JKW-KABUM-18-TSHA-001-008

🚧 This website is under continued development. We appreciate your patience!

Previous Text Back to Volume PageNext Text

ཐོག་མར་བཤུལ་ལམ་རིང་པོ་ལྟ་བུ་ནས་བསྙེགས་ཏེ་ཞལ་གྱི་པདྨོ་དྭངས་བས་མཇལ་བའི་ལེགས་འབུལ་སྟོབ་པའི་ཚེ།

Wylie title	thog mar bshul lam ring po lta bu nas bsnyegs te zhal gyi pad+mo dwangs bas mjal ba'i legs 'bul stob pa'i tshe
Location	mkhyen brtse'i bka' 'bum Volume 18, sde tshan 1, Text 8, Pages 136-140 (Folios 68b5 to 70b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. thog mar bshul lam ring po lta bu nas bsnyegs te zhal gyi pad+mo dwangs bas mjal ba'i legs 'bul stob pa'i tshe. In 'jam dbyangs mkhyen brtse'i dbang po'i bka' 'bum, Vol. 18: 136-140. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

8 136-140	ཐོག་མར་བཤུལ་ལམ་རིང་པོ་ལྟ་བུ་ནས་བསྙེགས་ཏེ་ཞལ་གྱི་པདྨོ་དྭངས་བས་མཇལ་བའི་ལེགས་འབུལ་སྟོབ་པའི་ཚེ། thog mar bshul lam ring po lta bu nas bsnyegs te zhal gyi pad+mo dwangs bas mjal ba'i legs 'bul stob pa'i tshe Official Letters - chab shog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཐོག་མར་བཤུལ་ལམ་རིང་པོ་ལྟ་བུ་ནས་བསྙེགས་ཏེ་ཞལ་གྱི་པདྨོ་དྭངས་བས་མཇལ་བའི་ལེགས་འབུལ་སྟོབ་པའི་ཚེ། ཐོག་མར་བཤུལ་ལམ་རིང་པོ་ལྟ་བུ་ནས་བསྙེགས་ཏེ་ཞལ་གྱི་པདྨོ་དྭངས་བས་མཇལ་བའི་ལེགས་འབུལ་སྟོབ་པའི་ཚེ། །ཁྱད་པར་བསྐལ་མང་ཚོགས་ཟུང་གིས་བསྐྲུན་མགོན་པོ་ཁྱོད་ཀྱི་མཚན་དཔེའི་བྱིན། །གང་དུ་སྣང་བས་གཏན་བདེའི་དཔལ་སྟེར་དེང་འདིར་སྐལ་བཟང་བདག་ཅག་གིས། །རིང་ནས་བརྣག་པའི་ལེགས་བྱས་ཁོ་ནས་འདྲེན་བྱེད་བདུད་རྩིར་ཐོབ་མ་ཐག །དང་པོའི་ས་ཡི་ཏིང་འཛིན་ལས་ལྷག་དད་སྤྲོའི་དགའ་སྟོན་ཅིར་ཡང་འཕེལ། །དེ་སླད་ལྷག་བསམ་གདེངས་ཅན་གྱིས་བསྐུལ་ཡིད་སྤྲུལ་མཆོད་པའི་སྤྲིན་ཕུང་ལས། །དངོས་འབྱོར་གྲུ་ཆར་ཕྲ་མོ་གཡོ་བས་ཡེ་ཤེས་གཟིགས་པས་བརླན་བྱས་ཏེ། །སླར་ཡང་སྲིད་པ་མཐར་བྱས་བར་དུ་དགེ་ལེགས་རིན་ཆེན་རྟག་འཇོ་བའི། །ཞབས་ཀྱི་རྡུལ་ཕྲན་བསྙེན་བཀུར་བགྱི་སླད་གཅིག་ཏུ་བརྟུན་པའི་གཡར་དམ་ལེན། །ཞེས་སམ། ཁྱད་པར་རིང་ནས་བསོད་ནམས་བརྒྱ་ཕྲག་གིས། །མགྲོན་དུ་བོས་པའི་ཁྱོད་སྐུའི་གསང་བ་གསུམ། །མངོན་སུམ་འདྲེན་བྱེད་བདུད་རྩིར་ཐོབ་པ་ཡིས། །རྨད་བྱུང་བསྐལ་པ་བཟང་པོའི་དགེ་མཚན་བྱིན། །དེ་སླད་དད་སྤྲོའི་དགའ་བ་རྒྱས་གྱུར་པའི། །ལྷག་བསམ་གསེར་གྱི་སྙེ་མ་དུད་པ་ལས། །དངོས་འབྱོར་མཆོད་སྤྲིན་ཉུང་ངུའི་དགྱེས་སྟོན་གྱིས། །ཡེ་ཤེས་གཟིགས་པའི་གཡར་ལམ་མཛེས་པར་བྱ། །ཞེས་སམ། ལྷག་པར་དགོས་འབྱུང་ནོར་བུའི་གན་མཛོད་ཀྱིས། །བསྐྲུན་མིན་མཐོང་བ་ཙམ་གྱིས་གྲུབ་གཉིས་གཏེར། །སྦྱིན་མཛད་ཁྱོད་ཞབས་སྤྱི་བོར་བསྙེན་པ་ཡི། །གུས་སྤྲོ་ནམ་མཁའི་མཐའ་ལས་རིང་དུ་བརྒལ། །དེ་ལྟ་ནའང་ཡང་སྲིད་རྣམ་ཀུན་དུ། །གཏོགས་ལ་སྤྲོ་བ་ཕྲ་བས་ཟང་ཟིང་གི །འབྱོར་པ་དབུལ་ཡང་ལྷག་བསམ་དཔྱིད་དཔལ་ལས། །དངོས་འབྱོར་མེ་ཏོག་ཕྲ་མོའི་དགའ་སྟོན་སྟོབ། །ཞེས་སམ། ཁྱད་པར་ཐོབ་པ་ཙམ་ནས་འདི་གཏན་གྱི། །ཕོངས་པ་ཀུན་བཅོམ་བདུད་རྩིའི་དཔལ་སྦྱིན་པ། །མགོན་པོ་གང་གི་མཚན་དཔེའི་དཀྱིལ་འཁོར་མཆོག །མངོན་སུམ་མཇལ་བའི་དགའ་བས་ཡིད་རབ་མྱོས། །དེ་ཚེ་འབྲུག་སྒྲ་ངལ་གྱིས་རྒོད་པ་ཡིས། །སྙིང་ལ་རངས་པ་ཐོབ་པའི་མདོངས་མཐའ་ལྟར། །གུས་སྤྲོའི་ཟློས་ག་ཅིར་ཡང་བསྒྱུར་བཞིན་དུ། །དངོས་འབྱོར་མཆོད་སྤྲིན་ཕྲ་མོས་བསྙེན་བསྐུར་བགྱི། །ཞེས་སམ། ལྷག་པར་རྒྱལ་ཀུན་ཡེ་ཤེས་བྱིན། །འདུས་པའི་ཁྱོད་ཞལ་ཟླ་བ་གསར། །མངོན་སུམ་མཐོང་བའི་མོད་ཉིད་ནས། །མཆོག་ཏུ་དད་སྤྲོའི་ཀུནྡཱ་བཞད། །དེ་ཡིས་འདི་གཏན་དོན་གཉིས་ཀྱི། །ཕུན་ཚོགས་ཡོངས་སུ་གྲུབ་པ་ཡི། །རྨད་བྱུང་དགའ་སྟོན་མཚོན་སླད་དུ། །དངོས་པོའི་མཆོད་སྤྲིན་ཅུང་ཟད་བསྟར། །ཞེས་སམ། གང་ཚེ་ཞབས་རྡུལ་ཕྲ་མོས་ཀྱང་། །བཏབ་པས་གྲུབ་པའི་དཔལ་སྦྱིན་ན། །ཁྱོད་ཞལ་པདྨོ་དངོས་མཇལ་བར། །གུས་སྤྲོའི་ཆུ་གཏེར་མི་ཁོལ་སུ། །དེ་ཕྱིར་དེ་ཡི་བཀའ་དྲིན་མཐའ། །དངོས་པོའི་ཟོང་གིས་འཇལ་མིན་མོད། །འོན་ཀྱང་ཕྱོགས་རེའི་བསོད་ནམས་དཔལ། །བསགས་སླད་མཆོད་སྤྲིན་ཕྲ་མོ་སྟོབ། །ཞེས་སམ། ཡ་མཚན་ཉིད་དོ་ཟླ་ཐིག་གིས། །སར་སྐྱེས་གསར་པའི་འཛུམ་ཕྲེང་སྟེ། །ཁྱོད་ཞལ་མཇལ་བའི་དགའ་སྟོན་གྱིས། །བདག་ཅག་དད་སྤྲོའི་སྣང་བ་རྒྱས། །དེ་ལྟའི་ཚད་མེད་བཀའ་དྲིན་གང་། །རྗེས་སུ་དྲན་པའི་ལྷག་བསམ་གྱིས། །མཐའ་ཀླས་ཡིད་སྤྲུལ་མཎྜལ་བཅས། །དངོས་འབྱོར་མཆོད་སྤྲིན་ཅུང་ཟད་སྟོབ། །ཅེས་པ་ལྟ་བུ་སྐབས་སུ་གང་བབས་སྦྱར་བའི་མཐར། །དེ་ལྟར་དགེ་ལེགས་ཀྱི་ཚིགས་སུ་བཅད་པ་མེ་ཏོག་མནྡཱ་རའི་ཆར་ཕང་ཕང་དུ་གཡོ་བ་རྣམ་པར་བཀྲམ་པས་ལམ་ཡངས་པར་བྱས་ནས། དེང་གི་ཆར་ཡང་། ལན་གཅིག་མ་ཡིན་པར་རིང་མོ་ཞིག་ནས་ཡིད་ལ་འདུན་པའི་གུས་ལྡན་པ་ཁོ་བོ་ཅག་གིས་ལྷ་དང་བཅས་པའི་འགྲོ་བ་ཡོངས་འདིའང་གོས་ཤིན་ཏུ་མཐོ་བ་དག་ལ་སྟེ། གཞན་ལྟོས་བཅས་འགྲོ་བ་ཡོངས་ཀྱི། ལྟ་བུ་གང་མཚམས་སུ་བསྒྱུར་རོ། །ཀྱི་སྐྱོབ་པ་མཚུངས་ཟླ་མ་མཆིས་པ་གང་གི་ཞལ་གྱི་པདྨོ་མངོན་སུམ་མཇལ་ཞིང་། གསུང་གི་བདུད་རྩིས་རྣམ་པར་གྲོལ་བའི་སྐལ་བ་སྦོམ་པོར་གྱུར་པའི་དགའ་སྟོན་གྱིས་ལེགས་འབུལ་ཅུང་ཟད་སྟོབ་པར། ཐོག་མར་བཀྲ་ཤིས་ པའི་ལྷ་གོས་རབ་དཀར་གངས་རིའི་མདོག་ཅན་སྲིད་དུ་རིང་བ། སྐུ་རྟེན་དུ་རྒྱལ་བ་ཚེ་མཐའ་ཡས་པའི་མཚན་དཔེའི་ཞལ་སྐྱིན་གསེར་ཟངས་ལས་གྲུབ་པ། གསུང་རྟེན་དུ་སངས་རྒྱས་ཐམས་ཅད་ཀྱི་གསུང་རྡོ་རྗེ་རྣམ་པ་ཐམས་ཅད་པའི་ཡེ་ཤེས་སྒྲ་རིག་རང་མཚན་དུ་ཤར་བ་ཚེ་མདོ་གསེར་བྲིས། ཐུགས་རྟེན་དུ་བཀའ་གདམས་མཆོད་རྟེན་རྙིང་མ་པད་སྤུངས། །བར་འདིར་འབུལ་ཚན་ཇི་ལྟར་རིགས་པ་རྣམས་སྨོས་པའི་མཐར། མཐའ་རྟེན་རས་དཀར་ཡུགས་བཅས་རྣམ་༡༠༣གྲངས་འབུལ་ལམ་ཞུས་པ་ཡེ་ཤེས་གཟིགས་པའི་སྤྱན་རས་ཀྱིས་བཙའ་བར་གསོལ་བ་འདེབས་པ་དང་། སླར་ཡང་སྨྲས་པ། ཞེས་པའི་འཕྲོ་ནས་དཀྱུས་ཀྱི་བརྟན་བཞུགས་བྲིས་པའི་གཤམ་དུ། དེ་ལྟར་ལེགས་བྱས་འདིས་མཚོན་དུས་གསུམ་གྱི། །རྣམ་པར་དཀར་བའི་དགེ་ཚོགས་ཇི་སྙེད་པ། །ཆོས་དབྱིངས་རྒྱ་མཚོའི་འཇིང་དུ་བསྔོས་པའི་མཐུས། །འགྲོ་ཀུན་སྲིད་ཞིའི་མཐའ་ལས་སྒྲོལ་བར་ཤོག །གང་ཞིག་མཚན་གྱི་སྤྲིང་ཡིག་ཐོས་འཛིན་གྱི། །བདུད་རྩིར་བཏུང་བ་ཙམ་ནས་ཕན་བདེའི་དཔལ། །སྦྱིན་མཛད་མཆོག་གསུམ་འདུས་ཞལ་མགོན་ཁྱོད་ཀྱིས། །ལྷར་བཅས་བཀྲ་ཤིས་སྣང་བ་སྦྱིན་པར་མཛོད། །སརྦ་དཱ་ཀ་ལྱཱ་ཎཾ་བྷ་བནྟུ། ཞེས་པ་ལྟ་བུ་དང་། ། ༈

[edit]

thog mar bshul lam ring po lta bu nas bsnyegs te zhal gyi pad+mo dwangs bas mjal ba'i legs 'bul stob pa'i tshe/ thog mar bshul lam ring po lta bu nas bsnyegs te zhal gyi pad+mo dwangs bas mjal ba'i legs 'bul stob pa'i tshe/__/khyad par bskal mang tshogs zung gis bskrun mgon po khyod kyi mtshan dpe'i byin/__/gang du snang bas gtan bde'i dpal ster deng 'dir skal bzang bdag cag gis/__/ring nas brnag pa'i legs byas kho nas 'dren byed bdud rtsir thob ma thag__/dang po'i sa yi ting 'dzin las lhag dad spro'i dga' ston cir yang 'phel/__/de slad lhag bsam gdengs can gyis bskul yid sprul mchod pa'i sprin phung las/__/dngos 'byor gru char phra mo g.yo bas ye shes gzigs pas brlan byas te/__/slar yang srid pa mthar byas bar du dge legs rin chen rtag 'jo ba'i/__/zhabs kyi rdul phran bsnyen bkur bgyi slad gcig tu brtun pa'i g.yar dam len/__/zhes sam/__khyad par ring nas bsod nams brgya phrag gis/__/mgron du bos pa'i khyod sku'i gsang ba gsum/__/mngon sum 'dren byed bdud rtsir thob pa yis/__/rmad byung bskal pa bzang po'i dge mtshan byin/__/de slad dad spro'i dga' ba rgyas gyur pa'i/__/lhag bsam gser gyi snye ma dud pa las/__/dngos 'byor mchod sprin nyung ngu'i dgyes ston gyis/__/ye shes gzigs pa'i g.yar lam mdzes par bya/__/zhes sam/__lhag par dgos 'byung nor bu'i gan mdzod kyis/__/bskrun min mthong ba tsam gyis grub gnyis gter/__/sbyin mdzad khyod zhabs spyi bor bsnyen pa yi/__/gus spro nam mkha'i mtha' las ring du brgal/__/de lta na'ang yang srid rnam kun du/__/gtogs la spro ba phra bas zang zing gi__/'byor pa dbul yang lhag bsam dpyid dpal las/__/dngos 'byor me tog phra mo'i dga' ston stob/__/zhes sam/__khyad par thob pa tsam nas 'di gtan gyi/__/phongs pa kun bcom bdud rtsi'i dpal sbyin pa/__/mgon po gang gi mtshan dpe'i dkyil 'khor mchog__/mngon sum mjal ba'i dga' bas yid rab myos/__/de tshe 'brug sgra ngal gyis rgod pa yis/__/snying la rangs pa thob pa'i mdongs mtha' ltar/__/gus spro'i zlos ga cir yang bsgyur bzhin du/__/dngos 'byor mchod sprin phra mos bsnyen bskur bgyi/__/zhes sam/__lhag par rgyal kun ye shes byin/__/'dus pa'i khyod zhal zla ba gsar/__/mngon sum mthong ba'i mod nyid nas/__/mchog tu dad spro'i kun+dA bzhad/__/de yis 'di gtan don gnyis kyi/__/phun tshogs yongs su grub pa yi/__/rmad byung dga' ston mtshon slad du/__/dngos po'i mchod sprin cung zad bstar/__/zhes sam/__gang tshe zhabs rdul phra mos kyang /__/btab pas grub pa'i dpal sbyin na/__/khyod zhal pad+mo dngos mjal bar/__/gus spro'i chu gter mi khol su/__/de phyir de yi bka' drin mtha'/__/dngos po'i zong gis 'jal min mod/__/'on kyang phyogs re'i bsod nams dpal/__/bsags slad mchod sprin phra mo stob/__/zhes sam/__ya mtshan nyid do zla thig gis/__/sar skyes gsar pa'i 'dzum phreng ste/__/khyod zhal mjal ba'i dga' ston gyis/__/bdag cag dad spro'i snang ba rgyas/__/de lta'i tshad med bka' drin gang /__/rjes su dran pa'i lhag bsam gyis/__/mtha' klas yid sprul maN+Dal bcas/__/dngos 'byor mchod sprin cung zad stob/__/ces pa lta bu skabs su gang babs sbyar ba'i mthar/__/de ltar dge legs kyi tshigs su bcad pa me tog man+dA ra'i char phang phang du g.yo ba rnam par bkram pas lam yangs par byas nas/__deng gi char yang /__lan gcig ma yin par ring mo zhig nas yid la 'dun pa'i gus ldan pa kho bo cag gis lha dang bcas pa'i 'gro ba yongs 'di'ang gos shin tu mtho ba dag la ste/_gzhan ltos bcas 'gro ba yongs kyi/__lta bu gang mtshams su bsgyur ro/__/kyi skyob pa mtshungs zla ma mchis pa gang gi zhal gyi pad+mo mngon sum mjal zhing /__gsung gi bdud rtsis rnam par grol ba'i skal ba sbom por gyur pa'i dga' ston gyis legs 'bul cung zad stob par/__thog mar bkra shis _pa'i lha gos rab dkar gangs ri'i mdog can srid du ring ba/__sku rten du rgyal ba tshe mtha' yas pa'i mtshan dpe'i zhal skyin gser zangs las grub pa/__gsung rten du sangs rgyas thams cad kyi gsung rdo rje rnam pa thams cad pa'i ye shes sgra rig rang mtshan du shar ba tshe mdo gser bris/__thugs rten du bka' gdams mchod rten rnying ma pad spungs/__/bar 'dir 'bul tshan ji ltar rigs pa rnams smos pa'i mthar/__mtha' rten ras dkar yugs bcas rnam 103grangs 'bul lam zhus pa ye shes gzigs pa'i spyan ras kyis btsa' bar gsol ba 'debs pa dang /__slar yang smras pa/__zhes pa'i 'phro nas dkyus kyi brtan bzhugs bris pa'i gsham du/__de ltar legs byas 'dis mtshon dus gsum gyi/__/rnam par dkar ba'i dge tshogs ji snyed pa/__/chos dbyings rgya mtsho'i 'jing du bsngos pa'i mthus/__/'gro kun srid zhi'i mtha' las sgrol bar shog__/gang zhig mtshan gyi spring yig thos 'dzin gyi/__/bdud rtsir btung ba tsam nas phan bde'i dpal/__/sbyin mdzad mchog gsum 'dus zhal mgon khyod kyis/__/lhar bcas bkra shis snang ba sbyin par mdzod/__/sarba dA ka l+yA NaM b+ha ban+tu/__zhes pa lta bu dang /__/_!_