JKW-KABUM-21-ZHA-002-050

🚧 This website is under continued development. We appreciate your patience!

Previous Text Back to Volume PageNext Text

རྫས་སྲུང་རྡོ་རྗེ་ཕ་ལམ།

Wylie title	rdzas srung rdo rje pha lam
Location	mkhyen brtse'i bka' 'bum Volume 21, sde tshan 2, Text 50, Pages 259-260 (Folios 71a3 to 71b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rdzas srung rdo rje pha lam. In 'jam dbyangs mkhyen brtse'i dbang po'i bka' 'bum, Vol. 21: 259-260. Khams sde dge rdzong sar dgon: Rdzong sar blo gros phun tshogs, 2020.
Genre	Ritual Substances - rdzas

1 Texts in this Section (sde tshan or chos tshan)

50 259-260	རྫས་སྲུང་རྡོ་རྗེ་ཕ་ལམ། rdzas srung rdo rje pha lam Ritual Substances - rdzas	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རྫས་སྲུང་རྡོ་རྗེ་ཕ་ལམ་ནི། ཀུན་ཐུབ་རྩ་བའི་རྫས། ཨ་རུ་བ་རུ་སྐྱུ་རུ་བཙན་དུག་རྣམས་གཞི་བྱས་ལ། དེ་སྟེང་འབྲུ་ལྔ། རིན་པོ་ཆེ་ལྔ། ས་སྣ། ཆུ་སྣ། དམ་རྫས་ཀྱི་རིགས། དགེ་སློང་སྡོམ་ལྡན་དང་། སྔགས་པ་ནུས་ལྡན་གྱི་རྣམ་སྣང་ནུས་བསྲེགས་བཅས་ཁ་ཚར་དུ་གདབ་བོ། །དེ་ནས་གཉེན་པོ་སོ་སོར་སྤྲད་པ་ནི། སྲིན་པོའི་གཉེན་པོར་ཤིང་ཀུན། ཀླུ་དང་ཀླུ་བདུད་ལ་གླ་རྩི་མུ་ཟི་སེར་པོ་བ་བླ་ལྡོང་རོས། རྒྱལ་པོ་ལ་གུ་གུལ། དམུ་ལ་ཤུ་དག་ནག་པོ། དཀོར་བདག་ལ་ཉུང་དཀར། ཐེའུ་རང་ལ་ར་ཚིལ། ས་བདག་ལ་རི་ཤོའི་རྩ་བ་དང་སྦྱང་ཚེར། བཙན་ལ་གཡེར་མ་རྟ་བོན་མ་མོ་ལ་རྒྱ་ཚོས། ལྷ་ཡི་གདོན་ལ་མཁན་པ། མོན་པ་ལ་ཐང་ཕྲོམ། ཡུལ་ལྷ་ལ་ཀྱི་ལྕེ་དཀར་པོ། བདུད་ལ་རེ་ལྕགས། ཀླུ་སྲིན་ལ། ཐར་ནུ། དམ་སྲི་ལ་ར་དུག །ཕུང་སྲི་ལ་རྔ་མོང་སྤུ་རུས། གྲི་བོ་ལ་གྲི་ཤ །ས་སྲིན་ལ་དབྱི་མོང་ནག་པོ། ཟ་འདྲེ་ལ་ཝ་བྲུན། གཟའ་ལ་གཟའ་དུག་པ། ལན་ཚྭ། ཆགས་འདྲེ་ལ་མཛེ་ཁྲག །འགོང་པོ་ལ་སྤྱང་བྲུན་དང་དུད་པ་བྱ་བལ་མ། གནོད་སྦྱིན་ལ་སྔོ་སྟག་ཤ །རིམ་འདྲེ་ལ་སྤྲུ་ནག་དང་བྱ་རྒོད་སྤོས། གདོལ་པ་ནག་པོར་ཕག་སྣ། གཉན་ལ་བསེ་སྤུར་ཤ །བདུད་བཙན་ལ་སྒོ་གཅིག་མ། འབྱུང་པོ་སྤྱི་ལ་སྐེ་ཤངས་ཚེ། ཕོ་འདྲེ་ལ་ཉ་མཁྲིས། མོ་འདྲེ་ལ་རྒྱ་ཚྭ། གཞན་ཡང་ས་གསུམ་གྱི་གདོན་བགེགས་སྤྱི་ལ། གླང་རུ། ལུག་རྨིག །བོང་རྨིག །རྭ་གཞོབ། དྲི་ཆེན། དྲི་ཆུ། རྨ་བྱའི་མདངས། སྦལ་སྦྲུལ་གྱི་ཤ །ཕག་བྲུན། ཏེ་ལོའི་ཤ །སེང་སྡེང་། སྦྲང་རྩི། བུ་རམ། རི་བོང་བྲུན། ཁྱི་བྲུན། སྲམ་ཤ །རམ་གཞན་ཡང་བྲུན་གྱི་རིགས་གང་རྙེད་ཐམས་ཅད་ནུས་ལྡན་དུ་བསྲེག་ནས་ཆུ་སྣ་དགུས་རིལ་བུར་དྲིལ་ལ་བསྒྲུབ་པ་ཚུལ་བཞིན་དུ་བྱས། བྱུག་བདུག་བཅང་པས་ནད་གདོན་བགེགས་ཀྱི་རིགས་ཐམས་ཅད་སེལ་བ་མྱོང་བས་གྲུབ་པའོ། ། ༈

[edit]

rdzas srung rdo rje pha lam/__ rdzas srung rdo rje pha lam ni/__kun thub rtsa ba'i rdzas/__a ru ba ru skyu ru btsan dug rnams gzhi byas la/__de steng 'bru lnga/__rin po che lnga/__sa sna/__chu sna/__dam rdzas kyi rigs/__dge slong sdom ldan dang /__sngags pa nus ldan gyi rnam snang nus bsregs bcas kha tshar du gdab bo/__/de nas gnyen po so sor sprad pa ni/__srin po'i gnyen por shing kun/__klu dang klu bdud la gla rtsi mu zi ser po ba bla ldong ros/__rgyal po la gu gul/__dmu la shu dag nag po/__dkor bdag la nyung dkar/__the'u rang la ra tshil/__sa bdag la ri sho'i rtsa ba dang sbyang tsher/__btsan la g.yer ma rta bon ma mo la rgya tshos/__lha yi gdon la mkhan pa/__mon pa la thang phrom/__yul lha la kyi lce dkar po/__bdud la re lcags/__klu srin la/__thar nu/__dam sri la ra dug__/phung sri la rnga mong spu rus/__gri bo la gri sha__/sa srin la dbyi mong nag po/__za 'dre la wa brun/__gza' la gza' dug pa/__lan tshwa/__chags 'dre la mdze khrag__/'gong po la spyang brun dang dud pa bya bal ma/__gnod sbyin la sngo stag sha__/rim 'dre la spru nag dang bya rgod spos/__gdol pa nag por phag sna/__gnyan la bse spur sha__/bdud btsan la sgo gcig ma/__'byung po spyi la ske shangs tshe/__pho 'dre la nya mkhris/__mo 'dre la rgya tshwa/__gzhan yang sa gsum gyi gdon bgegs spyi la/__glang ru/__lug rmig__/bong rmig__/rwa gzhob/__dri chen/__dri chu/__rma bya'i mdangs/__sbal sbrul gyi sha__/phag brun/__te lo'i sha__/seng sdeng /__sbrang rtsi/__bu ram/__ri bong brun/__khyi brun/__sram sha__/ram gzhan yang brun gyi rigs gang rnyed thams cad nus ldan du bsreg nas chu sna dgus ril bur dril la bsgrub pa tshul bzhin du byas/__byug bdug bcang pas nad gdon bgegs kyi rigs thams cad sel ba myong bas grub pa'o/___/___!_