JKW-KABUM-23-'A-004-021-wylie

🚧 This website is under continued development. We appreciate your patience!

karma lha steng gi bca' yig/ @#/_/mchog gling la phul ba'i karma lha steng bca' yig__/sras bcas stobs bcu mnga' ba yongs kyi phrin las pa chen po sprul pa'i gter 'byin rgya mtsho'i 'khor los sgyur ba mchog gi zhabs kyi pad+mo'i nye drung du/__gus pa chen pos nang lugs stabs bder lhag bsam rtse gcig pas gang dran spyi brtol bskyed de zhu gsol/__deng /__mkhas pa'i 'byung gnas/__grub pa'i 'dun sa/__ma hA b+ho Ta'i mdzes rgyan gcig pu gnyis su ma dmigs pas spyod gsung gi 'khor lo'i sprul pa'i lha khang chen mo dang nye ba'i ri sul du/__'og min rdo rje bkod pa'i phun sum tshogs pa lnga ka'i gsang ba chen po mngon par snang ba'i rdzu 'phrul gyis/__lung sde snod gsum gyi bshad pa dang /__mngon rtogs bslab pa gsum sgrub pa'i 'dus pa chen po'i sde bkod pa dang /__'chi med pad+ma drwa ba'i mtsho gling /__mi 'gyur gangs kyi ri bo'i thig le/__dpa' bo DA ki dgyes rgur spyod pa'i gnas su 'od gsal rdo rje snying po'i rnal 'byor gyi 'du bas 'ja' lus rdo rje'i lam srol gsar du btod pa sogs rgyal ba'i bstan pa la mdo sngags kyi ston bzung gi phrin las dus gcig tu 'char ba'i dge legs gyi snang bas sa gsum khyab par mdzad pa'i ngo mtshar dang bka' drin ni tshangs chen 'bum gyi blos bsam na'ang cha tsam rdzogs pa'i mtha' ma dmigs na/__skyabs 'og tha chung pa bdag lta bu'i 'du shes gsum pa dad spro'i pad+mo nyin re bzhin yang dang yang du kha bye ba la mtshar du ci/__da ste zhu gsol snying por/__nyid rin po che sprul pa'i gter ston chen po 'gran zla dang bral ba zhig gi gdan sa dang mdzad pa phyag rjes yin dus/__sa dge kar gsum gyi lugs gang yang yin don med/__snga 'gyur rnying ma 'khrul med cig yin dgos/__gsar min rnying min/__rnying ma nyi tshe ba de 'dra zhig gis ci'ang mi lo/__'o na rnying ma don tha snyad gnyis ka ma 'khrul ba de gang yin snyam na/__gtso bor mdo sgyu sems klong sogs bka' mas gzhung bsrang /__gter kha gong 'og sogs gter mas zur brgyan pa zhig yin/__de'i ring lugs 'dzin pa la 'gran zla med pa'i mkhas grub kun gzigs rong zom pa/__rgyal ba klong chen pa/__mnga' ri ma hA paN+Dita rnams yin/__des na kun rdzob kyi tha snyad/__don dam gyi 'jog tshul/__snying po'i nyams gzhes rnams dam pa de rnams kyi rjes su 'brangs dgos/__khyad par phyi dus 'dir bka' gter rgya mtsho'i ring lugs bka' yod la bslad med par 'dzin mkhan de o rgyan smin grol gling pa yin/__blun po 'ga' res smin gling pa'i bsgrigs lam kun spyod kyang gter bdag gling pa zhal 'khos bzang /__lo chen thugs rab bzang /__yid bzhin legs grub gsung skad dang sku gzugs bzang bas ltar snang ci mdzes gtso bor bton pa yin snyam pa gda' ste/__de 'dra yin min sgyu 'phrul rtsal 'chams dang /__bka' brgyad kyi gdangs yig kho na la dpyad kyang so zur gnubs gsum dang /__gter kha gong 'og sogs kyi phyag rgyun rnam dag re re bzhin dka' ba dang 'bad pa chen pos blangs te byi dor mdzad tshul brgyud yig tshun zhib cha mdzad pa de lta bu las 'phyon ma'i bu bzhin khungs med gzu lum/__snang zhal 'phyar g.yeng /__mkhas pa'i rang bzo/__blun po'i tshugs khyer/__rmongs ham spyi brtol/__gzhan las brkus pa/__zhal gzigs lung bstan la bsnyad pa tsam yang min pa dbyings rin po cher mnga' ba ltar lags na/__gdangs dbyangs rol mo bsgrigs lam kun spyod sogs phyag bzhes che phra thams cad gter gsar rang lugs dmigs bsal yod pa rnams de kho na bzhin cis kyang mdzad dgos pa gzhir bcas la/__spyir btang thams cad smin gling pa'i lugs sor bzhag dang /__khyad par so thar gyi sdom rgyun yang mtshan brjod par dka' ba bod kyi shAkya thub pa mkhan chen zhi ba 'tsho nas brgyud pa zhig nges par dgos mod/__re zhig mkhan slob sogs kyi stabs 'grigs min ji ltar rung /__gzhi gsum gyi phyag bzhes 'don cha lo mgo 'dzin tshul tshun lo chen rin po che'i gsung rab sor bzhag dang /__'chad nyan gyi gtso bo'ang rnying ma las ches rnying ma'i gzhung rig pa dang gtsug lag mtha' dag gi phyi mo sum rtags gnyis kyi bshad pa dang 'bri klog pa byang chub pa gzhir bzhag pa'i steng /__sdom gsum rnam nges rtsa 'grel dang /__rgyud gsang ba snying po kho na rtsal du bton nas 'chad nyan mdzad na snga 'gyur ba'i mdo sngags bstan pa'i lam gnad dang nyams len thams cad der ma 'dus pa med pas las sla la chod che ba zhig yin/__des na sdom gsum rtsa ba/__gsang snying rgyud/__dgongs rgyan dbu'i spyi don te/__'di gsum bsgrigs der zhugs tshad kyi thog ma nas kher rgyugs pher nges blor bzung /__tshes sdom gsum/__brgyad/__bco rgyud/__lnga/__gnam spyi don gang lta bur tshogs 'don gyi srol btsugs na ma mtha' tshig byang bar shes pa de tsam yang thos bsam gyi 'jug sgor khyad shin tu che/__de min blo gros che ba rnams kyis gzhung che ba dang /__rig gnas sogs mang po ji tsam shes na los bzang ste/__deng dus blo gros dang brtson 'grus gnyis ka 'dzom pa shin tu dkon pas/__gzhung lugs dang nyams len gang la'ang tsha ran min blta ba 'dra mo de gcig tu 'brel 'jog lta bu'i legs po yin pa'ang srid mod/__gnyis su bon sne mang /__mi 'grub dran rgya/__sprang po'i phye/__'bal mo'i zas lta bu bya dka' la chod chung ba/__don med la yid smon gyis sun pa'i dbul po tshong dus su phyin pa'i dpe las ci yang med pa lags/__/gzhan yar ngo'i tshes bcur gter gsar rang gi thugs sgrub rigs dang /__mar ngo'i tshes bcur zab bdun skor sogs yi dam rigs 'don res kyi tshogs skor re tsam dang /__tshes brgyad la sgrol ma maN+Dal bzhi pa'i cho ga__/nyer dgur chos skyong dgongs 'dus lta bus mtshon zla 'don dang /__sprel zla'i tshes bcu rgyas pa dang /__nyi ldog gam dbu chen lta bur bka' brgyad gtor zlog re tsam gyis mtshon dus mchod dngos gtsang zhing mi mang ba zhig mdzad na legs snyam/__byung na bka' ma'i 'dus pa mdo'am/__sgyu 'phrul/__ma mtha' yang yang dag re tsam gyi sgrub mchod zhig byung na spyan ltos la shin tu phan yang rim gyis babs gzigs dang /__rgyun ja bstar chags yod tshe/__snga dro'i tshogs thengs la rgyun chags gsum pa dang /__'phrog ma'i gtor bsngo/__yan lag bdun pa'i rim pa gtso bor bton ngos/__thub bstod spyi dang /__khyad par 'phags bstod/__lha las phul byung gi bstod pa/__gnas brtan phyag mchod/__le'u bdun ma'i le'u re re tsam gyis mtshon gsung res/__nyin gung gung tshigs kyi 'don cha mdo zab mdo/__bsngo dang bcas pa dang /__sgrol ma ltung bshags sogs/__sdom gsum lta bu'i gzhung le'u cha shas re gsung res/__phyi dro thugs sgrub phrin las snying po lta bu'i gzhung bsrangs nas/__dam can spyi gtor la gter gsar gyi srung ma khyad par ba rnams bsnan pa lta bu'i gtor bsngo nyung bsdus tshogs mchod bcas kyi mthar bzang spyod dang /__byams smon sogs 'don res dang /__yang zlog gam lok+t+ri lta bu'i byad zlog thung tsam re mdzad na smin gling pa'i phyag bzhes dang sgo mthun pa'i skabs su bab pa 'ong snyam zhing /__snga dro'i skabs sgrol dkar lta bu'i tshe sgrub gang rung gi sgom bzlas nyung tsam mdzad na'ang legs so/__/'on kyang 'don rgyu mang na zab mdo brjed pa'i dpe ltar/__ha cang tshogs 'don mang ba bzhag nas gzhung gi 'chad nyan gtso bor 'don dgos/__mdor na sdom pa gsum gyi khas blangs rnam par dag pas gzhi bzung /__mdo sngags kyi 'chad nyan gtso bor bton/__rgyud sde chen po dang mthun pa'i rim gnyis kyi nyams len snying por dril ba'i dge slong rdo rje 'dzin pa gcig byung na'ang snyigs dus 'dir sangs rgyas 'jig rten du byon pa dang 'dra ba'i bshes gnyen chen por nges na/__de lta bu mang du tshogs pa ni lta smos kyang ci dgos pas srid zhi'i phan bde ma lus pa 'byung ba'i sgo bkra shis kyi dge mtshan bye bsnyed kyi rgya mtsho chen por nges pa nyid do/__/zhes pa'ang sangs rgyas gnyis pa pad+ma saM b+hA wa yab sras kyi thugs rje'i skyabs 'og tu ngal 'tsho ba rig 'dzin gyi btsun pa mtsho skyes bla ma dgyes pa'i 'bangs mkhyen brtse'i dbang pos drang po'i blos bsam/__gzu bo'i rigs pas dpyad/__lhug pa'i tshig gis lung rigs man ngag dang mthun par gsol ba 'debs pa'i rten bkra shis pa'i lha gos/_==_bcas bsam pa dag cing sbyor ba gus pas 'bul lam zhus pa lags na/__skyabs mgon mchog nyid zhabs pad bskal brgyar brtan zhing /__phrin las mkha' khyab tu rtag pa dang /__phun sum tshogs pa'i dge 'dun gyi 'du ba 'bum phrag mang pos mdo sngags kyi bstan pa rin po che dri ma med pa bshad sgrub las gsum gyi sgo nas srid mthar rgyas par mdzad pa'i dge legs gyi snang bas 'gro rnams bde skyid chos 'byor gyi dga' ston la dus rtag tu longs spyod par byin gyis brlab tu gsol/__/sarba dA ka l+yA NaM b+ha ba tu//__//