JKW-KABUM-20-WA-001-067

🚧 This website is under continued development. We appreciate your patience!

Previous Text Back to Volume PageNext Text

ཕན་བདེའི་དགེ་མཚན་རྟག་པ་དམ་པའི་དཔྱིད། ཞེས་པའི་དབུ་ཅན།

Wylie title	phan bde'i dge mtshan rtag pa dam pa'i dpyid/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 67, Pages 130-131 (Folios 65b2 to 66a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. phan bde'i dge mtshan rtag pa dam pa'i dpyid/ zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 130-131. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Prayers - smon lam
Colophon	ཅེས་བཀྲ་ཤིས་པའི་ལྷ་རྫས་དང་། །འཆི་མེད་སྐུ་གསུང་ཐུགས་རྡོ་རྗེའི་སྣང་བརྙན། དཔལ་ལྡན་འཆི་མེད་ཚེ་རྫས་བཅས་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཆེད་དུ་བརྗོད་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།
	ces bkra shis pa'i lha rdzas dang /_/'chi med sku gsung thugs rdo rje'i snang brnyan/_dpal ldan 'chi med tshe rdzas bcas 'jam dbyangs bla ma dgyes pa'i 'bangs mkhyen brtse'i dbang pos ched du brjod pa de de bzhin du 'grub par bla ma rgyal ba sras dang bcas pas byin gyis brlab tu gsol

1 Texts in this Section (sde tshan or chos tshan)

67 130-131	ཕན་བདེའི་དགེ་མཚན་རྟག་པ་དམ་པའི་དཔྱིད། ཞེས་པའི་དབུ་ཅན། phan bde'i dge mtshan rtag pa dam pa'i dpyid/ zhes pa'i dbu can Official Letters - chab shog   ·   Prayers - smon lam	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཨོཾ་སྭསྟི་བི་ཛ་ཡནྟུ། ཕན་བདེའི་དགེ་མཚན་རྟག་པ་དམ་པའི་དཔྱིད། །ཚེ་མཐའ་ཡས་པའི་ཕྱག་གི་བུམ་བཟང་ནས། །འཆི་མེད་བདུད་རྩི་ཁྱོད་ལ་དབང་བསྐུར་བས། །ཐར་པའི་རྒྱལ་མཚན་བསྐལ་བརྒྱར་བརྟན་གྱུར་ཅིག །ཕྱོགས་ལས་རྣམ་པར་རྒྱལ་བའི་ཕན་བདེའི་དབྱིངས། །གཙུག་ཏོར་ཆེན་པོས་མིག་གི་མཆོག་སྦྱིན་པས། །ཀློག་དང་འཆད་པའི་སྨྲ་བ་བཟང་པོ་ཡིས། །རྟག་ཏུ་རིམ་དགུའི་ལེགས་ཚོགས་རྒྱས་གྱུར་ཅིག །ཡིད་བཞིན་འདོད་པ་འཇོ་བའི་འཁོར་ལོ་བྱིན། །ཕན་དང་བདེ་བའི་རྗེས་སོང་གང་ཐུགས་དང་། །དབྱེར་མེད་འདྲེས་པའི་སྐལ་པ་བཟང་པོ་ཡིས། །དོན་གཉིས་འགྲུབ་པའི་དགའ་སྟོན་འཕེལ་གྱུར་ཅིག །ཅེས་བཀྲ་ཤིས་པའི་ལྷ་རྫས་དང་། །འཆི་མེད་སྐུ་གསུང་ཐུགས་རྡོ་རྗེའི་སྣང་བརྙན། དཔལ་ལྡན་འཆི་མེད་ཚེ་རྫས་བཅས་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཆེད་དུ་བརྗོད་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། ། ༈

[edit]

phan bde'i dge mtshan rtag pa dam pa'i dpyid/___zhes pa'i dbu can/ oM swasti bi dza yan+tu/_phan bde'i dge mtshan rtag pa dam pa'i dpyid/_/tshe mtha' yas pa'i phyag gi bum bzang nas/_/'chi med bdud rtsi khyod la dbang bskur bas/_/thar pa'i rgyal mtshan bskal brgyar brtan gyur cig_/phyogs las rnam par rgyal ba'i phan bde'i dbyings/_/gtsug tor chen pos mig gi mchog sbyin pas/_/klog dang 'chad pa'i smra ba bzang po yis/_/rtag tu rim dgu'i legs tshogs rgyas gyur cig_/yid bzhin 'dod pa 'jo ba'i 'khor lo byin/_/phan dang bde ba'i rjes song gang thugs dang /_/dbyer med 'dres pa'i skal pa bzang po yis/_/don gnyis 'grub pa'i dga' ston 'phel gyur cig_/ces bkra shis pa'i lha rdzas dang /_/'chi med sku gsung thugs rdo rje'i snang brnyan/_dpal ldan 'chi med tshe rdzas bcas 'jam dbyangs bla ma dgyes pa'i 'bangs mkhyen brtse'i dbang pos ched du brjod pa de de bzhin du 'grub par bla ma rgyal ba sras dang bcas pas byin gyis brlab tu gsol/__/_!_