JKW-KABUM-21-ZHA-016-001

🚧 This website is under continued development. We appreciate your patience!

First text in section. Back to Volume PageNext Text

སྲུང་བ་རྡོ་རྗེའི་ཁྲབ་རིང་གི་ཕྱག་ལེན་སྦར་བཅངས་སུ་བསྟན་པ་ཟབ་གསང་སྙིང་ཏིག།

Wylie title	srung ba rdo rje'i khrab ring gi phyag len sbar bcangs su bstan pa zab gsang snying tig
Location	mkhyen brtse'i bka' 'bum Volume 21, sde tshan 16, Text 1, Pages 475-489 (Folios 1a to 8a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. srung ba rdo rje'i khrab ring gi phyag len sbar bcangs su bstan pa zab gsang snying tig. In 'jam dbyangs mkhyen brtse'i dbang po'i bka' 'bum, Vol. 21: 475-489. Khams sde dge rdzong sar dgon: Rdzong sar blo gros phun tshogs, 2020.
Genre	Cakra and Amulet Designs - 'khor lo - srung 'khor
Colophon	།དེ་ལྟར་སྲུང་བ་རྡོ་རྗེའི་ཁྲབ་རིང་གི་ཕྱག་ལེན་སྦར་བཅངས་སུ་བསྟན་པ་འདི་ཡང་། གཏེར་གཞུང་རྩ་བའི་དགོངས་དོན་དང་། །བྲང་ཏི་མཁས་པའི་ཕྱག་བཞེས་ལྟར་སྙིང་པོར་དྲིལ་ཏེ་དཔལ་ཨེ་ཝཾ་ཐར་པ་རྩེར་ཤཱཀྱའི་དགེ་སློང་མཉྫུ་གྷོ་ཥས་བྲིས་པའི་དགེ་བས་འགྲོ་ཀུན་དུས་མིན་འཆི་བའི་འཇིགས་པ་ཐམས་ཅད་ལས་གྲོལ་བའི་རྒྱུར་གྱུར་ཅིག།
	de ltar srung ba rdo rje'i khrab ring gi phyag len sbar bcangs su bstan pa 'di yang /__gter gzhung rtsa ba'i dgongs don dang /__/brang ti mkhas pa'i phyag bzhes ltar snying por dril te dpal e waM thar pa rtser shAkya'i dge slong many+dzu g+ho Shas bris pa'i dge bas 'gro kun dus min 'chi ba'i 'jigs pa thams cad las grol ba'i rgyur gyur cig

1 Texts in this Section (sde tshan or chos tshan)

1 475-489	སྲུང་བ་རྡོ་རྗེའི་ཁྲབ་རིང་གི་ཕྱག་ལེན་སྦར་བཅངས་སུ་བསྟན་པ་ཟབ་གསང་སྙིང་ཏིག། srung ba rdo rje'i khrab ring gi phyag len sbar bcangs su bstan pa zab gsang snying tig Cakra and Amulet Designs - 'khor lo - srung 'khor	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །སྲུང་བ་རྡོ་རྗེའི་ཁྲབ་རིང་གི་ཕྱག་ལེན་སྦར་བཅངས་སུ་བསྟན་པ་ཟབ་གསང་སྙིང་ཏིག་ཅེས་བྱ་བ་བཞུགས་སོ། ། ན་མོ་གུ་རུ་པདྨཱ་ཀ་རཱ་ཡ། འདིར་དུས་གསུམ་མཁྱེན་པ་དཔལ་ཨོ་རྒྱན་ཆོས་ཀྱི་རྒྱལ་པོས་དངོས་ཅག་ཁ་བ་ཅན་པའི། སྙིགས་དུས་ཀྱི་འགྲོ་བ་རྣམས་ལ། ཐུགས་ལྷག་པར་བརྩེ་བས་ཟབ་གཏེར་གྲངས་མེད་པ་ཞིག་སྤེལ་བར་མཛད་པ་ལས། སྤྲུལ་པའི་གཏེར་སྟོན་རྡོར་འབུམ་ཆོས་ཀྱི་གྲགས་པའི་གཏེར་བྱོན་གསོ་དཔྱད་བདུད་རྩི་བུམ་པའི་ཆོས་སྡེ། ནད་གདོན་བགེགས་དང་དུས་མིན་འཆི་བ་སོགས་མི་མཐུན་པའི་རིགས་སྤྱི་དང་། ཁྱད་པར་དུས་མཐའི་གཉན་ནད་པཪྤ་ཏས་མཚོན་ཡམས་ཐབས་སུ་འགོ་བའི་ནད་ཀྱི་རིགས་མཐའ་དག་སྲུང་བར་བྱེད་པ་རྨད་དུ་བྱུང་བའི་སྙིང་པོ་གྱད་བཞི་ཞེས་གྲགས་པའི་ནང་ཚན། འཁོར་ལོའི་གྱད་ནི་ལུས་ལ་གདགས་ཅེས་གསུངས་པའི་སྲུང་འཁོར་རྡོ་རྗེ་ཁྲབ་རིང་རྒྱས་པའི་ཕྱག་ལེན་སྤར་བཅངས་སུ་བསྟན་པ་ལ་གནད་བཅུ་གསུམ་གྱེས་ཏེ། དང་པོ་འབྲི་ཡུལ་གཞི་ཡི་གནད་ནི། དར་རས་གྲོ་ག་ཤོག་བུ་མཐིང་དཀར་སོགས་གང་ཡང་རུང་བའོ། །གཉིས་པ་འབྲི་བའི་རྒྱུ་སྣག་ཚའི་གནད་ནི། རབ་གསེར། འབྲིང་དངུལ། ཐ་མ་མཚལ་སྣག་སོགས་ཅི་འབྱོར་པའོ། །གསུམ་པ་འབྲི་མཁན་མཆོད་གནས་ཀྱི་གནད་ནི། སྣོད་རུང་གི་དབང་བཞི་རྫོགས་པར་ཐོབ་ཅིང་སྡོམ་གསུམ་དང་ལྡན་པ་དབང་པོ་གསལ་ཞིང་འབྱོར་པ་དང་ལྡན་པས་སོ། །བཞི་པ་འབྲི་བྱ་འཁོར་ལོའི་གནད་ནི། སྤྲུལ་པའི་ཁྱུང་ཞལ་གསུམ་པ་གཡས་གཡོན་དབུས་སུ་བལྟ་ལ། དེའི་ལྟོ་བར་ཡབ་འཁོར་གཡས་དང་། ཡུམ་འཁོར་གཡོན་དུ་མུ་ཁྱུད་དྲུག་ལྟེ་བ་དང་བཅས་པ་བྲི། དེའི་དབུས་སུ་ཡི་དམ་གྱི་སྙིང་པོ། ཨོཾ་ཐིམ་ཐར་ཏིས་དུན་ཏེ་ཛྭ་ལ་རཾ་པ་ཡེ་སྭཱ་ཧཱ། ཞེས་དང་། ནད་བདག་གི་སྲོག་སྔགས་རྒྱུ་གཟེར་བསྲུངས་ན། ཨོཾ་ཀུན་དྷེ་ཀུན་དྷེ་ཀུན་བྷ་ལམ་བྷྲཱུྃ་ཤལ་ཤལ་སྭཱ་ཧཱ། འབྲུམ་པ་བསྲུངས་ན། ཧཱ་ར་བ་ལ་མཱ་ར་ཡ་ཙ་ཏུར་ཕཊ་རྦད་རཾ་ཤི་ཁས་བ་ཡ་ཀརྨ་ཛ་ཏི་སུ་ཐ་རྦད་ཕཊ། མིག་སེར་བསྲུངས་ན། ཨོཾ་ཚལ་དུ་ཚལ་དུ་བ་ཏ་ནཱ་ཤ་ཡ་ནཱ་ཤ་ཡ་ཏྲིཾ་ཛ་ཏྲི་ཛ་ཝརྞ་ཡ་ཕཊ་སྭཱ་ཧཱ། ཚ་རིམས་ཆོམ་པ་བསྲུངས་ན། ཏདྱ་ཐཱ། ཨོཾ་ཨ་ལི་མ་ཏི་ལི་མེ་ཧ་ནི། ཨུ་ཏན་ཧེ་ཨརྨན་ཛྷ་རླན་བྷ་ཏ་མི། ཨོཾ་ཀ་ཧི་ཀན། ཙ་ཐ་ཀུ་ནི་རཱ་ཛ་ར་ན་ཧཱུྃ་ཕཊ་སྭཱ་ཧཱ། གཉེན་ལྷོག་བསྲུངས་ན། ཨོཾ་ར་ཏ་ཤི་བཻ་ཏུ་རུ་ཏྲི་སཾ་རྦད། ཏྲི་རྦད་ནི་ཤེ། དུ་ཡཾ་ཏྲི་རྦད་བྷྱཿ གག་པ་བསྲུངས་ན། ནཱ་ག་པ་རུ་པ་ཙ་ལ་ཧ་ལེ་ཕིས་སོང་གྷ་ལ་ཧུར་ཁུང་རྦད། ཅེས་ཤམ་བུ་གང་དགོས་སྦྲེལ་ནས་བྲིས་པའི་ཤམ་དུ། འཆང་བ་པོ་ལ་གཉན་ནད་ཐམས་ཅད་སྲུངས་ཤིག་རཀྵཿ ཅེས་པ་བྲི། དེའི་ཕྱི་རིམ་མུ་ཁྱུད་དང་པོ་ལ་གཟུངས་སྔགས་འདི་བྲིའོ། །ཏདྱ་ཐཱ། ཨ་ལི་མ་ཏ་ལི་ཧ་ལ་ཧ་ལ། འཆང་བ་ཆེ་གེ་མོ་ཛ་རན་ཙན་ལཱི། ཨ་ཀ་ཧ་ནི་ཀན་ཏེ་ཧོ། ཀ་ན་ཙ་ཙ་རུ་ཀ །ཐ་མུ་ནི་ཨཱརྨ་སྭཱ་ཧཱ། དེའི་ཕྱི་རིམ་མུ་ཁྱུད་གཉིས་པ་ལ། །འཁོར་ལོ་རྩིབས་བརྒྱད་འབར་བ་ཞིག་གི་ཕྱོགས་བཞིར་གསོད་པའི་ཕོ་སྔགས། ཨོཾ་ཧུར་ཁྱུང་ཧུར་ཁྱུང་སོད། ཨོཾ་སྤྲུལ་ཁྱུང་སྤྲུལ་ཁྱུང་སོད། ཨོཾ་ནཱ་ག་ནཱ་ག་སོད། ཨོཾ་དེ་བ་དེ་བ་སོད། མཚམས་བཞིར་སྲུང་བའི་མོ་སྔགས། ཨོཾ་ཧུར་ཁྱུང་ཧུར་ཁྱུང་སྲུང་། ཨོཾ་སྤྲུལ་ཁྱུང་སྤྲུལ་ཁྱུང་སྲུང་། ཨོཾ་ནཱ་གཱ་ནཱ་ག་སྲུང་། ཨོཾ་དེ་བ་དེ་བ་སྲུང་། ཞེས་སྔགས་ཚན་རེ་རེ་དང་། རྩིབས་མཆན་རྣམས་ལ་རྡོ་རྗེའི་རྭ་བ་བྲིའོ། །དེའི་ཕྱི་རིམ་མུ་ཁྱུད་གསུམ་པར་གུ་རུའི་ཐུགས་སྔགས། མ་ཧཱ་གུ་རུ། ཨུ་ཧཱ་གུ་རུ། ཧྲི་གུ་རུ། ནི་ནཱ་ག་ཤད། རཾ་རཾ་ཐུལ་རུམ། ནཱ་ག་ཙིཏྟ་ཕོ། ནཱ་ག་རྦུད་ལིང་ཐུམ་མྱོག་སོད། ཅེས་བྲི། དེའི་ཕྱི་རིམ་མུ་ཁྱུད་བཞི་པར། གཉེན་ནད་ལྷོ་སྦྱོར་སྦྲགས་མ། ཨོཾ་སེ་སུ་རྞ་སེ་སུ་རྞ་བཛྲ་ཙིག་ཙིག་གོ་བྷོ་ནན་བྱ་སུ་ར་ནན། ཁྱུང་སུ་ར་ནན། ཨོཾ་ག་རུ་ཌ་ག་རུ་ཌ་སྭཱ་ཧཱ། ཧྲི་ཏྲི་བ་ཏི་ནན། ནད་དུ་གྱུར་ཏོ་ཅོག་ལ་སྭཱ་ཧཱ། ནད་ཐམས་ཅད་ལ་བྷྱོ། གདོན་ཐམས་ཅད་ལ་བྷྱོ། འཆང་བ་པོ་ལ་རཀྵ་རཀྵ་སྭཱ་ཧཱ། ཞེས་བྲི། དེའི་ཕྱི་རིམ་མུ་ཁྱུད་ལྔ་ལ་འཁོར་ལོ་རྩིབས་བཅུ་པར་ཁྲོ་བོ་བཅུའི་སྙིང་པོ། ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། ཁྲོ་བོ་རཱ་ཛས་ནད་ཁ་ཁོག །རིམས་ཁ་ཆིངས་སྭཱ་ཧཱ། དེ་བཞིན་དུ་སྔགས་ཀྱི་ཐོག་མཐའ་འདྲ་བས། ཧཱུྃ་ཀ་རའི་གནས་སུ། བི་ཛ་ཡ། ནི་ལ་དཎྜ། ཡ་མནྟ་ཀ། ཨཱཪྻ་ཨ་ཙ་ལ། ཧ་ཡ་གྲཱྀ་བ། ཨ་པ་ར་ཙིཏྟ། ཨ་མྲྀ་ཏ་ཀུཎྜ་ལཱི། ཏྲཻ་ལོ་ཀྱ་བི་ཛ་ཡ། མ་ཧཱ་བཱ་ལ། ཞེས་དང་། གརྫ་གརྫའི་གནས་སུ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བྷནྡྷ་བྷནྡྷ། ཧུ་ལུ་ཧུ་ལུ། ཏིཥྛ་ཏིཥྛ། ཚིནྡྷ་ཚིནྡྷ། བྷིནྡྷ་བིནྡྷ། སྥོ་ཊ་སྥོ་ཊ། ཞེས་བཅུག་པ་བྲི། རྩིབས་མཚམས་རྣམས་སུ་གསང་བདག་གི་ཕྱག་མཚན་རྡོ་རྗེ་རེ་རེ་བཀོད། དེའི་ཕྱི་རིམ་དང་མུ་ཁྱུད་དྲུག་པ་ལ། རྟེན་འབྲེལ་སྙིང་པོ་ཚར་གསུམ་གྱིས་བསྐོར་བ་བྲིའོ། །གཞན་ཡང་ཁྱུང་གི་མཆུ་ལ། ཨོཾ་ཧུར་ཁྱུང་ཧུར་ཁྱུང་ནད་ཐམས་ཅད་ལ་བྷྱོཿ སྤྲུལ་ཁྱུང་སྤྲུལ་ཁྱུང་ནད་ཐམས་ཅད་ལ་བྷྱོཿ །ནཱ་ག་ནཱ་ག་ནད་ཐམས་ཅད་ལ་བྷྱོཿ དེ་བ་དེ་བ་ནད་ཐམས་ཅད་ལ་བྷྱོཿ ཞེས་བྲི། མགྲིན་པར་སྐུ་གསུང་ཐུགས་ཀྱི་སྔགས། ཨོཾ་ཨཱཿཧཱུྃཿ ཞེས་བཀོད། ཕྱག་ལ་གཏུམ་པའི་སྔགས། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཅེས་པ་བྲི། གཤོག་པ་གཡས་ལ་ཕོ་སྔགས། ཨོཾ་སིས་ཁྲི་ལི་མི་ལི་ཧ་ལ་སྭཱ་ཧཱ། ཞེས་དང་། གཡོན་པར་མོ་སྔགས། ཨོཾ་སིབ་ཁྲི་ལི་མི་ལི་ཧ་ལ་ཡ་ཡ་སྐད་ཅིག ཅེས་པ་བྲི། ཕྱག་གཡས་གསུམ། ཟླ་འཁོར་རྩིབས་བརྒྱད་པའི་ལྟེ་བར་ཨས་མཚན་པ། སྔགས་མགོ་ཕྱིར་བསྟན་ལ། ནི། ལམ། ཛ། རཾ། བྷྲཱུྃ། ས། ཏྲིརྦད་ཅེས་པ་ཚར་གསུམ་དགོད། གཡོན་གསུམ་གྱི་ཕྱག་མཐིལ་དུ་ཉི་མའི་འཁོར་ལོ་པདྨ་འདབ་བརྒྱད་ཀྱི་ལྟེ་བར་མས་མཚན་པ། སྔགས་མགོ་ནང་བསྟན་གོང་བཞིན་བྲི། མཇུག་མ་ལ། ཨོཾ་ཨ་ཀ་སེ་བི་ཀ་སེ། མ་ཧཱ་པ་སེ་ཧུ་ལུ་ཀ་སེ་སྭཱ་ཧཱ། ཅེས་པ་དགོད། རྐང་པ་རྣམས་ལ། ཨོཾ་ཁྲག་ཉག་རཾ་སྭཱ་ཧཱ། ཅེས་བྲི། རྐང་མཐིལ་སྡེར་མོའི་ཁོངས་སུ་ནད་བདག་འདུས་པའི་སྲོག་སྔགས། ཨོཾ་ཚི་བརྟུལ་བརྟུལ། རྨུག་ཤི་ཤི་ཧྲི་ཏྲི་ཙ་ཏྲི་སོད་རྦད། ཧ་ལ་བི་སརྦ་མཱ་ར་ཡ་རྦད། ཅེས་བྲི། ཡབ་ཡུམ་འཁོར་ལོ་གཉིས་ཀྱི་རྒྱབ་ཏུ་རྟེན་འབྲེལ་སྙིང་པོ་ཚར་གཅིག་བྲི། ལྔ་པ་བྱུག་པ་རྫས་ཀྱི་གནད་ནི། རྩ་བའི་ཡེ་ཤེས་ཀྱི་ཁྱུང་སྨན་དྲི་བཟང་པོ་རོ་ཞིམ་པ་ནུས་པ་ཆེ་བས་བྱུག །གཤོག་པར་བོང་ང་དཀར་སེར། མགྲིན་པར་གི་ཝང་དང་དཔའ་སེར། རྐང་པར་སེར་པོ་ཁྲག་རྐང་དང་དཔའ་སེར། མཇུག་མར་དཔའ་བོ་དཀར་པོ་བོང་ང་དཀར་སེར། མཆུ་སྔགས་ལ་མུ་ཟི་ཤུ་དག་ཙནྡན། ཡི་དམ་གྱི་སྙིང་པོ། །གུ་རུའི་ཐུགས་སྔགས། ཁྲོ་བཅུ། རྟེན་འབྲེལ་སྙིང་པོ་རྣམས་དྲི་བཟང་། སྔགས་གཞན་རྣམས་གླ་རྩི་ཤུ་དག་ནག་པོ་བོང་ང་ནག་པོ་གསུམ་གྱིས་བྱུག །དབུས་ཀྱི་གཙོ་བོ་ཁྱུང་སྔོན་པོར་བྱ། །གཡས་ཀྱི་ཡབ་འཁོར་གི་ཝང་གིས་དབུ་ཞབས་ཐམས་ཅད་སེར་པོ། །གཡོན་གྱི་ཡུམ་འཁོར་གུར་གུམ་དང་ཚོས་ཁུ་དམར་པོར་བྱུགས་ཏེ་རིགས་གསུམ་མགོན་པོའི་མཚོན་བྱེད་དོ། །དེ་ཡང་བྱུགས་རྫས་རྣམས་ཞིབ་བཏགས་ལ་ཆུར་སླ་མོ་སྦྱར་ཏེ་ཡིག་འབྲུ་རྣམས་མ་ཐུབ་པར་བྱུགས་པ་གནད་དུ་ཆེའོ། །དྲུག་པ་དུས་ཚོད་གཟའ་སྐར་གྱི་གནད། ཟླ་ནག་དང་ཟླ་ཞབས་མ་ཡིན་པ། རང་ཉིད་བླ་གཟའ་དང་བླ་སྐར་དར་བའི་སྔ་དྲོའི་དུས་སུའོ། །བདུན་པ་རབ་གནས་བཀྲ་ཤིས་ཀྱི་གནད་ནི། དགེ་སློང་གཙང་མ་ནུས་ལྡན་དང་། འབྲི་མཁན་སྟན་ལས་མ་ལོངས་པར། སྐྱབས་སེམས་སྔོན་དུ་འགྲོ་བས། རང་བཞིན་མི་དམིགས་སྟོང་པའི་ངང་ཉིད་ལས། ཞེས་སོགས་བདག་བསྐྱེད་བཟླས་པ་དང་བཅས་པ་སྔོན་དུ་འགྲོ་བས་རང་ཉིད་ནུས་ལྡན་དུ་བྱས། དེ་ནས་འཁོར་ལོ་མདུན་དུ་བཞག །བགེགས་བསྐྲད། གུ་གུལ་གྱིས་བདུག །སྲུང་བའི་འཁོར་ལོ་བསྒོམས་པའི་རྗེས། སྟེགས་ཀྱི་ཁར་རས་དཀར་རམ་སྣམ་བུ་དཀར་པོ་གཙང་བའི་སྟེང་དུ་སྤྱན་དྲངས་ཏེ་བཞག །མཐའ་མཆོད་པ་རྣམས་ལྔས་བསྐོར། གཞན་ཡང་སྨན་རག་དང་ཚོགས་གཏོར་གྱི་ཡོ་བྱད་ཇི་ལྟར་རིགས་པ་འདུ་བྱས་ལ། ཤཱུ་ནྱ་ཏས་མཚན་རྟོག་བསལ། འཁོར་ལོ་མི་དམིགས་སྟོང་པའི་ངང་། །གསང་བདག་ཞལ་གཅིག་ཕྱག་གཉིས་པ། །རྡོ་རྗེ་སྡིགས་མཛུབ་རྒྱན་ཆ་ལུགས། །ཡོངས་སུ་རྫོགས་པའི་ལྟེ་བ་རུ། །མུ་ཁྱུད་གཉིས་ལྡན་དེ་ཡི་དབུས། །གུ་རུ་སྨན་བླའི་ཕྱག་མཚན་ཅན། །ལྟེ་བ་དང་བཅས་གསང་བདག་གི། །སྤྱི་བོར་བྱ་ཁྱུང་སྦྲུལ་ཟ་བ། །དཔུང་སྟེང་བྱ་ཁྱུང་བྱ་ནག་ལྡིང་། །གཡས་གཡོན་དུག་སྦྲུལ་སྨན་སྦྲུལ་འཁྱུགས། །ལྕགས་ཀྱི་ཕག་རྒོད་མགོ་དགུ་དང་། །གཡུང་ཕག་ནག་པོ་མདུན་ནས་རོལ། །སྤྱི་བོར་ཁྱུང་དང་རྒོད་གཡུང་ཕག །ལྟོ་བསྡེབས་མུ་ཁྱུད་རེ་རེས་བསྐོར། །ཀུན་ཀྱང་ཡེ་ཤེས་མེ་དཔུང་གི །འབར་བའི་དབུས་ན་བཞུགས་པ་ཡི། །སོ་སོའི་སྤྱི་བོར་ཨོཾ་དཀར་པོ། །མགྲིན་པར་ཨཱཿདམར་ཐུགས་ཀ་རུ། །ཧཱུྃ་ཡིག་སྔོན་པོས་མཚན་པར་གྱུར། །ཅེས་གསལ་བཏབ། སླར་ཡང་བདག་ཉིད་གསང་བདག་ཡི་དམ་ལྷར། །གསལ་བའི་ཐུགས་ཀ་གུ་རུའི་གནས་གསུམ་ནས། །དཀར་དམར་མཐིང་བའི་ཡི་གེ་འབྲུ་གསུམ་ལས། །འོད་ཟེར་ལྕགས་ཀྱུ་ལྟ་བུ་རབ་འཕྲོས་ནས། །འོག་མིན་ལྷུན་གྱིས་གྲུབ་པའི་གནས་དང་ནི། །མ་ལ་ཡ་དང་པདྨ་འོད་ལ་སོགས། །དག་པའི་ཞིང་ཁམས་རྣམས་ནས་བླ་མ་དང་། །དཀོན་མཆོག་རིན་ཆེན་ཞི་བ་བྱང་སེམས་དང་། །ཁྲག་འཐུང་ཁྲོ་བོ་དཔའ་བོ་མཁའ་འགྲོ་དང་། །ཆོས་སྲུང་རྒྱལ་པོ་སྡེ་བཞི་གཏེར་གྱི་བདག །བོད་སྐྱོང་བརྟན་མ་བཅུ་གཉིས་ལ་སོགས་པ། །ཡེ་ཤེས་ལས་གྲུབ་དཔག་ཏུ་མེད་པའི་ཚོགས། །འཁོར་བཅས་གནས་འདིར་བཛྲ་ས་མཱ་ཛཿ ཞེས་པས་སྤྱན་དྲངས། མདུན་གྱི་ནམ་མཁའི་གནས་སྤྱོན་རྡོ་རྗེའི་གདན། དྲི་མེད་པདྨ་ཉི་ཟླ་བརྩེགས་པ་ལ། །དམ་ཚིག་ཡེ་ཤེས་དབྱེར་མེད་བརྟན་པར་བཞུགས། །ཕྱག་འཚལ་མཆོད་བཞེས་དབང་དང་དངོས་གྲུབ་སྩོལ། ཞེས་པས་བཞུགས་སུ་གསོལ། བདག་གི་ཐུགས་ཀར་གུ་རུ་ཡེ་ཤེས་སེམས། །སྐུ་གསུང་ཐུགས་ཀྱི་གནས་ནས་ཡིག་འབྲུ་གསུམ། །ཨོཾ་འཕྲོས་གཏོར་མའི་མ་དག་ཉེས་ཀུན་སྦྱངས། །ཨཱཿའཕྲོས་འདོད་ཡོན་དྲུག་གི་མཆོད་པར་གྱུར། །ཧཱུྃ་འཕྲོས་སྤེལ་བས་ནམ་མཁའི་མཛོད་དུ་གྱུར། །ཨོཾ་ཨཱཿཧཱུྃ། ཞེས་ལན་གསུམ་གྱིས་མཆོད་གཏོར་བརླབས། །གཏོར་མའི་དངོས་པོ་ཀུན་བཟང་མཆོད་པའི་སྤྲིན། །བྱེ་བྲག་ཕྱི་ནང་གསང་བ་དེ་ཁོ་ན། །ཚོགས་ཀྱི་འཁོར་ལོ་འཆི་མེད་བདུད་རྩིའི་སྨན། །ཆགས་མེད་རཀྟའི་ཨརྒྷཾ་རྒྱ་མཚོར་འཁྱིལ། །མཆོད་པའི་ལྷ་མོ་རིག་མ་བཅུ་དྲུག་སོགས། །དཔག་ཏུ་མེད་པའི་མཆོད་པ་དམ་པ་འདི། །རྩ་བརྒྱུད་བླ་མ་སངས་རྒྱས་ཆོས་དགེ་འདུན། །ཡི་དམ་ལྷ་དང་མཁའ་འགྲོའི་ཚོགས་རྣམས་ལ། །གུས་པས་འབུལ་ལོ་བཞེས་ཤིག་ཐུགས་དམ་བསྐང་། །ཉམས་པ་སོར་ཆུད་དབང་དང་དངོས་གྲུབ་སྩོལ། །ཨོཾ་གུ་རུ་དེ་ཝ་ཌཱ་ཀི་ནི་བུདྡྷ་དྷརྨ་སཾ་གྷ་ས་པ་རི་ཝཱ་ར་ཨརྒྷཾ་ནས་ཤབྡའི་བར་དང་། སྔགས་མཐར། མ་ཧཱ་པཉྩ་དང་། རཀྟ་བཏགས་པས་སྤྱིར་མཆོད། གུ་རུ་ཨོཾ་ཨཱཿཧཱུྃ། བ་ལིཾ་ཏ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། བུདྡྷ་དྷརྨ་སངྒ་དེ་བ་ཌཱཀྐི་ནཱི་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། ཅེས་པས་བྱེ་བྲག་ཚོགས་གཏོར་འབུལ། ཧྲཱིཿ མ་བཅོས་སྤྲོས་བྲལ་བླ་མ་ཆོས་ཀྱི་སྐུ། །བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ། །པད་སྡོང་ལས་འཁྲུངས་བླ་མ་སྤྲུལ་པའི་སྐུ། །སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོད། །ཕྱག་བྱར་འོས་པ་ཐམས་ཅད་ལ། ཞེས་སོགས་ཀྱིས་བསྟོད། ཀུན་མཁྱེན་ཡེ་ཤེས་སྤྱན་ལྡན་སྐྱོན་བྲལ་ཡང་། །གུས་པས་འཕགས་པའི་སྤྱན་ནི་དབྱེ་བགྱིས་པས། །ནམ་མཁའི་མཐར་ཐུག་མཐའ་ཡས་འགྲོ་བ་ཀུན། །ཀུན་མཁྱེན་ཡེ་ཤེས་སྤྱན་དང་ལྡན་པར་ཤོག །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤོ་དྷ་ན་ཡ་སྭཱ་ཧཱ། །ཞེས་ལན་གསུམ་གྱིས་སྤྱན་དབྱེ། གོང་དུ་བཤད་པའི་འཁོར་ལོའི་སྔགས་རྣམས་ཅི་ནུས་དབྱངས་གསལ་དང་སྦྲེལ་བ་ཉེར་གཅིག་ཙམ་དང་། རྟེན་འབྲེལ་སྙིང་པོ་བརྒྱ་རྩ་བཟླས་ཤིང་མེ་ཏོག་ལ་སྔགས་མཐར་ཐལ་མོ་སྦྱར་ཏེ། ཡི་དམ་རྩ་གསུམ་རྒྱལ་བ་རྒྱ་མཚོའི་ལྷ་ཚོགས་འཁོར་དང་བཅས་པ་ཁྱེད་རྣམས་ཀྱིས་བདག་དང་མཐའ་ཡས་པའི་སེམས་ཅན་ཐམས་ཅད་ལ་ཇི་ལྟར་འདོད་པའི་དངོས་གྲུབ་མ་ལུས་པ་སྩལ་དུ་གསོལ། །ཞེས་ལན་གསུམ་གྱིས་གསོལ་བ་གདབ། སྔར་བཞིན་མཆོད་ཅིང་བསྟོད། འདི་ནི་གཟུགས་དང་ལྷན་ཅིག་ཏུ། །ཞེས་སོགས་ཀྱི་མཐར། རྟེན་འབྲེལ་སྙིང་པོ་བཟླ་བཞིན་པས་སྔགས་ཀྱི་མེ་ཏོག་འཐོར་བས། ལྷ་ཚོགས་རྣམས་འོད་དུ་ཞུ་བ་ལས་བྲིས་པའི་འཁོར་ལོའི་རྣམ་པར་གྱུར་ནས་ནད་གདོན་སོགས་མི་མཐུན་པའི་ཕྱོགས་ཐམས་ཅད་སྲུང་བའི་ནུས་པ་དང་ལྡན་པ་གྱུར་པར་བསམ། ནམ་མཁའ་མེད་པར་གྱུར་ན་ཡང་། །སྔགས་ཀྱི་དངོས་གྲུབ་མེད་མི་འགྱུར། །ལྷ་དང་དྲང་སྲོང་གིས་བྱས་པའི། །རིག་སྔགས་བསླུ་བར་མི་འགྱུར་ན། །འདོད་ཆགས་བྲལ་བས་བྱས་པ་ཡི། །གསང་སྔགས་སྦྱོར་བས་བསླུ་བ་ནི། །མ་བྱུང་འབྱུང་བར་མི་འགྱུར་རོ། །ཞེས་བདེན་པའི་སྟོབས་བརྗོད་པ་དང་། །ཕུན་སུམ་ཚོགས་པ་མངའ་བ་སོགས། ཤིས་བརྗོད་རྒྱས་པར་བྱ་ཞིང་མེ་ཏོག་གི་ཆར་དབབ། དེ་ནས་བདག་བསྐྱེད་འོད་གསལ་དུ་བསྡུ་ཞིང་ཟུང་འཇུག་གི་སྐུར་སྡང་ལ་བསྔོ་སྨོན་གྱིས་རྒྱས་གདབ་པ་སོགས་དཀྱུས་བཞིན་ཏུ་བྱའོ། །བརྒྱད་པ་ལྟེབས་པ་ལྕོག་གི་གནད་ནི། ཡུམ་གྱི་འཁོར་ལོ་དང་། ཕྱག་མཐིལ་གཡས་གཡོན་གྱི་ཉི་ཟླའི་འཁོར་ལོ་རྣམས་ཞལ་སྤྲད། དབུ་གྱེན་དུ་བསྟན། འཁོར་ལོའི་ལྟེ་བ་མ་ཉམས་པར་བལྟེབས་སོ། །དགུ་པ་ན་བཟའ་དཀྲི་ཤུབས་ཀྱི་གནད་ནི། དར་ཚོན་སྣ་ལྔའི་སྐུད་པས་དཀྲིས་ལ་དར་ཟབ་སྣ་ཚོགས་ཀྱིས་དྲིལ་ལ་གང་སྲུང་བའི་མགུལ་དུ་སྐབས་སུ་བབ་ན་སྣོད་རུང་གི་དབང་བསྐུར་དང་བཅས་པའི་སྒོ་ནས་གདགས་ཤིང་། གལ་ཏེ་དེ་ཙམ་མ་བྱུང་ཡང་གཟའ་སྐར་ཤིས་པ་དང་བསྟུན་ལ་གཞན་གྱིས་མ་རེག་པར་སྒྲུབ་པ་པོ་རང་ཉིད་ཀྱིས་གདགས་སོ། །བཅུ་པ་ཚོགས་གསོག་མཆོད་སྦྱིན་གནད་ནི། །དེ་ལྟར་གྲུབ་ན་རིགས་གསུམ་གུ་རུ་ཡི་དམ་མཁའ་འགྲོ་ཆོས་སྲུང་གཏེར་བདག་གི་ཚོགས་ལ་གཏོང་རག་གི་མཆོད་གཏོར་འབུལ་ཞིང་ཕྲིན་ལས་བཅོལ། རབ་གནས་མཁན་དང་འབྲི་མཁན་ཡོན་གྱིས་མཉེས་པ་སོགས་མཐའ་རྒྱས་སུ་བྱའོ། །བཅུ་གཅིག་པ་དམ་ཚིག་བསྲུང་བའི་གནད་ནི། སྲུང་བ་ཡོད་ཅེས་མི་ལ་མི་སྨྲ། གཞན་གྱི་ལག་ཏུ་མི་གཏད། འཁོར་ལོ་དེ་ལ་མ་ཕྱི་བྱས་ནས་ཞལ་མི་བཤུ། ཟླ་རེ་སོང་བ་དང་རབ་གནས་རྒྱས་བསྡུས་ཇི་ལྟར་རིགས་པ་རེ་འཁོར་ལོ་ལྐོག་ཅན་དེ་ལ་བསྐྱར། རབ་གནས་ཀྱི་བར་མ་གཏོགས་ལུས་དྲོད་དང་མ་བྲལ་བར་བྱའོ། །བཅུ་གཉིས་པ་རྒྱབ་ཆོས་བསྐྱེད་རིམ་གྱི་གནད་ནི། ཐབས་དང་འདྲ་བའི་འཁོར་ལོ་ལུས་ལ་བཏགས་ནས། ཤེས་རབ་དང་འདྲ་བའི་བསྐྱེད་རིམ་གསལ་ཞིང་སྔགས་བཟླས་པ་རྣམས་རྒྱུན་ཁྱེར་མ་ཆགས་པར་ཉམས་སུ་བླང་ངོ་། །བཅུ་གསུམ་པ་དེ་ལྟ་བུའི་གནད་རྣམས་ལེགས་པར་ཚང་བའི་འཁོར་ལོའི་ཡོན་ཏན་ནི། གཞུང་རྩ་བར། ཉོན་ཅིག་ཇོ་མོ་མཁར་ཆེན་བཟའ༔ སྲུང་བ་རྡོ་རྗེའི་ཁྲབ་རིང་འདི༔ ལུས་ཀྱི་ནང་ནས་མགོ་དང་འདྲ༔ སྐུ་གསུམ་ལྷུན་གྲུབ་སྲུང་བ་འདི༔ མགོ་བོའི་ནང་ནས་མིག་དང་འདྲ༔ མང་དུ་མ་སྤེལ་སྙིང་ལ་ཆོངས༔ ཡལ་བར་མ་དོར་ཉམས་སུ་ལོངས༔ ཞེས་དང་། འགོ་བའི་ནད་རིགས་གང་བྱུང་ཐུབ༔ ཁྱད་པར་ནག་པོ་རྒྱུག་འགྱེལ་ཐུབ༔ གག་པ་ལྷོག་པ་མཆོག་ཏུ་ཐུབ༔ མཆོག་ཏུ་རྒྱུ་གཟེར་དམར་བཤལ་ཐུབ༔ མཛེ་དང་སྲིའུ་སྨྱོན་པ་ཐུབ༔ གཟའ་དང་གནམ་ལྕགས་སེར་བ་ཐུབ༔ རྦོད་གཏོང་དམག་དང་ཆུང་སྲི་ཐུབ༔ ལོ་ཀག་ཟླ་ཀག་ཕྱོགས་ངན་ཐུབ༔ འཁོར་ལོ་འདི་བཏགས་ངན་དགུ་ཐུབ༔ ནོར་ལ་བཏགས་བཞག་རེག་མི་ནུས༔ རྟ་ལ་བཏགས་ན་བྱ་དང་མཉམ༔ ཁྱི་ལ་བཏགས་ན་རྡོ་མི་ཕོག༔ ཕོ་ལ་བཏགས་ན་དཔའ་ལ་མཛངས༔ མོ་ལ་བཏགས་ན་གཤིན་ལ་མཛངས༔ དཔལ་དང་བསོད་ནམས་ཕུན་ཚོགས་བསྐྱེད༔ ཅི་བསམ་འགྲུབ་པར་ཐེ་ཚོམ་མེད༔ ཡིད་བཞིན་ནོར་བུ་བསམ་འཕེལ་བཞིན༔ གནམ་ལྕགས་རྡོ་རྗེའི་སྲུང་བ་འདིས༔ འགོས་པའི་ནད་ཀུན་སྨོས་ཅི་དགོས༔ འཆི་བདག་བདུད་ཀྱང་བཟློག་པར་འགྱུར༔ དེ་ཕྱིར་ཀུན་ཐུབ་རྡོ་རྗེ་ཡིན༔ ཞེས་ཕན་ཡོན་བསམ་གྱིས་མི་ཁྱབ་པར་གསུངས་སོ། །དེ་ལྟར་སྲུང་བ་རྡོ་རྗེའི་ཁྲབ་རིང་གི་ཕྱག་ལེན་སྦར་བཅངས་སུ་བསྟན་པ་འདི་ཡང་། གཏེར་གཞུང་རྩ་བའི་དགོངས་དོན་དང་། །བྲང་ཏི་མཁས་པའི་ཕྱག་བཞེས་ལྟར་སྙིང་པོར་དྲིལ་ཏེ་དཔལ་ཨེ་ཝཾ་ཐར་པ་རྩེར་ཤཱཀྱའི་དགེ་སློང་མཉྫུ་གྷོ་ཥས་བྲིས་པའི་དགེ་བས་འགྲོ་ཀུན་དུས་མིན་འཆི་བའི་འཇིགས་པ་ཐམས་ཅད་ལས་གྲོལ་བའི་རྒྱུར་གྱུར་ཅིག། །། ༈

[edit]

srung ba rdo rje'i khrab ring gi phyag len sbar bcangs su bstan pa zab gsang snying tig_/ @#/_/srung ba rdo rje'i khrab ring gi phyag len sbar bcangs su bstan pa zab gsang snying tig ces bya ba bzhugs so/__/ na mo gu ru pad+mA ka rA ya/__'dir dus gsum mkhyen pa dpal o rgyan chos kyi rgyal pos dngos cag kha ba can pa'i/__snyigs dus kyi 'gro ba rnams la/__thugs lhag par brtse bas zab gter grangs med pa zhig spel bar mdzad pa las/__sprul pa'i gter ston rdor 'bum chos kyi grags pa'i gter byon gso dpyad bdud rtsi bum pa'i chos sde/__nad gdon bgegs dang dus min 'chi ba sogs mi mthun pa'i rigs spyi dang /__khyad par dus mtha'i gnyan nad paR+pa tas mtshon yams thabs su 'go ba'i nad kyi rigs mtha' dag srung bar byed pa rmad du byung ba'i snying po gyad bzhi zhes grags pa'i nang tshan/__'khor lo'i gyad ni lus la gdags ces gsungs pa'i srung 'khor rdo rje khrab ring rgyas pa'i phyag len spar bcangs su bstan pa la gnad bcu gsum gyes te/__dang po 'bri yul gzhi yi gnad ni/__dar ras gro ga shog bu mthing dkar sogs gang yang rung ba'o/__/gnyis pa 'bri ba'i rgyu snag tsha'i gnad ni/__rab gser/__'bring dngul/__tha ma mtshal snag sogs ci 'byor pa'o/__/gsum pa 'bri mkhan mchod gnas kyi gnad ni/__snod rung gi dbang bzhi rdzogs par thob cing sdom gsum dang ldan pa dbang po gsal zhing 'byor pa dang ldan pas so/__/bzhi pa 'bri bya 'khor lo'i gnad ni/__sprul pa'i khyung zhal gsum pa g.yas g.yon dbus su blta la/__de'i lto bar yab 'khor g.yas dang /__yum 'khor g.yon du mu khyud drug lte ba dang bcas pa bri/__de'i dbus su yi dam gyi snying po/__oM thim thar tis dun te dz+wa la raM pa ye swA hA/__zhes dang /__nad bdag gi srog sngags rgyu gzer bsrungs na/__oM kun d+he kun d+he kun b+ha lam b+h+rU~M shal shal swA hA/__'brum pa bsrungs na/__hA ra ba la mA ra ya tsa tur phaT rbad raM shi khas ba ya karma dza ti su tha rbad phaT/__mig ser bsrungs na/__oM tshal du tshal du ba ta nA sha ya nA sha ya triM dza tri dza war+Na ya phaT swA hA/__tsha rims chom pa bsrungs na/__tad+ya thA/__oM a li ma ti li me ha ni/__u tan he arman dz+ha rlan b+ha ta mi/__oM ka hi kan/__tsa tha ku ni rA dza ra na hU~M phaT swA hA/__gnyen lhog bsrungs na/__oM ra ta shi bai tu ru tri saM rbad/__tri rbad ni she/__du yaM tri rbad b+h+yaH__gag pa bsrungs na/__nA ga pa ru pa tsa la ha le phis song g+ha la hur khung rbad/__ces sham bu gang dgos sbrel nas bris pa'i sham du/__'chang ba po la gnyan nad thams cad srungs shig rak+ShaH__ces pa bri/__de'i phyi rim mu khyud dang po la gzungs sngags 'di bri'o/__/tad+ya thA/__a li ma ta li ha la ha la/__'chang ba che ge mo dza ran tsan lI/__a ka ha ni kan te ho/__ka na tsa tsa ru ka__/tha mu ni Arma swA hA/__de'i phyi rim mu khyud gnyis pa la/__/'khor lo rtsibs brgyad 'bar ba zhig gi phyogs bzhir gsod pa'i pho sngags/__oM hur khyung hur khyung sod/__oM sprul khyung sprul khyung sod/__oM nA ga nA ga sod/__oM de ba de ba sod/__mtshams bzhir srung ba'i mo sngags/__oM hur khyung hur khyung srung /__oM sprul khyung sprul khyung srung /__oM nA gA nA ga srung /__oM de ba de ba srung /__zhes sngags tshan re re dang /__rtsibs mchan rnams la rdo rje'i rwa ba bri'o/__/de'i phyi rim mu khyud gsum par gu ru'i thugs sngags/__ma hA gu ru/__u hA gu ru/__hri gu ru/__ni nA ga shad/__raM raM thul rum/__nA ga tsit+ta pho/__nA ga rbud ling thum myog sod/__ces bri/__de'i phyi rim mu khyud bzhi par/__gnyen nad lho sbyor sbrags ma/__oM se su r+Na se su r+Na badz+ra tsig tsig go b+ho nan bya su ra nan/__khyung su ra nan/__oM ga ru Da ga ru Da swA hA/__hri tri ba ti nan/__nad du gyur to cog la swA hA/__nad thams cad la b+h+yo/__gdon thams cad la b+h+yo/__'chang ba po la rak+Sha rak+Sha swA hA/__zhes bri/__de'i phyi rim mu khyud lnga la 'khor lo rtsibs bcu par khro bo bcu'i snying po/__oM badz+ra kro d+ha hU~M ka ra hU~M gardza gardza hU~M phaT/__khro bo rA dzas nad kha khog__/rims kha chings swA hA/__de bzhin du sngags kyi thog mtha' 'dra bas/__hU~M ka ra'i gnas su/__bi dza ya/__ni la daN+Da/__ya man+ta ka/__AR+Ya a tsa la/__ha ya gr-I ba/__a pa ra tsit+ta/__a mr-i ta kuN+Da lI/__trai lo kya bi dza ya/__ma hA bA la/__zhes dang /__gardza gardza'i gnas su/__ha na ha na/__da ha da ha/__pa tsa pa tsa/__b+han+d+ha b+han+d+ha/__hu lu hu lu/__tiSh+Tha tiSh+Tha/__tshin+d+ha tshin+d+ha/__b+hin+d+ha bin+d+ha/__s+pho Ta s+pho Ta/__zhes bcug pa bri/__rtsibs mtshams rnams su gsang bdag gi phyag mtshan rdo rje re re bkod/__de'i phyi rim dang mu khyud drug pa la/__rten 'brel snying po tshar gsum gyis bskor ba bri'o/__/gzhan yang khyung gi mchu la/__oM hur khyung hur khyung nad thams cad la b+h+yoH__sprul khyung sprul khyung nad thams cad la b+h+yoH__/nA ga nA ga nad thams cad la b+h+yoH__de ba de ba nad thams cad la b+h+yoH__zhes bri/__mgrin par sku gsung thugs kyi sngags/__oM AHhU~MH__zhes bkod/__phyag la gtum pa'i sngags/__oM badz+ra tsaN+Da ma hA ro Sha Na hU~M phaT/__ces pa bri/__gshog pa g.yas la pho sngags/__oM sis khri li mi li ha la swA hA/__zhes dang /__g.yon par mo sngags/__oM sib khri li mi li ha la ya ya skad cig__ces pa bri/__phyag g.yas gsum/__zla 'khor rtsibs brgyad pa'i lte bar as mtshan pa/__sngags mgo phyir bstan la/__ni/__lam/__dza/__raM/__b+h+rU~M/__sa/__trirbad ces pa tshar gsum dgod/__g.yon gsum gyi phyag mthil du nyi ma'i 'khor lo pad+ma 'dab brgyad kyi lte bar mas mtshan pa/__sngags mgo nang bstan gong bzhin bri/__mjug ma la/__oM a ka se bi ka se/__ma hA pa se hu lu ka se swA hA/__ces pa dgod/__rkang pa rnams la/__oM khrag nyag raM swA hA/__ces bri/__rkang mthil sder mo'i khongs su nad bdag 'dus pa'i srog sngags/__oM tshi brtul brtul/__rmug shi shi hri tri tsa tri sod rbad/__ha la bi sarba mA ra ya rbad/__ces bri/__yab yum 'khor lo gnyis kyi rgyab tu rten 'brel snying po tshar gcig bri/__lnga pa byug pa rdzas kyi gnad ni/__rtsa ba'i ye shes kyi khyung sman dri bzang po ro zhim pa nus pa che bas byug__/gshog par bong nga dkar ser/__mgrin par gi wang dang dpa' ser/__rkang par ser po khrag rkang dang dpa' ser/__mjug mar dpa' bo dkar po bong nga dkar ser/__mchu sngags la mu zi shu dag tsan+dan/__yi dam gyi snying po/__/gu ru'i thugs sngags/__khro bcu/__rten 'brel snying po rnams dri bzang /__sngags gzhan rnams gla rtsi shu dag nag po bong nga nag po gsum gyis byug__/dbus kyi gtso bo khyung sngon por bya/__/g.yas kyi yab 'khor gi wang gis dbu zhabs thams cad ser po/__/g.yon gyi yum 'khor gur gum dang tshos khu dmar por byugs te rigs gsum mgon po'i mtshon byed do/__/de yang byugs rdzas rnams zhib btags la chur sla mo sbyar te yig 'bru rnams ma thub par byugs pa gnad du che'o/__/drug pa dus tshod gza' skar gyi gnad/__zla nag dang zla zhabs ma yin pa/__rang nyid bla gza' dang bla skar dar ba'i snga dro'i dus su'o/__/bdun pa rab gnas bkra shis kyi gnad ni/__dge slong gtsang ma nus ldan dang /__'bri mkhan stan las ma longs par/__skyabs sems sngon du 'gro bas/__rang bzhin mi dmigs stong pa'i ngang nyid las/__zhes sogs bdag bskyed bzlas pa dang bcas pa sngon du 'gro bas rang nyid nus ldan du byas/__de nas 'khor lo mdun du bzhag__/bgegs bskrad/__gu gul gyis bdug__/srung ba'i 'khor lo bsgoms pa'i rjes/__stegs kyi khar ras dkar ram snam bu dkar po gtsang ba'i steng du spyan drangs te bzhag__/mtha' mchod pa rnams lngas bskor/__gzhan yang sman rag dang tshogs gtor gyi yo byad ji ltar rigs pa 'du byas la/__shU n+ya tas mtshan rtog bsal/__'khor lo mi dmigs stong pa'i ngang /__/gsang bdag zhal gcig phyag gnyis pa/__/rdo rje sdigs mdzub rgyan cha lugs/__/yongs su rdzogs pa'i lte ba ru/__/mu khyud gnyis ldan de yi dbus/__/gu ru sman bla'i phyag mtshan can/__/lte ba dang bcas gsang bdag gi/__/spyi bor bya khyung sbrul za ba/__/dpung steng bya khyung bya nag lding /__/g.yas g.yon dug sbrul sman sbrul 'khyugs/__/lcags kyi phag rgod mgo dgu dang /__/g.yung phag nag po mdun nas rol/__/spyi bor khyung dang rgod g.yung phag__/lto bsdebs mu khyud re res bskor/__/kun kyang ye shes me dpung gi__/'bar ba'i dbus na bzhugs pa yi/__/so so'i spyi bor oM dkar po/__/mgrin par AHdmar thugs ka ru/__/hU~M yig sngon pos mtshan par gyur/__/ces gsal btab/__slar yang bdag nyid gsang bdag yi dam lhar/__/gsal ba'i thugs ka gu ru'i gnas gsum nas/__/dkar dmar mthing ba'i yi ge 'bru gsum las/__/'od zer lcags kyu lta bu rab 'phros nas/__/'og min lhun gyis grub pa'i gnas dang ni/__/ma la ya dang pad+ma 'od la sogs/__/dag pa'i zhing khams rnams nas bla ma dang /__/dkon mchog rin chen zhi ba byang sems dang /__/khrag 'thung khro bo dpa' bo mkha' 'gro dang /__/chos srung rgyal po sde bzhi gter gyi bdag__/bod skyong brtan ma bcu gnyis la sogs pa/__/ye shes las grub dpag tu med pa'i tshogs/__/'khor bcas gnas 'dir badz+ra sa mA dzaH__zhes pas spyan drangs/__mdun gyi nam mkha'i gnas spyon rdo rje'i gdan/__dri med pad+ma nyi zla brtsegs pa la/__/dam tshig ye shes dbyer med brtan par bzhugs/__/phyag 'tshal mchod bzhes dbang dang dngos grub stsol/__zhes pas bzhugs su gsol/__bdag gi thugs kar gu ru ye shes sems/__/sku gsung thugs kyi gnas nas yig 'bru gsum/__/oM 'phros gtor ma'i ma dag nyes kun sbyangs/__/AH'phros 'dod yon drug gi mchod par gyur/__/hU~M 'phros spel bas nam mkha'i mdzod du gyur/__/oM AHhU~M/__zhes lan gsum gyis mchod gtor brlabs/__/gtor ma'i dngos po kun bzang mchod pa'i sprin/__/bye brag phyi nang gsang ba de kho na/__/tshogs kyi 'khor lo 'chi med bdud rtsi'i sman/__/chags med rak+ta'i ar+g+haM rgya mtshor 'khyil/__/mchod pa'i lha mo rig ma bcu drug sogs/__/dpag tu med pa'i mchod pa dam pa 'di/__/rtsa brgyud bla ma sangs rgyas chos dge 'dun/__/yi dam lha dang mkha' 'gro'i tshogs rnams la/__/gus pas 'bul lo bzhes shig thugs dam bskang /__/nyams pa sor chud dbang dang dngos grub stsol/__/oM gu ru de wa DA ki ni bud+d+ha d+harma saM g+ha sa pa ri wA ra ar+g+haM nas shab+da'i bar dang /__sngags mthar/__ma hA pany+tsa dang /__rak+ta btags pas spyir mchod/__gu ru oM AHhU~M/__ba liM ta a mr-i ta kha kha khA hi khA hi/__bud+d+ha d+harma sang+ga de ba DAk+ki nI b+ha ling ta kha kha khA hi khA hi/__ces pas bye brag tshogs gtor 'bul/__hrIH__ma bcos spros bral bla ma chos kyi sku/__/bde chen longs spyod bla ma chos kyi rje/__/pad sdong las 'khrungs bla ma sprul pa'i sku/__/sku gsum rdo rje 'chang la phyag 'tshal bstod/__/phyag byar 'os pa thams cad la/__zhes sogs kyis bstod/__kun mkhyen ye shes spyan ldan skyon bral yang /__/gus pas 'phags pa'i spyan ni dbye bgyis pas/__/nam mkha'i mthar thug mtha' yas 'gro ba kun/__/kun mkhyen ye shes spyan dang ldan par shog__/oM tsak+Shu tsak+Shu sa man+ta tsak+Shu bi sho d+ha na ya swA hA/__/zhes lan gsum gyis spyan dbye/__gong du bshad pa'i 'khor lo'i sngags rnams ci nus dbyangs gsal dang sbrel ba nyer gcig tsam dang /__rten 'brel snying po brgya rtsa bzlas shing me tog la sngags mthar thal mo sbyar te/__yi dam rtsa gsum rgyal ba rgya mtsho'i lha tshogs 'khor dang bcas pa khyed rnams kyis bdag dang mtha' yas pa'i sems can thams cad la ji ltar 'dod pa'i dngos grub ma lus pa stsal du gsol/__/zhes lan gsum gyis gsol ba gdab/__sngar bzhin mchod cing bstod/__'di ni gzugs dang lhan cig tu/__/zhes sogs kyi mthar/__rten 'brel snying po bzla bzhin pas sngags kyi me tog 'thor bas/__lha tshogs rnams 'od du zhu ba las bris pa'i 'khor lo'i rnam par gyur nas nad gdon sogs mi mthun pa'i phyogs thams cad srung ba'i nus pa dang ldan pa gyur par bsam/__nam mkha' med par gyur na yang /__/sngags kyi dngos grub med mi 'gyur/__/lha dang drang srong gis byas pa'i/__/rig sngags bslu bar mi 'gyur na/__/'dod chags bral bas byas pa yi/__/gsang sngags sbyor bas bslu ba ni/__/ma byung 'byung bar mi 'gyur ro/__/zhes bden pa'i stobs brjod pa dang /__/phun sum tshogs pa mnga' ba sogs/__shis brjod rgyas par bya zhing me tog gi char dbab/__de nas bdag bskyed 'od gsal du bsdu zhing zung 'jug gi skur sdang la bsngo smon gyis rgyas gdab pa sogs dkyus bzhin tu bya'o/__/brgyad pa ltebs pa lcog gi gnad ni/__yum gyi 'khor lo dang /__phyag mthil g.yas g.yon gyi nyi zla'i 'khor lo rnams zhal sprad/__dbu gyen du bstan/__'khor lo'i lte ba ma nyams par bltebs so/__/dgu pa na bza' dkri shubs kyi gnad ni/__dar tshon sna lnga'i skud pas dkris la dar zab sna tshogs kyis dril la gang srung ba'i mgul du skabs su bab na snod rung gi dbang bskur dang bcas pa'i sgo nas gdags shing /__gal te de tsam ma byung yang gza' skar shis pa dang bstun la gzhan gyis ma reg par sgrub pa po rang nyid kyis gdags so/__/bcu pa tshogs gsog mchod sbyin gnad ni/__/de ltar grub na rigs gsum gu ru yi dam mkha' 'gro chos srung gter bdag gi tshogs la gtong rag gi mchod gtor 'bul zhing phrin las bcol/__rab gnas mkhan dang 'bri mkhan yon gyis mnyes pa sogs mtha' rgyas su bya'o/__/bcu gcig pa dam tshig bsrung ba'i gnad ni/__srung ba yod ces mi la mi smra/__gzhan gyi lag tu mi gtad/__'khor lo de la ma phyi byas nas zhal mi bshu/__zla re song ba dang rab gnas rgyas bsdus ji ltar rigs pa re 'khor lo lkog can de la bskyar/__rab gnas kyi bar ma gtogs lus drod dang ma bral bar bya'o/__/bcu gnyis pa rgyab chos bskyed rim gyi gnad ni/__thabs dang 'dra ba'i 'khor lo lus la btags nas/__shes rab dang 'dra ba'i bskyed rim gsal zhing sngags bzlas pa rnams rgyun khyer ma chags par nyams su blang ngo /__/bcu gsum pa de lta bu'i gnad rnams legs par tshang ba'i 'khor lo'i yon tan ni/__gzhung rtsa bar/__nyon cig jo mo mkhar chen bza':__srung ba rdo rje'i khrab ring 'di:__lus kyi nang nas mgo dang 'dra:__sku gsum lhun grub srung ba 'di:__mgo bo'i nang nas mig dang 'dra:__mang du ma spel snying la chongs:__yal bar ma dor nyams su longs:__zhes dang /__'go ba'i nad rigs gang byung thub:__khyad par nag po rgyug 'gyel thub:__gag pa lhog pa mchog tu thub:__mchog tu rgyu gzer dmar bshal thub:__mdze dang sri'u smyon pa thub:__gza' dang gnam lcags ser ba thub:__rbod gtong dmag dang chung sri thub:__lo kag zla kag phyogs ngan thub:__'khor lo 'di btags ngan dgu thub:__nor la btags bzhag reg mi nus:__rta la btags na bya dang mnyam:__khyi la btags na rdo mi phog:__pho la btags na dpa' la mdzangs:__mo la btags na gshin la mdzangs:__dpal dang bsod nams phun tshogs bskyed:__ci bsam 'grub par the tshom med:__yid bzhin nor bu bsam 'phel bzhin:__gnam lcags rdo rje'i srung ba 'dis:__'gos pa'i nad kun smos ci dgos:__'chi bdag bdud kyang bzlog par 'gyur:__de phyir kun thub rdo rje yin:__zhes phan yon bsam gyis mi khyab par gsungs so/__/de ltar srung ba rdo rje'i khrab ring gi phyag len sbar bcangs su bstan pa 'di yang /__gter gzhung rtsa ba'i dgongs don dang /__/brang ti mkhas pa'i phyag bzhes ltar snying por dril te dpal e waM thar pa rtser shAkya'i dge slong many+dzu g+ho Shas bris pa'i dge bas 'gro kun dus min 'chi ba'i 'jigs pa thams cad las grol ba'i rgyur gyur cig/___//___!_