khyung gi dbang bskur bas/__/steng 'og bar gyi gdon 'dul shog__/oM ma hA ga ru Ta a b+hi Shiny+tsa hU~M:__ngag gi zhen pa sbyang phyir bzlas pa'i lung sbyin pa la/__dkyil 'khor gyi gtso bo'i thugs ka'i sngags phreng las sngags phreng 'od zer dang bcas pa byung*/__zhal nas thon/__khyed rang rnams lhar gsal ba'i zhal du zhugs/__thugs kar hU~M gi mthar 'khod pa las 'od zer spro bsdus don gnyis sgrub par mos la bsnyen pa'i sngags 'di'i rjes zlos lan gsum mdzad pa zhu/__oM AHhU~M badz+ra ma hA gu ru pad+ma kro d+hA artsig nirtsig sarba sid+d+hi hU~M phaTaH__lan gsum/__slar yang thugs ka'i hrI las byung ba'i sngags phreng gnas lnga'i lha tshogs rnams kyi zhal dang mkha' gsang nas brgyud de 'khor ba'i 'od zer gyis rtsa ba gsum gyi lha tshogs mchod cing thugs dam bskul byin rlabs dngos grub thams cad 'od zer gyi rnam par bsdus te thim/__snod bcud kyi dngos 'dzin bag chags dang bcas pa sbyangs nas lha sngags ye shes kyi 'khor lor gyur par mos la drag sngags me'i spu gri 'di'i rjes zlos mdzod/__oM AHhU~M badz+ra gu ru ma hA kro d+ha pad+ma kro d+hi shwa rI badz+ra kI li kI la ya ma hA yak+Sha kA la rU pa karma ra~M ra~M dz+wa la ra~M sarba DA ki ni hU~M b+h+yo hU~M phaT:__lan gsum/__thugs rang byung gi dgongs pa ngo sprad pa'i slad du/__me long dwangs pa'i ngos su gzugs brnyan sna tshogs su snang yang rang bzhin ma grub pa'i dpes mtshon nas/__rang sems stong pa'i rang rtsal las gzung 'dzin 'khrul pa'i snang ba sna tshogs su shar yang gdod ma nas skye 'gags gnas gsum bral ba'i don rang rig skad cig ma'i rang rtsal du ngo shes par gyis la snang rig zung 'jug 'od gsal chen po'i ngang du mnyam par zhog cig__/me long bstan la/__hU~M:__gzung dang 'dzin pa'i rtog pa kun:__gdod nas rang bzhin 'od gsal ngang :__ye shes rtogs pa'i dbang bskur bas:__zung 'jug gnas lugs mngon gyur shog:__oM sarba maN+Da la tsit+ta a b+hi Shiny+tsa hU~M:__de dag gis dbang drag pad+ma drag po'i dkyil 'khor gyi sku gsung thugs kyi ye shes kyi sgo gsum byin gyis brlabs pa'i khams gsum snod bcud kyi snang grags rig pa gdod nas rdo rje gsum gyi 'khor lor shes pa'i dag snang dang ma bral bas lha sngags chos sku lam khyer rgyun mi chad pa mdzod cig__/de ltar rigs kyi bu khyod rnams la dbang drag pad+ma'i sku'i lha dbang lus la bskur bas lus kyi sgrib pa dag nas/__nyon mongs dang phung po lnga gnas gyur te/__gu ru drag po sku lnga'i dkyil 'khor du byin gyis brlabs pa yin pas/__lus lha dang ma bral bar gyis shig__/mthar thug gi 'bras bu sprul sku thob par 'gyur ro/__/gnyis pa gsung gi sngags dbang ngag la bskur ba'i phyir/__bla ma rdo rje drag po rtsal yab yum rjes su chags pa'i sbyor bas snyoms par zhugs pa'i kun+da byang chub kyi sems lhan cig skyes pa'i rten du gyur pa d+hu ti nas brgyud/__rdo rje'i lam nas yum gyi pad+mar 'khyil ba de nyid thod pa'i bdud rtsi dang ro gcig tu 'dres pa khyed rang gi lce thog tu bzhag pa'i mos pa mdzod/__hU~M hrIH__e waM zung 'jug dkyil 'khor nas:__zhu bdes drangs pa'i kuN+Da li:__skal ldan khyod la byin pa yis:__rlung sngags dbu mar thim par shog:__wA ka a b+hi Shiny+tsa AH__zhes pas bdud rtsi myang*/__slob mas a ho ma hA su kha zhes myang zhing*/__bdud rtsi de nyid mgrin pa nas je cher 'phel bas rtsa thams cad gang*/__dus gsum gyi rtog pa 'gags/__zhu bde lhan skyes kyi ye shes nyams su myong ba ni gsang dbang gi ye shes so/__/rigs kyi bu khyod rnams la dbang drag pad+ma'i gsung gi sngags dbang ngag la bskur bas/__ngag gi sgrib pa dag__/nyon mongs pa'i 'khrul pa'i ngag 'di yi dam lha'i gsung yan lag drug cur gyur te/__gu ru pad+ma'i drag po'i gsung du byin gyis brlabs pa yin pas/__ngag sngags dang ma bral bar gyis shig__/mthar thug gi 'bras bu longs spyod rdzogs pa'i skur thob par 'gyur ro/__/gsum pa chos dbang sems la bskur ba'i phyir/__bla mas pad+ma can gyi mtshan nyid dang ldan pa'i phyag rgya ma lo bcu drug lon pa'i na tshod can yid du 'ong ba zhig sprul te khyed rang la gtad pa'i mos pa mdzod/__hrIH__phyag rgya b+ha ga'i dkyil 'khor du:__bde stong ye shes nyams myong phyir:__sna tshogs gzugs can 'di gtad pas:__thig le chos skur grol bar shog:__tsit+ta a b+hi Shiny+tsa hU~M:__zhes rig tsaka gtad/__de ltar gtad pas rig ma dbyings phyug ma dang khyed rang yab pad+ma drag po gsal ba 'du shes gsum gyi snyoms par zhugs pas dga' bzhi'i mthar thug lhan cig skyes pa'i ye shes rgyud la brtan par mos shig_/rigs kyi bu khyod la dbang drag pad+ma'i chos dbang sems la bskur bas yid kyi sgrib pa dag nas nyon mongs pa dug lnga gnas gyur te/__gu ru pad+ma drag po'i thugs ye shes lnga dang ldan par byin gyis brlabs pa yin pas sems chos nyid dang ma bral bar gyis shig__/mthar thug gi 'bras bu chos sku thob par 'gyur ro/__/bzhi pa rgyal thabs spyi blugs lta ba spyi 'byams kyi dbang bskur ba la/__khyed rang rnams lus gnad rnam par snang mdzad kyi chos bdun drang por bsrang*/__ngag gnad rlung rtsol med rang babs su bzhag__/yid kyi gnad dus gsum rtog pas ma bslad pa'i rang rig skad cig ma'i gnas lugs kyi steng du yul drug 'dzin pas ma bslad par rang sar cham mer zhog cig__/shel rdo bstan la/__AH__ka dag gzhi yi dkyil 'khor du:__lhun grub lam gyi snang ba gsal:__gnyis su med par dbang bskur bas:__chos zad 'bras bu mngon gyur shog:__dz+nya na a b+hi Shiny+tsa hrIH__zhes dbyings rig zung 'jug gi brda dwangs shel dri med kyi mtshon te/__don mos gus gcig char ba'i lam la brten nas byin rlabs 'pho ba'i stob kyis ye shes ngo sprad pa/__des dbang gsum pa'i skabs nyams su myong ba'i bde ba'i ye shes kyis mtshon byed byas pas/__sems nyid gdod ma'i gnas lugs kun khyab mtshan ma dang bral ba'i chos sku nyid/__rtogs ma rtogs kyi dbye ba dang 'khor 'das gang du'ang ma 'gags pa 'char rung ngo bo nyid skur lhun gyis grub pa'i cha nas longs sku/__gnas lugs de'i don la goms pas 'khor ba ma spangs rang grol du dag ste sku dang ye shes kyi rol rtsal rdzogs pa sprul sku/__de gsum dbyer med zung 'jug bde ba chen po ngo bo nyid sku rang rig bla ma ye shes kyi 'khor lor mngon sum du mthong bar mos la cung zad cig mnyam par 'jog par zhu/__de ltar bzhi pa lta ba spyi 'byams kyi dbang bskur ba la brten nas/__dri ma bag chags dang bcas pa dag__/lam spros pa'i mtha' thams cad dang bral ba sgom pa la dbang*/__mthar thug ngo bo nyid sku thob pa'i skal ldan du byas pa yin no/__/lnga pa smin grol byin rlabs kyi rgyun gcig char du rdzogs phyir mtha' rten gtad rgya'i dbang ni/__sgrub pod slob ma'i spyi bor bkod de/__mdun gyi nam mkhar phyogs dus rtsa brgyud kyi bla ma yi dam rgyal ba zhi khro/__dpa' bo mkha' 'gro/__chos skyong srung ma dam can rgya mtsho rnams mngon sum bzhin du bzhugs pa'i gnas gsum nas sku dang sngags phreng phyag mtshan 'od zer thig le dkar dmar mthing gsum char babs pa ltar byon nas khyed rang rnams kyi gnas gsum du thim pas dgongs brda snyan khungs mkha' 'gro gtad rgya sogs brgyud pa drug ldan dgongs brgyud byin rlabs rdo rje'i ye shes rang gi rgyud du 'phos par mos shig__/oM AHhU~M:__kun bzang rdo rje sems dpa' dga' rab rje:__dgongs pa ro gcig sku gsum rnam dbyer med:__shrI sing ha rig rtsal rang dbang thob:__bi ma mu trA 'pho chen ye shes sku:__pad+ma 'byung gnas rtsa gsum rgya mtsho'i dngos:__brda brgyud bla ma 'chi med rig 'dzin rje:__tshig don byin rlabs chu rgyun ma chad pa'i:__bka' drin can gyi snyan brgyud bla ma sogs:__phyogs bcu dus bzhi'i rtsa brgyud bla ma dang*/__yi dam zhi khro dpa' bo mkha' 'gro ma:__dbyings dang ye shes chos srung rgya mtsho'i tshogs:__skal ldan slob ma rigs kyi bu rnams la:__thugs rje'i brtser dgongs ye shes byin chen phob:__phyi nang gsang ba'i lam gyi bar chad sol:__thugs rgyud dgongs pas byin rlabs dbang mchog bskur:__rtsa rlung thig le'i sems kyi sgrib pa sbyong :__phung po rtsa khams snang stong lha skur dag:__ngag rlung mi shigs bde chen longs spyod rdzogs:__yid dang thig le 'od gsal chos skur smin:__dbyer med ye shes bla ma'i sa thob shog:__oM AHhU~M hrIHhrIHbadz+ra gu ru pad+ma thod phreng rtsal de wa DA ki ni badz+ra sa ma ya dzaHsid+d+hi pha la hU~M AHkA ya kA la sha wA ka gu h+ya tsit+ta pra dz+nyA dz+nyA na d+ha tu a b+hi Shiny+tsa oM AHhU~M hoH__dbyangs gsal rten snying brjod dpon slob gnyis kas dgongs pa'i rtsal bskyed/__thugs yid bsres la mnyam par bzhag go__/de dag gis dbang dang byin rlabs kyi brgyud pa yongs su rdzogs shing*/__gtad pa yin pas bskyed rdzogs man ngag gi don la 'chad nyan sgom pas gtan la dbab cing rang gzhan gyi don gnyis sgrub pa la 'bad pa dang*/__dbang gi ye shes skyes brtan gong 'phel gyi phyir shis pa brjod pas kyang mnga' gsol bar mos shig__/bkra shis gang 'os brjod/__de ltar na bla ma pad+ma drag po'i dbang bskur legs par song grub pas de dag gi dus su thob cing khas blangs pa'i dam tshig dang sdom pa rnams srog gi phyir yang mi btang bar nan tan du bsrung snyam pas 'di'i rjes zlos mdzod/__gtso bos ji ltar sogs/__lan gsum/__de ltar legs par thob pa'i gtang rag gi don du maN+Dal phul mdzod/__slob mas kyang maN+Dal phul/__de ltar thob pa'i dge ba sems can gyi don du bsngo bar zhu/__bsod nams 'di yis sogs/__slar yang mchod pa kha gso btang rag gi mchod bstod sogs rjes kyi cho ga rnams gzhung ltar bya'o/__/bdud bzhi'i 'ji~Xgs brala~X he ru ka__/mkhyena~X brtse'i~X ye shes 'od phreng zer/__/dbang drag nus mthu'i bkra~X shisa~X dpa~Xl/__/pad+ma'i dga' tshal ltar 'byora~X gyur/__/rtsa gsum 'od gsal snying thig gi yang gsang bla ma drag po yi dam dgongs 'dus kyi dbang bskur bde chen dbang drag nus pa'i stobs sbyin le'u tshan bcu gnyis pa pad+ma gar dbang mdo sngags gling pas sbyar ba ste byin rlabs kyi rtsa ba bla ma sku gsum drag po dang bcas pa'i skor dang po'o/__!__/shrI bi dza yan+tu/__/rgyal kun ye shes sku mchog 'ja~Xm dpal dbyanga~Xs/__mkhyena~X brtse~X nus pa'i ye shes rmad byung bas/__/gangs can mkhas dang grub pa'i dba~Xng po ru/__/legs 'char 'khor lo'i mgon po bla mas skyongs/__/dgongs gter rtsa gsum 'od gsal snying thig gis chos sde'i rtsa gsum bye brag gi sgrub skor la gsum las/__dang po dngos grub kyi rtsa ba yi dam gyi skor la thog mar zab gnyan byin rlabs kyi gzi byin ma nyams pa'i sku 'jam dpal drag po gshin rje gshed dmar po 'chi bdag zil gnon gy-i rim pa dbang gi cho gas slob ma rjes su 'dzin pa la/__stegs bur maN+Dal me tog gi tshom bu gcig bkod pa'i steng many+dzi'i steng bum pa bcud ldan/__dur khrod dpal chas kyi tsaka li/__sngags byang*/__thod dbyug dang dung khrag phur pa rnams dngos saM tsakli gang 'byor/__sman rag gtor gsum/__nyer spyod mchod pa bcas bshams/__slob dpon gyi mdun du las bum sogs kyang 'du bya/__phrin las bskyed bzlas kyi rim pa la/__brgyud 'debs sngon du 'gro bas/__hU~M:__'jam dpal khrag 'thung dkyil 'khor lha tshogs la:__bdag sogs byang chub bar du skyabs su mchi:__'gro kun phan bde'i go 'phang la 'god phyir:__smon 'jug don dam sems mchog bskyed par bgyi:__lan gsum/__rdo rje slob dpon sangs rgyas dpal/__/dus gsum bzhugs la phyag 'tshal lo/__/mchog gsum brten pa'i zhing gyur la/__/gnyis med yid kyis skyabs su mchi/__/dngos 'byor yid kyis rnam 'phrul pa'i/__/dag pa'i mchod pa bzhes su gsol/__/dngos grub chu bo gcod pa'i bgegs/__/nyes byas ma lus bshags par bgyi/__/phyogs bcu 'khor gsum dag pa'i chos/__/ma chags spyod la rjes yi rang*/__/dag pa mtha' bzhi dri ma med/__/rdzogs pa'i byang chub sems bskyed do/__/bde gshegs dbang phyug sems can la/__/dgos pa gsum phyir lus 'bul lo/__/tshe rab bgrang ba'i las rnams kun/__/bsdus te byang chub chen por bsngo/__ces lag brgyad pas rgyud sbyongs/__bgegs bskrad pa ni/__gtor ma dngos su bshams pa yod na byin rlabs bsngo ba sogs spyi ltar bya/__bka' bsgo ni/__hU~M gsang ba mchog g-i dkyil 'khor 'dir:__gnyis 'dzin 'khrul pa'i bgegs tshogs kun:__rang bzhin med pa'i dbyings su dengs:__'od gsal chos skur mtshams bcad do:__hU~M hU~M hU~M badz+ra dz+nyA na rak+Sha b+h+rU~M:__byin 'bebs ni/__hU~M:__khyab brdal 'od gsal chen po'i dbyings:__ye shes sgyu ma'i skur bzhengs pa:__khrag 'thung dkyil 'khor rab 'byams kyis:__dbang bskur byin phob dngos grub stsol:__oM ru lu ru lu hU~M b+h+yo hU~M:__badz+ra dz+nyA na a be sha ya a AH__mchod rdzas byin gyis brlab pa ni/__oM AHhU~M:__snod bcud dur khrod rol pa'i zhing :__snang srid dpal gyi dam tshig rdzas:__phyi nang gsang ba rmad byung ba'i:__mchod pa'i phyag rgya chen por gyur:__oM sarba pU dza ma hA mu tra sa ma ye AHhU~M:__dngos gzhi lha bskyed nas bzlas pa'i bar gzhung ltar bya/__rtogs sgom dman na dzab[¿] khang dbye/__bum pa rang byung gi gzhal yas khang du bcom ldan 'das 'jam dpal gshin rje gshed dmar gsal thod dbyug dang dung khrag 'dzin pa yum bai ta li dang gnyis med du sbyor ba gsal ba'i sku las bde chen byang chub sems kyi bdud rtsi babs pa bum pa'i chu dang ro gcig tu gyur/__oM hrISh+ti wiSh+ti ta na na hU~M hU~M phaT phaT swA hA:__ci nus bzlas la 'od zhu bya/__las kyi bum par khro bo bdud rtsi 'khyil ba'i sngags kyis nus ldan du byin gyis rlabs/__rig pa'i me tog dor ba sngon du 'gro bas/__dngos gzhi'i dbang bskur ba ni/__slob ma khrus byas/__bgegs bsal/__mtshams bcad/__sems bskyed gsal 'debs byas la/__de yang rgyal ba sras dang bcas pa'i sgrib bral ye shes rdo rje'i sku yi khyab bdag rje btsun 'jam dpal dbyangs la zhi ba 'jam dpal sgyu 'phrul drwa ba khri drug stong dang*/__drag po gshin rje gshed la rtsa bshad man ngag gi rgyud dang bka' babs grub brnyes kyi slob dpon so sos bkral ba'i man ngag gi bka' srol mtha' yas pa bzhugs shing*/__gangs can 'dir yang snga 'gyur rnying ma'i phyogs la ngo bo'i dbye bas gshed skor rigs lnga dang*/__rnam pa'i tshul las ye shes las dang 'jig rten pa'i tshul gsum/__phrin las kyi bye brag rna cha brgyad yongs su grags pa dang*/__phyi 'gyur gsar ma'i phyogs la dmar nag 'jigs gsum nang gses dang bcas pa byon pa las/__'dir ye shes kyi gshin rje gshed po dmar po gsung pad+ma'i rigs te 'di la'ang bla ma gnubs chen po nas brgyud pa'i gshin rje gshed ru mtshon dmar po sogs bka' ma dang*/__gter kha snga phyi mang du bzhugs pa las/__skabs su babs pa 'di ni/__mtshan dpe'i me tog kha bye ma thag pa nas gzungs dang spobs pa/__so so yang dag pa'i blo gros kyi gter mdzod grol ba/__shes bya thams cad la gsan bsam sgom pa'i yon tan gyi pha mthar son pa/__rje btsun 'jam dpal dbyangs zhi ba dang khro bo'i rjes su bzung ba'i dngos grub kyi mtshan ma brnyes pa rgyal ba sras dang bcas pa'i phrin las rjes su skyongs shing dam pa'i chos kyi mdzod srung ba sogs rgyu mtshan dang dgos pa du mas slob dpon 'jam dpal bshes gnyen dang*/__bi ma la/__yab gcig khri srong gi rnam 'phrul tshad ma gsum gyi grub pa 'jam dbyangs mkhyen brtse'i dbang po la/__bka' babs chen po bdun bzhugs pa'i bzhi pa/__zab mo dgongs pa'i gter gyi bye brag__/rtsa gsum 'od gsal snying thig gi chos sde las/__dngos grub kyi rtsa ba yi dam gyi sgrub skor las/__sku 'jam dpal gshin rje'i gshed dmar po 'chi bdag zil gnon la brten pa'i slob ma rjes 'dzin dbang bskur gyi bya ba skabs su bab pas de nyid gsan pa'i yon du maN+Dal phul/__slob dpon 'jam dpal gshin rje gshed dngos su gsal ba la mos gus drag pos thal mo me tog dang bcas te/__gsol ba 'debs pa 'di'i rjes zlos mdzod/__/chos dbyings bde bas dgyes rol pa'i:__'jam dpal khrag 'thung dgongs su gsol:__he ru ka dpal grong khyer du:__bdag cag 'jug cing smin par 'tshal:__lan gsum/__bcom ldan 'jam dpal gshin rje gshed rang snang ye shes kyi 'khor lo rtsa gsum rgyal ba chos srung dang bcas pa mkha' khyab tu gsal ba la/__bdag sogs sems can thams cad deng nas byang chub bar rtse gcig gus pa chen po'i skyabs su 'gro ba'i 'dun pas 'di'i rjes zlos lan gsum mdzod/__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__lan gsum/__pha mar gyur pa'i mkha' mnyam gyi 'gro ba mtha' dag dpal he ru ka'i go 'phang mchog la 'god par bya/__de'i ched du gsang ba'i dkyil 'khor chen por smin byed zab mo'i sgor zhugs shing lam rim pa gnyis kyi rnal 'byor la brtson par bgyi'o snyam du sems bskyed pa 'di'i rjes zlos lan gsum mdzod/__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum/__rgyud rnam par dag pa'i ched du zhing mchog dam pa de dag gi spyan sngar tshogs gnyis bsags shing sdig sgrib sbyang ba dang dge rtsa yongs su spel bar byed pa'i don dang ting nge 'dzin rjes su dran pas rgyun bshags yan lag brgyad pa 'di'i rjes zlos/__rdo rje slob dpon sangs rgyas dpal/__/dus gsum bzhugs la phyag 'tshal lo/__/mchog gsum brten pa'i zhing gyur la/__/gnyis med yid kyis skyabs su mchi/__/dngos 'byor yid kyis rnam 'phrul pa'i/__/dag pa'i mchod pa bzhes su gsol/__/dngos grub chu bo gcod pa'i bgegs/__/nyes byas ma lus bshags par bgyi/__/phyogs bcu 'khor gsum dag pa'i chos/__/ma chags spyod la rjes yi rang*/__/dag pa mtha' bzhi dri ma med/__/rdzogs pa'i byang chub sems bskyed do/__/bde gshegs dbang phyug sems can la/__/dgos pa gsum phyir lus 'bul lo/__/tshe rabs bgrang ba'i las rnams kun/__/bsdus te byang chub chen por bsngo/__lan gsum/__dbang gi gzhi dgod cing ye shes dbab pa'i slad du khyed rang rnams lus ngag yid gsum gcun la dmigs pa 'di rtse gcig tu sgoms shing*/__chos thams cad rang bzhin gyis stong nyid spros pa dang bral ba'i ngang las khyed rang rnams gang du gnas pa'i go sar pad+ma nyi ma dregs pa chu glang bsnol ba'i steng du yaHyongs su gyur pa las skad cig gis khyed rang rnams bcom ldan 'das 'jam dpal gshin rje gshed dmar po zhal gcig shin tu khros pa'i nyams can/__dpal dang dur khrod kyi chas rnams kyis brgyan pa phyag g.yas thod dbyug nam mkhar phyar zhing g.yon pas b+han+d+ha dmar gyis gang ba thugs kar 'dzin pa/__yum rdo rje bai ta li dmar nag 'bar zhing chags pa'i nyams can phyag gnyis rin po che dang dung khrag bsnams pas yab la 'khyud pa/__zhabs dor stabs kyis ye shes kyi me dpung 'bar ba'i klong na bzhugs pa gsal thob cig__/slob dpon dpal chen por gsal ba'i thugs ka nas 'od zer gyi snang ba chos kyi dby-ings kun tu khyab par 'phros pas bsgom pa dang 'dra ba'i ye shes sems dpa' dang rtsa gsum rgyal ba sras dang bcas pa rnams kyang dpal chen gshin rje gshed kyi sku gsung thugs kyi phyag rgya'i rnam par kha char bu yug 'tshubs pa ltar byon nas khyed rang rnams la thim pas byin gyis brlabs pa'i mos 'dun drag tu mdzod cig__/hU~M hU~M hU~M:__mnyam pa nyid kyi ye shes las:__rin chen rigs mchog bcom ldan 'das:__'jam dpal khro bo'i skur bzhengs nas:__gnas 'dir spyan 'dren gshegs su gsol:__oM hrISh+tI wISh+ti ta na na hU~M hU~M phaT phaT swA hA:__dz+nyA na badz+ra A bai sha ya AH__ces dbab/__ye shes pa'i byin rlabs kyi rgyun byang chub ma thob kyi bar du brtan par byas par mos shig__/tiSh+Tha badz+ra zhes rgya gram mgor bzhag__/dbang dngos la sku bum pa'i dbang gi slad du slob dpon dang dkyil 'khor gyi gtso bo dbyer ma mchis pa dang*/__dbang lha nam mkha' gang bar sad pa rnams kyis bkra shis pa'i rnam pa du ma dang ldan pas rdo rje bdud rtsi'i chu rgyun gyis gang ba'i bum pas spyi bo nas dbang bskur bar mos shig__/rnam bum spyi bor bzhag la/__hU~M:__rin chen bum pa'i gzhal yas na:__'jam dpal zhi khro'i lha tshogs bzhugs:__deng 'dir khyod la dbang bskur bas:__bskyed pa sku yi dbang thob shog:__oM hrISh+ti wiSh+ti ta na na hU~M hU~M phaT swA hA:__kA ya a b+hi Shiny+tsa oM:__bum chu 'thor 'thung bya/__bum pa'i chus lus kyi nang gang*/__rtog sgrib bag chags dang bcas pa'i dri ma gtor zhing ye shes lnga'i nus pa rgyud la blugs par mos shig__/de ltar sku bum pa'i dbang bskur bas lus snang stong lha yi skur dag__/phung khams skye mched thams cad gdan gsum rdo rje'i dal du sad/__mkha' khyab ye shes sgyu 'phrul drwa ba'i khyab bdag de bzhin gshegs pa'i rigs su mngon par byang chub nas 'phags lam yan lag brgyad dang*/__dbang dang stobs bcu'i bdag nyid zag med kyi yon tan la mnga' brnyes pa'i brda rtags su ye shes mchog gi phyag rgya dpal dang dur khrod rol pa'i chas kyis brgyan pas sku phyag rgya'i dbang dang byin rlabs rdzogs par mos mdzod/__dur khrod dpal chas gtad la/__dpal dang dur khrod rol pa'i chas:__'di ni 'jam dpal he ru ka'i:__ye shes mchog gi phyag rgya ste:__dpa' bo chen po khyod kyis longs:__dz+nyA na mu tra sa ma ya a b+hi Shiny+tsa hU~M:__de rnams kyi lha dbang lus la thob/__gsal brtan dag gsum dang ldan pa'i lha'i sku bsgom pa la dbang ba yin pas/__deng phyin chad snang stong sgyu ma lta bu'i lha'i dkyil 'khor bsgom pa dang ma bral bas tha mal gyi snang zhen kun la bskyed pa phyag rgya'i gzer gyis thebs par gyis shig__/gsung rigs sngags kyi dbang la rdo rje'i sngags byang mgrin par bzhag pas ngag gi dbang phyug 'jam dpal drag po'i rdo rje'i gsung gi dbang dang byin rlabs rdzogs par mos shig__/sngags byang mgrin par bzhag la/__hU~M:__thabs dang shes rab 'brel ba las:__zung 'jug yi ge bcu bzhi byung :__deng 'dir khyod la dbang bskur bas:__bzlas pa sngags kyi dbang thob shog:__wA ka a b+hi Shiny+tsa AH__rjes 'brel bzlas pa'i lung gi slad du slob dpon dang mdun bskyed dbyer med pa'i thugs kar yaHdmar po sngags phreng gi bskor ba las gnyis pa 'phros/__zhal nas thon/__khyed rang gi zhal du zhugs/__snying gar nyi steng yaHyig la thim pas 'od zer spro bsdus rgyal ba rnams mchod/__snang srid dag pa'i 'khor lor sbyangs/__tshur 'dus te khyed rang la thim par mos la rjes zlos/__oM hrISh+ti wiSh+ti ta na na hU~M hU~M phaT phaT swA hA:__lan gsum/__des sngags dbang ngag la thob/__bsnyen sgrub yan lag bzhi ldan gyi bzlas brjod dang*/__ting 'dzin dmigs pa'i 'phro 'du bya ba la dbang ba yin pas/__deng phyin chad grags stong sgra brnyan lta bu'i gsang sngags kyi bzlas pa dang*/__dgongs pa rnam bzhi'i spro bsdu chu bo'i gzhung bzhin chad pa med pas tha mal gyi smra brjod 'dzin rtog kun la bzlas pa sngags dang 'phro 'du ting nge 'dzin gyi gzer thebs par gyis shig__/thugs ye shes phyag rgya'i dbang*/__'bar ba'i phyag mtshan rdo rje'i thod dbyug snying gar bzhag pas/__gdengs pa tsam gyis gnyis snang srid pa'i grong khyer rdul du brlag ste dbyings rig gnyis med 'jam dpal ye shes sems dpa' sgrol byed snying rje'i srog ldan rdo rje'i thugs kyi dbang dang byin rlabs rdzogs par mos shig__/thod dbyug snying gar bzhag__/hU~M:__rdo rje'i thod dbyug 'phyar ba yis:__gzung 'dzin 'byung po dbyings su bsgral:__deng 'dir khyod la dbang bskur bas:__'od gsal thugs kyi dbang thob shog:__tsit+ta a b+hi Shiny+tsa hU~M:__des chos dbang sems la thob/__'od gsal rnam par mi rtog pa'i 'jug ldang la dbang ba yin pas/__deng phyin chad dbyings rig gnyis med rang byung gnyug ma'i gshis la rang babs kyi bsam gtan dang ma bral bas gnyis su snang ba'i chos thams cad la dgongs pa mi g.yo ba'i gzer thebs par gyis shig__/mtshan ldan 'dod dgu 'byung ba'i b+han+d+ha dmar chen rak+tas gang bas dbang bskur bas sangs rgyas kun gyi rnam thar rgya mtsho'i spyod pa 'chang ba'i 'jam dpal drag po'i yon tan gyi dbang dang byin rlabs rdzogs pa thob par mos shig__/dung khrag gtad la/__hU~M:__yon tan mi zad 'dod dgu'i gter:__b+han+d+ha rak+tas bkang ba yis:___deng 'dir khyod la dbang bkur bas:__gang 'dul 'gro ba sgrol bar shog:__gu Na a b+hi Shiny+tsa swA:__des yon tan gyi dbang thob/__las dang dngos grub mtha' dag bsgrub pa la dbang ba yin pas/__thun mong du phrin las bzhi dang grub pa chen po brgyad/__mthar thug phyag rgya chen po mchog gi dngos grub mngon du byas nas sems can rnams la gnas skabs dang mthar thug gi phan bde'i dpal yon ster ba la brtson par gyis shig__/khrag 'thung kun gyi rje btsan 'jigs mdzad ya man+ta ka'i phrin las stobs rdzogs sgrol byed phur bu'i phyag mtshan lag tu gtad pas gdul ka'i srog rtsa gcod pa drag po gtso bor gyur pa'i phrin las rab 'byams kyi dbang dang byin rlabs nus stobs kyi mthu thob par mos shig__/phur pa gtad de bsgril du bzhug__/hU~M:__phrin las drag po kI la ya:__'jam dpal khro bo'i nus mthu rdzogs:__deng 'dir khyed la dbang bskur bas:__'chi bdag bdud dpung tshar gcod shog:__karma a b+hi Shiny+tsa hA:__tshul 'di las byang dang*/__dbang chog tsam las gtan la phab ma mdzad pas/__dbang bskur spyi tsam la 'di nyid kho nas rung mod gter gzhung du/__spro na dgra bgegs bar chad kun:__gzugs brnyan sbyor ba la bsten nas:__gdab pa'i phrin las spyi ltar rjes:__nang gi sbyin sreg tshul du rol:__zhes gsungs pa ltar bya bar 'dod na gong gi karma thod phreng gi zor bzlog gi gdab las bzhin/__dgongs gsol/__gser skyems/__gzu dpang*/__hom bskyed/__'gugs pa bcas kha bsgyur cung zad dang bcas te byas la/__mtha' rten drag po sgrol ba'i rjes gnang rgyas par bya ba la/__mngon spyod brtsam pa po khyed rnams 'khor 'das kun gyi stong srog lta ba blo 'das kyi gdengs thob pas rdzong zin pa'i rig rtsal gsal ba gsum gyi dgongs pa'i ting 'dzin las nam yang mi g.yo bas bying rgod kyi 'phrang brgal te/__khrag 'thung kun gyi rje btsan sogs gong ltar byas la phur pa gtad la/__gdab tu gzhug__/sgrol gris btub pa'i ling ro gtor ma phul zhing dpon slob kun gyis rol pa bcas bya'o/__/gang ltar yang mthar/__des phrin las kyi dbang bskur ba thob/__gshin rje gshed po'i phrin las 'khor lo phyogs med du bskor ba la dbang ba yin pas/__srung ba dang zhi ba'i las kyi rjes su 'dzin pa dang*/__zlog bsad mnan dkrugs dbye bskrad rengs rmongs la sogs pas gdug pa can tshar bcad pa'i phrin las rtag tu bsgrub par gyis shig__/de dag gi dbang bskur thob pa'i dgos pa yang rtsa ba las/__'dis ni bsnyen rdzogs rtags ldan pa'i:__mtshan nyid tshang ba'i slob dpon gyis:__dad brtson skal bar ldan pa yi:__rdo rje'i slob ma rjes bzung na:__gnas skabs tshe yi bar chad dang :__'jigs brgyad mi mthun phyogs kun zhi:__phrin las gang brtsam yid bzhin 'grub:__mthar thug 'jam dpal khro bo'i sku:__mngon par byang chub mchog thob gyur:__sa ma ya:__zhes ches cher bsngags pa ltar dad mos yid ches dang ldan pas 'di nyid kyi lha sngags la g.yar dam rtse gcig tu bzung sogs dam tshig khas blang/__gtang rag__/bsngo smon dang*/__tshogs kyi 'khor lo bcas rjes rim spyi ltar bya'o/__/'ji~Xgs brala~X mkhyena~X brtse'i ye shes nyi/__'o~Xd ze~Xr mkha' khyab spros pa las/__/zab rgyas chos kyi bkra~X shisa~X dpa~Xl/__/'dod dgu'i 'byo~Xr pa lhun gyis grub/__/rtsa gsum 'od gsal snying thig gi yi dam sku 'jam dpal gshin rje gshed dmar po 'chi bdag zil non gyi dbang bskur ye shes snang ba'i sgo 'byed le'u tshan bcu gsum pa 'jam dpal dga' ba'i bshes gnyen gyis sbyar ba'o/__!__/gsung gi rdo rje pa~Xd+ma sam b+ha wa'i/__/thugs rje'i rang gzugs rgyal kun dgyesa~X pa~X'i dpa~Xl/__/dkyil 'khor rgya mtsho'i spro bsdu'i bdag po ru/__/legs 'char snying gi ze'u 'brur rtag tu mchod/__/dgongs gter rtsa gsum 'od gsal snying thig gi pad+ma gsung rta mgrin 'chi med dbang chen 'dus pa'i ye shes sgo 'byed byin rlabs snang ba la/__gzhung mthun ras bris kyi dkyil 'khor bkram pa'i steng bum pa/__sngags byang*/__rdo rje'i kha T+wA~M ral gri b+han+d+ha mdung thung zhags pa bcas phyag mtshan phyogs bsdus/__tshe ril/__tshe chang*/__sgrol phur/__shel rdo me long*/__dpal gtor sman rag__/bsgral dbang rgyas pa spro na lcags hom du ling ga sogs 'du bya/__nyer spyod mchod pa/__tshogs chad brtan/__srung ma'i gtor 'bul/__las bum sogs 'du byas la brgyud 'debs sngon du 'gro bas/__skyabs sems nas brtsams las byang mthar chags su btang ste/__bdag mdun bskyed bzlas gzhung ltar dang*/__bsnyen sgrub las kyi bzlas pa bya/__bum lha gsal gdab dang bdud rtsi 'bebs pa'i dmigs pa spyi ltar bya bas/__bsnyen sgrub kyi bzlas pa bya/__thun mthar tshe 'gugs dang*/__las bum rkyang sgrub/__srung ma'i gtor 'bul/__tshogs byin rlabs nas bsgral bstab par bya/__bdag 'jug gam rig pa'i me tog dor slob ma khrus nas dbyung*/__bgegs bskrad bsrung 'khor rnams/__me tog bkye bsdu bya/__sems bskyed gsal btab la/__de yang bde ba chen po mchog tu mi 'gyur ba'i ye shes kyi dbyings su dgongs pa 'pho 'gyur med pa'i klong las/__kun khyab brtse ba'i thugs rje 'gogs pa med pa'i ye shes gyi rol mo phyogs dus kyi gdul byar rtag tu g.yo zhing snang bas mkha' khyab kyi yid can srid zhi'i g.yang las sgrol bar mdzad pa las/__phrin las kyi gtso bo gsungs chos kyi snang ba chen po ste/__de la'ang rgyu dang 'bras bu'i theg pa'i rnam bzhag du ma zhig bzhugs pa'i ya gyal ni gsang sngags rdo rje theg pa'i rgyud sde chen po bzhi yin la/__de las kyang zab pa phul du phyin pa bla med kyi rgyud la nang rgyud yo ga gsum du grags shing rgyud ma hA yo ga la'ang sgrub sde chen po brgyad du bzhugs pa'i nang tshan gsung pad+ma'i rigs zhi khro dang*/__rta mchog he ru ka la'ang rgyud lung man ngag__/bka' gter dag snang gi lam srol mtha' yas pas 'phags pa'i yul du slob dpon nA ga rdzu+u na/__grub chen mi tra dzo ki__/sangs rgyas gnyis pa pad+ma 'byung gnas/__dge slong ma dpal mo sogs dang*/__bod yul du chos rgyal srong btsan sgam po/__lo tsA rgyal ba mchog dbyangs sogs gsar rnying gi mkhas grub lha sngags 'di nyid kyi dngos grub brnyes pa da lta'i bar zam ma chad pa byon cing*/__skabs su bab pa 'di ni zab mo gter gyi chos skor te/__de ltar 'chi med rta mchog dpal:__rtsa gsum yongs rdzogs dkyil 'khor lha'iH__dbang bskur byin rlabs snang ba 'dis:__bsnyen rdzogs rtags ldan rnal 'byor pas:__rdo rje slob ma rjes bzung na:__gnas skabs tshe yi bar chad zhi:__phrin las rnam bzhi gang brtsams 'grub:__mthar thug rtsa rlung thig le'i khams:__sgrib bral dwangs ma'i lha skur smin:__de phyir snying khrag yang zhun 'di:__rig pa dbyings kyi sgrom bur rgya:__dus bab gzhan don mthar phyin shog:__zhes gsungs pa nyid snyigs dus 'gro ba 'dul ba'i thugs bskyed dang phrin las mkha' khyab tu brdal bas gangs can gyi bstan 'gro'i phan bde'i srog rtsa mthud pa la gzhan dring mi 'jog pa'i rnam thar ngo mtshar ba'i snang ba can/__pad+ma'i rgyal tshab 'gro 'dul sprul pa'i gter chen pad+ma 'od gsal mdo sngags gling pa'i zab mo dgongs pa'i gter las byon pa'i rtsa gsum 'od gsal snying thig gi yi dam pad+ma gsung gi sgrub skor/__'chi med dbang chen 'dus pa rtsa gsum yongs rdzogs kyi zab mo'i dbang bskur byin rlabs gnang ba sgrub pa la sogs kyi mtshams sbyar nas/__slob dpon dbang chen rta mchog rol pa dngos su gsal ba la mos gus drag pos thal mo me tog dang bcas te gsol ba 'debs 'di'i rjes zlos/__rigs rnams kun bdag che ba'i mchog:__rdo rje slob dpon dgongs su gsol:__'chi med rtsa gsum dkyil 'khor du:__mgon pos bdag ni 'jug par 'tshal:__bla ma dkyil 'khor gyi lha dang gnyis su med pa dbang chen rta mchog rol pa rang snang ye shes bkod pa chos kyi dbyings dang mnyam pa'i spyan sngar theg pa chen po'i skyabs 'gro dang sems bskyed yang dag par len pa'i mos pas 'di'i rjes zlos/__hrI:__dbang chen rtsa gsum 'dus pa'i lha tshogs la:__bdag sogs byang chub bar du skyabs su mchi:__'gro kun phan bde'i go 'phang la 'god phyir:__smon 'jug don dam sems mchog bskyed par bgyi:__lan gsum/__rgyud rnam par dag par bya ba'i slad du/__zhing mchog dam pa de dag gi spyan sngar tshogs gnyis bsags shing sdig sgrib sbyang ba dang dge rtsa yongs su spel bar byed pa'i don dang ting nge 'dzin rjes su dran pas rgyun bshags yan lag brgyad pa 'di'i rjes zlos/__rdo rje slob dpon sangs rgyas dpal/__/dus gsum bzhugs la phyag 'tshal lo/__/mchog gsum brten pa'i zhing gyur la/__/gnyis med yid kyis skyabs su mchi/__/dngos 'byor yid kyis rnam 'phrul pa'i/__/dag pa'i mchod pa bzhes su gsol/__/dngos grub chu bo gcod pa'i bgegs/__/nyes byas ma lus bshags par bgyi/__/phyogs bcu 'khor gsum dag pa'i chos/__/ma chags spyod la rjes yi rang*/__/dag pa mtha' bzhi dri ma med/__/rdzogs pa'i byang chub sems bskyed do/__/bde gshegs dbang phyug sems can la/__/dgos pa gsum phyir lus 'bul lo/__/tshe rabs bgrang ba'i las rnams kun/__/bsdus te byang chub chen por bsngo/__lan gsum/__rgyud sdom pa dang ldan par bya'i slad du dam bca' rnam gsum brtan por bzung snyam pas 'di'i rjes zlos/__oM:__bde bar gshegs pa khyed ci 'dra:__de 'dra kho nar bdag gyur cig:__spyod pa rmad byung bsam yas pa:__'gro la phan phyir bdag gi spyad:__byang chub sems mchog dam pa dang :__sku gsung thugs kyi phyag rgya 'di:__srog gi phyir yang mi gtong na:__rdo rje rgyal pos byin rlabs mdzod:__dus ngan tha ma'i 'jig rten 'dir:__sangs rgyas mdzad dka' bdag gis bsgrub:__byang chub spyod dka' bdag gi spyad:__rdo rje rnal 'byor dkyil 'khor 'dir:__bdag cag bsam pa rdzogs gyur cig:__lan gsum/__dbang gi gzhi dgod cing ye shes pa'i byin rlabs dbab pa'i slad du khyed rang rnams lus ngag yid gsum gcun la dmigs pa 'di rtse gcig tu sgoms shig__/las sngags kyi bsang*/__swa b+hA was sbyang*/__stong pa'i ngang las snod rnam par dag pa zla gam dbang chen rol pa'i gzhal yas khang gi dbus su/__pad+ma nyi zla klu srin pho mo bsnol ba'i gdan la/__bcud rnam par dag pa rang gi rig pa'i ngo bo yi ge hrIHdmar po 'od 'bar ba/__de yongs su gyur pa las khyed rang skad cig gis dbang chen rta mchog rol pa/__sgeg cing dpa' la 'jigs su rung ba'i sku mdog dmar nag rtsa ba'i zhal dmar g.yas ljang g.yon dmar ba/__dbu gtsug rta mgo ljang zhur rta skad 'tsher ba/__zhal gdangs ljags 'dril mche gtsigs sma ra smin ma dbu skra dmar ser me ltar 'bar ba/__phyag drug g.yas gsum ral gri kha T+wA~M dbyug tho phyar zhing*/__g.yon gsum b+han dmar dril bu lcags kyu bsnams pa/__thod skam rin po che'i rtse phran can lnga lngas dbu brgyan cing thod phreng tshar gsum mgul rgyan byas pa/__seng glang gi pags pa'i stod g.yogs/__zhing lpags sked dkris stag lpags sham thabs byas pa/__khrag zhag thal bas byugs shing sbrul rigs lnga dang rus pa'i rgyan drug gis spras pa/__khyung gi dbu brgyan cing dpal gyi gshog pa dar l+wa'i 'phur dpyangs rdo rje'i go khrab gsol ba/___yum pad+ma gzi ldan ma phyag rgya lngas brgyan cing kha T+wA~M dang thod khrag 'dzin par 'khyud pa/__gar gyi nyams dgu dang ldan zhing zhabs bzhi 'dor thabs su bgrad pa ye shes kyi me phung 'bar ba'i klong na bzhugs pa'i gnas gsum du oM AHhU~M gis mtshan pa dang rgyud rnam par dag pa ye shes kyi gzi byin dbab pa'i slad du/__slob dpon dkyil 'khor pa dang bcas pa'i thugs ka nas kyang 'od zer dpag tu med pa 'phros/__'og min dbang chen rol pa'i dur khrod nas dpal chen rta mchog rgyal po'i lha tshogs rnams kyi thugs rgyud bskul te lha sngags phyag rgya 'od zer gyi rnam par mkha' dbyings gang bar spyan drangs te khyed rang rnams kyi sgo gsum la gnyis med du brtan pa'i mos pa mdzod cig__spos dang rol mo bcas/__hU~M hrI:__'og min gsang chen rdo rje'i pho brang nas:__rtsa gsum kun 'dus dbang chen tshe yi lha:__rab 'byams dpa' bo mkha' 'gro'i 'khor dang bcas:__byin gyis brlab phyir gnas 'dir gshegs su gsol:__oM hrIHpad+mAn+ta kr-i ta badz+ra krod+ha h+ya gri ba hu lu hu lu hU~M phaT:__dz+nyA na A be sha ya a AH__zhes bzla zhing byin dbab/__ye shes pa brtan par byas pa'i mos pa mdzod/__tiSh+Tha badz+ra zhes rdo rje mgor bzhag__de dag gis dbang gi sngon 'gro'i rim pa grub nas/__dbang dngos la/__sku gsung thugs ye shes rdo rje'i dbang bskur mtha' rten dang bcas pa las/__dang po rnam bcas bde ba chen po sku bum pa'i dbang bskur ba la/__bla ma dang dkyil 'khor gyi gtso bo tha mi dad pa'i thugs ka'i 'od zer gyis gdan gsum tshang ba'i dbang lha spros pas rnam rgyal bum pa rdo rje'i ye shes chen po'i chu rgyun gyi gang bas spyi bo nas dbang bskur/__nyon mongs pa lnga'i sgrib pa dag__/phung khams rigs lnga'i sangs rgyas su gnas gyur/__ye shes lnga lhun gyis grub par mos shig__/zhes bum pa spyi bor bzhag bum chu blud la/__hrIH__'chi med rta mchog he ru ka'i:__sku yi dbang bskur khyod la sbyin:__phung po lha yi skur smin nas:__snang stong zung 'jug mngon gyur shog:__oM hrIHpad+man+ta kr-i ta badz+ra kro d+ha h+ya grI ba hu lu hu lu hU~M phaTaH__kA ya a b+hi Shiny+tsa oM:__de'i rjes 'brel du dpal gyi gtor ma phyi snod dbang chen zla gam 'bar ba'i gzhal yas khang*/__nang bcud dpal chen rta mchog rol pa'i dkyil 'khor sprul pa 'khor tshogs bka' sdod dang bcas pa byin rlabs gzi brjid 'bar zhing dbang gi rta skad lhang nger gsal ba'i sku yi gnas thams cad nas 'od zer dpag tu med pa byung*/__khyed rnams kyi sgo gsum la thim pas sdig sgrib nad gdon bar chad thams cad bsal/__sku gsung thugs kyi byin rlabs zhugs/__dbang chen rta mchog rol pa'i gsang ba gsum dang gnyis med du gyur pas las dang dngos grub thams cad thogs med du grub pa'i mos pa mdzod/__dpal gtor spyi bor bzhag__/hrI:__zab gsal gnyis med dkyil 'khor du:__'chi med rtsa gsum lha tshogs bzhugs:__skal ldan khyod la dbang bskur bas:__dngos grub rnam gnyis 'grub par shog:__oM hrIHpad+man+ta kr-i ta badz+ra kro d+ha h+ya grI ba hu lu hu lu hU~M phaTaH__sarba sid+d+hi ba liM ta a b+hi Shiny+tsa AH__gnyis pa gsung gsang ba'i dbang bskur ba ni/__sngags byang mgrin par bzhag ste dbang bskur bas/__grags stong nA da'i rang bzhin gyi rdo rje'i gsung gi nus pa rdzogs par mos shig__/sngags byang mgrin par bzhag la/__hrIH__'chi med rta mchog he ru ka'i:__gsung gi dbang bskur khyod la sbyin:__srog rtsol sngags su yongs smin nas:__gsal stong zung 'jug mngon gyur shog:__oM hrIHpad+man+ta kr-i ta badz+ra kro d+ha h+ya grI ba hu lu hu lu hU~M phaTaH__wA ka a b+hi Shiny+tsa oM:__rjes 'brel gsung bzlas pa'i lung sbyin pa la dmigs pa 'di ltar mdzod/__bla ma dang mdun bskyed dbyer med pa'i thugs kar ye shes 'od lnga'i klong du nyi zla'i ga'u kha sbyor gyi dbus/__thugs srog hrIHdmar po la sngags phreng gis bskor ba las sngags phreng gnyis pa 'phros/__zhal nas byung ste khyed rang lhar gsal ba'i zhal du zhugs/__thugs ka hrIHyig dmar po'i mthar 'khod/__bzlas pa'i rkyen gyi 'od zer 'phros dkyil 'khor lha tshogs thams cad la bde stong rol pa'i 'od zer gyi mchod pa phul/__dngos grub thams cad thob par bsam la/__bsnyen sngags 'di'i rjes zlos lan gsum mdzod/__oM hrIHpad+man+ta kr-i ta badz+ra kro d+ha h+ya grI ba hu lu hu lu hU~M phaTaH__slar yang sngags phreng las byung ba'i 'od zer spro bsdus kyis 'khor 'das brtan g.yo'i dwangs bcud kyi bdud rtsi bkug pa/__rigs bdag yab yum gyi sku'i dbyibs brgyud sbyor mtshams nas byung*/__'khor lo lnga'i thod phreng rigs lnga yab yum mchod de/__bde stong ye shes rdo rje'i srog la dbang thob par bsam la/__sgrub sngags 'di'i rjes zlos lan gsum mdzod/__oM hrI pad+man+ta kr-i ta badz+ra kro d+ha h+ya grI ba dz+nyA na badz+ra A yu She hU~M b+h+rU~M nr-i dzaH__sarba sid+d+hi pha la hU~M:__slar yang thugs srog gi 'od zer kha dog sna lnga spro bsdu'i phrin las rnam pa bzhi lhun gyis grub cing*/__snang grags rig pa lha sngags chos sku'i rol par sad pa mos la/__las sbyor gyi sngags 'di'i rjes zlos mdzod/__oM hrIHpad+man+ta kr-i ta badz+ra kro d+ha h+ya grI ba hu lu hu lu hU~M phaTaH__oM badz+ra dun b+h+yo:__tig nan dza dza:__sa ma ya sta~M:__sa ma ya dzaH__sa ma ya bzlog:__sa ma ya b+h+yo:__sa ma ya gtub:__sa ma ya byer:__sa ma ya rbad:__sa ma ya rbad rbud phaT ya:__'byung po mA ra ya dza dzaH__hU~M hU~M hU~M:__srog gi byin rlabs brtan pa'i slad du/__brtan g.yo'i dwangs ma ma lus pa 'dus pa'i dza gad mgrin par myang bas gsung mi 'gags pa nA da gzhom gzhig bral ba rdo rje tshe'i dngos grub thob par mos shig__/hrIH__rtsa gsum dbang chen 'dus pa yis:__byin rlabs dngos grub kun gyi dbyig:__'chi med bdud rtsi 'di byin pa'i:___rlung lnga dbu mar thim par shog__/oM hrIHpad+man+ta kr-i ta badz+ra kro d+ha grI ba dz+nyA na badz+ra A yu She hU~M b+h+rU~M nr-i dzaH__sarba sid+d+hi pha la hU~M/__ma hA pany+tsa a yur+dz+nyA na a mr-i ta a b+hi Shiny+tsa AH__des ngag gi sgrib pa dag__/bzlas brjod dang mtshan bcas rdzogs rim bsgom pa la dbang bar byas pas/__sgra grags thams cad rdo rje sngags kyi rang sgra ye nas yin par shes par grags stong bzlas pa'i rim pa dang bdag byin rlabs kyi rnal 'byor la brtson par mdzod dang*/__gsung rdo rje mngon du 'grub par 'gyur ro/__/gsum pa snang med stong pa chen po dbyings rig zung 'jug gi brda rtags phyag mtshan snying gar bzhag pas rig stong 'od gsal thugs kyi dgongs pa mngon du gyur par mos shig__/phyag mtshan snying gar bzhag__/hrIH__'chi med rta mchog he ru ka'i:__thugs kyi dbang bskur khyod la sbyin:__rtog tshogs chos kyi skur smin nas:__bde stong zung 'jug mngon gyur shog:__oM hrIHpad+man+ta kr-i ta badz+ra kro d+ha h+ya grI ba hu lu hu lu hU~M phaTaH__tsit+ta a b+hi Shiny+tsa hU~M:__mtha' rten du/__'khor 'das kyi dwangs bcud gcig tu 'dril ba'i ril bu snying gar bstim pas thugs mi shigs pa ka dag 'od gsal chen po'i rdo rje tshe'i dngos grub thob par mos shig__/tshe ril snying gar bzhag cing myang du gzhug la/__hrIH__srid zhi'i dwangs ma 'dus pa'i bcud:__rdo rje bdud rtsi'i ril bu 'di:__skal ldan khyod la sbyin pa yis:__dga' bzhi'i ye shes 'phel bar shog:__oM hrIHpad+man+ta kr-i ta badz+ra kro d+ha h+ya grI ba dz+nyA na badz+ra A yu She hU~M b+h+rU~M nr-i dzaH__sarba sid+d+hi pha la hU~M/__a yur+dz+nyA na ma hA su kha a b+hi Shiny+tsa hU~M:__des yid kyi sgrib pa dag__/bde stong rnam par mi rtog pa'i thabs lam bsgom pa la dbang bar byas pas/__rtog tshogs thams cad bde chen byang chub sems kyi rol par ye nas yin par shes pas/__rig stong thabs shes dbyings ye zung 'jug gi rnal 'byor la brtson par mdzod dang*/__thugs rdo rje mngon du 'grub par 'gyur ro/__/bzhi pa ye shes rdo rje tshig gis ngo sprad pa'i don gyi ye shes la sbyor ba'i dbang ni/__dbyings skye med ka dag dang rig pa lhun grub 'od gsal gyi snang ba gnyis su med pa'i brdar shel dang me long bstan te/__hrIH__'chi med rta mchog he ru ka'i:__ye shes dbang bskur khyod la sbyin:__sgo gsum ngo bo nyid sku'i klong :__rig stong zung 'jug mngon gyur shog:__oM hrIHpad+man+ta kr-i ta badz+ra kro d+ha h+ya grI ba dz+nyA na badz+ra A yu She hU~M b+h+rU~M nr-i dzaH__sarba sid+d+hi pha la hU~M:__dz+nyA na a b+hi Shiny+tsa AH__'og gi bsgral dbang rgyas pa byed na 'dir sbyar dgos/__rjes 'brel 'od gsal chos nyid kyi rtogs pas rgyu bdag 'dzin mtshan ma'i ru tra sde gsum dang 'bras bu skye 'chi 'khrul pa'i rtog pas g.yengs shing 'khrul pa'i gdul bya gzhan sgrol ba'i rtags su dbang drag pad+ma kI la ya'i sgrol byed las kyi phur pas dbang bskur bar mos shig__/phur pa gtad la/__hU~M:__dbang chen drag po kI la ya:__rigs 'dus phur bu 'di gtad pas:__byin rlabs phrin las yongs rdzogs nas:__khams gsum 'gro kun sgrol bar shog:__oM hrIHpad+man+ta kr-i ta badz+ra kro d+ha h+ya grI ba hu lu hu lu hU~M phaTaH__oM badz+ra dun b+h+yo:__tig nan dza dzaH__sa ma ya s+t+wa~M:__sa ma ya dza:__sa ma ya zlog:__sa ma ya b+h+yo:__sa ma ya gtub:__sa ma ya byer:__sa ma ya rbad:__sa ma ya rbad rbud phaT ya:__'byung po mA ra ya dza dza:__hU~M hU~M hU~M:__spyi 'gre 'di tsam gyi rung mod/__spro na gzugs brnyan sbyor ba la:__tshe bdud bar chad yongs bkug nas:__rdo rje phur bu'i bsgral ba'i mthar:__dkyil 'khor lha tshogs zhal du sbyor:__zhes gsung pa bzhin rgyas par bya bar 'dod na/__dbang bzhi pa dngos gzhi bskur zin pa'i rjes/__de yang sangs rgyas rnams gnyen po rdo rje lta bu'i ye shes mngon du byas nas 'od zer chen po'i dbang bskur te mngon par sangs rgyas par brtsams pa na/__bdud sde'i dpung g.yos pa'i tshe drang don du byams pa'i ting nge 'dzin la mnyam par bzhag pas bdud btul bar gsungs shing*/__nges don gsang sngags kyi rgyud sde rnams su bde bar gshegs pa'i ye shes kyi dgongs pas rje btsun 'jam dpal dbyangs dang*/__gtum chen mi g.yo ba bskul ba'i 'od zer bkye bas de gnyis kyi sprul pa'i khro bos nag po'i phyogs khrag khrig bcu gnyis bsgral te bar chad bdud sde'i g.yul las rgyal nas mngon par byang chub 'chi med rdo rje lta bu'i ye shes kyi go 'phang mngon du mdzad par gsungs pa ltar skabs 'dir yang sngon byung ston pa'i rnam thar rjes 'jug gdul bya'i nyams len la sbyor bas/__khyed rnams rang bzhin rdzogs pa chen po'i dkyil 'khor du bzhi pa ye shes rdo rje'i dbang gis brda don ngo sprad pas mthar thug gi grub pa mtha' snyogs pa la/__bar du gcod pa'i bdud tshogs kyis glags mi rnyed pa'i phyir mngon spyod drag po sgrol ba'i rjes gnang mtha' rten gyi tshul du sbyor ba yin pas ting 'dzin dmigs pa'i rim pa 'di dag la thugs gtad par zhu/__hom mdun du bkod de/__pad+ma ma hA shrI he ru ka hU~M phaTaH__phyi snod kyi 'jig rten dbang drag pad+ma rol pa'i dur khrod drag po'i gzhal yas khang du gyur pa'i nang du/__nang bcud skye 'gro thams cad dbang chen rta mchog rol pa pad+ma he ru ka dpa' bo mkha' 'gro rgya mtsho'i tshogs dang bcas pa'i rnam rol du sad pas slob dpon dang slob ma gnyis ka gtso bo dbang drag pad+ma he ru ka khro gtum bzod par dka' ba gzi brjid bskal pa'i me ltar 'bar ba'i skur gyur/__/thugs dam bskul ba ni/__rkang gling dang bshugs pa drag pos rngams rol dang bcas te g.yab dril bcas/__hU~M:__chos nyid gdod nas skye ba med pa las:__snying rje chen pos skye ba'i skur bstan pa:__rtsa gsum rgyal ba ma lus 'dus pa'i dngos:__'chi med dbang chen rta mchog rol pa rtsal:__gtso 'khor sprul pa bka' sdod bcas pa kun:__dus las yal yol dbri bkol mi mdzad pa:__chos dbyings ye shes gsal ba'i ngang nyid las:__thugs dam dbang gis khros 'khrugs skur bzhengs te:__gdug can dgra bgegs gtum po pham mdzad phyir:__'khor bcas tha tshig gnyan po'i dus la bab:__gsol yang mi dgongs bskul yang mi bgyid na:__thugs dam zhal bzhes dam bca' rdzun du thal:__de phyir ye shes chen po'i rtsal bskyed la:__mngon spyod dmod pa'i phrin las yongs grub mdzod:__gser skyems dang gzu dpang ni/__ra~M ya~M kha~M/__gser skyems zag pa med pa'i ye shes kyi bdud rtsi'i rgya mtsho chen por gyur/__oM AHhU~M/__rig 'dzin rtsa brgyud bla ma dam pa dang*/__/bde gshegs kun 'dus zhi khro rab 'byams lha/__/khyad par dbang chen rta mchog lha tshogs rnams/__/gser skyems bdud rtsi'i mchod pa 'di bzhes la/__/gzu dang dpang mdzod mngon spyod las la bzhengs/__/dpal mgon ma ning legs ldan sngags kyi srung*/__/dregs pa'i sde dpon sum cu yab yum sras/__/bka' nyan bran g.yog mngags bzhugs bcas pa rnams/__/gser skyems bdud rtsi'i mchod pa 'di bzhes la/__/gzu dang dpang mdzod mngon spyod las la bzhengs/__/sngags 'chang bdag gi rigs kyi srung ma dang*/__/sa phyogs 'di yi yul gzhi gnas kyi bdag__/lo zla zhag dus tshes la dbang ba'i lha/__/gser skyems bdud rtsi'i mchod pa 'di bzhes la/__gzu dang dpang mdzod mngon spyod las la bzhengs/__hom bskyed pa ni/__e ya~M ra~M yongs su gyur pa las drag po'i btson khang gting ring ba/__dug lnga'i rang gzugs 'byung ba lnga 'khrug cing phyi nang du gshin rje'i dmag tshogs mtshon cha sna tshogs 'dzin pa rgyob sod kyi sgra sgrogs pa 'jigs su rung ba/__de'i nang du dgra bgegs byad ma nyam thag pa'i lus can ngu 'bod lhang lhang pa zhig tu gyur:__bden stobs brjod cing 'gug pa ni/__na mo/__rig 'dzin rtsa brgyud kyi dpal ldan bla ma dam pa rnams kyi bka' bden pa dang*/__sangs rgyas kyi bka' bden pa dang*/__chos kyi bka' bden pa dang*/__dge 'dun gyi bka' bden pa dang*/__gsang sngags dang rig sngags dang gzungs sngags dang snying po dang phyag rgya dang ting nge 'dzin gyi bden pa dang*/__chos kyi gdod nas stong kyang chos can rgyu 'bras bslu+u ba med pa'i bden pa dang*/__khyad par du 'chi med pad+ma drag po rtsa gsum kun 'dus dbang chen rta mchog rol pa'i lha tshogs 'khor dang bcas pa'i bka' bden pa dang*/__bden pa chen po'i mthu la brten nas/__bstan dang 'gro ba'i spyi dgra/__khyad par du rig pa 'dzin pa bdag cag yon mchod 'khor dang bcas pa rnams kyis/__'chi med ye shes rdo rje'i tshe'i dngos grub zab mo sgrub pa la klags blta zhing bar du gcod pa'i tshe bdud log 'dren ma rungs bgegs kyi tshogs thams cad mtshan ma rdzas kyi rten 'di la mchis par gyur cig__/oM hrIHpad+mAn+ta kr-i ta badz+ra kro d+ha h+ya grI ba dz+nyA na badz+ra A yu She hU~M b+h+rUM nr-i dzaH__sarba sid+d+hi pha la hU~M:__badz+ra ang+ku sha dzaH__badz+ra pA sha ho:__badz+ra s+pho Ta ba~M__badz+ra g+haN+De ho:__badz+ra a be sha ya AH__badz+ra pra be sha ya phaT:__zhes 'gugs bstim dbye dbab rnams sngags phyag rgya ting 'dzin dang sbyar bas byas la/__de yang drag shul gyi phrin las brtsams pa po mnyam bzhag chos sku'i dgongs pa lta ba blo 'das las mi g.yo ba'i gdeng gi rdzong bzung la/__rjes thob snying rje'i rtsal gyis thugs rjes gzhan sgrol ba'i phyir log rdug 'byams gsum gyi skyon bsal ba'i phyir gsal ba gsum dang ldan pa'i sgom pa'i ting 'dzin gyis byings rgod kyi 'phrang brgal te gdug pa dbyings su bsgral ba'i phyir sgrol byed las kyi phur lag tu gtad par bsgral bya'i yul dgra bgegs la gdabs te tshe khrus gnas gsum gyi dgongs pa'i ma rungs pa'i srog 'phrog__/bsgral bya dbyings su sbar/__tshe bsod rgyan du thob/__sha khrag gi dam rdzas dbang dang drag shul rol pa dkyil 'khor gyi lha la phul bas dgyes shing rngams pa'i tshul gyi bzhes te/__phung po dur khrod du bsgral/__nyon mongs bdud ye shes su dag__/snang srid bde chen du shar bas lha bu'i bdud las rgyal/__skye shi khungs gtor bas 'chi med rdo rje'i dbyings su btsan sa zin par mos mdzod/__hU~M:__dbang chen drag po kI la ya:__rigs 'dus phur bu 'di gtad pas:__byin rlabs phrin las yongs rdzogs nas:__khams gsum 'gro kun sgrol bar shog:__oM hrIHpad+man+ta kr-i ta badz+ra kro d+ha h+ya grI ba hu lu hu lu hU~M phaTaH__oM badz+ra dun b+h+yo:__tig nan dza dzaH__sa ma ya s+t+wa~M:__sa ma ya dza:__sa ma ya zlog:__sa ma ya b+h+yo:__sa ma ya gtub:__sa ma ya byer:__sa ma ya rbad:__sa ma ya rbad rbud phaT ya:__'byung po mA ra ya dza dza:__hU~M hU~M hU~M:__phur pa gtad cing gdab las bya ling ro gtor ma dang lhag ma slob ma la'ang sbyin/__de dag gis 'chi med rdo rje'i gsang ba gsum gyi byin rlabs dbang bskur gyi rim pas sgo gsum smin par byas pas ye shes bde ba chen po skye brtan gong 'phel gyi phyir/__tshe 'gugs shing bcud bsdu ba la/__snying gar nyi zla kha sbyor gyi dbus su tshe'i rten hrIHnr-i a'i yi ge gsal ba dang*/__slob dpon gyi thugs ka nas kyang 'od zer 'phros/__pho nya las byed rnams kyi thugs rgyud bskul/__de dag las sprul pa yang sprul nam mkha' gang bar spros pa rnams kyis khyed rang rnams kyi bla tshe chad nyams yar ba thams cad dang 'khor 'das brtan g.yo'i bcud dang dwangs ma thams cad dbang med du bsdus/__'chi med tshe'i bdud rtsi nyi ma 'char kha'i mdangs 'od lta bu snying ga'i tshe rten la thim pas rdo rje tshe'i dngos grub thob par mos shig__/mda' dar g.yab cing*/__hrIH__skye med 'od gsal rdo rje'i mkha' dbyings las:__'gags med dbang chen khro bo'i rol par shar:__rab 'byams rtsa gsum rgya mtsho'i 'khor dang bcas:__thugs dam bskul lo thugs rje'i ye shes bskyed:__hrIH__thog ma'i mgon po kun bzang tshe yi lhas:__'khor 'das dbyer med rdo rje'i tshe bcud khug:__'chi med dbang chen khro rgyal yab yum gyis:__zung 'jug sku dang ye shes tshe bcud khug:__sprul pa'i rnam rol rigs bzhi'i he ru kas:__khams gsum skye 'gro yongs kyi tshe bcud khug:__gang 'dul las mdzad phyogs skyong sgo ma bzhis:__sa chu me rlung 'byung bzhi'i tshe bcud khug:__rab 'byams rtsa gsum rgya mtsho'i lha tshogs kyis:__brtan g.yo snod bcud srid zhi'i tshe bcud khug:__rtse gcig sgrub pa'i rnal 'byor bdag cag gi:__bla tshe chad nyams yar ba rang sor chud:__bar chad 'byung po'i tshogs rnams dbyings su sgrol:__'chi med 'ja' lus rdo rje'i dngos grub stsol:__oM hrIHpad+mAn+ta kr-i ta badz+ra krod+ha h+ya gri ba A yu She hU~M b+h+rU~M nr-i dza:__sarba sid+d+hi pha la hU~M:__kA ya wA ka tsit+ta d+harma d+hA tu dz+nyA na badz+ra rak+Sha b+h+rU~M:__'khor 'das tshe bcud snying dbus kyi:__tshe yi rten la gnyis med bstim:__yab yum snyoms zhugs rjes chags kyi:__bde ba mi phyed rdo rje'i srog:__'od dmar pad+ma rA ga'i phreng :__lu gu rgyud kyi thag pa yis:__sku bcing rlung rnams dbu mar bcug:__thig le tshe rten drwa bar bsdam:__cis kyang mi chod mi shig pa'i:__rdo rje gsum gyi srog ldan bsam:__oM AHhU~M badz+ra kA bA tsi rak+Sha hU~M:__zhes rgyas gdab dang*/__shis brjod bcas bya'o/__/dbang dang cho ga'i rjes rim spyi ltar mthar dbyung bar bya'o/__/'ji~Xgs me~Xd bde chen ye shes ni/__/mkhye~Xn brtse~X'i nus pa'i 'o~Xd ze~Xr 'dzum/__/bkra~X shisa~X mchog thun dngos grub kyi/__/dpa~Xl 'byo~Xr mi zad gter du grub/__/rtsa gsum 'od gsal snying thig gi yi dam pad+ma gsung 'chi med dbang chen 'dus pa'i dbang bskur bde chen tshe mchog grub pa'i srol 'byed le'u tshan bcu bzhi pa shin tu dga' ba'i rdo rjes sbyar ba'o/__!__/'jigs bral bde chen rdo rje sems dpa' mchog__/dkyil 'khor rgya mtsho'i khyab bdag slob dpon tshul/__/kun mkhye~Xn ye shes me long rjes brtse~X'i gter/__/gangs can mkhas grub dba~Xng po~Xr 'char gang rgyal/__/rtsa gsum 'od gsal snying thig yi dam rdo rje'i rigs rnam par 'joms pa'i dbang bskur bgyi bar 'dod pas stegs bur gzhung mthun dkyil 'khor bkram pa'i steng many+dzi'i khar bum pa rdzas ldan dbang khrus sbrag ma byed na bum rdzas nyer lnga'i steng*/__shel/__rdo rje pha lam/__ut+pal sngon po/__shu dag__/gi wa~M/__ga bur bcas sbyar shing khrus rdzas blugs/__sngags phreng*/__phyag mtshan rdo rje/__shel dang me long*/__dbang gtor dkar zlum rnams dang*/__mtha' skor nyer spyod kyi mchod pa/__las bum khrus blud byed na gtor snod du zan gyi gru bzhi/__zlum po/__zla gam/__gru gsum gyi dbyibs can gyi bshos bu bzhi rgyan ldan dang de'i mdun du/__sku glud ser po/__dkar po/__dmar po/__ljang gu bcas la chang bu ting lo nam rgyang mtha' 'phang 'bru sman dar ras rin chen sogs mthun rdzas kyis gtams pa dang*/__dkar bgegs bcas 'du byas la/__dbang don sgrub pa dngos ni/__brgyud 'debs dang*/__skyabs sems ni/__bdag dang mkha' mnyam 'gro ba ma lus kun:__skyabs gnas rgya mtsho'i tshogs la skyabs su mchi:__mtha' klas srid pa'i khams rnams bsgral ba'i phyir:__rdo rje 'dzin pa'i go 'phang sgrub par bgyi:__lan gsum/__hU~M hrI:__rang nyid lhar gsal thugs nas 'phros pa yi:__rdo rje rin chen pad+ma rgya gram dang :__'khor lo me phung khro bo'i gur khang gis:__gnyis 'dzin 'khrul pa'i bgegs tshogs mtshams bcad 'gyur/__hU~M hU~M hU~M:__hU~M hrIH__'og min bde chen chos sku'i pho brang dang :__lhun grub ye shes rang snang 'od lnga'i zhing :__gang 'dul sgyu 'phrul sprul pa'i dkyil 'khor nas:__sku gsum lha tshogs rnams kyi byin phob cig:__oM AHhrI hrIH__gu ru d+he wa DA ki ni badz+ra d+hA ra badz+ra dz+nyA na sarba sa ma ya a be sha ya A AH__hU~M hU~M hU~M:__oM AHhU~M:__yul dang dbang po 'brel ba'i sred len kun:__bde stong zung 'jug chen por mnyam sbyor ba'i:__rol rtsal 'gags med kun bzang mchod pa'i sprin:__mtha' klas nam mkha' mdzod kyi 'khor lor shar:__oM badz+ra ar+g+haM nas/__shab+da'i bar dang*/__rU pa/__shab+da/__g+han+d+he/__rA sa/__spar+she ma hA pany+tsa a mr-i ta rak+ta ba liM ta sarba pU dza sa ma ye AHhU~M:__lan gsum brjod la/__dngos gzhi'i lha bskyed nas bzlas pa'i bar gzhung mthar chags su btang*/__dzab[¿] khang phyes la bdag mdun la dmigs nas rnam 'joms kyi rgyud gleng gzhi sngon du 'gro bas gzungs rgyas ji ltar rig pa sngon 'gro'i gzhung ltar nye bsnyen gtso bor bsags/__rnam bum bsang sbyangs/__b+h+rU~M las rin chen bum pa mtshan nyid rdzogs:__sogs nas bstod pa'i bar las byang ltar bya/__bdag gi thugs ka'i sa bon sngags phreng dang bcas pa las 'phros pa'i 'od zer gzungs thag la brgyud bum lha'i thugs kar phog thugs dam gyi rgyud bskul/__sku'i cha thams cad las rdo rje bdud rtsi'i rgyun bab pas bum pa yongs su gang bar gyur/__/gzungs thag blang la gzung ring thung ci 'grub bzla/__las bum gyi nang du bdud rtsi 'khyil pa sku mdog ljang sngon zhal gcig phyag gnyis pa/__g.yas rdo rje rgya gram/__g.yon bdud rtsi'i bum pa bsnams pa'i thugs kar hU~M la sngags kyis bskor bar dmigs nas/__oM a mr-i te hU~M phaT/__ces bsnyen pa ci rigs pa byas nas/__thun mthar dbyangs gsal rten snying mchod bstod yig brgya mthar/__dung chos kyi chu mchod yon du phul/__oM AHhU~M/__zhes brjod pas/__lha tshogs 'od du zhu nas bum chu dang gnyis med 'dres par gyur bar bsam/__bdag 'jug dbang len dang rig pa'i me tog dor ba gang 'os byas la/__slob ma rnams khrus bya gtor ma gtong zhing bgegs bskrad/__srung 'khor bsgom/__me tog bkye bsdu/__sems bskyed gsal 'debs bcas sngon du 'gro bas/__ston pa thams cad mkhyen pa'i rdo rje theg pa'i rgyud sde chen po bzhi ka'i phrin las kyi lha rab 'byams kyi rtsa ba ni rdo rje rnam par 'joms pa ste/__'di la gsar rny-ing gi bka' srol shin tu mang zhing re re la'ang dbang dang rjes gnang rig gtad khrus kyi cho ga sogs rgyas bsdus mtha' klas shing*/__snga 'gyur rnying ma'i phyogs su paN chen bi ma la mi tra dang*/__gnyags dz+nyA na ku ma ra las brgyud pa'i bka' ma rnams 'joms khro bo dkar nag dang*/__gter ston grub thob yongs kyi rgyal po rig 'dzin klong gsal snying po dang bdud 'dul rdo rje'i gter byon rnam 'joms dkar nag sogs rgya chen bzhugs pa las/__skabs su babs pa 'di ni mdo sngags chos tshul rgya mtsho'i shing rta paN chen bi ma la mi tra'i ye shes sgyu 'phrul drwa ba'i rol gar 'jam dbyangs bla ma mkhyen brtse'i dbang po 'od gsal sprul pa'i rdo rje'i dgongs gter rtsa gsum 'od gsal snying thig gi chos skor las byon pa'i rdo rje rnam par 'joms pa'i sgrub skor te gzhung las/__rgyud do cog gi rtsa ba che:__rdo rje rnam par 'joms pa yi:__gzungs sngags zab mo'i phrin las 'di:__ma 'ongs don du pad+mas bsdebs:__chos dbyings bum sku'i sgrom bur rgya:__nam zhig 'gro don dus bab rtags:__gza' klu rgyal bsen rlung ltar 'tshubs:__nad gdon smyo 'bog chu ltar g.yo:__khyad par dal yams btsan thabs 'bebs:__phyi snod 'byung ba khol bur g.yo:___nang bcud stod smad 'khrugs pa mang :__de yi tshe na bdag nyid dang :__'jam dpal grub pa'i slob dpon gyis:__byin rlabs sbas pa'i rnal 'byor pa:__'od gsal sprul pa'i rdo rje dang :__'phrad nas 'brel tshad don ldan shog:__zhes gsungs pa ltar deng sang snyigs ma'i mthar thug mi thub pa lnga bdo ba'i skabs gnyen po zla med ngo bo lha sngags mdo rgyud kun nas yang yang bsngags pas khungs btsun cing*/__rnam pa zab cing byin rlabs kyi tshan kha ma nyams pa 'di nyid la'ang dbang khrus/__'byung lnga'i glud gtor/__sbyin sreg srung ba/__rgyud sde bzhi dang 'brel ba'i bskyed rdzogs kyi nyams len bcas kun las khyad par 'phags pa'i che ba du ma dang ldan pa'i las thams cad kyi rtsa ba dbang bskur gyi rim pa skabs su babs pas maN+Dal phul/__thal mo me tog dang bcas te gsol ba 'debs pa 'di'i rjes zlos lan gsum mdzod/__hoH__dkyil 'khor gtso bo rigs kun bdag:__thugs rje'i gter chen slob dpon gyis:__rdo rje rnam par 'joms pa yi:__smin grol dbang mchog stsal du gsol:__lan gsum/__thog mar sbyor ba'i rim pa bla ma dang gnyis su med pa'i rdo rje rnam par 'joms pa la skyabs yul rgya mtsho'i tshogs kyis bskor ba mngon sum bzhugs pa'i spyan sngar bdag gzhan mkha' mnyam gyi 'gro ba mtha' dag byang chub ma thob kyi bar du skyabs su 'gro ba dang*/__smon pa dang*/__'jug pa'i bdag nyid can gyi sems bskyed pa 'di'i rjes zlos mdzod/__bdag dang mkha' mnyam 'gro ba ma lus kun:__skyabs gnas rgya mtsho'i tshogs la skyabs su mchi:__mtha' klas srid pa'i khams rnams bsgral ba'i phyir:__rdo rje 'dzin pa'i go 'phang sgrub par bgyi:__lan gsum/__tshogs zhing de dag gi spyan sngar bdag gzhan sems can thams cad kyis sgo gsum spyod lam mthun par phyag 'tshal ba sogs yan lag brgyad pa tshul bzhin du bgyi'o snyam pas 'di'i rjes zlos/__rdo rje slob dpon sogs lan gsum/__mkha' khyab kyi rgyal ba sras dang bcas pa'i spyan sngar lhag pa'i byang chub sems dang ma bral bas rdo rje theg pa thun mong ma yin pa'i sdom pa rigs lnga spyi dang bye brag khyad par gyis bsdus pa'i dam tshig rnams legs par blang te bsrung snyam pas 'di'i rjes zlos/__oM/__bde bar gshegs pa khyed ci 'dra/__/de 'dra kho nar bdag gyur cig__/spyod pa rmad byung bsam yas pa/__/'gro la phan phyir bdag gis spyad/__/byang chub sems mchog dam pa dang*/__/sku gsung thugs kyi phyag rgya 'di/__/srog gi phyir yang mi gtong na/__/rdo rje rgyal pos byin rlabs mdzod/__/dus ngan tha ma'i 'jig rten 'dir/__/sangs rgyas mdzad dka' bdag gis bsgrub/__/byang chub spyod dka' bdag gis spyad/__/rdo rje rnal 'byor dkyil 'khor 'dir/__/bdag cag bsam pa rdzogs gyur cig__/lan gsum/__dngos gzhi byin rlabs kyi gzhi dgod pa la/__sgo gsum gyi gnad gcun te dmigs pa 'di bzhin du mdzod/__slob dpon gyi thugs ka'i 'od kyis slob ma'i ma dag pa'i snang ba thams cad stong par sbyangs par bsams la/__oM swA b+ha wA shud+d+haHsarba d+harmA swa b+hA wa shud+d+ho \u0f85haM/__stong pa nyid du gyur/__stong pa'i ngang las snod bcud rnam par dag pa rdo rje'i zhing khams chen po'i dbus su pad nyi'i gdan gyi steng bcom ldan 'das rdo rje rnam par 'joms pa sku mdog ljang sngon zhal gcig phyag gnyis spyan gsum/__sgeg cing khro bo'i nyams can/__ral pa'i cod pan gyis mdzes pa/__phyag g.yas rdo rje rgya gram phyogs gsum pa thugs kar gsor zhing*/__g.yon dkur brten nas 'gying ba/__dar sngon po'i stod g.yog dang tshi gu'i smad dkris can/__rin po che'i rgyan brgyad kyis brgyan pa/__sems dpa'i skyil krung gis rol pa'o/__/de'i dpral bar oM/__mgrin par AH__thugs kar hU~M gis mtshan pa las 'od zer phyogs bcu'i zhing rab 'byams su 'phros pas sangs rgyas byang sems rtsa gsum lha tshogs thams cad rdo rje rnam par 'joms pa'i dkyil 'khor gyi lha tshogs kyi sku dang yig 'bru phyag mtshan gzi byin 'od phung gi rnam par kha char bu yug 'tshubs pa bzhin du byon nas khyed rang rnams kyi spyi bo nas mar lus ngag yid gsum la sib sib thim pas rgyud byin gyis brlabs pa'i mos pa mdzod cig__/spos rol dbyangs bcas/__hU~M:__dag pa rab 'byams chos sku'i pho brang nas:__longs spyod yongs rdzogs rdo rje rnam par 'joms:__sprul sku'i tshul gyis 'gro don sgrub slad du:__thugs rje thugs dam dbang gis gnas 'dir gshegs:__oM badz+ra bud+d+ha rat+na sa pa ri wA ra e h+ya hi dzaHhU~M ba~M hoH__oM badz+ra A be sha ya a AH__zhes brjod cing byin dbab tiSh+Tha badz+ras brtan par bya/__dbang dngos la sku bum pa'i dbang gi slad du slob dpon gyi thugs ka nas 'od zer 'phros pas dbang gi lha nam mkha' gang bar spyan drangs pa dang lhan cig tu bkra shis pa'i rnam pa du ma dang ldan pas rin po che'i bum pa rdo rje bdud rtsi'i chu rgyun gyis gang bas khyed rang rnams kyi spyi bo nas khrus byas shing dbang bskur ba'i mos pa mdzod/__rnam bum btegs la/__hU~M:__bum pa zlum po spros bral chos sku'i klong :__longs spyod yongs rdzogs sprul pa'i dkyil 'khor lha:__'od zhu bdud rtsi'i rgyun gyis dbang bskur bas:__phung khams skye mched sgrib gnyis dag par shog:__na maHtsaN+Da badz+ra kro d+hA ya:__hu lu hu lu:__tiSh+Tha tiSh+Tha:__b+han+d+ha b+han+d+ha:__ha na ha na:__a mr-i te hU~M pha[¿]Ta:__kA ya a b+hi Shiny+tsa oM:__de ltar bcom ldan 'das rdo rje rnam par 'joms pa chen po byang chub kyi sems su zhu ba'i rdo rje bdud rtsi'i rgyun gyis khyed rang gi lus kyi nang thams cad gang*/__grib dang mi gtsang ba thams cad byang*/__bde ba chen po nyams su myong*/__chu'i lhag ma spyi bor 'khyil pa las rigs kyi bdag po rdo rje sems dpa'i dbu brgyan par gyur/__des sku bum pa'i dbang thob/__lus kyi sgrib pa dag sku phyag rgya'i rnal 'byor bsgom pa la dbang bar byas pa yin no/__/gnyis pa gsung bzlas pa'i lung sbyin cing dbang bskur ba'i slad du/__slob dpon dang mdun bskyed dbyer med pa'i thugs ka'i hU~M yig sngags phreng dang bcas pa las sngags phreng gnyis pa byung zhal nas thon khyed rang gi zhal du zhugs thugs ka'i hU~M yig gi mthar 'khod par bsam la che ba brjod pa tshar gcig bklag__/gzungs dngos kyi rjes zlos lan gsum byar gzhug__/dang pos byin gyis brlabs/__gnyis pas dbyer med du 'dres/__gsum pas brtan par byas pa'i mos pa bya/__mthar phan yon tshar gcig bklag__/de brtan par bya ba'i slad du sngags kyi phreng ba mgrin par bzhag te dbang bskur ba'i mos pa mdzod/__sngags byang sngags phreng mgrin par bzhag la/__hU~M:__bcom ldan gsang ba'i bdag po'i ye shes las:__yongs shar thabs shes zung 'jug yi ge'i sprin:__nus pa sngags kyi phreng bas dbang bskur bas:__'gro 'ong rlung gi sgrib gnyis dag gyur cig:__wA ka a b+hi Shiny+tsa AH__des gsung gsang ba'i dbang thob/__ngag gi dri ma dag__/gsung bzlas brjod byed pa la dbang bar byas pa yin no/__/thugs kyi dbang bskur ba'i slad du/__/slob dpon mdun bskyed dang bcas pa'i khro rgyal chen po'i thugs ka nas thugs gnyis su med pa'i ye shes kyi ngo bo rdo rje mthing nag rtse lnga pa byung khyed rang rnams kyi snying gar thim pas rgyud byin gyis brlabs pa'i mos pa dang bcas te 'od gsal rnam par mi rtog pa'i dbyings su mnyam par 'jog mdzod/__rdo rje snying gar bzhag la/__hU~M:__chos can snang ba'i dngos por ji snyed kun:__chos nyid bde stong zung 'jug rdo rje'i dbyings:__ye shes lha yi thugs kyi dbang bskur bas:__gzung 'dzin rtogs tshogs sgrib gnyis dag par shog:__tsit+ta a b+hi Shiny+tsa hU~M:__des thugs shes rab ye shes kyi dbang thob/__yid kyi sgrib pa dag__/thugs gnyis med ye shes bsgom pa la dbang bar byas pa yin no/__/pho nya'i lam las skyes pa'i dpe'i ye shes kyi rang ngor bltas te mnyam par bzhag pas don dam dpe bral lhan cig skyes pa'i ye shes rig stong nam mkha' lta bu'i dgongs pa shel dang me long gi brdas ngo sprad pa mngon du gyur pa de nyid bskyang bar zhu/__shel rdo dang me long bstan la/__hU~M:__dpe yi thabs las byung ba'i nyams myong ni:__don dam lhan skyes rdo rje rnam par 'joms:__ka dag lhun grub dbyer med dbang bskur bas:__rtsa rlung thig le'i sgrib gnyis dag gyur cig:__dz+nyA na a b+hi Shiny+tsa hrIH__des ye shes rdo rje'i dbang bzhi pa thob/__sgo gsum cha mnyam pa'i sgrib pa dag__/rdzogs pa chen po bsgom pa la dbang*/__ngo bo nyid sku 'grub pa'i skal ba can du byas pa yin no/__/de brtan par bya ba'i slad du/__gtor ma 'di bcom ldan 'das rdo rje rnam par 'joms pa dngos su gsal ba khyed rang rnams kyi spyi bor spyan drangs shing byin gyis brlab pa'i mos pa mdzod/__gtor ma mgor bzhag la/__hU~M:__phyi snod dag pa rab 'byams rdo rje'i grong :__nang bcud yi dam lha yi dkyil 'khor bzhugs:__deng 'dir skal ldan khyod la dbang bskur bas:__phrin las rnam bzhi lhun gyis grub par shog:__shAn+tiM puSh+tiM wA shaM mA ra ya a b+hi Shiny+tsa hU~M:__mthar gtor ma'i lha tshogs rnams 'od du mer gyi zhu ste khyed rang rnams la gnyis su med par thim pas khyed rang rnams kyi lus ngag yid gsum dang*/__bcom ldan 'das rdo rje rnam par 'joms pa'i sku gsung thugs byang chub snying po'i bar du dbyer mi phyed par gyur nas/__yon tan dang phrin las rgya mtshor dbang 'byor pa la slob dpon mdun bskyed dang bcas pas me tog gi char 'bebs shing shis pa brjod pas tshigs su bcad pas kyang mnga' gsol ba'i mos pa mdzod/__ces mtshams sbyar la shis brjod ji ltar 'os pa bya zhing me tog 'thor/__rol mo bsgrag__/rgyas par spro na bkra shis rdzas rtags rin chen bdun sogs kyis kyang mnga' gsol bya/__rtsa ba'i dbang bskur 'di yan chad kyis grub la/__rjes 'brel khrus kyi cho ga byed na/__gtor dbang gi__/yon tan dang phrin las rgya mtsho la dbang 'byor pa yin no/__/zhes pa'i rjes/__de dag gis dbang bzhi mtha' rten dang bcas pa legs par grub nas/__rjes 'brel nyams grib sel ba khrus kyi cho ga bgyi ba la thugs dmigs 'di ltar gnang mdzod/__rang gi snying ga nas 'od zer 'phros pas khro bo rdo rje rnam par 'joms pa la sangs rgyas dang byang chub sems dpa' khro bo bcu'i tshogs kyis bskor ba mdun gyi nam mkhar oM badz+ra sa ma dzaHsa spyan drangs la/__oM badz+ra bi da ra Na sa pa ri wa ra ar+g+haM sogs kyis mchod/__de bzhin gshegs pa thams cad kyi/__/mthu stobs gcig tu gyur pa ni/__/rdo rje khro bo'i skur ston pa/__/rnam par 'joms la phyag 'tshal bstod/__/ces bstod/__spyan drangs pa'i lha rnams dang bum pa'i lha dbyer med pa nam mkha' gang ba'i lha tshogs rnams kyis rin po che'i bum pa nas ye shes kyi bdud rtsi'i chus khrus mdzad pas khyed rang gi nad gdon sdig sgrib thams cad bu ga dang ba spu'i khung bu rnams nas dud khu 'dzag pa ltar nag nyil gyis thon nas lus dung dkar po'i rdul phyis pa ltar sbyangs shing ye shes kyi bdud rtsis ngang chil gyis gang bar mos la/__rnam bum gyi khrus chus bkrus te/__hU~M:__rdo rje rnam par 'joms pa yi:__bskyed pa sku yi bdud rtsi'i chus:__deng 'dir khyod la khrus bgyis pas:__lus kyi grib dang mi gtsang dang :__nad gdon sdig sgrib dag gyur cig:__gzungs sngags dang*/__kA ya bi shwa d+ha na sarba shan+tiM ku ru ye swA hA:__nad thams cad shan+tiM ku ru ye swA hA:__gdon thams cad=__bgegs thams cad=__grib thams cad=__mi gtsang ba thams cad=__sdig pa thams cad=__sgrib pa thams cad=__bar du gcod pa dang mi mthun pa'i phyogs thams cad shan+tiM ku ru ye swA hAH__hU~M:__rdo rje rnam par 'joms pa yi:__bzlas pa sngags kyi bdud rtsi'i chus:__deng 'dir khyod la khrus bgyis pas:__ngag gi grib dang mi gtsang dang :__nad gdon sdig sgrib dag gyur cig__/gzungs sngags mthar/__wa ka bi shod+ha na sarba shan+tiM ku ru ye swA hA:__nad thams cad=__gdon thams cad sogs snga ma ltar sbyar/__hU~M:__rdo rje rnam par 'joms pa yi:__'od gsal ye shes bdud rtsi'i chus:__deng 'dir khyod la khrus bgyis pas:__yid kyi grib dang mi gtsang dang :__nad gdon sdig sgrib dag gyur cig:__gzungs sngags mthar/__tsit+ta bi sho d+ha na sarba shan+tiM ku ru ye swA hA:__nad thams cad=__gdon thams cad sogs sngar ltar 'gre:__hU~M:__rdo rje rnam par 'joms pa yi:__gsang gsum dbyer med bdud rtsi'i chus:__deng 'dir khyod la khrus bgyis pas:__sgo gsum grib dang mi gtsang dang :__nad gdon sdig sgrib dag gyur cig:__gzungs sngags mthar/__kA ya wa ka tsit+ta bi sho d+ha na sarba shan+tiM ku ru swA hA:__nad thams cad=__gdon thams cad sogs/__spro na ye shes rnam lnga dang :__phar phyin drug gi khrus kyang bya:__zhes gsungs pas rgyas par bya na/__hU~M:__bdud rtsi'i chu bo khrus kyi rdzing :__me long ye shes rang bzhin gyis:__nyon mongs zhe sdang las gyur pa'i:__mi mthun phyogs kun zhi gyur cig:__sngags mthar/__nyon mongs zhe sdang las gyur pa'i brtan g.yo'i rten 'brel log pa'i rgud pa thams cad:__hU~M:__bdud rtsi'i chu bo=__chos dbyings ye shes=__nyon mongs gti mug=__mi mthun=__sngags mthar/__nyon mongs pa gti mug las gyur pa'i brtan g.yo'i rten 'brel=__hU~M:__bdud rtsi'i chu bo=__mnyam nyid ye shes=__nyon mongs nga rgyal=__mi mthun=__sngags mthar/__nyon mongs pa nga rgyal las gyur pa'i brtan g.yo'i=__hU~M:__bdud rtsi'i chu bo=__sor rtog ye shes rang bzhin=__nyon mongs 'dod chags las=__mi mthun phyogs kun=__sngags mthar/__nyon mongs pa 'dod chags las gyur pa'i brtan g.yo'i rten 'brel log pa'i rgud pa thams cad shan+tiM ku ru swA hA:__hU~M:__bdud rtsi'i chu bo khrus kyi rdzing :__bya grub ye shes rang bzhin gyis:__nyon mongs phrag dog las gyur pa'i:__mi mthun phyogs kun zhi gyur cig:__sngags mthar/__nyon mongs pa phrag dog las gyur pa'i brtan g.yo'i=__hU~M:__rang byung ye shes bdud rtsi'i chus:__brtan g.yo'i rgud pa kun sbyangs nas:__klong lnga'i dbyings las rig pa'i gdangs:__rtag tu bkra shis 'phel gyur cig:__gzungs sngags dang rten 'brel snying po brjod cing bkru'o/__/hU~M:__'di ni sbyin pa'i rang bzhin chu/__ser sna'i dri ma sbyong mdzad pa/__/gtong ba dri yis legs bgos chus/__/khrus legs mdzad kyis khrus bgyi'o/__/gzungs sngags mthar/__oM sarba ta thA ga ta a b+hi She ka ta sa ma ya shrI ye hU~M:__zhes khrus sngags gdags pas bkru/__de bzhin du/__'di ni tshul khrims=__'chal ba'i=__srung ba=__khrus legs=__gzungs sngags dang khrus sngags/__'di ni bzod pa'i=__khong khro'i=__byams pa'i=__khrus legs=_sngags mthar/__'di ni brtson 'grus=__le lo'i=__brtson pa'i=__khrus legs=__sngags mthar/__'di ni bsam gtan=__rnam g.yengs=__ting 'dzin=__khrus legs=__sngags mthar=__'di ni shes rab=__shes 'chal=__ye shes=__khrus legs=__sngags mthar/__nad thams cad shan+tiM ku ru sogs snga ma ltar lan gcig sbyar/__zhes brjod pa'i don bzhin phyi nang gi dri ma thams cad dag par bsam la bum chus spyi bo nas blugs te bkru/__gal te dngos su bkrur mi rung na me long sogs la shar ba'am gzugs brnyan la'ang bkrur rung bar gsungs/__mthar smre brtsegs kyi sngags dang*/__e ho shud+d+he sogs 'byung ba lnga'i khrus sngags kyang sbyar na legs pa'i phyag srol mdzad ma sbyar kyang chad skyon med/__de nas byabs pa ni/__khrus chu cung zad khar 'dzin bcug la/__byabs pa dang mnyam du phyir 'dor du bcug te/__slob dpon kyi ku sha dang rma bya'i sgro chun rdo rje dang bcas pas byabs pa'i mod la mdun gyi lha tshogs rnams sku las ye shes kyi 'od zer byung ba khyed rang la phog pas nad gdon sdig sgrib thams cad rdo khab len gyis lcags phye blangs pa ltar bsdus te mdun du byabs par gyur/__khrus glud byed na mdun gyi khrus glud la thim par gyur/__zhes brjod la ku sha rma bya'i sgro chun rdo rje dang bcas pa lag pa g.yas su thogs pas sgrub bya'i spyi bo nas rkang pa'i bar du byabs la/__hU~M:__sangs rgyas kun gyi ye shes sku:__rdo rje rnam par 'joms pa yi:__byin rlabs thugs rje'i bden stobs kyis:__bsgrub bya'i lus kyi nad gdon bgegs:__grib dang mi gtsang sdig sgrib kun:__thams cad byang zhing dag gyur cig:__gzungs sngags mthar/__kA ya bi sho d+ha na a pa nA ye swA hA:__nad thams cad a pa nA ye swA hA:__gdon thams cad=__bgegs thams cad=__grib thams cad=__mi gtsang ba thams cad=__sdig pa=__sgrib pa=__bar du gcod pa dang mi mthun pa'i phyogs thams cad a pa nA ye swA hA:__hU~M:__sangs rgyas kun gyi ye shes gsung :__rdo rje rnam par 'joms pa yi:__byin rlabs thugs rje'i bden stobs kyis:__bsgrub bya'i ngag gi nad gdon bgegs:__grib dang mi gtsang sdig sgrib kun:__thams cad byang zhing dag gyur cig:__sngags dang spel tshig sbyar:__hU~M:__sangs rgyas kun gyi ye shes thugs:__rdo rje rnam par 'joms pa yi:__byin rlabs thugs rje'i bden stobs kyis:__bsgrub bya'i yid kyi nad gdon bgegs:__grib dang mi gtsang sdig sgrib kun:__thams cad byang zhing dag gyur cig:__sngags dang spel tshig snga ma ltar sbyar bas byabs/__rgyas par spro na 'byung bzhi so so'i rdzas kyi slob ma la bskor zhing sku glud kyi nang sogs su dor/__ku sha dang rma bya'i chun po'i byabs la/__khyed rnams la 'byung ba bzhi po so so'i rdzas kyis bskor zhing dor bas de dag las byung ba'i nad gdon grib kyi tshogs thams cad sangs kyis bsal/__dag byed dge ba'i rdzas ku sha dang rma bya'i chun pos byabs pas du ba rlung gi bdas pa ltar mi mthun pa'i phyogs thams cad sangs kyis dag par mos mdzod/__hU~M:__sa ni dug gi pha yin te:__sa ni dug gi ma yang yin:__sangs rgyas kun gyi sku gsung thugs:__gcig bsdus bcom ldan gsang ba'i bdag:__rdo rje rnam par 'joms pa yi:__byin rlabs thugs rje'i nus stobs dang :__lha sngags ye shes rol pa yis:__bden pa'i bden tshig 'di brjod pas:__khyed kyi bad kan las gyur nad:__lci zhing 'thibs pa'i rigs rnams kun:__'byung ba sa yi klong du thim:__nad dang sdug bsngal bral bar shog:__gzungs sngags mthar/__sarba ro ge b+h+ya:__laM ho shud+d+he shud+d+he ye swA hA:__chu ni dug gi pha yin te:__chu ni dug gi ma yang yin:__sangs rgyas kun gyi sku gsung thugs:__gcig bsdus bcom ldan gsang ba'i bdag:__rdo rje rnam par 'joms pa yi:__byin rlabs thugs rje'i nus stobs dang :__lha sngags ye shes rol pa yi:__bden pa'i bden tshig 'di brjod pas:__khyod kyi khrag dang chu ser nad:__zhen cing khyab pa'i rigs rnams kun:__'byung ba chu yi klong du thim:__nad dang sdug bsngal bral bar shog:__gzungs sngags mthar/__sarba ro ge b+h+ya:__baM ho shud+d+he shud+d+he ye swA hA:__me ni dug gi pha yin te:__me ni dug gi ma yang yin:__sangs rgyas kun gyi=__gcig bsdus bcom ldan=__rdo rje rnam par=__byin rlabs=__lha sngags ye shes=__bden pa'i bden tshig=__khyod kyi mkhris pa las gyur nadaH__tsha zhing bsregs pa'i rigs rnams kun:__'byung ba me yi klong du thim:__nad dang sdug bsngal bral bar shog:__gzungs sngags mthar/__sarba ro ge b+h+ya:__raM ho shud+d+he shud+d+he ye swA hA:__rlung ni dug gi pha yin te:__rlung ni dug gi ma yang yin:__sangs rgyas kun gyi sku gsung thugs:__gcig bsdus bcom ldan=__rdo rje rnam par=__byin rlabs=__lha sngags=__bden pa'i=__khyed kyi rlung las gyur pa'i nad:__yangs shing g.yo ba'i rigs rnams kun:__'byung ba rlung gi klong du thim:__nad dang sdug bsngal bral bar shog:__gzungs sngags mthar/__sarba ro ge b+h+ya:__yaM ho shud+d+he shud+d+he ye swA hA/__ku sha dang rma byas byabs la/__slar yang dkon mchog gsum gyi bden pa'i stobs brjod/__de byabs pas bzhi brgya rtsa bzhi'i nad kyi rgyu 'bras thams cad byang zhing dag nas sgo gsum shel sgong ltar gyur pa'i mos pa mdzod:__'dod chags zhe sdang gti mug gsum:__'di dag 'jig rten dug gsum ste:__bcom ldan sangs rgyas dug mi mnga':__sangs rgyas bden pas dug bcom mo:__bsgrub bya'i lus ngag yid gsum la:__dug gsum rgyu las skyes pa yi:__bzhi brgya rtsa bzhi'i nad rnams kun:__thams cad byang zhing dag gyur cig:__gzungs sngags mthar/__kA ya wA ka tsit+ta sarba ro ge b+h+ya:__a pa nA ye swA hA:__rlung las gyur pa'i nad thams cad a pa nA ye swA hA:__mkhris pa las gyur pa'i nad thams cad a pa nA ye swA hA:__bad kan las gyur pa'i nad thams cad=__ldan pa las gyur pa'i nad=__'dus pa las gyur pa'i nad thams cad a pa nA ye swA hA:__de bzhin thog mtha' 'dra ba la/__skyobs pa dam chos dug mi mnga':__dam chos bden pas dug bcom mo:___'phags pa'i dge 'dun dug mi mnga':__dge 'dun bden pas dug bcom mo:__zhes kha bsgyur bas byabs/__bum pa'i chus khrus byas la/__slar yang lha tshogs rnams kyis bdud rtsi'i chu rgyun gyi khrus mdzad pas bzhi brgya rtsa bzhi'i nad kyi tshogs thams cad lhag med du bkrus par mos mdzod/__hU~M:__rdo rje rnam par 'joms pa yi:__ngo bo chos sku'i bdud rtsi'i chus:__deng 'dir khyod la khrus bgyis pas:__yongs grub tshe yi nad kyi rigs:__bzhi brgya rtsa bzhi zhi gyur cig:__gzungs sngags mthar/__kA ya wA ka tsit+ta sarba ro ge b+h+ya:__shin+taM ku ru ye swA hA:__rlung las gyur pa'i nad thams cad shin+taM=__mkhris pa las gyur pa'i nad thams cad=__bad kan las gyur pa'i=__ldan pa las=__'dus las gyur pa'i=__rdo rje rnam par 'joms pa yi:__rang bzhin longs sku'i bdud rtsi'i chus:__deng 'dir khyod la khrus bgyis pas:__gzhan dbang sngon las las gyur nad:__bzhi brgya rtsa bzhi zhi gyur cig__/gzungs sngags mthar/__kA ya wA ka tsit+ta sarba ro ge b+h+ya:__shin+taM ku ru ye swA hA:__rlung las gyur pa'i nad thams cad sogs snga ma ltar sbyar/__rdo rje rnam par 'joms pa yi:__thugs rje sprul sku'i bdud rtsi'i=__deng 'dir khyod la khrus=__kun brtags gdon las gyur pa'i nad:__bzhi brgya rtsa bzhi zhi gyur cig:__gzungs sngags mthar/__kA ya wA' ka tsit+ta sarba ro ge b+h+ya:__shin+taM ku ru ye swA hA:__rlung las gyur sogs/__rdo rje rnam par 'jom pa=__sku gsum dbyer med bdud rtsi'i chus:__deng 'dir=__ltar snang 'phral rkyen las gyur nad:__bzhi brgya rtsa bzhi zhi gyur cig:__gzungs sngags mthar/__kA ya wA ka tsit+ta sarba ro ge b+h+ya:__shIn+taM ku ru ye swA hA:__rlung las sogs/__'byung bzhi'i gtor ma la chab kyis bran/__raM yaM khaM gis bsang sbyang*/__stong pa'i ngang las b+hU~M las rin po che'i snod zab cing rgya che ba'i nang du gtor ma ngo bo zag pa med pa'i ye shes kyi bdud rtsi'i rnam pa 'byung ba so so'i byed las dang mtshan nyid thams cad tshang bar kha dog dri ro nus pa phun sum tshogs par gyur/__oM AHhU~M/__lan gsum/__glud gtor bsang sbyangs/__stong pa'i ngang las glud gtor phung khams skye mched thams cad tshang zhing mdzes pa 'dod dgu'i 'byor pa dang bcas par gyur/__oM swa b+hA wa shud+d+ha sarba d+harma swa b+hA wa shud+d+ho\u0f85haMH__lan gsum/__rdzas rnams rang bzhin gyis rnam par dag pa'i stong pa nyid du gyur/__na maHsarba thA ga ta b+h+yo bi shwa mu khe b+h+yaH__sarba tad khaM ud ga te s+pha ra Na hi maM ga ga na khaM swA hA/__'dod pa'i yon tan lnga zad mi shes pas nam mkha' gang bar gyur/__oM badz+ra amr-i ta kuN+Da li ha na ha na hU~M phaTaH__yo byad thams cad bdud rtsi'i rgya mtshor gyur/__oM na ma sarba thA ga ta a wa lo ke te oM saM b+ha ra saM b+ha ra hU~M/__yo byad thams cad so so'i bsam pa dang mthun par gyur/__oM dz+nyA na a wa lo ki te na maHsa man+ta rasmi b+ha wa sa ma ya ma hA ma Ni du ru du ru hrI da ya dz+wa la ni hU~M/__yo byad la mgron rnams 'thab rtsod med par longs spyod par gyur/__na maHsa man+ta bud+d+ha naM gra he shwa ri pra b+hany+dza ti ma hA sa ma ya swA hA:__mgron rnams thams cad bdag gi dbang du bsdus par gyur/__na mo/__bdag gi bsam pa'i stobs dag dang*/__/de bzhin gshegs pa'i sbyin stobs dang*/__/chos kyi dbyings ky-i stobs rnams kyis/__/lan chags mgron rnams brngan pa dang*/__/sems can kun la phan gdags slad/__/don rnams gang dag bsam pa kun/__/de dag thams cad ci rigs pa/__/'jig rten khams ni ma lus pa/__/thogs pa med pa 'byung gyur cig__/zhes bden pa'i stobs brjod pas kyang byin gyis rlabs pa rgya cher spel ste/__mgron bkug pa ni/__'dod rgyal gyi sngags dang phyag rgya byas la/__na mo/__/sangs rgyas kyi bka' bden pa dang*/__chos kyi bka' bden pa dang*/__dge 'dun gyi _bka' bden pa dang*/__gsang sngags dang*/__rig sngags dang*/__gzungs sngags dang*/__snying po dang*/__phyag rgya ting nge 'dzin gyi bden pa dang*/__khyad par du'ang bcom ldan 'das khro bo'i rgyal po rdo rje rnam par 'joms pa'i lha tshogs rnams kyi bka' bden pa dang*/__bden pa chen po'i mthu las bsgrub bya 'di'i lus ngag yid gsum la gnod cing gdug pa'i sems 'chang ba'i grib bdag 'byung bo gdug pa can thams cad glud kyi gtor ma len pa'i ched du skad cig yud tsam gyis 'dir mchis par gyur cig__/rnam 'joms gzungs sngags mthar/__oM badz+ra a kar+sha ya dzaH__dzaHhU~M ba~M hoH__lan gsum/__hU~M:__nga ni bcom ldan gsang ba'i bdag:__rdo rje rnam par 'joms pa ste:__sangs rgyas kun gyi mthu stobs dang :__byin rlabs thugs rje gcig bsdus nas:__gdug pa 'dul bar dbang yang bskur:__de phyir gdon bgegs 'byung po kun:__nga yi bka' la 'da' ma byed:__khro rgyal rdo rje'i sku las ni:__'byung po gang zhig 'da' byed pa'i:__lus ngag yid gsum rdul du rlog:__ming yang grags par mi 'gyur phyir:__de bas dam la gnas par gyis:__gzungs sngags lan gsum bzla zhing rdo rje gsor bas 'byung po rnams nang la gnas par bsam 'bru gsum dang saM b+ha ra brjod/__de bzhin gshegs pa rin chen mang la phyag 'tshal lo/__/de bzhin gshegs pa gzugs mdzes dam pa la=__de bzhin gshegs sku 'byams klas la=__de bzhin gshegs pa 'jigs pa thams cad dang bral ba la phyag 'tshal lo/__hU~M/__chos dbyings ye shes de bzhin gshegs:__rnam par snang mdzad ting 'dzin dang :__sangs rgyas kun gyi sku gsung thugs:__mthu stobs byin rlabs gcig bsdus pa:__gsang ba'i bdag po'i bka' byung gi:__shar phyogs stong gi 'jig rten na:__gnas pa'i lha srin sde brgyad dang :__ma rig gti mug las byung ba'i:__klu gdon sum brgya drug cu kun:__'byung ba sa yi dwangs ma'i bcud:__gcig bsdus 'dod yon rgya mtsho'i sprin:__glud gtor bzang po 'di khyer la:__bsgrub bya'i lus ngag yid gsum la:__bzung ba thong la bcings pa khrol:__bsdams pa klod la mnan pa theg:__phyin chad gnod 'tshe'i bsam sbyor spongs:__gal te bka' las 'da' byed na:__dus gsum sangs rgyas thams cad kyi:__sku las sprul pa'i khro bo'i rgyal:__gti mug rnam dag he ru ka:__rdo rje gtum po thugs khros nas:__'bar ba'i mtshon cha sna tshogs kyis:__lus ngag yid gsum rdul du brlag:__de bas da lta phyir dengs shig:__oM bud+d+ha ma hA kro d+ha ha na ha na hU~M phaT:__hU~M:__mnyam nyid ye shes 'dod dgu'i gter:__rin chen 'byung ldan ting 'dzin dang :__sangs rgyas kun gyi sku gsung thugs:__mthu stobs byin rlabs gcig bsdus pa:__gsang ba'i bdag po'i bka' byung gi:__lho phyogs stong gi 'jig rten na:__gnas pa'i lha srin sde brgyad dang :__ma rig nga rgyal las byung ba'i:__pho gdon sum brgya drug cu kun:__'byung ba chu yi dwangs ma'i bcud:__gcig bsdus 'dod yon rgya mtsho'i sprin:__glud gtor bzang po 'di khyer la:__bsgrub bya'i lus ngag yid gsum la:__bzung ba thong la bcings pa khrol:__bsdams pa klod la mnan pa theg:__phyin chad gnod 'tshe'i bsam sbyor spongs:__gal te bka' las 'da' byed na:__dus gsum sangs rgyas thams cad kyi:__sku las byung ba'i khro bo'i rgyal:__nga rgyal rnam dag he ru ka:__rdo rje be con thugs khros nas:__'bar ba'i mtshon cha sna tshogs kyis:__lus ngag yid gsum rdul du brlag:__de bas rang rang phyir dengs shig:__oM rat+na ma hA kro d+ha tiSh+Tha hU~M phaT:__hU~M:__sor rtog ye shes pad+ma'i rigs:__snang ba mtha' yas ting 'dzin dang :__sangs rgyas kun gyi sku gsung thugs:__mthu stobs byin rlabs=__gsang ba'i bdag po'i=__nub phyogs stong gi=__gnas pa'i lha srin=__ma rig 'dod chags las byung ba'i:__mo gdon sum brgya drug cu kun:__'byung ba me yi dwangs ma'i bcud:__gcig bsdus 'dod yon=__glud gtor bzang po=__bsgrub bya'i lus ngag=__bzung ba thong la=__bsdam pa klod la=__phyin chad gnod 'tshe'i bsam=__gal te bka' las=__dus gsum sangs rgyas=__gsung las sprul pa'i khro bo'i rgyal:__'dod chags rnam dag he ru ka:__rdo rje tho ba thugs khros nas:__'bar ba'i mtshon cha=__lus ngag=__de bas da lta=__oM pad+ma ma hA kro d+ha ban+d+ha b+han+d+ha hU~M phaTaH__hU~M:__bya grub ye shes las kyi rigs:__don yod grub pa'i ting 'dzin dang :__sangs rgyas kun gyi=__mthu stobs byin rlabs=__gsang ba'i bdag po'i=__byang phyogs stong gi=__gnas pa'i=__ma rig phrag dog=__sna tshogs 'khrul pa'i gdon bgegs kun:__'byung ba rlung gi dwangs=__gcig bsdus=__glud gtor=__bzung ba thong =__bsdams pa=__phyin chad gnod 'tshe'i=__gal te bka' las=__dus gsum sangs rgyas thams cad kyi:__phrin las sprul pa'i khro bo'i=__phrag dog rnam dag he ru ka:__rdo rje phur bu thugs=__'bar ba'i mtshon cha=__lus ngag yid=__de bas da lta phyir dengs shig:__oM karma ma hA kro d+ha hu lu hu lu hU~M phaTaH__glud phran dang chang bu rnams re re bzhin snod du blugs nas/__ra~M ya~M kha~M:__oM AHhU~M:__saM b+ha dang mtshan bzhi brjod/__khyer cig khyer cig stobs ldan rnams:__sred dang chags dang zhen pa rnams:__dran dang bzung dang bsam dang reg:__klod dang grol dang zhi bar mdzod:__zhes grangs rdzogs kyi bar bsngos mthar glud gtor rnams sgrub bya'i 'dre lnga'am chu klung sogs gnod pa'i phyogs su bskyal la/__bden brjod/__na mo/__/sangs rgyas kyi bka' bden pa dang*/__chos kyi bka' bden pa dang*/__dge 'dun gyi _bka' bden pa dang*/__gsang sngags dang*/__rig sngags dang*/__gzungs sngags dang*/__snying po dang*/__phyag rgya ting nge 'dzin gyi bden pa dang*/__khyad par du'ang bcom ldan 'das rnam par 'joms pa'i lha tshogs rnams kyi bka' bden pa dang*/__bden pa chen po'i mthu las bsgrub bya 'di'i lus ngag yid gsum la gnod cing gdug pa'i sems 'chang ba'i grib bdag 'byung po gdug pa can thams cad 'dir ma gnas par gzhan du dengs shig__/gang dag mi 'gro ba thams cad de bzhin gshegs pa thams cad kyi thugs dang gnyis su med pa'i ye shes kyi rdo rje rab tu 'bar bas mgo bo tshal pa brgyar 'gas par gyur cig__/ces gtor ma rgyang ring du dor zhing yungs kar gyi brab/__gu gul gyis bdug__/nye snying mthar hU~M bzhi'i sngags sbyar/__de nas bsrung ba ni/__bdag mdun gyi thugs ka nas 'od zer 'phros pas bsgrub bya'i lus thams cad rdo rjer byin gyis brlabs nas rdo rje'i go chas gtams te cis kyang mi shigs par gyur/__ces bsam la/__rdo rje mgo bo dang*/__mgrin pa/__snying ga__/dpung pa/__g.yas/__g.yon/__lte ba/__sum mdo rnams su bzhag la/__hU~M:__sangs rgyas kun gyi sku gsung thugs:__dbyer med gsang bdag dpa' bo che'i:__lha sngags ye shes rol pa yis:__sgo gsum mi mthun phyogs las srungs:__gzungs sngags dang*/__kA ya wa ka tsit+ta sarba dz+nyA na badz+ra rak+Sha rak+Sha b+h+rU~M:__nad thams cad rak+Sha rak+Sha ye swA hA:__gdon thams cad rak+Sha=__bgegs thams=__grib thams=__mi gtsang ba=__sdig pa=__sgrib pa thams=__bar du gcod pa dang mi mthun pa'i phyogs thams cad rak+Sha rak+Sha ye swA hA:__de ltar bgyis pas nyi ma dang zla ba gza' sgra gcan gyi gnod pa las grol ba bzhin bsgrub bya 'khor dang bcas pa bdud dang bar chad gdon bgegs sogs spang bya mi mthun pa'i phyogs thams cad las rnam par rgyal te shin tu bkra shis par gyur pa la/__bla ma dang gnyis su med pa'i bcom ldan 'das rdo rje rnam par 'joms pa la phyogs bcu'i sangs rgyas dang byang chub sems dpa' lha dang drang srong bden tshig grub pa'i tshogs kyis bskor te shis pa brjod pa'i glu dbyangs di ri ri sgrog cing me tog man+dA ra'i char chen po phabs pas dge legs kyi snang bas sa gsum kun tu khyab par byas pa'i mos pa mdzod/__gang la ser sna rnam chags pa/__/rnam bcom dri ma med mdzad cing*/__/thugs zhi gnod pa mi mnga' des/__/khyed la bde legs mdzad par 'gyur/__/'dren pa gang zhig 'gro ba rnams/__/thar pa'i lam du 'jug mdzad phyir/__/chos rnams ma lus ston mdzad des/__/khyed la bde legs mdzad par 'gyur/__/ston pa 'gro ba rnams kyi rten/__/sems can kun gyi don gyi phyir/__/gang la bde ba mnga' mdzad des/__/khyed la bde legs mdzad par 'gyur/__/skyob pa gang zhig byams pa yi/__/thugs kyis 'gro ba 'di dag kun/__/bu gcig bzhin du rtag bskyangs des/__/khyed la bde legs mdzad par 'gyur/__/gang zhig 'khor bar 'gro ba yi/__/sems can kun gyi rten gyur cing*/__/gling dang dpung gnyen gyur pa des/__/khyed la bde legs mdzad par 'gyur/__/gang zhig chos kun mngon sum mdzad/__/gtsang zhing bkru ba mi mnga' yang*/__/gsum gtsang gtsang mar mdzad pa des/__/khyed la bde legs mdzad par 'gyur/__/dpa' bo chen po gang skyes pa/__/phun sum tshogs don 'byor gyur cing*/__/don 'grub tshogs kyang grub pa des/__/khyed la bde legs mdzad par 'gyur/__/gang zhig skyes pas sa rnams ni/__/nags tshal bcas pa rab g.yo zhing*/__/sems can thams cad rab dga' des/__/khyed la bde legs mdzad par 'gyur/__/byang chub snying por gshegs pa na/__/sa dag rnam drug g.yos gyur cing*/__/bdud yid mi bder gyur pa des/__/khyed la bde legs mdzad par 'gyur/__/chos kyi 'khor lo bskor ba na/__/'phags pa'i bden pa rnams gsung shing*/__/thub pa'i snyan pa gang byung des/__/khyed la bde legs mdzad par 'gyur/__/yid 'phrog gang zhig mu stegs byed/__/thams cad chos kyi pham mdzad cing*/__/tshogs kun dbang du mdzad pa des/__/khyed la bde legs mdzad par 'gyur/__/sangs rgyas khyed la bde legs mdzad/__/brgya byin tshangs pa'i lha rnams dang*/__/'byung po kun gyi bde legs ni/__/khyed la rtag tu sbyin gyur cig__/sangs rgyas bsod nams mthu dag dang*/__/lha rnams kun gyi bsam pa yis/__/khyed kyi 'dod don gang yin pa/__/don de de ring 'grub gyur cig__/rkang gnyis khyed cag bde legs shog__/rkang bzhi khyed cag bde legs shog__/khyed cag lam du bde legs shog__/phyir 'ong dag kyang bde legs shog__/nyin mo bde legs mtshan bde legs/__/nyi ma'i gung yang bde legs shing*/__/khyed cag kun tu bde legs gyur/__/khyed cag sdig par ma gyur cig__/rdo rje'i slob ma rnams kyi gtsor byas pa'i skye dgu thams cad mi mthun pa'i phyogs thams cad las shin tu rgyal zhing bkra shis par gyur cig__/ces sam bsdu na/__mchog gsum gyi shis brjod ci rigs pa dang*/__/me long ye shes rgya mtsho chen po yis/__/ye shes rgya mtsho mchog tu dag gyur te/__/rnam dag chos la thogs med longs spyod pa'i/__/bkra shis des kyang sgrib pa dag gyur cig__/gi waM dug gsum 'joms pa nad kyi sman/__/sman mchog chos nyid rab tu rtogs gyur nas/__/nyon mongs zug rngu med par gyur pa yi/__/bkra shis des kyang sdug bsngal zhi gyur cig__/zho ni kun gyi snying por gyur pa ste/__/snying po rnam dag ye shes rnams rtogs te/__/yon tan kun gyi dbyings su gyur pa yis/__/bkra shis des kyang dug gsum zhi gyur cig__/dUr+Was tshe ni 'phel bar byed pa ste/__/rdo rje sems dpa'i tshe ni rab bsgrubs nas/__/nyon mongs skye shi rgyun chad gyur pa yi/__/bkra shis des ni tshe yang 'phel gyur cig__/bilba rgyu rkyen 'bras bur bcas pa'i chos/__/'jig rten 'jig rten 'das pa'i spyod pa kun/__/byang chub snying po mchog tu gyur pa yi/__/bkra shis des kyang don kun 'grub gyur cig__/dung ni chos kyi sgra rnams sgrogs pa'i tshul/__/ye shes rgya mtsho nyid du dag gyur te/__/chos rnams ma nor yongs su ston pa yi/__/bkra shis des kyang tshig dbang thob gyur cig__/li khri dmar po dbang gi rang bzhin te/__/chos rnams ma lus dbang du bsdus nas kyang*/__/chos kyi rgyal srid rab tu brtan gyur pa'i/__/bkra shis des kyang chos srid brtan gyur cig__/yungs kar rdo rje'i rigs te thams cad du/__/bgegs rnams ma lus 'joms par byed pa yi/__/mthu stobs yon tan phun sum tshogs gyur pa'i/__/bkra shis des kyang bgegs rnams zhi gyur cig__/ces bkra shis pa'i rdzas brgyad po rim pa bzhin gtad nas shis par byas la/__sdig pa thams cad byang byas nas/__zhes pa nas/__sdig pa kun las rnam par thar/__zhes pa'i bar gyis phan yon bshad/__dkar mngar dang sman gyi kha zas sogs kyang sgrub bya nad pa yin na ster bar gsungs/__de dag ni khrus kyi cho ga rgyas par bya ba'i tshul te/__gzhan du na/__bkru ba'i skabs ye shes lnga dang phar phyin drug__/byabs pa la 'byung lnga'i rdzas dang sku gsung thugs kyis khrus/__'byung bzhi'i glud gtor dor bas sbyang ba gsum sngon du 'gro ba'i byabs khrus spyi ltar byas kyang rung bar mngon no/__/gang ltar yang*/__de dag gis rdo rje rnam par 'joms pa'i dbang legs par grub pa yin pas/__'di nyid yi dam du bzung ba/__dam tshig spyi dang bye brag bsrung snyam pas 'di'i rjes zlos/__gtso bos ji ltar sogs rjes rnams spyi ltar bya/__slob dpon gyis mdun bskyed kyi mchod pa bsang sbyang byin gyis brlab/__mchod bstod dang*/__ma rnyed yongs su ma tshang dang sogs kyi mthar yi ge brgya pa lan gsum gyis nongs pa bshags/__mdun bskyed rten yod na brtan bzhugs dang*/__hoH__snang stong sgyu 'phrul drwa ba'i ye shes lha:__zung 'jug mtshan ma med pa'i dbyings su gshegs:__rten dang brten par bcas pa'i dam tshig pa:__'od gsal smon pa med pa'i klong du thim:__A A AH__oM AHhU~M:__slar yang snang ba'i rang bzhin gdan gsum lha:__sgrar grags rlung gi 'khor lo yi ge'i sprin:__rtog pa rtog med rang grol gnyug ma'i ngang :__dus gsum dus med chen por rtag tu spyod:__bsngo smon dang shis brjod ni/__ye shes sgyu 'phrul drwa ba'i dkyil 'khor du:__bskyed rdzogs zung 'jug dge tshogs ci mchis pa:__'gro kun bla med go 'phang thob bya'i phyir:__spros bral chos sku'i dbyings su bsngo bar bgyi:__phung khams bde chen rdo rje'i skur smin cing :__srog rtsol 'od gsal dbu ma'i klong du rdzogs:__rig stong brjod bral gdod ma'i gzhi dbyings su:__rab 'byams rtsa gsum go 'phang mngon gyur shog:__spangs rtogs phrin las mthar phyin rdzogs sangs rgyas:__des gsung zhi bsil bdud rtsi dam pa'i chos:__tshogs kyi mchog gyur 'phags pa'i dge 'dun te:__bla med dkon mchog gsum gyi bkra shis shog:__ces sogs brjod pas dge legs su bya'o/__/'khrul rtog 'ji~Xgs me~Xd mkhye~Xn dang brtse~X'i/__/'o~Xd brgya'i snang ba'i 'dzum zera~X gyis/__bkra~X shisa~X phan bde'i pad+mo'i nags/__/grub gnyis dpa~Xl brgyas rtag tu 'byo~Xr/__/rtsa gsum 'od gsal snying thig gi yi dam thugs rdo rje'i rigs rdo rje rnam par 'joms pa'i sgrub thabs dbang chog dang bcas pa zab lam bdud rtsi'i gang+ga le'u tshan bco lnga rdo rje thugs mchog grub pa rtsal gyis sbyar ba'o/__!__/mi phyed rdo~X rje~X sems dpa'i ye shes ni/__/bde chen thuga~Xs kyi khyab bdag he ru ka__/mcho~Xg dngos grub pa'i rig 'dzin rtsala~X 'chang gi__/bde chen gzi byin 'bar bar bdag skyongs shig__/rtsa gsum 'od gsal snying thig gi yi dam yang phur sbrags ma khrag 'thung 'dus pa'i dril sgrub kyi dbang la/__mtshan ma'i dkyil 'khor rdul tshon dang ras bris gang yang rung ba'i dbus su mtshan dang ldan pa'i b+han+d+ha'i nang ro ras kyis dkris pa'i sdong bu dgu pa'i zhun chen gyi mar me byas pa dbus su bzhag te mdun du bla ma'i gtor chen bcas la sman raka dang nyer spyod kyis bskor/__phur pa dang las bum/__tshogs gtor/__sngon 'gro sogs spyi ltar 'du byas la/__brgyud 'debs dang*/__khrag 'thung 'dus pa'i dril sgrub kyis las gzhung bsrang la bdag mdun la dmigs pa'i bsnyen sgrub las sbyor gyi bzlas pa bya/__las bum gyi nang du pad nyi'i gdan la khro bo bdud rtsi'i 'khyil ba ljang ser rgya gram dang sdig mdzub mdzad pa khro bo'i chas thams cad dang ldan par gsal bar gyur/__/de la dmigs te/__oM badz+ra a mr-i ta kuN+Da li ha na ha na hU~M phaT/__/zhes brgya rtsa tsam bzlas la/__lha 'od du zhu bas las thams cad sgrub pa'i nus pa dang ldan par gyur/__/thun mthar dbyangs gsal rten snying mchod bstod yig brgya dang*/__chos skyong gi gsol mchod/__tshogs dang bskang bshags bcas sngon du 'gro bas bdag nyid dkyil 'khor 'jug pas gzhung ltar dbang len pa'am rig pa'i me tog dor la/__smin par 'os pa'i slob ma bos te/__khrus dang bgegs bskrad srung 'khor sngon du 'gro bas sems bskyed gsal btab dang bcas/__de yang sangs rgyas gnyis pa slob dpon chen po pad+ma'i zhabs ni nges pa'i don du dkyil 'khor rgya mtsho'i khyab bdag dpal he ru ka dngos su bzhugs kyang tshur mthong gdul bya 'dul phyir sku tshe gcig gi steng du rig 'dzin rnam pa bzhi'i go 'phang rim gyis bgrod tshul bstan pas na/__bal yul yang le shod g.ya' ri gong gi sgrub phug tu dpal chen po yang dag he ru ka zla gam dgu pa'i dgongs pa la brten nas phyag rgya chen po mchog gi rig 'dzin gyi sa brnyes tshul bstan cing*/__de'i tshe mi srun pa'i lha 'dre glog ma sprin gyis gu ru rin po che'i dgongs pa la bar du gcod ma nus kyang bal yul du lo nyes nad mug sogs byung ba'i bar chad bsal phyir rgya gar nas rdo rje phur pa'i chos skor mi khur gnyis spyan drangs pa glegs bam phebs pa tsam gyis bar chad kyi g.yul las rgyal bas yang phur sbrag ma'i sgrub skor nyid dngos grub myur zhing bar chad med pa'i zab khyad can du gzigs nas de'i sgrub skor mtha' yas pa mdzad pa bka' gter dag snang gi babs so du ma bzhugs pa las skabs su bab pa 'di ni paN chen bi ma la mi tra dang*/__mnga' bdag chos kyi rgyal po khu dbon rnams gnyis su med pa'i sgyu 'phrul/__'od gsal khyab brdal gyi dgongs pa rang snang ris med kyi rtogs goms mthar son pas mchog gi dngos grub mngon sum du brnyes pa'i gter chen yongs kyi spyi mes pad+ma mdo sngags gling pa 'od gsal sprul pa'i rdo rje'i bka' babs bdun gyi bye brag zab mo dgongs pa'i gter gyi chos sde rtsa gsum 'od gsal snying thig gi yi dam gyi sgrub sde chen po brgyad kyi ya gyal khrag 'thung 'dus pa'i dril sgrub zhes bya ste he ru ka gal po'i rgyud las/__yang dag grub pa gcig pu ni/__/sangs rgyas bde chen kun 'dus pa/__/rnal 'byor zab mo sku gsum rdzogs/__/mkha' 'gro sku gsum bde mchog bde/__/zhes gsungs pa ltar rdo rje sems dpa' dkyil 'khor rgya mtsho'i khyab bdag nyid he ru ka sangs rgyas thams cad mnyam par sbyor ba'i 'khor lo'i tshul du sgrub pa 'di ni rigs thams cad kyi khyab byed drug pa'i bdag nyid yin pas zhi khro rab 'byams bde gshegs sgrub sde kun 'dril bka' brgyad la 'du/__de yang mkha' 'gro sgyu ma thugs rdo rje bde ba mchog yang dag he ru ka 'dus pa nyid rgyud sde tan+t+ra sde bco brgyad las sgrub pa lag len du ston pa'i rgyud sde lnga las/__thugs kyi tan+t+ra he ru rol pa'i rgyud gal po che chung la brten cing sgrub sdai ltar na/__'jig rten las 'das pa'i sgrub sde lnga'i ya gyal mchog gi dngos grub sgrub pa la zab pa he ru ka'i spyi rgyud dang*/__'jig rten las 'das pa'i mdo la sogs pa bstan pa'i rgyud lung gnyis ka'i snying po ste/__bde gshegs sgrub pa chen po bka' brgyad kyi yang zab bcud du dril ba'i man ngag gu ru'i thugs dam mthar thug pa 'di ni/__sngags gsar ma ltar na ma rgyud rigs drug gi nang tshan dpal he ru ka'i rigs bde mchog dang dgyes rdor/__gnyis med rgyud kyi rgyal po dpal dus kyi 'khor lo sogs shin tu zab par grags pa rnams dang*/__ngo bo gcig pas rgya bod mkhas grub kun gyi thugs dam gsang ba'i lha mchog khyad par can dang sangs rgyas kun gyi phrin las kyi mnga' bdag dpal chen rdo rje phur pa gnyis dkyil 'khor gcig tu sgrub pa'i dbang bskur bgyis pa la/__'jug pa dang dbang gi cho ga gnyis su yod pa las/__thog mar 'jug pa'i chos rnams zhu ba'i yon du maN+Dal phul/__bla ma dpal he ru ka dngos su gsal ba la/__mi phyed dad pa'i gdung shugs drag pos snyim pa me tog dang bcas te gsol ba 'debs pa 'di'i rjes zlos mdzod/__hoH__gsang ba mchog gi dgyes pa na:__thams cad bdag nyid rtag bzhugs pa'i:__he ru ka dpal slob dpon gyis:__bdag cag yongs su smin mdzad gsol:__lan gsum/__dpal chen yang dag he ru ka rang snang ye shes kyi dkyil 'khor 'khor lo rtsa gsum rgyal ba chos srung dang bcas pa mkha' khyab tu bzhugs pa la bdag sogs sems can thams cad deng nas byang chub ma thob kyi bar du rtse gcig gus pa chen pos skyabs su 'gro ba dang*/__pha mar gyur pa'i mkha' mnyam gyi 'gro ba mtha' dag dpal he ru ka'i go 'phang mchog la dgod par bya/__de'i gsang ba'i dkyil 'khor chen por smin byed zab mo'i sgor zhugs shing lam rim pa gnyis kyi rnal 'byor la brtson pa bgyi'o snyam du sems bskyed pa 'di'i rjes zlos/__hU~M:__gsang ba mchog gi dgyes pa na:__thams cad bdag nyid rtag bzhugs pa'i:__bla ma he ru ka dpal la:__skyabs gsol byang chub sems gnyis bskyed:__lan gsum/__rgyud rnam par dag par bya ba'i slad du/__zhing mchog dam pa de dag gi spyan sngar tshogs gnyis bsags shing sdig sgrib sbyang ba dang dge rtsa yongs su spel bar byed pa'i don dang ting nge 'dzin rjes su dran pas rgyun bshags yan lag brgyad pa 'di'i rjes zlos/__rdo rje slob dpon sangs rgyas dpal/__sogs lan gsum/__de yang dbang thob pa dkyil 'khor gyi bya bas thob kyang dbang srog rgyud la 'dzin pa dam tshig la rags las pas tshogs zhing dkyil 'khor gyi lha dbyer med pa'i dpang po'i tshul du bzhugs pa'i spyan sngar mkha' khyab kyi yid can srid zhi'i mtha' la mi gnas pa'i zung 'jug chen po'i go 'phang la 'god pa'i lhag pa kun slong byang chub sems dang ma bral bas de'i dam tshig dang sdom pa'i bslab pa rgya mtsho mtha' yas pa bzung nas rgyal ba sras dang bcas pa'i spyod yul la bslab par dam 'cha' ba 'di'i rjes zlos/__bde gshegs sras bcas bdag la dgongs/__/rig pa 'dzin pa bdag gis ni/__/byang chub snying por mchis kyi bar/__/so sor thar dang byang chub sems/__/rig 'dzin nang gi sdom pa'i tshogs/__/ma lus yongs su bzung bar bgyi/__/lan gsum/__'dir gter gzhung las/__slob ma yang dag he ru ka:__lus dkyil dang bcas gsal gdab slad:__gtor ma rig 'dzin bla mar gsal:__spyi bor bzhag cing byin chen dbab:__zhes gsungs pas/__de dag gi 'jug pa'i chos rnams grub nas gnyis pa dngos gzhi'i dbang bskur ba la spyir dbang gi ngo bo shes rab dang ting 'dzin/__nges tshig lam sgrub pa la dbang ba/__dbye ba dbang bzhi zhes/__byed las sngags lam sgrub pa la dbang bas rim pa dbang gi cho ga zhes yongs su grags pa las/__de dag kun gyi rtsa ba mtshan nyid dang ldan pa'i rdo rje slob dpon gyis lta dgongs ting nge 'dzin gyi nus pa 'ba' zhig la rags las pas/__skabs 'dir dbang gi gzhi dgod pa ye shes pa dbab pa'i thog mar rig 'dzin bla ma'i ye shes 'bebs pa'i gtor ma'i dbang bskur gyi don du thugs dmigs 'di bzhin du mdzod cig__/gtor snod chos dbyings rdo rje btsun mo'i ye shes kyi mkha' klong dur khrod gsang ba mchog gi gzhal yas khang dpal he ru ka dgyes pa'i pho brang du/__dpal gyi gtor ma 'di nyid srid zhi'i spyi dpal phyogs dus rtsa gsum rgyal ba'i khyab bdag bde ba chen po rig 'dzin bla ma rdo rje thod phreng rtsal brgyud gsum rig 'dzin mkha' 'gro rgya mtsho'i tshogs dang bcas te bkra shis se/__byin thibs se/__'od dpung nger bzhugs pa'i gnas gsum du rdo rje yi ge gsum gyi mtshan pa las bde ba chen po'i 'od zer bsam gyis mi khyab pa 'phros/__slob ma'i sgo gsum la phog pa tsam gyis ba mo la nyi zer phog pa bzhin ma dag pa'i snang grags kyi zhen rtog mtha' dag dbyings su thim/__ye shes lha yi sku gsung thugs kyi rang bzhin du sangs kyis sad par bsam la/__bla gtor las rdor gyis btegs/__slob dpon gyis DA dril gdung dbyangs dang bcas/__hU~M:__yang dag grub pa'i rig 'dzin rnams:__chos kyi dbyings nas gnas 'dir gshegs:__bde ba chen po'i byin chen phob:__tha mal snang zhen sbyang du gsol:__oM AHhU~M badz+ra ma hA gu ru sarba sid+d+hi hU~M hU~M:sa ma ya a be sha ya s+t+wa~M:__zhes thugs dam bskul mthar/__gtor ma slob dpon gyis slob ma'i spyi bor bzhag ste dbang bskur/__de ltar bla ma'i byin rlabs 'phos pa tsam gyis khyed rang rnams dpal chen badz+ra he ru ka sku mdog mthing nag 'bar ba chen po'i 'od zer can zhal gsum phyag drug zhabs bzhi pa/__g.yas zhal dkar po 'dzum pa/__g.yon zhal dmar po gshe ba/__dbus zhal mthing nag khros pa'i nyams can/__nyi zla 'bar ba'i spyan gsum dang ldan pa/__zhal gdangs shing mche ba gtsigs pa/__ljags 'dril la phaT kyi rkan sgra rdeb cing shangs nas hU~M sgra 'byin pa smin mtshams nas khro gnyer g.yo ba/__sma ra dang smin ma'i glog 'od 'khyug cing*/__ral pa kham nag gyen du 'bar ba/__nyi ma bye ba'i gzi mdangs can/__sgeg pa la sogs pa gar gyi nyams dgus rgyas pa phyag drug gi g.yas kyi dang pos rdo rje rtse dgu pa bsnams pas/__g.yon dang pos thod khrag bsnams pa thugs kar dkrugs pa'i tshul can/__bar ma gnyis kyis kha T+wA~M ga dang rgyu ma'i zhags pa/__tha ma gnyis kyis thod pa'i rnge'u chung dang khyung chen khra thabs su 'gyed pa/__zhabs bzhi g.yon brkyangs pa'i stabs kyis khyu mchog lha chen pho mo nyi zla pad+ma'i gdan la rol pa thod skam lnga'i dbu rgyan can/__thod rlon gyi do shal dang thod tshal sbrul rgyan dang bcas pa/__zhing lpags dang glang po che'i ko bas stod g.yogs shing*/__stags lpags kyi sham thabs grol ba/__khrag zhag thal ba'i mtshan ma sogs/__dur khrod chen po'i chas brgyad kyis brgyan pa/__yum kro d+hi shwa ri ma mthing ga g.yas kha T+wa~M 'dzin pas yab la 'khyud cing*/__g.yon dung khrag stob pa/__gcer bu lang tsho rgyas pa'i 'jo sgeg can zhabs g.yas brkyangs pa'i rol bas yab dang gnyis su med par sbyor ba ye shes kyi me dpung rab tu 'bar zhing 'khrugs pa'i dbus na bzhugs pa'o/__/dpal chen po'i thugs kar rin chen zur brgyad pa'i dbus su lte ba pad nyi dregs pa'i steng 'khor 'das kun gyi dwangs ma mi shigs pa'i srog chen po ye shes sems dpa' dpal chen badz+ra kI la ya sku mdog mthing nag zhal gcig phyag gnyis kyis phrin las don gyi rtags phur pa 'dril ba/__dbyings yum 'khor lo rgyas 'debs dang gnyis su med pa dpal dang dur khrod rol pa'i rgyan chas thams cad yongs su rdzogs pa 'bar ba'i me'i phreng ba 'khrugs pa'i klong du bde ba chen po'i gzi byin rab tu 'bar bar bzhugs pas/__shar du gau ri mthing ga__/lhor tso'u+u ri ser mo/__/nub tu pra mo dmar mo/__byang du bai ta ljang gu/__shar lhor pus ka ser mo/__lho nub g+hasma dmar ljang*/__nub byang sme sha mthing nag__/byang shar tsaN+Da ser skya zhal gcig phyag gnyis gcer bu dur khrod rol pa'i chas can DA ru dang thod chang bsnams pa tshogs brgyad gnas su dag pa'i ye shes kyi ma mo brgyad dang*/__gzhan yang phung khams skye mched thams cad bde ba chen po'i ye shes kyi dkyil 'khor yongs su rdzogs pa'i bdag nyid can du gsal thob cig__/dbang bskur dngos la/__sku gsung thugs rdo rje gsum gyi dbang bzhi zab mo byin rlabs kyi tshul du bskur ba la/__dbyings rnam thar gsum ldan rdo rje btsun mo'i mkha' klong e yi badz+ra many+dzi kong bur/__rig pa ye shes kyi sdong bu 'od gsal rdo rje snying po'i bdag nyid mnyam par sbyor ba 'pho med bde ba chen po zhun chen gyi mar khus bran pas/__rnam lnga'i ye shes kyi me 'od kun tu 'phro bas ma rig 'khor ba'i mun pa sel ba sangs rgyas kun gyi dkyil 'khor yongs su rdzogs pa'i ye shes kyi sgron me 'di nyid spyi bor bkod de bum pa'i dbang bskur bar mos shig__/mar me spyi bor bzhag__oM:__yang dag grub pa gcig pu ni:__sangs rgyas bde chen kun 'dus pa:__mkha' 'gro sgyu ma bde mchog gi:__rdo rje'i sku yi dbang bskur ro:__oM ru lu ru lu hU~M b+h+yo hU~M:__kA ya sa ma ya A be sha ya s+t+wa~M:__lhag pa'i lha las gnyis pa thim:__byang chub sems su zhu ba yis:__ye shes chen por byin gyis brlabs:__bde ba'i rgyun gyis dbang bskur bas:__snang stong zung 'jug rtogs pa bskyed:__de ltar dmigs pas lus smin par byed pa bum pa'i dbang thob/__lus kyi dri ma sbyangs/__lam dus su bskyed pa'i rim pa bsgom pa la dbang*/__snod bcud khrag 'thung gi dkyil 'khor du rdzogs te/__sku rdo rje mngon par byang chub pa lnga yi bdag nyid mchog gi sprul sku thob pa'i skal ba can du gyur/__gnyis pa nang gsang ba sngags kyi dbang bskur ba'i slad du/__thod pa'i mar me mgrin par bzhag la/__AH__yang dag grub pa gcig pu ni:__sangs rgyas bde chen kun 'dus pa:__mkha' 'gro sgyu ma bde mchog gi:__nus pa gsung gi dbang bskur ro:__oM ru lu ru lu hU~M b+h+yo hU~M:__wa ka sa ma ya A be sha la s+t+wa~M:__dpal chen yab yum snyoms bzhugs pa'i:__byang sems mgrin pa'i lam nas brgyud:__rtsa khams thams cad khyab pa las:__gsal stong ye shes skyes par bsam:__rjes 'brel bzlas pa'i lung sbyin pa la/__mdun bskyed bla ma he ru ka'i thugs kar ye shes sems dpa'/__rdo rje gzhon nu'i thugs kar nyi zla'i ga'u'i dbus su hU~M mthing ga sngags kyis bskor ba las sngags phreng bar ma chad du byung*/__zhal nas thon khyed rang lhar gsal ba'i zhal du zhugs thugs kar gzhir gnas kyi hU~M yig mthar 'khod pa las/__sngags dang 'od zer ye shes sems dpa' yab yum gy-i zhal dang mkha' gsang nas brgyud de/__bde ba chen po'i gzi byin rgyas/__dngos grub gnyis thob par bsam la/__bsnyen pa'i sngags khrag 'thung spyi'i snying po 'di'i rjes zlos lan gsum mdzod/__oM ru lu ru lu hU~M b+h+yo hU~M:__lan gsum bzla/__slar yang ye shes sems dpa'i thugs kar kI la ya'i sngags kyis bskor ba las/__lha sngags phyag mtshan gyi sprau bsdu'i don gnyis sgrub par mos la sgrub pa'i sngags 'di'i rjes zlos lan gsum mdzod/__oM badz+ra kI li kI la ya sarba big+h+nAn ba~M hU~M phaTaH__lan gsum bzla/__gtso bo'i thugs ka'i 'od zer gyis ma mo brgyad bskul/__so so'i thugs kar nyi ma'i steng rang rang gi sa bon rang sngags kyis bskor ba las byung ba'i sku sngags phyag mtshan gyis thun mong mchog gi phrin las bzhi sgrub par mos la las sbyor gyi sngags 'di'i rjes zlos lan gsum re mdzod/__oM AHbadz+ra goM hU~M phaTaH__oM shin+taM ku ru swA hA:__dang*/__oM AHbadz+ra tsoM hU~M phaTaH__b+h+rU~M pu+iSh+taM ku ru oM:__dang*/__oM AHbadz+ra pa~M hU~M phaTaH__hrIHwa shaM ku ru hoH__dang*/__oM AHbadz+ra ba~M hU~M phaTaH__hU~M ma ra ya phaTaH__dang*/__oM AHbadz+ra pa~M hU~M phaTaH__pra be sha ya phaTaH__dang*/__oM AHbadz+ra g+haM hU~M phaTaH__uts+tsha Ta ya phaTaH__dang*/__oM AHbadz+ra shaM hU~M phaTaH__stam+b+hA ya phaTaH__dang*/__oM AHbadz+ra tsaM hU~M phaTaH__mo ha ya phaTaH__rnams gsum re bzla/__zhes kun rdzob byang chub sems kyi dkyil 'khor du gsang rdzas kyi dbang thob/__ngag gi dri ma sbyangs/__lam dus su bdag byin rlabs pa'i gtum mo sbar ba la dbang*/__skra skad 'byin 'jug gsang sngags su dag ste/__gsung rdo rje bden don bcu gnyis kyi bdag nyid longs sku thob pa'i skal ba can du byas so/__/gsum pa shes rab ye shes kyi don du dbang bskur ba la/__mar me snyig gar bzhag la/__hU~M:__yang dag grub pa gcig pu nyid:__sangs rgyas bde chen kun 'dus pa:__mkha' 'gro sgyu ma bde mchog gi:__'od gsal thugs kyi dbang bskur ro:__oM ru lu ru lu hU~M b+h+yo hU~M:__tsit+ta sa ma ya A be sha ya s+t+wa~M:__dpal chen khrag 'thung sbyor yum las:__gnyis pa spros te slob ma'i yum:__kro d+hi shwa rir dbyer med pas:__snyoms 'jug gsang ba'i sgyu rtsal gyis:__dga' bzhi'i bde chen skyed par bsam:__des gsang ba chos thams cad 'byung ba'i dkyil 'khor du yid smin par byed pa shes rab ye shes kyi dbang thob/__sems kyi dri ma sbyangs lam dus su pho nya bde ba chen po rdo rje sems dpa'i gsang lam bsgom pa la dbang*/__byung tshor lhan skyes ye shes su dag ste thugs rdo rje dga' ba bcu drug gi bdag nyid chos sku thob pa'i skal pa can du gyur/__bzhi pa mthar thug de kho na nyid kyi dbang gi slad du/__sgrub pa'i mar me slar yang snying gar bzhag la/__hoH__yang dag grub pa gcig pu nyid:__sangs rgyas bde chen kun 'dus pa:__mkha' 'gro sgyu ma bde mchog gi:__'od gsal ye shes dbang bskur ro:__oM ru lu ru lu hU~M b+h+yo hU~M:__dz+nyA na sa ma ya A be sha ya s+t+wa~M:__gnyug ma'i gnas lugs yang dag pa:__rig stong gnyis su med pa ni:__snang gsal mar me'i brdas mtshon te:__don gyi ye shes skyed par bsam:__mthar ni lha bstim gnyis med bzhag:__dpal chen sku yi gsal snang dang :__kha sbyor rlung bzung 'bar 'dzag gi:__bde bas thabs byas stong nyid ngang :__dbang bzhi'i rtogs pa brtan par mos:__de ltar na don dam spros med brda yi dkyil 'khor du/__tshig dang rig pa'i rtsal dbang thob/__sgo gsum gyi dri ma sbyangs/__lam dus su khregs chod thod rgal zung 'jug gi nyams len bya ba la dbang*/__snang bzhi zad sar 'khyol te lhun grub ngo bo nyid kyi sku thob pa'i skal pa can du gyur pa'o/__/de dag gis bde chen he ru ka'i gsang gsum mchog gi dngos grub la sbyor ba stod las byang chub sgrub pa'i dbang bskur zin nas/__gnyis pa smad las dgra bgegs sgrol ba'i dbang bskur ba la/__de ltar dpal he ruka'i rdo rje bzhi yi dkyil 'khor du sku bzhi'i bde ba chen po'i ye shes mchog la sbyor ba'i dbang bzhi'i rtogs pas bdag 'dzin mtshan ma'i ru tra bsgral ba'i ye shes kyi rtsal mkha' khyab thugs rje thal 'byin gyi phur pa'i ye shes chen po'i zil gyis/__las kyi ma mo brgyad bskul te gtso 'khor sprul pa pho nya dang bcas pas bdud bzhi dbyings su bsgral phyir mtha' rten phur pa rdzas kyi dbang bskur bar mos shig__/las phur gtad la/__hU~M:__srid pa rdo rje phur pa'i lha:__ye shes khro bo gzi byin gyis:__las kyi ma mo rgyud bskul nas:__bdud bzhi'i dpung tshogs tshar gcod shog:__oM badz+ra kI li kI la ya sarba big+h+nAn ba~M hU~M phaTaH__ma ma sarba sa ma ya hU~M hU~M:__sarba big+h+nAn sha trUn mA ra ya phaTaH__phur pa slob ma'i lag tu gtad pa phyogs bcur 'dril ba'i stang stabs byas la/__rdo rje gzhon nu'i thugs ka nas:__'od zer tsha zhing rtsub pa dang :__gau ri la sogs brgyad rnams las:__rang rang mdog mtshungs me 'od 'phros:__khams gsum thams cad yongs su gang :__phrin las rnam bzhi lhun gyis grub:__gsang ba'i dgra gsum dbyings su bsad:__'jigs pa'i bdud bzhi rang ngor bcom:__bar gcod 'phrang gsum klong du gsal:__dpal chen badz+ra he ru ka'i:__brtul zhugs spyod pa mthar phyin bsam:__shis pa brjod pas/__mnga' gsol bya/__de dag gis/__khrag 'thung gal po'i tan+t+ra yi:__rdo rje'i gleng gzhi nges pa'i don:__smin byed rgyud kyi snying po ste:__snying gi bu la gtad rgyas gdab:__zhes gsungs pa ltar snying po don gyi zab mo'i dbang bzhi mtha' rten dang bcas pa thun mong ma yin pa grub pa lags pas/__sogs mtshams sbyor spyi mthun gyis dam tshig khas blangs gtang rag maN+Dal bsngo smon sogs dbang dang*/__cho ga'i rjes rim gsang ba spyi ltar bya'o/__/'ji~Xgs me~Xd nang gi ye shes nyid/__/mkhyena~X brtse~X'i 'oda~X zera~X 'bum 'phro bas/__/bkra~X shisa~X mchog thun dngos grub dpa~Xl/__/'dod dgu'i 'byora~X pa'i skyes 'di rmad/__/rtsa gsum 'od gsal snying thig gi yi dam yang dag thugs kyi dkyil 'khor dang rdo rje phur pa sbrags ma'i dril sgrub kyi dbang bskur bklag chog tu bkod pa mchog dngos grub pa'i dpal ster le'u tshan bcu drug pa rang byung 'od gsal thugs mchog rdo rjes sbyar ba'o/__!__/sangs rgyas kun gyi phrin las rdo~X rje~X'i mtshon/__/snying rje khros pa'i gzi~X brjida~X dang bcas pas/__/bdud bzhi'i grong khyer mthar byed mthu stobs rtsal/__/mtshungs med lhag pa'i lha mchog rgyal gyur cig__/rtsa gsum 'od gsal snying thig gi phrin las rdo rje gzhon nu phur pa 'dus pa'i dril sgrub kyi dbang la rten gyi dkyil 'khor 'du bya ba dang*/__de nyid sgrub cing bskur ba'i tshul gnyis las/__dang po ni/__dbang bskur ba'i gnas der ras bris gzhung mthun bkram pa'i lte bar phur gdan la lcags sam drag po'i shing gi sgrub phur mtshan nyid dang ldan pa dar mthing ga'i cod pan can btsugs/__mdun du bla ma'i gtor chen/__las phur bcas bkod la nyer spyod mchod pas bskor/__sman raka__/srung ma dang chad brtan gyi 'bul gtor/__tshogs mchod/__dkar bgegs sogs kyang bshams/__las kyi bum pa dang*/__rdor dril sogs slob dpon gyi mdun du bkod la/__gnyis pa ni/__brgyud 'debs/__phur pa 'dus pa'i dril sgrub kyi gzhung bsrang la bdag mdun dzaba? khang dbye bas bskyed bzlas legs par bya/__bsang chu'am las bum gyi nang du/__pad nyi'i gdan la khro bo bdud rtsi 'khyil ba ljang nag rgya gram dang sdigs 'dzub mdzad cing khro bo'i chas thams cad kyis brgyan pa'i skur gsal ba/__badz+ra a mr-i ta'i sngags kyis byin brlab/__khro bo 'od du zhu nas chu'i rdul re re bzhin khro bor gyur pas phrin las mdzad par mos/__srung ma'i gsol mchod/__tshogs dang skong bshags/__rig pa'i me tog dor te gnang ba zhus la/__slob ma rnams/__khrus byas/__bgegs bskrad/__srung 'khor sems bskyed gsal btab pa'i rjes/__de yang rgyud las/__sangs rgyas kun gyi ye shes sku/__/ngang nyid rdo rje chos dbyings las/__/'bar ba'i khro bo mi bzad pa/__/zhes gsungs pa ltar ngo bo phyogs dus kyi de bzhin gshegs pa sras dang bcas pa'i stong nyid snying rje gnyis su med pa'i ye shes kyi phyag rgyar bzhengs pas bde bar gshegs pa thams cad rdo rje gzhon nu'i sprul par gsungs shing*/__rnam pa bdud dgra dam sri 'dul ba la 'gran zla med pa'i mthu stobs kyi rtsal dang ldan pa phrin las kyi gsang ba gcig tu bsdus pa karma he ru ka'i tshul du snang la/__khyad par du zhi ba'i dus na dpal rdo rje sems dpa'/__sngags phyi ma'i skabs su rdo rje rnam par 'joms pa/__byang chub sems dpa'i skabs su gsang bdag phyag na rdo rje/__rdo rje gtsug gtor phyir bzlog chen mo sogs mtshan dang sku'i bkod pa/__rigs sngags kyi cho 'phrul bsam gyis mi khyab pas las dang dngos grub rab 'byams sgrub pa la byin rlabs nus pa'i gzi byin da lta'i bar nyams pa med pas 'phags bod gsar rnying mkhas grub kun gyi thugs dam gsang ba'i lha gcig mar yongs su grags la/__'di nyid la rgyud dang gdams ngag bka' babs kyi lugs srol zab cing rgya che ba byung ba las/__skabs su babs pa 'di ni/__snga 'gyur zab mo gter gyi chos sde'i bye brag kun mkhyen bla ma 'od gsal sprul pa'i rdo rje'i zab mo'i dgongs klong ye shes kyi gsang mdzod las byon pa'i rtsa gsum 'od gsal snying thig gi phur pa 'dus pa'i dril sgrub zhes phrin las kyi sgrub sde'i skor te/__rje 'di nyid kyis phur pa bka' gter dag snang gi rim pa gangs can na bzhugs so cog legs par gsan/__thugs dam nyams bzhes mthar phyin par gnang bas dpal chen po'i ye shes kyi sku'i rjes su bzung*/__sangs rgyas gnyis pa pad+ma kA ra/__paN chen dri med bshes gnyen/__mkha' 'gro ye shes mtsho rgyal sogs phur pa grub pa'i rig 'dzin rnams kyi byin rlabs dbugs dbyung khyad par can stsal/__smin grol rgyud kyi bshad bka'i nye brgyud brnyes:__bod phung mtha' dmag dam sri phrin las drag po'i stobs kyis bsgral ba sogs ngo mtshar gyi che ba du ma dang ldan pa'i bye brag yang gsang thugs kyi phur gcig gi dbang bskur sgrub pa la sogs kyi mtshams sbyar nas maN+Dal 'bul du gzhug__/slob dpon dpal chen khrag 'thung rdo rje gzhon nu dngos su gsal ba la mos gus drag pos thal mo me tog dang bcas te gsol ba 'debs pa 'di'i rjes zlos mdzod/__hU~M:__thabs kyi spyod pas 'gro don du:__byams dang snying rjes gang 'dul ba:__sangs rgyas phrin las rdzogs mdzad pa:__dbang dang byin rlabs bdag la stsol:__lan gsum/__dpal chen khrag 'thung rdo rje gzhon nu rang snang ye shes kyi dkyil 'khor 'khor lo rtsa gsum rgyal ba chos srung dang bcas pa mkha' khyab tu bzhugs pa la bdag sogs sems can thams cad deng nas byang chub ma thob kyi bar du rtse gcig gus pas skyabs su 'gro ba dang mkha' mnyam gyi yid can dpal he ru ka'i go 'phang la dgod par bya/__de'i ched du gsang ba'i dkyil 'khor chen por smin byed zab mo'i sgor zhugs shing lam rim pa gnyis kyi rnal 'byor la brtson par bgyi'o snyam du sems bskyed pa 'di'i rjes zlos/__hU~M:__bla ma rdo rje gzhon nu la:__mi phyed gus pas skyabs su mchi:__srid pa phur bu'i dkyil 'khor du:__khams gsum bsgral bar sems bskyed do:__lan gsum/__yul mchog de rnams kyi spyan sngar phyag dang bshags pas sgo gsum gyi sgrib gnyis bag chags sbyong ba dang*/__mchod pa la sogs pas tshogs gnyis phung po bla na med pa bsags pa dang*/__yongs su bsngo bas dge ba'i rtsa ba rgya cher spel ba rnams kyi dmigs 'dun gsal thob la 'di'i rjes zlos/__rdo rje slob dpon sangs rgyas dpal/__/dus gsum bzhugs la phyag 'tshal lo/__/mchog gsum brten pa'i zhing gyur la/__/gnyis med yid kyis skyabs su mchi/__/dngos 'byor yid kyis rnam 'phrul pa'i/__/dag pa'i mchod pa bzhes su gsol/__/dngos grub chu bo gcod pa'i bgegs/__/nyes byas ma lus bshags par bgyi/__/phyogs bcu 'khor gsum dag pa'i chos/__/ma chags spyod la rjes yi rang*/__/dag pa mtha' bzhi dri ma med/__/rdzogs pa'i byang chub sems bskyed do/__/bde gshegs dbang phyug sems can la/__/dgos pa gsum phyir lus 'bul lo/__/tshe rab bgrang ba'i las rnams kun/__/bsdus te byang chub chen por bsngo/__lan gsum/__dbang gi bcud chags pa la rgyud sdom pa dang ldan pa'i snod dgos pas/__rdo rje theg pa thun mong ma yin pa'i sdom pa rigs lnga spyi dang bye brag khyad par gyis bsdus pa'i dam tshig rnams legs par blangs te bsrung snyam pas 'di'i rjes zlos/__oM/_bde bar gshegs pa khyed ci 'dra/__/de 'dra kho nar bdag gyur cig__/spyod pa rmad byung bsam yas pa/__/'gro la phan phyir bdag gis spyad/__/byang chub sems mchog dam pa dang*/__/sku gsung thugs kyi phyag rgya 'di/__/srog gi phyir yang mi gtong na/__/rdo rje rgyal pos byin rlabs mdzod/__/dus ngan tha ma'i 'jig rten 'dir/__/sangs rgyas mdzad dka' bdag gis bsgrub/__/byang chub spyod dka' bdag gi spyad/__/rdo rje rnal 'byor dkyil 'khor 'dir/__/bdag cag bsam pa rdzogs gyur cig__/lan gsum/__dngos gzhi dbang gi gzhi dgod cing ye shes pa dbab pa la/__rig 'dzin bla ma'i byin rlabs gtor ma'i dbang bskur bgyi ba la/__gtor snod rin chen 'bar ba'i gzhal med khang gi dbus su gtor ma nyid bla ma rig 'dzin rdo rje thod phreng rtsal phrin las phur pa grub pa'i rig 'dzin grub thob rgya mtsho sprin gtibs pa ltar bzhugs pa'i gsang ba gsum gyi byin rlabs thams cad 'od zer bdud rtsi'i phreng ba dkar dmar mthing ga kha dog sna tshogs pa'i rnam pa char ltar brul/__slob ma'i gnas gsum du thim pa'i mos pa mdzod/__/slob dpon gyis DA dril gdangs dbyangs dang bcas te bskul/__las rdor gyis gtor ma btegs la/__hU~M:__rdo rje gzhon nu'i rig 'dzin rnams:__srid pa rdo rjer grub mdzod cig:__srid pa rdo rje phur pa'i lha:__ye shes khro bo grub par mdzod:__oM AHbadz+ra ma hA gu ru sarba sid+d+hi hU~M phaTaH__sa ma ya A be sha ya s+t+wa~M:__slob dpon gyis gtor ma slob ma'i gnas gsum du bzhag__/gtor ma dang gnyis su med pa'i brgyud gsum rig 'dzin bla ma thams cad dgyes pa chen pos 'od du zhu nas slob ma'i sgo gsum la thim pas rdo rje'i ye shes chen po'i byin rlabs kyi zil gyis/__khyed rnams dpal chen po'i sku 'di ltar gsal thob mdzod/__oM ma hA shU n+ya tA sogs/__chos thams cad rang bzhin gyis 'od gsal stong pa nyid kyi ngang las/__snod rnam par dag pa 'og min gsang chen rol pa'i dur khrod kyi bkod pa rdzogs pa'i dbus su pad+ma nyi ma lha chen pho mo'i gdan la/__bcud rnam par dag pa khyed rang rnams kyi rig pa'i ngo bo hU~M mthing nag yongs su gyur pa las skad cig gi dpal chen rdo rje gzhon nu sku mdog mthing nag__/zhal gsum g.yas dkar la g.yon dmar phyag drug g.yas dang po dang bar pas rdo rje rtse dgu dang rtse lnga/__g.yon dang po dang bar pas me phung dang kha T+wA~M ga bsnams shing tha ma gnyis kyis ri rab phur bu 'dril ba dpal dang dur khrod kyi chas kyis brgyan cing zhabs bzhi 'dor thabs su bgrad pa'i pang du yum 'khor lo rgyas 'debs ma mthing skya ut+pal dang dung khrag bsnams pas 'khyud pa gnas lngar sras mchog rigs lnga tshig mtshams khro bo bcu stang dpyal khra thabs dang bcas pa/__yan lag bzhir sgo ma phur srung dang bcas gsal ba'i dpral bar oM dkar po/__/mgrin par a dmar po/__thugs kar hU~M sngon pos mtshan par gsal thob cig__/de nas dbang dngos la/__bsnyen pa'i phur pa la brten nas stod las mchog sgrub kyi dbang bzhi byin rlabs kyi tshul du bskur ba dang*/__las kyi phur pa la brten nas smad las bsgral dbang gi tshul du bskur ba gnyis las/__dang po ni/__mdun bskyed mtshan ma rdzas kyi phur pa 'di nyid rnam pa phyi'i dbyibs rdzas kyi phur pa la nang dur khrod rol pa'i gzhal yas khang khrag 'thung badz+ra kI la ya'i dkyil 'khor dbus su gtso bo rdo rje gzhon nu yab yum khro bcu khra thabs sras mchog sgo skyong dam can srung ma dang bcas pa lus dkyil gyi lha'i tshul du bzhugs pa spyan drangs te dpral bar bzhag pas sku snang stong bum pa'i dbang bskur stsol ba'i mos pa mdzod/__sgrub phur spyi bor bzhag ste/__oMH__sangs rgyas kun gyi ye shes sku:__ngang nyid rdo rje chos dbyings las:__'bar ba'i khro bo mi bzad pa:__sku yi dbyig tu dbang bskur ro:__oM badz+ra kI li kI la ya sarba big+h+nAn ba~M hU~M phaTaH__kA ya sa ma ya a be sha ya s+t+wa~M:__mtshan ma rdzas kyi phur bu'i dkyil 'khor gyi lha tshogs rnams kyi sku las ye shes kyi 'od zer bdud rtsi'i chu rgyun gyi rnam pas lus kyi nang gang*/__rtog sgrib bag chags dang bcas pa'i dri ma gtor zhing ye shes lnga'i nus pa rgyud la zhugs shing rigs kyi bdag po mi bskyod pa'i dbu brgyan par gyur/__mthar lha tshogs rnams las sku gnyis pa re 'phros te khyed rang la thim par mos shig__/des sku bum pa'i dbang bskur/__lus kyi sdig sgrib nad gdon bar du gcod pa thams cad bsal/__gzi brjid stobs kyi dngos grub thob/__sku'i byin rlabs lus la zhugs/__bskyed rim dbyibs kyi rnal 'byor bsgaum pa la dbang*/__'bras bu sku rdo rje sprul sku 'grub pa'i skal ba can du byas pa yin no/__/mtshan ma rdzas kyi phur bu'i dkyil 'khor gyi lha tshogs mgrin par bzhag ste gsang ba'i dbang bskur stsol ba mos mdzod/__AH__sangs rgyas kun gy-i ye shes gsung :__ngang nyid rdo rje chos dbyings las:__'bar ba'i khro bo mi bzad pa:__gsung gi dbyig tu dbang bskur ro:__oM badz+ra kI li kI la ya sarba big+h+nAn ba~M hU~M phaTaH__wA ka sa ma ya a be sha ya s+t+wa~M:__dkyil 'khor gyi lha tshogs rang 'od kyi yum dang mnyam par sbyor ba'i byang chub sems kyi bdud rtsi'i rgyun sangs rgyas thams cad 'dus pa'i ngo bo slob ma'i lce thog tu byin/__mgrin pa'i lam brgyud rtsa khams thams cad la khyab/__rang bzhin brgyad cu'i rtog tshogs 'od gsal gyi dbyings su thim pas gsang ba'i dbang bskur thob par mos mdzod/__rjes 'brel bzlas pa'i lung sbyin pa la/__slob dpon dang mdun bskyed dbyer med pa'i thugs kar ye shes sems dpa' rdor sems tshon gang ba/__de'i thugs kar nyi zla'i ga'u'i nang hU~M yig gi mthar 'khod pa las sku dang sngags phreng me 'od mtshon cha nam mkha' gang ba 'phros/__rgyal ba sras bcas mchod/__khams gsum gyi nyon mongs pa sbyangs/__srid pa gsum gyi dregs byed thams cad gzir/__bar chad 'byung po thams cad tshar bcad/__snod bcud dkyil 'khor gsum du rdzogs par mos la sngags 'di yi rjes zlos lan gsum mdzod/__oM badz+ra kI li kI la ya sarba big+h+nAn ba~M hU~M phaTaH__lan gsum bzlar gzhug__/des gsung gsang ba'i dbang bskur/__ngag gi sdig sgrib nad gdon bar du gcod pa thams cad bsal/__drag sngags nus pa'i dngos grub thob/__gsung gi byin rlabs ngag la zhugs/__bdag byin brlabs pa'i rnal 'byor bsgom pa la dbang*/__'bras bu gsung rdo rje longs spyod rdzogs sku grub pa'i skal ba can du byas pa yin no/__/mtshan ma rdzas kyis phur bu dkyil 'khor gyi lha tshogs snying gar bzhag ste gsum pa'i dbang bskur stsal ba'i mos pa mdzod/__hU~M:__sangs rgyas kun gyi ye shes thugs:__ngang nyid rdo rje chos dbyings las:__'bar ba'i khro bo mi bzad pa:__thugs kyi dbyig tu dbang bskur ro:__oM badz+ra kI li kI la ya sarba big+h+nAn ba~M hU~M phaTaH__tsit+ta sa ma ya A be sha ya s+t+wa~M:__dpal chen po'i sbyor yum las gzugs dang lang tsho ldan pa'i rig ma ye shes phyag rgya'i ngo bo can spraus 'dus shes gsum gyi snyoms par zhugs pas/__lugs 'byung dang lugs ldog gi thabs shes dga' ba bcu drug myong ba'i mthar thug lhan skyes bde ba chen po 'pho med du brtan par mos shig des thugs shes rab ye shes kyi dbang bskur/__yid kyi sdig sgrib nad gdon bar du gcod pa thams cad bsal/__bde chen phyag rgya chen po'i dngos grub thob/__thugs kyi byin rlabs sems la zhugs/__gzhan lus pho nya'i myur lam bsten pa la dbang*/__'bras bu thugs rdo rje chos sku 'grub pa'i skal pa can du byas pa yin no/__/mtshan ma rdzas kyi phur bu slar yang snying gar bzhag ste/__dbang bzhi pa'i don ngo sprod par mos mdzod/__hrIH__sangs rgyas kun gyi ye shes dbyings:__ngang nyid rdo rje chos dbyings las:__'bar ba'i khro bo mi bzad pa:__ye shes dbyig tu dbang bskur ro:__oM badz+ra kI li kI la ya sarba big+h+nAn ba~M hU~M phaTaH__dz+nyA na sa ma ya A be sha ya s+t+wa~M:__mtshon byed dpe yi thabs la brten nas mtshon bya don gyi ye shes ngo sprad pa ni/__rdo rje'i tshig 'di la gsan 'tshal/__phur ni thabs kyi rgyal po ste:__pa ni shes rab dbyings kyi ngang :__zung 'jug chen por mnyam bzhag pas:__bzhi pa'i ye shes skyes par bsam:__zhes gsungs pa ltar dbyings stong nyid spros bral gyi 'char cha/__rig rtsal 'khor 'das sna tshogs su shar yang*/__zung 'jug gdod ma'i gshis la skye 'gags gnas gsum dang bral ba smra bsam brjod bral chen po nam yang 'pho 'gyur med pa'i don la mnyam par zhog mdzod/__des ye shes bzhi pa'i dbang bskur/__sgo gsum cha mnyam gyi sdig sgrib nad gdon bar du gcod pa thams cad bsal/__ye shes rdo rje'i stobs dang dbang bcu'i dngos grub thob/__rig pa rtsal gyi byin rlabs cig char du zhugs/__'od gsal rdo rje snying po'i don bsgom pa la dbang*/__'bras bu mi 'gyur rdo rje mngon par byang chub pa'i sku 'grub pa'i skal pa can du byas pa yin no/__/slar yang dbang gi ye shes skyes brtan gong 'phel du bya ba'i phyir/__mtshan ma rdzas kyi phur bu'i dkyil 'khor lha tshogs rnams kyi steng gi cha la rig 'dzin grub thob brgyud pa'i bla ma/__bar gyi cha la yi dam zhi ba dang khro bo/__'og rol du mkha' 'gro dam can srung ma rnams spr-in gtibs pa ltar bzhugs pa'i gsang ba gsum las 'bru gsum dang byin rlabs 'od zer bdud rtsi'i rgyun dpag tu med pa byung*/__khyed rang rnams la thim pas sgo gsum cha mnyam dang bcas pa dbang bzhi'i ye shes kyi smin/__rdo rje bzhi'i dkyil 'khor chen po'i bdag nyid du grol/__las dang nyon mongs shes bya'i sgrib pa bag chags dang bcas pa sbyangs/__rig 'dzin rnam pa bzhi'i sa lam yongs su rdzogs/__mchog dang thun mong gi dngos grub kyi gter la spyod/__sangs rgyas kun gyi sku dang ye shes kyi bdag nyid dpal chen po rdo rje gzhon nu'i gsang ba mi zad rgyan gyi 'khor lo dang ro gcig tu gyur pa'i mos pa mdzod/__sgrub phur spyi bor bkod la/__hU~M:__srid pa'i phur bu sgrub pa dang :__dbang dang dngos grub stsol ba'i phyir:__ye shes khro bo gshegs su gsol:__ye shes khro bo gshegs nas kyang :__rtags dang mtshan ma bstan pa dang :__kI la ya yi dngos grub stsol:__oM badz+ra kI li kI la ya sarba big+h+nAn ba~M hU~M phaTaH__kA ya wA ka tsit+ta gu Na karma sa ma ya A be sha ya s+t+wa~M:__dkyil 'khor gyi lha tshogs dgyes pa chen po'i 'od du zhu nas/__khyed rang rnams la thim pas gnyis su med par byin gyis brlab pa la shis pa brjod pa'i tshig gi mnga' gsol bar mos mdzod/__hU~M:__rig 'dzin rtsal 'chang byin rlabs kun gyi bdag:__srid pa'i phur bu dngos grub kun gyi gter:__ma mo mkha' 'gro myur mgyogs phrin las can:__phur pa'i dkyil 'khor lha yi bkra shis shog:__gnyis pa las kyi phur pa la brten nas/__mngon spyod gtso bor gyur pa'i las rab 'byams sgrub pa'i dbang bskur la khyed rang rnams dpal chen po'i/__snyems pa mchog tu brtan pas phyag tu phrin las kyi pho nya yongs su rdzogs pa'i gdab phur gtad par mos shig__/las phur slob mas 'dril te/__hU~M:__bran dang bka' nyan pho nya'i tshogs:__khyed kyi thugs dam dus la bab:__sngon chad tshul bzhin dam bcas pa'i:__mngon spyod phrin las 'grub par mdzod:__oM badz+ra kI li kI la ya sarba big+h+nAn ba~M hU~M phaTaH__ma rak+mo yak+mo:__kA la rU pa:__snying rtsa la yaM yaM:__srog la yaM yaM:__snying la khril khril:__srog la chum chum:__tsit+ta srog la tung tung :__snying khrag srog la shad shad:__thum ri li li:__tseg tseg:__'ur 'ur:__shig shig:__gul gul:__myags myags:__sod sod:__d+ha ti ma ma karma shI g+h+raM ka ra ye:__mA ra se na pra mar+d+ha na ye hU~M phaT:__de ltar gtad pa'i phur pa phyogs bcur bsgril zhing gzir bas bya ba nan tan gyi phrin las srung ba rdo rje'i rdzong mkhar/__bzlog pa drag po'i dmag dpung*/__gdab pa las kyi spu gri/__mtha' sdud mnan bsreg 'phang gsum gyis mtshon drag shul gyi las chen bcu gnyis log rdug 'byams gsum gyi skyon dang bral bas phyi nang gsang ba'i dgra gsum bsad/__bdud bzhi bcom/__'phrang gsum las brgal nas dpal khrag 'thung chen po 'jigs mdzad rdo rje gzhon nu dang dgongs spyod mnyam par mos mdzod/__de dag gis/__thugs kyi phur gcig la brten nas:__ting nge 'dzin gyi dbang bskur ba:__rgyud kyi khong snying phyungs pa ste:__snod ldan bu la gtad do rgya:__zhes spros pa'i yan lag bsdus kyang yang gsang thugs kyi phur gcig la brten pa'i snying po don gyi dbang bzhi'i mtha' brten dang bcas pa yongs su rdzogs pa'i zab khyad can sngon chad rgya cher ma bstan pa'i zab gsang DA ki'i thugs tig byin rlabs don gyi brgyud pa ma nyams pa'i dbang gi rim pa legs par grub pa lags pas sogs mtshams sbyor dang bcas dam tshig khas blang*/__gtang rag lus 'bul/__dge bsngo rnams dang*/__tshogs la rol zhing lhag ma btang ba sogs phrin las rjes kyi rim pa mthar chags su bya'o/__/'ji~Xgs brala~X mkhyena~X brtse~X dgyes pa'i mdangs/__/stobs bcu'i 'o~Xd zer stong 'bar ba/__/phyogs las rnam rgyal bkra~X shisa~X kyi/__/bstan 'gro'i dpa~Xl 'byora~X rgyas gyur cig__/rtsa gsum 'od gsal snying thig gi yi dam phrin las phur pa 'dus pa'i dril sgrub kyi dbang gi rim pa phrin las rgyan gyi rol mo le'u tshan bcu bdun pa phrin las drag po rtsal gyis sbyar ba ste rdzogs pa'o/__!__/ mtshams 'dir phur pa 'dus pa'i dril sgrub mkhyen brtse dbang pos phab 'phro can/__dil mkhyen rin po ches dgongs pa'i gter las phab pa'i dbang*/__rtsa gsum 'od gsal snying thig gi kha skong phur pa 'dus pa'i dril sgrub kyi dbang bskur bklag chog tu bkod pa rdo rje bdud rtsi'i bum bzang zur gsal ltar bskur dgos mchan/__!__/gnyis pa rtsa gsum 'od gsal snying thig gi phrin las kyi rtsa ba mkha' 'gro'i sgrub skor la/__rigs lnga mkha' 'gro spyi dang bye brag gi sgrub thabs dbang*/__las tshogs bcas rgya cher yod pa'i rtsa tho rje bla ma thams cad mkhyen pa'i phyag bris dngos mjal ba'i skal bzang thob kyang phag mo dkar mo tsam las gzhan gtan la ma phab par mngon la/__de la ni mkhas grub rgyal po 'jam mgon rnam gnyis kyi ljags bsgrigs bzhugs bzhin pa dang*/__gzhan bdud rtsi bde chen snying po dang*/__phur pa 'dus pa'i dril sgrub gnyis dbu gzhag tsam la rdzogs par ma phebs/__!__/gsum pa bka' srung gsol mchod rdo rje'i drwa ba'i/ srog dbang mkhyen brtse dbang pos phab ma grub pa la/__dil mkhyen rin po ches bka' srung gsol mchod rdo rje'i drwa ba'i srog dbang rdo rje'i rgya can dgongs pa'i gter las phab cing de'i chog bsgrig rtsa gsum 'od gsal snying thig gi bka' srung lcam dral dril sgrub kyi srog dbang bya tshul zur du bzhugs pa ltar bskur dgos mchan/__de ltar na da lta bdag cag gi spyod yul du gyur pa mtha' de tsam gyis rdzogs par grub pa'o/__/theg mchog ston pa'i thugs bskyed skya rengs dang*/__/skal bzang gdul bya'i smon lam rta bdun shugs/__/nang mdzoms bka' babs rin chen bdun gyi nyi/__/mi mjed zhing gi rgyan du mdzes par shar/__/rgya che'i bka' dang zab gter bdud rtsi'i rlabs/__/smin grol bskyed rdzogs gdams pa'i ro nus can/__/gcig las gcig mtshar 'khor bsgyur dbang mdzad bzhin/__/mngon sum spyod pa'i sngon smon bzang po'i mthu/__/gzur gnas blo yi rin chen mig yangs shing*/__/'chad rtsom sgrub pa'i gtong ba'i phyag yangs pa'i/__/blo ldan mchis na theg mchog chos kyi khab/__/mel tshe bgyid la mi brel su zhig mchis/__/bsags pa rgya che pha yi nor skal mchog__/rjes 'jug bu la brtse bas sbyin pa 'di/__/rang gar bor na de las khrel 'os su/__/de tshul shes pas rtag tu brtson pa lags/__/bsags srung brlag pa'i sdug bsngal khur brtsegs shing*/__/phung grol gdeng kas g.yengs pa'i mdzod phal cher/__/dgra sdes brlag kyang chos kyi gsang mdzod ni/__/'grib med bdag gi dpal du chas la gzigs/__/'di ni skye 'chi'i 'pho skyes kyis theb kyang*/__/phyi mar bcol ba'i nor la rang dbang du/__/'di bas lhag pas len cing 'dzin spel gyi/__/spobs pa'i mgo 'phang bstod la som nyid ci/__/mthing skya mig gi bung ba gting du lhung*/__/'khyogs po'i sor mo rga shing ltar gyur yang*/__/legs bshad bzang gos 'chi khar tshems grub 'di/__/chos sras na tshod gzhon la skyes su 'bul/__/gser gyi rgya phibs mdzes pa'i tshon ris can/__/rin chen dar zab mchod rdzas kyis g.yogs pa'i/__/gtsugs lag bshig kyang snga 'gyur dbang chu bzhi/__/slar yang 'phags yul chas 'di bdag kyang spro/__/rig 'dzin grub pa'i nu zhos gsos pa yi/__/seng phrug bdag kyang theg mchog gangs ri'i sbor/__/dga' bas brtson pa'i zlos gar 'di yin pas/__/mkhas grub bye bas byams brtses gzigs mdzod kye/__/g.yon can grogs ldan 'du 'dzi log 'tshos g.yengs/__/bskyed rdzogs gdings bral ltar snang chos kyis 'tsho/__/sha chang khyim gyi grong gseb sngags rgan gyi/__/'dam las ngo mtshar pad+ma'i 'dzum 'di byung*/__/legs byas gang mchis dam pa'i bung ba yis/__/dgyes par bzhes la srid dang ngan song gi__/g.yang sar phyogs la bdag gi co to nas/__/gzung ste bde chen gling du khrid mdzad gsol/__/de skad gangs can bod kyi shar phyogs char/__/mdo khams dam chos bdud rtsi'i dga' ston la/__/ci dgar rol pa'i skal ba mi dman pa/__/mkhyen brtse'i 'od zer bung bas bstan nas song*/__/yab gcig bla ma'i bzhed pa bdag gis skong*/___/yum gcig mkha' 'gro'i gsang mdzod dad pas spyod/__/las gcig byas pa don ldan 'di gyur nas/__/phyams gcig sku gsum gling du brtain par shog__/nam zhig d+hu ma tha la'i grong khyer na/__/mkha' spyod mig yangs 'dzum pa'i pho nya bcas/__/chos nyid rang sgra'i rgyud kyi gling bu len/__/zab don 'gram chang 'thung la mi ngal shog__/sangs rgyas gnyis pa'i thugs bskyed dpung tshogs bzhis/__/dpal la dbang bsgyur drag shul rdo rje'i char/__/nag phyogs rdzong la 'bebs pa'i dmag dpon du/__/bdag gyur yid srub rgol ngan mthar byed shog__/'phags pa'i cho rigs gtsang zhing thos bsam sgom/__/lang tsho'i me tog bzhad la 'di 'bul bas/__/bshad sgrub las kyi 'khor lo'i zlos gar gyis/__/thub bstan kun dge'i skyed tshal mdzes par mdzod/__/bdag kyang thos pa'i mdzod bsags bsam pas spel/__/sgom stobs gnad kyi nyams len srog gi zungs/__/yid 'od dben pa'i ngogs nas smin gyur te/__/thub pa'i bstan la bya ba byed nus shog__/bkra shis gang zhig rtsa gsum dgyes pa'i nyin mor byed/__/byin rlabs snang ba 'bum gyis sgeg pa'i 'od phreng gis/__/dngos grub pad+mo'i 'dzum g.yo phrin las dri bsung khyab/__/phan bde'i bung ba'i zlos gar brtse bas mdzes gyur cig__/ces shar mdo khams sde dge'i chos rgyal chen po'i mnga' ris kyi shar phyogs shrI na len+d+ra gnyis pa rdzong sar bkra shis lha rtse'i gzim spyil 'og min gnyis pa sprin gyi skyed tshal bkra shis 'chi med grub pa'i dga' tshal nas thub bstan yongs rdzogs kyi mnga' bdag khyab bdag rdo rje sems dngos 'jam dbyangs chos kyi blo gros mchog gi zhal snga nas zab rgyas chos kyi 'khor lo'i dge mtshan nyi zla 'khor yug tu 'char ba'i skabs/__thun mong ma yin pa'i zab chos 'di dag gi smin grol gyis bdag kyang rjes su bzung ba'i skal bzang thob pa'i skabs 'di bzhin zhabs tog srid zhu spel 'os kyi bka' phun sum tshogs pa'i rten dang bcas dgyes brtses tshangs gnas kyi rgyan du stsal ba dang chabs cig__/gter chen rol pa rdo rje'i mchog sprul dwags rnying gi bstan pa'i snang byed chen po karma dri med 'od zer zhabs kyis smin grol gyi bdud rtsi lhan cig bzhes pas/__rje bla ma'i bka' bzhin myur du sgrub 'os pa'i bskul ma rten dang bcas yang yang stsal bas rang nyid kyis kyang dad spro'i bsnyen sgrub kyi zhor zin thun kha shas btab kyang*/__mtha' mi'i log spyod kyis khams bod thams cad rnga thog gi sran ma bzhin nyams nyes gyur pas rtsa ba'i zab chos 'di nyid kyang dbyings kyi mkha' 'gro'i phyag mtshan du bzhes pa la nye ba tsam du gyur skabs/__rgyal ba'i phrin las kyi re khA sub tu med pas rje bla ma rin po che'i phyag dpe 'phags yul du gdan 'dren zhus pa'i bka' drin las/__rim gyis dpe rgyun 'phel ba la theg mchog snying po'i bstan dang de 'dzin la mchog tu gus pa'i byang gnam mtsho'i do skya mchog sprul 'gyur med pad+ma dri med nas rtsa dpe zhal bshus kyi glegs bam dbus gyur rdo rje gdan gyi gtsug lag khang nas gnang ba'i rten 'brel gyi mtshams sbyar te/__shar mdo khams sde dge'i rgyal khams gyi mu to ba/__'du shes gsum gyi g.yar dam 'chang bas grong gseb tu 'khyams pa'i rnying sngags rgan po/__snyan la brjid pa'i ming mang po'i khur gyi non pa'i rmongs brtul gyi zog pos rgya gar gyi yul gru mtha' dbus kun tu rgyu ba'i skabs su rang blo'i dpog tshod ji ltar nus pa'i zhabs tog zhus pa la/__rdul bral chos spyan mnga' zhing nges don gyi bstan pa rin po che thugs la bcags pa'i gzur gnas mkhas grub rnams kyis dpyad zhus dang*/__smin grol gyi srog rtsa mi chad pa'i g.yar dam bzhes grub snying nas gsol ba 'debs pa dang*/__yi ge'i mthun sbyor byang phyogs reb skong rig pa'i 'byung gnas kyi sngags ban 'jigs med skal bzang bde chen grub pa'i rdo rje'i dad gus kyi brtson pas bgyis pa'i ngal ba'i khur 'dis kyang bstan 'gro'i dge mtshan nyin byed phyogs kyi tha gru kun tu 'phel rgyas brtan pa'i rgyur 'gyur ba bla ma rgyal ba sras dang bcas pas byin gyi rlabs par mdzad du gsol/__sarba dA su shrI ye b+ha wan+tu/__slar_2008_lor bka' babs skor bskyar bsgrig skabs dbang sgrub rnams nag 'gros su bkrol ba'i ngal ba ma byas la/__bskur chog phal cher yig chung la 'byin 'jug ci rigs bcas nag 'gros su bgyis pa po ni phun tshogs rnam rgyal te bla ma'i gsung la ras chod tu song ba'am dam med ham pa can rnams zab chos la rang dgar 'jug bder gyur pa'i nongs pa'i tshogs kun snying nas mthol shing dge bas gter chos kyi phrin las rtag khyab tu 'bar ba'i rgyur gyur cig/__//