JKW-KABAB-07-JA-002-wylie

🚧 This website is under continued development. We appreciate your patience!

@#/__/mkha' 'gro gsang ba kun 'dus las/__/gnas lung gi cho ga lhan skyes thugs rje'i pho nya zhes bya ba bzhugs so//@#/__/bzod dka' srid pa'i zug rngu'i sman/__/bde chen bdud rtsi'i sim 'od kyis/__/dbugs 'byin bla ma rje btsun mar/__/btud nas gnas lung rim pa 'chad/__/de yang rnal 'byor pa rang nyid lta dgongs zab mo'i rang rtsal nyam thag bar do'i yid can la bzod du med pa'i snying rjes yid 'khrul zhing*/___bsnyen sgrub las su rung ba'i slob dpon gyis srid pa bar ma dor 'khyams pa'i sems can rjes su 'dzin pa'i phrin las kyi tshul 'chad pa la sbyor dngos rjes kyi chings gsum las/__dang po la/__yo byad bshams pa dang*/__las kyi gzhung bsrang ba'o/__/dang po ni/__sku mtshan ma'i dkyil 'khor rdul tshon dang ras bris gang rung ba'i steng*/__gsung rang byung gi b+han+d+ha bdud rtsi lngas gang ba/__thugs me long gi steng sin+d+hu ra'i rdul gyis btsags par chos 'byung sngags phreng ba~M yig dang bcas pa/__ye shes rang byung rdo rje sems dpa'i me long gis mtshon dkyil 'khor gyi mchod skong sgrub pa'i rdzas thams cad dang*/__dmigs bya'i zag bcas kyi phung po dngos dang*/__med na gzugs brnyan nam gur gum gy-is ming yig nr-i bcas bris pa'i byang bu pad+ma 'dab brgyad la bkod pa dkyil 'khor gyi shar sgor bzhag__/de dang nye bar zhi drag gis sbyang ba'i gtor ma/__til me chu/__bye ma yungs kar/__'byung bzhi'i rdzas/__zas gtad bka' btung sogs tshang bar bzhag go__/gnyis pa ni/__rtsa ba'i phrin las ltar brgyud pa'i gsol 'debs nas bzlas pa bcas rang gzhung ltar mthar chags su btang zhing*/__bum bzlas rdo rje mkha' 'gro'i chu skong ltar bya/__sngags kyi nus pa bye ma dang*/__yungs kar la'ang bstim/__gtor 'bul dang tshogs mchod lhag par rdo rje phag mo'i mar me'i skong ba bcas dkyus ltar btang ngo*/__/gsum pa la sngon 'gro 'jug pa'i chos/__dngos gzhi dbang*/__rjes 'dod yon 'bul zhing lam sbyangs bstan no/__/dang po la'ang bdun las/__thog mar rten bskyed pa ni/__las sngags kyis bsangs/__swa b+hA was sbyang*/__stong pa'i ngang las pad+ma dang zla ba'i gdan la ming byang nr-i las tshe 'das nyid lha yi gzugs can gson gyi rnam pa ji lta bar phung khams skye mched yongs su rdzogs pa gus shing thal mo sbyar ste 'khod par gyur/__gnyis pa rnam shes dgug pa ni/__rang nyid khros ma nag mo'i thugs ka'i 'od zer lcags kyu lta bus dmigs yul mngon sum bkug ste rten la bstim par mos pas lcags kyu'i phyag rgya dang bcas te/__na mo/__rtsa brgyud kyi bla ma mchog gsum rgyal ba rgya mtsho'i tshogs dang bcas pa rnams kyi bden pa dang*/__rje btsun rdo rje rnal 'byor ma bcom ldan 'das khros ma nag mo rigs lnga dpa' bo mkha' 'gro'i tshogs dang bcas pa rnams kyi bden pa dang*/__gsang sngags dang rig sngags dang gzung sngags snying po dang phyag rgya ting nge 'dzin gyi bden pa dang*/__chos nyid gdod nas dag kyang chos can rten 'brel bslu ba med pa'i bden pa dang*/__bden pa chen po'i byin gyis brlabs kyis tshe las 'das pa che ge mo/__zhes bya ba'i rnam par shes pa khams gsum rigs drug gang la gnas kyang skad cig gis dmigs pa'i rten 'dir mchis par gyur cig__/oM badz+ra A kar+Sha ya dza:__zhes pas rnam shes dang*/__sarba pA pa~M a na ya hU~M/__zhes sdig pa bkug nas/__dzaHhU~M ba~M hoH__rnam shes a dkar po'i rnam pas rten la thim par gyur/__gsum pa bgegs sbyang ba la/__spyi dang*/__khyad par ro/__/dang po ni/__rang nyid ma gcig khros ma'i thugs ka nas/__/tshad med bzhi ldan sprul pa'i DA ki ma/__/dkar ser dmar ljang rang rtags mtshon cha thogs/__/seng stag dur bya lce spyang sngon mo chibs/__/tshe 'das gnod byed za 'dre shi gshed lcags/__/srog gcod tshe dbugs len dang mdangs 'phrog 'dre/__/gson bdud gshed chen bcu gnyis ma lus kun/__/rang dbang med par 'das 'dir myur khug cig__/oM ha badz+ra aM ku sha dzaH__ri rat+na pa sha hU~M:__ni pad+ma b+han+d+ha ba~M:__sa karma gaN+De hoH__zhes tshe 'das kyi thar lam la bar du gcod pa'i lan chags kyi bgegs tshogs bkugs pa la/__gtor ma gsum po re re bzhin rten la bskor zhing*/__oM sarba big+h+nAn na maHsarba ta thA ga te b+h+yo:__zhes pa nas/__gr-ih+Ni daM ba l+yA di swA hA/__lan gsum gyis zhi ba dang*/__ting lo dang chang bu bskor zhing*/__oM suM b+ha ni sogs hU~M bzhi pa gsum gyis zhi drag phyed ma/__bden stobs sngar bzhin brjod pa'i mthar/__bden pa chen po'i byin brlabs kyis tshe las 'das pa gson gyi dus su tshe la bar du gcod cing gshin gyi dus na sdig pa sbyangs ba la bar du gcod pa'i za 'dre shi gshed dbugs len tshe len mdangs 'phrog gson bdud gshin lcags sogs nag po'i phyogs rnams/__'dod yon gyi gtor ma 'dis tshe rabs kyi lan chags byang ste ngoms shing tshim par gyis la dpag tshad dang rgyang grags su ma gnas par song zhig__/gal te mi 'gro na las byed sprul pa'i mkha' 'gro'i tshogs kyis ye shes rdo rje 'bar bas mgo bo tshal pa brgyar 'gas par 'gyur ta re zhes dang drag sngags rol mo yungs thun gu gul bcas gtor ma rgyang ring du dor ba ni drag po'i sbyang ba'o/__/gnyis pa/__hU~M/__nga ni ma gcig khros ma nag mo ste/__/dus gsum sangs rgyas thams cad bskyed pa'i yum/__/khams gsum srid gsum srog gi bdag po ste/__/sprul pa'i pho nya 'bum phrag mkha' 'gro spro/__/sku gsung thugs dang yon tan phrin las kyi/__/d+hA ki stag khyung seng phag 'brug gi gdong*/__/kun kyang phyag g.yas mi lpags g.yang gzhi brdeb/__/g.yon pas gshed zor dgra s+t+wa rkang gling dang*/__/rgyu zhags reg gcod spu gri 'bar ba gdengs/__/sku las mtshon cha spyan nas me stag 'phro/__/shangs nas rlung 'tshub khro chu'i kha phru can/__/gnam sa bar snang phyogs bcu'i 'jig rten khyab/__/'khor dang bcas pa'i thugs dam dus la bab/__/tshe 'das bla srog rnam shes bdag bzung ba'i/__/bdud bzhi za 'dre shi gshed srog gcod dang*/__/dbugs len gson bdud gshin lcags tshe mdangs 'phrog__/shi 'dre shi gshed nad 'dre gcong sri sogs/__/dam nyams bdud bgegs thar lam bar chad kun/__/lan chags 'dod yon gtor mas tshims gyis la/__/tshe 'das thar lam bar du ma gcod par/__/so so'i gnas su myur du 'gro bar gyis/__/bka' las 'das na las byed DA ki mas/__/rang byas las kyi rnam smin myong du chug__/bag chags gzugs rten phung po rdul du rlog__/gshed zor 'bar bas nyams pa'i yan lag chod/__/gshed s+t+wa kha ches mgo bo tshal par khos/__/gshed sgro rlung thub drwa ba'i sbubs su chug__/rgyu zhags 'dom dgus chings la sgrol gris gtubs/__/thar med rnam thar sgo gsum e ru tshud/__/gzung 'dzin 'khrul pa'i drwa ba dbyings su gtor/__/rang rig chos sku rjen pa'i btsan sa 'dzin/__/tshe 'das bag chags bde bar dbugs dbyung mdzod/__/oM karma DA ki nI kro d+hI kA li hU~M hU~M sarba big+h+nAn u tsaT+Ta ya phaT phaT/__oM AHhU~M ra~M ya~M kha~M badz+ra sA ra Na rak+Sha rak+Sha hU~M hU~M:__zhes dmigs gnad kyis drag tu gcun zhing gzir ste srung ba'i 'khor los mtshams bcad pa bcas bya'o/__/gsum pa sdig pa sbyong ba ni/__rten gyi mdun du til/__g.yas g.yon du me chu bcas bshams te/__tshe las 'das pa'i sdig sgrib thams cad yi ge kaM nag po'i rnam pas sna sbug nas thon sna sgor sdig pa ra can gyi rnam par til la thim par gyur/__til g.yas g.yon gyi me chus dor te/__oM sarba pa pa~M da ha na b+hasmiM ku ru ye swA hA/__zhes sngags lan gsum gyis/__sdig pa thams cad za byed gos dkar yum gyi ngo bo ye shes kyi mer bsregs ste sbyangs byed rdo rje mkha' 'gro ma mA ki'i rang bzhin chos nyid kyi rgya mtshor dor bas lhag med du sbyangs shing dag par gyur/__oM badz+ra b+hA rA he kro d+hI kA li ha ri ni sa A be sha ya d+hA ka d+hA ki nI sarba sid+d+hi hU~M hU~M/__zhes dang rdo rje mkha' 'gro'i yig brgya dang sgrib byang gi gzungs bcas bzlas te brab cing*/__tshe las 'das pa'i sdig pa thams cad shAn+tiM ku ru ye swA hA/__oM da ha da ha sarba na ra ka ga te he tun hU~M phaT/__oM pa tsa pa tsa sarba pre ta ka ga te he tun hU~M phaT/__oM ma tha ma tha sarba tir+ya ka ga te he tun hU~M phaT/__zhes ji ltar rigs pa bzlas pas/__sdig sgrib thams cad nyi mas ba mo zhu ba ltar dag par gyur/__lnga pa khrus bya ba ni/__thog mar dkyil 'khor sogs rten gyi gzugs brnyan shar ba'i me long la khrus gsol zhing*/__khrus kyi khang pa shin tu dri zhim par/__/sogs dang*/__ji ltar bstams pa sogs/__rgyal ba'i sku gsung thugs sogs so so'i mtshams su sngags bcas sbyar bas khrus gsol zhing*/__de dag sku la mtshungs pa med pa'i gos/__/gtsang la dri rab bgos pas sku phyi'o/__/oM hU~M tra~M hrIHAHkA ya bi shwa d+ha ni swA hA/__zhes sku phyi ba nas khrus chu slar bum par blugs pas ming byang bkru zhing*/__rnam dag gtsang dwangs lha yi chu/__/yid 'ong dri zhim gang+ga'i rgyun/__/phyag rgya ye shes bum pa'i rgyun/__/tshe 'das sgrib pa dag gyur cig__/oM badz+ra b+hA rA he kro d+hI kA li ha ri ni sa A be sha ya d+hA ka d+hA ki nI sarba sid+d+hi hU~M hU~M:__oM badz+ra DA ki nI sa ma ya sogs yig brgya bzlas pas bkrus te/__tshe las 'das pa'i sdig pa dang sgrib pa thams cad shAn+tiM ku ru ye swA hA/__'di ni sbyin pa'i rang bzhin chu/__/rin chen mkha' 'gro'i ngo bo ste/__/mnyam nyid ye shes bdud rtsi'i chus/__/ser sna'i rgyu 'bras dag gyur cig__/'di ni tshul khrims rang bzhin chu/__/pad+ma mkha' 'gro'i ngo bo ste/__/sor rtog ye shes bdud rtsi'i chus/__/'dod chags rgyu 'bras dag gyur cig__/'di ni bzod pa'i rang bzhin chu/__/rdo rje mkha' 'gro'i=__me long ye shes=__zhe sdang rgyu 'bras=__'di ni brtson 'grus=__las kyi mkha' 'gro'i=__bya grub ye shes=__phrag dog rgyu 'bras=__'di ni bsam gtan=__ye shes mkha' 'gro'i=__rang byung ye shes=__rnam g.yeng rgyu 'bras=__'di ni shes rab rang bzhin chu/__/sangs rgyas mkha' 'gro'i ngo bo ste/__/chos dbyings ye shes bdud rtsi'i chus/__/gti mug rgyu 'bras dag gyur cig__/zhes so so'i mtshams su gzungs sngags rol mo bcas pas khrus bya'o/__/drug pa dug sbyang ba ni/__bum chus rten la byab cing*/__/'dod chags zhe sdang gti mug gsum/__/'di dag 'jig rten dug gsum ste/__/sangs rgyas bcom ldan dug mi mnga'/__/sangs rgyas bden pas dug bcom mo/__/'dod chags zhe sdang gti mug gsum/__/'di dag 'jig rten dug gsum te/__/skyobs pa'i dam chos dug mi mnga'/__/dam chos bden pas dug bcom mo/__/'dod chags zhe sdang gti mug gsum/___/'di dag 'jig rten dug gsum te/__/'phags pa'i dge 'dun dug mi mnga'/__/dge 'dun bden pas dug bcom mo/__/yang 'byung bzhi so sos byab ste/__sa 'di nga rgyal dug gi pha yin te/__/sa 'di nga rgyal dug gi ma yang yin/__/spyan ma rin chen mkha' 'gro'i byin rlabs kyis/__/tshe 'das khyod la nga rgyal dug med shog__/chu 'di zhe sdang dug gi pha yin te/__/chu 'di zhe sdang dug gi ma yang yin/__/mA ki rdo rje mkha' 'gro'i byin rlabs kyis/__/tshe 'das khyod la zhe sdang dug med shog__/me 'di 'dod chags dug gi pha yin te/__/me 'di 'dod chags dug gi ma yang yin/__/gos dkar pad+ma mkha' 'gro'i byin rlabs kyis/__/tshe 'das khyod la 'dod chags dug med shog__/rlung 'di phrag dog dug gi pha yin te/__/rlung 'di phrag dog dug gi ma yang yin/__/sgrol ma las kyi mkha' 'gro'i byin rlabs kyis/__/tshe 'das khyod la phrag dog dug med shog__/ces dug sbyang ngo*/__gong gi khrus dang dug dbyung rigs bsdu na/__'di ni phyin drug rang bzhin chu/__/mkha' 'gro rigs lnga'i ngo bo ste/__/ye shes drug gi bdud rtsi'i chus/__/dug lnga rgyu 'bras dag gyur cig__/zhes dang*/__dug sbyang la tshig rkang dang po gnyis snga ma ltar la/__phyi ma/__dkon mchog gsum po dug mi mnga'/__/mchog gsum bden pas dug bcom mo/__/zhes dang*/__'byung bzhi nyon mongs dug lnga'i pha yin te/__/'byung bzhi nyon mongs dug lnga'i ma yang yin/__/yum chen rigs lnga'i mkha' 'gro'i byin rlabs kyis/__/tshe 'das khyod la dug lnga dbyings grol shog__/ces brjod pas kyang rung ngo*/__/bdun pa skyabs su 'gror 'jug pa ni/__tshe 'das dkyil 'khor gyi lha la phyag 'tshal zhing sgo gsum 'jug pa gcig pas skyabs su 'gro bar bsam la/__bla ma mnyam med sangs rgyas rin po che:__dus gsum bde bar gshegs pa thams cad kyi:__sku gsung thugs kyi rang bzhin byin brlabs pa:__bka' drin chen po'i zhabs la phyag 'tshal lo:__bde gshegs kun gyi chos dbyings ye shes dbyings:__bcom ldan rdo rje khros ma nag mor bzhengs:__gti mug rtsad gcod rnam 'phrul cir yang ston:__d+hA ki 'bum gyi tshogs la phyag 'tshal lo:__bde gshegs kun gyi me long ye shes dbyings:__bcom ldan 'gyur med rdo rje mkha' 'gror bzhengs:__zhe sdang rtsad gcod rnam 'phrul cir yang ston:__d+hA ki 'bum gyi tshogs la phyag 'tshal lo:__bde gshegs kun gyi mnyam nyid ye shes dbyings:__bcom ldan rtsol med rin chen mkha' 'gror bzhengs:__nga rgyal rtsad gcod rnam 'phrul cir yang ston:__d+hA ki 'bum gyi tshogs la phyag 'tshal lo:__bde gshegs kun gyi sor rtogs ye shes dbyings:__bcom ldan chags med pad+ma mkha' 'gror bzhengs:__'dod chags rtsad gcod rnam 'phrul cir yang ston:__d+hA ki 'bum gyi tshogs la phyag 'tshal lo:__bde gshegs kun gyi bya grub ye shes dbyings:__bcom ldan thogs med las kyi mkha' 'gror bzhengs:__phrag dog rtsad gcod rnam 'phrul cir yang ston:__d+hA ki 'bum gyi tshogs la phyag 'tshal lo:__bde gshegs kun gyi gang 'dul ye shes dbyings:__dam tshig las kyi mkha' 'gro'i skur bzhengs nas:__rtog tshogs rtsad gcod rnam 'phrul cir yang ston:__d+hA ki 'bum gyi tshogs la phyag 'tshal lo:__bde gshegs kun gyi bde stong ye shes dbyings:__gnas yul dpa' bo mkha' 'gro'i gzugs su shar:__gzung 'dzin rtsad gcod rnam 'phrul cir yang ston:__d+hA ki 'bum gyi tshogs la phyag 'tshal lo:__byin rlabs dngos grub phrin las rgya mtsho'i gter:__bla ma yi dam mkha' 'gro chos skyong ba'i:__sku gsung thugs yon phrin las rmad byung bar:__mngon par bstod cing gus pas phyag 'tshal lo:__zhes phyag gis btud pa sngon du 'gro bas/___mkha' ltar khyab pa'i rgyal ba sras bcas dang*/__/bla ma yi dam mkha' 'gro'i dkyil 'khor tshogs/__/phyogs dus skyabs yul rgya mtsho'i tshogs rnams la/__/gus pas phyag 'tshal snying nas skyabs su mchi/__/mkhyen brtse'i bdag nyid mgon po khyed rnams kyis/__/nyam nga'i gnas ltung skyabs med bdag lta bu/__/bzod dka' gshin rje'i g.yul ngor pham pa'i mthus/__/'jigs dang sdug bsngal zug rngus mnar la gzigs/__/thog med spyad pa'i las ngan gyis sgrib pas/__/'khrul snang duHkhas gdung la rjes dgongs te/__/srid pa'i rgya mtsho brgal dka' las bsgral nas/__/lhan skyes bde chen sa la drang du gsol/__/zhes 'dun pa rtse gcig pas gsol te skyabs su song bar mos la/__/gnyis pa dngos gzhi dbang gi cho ga ni/__spro na/__ji ltar bltams pa sogs kyi khrus nas dbyung*/__maN+Dal/__skyabs sems sdom bzung sngon du 'gro bas/__byang chub rdo rje 'chang chen pos sogs kyi gsol ba btab pas/__tshe 'das skad cig gis bcom ldan 'das yum chen khros ma nag mo'i skur gyur pa la/__slob dpon rdo rje phag mo'i sogs bdag 'jug dkyus ltar dbang bzhi yongs rdzogs mjug spro ba bskyed pa'i bar mthar chags su bskur ro/__/yang skabs 'ga' zhig tu spros pa 'tshams pa'i dbang du byas nas rdo rje gsum gyi dbang bskur tsam sbyar na/__khrus/__maN+Dal/__skyabs sems/__sdom bzung rnams sngon du 'gro bas/__byang chub rdo rje 'chang chen pos/__/sogs kyis gsol ba btab/__tshe 'das skad cig gis bcom ldan 'das yum chen khros ma nag mo'i skur gyur pa la/__slob dpon gyi thugs ka nas 'phros pa'i 'od kyis rdo rje phag mo mkha' 'gro gsang ba kun 'dus kyi dkyil 'khor gyi 'khor lo mkha' khyab tu sad pas rdo rje'i gsang ba gsum gyi dbang bskur bar gyur/__sku b+han+d+ha dpral bar bzhag cing bdud rtsi sbyin te/__oM:__ji snyed sangs rgyas thams cad kyi:__sku yi rdo rje mkha' 'gro mas:__lus la mngon par dbang bskur bas:__rdo rje'i sku ru 'grub par shog:__oM sarba d+hA ki nI kA ya dz+nyA na at+ma ko\u0f85 ha~M:__me long sin+d+hU ra'i dkyil 'khor bkod pa'i thig le mgrin par byug la/__AH__ji snyed sangs rgyas thams cad kyi:__gsung gi rdo rje mkha' 'gro mas:__ngag la mngon par dbang bskur bas:__rdo rje'i gsung du 'grub par shog:__oM sarba d+hA ki nI wA ka dz+nyA na at+ma ko\u0f85 ha~M:__thugs rdo rje sems dpa'i me long bstan te/__hU~M:__ji snyed sangs rgyas thams cad kyi:__thugs kyi rdo rje mkha' 'gro mas:__yid la mngon par dbang bskur bas:__rdo rje'i thugs su 'grub par shog:__oM sarba dz+nyA na d+hA ki nI tsit+ta dz+nyA na at+ma ko\u0f85 ha~M:__zhes dbang bskur bas ye shes mkha' 'gro ma rnams kyi sku gsung thugs kyi gsang ba dang slob ma'i sgo gsum dbyer med par gyur ste/__khams gsum gyi snang grags rtog pa'i tha mal gnyis 'dzin gyi sgrib pa sbyangs/__dbang bzhi'i ye shes kyi nus pa rgyud la smin/__rdo rje bzhi yi lam mngon du byed pa'i skal ba can du byas/__sku bzhi ye shes lnga ldan bcom ldan 'das ma rdo rje phag mo'i go 'phang mngon du byas pa'o/__/gsum pa rjes kyi rim pa la lnga las/__dang po zas gtad ni/__yo byad rnams ra~M ya~M kha~M gis bsang sbyang*/__lha rdzas dang ting nge 'dzin las grub pa'i 'dod yon gyi phung po zad mi shes pas nam mkha'i khams thams cad gang bar gyur/__nam mkha' mdzod sngags rgya dang bcas pa lan gsum gyi byin brlabs byas te/__phyogs dus kun na gzugs sgra dri dang ro/__/reg bya'i khyad par phun sum tshogs pa rnams/__/ye shes DA ka'i gnas thob khyod la 'bul/__/bde stong dga' bas rtag tu tshims par shog__/oM badz+ra b+hA ra he kro d+hI kA li rU pa shab+da gan+d+he ra sa spar+she pany+tsa kA ma gu Na pra tits+tsha hU~M swA hA/__zhes pa tsam mam spro na 'dod yon lnga so sor phral te phul mthar/__thams cad nam mkha' mdzod bzhin du/__/longs spyod chad pa med par shog__/rtsod pa med cing 'tshe med par/__/rang dbang du ni spyod par shog__/gnyis pa 'khor bar ma chags par gdams pa ni/__kye ma nyon cig tshe 'das rigs kyi bu/__/rigs drug 'khor ba'i gnas na bde ba med/__/sdug bsngal srid pa'i las la ma chags par/__/'dun pa lha dang bla mar rtse gcig gtod/__/ngan song bzod dka'i sdug bsngal shugs drag cing*/__/bde 'gro rnyed kyang mi brtan skad cig tsam/__/rm-i lam sgyu ma lta bur ngo shes pas/__/zhen med dad pa'i sems kyis bdag la nyon/__/tshe 'di'i gnyen bshes longs spyod bde skyid kun/__/'phreng na thar par bar du gcod pa'i rkyen/__/mi rtag skad cig tshogs pa'i mgron po 'dra/__/gdung bas ma 'phreng dad pa'i sems bskyed cig__/gsum pa bar do'i gdams pas ngo sprad pa ni/__/mar me sbar zhing de nyid rdo rje phag mo lus dkyil gnas lnga'i mkha' 'gro dpa' bo dpa' mo'i grong khyer dang bcas pa ma 'dres yongs rdzogs su gsal te/__oM badz+ra b+hA ra he dz+nyA na kA ya wA ka tsit+ta ba~M ba~M ba~M:__zhes cung zad bzlas te mar me'i 'od zer byang bu la phog par bstan te/__kye ma nyon cig tshe 'das rigs kyi bu/__/dbyings kyi kong bur rig pa'i mar me'i bcud/__/rang byung lhun grub rdo rje phag mo ste/__/rlung sems bde stong rnam pa thams cad gzugs/__/mkha' 'gro 'dus pa'i dkyil 'khor chen po yin/__/ye shes 'od zer bsam mi khyab pa 'dis/__/'khrul snang las kyi mun pa sel ba'i mchog__/ma yengs ma 'phro rtse gcig 'di la ltos/__/snang stong gnyis med me yi 'od zer ltar/__/bar do'i snang cha stong gzugs shes par gyis/__/chos nyid rang sgra bzang ngan ci shar yang*/__/grags stong mnyam nyid skye med sngags su ltos/__/dran rtog ci shar rang grol bde ba che/__/'od gsal ye shes rol mor ngo shes gyis/__/rang ngo 'phrod na 'khrul snang bar ma do'i/__/snang ba thams cad lhan skyes mkha' 'gro'i dal/__/bde chen stong pa gnyis med bdag nyid ste/__/dag pa chen po chos sku nyag gcig yin/__/rang ngo shes na dug lnga'i nyon mongs kyang*/__/ye shes lnga ldan mkha' 'gro rigs lnga'i dal/__/me dang 'od zer gnyis su med pa ltar/__/snang ba thams cad rang snang rol rtsal yin/__/rlung sems ye shes sgyu ma'i rang bzhin du/__/gnyis med bsre zhing dag par go 'pho ba'i/__/'dun pa rtse gcig gtod la rig pa bsgrims/__/'gyur med chos sku'i gtan srid zin par gyis/__/oM ba~M badz+ra b+hA ra he kro d+hI kA li ha ri ni sa a be sha ya sarba d+hA ki nI ru lu ru lu hU~M b+h+yo hU~M:__zhes dbyangs dang bcas brjod cing dmigs yul dang rang sems chos nyid gdal ba chen po'i klong du gnyis su med par ngo shes pa'i gdeng bskyed de mnyam par bzhag pa'i rkyen las mar me las mkha' 'gro'i sku dang ye shes kyi 'od zer dpag tu med pa 'phros bar do yid kyi bkod pa gsal ba la phog pas snang ba thams cad rdo rje phag mo'i gsang ba gsum gyi rnam rol du lam lam gsal ba'i rkyen gyis 'khrul snang sdug bsngal 'jigs skrag thams cad rang zhi rang grol du gyur te skye med chos sku yum chen mo'i mkha' ru dag ste 'og min mkha' spyod bde chen grong khyer du shar bas dbugs dbyung bar bsam te mchod skong dkyus su 'byung ba ltar/__hoH__dur khrod gsang mchog mkha' 'gro'i dkyil 'khor du/__/sogs mar me'i smon lam kyang tshang bar byas mthar/__bzhi pa 'pho ba'i man ngag gis lam bstan pa ni/__kyai ma yid 'ong rigs kyi bu gcig__/cha med bar do'i yul du 'khyams te/__/sna tshogs sdug bsngal tshor bas gzir la/__/ma gcig zhal gyi gdams pa nyon cig__/rlung sems gnyis 'dus bar do'i srid par/__/'chi bar ngo shes 'dir snang yid 'phreng*/__/sgra 'od 'phrang dang gshin rje'i pho nya'i/__/'khrul snang sna tshogs rang sems cho 'phrul/__/thog med las kyi rdzu 'phrul ldan phyir/__/dran pa tsam gyis gnas der sleb pas/__/'og min gsang chen chos kyi dbyings na/_/bcom ldan rdo rje phag mo bzhugs kyis/__/gzhi lus stong gsal 'od kyi gur nang*/__/ye shes dbu ma'i lte ba'i thad sor/__/zla steng rnam shes dkar gsal thig le/__/bskyed byed rlung gis g.yo zhing 'phar ba/__/bde ba myong byed las kyi mkha' 'gros/__/thugs rje'i rlung gis lha min gnas sbyangs/__/mtha' bral bya grub ye shes dbyings su/__/ljang gsal 'od kyi lam las gshegs shig__/'og rlung bskyod cing steng rlung phyir btang ba dang mig gyen du bzlog ste/__phaT ces gsang gnas nas sbar te snying gar bstim zhing rlung sems bsres la mnyam par bzhag__/yang*/__srid pa bskyed byed rin chen mkha' 'gros/__/thugs rje'i rlung gis yi dwags gnas sbyangs/__/khyab brdal mnyam nyid ye shes dbyings su/__/ser gsal 'od kyi lam las gshegs shig__/snga ma ltar/__phaT kyis spar/__dran pa rnam bkod rdo rje mkha' 'gros/__/thugs rje'i rlung gis dmyal ba'i gnas sbyangs/__/'od gsal me long ye shes dbyings su/__/mthing gsal 'od kyi lam las gshegs shig__/phaT/__ro rnams 'dus par pad+ma mkha' 'gros/__/thugs rje'i rlung gis lha yi gnas sbyangs/__/ma 'dres sor rtog ye shes dbyings su/__/dmar gsal 'od kyi lam las gshegs shig__/phaT/__rtse mo rnam bkod sangs rgyas mkha' 'gros/__/thugs rje'i rlung gis dud 'gro'i gnas sbyangs/__/rang rig chos dbyings ye shes klong du/__/dkar gsal 'od kyi lam las gshegs shig__/phaT/__ye shes 'khor lo rdo rje phag mos/__/thugs rje'i rlung gi mi yi gnas sbyangs/__/bde stong lhan skyes ye shes dbyings su/__/mkha' spyod 'od lnga'i lam las gshegs shig__/phaT/__ces gdams shing*/__bzhi pa lam sbyangs ba ni/__skyabs gnas dkon mchog gsum gyi bden pa dang*/__/lha dang snying po phyag rgya'i byin rlabs mthus/__/rigs kyi bu khyod lam lnga sa bcu kun/__/thogs med skad cig nyid la bsgrod gyur cig__/gsang mchog smin grol zab mos rjes bzung mthus/__/gsang chen sngags kyi theg pa'i rigs gyur te/__/dpal chen rdo rje mkha' 'gro'i tshogs rnams kyis/__/kha sbyor bde bas rjes su 'dzin par shog__/ces bden pa'i stobs brjod pas rnam shes 'od kyi gong bu tshangs bug rgya mthong kha phyes pa lta bu nas bya 'phur ba bzhin mkha' spyod d+hu ma tha la'i zhing du thal gyis song ste rdo rje btsun mo yum chen khros ma nag mo'i thugs kar thim pas rnam thar sgo gsum gyi klong du gnyis su med par sangs rgyas par bsam la rig pa spro bsdu med pa'i ngang du/__a zhes brjod nas mnyam par bzhag go__/lnga pa byang bu bsregs pa ni/__dkyil 'khor gyi lha tshogs rnams kyi thugs ka nas ye shes kyi 'od zer byung bas tshe 'das kyi phung khams skye mched ma dag 'khor ba'i chos thams cad stong nyid rnam kun mchog ldan ka dag gi dbyings su sbyangs par bsam la/__hU~M/__skye med dbyings kyi thab khung du/__/rig pa rdo rje'i me 'od 'bar/__/de dbus khros ma rigs lnga dang*/__/dpa' bo d+hA ki'i tshogs bcas kyi/__/sku las bde chen 'bar ba'i mes/__/tshe 'das nyon mongs bag chags bsregs/__/rnam thar sgo gsum stong nyid mes/__/bdag 'dzin mtshan ma'i rtog pa bsregs/__/don la bsreg bya bsregs byed kun/__/bya rtsol med par ye sangs rgyas/__/'bad med lhun grub chos kyi sku/__/rang byung ye shes der snang ngo*/__/ag+ne dz+wa la ra~M/__ces zag bcas sdug bsngal kun 'byung gi chos thams cad zag med zab zhi spros bral gyi dbyings su sbyangs te bde ba chen po'i dbyings su btsan sa zin pa'i bsngo smon zab mos rgyas 'debs bcas mtha' rgyas su bya zhing*/__byang bu bsregs pa'i thal ba 'jim pa brdzis te sAts+tsha btab cing grub na rin chen mkha' 'gro'i sa yis skong ba'i cho ga yang bya zhing mthar gnas dben par bzhag go__/'dis kyang mkha' khyab 'gro ba mtha' dag kun/__/rje btsun thugs rje'i phyag gis nyer bzung ste/__/bde chen 'phur 'gro'i tshal du rtsen pa yis/__/sku bzhi'i dbyings su bde blag sim gyur cig__/ces pa'ang khams drug ldan pa'i rdo rje'i lus mchog bskyed cing chos srid zung 'jug gi drin la 'khor mtha' ma mchis pa'i a ma bgres mo 'jam dbyangs tshul khrims bzang mo 'jig rten phyi ma'i lam po cher zhugs te dam pa'i chos las gzhan pa'i skyabs ma mchis pa'i tshe sngon med gsang ba zab mo'i mdzod la ci gar spyod pa'i gnas gsum DA ki'i gces phrug pad+ma dbang chen dgyes pa rtsal gyis sa yos mgo zla'i dmar phyogs su spel ba 'dis kyang pha mas thog drangs 'gro kun 'khrul snang bar do drug gi sdug bsngal las dbugs dbyung ste bde chen mkha' spyod tshogs kyi 'dus pa la brtson pas 'brel tshad don dang ldan pa'i rgyur snying nas smon pa bzhin 'grub par gyur cig/___/ma ma ko ling sa man+ta//