JKCL-KABUM-12-NA-038-wylie

🚧 This website is under continued development. We appreciate your patience!

spyir sgos kyis lung bstan dgos phebs pa lkogs gyur sgrib med shes pa'i mngon gsal yod tshe zhu min tshad bral la/__phran so skye rnam shes sgrib rgyar 'thums pas ci zhu ma mchis par thugs khrel mi bzhes pa dang /__lha bla gzhan gyi lung bstan dgongs don ltar na dus kyi khug pa zhig las bstan mthar thug pa ni min nges pa 'dra bas mchog sku rin po che nyid kyi 'dul thabs rnam bzhis phrin las zab mos kha ba can gyi ljongs su bde skyid 'byung ba'i thugs bskyed g.yar dam mi lhod pa dang /__sku nyid sger la shwa mo brtags pas bsam lhun 'bum ther/__sgrol ma 'bum ther/__rnam rgyal bzung ring 'bum ther/__rnam 'jom 'bum ther/__rtsa gsum skongs tshogs 'bum phrag gsum/__rta mgrin dang /__phur par thugs dam gnad khel gyi nyid rang gi gsang lung gang yod thugs 'tshe ba med pa phyag bzhes mdzad na sku gegs zhi shing bstan 'gror phan bde'i dpal yon rgyas so/__bcings 'grol rgyal khab chen po'i dgongs snying /__bod ser skya kun mnyam mthun sgril 'phrul phyi rigs bzo bslab shes dar rgyas kyi bde skyid sgo 'phar gsar phyes 'di bzhin/__rtsa bar rang sde'i rgyal bstan dar rgyas kyi sngon spyod nang 'gal thams cad rgyab tu bor te thams cad bsam pa chig bsgril gyi chos spyod rnam bcu dang /__dge bcu'i phyag bzhes gong 'phel 'byung rgyu srid na snyams pa'i re ba de kho na rang gzhan lhag bsam ldan pa kun la che rung /__snyigs ma dbang btsan gyis de bzhin 'byung dkar gyur kyang stobs bcu'i dbang phyug rgyal ba sras bcas kyi thugs dam rgyud bskul gsol 'debs smon lam dang 'brel/__rang la dad mos 'brel ba'i dag khyab brtsi nyan yod pa can la ngag gdams yang zhu chog pa/__lha reg__/gu ru'i byin sku/__sangs rgyas kyi 'phel gdung ma bu gsum/__bdud rtsi sman sgrub shog bam/__sku tshe'i bcud len ril bu/__rten 'dus phab gta'/__rdor dril gsar legs bcas//___//