JKW-KABUM-02-KHA-002-004

🚧 This website is under continued development. We appreciate your patience!

Previous Text Back to Volume PageNext Text

འཇམ་དབྱངས་མཁྱེན་བརྩེའི་དབང་པོའི་རྣམ་ཐར་གསོལ་འདེབས་དད་པའི་ས་བོན།

Wylie title	'jam dbyangs mkhyen brtse'i dbang po'i rnam thar gsol 'debs dad pa'i sa bon
Location	mkhyen brtse'i bka' 'bum Volume 2, sde tshan 2, Text 4, Pages 292-294 (Folios 5b1 to 6b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. jam dbyangs mkhyen brtse'i dbang po'i rnam thar gsol 'debs dad pa'i sa bon. In jam dbyangs mkhyen brtse'i dbang po'i bka' 'bum, Vol. 2: 292-294. Khams sde dge rdzong sar dgon: Rdzong sar blo gros phun tshogs, 2020.
Genre	Biographies - Hagiography - rnam thar; Supplications - gsol 'debs
Deity	'jam dbyangs mkhyen brtse'i dbang po
Colophon	།ཞེས་པའང་ཁྱབ་བདག་རྡོ་རྗེ་བཙུན་མོས་རྗེས་སུ་བཟུང་པའི་རྣལ་འབྱོར་པ་མ་ཏི་ཤྲཱི་མཱཾ་དང་ས་མནྟ་དྷརྨ་ཤྭ་ར་ཟུང་གིས་ལྷ་རྫས་ཀྱི་མེ་ཏོག་དང་བཅས་ཆེད་དུ་བསྐུལ་བ་བཞིན་གང་ཤར་ཉམས་དགར་རྩེ་འཇོའི་ཚུལ་དུ་འཇམ་དབྱངས་མཁྱེན་བརྩེའི་དབང་པོས་རང་གི་དབེན་གནས་བྱང་ཆུབ་ཆོས་གླིང་དུ་བྲིས་པ་སྟེ། གཞན་དུ་འདིར་བཀོད་པའི་ཡོན་ཏན་ཕལ་ཆེར་ནི་སྒྲོ་བཏགས་ཁོ་ན་ལས་རང་རྒྱུད་ལ་ཡོད་རེ་ཀན་ནོ།།
	zhes pa'ang khyab bdag rdo rje btsun mos rjes su bzung pa'i rnal 'byor pa ma ti shrI mAM dang sa man+ta d+harma shwa ra zung gis lha rdzas kyi me tog dang bcas ched du bskul ba bzhin gang shar nyams dgar rtse 'jo'i tshul du 'jam dbyangs mkhyen brtse'i dbang pos rang gi dben gnas byang chub chos gling du bris pa ste/_gzhan du 'dir bkod pa'i yon tan phal cher ni sgro btags kho na las rang rgyud la yod re kan no

1 Texts in this Section (sde tshan or chos tshan)

4 292-294	འཇམ་དབྱངས་མཁྱེན་བརྩེའི་དབང་པོའི་རྣམ་ཐར་གསོལ་འདེབས་དད་པའི་ས་བོན། 'jam dbyangs mkhyen brtse'i dbang po'i rnam thar gsol 'debs dad pa'i sa bon Biographies - Hagiography - rnam thar   ·   Supplications - gsol 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་དབྱངས་མཁྱེན་བརྩེའི་དབང་པོའི་རྣམ་ཐར་གསོལ་འདེབས་དད་པའི་ས་བོན་ཅེས་བྱ་བ་བཞུགས་སོ། །ན་མོ་གུ་རུ་བྷྱཿ འཇ༷མ་དབྱང༷ས་མཁྱེན༷་པའི་ཉི་མ་འཇིག་རྟེན་ན། །བརྩེ༷་ཆེན་སྙིང་རྗེའི་གཟུགས་སུ་ཡོངས་ཤར་བ། །དཔལ་ལྡན་མཁས་བཙུན་གྲུབ་པའི་དབ༷ང་པོ༷་མཆོག །སྙིང་ནས་གསོལ་བ་འདེབས་སོ་བྱིན་གྱིས་རློབས། །བསོད་ནམས་ཡེ་ཤེས་ཆུ་གཏེར་ལས་བྱུང་བའི། །རྒྱལ་བའི་སྲས་ཀྱི་ཟླ་བ་གཞོན་ནུ་ནི། །གང་དུ་འཆར་བས་བསྟན་དང་འགྲོ་བ་ལ། །ཕན་བདེའི་བདུད་རྩི་སྦྱིན་དེར་གསོལ་བ་འདེབས། །དམ་པའི་རིགས་ཀྱི་ས་བོན་ལས་འཁྲུངས་པའི། །མཚན་དཔེའི་དཔག་བསམ་ཐོག་མར་གསལ་བ་ནས། །ཡོན་ཏན་མེ་ཏོག་འཛུམ་པས་དགེ་བྱས་པའི། །ངོ་མཚར་མཚུངས་པ་མེད་དེར་གསོལ༴ གཞན་ལ་ཕན་པར་འདོད་པའི་ལྷག་བསམ་དང་། །རིག་ཚུལ་དུ་མར་འཇུག་པའི་བློ་གྲོས་སོགས། །བསྔགས་འོས་ཡོན་ཏན་ལྷན་སྐྱེས་ཉིད་གྱུར་པས། །དཔྱོད་ལྡན་དགྱེས་པ་བསྐྱེད་ལ༴ སྒྲ་སྙན་སྡེབ་སྦྱོར་གསོ་བ་རིག་པས་མཚོན། །གཙུག་ལག་དུ་མར་གཟིགས་པའི་སྤྱན་ཡངས་ཤིང་། །མདོ་དང་སྔགས་ཀྱི་ངེས་གསང་ཟབ་མོ་ལ། །འཇུག་པའི་བག་ཆགས་དགེ་དེར་གསོལ༴ ཁྱད་པར་མཁས་བཙུན་དངོས་གྲུབ་བརྙེས་པ་ཡི། །ཡོངས་སུ་འཛིན་པ་གྲངས་མེད་ཞབས་བསྟེན་ནས། །མང་དུ་ཐོས་དང་བསམ་པ་སྦྱོར་བ་ཡི། །རང་གཞན་གཞུང་ལུགས་མཐོང་ལ་གསོལ༴ བཤད་དང་སྒྲུབ་པའི་ལུགས་བཟང་འཛིན་པ་ཡི། །རིས་མེད་བསྟན་ལ་དག་པའི་སྣང་བ་དང་། །སོ་སོའི་བཞེད་སྲོལ་མ་འདྲེས་འཛིན་བཟོད་པས། །སྨྲ་བའི་ཉི་མར་གྱུར་དེར༴ རྒྱུད་སྡེ་བཞི་ཡི་ཡི་དམ་དུ་མ་ཡི། །བསྙེན་ཅིང་སྒྲུབ་པའི་དམ་བཅའ་བརྟན་པ་དང་། །འཆད་དང་རྩོམ་པའི་སྤོབས་པ་མ་སྨད་པས། །རང་གཞན་དོན་གཉིས་སྒྲུབ་ལ༴ རྟག་ཏུ་ནམ་འཆི་ཆ་མེད་དྲན་ཤེས་དང་། །སྙིང་ནས་གཞན་ཕན་བསམ་པ་བཟང་པོ་དང་། །བླ་མ་དཀོན་མཆོག་བཀའ་དྲིན་ཁོ་ན་ལས། །གཞན་ལ་རེ་བ་མེད་དེར༴ གང་དུ་གནས་ཀྱང་ངོ་སྲུང་འཁོན་འཛིན་སྤངས། །སུ་དང་འགྲོགས་ཀྱང་ཆགས་སྡང་རྟོག་པ་བྲལ། །ཕྱོགས་ལྷུང་མེད་པ་གཟུ་བོའི་བློ་གྲོས་ཀྱིས། །རང་གཞན་ཕན་བདེར་སྦྱོར་ལ༴ བརྗོད་བྲལ་གནས་ལུགས་རྟོགས་པའི་ལྟ་བ་དང་། །མདོ་དང་སྔགས་ཀྱི་འདུལ་བའི་སྤྱོད་པ་དག །ཟུང་འབྲེལ་བྱང་ཆུབ་ལམ་གྱི་ཉེ་རྒྱུ་རུ། །ངེས་པ་བརྟན་པོ་རྙེད་དེར༴ ད་དུང་ཇི་སྲིད་འཚོ་ཞིང་གཞེས་པའི་བར། །དབེན་པའི་གནས་སུ་རང་སེམས་འདུལ་བ་དང་། །བསྟན་འགྲོར་ཕན་ངེས་བྱ་བ་མ་གཏོགས་པའི། །འདུ་འཛིའི་སྤྲོས་པ་བཅད་དེར་གསོལ་བ་འདེབས། །མདོར་ན་ཡོན་ཏན་ངོས་ནས་རྒྱལ་ཀུན་དང་། །དབྱེར་མེད་བཀའ་དྲིན་སྒོ་ནས་ཆེས་ལྷག་པའི། །དམ་པའི་རྣམ་ཐར་ཡིད་ལ་དྲན་བཞིན་དུ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །དལ་འབྱོར་རྙེད་དཀའ་ནམ་འཆི་ཆ་མེད་དྲན། །ལས་འབྲས་བསླུ་མེད་འཁོར་བར་ངེས་འབྱུང་འཆར། །བྱང་ཆུབ་སེམས་འབྱོངས་བདེན་འཛིན་མདུད་པ་ཞིག །ཆོས་བརྒྱད་རྫུན་ཕུག་རྡིབ་པར་བྱིན་གྱིས་རློབས། །སྣང་གྲགས་རིགས་གསུམ་བླ་མའི་གསང་གསུམ་དང་། །དབྱེར་མེད་མོས་གུས་ཁོ་ནའི་བདུད་རྩི་ཡིས། །ཉམས་རྟོགས་པད་དཀར་མཆོག་ཏུ་རྒྱས་པ་དང་། །ཟུང་འཇུག་འབྲས་བུ་ཐོབ་པར་བྱིན་གྱིས་རློབས། །ཞེས་པའང་ཁྱབ་བདག་རྡོ་རྗེ་བཙུན་མོས་རྗེས་སུ་བཟུང་པའི་རྣལ་འབྱོར་པ་མ་ཏི་ཤྲཱི་མཱཾ་དང་ས་མནྟ་དྷརྨ་ཤྭ་ར་ཟུང་གིས་ལྷ་རྫས་ཀྱི་མེ་ཏོག་དང་བཅས་ཆེད་དུ་བསྐུལ་བ་བཞིན་གང་ཤར་ཉམས་དགར་རྩེ་འཇོའི་ཚུལ་དུ་འཇམ་དབྱངས་མཁྱེན་བརྩེའི་དབང་པོས་རང་གི་དབེན་གནས་བྱང་ཆུབ་ཆོས་གླིང་དུ་བྲིས་པ་སྟེ། གཞན་དུ་འདིར་བཀོད་པའི་ཡོན་ཏན་ཕལ་ཆེར་ནི་སྒྲོ་བཏགས་ཁོ་ན་ལས་རང་རྒྱུད་ལ་ཡོད་རེ་ཀན་ནོ།། །། ༈

[edit]

rnam thar gsol 'debs dad pa'i sa bon/__ 'jam dbyangs mkhyen brtse'i dbang po'i rnam thar gsol 'debs dad pa'i sa bon ces bya ba bzhugs so/_/na mo gu ru b+h+yaH__'jaXm dbyangaXs mkhyenaX pa'i nyi ma 'jig rten na/_/brtseX chen snying rje'i gzugs su yongs shar ba/_/dpal ldan mkhas btsun grub pa'i dbaXng poX mchog__/snying nas gsol ba 'debs so byin gyis rlobs/_/bsod nams ye shes chu gter las byung ba'i/_/rgyal ba'i sras kyi zla ba gzhon nu ni/_/gang du 'char bas bstan dang 'gro ba la/_/phan bde'i bdud rtsi sbyin der gsol ba 'debs/_/dam pa'i rigs kyi sa bon las 'khrungs pa'i/_/mtshan dpe'i dpag bsam thog mar gsal ba nas/_/yon tan me tog 'dzum pas dge byas pa'i/_/ngo mtshar mtshungs pa med der gsol=__gzhan la phan par 'dod pa'i lhag bsam dang /_/rig tshul du mar 'jug pa'i blo gros sogs/_/bsngags 'os yon tan lhan skyes nyid gyur pas/_/dpyod ldan dgyes pa bskyed la=__sgra snyan sdeb sbyor gso ba rig pas mtshon/_/gtsug lag du mar gzigs pa'i spyan yangs shing /_/mdo dang sngags kyi nges gsang zab mo la/_/'jug pa'i bag chags dge der gsol=__khyad par mkhas btsun dngos grub brnyes pa yi/_/yongs su 'dzin pa grangs med zhabs bsten nas/_/mang du thos dang bsam pa sbyor ba yi/_/rang gzhan gzhung lugs mthong la gsol=__bshad dang sgrub pa'i lugs bzang 'dzin pa yi/_/ris med bstan la dag pa'i snang ba dang /_/so so'i bzhed srol ma 'dres 'dzin bzod pas/_/smra ba'i nyi mar gyur der=__rgyud sde bzhi yi yi dam du ma yi/_/bsnyen cing sgrub pa'i dam bca' brtan pa dang /_/'chad dang rtsom pa'i spobs pa ma smad pas/_/rang gzhan don gnyis sgrub la=__rtag tu nam 'chi cha med dran shes dang /_/snying nas gzhan phan bsam pa bzang po dang /_/bla ma dkon mchog bka' drin kho na las/_/gzhan la re ba med der=__gang du gnas kyang ngo srung 'khon 'dzin spangs/__/su dang 'grogs kyang chags sdang rtog pa bral/_/phyogs lhung med pa gzu bo'i blo gros kyis/_/rang gzhan phan bder sbyor la=__brjod bral gnas lugs rtogs pa'i lta ba dang /_/mdo dang sngags kyi 'dul ba'i spyod pa dag__/zung 'brel byang chub lam gyi nye rgyu ru/_/nges pa brtan po rnyed der=__da dung ji srid 'tsho zhing gzhes pa'i bar/_/dben pa'i gnas su rang sems 'dul ba dang /_/bstan 'gror phan nges bya ba ma gtogs pa'i/_/'du 'dzi'i spros pa bcad der gsol ba 'debs/_/mdor na yon tan ngos nas rgyal kun dang /_/dbyer med bka' drin sgo nas ches lhag pa'i/_/dam pa'i rnam thar yid la dran bzhin du/_/snying nas gsol ba 'debs so byin gyis rlobs/_/dal 'byor rnyed dka' nam 'chi cha med dran/_/las 'bras bslu med 'khor bar nges 'byung 'char/_/byang chub sems 'byongs bden 'dzin mdud pa zhig__/chos brgyad rdzun phug rdib par byin gyis rlobs/_/snang grags rigs gsum bla ma'i gsang gsum dang /_/dbyer med mos gus kho na'i bdud rtsi yis/_/nyams rtogs pad dkar mchog tu rgyas pa dang /_/zung 'jug 'bras bu thob par byin gyis rlobs/_/zhes pa'ang khyab bdag rdo rje btsun mos rjes su bzung pa'i rnal 'byor pa ma ti shrI mAM dang sa man+ta d+harma shwa ra zung gis lha rdzas kyi me tog dang bcas ched du bskul ba bzhin gang shar nyams dgar rtse 'jo'i tshul du 'jam dbyangs mkhyen brtse'i dbang pos rang gi dben gnas byang chub chos gling du bris pa ste/_gzhan du 'dir bkod pa'i yon tan phal cher ni sgro btags kho na las rang rgyud la yod re kan no//___//_!