JKW-KABUM-18-TSHA-003-001

🚧 This website is under continued development. We appreciate your patience!

First text in section. Back to Volume PageNext Text

Wylie title
Location	mkhyen brtse'i bka' 'bum Volume 18, sde tshan 3, Text 1, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 18: 1-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

1 323-326	གངས་ཅན་བོད་ཀྱི་ཡུལ་དུ་བྱོན་པའི་གསང་སྔགས་གསར་རྙིང་གི་གདན་རབས་མདོར་བསྡུས་ངོ་མཚར་པདྨོའི་དགའ་ཚལ། gangs can bod kyi yul du byon pa'i gsang sngags gsar rnying gi gdan rabs mdor bsdus ngo mtshar pad+mo'i dga' tshal Monastic Chronicles - gdan rabs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གངས་ཅན་བོད་ཀྱི་ཡུལ་དུ་བྱོན་པའི་གསང་སྔགས་གསར་རྙིང་གི་གདན་རབས་མདོར་བསྡུས་ངོ་མཚར་པདྨོའི་དགའ་ཚལ།

༄༅། །གངས་ཅན་བོད་ཀྱི་ཡུལ་དུ་བྱོན་པའི་གསང་སྔགས་གསར་རྙིང་གི་གདན་རབས་མདོར་བསྡུས་ངོ་མཚར་པདྨོའི་དགའ་ཚལ་ཞེས་བྱ་བ་བཞུགས་སོ།། །། ན་མོ་གུ་རུ་མཉྫུ་གྷོ་ཥཱ་ཡ། བླ་མ་འཇམ་དཔལ་གཞོན་ནུ་དང་། །རིས་མེད་མཁས་གྲུབ་རྒྱ་མཚོའི་ཚོགས། །གཉིས་སུ་མ་མཆིས་ཞབས་པདྨོ། །དད་བརྒྱའི་གཙུག་གིས་རྟག་ཏུ་མཆོད། །དེ་ལ་འཕགས་མཆོག་ཕྱག་ན་པདྨོའི་ཡེ་ཤེས་ཀྱི་གཟིགས་པ་ལྷག་པར་འཇུག་པའི་གནས། སའི་ཆ་གླང་པོ་ཆེའི་སྤྱི་གཙུག་ལྟར་མཐོ་བའི་ཕྱོགས་ཐམས་ཅད་ཁ་བའི་རྡུལ་བརྩེགས་ཀྱིས་བསྐོར་བའི་ལྗོངས་འདིར་མཁས་པ་དང་། གྲུབ་པའི་སྐྱེས་བུ་ཇི་སྙེད་ཅིག་བྱོན་པ་རྣམས་ཀྱི་རིང་ལུགས་འཛིན་པའང་དེ་སྙེད་ཅིག་མཆིས་པ་ལས། ཐོག་མར་གསང་སྔགས་སྔ་འགྱུར་གྱི་རིང་ལུགས། ཐོག་མར་གསང་སྔགས་སྔ་འགྱུར་གྱི་རིང་ལུགས་འཛིན་པ་ནི་བསྟན་པ་སྔ་དར་གྱི་དུས་སྔགས་ཕྱོགས་སུ་གསང་ཆེན་རྙིང་མ་ལས་གཞན་པའི་ཆོས་ལུགས་མི་གཅིག་པ་མེད་པས་མཆོད་གནས་སྡེ་གཉིས་པོ་འཕེལ་རྒྱས་ཆེ་ཞིང་བཤད་སྒྲུབ་ཤིན་ཏུ་དར་ནའང་། ཕྱི་དར་གྱི་དུས་སུ་ཆོས་ལུགས་དང་གྲུབ་མཐའ་མི་འདྲ་བ་དུ་མ་དར་ཞིང་། དེ་དག་གིས་ཀྱང་རང་རང་སོ་སོའི་རིང་ལུགས་ལ་གཟི་བྱིན་བསྒྲུབས་པའི་ཤུགས་ཀྱིས་གཅིག་ཤོས་རིམ་གྱིས་བག་ལ་ཞ་བར་གྱུར་མོད། དེ་ལྟ་ནའང་རྒྱལ་བའི་ཐུགས་རྗེ་དང་ཕྲིན་ལས་ནི་ཚད་མེད་པའི་ཕྱིར། སྟོད་མངའ་རིས་ནས་སྨད་རྒྱ་མཚམས་ལ་ཐུག་གི་བར་དང་། ལྷོ་མོན་ནས་སོག་ཡུལ་ཚུན་གྱི་ལྗོངས་རྣམས་སུ་དགོན་སྡེ་ཆེ་ཕྲ་ཇི་སྙེད་ཅིག་གིས་མ་ཁྱབ་པ་མེད་པ་ལྟ་བུར་སྣང་བས་ན། མཐའ་དག་སུས་བརྗོད་པར་སྤོབས། འོན་ཀྱང་གྲགས་ཆེ་བ་དང་། དེང་སང་ཆོས་བརྒྱུད་དར་རྒྱས་སུ་བཞུགས་པ་འགའ་ཞིག་སྨོས་ན།

ཐོག་མར་རྙིང་མ་བཀའ་མའི་རིང་ལུགས་འཛིན་པ། སྔགས་པའི་རྒྱལ་པོ་སོ་ཟུར་གནུབས་སོ་ཡེ་ཤེས་དབང་ཕྱུག །ཟུར་ཤེས་རབ་འབྱུང་གནས། གནུབས་བླ་ཆེན་བྱང་སྙིང་གསུམ་མཆེད་གྲོགས་མཛད་པས་དེ་སྐད་དུ་གྲགས་སོ། །གསུམ་ཞེས་གྲགས་པ་ལས་ཟུར་གྱི་གདན་ས་འུག་པ་ལུང་དང་། གསེར་མདོག་ཅན་དང་ཉེ་བའི་སྤན་ཐག་མའི་ལུང་བུར་ཡོད། གསང་སྔགས་གཞིས་ཀ་རྩེའི་ཤར་ཐད་དུ་ཡོད། ཆོས་གླིང་པ་སོགས་སྔར་དར་རྒྱས་ཧ་ཅང་ཆེ་ཡང་། དེང་སང་གསང་སྔགས་ཆོས་གླིང་པའི་གདུང་བརྒྱུད་མ་ཆད་ཙམ་ལས་བཤད་སྒྲུབ་སོགས་རྒྱ་ཆེར་མི་སྣང་ངོ་།། །། ༈

[edit]

gangs can bod kyi yul du byon pa'i gsang sngags gsar rnying gi gdan rabs mdor bsdus ngo mtshar pad+mo'i dga' tshal/ @#/__/gangs can bod kyi yul du byon pa'i gsang sngags gsar rnying gi gdan rabs mdor bsdus ngo mtshar pad+mo'i dga' tshal zhes bya ba bzhugs so//__// na mo gu ru many+dzu g+ho ShA ya/__bla ma 'jam dpal gzhon nu dang /__/ris med mkhas grub rgya mtsho'i tshogs/__/gnyis su ma mchis zhabs pad+mo/__/dad brgya'i gtsug gis rtag tu mchod/__/de la 'phags mchog phyag na pad+mo'i ye shes kyi gzigs pa lhag par 'jug pa'i gnas/__sa'i cha glang po che'i spyi gtsug ltar mtho ba'i phyogs thams cad kha ba'i rdul brtsegs kyis bskor ba'i ljongs 'dir mkhas pa dang /__grub pa'i skyes bu ji snyed cig byon pa rnams kyi ring lugs 'dzin pa'ang de snyed cig mchis pa las/__ thog mar gsang sngags snga 'gyur gyi ring lugs/ thog mar gsang sngags snga 'gyur gyi ring lugs 'dzin pa ni bstan pa snga dar gyi dus sngags phyogs su gsang chen rnying ma las gzhan pa'i chos lugs mi gcig pa med pas mchod gnas sde gnyis po 'phel rgyas che zhing bshad sgrub shin tu dar na'ang /__phyi dar gyi dus su chos lugs dang grub mtha' mi 'dra ba du ma dar zhing /__de dag gis kyang rang rang so so'i ring lugs la gzi byin bsgrubs pa'i shugs kyis gcig shos rim gyis bag la zha bar gyur mod/__de lta na'ang rgyal ba'i thugs rje dang phrin las ni tshad med pa'i phyir/__stod mnga' ris nas smad rgya mtshams la thug gi bar dang /__lho mon nas sog yul tshun gyi ljongs rnams su dgon sde che phra ji snyed cig gis ma khyab pa med pa lta bur snang bas na/__mtha' dag sus brjod par spobs/__'on kyang grags che ba dang /__deng sang chos brgyud dar rgyas su bzhugs pa 'ga' zhig smos na/__ thog mar rnying ma bka' ma'i ring lugs 'dzin pa/__sngags pa'i rgyal po so zur gnubs so ye shes dbang phyug__/zur shes rab 'byung gnas/__gnubs bla chen byang snying gsum mched grogs mdzad pas de skad du grags so/__/gsum zhes grags pa las zur gyi gdan sa 'ug pa lung dang /__gser mdog can dang nye ba'i span thag ma'i lung bur yod/__gsang sngags gzhis ka rtse'i shar thad du yod/__chos gling pa sogs sngar dar rgyas ha cang che yang /__deng sang gsang sngags chos gling pa'i gdung brgyud ma chad tsam las bshad sgrub sogs rgya cher mi snang ngo //____//__!_