JKW-KABUM-23-'A-001-005

🚧 This website is under continued development. We appreciate your patience!

Previous Text Back to Volume PageNext Text

རྣལ་འབྱོར་མར་ཉེ་སྙིང་དང་སྦྱར་བས་བསྔགས་པ་ཁ་སྦྱོར་ཌཱ་ཀི་བཞད་པའི་དབྱངས་སྙན།

Wylie title	rnal 'byor mar nye snying dang sbyar bas bsngags pa kha sbyor DA ki bzhad pa'i dbyangs snyan
Location	mkhyen brtse'i bka' 'bum Volume 23, sde tshan 1, Text 5, Pages 11-12 (Folios 6a1 to 6b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rnal 'byor mar nye snying dang sbyar bas bsngags pa kha sbyor DA ki bzhad pa'i dbyangs snyan. In 'jam dbyangs mkhyen brtse'i dbang po'i bka' 'bum, Vol. 23: 11-12. Khams sde dge rdzong sar dgon: Rdzong sar blo gros phun tshogs, 2020.
Genre
Colophon	།ཅེས་པའང་བག་ཡོད་ཀྱི་ལོའི་མགོ་ཟླའི་དཀར་ཕྱོགས་མཁའ་འགྲོ་འདུ་བའི་དུས་ཚོགས་ཀྱི་མཆོད་པའི་སྐབས་གང་ཤར་ཤུགས་འབྱུང་གི་ཚིག་སྦྱོར་རྡོ་རྗེ་སྒྲ་མའི་གླུ་དབྱངས་སུ་ལེན་པ་པོ་ནི་རིག་འཛིན་གྱི་བཙུན་པ་འཇམ་དབྱངས་མཁྱེན་བརྩེའི་དབང་པོས་སོ།
	/ces pa'ang bag yod kyi lo'i mgo zla'i dkar phyogs mkha' 'gro 'du ba'i dus tshogs kyi mchod pa'i skabs gang shar shugs 'byung gi tshig sbyor rdo rje sgra ma'i glu dbyangs su len pa po ni rig 'dzin gyi btsun pa 'jam dbyangs mkhyen brtse'i dbang pos so

Tibetan Text

Wylie

[edit]

རྗེ་བཙུན་རྡོ་རྗེ་རྣལ་འབྱོར་མ་ལ་ཉེ་སྙིང་དང་སྦྱར་བའི་སྒོ་ནས་མངོན་པར་བསྔགས་པའི་རྡོ་རྗེའི་གླུ་ཁ་སྦྱོར་ཌཱ་ཀི་བཞད་པའི་དབྱངས་སྙན་ཞེས་བྱ་བ། ཨོཾ་གྱི་རང༷་བཞི༷ན་འགྱུར༷་མེད༷་བློ་འདས་གདོད་མའི་གཤིས་ལུགས། །ཨོཾ་གྱི་རང་གདངས་ཟག་མེད་རྣམ༷་ཀུན༷་མཆོག༷་ལྡ༷ན་ཡེ་ཤེས། །ཨོཾ་གྱི་ངོ་བོ་གཉིས་མེད་ལོང༷ས་སྤྱོད༷་ཡོངས་རྫོག༷ས་སྐུ་ཅན། །དཔལ་ལྡན་མཁའ་སྤྱོད་དབང་མོར་སྙིང་ནས་གུས་པས་འདུད་དོ། །སརྦ་ཇི་སྙེད་རིགས་དང་དཀྱིལ་འཁོར་རྒྱ་མཚོར་སྣང་བའི། །བུདྡྷ་སྲས་བཅས་རྒྱལ་ཀུན་སྐྱེད་དང་རོལ་པའི་ཡུམ་གཅིག །ཌཱ་ཀི་ནཱི་ཡེ་ཁ༷་སྦྱོར༷་སྒྱུ་མའི་ཉམས་བརྒྱས་སྒེག་པ། །དཔལ་ལྡན་མཁའ་སྤྱོད་དབང་མོར་སྙིང་ནས་གུས་པས་འདུད་དོ། །བཛྲ་ནམ་མཁའི་དཀྱིལ་ལྟར་རྣམ་པར་དག་པའི་ཐུགས་རྒྱུད། །བརྞ་ནཱི་ཡེ་འོད་གསལ་ཁ་དོག་སྣ་ཚོགས་འཆང་བའི། །རང་གདངས་བདེ༷་བ༷་ཆེ༷ན་པོ༷་བརྟན་གཡོ་ཀུན་ལ་ཁྱབ་པ། །དཔལ་ལྡན་མཁའ་སྤྱོད་དབང་མོར་སྙིང་ནས་གུས་པས་འདུད་དོ། །བཛྲ་གཟུང་འཛིན་མཚན་མས་མི་ཕྱེད་གཉུག་མའི་ཡེ་ཤེས། །བཻ་རོ་ཙ་ནཱི་ཡེ་ཤེས་རང་བཞིན་མེད་པའི་སྟོང་ཉིད། །འོད་གསལ་མཆོག་གི་རྣམ་པ་གཅིག་ཉིད་དུ་མར་སྣང་མཛད། །དཔལ་ལྡན་མཁའ་སྤྱོད་དབང་མོར༴ ཧཱུྃ་གི་རང་བཞིན་གཟོད་ནས་སྤྲོས་པའི་མཚན་མ་འདས་ཀྱང་། །ཧཱུྃ་གི་རང་གདངས་དམིགས་མེད་སྙིང༷་རྗེས༷་ཡོང༷ས་སུ་གང༷་བས །ཧཱུྃ་གི་བྱེད་ལས་ཁམས་གསུམ་སྡུག་བསྔལ་ཀུན་ལས་སྐྱོབ་པའི། །དཔལ་ལྡན་མཁའ་སྤྱོད་དབང་མོར༴ ཕ྄ཊ་ཀྱིས་མཚན་གཞི་སྟོང་པ་སྲིད་ཞིའི་སྤྲོས་པ་བྲལ་བཞིན། །ཕཊ་ཀྱི་མཚན་ཉིད་གསལ་བ་རྟེན་འབྱུང་འགགས་མེད་ཚུལ་གྱིས། །ཕ྄ཊ་ཀྱི་མཚོན་བྱེད་དུས་གསུམ་རྒྱུན་མི༷་འཆ༷ད་པར་འཆར་བའི། །དཔལ་ལྡན་མཁའ་སྤྱོད་དབང་མོར་སྙིང་ནས་གུས་པས་འདུད་དོ། །སྭཱ་ཧཱ་མཁའ་དང་མཉམ་པའི་ཡིད་ཅན་རྒྱ་མཚོ་ཀུན་ལ། །དགེ་ལེགས་ཕན་བདེའི་འདོད་རྒུ་འགོག༷་པ༷་མེད་པར་སྦྱིན་པའི། །དྲན་པས་སྙིང་གི་གདུང་སེལ་རྣལ་འབྱོར་བདག་གི་སྐྱབས་གཅིག །དཔལ་ལྡན་མཁའ་སྤྱོད་དབང་མོར་སྙིང་ནས་གུས་པས་འདུད་དོ། །ཨ་ཧོ་ཅིར་སྣང་དངོས་ཀུན་སྔགས་སྐྱེས་དགའ་མར་ཤར་བས། །ཞིང་སྐྱེས་ཌཱ་ཀིའི་ཚོགས་དང་བདེ་ཆེན་སྒྱུ་མའི་རྩེད་འཇོས། །ལྷན་སྐྱེས་རྣལ་འབྱོར་མ་དཔལ་ཚེ་འདི་ཉིད་ལ་མཐོང་བའི། །དངོས་གྲུབ་མཆོག་གི་སྐལ་བ་དེང་འདིར་མངོན་སུམ་སྩོལ་ཅིག །ཅེས་པའང་བག་ཡོད་ཀྱི་ལོའི་མགོ་ཟླའི་དཀར་ཕྱོགས་མཁའ་འགྲོ་འདུ་བའི་དུས་ཚོགས་ཀྱི་མཆོད་པའི་སྐབས་གང་ཤར་ཤུགས་འབྱུང་གི་ཚིག་སྦྱོར་རྡོ་རྗེ་སྒྲ་མའི་གླུ་དབྱངས་སུ་ལེན་པ་པོ་ནི་རིག་འཛིན་གྱི་བཙུན་པ་འཇམ་དབྱངས་མཁྱེན་བརྩེའི་དབང་པོས་སོ། ། ༈

[edit]

rnal 'byor mar nye snying dang sbyar bas bsngags pa kha sbyor DA ki bzhad pa'i dbyangs snyan/__ rje btsun rdo rje rnal 'byor ma la nye snying dang sbyar ba'i sgo nas mngon par bsngags pa'i rdo rje'i glu kha sbyor DA ki bzhad pa'i dbyangs snyan zhes bya ba/__oM gyi rangaX bzhiXn 'gyuraX medaX blo 'das gdod ma'i gshis lugs/__/oM gyi rang gdangs zag med rnamaX kunaX mchogaX ldaXn ye shes/__/oM gyi ngo bo gnyis med longaXs spyodaX yongs rdzogaXs sku can/__/dpal ldan mkha' spyod dbang mor snying nas gus pas 'dud do/__/sarba ji snyed rigs dang dkyil 'khor rgya mtshor snang ba'i/__/bud+d+ha sras bcas rgyal kun skyed dang rol pa'i yum gcig__/DA ki nI ye khaX sbyoraX sgyu ma'i nyams brgyas sgeg pa/__/dpal ldan mkha' spyod dbang mor snying nas gus pas 'dud do/__/badz+ra nam mkha'i dkyil ltar rnam par dag pa'i thugs rgyud/__/bar+Na nI ye 'od gsal kha dog sna tshogs 'chang ba'i/__/rang gdangs bdeX baX cheXn poX brtan g.yo kun la khyab pa/__/dpal ldan mkha' spyod dbang mor snying nas gus pas 'dud do/_/badz+ra gzung 'dzin mtshan mas mi phyed gnyug ma'i ye shes/__/bai ro tsa nI ye shes rang bzhin med pa'i stong nyid/_/'od gsal mchog gi rnam pa gcig nyid du mar snang mdzad/__/dpal ldan mkha' spyod dbang mor=__hU~M gi rang bzhin gzod nas spros pa'i mtshan ma 'das kyang /__/hU~M gi rang gdangs dmigs med snyingaX rjesaX yongaXs su gangaX bas__/hU~M gi byed las khams gsum sdug bsngal kun las skyob pa'i/__/dpal ldan mkha' spyod dbang mor=__pha?T kyis mtshan gzhi stong pa srid zhi'i spros pa bral bzhin/__/phaT kyi mtshan nyid gsal ba rten 'byung 'gags med tshul gyis/__/pha?T kyi mtshon byed dus gsum rgyun miX 'chaXd par 'char ba'i/__/dpal ldan mkha' spyod dbang mor snying nas gus pas 'dud do/__/swA hA mkha' dang mnyam pa'i yid can rgya mtsho kun la/__/dge legs phan bde'i 'dod rgu 'gogaX paX med par sbyin pa'i/__/dran pas snying gi gdung sel rnal 'byor bdag gi skyabs gcig__/dpal ldan mkha' spyod dbang mor snying nas gus pas 'dud do/__/a ho cir snang dngos kun sngags skyes dga' mar shar bas/__/zhing skyes DA ki'i tshogs dang bde chen sgyu ma'i rtsed 'jos/__/lhan skyes rnal 'byor ma dpal tshe 'di nyid la mthong ba'i/__/dngos grub mchog gi skal ba deng 'dir mngon sum stsol cig__/ces pa'ang bag yod kyi lo'i mgo zla'i dkar phyogs mkha' 'gro 'du ba'i dus tshogs kyi mchod pa'i skabs gang shar shugs 'byung gi tshig sbyor rdo rje sgra ma'i glu dbyangs su len pa po ni rig 'dzin gyi btsun pa 'jam dbyangs mkhyen brtse'i dbang pos so/___/__!_