JKW-KABUM-17-TSA-003-016-wylie

🚧 This website is under continued development. We appreciate your patience!

phyag rdor 'byung 'dul sogs kyi bris bkod/ @#/_/phyag rdor 'byung 'dul gyi rtsa ba'i phyag rgya/__phyag g.yas steng g.yon 'og tu byas pa rgyab sprad pa'i srin lag gnyis phan tshun 'khyud cing sbrel/__mdzub mo rtse phug pa lcags kyu lta bu/__gung mo dang mthe chung lag mthil du bkug pa'i sor mo gnyis so so'i mtheb chen gyis mnan pa'o/____/_!_mi g.yo ba sngon po'i mngon rtogs ni/__sku mdog sngon po g.yas ral gri me 'bar dpung g.yas steng thad du sdigs mdzub kyis 'phyar/__g.yon thugs kar bsdigs mdzub mdzad pa la rdo rje'i zhags pas dkris pa'i sne mo phrag gong g.yon du lding /__zhal mche ba gtsigs pa'i ya sos ma mchu mnan pa/__spyan gsum dmar la zlum pa'i g.yas pa steng /__g.yon pa 'og__/dbus ma thad kar gzigs pa'i nyams ci lo/__dbu skra thor tshugs nag po spyi bor bcings pa/__rgyan rin po che'i rgyan brgyad/__sku stod dar yug__/sku smad kha dog sna tshogs kyi sham thabs/__sbrul dkar po'i se ral kha/__zhabs g.yas rting pa dang /__g.yon pus mo gdan la btsugs ste bzhengs ma stabs su mdzad pa/__gdan pad nyi/__phyi rol du me phung dkyus 'gre/__khro nyams srin po dang gshin rje khros pa lta bu ha cang khro nyams che ba min pa'i/__khro bo gtum po'i nyams can zhig gal che/____/_!_gshin rje gshed ser mo ni/__pad+ma nyi ma ma he dud kha khros pa'i steng du/__khro bo sku mdog ser nag zhal gcig__/phyag gnyis/__spyan gsum/__dbu skra smar smin sogs khro nyams spyi ltar/__g.yas rdo rje'i be con kyi rtser thod pa skam po rdo rje phyed pa'i tog can gyis mtshan pa 'phyar ba/__g.yon sdigs mdzub thugs kar gtod pa/__zhabs g.yon brkyang gi dor stabs/__dar dang /__rin po che dang /__sbrul rgyan spyi 'gre/__thod pa skam po lnga rin po che'i rtse bran can gyis dbu rgyan rlon pa khrag 'dzag pa'i do shal stag gi sham thabs/__gshin rje khros pa'i nyams phyi rol du drag me bcas/____/_!_rta mgrin dmar po pad dbyug can ni/__sku mdog dmar chen smug mdangs zhad tsam yod pa phyag g.yas thod dbyug pad+ma chu skyes dmar pos mtshan pa'i rdo rje'i dbyug pa dpe ris bris pa ltar nam mkhar 'phyar ba/__g.yon sdigs mdzub sta zur g.yon du bsgreng ba'i rtse las me lce zhags pa'i tshul du 'phro ba/__zhal gcig phyag gnyis/__spyan gsum/__zhal gdangs/__ljags 'dril/__mche gtsigs dbu skra smar smin sogs khro nyams spyi ltar la/__dbu skra ser po gyen du brdzes pa'i gtsug na rta mgo ljang gu/__rngog ma dmar po zhur dkar po/__phrum phrum ser po can kha gdangs shing nam mkhar 'tsher nyams/__thod skam dbu rgyan/__thod rlon do shal/__stag lpags rlon pa'i sham thabs/__klu brgyad sbrul brgyad kyi rnam pas spras pa 'byung 'dul ltar/__sbom thung gsus pa 'phyang ba/__gshin rje khros pa'i nyams can gdan pad nyi/__bdud bzhi'i steng na zhabs g.yon brkyangs shing dor stabs can/__phyi rol du me phung sogs spyi ltar/____/_!_bdud rtsi 'khyil ba sku mdog ljang sngon gsar ma'i khro nyams spyi 'gre/__phyag g.yas sdigs mdzub kyis sna tshogs rdo rje yu ba thung tsam 'phyar ba/__g.yon thugs kar sdigs mdzub mdzad pa/__zhabs g.yon brkyangs shing dor stabs/__dar sngon gyi stod g.yog stag lpags kyi sham thabs/__thod rgyan dang rin po che dang sbrul rgyan spyi ltar/__gdan pad nyi me ri bcas/____/_!_'byung 'dul thang ka dpe 'di ma gzhi skyon med kyang /__nyams gsar ma'i khro nyams spyi 'gre legs/__'di gur mgon 'dra la khad red snang /__rtsa ba'i phyag rgya nor ba'i bri yig gong du zhib cha bkod ltar dgos/__sbrul rgyan brgyad ces gal cher gsung snang na'ang /__dper ci dran bris pa las med pas/__stobs rgyu sngon pos skra chings/__dga' bo nye dga' ser pos snyan rgyan/__'jog po dmar pos mgul rgyan/__mtha' yas dkar pos tshangs skud/__nor rgyas dkar pos sked rgyan/__rigs ldan dkar po dang /__dung skyong dkar pos phyag bzhi'i gdu bu/__pad+ma dang pad chen dmar pos zhabs gdub byas pa'o/__/zhabs gnon dpe ltar red 'dug__/dar sngon po'i stod g.yog bcas/____/_!_