JKCL-KABUM-12-NA-078

🚧 This website is under continued development. We appreciate your patience!

Previous Text Back to Volume PageNext Text

Wylie title	'bras ljongs su lha lcam sangs bde 'das skabs bris pa'i smon lam
Location	chos kyi blo gros bka' 'bum Volume 12, Text 78, Pages 351-352 (Folios 1a1 to 1b4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. 'bras ljongs su lha lcam sangs bde 'das skabs bris pa'i smon lam. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 351-352. Bir, H.P.: Khyentse Labrang, 2012.
Genre	Prayers - smon lam
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/princess-sangde-passing-aspiration
Colophon	།ཅེས་པའང་ཆོས་ཀྱི་བློ་གྲོས་པས་སོ།།
	/ces pa'ang chos kyi blo gros pas so//

1 Texts in this Section (sde tshan or chos tshan)

351-352	འབྲས་ལྗོངས་སུ་ལྷ་ལྕམ་སངས་བདེ་འདས་སྐབས་བྲིས་པའི་སྨོན་ལམ། 'bras ljongs su lha lcam sangs bde 'das skabs bris pa'i smon lam Prayers - smon lam	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

འབྲས་ལྗོངས་སུ་ལྷ་ལྕམ་སངས་བདེ་འདས་སྐབས་བྲིས་པའི་སྨོན་ལམ་བཞུགས་སོ། །ན་མོ། བླ་མ་ཡི་དམ་མཁའ་འགྲོ་དང་། སངས་རྒྱས་ཆོས་དང་དགེ་འདུན་ཚོགས། །ཁྱད་པར་ཉེ་བའི་སྲས་ཆེན་བརྒྱད། །ཐུགས་རྗེ་ལྡན་རྣམས་དགོངས་སུ་གསོལ། །འབྲེལ་ཐོབ་རྣམས་ཀྱིས་གཙོར་བྱས་པའི། །ནམ་མཁའི་མཐའ་ཀླས་འགྲོ་བ་རྣམས། །སྡུག་བསྔལ་ཀུན་དང་བྲལ་བ་དང་། །བདེ་དང་རྟག་ཏུ་མི་འབྲལ་ཤོག །བདག་ལ་དམིགས་ནས་གང་དག་གི །བཟང་ངན་འབྲེལ་པས་བསྡུས་པ་ཀུན། །ངན་འགྲོའི་འཇིགས་ལས་རབ་གྲོལ་ཏེ། །བདེ་འགྲོའི་རྟེན་བཟང་ཐོབ་པར་ཤོག །ལྷག་པར་དད་མོས་དྲག་པོ་ཡི། །གུས་པས་སྐྱབས་སུ་བསྙེན་པ་རྣམས། །མི་མཐུན་རྐྱེན་ངན་ཀུན་ཞི་ནས། །ཚེ་བསོད་ཡེ་ཤེས་རྒྱས་པར་ཤོག །བདག་གི་མིང་ཙམ་ཐོས་པ་རྣམས། །སྲིད་པའི་གདུང་བ་ཀུན་ཞི་ཞིང་། །མཐོ་རིས་རྟེན་བཟང་ཐོབ་པ་དང་། །མཐར་གྱིས་བྱང་ཆུབ་ལ་འགོད་ཤོག །སངས་རྒྱས་ཆོས་རྣམས་ཡོངས་རྫོགས་ཤིང་། །ཟག་མེད་བདེ་བས་འབྱོར་པ་དང་། །འཕགས་པའི་ནོར་གྱིས་རབ་སྐྱིད་དེ། །སྤྲུལ་པས་འགྲོ་བ་འདྲེན་པར་ཤོག །ཚེ་རབས་ཀུན་ཏུ་ཐེག་ཆེན་གྱི། །རིགས་ཅན་དུ་ནི་སྐྱེ་བ་དང་། །ཡོངས་འཛིན་བཤེས་བཟང་དང་འཕྲད་དེ། །ཐེག་མཆོག་ཆོས་ལ་སྤྱོད་པར་ཤོག །བྱང་ཆུབ་སྒྲུབ་ལ་བར་ཆོད་ཀྱི། །འཚེ་བ་ཀུན་དང་བྲལ་བ་དང་། །གནོད་པ་ཀུན་གྱིས་མི་ཚུགས་ཤིང་། །ཕུན་སུམ་ཚོགས་པས་འབྱོར་པར་ཤོག །གཟུངས་སྤྲིན་ཏིང་འཛིན་མངོན་ཤེས་སོགས། །དཔག་མེད་ཡོན་ཏན་དང་ལྡན་ཞིང་། །ཉོན་མོངས་ཤེས་བྱའི་སྤྲིན་ཚོགས་ཀུན། །ཆོས་ཀྱི་དབྱིངས་སུ་ཞི་བར་ཤོག །སྟོང་ཉིད་སྙིང་རྗེའི་སྙིང་པོ་ཅན། །བྱང་ཆུབ་སེམས་མཆོག་དང་ལྡན་ཞིང་། །ནམ་མཁའ་ཇི་སྲིད་གནས་ཀྱི་བར། །གཞན་ཕན་མཐའ་ཡས་འབྱུང་བར་ཤོག །དེ་ལྟར་སྨོན་པའི་གནས་མཐའ་དག །གེགས་མེད་འགྲུབ་པ་རྒྱལ་བ་དང་། །དེ་སྲས་ཚོགས་ཀྱིས་བྱིན་རློབས་ཤིང་། །ཆོས་ཉིད་བདེན་པའི་སྟོབས་འབར་ཤོག །ཅེས་པའང་ཆོས་ཀྱི་བློ་གྲོས་པས་སོ།། །།

[edit]

'bras ljongs su lha lcam sangs bde 'das skabs bris pa'i smon lam bzhugs so/__/na mo/__bla ma yi dam mkha' 'gro dang /__sangs rgyas chos dang dge 'dun tshogs/__/khyad par nye ba'i sras chen brgyad/__/thugs rje ldan rnams dgongs su gsol/__/'brel thob rnams kyis gtsor byas pa'i/__/nam mkha'i mtha' klas 'gro ba rnams/__/sdug bsngal kun dang bral ba dang /__/bde dang rtag tu mi 'bral shog__/bdag la dmigs nas gang dag gi__/bzang ngan 'brel pas bsdus pa kun/__/ngan 'gro'i 'jigs las rab grol te/__/bde 'gro'i rten bzang thob par shog__/lhag par dad mos drag po yi/__/gus pas skyabs su bsnyen pa rnams/__/mi mthun rkyen ngan kun zhi nas/__/tshe bsod ye shes rgyas par shog__/bdag gi ming tsam thos pa rnams/__/srid pa'i gdung ba kun zhi zhing /__/mtho ris rten bzang thob pa dang /__/mthar gyis byang chub la 'god shog__/sangs rgyas chos rnams yongs rdzogs shing /__/zag med bde bas 'byor pa dang /__/'phags pa'i nor gyis rab skyid de/__/sprul pas 'gro ba 'dren par shog__/tshe rabs kun tu theg chen gyi/__/rigs can du ni skye ba dang /__/yongs 'dzin bshes bzang dang 'phrad de/__/theg mchog chos la spyod par shog__/byang chub sgrub la bar chod kyi/__/'tshe ba kun dang bral ba dang /__/gnod pa kun gyis mi tshugs shing /__/phun sum tshogs pas 'byor par shog__/gzungs sprin ting 'dzin mngon shes sogs/__/dpag med yon tan dang ldan zhing /__/nyon mongs shes bya'i sprin tshogs kun/__/chos kyi dbyings su zhi bar shog__/stong nyid snying rje'i snying po can/__/byang chub sems mchog dang ldan zhing /__/nam mkha' ji srid gnas kyi bar/__/gzhan phan mtha' yas 'byung bar shog__/de ltar smon pa'i gnas mtha' dag__/gegs med 'grub pa rgyal ba dang /__/de sras tshogs kyis byin rlobs shing /__/chos nyid bden pa'i stobs 'bar shog__/ces pa'ang chos kyi blo gros pas so//___//