JKCL-KABUM-08-NYA-012-020

🚧 This website is under continued development. We appreciate your patience!

Previous Text Back to Volume PageNext Text

ལྟ་བའི་ཡང་སྙིང་བཅུད་ཕྱུང༌།

Wylie title	lta ba'i yang snying bcud phyung
Location	chos kyi blo gros bka' 'bum Volume 8, sde tshan 12, Text 20, Pages 445-446 (Folios 16a3 to 16b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. lta ba'i yang snying bcud phyung. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 445-446. Bir, H.P.: Khyentse Labrang, 2012.
Genre	Vajra Songs - rdo rje'i glu
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/quintessence-of-view
Colophon	།ཅེས་པའང་ས་ཁྱི་ས་ཟླའི་ཚེས་ཉེར་ལྔ་ལ་རྡོ་རྗེ་གླིང་དུ་བྲིས་པའོ།།
	/ces pa'ang sa khyi sa zla'i tshes nyer lnga la rdo rje gling du bris pa'o//

1 Texts in this Section (sde tshan or chos tshan)

20 445-446	ལྟ་བའི་ཡང་སྙིང་བཅུད་ཕྱུང༌། lta ba'i yang snying bcud phyung Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

༈ ལྟ་བའི་ཡང་སྙིང་བཅུད་ཕྱུང་། འཁོར་འདས་དབྱེར་མེད་དོན་སྟོན་པའི། །རང་སེམས་བླ་མར་གུས་བཏུད་ནས། །བཤད་པའི་རྣམ་གྲངས་རྒྱ་ཆེ་ཡང་། །མན་ངག་སློབ་བཤད་སྙིང་པོའི་བཅུད། །གནད་དུ་དྲིལ་བ་འདི་ལྟ་སྟེ། །ད་ལྟ་དྲན་རིག་སྣ་ཚོགས་ཀྱི། །འཕྲོ་གཞིར་གྱུར་པའི་སེམས་འདི་ཉིད། །མ་བཅོས་ཇི་བཞིན་བཞག་པ་ན། །གསལ་སྟོང་ཟུང་འཇུག་དབྱེར་མི་ཕྱེད། །དྭངས་གསལ་རྟོག་བྲལ་བརྗོད་མེད་ལ། །མཚན་མཚོན་གདགས་གཞི་དང་བྲལ་བའི། །གཉུག་མའི་རིག་པ་འདི་ཡི་སྟེང་། །འཁོར་འདས་དབྱེར་མེད་ཚང་ཚུལ་ཤེས། །གདོད་ནས་རྣམ་པར་དག་པ་ཡི། །གསལ་གདངས་ཡེངས་མེད་འཛིན་བྲལ་བསྐྱངས། །དེ་ཉིད་དོན་དམ་ཉམས་ལེན་མཐིལ། །དེ་ཡིས་དབང་བཞིའི་ལམ་སྲོག་བཟུང་། །དེས་ནི་ཚེ་འདིར་འགྲུབ་པར་འགྱུར། །ཅེས་པའང་ས་ཁྱི་ས་ཟླའི་ཚེས་ཉེར་ལྔ་ལ་རྡོ་རྗེ་གླིང་དུ་བྲིས་པའོ།། །།

[edit]

!_lta ba'i yang snying bcud phyung /__'khor 'das dbyer med don ston pa'i/__/rang sems bla mar gus btud nas/__/bshad pa'i rnam grangs rgya che yang /__/man ngag slob bshad snying po'i bcud/__/gnad du dril ba 'di lta ste/__/da lta dran rig sna tshogs kyi/__/'phro gzhir gyur pa'i sems 'di nyid/__/ma bcos ji bzhin bzhag pa na/__/gsal stong zung 'jug dbyer mi phyed/__/dwangs gsal rtog bral brjod med la/__/mtshan mtshon gdags gzhi dang bral ba'i/__/gnyug ma'i rig pa 'di yi steng /__/'khor 'das dbyer med tshang tshul shes/__/gdod nas rnam par dag pa yi/__/gsal gdangs yengs med 'dzin bral bskyangs/__/de nyid don dam nyams len mthil/__/de yis dbang bzhi'i lam srog bzung /__/des ni tshe 'dir 'grub par 'gyur/__/ces pa'ang sa khyi sa zla'i tshes nyer lnga la rdo rje gling du bris pa'o//___//