JKW-KABUM-21-ZHA-021-001

🚧 This website is under continued development. We appreciate your patience!

First text in section. Back to Volume PageNext Text

Wylie title
Location	mkhyen brtse'i bka' 'bum Volume 21, sde tshan 21, Text 1, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 21: . Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

1 541-551	ས་སྙིང་དང་བརྟན་མ་སྦྲགས་སྒྲུབ་ཀྱི་བུམ་གཏེར་སྒྲུབ་ཚུལ་ཤིན་ཏུ་བསྡུས་པ་ཕན་བདེའི་ཡང་སྙིང་། sa snying dang brtan ma sbrags sgrub kyi bum gter sgrub tshul shin tu bsdus pa phan bde'i yang snying Vase Consecration - bum sgrub	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ས་སྙིང་དང་བརྟན་མ་སྦྲགས་སྒྲུབ་ཀྱི་བུམ་གཏེར་སྒྲུབ་ཚུལ་ཤིན་ཏུ་བསྡུས་པ་ཕན་བདེའི་ཡང་སྙིང་།

༄༅། །ས་སྙིང་དང་བརྟན་མ་སྦྲགས་སྒྲུབ་ཀྱི་བུམ་གཏེར་སྒྲུབ་ཚུལ་ཤིན་ཏུ་བསྡུས་པ་ཕན་བདེའི་ཡང་སྙིང་ཞེས་བྱ་བ་བཞུགས་སོ།། །།

ཨོཾ་སྭསྟི་སིདྡྷཾ། །བྱང་ཆུབ་སེམས་ཀྱི་ནོར་བུ་ཡིས། །ཕན་བདེའི་འདོད་རྒུ་སྩོལ་མཛད་པའི། བླ་མ་མཆོག་དང་ལྷག་པའི་ལྷར། །བཏུད་ནས་གཏེར་བུམ་སྒྲུབ་ཐབས་བཤད། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། བུམ་པ་ཡུལ་གྱི་བྲེ་གང་ཤོང་བ་ལས་མི་ཆུང་བའི་ནང་། དབུས་སུ་སྲོག་ཤིང་བརྟན་པར་བཙུགས་པ་ལ་གཟུངས་ཀྱི་ཤོག་དྲིལ་དཀྲི་ཞིང་ན་བཟའ་གསོལ། སྒྲུབ་ཆེན་བྱས་པའི་སྒྲུབ་གཏོར། མ་ཎི་རིལ་བུ། བྱ་རྒྱུད་ལུགས་ཀྱི་བུམ་རྫས་ཉེར་ལྔ། སྙིང་ཞོ་ཤ་མཁལ་མ་ཞོ་ཤ་སོགས་ཞོ་ཤའི་རིགས་དང་། དུག་རིགས་མ་འདྲེས་པའི་སྨན་སྣ། གནས་རྟེན་བྱིན་ཅན་དང་ས་དཔལ་ཅན་གྱི་ས་སྣ་ཆུ་སྣ། ལྕགས་དང་ར་གན་མུ་ཟི་ལ་སོགས་མ་འདྲེས་པའི་རིན་པོ་ཆེའི་རིགས། འབྲུ་ནག་མ་གཏོགས་པའི་འབྲུ་སྣ། ཤིང་ཏོག །ཤ་ཆང་མ་གཏོགས་པའི་དཀར་མངར་དང་ཁུར་བ་སོགས་ཟས་སྣ་གཙང་མ། ཤུག་པ་སོགས་བཟང་ཤིང་གི་ཕྱེ་མ་དང་བཅས་པས་ཕྱུར་བུར་བཀང་། ཁ་འཇིམ་པས་བཅད་ཅིང་རས་དཀར་པོ་ལ་རིགས་ལྔའི་ཕྱག་མཚན་བྲིས་པས་གཡོགས། མགྲིན་པ་དམ་པར་བཅིང་། གཟུངས་གཞུག་ཤོག་དྲིལ་ལ་བྲི་རྒྱུ། གཞུང་གི་བཟླས་སྔགས་རྣམས་དང་། ནཱ་ག་ཕུཿཏ་ལ་མ་ཐ་སྙན་ལ་ཐ། མི་འཛད་ཡུན་གྱི་གཏེར་མཛོད་ཅིག །ཅེས་དང་། དབྱངས་གསལ་རྟེན་སྙིང་། འབད་དང་སྩོལ་བས་མ་གོས་པ། ཞེས་སོགས་བཀྲ་ཤིས་དང་། སུ་པྲ་ཏིཥྛས་མཐའ་བརྒྱན་པ་བྲིའོ། །ས་སྙིང་དང་ནོར་རྒྱུན་མ་སྦྲགས་སྒྲུབ་ཀྱི་སྙིང་གཏེར་དང་ནོར་བུམ་གཞི་མཐུན་དུ་བྱེད་ན། བཅས་ཀྱི་སྐབས། གཟུངས་གཞུག་ལ་ནོར་རྒྱུན་མའི་སྙིང་པོ་དང་། སྤྲོ་ན་གཟུངས་རིང་ཡང་བྲི། ཤ་ཆང་སྒོག་བཙོང་གླ་རྩི་སོགས་མ་འདྲེས་པའི་གཡང་རྫས་ཀྱི་རིགས་ཐུམ་བོར་བྱས་པའང་གཞུག །ངག་འདོན་སྐབས་ནོར་རྒྱུན་མ་བསྐྱེད་ཆོག་སོགས་མཆན་གསལ་ལྟར་སྦྱར་བས་ལེགས་པར་གྲུབ་བོ། །གང་ལྟར་ཡང་བཅའ་གྲུབ་ནས་གཞི་གཙང་མའི་དབུས་སུ་འབྲུ་དཀར་ཅུང་ཟད་བཀྲམ་པར་བུམ་པ་བཞག །དེའི་མདུན་དུ་གཏོར་མ་ལྕོག་ཟླུམ་དཀར་པོ་དང་། མཆོད་པ་བཤམ། སློབ་དཔོན་གྱི་མདུན་དུ་རྡོར་དྲིལ། འཐོར་ནས། གྲོགས་གཞན་ཡོད་ན་རྔ་རོལ་དུང་དཀར་སོགས་བཤམ། གཉིས་པ་ནི། བདག་བསྐྱེད་ཐུགས་རྗེ་ཆེན་པོའི་སྒོམ་བཟླས་རྒྱས་བསྡུས་གང་རིགས་རྗེས། སྤྲོ་ན་བུམ་པ་རྣམས་ལ་སྦྱོང་ཁྲུས་ཚུལ་བཞིན་བྱ། གང་ལྟར་ཡང་བུམ་པ། ཨ་མྲྀ་ཏས་བསང་། སྭཱ་བྷཱ་ཝས་སྦྱང་། སྟོང་པའི་ངང་ལས་འབྱུང་བ་རིམ་བརྩེགས་སྟེང་། །བྷྲཱུྃ་ལས་རིན་ཆེན་སྣ་ཚོགས་ལས་གྲུབ་པའི། །ཕྱི་ནི་བུམ་པ་ནང་ནི་གཞལ་ཡས་ཁང་། །ཤིན་ཏུ་ཉམས་དགའ་ལོངས་སྤྱོད་དུ་མས་གང་། །དེ་དབུས་སྣ་ཚོགས་པདྨ་ཟླ་བའི་སྟེང་། །ཀྵཱིྃ་ལས་སེམས་དཔའ་ས་ཡི་སྙིང་པོ་དཀར། །མྱུ་གུ་དྲིལ་བུ་འཛིན་ཅིང་ཕྱེད་སྐྱིལ་བཞུགས། །ནོར་རྒྱུན་མ་དང་སྦྲགས་སྒྲུབ་སྐབས། མདུན་དུ་འཕགས་མ་ནོར་རྒྱུན་ལྷ་མོ་སེར། །ཕྱག་གཉིས་མཆོག་སྦྱིན་རིན་ཆེན་འབྲས་སྙེ་བསྣམས། །ཞེས་སྦྱར། དེ་མདུན་ས་ཡི་ལྷ་མོ་གསེར་གྱི་མདོག །ནོར་བུ་བུམ་འཛིན་སྐུ་སྟོད་ས་ནས་ཐོན། །རྒྱབ་ཏུ་ས་བདག་དབང་ཆེན་སྐུ་མདོག་སེར། །ཞལ་གཅིག་ར་བ་བཞི་ཡི་གདེངས་ཀ་ཅན། །ཕྱག་བཞི་ཐལ་སྦྱར་ལྗོན་ཤིང་རི་རབ་འཛིན། །སྐུ་སྨད་སྦྲུལ་འཁྱིལ་རུ་སྦལ་སྟེང་དུ་བཞུགས། །གཡས་གཡོན་ལྷ་ཀླུ་གཞི་བདག་ཕོ་མོ་དང་། །སྒོ་བཞིར་སྲུང་བཞི་ཕྱི་ནང་བར་མཚམས་སུ། །བཀྲ་ཤིས་རྫས་རྟགས་རྒྱལ་སྲིད་འདོད་ཡོན་ཚོགས། །ལྷ་ཀླུ་མི་ཡི་ལོངས་སྤྱོད་ཟད་མི་ཤེས། །རྒྱ་ཆེ་རྒྱུན་མི་འཆད་པའི་གཏེར་དུ་གྱུར། །ན་མ་སཱརྦ་ཏ་ཐཱ་ག་ཏེ་བྷྱོ་བི་ཤྭ་སོགས་དང་། ཨོཾ་བཛྲ་སྥ་ར་ཎ་ཁཾ། གཙོ་འཁོར་རྣམས་ཀྱི་གནས་གསུམ་འབྲུ་གསུམ་དང་། །ས་བོན་འོད་ཀྱིས་འཁོར་བཅས་སྤྱན་དྲངས་གྱུར། ཅེས་གསལ་བཏབ་ལ། སྤྱན་འདྲེན་པ་ནི། ཧོཿ གསོན་ཅིག་དགོངས་ཤིག་མངོན་ཤེས་ཅན། །ཡེ་ཤེས་སྤྱན་དང་ལྡན་པ་པོ། །བྱང་ཆུབ་སེམས་དཔའ་སེམས་དཔའ་ཆེ། །ས་ཡི་སྙིང་པོ་དགོངས་སུ་གསོལ། །ནོར་བུམ་དང་སྦྲགས་སྒྲུབ་སྐབས། འདོད་རྒུའི་དངོས་གྲུབ་ཆར་འབེབས་པའི། །ནོར་རྒྱུན་ལྷ་མོ་དགོངས་སུ་གསོལ། །ཞེས་སྦྱར། བྱང་ཆུབ་སེམས་མ་རྫུ་འཕྲུལ་ཅན། །ལྷ་མོ་བརྟན་མ་དགོངས་སུ་གསོལ། །ལས་ལས་གྲུབ་པའི་སྟོབས་པོ་ཆེ། །ས་བདག་དབང་ཆེན་དགོངས་སུ་གསོལ། །ལྷ་འདྲེ་ཡིད་ཀྱི་མངོན་ཤེས་ཅན། །ཡུལ་ཕྱོགས་འདི་ལ་གནས་པ་ཡི། །ཀླུ་དང་ས་བདག་དགོངས་སུ་གསོལ། །དེ་རིང་བདག་དང་ཡོན་བདག་གི། །འགལ་རྐྱེན་བར་ཆད་ཞི་བ་དང་། །མཐུན་རྐྱེན་ལེགས་ཚོགས་རྒྱས་པའི་ཕྱིར། །གཏེར་བདག་ཁྱེད་རྣམས་སྤྱན་འདྲེན་ན། །ཐུགས་རྗེའི་དབང་གིས་གཤེགས་སུ་གསོལ། །རིན་ཆེན་སྣ་ཚོགས་གཏེར་བུམ་ལ། །སྐུ་ཡི་རྟེན་དང་གནས་མཛོད་ཅིག །ཡུལ་ཕྱོགས་འདི་རུ་དུས་རྟག་ཏུ། །ལོ་ལེགས་འབྲུ་དང་རྩྭ་རྣམས་འཕེལ། །ས་བཅུད་དཔལ་གཡང་རྒྱས་པ་དང་། །བདག་ཅག་དཔོན་སློབ་ཡོན་མཆོད་ཀྱི། །ཁ་འཛིན་རྒྱབ་བརྟེན་སྟོང་གྲོགས་མཛོད། །བདེ་སྐྱིད་ལྡན་པའི་དངོས་གྲུབ་སྩོལ། ཨོཾ་ཀྵཱིྃ་ཧི་རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི། ཞེས་སྦྱར། པྲི་ཐཱི་དེ་བཱི་སརྦ་བྷཱུ་མི་པ་ཏི་ས་པཱ་རི་ཝཱ་ར་ཨེ་ཧྱེ་ཧི། བཛྲ་ས་མཱ་ཛཿ ཛཿཧཱུྃ་བྃ་ཧོཿ ཏིཥྛ་ལྷན། ས་མ་ཡ་སྟྭཾ། ས་མ་ཡ་ཧོཿ ཞེས་སྤྱན་དྲངས་ཤིང་བསྟིམ། ཕྱག་འཚལ་བ་ནི། སེམས་དཔའ་ས་ཡི་སྙིང་པོ་དང་། །ས་ཡི་ནོར་བུམ་དང་སྦྲགས་སྒྲུབ་སྐབས། ནོར་རྒྱུན་ཞེས་བསྒྱུར། ལྷ་མོ་བརྟན་མ་ཆེ། ས་བདག་ཀླུ་གཉན་འཁོར་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་པ་ནི། ཁྱེད་རྣམས་མཆོད་པའི་དམ་རྫས་ནི། །དངོས་སུ་ཅི་འབྱོར་གཙང་མར་བཤམས། །ཡིད་ཀྱིས་དཔག་ཏུ་མེད་པར་སྤྲུལ། །ཧ་ཧོ་ཧྲཱིཿཡིས་བྱིན་བརླབས་པ། །ཟག་མེད་བདེ་བ་བསྐྱེད་པའི་རྫས། །ཐུགས་ལ་བཞེད་དགུར་འཆར་བ་ཡི། །མཆོད་གཏོར་ལོངས་སྤྱོད་འདི་བཞེས་ལ། །འདོད་རྒུའི་དཔལ་འབྱོར་རྒྱས་པ་དང་། །ས་བཅུད་འཕེལ་བའི་དངོས་གྲུབ་སྩོལ། །ཨོཾ་ཀྵཱིྃ་ཧི་རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི་ཞེས་སྦྱར། པྲི་ཐྭཱི་དེ་ཝཱི་སརྦ་བྷཱུ་མི་པ་ཏི་ས་པ་རི་ཝཱ་ར་ཨརྒྷཾ་ནས། ཤཔྡ་སརྦ་པཱུ་ཛ་ཨཱཿཧཱུྃ། ཨོཾ་ཀྵཱིྃ་ཧི་རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི་ཞེས་སྦྱར། པྲི་ཐྭཱི་དེ་པཱི་སརྦ་བྷུ་མི་པ་ཏི་ས་པ་རི་ཝཱ་ར་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། བསྟོད་པ་ནི། གྲངས་མེད་གོང་ནས་སངས་རྒྱས་ཀྱང་། །འགྲོ་བའི་དོན་ཏུ་སེམས་དཔའི་ཚུལ། །སེམས་དཔའི་ས་ཡི་སྙིང་པོ་ལ། །ཕྱག་འཚལ་མཆོད་བསྟོད་སྐྱབས་སུ་མཆི། །ནོར་བུམ་དང་སྦྲགས་སྒྲུབ་སྐབས། གང་གི་མཚན་ཙམ་དྲན་པས་ཀྱང་། །འཛད་མེད་དབྱིག་གི་ཆར་འབེབས་པ། །འཕགས་པ་ནོར་རྒྱུན་ལྷ་མོ་ལ། །ཕྱག་འཚལ་མཆོད་བསྟོད་སྐྱབས་སུ་མཆི། །ཞེས་སྦྱར། ས་བརྒྱད་ལ་གནས་སེམས་མ་ཆེ། །སྟོང་གསུམ་འཇིག་རྟེན་ས་ཡི་བདག །ས་ཡི་ལྷ་མོ་བརྟན་མ་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོད་ཅིང་བསྟོད་དེ་ཕྱག་ཀྱང་འཚལ། །བདག་ཅག་ཡོན་མཆོད་འཁོར་བཅས་ཀྱི། །ནད་གདོན་གནོད་པ་ཞི་བ་དང་། །ས་བཅུད་དཔལ་གཡང་རྒྱས་པར་མཛོད། །འདོད་རྒུའི་དངོས་གྲུབ་སྩལ་དུ་གསོལ། །བཤགས་པ་ནི། འཁོར་འདས་མགྲོན་རྣམས་ཐམས་ཅད་ལ། །ཚེ་རབས་སྔོན་ནས་ད་ལྟའི་བར། །མི་དགེ་མི་རུང་ལས་བགྱིས་པ། །དེ་དག་ཐམས་ཅད་མཐོལ་ལོ་བཤགས། །ཡི་གེ་བརྒྱ་པ་བརྗོད། བཟླས་པ་ནི། བུམ་ལྷའི་ཐུགས་སྲོག་སྔགས་ཕྲེང་ལས། །འོད་འཕྲོས་བརྟན་གཡོའི་རྒུད་པ་ཞི། །ཚེ་བསོད་དཔལ་འབྱོར་ཡེ་ཤེས་རྒྱས། །དཔག་ཚད་བརྒྱད་ཁྲི་བཞི་སྟོང་གི། །ས་བཅུད་བསྡུས་ནས་བུམ་པར་ཐིམ། །དངོས་གྲུབ་ཀུན་གྱི་གཏེར་དུ་གྱུར། །ཅེས་བརྗོད་ཅིང་བསམས་ལ། ཨོཾ་ཀྵཱིྃ་ཧི་རཱ་ཛ། ནོར་བུམ་དང་། སྦྲགས་སྒྲུབ་སྐབས། བ་སུ་དྷ་རཱི་ཞེས་སྦྱར། པྲི་ཐྭཱི་དེ་བཱི་སྭཱ་ཧཱ། ཞེས་བསྙེན་པ་དང་། ཨོཾ་ཀྵཱིྃ་ཧི་རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི་ཞེས་སྦྱར། པྲི་ཐྭཱི་དེ་པཱི་སརྦ་སིདྡྷི་སྭཱ་ཧཱ། ཞེས་སྒྲུབ་སྔགས་ཅི་ནུས་དང་། སྤྲོ་ན། ཨོཾ་སུམྦྷ་ནི་སུམྦྷ་ཧ་ར་ཙ་ར་མ་ཧཱ་པཱ་ཤ་མཱ་རུ་ཏ་ཨ་མོ་གྷ་བཛྲ་སནྟ་སྭཱ་ཧཱ། ཞེས་སའི་སྙིང་པོའི་གཟུངས་དང་། ནོར་བུམ་དང་སྦྲགས་སྒྲུབ་སྐབས། ཨོཾ་ཤྲཱི་བ་སུ་ནི་དྷ་ན་ཀྵི་ཏྲེ་སྭཱ་ཧཱ། ཞེས་དང་། ཨོཾ་བ་སུ་དྷ་རི་ཎཱི་སྭཱ་ཧཱ། ཞེས་རྒྱུད་སྡེ་གོང་འོག་ལས་འབྱུང་བའི་ནོར་རྒྱུན་མའི་སྙིང་པོ་དང་། ཏདྱ་ཐཱ། ཨོཾ་ཙི་རི་ཙི་རི། ཙུ་རུ་ཙུ་རུ། ཀུ་རུ་ཀུ་རུ། དོ་ཙུ་དོ་ཙུ། བ་ཧ་བ་ཧ་སྭཱ་ཧཱ། ཞེས་ལྷ་མོ་བརྟན་མའི་རིག་པ་དང་། ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མཎྜལ་མ་ཡེ་སྭཱ་ཧཱ། ཞེས་ཉེས་སེལ་གྱི་སྔགས་རྣམས་ཀྱང་ཅི་རིགས་པ་བཟླས་མཐར། རྗེས་ཆོག་ནི། ཨོཾ་ཀྵཱིྃ་ཧི་རཱ་ཛ། ནོར་བུམ་དང་སྦྲགས་སྒྲུབ་སྐབས། བ་སུ་དྷ་རཱི་ཞེས་སྦྱར། པྲི་ཐྭཱི་དེ་བཱི་སརྦ་བྷཱུ་མི་པ་ཏི་ས་པ་རི་ཝཱ་ར་ཨརྒྷཾ་ནས། ཤབྡ་སརྦ་པཱུ་ཛ་ཨཱཿཧཱུྃ། ཞེས་པས་མཆོད། ས་སྙིང་ནོར་བུམ་དང་སྦྲགས་སྒྲུབ་སྐབས། ནོར་རྒྱུན་ཞེས་བསྒྱུར་ལྷ་མོ་བརྟན་མ་དང་། །ས་བདག་ཚོགས་ལ་ཕྱག་འཚལ་བསྟོད། །མཆོད་གཏོར་ཆུང་དང་རྫས་མ་འཛོམས། །ཉེས་འགལ་གང་མཆིས་མཐོལ་ཞིང་བཤགས། །ས་སྙིང་ས་ཡི་ལྷ་མོ་གཉིས། ནོར་བུམ་དང་སྦྲགས་སྒྲུབ་སྐབས། ས་སྙིང་ནོར་རྒྱུན་བརྟན་མ་རྣམས། །ཞེས་བསྒྱུར། བདག་དང་ཡོན་བདག་བུམ་གཏེར་ལ། །བརྟན་པར་བཞུགས་ལ་ས་བཅུད་སྤེལ། །འདོད་རྒུའི་ལོངས་སྤྱོད་དངོས་གྲུབ་སྩོལ། །ཨོཾ་སུ་པྲ་ཏིཥྛ་བཛྲཱ་ཡེ་སྭཱ་ཧཱ། ཞེས་བརྟན་བཞུགས་བྱ། འབད་དང་རྩོལ་བས་མ་གོས་པའི། ཞེས་སོགས་བཀྲ་ཤིས་གང་རིགས་བརྗོད། ཚར་གྲངས་དགོས་ན་དེ་ལྟ་བུའི་སྒོ་ནས་གྲངས་གསོག །མཐར་བརྟན་བཞུགས་གྲུབ་རྗེས། མཆོད་སྦྱིན་གནས་འདིར་སོགས་སམ། །འཇིག་རྟེན་པ་ཡི་ས་བདག་རྣམས། །རང་རང་སོ་སོའི་གནས་སུ་གཤེགས། །ལོ་ཀ་བྷཱུ་མི་པ་ཏི་སརྦ་གཙྪ་ཞེས་དང་། བཀྲ་ཤིས་རྒྱས་པར་བརྗོད་དོ། །གསུམ་པ་ནི། བསྒྲུབས་ཟིན་པའི་བུམ་པས་དཔལ་བཟང་པོར་རླན་གྱིས་མི་འཇིག་པའི་ཆས་དང་བཅས་ཏེ་སྦ། བརྟན་བཞུགས་ཤིས་བརྗོད་ཙམ་གྱིས་ཀྱང་རུང་མོད། ཅུང་ཟད་སྤྲོ་ན་གོང་གི་ཆོ་ག་ཚར་གཅིག་བསྐྱར་ལ། སརྦ་གཙྪའི་རྗེས། ཧཱུྃ། འབྱུང་བ་ལྔ་ནི་སངས་རྒྱས་དངོས། །ས་ཡི་ལྷ་མོ་མཁའ་ཕྱེས་ཤིག །སྐུ་གསུང་ཐུགས་ཡོན་ཕྲིན་ལས་ཀྱི། །སྒྲུབ་པ་ལས་ཀྱི་གཏེར་སྦེད་དོ། །སྙིང་པོ་རིན་ཆེན་སྣ་ལྔ་འབྲུ། །སྨན་སྣ་དམ་རྫས་གཏོར་མ་ཡི། །ཡིད་བཞིན་གཏེར་མཆོག་འདི་སྦས་པས། །འདིར་འདུས་རྣལ་འབྱོར་བདག་ཅག་རྣམས། །བླ་མེད་བྱང་ཆུབ་མ་ཐོབ་བར། །སྐྱེ་རྒ་ན་འཆིའི་དུས་བྱུང་ཚེ། །གཏེར་མཆོག་འདི་ཡི་བྱིན་རླབས་ཀྱིས། །བདེ་ཐོག་ལོངས་སྤྱོད་ལྡན་པར་ཤོག །ཕྱག་རྒྱ་ལྔ་ཡི་རྒྱས་གདབ་བོ། །ཡོན་ཏན་མཐའ་རྒྱས་བཀྲ་ཤིས་ཤོག །ཨོཾ་བཛྲ་རཏྣ་པདྨ་ཀརྨ་སིདྡྷི་ཧཱུྃ་བྷྲཱུྃ། རྡོ་ལེབ་ལ་རིགས་ལྔའི་ཕྱག་མཚན་བྲིས་པས་བཀབ་ནས། ཧཱུྃ། རྡོ་རྗེ་འབར་བའི་རྒྱས་བཏབ་པས། །མི་ཤིག་མི་འགྱུར་རབ་ཏུ་བརྟན། །རིན་ཆེན་འབར་བའི་རྒྱས་བཏབ་པས། །ཚེ་དང་བསོད་ནམས་དཔལ་འབྱོར་རྒྱས། །པདྨ་འབར་བའི་རྒྱས་བཏབ་པས། །ཆགས་མེད་སྐྱོན་བྲལ་ཡོན་ཏན་ལྡན། །རལ་གྲི་འབར་བས་རྒྱས་བཏབ་པས། །བདུད་བཞིའི་བར་ཆད་རྩད་ནས་ཆོད། །འཁོར་ལོ་འབར་བས་རྒྱས་བཏབ་པས། །ཉོན་མོངས་འཁོར་བའི་སྡུག་བསྔལ་ཞི། །རྒྱས་ལྔ་བཏབ་པའི་བྱིན་རླབས་ཀྱིས། །སངས་རྒྱས་བསྟན་པ་དར་བ་དང་། །སེམས་ཅན་བདེ་སྐྱིད་ལྡན་པའི་ཕྱིར། །བསྟན་པའི་བཙས་སུ་འདི་གྱུར་ཅིག ། གྲོགས་རྣམས་ཀྱིས་ས་རྡོས་འཐས་པར་བཅག །རང་ཉིད་ཀྱིས་བཀྲ་ཤིས་གང་ཤེས་དང་། རྟེན་འབྲེལ་སྙིང་པོ་དང་། སུ་པྲ་ཏིཥྛ་སོགས་བརྗོད་ལ་མ་ཏོག་གི་ཆར་ཕབ། ལས་ཀྱི་རྗེས་མི་མངོན་པར་བྱའོ། །གནོད་སྦྱིན་གཏེར་འཆང་མཆོག་རྣམས་ཀྱི། །འདོད་རྒུའི་བུམ་པ་བཟང་པོ་བཞིན། །གདམས་པའི་སྙིང་པོ་འདི་བརྗོད་དགེས། །ཕན་བདེའི་དཔལ་ཡོན་རྒྱས་གྱུར་ཅིག །ཅེས་པའང་མ་ཧཱ་ཙི་ནའི་གཞུང་གི་གཏོ་བཅོས་རྣམས་དང་བཀའ་གཏེར་སྤྱིའི་མན་ངག་ལ་བརྟེན་ནས་གྲུབ་བརྙེས་ཀརྨ་ཆགས་མེད་ཀྱིས་མཛད་པའི་གཞུང་ལས་མདོར་བསྡུས་སྙིང་པོར་དྲིལ་བའི་ལེའུ་ཚན་ནོ། །སརྦ་མངྒ་ལཾ་བྷ་བ་ཏུ།། །།

[edit]

sa snying dang brtan ma sbrags sgrub kyi bum gter sgrub tshul shin tu bsdus pa phan bde'i yang snying / @#/__/sa snying dang brtan ma sbrags sgrub kyi bum gter sgrub tshul shin tu bsdus pa phan bde'i yang snying zhes bya ba bzhugs so//__// oM swasti sid+d+haM/__/byang chub sems kyi nor bu yis/__/phan bde'i 'dod rgu stsol mdzad pa'i/__bla ma mchog dang lhag pa'i lhar/__/btud nas gter bum sgrub thabs bshad/__/'di la gsum/__sbyor ba/__dngos gzhi/__rjes so/__/dang po ni/__bum pa yul gyi bre gang shong ba las mi chung ba'i nang /__dbus su srog shing brtan par btsugs pa la gzungs kyi shog dril dkri zhing na bza' gsol/__sgrub chen byas pa'i sgrub gtor/__ma Ni ril bu/__bya rgyud lugs kyi bum rdzas nyer lnga/__snying zho sha mkhal ma zho sha sogs zho sha'i rigs dang /__dug rigs ma 'dres pa'i sman sna/__gnas rten byin can dang sa dpal can gyi sa sna chu sna/__lcags dang ra gan mu zi la sogs ma 'dres pa'i rin po che'i rigs/__'bru nag ma gtogs pa'i 'bru sna/__shing tog__/sha chang ma gtogs pa'i dkar mngar dang khur ba sogs zas sna gtsang ma/__shug pa sogs bzang shing gi phye ma dang bcas pas phyur bur bkang /__kha 'jim pas bcad cing ras dkar po la rigs lnga'i phyag mtshan bris pas g.yogs/__mgrin pa dam par bcing /__gzungs gzhug shog dril la bri rgyu/__gzhung gi bzlas sngags rnams dang /__nA ga phuHta la ma tha snyan la tha/__mi 'dzad yun gyi gter mdzod cig__/ces dang /__dbyangs gsal rten snying /__'bad dang stsol bas ma gos pa/__zhes sogs bkra shis dang /__su pra tiSh+Thas mtha' brgyan pa bri'o/__/sa snying dang nor rgyun ma sbrags sgrub kyi snying gter dang nor bum gzhi mthun du byed na/__bcas kyi skabs/__gzungs gzhug la nor rgyun ma'i snying po dang /__spro na gzungs ring yang bri/__sha chang sgog btsong gla rtsi sogs ma 'dres pa'i g.yang rdzas kyi rigs thum bor byas pa'ang gzhug__/ngag 'don skabs nor rgyun ma bskyed chog sogs mchan gsal ltar sbyar bas legs par grub bo/__/gang ltar yang bca' grub nas gzhi gtsang ma'i dbus su 'bru dkar cung zad bkram par bum pa bzhag__/de'i mdun du gtor ma lcog zlum dkar po dang /__mchod pa bsham/__slob dpon gyi mdun du rdor dril/__'thor nas/__grogs gzhan yod na rnga rol dung dkar sogs bsham/__gnyis pa ni/__bdag bskyed thugs rje chen po'i sgom bzlas rgyas bsdus gang rigs rjes/__spro na bum pa rnams la sbyong khrus tshul bzhin bya/__gang ltar yang bum pa/__a mr-i tas bsang /__swA b+hA was sbyang /__stong pa'i ngang las 'byung ba rim brtsegs steng /__/b+h+rU~M las rin chen sna tshogs las grub pa'i/__/phyi ni bum pa nang ni gzhal yas khang /__/shin tu nyams dga' longs spyod du mas gang /__/de dbus sna tshogs pad+ma zla ba'i steng /__/k+ShI~M las sems dpa' sa yi snying po dkar/__/myu gu dril bu 'dzin cing phyed skyil bzhugs/__/nor rgyun ma dang sbrags sgrub skabs/__mdun du 'phags ma nor rgyun lha mo ser/__/phyag gnyis mchog sbyin rin chen 'bras snye bsnams/__/zhes sbyar/__de mdun sa yi lha mo gser gyi mdog__/nor bu bum 'dzin sku stod sa nas thon/__/rgyab tu sa bdag dbang chen sku mdog ser/__/zhal gcig ra ba bzhi yi gdengs ka can/__/phyag bzhi thal sbyar ljon shing ri rab 'dzin/__/sku smad sbrul 'khyil ru sbal steng du bzhugs/__/g.yas g.yon lha klu gzhi bdag pho mo dang /__/sgo bzhir srung bzhi phyi nang bar mtshams su/__/bkra shis rdzas rtags rgyal srid 'dod yon tshogs/__/lha klu mi yi longs spyod zad mi shes/__/rgya che rgyun mi 'chad pa'i gter du gyur/__/na ma sArba ta thA ga te b+h+yo bi shwa sogs dang /__oM badz+ra s+pha ra Na khaM/__gtso 'khor rnams kyi gnas gsum 'bru gsum dang /__/sa bon 'od kyis 'khor bcas spyan drangs gyur/__ces gsal btab la/__spyan 'dren pa ni/__hoH__gson cig dgongs shig mngon shes can/__/ye shes spyan dang ldan pa po/__/byang chub sems dpa' sems dpa' che/__/sa yi snying po dgongs su gsol/__/nor bum dang sbrags sgrub skabs/__'dod rgu'i dngos grub char 'bebs pa'i/__/nor rgyun lha mo dgongs su gsol/__/zhes sbyar/__byang chub sems ma rdzu 'phrul can/__/lha mo brtan ma dgongs su gsol/__/las las grub pa'i stobs po che/__/sa bdag dbang chen dgongs su gsol/__/lha 'dre yid kyi mngon shes can/__/yul phyogs 'di la gnas pa yi/__/klu dang sa bdag dgongs su gsol/__/de ring bdag dang yon bdag gi/__/'gal rkyen bar chad zhi ba dang /__/mthun rkyen legs tshogs rgyas pa'i phyir/__/gter bdag khyed rnams spyan 'dren na/__/thugs rje'i dbang gis gshegs su gsol/__/rin chen sna tshogs gter bum la/__/sku yi rten dang gnas mdzod cig__/yul phyogs 'di ru dus rtag tu/__/lo legs 'bru dang rtswa rnams 'phel/__/sa bcud dpal g.yang rgyas pa dang /__/bdag cag dpon slob yon mchod kyi/__/kha 'dzin rgyab brten stong grogs mdzod/__/bde skyid ldan pa'i dngos grub stsol/__oM k+ShI~M hi rA dza/__nor bum dang sbrags sgrub skabs/__ba su d+ha rI/__zhes sbyar/__pri thI de bI sarba b+hU mi pa ti sa pA ri wA ra e h+ye hi/__badz+ra sa mA dzaH__dzaHhU~M ba~M hoH__tiSh+Tha lhan/__sa ma ya s+t+waM/__sa ma ya hoH__zhes spyan drangs shing bstim/__phyag 'tshal ba ni/__sems dpa' sa yi snying po dang /__/sa yi nor bum dang sbrags sgrub skabs/__nor rgyun zhes bsgyur/__lha mo brtan ma che/__sa bdag klu gnyan 'khor bcas la/__/mchod cing bstod de phyag kyang 'tshal/__/mchod pa ni/__khyed rnams mchod pa'i dam rdzas ni/__/dngos su ci 'byor gtsang mar bshams/__/yid kyis dpag tu med par sprul/__/ha ho hrIHyis byin brlabs pa/__/zag med bde ba bskyed pa'i rdzas/__/thugs la bzhed dgur 'char ba yi/__/mchod gtor longs spyod 'di bzhes la/__/'dod rgu'i dpal 'byor rgyas pa dang /__/sa bcud 'phel ba'i dngos grub stsol/__/oM k+ShI~M hi rA dza/__nor bum dang sbrags sgrub skabs/__ba su d+ha rI zhes sbyar/__pri th+wI de wI sarba b+hU mi pa ti sa pa ri wA ra ar+g+haM nas/__shap+da sarba pU dza AHhU~M/__oM k+ShI~M hi rA dza/__nor bum dang sbrags sgrub skabs/__ba su d+ha rI zhes sbyar/__pri th+wI de pI sarba b+hu mi pa ti sa pa ri wA ra i dam ba liM ta kha kha khA hi khA hi/__bstod pa ni/__grangs med gong nas sangs rgyas kyang /__/'gro ba'i don tu sems dpa'i tshul/__/sems dpa'i sa yi snying po la/__/phyag 'tshal mchod bstod skyabs su mchi/__/nor bum dang sbrags sgrub skabs/__gang gi mtshan tsam dran pas kyang /__/'dzad med dbyig gi char 'bebs pa/__/'phags pa nor rgyun lha mo la/__/phyag 'tshal mchod bstod skyabs su mchi/__/zhes sbyar/__sa brgyad la gnas sems ma che/__/stong gsum 'jig rten sa yi bdag__/sa yi lha mo brtan ma la/__/mchod cing bstod de phyag kyang 'tshal/__/bstod par 'os pa thams cad la/__/zhing rdul kun gyi grangs snyed kyi/__/lus btud pa yis rnam kun tu/__/mchod cing bstod de phyag kyang 'tshal/__/bdag cag yon mchod 'khor bcas kyi/__/nad gdon gnod pa zhi ba dang /__/sa bcud dpal g.yang rgyas par mdzod/__/'dod rgu'i dngos grub stsal du gsol/__/bshags pa ni/__'khor 'das mgron rnams thams cad la/__/tshe rabs sngon nas da lta'i bar/__/mi dge mi rung las bgyis pa/__/de dag thams cad mthol lo bshags/__/yi ge brgya pa brjod/__bzlas pa ni/__bum lha'i thugs srog sngags phreng las/__/'od 'phros brtan g.yo'i rgud pa zhi/__/tshe bsod dpal 'byor ye shes rgyas/__/dpag tshad brgyad khri bzhi stong gi/__/sa bcud bsdus nas bum par thim/__/dngos grub kun gyi gter du gyur/__/ces brjod cing bsams la/__oM k+ShI~M hi rA dza/__nor bum dang /__sbrags sgrub skabs/__ba su d+ha rI zhes sbyar/__pri th+wI de bI swA hA/__zhes bsnyen pa dang /__oM k+ShI~M hi rA dza/__nor bum dang sbrags sgrub skabs/__ba su d+ha rI zhes sbyar/__pri th+wI de pI sarba sid+d+hi swA hA/__zhes sgrub sngags ci nus dang /__spro na/__oM sum+b+ha ni sum+b+ha ha ra tsa ra ma hA pA sha mA ru ta a mo g+ha badz+ra san+ta swA hA/__zhes sa'i snying po'i gzungs dang /__nor bum dang sbrags sgrub skabs/__oM shrI ba su ni d+ha na k+Shi tre swA hA/__zhes dang /__oM ba su d+ha ri NI swA hA/__zhes rgyud sde gong 'og las 'byung ba'i nor rgyun ma'i snying po dang /__tad+ya thA/__oM tsi ri tsi ri/__tsu ru tsu ru/__ku ru ku ru/__do tsu do tsu/__ba ha ba ha swA hA/__zhes lha mo brtan ma'i rig pa dang /__oM a ka ni ni ka ni a b+hi la maN+Dal ma ye swA hA/__zhes nyes sel gyi sngags rnams kyang ci rigs pa bzlas mthar/__rjes chog ni/__oM k+ShI~M hi rA dza/__nor bum dang sbrags sgrub skabs/__ba su d+ha rI zhes sbyar/__pri th+wI de bI sarba b+hU mi pa ti sa pa ri wA ra ar+g+haM nas/__shab+da sarba pU dza AHhU~M/__zhes pas mchod/__sa snying nor bum dang sbrags sgrub skabs/__nor rgyun zhes bsgyur lha mo brtan ma dang /__/sa bdag tshogs la phyag 'tshal bstod/__/mchod gtor chung dang rdzas ma 'dzoms/__/nyes 'gal gang mchis mthol zhing bshags/__/sa snying sa yi lha mo gnyis/__nor bum dang sbrags sgrub skabs/__sa snying nor rgyun brtan ma rnams/__/zhes bsgyur/__bdag dang yon bdag bum gter la/__/brtan par bzhugs la sa bcud spel/__/'dod rgu'i longs spyod dngos grub stsol/__/oM su pra tiSh+Tha badz+rA ye swA hA/__zhes brtan bzhugs bya/__'bad dang rtsol bas ma gos pa'i/__zhes sogs bkra shis gang rigs brjod/__tshar grangs dgos na de lta bu'i sgo nas grangs gsog__/mthar brtan bzhugs grub rjes/__mchod sbyin gnas 'dir sogs sam/__/'jig rten pa yi sa bdag rnams/__/rang rang so so'i gnas su gshegs/__/lo ka b+hU mi pa ti sarba gats+tsha zhes dang /__bkra shis rgyas par brjod do/__/gsum pa ni/__bsgrubs zin pa'i bum pas dpal bzang por rlan gyis mi 'jig pa'i chas dang bcas te sba/__brtan bzhugs shis brjod tsam gyis kyang rung mod/__cung zad spro na gong gi cho ga tshar gcig bskyar la/__sarba gats+tsha'i rjes/__hU~M/__'byung ba lnga ni sangs rgyas dngos/__/sa yi lha mo mkha' phyes shig__/sku gsung thugs yon phrin las kyi/__/sgrub pa las kyi gter sbed do/__/snying po rin chen sna lnga 'bru/__/sman sna dam rdzas gtor ma yi/__/yid bzhin gter mchog 'di sbas pas/__/'dir 'dus rnal 'byor bdag cag rnams/__/bla med byang chub ma thob bar/__/skye rga na 'chi'i dus byung tshe/__/gter mchog 'di yi byin rlabs kyis/__/bde thog longs spyod ldan par shog__/phyag rgya lnga yi rgyas gdab bo/__/yon tan mtha' rgyas bkra shis shog__/oM badz+ra rat+na pad+ma karma sid+d+hi hU~M b+h+rU~M/__rdo leb la rigs lnga'i phyag mtshan bris pas bkab nas/__hU~M/__rdo rje 'bar ba'i rgyas btab pas/__/mi shig mi 'gyur rab tu brtan/__/rin chen 'bar ba'i rgyas btab pas/__/tshe dang bsod nams dpal 'byor rgyas/__/pad+ma 'bar ba'i rgyas btab pas/__/chags med skyon bral yon tan ldan/__/ral gri 'bar bas rgyas btab pas/__/bdud bzhi'i bar chad rtsad nas chod/__/'khor lo 'bar bas rgyas btab pas/__/nyon mongs 'khor ba'i sdug bsngal zhi/__/rgyas lnga btab pa'i byin rlabs kyis/__/sangs rgyas bstan pa dar ba dang /__/sems can bde skyid ldan pa'i phyir/__/bstan pa'i btsas su 'di gyur cig__/_grogs rnams kyis sa rdos 'thas par bcag__/rang nyid kyis bkra shis gang shes dang /__rten 'brel snying po dang /__su pra tiSh+Tha sogs brjod la ma tog gi char phab/__las kyi rjes mi mngon par bya'o/__/gnod sbyin gter 'chang mchog rnams kyi/__/'dod rgu'i bum pa bzang po bzhin/__/gdams pa'i snying po 'di brjod dges/__/phan bde'i dpal yon rgyas gyur cig__/ces pa'ang ma hA tsi na'i gzhung gi gto bcos rnams dang bka' gter spyi'i man ngag la brten nas grub brnyes karma chags med kyis mdzad pa'i gzhung las mdor bsdus snying por dril ba'i le'u tshan no/___/sarba mang+ga laM b+ha ba tu//__//