JKW-KABUM-19-DZA-001-053

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 19, sde tshan 1, Text 53, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 19: . Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

1 Texts in this Section (sde tshan or chos tshan)

53 409-413	འཇམ་པའི་དབྱངས་ངག་དབང་ལེགས་གྲུབ་ནི། 'jam pa'i dbyangs ngag dbang legs grub ni History Texts - lo rgyus   ·   Religious History Texts - chos 'byung	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་པའི་དབྱངས་ངག་དབང་ལེགས་གྲུབ་ནི། འཇམ་པའི་དབྱངས་ངག་དབང་ལེགས་གྲུབ་ནི། འབྲོག་གནས་མཆེད་ལྔའི་ནང་ཚན་གནོད་སྦྱིན་གྱི་སྡེ་དཔོན་ཆེན་པོ་གསེར་སྤོང་གིས་ལེགས་པར་སྲུང་བའི་ཡུལ་གྲུ་སྒ་ལུང་རུ་བཞིར་གྲགས་པའི་ནང་ཚན་ལབ་མདའ་ཞེས་བྱ་བའི་གྲོང་ཁྱེར་དུ། སྔགས་ཀྱི་ལམ་ལ་གཞོལ་བའི་བརྒྱུད་པ་ཕྱིས་སུ་ལབ་མདའ་པའི་འཕྱིང་བང་དུ་གྱུར་པ་ཡ་རབས་དྲྭ་མའི་ངང་ཚུལ་ཅན་གྱི་ཁྱིམ་དུ་རབ་བྱུང་བཅུ་བཞི་པའི་ལྕགས་མོ་ལུག་གི་ལོར་འཁྲུངས། གཞོན་ནུའི་དུས་གདོང་སྤྲས་བསམ་གཏན་གླིང་གི་ཆོས་གྲྭར་ཞུགས། སྐྱེ་རྒུ་དོན་གྲུབ་གླིང་པའི་སྤྲུལ་སྐུ་ངག་དབང་བྱམས་པ་ཆོས་དར་མདུན་གཙུག་ཕུད་ཕུལ། མཚན་ངག་དབང་ལེགས་གྲུབ་ཏུ་གསོལ། སླར་ཐོབ་ཁུང་གི་དབང་གིས་ཐུབ་བསྟན་དགོན་དུ་བྱོན་ནས། དེ་དག་ཏུ་དཔལ་ཨེ་ཝྃ་པའི་ཆོས་སྤྱོད་ཆོ་གའི་རིམ་པ་རྣམས་བྱང་ཆུབ་པར་སྦྱངས། རྒྱལ་བའི་བཀའ་འགྱུར་རིན་པོ་ཆེ་ཀློག་པའི་མཆོད་གནས་ཀྱང་མཛད། དགུང་ལོ་བཅུ་དགུ་པ་ས་མོ་གླང་གི་ལོར་འོག་མིན་གཉིས་པ་ཤྲཱི་ཨེ་ཝྃ་ཆོས་ལྡན་དུ་ཕེབས། ལོ་དེར་མཁན་ཆེན་འཇམ་པའི་དབྱངས་དཔལ་ལྡན་དོན་གྲུབ་ལས་གསུང་ངག་རིན་པོ་ཆེ་གསན་ཅིང་། ཕྱི་ལོར་བསྙེན་པར་རྫོགས། རྟ་ནག་ཐུབ་བསྟན་རྣམ་རྒྱལ་དུ་མཚན་ཉིད་ཀྱང་ཐོག་གཅིག་སྦྱངས། ཁྱད་པར་དཔལ་ཨེ་ཝྃ་པའི་བསྒྲིགས་སྲོལ་ལྟར་རྒྱུད་བརྟག་གཉིས། ཚུལ་གསུམ། ལྗོན་ཤིང། སྡོམ་གསུམ། སྣང་རྒྱུད་གཉིས། ཀུན་ཏུ་དགོས་པའི་གཞུང་བདུན། མངོན་རྟོགས་རྒྱན་དང་། སྤྱོད་འཇུག་སྟེ་གཞུང་ཆེན་པོ་བཅོ་ལྔའི་ཚིག་དང་དོན་བཅས་ཐུགས་མཚོར་གཏམས་པས་གཞུང་བདུན་སྨྲ་བའི་མཚན་གྱི་ཅོད་པན་དབྱངས། དེ་དག་གི་སྐབས་སུ་ཉིན་རེར་ཤོག་བུ་དྲུག་རེ་ཙམ་ཆག་མེད་དུ་འཛིན་པ་གནང་བས་གོང་གི་གཞུང་དེ་རྣམས་ལོ་ཕྱེད་གཉིས་ཙམ་གྱིས་རྫོགས་པར་བཟུང་བ་ཡིན་ཅེས་གསུངས། བཟོ་དང་གསོ་བའི་རིག་པའང་ཅུང་ཟད་སྦྱངས་ཤིང་། ཁྱད་པར་སྐུ་གཟུགས་དང་མཆོད་རྟེན་གྱི་ཐིག་རྩ། དཀྱིལ་འཁོར་རབ་འབྱམས་ཀྱི་བྲིས་ཐིག །དབྱངས་གདངས། གར་རོལ་སོགས་ལ་མཁས་པའི་ཕུལ་དུ་སོན། དགུང་ལོ་སུམ་ཅུ་པ་ལྕགས་ཕོ་བྱི་བའི་ལོར་མཁན་ཆེན་ཐམས་ཅད་མཁྱེན་པས་བཀའ་སྩལ་ལྟར། བདག་གིས་སྒྲ་ཀ་ལཱ་པ། སྡེབ་སྦྱོར་རིན་འབྱུང་། སྙན་ངག་མེ་ལོང་རྣམས་ཕུལ་བ་དུས་ཐུང་ངུས་ཚེགས་མེད་པར་མཁྱེན། རྟ་ནག་མཁན་ཆེན་སེང་གེ་རབ་རྒྱས་ལས་ཕར་ཚད་ཀྱི་བཤད་པ་དང་། མཁན་ཆེན་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་གཙོ་བོར་གྱུར་པའི་ཡོངས་འཛིན་དམ་པ་ཇི་ལྟར་བསྟེན་པའི་ཚུལ་ནི། མཁན་ཆེན་དཔལ་ལྡན་དོན་གྲུབ། ཕན་ཁང་མཁན་རིན་པོ་ཆེ་བྱམས་པ་དཔལ་ལྡན་བཟང་པོ། ཁང་གསར་མཁན་ཆེན་ངག་དབང་བློ་གྲོས་བསྟན་འཛིན། དཔལ་ས་སྐྱ་པ་འཇམ་མགོན་རྡོ་རྗེ་རིན་ཆེན། མདོ་ཁམས་པ་ངག་དབང་བཟང་པོ། ཞྭ་ལུ་རྡོ་རྗེ་འཆང་རིན་ཆེན་བློ་གསལ་བསྟན་སྐྱོང་། བྲག་སྒོམ་ཞབས་དྲུང་རིན་པོ་ཆེ་དཀོན་མཆོག་བསྟན་པ་རབ་རྒྱས། ཐར་རྩེ་ཞབས་དྲུང་རིན་པོ་ཆེ་འཇམ་དབྱངས་ནམ་མཁའ་རྒྱལ་མཚན། ལྷ་བཙུན་འཇམ་པའི་དབྱངས་དོན་གྲུབ་རྒྱལ་མཚན། འདར་གྲོང་ཆེན་སློབ་དཔོན་ངག་དབང་འཇམ་དབྱངས། རྟ་ནག་སྒྲོལ་ཕུག་རིན་པོ་ཆེ་རིག་འཛིན་འཇམ་དབྱངས་ཆོས་ཀྱི་རྒྱལ་མཚན། འདར་སྟོན་བློ་བཟང་བསྟན་པའི་ཉི་མ། དཔལ་ས་སྐྱ་པའི་ཡོངས་འཛིན་བློ་གྲོས་རྒྱ་མཚོ། ངོར་ཨེ་ཝྃ་པའི་ཟུར་འཆང་ངག་དབང་བསྟན་པ། སྡོམ་བརྩོན་ཕྲིན་ལས་རབ་རྒྱས་སོགས་ཡོངས་འཛིན་དམ་པ་མཐའ་ཡས་པ་བསྟེན་ནས་ཟབ་པ་དང་རྒྱ་ཆེ་བའི་དམ་པའི་ཆོས་ཀྱི་བདུད་རྩི་རྒྱ་མཚོ་ལྟ་བུ་གསན། ཁོ་བོས་ཀྱང་དབང་ལུང་འགའ་ཞིག་མཎྜལ་དུ་ཕུལ། བྱ་རྒྱུད་རིགས་གསུམ་སྤྱི། ཚེ་དཔག་ལྷ་དགུ། གཉན་སྒྲོལ། སྒྲོལ་དཀར། རྣམ་འཇོམས། ཀུན་རིག །གསང་འདུས་འཇམ་རྡོར། འཇིགས་བྱེད་ལས་གཤིན་བཅས། བདེ་མཆོག་བོང་ཞལ་ཅན། ནཱ་རོ་མཁའ་སྤྱོད། དཔལ་ཀྱེ་རྡོ་རྗེ། མགོན་པོ་བྲག་རྫོང་མ། རྟ་མགྲིན་ཡང་གསང་སོགས་ཀྱི་བསྙེན་པ་སྦྱིན་སྲེག་བཅས་དང་། རྒྱུན་དུའང་དེ་དག་ཅི་རིགས་པས་མཚོན་ཉམས་བཞེས་སུ་མཛད། ཆུ་ཕོ་སྟག་༣༢ལ་ཞྭ་ལུ་རྡོ་རྗེ་འཆང་སོགས་ལ་དབང་བཀའ་ཕུལ། དགུང་གྲངས་སོ་གསུམ་པ་ཆུ་མོ་ཡོས་ཀྱི་ལོར་དཔལ་ཨེ་ཝྃ་པའི་རྡོ་རྗེའི་སློབ་དཔོན་དུ་མངའ་གསོལ་ནས་ལོ་བཞི་ལྷག་ཙམ་བཞུགས་པའི་བར་གཙོ་བོར་བསྒྲིགས་ལམ་གོང་འཕེལ་དང་། བར་སྐབས་སུ་འདར་གྲོང་ཆེན་སློབ་དཔོན་ལས་བཀའ་འགྱུར་རིན་པོ་ཆེ་སོགས་གསན། སོ་བདུན་པ་མེ་མོ་ལུག་གི་ལོ་འཇུག་ནས་བཀའ་འགྱུར་རིན་པོ་ཆེའི་ཆོས་འཁོར་བསྐོར། བཞི་བཅུ་པ་ལྕགས་༤༥ཕོ་ཁྱི་ལོར་སྐྱེད་ཚལ་དུ་སློབ་བཤད་གསུངས་ཤིང་དབུས་སུ་ཕེབས། ཞེ་གསུམ་པ་ཆུ་མོ་གླང་གི་ལོར་ཁམས་སུ་བྱོན།། །། ༈

[edit]

'jam pa'i dbyangs ngag dbang legs grub ni/ 'jam pa'i dbyangs ngag dbang legs grub ni/__'brog gnas mched lnga'i nang tshan gnod sbyin gyi sde dpon chen po gser spong gis legs par srung ba'i yul gru sga lung ru bzhir grags pa'i nang tshan lab mda' zhes bya ba'i grong khyer du/__sngags kyi lam la gzhol ba'i brgyud pa phyis su lab mda' pa'i 'phying bang du gyur pa ya rabs drwa ma'i ngang tshul can gyi khyim du rab byung bcu bzhi pa'i lcags mo lug gi lor 'khrungs/__gzhon nu'i dus gdong spras bsam gtan gling gi chos grwar zhugs/__skye rgu don grub gling pa'i sprul sku ngag dbang byams pa chos dar mdun gtsug phud phul/__mtshan ngag dbang legs grub tu gsol/__slar thob khung gi dbang gis thub bstan dgon du byon nas/__de dag tu dpal e wa~M pa'i chos spyod cho ga'i rim pa rnams byang chub par sbyangs/__rgyal ba'i bka' 'gyur rin po che klog pa'i mchod gnas kyang mdzad/__dgung lo bcu dgu pa sa mo glang gi lor 'og min gnyis pa shrI e wa~M chos ldan du phebs/__lo der mkhan chen 'jam pa'i dbyangs dpal ldan don grub las gsung ngag rin po che gsan cing /__phyi lor bsnyen par rdzogs/__rta nag thub bstan rnam rgyal du mtshan nyid kyang thog gcig sbyangs/__khyad par dpal e wa~M pa'i bsgrigs srol ltar rgyud brtag gnyis/__tshul gsum/__ljon shing/__sdom gsum/__snang rgyud gnyis/__kun tu dgos pa'i gzhung bdun/__mngon rtogs rgyan dang /__spyod 'jug ste gzhung chen po bco lnga'i tshig dang don bcas thugs mtshor gtams pas gzhung bdun smra ba'i mtshan gyi cod pan dbyangs/__de dag gi skabs su nyin rer shog bu drug re tsam chag med du 'dzin pa gnang bas gong gi gzhung de rnams lo phyed gnyis tsam gyis rdzogs par bzung ba yin ces gsungs/__bzo dang gso ba'i rig pa'ang cung zad sbyangs shing /__khyad par sku gzugs dang mchod rten gyi thig rtsa/__dkyil 'khor rab 'byams kyi bris thig__/dbyangs gdangs/__gar rol sogs la mkhas pa'i phul du son/__dgung lo sum cu pa lcags pho byi ba'i lor mkhan chen thams cad mkhyen pas bka' stsal ltar/__bdag gis sgra ka lA pa/__sdeb sbyor rin 'byung /__snyan ngag me long rnams phul ba dus thung ngus tshegs med par mkhyen/__rta nag mkhan chen seng ge rab rgyas las phar tshad kyi bshad pa dang /__mkhan chen rdo rje 'chang byams pa kun dga' bstan 'dzin gtso bor gyur pa'i yongs 'dzin dam pa ji ltar bsten pa'i tshul ni/__mkhan chen dpal ldan don grub/__phan khang mkhan rin po che byams pa dpal ldan bzang po/__khang gsar mkhan chen ngag dbang blo gros bstan 'dzin/__dpal sa skya pa 'jam mgon rdo rje rin chen/__mdo khams pa ngag dbang bzang po/__zhwa lu rdo rje 'chang rin chen blo gsal bstan skyong /__brag sgom zhabs drung rin po che dkon mchog bstan pa rab rgyas/__thar rtse zhabs drung rin po che 'jam dbyangs nam mkha' rgyal mtshan/__lha btsun 'jam pa'i dbyangs don grub rgyal mtshan/__'dar grong chen slob dpon ngag dbang 'jam dbyangs/__rta nag sgrol phug rin po che rig 'dzin 'jam dbyangs chos kyi rgyal mtshan/__'dar ston blo bzang bstan pa'i nyi ma/__dpal sa skya pa'i yongs 'dzin blo gros rgya mtsho/__ngor e wa~M pa'i zur 'chang ngag dbang bstan pa/__sdom brtson phrin las rab rgyas sogs yongs 'dzin dam pa mtha' yas pa bsten nas zab pa dang rgya che ba'i dam pa'i chos kyi bdud rtsi rgya mtsho lta bu gsan/__kho bos kyang dbang lung 'ga' zhig maN+Dal du phul/__bya rgyud rigs gsum spyi/__tshe dpag lha dgu/__gnyan sgrol/__sgrol dkar/__rnam 'joms/__kun rig__/gsang 'dus 'jam rdor/__'jigs byed las gshin bcas/__bde mchog bong zhal can/__nA ro mkha' spyod/__dpal kye rdo rje/__mgon po brag rdzong ma/__rta mgrin yang gsang sogs kyi bsnyen pa sbyin sreg bcas dang /__rgyun du'ang de dag ci rigs pas mtshon nyams bzhes su mdzad/__chu pho stag 32la zhwa lu rdo rje 'chang sogs la dbang bka' phul/__dgung grangs so gsum pa chu mo yos kyi lor dpal e wa~M pa'i rdo rje'i slob dpon du mnga' gsol nas lo bzhi lhag tsam bzhugs pa'i bar gtso bor bsgrigs lam gong 'phel dang /__bar skabs su 'dar grong chen slob dpon las bka' 'gyur rin po che sogs gsan/__so bdun pa me mo lug gi lo 'jug nas bka' 'gyur rin po che'i chos 'khor bskor/__bzhi bcu pa lcags 45pho khyi lor skyed tshal du slob bshad gsungs shing dbus su phebs/__zhe gsum pa chu mo glang gi lor khams su byon//____//_!_