JKW-KABUM-09-TA-009-002-wylie

🚧 This website is under continued development. We appreciate your patience!

thugs rje chen po lha gsum pa'i bsnyen thabs zhar byung dang bcas pa gzhan phan snying po/_ @#/_/thugs rje chen po lha gsum pa'i bsnyen thabs zhar byung dang bcas pa gzhan phan snying po zhes bya ba bzhugs so/__/na mo gu ru ma hA kA ru Ni kA ya/__'dir sa lugs dang skyer sgang lugs zung du 'brel ba'i 'phags pa thugs rje chen po'i bsnyen pa gtong bar 'dod na/__rjes gnang dang gdams ngag gi lung legs par thob pas gnas dben zhing rang dbang 'dus pa'i sar/__'byor na bris 'bur gyi sku gang yang rung ba'i mdun du gtor ma dkar zlum dang /__chu gnyis sngon 'gro'i nyer spyod bsham/__gza' skar sbyor byed bzang po'i yar ngo'i dgongs thun nas brtsams te thun bzhi'i rim pas nyams len la 'jug__/sgrub thabs mkhas grub gong mas mdzad pa khungs ldan gang gi steng nas nyams su blang yang rung mod/__'on kyang mus chen dkon mchog rgyal mtshan gyis mdzad pa 'di rgya gzhung dang shin tu mthun zhing byin rlabs kyi tshan kha che bas legs/__gal te gtso 'khor gsum gsal mi thebs na bdag bskyed gtso rkyang kho nas 'thus par gsungs pas/__de ltar na 'phags pa rin po che'i yig cha ltar nyams su blang ngo /__/'di'i cho ga'i yan lag phal cher bla med dang mthun na'ang /__kun spyod rgyud sde 'og ma ltar mdzad pa brgyud pa'i bla ma rnams kyi gsung sgros las 'byung bas khrus dang gtsang sgra la gnas pas sha chang sgog btsong phyi dro'i kha zas sogs spang /__grub na zas dkar gsum la bsten pa'i gdan gcig bya/__gtor ma 'bul ba spro na/__thun gnyis sam/__snga thun gyi mgor mchod pa byin rlabs dang /__mjug tu gtor ma a mr-i tas bsang /__swa b+hA was sbyang /__stong pa'i ngang las rin po che'i snod yangs shing rgya che ba'i nang du oM zhu ba las byung ba'i gtor ma kha dog dri ro nus pa phun sum tshogs pa bdud rtsi'i rgya mtsho chen por gyur/__oM AHhU~M lan gsum/__rang gi snying ga'i sa bon las 'od zer 'phros pas 'phags pa thugs rje chen po la sangs rgyas dang byang chub sems dpa'i tshogs kyis bskor ba mdun gyi nam mkhar oM badz+ra sa mA dzaH__thal mo khong stong gi mthar se gol gtogs pa dang bcas/__oM sarba ta thA ga ta AR+Ya lo ke shwa ra sa pa ri wA ra i daM ba liM ta kha kha khA hi khA hi lan gsum gyis phul/__ar+g+haM sogs kyis mchod/__skyon gyis ma gos sogs kyis bstod/__bcom ldan 'das 'khor dang bcas pas mchod sbyin gyi gtor ma rgya chen po 'di bzhes la bdag dang sems can thams cad kyi rgyud byin gyis brlab tu gsol/__yi ge brgya pa lan gsum gyi mthar/__ma 'byor pa dang sogs kyis nongs pa bshags/__rten yod na brtan bzhugs dang /__med na oM badz+ra muHsa gshegs su gsol/__bsngo smon shis brjod bya'o/__/thun dang thun mtshams rnams su snang grags rtog gsum 'phags pa'i gsang ba gsum gyi nga rgyal dang ma bral ba'i ngang byams pa dang snying rje byang chub sems kyi rnal 'byor la rtsal du 'don/__/de lta bu'i rim pas grangs bsnyen gyi tshad ni/__rab 'bum phrag so gnyis/__'bring 'bum phrag bdun/__tha ma 'bum phrag gsum zhes dang /__yang 'bum phrag bco brgyad dang drug cu bzla ba sogs gsungs kyang /__'bum phrag drug cu'am/__so gnyis nges par bzla/__dus bsnyen zla ba gsum/__mtshan ma'i bsnyen pa rab dngos dang /__'bring nyams sam rmi lam du zhal mthong ba/__yi ge drug pa'i sgra thos pa/__tha ma rmi lam du me tog dkar po dang /__shel dkar gyi phreng ba rnyed pa/__nyi zla shar ba/__khrus byas pa/__gos dkar po gyon pa sogs dge ba'i mtshan ma ci rigs pa mthong ba'o/__/bsnyen pa grub nas kha skong bcu cha'i sbyin sreg mkhan chen sangs rgyas phun tshogs pas mdzad pa ltar bya/__sgrub pa dmigs bsal ma bshad kyang /__mdun bskyed rjes gnang gi skabs ltar gsal btab nas/__mchod phreng /__maN+Dal/__bstod pa/__gsol 'debs sogs rgyas par bya ba phyi rol tshogs bsag gi rim pa dang /__bum pa la brten pa'i gzungs sgrub bya tshul 'jam mgon dpal ldan don grub pa'i yig char shes shing /__gzungs sgrub byas pa'i bum chu bla ma gong ma'i byin rlabs rten sel med kyi phabs gta' dang bcas ril bur dril ba dang /__slar ril bu'i steng du lha yan lag bzhi rdzogs su bskyed nas gzungs sgrub dang tshul mtshungs pa'i bum sgrub bya tshul gyi man ngag kyang gzhan don gnyer pa rnams kyis lhag pa'i bsam pa rnam par dag pas bsgrubs te mi dang dud 'gro sogs la sbyin pa dang /__rgya mtshor 'bab pa'i chu klung chen por smon lam dang bcas te dor ba sogs bgyis na phan yon tshad med pa 'byung bar gsungs/__'di dang 'brel bar smyung gnas kyi cho ga btang tshul kyang gsungs te/_de yang sbyor ba sdom pa blang ba sngon du 'gro bas/__dngos gzhi 'di nyid kyi bdag mdun bum pa sgrub pa khrus kyi cho ga rjes chog dang bcas pa btang /__rkyang khug rjes gsum la sdom pa'i spang blang rnams smyung gnas kyi cho ga spyi ltar dang /__thun mtshams rnams su thugs rje chen po'i snang brnyan sogs rten gsum la phyag dang mchod pa ci 'grub tu bya'o/__/bsnyen pa mthar phyin nas las kyi tshogs la/__zhi rgyas dbang drag gi las sbyin sreg gis sgrub pa'i tshul dang /__yig rnying las las tshogs thor bu rgya cher bshad pa'i nyer mkho bsdus pa mkhan chen sangs rgyas phun tshogs pa'i gsung rab las 'byung ba dang /__'phags pa rin po che'i gsung rab las cung zad 'byung ba dag nyams su blangs pas rang gzhan la phan bde'i 'bras bu 'phral du ster ba ni nges pa'o/__/zhes pa'ang mang du thos pa'i bya bral ma Ni ba 'jam dbyangs mkhyen brtse'i dbang pos gzhan phan gyi lhag bsam kho nas yig cha snga ma rnams kyi snying po mdor bsdus te sbyar ba dge legs su gyur cig____/__!