JKCL-KABUM-12-NA-024

🚧 This website is under continued development. We appreciate your patience!

Previous Text Back to Volume PageNext Text

Wylie title	'jam dbyangs bla ma'i thugs rje'i 'od zer gyis sogs mnga' ri chos rje mchog gi sprul pa'i sku gang nyid rdzong sar bkra shis lha rtse'i gtsug lag khang gi chos khrir mnga' gsol ba'i legs 'bul mtshon byed
Location	chos kyi blo gros bka' 'bum Volume 12, Text 24, Pages 81-83 (Folios 1a1 to 2a2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. 'jam dbyangs bla ma'i thugs rje'i 'od zer gyis sogs mnga' ri chos rje mchog gi sprul pa'i sku gang nyid rdzong sar bkra shis lha rtse'i gtsug lag khang gi chos khrir mnga' gsol ba'i legs 'bul mtshon byed. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 81-83. Bir, H.P.: Khyentse Labrang, 2012.
Genre	Official Letters - chab shog

1 Texts in this Section (sde tshan or chos tshan)

81-83	འཇམ་དབྱངས་བླ་མའི་ཐུགས་རྗེའི་འོད་ཟེར་གྱིས་སོགས་མངའ་རི་ཆོས་རྗེ་མཆོག་གི་སྤྲུལ་པའི་སྐུ་གང་ཉིད་རྫོང་སར་བཀྲ་ཤིས་ལྷ་རྩེའི་གཙུག་ལག་ཁང་གི་ཆོས་ཁྲིར་མངའ་གསོལ་བའི་ལེགས་འབུལ་མཚོན་བྱེད། 'jam dbyangs bla ma'i thugs rje'i 'od zer gyis sogs mnga' ri chos rje mchog gi sprul pa'i sku gang nyid rdzong sar bkra shis lha rtse'i gtsug lag khang gi chos khrir mnga' gsol ba'i legs 'bul mtshon byed Official Letters - chab shog	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

འཇམ་དབྱངས་བླ་མའི་ཐུགས་རྗེའི་འོད་ཟེར་གྱིས། །ལེགས་སྨིན་བྱང་ཆུབ་སེམས་དཔའི་རིགས་ཀྱི་མཚན། །ཡོངས་རྫོགས་མཆོག་སྤྲུལ་ཟླ་གཞོན་གསར་པ་ཡི། །ཞབས་སྟེགས་ཆུ་སྐྱེས་དཀར་པོ་བཞད་པའི་དྲུང་། །དྭངས་བའི་འོ་མཚོ་དཀར་བ་ལ། །མོས་གུས་དད་པའི་རྫ་རྔ་འཁྲོལ། །ཐུགས་རྗེའི་ཡེ་ཤེས་འཛུམ་ཕྲེང་ནི། །ཅུང་ཟད་ངོམ་པའི་གསོས་སུ་སྨིན། ༡ །རིང་ནས་བྱང་ཆུབ་སྤྱོད་པའི་གཡར་དམ་ནི། རྡོ་ལ་རི་མོ་བཞིན་དུ་ཆེས་བཀྲ་བས། །ཆེས་ཆེར་སྙིགས་མ་ལྔ་བདོའི་མུན་ཁྲོད་དུ། །བྱམས་བརྩེའི་ཡེ་ཤེས་ཉིན་བྱེད་འཆར་བ་གྱུར། ༢ །ཀུན་ཏུ་དགའ་བའི་ཉམས་འགྱུར་བརྒྱ་ཕྲག་གི །དབྱངས་བདུན་རྫོགས་པའི་རོལ་མོས་བསྐུལ་བ་ལས། །ཤེས་རབ་རྣམ་པར་རྒྱལ་བ་ཉེར་དྲངས་ཏེ། །འཇམ་དཔལ་གཞོན་ནུ་དགྱེས་པའི་ཚལ་དུ་ཆས། ༣ །རིགས་དང་བརྩེ་བའི་ལང་ཚོས་སྤུད་པ་ཡི། །མཛེས་སྐུ་བཅུ་དྲུག་ཆ་ཤས་རྫོགས་པ་ལས། །ཟླ་ཤེལ་གཞོན་ནུའི་དཀྱིལ་འཁོར་མཚར་སྡུག་གི །ལྷར་བཅས་ཡིད་ཀྱི་བརྟན་པ་ཅིག་ཆར་འཕྲོག༤། འཇིགས་མེད་རྡོ་རྗེའི་སྦུ་བའི་ཆོས་ཀྱི་ཁྲིར། །མཐོང་ན་མི་མཐུན་མེད་པའི་ངང་ཚུལ་ཅན། །དམ་པའི་ཡོན་ཏན་གཏེར་གྱི་ཕུང་པོ་ཆེ། །འཇིག་རྟེན་གསུམ་གྱི་བསྔགས་འོས་ཉིད་དུ་གྲུབ། ༥ །བཀྲ་ཤིས་འཇམ་པའི་རྡོ་རྗེའི་སྤྲིན་དཀར་གྱི། །ཀླུ་དབང་འཛུམ་པའི་སོ་ཕྲེང་རྒོད་པ་ན། །པདྨ་འདབས་བརྒྱ་དཀར་པོ་ཆར་དུ་བསྙིལ། །སྲིད་ཞིའི་དགེ་མཚན་རྒྱས་པའི་བཀྲ་ཤིས་སྩོལ། ༦ །ཅེས་བཀྲ་ཤིས་པའི་དབྱངས་སྙན་པོས་དགེ་ལེགས་སུ་བྱས་ཏེ། དེང་གིས་དུས་ཀྱི་ཆར་གནས་དུས་སྟོན་འཁོར་ཕུན་སུམ་ཚོགས་པའི་སྐབས་སུ་མངའ་རི་ཆོས་རྗེ་རྡོ་རྗེ་འཛིན་པ་ཆེན་པོ་དེ་ཉིད་ཀྱི་མཆོག་གི་སྤྲུལ་པའི་སྐུ་གང་ཉིད་རྫོང་སར་བཀྲ་ཤིས་ལྷ་རྩེའི་གཙུག་ལག་ཁང་གི་ཆོས་ཁྲིར་མངའ་གསོལ་བའི་ལེགས་འབུལ་མཚོན་བྱེད། ལྷ་རྫས་ཨ་ཤེ། སྐུ་རྟེན་ཚེ་དཔག་ཏུ་མེད་པའི་སྐུ་ལི་སེར་བྱིན་ཅན། གསུང་རྟེན་འཇམ་དཔལ་མཚན་བརྗོད། ཐུགས་རྟེན་རྡོར་དྲིལ་རྙིང་པ་ཡོན་ཏན་ཕྲིན་ལས་ཀྱི་རྟེན་ཐོད་ཌ་དངུལ་དཀྲིས་ཕྲ་ལྡན་འཕན་ཚར་ཅན། ༴ ་་་་་་་་བཅས་འབུལ་ལམ་ཞུས་ན་དགྱེས་པའི་སྤྱན་ཟུར་གྱི་འབབ་སྟེགས་སུ་སྨིན་པ་དང་། སླར་ཡང་གསོལ་བ། རྣམ་འདྲེན་བསྟན་པའི་རྩ་ལག་ཆེན་པོ་ཡི། །སྐུ་དཀྱིལ་དཔག་བསམ་དབང་པོ་བཞིན་དུ་འཕེལ། །གསན་བསམ་སྒོམ་པའི་ཡོན་ཏན་རབ་རྫོགས་ནས། །ཕྲིན་ལས་ཕྱོགས་ཀྱི་ཐ་གྲུར་ཁྱབ་གྱུར་ཅིག༡། ཆོས་རྗེ་ཉི་མ་རྒྱལ་བའི་བྱིན་བརླབས་ཀྱིས། །ཆོས་ཀྱི་སེམས་དཔའི་པད་ཚལ་རྒྱས་པ་དང་། །ཆོས་བསྟན་རྒྱལ་མཚན་མཐོན་པོ་སྲིད་རྩེར་སྒྲེངས། །ཆོས་ཀྱི་རྔ་སྒྲ་འཁོར་ཡུག་སྒྲོགས་ཏུ་གསོལ། ༢ །བཀྲ་ཤིས་ཀུན་ཏུ་དགའ་བའི་དབྱངས་སྙན་པོ། །བཀྲ་ཤིས་སྲིད་དང་ཞི་བའི་ཁྱོན་ཀུན་ཁྱབ། །བཀྲ་ཤིས་སྣང་བ་དཀར་པོ་རྟག་ཏུ་འཁྲིལ། །བཀྲ་ཤིས་དོན་ཀུན་གྲུབ་པའི་བཀྲ་ཤིས་ཤོགསརྦ་དཱ་མངྒ་ལཾ།། །།

[edit]

'jam dbyangs bla ma'i thugs rje'i 'od zer gyis/__/legs smin byang chub sems dpa'i rigs kyi mtshan/__/yongs rdzogs mchog sprul zla gzhon gsar pa yi/__/zhabs stegs chu skyes dkar po bzhad pa'i drung /__/dwangs ba'i 'o mtsho dkar ba la/__/mos gus dad pa'i rdza rnga 'khrol/__/thugs rje'i ye shes 'dzum phreng ni/__/cung zad ngom pa'i gsos su smin/__1_/ring nas byang chub spyod pa'i g.yar dam ni/__rdo la ri mo bzhin du ches bkra bas/__/ches cher snyigs ma lnga bdo'i mun khrod du/__/byams brtse'i ye shes nyin byed 'char ba gyur/__2_/kun tu dga' ba'i nyams 'gyur brgya phrag gi__/dbyangs bdun rdzogs pa'i rol mos bskul ba las/__/shes rab rnam par rgyal ba nyer drangs te/__/'jam dpal gzhon nu dgyes pa'i tshal du chas/__3_/rigs dang brtse ba'i lang tshos spud pa yi/__/mdzes sku bcu drug cha shas rdzogs pa las/__/zla shel gzhon nu'i dkyil 'khor mtshar sdug gi__/lhar bcas yid kyi brtan pa cig char 'phrog4/__'jigs med rdo rje'i sbu ba'i chos kyi khrir/__/mthong na mi mthun med pa'i ngang tshul can/__/dam pa'i yon tan gter gyi phung po che/__/'jig rten gsum gyi bsngags 'os nyid du grub/__5_/bkra shis 'jam pa'i rdo rje'i sprin dkar gyi/__/klu dbang 'dzum pa'i so phreng rgod pa na/__/pad+ma 'dabs brgya dkar po char du bsnyil/__/srid zhi'i dge mtshan rgyas pa'i bkra shis stsol/__6_/ces bkra shis pa'i dbyangs snyan pos dge legs su byas te/__deng gis dus kyi char gnas dus ston 'khor phun sum tshogs pa'i skabs su mnga' ri chos rje rdo rje 'dzin pa chen po de nyid kyi mchog gi sprul pa'i sku gang nyid rdzong sar bkra shis lha rtse'i gtsug lag khang gi chos khrir mnga' gsol ba'i legs 'bul mtshon byed/__lha rdzas a she/__sku rten tshe dpag tu med pa'i sku li ser byin can/__gsung rten 'jam dpal mtshan brjod/__thugs rten rdor dril rnying pa yon tan phrin las kyi rten thod Da dngul dkris phra ldan 'phan tshar can/__=__ bcas 'bul lam zhus na dgyes pa'i spyan zur gyi 'bab stegs su smin pa dang /__slar yang gsol ba/__rnam 'dren bstan pa'i rtsa lag chen po yi/__/sku dkyil dpag bsam dbang po bzhin du 'phel/__/gsan bsam sgom pa'i yon tan rab rdzogs nas/__/phrin las phyogs kyi tha grur khyab gyur cig1/__chos rje nyi ma rgyal ba'i byin brlabs kyis/__/chos kyi sems dpa'i pad tshal rgyas pa dang /__/chos bstan rgyal mtshan mthon po srid rtser sgrengs/__/chos kyi rnga sgra 'khor yug sgrogs tu gsol/__2_/bkra shis kun tu dga' ba'i dbyangs snyan po/__/bkra shis srid dang zhi ba'i khyon kun khyab/__/bkra shis snang ba dkar po rtag tu 'khril/__/bkra shis don kun grub pa'i bkra shis shogasarba dA mang+ga laM//___//