JKW-KABUM-16-MA-031

🚧 This website is under continued development. We appreciate your patience!

Previous Section Back to Volume PageLast section in volume.

རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་།

Wylie title	rgyan gyi bstan bcos me long gi gzhung dang mthun par dper brjod pa daN+Di'i rgyud mang
Location	mkhyen brtse'i bka' 'bum Volume 16, sde tshan 31, Pages 499-581 (Folios 1a to 42a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rgyan gyi bstan bcos me long gi gzhung dang mthun par dper brjod pa daN+Di'i rgyud mang. In 'jam dbyangs mkhyen brtse'i dbang po'i bka' 'bum, Vol. 16: 499-581. Khams sde dge rdzong sar dgon: Rdzong sar blo gros phun tshogs, 2020.
Genre	Literary Arts - sgrung yig dang snyan ngag
Colophon	།།རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ཞེས་བྱ་བ་འདི་ཡང་། རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་དང་དབྱེར་མ་མཆིས་པ་མཁན་ཆེན་ཐམས་ཅད་མཁྱེན་པ་བྱམ༷ས་པ༷་ཀུན༷་དག༷འ་བསྟན༷་འཛི༷ན་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱིས་ཐུགས་བསྐྱེད་རྨད་དུ་བྱུང་བས་ལམ་འདིར་བསླབ་སྦྱང་མགོ་འཛིན་བགྱིད་དགོས་པའི་བཀའ་སྩལ་གྱི་ཅོད་པན་གཙུག་ཏུ་སྩལ་བ་ལ་བརྟེན། དོན་གཉེར་ཅན་དག་ལ་འབད་པ་ཆེན་པོས་འཆད་པའི་གཡར་ཁྲལ་བླངས་པའི་ཚེ། མགོན་པོ་གང་གི་ཞབས་རྡུལ་ལ་སྤྱི་བོས་རེག་ཅིང་། མ༷་ཧཱ༷་པ༷ཎྜི༷ཏ༷་ཟེ་ཆེན་པའི་བཀའ་དྲིན་ལས་ཚིག་རྒྱན་གྱི་མིང་རྐྱང་ཙམ་ཞིག་ཐོས་པའི་རྨོངས་རྟུལ་གྱི་ན་བ་ཚངས་སྲས་དགྱེས་པའི་བློ་ལྡན་ནམ། གཙུག་ལག་སྨྲ་བའི་ཉི་མར་བོད་པའི་རྒྱལ་ཁམས་ཀྱི་དཱ་རི་དྲ་པས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཆུ་སྟོད་ཟླ་བའི་གྲལ་ཚེས་དགེ་བར་སུག་བྲིས་སུ་གྲུབ་པར་བགྱིས་པ་སརྦ་དཱ་ཀ་ལྱཱ་ཎཾ་བྷ་བ་ཏུ།།
	rgyan gyi bstan bcos me long gi gzhung dang mthun par dper brjod pa daN+DI'i rgyud mang zhes bya ba 'di yang /__rigs dang dkyil 'khor kun gyi khyab bdag drug pa rdo rje 'chang chen po dang dbyer ma mchis pa mkhan chen thams cad mkhyen pa byamXs paX kunX dgaX' bstanX 'dziXn bkra shis grags pa'i rgyal mtshan dpal bzang po'i zhal snga nas kyis thugs bskyed rmad du byung bas lam 'dir bslab sbyang mgo 'dzin bgyid dgos pa'i bka' stsal gyi cod pan gtsug tu stsal ba la brten/__don gnyer can dag la 'bad pa chen pos 'chad pa'i g.yar khral blangs pa'i tshe/__mgon po gang gi zhabs rdul la spyi bos reg cing /__maX hAX paXN+DiXtaX ze chen pa'i bka' drin las tshig rgyan gyi ming rkyang tsam zhig thos pa'i rmongs rtul gyi na ba tshangs sras dgyes pa'i blo ldan nam/__gtsug lag smra ba'i nyi mar bod pa'i rgyal khams kyi dA ri dra pas yon tan rin po che du ma'i 'byung gnas dpal e waM chos ldan gyi bla brang thar pa rtser chu stod zla ba'i gral tshes dge bar sug bris su grub par bgyis pa sarba dA ka l+yA NaM b+ha ba tu//_
Notes	On the Kāvyādarśa.

1 Texts in this Section (sde tshan or chos tshan)

499-581	རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་། rgyan gyi bstan bcos me long gi gzhung dang mthun par dper brjod pa daN+Di'i rgyud mang Literary Arts - sgrung yig dang snyan ngag	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་ཞེས་བྱ་བ་བཞུགས་སོ། །

བྱམ༷ས་པ༷འི་ཐུགས་ནི་ཤིན་ཏུ་སྒེག་ཀྱང་མེ་ཏོག་མདའ་ཅན་མཛེས་པ་ཟུམ། །ཀུན༷་དགའི༷་གསུང་གིས་རྣམ་གྲོལ་སྟོན་ཀྱང་ཕྱིར་རྒོལ་སྤོབས་པའི་རྒྱུ་བ་འཆིང་། །མཚན་དཔེའི་མཛེས་སྐུ་གཅིག་པུ་ཉིད་མོད་དུ་མའི་གར་དུ་རྣམ་རོལ་པས། །ཡོངས་རྫོགས་བསྟ༷ན་པའི་ངོ་མཚར་འཛི༷ན་བཟོད་ཁྱབ་བདག་བླ་མས་ཤིས་པ་སྩོལ། །ངེས་གསང་སྡེ་སྣོད་རྒྱ་མཚོའི་གཞུང་ལུགས་ལ། །རྣལ༷་དུ་འབྱོར༷་པའི་མཁྱེན་རབ་སྣང་བ་ནི། །འཇ༷མ་དཔ༷ལ་གཞོན་ནུས་བྱིན་གྱུར་ངག་གི་དབང་། །ཕྱོགས་ལས་རྣམ་རྒྱལ་བཟ༷ང་པོའི༷་ཞབས་ཀྱིས་སྐྱོངས། །ཟད་མེད་མཐའ་ཀླས་ཆོས་ཕུང་རྒྱ་མཚོའི་ཁམས། །དབྱངས་བདུན་རྫོགས་པའི་རྒྱུད་མང་གླུར་ལེན་པ། །རྒྱལ་བ་ཀུན་ཡུམ་ཚངས་པའི་སྲས་མོ་ཡིས། །ངག་དང་ཡིད་ལ་སྤོབས་པའི་མཆོག་སྦྱིན་མཛོད། །དེ་ཡི་བྱིན་རླབས་ཉིན་མོའི་རྡུལ། །བཏུང་ལས་རྣམ་དཔྱོད་མཚར་སྡུག་ནི། །པདྨོ་བཞིན་དུ་རབ་རྒྱས་པ། །དབྱུག་པ་ཅན་ཞེས་བྱ་བ་བྱུང་། །གང་གིས་བརྩམས་པའི་ཚིག་རྒྱན་གྱི། །བསྟན་བཅོས་ནོར་བུའི་མེ་ལོང་ངོགས། །སྙན་ངག་གཟུགས་བརྒྱ་འཆར་བ་ཡིས། །འདི་ན་ཡིད་ཀྱི་ངལ་འཚོར་གྱུར། །དེ་སླད་དེ་དང་རྗེས་མཐུན་པའི། །དཔེར་བརྗོད་དཎྜིའི་རྒྱུད་མང་ནི། །དོན་མཐུན་ཕྱོགས་ཀྱི་བུ་མོ་ཡི། །རྣ་བའི་བཅུད་དུ་བསྒྲེང་ལ་ཕྱོགས། །འདིར་འཕགས་པའི་ཡུལ་གྱི་སློབ་དཔོན་ཆེན་པོ་དབྱངས་ཅན་མགྲིན་པར་ཆགས་པ་དཔལ་ལྡན་པཱ་ལ་ཤའི་དབྱུག་པ་འཆང་བའི་ཞབས་ཀྱི་རྗེས་སུ་འབྲང་བའི་ཚིག་རྒྱན་གྱི་དཔེར་བརྗོད་པ་ཅུང་ཟད་ཅིག་སྤྲོ་ན་གསུམ་སྟེ། ལེའུ་དང་པོ་ལས་བྱུང་བ་ཐུན་མོང་མ་ཡིན་པའི་རྒྱན་དང་། ལེའུ་བར་པར་ཐུན་མོང་པ་དོན་གྱི་རྒྱན་སོ་ལྔ་དང་། ལེའུ་ཐ་མར་སྒྲ་དང་གབ་ཚིག་གི་རྒྱན་སྐྱོན་བཅུ་སྤང་བ་དང་བཅས་པ་རྣམས་སོ། །དང་པོ་ལའང་ཤར་ལྷོའི་ལམ་སྲོལ་གྱི་ཡོན་ཏན་བཅུ་ལས། དང་པོ་སྦྱར་བའི་ཡོན་ཏན་ལ། ལ་ཡིག་ལ་བསྐོར་བའི་རྗེས་ཁྲིད་ཀྱི་བློས་གཽ་ཌཱ་བས་འདོད་པ། ལ་ལ་ཙམ་མིན་ལུས་ཅན་ཀུན། །ལམ་བདེན་ལུང་གིས་ལས་ཉོན་ལས། །ལེགས་སྲུང་ལམ་དང་ལམ་མིན་གྱི། །གདུང་བ་ལས་ཟློག་རྗེ་བླ་མ། །སྦྱོར་བ་ལྕི་བ་བེ་དརྦྷའི་འདོད་པ། གང་གིས་བསྐལ་མང་རྒྱ་མཚོ་རུ། །ཤས་ཆེར་གོམས་པའི་ཚོགས་གཉིས་ཀྱིས། །རབ་བསྐྲུན་མཚན་དཔེའི་ཕུང་པོ་ནི། །ངོ་མཚར་སྣང་བ་གསར་པས་སྒེག །གཉིས་པ་རབ་ཏུ་དྭངས་པའི་ཡོན་ཏན་ལ། བཻ་དརྦྷའི་འདོད་པ། ཐོས་པ་ཙམ་གྱིས་རྣ་བ་ལ། །ཀུན་དགའི་དགའ་སྟོན་དར་བབས་པ། །ཁྱོད་གསུང་ས་གསུམ་འགྲོ་བ་ཡི། །ངལ་འཚོའི་སླད་དུ་ཡུན་རིང་རྒྱུ། །གཽ་ཌཱ་བའི་འདོད་པ། ཚིག་གི་གཏེར་གྱུར་དོན་ལྡན་རོས། །འཁྱུད་པས་དཀར་མིན་ལས་བཅད་ནས། །དཔལ་དང་བདུད་རྩིའི་མཆོག་སྦྱིན་པ། །དམ་པའི་དབྱངས་ཀྱིས་ཕྱོགས་ཀུན་གཏམས། །གསུམ་པ་མཉམ་ཉིད་ཀྱི་ཡོན་ཏན་ལ། བཻ་དརྦྷའི་འདོད་པ། གཟོད་མ་ཉིད་ནས་རྣམ་དག་པའི། །འོད་གསལ་ལྷན་ཅིག་སྐྱེས་པའི་དབྱིངས། །སྒྲིབ་བྲལ་འབྲས་བུའི་ཁུར་ལྕི་བས། །ཀུན་དཀྲིས་རྒྱུར་བཅས་དྲུང་ནས་འབྱིན། །གཽ་ཌཱ་བའི་འདོད་པ། ཤིན་ཏུ་བརྩེ་བས་བརླན་པ་ཡི། །སྙིང་རྗེ་ཆེན་པོའི་ཟུར་མིག་གིས། །ཉེར་འཁྱུད་འགྲོ་ཀུན་ཐར་པའི་གྲོང་། འཁྲིད་པའི་གར་མཁན་ཁྱོད་དུ་བས། །བཞི་པ་སྙན་པའི་ཡོན་ཏན་ལ། བཻ་དརྦྷའི་འདོད་པ་ཚིག་མཚུངས་ཉེ་བའི་ཉམས། མ་སྨད་སྤོབས་པའི་དཔྱིད་དཔལ་ནི། །སྒྲ་དབྱངས་རྒྱ་མཚོའི་རྒྱུད་མང་ལ། །སྦྱར་བས་བློ་གྲོས་མཆོག་སྩོལ་ཕྱིར། །ཡང་ཡང་གྲགས་དཀར་ཡི་གེ་དགོད། །རྐང་པ་ལ་བསྐོར་བའི་རྗེས་ཁྲིད། རྒྱ་མཚོའི་འཇིང་ལྟར་དཔག་དཀའ་བའི། །རྒྱལ་བ་སྲས་བཅས་ལེགས་གསུང་དོན། །རྒྱས་པར་འཆད་པས་སྲིད་དང་ཞིའི། །རྒྱན་དུ་གྱུར་པའི་ངོ་མཚར་བཟུང་། །ཚིག་ལ་བསྐོར་བའི་རྗེས་ཁྲིད། ལུང་རིག་གིས་རེག་ཏམྦུ་རས། །རྩོད་ངག་རྩེར་འཛེགས་རྩེ་དགའ་ཡིས། །སྒྲིན་པོའི་བློ་ཡང་སྒྲིབ་པའི་སྒྲས། །ཕྱི་རྒོལ་ཕྱོགས་རྣམས་ཕྱི་ཕྱིར་ཁྲོས། །ཡི་གེ་རིང་པོར་བསྐོར་བའི་རྗེས་ཁྲིད། ཡིད་འཕྲོག་དོན་བཟང་མཁུར་ཚོས་སུ། །ཚིག་སྙན་ལི་ཁྲིའི་ཐིག་ལེ་ཡིས། །ཡོངས་སུ་བགོས་པའི་གཞུང་མང་པོ། །བརྩམས་པས་གཟུར་གནས་མཛའ་བོ་བཀུག །ཤར་པ་ཁོ་ནས་འདོད་པ། སྦྲང་རྩིའི་ཐིག་སྦྲེང་སྦྲང་རྩིའི་བུས། །སྦྲེལ་བའི་བནྡྷུའི་འཁྲིལ་ཤིང་བཞིན། །ཡོན་ཏན་རྒྱ་མཚོས་རབ་མཛེས་ཁྱོད། །བསྟོད་དོ་རྣམ་དཔྱོད་མཆོག་སྦྱིན་མཛོད། སྤང་བྱ་དོན་གྱི་གྲོང་པའི་ཚིག །ལང་ཚོ་རབ་རྒྱས་དགའ་མ་གང་། །མཐོང་བ་ཙམ་གྱིས་བཟོད་དཀའ་བའི། །འདོད་ཆགས་ཚེར་མས་གཟིར་བདག་ལ། །འཁྲིག་པའི་དགའ་སྟོན་མི་སྤྲོ་འམ། །སྤོང་བྱེད་ཀྱི་ཉམས་ཇི་ལྟར་སྦྱིན་པ། །གཏུམ་མོ་ཁྱོད་མིག་ཟུར་མདའ་ཡིས། །བཏབ་པས་ཡུན་རིང་མྱོས་བྱས་བདག །ངལ་གསོའི་མལ་དུ་བསླང་བའི་སླད། །ཀུན་དགའི་དུས་སྟོན་སྤྲོ་བར་འོས། །སྒྲའི་གྲོང་པ་ཚིག་གི་མཚམས་སྦྱོར་གྱིས་ཞུགས་པ། ངོ་མཚར་དམ་པའི་སྐྱེས་བུའི་རྟགས། །སྦོམ་པོར་གྱུར་པའི་གཞོན་ནུ་འདི། །ཤིན་ཏུ་ཡིད་འོང་བུ་མོ་མཚན། །བཟང་པོས་སྒེག་པའི་མཛའ་བོར་འོས། །ངག་ཚིག་གི་དོན་ལ་ཞུགས་པའི་གྲོང་པ། །ཨུཏྤལ་ཐིགས་པ་འཛག་པ་བཞིན། །རབ་མཛེས་མཚན་མ་དང་ལྡན་འགྲམ། །མེ་ཏོག་ཁ་འབྱེད་གསར་པ་ཡང་། །རྣ་རྒྱན་གྱི་ནི་ཟོལ་གྱིས་འོང་། །དམིགས་བསལ་སྐྱོན་མེད། རྨད་བྱུང་འཁོར་ལོའི་མཚན་མ་ཡིས། །སྒེག་པའི་འཇམ་མགོན་ཞབས་ཀྱི་རྡུལ། །རྡོ་རྗེའི་རེ་ཁཱ་ལ་འགོངས་པ། །འཇམ་མཉེན་པདྨའི་སྟན་ལ་བཀོད། །ལྔ་པ་ཤིན་ཏུ་གཞོན་པའི་ཡོན་ཏན་ལ། བཻ་དརྦྷའི་འདོད་པ། དབྱངས་ཀྱི་ཡན་ལག་རྒྱ་མཚོ་ཡིས། །འཁྱུད་པའི་ནོར་བུའི་རྒྱུད་མང་པོ། །སྙན་པར་བསྒྲེངས་པའི་ཚངས་སྲས་མ། །ཡིད་འོང་པདྨའི་ཚལ་དུ་སྒེག །གཽ་ཌཱ་བའི་འདོད་པ། གྲུ་འཛིན་རིར་དགྱེས་ཚེམས་དཀར་གྱི། །པུཎྜ་རཱི་ཀ་དར་བབས་པར། །མཁྱེན་གཏེར་འབྲས་ཁྱོད་འཁྲུངས་པའི་སྒྲས། །འགྲོ་མང་འཁྲུལ་པའི་གཉིད་ལས་བསྒྲལ། །དྲུག་པ་དོན་གསལ་གྱི་ཡོན་ཏན་ལ། ཤར་ལྷོ་དོན་མཐུན། །ངག་དབང་ལྷ་མོའི་ཞབས་པདྨོ། །ལྷར་བཅས་ཆེ་རྒུའི་ཟུར་ཕུད་ཀྱི། ཅོད་པན་རིན་ཆེན་འོད་འབར་བས། །རེག་པས་དམར་བའི་འཛུམ་ཟེར་འཕྲོ། །གཉིས་ཀས་སྐབས་འགར་འདོད་པ། རྒྱལ་ཡུམ་སཱ་ར་སྭ་ཏི་ཡི། །ཞབས་སེན་འཆར་ཀའི་འོད་རིས་ཅན། །ཕྱོགས་ཀྱི་བུ་མོའི་དད་གསུམ་གྱི། ཐོར་ཚུགས་ངལ་འཚོའི་སླད་དུ་རྒྱུ། །བདུན་པ་རྒྱ་ཆེ་བའི་ཡོན་ཏན་ལ། བཻ་དརྦྷའི་འདོད་པ། ཁྱོད་ཞབས་ཡིད་ཀྱི་ཆོ་ག་རུ། །ལན་གཅིག་ཙམ་ཞིག་བཀོད་པས་ཀྱང་། །སླན་ཆད་སྨྲ་མཁས་བྱེ་བ་ཡིས། །ཆོས་མཐུན་རྒོལ་བའི་སྤོབས་པ་ཟད། །གཽ་ཌཱ་པའི་འདོད་པ། ཨུཏྤལ་སྙེམས་དུད་པའི་མཚོར། །དལ་གྱིས་ཞུགས་པའི་སྒྲ་དབྱངས་ལྷ། །འཇམ་མཉེན་ཀཱ་ཤིའི་རེག་བྱ་དང་། །བཻཌཱུར་རྒྱན་མང་གཡོ་བས་མཛེས། །བརྒྱད་པ་བརྗིད་པའི་ཡོན་ཏན་ལ། གཽ་ཌཱ་བའི་འདོད་པ། ཡེ་ཤེས་རྨད་བྱུང་སྣང་བ་གསར། །སྙིང་རྗེ་ཆུ་སྐྱེས་དགོད་པ་དང་། །མཛའ་བ་རབ་རྒྱས་གྲགས་པ་མཆོག །མཐའ་ཀླས་གདུལ་བྱའི་རྣ་བར་བཀོད། །བཻ་དརྦྷའི་འདོད་པ། ཁྱོད་ཞལ་ཟླ་བ་གསར་པ་ལ། །ཟུར་མིག་རི་དྭགས་གཞོན་ནུ་ཡི། །འཇོ་སྒེག་ལྡན་པ་དེ་ཁོ་ན། །ཀུན་གྱི་ཡི་གར་གཅིག་ཏུ་འབབས། །དགུ་པ་མཛེས་པའི་ཡོན་ཏན་ལ། བཻ་དརྦྷའི་འདོད་པ་གཏམ་ལ་སྦྱར་བ། གང་ཞབས་བསོད་ནམས་བྱེ་བ་ཡིས། བསྐྲུན་པའི་རྡུལ་ཕྲེང་གིས་བཏབ་ཕྱིར། །ལྷོ་ཕྱོགས་རིག་འཛིན་དགའ་ཚལ་ཞེས། །བརྗོད་འདི་དོན་གྱི་སྙིང་པོས་ལྕི། །བསྔགས་པ་ལ་སྦྱར་བ། གནག་ཅིང་སྣུམ་པའི་དཔལ་ལྡན་པ། །དཀྱུས་རིང་སྤྱན་གྱི་ཟུར་མདའ་ཡིས། །ཡིད་བཞིན་འདོད་འཇོའི་རྣ་རྒྱན་ལས། །རིང་དུ་འགོངས་སོ་འཕགས་མ་ཀྱེ། །གཽ་ཌཱ་བའི་འདོད་པ་གཏམ་ལ་སྦྱར་བ། ཁྱོད་ཀྱི་རྨད་བྱུང་མཚན་དཔེའི་གཟིས། །མཚར་སྡུག་སྒྲུབ་པའི་པདྨོའི་རྫིང་། །རྡུལ་བྲལ་འོག་མིན་ཞིང་མཆོག་གི། །ངོ་མཚར་ལས་ཀྱང་ཆེས་ཆེར་བརྒལ། །བསྔགས་པར་སྦྱར་བ། མཉེན་ལྕུག་སོར་རྩེས་བསྣུན་པ་ཡི། །དབྱངས་བདུན་རྫོགས་པའི་རྒྱུད་མང་སྒྲ། །ཚངས་ཆེན་ཡིད་ཀྱིས་བཀོད་པ་ཡི། །ཕ་མཐའ་ནམ་ཡང་རྫོགས་མ་གྱུར། །བཅུ་པ་ཏིང་ངེ་འཛིན་གྱི་ཡོན་ཏན་ལ། སྤྱིར་བསྟན་པ། སྟེང་འཐུང་དཀར་པོས་ཉིན་མོའི་ཟེར། །བསྟེན་པས་མཆུ་སྒྲོས་ཟུམ་པ་དང་། །རབ་དྭངས་རྫིང་བུར་ཉེར་འཁྱུད་པའི། །ཡིད་བཟང་གཞོན་ནུའི་འཛུམ་བག་བྱེ། །བྱེ་བྲག་ཆོས་གཅིག་བཀོད་པ། ཟླ་ཤེལ་བསིལ་བས་སྐྱུགས་པ་ཡི། །སིམ་འོད་བཏུང་བའི་ཀུ་མུ་དཱས། །སྦྲང་རྩིའི་ཐིགས་པ་སྐྱུགས་པ་ནི། །སྤྲིན་གྱི་གྲུ་ཆར་སྐྱུགས་པ་བཞིན། །ཆོས་དུ་མ་བཀོད་པ། ཟེའུ་འབྲུའི་སོ་ཕྲེང་རབ་དགོད་པའི། །འབྲས་བུའི་ཁུར་ལྡན་འདམ་སྐྱེས་ཀྱི། །ཟིལ་མངར་ལེན་པའི་བུང་བའི་ཚོགས། །མྱོས་པའི་གླུ་དབྱངས་དར་དིར་སྒྲོགས། །འདིར་སྨྲས་པ། དངོས་དང་བཟློག་པའི་ལམ་སྲོལ་གཉིས་ཀྱི་བཞེད་གཞུང་སྣང་བའི་མུ་ཁྱུད་ཀྱིས། །ཡུན་རིང་དུས་ནས་ཅུང་ཟད་བཤེས་ལས་དཔེར་བརྗོད་ཨུཏྤལ་སར་པའི་འཛུམ། །ཅི་དགར་བྱེ་བའི་ངང་ཚུལ་འདི་ཡང་འཕགས་ཡུལ་མཁས་པའི་ལེགས་བཤད་ཀྱི། །རྗེས་སུ་འབྲངས་ཏེ་སྨྲས་པར་རློམ་ཕྱིར་བླུན་པོའི་ཡི་གེར་ཇི་ལྟར་འབབ། །དེ་ལས་བྱུང་བའི་དགེ་བ་ནི། ག་བུར་དོག་པ་ལ་འགོངས་པས། །འཁྲུལ་པའི་ཚ་གདུང་ཀུན་བསལ་ཏེ། །ཚིག་གི་ངལ་འཚོ་བསྟེན་པར་ཤོག །ཅེས་རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་ལས། ལམ་རྣམ་པར་ཕྱེ་བའི་སྐབས་ཏེ་དང་པོའོ།། །།བྱམ༷ས་པའི༷་བདུད་རྩིས་གཞར་ཡང་བཏང་མིན་སྙིང་རྗེ་ཆེན་པོའི་བརླན་ཆགས་པས། །ཆོས་འདུལ་ཁྲིམས་ཀྱི་གེ་སར་སྟུག་ལྡན་ཀུན༷་དག༷འི་མེ་ཏོག་འཛུམ་བཅས་འབར། །ཟུང་འཇུག་གྲུབ་པའི་སྙེ་མ་གཡུར་ཟ་ཡོངས་རྫོགས་བསྟན༷་འཛི༷ན་འཆི་མེད་ཚལ། །གཅིག་ཏུ་མཛེས་བྱེད་གྲགས་པ་དོན་ལྡན་དཔག་བསམ་དབང་པོས་དགེ་ལེགས་མཛོད། །སླར་ཡང་དོན་རྒྱན་ལས་བརྩམས་པའི། །དཔེར་བརྗོད་པུཎྜ་རཱི་ཀའི་ཕྲེང་། །རང་གཞན་མགྲིན་པའི་རྒྱན་གྱུར་སླད། །རྣམ་དཔྱོད་སོར་མོས་བསྟར་ལ་ཕྱོགས། །གཉིས་པ་ལེའུ་བར་པ་དོན་གྱི་རྒྱན་གྱི་ཡོངས་སུ་བཅད་པ་ལས་བྱུང་བའི་ཐུན་མོང་གི་རྒྱན་ལ་སུམ་ཅུ་རྩ་ལྔ་ལས། དང་པོ་རང་བཞིན་བརྗོད་པའི་མཚན་ཉིད་ནི། ཚིག་སྦྱོར་གང་ཞིག་དངོས་པོའི་གནས་ཚུལ་དེ་ཉིད་ཇི་ལྟ་བ་སྒྲོ་སྐུར་དང་བྲལ་བར་སྟོན་པའི་ངག་སྟེ། དབྱེ་ན་བཞི་ལས། དང་པོ་རིགས་ཀྱི་རང་བཞིན་བརྗོད་པ་ནི། མཐའ་ཀླས་ཚོགས་གཉིས་རབ་རྫོགས་ཤིང་། །ཡེ་ཤེས་དམ་པའི་ཕ་རོལ་སོན། །ཐབས་མཁས་ཕྲིན་ལས་རྨད་བྱུང་འདིས་སངས་རྒྱས་ཐམས་ཅད་ཀྱི་མཉམ་པའི་ཡོན་ཏན་གསུམ་བརྗོད་བྱར་བྱས་ནས་བསྔགས་པའོ། ། བ། །རྫོགས་སངས་རྒྱས་རྣམས་བསྔགས་འོས་ལྡན། །བྱ་བ་བརྗོད་པ། མཁྱེན་པས་ཤེས་བྱའི་མཐར་འགྲོ་ཞིང་། །བརྩེ་བས་ཁམས་གསུམ་ཡིད་ཅན་བཟུང་། །ནུས་པས་སྡེར་བཅས་བདུད་སྡེའི་དཔུང་། །ཕམ་མཛད་སྟོན་མཆོག་ཉི་མའི་གཉེན། །ཡོན་ཏན་བརྗོད་པ། །གང་གི་རྣམ་པར་ཐར་པ་ཡིས། །ཡིད་རབ་དྭངས་པའི་སྐལ་བཟང་ཀུན། །དད་པའི་སྤུ་ལང་གཡོ་དང་བཅས། །གུས་སྤྲོའི་བསྟོད་བསྔགས་བགྱིད་ལ་ཕྱོགས། རྫས་བརྗོད་པ། རབ་དཀར་མཚན་དཔེའི་མཚར་སྡུག་ཅན། །རྒྱལ་ཡུམ་རྡོ་རྗེ་དབྱངས་ལྷ་མོ། །བཻཌཱུར་རྒྱུད་མང་བརྡུང་བཞིན་དུ། །ལྷོ་ཕྱོགས་འོ་མཚོར་འཁྲུངས་བར་གྱུར། །གཉིས་པ་དཔེ་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་འདོད་པའི་དཔེ་ཅན་དེ་དང་ཚུལ་རྗེས་སུ་མཐུན་པའི་དཔེ་ཇི་ལྟར་འོས་པ་དག་བཀོད་པས་གསལ་བར་བྱས་པའི་ངག་སྟེ། དབྱེ་ན་སུམ་ཅུ་རྩ་གཉིས་ལས། དང་པོ་ཆོས་དཔེ་ནི། གནོད་གནས་དབང་པོ་ཁྱོད་ཉིད་ཀྱི། །རྨད་བྱུང་གཟུགས་སྐུའི་དཀྱིལ་འཁོར་ནི། །གསེར་གྱི་ས་འཛིན་ཉི་འོད་དང་། །འགྲོགས་པ་ཇི་བཞིན་ཀུན༷་ཏུ༷་བརྗིད༷། །དངོས་པོའི་དཔེ། སྒྲ་དབྱངས་ལྷ་མོའི་འཛུམ་ཞལ་མཆོག །རྙོག་བྲལ་སྟོན་ཟླ་ལྟ་བུ་སྟེ། །མཆུ་སྒྲོས་ཡིད་ཙམ་བྱེ་བ་ཡང་། །བིམྦའི་ནགས་ཚལ་རྗེས་སུ་སྙེགས། །བཟློག་པའི་དཔེ། སེང་གེའི་གདོང་ཅན་མཚན་དཔེ་ལྟར། །ཆུ་སྐྱེས་སྔོན་པོ་ཉེ་བར་རྒྱས། །གང་གི་སོར་མོའི་དོག་པ་དང་། །རྗེས་མཐུན་བུང་བའི་རྩེ་དགའ་གཡོ། །ཕན་ཚུན་དཔེ། ཚངས་པའི་སྲས་མོའི་རྒྱུད་མང་བཞིན། །འཇམ་མགོན་བླ་མའི་ལེགས་བཤད་སྙན། །སྒྲ་དབྱངས་ལྷ་མོའི་ཕང་འགྲོ་ཡང་། །གང་གི་གསུང་གསང་དཔེ་ཟླར་འོས། །ངེས་པའི་དཔེ། རྣམ་མང་འདོད་འཇོའི་ཚིག་རྒྱན་གཞུང་། །ནོར་བུའི་ཆུ་གཏེར་ཆེན་པོ་ཡི། །རྗེས་སུ་འགྲོ་མོད་དེ་ལས་གཞན། །དཔེར་འོས་སྲིད་པའི་ཁོངས་འདིར་མེད། །ངེས་མེད་དཔེ། རབ་དམར་རིག་བྱེད་དགའ་མའི་ཞལ། །རེ་ཞིག་བནྡྷུ་ཛཱེ་བ་ཀར། །རིགས་མཐུན་གཞན་ཡང་དེ་འདྲ་བའི། །དངོས་འགའ་སྲིད་ནའང་མཚུངས་པར་རྟོགས། །བསྡུས་པའི་དཔེ། མཁས་ཁྱོད་གཙུག་ལག་རྒྱ་མཚོའི་གཞུང་། །གཟིགས་པ་ཁོ་ནས་ངག་དབང་ལྷའི། །རྗེས་སུ་རྐང་པ་འཇོག་མིན་ཏེ། །གྲུབ་པའི་ཡོན་ཏན་འདིས་ཀྱང་ངོ་། །ཕུལ་བྱུང་དཔེ། གང་སྐུ་བསིལ་ལྡན་ལྗོངས་སུ་སྟེ། །ཡེ་ཤེས་མེ་ལོང་གྲུབ་པའི་ཞིང་། །གཞན་དུ་བསྔགས་འོས་སྤངས་རྟོགས་ལ། །ཁྱད་པར་འདི་ཞེས་དམིགས་སུ་མེད། །རབ་རྟོག་དཔེ། ངག་དབང་ལྷ་མོའི་འཛུམ་ཞལ་མདངས། །ང་ལ་ཡོད་ཅེས་ཟླ་ཤེལ་གསར། །སྙེམས་པར་མ་བྱེད་ཀུ་མུ་དཱའི། །དགའ་ཚལ་ལ་ཡང་དེ་ཡོད་ཕྱིར། །རྨད་བྱུང་དཔེ། སྤྲིན་བྲལ་རི་བོང་འཛིན་པ་ལ། །མཚན་དཔེའི་མཚར་སྡུག་རབ་རྫོགས་ཤིང་། །མཉན་འོས་ལེགས་བཤད་སྩལ་མཁས་ན། །མིག་མི་འཛུམ་པའི་སྤུན་ཟླར་འོས། །རྨོངས་པའི་དཔེ། རྗེ་བཙུན་བླ་མའི་གཞན་ཕན་གྱི། །ཕྲིན་ལས་སྙིང་རྗེའི་ལྷ་རུ་འཁྲུལ། །སླར་ཡང་འཕགས་པའི་ལེགས་མཛད་ནི། །རྣམ་འདྲེན་གང་གི་སྤྱོད་པར་རྟོགས། །ཐེ་ཚོམ་དཔེ། ཅི་འདིས་ཡི་གདུ་བུའི་ཁྲོད། །རཿཡིག་གཉིས་པ་གཡོ་བ་འམ། །ཚངས་པའི་སྲས་མོའི་འཛུམ་ཞལ་ལ། །སྤྱན་ཟུང་རྣམ་པར་འཕྲུལ་པ་གང་། །གཏན་ཕེབས་དཔེ། འོན་ཀྱང་འཁོར་འདས་ལམ་གྱི་ཆོས། །རྒྱན་གསུམ་ངག་གིས་དྲངས་པའི་ཕྱིར། །སྟེང་འཐུང་དཀར་པོ་ཉིད་མིན་ཏེ། །དེས་ནི་སྙན་པར་སྨྲ་ནུས་སམ། །སྦྱར་བའི་དཔེ། རབ་དཀར་མགྲིན་པའི་དབྱངས་སྙན་ལྡན། །ཡིད་འོང་པདྨའི་རྫིང་བུ་རུ། །དལ་གྱིས་རྩེ་བའི་མཚོ་བྱུང་མ། །རཱ་ཛ་ཧཾ་ས། དང་བའི་རྒྱལ་པོ། ཉིད་དང་མཚུངས། །མཉམ་ཉིད་དཔེ། ཏམྦུ་ར་ཡི་ཆུང་མ་འདི། །པདྨ་ཅན་བཞིན་ཁྱབ་འཇུག་ཆུང་མ་དཔལ་མོ། ཡིད་འོང་ཞིང་། །ལུས་ཅན་སླུ་བར་བྱེད་མ་ལགས། །དེ་སླད་དོན་འབྲས་བྲལ་མ༷་ཡིན། །འདི་ཡང་། རྣལ་འབྱོར་མ་འདི་ལག་བརྐྱངས་བཞིན། །བྱ་བ་བྲལ་ཞིང་ནོར་མེད་པའི། །ལམ་ལ་ཞུགས་པ་ཕན་བདེའི་ཆོས། །ཕྲ་མོ་ཙམ་ཡང་འཛིན་མ་ལགས། །འདིར་རྣལ་འབྱོར་མ་ཞིག་དང་སྤྲང་པོ་ཞིག་སྦྱར་བ་སྟེ། དེ་ཡང་དང་པོ་ལྟར་ན་བྱ་བ་བྲལ་བ་གཉིས་ཀའི་ཆོས་ཐུན་མོང་དང་། དམིགས་བསལ་ཐར་ལམ་ནོར་བ་མེད་པ་ལ་ཞུགས་པས་གནས་སྐབས་ཕན་པ་དང་མཐར་ཐུག་བདེ་བའི་ཆོས་ཕྲ་ཞིང་ཕྲ་མོ་ཙམ་ཡང་འཛིན་པར་ནུས་མ་ལགས་སོ། །ཞེས་པ་དང་། ཕྱི་མ་ལྟར་ན་ནོར་མེད་པའི་དབུལ་པོའི་ལམ་དུ་ཞུགས་པས་འདི་དང་། ཕྱི་མའི་ཕན་བདེའི་ཆོས་ཕྲ་མོ་ཙམ་ཞིག་ཀྱང་འཛིན་པར་ནུས་པ་མ་ལགས་སོ། །ཞེས་གཅོད་མཚམས་ཐ་དད་པ་གཉིས་ཀྱིས་སྟོན་པའོ། །སྨད་པའི་དཔེ། ཟླ་ཤེལ་བསིལ་ཡང་ར་རིས་འཁྱུད། །ཉིན་བྱེད་གསལ་མོད་གདུང་བའི་ཕྱིར། །ཚུལ་དེས་མགོན་པོ་ཁྱོད་ཉིད་ཀྱི། །མཁྱེན་རབ་སྣང་བར་གཞལ་ནུས་མིན། །བསྔགས་དཔེ། ཡོངས་འདུ་ས་བརྟོལ་འདོད་དགུའི་དཔྱིད། །རྒྱ་མཚོ་རིན་ཆེན་དུ་མའི་མཛོད། །དེ་དག་ཉིད་དང་དམ་པ་གང་། །མཐའ་ཀླས་ཡོན་ཏན་ཕུང་པོ་མཉམ། །བརྗོད་འདོད་དཔེ། བདུད་རྩིའི་སྙིང་པོས་ལྕི་བ་འམ། །རྙོགས་པའི་མཚན་མས་བསླད་ཀྱང་རུང་། །དབྱངས་ཅན་ཁྱོད་ཞལ་ཟླ་ཤེལ་དང་། །མཚུངས་ཞེས་བརྗོད་འདོད་ཡིད་ལ་བརྣགས། །འགལ་བའི་དཔེ། འཇམ་དཔལ་མགོན་དང་འཕགས་མཆོག་ཀླུ། །འཁོན་རིགས་པཎ་ཆེན་ཀུན་དགའི་མཚན། །གཅིག་ཀྱང་རྣམ་པ་ཙམ་ཉིད་དུ། །ཕན་ཚུན་འགལ་བ་ཉིད་དུ་དྲན། །དགག་པའི་དཔེ། དུག་ཅན་བསྟི་གནས་ལས་འཐོན་ཅིང་། །རྣམ་པར་དཔྱོད་པའི་མཐུས་དབེན་ཕྱིར། །མནྡཱ་ར་ཡིས་ཁྱོད་ཞབས་ལ། །ཅུང་ཟད་ཙམ་ཡང་འགྲན་ནུས་མིན། །མཛེས་པའི་དཔེ། འཕགས་མཆོག་སྤྱན་སྟོང་འཇོ་སྒེག་དང་། །གང་ཉིད་འདྲེན་བྱེད་ཟུང་ལྡན་ཡང་། །མཐའ་ཀླས་འགྲོ་ལ་དུས་གསུམ་དུ། །གཟིགས་པའི་ཚུལ་ལ་མཚུངས་པ་ཉིད། །དེ་ཉིད་བརྗོད་དཔེ། འདི་ནི་ག་པུར་འཛིན་པའི་གཟུགས། །མ་ཡིན་ཕྱག་ན་པདྨོ་སྟེ། །རི་དྭགས་གཞོན་ནུའི་རི་མོ་ཡིས། །འཁྱུད་མིན་མཚན་དཔེའི་མཚར་སྡུག་གོ། ཐུན་མོང་མིན་པའི་དཔེ། །ཉིད་བྱེད་བྱེ་བའི་གཟི་བྱིན་ལས། །རིང་འདས་འཆི་མེད་མགོན་ཁྱོད་ཀྱི། །དཔེ་ཟླར་འོས་པ་རང་ཉིད་ལས། །གཞན་དུ་སྲིད་འདིར་རྙེད་མ་ལགས། །བྱུང་མིན་དཔེ། པུཎྜ་རཱི་ཀའི་སྙིང་པོ་ཀུན། །བྱེད་པོས་གཅིག་ཏུ་བསྡུས་པ་ལྟར། །ཡིད་འཕྲོག་མཚར་སྡུག་རྫོགས་པའི་དཔྱིད། །མི་ཟད་ཚིག་གཏེར་སྒྲ་དབྱངས་ལྷ། །སྲིད་མིན་དཔེ། ཉིན་བྱེད་ལས་བྱུང་བསིལ་བ་དང་། །ག་བུར་ཐིགས་པས་ཚ་གདུང་བཞིན། །རྣམ་འདྲེན་གང་གི་མཛད་བཟང་ལ། །ཚུལ་མིན་འབྱུང་བ་ཅང་སྲིད་དམ། །མང་བའི་དཔེ། མཚམས་སྤྲིན་གུར་གུམ་དགའ་ཚལ་དང་། །སིནྡྷུ་ཝཱ་རའི་ཕུང་པོ་ལྟར། །དམར་སེར་མཚན་དཔེའི་ལང་ཚོ་ཅན། །བློ་གྲོས་མཆོག་སྦྱིན་འཇམ་པའི་དཔལ། །རྣམ་འགྱུར་དཔེ། །མཁས་དབང་གང་གི་ལེགས་བཤད་གཏམ། །དབྱངས་ཀྱི་རྒྱལ་མོའི་རྒྱུད་མང་དང་། །ཡེ་ཤེས་མེ་ལོང་འཆར་བ་ཡི། །གསུང་གི་གསང་བ་ལས་བླངས་བཞིན། །ཕྲེང་བའི་དཔེ། ཟླ་བའི་ཟེར་བཞིན་དེ་ཡིས་ཀྱང་། །ཆུ་གཏེར་རྒྱས་བཞིན་དེའི་མཐུ་ཡིས། །རིན་ཆེན་རླབས་མང་འཕེན་པ་བཞིན། །འཇམ་མགོན་བླ་མས་ཐུབ་བསྟན་སྤེལ། །ངག་དོན་ལས་བཞིན་སྒྲ་གཅིག་པའི་དཔེ། གང་ཐུགས་ཟབ་གསལ་གཉིས་མེད་ཀློང་། །མཁྱེན་གཉིས་སྤོབས་པའི་གཏེར་གྲོལ་བ། །རྡུལ་བྲལ་སྟོན་གནམ་དག་པའི་འགྲམ། །ཉི་གཞོན་འཆར་ཀས་མཚོན་བཞིན་མཛེས། །བཞིན་སྒྲ་དུ་མ་ཅན། རྟ་ལྗང་ཅན་བཞིན་ཁྱོད་ཞལ་ལས། །འཛུམ་ཟེར་ཇི་བཞིན་སྡེ་སྣོད་བཅུད། །རབ་མཛེས་པདྨོ་ཇི་བཞིན་དུ། །བདག་གིས་འཐུང་ཞིང་འཐུང་ཞིང་སྙེགས། །ཟླ་བོ་དངོས་པོའི་དཔེ། ཕྱོགས་འདིར་མཁས་མཆོག་མང་བྱོན་ཀྱང་། །ད་ལྟ་གང་དང་མཚུངས་པ་སུ། །མཁའ་ལ་རྒྱུ་སྐར་གྲངས་མང་ཡང་། །མུན་སེལ་ཉི་མ་ལས་གཞན་དབེན། །མཚུངས་སྦྱོར་དཔེ། རྡོ་རྗེ་འཆང་ཆེན་འོག་མིན་གནས། །མགོན་ཁྱོད་ཨེ་ཝཾ་འདུས་གྲར་བཞུགས། །དེས་ནི་རྒྱུན་མཐའི་བྱང་སེམས་དང་། ཁྱོད་ཀྱིས་སྐལ་བཟང་སློབ་ཚོགས་སྐྱོང་། །རྒྱུ་ཡི་དཔེ། གང་སྐུ་མཛེས་པས་ཟླ་གཞོན་དང་། །གསུང་གསང་སྙན་པས་དྲི་ཟའི་གླུ། །ཐུགས་ནི་ཟབ་ཅིང་རྒྱ་ཆེ་བས། །འཆི་མེད་ལམ་གྱི་ཕང་པར་འཛེགས། །དཔེའི་སྐྱོན་སེལ་ལས་རྟགས་ཐ་དད་ཀྱང་སྐྱོན་མེད་པ། སྨྲ་མཁས་ཁྱོད་ཀྱི་ཚིག་སྦྱོར་ནི། །ཚངས་པའི་སྲས་མོའི་ངག་ལྟར་སྙན། །མཚོ་བྱུང་སྒེག་མོའི་བློ་མཆོག་ཀྱང་། །འཇམ་དཔལ་གཞོན་ནུའི་རྗེས་སུ་བྱེད། །ཚིག་ཐ་དད་ཀྱང་སྐྱོན་མེད་པ། གང་གི་ཕྲིན་ལས་གཅིག་པུ་ཡིས། །རྒྱལ་ཀུན་ཐུགས་རྗེའི་ནུས་པ་འཇུག །མཐའ་ཀླས་སྤོབས་པའི་རོལ་སྒེག་ཀྱང་། །སྤྲིན་བྲལ་ནམ་མཁའི་ཐིག་ལེར་མཚུངས། །དཔེ་དོན་མཆོག་དམན་གྱུར་ཡང་སྐྱོན་མེད་པ། གཙུག་ལག་གཞུང་བརྒྱར་གཟིགས་ཁྱོད་བཞིན། །འཇམ་མགོན་དྲི་མེད་མཁྱེན་པ་རྒྱས། །སྲིད་པར་འཁྲུངས་ཀྱང་སྲིད་པའི་དྲིས། །གོས་མིན་འདམ་སྐྱེས་པདྨོས་མཚོན། །དེ་རྣམས་ཀྱང་སྦྱོར་མ་ཤེས་ན་སྐབས་འགར་སྐྱོན་དུ་འགྱུར་པ། གྲོང་ཁྱེར་མ་ལྟར་ཐབས་མཁས་ཀྱི། །སྤྱོད་པ་རྒྱུ་སྐར་ཚོགས་བཞིན་མཛེས། །མེ་ཁྱེར་ལྟ་བུའི་ལུང་རིག་གི། །སྣང་བས་ཚངས་པའི་བློ་ཡང་འགོགས། །བར་འདིར་མཚུངས་པ་གསལ་བྱེད་ཀྱི་སྒྲ་དྲུག་ཅུ་རྩ་ལྔ་དང་སྦྱོར་བའི་དཔེར་བརྗོད་པ་ལོགས་སུ་བྲིས་པ་ལས་རྟོགས་པར་བྱའོ། །གསུམ་པ་གཟུགས་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དཔེ་དང་དཔེ་ཅན་ཐ་དད་དུ་མ་བྱས་པ་དོན་དེ་ཉིད་དཔེའི་གཟུགས་སུ་བཀོད་པའི་ངག་སྟེ། དབྱེ་ན་ཉི་ཤུ་ལས། དང་པོ་བསྡུས་པའི་གཟུགས་ཅན། ཚོགས་གཉིས་ཆུ་གཏེར་གཏིང་ཡངས་པོར། །རྨད་བྱུང་གཟུགས་སྐུ་དཔག་བསམ་དབང་། །གཞན་ཕན་གྲིབ་བསིལ་སྟུག་ལྡན་པ། །འགྲོ་ཀུན་ངལ་འཚོར་འཁྲུངས་དེར་བསྔགས། །མ་བསྡུས་པའི་གཟུགས་ཅན། མཁྱེན་པའི་ཨུཏྤལ་རྒྱས་གྱུར་ཁྲོད། །བྱམས་བརྩེའི་ཟིལ་མངར་རྟག་པར་འབབ། །ནུས་མཐུའི་དྲི་བསུང་རིང་སྤྲོ་བས། །འདི་ན་ཀུན་དགའི་དཔྱིད་དུ་དར། །བསྡུས་ཤིང་མ་བསྡུས་པའི། མང་ཐོས་ལོ་འདབ་རབ་གཡོ་ཞིང་། །བསམ་བྱུང་རིག་ལམ་མེ་ཏོག་འབར། །སྒོམ་སྤངས་འཕགས་པའི་འབྲས་བུར་བཅས། །ཐམས་ཅད་གཟིགས་པའི་ཚལ་དུ་མཛེས། །མཐའ་དག་གཟུགས་ཅན། ཕྲ་ལྡེམ་མཛེས་སྐུའི་ཆུ་བ་ལ། །འཛུམ་ཞལ་པདྨོ་མངོན་པར་གཡོ། །སྤྱན་རས་བུང་པའི་འཕུར་ལྡིང་ཅན། །མཚོ་བྱུང་དཔག་བསམ་འདི་ན་འཁྲུངས། །ཆ་ཤས་གཟུགས་ཅན། གཙུག་ལག་གཞུང་བརྒྱ་སྨྲ་ཁྱོད་ཀྱི། །མཆུ་སྒྲོས་བིམྦའི་སྙིང་པོ་ལས། །ལེགས་བཤད་བཅུད་བཟང་སྦྱིན་པ་ཡིས། །གཟུར་གནས་ཡི་གར་སིམ་པ་སྟེར། །ཆ་ཤས་ཅན་གཟུགས། གང་གི་མཁྱེན་དཔྱོད་ཆུ་གཏེར་ཆེར། །རྣམ་མང་ཕྱི་ནང་རིག་པའི་གཞུང་། །ཕ་མཐའ་ཡས་པ་འཛིན་བཟོད་པའི། །གྲགས་སྙན་ཁོར་ཡུག་ཀུན་ཏུ་ཁྱབ། ཡན་ལག་གཅིག་གཟུགས། འདྲེན་མཆོག་ཁྱོད་ཞབས་ནོར་བུའི་ཏོག །ཚངས་སོགས་ཆེ་རྒུ་ཐམས་ཅད་ཀྱི། །འདར་ལྡན་ཐོར་ཚུགས་གཡོ་བ་ཡིས། །མངོན་པར་བསྟེན་པའི་ངང་ཚུལ་འཛིན། །སོགས་ཁོངས་ནས་བྱུང་བ་གཉིས་གཟུགས། རྗེ་བཙུན་མྱུར་མ་དཔའ་མོ་ཡི། །སྐྱོད་བྱེད་ཡལ་ག་རིང་བརྐྱངས་པར། །སྐྱབས་སྦྱིན་ཕྱག་རྒྱའི་པདྨོའི་ཚལ། །ཡིད་འཕྲོག་མིག་གི་དཔྱིད་དུ་སྒེག །གསུམ་གཟུགས། ཁྱོད་ཐུགས་འཆི་མེད་རྫིང་རིང་དུ། །མཁྱེན་གཉིས་ཟླ་ཤེལ་ཆ་རྫོགས་ཤིང་། །གཞན་ཕན་ཕྲིན་ལས་སིམ་འོད་འབུམ། །སྤྲོ་བའི་ཚུལ་དེར་སུ་མི་གུས། །ལྡན་གཟུགས། འཕགས་མ་ཡིད་བཞིན་འཁོར་ལོ་ཡི། །ཐུགས་རྗེའི་ཀཏྤུར་དབང་པོ་ལས། །འཆི་མེད་བདུད་རྩིའི་ཟེར་སྤྲོ་བས། །ཚེ་དཔལ་འབྱོར་པའི་ཀུ་མུད་རྒྱས། །ལྡན་མིན་གཟུགས། འཇིགས་བྲལ་དཔལ་ལྡན་བིརཱུ་པས། །བརྟུལ་ཞུགས་གྲུབ་པའི་བྱིན་ཟ་ཡིས། །སྐལ་བཟང་སྙིང་ལ་ཀུན་དགའི་རོ། །སྦྱིན་པའི་ཆོ་ག་ཅིར་ཡང་དར། །མི་མཉམ་པའི་གཟུགས། རིག་བྱེད་ཌཱ་ཀིའི་འཛུམ་ཞལ་གྱི། །སྨིན་འཁྱོགས་བུང་པའི་ཟློས་གར་དང་། །ཟུར་མིག་མཚམས་སྤྲིན་གསར་བའི་མདས། །ཁམས་གསུམ་འགྲོ་བའི་ཡིད་དབང་ཕྲོགས། །ཁྱད་འཕགས་གཟུགས། འཕགས་པའི་ཞབས་སེན་ཏོང་ཀུན་གྱི། །ས་སྤྱོད་ཆུ་གོས་རྩེར་བཀོད་པས། །བསིལ་ལྡན་དོགས་བྲལ་ཙཱི་ནའི་ལྗོངས། །དགའ་སྙོན་རྒྱལ་མཚན་ཛ་ཡནྟུ། །འདིར་འཕགས་པ་རིན་པོ་ཆེ་དང་རྒྱལ་བུ་གོ་དན་མཆོད་ཡོན་ལ་སྦྱར་བ་སྟེ་རྣམ་པ་གསལ་ལོ། །འགལ་གཟུགས། རིན་ཆེན་འབྱུང་གནས་མ་བསྲུབས་ཤིང་། །ལེགས་བྲིས་ཚལ་དུའང་འཁྲུངས་མིན་པའི། །མི་བདག་ཁྱོད་ཚུལ་དཔག་བསམ་གྱིས། །བདག་སོགས་དབུལ་བའི་གདུང་བ་བསལ། །རྒྱུའི་གཟུགས། གང་ཐུགས་བསམ་སྤྱོད་ཕ་མཐའ་ཡས། །བརྒལ་བས་འཆི་མེད་རྫིང་རིང་སྟེ། །བློ་གྲོས་སྣང་བས་ཉིན་བྱེད་དང་། །འདོད་འབྱུང་བསམ་འཕེལ་དབང་པོའང་ལགས། །སྦྱར་གཟུགས། རྣམ་འདྲེན་གང་ཞབས་ཆུ་སྐྱེས་ཚལ། །རཱ་ཛ་མིའི་རྒྱལ་པོ་དང་ངང་པའི་རྒྱལ་པོ་སྒྲ་སྦྱར། ཧཾ་ས་ལ་སོགས་ཀྱིས། །བསྟེན་བཞིན་ལྷར་བཅས་འགྲོ་བའི་ཡིད། །གཅིག་ཆར་འཕྲོགས་དོན་སྦྱར། པར་བྱེད་ལ་དབང་། །དཔེ་གཟུགས། ཧེ་རུ་ཀཿདཔལ་ནག་པོ་ཆེའི། དམར་ཟླུམ་སྤྱན་རས་ཉིན་མོར་བྱེད། །ཐུན་མཚམས་སྤྲིན་གྱིས་སྒེག་པ་ཡི། །ཤར་གྱི་ཐིག་ལེར་ལྷག་པར་འགྲན། །བཟློག་གཟུགས། ངང་མོའི་ཚོགས་ཀྱིས་ས་རྫིང་དང་། །བདག་གིས་ཁྱོད་ཞབས་པད་རྫིང་བསྙེན། །དེ་ནི་རྫབ་ཀྱིས་དཀྲིགས་པ་སྟེ། །འདི་ནི་རབ་དྭངས་ཀུན་དགའི་དཔྱིད། །འགོག་གཟུགས། རྣམ་འདྲེན་ཟས་གཙང་སྲས་པོ་ཡི། །ཐུགས་རྗེ་བདུད་རྩིའི་ཟེགས་མ་ཡིས། །ཡིད་སྲུབས་དཔུང་ཚོགས་མྱོས་བགྱིད་ཕྱིར། །བདེ་འབྱུང་དངོས་པོར་ཅི་ཕྱིར་རྟོགས། །མཉམ་འཇོག་གཟུགས། འཇམ་མགོན་མཁྱེན་པའི་ཉི་གཞོན་གྱིས། །ཁོ་བོ་བློ་གྲོས་སིམ་སྟེར་བ། །གང་གི་བྱིན་རླབས་ཁོ་ནའི་མཐུ། །མ་ལགས་བདག་རང་སྐལ་བས་ཀྱང་། །གཟུགས་ཅན་གྱི་གཟུགས་ཅན། ཚུལ་ཁྲིམས་ནམ་མཁའི་བུ་མོའི་འགྲམ། །ཏིང་འཛིན་ཉི་ཟླའི་རྣ་རྒྱན་དང་། །འགྲོགས་པའི་ཤེས་རབ་འོད་འཛུམ་པས། །དཔྱོད་ལྡན་ཚོགས་ཀྱི་ཡིད་དབང་འཕྲོག །བསྙོན་དོར་གཟུགས། གང་སྐུ་མ་ལགས་དཔལ་གྱི་དུམ། །གསུང་མིན་དབྱངས་ཅན་ཏམྦུ་ར། །ཁྱོད་ཐུགས་མ་ལགས་རྒྱལ་ཀུན་གྱི། །ཡེ་ཤེས་ཕུང་པོ་ཉིད་དུ་ངེས། །བཞི་པ་གསལ་བྱེད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་རིགས་ལ་སོགས་པའི་སྒྲ་རྐང་བཞིའི་གནས་གང་རུང་དུ་ཡོད་པ་ངེས་ཚིག་གཞན་རྣམས་ཐམས་ཅད་གསལ་བར་བྱེད་པའི་ངག་སྟེ། དབྱེ་ན་བཅུ་དྲུག་ལས། དང་པོ་རིགས་བརྗོད་པ་ཐོག་མའི་གསལ་བྱེད་ནི། སྲས་བཅས་རྒྱལ་བས་ཐབས་མཁས་ཀྱི། །སྤྱོད་ཡུལ་ཉམས་པ་མེད་པ་ཡིས། །འགྲོ་ལ་ཕན་བདེ་རབ་སྒྲུབ་པའི། །དམ་བཅའི་རི་མོ་སྙིང་ལ་བཀོད། །བྱ་བ་ཐོག་གསལ། མཛེས་པར་བྱས་སོ་ཨུཏྤལ་ནགས། །རྐང་པ་དྲུག་པའི་མགྲིན་གླུས་ཏེ། །སྐལ་བཟང་སློབ་མའི་འཁོར་ཚོགས་ཀྱང་། །ཁྱོད་ཀྱི་ལེགས་པར་བཤད་པས་སོ། །ཡོན་ཏན་ཐོག་གསལ། དམར་སེར་ཉིད་དོ་དགའ་བའི་ཚལ། །གུར་གུམ་རྒྱས་པའི་འཇོ་སྒེག་དང་། །ཨེ་ཝཾ་ཆོས་ལྡན་འདུས་པའི་གྲྭ། །རིག་གྲོལ་ངུར་སྨྲིག་འཛིན་པས་ཀྱང་། །རྫས་ཐོག་གསལ། རི་བོང་འཛིན་པས་གོ་ལའི་ལམ། །བགྲོད་ནས་ལུས་ཅན་ཚ་གདུང་ཀུན། །སིམ་འོད་ཟག་པས་རབ་བཅོམ་སྟེ། །ཕུན་ཚོགས་ཀུན་དགའི་སྣང་བ་འབར། །རིགས་བར་གསལ། སྡུག་བསྔལ་གསུམ་གྱིས་མནར་བ་ཡི། །སྲིད་པའི་ཁམས་ལ་རྗེས་བརྩེ་བའི། །འཕ༷གས་པ༷་མཆོ༷ག་རྣམས་མཛད་པ་ཡིས། །ནམ་ཡང་སེམས་ཅན་བསླུ་མི་སྲིད། །བྱ་བ་བར་གསལ། དབེན་པའི་ཚལ་འདི་ཐར་འདོད་ཀྱི། །སྙིང་ལ་ཡིད་འོང་གྲོག༷ས་སུ་འགྱུར༷། རི་དྭགས་གཞོན་ནུའི་ཚོགས་རྣམས་ཀྱང་། །རྩེ་བའི་གཉེན་འཁོར་ཚུལ་དུའོ། །ཡོན་ཏན་བར་གསལ། འབྲས་ལྡན་དུས་ཀྱི་མཁའ་དབྱིངས་སུ། །ཤར་བའི་རྡུལ་གྱི་ཐིག་ལེའི་གཟུགས། །ར༷བ་དཀར༷་ཉིད་དོ་ལྷོ་ཕྱོགས་མཚོར། །ཚངས་པའི་བུ་མོའི་མཚན་དཔེ་ཡང་། །རྫས་བར་གསལ། བྱིས་པའི་ཚོགས་ཀྱི་མགུལ་རྒྱན་དང་། །སྦྲང་རྩིའི་བུ་ཡི་ཁམ་ཟས་ཀྱང་། །ཨུ༷ཏྤལ༷་སྟེ་རྟེན་གསུམ་ཕྲེང་། །མཆོད་པའི་ཉེར་སྤྱོད་དག་ལ་ཡང་། །འདི་ཡང་། །མཚོ་བྱུང་མཛེས་པའི་ཕྱག་སོར་གྱིས། །དལ་གྱིས་བསྐུལ་བའི་ཏམྦུ་ར༷ར། །དབྱངས་ཀྱི་ཡན་ལག་རྒྱ་མཚོ་ཡི། །སྙན་འགྱུར་ཟད་མི་ཤེས་པས་འཁྱུད། །རིགས་མཐའ་གསལ། ལ་ལ་ནགས་ཀྱི་ལྗོངས་སུ་སྟེ། །འགའ་ཞིག་བར་སྣང་ཡངས་པོར་འཁོར། །ཕལ་ཆེར་པདྨའི་རྫིང་བུ་རུ། །དགའ་བས་རྩེན་པ་འད༷བ་ཆགས་ཚོགས། །བྱ་བ་མཐའ་གསལ། ལེགས་བྲིས་ལྗོན་པས་འདོད་རྒྱུ་དང་། །སྤྲིན་དུས་ཆར་གྱི་མེ་ཏོག་སྟེ། །རྣམ་འདྲེན་འཇམ་མགོན་བླ་མ་ལས། །བདག་སོགས་བློ་གྲོས་འཕེ༷ལ་བར༷་བྱས༷། །ཡོན་ཏན་མཐའ་གསལ། ཐུན་མཚམས་སྤྲིན་གྱིས་མེ་ཞལ་ལམ། །བནྡྷུ་ཛཱི་བས་ས་གཞིའི་ཁྱོན། །འཕགས་ཚོགས་འདུས་པའི་ངུར་སྨྲིག་གི། །འོད་ཀྱིས་ཕྱོགས་རྣམ༷ས་ཀུན༷་ཏུ༷་དམ༷ར། །རྫས་མཐའ་གསལ། གང་ཞིག་ཁྱོད་ཞབས་ལ་རེག་པས། །ཚུལ་མིན་རྒུད་པ་ཀུན་བསྲུངས་ནས། །ཕུན་ཚོགས་གྲུབ་པའི་དཔལ་སྦྱིན་པ། །བདུད་སྡེའི་གཤེད་མ་སྟག༷་ཞོན༷་ཆེ། །ཕྲེང་བའི་གསལ་བྱེད། དབྱངས་ཅན་ཐུགས་རྗེས་བདག་གི་བློ། །རྒྱས་ཤིང་དེ་ཡིས་ཚིག་རྒྱན་གཞུང་། །འཛིན་བཟོད་དེས་ཀྱང་སྙན་ངག་གླུར། །འཇོ་བས་དཔྱོད་ལྡན་དགའ་སྟོན་དར། །འགལ་དོན་གསལ་བྱེད། རྒྱལ་ཡུམ་རྡོ་རྗེ་རྣལ་འབྱོར་མའི། །བྱིན་རླབས་སྙིང་དབུས་འཕོས་མ་ཐག །འདོད་ལ་སྲེད་པ་རིང་བཅད་ནས། །གཞན་ཕྱིར་རྗེས་ཆགས་འཇུག་པ་འཕེལ། །དོན་གཅིག་གསལ་བྱེད། སྨྲ་མཁས་ཕྱོགས་ལས་རྣམ་རྒྱལ་བ། །འཁོན་རིགས་མཧཱ་པཎྜི་ཏས། །ཆོས་དོན་ངེས་ཚིག་སྤོབས་པའི་མཐུས། །ཆེར་རློམ་ཚོགས་རྣམས་ཁེངས་པ་འཕྲོག །འདི་ཡང་། རྣམ་འདྲེན་ཁྱོད་ཀྱི་མཁྱེན་རབ་ཀྱིས། །ཤེས་བྱའི་གནས་ཀུན་ཇི་བཞིན་གཟིགས། །ཉོན་མོངས་ཚོགས་རྣམས་ཡོངས་སུ་བཅོམ། །དེང་ཡང་བདག་ཅག་རྨོངས་པ་འཕྲོག །སྦྱར་བའི་གསལ་བྱེད། ཡིད་འོང་དཀར་མཛེས་མིག་གི་དཔྱིད། །དབྱངས་སྙན་རྣ་བའི་བཅུད་ལེན་ཅན། །ཚངས་སྲས་རིག་འཛིན་དགའ་ཚལ་དང་། །མལླི་ཀཀྵ་པད་མཚོར་སྒེག །ལྔ་པ་བསྐོར་བ་ཅན་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་གསལ་བྱེད་ཀྱི་གནས་ཐོག་མཐའ་བར་གསུམ་དུ་བརྗོད་བྱ་རྗོད་བྱེད་གཉིས་ཅི་ལྟར་རིགས་པ་ཟློས་པས་དོན་སྟོན་པར་བྱེད་པའི་ངག་སྟེ། དབྱེ་ན་གསུམ་ལས། དང་པོ་དོན་བསྐོར། དཔྱིད་ཀྱི་དཔལ་མོས་ཨུཏྤལ་དང་། །ཟླ་ཤེལ་བསིལ་བས་ས་སྦྱིན་དགོད། །ནམ་མཁའི་ནོར་བུས་རེག་པ་ཡིས། །མཚམས་ཀྱི་སྤྲིན་པའི་མེ་ཏོག་རྒྱས། །ཚིག་བསྐོར། ཁྱོད་སྐུ་བསོད་ནམས་བརྒྱ་ཡིས་མཚན། །སྐལ་དམན་རྣམས་ཀྱིས་མཇལ་མཐོང་བར་དཀའ། བར་དཀའ། །གང་ཐུགས་ཏིང་འཛིན་སྒོ་བརྒྱ་ཡང་། །སོ་སྐྱེའི་བློ་ཡིས་འཇལ་དཔག་པར་དཀའ་བ། པར་དཀའ། །འདི་ཡང་། གང་གི་ཚུལ་ཁྲིམས་ཕུང་པོ་ནི། །ཡོངས་སུ་མ་ཉམས་མོད་མི་དམའ། །ངོ་མི་དམའ་བའི་དོན། །རྨད་བྱུང་རིག་དང་གྲོལ་བ་ཡི། །ཡོན་ཏན་མཐའ་ཀླས་མོད་མི་ཉུང་བའི་དོན། མི་དམའ། ཚིག་དོན་གཉིས་ཀ་བསྐོར་བ། ཡོངས་འཛིན་དམ་པའི་ལེགས་བཤད་ཀྱིས། །བདག་གི་རྣམ་དཔྱོད་གསལ་བར་བྱས། །ཁོ་བོའི་འཆད་རྩོད་རྩོམ་པས་ཀྱང་། །དོན་མཐུན་བློ་གྲོས་གསལ་བར་བྱས། །དྲུག་པ་འགོག་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དོན་གཅིག་དགག་པའི་ཤུགས་ལས་གཅིག་ཤོས་སྒྲུབ་པར་བྱེད་པའི་ངག་སྟེ། དབྱེ་ན་ཉི་ཤུ་རྩ་གསུམ་ལས། དང་པོ་བྱུང་བ་འགོག་པ་ནི། པདྨ་སཾ་བྷ་གཅིག་པུ་ཡིས། །གངས་ལྗོངས་འབྱུང་པོ་ཀུན་བཏུལ་ཅེས། །བདེན་པར་མི་སྲིད་འོན་ཀྱང་ནི། །གྲུབ་པའི་རྣམ་ཐར་བསམ་མི་ཁྱབ། །ད་ལྟ་འགོག་པ། མཚོ་བྱུང་ཁྱོད་ཀྱི་ཕྱག་སོར་གྱིས། །བཻཌཱུར་རྒྱུད་མང་བསྒྲེངས་འདིས་ཅི། །གང་གསུང་རྣམ་པ་ཐམས་ཅད་པར། །དབྱངས་བདུན་ཡན་ལག་རྫོགས་མིན་ནམ། །འབྱུང་འགྱུར་འགོག་པ། ཁྱོད་ཞབས་རྩེ་གཅིག་བསྙེན་པ་ལ། །དགྱེས་པའི་འཛུམ་ཞལ་མི་སྟོན་ན། །ཕྱིས་ནས་ལོག་ལྟའི་མཐུས་བསླད་པས། །ནམ་ཡང་གུས་པ་སྐྱེ་མི་འགྱུར། །ཆོས་འགོག་པ། བརྟན་པའི་འཁོར་ལོའི་ཡེ་ཤེས་ཀྱིས། །ཀུན་ལ་སྣང་བ་སྟེར་ཅེས་བརྫུན། །བདེན་ན་མེ་ཏོག་མདའ་ཅན་དཔུང་། །མུན་པའི་མལ་དུ་ཅི་ཕྱིར་འཆིང་། །ཆོས་ཅན་འགོག་པ། སྒྲ་དབྱངས་ལྷ་མོའི་བཞིན་རས་ལ། །ཟིམ་བུའི་སྤྱན་དཀྱུས་ལྡན་ནམ་མིན། །དཔག་པར་དཀའ་སྟེ་འོད་སྣང་གི། རོལ་སྒེག་ཙམ་ལས་བེམ་ཆོས་མིན། །རྒྱུ་འགོག་པ། ས་སྤྱོད་ཁྱོད་ཀྱི་འཇིགས་རུང་གི། གཡུལ་གྱི་དཔུང་ཚོགས་བཤམ་གྱུར་ཀྱང་། །བདག་གིས་ལུགས་ལས་འདས་པའི་ཚུལ། །མ་སྤྱད་ཕྱིར་ན་སེམས་མི་གཡོ། །འབྲས་བུ་འགོག་པ། ཡོངས་འཛིན་མཁས་པའི་ལེགས་བཤད་གཏམ། །མང་ཐོས་བརྩོན་པས་འབད་བྱས་ཀྱང་། །ད་དུང་ཕྱོགས་རེའི་རིག་པའི་གཞུང་། །རྟོགས་པར་མ་གྱུར་འདི་ཅི་ཞིག །རྗེས་གནང་འགོག་པ། གྲུབ་བརྙེས་མཆོག་ཁྱོད་མཁའ་སྤྱོད་ཞིང་། །ཉུལ་བར་བཞེད་ན་དེ་བཞིན་མཛོད། །འདི་ན་མཆིས་པའི་སློབ་འབངས་ཚོགས། །གདུང་བས་ཡུན་རིང་འཚོ་མི་འགྱུར། །དབང་གིས་འགོག་པ། གཙུག་ལག་ཀུན་གཟིགས་དམ་པ་གང་། །གང་དུ་གཤེགས་ཀྱང་གེགས་བྲལ་ཞིང་། །རྨད་བྱུང་གྲགས་པའི་དཔལ་ཐོབ་མོད། །འོན་ཀྱང་ལྗོངས་འདིར་རྟག་བཞུགས་ཤིག །མ་གུས་འགོག་པ། བདག་ནི་རྩེ་གཅིག་སྒྲུབ་ལ་མོས། །རྣམ་གཡེངས་སྤྱོད་ལ་དེ་ལྟར་མིན། །གྲོགས་ཁྱེད་གསན་ནམ་མི་གསན་ཀྱང་། །རང་གི་ཚུལ་ཙམ་མོལ་བར་ཟད། །ཤིས་བརྗོད་འགོག་པ། མགོན་ཁྱོད་འོག་མིན་བགྲོད་དགོངས་ན། །བཞེད་པ་ཇི་བཞིན་འགྲུབ་གྱུར་ཅིག །བདག་ཅག་རྣམས་ཀྱང་མི་རིང་བར། །ཞབས་སེན་ནོར་བུར་རེག་པར་སྨོན། །རྩུབ་མོས་འགོག་པ། མི་དབང་གང་ཉིད་གཤེགས་བདེན་ཚེ། །རྒྱལ་ཐབས་འཛིན་པ་གཞན་འགའ་ཚོལ། །བརྩེ་བས་སྐྱོང་བའི་བློན་འབངས་རྣམས། །ཡུལ་མཐར་འཁྱམས་ལས་གཞན་དུ་ཅི། །གྲོས་ཀྱིས་འགོག་པ། འཕགས་ཁྱོད་ཞི་བདེར་ཐུགས་ཕྱོགས་ན། །མྱུར་བ་ཉིད་དུ་སྐབས་དབྱེ་གསོལ། །ཕྱིས་ན་དད་ལྡན་འདུས་པ་ཡིས། །གདུང་བའི་ཚིག་གིས་གཙེར་གྱིས་དོགས། །འབད་པས་འགོག་པ། མཛའ་བོ་དགྱེས་པ་བསྒྲུབ་སླད་དུ། །བག་མེད་མཛོད་ཅེས་གདམས་འདོད་ཀྱང་། །ངེས་འབྱུང་བློ་ཡིས་བསླབ་གཞིའི་ཁྲིམས། །ཟུང་ཞེས་བརྗོད་ལ་ཅི་བྱར་ཡོད། །གཞན་དབང་གིས་འགོག་པ། མཛེས་མ་ཁྱོད་ཀྱི་རྩེ་དགའི་དཔྱིད། །མགྲོན་དུ་གཉེར་ཞེས་བསྐུལ་ཐོས་མོད། །བདག་ཡིད་བཅས་པའི་བརྟུལ་ཞུགས་ཀྱི། །དབང་གྱུར་འདི་དང་འགྲོ་བར་འོས། །ཐབས་ཀྱིས་འགོག་པ། རེ་ཞིག་གང་གི་བསམ་པ་དང་། །རྗེས་མཐུན་ཉམས་སུ་མྱང་བར་བགྱི། །ཚུལ་ལས་འཆལ་བའི་སྡིག་པའི་རྒྱུན། །གསོ་བྱེད་སྨན་མཆོག་ཅུང་ཞིག་སྩོལ། །ཁྲོ་བས་འགོག་པ། བཤེས་གཉེན་མཆོག་ཁྱོད་ཡུལ་གཞན་དུ། །དགོངས་པ་གཏོད་པའི་ཚུལ་མཐོང་ན། །སྙིང་བརྩེ་བྲལ་བ་གང་གི་སླད། །བཞུགས་པར་གནང་ཡང་བདག་ལ་ཅི། །སྙིང་རྗེས་འགོག་པ། རང་གི་སྤྱད་དམ་གཞན་ལ་ཡང་། །སྦྱིན་པའི་ཡན་ལག་མ་བཀྱངས་པར། །དུས་མིན་སྐྱིན་ཐང་འཁྲུགས་པའི་མདུན། །ཡིད་འོང་ལོ་ཏོག་ཉམས་པར་གྱུར། །འགྱོད་པས་འགོག་པ། ཐོས་དང་བསམ་པའི་བགྱི་པའམ། །རྩེ་གཅིག་མཉམ་པར་མ་བཞག་པར། །དལ་རྟེན་འབྲས་བུས་སྟོང་པ་ཡི། །ངང་ཚུལ་འཆི་ཁའི་དུས་ན་མཐོང་། ཐེ་ཚོམ་འགོག་པ། ཅི་འདི་ཤར་གྱི་ཐིག་ལེའམ། །སྒྲ་དབྱངས་ལྷ་མོའི་མཚན་དཔེ་གང་། །འོན་ཀྱང་རབ་སྙན་ཏམྦུརཿ བསྒྲེང་ཕྱིར་ག་བུར་འཛིན་པ་མིན། །སྦྱར་བས་འགོག་པ། ཐོས་པས་རྣ་བར་ཀུན་དགའི་ཚེ། །སྦྱིན་པའི་ཉམས་འགྱུར་ཡོངས་རྫོགས་པའི། །ཁྱོད་གསུམ་རྒྱུད་མང་འདི་ཡོད་ཕྱིར། །འཕང་འགྲོ་གཞན་གྱིས་ཅི་ཞིག་བྱ། །དོན་གཞན་འགོག་པ། གང་ཐུགས་ཐམས་ཅད་མཁྱེན་བརྙེས་ཀྱང་། །ད་དུང་རིག་གཞུང་ཚོལ་འདིས་ཅི། །དེ་ལྟར་ན་ཡང་བུང་བའི་ཚོགས། །སྦྲང་རྩིས་ཚིམ་པའི་གོ་སྐབས་གང་། །རྒྱུས་འགོག་པ། མཚོ་སྐྱེས་བླ་མས་བསིལ་ལྗོངས་ཀྱི། །བསྟན་འགྲོར་སྨན་ལ་ཅི་ཞིག་བསྔགས། །སྲས་བཅས་རྒྱལ་བའི་དགོངས་གཅིག་གིས། །ལས་འདི་ཆེད་དུ་བྱིན་མིན་ནམ། །བདུན་པ་དོན་གཞན་བཀོད་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་འདོད་པའི་དངོས་པོ་དེ་གང་ཡང་རུང་བ་དམ་བཅའི་ཚུལ་དུ་སྔོན་ལ་བཀོད་ནས། སླར་དེ་ཉིད་སྒྲུབ་པར་ནུས་པའི་དོན་གཞན་བརྗོད་པར་བྱས་པའི་ངག་སྟེ། དབྱེ་ན་བརྒྱད་ལས། དང་པོ་ཀུན་ཁྱབ་ཀྱི་དོན་གཞན་བཀོད་པ། ཁྱོད་ཐུགས་ཟབ་ཞི་སྤྲོས་བྲལ་ཕྱིར། །ཕྱོགས་དང་ཆ་ལས་རྣམ་གྲོལ་ཏེ། །འཆི་མེད་ལམ་གྱི་ཕ་མཐའ་ཡི། །ངེས་པ་སུ་ཡིས་བརྗོད་པར་ནུས། །ཁྱད་པར་ལ་གནས། ཁུར་ལ་མི་བརྩེགས་ནོར་འཛིན་མས། །འཇིག་རྟེན་ཁམས་འདི་འདེགས་ལ་བརྩོན། །རང་དོན་བྲལ་ཡང་རྒྱལ་སྲས་རྣམས། །གཞན་ཕྱིར་རྟག་ཏུ་འཇུག་པ་ཉིད། །སྦྱར་བའི་དོན་གཞན་བཀོད་པ། ཡིད་འཕྲོག་སཱ་ར་སྭསྟི་ཡིས། །འགྲོ་ལ་ཀུན་དགའི་མཆོག་སྟེར་བྱེད། །གཉིས་སོ་དང་འདབ་ཆགས་དང་བྲམ་ཟེ་སོགས་ལ་འཇུག །སྐྱེས་ཕྲེང་བས་རབ་སྒེག་ཕྱིར། །མིག་གི་བདུད་རྩིར་གྱུར་མིན་ནམ། །འགལ་བ་ཅན། མཁས་ཁྱོད་སྟོབས་འབྱོར་སྙན་གྲགས་ཀྱིས། །དམན་ཡང་དཔྱོད་ལྡན་ཚོགས་རྣམས་སྡུད། །པདྨོ་འདམ་ལས་སྐྱེས་གྱུར་ཀྱང་། །ལུས་ཅན་ནམས་ཀྱིས་ཉེ་བར་བརྟེན། །མི་འོས་པའི་དོན་གཞན་བཀོད་པ། མིག་མི་འཛུམ་པའི་སྙིང་རྗེའི་མཐུས། །དྲངས་པའི་ལེགས་བཤད་དབྱངས་སྙན་ཀྱང་། །སྒྲ་འཛིན་ཚེར་མ་ཉིད་གྱུར་པའི། །ཡིད་སྲུབས་རྣམས་ཀྱི་སྡིག་འདི་འདྲ། །འོས་པའི་དོན་གཞན་བཀོད་པ། འཆི་མེད་མགོན་པོའི་འོད་ཟེར་གྱིས། །ཉི་བུའི་ཚོགས་ཀུན་གདུང་བར་བྱེད། །འཆར་ཀའི་ཉི་གཞོན་གཟི་བྱིན་ལས། །རྒྱལ་ཕྱིར་རིགས་ཤིང་འོས་པར་དྲན། །འོས་ཤིང་མི་འོས་པ། ལུས་མེད་ཕྱོགས་ཀྱིས་མནར་བྱེད་ཀྱང་། །རྒྱལ་བའི་ཐུགས་རྗེས་ཅི་ཕྱིར་འཆིང་། །རབ་འབར་བསྲེག་ཟ་བྱེད་པའི་ལས། །ཙནྡན་ཆུ་ཡིས་འོས་སམ་ཅི། །མི་འོས་ཤིང་འོས་པ། བྱམས་པའི་བདུད་རྩིས་ཡིད་མྱོས་ན། །སྡང་བའི་སེམས་ཀྱིས་ཅི་སྟེ་མིན། །ཨུཏྤལ་རེག་པས་རྩུབ་གྱུར་ན། །ཚེར་མའི་ཁྲོད་དུ་འཇམ་མི་འགྱུར། །བརྒྱད་པ་ལྡོག་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཐོག་མར་དཔེ་དོན་མཚུངས་ཆོས་བཅས་བཀོད་པ་ཉིད། ཕྱི་ནས་དེ་གཉིས་ཀྱི་ལྡོག་ཆ་སོ་སོར་ཕྱེ་བའི་སྒོ་ནས་ཐ་དད་དུ་སྟོན་པའི་ངག་སྟེ། དབྱེ་ན་བཅུ་ལས། དང་པོ་གཅིག་གིས་ལྡོག་པ། ཡིད་འོང་དག་པའི་ཨ་མྲྀ་ཏཿ ཉེ་འཁོན་བྲལ་བ་སྤྲོ་བ་ཡིས། །འཕགས་མཆོག་ཟླ་ཤེལ་མཚུངས་ཐ་དད། །ཁྱོད་ཞལ་འཕེལ་འགྲིབ་བྲལ་འདིས་སོ། །གཉིས་ཀྱིས་ལྡོག་པ། ཆུ་ཡི་གཏེར་དང་གང་གི་ཐུགས། །རབ་ཡངས་གཏིང་ཟབ་མཉམ་གྱུར་མོད། །རིན་ཆེན་འབྱུང་ལྡན་འཛིན་ཁྲིའི་གནས། །ཉིད་ཐུགས་ཡོན་ཏན་རྒྱ་མཚོའི་དཔྱིད། །སྦྱར་བའི་ལྡོག་པ། ཁྱོད་ཀྱི་ཞབས་དང་མནྡཱར། །ལྷར་བཅས་འདོད་འཇོ་བསིལ་སྦྱིན་པས། །མཚུངས་ཀྱང་ཡོངས་འདུ་འཆི་མེད་ཚལ། །གང་ཞབས་སྲིད་གསུམ་བླ་ན་བརྗིད། །འགོག་པ་ཅན། སྨོན་པའི་དངོས་པོ་ཀུན་སྩོལ་ཞིང་། །ཕུན་ཚོགས་སྣང་བས་ཉེར་འཁྱུད་ཀྱང་། །མཁྱེན་གཉིས་གཟིགས་པས་རིང་བཏང་ཕྱིར། །ནོར་བུས་གང་ཚུལ་གཞལ་ནུས་མིན། །གཏན་ཚིགས་ཅན། ཐབས་མཁས་འཇུག་པས་ཕྱོགས་ཀུན་ལས། །རྣམ་རྒྱལ་གྲགས་པའི་དཔལ་འཛིན་ཡང་། །སྲིད་པའི་མཚོ་ལས་མ་བརྒལ་ཕྱིར། །ཐ་གུའི་ལྟོ་ཅན་ཁྱོད་ལས་དམན། །རྟེན་གྱི་དབྱེ་བའི་ལྡོག་པ་ཅན། གང་གི་སྨིན་པའི་རོལ་སྒེག་དང་། །སྦྲང་རྩིའི་ཟས་ཅན་རབ་གཡོ་བ། །འདྲེན་བྱེད་དེ་ནི་ཁྱོད་གདོང་དང་། །བུང་བ་པད་མཚོར་རྩེན་པས་སོ། །དཔེ་ཅན་ལྷག་པ། ཆུ་སྐྱེས་དཀར་པོར་སྤྱན་རས་དང་། །འཛུམ་བཅས་མཆུ་སྒྲོས་མི་ལྡན་ཞིང་། །འཇིག་རྟེན་དབང་ཕྱུག་ཁྱོད་ཞལ་ནི། །ཕུན་ཚོགས་ཆོས་དེ་དག་གིས་མཛེས། །མཚུངས་ཆོས་འབྱེད་བྱེད་གཉིས་ཀ །ཁྱོད་ཀྱི་མཚན་དང་ཉིན་མོའི་དཔལ། །མུན་སེལ་ཀུན་དགའི་གཉེན་གྱུར་ཀྱང་། །སྣང་བྱེད་འོད་རྣོན་འབུམ་སྤྲོ་ཞིང་། །གང་མཚན་ཐར་པའི་སྙིང་པོས་ལྕིད། འབྱེད་བྱེད་ཅན། འཇམ་མགོན་མ་ཧཱ་ཙཱི་ན་དང་། །སྙིང་རྗེའི་དབང་ཕྱུག་བསིལ་ལྗོངས་སྐྱབས། །ཏོང་ཀུའི་རྒྱལ་ཁམས་ནོར་མང་ཞིང་། །གངས་ཅན་ཆོས་ཀྱི་ལོངས་སྤྱོད་ལྡན། །རིགས་མཐུན་ལྡོག་པ་ཅན། ཐུན་གསུམ་མཐུ་ཡིས་མི་འཕྲོགས་ཤིང་། །ཆུ་ཁུར་ཅན་གྱིས་སྒྲིབ་མིན་པའི། །ཡེ་ཤེས་ལས་བྱུང་ཁྱོད་ཞབས་ཀྱི། །སྣང་བས་མུན་སྟུག་འགོག་པར་བྱེད། །དགུ་པ་སྲིད་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་འདོད་ཀྱི་དངོས་པོ་དེ་སྒྲུབ་པར་བྱེད་པའི་རྒྱུ་འཇིག་རྟེན་ན་ཡོངས་སུ་གྲགས་པ་ལས་བཟློག་ནས། རྒྱུ་གཞན་ཅུང་ཟད་ཙམ་མམ་རང་གི་ངོ་བོ་ཉིད་ཀྱི་མཐུས་གྲུབ་པར་སྟོན་པའི་ངག་སྟེ། དབྱེ་ན་གསུམ་ལས། དང་པོ་ཕྱི་དུས་ལ་སྦྱར་བ་ནི། མ་བཙུགས་ཀིངྴུ་ཀ་ཡི་འགྲམ། །བོས་མིན་ཁུ་བྱུག་མྱོས་པའི་ཚོགས། །བསྐུལ་བ་མིན་པར་སྙན་འགྱུར་གླུ། །སྒྲོགས་བྱེད་དཔྱིད་ཀྱི་དུས་སྟོན་དར། །ནང་ལང་ཚོ་ལ་སྦྱར་བ། མ་ཕྱིས་རབ་ཏུ་དྭངས་པའི་སྐུར། །བྲིས་མིན་མཚན་དཔེའི་རི་མོ་འབར། །ཆེད་དུ་མ་བྱས་མཚར་སྡུག་གིས། །ལྷར་བཅས་ཡིད་འཕྲོག་འཇམ་པའི་དཔལ། །རང་གི་ངོ་བོ་ཙམ་སྟོན་པ། མ་བསླབ་ཆོས་རྣམས་ཀུན་མཁྱེན་ཅིང་། །རྒྱུ་མཚན་མེད་པར་ཡིད་སྲུབས་དགྲ། །འདྲིས་མིན་ཁམས་གསུམ་ལུས་ཅན་གྱི། །མཛའ་བཤེས་གཅིག་གྱུར་ཤཱཀྱའི་ཏོག །བཅུ་པ་བསྡུས་བརྗོད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་བྱའི་དོན་ཇི་ལྟར་རིག་པ་ལ་ཉེ་བར་དམིགས་ནས་དེ་དང་ཚུལ་མཐུན་པའི་དངོས་པོ་གཞན་ཞིག་བསྡུས་པའི་ཚུལ་གྱིས་བརྗོད་པའི་ངག་སྟེ། དབྱེ་ན་བཞི་ལས། དང་པོ་སྤྱིའི་བསྡུས་བརྗོད་ནི། འགའ་ཞིག་འོད་རྣོན་མཛེས་འབར་བའི། །ནོར་བུའི་སྒྲོན་མེ་རིང་དོར་ནས། །རི་མོར་བྲིས་པའི་སྣང་གསལ་ལ། །མུན་སེལ་དངོས་པོ་རེ་བ་མཐོང་། །ཁྱད་གཞི་ཐ་དད་ཁྱད་ཆོས་གཅིག་པའི་བསྡུས་བརྗོད། གཟོད་ནས་བཤེས་པའི་ས་བོན་ལས། །ལེགས་འཁྲུངས་ཡལ་འདབ་མཐོར་སྙེགས་ཤིང་། །ཡིད་འོང་མེ་ཏོག་འཛུམ་དགོད་པའི། །རྐང་པས་འཐུང་འདི་བདག་གིས་རྙེད། །ཁྱད་ཆོས་ཐ་དད་ཐ་མི་དད་པ། ཤིན་ཏུ་དཀར་བའི་སྙིང་པོ་ལ། །བདུད་རྩིའི་ཟེར་བརྒྱས་ཡོངས་གཏམས་པ། །ཡོན་ཏན་མཐའ་ཀླས་ཟླ་ཤེལ་མཆོག །འདི་ན་བསོད་ནམས་མགྲོན་དུ་ཤར། སྔོན་མེད་བསྡུས་བརྗོད། །སྨད་འོས་འདམ་ལས་སྐྱེས་མིན་ཞིང་། །རྙོག་པའི་རྡུལ་མང་དང་བྲལ་བའི། །ཀུན་དགའི་དཔྱིད་གྱུར་སྦྲང་རྩི་འཛིན། །ལེགས་བཤད་དཔུང་བས་བདག་གིར་བྱས། །བཅུ་གཅིག་པ་ཕུལ་བྱུང་གི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་བྱ་བའི་དངོས་པོ་དེ་ཉིད་ཀྱི་གནས་ཚུལ་འཇིག་རྟེན་ན་ཇི་ལྟར་གྲགས་པའི་མཚམས་ལས་བརྒལ་བར་གྱུར་པའི་རྣམ་འགྱུར་གྱིས་མཛེས་པར་བྱས་པའི་ངག་སྟེ། དབྱེ་ན་བཞི་ལས། ཁྱད་འཕགས་བརྗོད་པའི་ཕུལ་བྱུང་། །ཟླ་མདོག་དར་གྱི་ཤམ་ཐབས་དང་། །པུཎྜ་རཱི་ཀའི་དོ་ཤལ་བཅས། །རབ་དཀར་འོད་འཕྲོ་སྒྲ་དབྱངས་ལྷ། །བསིལ་ཟེར་ཅན་དབུས་མཚོན་མ་ཡིན། །ཐེ་ཚོམ་ཕུལ་བྱུང་། གྲུ་འཛིན་རི་ལ་དགྱེས་ཁྱོད་ཀྱིས། །ཐར་པའི་གྲོང་དུ་འཁྲིད་མིན་པའི། །སྲིད་ན་ལུས་ཅན་སུ་ཞིག་ཅེས། །བདག་བློ་སོམ་ཉིའི་དྲྭ་བར་ཚུད། །ངེས་པ་ཕུལ་བྱུང་། འོན་ཀྱང་སྙིང་རྗེའི་སྤྱན་རས་ཟུང་། །ད་དུང་གཞར་ཡང་མི་ཟུམ་པས། །བསྒྲལ་བར་བྱ་བའི་སེམས་ཅན་ཁམས། །ཇི་སྙེད་ཡོད་ཅེས་རྟོགས་པར་ནུས། །གྲགས་པ་ཕུལ་བྱུང་། པདྨ་སཾ་བྷའི་ཡོན་ཏན་ལྕིད། །དཔག་ནུས་མིན་ཡང་འདེགས་བཟོད་ཕྱིར། །བསིལ་ལྡན་ལྗོངས་ཀྱི་ནོར་འཛིན་མའི། །སྙིང་སྟོབས་ཤིན་ཏུ་ཨེ་མ་བརླིང་། །བཅུ་གཉིས་པ་རབ་རྟོག་གི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སེམས་ལྡན་ནམ་སེམས་མེད་ཀྱི་དངོས་པོ་གང་ཡང་རུང་བ་ཞིག་རང་གི་གནས་ཚུལ་ལས་གཞན་དུ་སྒྲོ་བཏགས་ནས་བརྗོད་པའི་ངག་སྟེ། །དབྱེ་ན་དོན་གྱི་སྒོ་ནས་གཉིས་དང་། སྒྲའི་སྒོ་ནས་དྲུག་ཏུ་འགྱུར་བ་ལས། དང་པོ་སེམས་ལྡན་རབ་རྟོག་སྙམ་སྒྲ་ཅན། འཇིགས་བྲལ་དཔལ་ལྡན་དཎྜིའི་ཞབས། །ཡེ་ཤེས་མེ་ལོང་འཆང་བའི་སྐུར། །འཁྲུལ་ནས་ཚངས་པའི་སྲས་མོ་ཡིས། །མགྲིན་པར་དལ་གྱིས་འཁྱུད་པ་སྙམ། །སེམས་མེད་རབ་རྟོགས་དོགས་སྒྲ་ཅན། །མིག་སྨན་མདོག་མཚུངས་ནག་པོ་ཆེའི། གཟི་བྱིན་འགྲན་ལ་སྐྲག་གྱུར་ནས། །སྲོད་མུན་ཆར་སྤྲིན་འཁྲིགས་པ་ཡང་། །འཆི་མེད་ལམ་དུ་བྲོས་པར་དོགས། །ངེས་སྒྲ་ཅན། འཇམ་མགོན་འཁོན་རིགས་པཎྜི་ཏའི། །མཁྱེན་པའི་དོ་ཟླར་མ་བཟོད་ནས། །འཇིག་རྟེན་གསུམ་གྱི་མགོན་པོ་ཡང་། །མཁའ་སྤྱོད་ཞིང་དུ་ཉུལ་བར་ངེས། །འདྲ་བའི་སྒྲ་ཅན། སྨྲ་མཁས་ཁྱོད་ཀྱི་ལེགས་བཤད་གཏམ། །མཉན་པའི་སྐལ་བཟང་བསྒྲུབ་སླད་དུ། །འཇིག་རྟེན་མེས་པོ་ཚངས་པ་ཡང་། །ཐོས་འཛིན་བརྒྱད་དུ་སྤྲུལ་པ་འདྲ། །མིན་ནམ་སྒྲ་ཅན། སྟོབས་བཅུ་མངའ་བའི་ཡེ་ཤེས་དང་། །འགྲན་པའི་ནུས་པ་ཕྲ་གྱུར་ནས། །མེ་ཏོག་མདའ་ཅན་དཔུང་དང་བཅས། །ལུས་མེད་ཟོལ་གྱིས་ཞུགས་མིན་ནམ། །བཞིན་སྒྲ་ཅན། ཕྱོགས་ལས་རྣམ་པར་རྒྱལ་བའི་མཆོག །ཆོས་ཀྱི་གྲགས་པའི་རྩོད་ངག་ལ། །འཇིགས་ཏེ་ངང་བའི་བུ་མོ་ཡང་། །ལྷོ་ཕྱོགས་རོལ་མཚོར་བསྟི་བ་བཞིན། །བཅུ་གསུམ་པ་རྒྱུའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བྱེད་པ་པོ་ཇི་ལྟར་རིགས་པ་དེ་ཡི་རྒྱུ་བྱས་ནས་འབྲས་བུ་དངོས་ཤུགས་གང་རུང་ལ་སྟོན་པར་བྱེད་པའི་ངག་སྟེ། དབྱེ་ན་བཅུ་དྲུག་ལས། དང་པོ་སྐྱེད་བྱེད་ཀྱི་རྒྱུ། སྒྲ་དབྱངས་ལྷ་མོའི་སོར་མོ་ཡིས། །བརྡུངས་པའི་བཻཌཱུར་རྒྱུད་མང་ལས། །ཕུན་ཚོགས་སྙན་འགྱུར་འབུམ་གཡོ་བས། །སྐལ་བཟང་ཀུན་དགའི་ཚོར་བ་སྐྱེད། །ཉམས་བྱེད་རྒྱུ། དཔལ་ལྡན་ནཱ་ག་རྫུ་ན་ཡིས། །མཐའ་བྲལ་དབུ་མའི་གཞུང་ཟབ་མོས། དངོས་པོར་སྨྲ་བའི་ཕྱོགས་རྣམས་ཀྱི། །དམ་བཅའ་ཉམས་པར་བྱེད་ལ་དབང་། །རྣམ་པར་འགྱུར་པའི་རྒྱུ། གཞན་ཕྱིར་སྙིང་རྗེས་རབ་བརླན་པའི། །རྨད་བྱུང་ཐེག་ཆེན་བདུད་རྩིའི་སྒོ། །གཅིག་ཏུ་ཕན་དང་བདེ་བ་ཡང་། སྐལ་དམན་བསམ་པའི་དུག་ཏུ་བྱས། །འཐོབ་བྱེད་རྒྱུ། ཁོ་བོ་དབེན་པར་བགྲོད་འདོད་ཚེ། །བཤོལ་འདེབས་གཏམ་གྱིས་བསྐུར་བརྩམས་ཀྱང་། །ངེས་པར་འབྱུང་བའི་གཞན་དབང་གིས། །ཚུལ་དེ་ནམ་ཡང་བཟློག་མ་གྱུར། །ཕྱིའི་དུས་ཤེས་བྱེད་རྒྱུ། རྒྱ་མཚོའི་གོས་ཅན་ཁྱོན་ཡོངས་པོར། །ཡིད་འོང་སྐྱེད་ཚལ་རྒྱས་པའི་ཁྲོད། །རྐང་དྲུག་མྱོས་པའི་གླུ་ལེན་ཚེ། །ངལ་གསོའི་དགའ་སྟོན་སྤྱོད་ལ་རྒྱུ། །ནང་ཤེས་བྱེད་ཀྱི་རྒྱུ། རྣམ་འདྲེན་ཁྱོད་ཀྱི་ཐུགས་བརྩེ་བས། །རྟག་པར་བདག་ཅག་རྗེས་བཟུང་བ། །འཛུམ་ཞལ་རྒྱས་པའི་མཆུ་སྒྲོས་ལས། །ཕན་པའི་བསླབ་བྱ་སྤྲོ་འདིས་རྟོགས། །སྔ་ན་མེད་པའི་དངོས་རྒྱུ། དྲི་མེད་གཞུང་མང་མ་བསྒྲུབས་ཤིང་། །རྩེ་གཅིག་མཉམ་པར་བཞག་མིན་པས། །ཚུལ་མིན་རྒུད་པ་ཐམས་ཅད་ཀྱིས། །མནར་བར་གྱུར་འདི་ཀྱེ་མ་སྐྱོ། །ཞིག་ནས་མེད་པའི་བྱེད་རྒྱུ། ཡུལ་ལ་ཆགས་པའི་རྣམ་གཡེངས་དང་། །ཀུན་རྨོངས་འཆིང་བ་རིང་བཅད་པས། །མཐའ་ཀླས་སྡེ་སྣོད་རྒྱ་མཚོ་ལ། །ཞུགས་པའི་བློ་གྲོས་ངང་གིས་འཕེལ། །ཕན་ཚུན་མེད་རྒྱུ། མཁས་ཁྱོད་ཆགས་ལྡན་ལུས་ཕྲ་མིན། །གང་གསུང་སླུ་བྱེད་འཁྲིག་ཚིག་མིན། །ཐབས་མཁས་མཛད་པ་གཡོ་སྒྱུའི་ཚུལ། །མ་ལགས་དེ་ཕྱིར་སྙིང་ནས་དད། །སྤངས་ནས་མེད་པའི་བྱེད་རྒྱུ། ཡོངས་རྫོགས་ཤེས་བྱའི་གཞུང་ལུགས་ལ། །འཁྲུལ་པའི་སོམ་ཉི་ཡོད་མ་ཡིན། །རྒྱུ་དེས་རྒྱལ་སྲས་མཆོག་རྣམས་ཀྱི། །ཕུལ་བྱུང་ཡོན་ཏན་ངང་གིས་འཕེལ། །བཟློག་པ་སྐྱེད་བྱེད་ཀྱི་རྒྱུ། པད་དཀར་འཆང་བས་གངས་ཅན་ལྗོངས། །ཐུགས་རྗེས་མ༷་བཟུང་པ་མི༷ན་ན། །ཆོས་ཀྱིས་ཕོངས་པའི་སྐལ་ངན་གྱི། །གདུང་བ་ཐམས་ཅད་ནུབ་པར་གྱུར། །རིང་འབྲས་རྒྱུ། འཇམ་མགོན་ཀུན་དགའི་མཚན་ཅན་གྱིས། །འཕྲོག་བྱེད་དྲེགས་པའི་མཐུ་བཅོམ་པས། །རྒྱ་མཚོའི་གོས་ཅན་གཞིར་འཁོད་པའི། །ཕྱིར་རྒོལ་ཚོགས་ཀྱི་སྤོབས་པ་ཞུམ། །ལྷན་ཅིག་པའི་རྒྱུ། མྱུར་མ་དཔའ་མོའི་ཞབས་སེན་ནི། །ཡིད་ཀྱི་ཆོ་གར་བཀོད་མ་ཐག །བརྒྱད་གཉིས་འཇིགས་པ་ལས་བརྒལ་བའི། །གྲུབ་པའི་བརྟུལ་ཞུགས་མཆོག་ལ་སྦྱོར། །རྒྱུ་ལས་འབྲས་བུ་སྔ་བ། སྔར་ཉིད་རྣམ་ཀུན་མཆོག་ལྡན་གྱི། །ཡེ་ཤེས་ཆེན་པོའི་རོས་གང་ཕྱིར། །ཕྱིས་ནས་བདེ་སྟོང་ཟུང་འཇུག་པའི། །རྡོ་རྗེའི་ལམ་གྱི་ཉེ་རྒྱུར་ཞུགས། །རིགས་མིན་རྒྱུ། ཟུར་ཕུད་ལྔ་པའི་ཞབས་སེན་གྱི། །འཆར་ཀའི་ཉི་གཞོན་ལ་རེག་པས། །རིག་གྲོལ་སྤོབས་པའི་སྟེང་འཐུང་དཀར། །ཆེས་ཆེར་དར་བ་འདི་ཅི་ཞིག །རིགས་པའི་རྒྱུ། ཟླ་བའི་སྲིད་མོའི་ཐུགས་སྲོག་གི། །ཧྲཱིཾ་ཡིག་འབར་བའི་ཀཽ་མུ་དི། །ངག་གི་ཀུ་མུད་ཀྱིས་བསྟེན་པས། །སྙན་ཚིག་འདབ་བརྒྱ་དགོད་ལ་དབང་། །བཅུ་བཞི་པ་ཕྲ་མོའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བློ་སྔོན་དུ་བཏང་བའི་ཟུར་རམ། སེམས་ཀྱི་འགྱུར་བ་ལུས་ཉམས་སུ་ཐོན་པའི་རྣམ་པ་གང་ཡང་རུང་པའི་བརྡ་ཕྲ་མོ་ཞིག་གིས་བསམ་པའི་དོན་དེ་ཉིད་རྗེས་སུ་དཔག་པར་ནུས་པའི་ངག་སྟེ། དབྱེ་ན་གཉིས་ལས། དང་པོ་ཟུར་གྱི་ཕྲ་མོ། གསང་ཆེན་སློབ་བཤད་ཟབ་མོའི་ཆོས། །ཚོགས་སུ་ཞུ་བར་མ་བཟོད་པའི། །དབང་རྣོན་གཟིགས་ནས་རྣམ་འདྲེན་རྗེས། །སྤྱན་ཟུར་བག་ཡངས་ཕྱོགས་སུ་གཏད། །རྣམ་པའི་ཕྲ་མོ། ཁོ་བོས་མི་འཕྲོག་དད་གསུམ་བློས། །ཁྱོད་ཞབས་ནོར་བུར་རེག་པའི་མོད། །འཛུམ་བཅས་རོལ་པའི་ཞལ་དཀྱིལ་གྱི། །ཡིད་འོང་འཇོ་སྒེག་དར་བར་གྱུར། །བཅོ་ལྔ་པ་ཆའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་རང་གི་གནས་ཚུལ་ཇི་བཞིན་དུ་བརྗོད་ན་ཕ་རོལ་གྱི་ངོར་མི་མཛེས་པར་འགྱུར་བ་ཉིད་རྣམ་པ་གཞན་དུ་བསྙན་པའི་ཆ་ཤས་ཀྱིས་སྒྲིབ་པར་བྱས་པའི་ངག་སྟེ། དབྱེ་ན་བཞི་ལས། དང་པོ་ཟོལ་གྱིས་སྦེད་པར་འོས་པའི་ཆ། སྨྲ་མཁས་ཁྱོད་ཀྱི་རྩོད་པའི་གྲར། །བདག་སོགས་ཡི་ག་འདར་གྱུར་པ། །ཀྱེ་མ་གངས་རིའི་ཁྲོད་འདི་ནི། །བསིལ་བའི་རེག་བྱས་གཏམས་པར་ཤེས། །མི་འོས་པའི་ཆ། གང་གི་བསླབ་གཞིའི་ལེགས་བཤད་ཀྱིས། །ཆགས་ལྡན་ཚོགས་རྣམས་བཞིན་ཉམས་པ། །དཔྱིད་ཀྱི་ཉི་གཞོན་རྒྱས་པའི་གཟིས། །གདུངས་པའི་ངང་ཚུལ་སྨིན་པར་ཟད། །སྨད་པའི་ཆ། རྣམ་འདྲེན་མཆོག་འདི་ཐོས་བསམ་དང་། །སྒོམ་པའི་བྱ་བ་ཙམ་ལ་ཡང་། །ཆགས་མིན་སྟོབས་འབྱོར་སྙན་གྲགས་མཐུས། །གཅིག་ཏུ་རང་བསྟན་ཉིན་མོར་བྱེད། །བསྟོད་པའི་ཆ། སྲིད་པའི་ཕུན་ཚོགས་ཀུན་བསྲིངས་ཤིང་། །ཞི་བའི་རོ་ལ་དགྱེས་མིན་པར། །གཞན་ཕྱིར་བྲན་བཞིན་འཇུག་བརྩོན་པའི། །མགོན་ཁྱོད་རྗེས་སུ་སུ་ཞིག་འབྲངས། །བཅུ་དྲུག་པ་རིམ་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་འདོད་ཀྱི་དངོས་པོ་རྣམས་སྔོན་ལ་རབ་ཏུ་བསྟན་པ་བཞིན་ཕྱི་ནས་དེ་དང་འབྲེལ་བའི་དོན་གཞན་རྣམས་ཀྱང་རིམ་པ་མ་འཆོལ་བར་སྟོན་པའི་ངག་སྟེ། དཔེར་ན། ལྷོ་ཕྱོགས་རིག་འཛིན་དགའ་ཚལ་དུ། །རྩེན་པའི་གདོང་མཛེས་འཛུམ་སྒྲོས་ནི། །དཔལ་གོས་ཆུ་སྐྱེས་བིམྦ་ལས། །བརྐུས་པར་ངེས་སོ་སྒྲ་དབྱངས་ལྷ། །བཅུ་བདུན་པ་དགའ་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྔོན་ཆད་མ་ཐོབ་པའི་དགའ་བ་ཁྱད་པར་ཅན་རྒྱུད་ལ་སྐྱེས་པའི་མངོན་པར་རྟོགས་པ་བརྗོད་པའི་ངག་སྟེ། དབྱེ་ན་གཉིས་ལས། དང་པོ་དངོས་ཐོབ་ཀྱི་དགའ་བ། མགོན་ཁྱོད་ཁོ་བོའི་མདུན་ས་རུ། །མངོན་སུམ་གཤེགས་པའི་དགའ་སྟོན་མཆོག །སླར་ཡང་གང་ཞབས་བསོད་ནམས་ཀྱི། །མགྲོན་དུ་ཁུགས་ལས་འབྱུང་བར་ངེས། །གཟུགས་བརྙན་གྱི་དགའ་བ། ཁྱོད་སྐུ་ཡེ་ཤེས་སྒྱུ་མའི་གར། །དད་གསུམ་ཆོ་གར་བཀོད་ལས་གཞན། །ཤུལ་རིང་ཡུལ་གྱིས་བསྐལ་བདག་གིས། །ཇི་བཞིན་མཇལ་བའི་གོ་སྐབས་ཅི། །བཅོ་བརྒྱད་པ་ཉམས་ལྡན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྒེག་པ་ལ་སོགས་པའི་བརྗོད་བྱ་དང་རྗོད་བྱེད་གཉིས་ཀ་རོ་ཉམས་ཕུན་སུམ་ཚོག་པ་དང་ལྡན་པས་མངོན་སུམ་ལྟ་བུའི་རྟོག་པ་སྐྱེད་ནུས་པའི་ངག་སྟེ། དབྱེ་ན་བརྒྱད་ལས། དང་པོ་དགའ་བ་འཕེལ་བ་སྒེག་པའི་ཉམས། བརྩོན་པས་སྒྲུབ་ཀྱང་ཐོབ་དཀའ་བའི། །མཐའ་ཀླས་རིག་གྲོལ་སྤོབས་པའི་མཛོད། །འཇམ་མགོན་བླ་མའི་བྱིན་རླབས་མཐུས། །གཅིག་ཅར་གྲོལ་བ་འདི་ཅི་ཞིག །ཁྲོ་བ་འཕེལ་བ་དྲག་ཤུལ་གྱི་ཉམས། གཏུམ་ཆེན་རབ་ཁྲོས་ནག་པོ་ཆེའི། །མདུན་སར་ཏིང་འཛིན་མཆིལ་བ་ཡིས། །ཉེ་བར་བཀུག་པའི་ཡིད་སྲུབས་སྡེ། །སྐད་ཅིག་གཉིས་པར་འཚོ་འགྱུར་རམ། །སྤྲོ་བ་འཕེལ་བ་དཔའ་བའི་ཉམས། ཆགས་བྲལ་བརྟུལ་ཞུགས་མ་བླངས་ཤིང་། །བྱ་དཀའི་སྤྱོད་པའང་བརྩམས་མིན་པར། །རིམ་གཉིས་ཉེ་རྒྱུའི་སྦྱོར་བ་ཡིས། །སྐུ་བཞིའི་ཕ་རོལ་སོན་འདི་གང་། །མྱ་ངན་འཕེལ་བ་སྙིང་རྗེའི་ཉམས། འབྱོར་ལྡན་གང་ཁྱོད་གནོད་གནས་ཀྱི། །གན་མཛོད་དག་ཀྱང་ཕམ་བྱེད་པ། །བཏང་ནས་ལྷག་པར་ཕོངས་གྱུར་པའི། །པྲེ་ཏཱའི་ཁྲོད་དུ་ཇི་ལྟར་རྒྱུ། །སྐྱུགས་བྲོ་འཕེལ་བ་མི་སྡུག་པའི་ཉམས། ཁྲག་ཞག་དོག་པས་གཏམས་པའི་མཚོར། །རབ་གཤེར་རྒྱུ་རློན་གྱིས་འཁྱུད་པའི། །དབུགས་བྲལ་བམ་རོ་ལོངས་སྤྱོད་བཞིན། །མྱོས་པའི་གར་རྩེན་འདོད་ཁམས་མ། །དགོད་བྲོ་འཕེལ་བ་བཞད་གད་ཀྱི་ཉམས། ཚུལ་གནས་ཁྲིམས་ལྡན་བཤེས་གཉེན་གང་། །འཁྲིག་པའི་དུས་སྟོན་རྗེས་དྲན་པས། །སྤྱན་རས་དམར་པོ་གཡོ་བ་གང་། །ཁྲོ་པའི་ཟོལ་གྱིས་སྒྲིབ་པར་འོས། །ངོ་མཚར་འཕེལ་བ་རྨད་བྱུང་གི་ཉམས། གྲུབ་པའི་ཞིང་འདི་འོག་མིན་ཆེ། །ཁྱབ་བདག་བླ་མ་སྙེམས་མའི་བདག །འཁོར་ཚོགས་རྒྱུན་གྱི་མཐར་སྨིན་པའི། །བྱང་སེམས་མྱུ་གུའི་རོལ་རྩེད་ངོམ། འཇིགས་པ་འཕེལ་བ་འཇིགས་རུང་གི་ཉམས། །ཡེ་ཤེས་མེ་དང་མཉམ་སྦྱོར་བའི། །གསང་བ་འཛིན་པའི་རྡོ་རྗེའི་མཚོན། །དྲན་པ་ཡིས་ཀྱང་འབྱུང་པོའི་ཚོགས། །དོན་སྙིང་ལྐོག་མར་འབྱིན་ལ་བྲེལ། །བཅུ་དགུ་པ་གཟི་བརྗིད་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ནང་དུ་ཁེངས་པ་མཆོག་ཀྱི་མཐར་འཛེགས་པའི་ཀུན་རྟོག་འཕེལ་བ་ཉིད་བརྗོད་བྱར་བྱས་པའི་ངག་སྟེ། དཔེར་ན། བདག་ནི་ལུང་རིག་སྨྲ་བ་ཞེས། །རྨོངས་པའི་ཚོགས་རྣམས་འཇིགས་མི་འཚལ། །ཁོ་བོའི་སྤོབས་པ་ལས་དམན་ཀུན། །གཞར་ཡང་ཚར་བཅད་བགྱིད་མ་ལགས། །ཉི་ཤུ་པ་རྣམ་གྲངས་བརྗོད་པའི་རྒྱན་གྱི་མཚན་ཉིད་ནི། །ཚིག་སྦྱོར་གང་ཞིག་འདོད་དོན་དངོས་སུམ་བརྗོད་པར། དེ་གྲུབ་པར་བྱེད་པའི་ཕྱིར་ཐབས་མཁས་ཀྱིས་རྣམ་པ་གཞན་དག་སྨོས་པའི་ངག་སྟེ། དཔེར་ན། རྣལ་འབྱོར་སྤྱོད་པས་འཚོ་བ་གང་། །རེ་ཞིག་ཡུལ་གཞན་བགྲོད་པར་དོན་གཞན་ལ་སྙེགས། བགྱི། །གྲོགས་དག་བག་ཡངས་གནས་འདི་རུ། །ངལ་གསོའི་དགའ་སྟོན་མྱོང་བར་འོས། །ཉེར་གཅིག་པ་ཀུན་ཏུ་ཕན་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་མངོན་པར་འདོད་པའི་བྱ་བ་འགའ་ཞིག །བརྩམས་པའི་ཚེ་དེ་ཉིད་ལ་ཕན་འདོགས་པའི་སྒྲུབ་བྱེད་ཁྱད་པར་ཅན་གློ་བུར་དུ་ཐོབ་པ་བརྗོད་པའི་ངག་སྟེ། དཔེར་ན། བག་མེད་འགོགས་པའི་བརྟུལ་ཞུགས་ཀྱི། །ཆོ་ག་སྙིང་ལ་ཉེར་བཀོད་ཚེ། །བརྟན་མཁས་ཡོན་ཏན་ཡོངས་རྫོགས་པའི། །བཤེས་གཉེན་མཆོག་གིས་རྗེས་སུ་བཟུང་། །འདི་ཡང་། རྩེ་གཅིག་གསང་ཆེན་སྤྱོད་མཆོག་གིས། །ཡིད་རབ་འཕྲོག་ཚེ་ལེགས་བྱས་མཐུས། །བདག་ལ་སྨན་སླད་རིགས་བརྒྱའི་བདག །སྨིན་གྲོལ་ལམ་གྱི་སྟོན་པར་བཞེངས། །ཉེར་གཉིས་པ་རྒྱ་ཆེ་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བསམ་པའམ་འབྱོར་པའི་ཁྱད་པར་གྱི་ཆོས་ཕུལ་དུ་བྱུང་བ་དག་བརྗོད་པའི་ངག་སྟེ། དབྱེ་ན་གཉིས་ལས། །དང་པོ་བསམ་པ་རྒྱ་ཆེ་བ། ཤིན་ཏུ་རྣམ་པར་དག་པ་ཡི། །ཆོས་དབྱིངས་ཞི་ལ་གཞོལ་བཟོད་པའི། །རྡོ་རྗེ་འཛིན་ཁྱོད་རྒྱལ་རྣམས་ཀྱི། །བཀའ་བཞིན་སྲིད་འདིར་བདེ་བར་བཞུགས། །འབྱོར་བ་རྒྱ་ཆེ་བ། ནོར་བུའི་འདོད་སྣམ་གྱིས་བརྟེན་པའི། །བཻཌཱུར་ཁང་བཟང་དྭངས་པའི་ངོས། །རིན་ཆེན་ཕྲག་བརྒྱའི་འཕྱང་འཕྲུལ་གྱིས། །རབ་སྒེག་བལྟ་ན་སྡུག་པའི་ཞིང་། །ཉེར་གསུམ་པ་བསྙོན་དོར་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་གནས་ཚུལ་གྱི་རང་བཞིན་ལ་དེ་ཉིད་མ་ཡིན་ཅེས་བསྙོན་ནས་དོན་གཞན་ཆོས་དང་ཆོས་ཅན་གྱི་ངོ་བོ་ཅུང་ཟད་ཙམ་སྟོན་པས་མཛེས་པར་བྱས་པའི་ངག་སྟེ། དབྱེ་ན་གསུམ་ལས། དང་པོ་ཆོས་ལ་བསྙོན་དོར་ནི། རིག་བྱེད་དཔལ་མོའི་མེ་ཏོག་མདའ། །གཅིག་པུ་ཉིད་མིན་ཁམས་གསུམ་གྱི། །འགྲོ་བའི་ཡིད་དབང་འཕྲོག་པའི་ཕྱིར། །བསམ་བརྗོད་ཡུལ་ལས་འདས་པར་རྟོགས། །ཡུལ་ལ་བསྙོན་དོར། གྲུབ་པས་བསྟེན་པའི་སྨན་ལྗོངས་འདི། །ཉམ་ངའི་གནས་སུ་གྱུར་པ་སྟེ། །གཞན་དུ་ཐར་པ་འདོད་རྣམས་ལ། །ཡིད་འོང་གྲོང་ཁྱེར་ཉིད་དོ་ལོ། །རང་བཞིན་བསྙོན་དོར། མཁས་ཁྱོད་ལེགས་གསུངས་བདུད་རྩིའི་དཔྱིད། །མཉན་འོས་ཉིད་ཅེས་བདག་ཅག་སྨྲ། །དོན་གྱི་ཕྱོགས་བསླད་གྱུར་པ་ཡི། །རྣ་བའི་ཚེར་མ་ཉིད་དུ་ངེས། །ཉེར་བཞི་པ་སྦྱར་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྒྲ་ཡི་གཟུགས་གཅིག་ཉིད་དོན་གྱི་འཇུག་ཚུལ་ཐ་དད་དུ་འགྱུར་བའི་ངག་སྟེ། དབྱེ་ན་དགུ་ལས། དང་པོ་ཐ་དད་མིན་པའི་སྦྱར་བ་ནི། རྨད་བྱུང་རཏྣ་སཾ་བྷོ་གར། །ལྷག་པར་ཆགས་པའི་ཀླུའི་དབང་པོས། །སདྱ་དྷརྨས་འཇིག་རྟེན་གྱི། །ཕུན་ཚོགས་འབྱུང་གནས་སྐྱེད་པར་བྱེད། །འདི་སློབ་དཔོན་ཀླུ་སྒྲུབ་དང་། ཀླུའི་རྒྱལ་པོ་ཞིག་ལ་སྦྱར་བ་སྟེ། དེ་ཡང་ཀླུ་སྒྲུབ་ལ་སྦྱར་བའི་དུས། །རཏྣ་སཾ་བྷོ་ག་སངས་རྒྱས་ཀྱི་བསྟན་པ་དང་། ཀླུ་ལ་སྦྱར་བའི་དུས་རིན་པོ་ཆེའི་ལོངས་སྤྱོད་ལ་འཇུག །སདྱ་དྷརྨ་ཀླུ་སྒྲུབ་ལ་སྦྱར་དུས་དམ་པའི་ཆོས་དང་། ཀླུ་ལ་སྦྱར་དུས་བསོད་ནམས་དམ་པ་ལ་འཇུག །འཇིག་རྟེན་གྱི་ཕུན་ཚོགས་འབྱུང་གནས་ཀླུ་སྒྲུབ་ལ་སྦྱར་དུས་རྒྱལ་བའི་བསྟན་པ་དང་། ཀླུ་ལ་སྦྱར་དུས་རིན་པོ་ཆེ་དང་སྨན་དང་ནགས་ཚལ་སོགས་ལ་འཇུག་གོ། ཐ་དད་ཚིག་འདྲའི་སྦྱར་བ། སྲིད་གསུམ་ཁྱོན་འདིར་ཁྱབ༷་འཇུག༷་པའི། །ལས་སྣ༷་ཚོག༷ས་གཟུག༷ས་རྣམ་མང་གི། སྒྱུ་མས་སླུས་པའི་ཡིད་ཅན་རྣམས། །གཞན་དུ་འདའ་བ་མེད་པར་གནས། །འདིར་གྲོ་བ་སྤྱི་དང་ཁྱབ་འཇུག་ལ་སྦྱར་བ་སྟེ། དང་པོ་ལྟར་ན་སྲིད་པ་གསུམ་གྱི་ཁམས་འདི་ན་ཁྱབ་པར་འཇུག་པའི་ལས་སྣ་ཚོགས་པ་དང་། གཟུགས་རྣམ་པ་མང་པོའི་སྒྱུ་མས་བསླུས་ཏེ་དེ་ལ་ཆགས་པའི་ཡིད་ཅན་རྣམས། རང་གི་ལས་དང་གཟུགས་ཀྱི་ཚུལ་དེ་ལས་གཞན་དུ་འདའ་བ་མེད་པར་གནས་སོ། །ཞེས་དང་། གཉིས་པ་ལྟར་ན། སྲིད་པ་གསུམ་གྱི་ཁྱོན་འདི་ན་ལྷ་ཁྱབ་འཇུག་གི་འཇུག་པའི་བྱེད་ལས་སྣ་ཚོགས་གཟུགས་ཅན་དུ་བཟུང་ནས་གཡོ་སྒྱུའི་རྣམ་པ་མང་པོའི་སྒྱུ་མས་བསླུས་ནས་ཡིད་ཅན་རྣམས་ཁྱབ་འཇུག་གི་མངའ་འོག་ལས་གཞན་དུ་འདའ་བ་མེད་པ་གནས་སོ། །ཞེས་པའོ། །བྱ་བ་ཐ་དད་མིན་པའི་སྦྱར་བ། མཚོ་སྐྱེས་དཀར་མཛེས་དམར་བ་ཡི། །དོག་པས་བཀབ་པའི་འཛུམ་གཤེར་གྱིས། །སིམ་པ་སྟེར་བྱེད་ཟླ་ཤེལ་དང་། །ཚངས་སྲས་མས་ཀྱང་གཞན་ཡིད་འཕྲོག །ཟླ་བ་ཆུ་མཚོ་བསྲུབས་པ་ལས་བྱུང་ཞིང་དཀར་ལ་མཛེས་པར་འཆར་བའི་དམར་བས་འཁྱུད་པ་དང་། ཚངས་སྲས་མ་ལྷོ་ཕྱོགས་ཀྱི་རོལ་མཚོར་སྐྱེས་ཤིང་རབ་ཏུ་དཀར་ཞིང་མཛེས་པའི་ཞལ་རས་ལ་མཆུ་སྒྲོས་དམར་བའི་དོག་པས་བཀབ་པ་དང་སྦྱར་བའོ། །བྱ་བ་མི་འགལ་བའི་སྦྱར་བ། རྩུབ་མིན་ཡིད་འོང་ཉམས་འགྱུར་གྱིས། །རེག་པས་དགའ་བདེའི་དཔལ་སྦྱིན་པ། །དབྱངས་ཅན་གསུང་ནི་ཐོས་བྱ་སྟེ། །རི་དྭགས་མིག་ཅན་འཁྱུད་བྱར་འོས། །དབྱངས་ཅན་མའི་གསུང་རྣ་བར་རྩུབ་པ་མིན་ཅིང་ཡིད་དུ་འོང་བའི་ཚིག་གི་རོ་ཉམས་ཕུན་སུམ་ཚོགས་པའི་དཔལ་གྱིས་རེག་པས་གནས་སྐབས་མངོན་མཐོའི་དགའ་བ་དང་། མཐར་ཐུག་ངེས་ལེགས་ཀྱི་བདེ་བ་དམ་པའི་དཔལ་སྦྱིན་པ་དང་། མཛེས་མའི་ལུས་རྩུབ་པ་མིན་ཅིང་། ཡིད་དུ་འོང་བའི་འཇོ་སྒེག་གི་རོ་ཉམས་ཕུན་སུམ་ཚོགས་པའི་དཔལ་གྱིས་རེག་པས་རྩེ་དགའི་བདེ་བ་དང་འཁྲིག་པའི་དཔལ་སྦྱིན་པ་དང་སྦྱར་བའོ། །བྱ་བ་འགལ་བའི་སྦྱར་བ། ཡུལ་ལ་སྦྱར་བས་ཁེངས་པའི་བློ། །བཏང་ནས་ལུས་ལས་སྐྱེས་གཡོ་བས། །ཡིད་སྲུབས་འཇུག་པ་རྒྱུན་ཆད་ནས། །མི་ཕྱེད་དད་གསུམ་གདུང་བ་འཕེལ། །ཡུལ་བུད་མེད་ལ་སྦྱར་བས་དེ་ལ་མི་མོས་པའི་ཁེངས་པ་བཏང་ནས་ལུས་སྐྱེས་ཏེ་འདོད་ཆགས་གཡོ་བ་དང་། ཡུལ་མཆོག་ལ་བློ་སྦྱར་བས་དེ་ལ་མ་གུས་པའི་ཁེངས་པ་བཏང་ནས་ལུས་སྐྱེས་ཏེ་བ་སྤུ་ལྡང་བ་གཉིས་སྦྱར་བའོ། །ངེས་པ་ཅན་གྱི་སྦྱར་བ། ཚངས་སྲས་ལ་ནི་ཁྱབ་འཇུག་གི་ཆུང་མ་དཔལ་མོ། པདྨ་ཅན། །ཚེམས་དཀར་ཕྲེང་བ་བྲམ་ཟེ་དང་འདབ་ཆགས་སོགས། གཉིས་སྐྱེས་ཏེ། །མཁྲེགས་ཤིང་ཡིད་འོང་ནུ་འབུར་ཟུང་། །པ་ཡོ་ཐར་པར་པ་ཡོ་ཆུ་དང་དྷ་ར་འཛིན་པ་ལ་འཇུག་པའི་ཕྱིར་ཆུ་འཛིན་ཏེ་སྤྲིན་ཡིན་ནོ། །དྷ་ར་ཉིད་ཀྱང་ངོ་། །འདི་ཡང་། སྦྱར་བཞི་རྒྱལ་པོ་སྡེ་བཞི། ལུགས་ཀྱི་ཆོས་དང་དྷརྨ་བསོད་ནམས་དང་ཀུན་སྤྱོད་གཤིན་རྗེ་སོགས། དང་། །ལོངས་སྤྱོད་ལྡན་པ་བྷོ་ཐ་སྙད་ཅན་དང་སྦྲུལ་གྱི་གདེངས་ཀ་ཅན་སོགས། གཱི་སྟེ། འདོད་པ་ཉིད་ནི་ཡིད་སྐྱེས་ཏེ་འདོད་ལྷ་སོགས། ཀཱ་མཿདང་། ཨ་མྲྀ་བདུད་རྩི་བདུད་རྩི་དང་མར་སོགས་མང་པོ་ལ་འཇུག་གོ། ཏཾ་ཡང་ངོ་། །ངེས་པ་འགོག་པའི་སྦྱར་བ། ཁྱོད་བསྟན་ཞུགས་ལ་ལུས་སྐྱེས་ཀྱིས། །བ་སྤུ་དང་འདོད་ཆགས་སོགས། འཁྱུད་པས་དད་གདུང་དད་གདུང་ཁོ་ན། རྒྱས་རྣམས་ཏེ། །འོན་ཀྱང་བསེར་བུའི་རེག་བྱ་ཡིས། །ཉམས་པར་བྱས་པ་རྣམས་ལའང་མཐོང་། །འདི་ཡང་། གང་རྒྱལ་པོ། གིས་བསྲུངས་ལ་འཁྱོག་པོ་གཞུ་དང་སྐྱེ་བོ་ངན་པ་གཡོ་སྒྱུ་ཅན་སོགས་ལ་འཇུག་གོ། །ནི། མདའ་སྟན་གཞུ་འཛིན་པའི་དམག་དཔུང་སོགས། འཛིན་པ་རྣམས་ལའོ། །འོན་ཀྱང་ཆགས་པས་བསྐུལ་བ་ཡི། །མཛེས་མའི་ཟུར་མིག་འདི་དག་ཀྱང་། །འགལ་མིན་གྱི་སྦྱར་བ། ཐུབ་པ་དང་ཚངས་པ། མཆོག་གནས་སྐྱེ་རྒུའི་རྩ་ལག་སྟེ། །ཀུན་དབང་ཕྱུག །མཁྱེན་ཡིད་སྲུབས་མཐར་བྱེད་ཅིང་། །སྣ་ཚོགས་ཁྱབ་འཇུག །གཟུགས་ཀྱི་ཁྱབ་འཇུག་དང་། །མཆོད་འོས་འཇིག་རྟེན་མིག་ཉི་མ། ཀྱང་དེ། །འགལ་བའི་སྦྱར་བ། འཆི་ཐུབ་པ་དང་ལྷ་སྤྱི། མེད་ཉིད་ཀྱང་སྲིད་ལས་འདས། དཔལ་ཁྱབ་འཇུགགྱི་བདག་སྟེ་བསླུ་བ་སྤངས། །རྟག་དབང་ཕྱུགཏུ་ཞི་བའང་འདོད་རྡུལ་ཆགས་མུན་གཏི་མུག་དང་། སྙིང་སྟོབས་ཞེ་སྡང་ཕ་རོལ་སོན་ལ་བསྔགས། །ཉེར་ལྔ་པ་ཁྱད་པར་བརྗོད་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དངོས་པོ་གཞན་དང་ཐུན་མོང་མ་ཡིན་པ་བརྗོད་པར་འདོད་པས་ཡོན་ཏན་ལ་སོགས་པའི་རྒྱུ་ཆེད་དུ་མ་ཚང་ཡང་འབྲས་བུ་འབྱུང་བར་སྟོན་པའི་ངག་སྟེ། དབྱེ་ན་ལྔ་ལས། དང་པོ་ཡོན་ཏན་མ་ཚང་པའི་ཁྱད་པར་བརྗོད་པ། རྣམ་འདྲེན་གང་གི་བྱམས་པའི་གོ། སྲ་ཞིང་ལྕི་དང་མཁྲེགས་པའང་མིན། །དེ་ལྟ་ན་ཡང་ཡིད་སྲུབས་དཔུང་། །མཐའ་ཀླས་མཚོན་ཀུན་ཕབ་པར་གྱུར། །རིགས་མ་ཚང་བའི་ཁྱད་པར་བརྗོད་པ། མཁས་ཁྱོད་སུམ་རྩེན་གྲོང་ཁྱེར་དང་། །འཕགས་པའི་ཡུལ་དུ་བྱུང་བའང་མིན། །འོན་ཀྱང་ལེགས་པར་སྦྱར་བའི་གཞུང་། །སྨྲ་དབང་བྱེ་བའི་ཁེངས་པ་བསྙིལ། །བྱ་བ་མ་ཚང་བའི་ཁྱད་པར་བརྗོད་པ། ཡིད་འོང་མིག་ཟུར་གཡོས་པ་མེད། །འདོད་པའི་གཏམ་གྱིས་བསླུ་བ་སྤངས། །ཟང་ཟིང་གཡབ་མོས་བོས་མིན་པར། །གྲངས་མེད་དཔྱོད་ལྡན་མཛའ་བོ་བཀུག །རྫས་མ་ཚང་བའི་ཁྱད་པར་བརྗོད་པ། རྣམ་བཞིའི་གཡུལ་གྱི་སྦྱོར་བ་དང་། །གྲུབ་པའི་སྔགས་རིག་འཛིན་མིན་ཀྱང་། །དྲི་མེད་སྤོབས་པའི་མཐུ་ཁོ་ནས། །ཕས་རྒོལ་ཕྱོགས་ལས་རྣམ་པར་རྒྱལ། །རྒྱུ་མ་ཚང་བའི་ཁྱད་པར་བརྗོད་པ། གྲོགས་མེད་ཉམ་ངའི་བས་མཐའ་རུ། །སྟོབས་འབྱོར་གྲགས་པའི་ཕུན་ཚོགས་དམན། །དེ་ལྟར་ན་ཡང་བསྔགས་འོས་ཅན། །མགོན་ཁྱོད་སྲིད་ཞིའི་བླ་ན་བརྗིད། །ཉེར་དྲུག་པ་མཚུངས་སྦྱོར་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་འདོད་པའི་ཡོན་ཏན་ཁྱད་པར་འཕགས་པའམ། །འཕགས་པ་མིན་པ་གཞན་ཞིག་ཡུལ་དེ་དང་དོན་མི་མཚུངས་ཀྱང་མཚུངས་པར་བྱས་ནས་བསྟོད་སྨད་ཀྱི་དོན་དུ་སྦྱར་པའི་ངག་སྟེ། དབྱེ་ན་གཉིས་ལས། དང་པོ་བསྟོད་པའི་མཚུངས་སྦྱོར། ཁ་སྦྱོར་བདུན་ལྡན་གསང་བའི་བདག །མདའ་བསྣུན་ཞབས་དང་མགོན་ཁྱོད་ཀྱང་། །སྔགས་གཞུང་རྒྱ་མཚོའི་སྟོན་པ་ཞེས། །གྲགས་པ་རི་བོའི་ཁོངས་སུ་མཐོ། །འདི་ཡང་། གྲུ་འཛིན་ཞིང་ན་མིག་མི་འཛུམ། །དཔལ་ལྡན་ས་སྐྱར་བརྩེ་བ་ཆེ། །དེང་དུས་བདག་གི་འདྲེན་པ་རྣམས། །འགྲོ་ཀུན་སྒྲོལ་བའི་རྣམ་ཐར་འཛིན། །སྨད་པའི་མཚུངས་སྦྱོར། སྙིགས་དུས་ལུས་ཅན་འཚོ་བའི་རྒྱུན། །ཡལ་གའི་རི་དྭགས་ཟློས་པའི་གར། །གློག་གི་ཐག་པ་གཡོ་བ་ཡང་། །སྐད་ཅིག་གཉིས་པར་མཐོང་མི་འགྱུར། །ཉེར་བདུན་པ་འགལ་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཁྱད་པར་རམ་འགལ་ཟླ་སྒྲུབ་པའི་སླད་དུ་འཇིག་རྟེན་ན་གྲགས་པ་བརྟན་པའི་དངོས་པོ་ཤིན་ཏུ་ཐ་དད་པ་དག་ལྷན་ཅིག་ཏུ་འགྲོགས་པར་སྟོན་པའི་ངག་སྟེ། དབྱེ་ན་དྲུག་ལས། དང་པོ་གཞི་ཐ་དད་བྱ་བ་འགལ་བ། སྐལ་འབངས་རྣམས་ཀྱི་མགོན་ཁྱོད་ཞབས། །དྲན་པས་ཀུན་དགའི་ཚོར་བ་བརྟས། །མེ་ཏོག་མདའ་ཅན་དཔུང་ཚོགས་ནི། །ཡིད་འོང་འདོད་དང་བྲལ་བས་ཉམས། །གཞི་གཅིག་ཡོན་ཏན་འགལ་བ། གང་གསུང་མཉན་འོས་ལེགས་བཤད་མཐུས། །གཟུར་གནས་སྣང་བ་མཆོག་ཏུ་རྒྱས། །ལུང་རིག་གིས་ཀྱང་ཕས་རྒོལ་ཚོགས། །མུན་པའི་མལ་དུ་ལྟུང་བར་གྱུར། །རྫས་འགལ་བ། རང་དོན་ཕྲ་ཞིང་གཞན་ཕྱིར་ཡངས། །རྣམ་དཔྱོད་རིང་ལ་འཁྲུལ་པ་ཐུང་། །མཐོ་ཡང་དམན་པར་རྗེས་འཇུག་པའི། །འཕགས་པས་ལུས་ཅན་སུ་མ་བཟུང་། །རྫས་དང་ལས་འགལ་བ། རབ་བསིལ་ཚུལ་ཁྲིམས་སྙིང་རྗེ་དང་། །རྟག་ཏུ་བྱམས་བརྩེའི་རོས་བརླན་པས། །ནག་པོའི་རྩ་ལག་སྡེར་བཅས་ཀུན། །གདུང་ནུས་མིན་ནམ་པད་དཀར་འཆང་། །གཞི་གཅིག་བྱ་བ་འགལ་བ། སྨྲ་མཁས་གང་གི་ཚར་གཅོད་ཀྱི། །རིག་པས་ཕམ་པར་བྱས་མིན་ཀྱང་། །སྤོབས་པའི་མཐུ་དམན་ཕས་རྒོལ་ཚོགས། །འདར་ཞིང་ཞུམ་པས་དུད་ལ་ཕྱོགས། །སྦྱར་བའི་འགལ་བ། དཔལ་ལྡན་རལ་བ་འཛིན་ཁྱོད་ཀྱིས། །འདོད་ཆགས་ཟམ་པ་ཡོངས་བཅོམ་ཡང་། །རྒྱལ་མར་ཤིན་ཏུ་རྗེས་ཆགས་པས། །འཁྱུད་སླད་གཅིག་ཏུ་ཡིད་བརྟན་ཅི། འདི་སྤྱན་རས་གཟིགས་དང་། དབང་ཕྱུག་ཆེན་པོ་གཉིས་སྦྱར་བ་སྟེ། དེ་ཡང་དཔལ་ལྡན་རལ་པ་འཛིན་ཞེས། །སྤྱན་རས་གཟིགས་དང་དབང་ཕྱུག་གཉིས་ཀ་ལ་འཇུག་པས་སྦྱར་གཞི་དང་། ཚིག་ལྷག་མ་སྤྱན་རས་གཟིགས་ཀྱི་སྐབས། ཁྱོད་ཀྱིས་འདོད་ཆགས་ཀྱི་ཟམ་པ་ཐམས་ཅད་ཡོངས་སུ་བཅོམ་པའི་ཆགས་བྲལ་གྱི་གོ་འཕང་བརྙེས་ཀྱང་། རྒྱལ་མ་སྟེ་རྗེ་བཙུན་སྒྲོལ་མ་ལ་ཤིན་ཏུ་རྗེས་སུ་ཆགས་པ་ཆེན་པོས་བདེ་བ་མཆོག་གི་རོས་དུས་རྟག་ཏུ་འཁྱུད་སླད་གཅིག་ཏུ་ཆགས་བྲལ་གྱི་གོ་འཕང་ཐོབ་ཅེས་ཡིད་བརྟན་འཆའ་བར་ནུས་སམ་ཅི་ཞེས་པ་དང་། དབང་ཕྱུག་ལ་ཁྱོད་ཀྱི་འདོད་ཆགས་ཀྱི་ཟམ་པ་སྟེ་བདུད་ཀྱི་སྟེ་ཐམས་ཅད་ཡོངས་སུ་བཅོམ་ཡང་ད་དུང་རྒྱལ་མ་སྟེ་ལྷ་མོ་ཨུ་མ་ལ་ཤིན་ཏུ་ཆགས་པ་ཆེན་པོས་ཉེ་བར་འཁྱུད་པའི་ཕྱིར་མཐའ་གཅིག་ཏུ་འདོད་པའི་བདག་ཉིད་ཐམས་ཅད་བཅོམ་མོ་ཞེས་ཡིད་བརྟན་འཆའ་ནུས་སམ་ཅི་ཞེས་པ་སྟེ། འདོད་ཆགས་བཅོམ་པ་དང་ཤིན་ཏུ་འདོད་ཆགས་སྤྱོད་པ་འགལ་ལོ། །ཉེར་བརྒྱད་པ་སྐབས་མིན་གྱི་བསྟོད་པའི་རྒྱན་ནི། ཚིག་སྦྱོར་གང་ཞིག་བརྗོད་པར་བྱ་བའི་དངོས་པོ་དེ་ཉིད་ངོ་བོའི་སྒོ་ནས་བསྔགས་འོས་ཀྱི་སྐབས་སུ་མ་བབས་ཀྱང་། རང་གི་འདོད་པ་དང་རྗེས་སུ་མཐུན་པར་བསྟོད་པའི་ངག་སྟེ། དཔེར་ན། བསགས་བསྲུངས་སྤེལ་དང་འདུ་འཛིའི་སྐྱོན། །བཏང་ནས་ཕྱོགས་རྣམས་ཐམས་ཅད་དུ། །ཐོགས་མེད་བགྲོད་པའི་སྐལ་བཟང་གིས། །འདབ་ཆགས་ཚོགས་འདི་བདེ་བར་སྤྱོད། །འདི་ཡང་། རབ་དྭངས་བཻཌཱུར་རྒྱུད་མང་གང་། །ཡིད་འོང་སྙན་འགྱུར་སྒྲོགས་བཞིན་དུ། །མཚོ་བྱུང་ཕྱག་གི་འཇོ་སྒེག་ལ། །བརྟེན་འདི་བསོད་ནམས་ཨེ་མ་ཡངས། །ཉེར་དགུ་པ་ཟོལ་བསྟོད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་རྣམ་པ་སྨད་པའི་ཟོལ་གྱིས་དོན་དུ་བསྟོད་བསྔགས་ཀྱི་ཁྱད་པར་ཕུལ་དུ་བྱུང་བ་ཐོབ་པར་བྱེད་པའི་ངག་སྟེ། དབྱེ་ན་གསུམ་ལས། དང་པོ་མཐུ་ཕུན་ཚོགས་ཀྱི་ཟོལ་བསྟོད། ཆོས་ཀྱི་གྲགས་པ་གཅིག་པུས་ཀྱང་། །མཐའ་ཀླས་མུར་འདུག་ཕྱོགས་ལས་རྒྱལ། །མཁས་ཁྱོད་དཔུང་དང་བཅས་པ་ཡིས། ཕྱིར་རྒོལ་བཅོམ་འདིར་ཁེངས་མི་འཚལ། །དཔའ་བ་ཕུན་ཚོགས་ཀྱི་ཟོལ་བསྟོད། གངས་ཅན་ལྷ་གཅིག་སྲོང་བཙན་རྗེས། །མཐའ་བཞིའི་དྲེགས་ལྡན་བྱེ་སྙེད་བཅིངས། །འཕགས་གཟུགས་མཆོག་གཞན་བསྒྱུར་བ་ཡི། །རྒྱལ་སྲས་ཁྱོད་ཀྱིས་རིགས་སམ་ཅི། །སྦྱར་བའི་ཟོལ་བསྟོད། ཁྱོད་ཀྱི་དཔུང་པས་བསྲུངས་པའི་ཡུལ། །མཐའ་ཡས་རང་གཟུགས་དག་ལ་ཆགས། །ཅི་སླད་རྒྱལ་སྲིད་ཀྱིས་འབྱོར་པའི། །རྨད་བྱུང་ཁེངས་པ་འཛིན་འོས་སམ། །འདི་ཆོས་རྒྱལ་སྲོང་བཙན་སྒམ་པོའི་རྒྱལ་སྲིད་དང་སྦྱར་བ་མ་གཏོགས་བཤད་ཚུལ་འོག་མ་དང་མཐུན་པའི་ཕྱིར་རིག་པས་འཕྲུལ་ཤེས་པར་བྱའོ། །འདི་ཡང་། ཁྱོད་ཀྱི་གདུལ་བར་བྱ་བའི་ཡུལ། །མཐའ་ཡས་རང་གཟུགས་དག་ལ་ཆགས། །ཅི་སླད་གཞན་ཕན་ཕྲིན་ལས་ཁུར། །རྨད་བྱུང་ཁེངས་པ་འཛིན་འོས་སམ། །རྣམ་འདྲེན་ཁྱོད་ཀྱི་གདུལ་བར་བྱ་བའི་ཡུལ་ནི། མཐའ་ཡས་ཏེ་ཀླུའི་རྒྱལ་པོ་ལྷག་མ་ཅན་གྱི་རང་གཟུགས་ཕྲག་པ་དག་ལ་ཆགས་ན་ཀླུ་དེ་ནི་བླུན་ཅིང་ཆེས་རྨུགས་པའི་ཕྱིར་དང་། ཡང་ན་མཐའ་ཡས་ནི་ཁྱབ་འཇུག་སྟེ། དེའི་རང་གཟུགས་རུ་སྦལ་གྱི་འཇུག་པ་ལ་ཆགས་པས་ན་ཁྱབ་འཇུག་དེ་ནི་ཆེས་གཡོ་སྒྱུའི་བསླུ་བ་ཅན་ཡིན་པའི་ཕྱིར་ན། ཅི་སླད་ཁྱོད་ཀྱིས་གཞན་ཕན་ཕྲིན་ལས་ཉིད་རྨད་དུ་བྱུང་བ་ཐོབ་སྙམ་པའི་ཁེངས་པ་འཛིན་པར་འོས་སམ་ཞེས་སྨད་པའི་ཟོལ་གྱིས། དོན་དུ་ཀླུའི་རྒྱལ་པོ་ལྷག་མ་ཅན་གྱི་ཕྲག་པས་བཏེགས་པའམ། ཁྱབ་འཇུག་གིས་བཟུང་བའི་ས་ཆེན་པོ་འདི་ཐམས་ཅད་ཁྱོད་ཀྱི་གདུལ་བྱས་ཁྱབ་པོ་ཞེས་ཕྲིན་ལས་ཤིན་ཏུ་རྒྱ་ཆེ་བར་སྟོན་པའོ། །ཡང་མཐའ་ཡས་ཞེས་པས་གཞི་ལའང་འཇུག་པས། དེའི་རང་གཟུགས་གླིང་བཞི་དག་ལ་ཆགས་པའི་ཞེས་ཀྱང་སྦྱར་རུང་ངོ་། །སུམ་ཅུ་པ་ངེས་བསྟན་གྱི་རྒྱན་གྱི་མཚན་ཉིད་ནི། །ཚིག་སྦྱོར་གང་ཞིག་སྟོན་བྱེད་དཔེའི་འཇུག་པ་འཇིག་རྟེན་ན་ཡོངས་སུ་གྲགས་པས། བསྟན་བྱ་དམ་པ་དང་དམ་པ་མ་ཡིན་པའི་དངོས་པོ་ཞིག་གསལ་བར་སྟོན་པའི་ངག་སྟེ། དབྱེ་ན་གཉིས་ལས། མཆོག་གི་ངེས་བསྟན། འཇིག་རྟེན་མགོན་ཁྱོད་སྤྱན་རས་ཟུང་། །གཞན་ཡང་མི་འཛུམ་གཟིགས་པ་འདིས། །དུས་གསུམ་ཀུན་ཏུ་སེམས་ཅན་ཁམས། །མཐའ་ཀླས་རྗེས་འཛིན་སྟོན་ཕྱིར་རོ། །འདི་ཡང་། དབྱར་སྐྱེས་སྤྲིན་གྱི་རྔ་གསང་གིས། །མདོངས་མཐའི་སྙིང་ལ་དཔལ་སྟེར་བྱེད། །སྨྲ་མཁས་གང་གི་ལེགས་བཤད་ཀྱིས། །དཔྱོད་ལྡན་ཚོགས་རྣམས་དགའ་བར་སྟོན། །མཆོག་མིན་ངེས་བསྟན། ཐུན་གསུམ་མཐུ་ཡིས་དཀར་པོའི་ཕྱོགས། །འགྲིབ་པའི་གནས་སྐབས་བརྩོན་པར་གྱུར། །སྨད་འོས་ལས་ལ་རྗེས་སྤྱད་རྣམས། །ཕན་བདེའི་སྣང་བ་ནུབ་པར་མཚོན། །སོ་གཅིག་པ་ལྷན་ཅིག་བརྗོད་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཁྱད་གཞིའི་དངོས་པོ་ཇི་ལྟར་རིགས་པ་དག་དང་ཡོན་ཏན་ལ་སོགས་པའི་ཁྱད་པར་གྱི་ཆོས་མཉམ་དུ་བརྗོད་པའི་ངག་སྟེ། དབྱེ་ན་གསུམ་ལས། དང་པོ་ཡོན་ཏན་ལྷན་ཅིག་བརྗོད་པ། མགོན་ཁྱོད་ཕྲིན་ལས་འཇུག་པ་དང་། །ལྷན་ཅིག་གདུལ་བྱའི་ཕ་མཐའ་རིང་། །དེ་དག་རྣམས་ཀྱི་ལེགས་སྤྱད་དང་། །མཉམ་དུ་གང་གི་གྲགས་པ་དཀར། །བྱ་བ་ལྷན་ཅིག་བརྗོད་པ། ཁྱོད་ཀྱི་ལེགས་གསུང་དགའ་སྟོན་དང་། །ལྷན་ཅིག་གཟུར་གནས་སྤོབས་པ་རྒྱས། །དེ་དག་རྨོངས་པ་དང་མཉམ་དུ། །ཕུན་སུམ་ཚོགས་མིན་ནུབ་པར་གྱུར། །བྱ་བ་གཅིག་པའི་ལྷན་ཅིག་བརྗོད་པ། མང་དུ་ཐོས་པའི་སྐལ་བཟང་དང་། །དེ་དོན་བསམ་པའི་བློ་མིག་དང་། །ཚུལ་བཞིན་ཡང་དག་འཇོག་པ་སྟེ། །གསུམ་པོ་འདི་ནི་མཉམ་དུ་དར། །སོ་གཉིས་པ་ཡོངས་བརྗེས་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དོན་རྣམས་ཕན་ཚུན་བསྣོལ་བའི་ཚུལ་གྱིས་བརྗོད་པའི་ངག་སྟེ། དཔེར་ན། ཕས་རྒོལ་ཚོགས་ལ་གདུང་བའི་རྒྱུན། །སྟེར་བྱེད་ཁྱོད་ཀྱི་ལུང་རིག་གིས། །དེ་དག་སྤོབས་པའི་གན་མཛོད་ནི། །ངལ་བས་བསྒྲུབས་ཀུན་གཅིག་ཅར་འཕྲོག །སོ་གསུམ་པ་ཤིས་བརྗོད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཡིད་ལ་མངོན་པར་འདོད་པའི་དངོས་པོ་ལ་སྨོན་པར་བྱེད་པའི་ངག་སྟེ། དཔེར་ན། གློ་བུར་རྟོག་པའི་མཚན་མ་ཀུན། །ཤིན་ཏུ་ཞི་བ་དམ་པའི་དངོས། །རྣམ་ཀུན་མཆོག་ལྡན་ཡེ་ཤེས་ཀྱིས། །ཁྱོད་ལ་ཀུན་ཏུ་སྲུང་གྱུར་ཅིག །སོ་བཞི་པ་རབ་སྤེལ་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཐ་དད་པའི་རྒྱན་གཉིས་སམ་མང་པོ་རྣམས་བསྲེས་པ་སྦྱོར་བ་གཅིག་ལ་གནས་པའི་ངག་སྟེ། དབྱེ་ན་གཉིས་ལས། དང་པོ་སྟོབས་མཚུངས་རབ་སྤེལ། བརྟན་པའི་འཁོར་ལོའི་མཚན་དཔེའི་གཟིས། །ཉིན་མོའི་དཔེ། མཛེས་པ་ཟུམ་པར་བྱེད། །རྨད་དོན་གཞན་བཀོད་པ་དང་། བྱུང་སྣང་བའི་དཔལ་སྦྱིན་ལ། །ཀུན་དགའ་སྟེར་བ་སོམ་ཉི་ཅི། །སྒྲུབ་བྱེད་མཚུངས་པའི་རབ་སྤེལ། ཡིད་འོང་འཇོ་སྒེག་ལྡན་པ་ཡི། །ལང་ཚོ་དར་བའི་རིགས་ཀྱི་རང་བཞིན་བརྗོད་པ། འཕགས་རྣམས་ཀྱི། སྙན་པའི་ཚིག་མ་བསྡུས་གཟུགས་ཅན། གི་སྦྲང་རྩི་ཡིས། །རྣ་བ་སྐལ་བྱ་བའི་རང་བཞིན་བརྗོད་པ་སྟེ་སློབ་དཔོན་རཏྣ་ཤྲཱིའི་འགྲེལ་པར་དཔེར་བརྗོད་པ་དང་མཐུན་པར་བྱས་སོ། །བཟང་ཉིད་དུ་བྱེད། །སོ་ལྔ་པ་དགོངས་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྙན་ངག་མཁན་རྣམས་ཀྱིས་ཇི་ལྟར་བསམ་པ་དང་རྗེས་སུ་མཐུན་པར་ཕུན་སུམ་ཚོགས་པའི་ཉམས་དང་ལྡན་པར་སྦྱར་བ་ཁྱད་པར་བཞི་ལྡན་གྱི་ངག་སྟེ། དེ་ལྟ་བུ་ནི་གཞུང་གི་རྒྱན་ཆེན་པོ་ལ་ཡོད་པ་ཉིད་ཀྱི་ཕྱིར་དཔེར་བརྗོད་དུ་བསྙད་པའི་ཤློ་ཀ་རེ་གཉིས་ཀྱིས་རྩ་བའི་དགོངས་དོན་བཤིག་པར་མི་བྱའོ། །སྨྲས་པ། སྙན་པའི་མཛེས་པས་གཞར་ཡང་མ་སྨད་དོན་བཟང་འདོད་པ་འཇོ་བའི་ཕྲེང་། །འདིས་ཀྱང་མཁས་པའི་མགྲིན་པར་མཛེས་ཞེས་གཟུར་གནས་ཚོགས་རྣམས་གཏམ་དུ་གླེང་། །སྙིགས་སྤྱོད་དཔྱིད་ཀས་དྲངས་པའི་འཁོར་འགྲོ་ཕྱོགས་ལྷུང་འབིགས་བྱེད་ཁམ་ཟས་ཅན། །འགའ་ཞིག་ལེགས་བཤད་ལྕིད་ཀྱིས་གདུངས་ཏེ་ལེགས་སོའི་གླུ་དབྱངས་སྒྲོགས་མི་བྱེད། །འོན་ཀྱང་གཅིག་ཏུ་གཞན་ཕན་ལ། །ཆགས་པའི་ཚིག་གི་མེ་ཏོག་གིས། །དོན་མཐུན་རྣ་བའི་རི་བོའི་ངོགས། །འཁྱུད་པས་ཀུན་ཏུ་སྨན་གྱུར་ཅིག །ཅེས་རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ལས། དོན་གྱི་རྒྱན་གྱི་ཡོངས་སུ་བཅད་པའི་སྐབས་ཏེ་གཉིས་པའོ།། །། མཛེས་མཛེས་མཚན་དཔེའི་མཚར་སྡུག་རྫོགས་པ་ཨུཏྤལ་ཚལ་མིན་བྱམ༷ས་པ༷འི་བདུད་རྩིའི་བརླན་རབ་ཆགས། །སྙན་སྙན་ལེགས་བཤད་དབྱངས་སུ་འཇོ་འདི་ཁུ་བྱུག་ཉིད་མིན་སྐལ་བཟང་ཀུན༷་དག༷འི་ཚོར་བ་སྦོམ། །གསལ་གསལ་གྲགས་པའི་སྤྲིང་ཡིག་འགྲིམ་འདི་ཟླ་ཤེལ་མྱུ་གུ་སར་པ་མ་ལགས་བསྟན༷་འཛི༷ན་ཀུན་གྱི་རྒྱན་གྱུར་ཕྱིར། །དྭངས་དྭངས་བློ་ཡིས་རྟག་ཏུ་མཆོད་ན་ཚེ་འདི་ཙམ་མིན་བྱང་ཆུབ་བར་དུ་བཤེས་སུ་མཛོད། །དེ་ལྟར་དོན་གྱི་རྒྱན་ཉིད་ལས། །བརྩམས་པའི་མེ་ཏོག་གཏོར་བྱས་ནས། །སྒྲ་དང་གབ་ཚིག་དག་གི་ཡང་། །དཔེར་བརྗོད་ཅུང་ཟད་སྤྲོ་ལ་ཕྱོགས།། །།ལེའུ་གསུམ་པ་ལས་བྱུང་བའི་རྒྱན་གཉིས་པ་སྒྲ་རྒྱན་ལ་གསུམ་སྟེ། ཟུང་ལྡན་གྱི་རྣམ་པར་བཞག་པ། བྱ་དཀའ་བའི་ཁྱད་པར་གཞན་བཤད་པ་དབྱངས་སོགས་ངེས་པའི་བྱ་དཀའ་བྱེ་བྲག་ཏུ་ཕྱེ་བའོ། །དང་པོ་ལའང་། རྐང་པ་དང་པོ་ན་ཡོད་པའི་ཟུང་ལྡན། གནས་གཞན་ན་ཡོད་པའི་ཟུང་ལྡན། མཐའ་ཐོག་སྦྱར་བའི་ཟུང་ལྡན། ཀུན་ཏུ་ཟུང་ལྡན། བསྲེས་པའི་ཟུང་ལྡན། བཟློག་པའི་ཟུང་ལྡན་ཏེ་དྲུག་གོ། དེ་ལ་དང་པོ་རྐང་པའི་ཐོག་མར་ཡོད་པའི་ཟུང་ལྡན་ལའང་གསུམ་གྱི་དང་པོ་བར་མཆོད་པའི་རྐང་པ་རེར་རེ་རེ་ཡོད་པ། དང་པོར། སྙན༷་སྙན༷་བཻཌཱུར་ཏམྦུ་རཿ དལ་གྱིས་བརྡུངས་པའི་འཇོ་སྒེག་གིས། །སྐལ་བཟང་ཚོགས་རྣམས་སྐྱོང་མཛད་པ། །སྭ་ར་སྭ་ཏཱིས་དགེ་ལེགས་སྩོལ། །འདི་ཡང་། འཇི༷ག་རྟེན༷་འཇི༷ག་རྟེན༷་འདས་པ་ཡི། །ཕུན་ཚོགས་ནོར་བུའི་ཅོད་པན་གྱིས། །ལན་བརྒྱར་བཏུང་བའི་རྣམ་འདྲེན་རྗེའི། །ཞབས་རྡུལ་སྤྱི་བོའི་གཙུག་ཏུ་ལེན། །གཉིས་པ། ལྷ་དང་དྲང་སྲོང་གྲུབ་པའི་དབུས། །མཛེས་མཛེས་མཚན་དཔེའི་རི་མོ་ཅན། །ཡིད་འོང་ངང་པའི་བུ་མོ་ཡིས། །བདག་བློའི་པད་མཚོར་རྩེན་པར་མཛོད། །འདི་ཡང་། ཚུལ་གནས་ཁྲིམས་ཀྱི་ཀཻས་ར་ས། །མཛེས་པས་མཛེས་པ་གཞན་དག་ཀུན། །འགོགས་བྱེད་བྱམ༷ས་བརྩེའི་རོས་བརླན་པའི༷། །ཐེག་ཆེན་སོ་ཐར་པདྨོ་དགོད། །གསུམ་པར། གང་ཞིག་ཁྱོད་ཞབས་ལ་རེག་པས། །རྣམ་འབྱེད་ཀུ་མུད་དར་བབས་པའི། །གསལ་གསལ་གྲགས་དཀར་ཟླ་བ་ཡིས། །འདི་ན་ཤིས་པའི་སྣང་བ་སྩོལ། །འདི་ཡང་། རྟག་ཏུ་མཐའ་ཀླས་འགྲོ་བ་ལ། །ཀུན་དགའི་དགའ་སྟོན་ཉེར་སྦྱིན་པའི། །སྙིང་རྗེ་སྙིང་རྗེའི་དབང་ཕྱུག་དང་། །མི་ཕྱེད་བྱང་ཆུབ་སེམས་དཔའ་མཆོག །བཞི་བར། མྱོས་པའི་དམར་བས་རེག་པ་ཡི། །ཟུར་མིག་གཡོ་ལྡན་མཆིལ་བ་ཡིས། །བཏབ་པ་མིན་ཀྱང་ཕྱོགས་བྲལ་གྱི། །མཁས་མཁས་དཔྱོད་ལྡན་བརྟན་པ་འཕྲོག །འདི་ཡང་། ཁྱད་པར་རྡོ་རྗེ་ཐེག་པ་ཡི། །བསྟན་འཛིན་གྲུབ་རིགས་རྒྱ་མཚོས་ཀྱང་། །ཁྱོད་ཞབས་བསྙེན་ལ་རིངས་བཞིན་དུ། །བསྔགས་པས་བསྔགས་པའི་ཡི་གེས་བརྗིད། །དང་པོ་གཉིས། ལྷོད་ལྷོད་མགྲིན་པའི་སྤྲིན་དཀར་ལས། །དིར་དིར་ལེགས་གསུངས་དབྱར་གྱི་རྔ། །སྒྲོགས་པས་མོས་ལྡན་མདོངས་མཐའི་ཚོགས། །མཁྱེན་པའི་རྩེ་དགས་བཟུང་བར་མཛོད། །འདི་ཡང་། བློ་གྲོས་བློ་གྲོས་བདག་པོ་དང་། །ཡོན་ཏན་ཡོན་ཏན་རྒྱ་མཚོའི་དཔྱིད། །མགོན་པོ་ཁྱོད་ཀྱིས་བྱང་ཆུབ་བར། །བདག་སོགས་རྗེས་སུ་བཟུང་མཛོད་ཀྱེ། །དང་པོ་དང་གསུམ་པར། ཆིལ་ཆིལ་ནོར་བུའི་ཐག་པ་ཡིས། །འཁྱུད་པའི་ལྷོ་ཕྱོགས་རོལ་མཚོ་ཆེར། །འཛུམ་འཛུམ་ཁྱོད་ཞལ་བཞད་པའི་ཚེ། །ཚངས་པའང་ཆགས་བྲལ་མལ་ལས་བསླང་། །དང་པོ་དང་བཞི་པར། དཀར་དཀར་འོ་མའི་ཆུ་གཏེར་གྱིས། །ལན་བརྒྱར་བཀྲུས་པའི་ཞབས་སེན་རྡུལ། །གནག་ཅིང་སྣུམ་པའི་ཨུཏྤ་ལར། །མཚར་མཚར་མིག་གི་བདུད་རྩིར་བཀོད། །གཉིས་པ་དང་གསུམ་པར། སོར་མོའི་འཁྲི་ཤིང་འདར་བ་ལ། །ལིང་ལིང་རྒྱུད་མང་བྷྲ་མ་རས། །ཡང་ཡང་རྩེན་པའི་ལེགས་བཤད་གཏམ། །སྲིད་རྩེའི་བར་དུ་སོང་བར་གྱུར། །གཉིས་པ་དང་བཞི་པར། དེ་ཚེ་འཆི་མེད་གྲུབ་པའི་ཚོགས། །སིམ་སིམ་རྣ་བའི་སྐལ་བཟང་དུ། །མཐོང་ནས་གཞན་དུ་མི་གཡོ་བར། །དུང་དུང་སེམས་ཀྱིས་མཉན་ལ་ཕྱོགས། །གསུམ་པ་དང་བཞི་པར། ཁྱད་པར་སྙིང་རྗེའི་བརླན་ཆགས་པའི། །ཡེ་ཤེས་གཟིགས་པའི་ཟླ་ཤེལ་ནི། །ཁོར་ཁོར་ཕྱོགས་ཀྱི་བུ་མོའི་འགྲམ། །རིག་རིག་བློ་མིག་སྦྱིན་ལ་ཆས། །རྐང་པ་གསུམ་རེར་ཡོད་པ། དང་པོ་གསུམ། འཇམ་འཇམ་ཀཱ་ཤིའི་སྟོད་གཡོགས་ལ། །མང་མང་རིན་ཆེན་གྱིས་ལྕིད་པའི། །སིལ་སིལ་སྒྲ་ཡི་རོལ་མོ་ཡིས། །ཕྱོགས་ཀུན་རྒྱས་པར་འགེངས་པ་བཞིན། །དང་པོ་དང་གཉིས་པ་བཞི་པར། འཚེར་འཚེར་དབང་པོའི་གཞུ་རིས་དང་། །མཁས་མཁས་སྣ་ཚོགས་ལས་པ་ཡིས། །བྲིས་པ་ཇི་བཞིན་དཱུ་ཀུ་ལའི། །ལྡེམ་ལྡེམ་སྨད་གཡོགས་སར་པས་འཁྱུད། །དང་པོ་དང་ཕྱི་མ་གཉིས། བསིལ་བསིལ་ག་བུར་རྐང་འཐུང་ལ། །རེག་པ་མིན་ཡང་ཁྱོད་ཞབས་ལས། །ཟབ་ཟབ་སྙན་ངག་བཅུད་མྱོང་བས། །གྲུང་གྲུང་བློ་མཆོག་ལང་ཚོ་དར། །ཕྱི་མ་གསུམ། དེ་སླད་མཁས་བརྒྱའི་མགྲིན་པའི་མཚོས། །འགྲིག་འགྲིག་ཚིག་རྒྱན་མེ་ཏོག་བཅས། །གུས་གུས་བརྟུལ་ཞུགས་ལྷུར་ལེན་ནས། །བཟང་བཟང་ཁྱོད་ཞབས་མཆོད་མིན་ནམ། །རྐང་པ་བཞི་ཀར་ཡོད་པ། དུང་དུང་འཕགས་མ་རྗེས་དྲན་བདག །དྭངས་དྭངས་རྣམ་དཔྱོད་མི་ལྡན་ཀྱང་། །ཡང་ཡང་མཚོ་བྱུང་བསྔགས་པའི་མཐུས། །སྐྱེ་ནས་སྐྱེ་བར་རྗེས་བཟུང་ཤོག །གཉིས་པ་བར་དུ་ཆོད་པ་ལ་རྐང་པ་གཉིས་རེར་ཡོད་པ་ལས། དང་པོ་གཉིས། འཇམ་དབྱངས་ངུར་སྨྲིག་ཟློས་གར་ཅན། །འཇམ་མགོན་བླ་མའི་ཡོན་ཏན་གྱི། །གྲགས་པའི་ཆུ་གཏེར་ཆེན་པོ་ལ། །སྒྲ་རྒྱན་ཟླ་བའི་འཛུམ་གྱིས་བྲན། །དང་པོ་དང་གསུམ་པར། གང་ཞིག་གཟོད་ནས་དག་པ་ཡི། །ཡེ་ཤེས་ཕ་རོལ་ཕྱིན་བརྙེས་ཀྱང་། །གང་དག་སྐལ་བས་ཕྱུག་རྣམས་དང་། །རྗེས་མཐུན་མཚན་དཔེའི་སྒྱུ་འཕྲུལ་སྟོན། །དང་པོ་དང་བཞི་པར། །ཁྱོད་ཞལ་པདྨོ་གཞོན་ནུ་ནས། །རིག་པའི་མཚར་སྡུག་གཡོ་བ་ཡིས། །ཆེར་རློམ་ཁེངས་པ་སྙིལ་མཛད་པ། །ཁྱོད་ཚུལ་སུ་ཞིག་བསྔགས་མི་སྤྲོ། །བར་པ་གཉིས། ཐོག་མ་ཉིད་ནས་འཇུག་པའི་སྒོ། །ཡི་གེའི་སྦྱོར་བ་ལ་འཆེལ་བས། །ཡི་གེ་མིང་དང་ཚིག་རྣམས་ཀྱི། །སྒྲ་དང་དོན་དུ་བཅས་པ་རྟོགས། །གཉིས་བཞིར། སྲིད་པ་ཞི་བའི་རྣམ་འགྱུར་ནི། །སྣ་ཚོགས་མ་འདྲེས་བསྐྲུན་པ་ཡིས། །མཛེས་པ་གཞན་དག་རིང་འགོགས་པས། །སྣ་ཚོགས་ལས་པའི་སྙེམས་པ་འཕྲོག །ཕྱི་མ་གཉིས། མི་ན་གནས་དང་རྣམ་འགྱུར་ཚོགས། །གསོ་བྱེད་ཡན་ལག་བརྒྱད་པའི་ཆར། །ཕན་དགོངས་སྤྲིན་གྱིས་བཟུང་བ་ལས། །ཕན་བདེའི་སྙེ་མ་གཡུར་ཟ་མཛོད། །རྐང་པ་གསུམ་རེར་ཡོད་པ་ལ། །དང་པོ་གསུམ། བརྡ་སྤྲོད་གཞུང་མང་རིན་ཆེན་གྲུས། །བརྡ་སྤྲོད་རྒྱ་མཚོ་ཆེར་བརྒལ་བས། །བརྡ་སྤྲོད་སྨྲ་བ་ཁྱོད་གཅིག་ཅེས། །རྣམ་ཐར་ཕྱོགས་ཀྱི་བུ་མོས་གླེང་། །དད་པོ་དང་གསུམ་བཞིར། ཚད་མར་གྱུར་པའི་གངྒཱ་ནི། །ཤེས་བྱའི་ལམ་གསུམ་ཀུན་ཁྱབ་པས། །ཚད་མར་སྨྲ་བའི་བསིལ་བ་ཡིས། །ཚད་མིན་དག་གི་མེ་ལྕེ་གཞིལ། །ཕྱི་མ་གསུམ། ཁྱད་པར་རང་ཉིད་ཤེས་བྱའི་ཆོས། །ཀུན་མཁྱེན་ཐེམ་སྐས་ལ་འཛེགས་ཏེ། །ཀུན་མཁྱེན་ལམ་སྲོལ་འཛིན་པ་ལ། །ཀུན་མཁྱེན་རྒྱལ་བ་གཉིས་པ་བཞིན། །རྐང་པ་བཞི་ཀའི་ཐོག་མར་ཡོད་པ་ལ། ཚིག་རྒྱན་ཆུ་ཀླུང་ཀུན་བཏུང་བའི། །ཚིག་གཏེར་མགྲིན་པའི་རོལ་མཚོ་ནི། །ཚིག་སྙན་རྦ་རླབས་སྟོད་གཡོ་བས། །ཚིག་གི་བདག་པོའི་མཛེས་པ་བཟུང་། །རྐང་པ་བཞི་ཆ་གཉིས་སུ་ཡོད་པ་ལ། དང་པོ་གཉིས་མཚུངས་ཕྱི་མ་གཉིས། །འདོད་རྒྱ༷ལ་ཉིད་དམ་རྗེས་གྲུབ་ཏུ། །འདོད་པའི་མིང་གི་མངོན་བརྗོད་ནི། །རྣམ་མང་ཨ་མྲྀའི་དོག་པ་ཡིས། །རྣམ་དཔྱོད་ལྡན་པའི་གཞན་གསོས་འགུགས། །དང་པོ་གསུམ་དང་གཉིས་བཞིན། ཚིགས་བཅད་རྐང་བཞིའི་བཉྫུལ། །ངོ་མཚར་པྲྀཏྟ་ཛཱ་ཏི་ཡི། །ཚིག་སྦྱོར་མཚར་སྡུག་དར་བབས་པར། །ངོ་མཚར་སྦྱོར་བའི་སྙིང་པོ་སྒེག །ཐོག་མཐའ་གཉིས་འདྲ་བར་པ་གཉིས་འདྲ། ཕྱི་ནང་གཞན་གསུམ་དབྱེར་མེད་པ། །དཔལ་ལྡན་དུས་ཀྱི་འཁོར་ལོ་དང་། །དཔལ་ལྡན་དབྱངས་འཆར་སྤོར་ཐང་བཅས། །ཕྱི་དོན་རྟེན་འབྲེལ་རྩིས་ལ་མཁས། །གསུམ་པ་ཆོད་ཅིང་མཆོད་པ་ལའང་གསུམ་ལས། སྔ་མ་གཉིས་འདྲ་ཕྱི་མ་གཉིས་འདྲ་བ། སྙན་སྙན་སྔོན་བྱུང་གཏམ་གྱི་ཚོགས། །སྙན་སྙན་དབྱངས་བདུན་ལ་སྦྱར་བའི། །ལིང་ལིང་ཟློས་གར་ཨུཏྤ་ལར། །ལིང་ལིང་གཞན་ཡིད་བུང་བས་རྩེན། ཐོག་མཐའ་དང་བར་པ་གཉིས། གསལ་གསལ་སྤོབས་པའི་སྟེང་འཐུང་གིས། །ཡང་ཡང་རིག་གཞུང་བཅུད་བཟུང་བས། །ཡང་ཡང་འཆད་རྩོད་རྩོམ་པའི་རོས། །གསལ་གསལ་གྲགས་དཀར་ཡི་གེར་བཀོད། །བཞི་ཀའི་ཐོག་མར། མཛེས་མཛེས་ཁོར་ཡུག་རྒྱ་མཚོའི་འགྲམ། །མཛེས་མཛེས་སྤྲིན་གྱི་དུམ་བུས་ཏེ། །མཛེས་མཛེས་གཟུ་བོར་གནས་པའི་མདུན། །མཛེས་མཛེས་ཁྱོད་ཀྱི་ཚུལ་འདིས་ཀྱང་། །གཉིས་པ་གནས་གཞན་ན་ཡོད་པའི་ཟུང་ལྡན་ལ་བཅུ་གཉིས་ལས། བཞི་ཀའི་དབུས་ཀྱིས་ཆོད་ཅིང་མ་ཆོད་པ། གང་ཁྱོད་ཚིག་མཁས་མཁས་པའི་གཟིས། །རྨད་བྱུང་དོན་མཁས་མཁས་པར་སྣང་། །དེ་སླད་ཁྱོད་མཁས་མཁས་རློམ་གཞན། །ཕྱོགས་རེ་ཙམ་མཁས་མཁས་དངོས་མིན། །བཞི་ཀའི་དབུས་ཀྱིས་ཆོད་པ། འགྲོ་ཀུན་ལེགས་ལམ་ལེགས་སྟོན་ཕྱིར། །རྒྱལ་བས་ལེགས་གསུང་ལེགས་པའི་བཅུད། །ངལ་མེད་ལེགས་འདོམས་ལེགས་སྤྱོད་ཀྱིས། །ངེས་པར་ལེགས་པའི་ལེགས་བྱས་དར། །རྐང་བཞིའི་མཐས་ཆོད་པ། ཐོས་པས་སྐལ་བཟང་སྣང་བ་རྒྱས། །བསམ་པས་རྣམ་དཔྱོད་བློ་མིག་རྒྱས། །སྒོམ་པས་གྲུབ་པའི་ཡོན་ཏན་རྒྱས། །དེ་སླད་ཁྱོད་ཀྱི་ཕུན་ཚོགས་རྒྱས། །བཞི་ཀའི་མཐར་ཆོད་ཅིང་མཆོད་པ། །ཟླ་ཤེལ་བདུད་རྩིའི་འོད་གསལ་གསལ། །དེ་ཡིས་ཀུནྡཱའི་ནགས་གསལ་གསལ། །གང་གི་ཕན་མཛད་སྤྱོད་གསལ་གསལ། །དེས་ཀྱང་ཀུན་དགའི་དཔལ་གསལ་གསལ། །བར་མཐའ་ཆོད་པ། ཉིན་མོའི་སྣང་བས་ཀུན་གསལ་སྣང་། །དེ་ཡི་སྣང་བས་ཕྱོགས་ཀུན་སྣང་། །ཁྱོད་མཁྱེན་སྣང་བས་སྐལ་བཟང་སྣང་། །དེ་དེའི་སྣང་བས་རྒྱལ་བསྟན་སྣང་། །བར་མཐར་ཆོད་ཅིང་མ་ཆོད་པ། རབ་མཛེས་མཛེས་མའི་ཚུལ་མཛེས་མཛེས། །དེར་མཛེས་མཛེས་པའི་བཞིན་མཛེས་མཛེས། །ཁྱོད་མཛེས་མཛེས་སྐུའི་དཔལ་མཛེས་མཛེས། །དེར་མཛེས་མཛེས་པའི་མཚན་མཛེས་མཛེས། །ཐོག་བར་དུ་ཆོད་པ། དཔལ་ལྡན་ཁྱོད་ཀྱི་དཔལ་ཡོན་དང་། །དཔལ་སྟུག་རྒྱལ་བའི་དཔལ་མཚུངས་ཕྱིར། །དཔལ་མོའི་བདག་སོགས་དཔལ་གྱིས་ཀྱང་། །དཔལ་ལྡན་བླ་མའི་དཔལ་མི་མཚོན། །དང་པོ་གསུམ་པའི་ཐོག་མཐའ་གཉིས་བཞིར་ཐོག་བར་གྱིས་ཆོད་ཅིང་མ་ཆོད་པ། སྙན་སྙན་གཞན་གསོས་མགྲིན་སྙན་སྙན། །སྙན་སྙན་རྣ་བར་སྙན་སྙན་འཇོ། །སྙན་སྙན་ནཱ་ངའི་དབྱངས་སྙན་སྙན། །སྙན་སྙན་ལེགས་བཤད་སྙན་སྙན་འབབ། །བཞི་ཀའི་ཐོག་མཐའ་བར་ཆོད་པ། །མཆོག་ཏུ་མི་འགྱུར་གཟུགས་སྐུ་མཆོག །མཆོག་གསང་གཞོམ་མེད་སྒྲ་སྐད་མཆོག །མཆོག་བདེའི་རོས་བརླན་ཡེ་ཤེས་མཆོག །མཆོག་གྱུར་མགོན་ཁྱོད་སྐྱབས་ཀྱི་མཆོག །བཞི་ཀའི་ཐོག་མཐའ་བར་ཆོད་ཅིང་མ་ཆོད་པ། བསིལ་བསིལ་ཙནྡན་འོད་བསིལ་བསིལ། །བསིལ་བསིལ་འབིགས་བྱེད་རླུང་བསིལ་བསིལ། །བསིལ་བསིལ་ལེགས་བཤད་གཏམ་བསིལ་བསིལ། །བསིལ་བསིལ་ཐར་པའི་དཔལ་བསིལ་བསིལ། །གནས་གསུམ་ཀའི་ཆོད་པ། དཀར་བསིལ་སྤྲིན་དཀར་བླ་བྲེ་དཀར། །དཀར་འཇམ་པད་དཀར་རྫིང་བུ་དཀར། །དཀར་མཛེས་ཁྱོད་དཀར་ལེགས་བྱས་དཀར། །དཀར་གསལ་གྲགས་དཀར་ཕུང་པོ་དཀར། །གནས་གསུམ་ཀའི་ཆོད་ཅིང་མ་ཆོད་པ། མཛེས་མཛེས་དབྱར་གྱི་ཀུན་གསལ་མཛེས་མཛེས་སྤྲིན་དཀར་ལང་ཚོའི་དཔལ་མཛེས་མཛེས། །མཛེས་མཛེས་དེ་ཡི་འགྲམ་པར་མཛེས་མཛེས་གློག་གི་རྣ་ཆ་གཡོ་མཛེས་མཛེས། །མཛེས་མཛེས་མཁས་མང་ཆུ་མཚོར་མཛེས་མཛེས་ཁྱོད་ཞབས་པདྨོ་དཔལ་མཛེས་མཛེས། །མཛེས་མཛེས་དེ་ལ་མངོན་པར་མཛེས་མཛེས་གྲགས་སྙན་བདུད་རྩིའི་འོད་མཛེས་མཛེས། །གསུམ་པ་མཐའ་ཐོག་སྦྱར་བའི་ཟུང་ལྡན་ནི། མདོར་ན་བསྔགས་འོས་རྣམ་ཐར་མཆོག །ཐར་མཆོག་འདོད་པ་འཇོ་མཛད་པའི། །མཛད་པ་མཐའ་ཀླས་མངོན་བརྗོད་པ། །བརྗོད་པ་ཉུང་དུས་ཇི་ལྟར་འདྲེན། །འདི་ཡང་། འོན་ཀྱང་རབ་གུས་སྦྲང་རྩིའི་བཅུད། །བཅུད་དུ་ཉེར་འཐུང་བུང་བའི་སྒྲ། །སྒྲ་རྒྱན་གླུར་ལེན་བྱེད་པོ་གང་། །གང་ཞབས་པད་མཚོར་རྟག་བསྙེན་ཤོག །བཞི་པ་ཀུན་ཏུ་ཟུང་ལྡན་ལ། རྐང་པ་བཟླས་པ། ཚིགས་བཅད་བཟླས་པ། ཟུང་ལྡན་ཆེན་པོའོ། །དང་པོ་ལའང་གཉིས་ཀྱི། དང་པོ་ལན་གཅིག་བཟླས་པའི་བྱེ་བྲག་ཡང་དག་པར་སྐྱར་བ་ལ། དང་པོ་གསུམ་པ་དང་། གཉིས་པ་བཞི་བར་བཟླས་པ། མངོན་མཐོའི་སར་གནས་ཨ་མྲྀ་ཏའི། །བླ་མ་དང་ཟླ་བ་སྦྱར་བའོ། །སྙིང་པོའི་ལྕིད་ལྡན་ཀུན་དགའི་དཔྱིད། །མངོན་མཐོའི་སར་གནས་ཨ་མྲྀ་ཏའི། །སྙིང་པོའི་བཅུད་ལྡན་ཀུན་དགའི་དཔྱིད། །དང་པོ་གཉིས་པ་དང་། གསུམ་པ་བཞི་པར། མུན་སེལ་ཉི་མ་དང་སྦྱར། སྣང་བའི་མཆོག་སྦྱིན་མཁས། །མུན་སེལ་སྣང་བའི་མཆོག་སྦྱིན་མཁས། །གཞན་ཕྱིར་རྟག་འཆར་འཇིག་རྟེན་མིག །གཞན་ཕྱིར་རྟག་འཆར་འཇིག་རྟེན་མིག །དང་པོ་བཞི་པ་དང་གཉིས་པ་གསུམ་པ། ཡིད་ལྷ་དབང་ཕྱུག་ཆེན་པོ་ལ་སྦྱར། སྲུབས་ཚོགས་ཀུན་མཐར་བྱེད་པ། །དབང་ཕྱུག་བརྒྱད་ལྡན་སརྦ་ཛྙཿ དབང་ཕྱུག་བརྒྱད་ལྡན་སརྦ་ཛྙཿ། །ཡིད་སྲུབས་ཚོགས་ཀུན་མཐར་བྱེད་པ། །གཉིས་པ་དེ་ལས་གཞན་པའི་རྐང་པ་བསྐོར་བ་ལ་གསུམ་གྱི། ལན་གཅིག་བཟླས་པ་ལའང་དྲུག་གི། །དང་པོ་གཉིས་པར་བཟླས་པ། འདོད་དགུ་སྦྱིན་པའི་ཕྱག་ཡངས་པོ། །འདོད་དགུ་སྦྱིན་པའི་ཕྱག་ཡངས་པོ། །ངལ་གསོའི་དབང་པོའི་གནོད་གནས་གྲོང་། །ཁྱོད་ཞབས་ལྷར་བཅས་བླ་ན་བརྗིད། །དང་པོ་གསུམ་པར། །བསོད་ནམས་བྱེ་བས་བསྐྲུན་པ་ཡི། །འཇམ་མགོན་བླ་མའི་མཚན་དཔེའི་བྱིན། །བསོད་ནམས་བྱེ་བས་བསྐྲུན་པ་ཡི། །སྐལ་བཟང་སྐྱེ་རྒུའི་མིག་ཏུ་སྣང་། །དང་པོ་བཞི་པར། དབྱངས་ཀྱི་ཡན་ལག་རྒྱ་མཚོའི་གཏེར། །མཚོ་བྱུང་ཕྱག་གི་རྒྱུད་མང་སྟེ། །སྨྲ་དབང་གང་གི་གསུང་གསང་ཡང་། །དབྱངས་ཀྱི་ཡན་ལག་རྒྱ་མཚོའི་གཏེར། །གཉིས་པ་གསུམ་པར། སྒྲིབ་གཉིས་རྒྱུར་བཅས་ཡོངས་བཅོམ་པ། །ཁྱོད་ཐུགས་རྣམ་པ་ཀུན་ལྡན་དབྱིངས། །ཁྱོད་ཐུགས་རྣམ་པ་ཀུན་ལྡན་དབྱིངས། །ཟག་བྲལ་ཡེ་ཤེས་དམ་པའི་སྣོད། །གཉིས་པ་བཞི་པར། གང་གི་ཡོན་ཏན་ཕུང་པོ་ནི། །འཆི་མེད་ལམ་གྱི་མཐར་མི་ཤོང་། །དེ་སླད་བསྔགས་པའི་སྙན་ཚིག་ཀྱང་། །འཆི་མེད་ལམ་གྱི་མཐར་མི་ཤོང་། །གསུམ་པ་བཞི་པར། ཐབས་མཁས་ཕྲིན་ལས་རྣམ་མང་པོས། །ས་གསུམ་ཀུན་ཏུ་ཁྱབ་འཇུག་པའི། །སྣ་ཚོགས་གཟུགས་ཅན་འཆང་བ་པོ། །སྣ་ཚོགས་གཟུགས་ཅན་འཆང་བ་པོ། །ལན་གཉིས་བཟླས་པ་ལའང་གསུམ་གྱི། དང་པོ་ཉིད་གཉིས་པ་དང་གསུམ་པར་ཡང་བཟླས་པ། ཐོབ་པས་གདུང་སེལ་འདོད་དགུའི་དཔྱིད། །ཐོབ་པས་གདུང་སེལ་འདོད་དགུའི་དཔྱིད། །ཐོབ་པས་གདུང་སེལ་འདོད་དགུའི་དཔྱིད། །ཁྱོད་ཞབས་ནོར་བུ་མནྡཱ་ར། །དང་པོ་ཉིད་གསུམ་བཞིར། གཅིག་ཏུ་གཞན་ཕྱིར་ཐུགས་བརྩེ་བ། །རྒྱལ་དང་རྒྱལ་སྲས་མགོན་ཁྱོད་ཀྱང་། །གཅིག་ཏུ་གཞན་ཕྱིར་ཐུགས་བརྩེ་བ། །གཅིག་ཏུ་གཞན་ཕྱིར་ཐུགས་བརྩེ་བ། །གཉིས་ཉིད་གསུམ་བཞིར། གང་མཚན་ག་བུར་དཔལ་གྱི་དུམ། །རེག་པས་བསིལ་བའི་མཆོག་སྦྱིན་པ། །རེག་པས་བསིལ་བའི་མཆོག་སྦྱིན་པ། །རེག་པས་བསིལ་བའི་མཆོག་སྦྱིན་པ། །ལན་གསུམ་དུ་བཟླས་པ། ཀུན་དགའི་སིམ་སྟེར་སྣང་སངས་རྒྱས་དང་བྱང་ཆུབ་སེམས་དཔལ། བའི་མཛོད། །ཀུན་དགའི་སིམ་སྟེར་སྣང་བའི་བླ་མ། མཛོད། །ཀུན་དགའི་སིམ་སྟེར་སྣང་བའི་ཟླ་བ་མཛོད། །ཀུན་དགའི་སིམ་སྟེར་སྣང་བའི་ནོར་བུའི་སྒྲོན་མེ། མཛོད། །གཉིས་པ་ཚིགས་བཅད་བཟླས་པ་ནི། མི་འགྱུར་མི་གནས་པའི་མྱ་ངན་ལས་འདས་པ། གོ་འཕང་ལ་རོལ་བཞིན། །མུན་པ་སྙིལ་བྱེད་རབ་དམ་ཆོས། བསིལ་གྱི། །བདུད་རྩིའི་དཔལ་སྟེར་ཀུན་སེམས་ཅན་ཐམས་ཅད་ལ་ཕན་པ། ཕན་ནི། །རྟག་ཏུ་ཞི་བའི་ཐར་པ་མཆོག་གི། རྩེ་མོར་འཛེགས་མི་ནམ་མཁའ། འགྱུར་གོ་འཕང་ལ་རོལ་བཞིན། །མུན་ཕྱི་རོལ་གྱི། པ་སྙིལ་བྱེད་རབ་སྲིད་པའི་བསིལ་གྱི། །བདུད་རྩིའི་ཟླ་ཟེར། དཔལ་སྟེར་ཀུན་ཟླ་བའི་མིང་། ཕན་ནི། །རྟག་ཏུ་དབང་ཕྱུག །ཞི་བའི་རྩེ་མོར་འཛེགས། །ཚིགས་བཅད་སྔ་མ་བླ་མ་དང་ཕྱི་མ་ཟླ་བ་ལ་སྦྱར་བའི་ཚུལ་མཆན་བུས་གསལ་བ་བཞིན་ནོ། །གསུམ་པ་ཟུང་ལྡན་ཆེན་པོ་ནི། མངོན་པར་མཐོ་ལྡན་རྨད་བྱུང་དཔལ་མངའ་སངས་རྒྱས། མངོན་པར་མཐོ་ལྡན་རྨད་བྱུང་དཔལ་མངའ་བྱང་སེམས། བ། །མངོན་པར་མཐོ་ལྡན་རྨད་བྱུང་དཔལ་མངའ་རང་རྒྱལ། མངོན་པར་མཐོ་ལྡན་རྨད་བྱུང་དཔལ་མངའ་ཉན་ཐོས། བ། །མངོན་པར་མཐོ་ལྡན་རྨད་བྱུང་དཔལ་མངའ་བླ་མ། མངོན་པར་མཐོ་ལྡན་རྨད་བྱུང་དཔལ་མངའ་ཚངས་པ། བ། །མངོན་པར་མཐོ་ལྡན་རྨད་བྱུང་དཔལ། མངའ་ཉི་མ། མངོན་པར་མཐོ་ལྡན་རྨད་བྱུང་དཔལ་མངའ་ཟླ་བ། བ། །ལྔ་པ་འདྲེས་པའི་ཟུང་ལྡན་ནི། མཁས་མཁས་ཕྱི་ནང་རིག་གཞུང་ཀུན་མཁས་མཁས་ཀུན་དགའ་བའི་ཞབས་པདྨོ། །པདྨོ་རྣམ་པར་རྒྱས་པའི་དཔལ་ཅན་སྲིད་ཞིའི་དཔལ་གྱིས་རབ་མཛེས་པས། །མཛེས་པ་གཞན་གྱི་ཁེངས་པ་ཉེར་འགོག་འགོག་པ་མེད་པའི་གྲགས་སྙན་ཚིག །སྙན་ཚིག་ཉམས་བརྒྱའི་ངག་གིས་བསྔགས་ལས་ངག་གི་དབང་ཕྱུག་བརྙེས་གྱུར་ཅིག །དྲུག་པ་བཟློག་པའི་ཟུང་ལྡན་ལ་གསུམ་ལས། རྐང་པ་བཟློག་པ། བློ་མཆོག་རབ་ཟབ་ཡུལ་ལས་གྲོལ། །གྲོལ་ལས་རབ་ཟབ་ཡུལ་མཆོག་བློ། །བརྙེས་སླད་ཞི་དང་སྲིད་པ་དག །དག་པ་སྲིད་དང་ཞི་སླད་བརྙེས། །ཚིགས་བཅད་ཕྱེད་བཟློག་པ། མཆོག་གྱུར་གྲུབ་རིགས་མཁས་རྣམས་དཔལ། །བསྔགས་པས་བརྗོད་འདས་བསམ་ཡས་མཐའ། །མཐའ་ཡས་བསམ་འདས་བརྗོད་པས་བསྔགས། །དཔལ་རྣམས་མཁས་རིགས་གྲུབ་གྱུར་མཆོག །ཚིགས་བཅད་བཟློག་པ། རྒྱལ་མཛད་ཕན་པས་གཞན་ཕྱིར་བརྩེ། །ངེས་དོན་ཟབ་བརླིང་མཁྱེན་ལྡན་དཔལ། །རིག་གཞུང་ལམ་མང་མཁས་ལ་འདོམས། །དེ་སླད་ཤེས་བྱ་གཟིགས་ཁྱོད་མཆོག །མཆོག་ཁྱོད་གཟིགས་བྱ་ཤེས་སླད་དེ། །འདོམས་ལ་མཁས་མང་ལམ་གཞུང་རིག །དཔལ་ལྡན་མཁྱེན་བརླིང་ཟབ་དོན་ངེས། །བརྩེ་ཕྱིར་གཞན་པས་ཕན་མཛད་རྒྱལ། །གཉིས་པ་བྱ་དཀའ་བའི་ཁྱད་པར་གཞན་བཤད་པ་ལ་གསུམ་ལས།། །། ༈ བ་ལང་གཅིན་གྱི་བྱ་དཀའ་བའི་དཔེར་བརྗོད་རེའུ་མིག་ཏུ་བཀོད་པ་འདིའོ། ། ༈ ཕྱེད་འཁོར་གྱི་དཔེར་བརྗོད་པ་རེ་མིག་ཏུ་བཀོད་པ་འདིའོ། །

ཆོས་

དོན་ ངེས་ ཚིག་ སྦོབས་ པའི་ གཏེར། ཟབ་ དོན་ སྙན་ ཚིག་ དམ་ པའི་ དཔྱིད། དཔལ་ ལྡན་ བླ་ མའི་ ཞབས་ པད་ མོ། དཔྱོད་ ལྡན་ དུ་ མའི་ ལག་ པད་ དུད།

མཁྱེན་ རབ་ ཕུལ་ བྱུང་ བློ་ མཆོག་ ཁྱོད་ མཁས། རབ་ མཁྱེན་ བྱུང་ ཕུལ་ མཆོག་ བློ་ མཁས་ ཁྱོད། ཕུལ་ བྱུང་ མཁྱེན་ རབ་ ཁྱོད་ མཁས་ བློ་ མཆོག བྱུང་ ཕུལ་ རབ་ མཁྱེན་ མཁས་ ཁྱོད་ མཆོག་ བློ།

མཆོག་ གསང་ འབྲས་ ཐོབ་ མཁས་ གྲུབ་ ཁྱོད་ བསྔགས། གསང་ མཆོག་ ཐོབ་ འབྲས་ གྲུབ་ མཁས་ བསྔགས་ ཁྱོད། འབྲས་ ཐོབ་ མཆོག་ གསང་ ཁྱོད་ བསྔགས་ མཁས་ གྲུབ། ཐོབ་ འབྲས་ གསང་ མཆོག་ བསྔགས་ ཁྱོད་ གྲུབ་ མཁས། མཁས་ གྲུབ་ ཁྱོད་ བསྔགས་ མཆོག་ གསང་ འབྲས་ ཐོབ། གྲུབ་ མཁས་ བསྔགས་ ཁྱོད་ གསང་ མཆོག་ ཐོབ་ འབྲས། ཁྱོད་ བསྔགས་ མཁས་ གྲུབ་ འབྲས་ ཐོབ་ མཆོག་ གསང་། བསྔགས་ ཁྱོད་ གྲུབ་ མཁས་ ཐོབ་ འབྲས་ གསང་ མཆོག ༈ ཀུན་ཏུ་བཟང་པོའི་འཁོར་ལོའི་དཔེར་བརྗོད་པ་རེ་མིག་ཏུ་བཀོད་པ་འདིའོ།།

བསྔགས་ ཁྱོད་ གྲུབ་ མཁས་ ཐོབ་ འབྲས་ གསང་ མཆོག ཁྱོད་ བསྔགས་ མཁས་ གྲུབ་ འབྲས་ ཐོབ་ མཆོག་ གསང་། གྲུབ་ མཁས་ བསྔགས་ ཁྱོད་ གསང་ མཆོག་ ཐོབ་ འབྲས། མཁས གྲུབ་ ཁྱོད་ བསྔགས་ མཆོག་ གསང་ འབྲས་ ཐོབ། ཐོབ་ འབྲས་ གསང་ མཆོག་ བསྔགས་ ཁྱོད་ གྲུབ་ མཁས། འབྲས་ ཐོབ་ མཆོག་ གསང་ ཁྱོད་ བསྔགས་ མཁས་ གྲུབ། གསང་ མཆོག་ ཐོབ་ འབྲས་ གྲུབ་ མཁས་ བསྔགས་ ཁྱོད། མཆོག་ གསང་ འབྲས་ ཐོབ་ མཁས་ གྲུབ་ ཁྱོད་ བསྔགས། ༈ གསུམ་པ་དབྱངས་སོགས་ངེས་པའི་བྱ་དཀའ་ལ་གསུམ་སྟེ། དང་པོ་དབྱངས་ངེས་པ་ལ། བཞིར་ངེས་པ། བྲལ་འབྲས་མཁའ་ལྟར་རྣམ་དག་པར། །སྲིད་ཞིར་འཆིང་བའི་སྤྲིན་རིས་སིམ། མཆོག་དངོས་འོད་ནོར་ཡོངས་སྤྲོས་མོད། །བདེ་ཆེན་ཡེ་ཤེས་ཟེར་ཕྲེང་མཛེས། །གསུམ་དུ་ངེས་པ། གཞི་དབྱིངས་ཇི་བཞིན་གཟིགས་པའི་ཕྱིར། །ཁམས་དབང་ཟག་པར་བཅས་པ་སྤངས། །ཕུལ་བྱུང་འཇུག་ཚུལ་ཐུགས་ཆུད་མཐུས། །གཞན་ཕན་སྣང་བ་ལྷག་པར་འབར། །གཉིས་སུ་ངེས་པ། སྒྲིབ་གཉིས་འཁྲི་ཤིང་རིང་བཅིལ་ཞིང་། །རིག་པའི་ཚིག་གི་དབྱིག་སྦྱིན་ཉིད། །དགེ་ལེགས་བྱེ་སྙེད་རྩེར་འཛེགས་དེས། །ངེས་སྟེར་བཤེས་གཉེན་ཆེ་ཞེས་སྨྲེངས། །གཅིག་ཏུ་ངེས་པ། ཆགས་བྲལ་བསླབ་པས་རབ་བརླན་ཀྱང་། །ཐབས་མཁས་ཕྱག་རྒྱར་མཉམ་སྦྱར་བས། །གསང་བ་བསམ་འདས་རྣམ་ཐར་ཅན། །དཔལ་ལྡན་བླ་མར་དྭང་བས་བསྔགས། གཉིས་པ་སྐྱེ་གནས་ངེས་པ་ལ། བཞིར་ངེས་པ། རྨོངས་པའི་ཕྲུ་མར་མཆུ་མ་ཕམ་པས། །མཁས་མགྲིན་པ། ཀུན་ཀུན་དགའ་སྐྱེད་གང་གི། བརྩེ་ཆེན་རྐན་ཡེ་ཤེས་ཟུང་འཇུག་ཚུལ། སོ། །མཐའ་དག་རྟོགས་ནུས་བློ་ལྡན་སུ། །གསུམ་དུ་ངེས་པ། དམན་མཆུ། མིན་ཕུང་པོའི་དཔལ་འཕེལ་མོད། །ཕན་པ་དཔག་མེད་ཕང་པར་འཕོས། །དོན་དམ་སོ། བདེན་རྟོགས་བདེ་སྡུག་དོར། །བརྒལ་དཀའི་སྒྲིབ་ཀུན་སྐེམས་གང་བསྔགས། །མགྲིན། །གཉིས་སུ་ངེས་པ། མཆུ། བག་མེད་སྤངས་པས་མ་དམིགས་པ། །སྨད་པའི་སྤུན་མིན་འཕགས་པའི་སྤོར། །གནས་ལས་རྟག་ཏུ་ལམ་བདེན། སོ། ལ། །འདུན་དེས་བདེན་དོན་གནས་ལུགས་རྟོགས། །གཅིག་ཏུ་ངེས་པ། པདྨའི་ཕོན་པོར་བག་ཕབ་པའི། མཆུ། འཕགས་མ་དཔལ་མོའི་སྤོབས་པའི་མེས། །རྨོངས་པའི་མུན་པ་རྨེགས་མེད་པ། །སྤངས་པ་མ་སྨད་མོས་པ་འཕེལ། གསུམ་པ་གསལ་བྱེད་ངེས་པ་ལས། བཞིར་ངེས་པ། རང་རང་རིག་རློམ་རེས་རེས་རུང་། གང་གི་དགག་སྒྲུབ་གངྒཱས་འགོགས། །ཀུན་དཀྲིས་ཀུན་སྐེམས་ཀུན་ཀྱང་དཀྲི། །མ་རྨོངས་དམིགས་མེད་མོད་མི་དམའ། །གསུམ་དུ་ངེས་པ། འདོད་གདུངས་འདུལ་དེ་དེ་འདྲོག་དེར། །དེས་དུལ་བདེན་དོན་དོན་ལེན་དེས། །སྣང་ནས་སྣང་ནུས་གནས་ནོད་ནས། །བྲལ་བར་དབུགས་དབྱུང་འབྲས་བུ་སྦོམ། །གཉིས་སུ་ངེས་པ། ས་གསུམ་རང་རང་སོ་སོའི་སེམས། །སེམས་སུ་རིག་སླད་སཱུ་ར་ལེགས་པར་རྒྱ་ཆེ་བའི་དོན། རིའི། །བསླབ་སྲུང་ས་རཾ་སཱ་རཱིའི་རིག་པ་མཆོག་སར། །སོ་སོ་རང་རིག་སེམས་སུ་སེམས། །གཅིག་ཏུ་ངེས་པ། ལ་ལར་ལུང་ལ་ལ་ལར་ལམ། །ལ་ལར་ལེགས་ལམ་ལ་ལེན་ལས། །ལེ་ལོ་ལས་ལོག་ལམ་ལ་ལོངས། སྲེག་པ། །ལོ་ལཿལས་ལོག་ལེགས། ལམ་ལེན། ཞེས་པ་ལྟ་བུ་སྟེ། འོན་ཀྱང་གསལ་བྱེད་ངེས་པའི་བྱ་དཀའ་འདི་རྣམས་རྒྱ་དཔེ་ལྟར་གྱི་མཚན་ཉིད་སྒྲ་ཇི་བཞིན་པ་བོད་སྐད་དུ་འབྱོར་བར་དཀའ་ཡང་། སྔོན་གྱི་མཁས་པ་ཕལ་མོ་ཆེས་ས་བཅད་མི་སྟོང་ཕྱིར་མིང་གཞིའི་ཡི་གེ་གཙོ་བོར་མཛད་ནས་སྦྱར་བ་བཞིན། འདིར་ཡང་རེ་ཞིག་བློ་གྲོས་གསར་བུའི་རིགས་ཅན་ལ་སྨན་པའི་སླད་དེའི་རྗེས་སུ་འབྲངས་པ་སྟེ། གཞན་དུ་བརྡ་སྤྲོད་པའི་གཞུང་ལ་གོམས་པ་རྣམས་ཀྱི་དབང་དུ་བྱས་ནས་ལེགས་སྦྱར་གྱི་སྐད་དུ་བརྩམས་པའི་དཔེར་བརྗོད་ལོགས་སུ་བྲིས་ཟིན་པ་ལས་རྟོགས་པར་བྱོས་ཤིག །གཞན་དུ་ལེགས་སྦྱར་གྱི་སྐད་དུ་དཔེར་བརྗོད་པ་འདི་ལྟ་བུ་ཡང་ངོ་།། །། ༈ རྒྱན་གསུམ་པ་གབ་ཚིག་གི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དགོས་པ་ཁྱད་པར་ཅན་ལ་སོགས་པའི་སླད་དུ་བརྗོད་བྱའི་དོན་ཇི་བཞིན་པ་ཉིད་རྗོད་བྱེད་དོན་མ་ཡིན་པ་བཞག་ཞིག་གིས་སྦས་པས་ཐུན་མོང་དུ། ༅། །ནཱིནོཉནུནུནོརྣྲཱཾཎཱནྲྀནིཿ ༈ སྡེབ་སྦྱོར་མཉམ་པའི་པྲིཏྟ་ལས་ཡི་གེ་ལྔ་པའི་པསྟཱ་རས་བཅིངས་པ་ཛ་ཡནྟུ།ནཱུནནིནིརྣཱནཱནུནུནོོ ༅། །འདྲེན་པ་ཁྱོད་ཀྱི་རྗེས་བརྩེའི་གྲུར། །མི་དང་མི་མིན་རྣམས་ཀྱིས་མཆོད། །ངེས་པར་ཐར་པའི་དགའ་བ་ཡིས། །དུད་ལ་སོམ་ཉི་བྲལ་མིན་ནམ། །རྟོགས་པར་དཀའ་བའི་ཚུལ་ཅན་དུ་གྱུར་པའི་ངག་སྟེ། དབྱེ་ན་བཅུ་དྲུག་ལས། ཀུན་ཏུ་ཚོགས་པའི་གབ་ཚིག །མཆོག་བདེའི་དཔལ་སྟེར་སྟོབས་དམན་འདིའི་གབ་བྱ་བླ་མ་དང་། །མ༷། གབ་བྱེད་བུད་མེད། ཚུལ་ཇི་ལྟར་ན་གཅོད་མཚམས་ཐ་དད་པ་གསུམ་གྱི་སྒོ་ནས་སོ། །ཡིན་ཕྱིར་མངོན་འདོད་འབྱིན་འབྲས་བུ། །མང་པོ་བསྐྲུན་པས་བརྣག་དཀའ་བའི། །སྡུག་བསྔལ་རྒྱ་མཚོར་འཆིང་མ༷་ལགས། །སླུ་བྱེད་ཀྱི་གབ་ཚིག །འདི་ན་མེ་ཏོག་མདའ་ཅན་གབ་བྱ་རྗེ་བཙུན་རིག་བྱེད་མ་དང་། གབ་བྱེད་བདུད་ཀྱི་ཆུང་མའོ། མའི། །རྗེས་སུ་ཆགས་པའི་སྤྱན་ཟུར་ཙམ། །སུ་ཞིག་སྙིང་ལ་ཐེབས་པ་དེར། །སྲིད་ཞིའི་ཕུན་ཚོགས་ཀུན་གྱིས་དུད། །རིམ་པ་བྲལ་བའི་གབ་ཚིག །༡འབབ་པའི་ལེགས་བཤད་དབྱངས་སྙན་པོས། །སྨྲ་དབང་གང་གི་མཆུ་སྒྲོས་ལས༡། །ས་༤གསུམ་བླ་ན་མངོན་པར་བརྗིད། །ཐོས་འཛིན་སྐལ་བཟང་བྱས་པའི་གཏམ༣། །རབ་བཅོམ་གབ་ཚིག །སྐྱེ་གབ་བྱ་རྫོགས་པའི་སངས་རྒྱས་ལྟ་བུ་ཡུལ་ཁྱད་པར་ཅན་དང་། གབ་བྱེད་འདོད་ལྡན་གྱི་སྐྱེས་བུ་སྟེ། དེ་ཡང་སྐྱེ་ལྡན་ཞེས་པ་སེམས་ཅན་དང་། ཆུང་མ་གཉིས་ཀ་ལ་འཇུག །སྤངས་པ་ཞིང་ཕྱོགས་གཅིག་པ་དང་། ནོར་མེད་པ་ལའང་བཤད་དུ་རུང་ལ། མ་སྨད་ཅེས་པ་དངོས་སུ་མ་བྱའི་མིང་དང་། མ་སྨད་མོས་པ་ཞེས་དད་མོས་ཆེན་པོ་ལའང་བཤད་རུང་ཙམ་མོ། ལྡན་ལ་བརྩེ་སྤངས་པ་ལ། །སྡང་བའི་ཚུལ་གྱིས་ཕྱིར་ཕྱོགས་པས། །སྐྱེས་བུ་མཆོག་ཁྱོད་ལ་འཆེལ་བའི། །མ་སྨད་མོས་པ་གཅིག་ཏུ་འཕེལ། །མཐུན་གཟུགས་གབ་ཚིག །གང་ན་ཡལ་འདབ་ལྔས་ཡན་ལག་ལྔ། །མཛེས་པའི། གབ་བྱ་སྒྲོལ་མ་དཀར་མོ་དང་། གབ་བྱེད་པུཎྜརཱི་ཀའི་སྡོང་བུ། པུཎྜ་རཱི་ཀའི་དོག་པ་ལ། །གནག་ཅིང་སྣུམ་པའི་བུང་བ་བདུན། སྤྱན་བདུན། །རྩེན་པའི་གྲིབ་ཐུགས་རྗེ། བསིལ། འདི་རྨད་བྱུང་། །རྩུབ་མོའི་གབ་ཚིག །ཆུ་ལས་སྐྱེས་གང་ཆུ་གཏེར་གབ་བྱ་དབྱངས་ཅན་མ་དང་། གབ་བྱེད་མེ་ཏོག་ཆུ་སྐྱེས། །དབུས་འཛུམ་བཅས་མཚར་སྡུག་རབ་འབར་བ། །ངང་དྲི་ཟའི་བུ་མོ་དང་། ངང་མོ། པའི་བུ་མོའི་ཚོགས་རྣམས་ཀྱིས། །སྒྲིབ་པའི་གནས་སྐབས་བཅོམ་པ་བཞིན། །གྲངས་ཀྱི་གབ་ཚིག །སྣ་ལྡན་ན་ཡིག་གབ་བྱ་ཕྱོགས་ཀྱི་རོལ་མཚོ་དང་འཕགས་མ་མཚོ་བྱུང་མ། དབུས་གནས་གསལ་བྱེད་མེས། །བརྒྱན་པའི་ཉི་བུའི་མཱན་ས་སྟེ་ལྷོ་ཕྱོགས་ཡིད་ཀྱི་མཚོ། ཕྱོགས་ཀྱི་མཚོར། །དྲོ་བའི་ས་ཡིག་ཡི་གེས་ཐོག་དྲངས་པའི། མཛེས་སྭ་ར་སྭ་ཏཱི་སྟེ་མཚོ་བྱུང་མ། མ་ཡིག་ལྔའི་མིང་ཅན་ཡོད། །རབ་བཏགས་གབ་ཚིག །གང་གབ་བྱ་དབྱངས་ཅན་མ་དང་། སྒྲུབ་པ་པོ་ཞིག་གབ་བྱེད་བུ་མོ་དང་། སྐྱེས་བུ་འདོད་ལྡན་ཞིག་སྦྱར་བའོ། །ཕྱིར་མངོན་འདོད་དོན་གཉེར་བས། །ཞུམ་ཞིང་དུད་བཅས་ལུས་ལས་སྐྱེས། །གཡོ་བའི་དམན་པ་བདག་ཅག་ལ། །རྒྱས་མ་རྗེས་སུ་མི་རྒྱས་མ་ཅེས་པ་བུ་མོའི་དངོས་མིང་དང་། དབྱངས་ཅན་མའི་མཚན་རྒྱས་བྱེད་མའི་སྒྲ་བསྡུས་པས་དེར་འཇུག་རུང་ཙམ་མོ། བརྩེའམ། །འདི་ཡང་། བསམ་གབ་བྱ་རྫོགས་པའི་སངས་རྒྱས་དང་། དེའི་བསྟན་པ་ལ་ཞུགས་པའི་ཚོགས། གབ་བྱེད་ཚངས་པ་དང་། བྲམ་ཟེ་ཚངས་སྤྱོད་ལ་གནས་པའོ། །གཏན་ཀློག་དང་ཚངས་སྤྱོད་ཀྱི། བརྟུལ་ཞུགས་མཆོག་ལ་གནས་བཅས་རྣམས། །རང་བྱུང་རང་བྱུང་ཞེས་པ་སངས་རྒྱས་དང་། ཐུགས། །ཚངས་པ་གཉིས་ཀ་ལ་འཇུགརྗེའི་སྤྱན་ཟུར་གྱིས། །ཡལ་བར་འདོར་བ་རིགས་སམ་ཅི། །མིང་དུ་འདུས་པའི་གབ་ཚིག །བསྔགས་འོས་ཡོན་ཏན་རྨད་བྱུང་འགའ། །ཐོག་མར་ཀུན༷་མཁྱེན༷་ཅེས་སུ་སྒྲོགས། །གབ་བྱ་ཀུན་མཁྱེན་བླ་མ་ཞེས་པ་ཉིད། གབ་བྱེད་དབང་ཕྱུག་དང་། ཕུར་བུའི་མིང་གིས་སྒྲིབ་པའོ། །དེ་ནས་བླ༷་མ༷་ཡང་སྟེ་འདི། །དབང་ཕྱུག་མ་ཡིན་ཕུར་བུའང་མིན། འདི་ཡང་། རབ་མཛེས་ཀུན་དགའི་དཔྱིད་གྱུར་གང་། །ཧ༷ཾ་ས༷་ཞེས་སུ་མངོན་བརྗོད་དེ། །སླར་ལ་ཀནྱཱ་ཡང་འདི་ཉིད། །ངང་པ་མ་ཡིན་བུ་མོའང་གབ་བྱ་ཧི་ས་གནྱཱ་ངང་པའི་བུ་མོ་སྟེ་དབྱངས་ཅན་མ་དང་། གབ་བྱེད་ངང་པ་དང་། བུ་མོ། མིན། །སྒྲིབ་པའི་གབ་ཚིག །གང་ལ་རེག་ན་དབུལ་གབ་བྱ་སངས་རྒྱས་དང་བྱང་ཆུབ་སེམས་དཔའ་ལྟ་བུ་ཡུལ་ཁྱད་པར་ཅན། བ་ཀུན། གབ་བྱེད་ཕྱི་ཡི་རྒྱ་མཚོ་ཆེན་པོ། གབ་ཚུལ་གཅོད་མཚམས་ཐ་དད་པ་གཅིག་གིས་སོ། །འདོར་ཞིང་འདོད་རྒུའི་རིན་ཆེན་མཆོག །སྦྱིན་པའི་གདུང་སེལ་རླབས་གཡོ་བ། །དྲི་བྲལ་ཟླ་བའི་མ་མ༷་ལགས། །མཐུན་པའི་སྒྲ་ཡི་གབ་ཚིག །གང་གི་གནག་མིན་མིང་མཐུན་པའི། །འཇུག་པས་མྱོས་བྱེད་མིང་ཅན་ལས། །རྒྱལ་བའི་གྲགས་དཀར་བདུད་རྩི་ཡིས། །ས་གསུམ་མཛེས་སོ་སྟོབས་བཅུའི་དབང་། །གབ་བྱ་སངས་རྒྱས་ཀྱི་དཀར་པོའི་ཕྲིན་ལས་ཀྱི་བདུད་བཅོམ་པ་དང་། གབ་བྱེད་གནག་མིན་དཀར་པོ་སྟེ་དེའི་མིང་ཅན་གཟའ་པ་སངས། མྱོས་བྱེད་ཆང་དང་། དེ་དང་མིང་མཐུན་པ་བདུད། འདི་ཡང་། འདྲེན་བྱེད་མིག་མི་བཙུམ་པ་ལྟ། འཛུམ་མིན་མིང་དེ་དང་མིང་མཐུན་པ་སྤྱན་རས་གཟིགས། མཐུན་གྱི། །གཉིས་ཚེམས། སྐྱེས་མིང་ཅན་ལས་བྱུང་བ། དབང་ཕྱུག་གི་ཆུང་མ་དང་། །དཀར་མོ་བོད་པའི་མཚར་སྡུག་གིས། །དབང་ལྷའི་དབང་པོ་དང་། པོའི། ཟླ་བ། མཚན་ཅན་འཇོ་སྒེག་ཟུམ། །རྨོངས་པའི་གབ་ཚིག །ཐབས་མཁས་དབྱངས་ཅན་མ་ཁ་སྤྱོད་བདུན་ལྡན་དང་སྦྱར། ལྡན་རྣམས་སྲིད་དང་ཞིའི། །ཆགས་ཟག་བཅས་ཀྱི། པ་མཐའ་དག་རིང་བཅད་ནས། །ཡིད་འོང་སྟོང་གཟུགས་ཕྱག་རྒྱ་ཆེན་མོའི། མཛེས་མའི་བཞིན་དཔལ་ལ། །རྟག་པར་ཁ་སྦྱོར་བདེ་བས་རྩེན། །ཡོངས་འཕྲོག །སྟོབས་གབ་བྱ་བྲམ་ཟེ་རྣམས་ཀྱིས་དབྱངས་ཅན་མ་བསྙེན་པ་དང་། གབ་བྱེད་རིམ་ཕར། ལྡན་དགྲ་བོས་ཁྱབ་འཇུག་མངོན་བསྐྱེད་གང་། བདུད། དབང་ཕྱུག་བསྲེགས་པའི་གཙུག་རྒྱན་ཟླ་བ། ལ་བྲམ་ཟེ། བཏུང་རྣམས། །ཁ་མེ། འཇོམ་གྲོག་ཆུ་མིན་ལས་སྐྱེས་པདྨ། པར། ཚངས་པ། །འཁྲུངས་པའི་ཆགས་དབྱངས་ཅན་མ། པས་བསྐྲུན་ལ་བསྙེན། །གཅིག་སྒྲིབ་པའི་གབ་ཚིག །འཁོར་དང་མྱ་གབ་བྱ་སྤྱན་རས་གཟིགས། ངན་འདས་པ་ཡི། །ཕ་མཐར་ནམ་ཡང་རེག་མིན་པའི། །རྒྱལ་བའི་མྱུ་གུ་ལ་གབ་བྱེད། ལ་ཡིས། བསིལ་ལྗོངས་འགྲོ་བར་དབུགས་རབ་འབྱིན། །གཉིས་ཀ་སྒྲིབ་པ། གང་གབ་བྱ་རྟེན་སྤྱན་རས་གཟིགས་དང་། གི་ལེགས་གསུངས་བདུད་རྩི་མཆོག་བརྟེན་པ་བྲམ་ཟེ་པཱ་ཎི་གཉིས་འདི་ན་སུ་ཞིག་ཐོས་འཛིན་གྱིས། །བཏུང་ལས་བརྡ་སྤྲོད་གཞུང་བྱེད་པར། །ལུང་གི་འཇམ་དཔལ་རྩ་རྒྱུད་ལས། ཡི་གེས་མངོན་པར་བརྗིད། །ཡོངས་འདྲེས། དཔལ་གབ་བྱ་སྤྱན་རས་གཟིགས་གབ་བྱེད་མིང་དུ་འདུས་པ་དང་། རྨོངས་པའི་གབ་ཚིག་འདྲེས་པས་སྒྲིབ་པར་བྱས་པའོ། ལྡན་ཐོགམར་འཇི༷ག་རྟེན༷་ཏེ། །སླར་ལ་དབ༷ང་ཕྱུག༷་ཅེས་སུ་བརྗོད། །སྲིད་དང་ཞི་མིན་ཤེས་བྱ་ཀུན། །མཁྱེན་ཕྱིར་ཙིནྟཱ་མ་ཎི་ཙིནྟཱ་མ་ཎི་ཡིད་བཞིན་ནོར་བུའི་དངོས་མིང་དང་། སྤྱན་མིན། རས་གཟིགས་ལའང་འཇུག་རུང་ཙམ་མོ། །འདི་ནི་འཆི་མེད་བཏུང་བས་མྱོས། །གྲོགས་ཁྱོད་དེ་རིང་ངེས་འབྱུང་སྐྱེས། །ཁུ་བྱུག་ཡིད་འོང་སྒྲ་སྒྲོགས་ཏེ། །མདོངས་མཐའ་ཆར་སྤྲིན་དག་ལ་དགའ། །དོན་འགལ་སྐྱོན། མཁས་ཁྱེད་རི་དྭགས་མིག་ཅན་དང་། །འཁྲིག་པའི་དགའ་སྟོན་ཉམས་སུ་མྱོང་། །ཆགས་བྲལ་བརྟུལ་ཞུགས་ལ་གནས་གང་། །བག་མེད་འགོག་པར་བྱ་བས་དབེན། །དེའི་དམིགས་བསལ། །བསགས་སྲུང་སྤེལ་སོགས་འདུ་འཛིའི་སྐྱོན། །དབྱེ་བའི་ནོར་གྱིས་ཅི་བྱར་ཡོད། །རྨད་བྱུང་འབྱོར་བའི་རྐང་སྟེགས་ལ། །བདག་ནི་ནམ་ཞིག་འཛེགས་འགྱུར་གྲང་། །དོན་གཅིག་སྐྱོན། སྟེང་འཐུང་ཨུཏྤལ་རྒྱས་པའི་ཕང་། །རྐང་དྲུག་བུང་བའི་རྩེ་འཇོ་ཡིས། །ཆགས་བཅས་འདོད་ལྡན་ཚོགས་རྣམས་ལ། །རབ་དགའ་སིམ་པའི་བདེ་བ་སྟེ། །དེའི་དམིགས་བསལ། རྒྱལ་ཀུན་ཡེ་ཤེས་ཟ་མ་ཏོག །ཁྱབ་བདག་བླ་མ་སྙིང་ནས་དྲན། །རྣམ་འདྲེན་མཆོག་དེ་སྙིང་ནས་དྲན། །འཁོར་ལོའི་མགོན་པོ་སྙིང་ནས་དྲན། །ཐེ་ཚོམ་ཅན་སྐྱོན། །པདྨའི་རྫིང་བུར་རང་རྩེ་བའི། །གཉིས་འདབ་ཆགས་དང་། བྲམ་ཟེ་སོགས། སྐྱེས་ཕྲེང་བ་འདུས་པའི་དབུས། །ངང་པའི་ངང་པའི་བུ་མོ་ནང་དབྱངས་ཅན་ལ། བུ་མོ་ཡིད་འོང་མས། །སིལ་སིལ་སྒྲ་དག་འབྱིན་པར་བྱེད། །ངང་པའི་རྐང་གདུབ་ཀྱི་སྒྲ་དང་། དབྱངས་ཅན་མའི་གཡེར་ཁའི་སྒྲ་གང་ཡིན་འཁྲུལ་པའོ། །དེའི་དམིགས་བསལ། མངོན་པར་འདོད་པས་དགའ་བྱེད་རོ། །མྱོང་བའི་མོད་ནས་མྱོས་པའི་མིག །དམར་བས་རེག་བཞིན་སླར་ཡང་ནི། །ཚུལ་མིན་ལས་དེར་འཇུག་པར་བརྩོན། །འདིའི་བརྗོད་བྱ་དངོས་སྐྱེས་པ། བུད་མེད་ཀྱི་འཁྲིག་བདེ་ཉམས་སུ་མྱོང་བ་ཞིག་དང་། དོན་གཞན་སྐྱེས་བུ་ཆང་གིས་མྱོས་པ་ཞིག་སྦྱར་བ་སྟེ། དེ་ཡང་དགའ་བྱེད་ཅེས་འཁྲིག་པའི་ཆོས་དང་ཆང་གཉིས་ཀ་ལ་འཇུག་ཅིང་། ཁྱད་ཆོས་གཞན་ཐུན་མོང་པ་ཡིན་པའི་ཕྱིར་རོ། །ལྔ་པ་རིམ་པ་བྲལ་སྐྱོན། དོན་གཉིས་མཐར་ཕྱིན་ཆགས་བྲལ་ལམ། །ཚོགས་ཀྱི་མཆོག་གྱུར་དགེ་འདུན་དང་། །སངས་རྒྱས་དམ་ཆོས་བཅས་པ་ཡིས། །ཁྱོད་ལ་ཤིས་པའི་སྣང་བ་སྩོལ། །དེའི་དམིགས་བསལ། འཕགས་བོད་མ་ཧཱ་ཙཱི་ནའི་ལྗོངས། །ཐོག་མཐའ་འབྱོར་པས་མངོན་མཐོ་ཡང་། །དེང་དུས་བདེ་གཤེགས་བསྟན་པའི་ལྕིད། །འདེགས་བཟོད་བར་མ་ཁོ་ནར་བསྔགས། །སྒྲ་ཉམས་སྐྱོན། ཁྱོད་ལ་མཁྱེན་པའི་ཤེས་བྱ་ཀུན། །གཟིགས་པས་གྲགས་དཀར་ཟླ་བ་འོད། །སྲིད་རྩེས་འགོངས་བར་ངོ་མཚར་གཏམ། །རུས་སྦལ་འཇུག་པས་འདེགས་ནུས་མིན། །དེའི་དམིགས་བསལ། གང་གི་མཆུ་སྒྲོས་ལ༷ས་འོངས་པའི། །ཆགས་བྲལ་གཏམ་གྱི་རྒྱུད་མང་སྒྲས། །འགྲོ་མང་འཁྲུལ་པའི་འཐིབ་བུ་ལ༷ས། །སློང་བའི་སྔོན་མེད་ཡི་གེ་བརྗིད། །གཅོད་མཚམས་ཉམས་སྐྱོན། འཇམ་དཔལ་མགོན་ཡེ་ཤེས་སྣང་བས། །གློ་བུར་གྱི་འཁྲུལ་མུན་ཀུན་བཅོམ། །ཡང་དག་པའི་སྤོབས་སྦྱིན་མཛད་ཕྱིར། །རྣམ་པར་ཐར་བདུད་རྩི་དང་མཚུངས། །དེའི་དམིགས་བསལ། རྒྱལ་ཀུན་མཁྱེན་གཏེར་ངག་དབང་ལྷའི། །ཐུགས་རྗེའི་ཟེར་གྱིས་རྨོངས་མུན་ཚོགས། །བཅོམ་པའི་ངོ་མཚར་དབྱངས་སྙན་རོས། །མེ་ཏོག་མདའ་ཅན་ཁེངས་ཀུན་འཇིལ། །སྡེབ་སྦྱོར་ཉམས་པའི་ཆད་ལྷག་གི་དཔེ། སྙིང་རྗེའི་སྤྱན་རས་མི་ཟུམ་པའི། །གཟིགས་པ་ག་བུར་ཐིགས་པས། །བསིལ་ལྗོངས་འགྲོ་བའི་སྡུག་བསྔལ་གྱི། །ཚ་གདུང་བསལ་བར་མཛད་དེར་བསྔགས་སོ། །མཚམས་སྦྱོར་ཉམས་སྐྱོན། ཀུན་མཁྱེན་བླ་མ་མཆོག་གུ་རུ་ཨུཏྟ་རའི། །སུ་བྷཱཥིཏ་ལེགས་བཤད་བདུད་རྩི། ཨ་མྲྀ་ཏས། །འདི་ན་མཐའ་ཀླས་ཨས་སེམས་ཅན་ཀུན། ཏྭཱཿ། ཨ་བླ་ན་མེད་པའི། ནུཏྟ་རའི་གོ་འཕང་བཀོད། །དེའི་དམིགས་བསལ། རྨད་བྱུང་ཀུན་དགའི་སྨོན་ལམ། པྲ་ཎཱི་དྷཱི། ཨ་ཏི་ཤུདྡྷའི་ཤིན་ཏུ་དག་པའི། ཟླ་བ་ཡིས། ཙནྡྲེ་ཎ། །ཨ་ནྱ་ཧི་ཏའི་གཞན་ལ་ཕན་པའི། སིམ་འོད་འབུམ། །སྤྲོ་བས་སྲིང་ཞིའི་ཐིག་ལེར་འདིར་སྔ་མར་པྲཎིདྲཱི༷། གྱུར། འགལ་སྐྱོན་ལ་དྲུག་ལས། ཡུལ་དང་འགལ་བ། གངས་ཅན་དཔལ་གྱི་དུམ་བུའི་ཁྲོད། དལ་གྱིས་རྒྱུ་བའི་གཉིས་འཐུང་ཚོགས། །པདྨའི་རྫིང་བུ་ལ་རྩེ་བའི། ཨ་ཏི་གཉིས་ཀྱི་བར་མཚམས་མི་སྦྱོར་བ། དབྱངས་ཅན་སྒྲ་མདོ་ལས། ཨཱི་ཨཱུ་ཨེ་གཉིས་ཉིད་ལའོ། །ཞེས་པའི་དམིགས་བསལ་དང་། ཕྱི་མ་ཙནྡྲེཎ་དང་ཨ་ནྱའི་བར་ཤད་ཀྱིས་ཆོད་པས་མཚམས་སྦྱོར་མ་བྱས་ཀྱང་སྐྱོན་དུ་མི་འགྱུར་བའོ། །འཕྲོག་བྱེད་དྲེགས་པས་ཟིལ་གྱིས་མནན། །དུས་དང་འགལ་བ། ཉི་གཞོན་འཆར་ཀ་དང་འགྲོགས་པའི། །ཀུནྡཱའི་འཁྲི་ཤིང་རྒྱས་པའི་འགྲམ། །སྟོན་མཚན་ཟླ་གཞོན་གྱིས་ཕྱེ་བའི། །ཆུ་སྐྱེས་གསར་པའི་རྣ་རྒྱན་གཡོ། །སྒྱུ་རྩལ་དང་འགལ་བ། དྲག་ཤུལ་འཇིགས་རུང་གར་གྱི་རོས། །ངོ་མཚར་རྨད་བྱུང་ཉམས་འཕེལ་ཞིང་། །བློ་གསལ་དབྱངས་དྲག་པོ། དབྱངས་ཀྱི་འགྱུར་ཁུག་གིས། །རྣ་བར་ཀུན་དགའི་སིམ་པ་སྟེར། །འཇིག་རྟེན་དང་འགལ་བ། དཀར་མིན་ཁ་པའི་རྡུལ་བརྩེགས་སྤོར། །རབ་མཛེས་ཁུ་བྱུག་གཞོན་ནུའི་རྭས། །ལག་ལྡན་མྱོས་པའི་བད་བག་ཤོག་ཟུང་། །འབིགས་པའི་གྲག་ལྡན་སྲིད་ན་བརྗིད། །ནང་པའི་རིགས་པ་དང་འགལ་བ། བདེར་གཤེགས་ཟག་བཅས་སྡུག་བསྔལ་གྱིས། །ཁྱབ་པར་གསུངས་མོད་དེ་ལྟ་ནའང་། །ཡིད་འོང་མཛེས་མའི་ལོངས་སྤྱོད་ལ། སྙོམས་པར་ཞུགས་འདི་གཅིག་ཏུ་བདེ། །ཕྱི་རོལ་པའི་རིགས་པ་དང་འགལ་བ། །རྟག་པར་སྨྲ་བའི་ཆོས་ཁམས་ཀུན། །བདག་དང་མཚུངས་ལྡན་ཉིད་དུ་འདོད། །དཔྱད་ན་ཕྱི་ནང་གང་དུ་ཡང་། །བདེན་གྲུབ་རྡུལ་ཙམ་མཆིས་མ་ལགས། །ལུང་དང་འགལ་བ། ངེས་པར་འབྱུང་བ་དང་བྲལ་བའི། །སོ་ཐར་ཁྲིམས་ཀྱིས་རྒྱུད་བསྡམས་བཞིན། །སྟོང་དང་རྟེན་འབྱུང་ཐ་དད་པ། །སྤྲོས་བྲལ་དབུ་མའི་དོན་ལ་བལྟ། །དམིགས་བསལ་སྐྱོན་མེད་ལའང་དྲུག་ལས། ཡུལ་དང་འགལ་ཡང་སྐྱོན་མེད་པ། བསོད་ནམས་བརྒྱ་ལས་གྲུབ་པ་ཡི། །ཤྭ་ཀྱའི་ཏོག་གི་མཚན་དཔེའི་དཔྱིད། །གང་དུ་སྣང་བར་སུམ་རྩེན་གྱི། །གྲོང་ཁྱེར་གསར་དུ་འཁྲུངས་པར་གྱུར། །དུས་དང་འགལ་ཡང་སྐྱོན་མེད་པ། །གང་གི་དགེ་བཅུའི་བཀའ་ཁྲིམས་ཀྱི། །ཕྱག་རྒྱའི་རི་མོས་བཏབ་པ་ལས། །རྩོད་པའི་དུས་ཀྱང་གངས་ཅན་འདིར། །རྫོགས་ལྡན་གཞོན་ནུའི་དགའ་སྟོན་དར། །སྒྱུ་རྩལ་དང་འགལ་ཡང་སྐྱོན་མེད་པ། ཡིད་འོང་མཛེས་མའི་རོལ་སྒེག་དང་། །རབ་སྙན་ཆགས་པའི་གླུ་དབྱངས་ཀྱིས། །ཐར་འདོད་སྙིང་ལ་མེ་འོབས་ལྟར། །འཇིགས་སུ་རུང་བའི་ཉམས་འགྱུར་འཕེལ། །འཇིག་རྟེན་དང་འགལ་ཡང་སྐྱོན་མེད་པ། རབ་འབར་བྱིན་ཟས་འཁྱུད་པ་ཡི། །ཆུ་གཏེར་ལས་བྱུང་པདྨོའི་དབུས། །མཚན་དཔེའི་མཚར་སྡུག་མངོན་སྣང་གང་། །གྲུབ་པའི་ཁྱུ་མཆོག་མཚོ་སྐྱེས་རྗེ། །རིག་པ་དང་འགལ་ཡང་སྐྱོན་མེད་པ། རྣམ་བཅས་རྣམ་པ་མེད་པའི་སྐུ། །བརྗོད་བྲལ་བརྗོད་པ་ཀུན་ལྡན་གསུང་། །གཅིག་དང་དུ་མ་ལས་འདས་ཐུགས། །སྲས་བཅས་རྒྱལ་བ་རྣམས་ལ་འདུད། །ལུང་དང་འགལ་ཡང་སྐྱོན་མེད་པ། །བླང་དོར་འཁྲུལ་ཆོས་ཀུན་སྤངས་པའི། །འདོད་ཆགས་ཆེན་པོའི་ཉེ་རྒྱུ་ཡིས། །རྒྱུ་འབྲས་གཉིས་སུ་མི་ཕྱེད་པའི། །རྡོ་རྗེ་འཛིན་པར་གཤེགས་ཀུན་བསྔགས། །སླར་སྨྲས་པ། མཐའ་ཀླས་སྒྲ༷་རྒྱན་ནོར་བུའི་རྒྱུད་མང་ཡིད་འོང་སྙན་འགྱུར་སྒྲོགས་མཁས་པ། །མཛེས་པར་བཟུང་བའི་ཡི་གེའི་དགའ་མས་གབ༷་ཚི༷ག་གསང་གཏམ་སྤྲོ་བ་ཡིས། །འདི་ན་བློ་མིག་གཞོན་ནུའི་ཚོགས་རྣམས་ཁེངས་པའི་བརྟན་པ་འཕྲོག་བྱེད་དང་། །སྐྱོན་གྱི་སྐལ་བ་ངན་པས་རིང་སྤངས་རྨད་བྱུང་ལང་ཚོས་མཛེས་ཞེས་སྨྲེང་། །ཉི་གཞོན་ཐིགས་པ་བཏུང་མིན་ཞིང་། །དཔྱིད་ཀྱི་དཔལ་མོས་མ་བཟུང་བའི། །དཔེར་བརྗོད་ཨུཏྤལ་གསར་པའི་ཕྲེང་། །གཟུར་གནས་ངལ་འཚོའི་གསོས་གྱུར་ཅིག །ཅེས་རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ལས། བྱ་དཀའ་བ་ལ་སོགས་པའི་རྣམ་པར་བཅད་པའི་སྐབས་ཏེ་གསུམ་པའོ།། །།ངོ༷་མཚར་ཚི༷ག་རྒྱན༷་བསྟན་བཅོས་ཨཱ་དཪྴའི། །དཔེར༷་བརྗོ༷ད་མགྲིན་པའི་ཆུ་གཏེར་འཕྱུར་བ་ན། །འཇིགས་བྲལ་དཔལ་ལྡན་དཎྜཱིའི་རྣམ་དཔྱོད་ཀྱང་། །རབ་སྙན་རྒྱུད༷་མང༷་ཟོལ་གྱིས་ལྷགས་པ་བཞིན། །དེ་སླད་འཕགས་བོད་མཁས་པའི་ལེགས་བཤད་ཀྱི། །རྗེས་སུ་སོང་གང་བདག་བློས་མ་ཡིན་ཏེ། །ཡོངས་འཛིན་བླ་མའི་བཀའ་དྲིན་ལས་བྱུང་ཕྱིར། རྣམ་པ་ཀུན་ཏུ་གུས་པའི་མེ་ཏོག་འཐོར། །འོན་ཏེ་ཉེས་པར་སྨྲ་བའི་འདམ་རྫབ་ཀྱིས། །གཞུང་དོན་ནོར་བུའི་མེ་ལོང་སྒྲིབ་སྲིད་ན། །ཁོ་བོའི་འཁྲུལ་པའི་དཔྱིད་ཀ་ལས་བྱུང་ཕྱིར། །ཕྱོགས་བྲལ་མཁས་པའི་བློ་མཚོས་སྦྱང་བར་མཛོད། །མདོར་ན་གཅིག་ཏུ་གཞན་ཕྱིར་སྨན་འདོད་པའི། །ལྷག་བསམ་ཟླ་ཚེས་གསར་པ་དང་འགྲོགས་པས། །དོན་མཐུན་ཀུན་དགའི་སྟེང་འཐུང་དཀར་པོའི་འཛུམ། །ཅི་དགར་དབྱེ་བའི་བྱེད་པོ་ཁོ་ནར་སེམས། །འོན་ཀྱང་དེང་དུས་མ་བསླབས་ཀུན་མཁྱེན་གྱི། །སྤུན་ཟླར་འཇོགས་ཤིང་བསླབ་ན་ཚིག་རེར་ཡང་། །མགོ་བོ་གདུགས་ལྟར་འཁོར་བའི་མཁས་རློམ་མདུན། །འཇམ་མགོན་དངོས་སུ་བྱོན་ཀྱང་ཅི་བྱར་ཡོད། །དེ་ལྟར་སྨྲས་པའི་དགེ་ཚོགས་དྲི་མེད་ཁ་བའི་རྡུལ་བརྩེགས་ཀུ་མུད་ཚལ། །གཉིས་འཐུང་མཆེ་བ་ལྟ་བུར་དཀར་བའི་བསོད་ནམས་གང་ཞིག་ཐོབ་པ་དེས། །འགྲོ་ཀུན་རྨོངས་པའི་གདུང་བ་ཀུན་བསལ་སོ་སོར་རྟོགས་པའི་ཡེ་ཤེས་ཀྱིས། །གསུང་གི་རྡོ་རྗེའི་རྣམ་ཐར་རྒྱ་མཚོར་གཡོ་བ་མེད་པར་འཇུག་གྱུར་ཅིག། །།རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ཞེས་བྱ་བ་འདི་ཡང་། རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་དང་དབྱེར་མ་མཆིས་པ་མཁན་ཆེན་ཐམས་ཅད་མཁྱེན་པ་བྱམ༷ས་པ༷་ཀུན༷་དག༷འ་བསྟན༷་འཛི༷ན་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱིས་ཐུགས་བསྐྱེད་རྨད་དུ་བྱུང་བས་ལམ་འདིར་བསླབ་སྦྱང་མགོ་འཛིན་བགྱིད་དགོས་པའི་བཀའ་སྩལ་གྱི་ཅོད་པན་གཙུག་ཏུ་སྩལ་བ་ལ་བརྟེན། དོན་གཉེར་ཅན་དག་ལ་འབད་པ་ཆེན་པོས་འཆད་པའི་གཡར་ཁྲལ་བླངས་པའི་ཚེ། མགོན་པོ་གང་གི་ཞབས་རྡུལ་ལ་སྤྱི་བོས་རེག་ཅིང་། མ༷་ཧཱ༷་པ༷ཎྜི༷ཏ༷་ཟེ་ཆེན་པའི་བཀའ་དྲིན་ལས་ཚིག་རྒྱན་གྱི་མིང་རྐྱང་ཙམ་ཞིག་ཐོས་པའི་རྨོངས་རྟུལ་གྱི་ན་བ་ཚངས་སྲས་དགྱེས་པའི་བློ་ལྡན་ནམ། གཙུག་ལག་སྨྲ་བའི་ཉི་མར་བོད་པའི་རྒྱལ་ཁམས་ཀྱི་དཱ་རི་དྲ་པས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཆུ་སྟོད་ཟླ་བའི་གྲལ་ཚེས་དགེ་བར་སུག་བྲིས་སུ་གྲུབ་པར་བགྱིས་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། །།

[edit]

tshig rgyan gyi bstan bcos me long ma'i dper brjod daN+Di'i rgyud mang / @#/____/rgyan gyi bstan bcos me long gi gzhung dang mthun par dper brjod pa daN+Di'i rgyud mang zhes bya ba bzhugs so/____/ byamaXs paX'i thugs ni shin tu sgeg kyang me tog mda' can mdzes pa zum/____/kunaX dga'iX gsung gis rnam grol ston kyang phyir rgol spobs pa'i rgyu ba 'ching /____/mtshan dpe'i mdzes sku gcig pu nyid mod du ma'i gar du rnam rol pas/____/yongs rdzogs bstaXn pa'i ngo mtshar 'dziXn bzod khyab bdag bla mas shis pa stsol/____/nges gsang sde snod rgya mtsho'i gzhung lugs la/____/rnalaX du 'byoraX pa'i mkhyen rab snang ba ni/____/'jaXm dpaXl gzhon nus byin gyur ngag gi dbang /____/phyogs las rnam rgyal bzaXng po'iX zhabs kyis skyongs/____/zad med mtha' klas chos phung rgya mtsho'i khams/____/dbyangs bdun rdzogs pa'i rgyud mang glur len pa/____/rgyal ba kun yum tshangs pa'i sras mo yis/____/ngag dang yid la spobs pa'i mchog sbyin mdzod/____/de yi byin rlabs nyin mo'i rdul/____/btung las rnam dpyod mtshar sdug ni/____/pad+mo bzhin du rab rgyas pa/____/dbyug pa can zhes bya ba byung /____/gang gis brtsams pa'i tshig rgyan gyi/____/bstan bcos nor bu'i me long ngogs/____/snyan ngag gzugs brgya 'char ba yis/____/'di na yid kyi ngal 'tshor gyur/____/de slad de dang rjes mthun pa'i/____/dper brjod daN+Di'i rgyud mang ni/____/don mthun phyogs kyi bu mo yi/____/rna ba'i bcud du bsgreng la phyogs/____/'dir 'phags pa'i yul gyi slob dpon chen po dbyangs can mgrin par chags pa dpal ldan pA la sha'i dbyug pa 'chang ba'i zhabs kyi rjes su 'brang ba'i tshig rgyan gyi dper brjod pa cung zad cig spro na gsum ste/__le'u dang po las byung ba thun mong ma yin pa'i rgyan dang /__le'u bar par thun mong pa don gyi rgyan so lnga dang /__le'u tha mar sgra dang gab tshig gi rgyan skyon bcu spang ba dang bcas pa rnams so/____/dang po la'ang shar lho'i lam srol gyi yon tan bcu las/__dang po sbyar ba'i yon tan la/__la yig la bskor ba'i rjes khrid kyi blos gau DA bas 'dod pa/__la la tsam min lus can kun/____/lam bden lung gis las nyon las/____/legs srung lam dang lam min gyi/____/gdung ba las zlog rje bla ma/____/sbyor ba lci ba be dar+b+ha'i 'dod pa/__gang gis bskal mang rgya mtsho ru/____/shas cher goms pa'i tshogs gnyis kyis/____/rab bskrun mtshan dpe'i phung po ni/____/ngo mtshar snang ba gsar pas sgeg__/gnyis pa rab tu dwangs pa'i yon tan la/__bai dar+b+ha'i 'dod pa/__thos pa tsam gyis rna ba la/____/kun dga'i dga' ston dar babs pa/____/khyod gsung sa gsum 'gro ba yi/____/ngal 'tsho'i slad du yun ring rgyu/____/gau DA ba'i 'dod pa/__tshig gi gter gyur don ldan ros/____/'khyud pas dkar min las bcad nas/____/dpal dang bdud rtsi'i mchog sbyin pa/____/dam pa'i dbyangs kyis phyogs kun gtams/____/gsum pa mnyam nyid kyi yon tan la/__bai dar+b+ha'i 'dod pa/__gzod ma nyid nas rnam dag pa'i/____/'od gsal lhan cig skyes pa'i dbyings/____/sgrib bral 'bras bu'i khur lci bas/____/kun dkris rgyur bcas drung nas 'byin/____/gau DA ba'i 'dod pa/__shin tu brtse bas brlan pa yi/____/snying rje chen po'i zur mig gis/____/nyer 'khyud 'gro kun thar pa'i grong /__'khrid pa'i gar mkhan khyod du bas/____/bzhi pa snyan pa'i yon tan la/__bai dar+b+ha'i 'dod pa tshig mtshungs nye ba'i nyams/__ma smad spobs pa'i dpyid dpal ni/____/sgra dbyangs rgya mtsho'i rgyud mang la/____/sbyar bas blo gros mchog stsol phyir/____/yang yang grags dkar yi ge dgod/____/rkang pa la bskor ba'i rjes khrid/__rgya mtsho'i 'jing ltar dpag dka' ba'i/____/rgyal ba sras bcas legs gsung don/____/rgyas par 'chad pas srid dang zhi'i/____/rgyan du gyur pa'i ngo mtshar bzung /____/tshig la bskor ba'i rjes khrid/__lung rig gis reg tam+bu ras/____/rtsod ngag rtser 'dzegs rtse dga' yis/____/sgrin po'i blo yang sgrib pa'i sgras/____/phyi rgol phyogs rnams phyi phyir khros/____/yi ge ring por bskor ba'i rjes khrid/__yid 'phrog don bzang mkhur tshos su/____/tshig snyan li khri'i thig le yis/____/yongs su bgos pa'i gzhung mang po/____/brtsams pas gzur gnas mdza' bo bkug__/shar pa kho nas 'dod pa/__sbrang rtsi'i thig sbreng sbrang rtsi'i bus/____/sbrel ba'i ban+d+hu'i 'khril shing bzhin/____/yon tan rgya mtshos rab mdzes khyod/____/bstod do rnam dpyod mchog sbyin mdzod/__spang bya don gyi grong pa'i tshig__/lang tsho rab rgyas dga' ma gang /____/mthong ba tsam gyis bzod dka' ba'i/____/'dod chags tsher mas gzir bdag la/____/'khrig pa'i dga' ston mi spro 'am/____/spong byed kyi nyams ji ltar sbyin pa/__/gtum mo khyod mig zur mda' yis/____/btab pas yun ring myos byas bdag__/ngal gso'i mal du bslang ba'i slad/____/kun dga'i dus ston spro bar 'os/____/sgra'i grong pa tshig gi mtshams sbyor gyis zhugs pa/__ngo mtshar dam pa'i skyes bu'i rtags/____/sbom por gyur pa'i gzhon nu 'di/____/shin tu yid 'ong bu mo mtshan/____/bzang pos sgeg pa'i mdza' bor 'os/____/ngag tshig gi don la zhugs pa'i grong pa/____/ut+pal thigs pa 'dzag pa bzhin/____/rab mdzes mtshan ma dang ldan 'gram/____/me tog kha 'byed gsar pa yang /____/rna rgyan gyi ni zol gyis 'ong /____/dmigs bsal skyon med/__rmad byung 'khor lo'i mtshan ma yis/____/sgeg pa'i 'jam mgon zhabs kyi rdul/____/rdo rje'i re khA la 'gongs pa/____/'jam mnyen pad+ma'i stan la bkod/____/lnga pa shin tu gzhon pa'i yon tan la/__bai dar+b+ha'i 'dod pa/__dbyangs kyi yan lag rgya mtsho yis/____/'khyud pa'i nor bu'i rgyud mang po/____/snyan par bsgrengs pa'i tshangs sras ma/____/yid 'ong pad+ma'i tshal du sgeg__/gau DA ba'i 'dod pa/__gru 'dzin rir dgyes tshems dkar gyi/____/puN+Da rI ka dar babs par/____/mkhyen gter 'bras khyod 'khrungs pa'i sgras/____/'gro mang 'khrul pa'i gnyid las bsgral/____/drug pa don gsal gyi yon tan la/__shar lho don mthun/____/ngag dbang lha mo'i zhabs pad+mo/____/lhar bcas che rgu'i zur phud kyi/__cod pan rin chen 'od 'bar bas/____/reg pas dmar ba'i 'dzum zer 'phro/____/gnyis kas skabs 'gar 'dod pa/__rgyal yum sA ra swa ti yi/____/zhabs sen 'char ka'i 'od ris can/____/phyogs kyi bu mo'i dad gsum gyi/__thor tshugs ngal 'tsho'i slad du rgyu/____/bdun pa rgya che ba'i yon tan la/__bai dar+b+ha'i 'dod pa/__khyod zhabs yid kyi cho ga ru/____/lan gcig tsam zhig bkod pas kyang /____/slan chad smra mkhas bye ba yis/____/chos mthun rgol ba'i spobs pa zad/____/gau DA pa'i 'dod pa/__ut+pal snyems dud pa'i mtshor/____/dal gyis zhugs pa'i sgra dbyangs lha/____/'jam mnyen kA shi'i reg bya dang /____/baiDUr rgyan mang g.yo bas mdzes/____/brgyad pa brjid pa'i yon tan la/__gau DA ba'i 'dod pa/__ye shes rmad byung snang ba gsar/____/snying rje chu skyes dgod pa dang /____/mdza' ba rab rgyas grags pa mchog__/mtha' klas gdul bya'i rna bar bkod/____/bai dar+b+ha'i 'dod pa/__khyod zhal zla ba gsar pa la/____/zur mig ri dwags gzhon nu yi/____/'jo sgeg ldan pa de kho na/____/kun gyi yi gar gcig tu 'babs/____/dgu pa mdzes pa'i yon tan la/__bai dar+b+ha'i 'dod pa gtam la sbyar ba/__gang zhabs bsod nams bye ba yis/__bskrun pa'i rdul phreng gis btab phyir/____/lho phyogs rig 'dzin dga' tshal zhes/____/brjod 'di don gyi snying pos lci/____/bsngags pa la sbyar ba/__gnag cing snum pa'i dpal ldan pa/____/dkyus ring spyan gyi zur mda' yis/____/yid bzhin 'dod 'jo'i rna rgyan las/____/ring du 'gongs so 'phags ma kye/____/gau DA ba'i 'dod pa gtam la sbyar ba/__khyod kyi rmad byung mtshan dpe'i gzis/____/mtshar sdug sgrub pa'i pad+mo'i rdzing /____/rdul bral 'og min zhing mchog gi/____/ngo mtshar las kyang ches cher brgal/____/bsngags par sbyar ba/__mnyen lcug sor rtses bsnun pa yi/____/dbyangs bdun rdzogs pa'i rgyud mang sgra/____/tshangs chen yid kyis bkod pa yi/____/pha mtha' nam yang rdzogs ma gyur/____/bcu pa ting nge 'dzin gyi yon tan la/__spyir bstan pa/__steng 'thung dkar pos nyin mo'i zer/____/bsten pas mchu sgros zum pa dang /____/rab dwangs rdzing bur nyer 'khyud pa'i/____/yid bzang gzhon nu'i 'dzum bag bye/____/bye brag chos gcig bkod pa/__zla shel bsil bas skyugs pa yi/____/sim 'od btung ba'i ku mu dAs/____/sbrang rtsi'i thigs pa skyugs pa ni/____/sprin gyi gru char skyugs pa bzhin/____/chos du ma bkod pa/__ze'u 'bru'i so phreng rab dgod pa'i/____/'bras bu'i khur ldan 'dam skyes kyi/____/zil mngar len pa'i bung ba'i tshogs/____/myos pa'i glu dbyangs dar dir sgrogs/____/'dir smras pa/__dngos dang bzlog pa'i lam srol gnyis kyi bzhed gzhung snang ba'i mu khyud kyis/____/yun ring dus nas cung zad bshes las dper brjod ut+pal sar pa'i 'dzum/____/ci dgar bye ba'i ngang tshul 'di yang 'phags yul mkhas pa'i legs bshad kyi/____/rjes su 'brangs te smras par rlom phyir blun po'i yi ger ji ltar 'bab/____/de las byung ba'i dge ba ni/__ga bur dog pa la 'gongs pas/____/'khrul pa'i tsha gdung kun bsal te/____/tshig gi ngal 'tsho bsten par shog__/ces rgyan gyi bstan bcos me long gi gzhung dang mthun par dper brjod pa daN+Di'i rgyud mang las/__lam rnam par phye ba'i skabs te dang po'o//____//byamaXs pa'iX bdud rtsis gzhar yang btang min snying rje chen po'i brlan chags pas/____/chos 'dul khrims kyi ge sar stug ldan kunaX dgaX'i me tog 'dzum bcas 'bar/____/zung 'jug grub pa'i snye ma g.yur za yongs rdzogs bstanaX 'dziXn 'chi med tshal/____/gcig tu mdzes byed grags pa don ldan dpag bsam dbang pos dge legs mdzod/____/slar yang don rgyan las brtsams pa'i/____/dper brjod puN+Da rI ka'i phreng /____/rang gzhan mgrin pa'i rgyan gyur slad/____/rnam dpyod sor mos bstar la phyogs/____/gnyis pa le'u bar pa don gyi rgyan gyi yongs su bcad pa las byung ba'i thun mong gi rgyan la sum cu rtsa lnga las/__dang po rang bzhin brjod pa'i mtshan nyid ni/__tshig sbyor gang zhig dngos po'i gnas tshul de nyid ji lta ba sgro skur dang bral bar ston pa'i ngag ste/__dbye na bzhi las/__dang po rigs kyi rang bzhin brjod pa ni/__mtha' klas tshogs gnyis rab rdzogs shing /____/ye shes dam pa'i pha rol son/____/thabs mkhas phrin las rmad byung 'dis sangs rgyas thams cad kyi mnyam pa'i yon tan gsum brjod byar byas nas bsngags pa'o/_/_ba/____/rdzogs sangs rgyas rnams bsngags 'os ldan/____/bya ba brjod pa/__mkhyen pas shes bya'i mthar 'gro zhing /____/brtse bas khams gsum yid can bzung /____/nus pas sder bcas bdud sde'i dpung /____/pham mdzad ston mchog nyi ma'i gnyen/____/yon tan brjod pa/____/gang gi rnam par thar pa yis/____/yid rab dwangs pa'i skal bzang kun/____/dad pa'i spu lang g.yo dang bcas/____/gus spro'i bstod bsngags bgyid la phyogs/__rdzas brjod pa/__rab dkar mtshan dpe'i mtshar sdug can/____/rgyal yum rdo rje dbyangs lha mo/____/baiDUr rgyud mang brdung bzhin du/____/lho phyogs 'o mtshor 'khrungs bar gyur/____/gnyis pa dpe rgyan gyi mtshan nyid ni/__tshig sbyor gang zhig brjod par 'dod pa'i dpe can de dang tshul rjes su mthun pa'i dpe ji ltar 'os pa dag bkod pas gsal bar byas pa'i ngag ste/__dbye na sum cu rtsa gnyis las/__dang po chos dpe ni/__gnod gnas dbang po khyod nyid kyi/____/rmad byung gzugs sku'i dkyil 'khor ni/____/gser gyi sa 'dzin nyi 'od dang /____/'grogs pa ji bzhin kunaX tuX brjidaX/____/dngos po'i dpe/__sgra dbyangs lha mo'i 'dzum zhal mchog__/rnyog bral ston zla lta bu ste/____/mchu sgros yid tsam bye ba yang /____/bim+ba'i nags tshal rjes su snyegs/____/bzlog pa'i dpe/__seng ge'i gdong can mtshan dpe ltar/____/chu skyes sngon po nye bar rgyas/____/gang gi sor mo'i dog pa dang /____/rjes mthun bung ba'i rtse dga' g.yo/____/phan tshun dpe/__tshangs pa'i sras mo'i rgyud mang bzhin/____/'jam mgon bla ma'i legs bshad snyan/____/sgra dbyangs lha mo'i phang 'gro yang /____/gang gi gsung gsang dpe zlar 'os/____/nges pa'i dpe/__rnam mang 'dod 'jo'i tshig rgyan gzhung /____/nor bu'i chu gter chen po yi/____/rjes su 'gro mod de las gzhan/____/dper 'os srid pa'i khongs 'dir med/____/nges med dpe/__rab dmar rig byed dga' ma'i zhal/____/re zhig ban+d+hu dzA+e ba kar/____/rigs mthun gzhan yang de 'dra ba'i/____/dngos 'ga' srid na'ang mtshungs par rtogs/____/bsdus pa'i dpe/__mkhas khyod gtsug lag rgya mtsho'i gzhung /____/gzigs pa kho nas ngag dbang lha'i/____/rjes su rkang pa 'jog min te/____/grub pa'i yon tan 'dis kyang ngo /____/phul byung dpe/__gang sku bsil ldan ljongs su ste/____/ye shes me long grub pa'i zhing /____/gzhan du bsngags 'os spangs rtogs la/____/khyad par 'di zhes dmigs su med/____/rab rtog dpe/__ngag dbang lha mo'i 'dzum zhal mdangs/____/nga la yod ces zla shel gsar/____/snyems par ma byed ku mu dA'i/____/dga' tshal la yang de yod phyir/____/rmad byung dpe/__sprin bral ri bong 'dzin pa la/____/mtshan dpe'i mtshar sdug rab rdzogs shing /____/mnyan 'os legs bshad stsal mkhas na/____/mig mi 'dzum pa'i spun zlar 'os/____/rmongs pa'i dpe/__rje btsun bla ma'i gzhan phan gyi/____/phrin las snying rje'i lha ru 'khrul/____/slar yang 'phags pa'i legs mdzad ni/____/rnam 'dren gang gi spyod par rtogs/____/the tshom dpe/__ci 'dis yi gdu bu'i khrod/____/raHyig gnyis pa g.yo ba 'am/____/tshangs pa'i sras mo'i 'dzum zhal la/____/spyan zung rnam par 'phrul pa gang /____/gtan phebs dpe/__'on kyang 'khor 'das lam gyi chos/____/rgyan gsum ngag gis drangs pa'i phyir/____/steng 'thung dkar po nyid min te/____/des ni snyan par smra nus sam/____/sbyar ba'i dpe/__rab dkar mgrin pa'i dbyangs snyan ldan/____/yid 'ong pad+ma'i rdzing bu ru/____/dal gyis rtse ba'i mtsho byung ma/____/rA dza haM sa/__dang ba'i rgyal po/__nyid dang mtshungs/____/mnyam nyid dpe/__tam+bu ra yi chung ma 'di/____/pad+ma can bzhin khyab 'jug chung ma dpal mo/__yid 'ong zhing /____/lus can slu bar byed ma lags/____/de slad don 'bras bral maX yin/____/'di yang /__rnal 'byor ma 'di lag brkyangs bzhin/____/bya ba bral zhing nor med pa'i/____/lam la zhugs pa phan bde'i chos/____/phra mo tsam yang 'dzin ma lags/____/'dir rnal 'byor ma zhig dang sprang po zhig sbyar ba ste/__de yang dang po ltar na bya ba bral ba gnyis ka'i chos thun mong dang /__dmigs bsal thar lam nor ba med pa la zhugs pas gnas skabs phan pa dang mthar thug bde ba'i chos phra zhing phra mo tsam yang 'dzin par nus ma lags so/____/zhes pa dang /__phyi ma ltar na nor med pa'i dbul po'i lam du zhugs pas 'di dang /__phyi ma'i phan bde'i chos phra mo tsam zhig kyang 'dzin par nus pa ma lags so/____/zhes gcod mtshams tha dad pa gnyis kyis ston pa'o/____/smad pa'i dpe/__zla shel bsil yang ra ris 'khyud/____/nyin byed gsal mod gdung ba'i phyir/____/tshul des mgon po khyod nyid kyi/____/mkhyen rab snang bar gzhal nus min/____/bsngags dpe/__yongs 'du sa brtol 'dod dgu'i dpyid/____/rgya mtsho rin chen du ma'i mdzod/____/de dag nyid dang dam pa gang /____/mtha' klas yon tan phung po mnyam/____/brjod 'dod dpe/__bdud rtsi'i snying pos lci ba 'am/____/rnyogs pa'i mtshan mas bslad kyang rung /____/dbyangs can khyod zhal zla shel dang /____/mtshungs zhes brjod 'dod yid la brnags/____/'gal ba'i dpe/__'jam dpal mgon dang 'phags mchog klu/____/'khon rigs paN chen kun dga'i mtshan/____/gcig kyang rnam pa tsam nyid du/____/phan tshun 'gal ba nyid du dran/____/dgag pa'i dpe/__dug can bsti gnas las 'thon cing /____/rnam par dpyod pa'i mthus dben phyir/____/man+dA ra yis khyod zhabs la/____/cung zad tsam yang 'gran nus min/____/mdzes pa'i dpe/__'phags mchog spyan stong 'jo sgeg dang /____/gang nyid 'dren byed zung ldan yang /____/mtha' klas 'gro la dus gsum du/____/gzigs pa'i tshul la mtshungs pa nyid/____/de nyid brjod dpe/__'di ni ga pur 'dzin pa'i gzugs/____/ma yin phyag na pad+mo ste/____/ri dwags gzhon nu'i ri mo yis/____/'khyud min mtshan dpe'i mtshar sdug go/__thun mong min pa'i dpe/____/nyid byed bye ba'i gzi byin las/____/ring 'das 'chi med mgon khyod kyi/____/dpe zlar 'os pa rang nyid las/____/gzhan du srid 'dir rnyed ma lags/____/byung min dpe/__puN+Da rI ka'i snying po kun/____/byed pos gcig tu bsdus pa ltar/____/yid 'phrog mtshar sdug rdzogs pa'i dpyid/____/mi zad tshig gter sgra dbyangs lha/____/srid min dpe/__nyin byed las byung bsil ba dang /____/ga bur thigs pas tsha gdung bzhin/____/rnam 'dren gang gi mdzad bzang la/____/tshul min 'byung ba cang srid dam/____/mang ba'i dpe/__mtshams sprin gur gum dga' tshal dang /____/sin+d+hu wA ra'i phung po ltar/____/dmar ser mtshan dpe'i lang tsho can/____/blo gros mchog sbyin 'jam pa'i dpal/____/rnam 'gyur dpe/____/mkhas dbang gang gi legs bshad gtam/____/dbyangs kyi rgyal mo'i rgyud mang dang /____/ye shes me long 'char ba yi/____/gsung gi gsang ba las blangs bzhin/____/phreng ba'i dpe/__zla ba'i zer bzhin de yis kyang /____/chu gter rgyas bzhin de'i mthu yis/____/rin chen rlabs mang 'phen pa bzhin/____/'jam mgon bla mas thub bstan spel/____/ngag don las bzhin sgra gcig pa'i dpe/__gang thugs zab gsal gnyis med klong /____/mkhyen gnyis spobs pa'i gter grol ba/____/rdul bral ston gnam dag pa'i 'gram/____/nyi gzhon 'char kas mtshon bzhin mdzes/____/bzhin sgra du ma can/__rta ljang can bzhin khyod zhal las/____/'dzum zer ji bzhin sde snod bcud/____/rab mdzes pad+mo ji bzhin du/____/bdag gis 'thung zhing 'thung zhing snyegs/____/zla bo dngos po'i dpe/__phyogs 'dir mkhas mchog mang byon kyang /____/da lta gang dang mtshungs pa su/____/mkha' la rgyu skar grangs mang yang /____/mun sel nyi ma las gzhan dben/____/mtshungs sbyor dpe/__rdo rje 'chang chen 'og min gnas/____/mgon khyod e waM 'dus grar bzhugs/____/des ni rgyun mtha'i byang sems dang /__khyod kyis skal bzang slob tshogs skyong /____/rgyu yi dpe/__gang sku mdzes pas zla gzhon dang /____/gsung gsang snyan pas dri za'i glu/____/thugs ni zab cing rgya che bas/____/'chi med lam gyi phang par 'dzegs/____/dpe'i skyon sel las rtags tha dad kyang skyon med pa/__smra mkhas khyod kyi tshig sbyor ni/____/tshangs pa'i sras mo'i ngag ltar snyan/____/mtsho byung sgeg mo'i blo mchog kyang /____/'jam dpal gzhon nu'i rjes su byed/____/tshig tha dad kyang skyon med pa/__gang gi phrin las gcig pu yis/____/rgyal kun thugs rje'i nus pa 'jug__/mtha' klas spobs pa'i rol sgeg kyang /____/sprin bral nam mkha'i thig ler mtshungs/____/dpe don mchog dman gyur yang skyon med pa/__gtsug lag gzhung brgyar gzigs khyod bzhin/____/'jam mgon dri med mkhyen pa rgyas/____/srid par 'khrungs kyang srid pa'i dris/____/gos min 'dam skyes pad+mos mtshon/____/de rnams kyang sbyor ma shes na skabs 'gar skyon du 'gyur pa/__grong khyer ma ltar thabs mkhas kyi/____/spyod pa rgyu skar tshogs bzhin mdzes/____/me khyer lta bu'i lung rig gi/____/snang bas tshangs pa'i blo yang 'gogs/____/bar 'dir mtshungs pa gsal byed kyi sgra drug cu rtsa lnga dang sbyor ba'i dper brjod pa logs su bris pa las rtogs par bya'o/____/gsum pa gzugs can gyi rgyan gyi mtshan nyid ni/__tshig sbyor gang zhig dpe dang dpe can tha dad du ma byas pa don de nyid dpe'i gzugs su bkod pa'i ngag ste/__dbye na nyi shu las/__dang po bsdus pa'i gzugs can/__tshogs gnyis chu gter gting yangs por/____/rmad byung gzugs sku dpag bsam dbang /____/gzhan phan grib bsil stug ldan pa/____/'gro kun ngal 'tshor 'khrungs der bsngags/____/ma bsdus pa'i gzugs can/__mkhyen pa'i ut+pal rgyas gyur khrod/____/byams brtse'i zil mngar rtag par 'bab/____/nus mthu'i dri bsung ring spro bas/____/'di na kun dga'i dpyid du dar/____/bsdus shing ma bsdus pa'i/__mang thos lo 'dab rab g.yo zhing /____/bsam byung rig lam me tog 'bar/____/sgom spangs 'phags pa'i 'bras bur bcas/____/thams cad gzigs pa'i tshal du mdzes/____/mtha' dag gzugs can/__phra ldem mdzes sku'i chu ba la/____/'dzum zhal pad+mo mngon par g.yo/____/spyan ras bung pa'i 'phur lding can/____/mtsho byung dpag bsam 'di na 'khrungs/____/cha shas gzugs can/__gtsug lag gzhung brgya smra khyod kyi/____/mchu sgros bim+ba'i snying po las/____/legs bshad bcud bzang sbyin pa yis/____/gzur gnas yi gar sim pa ster/____/cha shas can gzugs/__gang gi mkhyen dpyod chu gter cher/____/rnam mang phyi nang rig pa'i gzhung /____/pha mtha' yas pa 'dzin bzod pa'i/____/grags snyan khor yug kun tu khyab/__yan lag gcig gzugs/__'dren mchog khyod zhabs nor bu'i tog__/tshangs sogs che rgu thams cad kyi/____/'dar ldan thor tshugs g.yo ba yis/____/mngon par bsten pa'i ngang tshul 'dzin/____/sogs khongs nas byung ba gnyis gzugs/__rje btsun myur ma dpa' mo yi/____/skyod byed yal ga ring brkyangs par/____/skyabs sbyin phyag rgya'i pad+mo'i tshal/____/yid 'phrog mig gi dpyid du sgeg__/gsum gzugs/__khyod thugs 'chi med rdzing ring du/____/mkhyen gnyis zla shel cha rdzogs shing /____/gzhan phan phrin las sim 'od 'bum/____/spro ba'i tshul der su mi gus/____/ldan gzugs/__'phags ma yid bzhin 'khor lo yi/____/thugs rje'i kat+pur dbang po las/____/'chi med bdud rtsi'i zer spro bas/____/tshe dpal 'byor pa'i ku mud rgyas/____/ldan min gzugs/__'jigs bral dpal ldan birU pas/____/brtul zhugs grub pa'i byin za yis/____/skal bzang snying la kun dga'i ro/____/sbyin pa'i cho ga cir yang dar/____/mi mnyam pa'i gzugs/__rig byed DA ki'i 'dzum zhal gyi/____/smin 'khyogs bung pa'i zlos gar dang /____/zur mig mtshams sprin gsar ba'i mdas/____/khams gsum 'gro ba'i yid dbang phrogs/____/khyad 'phags gzugs/__'phags pa'i zhabs sen tong kun gyi/____/sa spyod chu gos rtser bkod pas/____/bsil ldan dogs bral tsI na'i ljongs/____/dga' snyon rgyal mtshan dza yan+tu/____/'dir 'phags pa rin po che dang rgyal bu go dan mchod yon la sbyar ba ste rnam pa gsal lo/____/'gal gzugs/__rin chen 'byung gnas ma bsrubs shing /____/legs bris tshal du'ang 'khrungs min pa'i/____/mi bdag khyod tshul dpag bsam gyis/____/bdag sogs dbul ba'i gdung ba bsal/____/rgyu'i gzugs/__gang thugs bsam spyod pha mtha' yas/____/brgal bas 'chi med rdzing ring ste/____/blo gros snang bas nyin byed dang /____/'dod 'byung bsam 'phel dbang po'ang lags/____/sbyar gzugs/__rnam 'dren gang zhabs chu skyes tshal/____/rA dza mi'i rgyal po dang ngang pa'i rgyal po sgra sbyar/__haM sa la sogs kyis/____/bsten bzhin lhar bcas 'gro ba'i yid/____/gcig char 'phrogs don sbyar/__par byed la dbang /____/dpe gzugs/__he ru kaHdpal nag po che'i/__dmar zlum spyan ras nyin mor byed/____/thun mtshams sprin gyis sgeg pa yi/____/shar gyi thig ler lhag par 'gran/____/bzlog gzugs/__ngang mo'i tshogs kyis sa rdzing dang /____/bdag gis khyod zhabs pad rdzing bsnyen/____/de ni rdzab kyis dkrigs pa ste/____/'di ni rab dwangs kun dga'i dpyid/____/'gog gzugs/__rnam 'dren zas gtsang sras po yi/____/thugs rje bdud rtsi'i zegs ma yis/____/yid srubs dpung tshogs myos bgyid phyir/____/bde 'byung dngos por ci phyir rtogs/____/mnyam 'jog gzugs/__'jam mgon mkhyen pa'i nyi gzhon gyis/____/kho bo blo gros sim ster ba/____/gang gi byin rlabs kho na'i mthu/____/ma lags bdag rang skal bas kyang /____/gzugs can gyi gzugs can/__tshul khrims nam mkha'i bu mo'i 'gram/____/ting 'dzin nyi zla'i rna rgyan dang /____/'grogs pa'i shes rab 'od 'dzum pas/____/dpyod ldan tshogs kyi yid dbang 'phrog__/bsnyon dor gzugs/__gang sku ma lags dpal gyi dum/____/gsung min dbyangs can tam+bu ra/____/khyod thugs ma lags rgyal kun gyi/____/ye shes phung po nyid du nges/____/bzhi pa gsal byed kyi rgyan gyi mtshan nyid ni/__tshig sbyor gang zhig rigs la sogs pa'i sgra rkang bzhi'i gnas gang rung du yod pa nges tshig gzhan rnams thams cad gsal bar byed pa'i ngag ste/__dbye na bcu drug las/__dang po rigs brjod pa thog ma'i gsal byed ni/__sras bcas rgyal bas thabs mkhas kyi/____/spyod yul nyams pa med pa yis/____/'gro la phan bde rab sgrub pa'i/____/dam bca'i ri mo snying la bkod/____/bya ba thog gsal/__mdzes par byas so ut+pal nags/____/rkang pa drug pa'i mgrin glus te/____/skal bzang slob ma'i 'khor tshogs kyang /____/khyod kyi legs par bshad pas so/____/yon tan thog gsal/__dmar ser nyid do dga' ba'i tshal/____/gur gum rgyas pa'i 'jo sgeg dang /____/e waM chos ldan 'dus pa'i grwa/____/rig grol ngur smrig 'dzin pas kyang /____/rdzas thog gsal/__ri bong 'dzin pas go la'i lam/____/bgrod nas lus can tsha gdung kun/____/sim 'od zag pas rab bcom ste/____/phun tshogs kun dga'i snang ba 'bar/____/rigs bar gsal/__sdug bsngal gsum gyis mnar ba yi/____/srid pa'i khams la rjes brtse ba'i/____/'phaXgs paX mchoXg rnams mdzad pa yis/____/nam yang sems can bslu mi srid/____/bya ba bar gsal/__dben pa'i tshal 'di thar 'dod kyi/____/snying la yid 'ong grogaXs su 'gyuraX/__ri dwags gzhon nu'i tshogs rnams kyang /____/rtse ba'i gnyen 'khor tshul du'o/____/yon tan bar gsal/__'bras ldan dus kyi mkha' dbyings su/____/shar ba'i rdul gyi thig le'i gzugs/____/raXb dkaraX nyid do lho phyogs mtshor/____/tshangs pa'i bu mo'i mtshan dpe yang /____/rdzas bar gsal/__byis pa'i tshogs kyi mgul rgyan dang /____/sbrang rtsi'i bu yi kham zas kyang /____/uXt+palaX ste rten gsum phreng /____/mchod pa'i nyer spyod dag la yang /____/'di yang /____/mtsho byung mdzes pa'i phyag sor gyis/____/dal gyis bskul ba'i tam+bu raXr/____/dbyangs kyi yan lag rgya mtsho yi/____/snyan 'gyur zad mi shes pas 'khyud/____/rigs mtha' gsal/__la la nags kyi ljongs su ste/____/'ga' zhig bar snang yangs por 'khor/____/phal cher pad+ma'i rdzing bu ru/____/dga' bas rtsen pa 'daXb chags tshogs/____/bya ba mtha' gsal/__legs bris ljon pas 'dod rgyu dang /____/sprin dus char gyi me tog ste/____/rnam 'dren 'jam mgon bla ma las/____/bdag sogs blo gros 'pheXl b.raX byasaX/____/yon tan mtha' gsal/__thun mtshams sprin gyis me zhal lam/____/ban+d+hu dzI bas sa gzhi'i khyon/____/'phags tshogs 'dus pa'i ngur smrig gi/____/'od kyis phyogs rnamaXs kunaX tuX dmaXr/____/rdzas mtha' gsal/__gang zhig khyod zhabs la reg pas/____/tshul min rgud pa kun bsrungs nas/____/phun tshogs grub pa'i dpal sbyin pa/____/bdud sde'i gshed ma stagaX zhonaX che/____/phreng ba'i gsal byed/__dbyangs can thugs rjes bdag gi blo/____/rgyas shing de yis tshig rgyan gzhung /____/'dzin bzod des kyang snyan ngag glur/____/'jo bas dpyod ldan dga' ston dar/____/'gal don gsal byed/__rgyal yum rdo rje rnal 'byor ma'i/____/byin rlabs snying dbus 'phos ma thag__/'dod la sred pa ring bcad nas/____/gzhan phyir rjes chags 'jug pa 'phel/____/don gcig gsal byed/__smra mkhas phyogs las rnam rgyal ba/____/'khon rigs mahA paN+Di tas/____/chos don nges tshig spobs pa'i mthus/____/cher rlom tshogs rnams khengs pa 'phrog__/'di yang /__rnam 'dren khyod kyi mkhyen rab kyis/____/shes bya'i gnas kun ji bzhin gzigs/____/nyon mongs tshogs rnams yongs su bcom/____/deng yang bdag cag rmongs pa 'phrog__/sbyar ba'i gsal byed/__yid 'ong dkar mdzes mig gi dpyid/____/dbyangs snyan rna ba'i bcud len can/____/tshangs sras rig 'dzin dga' tshal dang /____/mal+li kak+Sha pad mtshor sgeg__/lnga pa bskor ba can rgyan gyi mtshan nyid ni/__tshig sbyor gang zhig gsal byed kyi gnas thog mtha' bar gsum du brjod bya rjod byed gnyis ci ltar rigs pa zlos pas don ston par byed pa'i ngag ste/__dbye na gsum las/__dang po don bskor/__dpyid kyi dpal mos ut+pal dang /____/zla shel bsil bas sa sbyin dgod/____/nam mkha'i nor bus reg pa yis/____/mtshams kyi sprin pa'i me tog rgyas/____/tshig bskor/__khyod sku bsod nams brgya yis mtshan/____/skal dman rnams kyis mjal mthong bar dka'/__bar dka'/____/gang thugs ting 'dzin sgo brgya yang /____/so skye'i blo yis 'jal dpag par dka' ba/__par dka'/____/'di yang /__gang gi tshul khrims phung po ni/____/yongs su ma nyams mod mi dma'/____/ngo mi dma' ba'i don/____/rmad byung rig dang grol ba yi/____/yon tan mtha' klas mod mi nyung ba'i don/__mi dma'/__tshig don gnyis ka bskor ba/__yongs 'dzin dam pa'i legs bshad kyis/____/bdag gi rnam dpyod gsal bar byas/____/kho bo'i 'chad rtsod rtsom pas kyang /____/don mthun blo gros gsal bar byas/____/drug pa 'gog pa'i rgyan gyi mtshan nyid ni/__tshig sbyor gang zhig don gcig dgag pa'i shugs las gcig shos sgrub par byed pa'i ngag ste/__dbye na nyi shu rtsa gsum las/__dang po byung ba 'gog pa ni/__pad+ma saM b+ha gcig pu yis/____/gangs ljongs 'byung po kun btul ces/____/bden par mi srid 'on kyang ni/____/grub pa'i rnam thar bsam mi khyab/____/da lta 'gog pa/__mtsho byung khyod kyi phyag sor gyis/____/baiDUr rgyud mang bsgrengs 'dis ci/____/gang gsung rnam pa thams cad par/____/dbyangs bdun yan lag rdzogs min nam/____/'byung 'gyur 'gog pa/__khyod zhabs rtse gcig bsnyen pa la/____/dgyes pa'i 'dzum zhal mi ston na/____/phyis nas log lta'i mthus bslad pas/____/nam yang gus pa skye mi 'gyur/____/chos 'gog pa/__brtan pa'i 'khor lo'i ye shes kyis/____/kun la snang ba ster ces brdzun/____/bden na me tog mda' can dpung /____/mun pa'i mal du ci phyir 'ching /____/chos can 'gog pa/__sgra dbyangs lha mo'i bzhin ras la/____/zim bu'i spyan dkyus ldan nam min/____/dpag par dka' ste 'od snang gi/__rol sgeg tsam las bem chos min/____/rgyu 'gog pa/__sa spyod khyod kyi 'jigs rung gi/__g.yul gyi dpung tshogs bsham gyur kyang /____/bdag gis lugs las 'das pa'i tshul/____/ma spyad phyir na sems mi g.yo/____/'bras bu 'gog pa/__yongs 'dzin mkhas pa'i legs bshad gtam/____/mang thos brtson pas 'bad byas kyang /____/da dung phyogs re'i rig pa'i gzhung /____/rtogs par ma gyur 'di ci zhig__/rjes gnang 'gog pa/__grub brnyes mchog khyod mkha' spyod zhing /____/nyul bar bzhed na de bzhin mdzod/____/'di na mchis pa'i slob 'bangs tshogs/____/gdung bas yun ring 'tsho mi 'gyur/____/dbang gis 'gog pa/__gtsug lag kun gzigs dam pa gang /____/gang du gshegs kyang gegs bral zhing /____/rmad byung grags pa'i dpal thob mod/____/'on kyang ljongs 'dir rtag bzhugs shig__/ma gus 'gog pa/__bdag ni rtse gcig sgrub la mos/____/rnam g.yengs spyod la de ltar min/____/grogs khyed gsan nam mi gsan kyang /____/rang gi tshul tsam mol bar zad/____/shis brjod 'gog pa/__mgon khyod 'og min bgrod dgongs na/____/bzhed pa ji bzhin 'grub gyur cig__/bdag cag rnams kyang mi ring bar/____/zhabs sen nor bur reg par smon/____/rtsub mos 'gog pa/__mi dbang gang nyid gshegs bden tshe/____/rgyal thabs 'dzin pa gzhan 'ga' tshol/____/brtse bas skyong ba'i blon 'bangs rnams/____/yul mthar 'khyams las gzhan du ci/____/gros kyis 'gog pa/__'phags khyod zhi bder thugs phyogs na/____/myur ba nyid du skabs dbye gsol/____/phyis na dad ldan 'dus pa yis/____/gdung ba'i tshig gis gtser gyis dogs/____/'bad pas 'gog pa/__mdza' bo dgyes pa bsgrub slad du/____/bag med mdzod ces gdams 'dod kyang /____/nges 'byung blo yis bslab gzhi'i khrims/____/zung zhes brjod la ci byar yod/____/gzhan dbang gis 'gog pa/__mdzes ma khyod kyi rtse dga'i dpyid/____/mgron du gnyer zhes bskul thos mod/____/bdag yid bcas pa'i brtul zhugs kyi/____/dbang gyur 'di dang 'gro bar 'os/____/thabs kyis 'gog pa/__re zhig gang gi bsam pa dang /____/rjes mthun nyams su myang bar bgyi/____/tshul las 'chal ba'i sdig pa'i rgyun/____/gso byed sman mchog cung zhig stsol/____/khro bas 'gog pa/__bshes gnyen mchog khyod yul gzhan du/____/dgongs pa gtod pa'i tshul mthong na/____/snying brtse bral ba gang gi slad/____/bzhugs par gnang yang bdag la ci/____/snying rjes 'gog pa/__rang gi spyad dam gzhan la yang /____/sbyin pa'i yan lag ma bkyangs par/____/dus min skyin thang 'khrugs pa'i mdun/____/yid 'ong lo tog nyams par gyur/____/'gyod pas 'gog pa/__thos dang bsam pa'i bgyi pa'am/____/rtse gcig mnyam par ma bzhag par/____/dal rten 'bras bus stong pa yi/____/ngang tshul 'chi kha'i dus na mthong /__the tshom 'gog pa/__ci 'di shar gyi thig le'am/____/sgra dbyangs lha mo'i mtshan dpe gang /____/'on kyang rab snyan tam+buraH__bsgreng phyir ga bur 'dzin pa min/____/sbyar bas 'gog pa/__thos pas rna bar kun dga'i tshe/____/sbyin pa'i nyams 'gyur yongs rdzogs pa'i/____/khyod gsum rgyud mang 'di yod phyir/____/'phang 'gro gzhan gyis ci zhig bya/____/don gzhan 'gog pa/__gang thugs thams cad mkhyen brnyes kyang /____/da dung rig gzhung tshol 'dis ci/____/de ltar na yang bung ba'i tshogs/____/sbrang rtsis tshim pa'i go skabs gang /____/rgyus 'gog pa/__mtsho skyes bla mas bsil ljongs kyi/____/bstan 'gror sman la ci zhig bsngags/____/sras bcas rgyal ba'i dgongs gcig gis/____/las 'di ched du byin min nam/____/bdun pa don gzhan bkod pa'i rgyan gyi mtshan nyid ni/__tshig sbyor gang zhig brjod par 'dod pa'i dngos po de gang yang rung ba dam bca'i tshul du sngon la bkod nas/__slar de nyid sgrub par nus pa'i don gzhan brjod par byas pa'i ngag ste/__dbye na brgyad las/__dang po kun khyab kyi don gzhan bkod pa/__khyod thugs zab zhi spros bral phyir/____/phyogs dang cha las rnam grol te/____/'chi med lam gyi pha mtha' yi/____/nges pa su yis brjod par nus/____/khyad par la gnas/__khur la mi brtsegs nor 'dzin mas/____/'jig rten khams 'di 'degs la brtson/____/rang don bral yang rgyal sras rnams/____/gzhan phyir rtag tu 'jug pa nyid/____/sbyar ba'i don gzhan bkod pa/__yid 'phrog sA ra swasti yis/____/'gro la kun dga'i mchog ster byed/____/gnyis so dang 'dab chags dang bram ze sogs la 'jug__/skyes phreng bas rab sgeg phyir/____/mig gi bdud rtsir gyur min nam/____/'gal ba can/__mkhas khyod stobs 'byor snyan grags kyis/____/dman yang dpyod ldan tshogs rnams sdud/____/pad+mo 'dam las skyes gyur kyang /____/lus can nams kyis nye bar brten/____/mi 'os pa'i don gzhan bkod pa/__mig mi 'dzum pa'i snying rje'i mthus/____/drangs pa'i legs bshad dbyangs snyan kyang /____/sgra 'dzin tsher ma nyid gyur pa'i/____/yid srubs rnams kyi sdig 'di 'dra/____/'os pa'i don gzhan bkod pa/__'chi med mgon po'i 'od zer gyis/____/nyi bu'i tshogs kun gdung bar byed/____/'char ka'i nyi gzhon gzi byin las/____/rgyal phyir rigs shing 'os par dran/____/'os shing mi 'os pa/__lus med phyogs kyis mnar byed kyang /____/rgyal ba'i thugs rjes ci phyir 'ching /____/rab 'bar bsreg za byed pa'i las/____/tsan+dan chu yis 'os sam ci/____/mi 'os shing 'os pa/__byams pa'i bdud rtsis yid myos na/____/sdang ba'i sems kyis ci ste min/____/ut+pal reg pas rtsub gyur na/____/tsher ma'i khrod du 'jam mi 'gyur/____/brgyad pa ldog pa can gyi rgyan gyi mtshan nyid ni/__tshig sbyor gang zhig thog mar dpe don mtshungs chos bcas bkod pa nyid/__phyi nas de gnyis kyi ldog cha so sor phye ba'i sgo nas tha dad du ston pa'i ngag ste/__dbye na bcu las/__dang po gcig gis ldog pa/__yid 'ong dag pa'i a mr-i taH__nye 'khon bral ba spro ba yis/____/'phags mchog zla shel mtshungs tha dad/____/khyod zhal 'phel 'grib bral 'dis so/____/gnyis kyis ldog pa/__chu yi gter dang gang gi thugs/____/rab yangs gting zab mnyam gyur mod/____/rin chen 'byung ldan 'dzin khri'i gnas/____/nyid thugs yon tan rgya mtsho'i dpyid/____/sbyar ba'i ldog pa/__khyod kyi zhabs dang man+dAr/____/lhar bcas 'dod 'jo bsil sbyin pas/____/mtshungs kyang yongs 'du 'chi med tshal/____/gang zhabs srid gsum bla na brjid/____/'gog pa can/__smon pa'i dngos po kun stsol zhing /____/phun tshogs snang bas nyer 'khyud kyang /____/mkhyen gnyis gzigs pas ring btang phyir/____/nor bus gang tshul gzhal nus min/____/gtan tshigs can/__thabs mkhas 'jug pas phyogs kun las/____/rnam rgyal grags pa'i dpal 'dzin yang /____/srid pa'i mtsho las ma brgal phyir/____/tha gu'i lto can khyod las dman/____/rten gyi dbye ba'i ldog pa can/__gang gi smin pa'i rol sgeg dang /____/sbrang rtsi'i zas can rab g.yo ba/____/'dren byed de ni khyod gdong dang /____/bung ba pad mtshor rtsen pas so/____/dpe can lhag pa/__chu skyes dkar por spyan ras dang /____/'dzum bcas mchu sgros mi ldan zhing /____/'jig rten dbang phyug khyod zhal ni/____/phun tshogs chos de dag gis mdzes/____/mtshungs chos 'byed byed gnyis ka__/khyod kyi mtshan dang nyin mo'i dpal/____/mun sel kun dga'i gnyen gyur kyang /____/snang byed 'od rnon 'bum spro zhing /____/gang mtshan thar pa'i snying pos lcid/__'byed byed can/__'jam mgon ma hA tsI na dang /____/snying rje'i dbang phyug bsil ljongs skyabs/____/tong ku'i rgyal khams nor mang zhing /____/gangs can chos kyi longs spyod ldan/____/rigs mthun ldog pa can/__thun gsum mthu yis mi 'phrogs shing /____/chu khur can gyis sgrib min pa'i/____/ye shes las byung khyod zhabs kyi/____/snang bas mun stug 'gog par byed/____/dgu pa srid pa can gyi rgyan gyi mtshan nyid ni/__tshig sbyor gang zhig brjod 'dod kyi dngos po de sgrub par byed pa'i rgyu 'jig rten na yongs su grags pa las bzlog nas/__rgyu gzhan cung zad tsam mam rang gi ngo bo nyid kyi mthus grub par ston pa'i ngag ste/__dbye na gsum las/__dang po phyi dus la sbyar ba ni/__ma btsugs king+shu ka yi 'gram/____/bos min khu byug myos pa'i tshogs/____/bskul ba min par snyan 'gyur glu/____/sgrogs byed dpyid kyi dus ston dar/____/nang lang tsho la sbyar ba/__ma phyis rab tu dwangs pa'i skur/____/bris min mtshan dpe'i ri mo 'bar/____/ched du ma byas mtshar sdug gis/____/lhar bcas yid 'phrog 'jam pa'i dpal/____/rang gi ngo bo tsam ston pa/__ma bslab chos rnams kun mkhyen cing /____/rgyu mtshan med par yid srubs dgra/____/'dris min khams gsum lus can gyi/____/mdza' bshes gcig gyur shAkya'i tog__/bcu pa bsdus brjod kyi rgyan gyi mtshan nyid ni/__tshig sbyor gang zhig brjod bya'i don ji ltar rig pa la nye bar dmigs nas de dang tshul mthun pa'i dngos po gzhan zhig bsdus pa'i tshul gyis brjod pa'i ngag ste/__dbye na bzhi las/__dang po spyi'i bsdus brjod ni/__'ga' zhig 'od rnon mdzes 'bar ba'i/____/nor bu'i sgron me ring dor nas/____/ri mor bris pa'i snang gsal la/____/mun sel dngos po re ba mthong /____/khyad gzhi tha dad khyad chos gcig pa'i bsdus brjod/__gzod nas bshes pa'i sa bon las/____/legs 'khrungs yal 'dab mthor snyegs shing /____/yid 'ong me tog 'dzum dgod pa'i/____/rkang pas 'thung 'di bdag gis rnyed/____/khyad chos tha dad tha mi dad pa/__shin tu dkar ba'i snying po la/____/bdud rtsi'i zer brgyas yongs gtams pa/____/yon tan mtha' klas zla shel mchog__/'di na bsod nams mgron du shar/__sngon med bsdus brjod/____/smad 'os 'dam las skyes min zhing /____/rnyog pa'i rdul mang dang bral ba'i/____/kun dga'i dpyid gyur sbrang rtsi 'dzin/____/legs bshad dpung bas bdag gir byas/____/bcu gcig pa phul byung gi rgyan gyi mtshan nyid ni/__tshig sbyor gang zhig brjod par bya ba'i dngos po de nyid kyi gnas tshul 'jig rten na ji ltar grags pa'i mtshams las brgal bar gyur pa'i rnam 'gyur gyis mdzes par byas pa'i ngag ste/__dbye na bzhi las/__khyad 'phags brjod pa'i phul byung /____/zla mdog dar gyi sham thabs dang /____/puN+Da rI ka'i do shal bcas/____/rab dkar 'od 'phro sgra dbyangs lha/____/bsil zer can dbus mtshon ma yin/____/the tshom phul byung /__gru 'dzin ri la dgyes khyod kyis/____/thar pa'i grong du 'khrid min pa'i/____/srid na lus can su zhig ces/____/bdag blo som nyi'i drwa bar tshud/____/nges pa phul byung /__'on kyang snying rje'i spyan ras zung /____/da dung gzhar yang mi zum pas/____/bsgral bar bya ba'i sems can khams/____/ji snyed yod ces rtogs par nus/____/grags pa phul byung /__pad+ma saM b+ha'i yon tan lcid/____/dpag nus min yang 'degs bzod phyir/____/bsil ldan ljongs kyi nor 'dzin ma'i/____/snying stobs shin tu e ma brling /____/bcu gnyis pa rab rtog gi rgyan gyi mtshan nyid ni/__tshig sbyor gang zhig sems ldan nam sems med kyi dngos po gang yang rung ba zhig rang gi gnas tshul las gzhan du sgro btags nas brjod pa'i ngag ste/____/dbye na don gyi sgo nas gnyis dang /__sgra'i sgo nas drug tu 'gyur ba las/__dang po sems ldan rab rtog snyam sgra can/__'jigs bral dpal ldan daN+Di'i zhabs/____/ye shes me long 'chang ba'i skur/____/'khrul nas tshangs pa'i sras mo yis/____/mgrin par dal gyis 'khyud pa snyam/____/sems med rab rtogs dogs sgra can/____/mig sman mdog mtshungs nag po che'i/__gzi byin 'gran la skrag gyur nas/____/srod mun char sprin 'khrigs pa yang /____/'chi med lam du bros par dogs/____/nges sgra can/__'jam mgon 'khon rigs paN+Di ta'i/____/mkhyen pa'i do zlar ma bzod nas/____/'jig rten gsum gyi mgon po yang /____/mkha' spyod zhing du nyul bar nges/____/'dra ba'i sgra can/__smra mkhas khyod kyi legs bshad gtam/____/mnyan pa'i skal bzang bsgrub slad du/____/'jig rten mes po tshangs pa yang /____/thos 'dzin brgyad du sprul pa 'dra/____/min nam sgra can/__stobs bcu mnga' ba'i ye shes dang /____/'gran pa'i nus pa phra gyur nas/____/me tog mda' can dpung dang bcas/____/lus med zol gyis zhugs min nam/____/bzhin sgra can/__phyogs las rnam par rgyal ba'i mchog__/chos kyi grags pa'i rtsod ngag la/____/'jigs te ngang ba'i bu mo yang /____/lho phyogs rol mtshor bsti ba bzhin/____/bcu gsum pa rgyu'i rgyan gyi mtshan nyid ni/__tshig sbyor gang zhig byed pa po ji ltar rigs pa de yi rgyu byas nas 'bras bu dngos shugs gang rung la ston par byed pa'i ngag ste/__dbye na bcu drug las/__dang po skyed byed kyi rgyu/__sgra dbyangs lha mo'i sor mo yis/____/brdungs pa'i baiDUr rgyud mang las/____/phun tshogs snyan 'gyur 'bum g.yo bas/____/skal bzang kun dga'i tshor ba skyed/____/nyams byed rgyu/__dpal ldan nA ga rdzu na yis/____/mtha' bral dbu ma'i gzhung zab mos/__dngos por smra ba'i phyogs rnams kyi/____/dam bca' nyams par byed la dbang /____/rnam par 'gyur pa'i rgyu/__gzhan phyir snying rjes rab brlan pa'i/____/rmad byung theg chen bdud rtsi'i sgo/____/gcig tu phan dang bde ba yang /__skal dman bsam pa'i dug tu byas/____/'thob byed rgyu/__kho bo dben par bgrod 'dod tshe/____/bshol 'debs gtam gyis bskur brtsams kyang /____/nges par 'byung ba'i gzhan dbang gis/____/tshul de nam yang bzlog ma gyur/____/phyi'i dus shes byed rgyu/__rgya mtsho'i gos can khyon yongs por/____/yid 'ong skyed tshal rgyas pa'i khrod/____/rkang drug myos pa'i glu len tshe/____/ngal gso'i dga' ston spyod la rgyu/____/nang shes byed kyi rgyu/__rnam 'dren khyod kyi thugs brtse bas/____/rtag par bdag cag rjes bzung ba/____/'dzum zhal rgyas pa'i mchu sgros las/____/phan pa'i bslab bya spro 'dis rtogs/____/snga na med pa'i dngos rgyu/__dri med gzhung mang ma bsgrubs shing /____/rtse gcig mnyam par bzhag min pas/____/tshul min rgud pa thams cad kyis/____/mnar bar gyur 'di kye ma skyo/____/zhig nas med pa'i byed rgyu/__yul la chags pa'i rnam g.yengs dang /____/kun rmongs 'ching ba ring bcad pas/____/mtha' klas sde snod rgya mtsho la/____/zhugs pa'i blo gros ngang gis 'phel/____/phan tshun med rgyu/__mkhas khyod chags ldan lus phra min/____/gang gsung slu byed 'khrig tshig min/____/thabs mkhas mdzad pa g.yo sgyu'i tshul/____/ma lags de phyir snying nas dad/____/spangs nas med pa'i byed rgyu/__yongs rdzogs shes bya'i gzhung lugs la/____/'khrul pa'i som nyi yod ma yin/____/rgyu des rgyal sras mchog rnams kyi/____/phul byung yon tan ngang gis 'phel/____/bzlog pa skyed byed kyi rgyu/__pad dkar 'chang bas gangs can ljongs/____/thugs rjes maX bzung pa miXn na/____/chos kyis phongs pa'i skal ngan gyi/____/gdung ba thams cad nub par gyur/____/ring 'bras rgyu/__'jam mgon kun dga'i mtshan can gyis/____/'phrog byed dregs pa'i mthu bcom pas/____/rgya mtsho'i gos can gzhir 'khod pa'i/____/phyir rgol tshogs kyi spobs pa zhum/____/lhan cig pa'i rgyu/__myur ma dpa' mo'i zhabs sen ni/____/yid kyi cho gar bkod ma thag__/brgyad gnyis 'jigs pa las brgal ba'i/____/grub pa'i brtul zhugs mchog la sbyor/____/rgyu las 'bras bu snga ba/__sngar nyid rnam kun mchog ldan gyi/____/ye shes chen po'i ros gang phyir/____/phyis nas bde stong zung 'jug pa'i/____/rdo rje'i lam gyi nye rgyur zhugs/____/rigs min rgyu/__zur phud lnga pa'i zhabs sen gyi/____/'char ka'i nyi gzhon la reg pas/____/rig grol spobs pa'i steng 'thung dkar/____/ches cher dar ba 'di ci zhig__/rigs pa'i rgyu/__zla ba'i srid mo'i thugs srog gi/____/hrIM yig 'bar ba'i kau mu di/____/ngag gi ku mud kyis bsten pas/____/snyan tshig 'dab brgya dgod la dbang /____/bcu bzhi pa phra mo'i rgyan gyi mtshan nyid ni/__tshig sbyor gang zhig blo sngon du btang ba'i zur ram/__sems kyi 'gyur ba lus nyams su thon pa'i rnam pa gang yang rung pa'i brda phra mo zhig gis bsam pa'i don de nyid rjes su dpag par nus pa'i ngag ste/__dbye na gnyis las/__dang po zur gyi phra mo/__gsang chen slob bshad zab mo'i chos/____/tshogs su zhu bar ma bzod pa'i/____/dbang rnon gzigs nas rnam 'dren rjes/____/spyan zur bag yangs phyogs su gtad/____/rnam pa'i phra mo/__kho bos mi 'phrog dad gsum blos/____/khyod zhabs nor bur reg pa'i mod/____/'dzum bcas rol pa'i zhal dkyil gyi/____/yid 'ong 'jo sgeg dar bar gyur/____/bco lnga pa cha'i rgyan gyi mtshan nyid ni/__tshig sbyor gang zhig rang gi gnas tshul ji bzhin du brjod na pha rol gyi ngor mi mdzes par 'gyur ba nyid rnam pa gzhan du bsnyan pa'i cha shas kyis sgrib par byas pa'i ngag ste/__dbye na bzhi las/__dang po zol gyis sbed par 'os pa'i cha/__smra mkhas khyod kyi rtsod pa'i grar/____/bdag sogs yi ga 'dar gyur pa/____/kye ma gangs ri'i khrod 'di ni/____/bsil ba'i reg byas gtams par shes/____/mi 'os pa'i cha/__gang gi bslab gzhi'i legs bshad kyis/____/chags ldan tshogs rnams bzhin nyams pa/____/dpyid kyi nyi gzhon rgyas pa'i gzis/____/gdungs pa'i ngang tshul smin par zad/____/smad pa'i cha/__rnam 'dren mchog 'di thos bsam dang /____/sgom pa'i bya ba tsam la yang /____/chags min stobs 'byor snyan grags mthus/____/gcig tu rang bstan nyin mor byed/____/bstod pa'i cha/__srid pa'i phun tshogs kun bsrings shing /____/zhi ba'i ro la dgyes min par/____/gzhan phyir bran bzhin 'jug brtson pa'i/____/mgon khyod rjes su su zhig 'brangs/____/bcu drug pa rim pa can gyi rgyan gyi mtshan nyid ni/__tshig sbyor gang zhig brjod 'dod kyi dngos po rnams sngon la rab tu bstan pa bzhin phyi nas de dang 'brel ba'i don gzhan rnams kyang rim pa ma 'chol bar ston pa'i ngag ste/__dper na/__lho phyogs rig 'dzin dga' tshal du/____/rtsen pa'i gdong mdzes 'dzum sgros ni/____/dpal gos chu skyes bim+ba las/____/brkus par nges so sgra dbyangs lha/____/bcu bdun pa dga' ba'i rgyan gyi mtshan nyid ni/__tshig sbyor gang zhig sngon chad ma thob pa'i dga' ba khyad par can rgyud la skyes pa'i mngon par rtogs pa brjod pa'i ngag ste/__dbye na gnyis las/__dang po dngos thob kyi dga' ba/__mgon khyod kho bo'i mdun sa ru/____/mngon sum gshegs pa'i dga' ston mchog__/slar yang gang zhabs bsod nams kyi/____/mgron du khugs las 'byung bar nges/____/gzugs brnyan gyi dga' ba/__khyod sku ye shes sgyu ma'i gar/____/dad gsum cho gar bkod las gzhan/____/shul ring yul gyis bskal bdag gis/____/ji bzhin mjal ba'i go skabs ci/____/bco brgyad pa nyams ldan gyi rgyan gyi mtshan nyid ni/__tshig sbyor gang zhig sgeg pa la sogs pa'i brjod bya dang rjod byed gnyis ka ro nyams phun sum tshog pa dang ldan pas mngon sum lta bu'i rtog pa skyed nus pa'i ngag ste/__dbye na brgyad las/__dang po dga' ba 'phel ba sgeg pa'i nyams/__brtson pas sgrub kyang thob dka' ba'i/____/mtha' klas rig grol spobs pa'i mdzod/____/'jam mgon bla ma'i byin rlabs mthus/____/gcig car grol ba 'di ci zhig__/khro ba 'phel ba drag shul gyi nyams/__gtum chen rab khros nag po che'i/____/mdun sar ting 'dzin mchil ba yis/____/nye bar bkug pa'i yid srubs sde/____/skad cig gnyis par 'tsho 'gyur ram/____/spro ba 'phel ba dpa' ba'i nyams/__chags bral brtul zhugs ma blangs shing /____/bya dka'i spyod pa'ang brtsams min par/____/rim gnyis nye rgyu'i sbyor ba yis/____/sku bzhi'i pha rol son 'di gang /____/mya ngan 'phel ba snying rje'i nyams/__'byor ldan gang khyod gnod gnas kyi/____/gan mdzod dag kyang pham byed pa/____/btang nas lhag par phongs gyur pa'i/____/pre tA'i khrod du ji ltar rgyu/____/skyugs bro 'phel ba mi sdug pa'i nyams/__khrag zhag dog pas gtams pa'i mtshor/____/rab gsher rgyu rlon gyis 'khyud pa'i/____/dbugs bral bam ro longs spyod bzhin/____/myos pa'i gar rtsen 'dod khams ma/____/dgod bro 'phel ba bzhad gad kyi nyams/__tshul gnas khrims ldan bshes gnyen gang /____/'khrig pa'i dus ston rjes dran pas/____/spyan ras dmar po g.yo ba gang /____/khro pa'i zol gyis sgrib par 'os/____/ngo mtshar 'phel ba rmad byung gi nyams/__grub pa'i zhing 'di 'og min che/____/khyab bdag bla ma snyems ma'i bdag__/'khor tshogs rgyun gyi mthar smin pa'i/____/byang sems myu gu'i rol rtsed ngom/__'jigs pa 'phel ba 'jigs rung gi nyams/____/ye shes me dang mnyam sbyor ba'i/____/gsang ba 'dzin pa'i rdo rje'i mtshon/____/dran pa yis kyang 'byung po'i tshogs/____/don snying lkog mar 'byin la brel/____/bcu dgu pa gzi brjid can gyi rgyan gyi mtshan nyid ni/__tshig sbyor gang zhig nang du khengs pa mchog kyi mthar 'dzegs pa'i kun rtog 'phel ba nyid brjod byar byas pa'i ngag ste/__dper na/__bdag ni lung rig smra ba zhes/____/rmongs pa'i tshogs rnams 'jigs mi 'tshal/____/kho bo'i spobs pa las dman kun/____/gzhar yang tshar bcad bgyid ma lags/____/nyi shu pa rnam grangs brjod pa'i rgyan gyi mtshan nyid ni/____/tshig sbyor gang zhig 'dod don dngos sum brjod par/__de grub par byed pa'i phyir thabs mkhas kyis rnam pa gzhan dag smos pa'i ngag ste/__dper na/__rnal 'byor spyod pas 'tsho ba gang /____/re zhig yul gzhan bgrod par don gzhan la snyegs/__bgyi/____/grogs dag bag yangs gnas 'di ru/____/ngal gso'i dga' ston myong bar 'os/____/nyer gcig pa kun tu phan pa'i rgyan gyi mtshan nyid ni/__tshig sbyor gang zhig mngon par 'dod pa'i bya ba 'ga' zhig__/brtsams pa'i tshe de nyid la phan 'dogs pa'i sgrub byed khyad par can glo bur du thob pa brjod pa'i ngag ste/__dper na/__bag med 'gogs pa'i brtul zhugs kyi/____/cho ga snying la nyer bkod tshe/____/brtan mkhas yon tan yongs rdzogs pa'i/____/bshes gnyen mchog gis rjes su bzung /____/'di yang /__rtse gcig gsang chen spyod mchog gis/____/yid rab 'phrog tshe legs byas mthus/____/bdag la sman slad rigs brgya'i bdag__/smin grol lam gyi ston par bzhengs/____/nyer gnyis pa rgya che ba'i rgyan gyi mtshan nyid ni/__tshig sbyor gang zhig bsam pa'am 'byor pa'i khyad par gyi chos phul du byung ba dag brjod pa'i ngag ste/__dbye na gnyis las/____/dang po bsam pa rgya che ba/__shin tu rnam par dag pa yi/____/chos dbyings zhi la gzhol bzod pa'i/____/rdo rje 'dzin khyod rgyal rnams kyi/____/bka' bzhin srid 'dir bde bar bzhugs/____/'byor ba rgya che ba/__nor bu'i 'dod snam gyis brten pa'i/____/baiDUr khang bzang dwangs pa'i ngos/____/rin chen phrag brgya'i 'phyang 'phrul gyis/____/rab sgeg blta na sdug pa'i zhing /____/nyer gsum pa bsnyon dor gyi rgyan gyi mtshan nyid ni/__tshig sbyor gang zhig gnas tshul gyi rang bzhin la de nyid ma yin ces bsnyon nas don gzhan chos dang chos can gyi ngo bo cung zad tsam ston pas mdzes par byas pa'i ngag ste/__dbye na gsum las/__dang po chos la bsnyon dor ni/__rig byed dpal mo'i me tog mda'/____/gcig pu nyid min khams gsum gyi/____/'gro ba'i yid dbang 'phrog pa'i phyir/____/bsam brjod yul las 'das par rtogs/____/yul la bsnyon dor/__grub pas bsten pa'i sman ljongs 'di/____/nyam nga'i gnas su gyur pa ste/____/gzhan du thar pa 'dod rnams la/____/yid 'ong grong khyer nyid do lo/____/rang bzhin bsnyon dor/__mkhas khyod legs gsungs bdud rtsi'i dpyid/____/mnyan 'os nyid ces bdag cag smra/____/don gyi phyogs bslad gyur pa yi/____/rna ba'i tsher ma nyid du nges/____/nyer bzhi pa sbyar ba'i rgyan gyi mtshan nyid ni/__tshig sbyor gang zhig sgra yi gzugs gcig nyid don gyi 'jug tshul tha dad du 'gyur ba'i ngag ste/__dbye na dgu las/__dang po tha dad min pa'i sbyar ba ni/__rmad byung rat+na saM b+ho gar/____/lhag par chags pa'i klu'i dbang pos/____/sad+ya d+harmas 'jig rten gyi/____/phun tshogs 'byung gnas skyed par byed/____/'di slob dpon klu sgrub dang /__klu'i rgyal po zhig la sbyar ba ste/__de yang klu sgrub la sbyar ba'i dus/____/rat+na saM b+ho ga sangs rgyas kyi bstan pa dang /__klu la sbyar ba'i dus rin po che'i longs spyod la 'jug__/sad+ya d+harma klu sgrub la sbyar dus dam pa'i chos dang /__klu la sbyar dus bsod nams dam pa la 'jug__/'jig rten gyi phun tshogs 'byung gnas klu sgrub la sbyar dus rgyal ba'i bstan pa dang /__klu la sbyar dus rin po che dang sman dang nags tshal sogs la 'jug go/__tha dad tshig 'dra'i sbyar ba/__srid gsum khyon 'dir khyabaX 'jugaX pa'i/____/las snaX tshogaXs gzugaXs rnam mang gi/__sgyu mas slus pa'i yid can rnams/____/gzhan du 'da' ba med par gnas/____/'dir gro ba spyi dang khyab 'jug la sbyar ba ste/__dang po ltar na srid pa gsum gyi khams 'di na khyab par 'jug pa'i las sna tshogs pa dang /__gzugs rnam pa mang po'i sgyu mas bslus te de la chags pa'i yid can rnams/__rang gi las dang gzugs kyi tshul de las gzhan du 'da' ba med par gnas so/____/zhes dang /__gnyis pa ltar na/__srid pa gsum gyi khyon 'di na lha khyab 'jug gi 'jug pa'i byed las sna tshogs gzugs can du bzung nas g.yo sgyu'i rnam pa mang po'i sgyu mas bslus nas yid can rnams khyab 'jug gi mnga' 'og las gzhan du 'da' ba med pa gnas so/____/zhes pa'o/____/bya ba tha dad min pa'i sbyar ba/__mtsho skyes dkar mdzes dmar ba yi/____/dog pas bkab pa'i 'dzum gsher gyis/____/sim pa ster byed zla shel dang /____/tshangs sras mas kyang gzhan yid 'phrog__/zla ba chu mtsho bsrubs pa las byung zhing dkar la mdzes par 'char ba'i dmar bas 'khyud pa dang /__tshangs sras ma lho phyogs kyi rol mtshor skyes shing rab tu dkar zhing mdzes pa'i zhal ras la mchu sgros dmar ba'i dog pas bkab pa dang sbyar ba'o/____/bya ba mi 'gal ba'i sbyar ba/__rtsub min yid 'ong nyams 'gyur gyis/____/reg pas dga' bde'i dpal sbyin pa/____/dbyangs can gsung ni thos bya ste/____/ri dwags mig can 'khyud byar 'os/____/dbyangs can ma'i gsung rna bar rtsub pa min cing yid du 'ong ba'i tshig gi ro nyams phun sum tshogs pa'i dpal gyis reg pas gnas skabs mngon mtho'i dga' ba dang /__mthar thug nges legs kyi bde ba dam pa'i dpal sbyin pa dang /__mdzes ma'i lus rtsub pa min cing /__yid du 'ong ba'i 'jo sgeg gi ro nyams phun sum tshogs pa'i dpal gyis reg pas rtse dga'i bde ba dang 'khrig pa'i dpal sbyin pa dang sbyar ba'o/____/bya ba 'gal ba'i sbyar ba/__yul la sbyar bas khengs pa'i blo/____/btang nas lus las skyes g.yo bas/____/yid srubs 'jug pa rgyun chad nas/____/mi phyed dad gsum gdung ba 'phel/____/yul bud med la sbyar bas de la mi mos pa'i khengs pa btang nas lus skyes te 'dod chags g.yo ba dang /__yul mchog la blo sbyar bas de la ma gus pa'i khengs pa btang nas lus skyes te ba spu ldang ba gnyis sbyar ba'o/____/nges pa can gyi sbyar ba/__tshangs sras la ni khyab 'jug gi chung ma dpal mo/__pad+ma can/____/tshems dkar phreng ba bram ze dang 'dab chags sogs/__gnyis skyes te/____/mkhregs shing yid 'ong nu 'bur zung /____/pa yo thar par pa yo chu dang d+ha ra 'dzin pa la 'jug pa'i phyir chu 'dzin te sprin yin no/____/d+ha ra nyid kyang ngo /____/'di yang /__sbyar bzhi rgyal po sde bzhi/__lugs kyi chos dang d+harma bsod nams dang kun spyod gshin rje sogs/__dang /____/longs spyod ldan pa b+ho tha snyad can dang sbrul gyi gdengs ka can sogs/__gI ste/__'dod pa nyid ni yid skyes te 'dod lha sogs/__kA maHdang /__a mr-i bdud rtsi bdud rtsi dang mar sogs mang po la 'jug go/__taM yang ngo /____/nges pa 'gog pa'i sbyar ba/__khyod bstan zhugs la lus skyes kyis/____/ba spu dang 'dod chags sogs/__'khyud pas dad gdung dad gdung kho na/__rgyas rnams te/____/'on kyang bser bu'i reg bya yis/____/nyams par byas pa rnams la'ang mthong /____/'di yang /__gang rgyal po/__gis bsrungs la 'khyog po gzhu dang skye bo ngan pa g.yo sgyu can sogs la 'jug go/_/ni/__mda' stan gzhu 'dzin pa'i dmag dpung sogs/__'dzin pa rnams la'o/____/'on kyang chags pas bskul ba yi/____/mdzes ma'i zur mig 'di dag kyang /____/'gal min gyi sbyar ba/__thub pa dang tshangs pa/__mchog gnas skye rgu'i rtsa lag ste/____/kun dbang phyug_/mkhyen yid srubs mthar byed cing /____/sna tshogs khyab 'jug_/gzugs kyi khyab 'jug dang /____/mchod 'os 'jig rten mig nyi ma/__kyang de/____/'gal ba'i sbyar ba/__'chi thub pa dang lha spyi/__med nyid kyang srid las 'das/__dpal khyab 'jugagyi bdag ste bslu ba spangs/____/rtag dbang phyugatu zhi ba'ang 'dod rdul chags mun gti mug dang /__snying stobs zhe sdang pha rol son la bsngags/____/nyer lnga pa khyad par brjod pa'i rgyan gyi mtshan nyid ni/__tshig sbyor gang zhig dngos po gzhan dang thun mong ma yin pa brjod par 'dod pas yon tan la sogs pa'i rgyu ched du ma tshang yang 'bras bu 'byung bar ston pa'i ngag ste/__dbye na lnga las/__dang po yon tan ma tshang pa'i khyad par brjod pa/__rnam 'dren gang gi byams pa'i go/__sra zhing lci dang mkhregs pa'ang min/____/de lta na yang yid srubs dpung /____/mtha' klas mtshon kun phab par gyur/____/rigs ma tshang ba'i khyad par brjod pa/__mkhas khyod sum rtsen grong khyer dang /____/'phags pa'i yul du byung ba'ang min/____/'on kyang legs par sbyar ba'i gzhung /____/smra dbang bye ba'i khengs pa bsnyil/____/bya ba ma tshang ba'i khyad par brjod pa/__yid 'ong mig zur g.yos pa med/____/'dod pa'i gtam gyis bslu ba spangs/____/zang zing g.yab mos bos min par/____/grangs med dpyod ldan mdza' bo bkug__/rdzas ma tshang ba'i khyad par brjod pa/__rnam bzhi'i g.yul gyi sbyor ba dang /____/grub pa'i sngags rig 'dzin min kyang /____/dri med spobs pa'i mthu kho nas/____/phas rgol phyogs las rnam par rgyal/____/rgyu ma tshang ba'i khyad par brjod pa/__grogs med nyam nga'i bas mtha' ru/____/stobs 'byor grags pa'i phun tshogs dman/____/de ltar na yang bsngags 'os can/____/mgon khyod srid zhi'i bla na brjid/____/nyer drug pa mtshungs sbyor gyi rgyan gyi mtshan nyid ni/__tshig sbyor gang zhig brjod par 'dod pa'i yon tan khyad par 'phags pa'am/____/'phags pa min pa gzhan zhig yul de dang don mi mtshungs kyang mtshungs par byas nas bstod smad kyi don du sbyar pa'i ngag ste/__dbye na gnyis las/__dang po bstod pa'i mtshungs sbyor/__kha sbyor bdun ldan gsang ba'i bdag__/mda' bsnun zhabs dang mgon khyod kyang /____/sngags gzhung rgya mtsho'i ston pa zhes/____/grags pa ri bo'i khongs su mtho/____/'di yang /__gru 'dzin zhing na mig mi 'dzum/____/dpal ldan sa skyar brtse ba che/____/deng dus bdag gi 'dren pa rnams/____/'gro kun sgrol ba'i rnam thar 'dzin/____/smad pa'i mtshungs sbyor/__snyigs dus lus can 'tsho ba'i rgyun/____/yal ga'i ri dwags zlos pa'i gar/____/glog gi thag pa g.yo ba yang /____/skad cig gnyis par mthong mi 'gyur/____/nyer bdun pa 'gal ba'i rgyan gyi mtshan nyid ni/__tshig sbyor gang zhig khyad par ram 'gal zla sgrub pa'i slad du 'jig rten na grags pa brtan pa'i dngos po shin tu tha dad pa dag lhan cig tu 'grogs par ston pa'i ngag ste/__dbye na drug las/__dang po gzhi tha dad bya ba 'gal ba/__skal 'bangs rnams kyi mgon khyod zhabs/____/dran pas kun dga'i tshor ba brtas/____/me tog mda' can dpung tshogs ni/____/yid 'ong 'dod dang bral bas nyams/____/gzhi gcig yon tan 'gal ba/__gang gsung mnyan 'os legs bshad mthus/____/gzur gnas snang ba mchog tu rgyas/____/lung rig gis kyang phas rgol tshogs/____/mun pa'i mal du ltung bar gyur/____/rdzas 'gal ba/__rang don phra zhing gzhan phyir yangs/____/rnam dpyod ring la 'khrul pa thung /____/mtho yang dman par rjes 'jug pa'i/____/'phags pas lus can su ma bzung /____/rdzas dang las 'gal ba/__rab bsil tshul khrims snying rje dang /____/rtag tu byams brtse'i ros brlan pas/____/nag po'i rtsa lag sder bcas kun/____/gdung nus min nam pad dkar 'chang /____/gzhi gcig bya ba 'gal ba/__smra mkhas gang gi tshar gcod kyi/____/rig pas pham par byas min kyang /____/spobs pa'i mthu dman phas rgol tshogs/____/'dar zhing zhum pas dud la phyogs/____/sbyar ba'i 'gal ba/__dpal ldan ral ba 'dzin khyod kyis/____/'dod chags zam pa yongs bcom yang /____/rgyal mar shin tu rjes chags pas/____/'khyud slad gcig tu yid brtan ci/_'di spyan ras gzigs dang /__dbang phyug chen po gnyis sbyar ba ste/__de yang dpal ldan ral pa 'dzin zhes/____/spyan ras gzigs dang dbang phyug gnyis ka la 'jug pas sbyar gzhi dang /__tshig lhag ma spyan ras gzigs kyi skabs/__khyod kyis 'dod chags kyi zam pa thams cad yongs su bcom pa'i chags bral gyi go 'phang brnyes kyang /__rgyal ma ste rje btsun sgrol ma la shin tu rjes su chags pa chen pos bde ba mchog gi ros dus rtag tu 'khyud slad gcig tu chags bral gyi go 'phang thob ces yid brtan 'cha' bar nus sam ci zhes pa dang /__dbang phyug la khyod kyi 'dod chags kyi zam pa ste bdud kyi ste thams cad yongs su bcom yang da dung rgyal ma ste lha mo u ma la shin tu chags pa chen pos nye bar 'khyud pa'i phyir mtha' gcig tu 'dod pa'i bdag nyid thams cad bcom mo zhes yid brtan 'cha' nus sam ci zhes pa ste/__'dod chags bcom pa dang shin tu 'dod chags spyod pa 'gal lo/____/nyer brgyad pa skabs min gyi bstod pa'i rgyan ni/__tshig sbyor gang zhig brjod par bya ba'i dngos po de nyid ngo bo'i sgo nas bsngags 'os kyi skabs su ma babs kyang /__rang gi 'dod pa dang rjes su mthun par bstod pa'i ngag ste/__dper na/__bsags bsrungs spel dang 'du 'dzi'i skyon/____/btang nas phyogs rnams thams cad du/____/thogs med bgrod pa'i skal bzang gis/____/'dab chags tshogs 'di bde bar spyod/____/'di yang /__rab dwangs baiDUr rgyud mang gang /____/yid 'ong snyan 'gyur sgrogs bzhin du/____/mtsho byung phyag gi 'jo sgeg la/____/brten 'di bsod nams e ma yangs/____/nyer dgu pa zol bstod kyi rgyan gyi mtshan nyid ni/__tshig sbyor gang zhig rnam pa smad pa'i zol gyis don du bstod bsngags kyi khyad par phul du byung ba thob par byed pa'i ngag ste/__dbye na gsum las/__dang po mthu phun tshogs kyi zol bstod/__chos kyi grags pa gcig pus kyang /____/mtha' klas mur 'dug phyogs las rgyal/____/mkhas khyod dpung dang bcas pa yis/__phyir rgol bcom 'dir khengs mi 'tshal/____/dpa' ba phun tshogs kyi zol bstod/__gangs can lha gcig srong btsan rjes/____/mtha' bzhi'i dregs ldan bye snyed bcings/____/'phags gzugs mchog gzhan bsgyur ba yi/____/rgyal sras khyod kyis rigs sam ci/____/sbyar ba'i zol bstod/__khyod kyi dpung pas bsrungs pa'i yul/____/mtha' yas rang gzugs dag la chags/____/ci slad rgyal srid kyis 'byor pa'i/____/rmad byung khengs pa 'dzin 'os sam/____/'di chos rgyal srong btsan sgam po'i rgyal srid dang sbyar ba ma gtogs bshad tshul 'og ma dang mthun pa'i phyir rig pas 'phrul shes par bya'o/____/'di yang /__khyod kyi gdul bar bya ba'i yul/____/mtha' yas rang gzugs dag la chags/____/ci slad gzhan phan phrin las khur/____/rmad byung khengs pa 'dzin 'os sam/____/rnam 'dren khyod kyi gdul bar bya ba'i yul ni/__mtha' yas te klu'i rgyal po lhag ma can gyi rang gzugs phrag pa dag la chags na klu de ni blun cing ches rmugs pa'i phyir dang /__yang na mtha' yas ni khyab 'jug ste/__de'i rang gzugs ru sbal gyi 'jug pa la chags pas na khyab 'jug de ni ches g.yo sgyu'i bslu ba can yin pa'i phyir na/__ci slad khyod kyis gzhan phan phrin las nyid rmad du byung ba thob snyam pa'i khengs pa 'dzin par 'os sam zhes smad pa'i zol gyis/__don du klu'i rgyal po lhag ma can gyi phrag pas btegs pa'am/__khyab 'jug gis bzung ba'i sa chen po 'di thams cad khyod kyi gdul byas khyab po zhes phrin las shin tu rgya che bar ston pa'o/____/yang mtha' yas zhes pas gzhi la'ang 'jug pas/__de'i rang gzugs gling bzhi dag la chags pa'i zhes kyang sbyar rung ngo /____/sum cu pa nges bstan gyi rgyan gyi mtshan nyid ni/____/tshig sbyor gang zhig ston byed dpe'i 'jug pa 'jig rten na yongs su grags pas/__bstan bya dam pa dang dam pa ma yin pa'i dngos po zhig gsal bar ston pa'i ngag ste/__dbye na gnyis las/__mchog gi nges bstan/__'jig rten mgon khyod spyan ras zung /____/gzhan yang mi 'dzum gzigs pa 'dis/____/dus gsum kun tu sems can khams/____/mtha' klas rjes 'dzin ston phyir ro/____/'di yang /__dbyar skyes sprin gyi rnga gsang gis/____/mdongs mtha'i snying la dpal ster byed/____/smra mkhas gang gi legs bshad kyis/____/dpyod ldan tshogs rnams dga' bar ston/____/mchog min nges bstan/__thun gsum mthu yis dkar po'i phyogs/____/'grib pa'i gnas skabs brtson par gyur/____/smad 'os las la rjes spyad rnams/____/phan bde'i snang ba nub par mtshon/____/so gcig pa lhan cig brjod pa'i rgyan gyi mtshan nyid ni/__tshig sbyor gang zhig khyad gzhi'i dngos po ji ltar rigs pa dag dang yon tan la sogs pa'i khyad par gyi chos mnyam du brjod pa'i ngag ste/__dbye na gsum las/__dang po yon tan lhan cig brjod pa/__mgon khyod phrin las 'jug pa dang /____/lhan cig gdul bya'i pha mtha' ring /____/de dag rnams kyi legs spyad dang /____/mnyam du gang gi grags pa dkar/____/bya ba lhan cig brjod pa/__khyod kyi legs gsung dga' ston dang /____/lhan cig gzur gnas spobs pa rgyas/____/de dag rmongs pa dang mnyam du/____/phun sum tshogs min nub par gyur/____/bya ba gcig pa'i lhan cig brjod pa/__mang du thos pa'i skal bzang dang /____/de don bsam pa'i blo mig dang /____/tshul bzhin yang dag 'jog pa ste/____/gsum po 'di ni mnyam du dar/____/so gnyis pa yongs brjes kyi rgyan gyi mtshan nyid ni/__tshig sbyor gang zhig don rnams phan tshun bsnol ba'i tshul gyis brjod pa'i ngag ste/__dper na/__phas rgol tshogs la gdung ba'i rgyun/____/ster byed khyod kyi lung rig gis/____/de dag spobs pa'i gan mdzod ni/____/ngal bas bsgrubs kun gcig car 'phrog__/so gsum pa shis brjod kyi rgyan gyi mtshan nyid ni/__tshig sbyor gang zhig yid la mngon par 'dod pa'i dngos po la smon par byed pa'i ngag ste/__dper na/__glo bur rtog pa'i mtshan ma kun/____/shin tu zhi ba dam pa'i dngos/____/rnam kun mchog ldan ye shes kyis/____/khyod la kun tu srung gyur cig__/so bzhi pa rab spel gyi rgyan gyi mtshan nyid ni/__tshig sbyor gang zhig tha dad pa'i rgyan gnyis sam mang po rnams bsres pa sbyor ba gcig la gnas pa'i ngag ste/__dbye na gnyis las/__dang po stobs mtshungs rab spel/__brtan pa'i 'khor lo'i mtshan dpe'i gzis/____/nyin mo'i dpe/__mdzes pa zum par byed/____/rmad don gzhan bkod pa dang /__byung snang ba'i dpal sbyin la/____/kun dga' ster ba som nyi ci/____/sgrub byed mtshungs pa'i rab spel/__yid 'ong 'jo sgeg ldan pa yi/____/lang tsho dar ba'i rigs kyi rang bzhin brjod pa/__'phags rnams kyi/__snyan pa'i tshig ma bsdus gzugs can/__gi sbrang rtsi yis/____/rna ba skal bya ba'i rang bzhin brjod pa ste slob dpon rat+na shrI'i 'grel par dper brjod pa dang mthun par byas so/____/bzang nyid du byed/____/so lnga pa dgongs pa can gyi rgyan gyi mtshan nyid ni/__tshig sbyor gang zhig snyan ngag mkhan rnams kyis ji ltar bsam pa dang rjes su mthun par phun sum tshogs pa'i nyams dang ldan par sbyar ba khyad par bzhi ldan gyi ngag ste/__de lta bu ni gzhung gi rgyan chen po la yod pa nyid kyi phyir dper brjod du bsnyad pa'i sh+lo ka re gnyis kyis rtsa ba'i dgongs don bshig par mi bya'o/____/smras pa/__snyan pa'i mdzes pas gzhar yang ma smad don bzang 'dod pa 'jo ba'i phreng /____/'dis kyang mkhas pa'i mgrin par mdzes zhes gzur gnas tshogs rnams gtam du gleng /____/snyigs spyod dpyid kas drangs pa'i 'khor 'gro phyogs lhung 'bigs byed kham zas can/____/'ga' zhig legs bshad lcid kyis gdungs te legs so'i glu dbyangs sgrogs mi byed/____/'on kyang gcig tu gzhan phan la/____/chags pa'i tshig gi me tog gis/____/don mthun rna ba'i ri bo'i ngogs/____/'khyud pas kun tu sman gyur cig__/ces rgyan gyi bstan bcos me long gi gzhung dang mthun par dper brjod pa daN+DI'i rgyud mang las/__don gyi rgyan gyi yongs su bcad pa'i skabs te gnyis pa'o//____//__mdzes mdzes mtshan dpe'i mtshar sdug rdzogs pa ut+pal tshal min byamaXs paX'i bdud rtsi'i brlan rab chags/____/snyan snyan legs bshad dbyangs su 'jo 'di khu byug nyid min skal bzang kunaX dgaX'i tshor ba sbom/____/gsal gsal grags pa'i spring yig 'grim 'di zla shel myu gu sar pa ma lags bstanaX 'dziXn kun gyi rgyan gyur phyir/____/dwangs dwangs blo yis rtag tu mchod na tshe 'di tsam min byang chub bar du bshes su mdzod/____/de ltar don gyi rgyan nyid las/____/brtsams pa'i me tog gtor byas nas/____/sgra dang gab tshig dag gi yang /____/dper brjod cung zad spro la phyogs//____//le'u gsum pa las byung ba'i rgyan gnyis pa sgra rgyan la gsum ste/__zung ldan gyi rnam par bzhag pa/__bya dka' ba'i khyad par gzhan bshad pa dbyangs sogs nges pa'i bya dka' bye brag tu phye ba'o/____/dang po la'ang /__rkang pa dang po na yod pa'i zung ldan/__gnas gzhan na yod pa'i zung ldan/__mtha' thog sbyar ba'i zung ldan/__kun tu zung ldan/__bsres pa'i zung ldan/__bzlog pa'i zung ldan te drug go/__de la dang po rkang pa'i thog mar yod pa'i zung ldan la'ang gsum gyi dang po bar mchod pa'i rkang pa rer re re yod pa/__dang por/__snyanaX snyanaX baiDUr tam+bu raH__dal gyis brdungs pa'i 'jo sgeg gis/____/skal bzang tshogs rnams skyong mdzad pa/____/swa ra swa tIs dge legs stsol/____/'di yang /__'jiXg rtenaX 'jiXg rtenaX 'das pa yi/____/phun tshogs nor bu'i cod pan gyis/____/lan brgyar btung ba'i rnam 'dren rje'i/____/zhabs rdul spyi bo'i gtsug tu len/____/gnyis pa/__lha dang drang srong grub pa'i dbus/____/mdzes mdzes mtshan dpe'i ri mo can/____/yid 'ong ngang pa'i bu mo yis/____/bdag blo'i pad mtshor rtsen par mdzod/____/'di yang /__tshul gnas khrims kyi kais ra sa/____/mdzes pas mdzes pa gzhan dag kun/____/'gogs byed byamaXs brtse'i ros brlan pa'iX/____/theg chen so thar pad+mo dgod/____/gsum par/__gang zhig khyod zhabs la reg pas/____/rnam 'byed ku mud dar babs pa'i/____/gsal gsal grags dkar zla ba yis/____/'di na shis pa'i snang ba stsol/____/'di yang /__rtag tu mtha' klas 'gro ba la/____/kun dga'i dga' ston nyer sbyin pa'i/____/snying rje snying rje'i dbang phyug dang /____/mi phyed byang chub sems dpa' mchog__/bzhi bar/__myos pa'i dmar bas reg pa yi/____/zur mig g.yo ldan mchil ba yis/____/btab pa min kyang phyogs bral gyi/____/mkhas mkhas dpyod ldan brtan pa 'phrog__/'di yang /__khyad par rdo rje theg pa yi/____/bstan 'dzin grub rigs rgya mtshos kyang /____/khyod zhabs bsnyen la rings bzhin du/____/bsngags pas bsngags pa'i yi ges brjid/____/dang po gnyis/__lhod lhod mgrin pa'i sprin dkar las/____/dir dir legs gsungs dbyar gyi rnga/____/sgrogs pas mos ldan mdongs mtha'i tshogs/____/mkhyen pa'i rtse dgas bzung bar mdzod/____/'di yang /__blo gros blo gros bdag po dang /____/yon tan yon tan rgya mtsho'i dpyid/____/mgon po khyod kyis byang chub bar/____/bdag sogs rjes su bzung mdzod kye/____/dang po dang gsum par/__chil chil nor bu'i thag pa yis/____/'khyud pa'i lho phyogs rol mtsho cher/____/'dzum 'dzum khyod zhal bzhad pa'i tshe/____/tshangs pa'ang chags bral mal las bslang /____/dang po dang bzhi par/__dkar dkar 'o ma'i chu gter gyis/____/lan brgyar bkrus pa'i zhabs sen rdul/____/gnag cing snum pa'i ut+pa lar/____/mtshar mtshar mig gi bdud rtsir bkod/____/gnyis pa dang gsum par/__sor mo'i 'khri shing 'dar ba la/____/ling ling rgyud mang b+h+ra ma ras/____/yang yang rtsen pa'i legs bshad gtam/____/srid rtse'i bar du song bar gyur/____/gnyis pa dang bzhi par/__de tshe 'chi med grub pa'i tshogs/____/sim sim rna ba'i skal bzang du/____/mthong nas gzhan du mi g.yo bar/____/dung dung sems kyis mnyan la phyogs/____/gsum pa dang bzhi par/__khyad par snying rje'i brlan chags pa'i/____/ye shes gzigs pa'i zla shel ni/____/khor khor phyogs kyi bu mo'i 'gram/____/rig rig blo mig sbyin la chas/____/rkang pa gsum rer yod pa/__dang po gsum/__'jam 'jam kA shi'i stod g.yogs la/____/mang mang rin chen gyis lcid pa'i/____/sil sil sgra yi rol mo yis/____/phyogs kun rgyas par 'gengs pa bzhin/____/dang po dang gnyis pa bzhi par/__'tsher 'tsher dbang po'i gzhu ris dang /____/mkhas mkhas sna tshogs las pa yis/____/bris pa ji bzhin dU ku la'i/____/ldem ldem smad g.yogs sar pas 'khyud/____/dang po dang phyi ma gnyis/__bsil bsil ga bur rkang 'thung la/____/reg pa min yang khyod zhabs las/____/zab zab snyan ngag bcud myong bas/____/grung grung blo mchog lang tsho dar/____/phyi ma gsum/__de slad mkhas brgya'i mgrin pa'i mtshos/____/'grig 'grig tshig rgyan me tog bcas/____/gus gus brtul zhugs lhur len nas/____/bzang bzang khyod zhabs mchod min nam/____/rkang pa bzhi kar yod pa/__dung dung 'phags ma rjes dran bdag__/dwangs dwangs rnam dpyod mi ldan kyang /____/yang yang mtsho byung bsngags pa'i mthus/____/skye nas skye bar rjes bzung shog__/gnyis pa bar du chod pa la rkang pa gnyis rer yod pa las/__dang po gnyis/__'jam dbyangs ngur smrig zlos gar can/____/'jam mgon bla ma'i yon tan gyi/____/grags pa'i chu gter chen po la/____/sgra rgyan zla ba'i 'dzum gyis bran/____/dang po dang gsum par/__gang zhig gzod nas dag pa yi/____/ye shes pha rol phyin brnyes kyang /____/gang dag skal bas phyug rnams dang /____/rjes mthun mtshan dpe'i sgyu 'phrul ston/____/dang po dang bzhi par/____/khyod zhal pad+mo gzhon nu nas/____/rig pa'i mtshar sdug g.yo ba yis/____/cher rlom khengs pa snyil mdzad pa/____/khyod tshul su zhig bsngags mi spro/____/bar pa gnyis/__thog ma nyid nas 'jug pa'i sgo/____/yi ge'i sbyor ba la 'chel bas/____/yi ge ming dang tshig rnams kyi/____/sgra dang don du bcas pa rtogs/____/gnyis bzhir/__srid pa zhi ba'i rnam 'gyur ni/____/sna tshogs ma 'dres bskrun pa yis/____/mdzes pa gzhan dag ring 'gogs pas/____/sna tshogs las pa'i snyems pa 'phrog__/phyi ma gnyis/__mi na gnas dang rnam 'gyur tshogs/____/gso byed yan lag brgyad pa'i char/____/phan dgongs sprin gyis bzung ba las/____/phan bde'i snye ma g.yur za mdzod/____/rkang pa gsum rer yod pa la/____/dang po gsum/__brda sprod gzhung mang rin chen grus/____/brda sprod rgya mtsho cher brgal bas/____/brda sprod smra ba khyod gcig ces/____/rnam thar phyogs kyi bu mos gleng /____/dad po dang gsum bzhir/__tshad mar gyur pa'i gang+gA ni/____/shes bya'i lam gsum kun khyab pas/____/tshad mar smra ba'i bsil ba yis/____/tshad min dag gi me lce gzhil/____/phyi ma gsum/__khyad par rang nyid shes bya'i chos/____/kun mkhyen them skas la 'dzegs te/____/kun mkhyen lam srol 'dzin pa la/____/kun mkhyen rgyal ba gnyis pa bzhin/____/rkang pa bzhi ka'i thog mar yod pa la/__tshig rgyan chu klung kun btung ba'i/____/tshig gter mgrin pa'i rol mtsho ni/____/tshig snyan rba rlabs stod g.yo bas/____/tshig gi bdag po'i mdzes pa bzung /____/rkang pa bzhi cha gnyis su yod pa la/__dang po gnyis mtshungs phyi ma gnyis/____/'dod rgyaXl nyid dam rjes grub tu/____/'dod pa'i ming gi mngon brjod ni/____/rnam mang a mr-i'i dog pa yis/____/rnam dpyod ldan pa'i gzhan gsos 'gugs/____/dang po gsum dang gnyis bzhin/__tshigs bcad rkang bzhi'i bany+dzul/____/ngo mtshar pr-it+ta dzA ti yi/____/tshig sbyor mtshar sdug dar babs par/____/ngo mtshar sbyor ba'i snying po sgeg__/thog mtha' gnyis 'dra bar pa gnyis 'dra/__phyi nang gzhan gsum dbyer med pa/____/dpal ldan dus kyi 'khor lo dang /____/dpal ldan dbyangs 'char spor thang bcas/____/phyi don rten 'brel rtsis la mkhas/____/gsum pa chod cing mchod pa la'ang gsum las/__snga ma gnyis 'dra phyi ma gnyis 'dra ba/__snyan snyan sngon byung gtam gyi tshogs/____/snyan snyan dbyangs bdun la sbyar ba'i/____/ling ling zlos gar ut+pa lar/____/ling ling gzhan yid bung bas rtsen/__thog mtha' dang bar pa gnyis/__gsal gsal spobs pa'i steng 'thung gis/____/yang yang rig gzhung bcud bzung bas/____/yang yang 'chad rtsod rtsom pa'i ros/____/gsal gsal grags dkar yi ger bkod/____/bzhi ka'i thog mar/__mdzes mdzes khor yug rgya mtsho'i 'gram/____/mdzes mdzes sprin gyi dum bus te/____/mdzes mdzes gzu bor gnas pa'i mdun/____/mdzes mdzes khyod kyi tshul 'dis kyang /____/gnyis pa gnas gzhan na yod pa'i zung ldan la bcu gnyis las/__bzhi ka'i dbus kyis chod cing ma chod pa/__gang khyod tshig mkhas mkhas pa'i gzis/____/rmad byung don mkhas mkhas par snang /____/de slad khyod mkhas mkhas rlom gzhan/____/phyogs re tsam mkhas mkhas dngos min/____/bzhi ka'i dbus kyis chod pa/__'gro kun legs lam legs ston phyir/____/rgyal bas legs gsung legs pa'i bcud/____/ngal med legs 'doms legs spyod kyis/____/nges par legs pa'i legs byas dar/____/rkang bzhi'i mthas chod pa/__thos pas skal bzang snang ba rgyas/____/bsam pas rnam dpyod blo mig rgyas/____/sgom pas grub pa'i yon tan rgyas/____/de slad khyod kyi phun tshogs rgyas/____/bzhi ka'i mthar chod cing mchod pa/____/zla shel bdud rtsi'i 'od gsal gsal/____/de yis kun+dA'i nags gsal gsal/____/gang gi phan mdzad spyod gsal gsal/____/des kyang kun dga'i dpal gsal gsal/____/bar mtha' chod pa/__nyin mo'i snang bas kun gsal snang /____/de yi snang bas phyogs kun snang /____/khyod mkhyen snang bas skal bzang snang /____/de de'i snang bas rgyal bstan snang /____/bar mthar chod cing ma chod pa/__rab mdzes mdzes ma'i tshul mdzes mdzes/____/der mdzes mdzes pa'i bzhin mdzes mdzes/____/khyod mdzes mdzes sku'i dpal mdzes mdzes/____/der mdzes mdzes pa'i mtshan mdzes mdzes/____/thog bar du chod pa/__dpal ldan khyod kyi dpal yon dang /____/dpal stug rgyal ba'i dpal mtshungs phyir/____/dpal mo'i bdag sogs dpal gyis kyang /____/dpal ldan bla ma'i dpal mi mtshon/____/dang po gsum pa'i thog mtha' gnyis bzhir thog bar gyis chod cing ma chod pa/__snyan snyan gzhan gsos mgrin snyan snyan/____/snyan snyan rna bar snyan snyan 'jo/____/snyan snyan nA nga'i dbyangs snyan snyan/____/snyan snyan legs bshad snyan snyan 'bab/____/bzhi ka'i thog mtha' bar chod pa/____/mchog tu mi 'gyur gzugs sku mchog__/mchog gsang gzhom med sgra skad mchog__/mchog bde'i ros brlan ye shes mchog__/mchog gyur mgon khyod skyabs kyi mchog__/bzhi ka'i thog mtha' bar chod cing ma chod pa/__bsil bsil tsan+dan 'od bsil bsil/____/bsil bsil 'bigs byed rlung bsil bsil/____/bsil bsil legs bshad gtam bsil bsil/____/bsil bsil thar pa'i dpal bsil bsil/____/gnas gsum ka'i chod pa/__dkar bsil sprin dkar bla bre dkar/____/dkar 'jam pad dkar rdzing bu dkar/____/dkar mdzes khyod dkar legs byas dkar/____/dkar gsal grags dkar phung po dkar/____/gnas gsum ka'i chod cing ma chod pa/__mdzes mdzes dbyar gyi kun gsal mdzes mdzes sprin dkar lang tsho'i dpal mdzes mdzes/____/mdzes mdzes de yi 'gram par mdzes mdzes glog gi rna cha g.yo mdzes mdzes/____/mdzes mdzes mkhas mang chu mtshor mdzes mdzes khyod zhabs pad+mo dpal mdzes mdzes/____/mdzes mdzes de la mngon par mdzes mdzes grags snyan bdud rtsi'i 'od mdzes mdzes/____/gsum pa mtha' thog sbyar ba'i zung ldan ni/__mdor na bsngags 'os rnam thar mchog__/thar mchog 'dod pa 'jo mdzad pa'i/____/mdzad pa mtha' klas mngon brjod pa/____/brjod pa nyung dus ji ltar 'dren/____/'di yang /__'on kyang rab gus sbrang rtsi'i bcud/____/bcud du nyer 'thung bung ba'i sgra/____/sgra rgyan glur len byed po gang /____/gang zhabs pad mtshor rtag bsnyen shog__/bzhi pa kun tu zung ldan la/__rkang pa bzlas pa/__tshigs bcad bzlas pa/__zung ldan chen po'o/____/dang po la'ang gnyis kyi/__dang po lan gcig bzlas pa'i bye brag yang dag par skyar ba la/__dang po gsum pa dang /__gnyis pa bzhi bar bzlas pa/__mngon mtho'i sar gnas a mr-i ta'i/____/bla ma dang zla ba sbyar ba'o/____/snying po'i lcid ldan kun dga'i dpyid/____/mngon mtho'i sar gnas a mr-i ta'i/____/snying po'i bcud ldan kun dga'i dpyid/____/dang po gnyis pa dang /__gsum pa bzhi par/__mun sel nyi ma dang sbyar/__snang ba'i mchog sbyin mkhas/____/mun sel snang ba'i mchog sbyin mkhas/____/gzhan phyir rtag 'char 'jig rten mig__/gzhan phyir rtag 'char 'jig rten mig__/dang po bzhi pa dang gnyis pa gsum pa/__yid lha dbang phyug chen po la sbyar/__srubs tshogs kun mthar byed pa/____/dbang phyug brgyad ldan sarba dz+nyaH__dbang phyug brgyad ldan sarba dz+nyaH/____/yid srubs tshogs kun mthar byed pa/____/gnyis pa de las gzhan pa'i rkang pa bskor ba la gsum gyi/__lan gcig bzlas pa la'ang drug gi/__/dang po gnyis par bzlas pa/__'dod dgu sbyin pa'i phyag yangs po/____/'dod dgu sbyin pa'i phyag yangs po/____/ngal gso'i dbang po'i gnod gnas grong /____/khyod zhabs lhar bcas bla na brjid/____/dang po gsum par/____/bsod nams bye bas bskrun pa yi/____/'jam mgon bla ma'i mtshan dpe'i byin/____/bsod nams bye bas bskrun pa yi/____/skal bzang skye rgu'i mig tu snang /____/dang po bzhi par/__dbyangs kyi yan lag rgya mtsho'i gter/____/mtsho byung phyag gi rgyud mang ste/____/smra dbang gang gi gsung gsang yang /____/dbyangs kyi yan lag rgya mtsho'i gter/____/gnyis pa gsum par/__sgrib gnyis rgyur bcas yongs bcom pa/____/khyod thugs rnam pa kun ldan dbyings/____/khyod thugs rnam pa kun ldan dbyings/____/zag bral ye shes dam pa'i snod/____/gnyis pa bzhi par/__gang gi yon tan phung po ni/____/'chi med lam gyi mthar mi shong /____/de slad bsngags pa'i snyan tshig kyang /____/'chi med lam gyi mthar mi shong /____/gsum pa bzhi par/__thabs mkhas phrin las rnam mang pos/____/sa gsum kun tu khyab 'jug pa'i/____/sna tshogs gzugs can 'chang ba po/____/sna tshogs gzugs can 'chang ba po/____/lan gnyis bzlas pa la'ang gsum gyi/__dang po nyid gnyis pa dang gsum par yang bzlas pa/__thob pas gdung sel 'dod dgu'i dpyid/____/thob pas gdung sel 'dod dgu'i dpyid/____/thob pas gdung sel 'dod dgu'i dpyid/____/khyod zhabs nor bu man+dA ra/____/dang po nyid gsum bzhir/__gcig tu gzhan phyir thugs brtse ba/____/rgyal dang rgyal sras mgon khyod kyang /____/gcig tu gzhan phyir thugs brtse ba/____/gcig tu gzhan phyir thugs brtse ba/____/gnyis nyid gsum bzhir/__gang mtshan ga bur dpal gyi dum/____/reg pas bsil ba'i mchog sbyin pa/____/reg pas bsil ba'i mchog sbyin pa/____/reg pas bsil ba'i mchog sbyin pa/____/lan gsum du bzlas pa/__kun dga'i sim ster snang sangs rgyas dang byang chub sems dpal/__ba'i mdzod/____/kun dga'i sim ster snang ba'i bla ma/__mdzod/____/kun dga'i sim ster snang ba'i zla ba mdzod/____/kun dga'i sim ster snang ba'i nor bu'i sgron me/__mdzod/____/gnyis pa tshigs bcad bzlas pa ni/__mi 'gyur mi gnas pa'i mya ngan las 'das pa/__go 'phang la rol bzhin/____/mun pa snyil byed rab dam chos/__bsil gyi/____/bdud rtsi'i dpal ster kun sems can thams cad la phan pa/__phan ni/____/rtag tu zhi ba'i thar pa mchog gi/__rtse mor 'dzegs mi nam mkha'/__'gyur go 'phang la rol bzhin/____/mun phyi rol gyi/__pa snyil byed rab srid pa'i bsil gyi/____/bdud rtsi'i zla zer/__dpal ster kun zla ba'i ming /__phan ni/____/rtag tu dbang phyug_/zhi ba'i rtse mor 'dzegs/____/tshigs bcad snga ma bla ma dang phyi ma zla ba la sbyar ba'i tshul mchan bus gsal ba bzhin no/____/gsum pa zung ldan chen po ni/__mngon par mtho ldan rmad byung dpal mnga' sangs rgyas/__mngon par mtho ldan rmad byung dpal mnga' byang sems/__ba/____/mngon par mtho ldan rmad byung dpal mnga' rang rgyal/__mngon par mtho ldan rmad byung dpal mnga' nyan thos/__ba/____/mngon par mtho ldan rmad byung dpal mnga' bla ma/__mngon par mtho ldan rmad byung dpal mnga' tshangs pa/__ba/____/mngon par mtho ldan rmad byung dpal/__mnga' nyi ma/__mngon par mtho ldan rmad byung dpal mnga' zla ba/__ba/____/lnga pa 'dres pa'i zung ldan ni/__mkhas mkhas phyi nang rig gzhung kun mkhas mkhas kun dga' ba'i zhabs pad+mo/____/pad+mo rnam par rgyas pa'i dpal can srid zhi'i dpal gyis rab mdzes pas/____/mdzes pa gzhan gyi khengs pa nyer 'gog 'gog pa med pa'i grags snyan tshig__/snyan tshig nyams brgya'i ngag gis bsngags las ngag gi dbang phyug brnyes gyur cig__/drug pa bzlog pa'i zung ldan la gsum las/__rkang pa bzlog pa/__blo mchog rab zab yul las grol/____/grol las rab zab yul mchog blo/____/brnyes slad zhi dang srid pa dag__/dag pa srid dang zhi slad brnyes/____/tshigs bcad phyed bzlog pa/__mchog gyur grub rigs mkhas rnams dpal/____/bsngags pas brjod 'das bsam yas mtha'/____/mtha' yas bsam 'das brjod pas bsngags/____/dpal rnams mkhas rigs grub gyur mchog__/tshigs bcad bzlog pa/__rgyal mdzad phan pas gzhan phyir brtse/____/nges don zab brling mkhyen ldan dpal/____/rig gzhung lam mang mkhas la 'doms/____/de slad shes bya gzigs khyod mchog__/mchog khyod gzigs bya shes slad de/____/'doms la mkhas mang lam gzhung rig__/dpal ldan mkhyen brling zab don nges/____/brtse phyir gzhan pas phan mdzad rgyal/____/gnyis pa bya dka' ba'i khyad par gzhan bshad pa la gsum las//____//_!__ba lang gcin gyi bya dka' ba'i dper brjod re'u mig tu bkod pa 'di'o/_/__ !__phyed 'khor gyi dper brjod pa re mig tu bkod pa 'di'o/_/ _chos don nges tshig sbobs pa'i gter/ zab don snyan tshig dam pa'i dpyid/ dpal ldan bla ma'i zhabs pad mo/ dpyod ldan du ma'i lag pad dud/

mkhyen rab phul byung blo mchog khyod mkhas/ rab mkhyen byung phul mchog blo mkhas khyod/ phul byung mkhyen rab khyod mkhas blo mchog byung phul rab mkhyen mkhas khyod mchog blo/

mchog gsang 'bras thob mkhas grub khyod bsngags/ gsang mchog thob 'bras grub mkhas bsngags khyod/ 'bras thob mchog gsang khyod bsngags mkhas grub/ thob 'bras gsang mchog bsngags khyod grub mkhas/ mkhas grub khyod bsngags mchog gsang 'bras thob/ grub mkhas bsngags khyod gsang mchog thob 'bras/ khyod bsngags mkhas grub 'bras thob mchog gsang / bsngags khyod grub mkhas thob 'bras gsang mchog !_kun tu bzang po'i 'khor lo'i dper brjod pa re mig tu bkod pa 'di'o//

bsngags khyod grub mkhas thob 'bras gsang mchog khyod bsngags mkhas grub 'bras thob mchog gsang / grub mkhas bsngags khyod gsang mchog thob 'bras/ mkhas grub khyod bsngags mchog gsang 'bras thob/ thob 'bras gsang mchog bsngags khyod grub mkhas/ 'bras thob mchog gsang khyod bsngags mkhas grub/ gsang mchog thob 'bras grub mkhas bsngags khyod/ mchog gsang 'bras thob mkhas grub khyod bsngags/ !_gsum pa dbyangs sogs nges pa'i bya dka' la gsum ste/__dang po dbyangs nges pa la/__bzhir nges pa/__bral 'bras mkha' ltar rnam dag par/____/srid zhir 'ching ba'i sprin ris sim/__mchog dngos 'od nor yongs spros mod/____/bde chen ye shes zer phreng mdzes/____/gsum du nges pa/__gzhi dbyings ji bzhin gzigs pa'i phyir/____/khams dbang zag par bcas pa spangs/____/phul byung 'jug tshul thugs chud mthus/____/gzhan phan snang ba lhag par 'bar/____/gnyis su nges pa/__sgrib gnyis 'khri shing ring bcil zhing /____/rig pa'i tshig gi dbyig sbyin nyid/____/dge legs bye snyed rtser 'dzegs des/____/nges ster bshes gnyen che zhes smrengs/____/gcig tu nges pa/__chags bral bslab pas rab brlan kyang /____/thabs mkhas phyag rgyar mnyam sbyar bas/____/gsang ba bsam 'das rnam thar can/____/dpal ldan bla mar dwang bas bsngags/__gnyis pa skye gnas nges pa la/__bzhir nges pa/__rmongs pa'i phru mar mchu ma pham pas/____/mkhas mgrin pa/__kun kun dga' skyed gang gi/__brtse chen rkan ye shes zung 'jug tshul/__so/____/mtha' dag rtogs nus blo ldan su/____/gsum du nges pa/__dman mchu/__min phung po'i dpal 'phel mod/____/phan pa dpag med phang par 'phos/____/don dam so/__bden rtogs bde sdug dor/____/brgal dka'i sgrib kun skems gang bsngags/____/mgrin/____/gnyis su nges pa/__mchu/__bag med spangs pas ma dmigs pa/____/smad pa'i spun min 'phags pa'i spor/____/gnas las rtag tu lam bden/__so/__la/____/'dun des bden don gnas lugs rtogs/____/gcig tu nges pa/__pad+ma'i phon por bag phab pa'i/__mchu/__'phags ma dpal mo'i spobs pa'i mes/____/rmongs pa'i mun pa rmegs med pa/____/spangs pa ma smad mos pa 'phel/__gsum pa gsal byed nges pa las/__bzhir nges pa/__rang rang rig rlom res res rung /__gang gi dgag sgrub gang+gAs 'gogs/____/kun dkris kun skems kun kyang dkri/____/ma rmongs dmigs med mod mi dma'/____/gsum du nges pa/__'dod gdungs 'dul de de 'drog der/____/des dul bden don don len des/____/snang nas snang nus gnas nod nas/____/bral bar dbugs dbyung 'bras bu sbom/____/gnyis su nges pa/__sa gsum rang rang so so'i sems/____/sems su rig slad sU ra legs par rgya che ba'i don/__ri'i/____/bslab srung sa raM sA rI'i rig pa mchog sar/____/so so rang rig sems su sems/____/gcig tu nges pa/__la lar lung la la lar lam/____/la lar legs lam la len las/____/le lo las log lam la longs/__sreg pa/____/lo laHlas log legs/__lam len/__zhes pa lta bu ste/__'on kyang gsal byed nges pa'i bya dka' 'di rnams rgya dpe ltar gyi mtshan nyid sgra ji bzhin pa bod skad du 'byor bar dka' yang /__sngon gyi mkhas pa phal mo ches sa bcad mi stong phyir ming gzhi'i yi ge gtso bor mdzad nas sbyar ba bzhin/__'dir yang re zhig blo gros gsar bu'i rigs can la sman pa'i slad de'i rjes su 'brangs pa ste/__gzhan du brda sprod pa'i gzhung la goms pa rnams kyi dbang du byas nas legs sbyar gyi skad du brtsams pa'i dper brjod logs su bris zin pa las rtogs par byos shig__/gzhan du legs sbyar gyi skad du dper brjod pa 'di lta bu yang ngo //_____//_!_rgyan gsum pa gab tshig gi rgyan gyi mtshan nyid ni/__tshig sbyor gang zhig dgos pa khyad par can la sogs pa'i slad du brjod bya'i don ji bzhin pa nyid rjod byed don ma yin pa bzhag zhig gis sbas pas thun mong du/

1. /____/nInonyanununor+n+rAMNAnr-iniH_!__sdeb sbyor mnyam pa'i prit+ta las yi ge lnga pa'i pastA ras bcings pa dza yan+tu/nUnaninirnAnAnununo+o
2. /____/'dren pa khyod kyi rjes brtse'i grur/____/mi dang mi min rnams kyis mchod/____/nges par thar pa'i dga' ba yis/____/dud la som nyi bral min nam/____/rtogs par dka' ba'i tshul can du gyur pa'i ngag ste/__dbye na bcu drug las/__kun tu tshogs pa'i gab tshig__/mchog bde'i dpal ster stobs dman 'di'i gab bya bla ma dang /____/maX/__gab byed bud med/__tshul ji ltar na gcod mtshams tha dad pa gsum gyi sgo nas so/____/yin phyir mngon 'dod 'byin 'bras bu/____/mang po bskrun pas brnag dka' ba'i/____/sdug bsngal rgya mtshor 'ching maX lags/____/slu byed kyi gab tshig__/'di na me tog mda' can gab bya rje btsun rig byed ma dang /__gab byed bdud kyi chung ma'o/__ma'i/____/rjes su chags pa'i spyan zur tsam/____/su zhig snying la thebs pa der/____/srid zhi'i phun tshogs kun gyis dud/____/rim pa bral ba'i gab tshig__/1'bab pa'i legs bshad dbyangs snyan pos/____/smra dbang gang gi mchu sgros las1/____/sa 4gsum bla na mngon par brjid/____/thos 'dzin skal bzang byas pa'i gtam3/____/rab bcom gab tshig__/skye gab bya rdzogs pa'i sangs rgyas lta bu yul khyad par can dang /__gab byed 'dod ldan gyi skyes bu ste/__de yang skye ldan zhes pa sems can dang /__chung ma gnyis ka la 'jug__/spangs pa zhing phyogs gcig pa dang /__nor med pa la'ang bshad du rung la/__ma smad ces pa dngos su ma bya'i ming dang /__ma smad mos pa zhes dad mos chen po la'ang bshad rung tsam mo/__ldan la brtse spangs pa la/____/sdang ba'i tshul gyis phyir phyogs pas/____/skyes bu mchog khyod la 'chel ba'i/____/ma smad mos pa gcig tu 'phel/____/mthun gzugs gab tshig__/gang na yal 'dab lngas yan lag lnga/____/mdzes pa'i/__gab bya sgrol ma dkar mo dang /__gab byed puN+DarI ka'i sdong bu/__puN+Da rI ka'i dog pa la/____/gnag cing snum pa'i bung ba bdun/__spyan bdun/____/rtsen pa'i grib thugs rje/__bsil/__'di rmad byung /____/rtsub mo'i gab tshig__/chu las skyes gang chu gter gab bya dbyangs can ma dang /__gab byed me tog chu skyes/____/dbus 'dzum bcas mtshar sdug rab 'bar ba/____/ngang dri za'i bu mo dang /__ngang mo/__pa'i bu mo'i tshogs rnams kyis/____/sgrib pa'i gnas skabs bcom pa bzhin/____/grangs kyi gab tshig__/sna ldan na yig gab bya phyogs kyi rol mtsho dang 'phags ma mtsho byung ma/__dbus gnas gsal byed mes/____/brgyan pa'i nyi bu'i mAn sa ste lho phyogs yid kyi mtsho/__phyogs kyi mtshor/____/dro ba'i sa yig yi ges thog drangs pa'i/__mdzes swa ra swa tI ste mtsho byung ma/__ma yig lnga'i ming can yod/____/rab btags gab tshig__/gang gab bya dbyangs can ma dang /__sgrub pa po zhig gab byed bu mo dang /__skyes bu 'dod ldan zhig sbyar ba'o/____/phyir mngon 'dod don gnyer bas/____/zhum zhing dud bcas lus las skyes/____/g.yo ba'i dman pa bdag cag la/____/rgyas ma rjes su mi rgyas ma ces pa bu mo'i dngos ming dang /__dbyangs can ma'i mtshan rgyas byed ma'i sgra bsdus pas der 'jug rung tsam mo/__brtse'am/____/'di yang /__bsam gab bya rdzogs pa'i sangs rgyas dang /__de'i bstan pa la zhugs pa'i tshogs/__gab byed tshangs pa dang /__bram ze tshangs spyod la gnas pa'o/____/gtan klog dang tshangs spyod kyi/__brtul zhugs mchog la gnas bcas rnams/____/rang byung rang byung zhes pa sangs rgyas dang /__thugs/____/tshangs pa gnyis ka la 'jugarje'i spyan zur gyis/____/yal bar 'dor ba rigs sam ci/____/ming du 'dus pa'i gab tshig__/bsngags 'os yon tan rmad byung 'ga'/____/thog mar kunaX mkhyenaX ces su sgrogs/____/gab bya kun mkhyen bla ma zhes pa nyid/__gab byed dbang phyug dang /__phur bu'i ming gis sgrib pa'o/____/de nas blaX maX yang ste 'di/____/dbang phyug ma yin phur bu'ang min/__'di yang /__rab mdzes kun dga'i dpyid gyur gang /____/haXM saX zhes su mngon brjod de/____/slar la kan+yA yang 'di nyid/____/ngang pa ma yin bu mo'ang gab bya hi sa gan+yA ngang pa'i bu mo ste dbyangs can ma dang /__gab byed ngang pa dang /__bu mo/__min/____/sgrib pa'i gab tshig__/gang la reg na dbul gab bya sangs rgyas dang byang chub sems dpa' lta bu yul khyad par can/__ba kun/__gab byed phyi yi rgya mtsho chen po/__gab tshul gcod mtshams tha dad pa gcig gis so/____/'dor zhing 'dod rgu'i rin chen mchog__/sbyin pa'i gdung sel rlabs g.yo ba/____/dri bral zla ba'i ma maX lags/____/mthun pa'i sgra yi gab tshig__/gang gi gnag min ming mthun pa'i/____/'jug pas myos byed ming can las/____/rgyal ba'i grags dkar bdud rtsi yis/____/sa gsum mdzes so stobs bcu'i dbang /____/gab bya sangs rgyas kyi dkar po'i phrin las kyi bdud bcom pa dang /__gab byed gnag min dkar po ste de'i ming can gza' pa sangs/__myos byed chang dang /__de dang ming mthun pa bdud/__'di yang /__'dren byed mig mi btsum pa lta/__'dzum min ming de dang ming mthun pa spyan ras gzigs/__mthun gyi/____/gnyis tshems/__skyes ming can las byung ba/__dbang phyug gi chung ma dang /____/dkar mo bod pa'i mtshar sdug gis/____/dbang lha'i dbang po dang /__po'i/__zla ba/__mtshan can 'jo sgeg zum/____/rmongs pa'i gab tshig__/thabs mkhas dbyangs can ma kha spyod bdun ldan dang sbyar/__ldan rnams srid dang zhi'i/____/chags zag bcas kyi/__pa mtha' dag ring bcad nas/____/yid 'ong stong gzugs phyag rgya chen mo'i/__mdzes ma'i bzhin dpal la/____/rtag par kha sbyor bde bas rtsen/____/yongs 'phrog__/stobs gab bya bram ze rnams kyis dbyangs can ma bsnyen pa dang /__gab byed rim phar/__ldan dgra bos khyab 'jug mngon bskyed gang /__bdud/__dbang phyug bsregs pa'i gtsug rgyan zla ba/__la bram ze/__btung rnams/____/kha me/__'jom grog chu min las skyes pad+ma/__par/__tshangs pa/____/'khrungs pa'i chags dbyangs can ma/__pas bskrun la bsnyen/____/gcig sgrib pa'i gab tshig__/'khor dang mya gab bya spyan ras gzigs/__ngan 'das pa yi/____/pha mthar nam yang reg min pa'i/____/rgyal ba'i myu gu la gab byed/__la yis/__bsil ljongs 'gro bar dbugs rab 'byin/____/gnyis ka sgrib pa/__gang gab bya rten spyan ras gzigs dang /__gi legs gsungs bdud rtsi mchog brten pa bram ze pA Ni gnyis 'di na su zhig thos 'dzin gyis/____/btung las brda sprod gzhung byed par/____/lung gi 'jam dpal rtsa rgyud las/__yi ges mngon par brjid/____/yongs 'dres/___dpal gab bya spyan ras gzigs gab byed ming du 'dus pa dang /__rmongs pa'i gab tshig 'dres pas sgrib par byas pa'o/__ldan thogamar 'jiXg rtenaX te/____/slar la dbaXng phyugaX ces su brjod/____/srid dang zhi min shes bya kun/____/mkhyen phyir tsin+tA ma Ni tsin+tA ma Ni yid bzhin nor bu'i dngos ming dang /__spyan min/__ras gzigs la'ang 'jug rung tsam mo/____/'di ni 'chi med btung bas myos/____/grogs khyod de ring nges 'byung skyes/____/khu byug yid 'ong sgra sgrogs te/____/mdongs mtha' char sprin dag la dga'/____/don 'gal skyon/__mkhas khyed ri dwags mig can dang /____/'khrig pa'i dga' ston nyams su myong /____/chags bral brtul zhugs la gnas gang /____/bag med 'gog par bya bas dben/____/de'i dmigs bsal/____/bsags srung spel sogs 'du 'dzi'i skyon/____/dbye ba'i nor gyis ci byar yod/____/rmad byung 'byor ba'i rkang stegs la/____/bdag ni nam zhig 'dzegs 'gyur grang /____/don gcig skyon/__steng 'thung ut+pal rgyas pa'i phang /____/rkang drug bung ba'i rtse 'jo yis/____/chags bcas 'dod ldan tshogs rnams la/____/rab dga' sim pa'i bde ba ste/____/de'i dmigs bsal/__rgyal kun ye shes za ma tog__/khyab bdag bla ma snying nas dran/____/rnam 'dren mchog de snying nas dran/____/'khor lo'i mgon po snying nas dran/____/the tshom can skyon/____/pad+ma'i rdzing bur rang rtse ba'i/____/gnyis 'dab chags dang /__bram ze sogs/__skyes phreng ba 'dus pa'i dbus/____/ngang pa'i ngang pa'i bu mo nang dbyangs can la/__bu mo yid 'ong mas/____/sil sil sgra dag 'byin par byed/____/ngang pa'i rkang gdub kyi sgra dang /__dbyangs can ma'i g.yer kha'i sgra gang yin 'khrul pa'o/____/de'i dmigs bsal/__mngon par 'dod pas dga' byed ro/____/myong ba'i mod nas myos pa'i mig_/dmar bas reg bzhin slar yang ni/____/tshul min las der 'jug par brtson/____/'di'i brjod bya dngos skyes pa/__bud med kyi 'khrig bde nyams su myong ba zhig dang /__don gzhan skyes bu chang gis myos pa zhig sbyar ba ste/__de yang dga' byed ces 'khrig pa'i chos dang chang gnyis ka la 'jug cing /__khyad chos gzhan thun mong pa yin pa'i phyir ro/____/lnga pa rim pa bral skyon/__don gnyis mthar phyin chags bral lam/____/tshogs kyi mchog gyur dge 'dun dang /____/sangs rgyas dam chos bcas pa yis/____/khyod la shis pa'i snang ba stsol/____/de'i dmigs bsal/__'phags bod ma hA tsI na'i ljongs/____/thog mtha' 'byor pas mngon mtho yang /____/deng dus bde gshegs bstan pa'i lcid/____/'degs bzod bar ma kho nar bsngags/____/sgra nyams skyon/__khyod la mkhyen pa'i shes bya kun/____/gzigs pas grags dkar zla ba 'od/____/srid rtses 'gongs bar ngo mtshar gtam/____/rus sbal 'jug pas 'degs nus min/____/de'i dmigs bsal/__gang gi mchu sgros laXs 'ongs pa'i/____/chags bral gtam gyi rgyud mang sgras/____/'gro mang 'khrul pa'i 'thib bu laXs/____/slong ba'i sngon med yi ge brjid/____/gcod mtshams nyams skyon/__'jam dpal mgon ye shes snang bas/____/glo bur gyi 'khrul mun kun bcom/____/yang dag pa'i spobs sbyin mdzad phyir/____/rnam par thar bdud rtsi dang mtshungs/____/de'i dmigs bsal/__rgyal kun mkhyen gter ngag dbang lha'i/____/thugs rje'i zer gyis rmongs mun tshogs/____/bcom pa'i ngo mtshar dbyangs snyan ros/____/me tog mda' can khengs kun 'jil/____/sdeb sbyor nyams pa'i chad lhag gi dpe/__snying rje'i spyan ras mi zum pa'i/____/gzigs pa ga bur thigs pas/____/bsil ljongs 'gro ba'i sdug bsngal gyi/____/tsha gdung bsal bar mdzad der bsngags so/____/mtshams sbyor nyams skyon/__kun mkhyen bla ma mchog gu ru ut+ta ra'i/____/su b+hAShita legs bshad bdud rtsi/__a mr-i tas/____/'di na mtha' klas as sems can kun/__twAH/__a bla na med pa'i/__nut+ta ra'i go 'phang bkod/____/de'i dmigs bsal/__rmad byung kun dga'i smon lam/__pra NI d+hI/__a ti shud+d+ha'i shin tu dag pa'i/__zla ba yis/__tsan+d+re Na/____/a n+ya hi ta'i gzhan la phan pa'i/__sim 'od 'bum/____/spro bas sring zhi'i thig ler 'dir snga mar praNidrIX/__gyur/__'gal skyon la drug las/__yul dang 'gal ba/__gangs can dpal gyi dum bu'i khrod/__dal gyis rgyu ba'i gnyis 'thung tshogs/____/pad+ma'i rdzing bu la rtse ba'i/__a ti gnyis kyi bar mtshams mi sbyor ba/__dbyangs can sgra mdo las/__I U e gnyis nyid la'o/____/zhes pa'i dmigs bsal dang /__phyi ma tsan+d+reN dang a n+ya'i bar shad kyis chod pas mtshams sbyor ma byas kyang skyon du mi 'gyur ba'o/__/'phrog byed dregs pas zil gyis mnan/____/dus dang 'gal ba/__nyi gzhon 'char ka dang 'grogs pa'i/____/kun+dA'i 'khri shing rgyas pa'i 'gram/____/ston mtshan zla gzhon gyis phye ba'i/____/chu skyes gsar pa'i rna rgyan g.yo/____/sgyu rtsal dang 'gal ba/__drag shul 'jigs rung gar gyi ros/____/ngo mtshar rmad byung nyams 'phel zhing /____/blo gsal dbyangs drag po/__dbyangs kyi 'gyur khug gis/____/rna bar kun dga'i sim pa ster/____/'jig rten dang 'gal ba/__dkar min kha pa'i rdul brtsegs spor/____/rab mdzes khu byug gzhon nu'i rwas/____/lag ldan myos pa'i bad bag shog zung /____/'bigs pa'i grag ldan srid na brjid/____/nang pa'i rigs pa dang 'gal ba/__bder gshegs zag bcas sdug bsngal gyis/____/khyab par gsungs mod de lta na'ang /____/yid 'ong mdzes ma'i longs spyod la/__snyoms par zhugs 'di gcig tu bde/____/phyi rol pa'i rigs pa dang 'gal ba/____/rtag par smra ba'i chos khams kun/____/bdag dang mtshungs ldan nyid du 'dod/____/dpyad na phyi nang gang du yang /____/bden grub rdul tsam mchis ma lags/____/lung dang 'gal ba/__nges par 'byung ba dang bral ba'i/____/so thar khrims kyis rgyud bsdams bzhin/____/stong dang rten 'byung tha dad pa/____/spros bral dbu ma'i don la blta/____/dmigs bsal skyon med la'ang drug las/__yul dang 'gal yang skyon med pa/__bsod nams brgya las grub pa yi/____/shwa kya'i tog gi mtshan dpe'i dpyid/____/gang du snang bar sum rtsen gyi/____/grong khyer gsar du 'khrungs par gyur/____/dus dang 'gal yang skyon med pa/____/gang gi dge bcu'i bka' khrims kyi/____/phyag rgya'i ri mos btab pa las/____/rtsod pa'i dus kyang gangs can 'dir/____/rdzogs ldan gzhon nu'i dga' ston dar/____/sgyu rtsal dang 'gal yang skyon med pa/__yid 'ong mdzes ma'i rol sgeg dang /____/rab snyan chags pa'i glu dbyangs kyis/____/thar 'dod snying la me 'obs ltar/____/'jigs su rung ba'i nyams 'gyur 'phel/____/'jig rten dang 'gal yang skyon med pa/__rab 'bar byin zas 'khyud pa yi/____/chu gter las byung pad+mo'i dbus/____/mtshan dpe'i mtshar sdug mngon snang gang /____/grub pa'i khyu mchog mtsho skyes rje/____/rig pa dang 'gal yang skyon med pa/__rnam bcas rnam pa med pa'i sku/____/brjod bral brjod pa kun ldan gsung /____/gcig dang du ma las 'das thugs/____/sras bcas rgyal ba rnams la 'dud/____/lung dang 'gal yang skyon med pa/____/blang dor 'khrul chos kun spangs pa'i/____/'dod chags chen po'i nye rgyu yis/____/rgyu 'bras gnyis su mi phyed pa'i/____/rdo rje 'dzin par gshegs kun bsngags/____/slar smras pa/__mtha' klas sgraX rgyan nor bu'i rgyud mang yid 'ong snyan 'gyur sgrogs mkhas pa/____/mdzes par bzung ba'i yi ge'i dga' mas gabaX tshiXg gsang gtam spro ba yis/____/'di na blo mig gzhon nu'i tshogs rnams khengs pa'i brtan pa 'phrog byed dang /____/skyon gyi skal ba ngan pas ring spangs rmad byung lang tshos mdzes zhes smreng /____/nyi gzhon thigs pa btung min zhing /____/dpyid kyi dpal mos ma bzung ba'i/____/dper brjod ut+pal gsar pa'i phreng /____/gzur gnas ngal 'tsho'i gsos gyur cig__/ces rgyan gyi bstan bcos me long gi gzhung dang mthun par dper brjod pa daN+DI'i rgyud mang las/__bya dka' ba la sogs pa'i rnam par bcad pa'i skabs te gsum pa'o//____//ngoX mtshar tshiXg rgyanaX bstan bcos A daR+sha'i/____/dperaX brjoXd mgrin pa'i chu gter 'phyur ba na/____/'jigs bral dpal ldan daN+DI'i rnam dpyod kyang /____/rab snyan rgyudaX mngaX zol gyis lhags pa bzhin/____/de slad 'phags bod mkhas pa'i legs bshad kyi/____/rjes su song gang bdag blos ma yin te/____/yongs 'dzin bla ma'i bka' drin las byung phyir/__rnam pa kun tu gus pa'i me tog 'thor/____/'on te nyes par smra ba'i 'dam rdzab kyis/____/gzhung don nor bu'i me long sgrib srid na/____/kho bo'i 'khrul pa'i dpyid ka las byung phyir/____/phyogs bral mkhas pa'i blo mtshos sbyang bar mdzod/____/mdor na gcig tu gzhan phyir sman 'dod pa'i/____/lhag bsam zla tshes gsar pa dang 'grogs pas/____/don mthun kun dga'i steng 'thung dkar po'i 'dzum/____/ci dgar dbye ba'i byed po kho nar sems/____/'on kyang deng dus ma bslabs kun mkhyen gyi/____/spun zlar 'jogs shing bslab na tshig rer yang /____/mgo bo gdugs ltar 'khor ba'i mkhas rlom mdun/____/'jam mgon dngos su byon kyang ci byar yod/____/de ltar smras pa'i dge tshogs dri med kha ba'i rdul brtsegs ku mud tshal/____/gnyis 'thung mche ba lta bur dkar ba'i bsod nams gang zhig thob pa des/____/'gro kun rmongs pa'i gdung ba kun bsal so sor rtogs pa'i ye shes kyis/____/gsung gi rdo rje'i rnam thar rgya mtshor g.yo ba med par 'jug gyur cig/_____//rgyan gyi bstan bcos me long gi gzhung dang mthun par dper brjod pa daN+DI'i rgyud mang zhes bya ba 'di yang /__rigs dang dkyil 'khor kun gyi khyab bdag drug pa rdo rje 'chang chen po dang dbyer ma mchis pa mkhan chen thams cad mkhyen pa byamaXs paX kunaX dgaX' bstanaX 'dziXn bkra shis grags pa'i rgyal mtshan dpal bzang po'i zhal snga nas kyis thugs bskyed rmad du byung bas lam 'dir bslab sbyang mgo 'dzin bgyid dgos pa'i bka' stsal gyi cod pan gtsug tu stsal ba la brten/__don gnyer can dag la 'bad pa chen pos 'chad pa'i g.yar khral blangs pa'i tshe/__mgon po gang gi zhabs rdul la spyi bos reg cing /__maX hAX paXN+DiXtaX ze chen pa'i bka' drin las tshig rgyan gyi ming rkyang tsam zhig thos pa'i rmongs rtul gyi na ba tshangs sras dgyes pa'i blo ldan nam/__gtsug lag smra ba'i nyi mar bod pa'i rgyal khams kyi dA ri dra pas yon tan rin po che du ma'i 'byung gnas dpal e waM chos ldan gyi bla brang thar pa rtser chu stod zla ba'i gral tshes dge bar sug bris su grub par bgyis pa sarba dA ka l+yA NaM b+ha ba tu//____//

shes rab nas zhu bcug thengs gsum byas/[ ]