JKW-KABUM-21-ZHA-002-062

🚧 This website is under continued development. We appreciate your patience!

Previous Text Back to Volume PageNext Text

ཤ་ལྔ་རྩ་བ་བརྒྱད་ཡན་ལག་སྟོང་སོགས་སྤེལ་རྫས།

Wylie title	sha lnga rtsa ba brgyad yan lag stong sogs spel rdzas
Location	mkhyen brtse'i bka' 'bum Volume 21, sde tshan 2, Text 62, Pages 299-302 (Folios 91a1 to 92b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sha lnga rtsa ba brgyad yan lag stong sogs spel rdzas. In 'jam dbyangs mkhyen brtse'i dbang po'i bka' 'bum, Vol. 21: 299-302. Khams sde dge rdzong sar dgon: Rdzong sar blo gros phun tshogs, 2020.
Genre	Ritual Substances - rdzas

1 Texts in this Section (sde tshan or chos tshan)

62 299-302	ཤ་ལྔ་རྩ་བ་བརྒྱད་ཡན་ལག་སྟོང་སོགས་སྤེལ་རྫས། sha lnga rtsa ba brgyad yan lag stong sogs spel rdzas Ritual Substances - rdzas	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཤ་ལྔ་གཏའ་སྤེལ་བྱ་ཚུལ་ཐོ་དགེ །མི་ཤ་ནི། སྐྱེ་བ་བདུན་པའམ་སྐྱེས་དར་མ་མཚོན་གྱིས་ཤི་བའི་ཤ་སྣ། བཟང་དྲུག །ཨ་རུ་ར། ར་མྱེ། ཤིང་ཀུན་དང་གླ་རྩི་དྲི་ཐོན་ཙམ། ཙནྡན་དཀར་པོ། ཅོང་ཞི། ༡༽ བ་གླང་དམར་པོ་བསད་པའི་ཤ་སྣ། ཛཱ་ཏི། ལྕ་བ། བ་རུ་ར་ཙན་དམར། གོ་སྙོད། ༢༽ ཁྱི་དཀར་པོ་ནག་ཐིག་མེད་པའམ་དོམ་ནག་སྙིང་དཀར་གྱི་ཤ་སྣ། སུག་སྨེལ། གཟེ་མ། སྐྱུ་རུ་ར། ཏོང་ཀུན་དཀར་པོ། བྲག་ཞུན། ཅུ་གང་། ༣༽ རྟ་དམར་པོ་གསར་བ་གྲིར་ཤི་བའི་ཤ་སྣ། ཀ་ཀོ་ལ། བ་སྤྲུ། མིང་ཅན། ཤིང་ཀུན་དྲི་ཙམ། ཡུང་བ། ༤༽ གླང་པོ་ཆེའི་ཤ །ཛཱ་ཏི། ཉེ་ཤིང་། གི་ཝཾ་རིགས་ལྔ། ཀླུ་བདུད་དཀར་ནག་དང་གླང་སྣ། ལི་ཤི །ཁ་ཆེ་དྲི་བཟང་བཅས་སོ། ༥༽།ཐམས་ཅད་ལ་དབང་པོ་ལག་པའི་དམ་རྩི་སྦྱར་ནས་གར་ཆང་གིས་སྦོལ། འདི་རྣམས་གསར་རྙིང་ཡོངས་གྲགས་ཡིན། གཞན་དུ་ཁྱིའི་མལ་དུ་སེང་གེའི་ཤ །གླང་པོ་ཆེའི་མལ་དུ་མཁའ་ལྡིང་ངམ་ཁྱུང་དང་། ཡང་རྨ་བྱ་བཤད་པ་སོགས་སྣང་བ། སེང་གེའི་ཤའི་ཚབ་ཏུ་མིའམ་ཁྱི་ཤ་དང་། ཁྱུང་ཤའི་ཚབ་འོལ་བས་བྱེད་པར་སྣང་། ། ༈

བདུད་རྩི་ཆོས་སྨན་ལ། །སྙིང་པོ་ཤ་ལྔ་བདུད་རྩི་ལྔ། །སྐྱོབས་དང་འཕྲོད་དུ་རྩ་བ་བརྒྱད། །ཡན་ལག་སྟོང་སྙེད་ཅི་རིགས་སྦྱར། །ཞེས་གསུངས་པའི་ཤ་ལྔ་བདུད་རྩི་ལྔ་ནི་སྒྲུབ་པ་པོ་རྣམ་སྨིན་རིག་འཛིན་གྱི་ས་ལ་གནས་པ་ཡན་ཆད་ཀྱི་དབང་དུ་བྱས་ན་དག་མ་དག་གི་རྩིས་གདབ་མེད་ཀྱང་། ཐུན་མོང་དུ་ཡུལ་དག་པའི་ཤ་སོགས་ལ་བརྟེན་པ་གཅེས་པས་གཏེར་བྱོན་དང་ཕབས་གཏའ་ཙམ་ལ་ཆ་བཞག །དེ་ལ་བརྡའི་སྨན་ནམ་སྐྱོབས་སུ། བཀའ་བརྒྱད་གསང་རྫོགས་ཀྱི་རྒྱུད་ལས་བཟང་པོ་དྲུག་ཁོ་ནར་བཤད། གཞན་དུ་ཤ་ལྔ་ལ། ར་མྱེ། གླང་། མོན་དམར། རྟ། མཁྲོ་མ། གྲོ་མ་ཡིན་ནམ་དཔྱད་མཆན། རྨ་བྱ། རུ་རྟ། མཁའ་ལྡིང་། རེ་རལ། སེང་ཤ །བདུད་རྩི་ལྔ་ལ། སྤང་སྤོས། དྲི་ཆེན། གསེར་ཤ་གོ་སྙོད་ཀྱང་བཤད། ཤ་ཆེན། །བྲག་ཞུན། རཀྟ། པྲི་ཡངྐུ་ དྲི་ཆུ། ཅོང་བྱང་སེམས། ཞིའམ། བྲག་ཞུན་དང་ཅོང་ཞིའི་མལ་དུ་སིནྡྷཱུར། ཅུ་གང་ཡང་བཤད། རྩ་བ་བརྒྱད་ལ་བཤད་ཚུལ་མང་། གསང་སྨན་གྱི་རྩ་བ་བརྒྱད་ཅེས་རྩ་བ་ཨ་གར་ནག་པོ། སྡོང་པོ་ཙནྡན་དཀར་པོ། ཡལ་ག་བ་ལེ་ཀ །ལོ་མ་རྒྱ་ཤུག །མེ་ཏོག་གུར་གུམ། འབྲས་བུ་ཨ་རུ་ར། ཤུན་པ་ཤིང་ཚྭ། ཚི་བ་ག་བུར་ཏེ་བརྒྱད་དོ། །ཡན་ལག་སྟོང་ལ། རྡོ་རྗེ་ཕ་ལམ་དང་གསེར་དང་དངུལ་ཆུ་སོགས་རིན་པོ་ཆེའི་རིགས་བརྒྱ༡༠༠། གསེར་དངུལ་ཟངས་ལྕགས་ཀྱི་རྡོ་དང་ཅོང་ཞི་བྲག་ཞུན་རིགས་ལྔ་སོགས་རྡོའི་སྨན་བརྒྱ༢༠༠། མུ་ཏིག་གསེར་གྱི་བྱེ་མ་སོགས་པའི་སྨན་བརྒྱ༣༠༠། གླ་རྩི་དང་ག་བུར་ཤིང་ཀུན་སོགས་རྩི་སྨན་རིགས་བརྒྱ༤༠༠། ཙནྡན་སོགས་ཤིང་གི་སྨན་རྩ་ལོ་མ་འབྲས་སྡོང་པོ་ཡལ་ག་ཤུན་པ་དང་ཆུ་བ་སོགས་བརྒྱ༥༠༠། བ་ཤ་ཀ་དང་། ཏིགྟ་རིགས་སུམ་བཅུར་གྲགས་པ་སོགས་ཤིང་མ་ལྡུམ་ཐང་སྨན་རྩ་ལོ་མ་འབྲས་བརྒྱ༦༠༠། བོང་ང་དཀར་སེར་དམར་གསུམ་སོགས་སྔོ་སྨན་རྩ་ལོ་མེ་འབྲས་ཡོངས་རྫོགས་བརྒྱ༧༠༠། འབྲས་དང་གྲོ་སྲན་ཏིལ་སོགས་འབྲུ་རིགས་བརྒྱ༨ ༠༠། རྒྱམ་ཚྭ་དང་ལྕེ་མྱང་ཚྭ་སོགས་ལན་ཚྭའི་རིགས་བརྒྱ༩༠༠། དབང་པོ་རིལ་བུ་དང་བསེ་རུ་རིགས་གསུམ་སོགས་སྲོག་ཆགས་ལས་བྱུང་བའི་སྨན་གྱི་རིགས་བརྒྱ༡༠༠༠། ཞར་བྱུང་སྨན་ཆུ་དང་ཆུ་ཚྭ་ཆང་སྣ་འོ་མ་སོགས་བརླན་གཤེར་གྱི་རིགས་རྣམས་ཏེ། དེའང་རྩི་སྨན་སོགས་ལ་ཧ་ཅང་མང་བ་རྙེད་དཀའང་ནང་གསེས་ཀྱི་དབྱེ་བ་ཅི་རིགས་པ་དང་། ཐང་དང་སྔོ་སྨན་སོགས་ཕོ་མོ་མ་ནིང་གི་དབྱེ་བས་བརྒྱ་རྩ་ལས་ཀྱང་ལྷག་རྙེད་པར་སྣང་། ཤིང་ཏོག་དང་། སྤོད་དང་། སྤོས་ཀྱི་རིགས་ཀྱང་ཇི་ཙམ་རྙེད་པ་སྟེ། མདོར་ན་སྟོང་ཕྲག་ཀྱང་མང་ཚིག་ཙམ་ལས་རེ་རེ་ནས་བགྲང་བའི་ངེས་པ་མི་སྣང་། གང་ལྟར་ཡང་ཁ་དོག་དང་། དྲི་དང་། རོ་དང་། ནུས་པའི་སྤྱང་ཀིར་གྱུར་པ་སྤངས། ལན་ཚྭ་སོགས་ཀྱང་ཅུང་ཟད་ལས་མང་ན་མི་ལེགས་པ་སོགས་ཞིབ་མོར་དཔྱད་དེ་སྦྱར་བར་བྱའོ། ། ༈

སྨན་རྩ་བ་བརྒྱད་དམ་ཕྱི་ཡི་རྩ་བརྒྱད་ཙནྡན་སྦྲུལ་གྱི་སྙིང་པོ་ལ་ཚང་སྟེ། རྩ་བ་མཱུ་ལ་བྷ་དྲ། སྡོང་པོ་ཙནྡན་སྨུག་པོ། ཤུན་པ་ཤིང་ཚྭ། ལོ་མ་གནྡྷ་པ་ཊ་སྟེ་རྒྱ་ཤུག་ལོ། ཡུ་བ་ལི་ཤི། མེ་ཏོག །གུར་གུམ། འབྲས་བུ་ཛཱ་ཏི། ཐང་ཆུ་ག་བུར་ཞེས་བཤད། ། ༈ བོང་དམར་འབྲི་མོག་མོན་བུ་དམར། གྲོ་མ་ཉུང་དམར་རྩ་བ་སེམས་དབང་བྱེད། ལྔ། །ཙནྡན་སེང་ལྡེང་མཛོ་མོ་ཤིང་། །འོ་སེ་རྩོད་བཅས་སྣང་བ་དབང་བྱེད། སྡོང་བུ་ལྔ། །ཧ་ལོ་ཨུག་ཆོས་གླང་སྣ་དང་། །ལུག་རུ་ཨུཏྤལ་སྐྱེས་པ། མེ་ཏོག་ལྔ། །སྐྱུ་རུ་སེ་འབྲུ་འོལ་མོ་སེ། །རམ་བུ་སེ་ལྟར་བུ་དང་རྒུན་འབྲུམ། རྒོད་འབྲས་བུ་བུད་མེད། ལྔ། །གུར་གུམ་རྒྱ་སྐྱེགས་སིནྡྷཱུ་ར་ལི་ཁྲི། །སྦྲང་རྩི་བྲག་ཞུན་རྩི་བན་བཙུན། ལྔའོ། །ར་ག་བྱེ་རུ་ཟངས་དང་མཆོང་། །རང་བྱུང་ཤེལ་དམར་རིན་ཆེན་ལྔ། ཡེ་ཤེས། །མཚལ་ཙག་མདུང་རྩེ་ཅོང་ཞི་དམར། །ལྡོང་རོས་བཅས་ཏེ་རྡོ་ལྔའོ། །ཞེས་སོ། ། ༈

[edit]

sha lnga rtsa ba brgyad yan lag stong sogs spel rdzas/ sha lnga gta' spel bya tshul tho dge__/mi sha ni/__skye ba bdun pa'am skyes dar ma mtshon gyis shi ba'i sha sna/__bzang drug__/a ru ra/__ra mye/__shing kun dang gla rtsi dri thon tsam/__tsan+dan dkar po/__cong zhi/__1)_ba glang dmar po bsad pa'i sha sna/__dzA ti/__lca ba/__ba ru ra tsan dmar/__go snyod/__2)_khyi dkar po nag thig med pa'am dom nag snying dkar gyi sha sna/__sug smel/__gze ma/__skyu ru ra/__tong kun dkar po/__brag zhun/__cu gang /__3)_rta dmar po gsar ba grir shi ba'i sha sna/__ka ko la/__ba spru/__ming can/__shing kun dri tsam/__yung ba/__4)_glang po che'i sha__/dzA ti/__nye shing /__gi waM rigs lnga/__klu bdud dkar nag dang glang sna/__li shi__/kha che dri bzang bcas so/__5)/thams cad la dbang po lag pa'i dam rtsi sbyar nas gar chang gis sbol/__'di rnams gsar rnying yongs grags yin/__gzhan du khyi'i mal du seng ge'i sha__/glang po che'i mal du mkha' lding ngam khyung dang /__yang rma bya bshad pa sogs snang ba/__seng ge'i sha'i tshab tu mi'am khyi sha dang /__khyung sha'i tshab 'ol bas byed par snang /___/___!_ bdud rtsi chos sman la/__/snying po sha lnga bdud rtsi lnga/__/skyobs dang 'phrod du rtsa ba brgyad/__/yan lag stong snyed ci rigs sbyar/__/zhes gsungs pa'i sha lnga bdud rtsi lnga ni sgrub pa po rnam smin rig 'dzin gyi sa la gnas pa yan chad kyi dbang du byas na dag ma dag gi rtsis gdab med kyang /__thun mong du yul dag pa'i sha sogs la brten pa gces pas gter byon dang phabs gta' tsam la cha bzhag__/de la brda'i sman nam skyobs su/__bka' brgyad gsang rdzogs kyi rgyud las bzang po drug kho nar bshad/__gzhan du sha lnga la/__ra mye/__glang /___mon dmar/__rta/___mkhro ma/_gro ma yin nam dpyad mchan/_rma bya/_ru rta/__mkha' lding /__re ral/__seng sha__/bdud rtsi lnga la/__spang spos/__dri chen/__gser sha go snyod kyang bshad/__sha chen/__/brag zhun/__rak+ta/__pri yang+ku _dri chu/__cong byang sems/__zhi'am/__brag zhun dang cong zhi'i mal du sin+d+hUr/__cu gang yang bshad/__rtsa ba brgyad la bshad tshul mang /__gsang sman gyi rtsa ba brgyad ces rtsa ba a gar nag po/__sdong po tsan+dan dkar po/__yal ga ba le ka__/lo ma rgya shug__/me tog gur gum/__'bras bu a ru ra/__shun pa shing tshwa/__tshi ba ga bur te brgyad do/__/yan lag stong la/__rdo rje pha lam dang gser dang dngul chu sogs rin po che'i rigs brgya100/__gser dngul zangs lcags kyi rdo dang cong zhi brag zhun rigs lnga sogs rdo'i sman brgya200/__mu tig gser gyi bye ma sogs pa'i sman brgya300/__gla rtsi dang ga bur shing kun sogs rtsi sman rigs brgya400/__tsan+dan sogs shing gi sman rtsa lo ma 'bras sdong po yal ga shun pa dang chu ba sogs brgya500/__ba sha ka dang /__tig+ta rigs sum bcur grags pa sogs shing ma ldum thang sman rtsa lo ma 'bras brgya600/__bong nga dkar ser dmar gsum sogs sngo sman rtsa lo me 'bras yongs rdzogs brgya700/__'bras dang gro sran til sogs 'bru rigs brgya8_00/__rgyam tshwa dang lce myang tshwa sogs lan tshwa'i rigs brgya900/__dbang po ril bu dang bse ru rigs gsum sogs srog chags las byung ba'i sman gyi rigs brgya1000/__zhar byung sman chu dang chu tshwa chang sna 'o ma sogs brlan gsher gyi rigs rnams te/__de'ang rtsi sman sogs la ha cang mang ba rnyed dka'ang nang gses kyi dbye ba ci rigs pa dang /__thang dang sngo sman sogs pho mo ma ning gi dbye bas brgya rtsa las kyang lhag rnyed par snang /__shing tog dang /__spod dang /__spos kyi rigs kyang ji tsam rnyed pa ste/__mdor na stong phrag kyang mang tshig tsam las re re nas bgrang ba'i nges pa mi snang /__gang ltar yang kha dog dang /__dri dang /__ro dang /__nus pa'i spyang kir gyur pa spangs/__lan tshwa sogs kyang cung zad las mang na mi legs pa sogs zhib mor dpyad de sbyar bar bya'o/___/___!_ sman rtsa ba brgyad dam phyi yi rtsa brgyad tsan+dan sbrul gyi snying po la tshang ste/__rtsa ba mU la b+ha dra/__sdong po tsan+dan smug po/__shun pa shing tshwa/__lo ma gan+d+ha pa Ta ste rgya shug lo/__yu ba li shi/__me tog__/gur gum/__'bras bu dzA ti/__thang chu ga bur zhes bshad/___/___!_bong dmar 'bri mog mon bu dmar/__gro ma nyung dmar rtsa ba sems dbang byed/__lnga/__/tsan+dan seng ldeng mdzo mo shing /__/'o se rtsod bcas snang ba dbang byed/__sdong bu lnga/__/ha lo ug chos glang sna dang /__/lug ru ut+pal skyes pa/__me tog lnga/__/skyu ru se 'bru 'ol mo se/__/ram bu se ltar bu dang rgun 'brum/__rgod 'bras bu bud med/__lnga/__/gur gum rgya skyegs sin+d+hU ra li khri/__/sbrang rtsi brag zhun rtsi ban btsun/__lnga'o/__/ra ga bye ru zangs dang mchong /__/rang byung shel dmar rin chen lnga/__ye shes/__/mtshal tsag mdung rtse cong zhi dmar/__/ldong ros bcas te rdo lnga'o/__/zhes so/___/___!_