JKCL-KABUM-08-NYA-012-039

🚧 This website is under continued development. We appreciate your patience!

Previous Text Back to Volume PageNext Text

ཨ་ཧོ་ཡེ། གནས་མཆོག་བཀྲ་ཤིས་འཆི་མེད་གྲུབ་པ་ཡི་དགའ་ཚལ།

Wylie title	a ho ye/ gnas mchog bkra shis 'chi med grub pa yi dga' tshal
Location	chos kyi blo gros bka' 'bum Volume 8, sde tshan 12, Text 39, Pages 470-472 (Folios 28b6 to 29b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. a ho ye gnas mchog bkra shis 'chi med grub pa yi dga' tshal. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 470-472. Bir, H.P.: Khyentse Labrang, 2012.
Genre	Vajra Songs - rdo rje'i glu
Colophon	།ཅེས་པའང་ཤིང་འབྲུག་ཆོ་འཕྲུལ་ཟླ་བའི་དཀར་ཕྱོགས་ཀྱི་རྒྱལ་བ་དང་པོའི་ཚེས་ལ་སྔགས་འཆང་ཆོས་ཀྱི་རྒྱལ་པོ་ཡབ་སྲས་ལ་ཐུགས་དགྱེས་པའི་མཆོད་སྤྲིན་དུ་ཕུལ་བའོ།།
	/ces pa'ang shing 'brug cho 'phrul zla ba'i dkar phyogs kyi rgyal ba dang po'i tshes la sngags 'chang chos kyi rgyal po yab sras la thugs dgyes pa'i mchod sprin du phul ba'o//

1 Texts in this Section (sde tshan or chos tshan)

39 470-472	ཨ་ཧོ་ཡེ། གནས་མཆོག་བཀྲ་ཤིས་འཆི་མེད་གྲུབ་པ་ཡི་དགའ་ཚལ། a ho ye/ gnas mchog bkra shis 'chi med grub pa yi dga' tshal Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

༈ ཨ་ཧོ་ཡེ། གནས་མཆོག་བཀྲ་ཤིས་འཆི་མེད་གྲུབ་པ་ཡི་དགའ་ཚལ། རྩ་གསུམ་རབ་འབྱམས་མངོན་གསུམ་བཞུགས་པ་ཡི་ཕོ་བྲང་། །བྱིན་རླབས་གཟི་བརྗིད་འབར་བའི་གཞལ་མེད་ཁང་ཆེན་པོར། །དཔལ་ལྡན་ས་སྐྱའི་འཁོན་རིགས་འཇམ་དཔལ་ནི་གཞོན་ནུ། །གོས་དཀར་ལྕང་ལོའི་སྐུར་འཆང་ཀུན་དགའ་ནི་བསོད་ནམས། །སྲས་ཡུམ་དགྱེས་པའི་ཞལ་རས་ཟླ་རྒྱས་ལྟར་གསལ་བ། །མངོན་སུམ་མཇལ་བའི་དགའ་སྟོན་དར་ལ་ནི་བབ་ཅིང་། གསུང་གསང་ཀ་ལ་པིངྐའི་སྒྲ་དབྱངས་ལྟར་སྙན་པ། །ལྷུག་པས་གྲོལ་བའི་སྐལ་བཟང་མཐོ་རིས་ཀྱི་གྲོང་ཁྱེར། །ས་འདིར་མངོན་སུམ་འཕོས་པའི་དགེ་མཚན་འདི་ཨ་ཧོ། །བདག་ཅག་རིག་འཛིན་མཆེད་ལྕམ་རྩེ་འཇོ་ཡི་རོལ་ཞིང་། །ཅིར་སྣང་ཐམས་ཅད་བདེ་ཆེན་ཡེ་ཤེས་ཀྱི་རོལ་མོར། །འཆར་བ་འདི་འདྲའི་དགའ་བདེ་མཚོན་དཔེ་ལས་འདས་ཤིང་། །ཉམས་སུ་མྱོང་བའི་ངོ་མཚར་བཀྲ་ཤིས་འདི་ཨ་ཧོ། །སླད་ནས་སྒྲིབ་མེད་སྟོན་འཁོར་ལྷན་གཅིག་ཏུ་འཚོགས་ནས། །ལུགས་བརྒྱའི་དཔལ་ཡོན་ཕུན་ཚོགས་འབད་མེད་དུ་འབྱོར་ཏེ། །སྲིད་ཞིའི་མཐའ་ལས་འདས་པའི་བྱང་ཆུབ་ཀྱི་གོ་འཕང་། །ཆོས་ཀྱི་འཁོར་ལོས་བསྒྱུར་བའི་དགེ་ལེགས་ཀྱི་པད་ཚལ། །ནུབ་མེད་མྱུར་དུ་འཆར་བའི་བཀྲ་ཤིས་ཤིག་ཞུའོ། །ཅེས་པའང་ཤིང་འབྲུག་ཆོ་འཕྲུལ་ཟླ་བའི་དཀར་ཕྱོགས་ཀྱི་རྒྱལ་བ་དང་པོའི་ཚེས་ལ་སྔགས་འཆང་ཆོས་ཀྱི་རྒྱལ་པོ་ཡབ་སྲས་ལ་ཐུགས་དགྱེས་པའི་མཆོད་སྤྲིན་དུ་ཕུལ་བའོ།། །།

[edit]

!_a ho ye/__gnas mchog bkra shis 'chi med grub pa yi dga' tshal/__rtsa gsum rab 'byams mngon gsum bzhugs pa yi pho brang /__/byin rlabs gzi brjid 'bar ba'i gzhal med khang chen por/__/dpal ldan sa skya'i 'khon rigs 'jam dpal ni gzhon nu/__/gos dkar lcang lo'i skur 'chang kun dga' ni bsod nams/__/sras yum dgyes pa'i zhal ras zla rgyas ltar gsal ba/__/mngon sum mjal ba'i dga' ston dar la ni bab cing /__gsung gsang ka la ping+ka'i sgra dbyangs ltar snyan pa/__/lhug pas grol ba'i skal bzang mtho ris kyi grong khyer/__/sa 'dir mngon sum 'phos pa'i dge mtshan 'di a ho/__/bdag cag rig 'dzin mched lcam rtse 'jo yi rol zhing /__/cir snang thams cad bde chen ye shes kyi rol mor/__/'char ba 'di 'dra'i dga' bde mtshon dpe las 'das shing /__/nyams su myong ba'i ngo mtshar bkra shis 'di a ho/__/slad nas sgrib med ston 'khor lhan gcig tu 'tshogs nas/__/lugs brgya'i dpal yon phun tshogs 'bad med du 'byor te/__/srid zhi'i mtha' las 'das pa'i byang chub kyi go 'phang /__/chos kyi 'khor los bsgyur ba'i dge legs kyi pad tshal/__/nub med myur du 'char ba'i bkra shis shig zhu'o/__/ces pa'ang shing 'brug cho 'phrul zla ba'i dkar phyogs kyi rgyal ba dang po'i tshes la sngags 'chang chos kyi rgyal po yab sras la thugs dgyes pa'i mchod sprin du phul ba'o//___//