JKW-KABUM-04-NGA-001-034

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 34, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཨ་ཏི་བསྒོམ་པའི་མན་ངག་ཀླུའི་བྱང་ཆུབ་ཀྱིས་མཛད་པ་སོགས་རྒྱ་གཞུང་ཁ་ཤས་ཕྱག་བྲིས་མཛད་པ་སྤར་གཞི་འབྲི་སྐབས་དཀྱུས་སུ་ཤོར་བ་འདི་འདྲའི་རིགས་གསུང་དངོས་མ་ཡིན་པས་དགོས་པ་མེད་ཀྱང་རྗེ་ཉིད་ཀྱི་ཆེད་དུ་དགོངས་ཏེ་ཕྱག་བྲིས་མཛད་པ་ལ་དགོས་གནད་ཆེ་བར་ཡོད་པར་སེམས་སོ།།

སློབ་དཔོན་མི་ཕམ་བཤེས་གཉེན་གྱིས་མཛད་པའི་འཇམ་དཔལ་དཀར་པོའི་མཆོད་ཆོག་ལས། བ་ལྕི་ཆུ་དང་བཅས་པ་སྦྱིན་པ་ཡང་དག་བྱི་དོར་ཚུལ་ཁྲིམས་དང་། །སྲོག་ཆགས་ཕྲ་མོའང་བསལ་བ་བཟོད་པ་བྱ་བ་ཉེར་གནས་བརྩོན་འགྲུས་སོ། །སེམས་རྩེ་གཅིག་དེའི་སྐད་ཅིག་བསམ་གཏན་རི་མོ་མཛེས་འབར་ཤེས་རབ་ཡིན། །ཐུབ་པའི་མཎྜལ་བགྱིས་ལས་ཕ་རོལ་ཕྱིན་དྲུག་འདི་དག་ཐོབ་འགྱུར་ཞིང་། །ཁ་དོག་གསེར་དུ་འགྱུར་ཞིང་ནད་ཀུན་ལས་ནི་རྣམ་པར་གྲོལ་བར་འགྱུར། །ལྷ་དང་མི་ལས་ཆེས་ལྷག་འགྱུར་དང་ཟླ་བ་ལྟ་བུའི་མཛེས་པ་འབར། །འདིར་ནི་ལུས་ཀྱིས་ལས་བགྱིས་པ་ལས་སངས་རྒྱས་པ་ཡི་ཁྱིམ་དག་ཏུ། །ནོར་དང་གསེར་གྱིས་ཡང་དག་འབྱོར་ཞིང་རྒྱལ་པོའི་རིགས་སུ་སྐྱེ་བར་འགྱུར། །ཞེས་དང་། དགེ་བ་འདི་ཡིས་བདག་ཉིད་ནི། །སངས་རྒྱས་ཉིད་དུ་མངོན་གྱུར་ནས། །འགྲོ་ཀུན་གཏིང་མཐའ་མེད་པ་ཡི། །སྲིད་པའི་མཚོ་ལས་སྒྲོལ་གྱུར་ཅིག །ཅེས་སོ། །པཎྜི་ཏ་དཱི་པཾ་ཀཱ་རས་མཛད་པའི་ཏཱ་རེའི་ནོ་པི་ཀ་རྒྱས་པར། །སྐྱེ་བོ་རྣམས་དང་བརྟེན་པས་སྡུག་བསྔལ་ཁོ་ན་འབྱུང་འགྱུར་གྱིས། །བདེ་བ་འབྱུང་བ་ཐུབ་པས་མ་གསུངས་དེ་ཕྱིར་མཁས་མཆོག་གིས། །སྔགས་གཡོག་དང་ནི་སྒྲུབ་པའི་གྲོགས་མཆོག་གཉིས་ལས་མ་གཏོགས་པ། །སྐྱེ་བོ་འགའ་ཡང་འཇུག་དང་ཕྲད་དང་སྦྱིན་པ་འདུ་འཛི་སྤངས། །སྔགས་ཨ་ཀཱ་རོ་འདིས་འབྱུང་པོ་རྣམས་ལ་གཏོར་མ་སྦྱིན་བྱ་ཕྱག་རྒྱ་ནི། །ལག་གཉིས་ཐལ་སྦྱར་མཛུབ་མོ་དག་གིས་གུང་མོ་འཁྱུད་བྱས་ཏེ། །མཐེ་བོང་གཉིས་ནི་སྙིང་པོར་བྱས་ལ་འདི་ཡི་གསང་སྔགས་མཆོག །བཟླས་དང་གཏོར་མ་སྦྱིན་དང་བསྟིམ་སོགས་ཕལ་ཆེར་སྦྱང་བར་བྱ། ཨོཾ་ཨ་ཀཱ་རོ་ཞེས་དང་། ཤིན་ཏུ་དྲི་ཞིམ་ངད་ལྡན་ཡིད་ནི་དགེ་ལ་མངོན་དགའ་དང་། །ལུས་ནི་རབ་ཡང་གཉིད་ནི་མི་འབྱུང་ཁམས་རྣམས་སྙོམས་པ་དང་། །ཤིན་ཏུ་སྒྲ་སྙན་པ་དང་རོལ་མོའི་སྒྲ་རྣམས་གྲགས་པ་དང་། །མེ་ཏོག་ཆར་འབབ་ཏིལ་མར་བྲལ་བར་མར་མེ་འབར་བ་དང་། །རྨི་ལམ་ན་ནི་འཕགས་རྣམས་མཐོང་དང་དགེ་སློང་བྲམ་ཟེ་མཐོང་། །རྟག་ཏུ་དགེ་བའི་རྨི་ལམ་མཐོང་དང་ཆགས་དང་ཁྲོ་དང་བྲལ། །ཡིད་ནི་དགའ་བར་བྱེད་པའི་འོད་ཆེན་ཁང་པར་འབྱུང་བ་སྟེ། །མདོར་ན་ཡིད་ནི་གང་གིས་སྔ་ལས་དགའ་འགྱུར་བཟླས་པ་དང་། །སྒོམ་པ་དག་ལ་བར་དུ་མི་གཅོད་འདི་ནི་མཚན་མ་བཟང་། །ཞེས་དང་། སྨན་མཆོག་བཟའ་བ་མ་ལེགས་ངེས་པར་དུག་ཏུ་འགྱུར་བ་ལྟར། །དངོས་གྲུབ་ལེན་མི་མཁས་པ་རྣམས་ཀྱིས་དངོས་གྲུབ་ཕྱིར་ཕྱོགས་པའམ། །ཡང་ན་སྲོག་གི་བར་ཆད་དག་ཏུའང་འགྱུར་བ་དེ་ཡི་ཕྱིར། །མཁས་པས་དངོས་གྲུབ་བླང་བ་འཁྲུལ་མེད་ཤེས་པར་བྱ། །ཞེས་གསུངས་སོ། །སློབ་དཔོན་སངས་རྒྱས་ཡེ་ཤེས་ཀྱིས། བླུགས་དང་གཏོར་དང་དག་པར་བྱས་པས་སློབ་དཔོན་ཆེར་འགྱུར་ཏེ། །ཐམས་ཅད་ཀུན་གྱི་རྒྱུད་འཛིན་གཞན་རྣམས་རྒྱུད་ཀུན་ལ་སྦྱོར་བའི། །དངོས་པོའི་རིམ་པ་རབ་རྟོགས་དྲི་མ་རྣམས་ནི་དག་བྱས་ཏེ། །ཡེ་ཤེས་སྒྱུ་མའི་སྣོད་དུ་རུང་བར་རྣལ་འབྱོར་དེ་འགྱུར་ཤོག །ཅེས་གསུངས། སྡོམ་འབྱུང་ལས། གཞན་དུ་མི་འཕྲོའི་སེམས་ཀྱིས་ནི། །དེ་ལྟའི་ཚུལ་གྱིས་བཟླས་པར་བྱ། །ཡུལ་གཞན་བློ་ནི་འཕྲོ་བ་ཡི། །བསྐལ་པར་བཟླས་ཀྱང་འབྲས་མི་འབྱིན། །ཞེས་སོ།། །། ༈ བརྒྱད་སྟོང་པར། ཡུལ་དབུས་ནས་ལྷོ་ཕྱོགས་སུ་དར་བར་འགྱུར་རོ། །ལྷོ་ཕྱོགས་ནས་བྱང་ཕྱོགས་སུ་དར་བར་འགྱུར་རོ། །བྱང་ཕྱོགས་ནས་བྱང་ཕྱོགས་སུ་དར་བར་འགྱུར་རོ། །ཞེས་དང་། ང་མྱ་ངན་དུ་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་རྒྱས་པར་འགྱུར་རོ། །ཞེས་དང་། ཛམྦུ་ཞེས་པ་ནི། ཛན་ལ། བུཀ །ཀ་ལ་ཡན་བཞིན་ནོས་ཀ་ཕྱིས། སྡེ་པ་ལ་སྡེ་པའི་མཐས་ན་མ། དྭཱི་པ་སྦྱོར་བས་མི་འཇིག །ཛམ་བུ་གླིང་སྟེ་མཚོ་མ་དྲོས་པའི་ཤིང་ཏོག་ཆུར་ལྷུང་བ་ལས་ཛམ་བུ་ནཱ་དའི་གསེར་དུ་འགྱུར་བ་ཡོད་པས་སོ། །བོད་ལ་སྐོར་གསུམ་ནི། པུ་རངས། མང་ཡུལ། ཟངས་དཀར་གསུམ་སྐོར་གཅིག །ལི། བྲུ་ཤ །སྦལ་ཏེ་གསུམ་སྐོར་གཅིག །ཞང་ཞུང། ཁྲི་སྡེ། སྟོད་སྨད་གསུམ་སྐོར་གཅིག་སྟེ་སྐོར་གསུམ། དབུས་ན་དབུ་རུ་དང་གཡོ་རུ། གཙང་ན་གཡས་རུ་དང་རུ་ལག་གཉིས་ཏེ་བར་དབུས་གཙང་རུ་བཞི། མདོ་སྨད་ཁམས་ལ། སྨད་ཁམས་བཏགས་པ་ཁམས་གཅིག །མདོ་སྨད་ལ་གཡར་མོ་ཐང་བཏགས་པ་ཁམས་གཅིག །བཙོང་ཁ་གྱིང་ཐང་བཏགས་པ་ཁམས་གཅིག་སྟེ་ཁམས་གསུམ་ལས་སྨད་ཁམས། རྡུལ་རྫ་ཟེ་མོ་སྒང་། ཚ་བ་སྒང་། སྨར་ཁམས་སྒང་། སྤོ་འབོར་སྒང། དམར་རྫ་སྒང་། མི་ཉག་རབ་སྒང་སྟེ་སྒང་དྲུག །རྒྱ་ནག་རྒྱལ་པོ་གྱིང་གིར་གན་གྱིས་འཕགས་པར། སྟོད་མངའ་རིས་གུང་ཐང་ནས་སོག་ལ་སྐྱ་བོ་ཡན་དབུས་གཙང་དམ་པ་ཆོས་ཀྱི་ཆོལ་ཁ། དེ་ནས་རྨ་ཆུ་ཁུགས་པ་ཡན་མདོ་སྟོད་མགོ་ནག་མིའི་ཆོལ་ཁ། དེ་ནས་མཆོད་རྟེན་དཀར་པོ་ཡན་མདོ་སྨད་གྱིར་ལིང་རྟའི་ཆོལ་ཁ་སྟེ་གསུམ་གྱི་བར་པ།། །། ༈ ཇི་སྐད་དུ། གསོལ་གཟིམ་མཆོད་གསུམ་མཇལ་ཡིག་མཛོད་པ་གསུམ། །ཐབས་འདྲེན་གདན་གསུམ་རྟ་རྒྱ་མཛོ་ཁྱི་བཞི། །ཆེན་པོ་ལ་འོས་ལས་ཆེན་བཅུ་གསུམ་སྟེ། །འདི་རྣམས་ཆོས་ཀྱི་རྒྱལ་པོ་ས་སྐྱ་པ། །དཔལ་ལྡན་འཕགས་པའི་རིང་ལ་དར་བ་ཡིན། །ཞེས་སོ། །རིགས་དང་རུས་དང་ཆོ་འབྲང་དང་། ཞེས་པའི་རིགས་ནི་མཁས་མཛངས་དཔའ་བརྟུལ་སོགས་དང་ལྡན་པའི་ཡ་རབས་ཀྱི་སྤྱོད་ཚུལ་ཅི་རིགས་དང་ལྡན་པའོ། །རུས་ནི་རིགས་ཉམས་པ་མིན་པ་གང་ཡིན་པ་དེ་རྒྱུད་ལས་བྱུང་བའོ། །ཆོ་ནི་ཞང་པོའི་རིགས་ཀྱི་འབྱུང་ཁུངས་དང་ལྡན་པའོ། །འབྲང་ནི་བཤད་མ་ཐག་པ་གསུམ་པོ་དང་ལྡན་པས་ཡ་རབས་ཀྱི་འབྲང་བ་འཛིན་པའོ། །ཞེས་སོ། །ཇི་སྐད་དུ། སོ་སོ་རིག་བཞི་ས་དགུ་པ། །མ་ཐོབ་དེ་སྲིད་ཆོས་ཀུན་གྱི། །ངེས་ཚིག་ཤེས་མིན་དེ་ཡི་ཕྱིར། །མཐའ་དག་སྡེབ་སྦྱོར་སུ་ཡིས་ཤེས། །འོན་ཀྱང་ཕྱོགས་རེའི་བརྡ་དག་ཀྱང་། །འབད་པ་དུ་མས་བཙལ་བར་བྱ། །ཡི་གེའི་སྦྱོར་བ་ལ་འཁྲུལ་ན། །དོན་རྣམས་འཁྲུལ་པ་སྨོས་ཅི་དགོས། ཞེས་པས། དེ་ཡང་མིང་གཞི། དེ་ལ་རྟགས་གསུམ་གྱི་དབྱེ་བ། །སྔོན་འཇུག །རྗེས་འཇུག །མི་འཇུག་པ། བྱ་བྱེད་ལས་གསུམ། དུས་གསུམ་གྱི་དབྱེ་བ་རྣམས་སོ་སོར་ངེས་པར་བྱེད་དགོས།། །། ༈ སྨན་བླ་དོན་གྲུབ་པས་མཛད་པའི་སྐུ་གཟུགས་རབ་བྱེད་ཡིད་བཞིན་ནོར་བུ། འཕྲང་ཁ་དཔལ་ལྡན་བློ་གྲོས་བཟང་པོས་མཛད་པའི་སྐུ་གཟུགས་མཆོད་རྟེན་བཅས་ཀྱི་ཆ་ཚད། ཀུན་མཁྱེན་བུ་དང་སྟག་ལོས་མཛད་པའི་ཆ་ཚད་ཀྱི་ཡི་གེ་རྣམས་གལ་ཆེ།། །། ༈ མཆོད་རྟེན་གྱི་ངེས་ཚིག །ཙེ་ཏྱཻ་ཞེས། དྲན་པ་སྟེ་ཆོས་སྐུའི་ཡོན་ཏན་དྲན་པའམ། ཡང་ན་བསག་པའམ་བསག་ཏུ་རུང་བ་སྟེ་ཡོན་གྱི་ཆོས་བསག་ཏུ་རུང་བར་མཚོན་པའི་ཕྱིར་རོ། །དབྱེ་ན། ཉན་ཐོས་ཀྱི་ཆོས་གོས་བཞི་ལྟེབས་སྟེང་ལྷུང་བཟེད་ཁ་སྦུབས་པ་ལ་འཁར་གསིལ་བཙུག་པ་ལྟ་བུ། རང་རྒྱལ་རྨང་གྲུ་བཞིའི་སྟེང་ངོས་གྲུ་བཞི་བང་རིམ་ཟླུམ་པོ་བང་རིམ་བཅུ་གཉིས་པ་འཁོར་ལོ་རྩིབས་བརྒྱད་རྣམ་པ་ཅན་ནོ། །ཐེག་ཆེན་ལ། ལྷུང་བཟེད་ཁ་སྦུབས་པ་ལྟ་བུ་དང་། ཁང་བུ་ལྟ་བུ་དང་། རྒྱལ་མཚན་ལྟ་བུ་སྟེ་གསུམ་གྱི་ཕྱི་མ་ལ་སྐུ་གདུང་ཆ་བརྒྱད་སོགས་སོ། །དེ་དག་གི་ཚད། ཀུན་མཁྱེན་བུ་དང་། བྲང་ཏི་པཎ་ཆེན། སྤྲུལ་སྐུ་འཕྲང་ཁ་བ་རྣམས་ཀྱིས་མཛད།། །། ༈ ཚིག་གཏེར་འགྲེལ་པ་བློ་བརྟན་བཞི་པས་མཛད།། །། ༈ རྒྱན་འགྲེལ་ལས། མངོན་སུམ་དང་རྗེས་སུ་དཔག་པའི་ཚད་མས་ཟིན་པའི་ཏརྐའི་གཞུང་ལ་མཁས་པ་ནི་རྒྱུ་རིག་པ་ཞེས་བྱའོ། །རྒྱུ་རིག་པ་བྱང་ཆུབ་སེམས་དཔས་འཚོལ་བར་བྱེད་དེ། འདི་ལྟར་ལེགས་པར་སྨྲ་བ་དང་ཉེས་པར་སྨྲ་བ་ཤེས་པར་བྱ་བ་དང་། རྒྱུ་རིག་པའི་གཙུག་ལག་ཤེས་པར་རློམ་པའི་མུ་སྟེགས་ཅན་དག་ཚར་གཅོད་པ་དང་། བསྟན་པ་འདི་ལ་མ་དད་པ་རྣམས་དད་པར་བྱེད་པ་དང་། དད་པ་བསྐྱེད་པ་རྣམས་ཀྱི་དད་པ་ཕྱིར་ཞིང་འཕེལ་བར་བྱ་བའི་ཕྱིར་བརྩོན་པར་བྱེད་དོ། །ཞེས་སོ། །རྩིས་ལ། ཨངྐིའི་གྲངས་ཀྱི་ཡི་གེ་སྟེ་དེ་དག་འབྲི་བ་དང་། དཔྲི་བ་དང་། བསྣན་པ་དང་། བསྒྱུར་བ་དང་། བགོད་པ་སྟེ་ཡི་གེའི་ཡན་ལག་ལྔ་དང་། གཟའ་ཚེས་སྐར་མ་སྦྱོར་བ་བྱེད་པ་སྟེ་རྩིས་ཀྱི་ཡན་ལག་ལྔའོ། །རྒྱན་ཊཱིཀ་ལས། ནང་རིག་པ་བྱང་ཆུབ་སེམས་དཔས་འཚོལ་བར་བྱེད་དེ། ཅིའི་ཕྱིར་ཞེ་ན་བདག་ཉིད་ཀྱིས་འཕགས་པའི་ལམ་དང་དེ་ཁོ་ན་ཉིད་ཕྱིན་ཅི་མ་ལོག་པར་ཤེས་པས་ཉོན་མོངས་སྤང་བར་བྱ་བ་དང་། བྱས་པ་ཆུད་ཟོས་པ་དང་མ་བྱས་པ་འོང་བ་མེད་པ་ཕྱིན་ཅི་མ་ལོག་པ་ཤེས་པར་བྱ་བ་དང་། གཞན་ལའང་མངོན་པར་རྒྱ་ཆེར་བསྟན་པའི་ཕྱིར་འཚོལ་བར་བྱེད་དོ། །ཞེས་སོ།། །། ༈ བྱང་ཆུབ་སེམས་དཔའི་སྡེ་སྣོད་ལས། །ཐོས་པས་ཆོས་རྣམས་ཤེས་པར་འགྱུར། །ཐོས་པས་སྡིག་ལས་ལྡོག་པར་འགྱུར། །ཐོས་པས་དོན་མེད་སྤོང་བར་འགྱུར། །ཐོས་པས་མྱ་ངན་འདས་པ་ཐོབ། །ཅེས་པས། ཕྱི་ནང་གི་གྲུབ་མཐའ་ཤེས་པས་བླང་དོར་གྱི་གནས་ལ་མཁས་པ་དང་། ཚུལ་ཁྲིམས་ཀྱི་བསླབ་པ་ཐོབ་ནས་ཁ་ན་མ་ཐོབ་པ་ལས་ལྡོག་པ་དང་། སེམས་ཀྱི་བསླབ་པ་ཐོབ་ནས་དོན་མེད་པའི་འདོད་པ་ཡོངས་སུ་སྤང་བ་དང་། ཤེས་རབ་ཀྱི་བསླབ་པ་ཐོབ་ནས་ཟག་ཟད་མངོན་དུ་བྱས་པའི་མྱང་འདས་ཐོབ་པར་འགྱུར་རོ། །ཞེས་པའི་དོན་ཏོ།། །། ༈ སཱཙྪ་ནི་དམ་པའི་གཟུགས་བརྙན་ཏེ། མཆོད་རྟེན་དང་སཱཙྪ་གཅིག་པ་ལྟར་ན། སྟུ་བྱ་དང་། ཙཻ་ཏྱ་ཞེས་པ་ལྟར་ན་བསྟོད་བྱའམ། བསོད་ནམས་བསག་བྱར་བཤད་ལ། སྦྱོང་རྒྱུད་ལས་སྡིག་སྦྱོང་དམིགས་བསལ་དང་། རྒྱུད་སྡེ་གཞན་དུ་ཐུན་མཚམས་ཀྱི་བྱ་བར་ཡང་བཤད་ལ། ཞི་བ་འཚོ་སོགས་ཀྱིས་སཱཙྪ་གདབ་པའི་ཆོ་ག་རྒྱས་པ་དང་། མཆོད་རྟེན་དང་སཱཙྪ་གཅིག་པར་བྱས་པའི་ཕན་ཡོན་རྒྱལ་པོ་གསལ་རྒྱལ་གྱིས་ཞུས་པར་འབྱུང་ལ། གྲགས་རྒྱལ་གྱིས་མཛད་པའི་ཆོས་སྤྱོད་ལས་ཀྱང་གདབ་ཚུལ་རྒྱས་པ་དང་། རྣམ་པར་སྣང་མཛད་འོད་ཀྱི་རྒྱལ་པོའི་སྔགས་ཀྱིས་འཇིམ་པ་བྱིན་གྱིས་བརླབས་ནས་དེ་ལ་སཱཙྪ་བཏབ་པས་འཇིམ་པ་དེ་ལ་རྡུལ་ཕྲ་རབ་ཀྱི་གྲངས་ཇི་སྙེད་ཡོད་པ་དེ་སྙེད་ཀྱི་འཁོར་ལོས་སྒྱུར་བའི་རྒྱལ་པོར་འགྱུར་བར་གསུངས་སོ། །ཇོ་དར་གྱི་བྱུང་ཁུངས་དང་ཕན་ཡོན་སོགས་མ་ངེས་ཀྱང་གསུང་རྟེན་སྤྱི་འགྲེའི་ཕན་ཡོན་འབྱུང་བར་སྨོས་མ་དགོས། ལུང་ཐགས་ཡུ་བ་ལ་ཨོཾ་ཕོག་པ་བྱས་ན་འཐད་པར་གསུངས།། །། ༈ རྫས་བརྒྱད་ལས། གི་ཝང་ནི་མ་ངེས། ཞོ་ནི་ལེགས་སྐྱེས་མས་ཕུལ། དཱུརྦ་ནི་རྩྭ་འཚོང་བཀྲ་ཤིས་ཀྱིས་ཕུལ། ཚངས་པས་བིལ་པ་ཕུལ་བ་ཁུངས་མ་རྙེད། དུང་དཀར་བརྒྱ་བྱིན་གྱིས་ཆོས་འཁོར་བསྐོར་བའི་གསོལ་འདེབས་རྟེན་དུ་ཕུལ་བ་དང་། ལི་ཁྲི་ནི་བྲམ་ཟེ་སྐར་རྒྱལ་ཞེས་པ་ཤཱཀྱའི་བུ་རབ་ཏུ་མ་བྱུང་གོང་ཙམ་ནས་སམ། སྐུ་མཚལ་བཅད་དུས་ལྟ་བུ་ཞིག་ཕུལ་ལམ། ཡུངས་ཀར་ཀྱང་ངེས་པ་མ་རྙེད་ཚུལ་སྣང་ཡང་། དུརྦ་དང་ཀུ་ཤ་ནོར་བ་ཡིན་ལས་ཆེ།། །། ༈ རྒྱུད་སྡེའི་དུམ་བུ་རྣམ་བཞག་མངོན་རྟོགས་དང་། །སྟོང་ཐུན་གཉིས་ཀྱི་ས་བཅད་བསྟོད་པ་གཉིས། །བདག་མེད་བསྟོད་པའི་རྣམ་འགྲེལ་དང་བཅས་པ། །ཀུན་ཏུ་དགོས་པའི་གཞུང་བདུན་འཐོར་མི་བྱ། །ཞེས་དང་། མངོན་རྟོགས་རྒྱས་བཤད་གོང་མའི་དགོངས་རྒྱན། ཕར་ཕྱིན་ལམ་རྫོགས་པར་སྟོན་པ་ཐུབ་པ་དགོངས་གསལ། རྒྱན་གཉིས་འབྱེད་གཉིས། རྒྱུད་བླ་མ་སྟེ་བྱམས་ཆོས་སྡེ་ལྔ། མདོ་སྔགས་ཐུན་མོང་སྟོན་པ་རབ་དབྱེ་བཅས་སོ།། །། ༈ ངོར་པའི་རྒྱུད་གཞུང་བཞི་ཞེས། ལམ་འབྲས། སྡོམ་གསུམ། ཚུལ་དང་པོ་གསུམ་མཛེས་པའི་རྒྱན། ལྗོན་ཤིང་མཛེས་རྒྱན།། །། ༈ དབྱངས་ཅན་མའི་སྐོར། བྲམ་ཟེ་ཕུར་བུ་དང་། ནག་མོའི་ཁོལ་གྱི་བསྟོད་པ་ནི། བྲམ་ཟེ་ཕུར་བུས་མཛད་པའི་སྒྲུབ་ཐབས། ཡང་དབྱངས་ཅན་མ་སྒྲུབ་པར་འདོད་པས་སྡིག་ཏོ་མི་དགེ་བ་སྤངས་ཏེ། ཞེས་སོགས་ཡོད་པ། མཇུག་ཏུ། ཁྲི་འབུམ་ལྔ་སྟོང་བཟླས་པ་བྱའོ། །ཞེས་པ། ཡང་། ན་མོ་སྭ་ར་སྭ་སྟཱི་བྷྱཿ ཟབ་མོའི་གདམས་པ་མཆོག་ཏུ་གྱུར་པའི་དངོས་གྲུབ་ཀྱི་གེགས་སེལ། འདི་ལ་དོན་གསུམ་སྟེ། སོགས། གེགས་སེལ་ཟབ་མོ་ཨྠིྀ། ཡང་། ངག་གི་དབང་ཕྱུག་ལ་ཕྱག་འཚལ་ལོ། །ལྷ་མོ་དབྱངས་ཅན་སྒྲུབ་པའི་སྐབས་སུ་དངོས་གྲུབ་ཆེན་པོ་བཞི་འབྱུང་བ་གེགས་བཞི་འབྱུང་། སོགས། མཐར། དབྱངས་ཅན་མའི་གེགས་སེལ་ཟབ་མོ་ཨྠིྀ། ཡང་། དབྱངས་ཅན་དགའ་བས་སྦྱར་བའི་དབྱངས་ཅན་རྗེས་གནང་དེ་ཉིད་ཀྱིས་མཛད་པའི་སྒྲུབ་ཐབས་གེགས་སེལ་བཅས། ཤཱཀྱའི་བཙུན་པ་ཉི་མ་རྒྱལ་མཚན་གྱིས་སྣར་ཐང་དུ་མཛད་པའི་རྗེས་གནང་། ཆོ་ག་ཤེས་རབ་ཀྱི་འཁོར་ལོ་ཐོགས་པ་མེད་པ་འཇུག་པ་ཞེས་བྱ་བ། པཎ་ཆེན་ནམ་མཁའ་དཔལ་བཟང་གིས་མཛད་པའི་སྒྲུབ་ཐབས་རྗེས་གནང་། དེའི་ཁ་སྐོང་། བུདྡྷ་ལཀྵྨཱིས་མཛད་པའི་བསྙེན་ཐབས། བརྒྱུད་འདེབས། བསྟོད་པ་བཅས་སོ། །ཨི་ཏི་ཤྲཱི་མཱྃ་དྷརྨཱ་པཱ་ལེ་ན་ཤྲུ་ཏཾ།། །། ༈ ཤེས་བྱའི་ཡུལ་ལ་མངོན་སུམ་གྱིས་གནོད་པ་མེད་པ། ཅུང་ཟད་ལྐོག་གྱུར་ལ་དཔྱད་ན་དངོས་སྟོབས་རྗེས་དཔག་གིས་གནོད་པ་མེད་པ། ཤིན་ཏུ་ལྐོག་གྱུར་ལ་དཔྱད་ན་ལུང་རྣམ་དག་གིས་གནོད་པ་མེད་པ། བསྟན་བཅོས་འགྱུར་རོ་འཚལ་ནི་སྐུ་ཞང་ཆེན་པོ་གྲགས་པ་རྒྱལ་མཚན་པའི་སྲས་ཀྱི་ཐུ་བོ་དབོན་ཆེན་ཀུན་དགའ་དོན་གྲུབ་པས་རྟེན་བཞེངས་ཀྱི་ཕྱི་མོ་སྣར་ཐང་ན་བཞུགས་པ། དེར་མ་བཞུགས་པ་གསར་བསྣན་བཅས་མཁས་གྲུབ་བུ་སྟོན་གྱིས་དཀར་ཆག་རིན་པོ་ཆེ་དབང་གི་རྒྱལ་པོའི་ཕྲེང་བ་བྱ་བ་བརྩམས། དེ་རྗེས་སྐྱིད་ཤོད་ཚལ་གུང་ཐང་དུ་ཞྭ་ལུའི་མ་མོ་ལས། ཚལ་པ་སི་ཏུ་པ་དགེ་བའི་བློ་གྲོས་ཀྱིས་གསར་བསྣན་དང་བཅས། ཀུན་མཁྱེན་བུ་སྟོན་ཆེན་པོས་དཀར་ཆག་ཡིད་བཞིན་ནོར་བུ་རིན་པོ་ཆེའི་ཟ་མ་ཏོག་ཅེས་བརྩམས། དུས་ཕྱིས་སངས་རྒྱས་རྒྱ་མཚོས་ལྔ་པའི་ཞབས་བརྟན་དུ་འཕྱིང་དབར་སྟག་རྩེར་བུ་སྟོན་གྱི་མ་ཕྱི་ལས། གསར་བསྣན་དང་། གསར་འགྱུར་བདུན་བརྒྱ་བརྒྱད་ཅུ་ཙམ་བསྣན་ཏེ་བཞེངས་སོ། །དེའི་དཀར་ཆག་ལྔ་པ་རིན་པོ་ཆེས་འཇིག་རྟེན་གསུམ་གྱི་བདེ་སྐྱིད་པད་ཚལ་བཞད་པའི་ཉིན་བྱེད་ཅེས་བརྩམས། ས་སྐྱའི་མཁས་པ་གཡག་རོང་སོགས་ཀྱི་སྐུ་རིང་ལ། ཚད་མ་མདོ་དང་རྣམ་འགྲེལ་ཚད་མའི་སྐོར། ༣ འདུལ་བ་མདོ་དང་མདོ་རྩ་འདུལ་བའི་སྐོར༤། ཀུན་ལས་བཏུས་དང་མཛོད་གཉིས་མངོན་པའི་སྐོར། ༦ བྱམས་ཆོས་ལྔ་དང་སྤྱོད་འཇུག་ཕར་ཕྱིན་སྐོར༡༢། དབུ་མ་རྩ་འཇུག་བཞི་གསུམ་དབུ་མའི་སྐོར༡༥། རིགས་གཏེར་སྡོམ་གསུམ་༡༧ཚད་མ་སྤྱི་ཡི་སྐོར། ཞེས་པོ་ཏི་གྲགས་ཆེན་བཅོ་བརྒྱད་ཅེས་པའི་ཐ་སྙད་བྱུང་།། །། ༈ ལྡེབ་བརྒྱ་སོ་བདུན་མཚམས་རྩིས་དཀར་ནག་སྐོར་བརྒྱུད་པ་ཡོད། བདེ་མཆོག་ལས། ཆོས་ཀྱི་སྐུ་ཆོས་སྐུར་ངོ་ཤེས་པ་འཆི་ཁ་ཉིད་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་ནས་རྣམ་ཤེས་སྤྱི་གཙུག་ནས་སོང་སྟེ། ལོངས་སྤྱོད་རྫོགས་སྐུའི་ཞིང་ཁམས་སུ་འགྲོ་བར་འགྱུར་རོ། །དེའི་རྟགས་ནི་ཕའི་ཁུ་བའི་ཐིག་ལེ་སྣ་བུག་གཡོན་ནས་མར་འབྱུང་ངོ་། །ཞེས་སོ།། །། ༈ ལས་ཀྱི་སྒྲིབ་པ་རྣམ་པར་སྦྱོང་བའི་གཟུངས་ལས། ན་མོ་རཏྣ་སོགས་ནས་སྭཱ་ཧཱ། གཟུངས་སྔགས་འདིའི་ཆོ་ག་ནི་འདི་ཡིན་ཏེ། རྟག་ཏུ་བཟླས་བརྗོད་བྱས་ན་ལས་གཅིག་ནས་གཅིག་ཏུ་བརྒྱུད་པ་ཐམས་ཅད་རྣམ་པར་དག་པར་འགྱུར་རོ། །དུས་གསུམ་དུ་བཟླས་བརྗོད་བྱས་ན་མཚམས་མེད་པ་ལྔ་ཡང་བྱང་བར་འགྱུར་རོ། །ལན་གཅིག་བཟླས་བརྗོད་བྱས་ན་ལྟས་ངན་པ་དང་བཀྲ་མི་ཤིས་པ་རྣམས་མེད་པར་འགྱུར་རོ། །ལུས་ལ་འཆང་ངམ་གླེགས་བམ་ལ་བྲིས་ནས་མགུལ་དུ་ཐོགས་ཏེ་འཆང་ན་དུས་མ་ཡིན་པར་འཆི་བ་རྣམས་གཏན་དུ་འབྱུང་བར་མི་འགྱུར་རོ། །གང་ཞིག་སྙིང་རྗེས་ནོན་ཏེ་རི་དྭགས་དང་། བྱ་དང་། མི་དང་། མི་མ་ཡིན་པ་རྣམས་ཀྱང་རུང་སྟེ་འཆི་བའི་རྣ་ཁུང་དུ་བརྗོད་ན་དེ་ངན་སོང་དུ་འགྲོ་བར་མི་འགྱུར་རོ། །ཡང་ན་ཤི་སྟེ་དུས་ལས་འདས་ན་ཤི་འཕོས་པའི་མིང་ནས་སྨོས་ཏེ་དེའི་ཕྱིར་བྱམས་པ་དང་སྙིང་རྗེས་ལན་བརྒྱའམ། སྟོང་ངམ། འབུམ་བརྗོད་ན་དེ་སེམས་ཅན་དམྱལ་བར་སྐྱེས་སུ་ཟིན་ཀྱང་དེའི་མོད་ལ་ཐར་བར་འགྱུར་རོ། །སའམ་ཏིལ་ལམ་ཡུངས་ཀར་རམ་ཆུ་གང་ཡང་རུང་བ་ལ་བཟླས་བརྗོད་བྱས་ཏེ། ཤི་བའི་ལུས་ལ་གཏོར་རམ། ཁྲུས་བྱས་ནས་དེའི་འོག་ཏུ་མཆོད་པའམ། ཡང་ན་མཆོད་རྟེན་གྱི་ནང་དུ་བཅུག་སྟེ་བཞག་ལ། རིག་སྔགས་བྲིས་ཏེ་མགོ་ལ་བཏགས་ན། དེ་ངན་སོང་དུ་སྐྱེས་པ་ཡང་ཞག་བདུན་གྱིས་གདོན་མི་ཟ་བར་ཐར་ཏེ། བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུར་བའམ། ཡང་ན་རང་གི་སྨོན་ལམ་གྱི་དབང་གིས་སྐྱེ་བར་འགྱུར་རོ། །གང་ཞིག་ཟླ་བ་ཉ་བའི་ཚེ་ཁྲུས་བྱས་ལ་གཙང་མར་བྱས་ཏེ། དུས་གསུམ་དུ་གོས་བརྗེ་ཞིང་ཁ་ཟས་མི་ཟའམ། ཡང་ན་ཁ་ཟས་དཀར་བག་ཟ་ཞིང་། སྐུ་གདུང་དང་མཆོད་རྟེན་དུ་གང་གི་མིང་དང་ལྡན་པས་ལན་འབུམ་བཟླས་བརྗོད་བྱས་ན་དེ་ངན་སོང་ལས་ཐར་ཏེ་གནས་གཙང་མའི་ལྷ་ཡི་རིས་སུ་སྐྱེས་ནས་སྒྲུབ་པ་པོའི་ཐད་དུ་འོངས་ཏེ་མཆོད་པར་བྱེད། ལུས་ཀྱང་སྟོན་ལ། ལེགས་སོ་ཞེས་བྱ་བ་བྱིན་ནས་ལན་གསུམ་བསྐོར་བ་བྱས་ཏེ་མི་སྣང་བར་འགྱུར་རོ། །དེའི་མིང་བྲིས་ལ་གཟུངས་སྔགས་བཟླས་བརྗོད་བྱེད་ཅིང་མཆོད་རྟེན་འབུམ་བྱས་ལ་གདུགས་དང་རྒྱལ་མཚན་བ་དན་ལ་སོགས་པས་ལེགས་པར་མཆོད་ནས་རྒྱ་མཚོ་ཆེན་པོ་དང་། ཡང་ན་ཆུ་ཀླུང་དུ་བཏང་ན་དེས་སེམས་ཅན་དམྱལ་བ་ལ་སོགས་པ་ནས་ཐར་པར་འགྱུར་རོ། །ཞེས་བྱ་རྒྱུད་རྡོ་རྗེའི་རིགས་ཅན་མི་འཁྲུགས་པའི་གཟུངས་སྔགས་ཀྱི་ཕན་ཡོན་བསྟན་པའོ། །ཤུ་བྷཾ། སྤྱི་བོ་མདུན་རྒྱབ་དཔུང་མགོ་གཉིས། པུས་མོ་གཉིས་ཏེ་གནས་བདུན་ནོ། །ཞེས་སོ།། །། ༈ གནས་བརྟན་རྟོགས་བརྗོད་སྐོར། བྱམས་པ་ལུང་བསྟན་མདོ་རྒྱ་ནག་ནས་འགྱུར་བ་དང་། འཕགས་པ་དགའ་བའི་བཤེས་གཉེན་གྱི་རྟོགས་བརྗོད། འཕགས་པ་སོ་སོའི་རྣམ་ཐར་འདུལ་བ་ལུང་དང་མདོ་སྡེ་རྣམས། སྤྱན་འདྲེན་རྒྱ་གར་དང་རྒྱ་ནག་ནས་འགྱུར་བ། པཎ་ཆེན་བྱམས་གླིང་པ་བསོད་ནམས་རྣམ་རྒྱལ་གྱིས་མཛད་པའི་མཆོད་ཆོག །མཆིམས་སྟོན་ནམ་མཁའ་གྲགས་ཀྱི་སྒྲུབ་ཡིག །གཡག་སྡེ་པཎ་ཆེན་དང། ངག་དབང་སྙན་གྲགས་དཔལ་བཟང་པོས་བྱས་པའི་རྟོགས་བརྗོད། ཇོ་བོ་རྗེས་མཛད་པའི་ཕྱག་མཆོད་ཚིག་ལྷུག་དང་། དེ་ཉིད་མཆིམས་སྟོན་གྱིས་ཚིགས་བཅད་དུ་བྱས་པ། ཁྲོ་ལོའི་ཤཱཀ་ཤྲཱི་ལ་ཞུས་པ། རྒྱལ་ཆེན་སྡེ་བཞིའི་རྟོགས་བརྗོད་འདུལ་བ་ལུང་གཞི་དང་། མདོ་སྡེ་ལས་བརྒྱ་པའི་སྡོམ་ཚིག་ཀེ་ཡན་ཞེས་པའི་སྐབས་སུ་འབྱུང་ངོ་། །ལྡེབ་༢༢༨ནས་༢༥༡བར་༤༤ཡོད།། ༈ །། འཇམ་དབྱངས་ཀྱི་ཕྱག་མཚན་རི་མོའི་ཁ་བྱང་ལ་ལར། རྒྱ་མཁན་པདྨ་སློབ་ཆོས་རལ་གྲི་གསུམ་དང་། སྐ་ཅོག་སོགས་འདབ་ཆགས་མཚོན་བྱེད་དུ་བཤད་སྣང་ནའང་དཔྱད་གཞིའོ།། །། ༈ གཙུག་ཏོར་དྲི་མེད་དཀྱིལ་ཆོག་ལས། །རྨི་ལམ་དང་སོགས་ནས། རྣམ་པར་འཕེལ། ཞེས་པའི་ཚིགས་བཅད་ཤློཀ༣༤ །ཇི་སྐད་དུ། ལམ་དུ་འཇུག་དུས་ནོར་དང་འབྲུ་རྣམས་སྡུད་པ་དང་། །ནངས་པར་དུས་སམ་ཡང་ན་ཞི་བའི་ལས་བྱེད་དང་། །དགའ་སྟོན་ཀུན་ནས་འཇུག་པར་དགོས་པ་བསྒྲུབ་པ་ནི། །མིང་ཚིག་འདི་དག་མི་ཡིས་རབ་ཏུ་བསྒྲིམས་ཏེ་ཉོན། །ཞེས་སོ། ། ༈ བླ་མ་དང་སྤྲུལ་སྐུ་སོགས་ཁྲི་འདོན་གྱི་ཚེ། ཁྲིར་འཁོད་གྲུབ་བསྟུན་སྐྱབས་སེམས་ཁྲུས་གསོལ་དང་སྐུ་ཕྱི་སོགས་སྔོན་དུ་འགྲོ་བས། སྤྱི་དང་བྱེ་བྲག་གི་ལོ་རྒྱུས་དང་སྟང་ཐུན་ཇི་ལྟར་རིགས་པས་ཐོག་དྲངས། ཚོགས་སྣ་བདུན་གདངས་གཉིས་མཐར་ཕྱིན་མཚན་མཆོག་སོ་གཉིས་དང་། །རབ་མཛེས་དཔེ་བྱད་བཟང་པོ་བརྒྱད་ཅུས་སྤྲས། །སྤྲུལ་པའི་འོད་ཟེར་དཔག་མེད་འཕྲོ་བ་ཅན། །ལོངས་སྤྱོད་རྫོགས་སྐུ་ཆེན་པོར་དབང་བསྐུར་རོ། །ཨོཾ་བཛྲ་ཀཱ་ཡ་སིདྡྷི་ཨ་བྷིཥིཉྩཱ་མི། །ཉེ་རིང་ཀུན་ལ་སྙོམས་པས་ཚངས་པའི་དབྱངས། །ཐར་ལམ་སྟོན་པ་ལྷ་ཡི་རྔ་བོ་ཆེ། །སྐྱེ་མེད་འགག་པ་མེད་པ་བྲག་ཅའི་གསུང་། །ཡན་ལག་དྲུག་ཅུའི་དབྱངས་ཀྱིས་དབང་བསྐུར་རོ། །ཝཱཀ་ཨ་བྷིཥིཉྩ་མི། ཆོས་ཉིད་དག་པ་གཉིས་ལྡན་མངོན་དུ་གྱུར། །ཆོས་ཅན་ཇི་སྙེད་དབྱེ་བ་སོ་སོར་གཟིགས། །ཆོས་རྣམས་རྣམ་ཀུན་མངོན་རྫོགས་བྱང་ཆུབ་པའི། །སྒྲིབ་བྲལ་རྣམ་དག་དབྱངས་ཀྱིས་དབང་བསྐུར་རོ། །ཙིཏྟ་ཨ་བྷིཥིཉྩཱ་མི། སྟོབས་ཉིད་རྡོ་རྗེ་མི་འཇིགས་སེང་གེ་བཞིན། །མ་འདྲེས་མཁའ་དག་ཐུབ་བསྟན་ཆུ་ཟླ་ལྟར། །བྲལ་དང་རྣམ་པར་སྨིན་པའི་འབྲས་བུ་ཡི། །ཡོན་ཏན་དྲུག་ཅུ་རྩ་བཞིར་དབང་བསྐུར་རོ། །གུ་ཎ་ཨ་བྷིཥིཉྩཱ་མི། སྣ་བདུན་སྤྱི་ལྟར་དང་། རྫས་བརྒྱད་བསང་སྦྱང་དང་། ཚིག་ལྷུག་ཁ་བསྒྱུར། བརྒྱ་བྱིན་རྔ་སྤྲིན་ཚངས་ཉི་ཡིད་བཞིན་ནོར། །སྒྲ་སྙན་ནམ་མཁའ་ས་གཞི་སྲིད་མཐའི་བར། །འབད་མེད་ལྷུན་གྱིས་གྲུབ་པའི་མཛད་པ་ནི། །རྒྱུན་མི་འཆད་པ་ཉིད་དུ་དབང་བསྐུར་རོ། །ཀརྨ་ཨ་བྷིཥིཉྩཱ་མི། བརྟན་བཞུགས་གདངས་བཅས། ཤིས་བརྗོད་རྒྱས་པ་དྲིལ་གསིལ་མེ་ཏོག་འཐོར་པ་དང་བཅས། ཆོས་དུང་རྒྱུན་འབུད་མཛད། ལེགས་འབུལ་རྣམས་རིམ་པར་ཕུལ། ཞེས་སྣང་།། །། ༈ རྒྱ་གར་སྐད་དུ། ས་ཧཱ་ཛ་གཱི་ཏི། བོད་སྐད་དུ། ལྷན་ཅིག་སྐྱེས་པའི་གླུ། །བླ་མ་དམ་པ་རྣམས་ལ་ཕྱག་འཚལ་ལོ། །སྟོང་པའི་ནགས་སུ་མེ་ཏོག་རབ་རྒྱས་པ། །མེ་ཏོག་གཅིག་ལ་ཁ་དོག་སྣ་ཚོགས་ཏེ། །དཔེ་མེད་མེ་ཏོག་སྐྱེས་ན་ཕྱོགས་ལས་རྒྱལ། །རིན་ཐང་མེད་པའི་མེ་ཏོག་ལོངས་ཤིག་དང་། །དེ་ལ་རྩ་བ་མེད་ཅིང་ཡལ་འདབ་མེད། །གྲོགས་དག་སེར་ཁ་བཟང་པོ་ཕྱོགས་བརྒྱར་ལྟོས། །དཔེ་མེད་མེ་ཏོག་སྐྱེས་ན་ཕྱོགས་ལས་རྒྱལ། །རིན་ཐང་མེད་པའི་མེ་ཏོག་ལོངས་ཤིག་དང་། །གེ་སར་བླངས་པས་སྒྱུ་འཕྲུལ་མཁན་པོ་ཡིན། །རྡོ་རྗེ་དབང་ཕྱུག་ཆོས་ཀྱི་དབྱིངས་ལ་མཆོད། །དཔེ་མེད་མེ་ཏོག་སྐྱེས་ན་ཕྱོགས་ལས་རྒྱལ། །རིན་ཐང་མེད་པའི་མེ་ཏོག་ལོངས་ཤིག་དང། །མཆོག་དང་དགའ་བྲལ་རྣམ་པར་བརྟགས་ཏེ་ཟུངས། །བླ་མ་དམ་པའི་ཞབས་ལ་གུས་པས་མཆོད། །དཔེ་མེད་མེ་ཏོག་སྐྱེས་ན་ཕྱོགས་ལས་རྒྱལ། །རིན་ཐང་མེད་པའི་མེ་ཏོག་ལོངས་ཤིག་དང་། །རྣལ་འབྱོར་གྱི་དབང་ཕྱུག་ཤཱནྟ་དེ་བས་མཛད་པ་རྫོགས་སོ།། །། ༈ སངས་རྒྱས་ལ་ཕྱག་འཚལ་ལོ། །རྡུལ་ཚོན་དཀྱིལ་འཁོར་བུམ་པ་རྡོ་རྗེ་སོགས། གྲོལ་བར་མི་ལྟ་ཕུང་པོ་འགྲངས་པའི་ཐབས། །ཀ་ན་པས་བརྗོད་དེ་འདྲ་སུ་ཞིག་བྱེད། །ཐམས་ཅད་བརྫུན་པས་བསླུ་བ་ཡིན་པར་འདོད། །ཀ་ན་པའི་གླུ་རྫོགས་སོ། ། ༈ ཀྱེ་མ་ཁམས་གསུམ་སེམས་ཅན་རྣམས། །རྣམ་རྟོག་སྒྲོག་གིས་དམ་བཅིངས་ཏེ། །འཁོར་བའི་མྱ་ངན་འདམ་བུ་རུ། །ཕྱོགས་བཅུ་ཀུན་ཏུ་རྣམ་པར་འཁྱམས། །ཨེ་མ་ཁམས་གསུམ་བདེ་བར་གཤེགས། །གདོད་མ་ཉིད་ནས་གྲོལ་བ་ཆེ། །རྣམ་དག་ཞིང་ནི་བདེ་བ་ཅན། །སངས་རྒྱས་རོལ་མོ་རབ་ཏུ་སྟོན། །ཞེས་སོ།། །། ༈ མ་ཧཱ་སུ་ཁ་ཏའི་གླུ་ལས། །ཇི་ལྟར་ཏིལ་ལ་ཏིལ་མར་ཁྱབ་པ་བཞིན། །དེ་བཞིན་ཁམས་གསུམ་འཇམ་དཔལ་སྐུ་ཡིས་གང་། །དེ་ཤེས་ལྷུན་གྲུབ་རྣལ་འབྱོར་སྒོམ་པ་ཡིས། །བདེ་ཆེན་དམ་པ་ཆོས་ཀྱི་གླུ་འདི་ལོངས། །ཞེས་དང་། །ནམ་མཁའི་ནམ་མཁའི་མཚན་ཉིད་ཅི་འདྲ་བར། །སེམས་ཀྱི་མཚན་ཉིད་དེ་འདྲ་བླ་མས་གསུངས། །བླ་མེད་དོན་དེ་མི་ཤེས་སྒོམ་མི་ནུས། །བདེ་ཆེན་དམ་པ་ཆོས་ཀྱི་གླུ་འདི་ལོངས། །ཞེས་སོ།། །། ༈ ཀླུ་སྒྲུབ་གླུ་ལས། །དར་ནི་ཀུན་རྫོབ་ཡུལ་གྱི་ཤ་རྣམས་བཟའ། །ཤིན་ཏུ་རྣམ་དག་སྟོང་པའི་ཆང་ནི་བཏུང་། །སྐྱེ་འགྲོ་སྐལ་ལྡན་རྣམས་ལ་དོན་འདི་སྟོན། །སྐལ་མེད་རྣམས་ལ་ཤིན་ཏུ་གསང་བར་བྱ། །ཞེས་སོ།། །། ༈ བིནྡྷུ། ཐིག་ལེ། བྷཱ་བན། ཉམས་ལེན། པྲདྷཱ་ཡ་བྱཱ་ བཥྚ་ ནཾ། སེམས་ལ་གྲོས་འདེབས་པ་ལས། དམྱལ་བ་རྣམས་ནི་ངུ་འབོད་ཚ་གྲང་སྲེག་ཤིང་འཚིར། །སྲོད་པས་ཕྲག་དོག་ཡི་དྭགས་བཀྲེས་སྐོམ་སྐྱེ་འགྱུར་ལ། །སྙིང་རྗེའི་གནས་ཐོབ་དུད་འགྲོ་ཕན་ཚུན་ཞེ་སྡང་ཆེ། །ལྷ་ཡང་གནས་ནས་ལྷུང་འགྱུར་མི་རྣམས་སྡུག་བསྔལ་མང་། །ཞེས་སོ། །ཡང་། ལོངས་སྤྱོད་སྤྲིན་ཕུང་གློག་ལྟར་རྣམ་པར་གཡོ་བར་འགྱུར། །ཚེ་འདི་རླུང་གིས་བསྐྱོད་པའི་པདྨའི་ཆུ་ལྟར་འཇིག །ལང་ཚོ་རྣམས་ནི་མི་རྟག་དེ་ལྟར་བལྟས་བྱས་ནས། །མཁས་པ་རྣམས་ནི་མྱུར་དུ་ནགས་སུ་འགྲོ་བར་གྱིས། ཞེས་སོ།། །། ༈ སྠཱ་ན་མཱ་རྒ་ཕ་ལ། གཞི་ལམ་འབྲས་བུ།། །། ༈ ནཱ་ད་བིནྡྷུ་དྭཱ་རེ། རྩ་རླུང་གི་སྒོ་ནས།། །། ༈ སློབ་དཔོན་ཀུ་ཀུ་རིས། གང་ཞིག་རྣལ་འབྱོར་ལྟེ་བ་སྤྲུལ་པའི་འཁོར་ལོ་ལ། །བནྡྷུ་ཀ་ཡི་འབྲས་ལྟར་ས་དྲུག་གེ་སར་དབུས། །ཨ་ནྲྀ་སུ་ཏྲི་པྲེ་དུ་ཀ་རིགས་དྲུག་འགགས་ཕྱིར་བསྒོམ། །དབུས་སུ་ཁོང་སྟོང་ཡིག་འབྲུ་དྲུག་པོ་རིམ་གྱིས་ནི། །ཀ་ལ་ཐིམ་པས་སེམས་ཉིད་འགགས་ཏེ་སྐྱེ་བ་མེད། །བསྒྲིབ་བྱ་སྒྲིབ་བྱེད་རང་སེམས་དྲི་མེད་དམིགས་པ་མེད། རྒྱུད་རྣམས་འདུལ་ཕྱིར་གསུངས་ཏེ་རྣལ་འབྱོར་དོན་དམ་མིན། ཞེས་རྣལ་འབྱོར་སྒོམ་པའི་མན་ངག་ལས་སོ།། །། ༈ པྲ་བ། འཛགས་པ། ཏིརྠི་ཀ །མུ་སྟེགས།། །། ༈ དྷཱ་ཏུ་ར་སཱ། གསེར་འགྱུར་གྱི་རྩི།། །། ༈ ཤ་ས་ན། འདུལ་བ།། །། ༈ ཨ་ཙིནྟ་བསམ་གྱིས་མི་ཁྱབ་པ།། །། ༈ པྲ་ཀྲྀ་ཏི། རང་བཞིན།། །། ༈ སློབ་དཔོན་བཱངྒ་ཛས་མཛད་པའི་བླ་མེད་སྦྱོར་བའི་རིམ་པ་ལས། སྟོང་དང་ཤིན་ཏུ་སྟོང་པ་སྟེ། །སྟོང་པ་ཆེན་པོ་གསུམ་པ་ཡིན། །བཞི་པ་རྒྱུ་འབྲས་ཐམས་ཅད་དོ། །ཐབས་དང་ཤེས་རབ་སྦྱོར་བ་ཡིས། །རྫོགས་རིམ་ཡང་དག་ཉེ་བར་འགྱུར། །རྫོགས་པ་ཉེ་བར་མཐོང་བ་ཡིས། །ཐམས་ཅད་སྟོང་པའི་འོད་གསལ་ཡིན། །རང་རིག་གསུམ་གྱི་རྣལ་འབྱོར་གྱིས། །རྒྱུད་གསུམ་རྣམ་པར་དག་པར་འགྱུར། །ཞེས་དང་། རྣལ་འབྱོར་དང་པོའི་སྦྱོར་བ་ཡིས། །ས་ནི་བརྒྱད་པོ་ཐོབ་པར་འགྱུར། །འོད་གསལ་གསུམ་ལྡན་རྫོགས་པ་ཡིས། །ཡོངས་སུ་རྫོགས་པའི་ས་ཐོབ་བོ། །ཞེས་སོ།། །། ༈ པྲ་སྥ་ར་ཎཾ། བཀྲམ་པ། མུ་ཁཱ་ག་མ། ཞལ་གདམས་སམ། ཞལ་ལུང་།། །། ༈ རྒྱ་གར་སྐད་དུ། ཨ་ཏི་ཡོ་ག་བྷཱ་བ་ན་ནཱ་མ་ཨ་ཏི་རྣལ་འབྱོར་གྱི་སྒོམ་པའི་ཐབས་ཞེས་བྱ་བ། འཕགས་པ་འཇམ་དཔལ་ལ་ཕྱག་འཚལ་ལོ། །དུར་ཁྲོད་བརྒྱད་ལ་འཇིགས་བྱེད་བརྒྱད། །དུས་མཐའི་མེ་འབར་ཁམས་གསུམ་བསྲེགས། །ཚངས་པའི་སྒོ་ནས་དུ་བ་འཐུལ། །རྒྱ་མཚོ་བསྐམས་ཤིང་པདྨ་འབར། །རྡོ་རྗེ་ཟེ་འབྲུའི་དབུས་སུ་ནི། །ཉི་མའི་གདན་སྟེང་གནས་པ་དེ། །ནམ་མཁའི་འོད་ཆེན་ཧཱུྃ་ཉིད་སྒྲོགས། །མཛེས་པའི་སེམས་ཉིད་རྒྱུ་བ་ཡིན། །རུས་སྦལ་འཐེན་ཅིང་སྒྲ་སྐད་འབྱུང་། །རི་བོང་ཅན་གྱི་མདུད་པ་དཀྲོལ། །ཉམས་མྱོང་དཔའ་བོ་རང་རིག་རྒྱལ། །ལྷན་ཅིག་སྐྱེས་པའི་འཇིགས་པའི་བདག །མགོན་པོ་ཉིད་ནི་བསམ་པར་གྱིས། །དེ་ཉིད་སྙིང་རྗེའི་དཀྱིལ་འཁོར་འཕྲོ། །དེ་ཉིད་དུར་ཁྲོད་མེ་ཡིན་ཏེ། །དེ་ཉིད་སྨྲ་དང་ཟླ་རྒྱུན་འཛགས། །སྐྱེ་རྒ་ཤི་དང་ཁམས་གསུམ་གནས། །རང་རིག་དྲན་ཏེ་དེ་ཉིད་མཐོང་། །འདི་ནི་གཉིས་མེད་དབྱིབས་དང་བྲལ། །དངོས་པོའི་ཆོ་འཕྲུལ་བརྫུན་པ་སྟེ། །སེམས་ཉིད་འཁྲུལ་པས་མ་རྟོགས་སོ། །ཨ་ཏིའི་རྣལ་འབྱོར་རིག་པ་མེད། །ཇི་ལྟར་བཞག་པ་དེ་ལྟར་མིན། །གཉིས་མེད་སེམས་ལ་རྟག་པ་དང་། །ཆད་པར་འགྱུར་པའང་མ་ཡིན་ནོ། །དེ་ཕྱིར་ཉི་ཟླའི་དབུས་སུ་ནི། །ཕྲ་བའི་ཧཱུྃ་ཉིད་བསྒོམ་པར་གྱིས། །ཨ་ཏི་རྣལ་འབྱོར་སྒོམ་པའི་མན་ངག་ཅེས་བྱ་བ་སློབ་དཔོན་ཀླུའི་བྱང་ཆུབ་ཀྱིས་མཛད་པ་རྫོགས་སོ། ། ༈ ཨ་དྭ་ཡ་ནི་རི་ཀ །གཉིས་མེད་ཀྱི་རྩ་བ། རྣལ་འབྱོར་པའི་རྟོག་པའི་གེགས་སེལ་བ་ཞེས་བྱ་བ། རྗེ་བཙུན་བླ་མ་དང་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཅི་ཕྱིར་ཞེ་ན་གང་གིས་གང་ལ་གང་ལྟར་བསྒོམ། །རྟགས་དང་ཡོན་ཏན་བར་ཆད་གེགས་སྐྱོན་བསལ། །དེ་དག་ཤེས་ནས་གོམས་པས་བྱང་ཆུབ་ཐོབ། །མ་ཐོས་མི་གོམས་མི་འགྲུབ་ཡང་ན་འགྱངས། །དང་པོ་ཅི་ཕྱིར་བསྒོམ་པ་གཟུང་འཛིན་གཉིས། །མ་སྤངས་ཇི་བཞིན་མ་བསྒོམ་རྣལ་འབྱོར་པས། །ཕྱག་འཚལ་མཆོད་བཤགས་སྦྱིན་པ་མ་བྱས་ཀྱང་། །དེ་དག་ཤེས་ནས་གོམས་པས་བྱང་ཆུབ་ཐོབ། །བསོད་ནམས་འཕེལ་ཡང་ཡེ་ཤེས་རྫོགས་མི་འགྱུར། །གཉིས་པ་གང་གིས་རྣལ་འབྱོར་དང་ལྡན་པ། །ཐོས་མང་བརྩོན་ཞིང་བྱང་ཆུབ་སྡོམ་གནས་ཤིང་། །མཆོད་དང་སྦྱིན་མོས་བྱང་ཆུབ་སེམས་ལྡན་པ། །དེ་ནི་ཐེག་ཆེན་གསང་བའི་སྣོད་ཡིན་བསྒོམ། །གསུམ་པ་གང་ལ་ཞེ་ན་རང་གི་སེམས། །ཇི་བཞིན་མ་བཅོས་ཡེ་ནས་རྣམ་དག་ཅིང་། །སྤྲོས་བྲལ་ཡོད་མེད་རྟག་ཆད་མཐའ་སྤངས་པ། །དེ་ལ་གཡེངས་བ་མེད་པར་རྟག་ཏུ་གནས། །བཞི་པ་གང་ལྟར་སྒོམ་པ་བསྒོམ་བྱ་དང་། །བསྒོམས་པ་གཉིས་མེད་རང་གི་ངོ་བོ་ལ། །ཅི་ཡང་མེད་ལ་ཅིར་ཡང་སྣང་གསལ་བར། །བྱིངས་རྨུགས་སྤྲོས་པའི་རྟོག་པ་མེད་པར་བསྒོམ། །ལྔ་པ་དེ་རྟགས་རྣལ་འབྱོར་བརྩོན་ལྡན་ལ། །དང་པོ་གཉིད་དང་འདོད་སྲེད་ཆུང་བར་འགྱུར། །དེ་ནས་རིམ་གྱིས་རྨི་ལམ་འོད་ལ་སོགས། །རྟོག་པ་ཇི་བཞིན་ཆོ་འཕྲུལ་གཟུགས་ཀྱང་སྟོན། །དྲུག་པ་དེ་ཡི་ཡོན་ཏན་བསམ་བརྗོད་པ། །མངོན་སུམ་ཚེ་རིང་ནད་རྣམས་གསོ་བ་དང་། །གེགས་སེལ་ལ་སོགས་ཡོན་ཏན་མང་པོ་འབྱུང་། །དེ་བཞིན་རིམ་གྱིས་བྱང་ཆུབ་ལམ་ལ་འཇུག །བདུན་པ་བར་ཆད་གེགས་ནི་རྣལ་འབྱོར་པ། །གནས་སྤངས་གནས་ཚོལ་གཞན་དུ་འགྲོ་འདོད་ན། །གནོད་སྦྱིན་གཞན་དང་གཞན་དུ་འགྲོ་འདོད་དེ། །རྣལ་འབྱོར་སེམས་ལ་ཞུགས་ནས་གནས་གཞན་འཕེན། །གལ་ཏེ་རྣལ་འབྱོར་བསྒོམ་ཞིང་གནས་བཟུང་བས། །སྨྲ་གཅད་བར་སྐབས་ནང་དུ་གཞན་འཇུག་དང་། །ཕྱིར་བྱུང་ཁེངས་གྲགས་འདོད་བསྐམས་ཟས་ནོར་ཚོལ། །ཡི་དྭགས་འདོད་སྲེད་ཅན་གདོན་དེ་སེམས་ཞུགས། །གལ་ཏེ་རྣལ་འབྱོར་སེམས་འཁྲུགས་འཐབ་འདོད་ཅིང་། །འཁོར་ལ་གཤེ་དང་གཞན་ལ་སྤྱོ་བྱེད་ན། །འབྱུང་པོའི་བདག་པོ་ཡ་བ་ཤོ་ན་པ། །སྒྲུབ་པ་དེ་ཡི་སྙིང་ལ་ཞུགས་པ་ཡིན། །གལ་ཏེ་རྣལ་འབྱོར་འཕྲས་ཤིང་ཉལ་ལ་དགའ། །ཟས་སྐོམ་སྲེད་ཅིང་བཟླས་ལ་མི་བརྩོན་ལ། །ལྟོ་འཕྱེ་ཉལ་བརྩོན་སྙོམས་བྱེད་ཅེས་བྱ་བ། །རྣལ་འབྱོར་སེམས་ལ་ཞུགས་ནས་གནས་པར་བྱེད། །གལ་ཏེ་རྣལ་འབྱོར་རང་གི་ལོངས་སྤྱོད་རྐྱེན། །ཡོ་བྱད་བསྲུང་ཞིང་སོ་འཛུགས་སྲུང་མ་བསྐོ། །གསོག་ཕྱིར་འདོད་ཚོལ་གཞན་དུ་གཏོང་འདོད་ན། །གནོད་སྦྱིན་ནོར་སྲུང་ཞེས་བྱ་སེམས་ལ་ཞུགས། །གལ་ཏེ་རྣལ་འབྱོར་ཕ་མ་སྤུན་ཚོགས་ལ། །ཆགས་ནས་སྨོན་ལམ་རིམ་གྲོས་སྲུང་བྱེད་ན། །ལྷན་ཅིག་སྐྱེས་པའི་བག་ཆགས་མ་བྱང་བས། །ཉོན་མོངས་མ་སྤངས་བྱང་ཆུབ་རིང་བར་འགྱུར། །གལ་ཏེ་རྣལ་འབྱོར་གཟའ་སྐར་འཇུག་ཕོད་དང་། །དུས་དང་ལོ་ཟླ་བཟང་ངན་རྩི་བྱེད་ན། །དབྱེར་མེད་མཉམ་པ་ཉིད་དང་འགལ་བས་ན། །བྱང་ཆུབ་ཐོབ་པ་རབ་ཏུ་དཀའ་བར་འགྱུར། །གལ་ཏེ་རྣལ་འབྱོར་ཐོག་མར་རྟོགས་ཆེ་ཞིང་། །བསྒོམ་བརྩོན་སྙོམས་པས་བདག་བསྟོད་གཞན་སྨོད་ན། །ཉོན་མོངས་མ་སྤངས་ང་རྒྱལ་འཕེལ་འགྱུར་བས། །ཕྱིར་ཡང་ལྟུང་ཞིང་བྱང་ཆུབ་རིང་བར་འགྱུར། །གལ་ཏེ་རྣལ་འབྱོར་བདག་ལ་གཞན་དག་གིས། །སྔོན་དང་ད་ལྟར་མ་འོངས་གནོད་བྱེད་ཅེས། །ཞེ་སྡང་སྐྱེས་ནས་རིག་སྔགས་གསོད་གཏོང་ན། །ཞེ་སྡང་དབང་གིས་བྱང་ཆུབ་རིང་བར་འགྱུར། །གལ་ཏེ་བདག་ལ་གཞན་གྱིས་མཆོད་བཀུར་ཞིང་། །བསྔགས་པ་མང་བརྗོད་བསྟོད་ལ་སེམས་དགའ་ན། །འགྲོ་ལ་ཕྱོགས་ཆར་གྱུར་ཏེ་ཆགས་སེམས་ཀྱིས། །བྱང་ཆུབ་ལམ་ལ་འདིས་ཀྱང་རིང་བར་འགྱུར། །གལ་ཏེ་རྣལ་འབྱོར་འཁོར་མང་འདུ་ལོང་དག །རྒྱལ་པོ་ལྟ་བུར་མང་པོ་བསྟེན་ན་ནི། །ཁེ་གྲགས་ཡིན་པས་སྒོམ་པ་གཡེང་བའི་རྒྱུ། །བྱང་ཆུབ་ལམ་ལས་ཤིན་ཏུ་རིང་བར་འགྱུར། །བརྒྱད་པ་སྐྱོན་བསལ་ཐབས་ནི་རྣལ་འབྱོར་པ། །སེམས་ལ་བར་ཆད་མཚན་མ་དེ་བྱུང་ན། །འདི་ལྟར་བསམས་ནས་མཚན་རྟོག་བསལ་བར་བྱ། །ཆོས་སུ་ཅིར་སྣང་སེམས་ལས་གཞན་མེད་ཅིང་། །སེམས་ཀྱི་རང་བཞིན་ཆོས་ཉིད་ངོ་བོ་ལ། །བཟང་ངན་སྤོང་ལེན་འདོད་སྲེད་བྱམས་སྡང་སོགས། །རྟོག་དང་རྟོག་པའི་དབང་གིས་གེགས་བྱུང་ན། །སེམས་ལ་བལྟས་ནས་གང་ཡང་མི་སྣང་བས། །སྣང་མེད་སེམས་རྟོག་མཚན་མ་ག་ལ་ཡོད། །བདག་རྟོག་མཚན་མར་སེམས་ལ་བཟུང་ཉེས་པས། །རྟོག་པ་ཐམས་ཅད་སྤངས་ཤིང་རྟོག་མེད་གནས། །རྟོག་པ་མེད་པ་ལ་ཡང་གནས་པ་མེད། །དེ་ལྟར་རིང་དུ་གནས་ན་རྟོག་གེགས་ནི། །མྱུར་བར་ཞི་ནས་ཇི་བཞིན་བསྒོམས་པ་ལ། །བར་ཆད་སེམས་ཀྱི་རྣམ་རྟོག་འབྱུང་མི་འགྱུར། །བྱང་ཆུབ་འབྲས་བུ་མྱུར་དུ་ཐོབ་པར་འགྱུར། རྣལ་འབྱོར་པའི་རྟོག་པའི་གེགས་སེལ་བ་ཞེས་བྱ་བ་དངོས་གྲུབ་བརྙེས་པའི་སློབ་དཔོན་མཁས་པ་ཆེན་པོ་སངས་རྒྱས་གསང་བའི་ཞལ་སྔ་ནས་མཛད་པ་རྫོགས་སོ།། །། ༈ རྒྱ་གར་སྐད་དུ། ལོ་ཀ་ཨ་ཏི་ཏ་སཔྟ་ཀ་བིདྷིཿ བོད་སྐད་དུ། འཇིག་རྟེན་ལས་འདས་པའི་ཡན་ལག་བདུན་པའི་ཆོ་ག །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཕྱག་གནས་ཕྱག་བྱེད་ཕྱག་རྣམས་ནི། །གང་ཚེ་ཐ་དད་མི་དམིགས་པ། །དེ་འདིར་བསྔགས་པའི་ཕྱག་ཡིན་ཏེ། །རྡོ་རྗེའི་ཕྱག་ཅེས་བརྗོད་པ་ཡིན། །མཆོད་གནས་མཆོད་བྱེད་མཆོད་པ་རྣམས། །གང་ཚེ་སྣ་ཚོགས་མི་དམིགས་པ། །དེ་ཚེ་མཆོད་པ་ཆེན་པོ་སྟེ། །རྡོ་རྗེའི་མཆོད་པ་ཞེས་བརྗོད་དོ། །བཤགས་བྱ་འཆགས་བྱེད་བཤགས་པ་རྣམས། །གང་ཚེ་རྣལ་འབྱོར་པས་མ་མཐོང་། །རང་བཞིན་དག་པར་ཡང་དག་མཐོང་། །དེ་འདིར་བཤགས་པའི་མཆོག་ཡིན་ནོ། །རྗེས་སུ་ཡི་རངས་ཐམས་ཅད་དང་། །བདག་དང་རྗེས་སུ་ཡི་རངས་པ། །རྣལ་འབྱོར་པ་ཡིས་མཉམ་པར་མཐོང་། །རྗེས་སུ་ཡི་རངས་དམ་པ་ཡིན། །སྒྱུ་མས་སྤྲུལ་པའི་སངས་རྒྱས་ལ། །སྒྱུ་མས་སྤྲུལ་པའི་ལུས་ཅན་ཕྱིར། །བྲག་ཅ་ལྟ་བུའི་ཆོས་རྣམས་ནི། །བསྟན་པར་ཡང་དག་བསྐུར་འདེབས་པ། །སྤྲུལ་པ་དག་དང་མཚུངས་པར་ནི། །ཐལ་མོ་སྦྱར་ནས་སྐུལ་བྱེད་ཅིང་། །རྡོ་རྗེའི་རྣལ་འབྱོར་མཉམ་པར་མཐོང་། སྐུལ་བར་བྱེད་པའི་མཆོག་ཏུ་འདོད། །མྱ་ངན་འདའ་བཞེད་སངས་རྒྱས་རྣམས། །འཁོར་བར་སྤྲུལ་པ་བཞིན་དུ་ནི། །སེམས་ཅན་སྤྲུལ་པའི་དོན་གྱི་ཕྱིར། །བཞུགས་པར་གསོལ་འདེབས་དེ་ཉིད་རིག །འཇིག་རྟེན་འདས་པ་ཉིད་ཀྱི་ཕྱིར། །དེ་འདིར་གསོལ་འདེབས་མཆོག་ཏུ་འདོད། །དམིགས་པ་ཐམས་ཅད་འཇུག་པ་ཉིད། །ཐམས་ཅད་འཇིག་རྟེན་པ་ཉིད་ཡིན། །རྫོགས་པའི་བྱང་ཆུབ་རྨི་འདྲ་ལ། །དེ་ཉིད་རིག་པས་རྨི་འདྲར་རིག །རྨི་འདྲའི་སྲིད་པར་གནས་པ་ཡི། །སེམས་ཅན་རྣམས་ལ་ཕན་བཏགས་ཕྱིར། །ཆོས་ཀྱི་དབྱིངས་སུ་དཔག་མེད་པར། །དགེ་བ་ཐམས་ཅད་ཡོངས་བསྔོ་ན། །དེ་འདིར་བསྔོ་བ་དམ་པ་ཡིན། །སངས་རྒྱས་ཀུན་གྱིས་རབ་ཏུ་བསྔགས། །འཇིག་རྟེན་ལས་འདས་པའི་ཡན་ལག་བདུན་པའི་ཆོ་ག་སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ཀྱིས་དཔལ་བསམ་ཡས་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་མཛད་པ་རྫོགས་སོ།། །། ༈ རྒྱ་གར་སྐད་དུ། བི་ཤུདྡྷ་དཪྴ་ན་ཙཪྻ་ཨུ་པ་དེ་ཤ་ནཱ་མ། བོད་སྐད་དུ། །ལྟ་སྤྱོད་རྣམ་དག་གི་མན་ངག་ཅེས་བྱ་བ། བཅོམ་ལྡན་འདས་ཤཱཀྱ་སེང་གེ་ལ་ཕྱག་འཚལ་ལོ། །རྨི་ལམ་ལྟ་བུར་ཕྱི་རོལ་མིན། །སྒྱུ་མ་ལྟ་བུར་བདེན་དོན་མིན། །ནམ་མཁའ་ལྟ་བུར་མཚན་ཉིད་བྲལ། །ཆོས་ཀུན་རང་བཞིན་འོད་གསལ་བའོ། །འགྲོ་འོང་གནས་མེད་བྱང་ཆུབ་སེམས། །རྒྱ་ཆེན་སེམས་ཅན་དོན་ལ་མཁས། །ཚོགས་གཉིས་དབྱེར་མེད་ལམ་གྱི་མཆོག །སྟོང་ཉིད་སྙིང་རྗེའི་སྙིང་པོ་བསྒོམ། །ལྟ་སྤྱོད་རྣམ་དག་གི་མན་ངག་ཅེས་བྱ་བ་ཁ་ཆེའི་རིགས་ཀྱི་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲའི་ཞལ་སྔ་ནས་མཛད་པ་རྫོགས་སོ། །མཁས་པ་ཆེན་པོ་དེ་ཉིད་ཀྱི་སྤྱན་སྔར་ལོ་ཙཱ་བ་བྱམས་པའི་དཔལ་གྱིས་ཁྲོ་ཕུ་བཟང་ལུང་དུ་བསྒྱུར་བའོ།། །། ༈ རྒྱ་གར་སྐད་དུ། ཙིཏྟ་རཏྣ་བི་ཤོ་དྷཱ་ནཱཾ་མརྒ་ལཾ། བོད་སྐད་དུ། སེམས་རིན་པོ་ཆེ་སྦྱོང་བའི་མན་ལམ་འབྲས། ངག་ཅེས་བྱ་བ། རྗེ་བཙུན་མི་ཕམ་མགོན་པོ་ལ་ཕྱག་འཚལ་ལོ། །རྙེད་དཀའ་དལ་འབྱོར་མྱུར་དུ་འཇིག །ལས་དང་དེ་འབྲས་སྡུག་བསྔལ་ཡིན། །དེ་སྤངས་ཤེས་རབ་སྙིང་རྗེ་བསྒོམ། །སྐྱེས་གསུམ་ལམ་གྱིས་དོན་གསུམ་འཐོབ། །དམ་པ་གསུམ་གྱིས་བསོད་ནམས་བསགས། །རྒྱ་ཆེན་ཐབས་ཀྱིས་ཡང་དག་སྤེལ། །ཤེས་རབ་ཟབ་མོ་རྣམ་དག་བྱ། །ཟུང་འཇུག་བསྔོ་བས་རྒྱས་གདབ་བོ། །ཁ་ཆེའི་རིགས་ལས་བལ་ཡུལ་དུ་སྐུ་འཁྲུངས་པའི་པཎྜིཏ་ཆེན་པོ་དཔལ་ལྔ་རིག་པའི་མཆོག་བུདྡྷ་ཤྲཱིཛྙཱ་ནའི་ཞལ་སྔ་ནས་གསུངས་པའི་སེམས་རིན་པོ་ཆེ་སྦྱོང་བའི་ལམ་འབྲས་ཞེས་བྱ་བ་རྫོགས་སོ། །མཁས་པ་ཆེན་པོ་དེ་ཉིད་ཀྱི་སྤྱན་སྔར་ལོ་ཙཱ་བ་བྱམས་པའི་དཔལ་གྱིས་བལ་ཡུལ་ཡམ་འགལ་གྱི་གཙུག་ལག་ཁང་དུ་བསྒྱུར་བའོ།། །། ༈

རྒྱ་གར་སྐད་དུ། བྷནྡྷ་བི་མུཀྟོ་པ་དེ་ཤ་ནཱ་མ། བོད་སྐད་དུ། འཆིང་བ་རྣམ་གྲོལ་གྱི་མན་ངག་ཅེས་བྱ་བ། འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཀྱེ་ཧོ། །གང་གིས་འཆིང་བར་བྱེད་པའི་རྒྱུ། །དེ་ཉིད་གྲོལ་བར་བྱེད་པའི་ལམ། །འདི་ནི་འཆིང་བ་གང་ཡང་མེད། །འཆིང་བ་གང་ཡིན་དེས་གྲོལ་བའོ། །འདོད་ཆགས་བདེ་བ་ཆེན་པོར་དག །ཞེ་སྡང་འོད་གསལ་མེ་ཆེན་འབར། །གཏི་མུག་རྣམ་པར་མི་རྟོག་ཉིད། །དུས་གསུམ་སྐུ་གསུམ་ལྷུན་གྱིས་གྲུབ། །འཆིང་བ་རྣམ་གྲོལ་གྱི་མན་ངག་ཅེས་བྱ་བ། རྣལ་འབྱོར་གྱི་དབང་ཕྱུག་ཤྲཱི་ཛཱ་ག་ཏཱ་མི་ཏྲ་ཨཱ་ནནྡའི་ཞལ་སྔ་ནས་གསུངས་པ་རྫོགས་སོ། །རྣལ་འབྱོར་གྱི་དབང་ཕྱུག་དེ་ཉིད་ཀྱི་སྤྱན་སྔར་ལོ་ཙཱ་བ་བྱམས་པའི་དཔལ་གྱིས་བལ་ཡུལ་གུ་ལང་གསེར་ཁང་དུ་བསྒྱུར་བའོ།། །། ༈

[edit]

a ti bsgom pa'i man ngag klu'i byang chub kyis mdzad pa sogs rgya gzhung kha shas phyag bris mdzad pa spar gzhi 'bri skabs dkyus su shor ba 'di 'dra'i rigs gsung dngos ma yin pas dgos pa med kyang rje nyid kyi ched du dgongs te phyag bris mdzad pa la dgos gnad che bar yod par sems so// slob dpon mi pham bshes gnyen gyis mdzad pa'i 'jam dpal dkar po'i mchod chog las/__ba lci chu dang bcas pa sbyin pa yang dag byi dor tshul khrims dang /__/srog chags phra mo'ang bsal ba bzod pa bya ba nyer gnas brtson 'grus so/_/sems rtse gcig de'i skad cig bsam gtan ri mo mdzes 'bar shes rab yin/__/thub pa'i maN+Dal bgyis las pha rol phyin drug 'di dag thob 'gyur zhing /__/kha dog gser du 'gyur zhing nad kun las ni rnam par grol bar 'gyur/__/lha dang mi las ches lhag 'gyur dang zla ba lta bu'i mdzes pa 'bar/__/'dir ni lus kyis las bgyis pa las sangs rgyas pa yi khyim dag tu/__/nor dang gser gyis yang dag 'byor zhing rgyal po'i rigs su skye bar 'gyur/__/zhes dang /__dge ba 'di yis bdag nyid ni/__/sangs rgyas nyid du mngon gyur nas/__/'gro kun gting mtha' med pa yi/__/srid pa'i mtsho las sgrol gyur cig__/ces so/__/paN+Di ta dI paM kA ras mdzad pa'i tA re'i no pi ka rgyas par/__/skye bo rnams dang brten pas sdug bsngal kho na 'byung 'gyur gyis/__/bde ba 'byung ba thub pas ma gsungs de phyir mkhas mchog gis/__/sngags g.yog dang ni sgrub pa'i grogs mchog gnyis las ma gtogs pa/__/skye bo 'ga' yang 'jug dang phrad dang sbyin pa 'du 'dzi spangs/__/sngags a kA ro 'dis 'byung po rnams la gtor ma sbyin bya phyag rgya ni/_/lag gnyis thal sbyar mdzub mo dag gis gung mo 'khyud byas te/__/mthe bong gnyis ni snying por byas la 'di yi gsang sngags mchog__/bzlas dang gtor ma sbyin dang bstim sogs phal cher sbyang bar bya/__oM a kA ro zhes dang /__shin tu dri zhim ngad ldan yid ni dge la mngon dga' dang /_/lus ni rab yang gnyid ni mi 'byung khams rnams snyoms pa dang /__/shin tu sgra snyan pa dang rol mo'i sgra rnams grags pa dang /__/me tog char 'bab til mar bral bar mar me 'bar ba dang /__/rmi lam na ni 'phags rnams mthong dang dge slong bram ze mthong /__/rtag tu dge ba'i rmi lam mthong dang chags dang khro dang bral/_/yid ni dga' bar byed pa'i 'od chen khang par 'byung ba ste/__/mdor na yid ni gang gis snga las dga' 'gyur bzlas pa dang /_/sgom pa dag la bar du mi gcod 'di ni mtshan ma bzang /__/zhes dang /__sman mchog bza' ba ma legs nges par dug tu 'gyur ba ltar/_/dngos grub len mi mkhas pa rnams kyis dngos grub phyir phyogs pa'am/__/yang na srog gi bar chad dag tu'ang 'gyur ba de yi phyir/__/mkhas pas dngos grub blang ba 'khrul med shes par bya/__/zhes gsungs so/__/slob dpon sangs rgyas ye shes kyis/__blugs dang gtor dang dag par byas pas slob dpon cher 'gyur te/__/thams cad kun gyi rgyud 'dzin gzhan rnams rgyud kun la sbyor ba'i/__/dngos po'i rim pa rab rtogs dri ma rnams ni dag byas te/__/ye shes sgyu ma'i snod du rung bar rnal 'byor de 'gyur shog__/ces gsungs/__sdom 'byung las/__gzhan du mi 'phro'i sems kyis ni/__/de lta'i tshul gyis bzlas par bya/__/yul gzhan blo ni 'phro ba yi/__/bskal par bzlas kyang 'bras mi 'byin/__/zhes so//____//__! brgyad stong par/__yul dbus nas lho phyogs su dar bar 'gyur ro/__/lho phyogs nas byang phyogs su dar bar 'gyur ro/__/byang phyogs nas byang phyogs su dar bar 'gyur ro/__/zhes dang /__nga mya ngan du 'das nas lo nyis stong lnga brgya na gdong dmar can gyi yul du dam pa'i chos rgyas par 'gyur ro/__/zhes dang /__dzam+bu zhes pa ni/__dzan la/__buka__/ka la yan bzhin nos ka phyis/__sde pa la sde pa'i mthas na ma/__dwI pa sbyor bas mi 'jig__/dzam bu gling ste mtsho ma dros pa'i shing tog chur lhung ba las dzam bu nA da'i gser du 'gyur ba yod pas so/__/bod la skor gsum ni/__pu rangs/__mang yul/__zangs dkar gsum skor gcig__/li/__bru sha__/sbal te gsum skor gcig__/zhang zhung/__khri sde/__stod smad gsum skor gcig ste skor gsum/__dbus na dbu ru dang g.yo ru/__gtsang na g.yas ru dang ru lag gnyis te bar dbus gtsang ru bzhi/__mdo smad khams la/__smad khams btags pa khams gcig__/mdo smad la g.yar mo thang btags pa khams gcig__/btsong kha gying thang btags pa khams gcig ste khams gsum las smad khams/__rdul rdza ze mo sgang /__tsha ba sgang /__smar khams sgang /__spo 'bor sgang/__dmar rdza sgang /__mi nyag rab sgang ste sgang drug__/rgya nag rgyal po gying gir gan gyis 'phags par/__stod mnga' ris gung thang nas sog la skya bo yan dbus gtsang dam pa chos kyi chol kha/__de nas rma chu khugs pa yan mdo stod mgo nag mi'i chol kha/__de nas mchod rten dkar po yan mdo smad gyir ling rta'i chol kha ste gsum gyi bar pa//____//__! ji skad du/__gsol gzim mchod gsum mjal yig mdzod pa gsum/_/thabs 'dren gdan gsum rta rgya mdzo khyi bzhi/__/chen po la 'os las chen bcu gsum ste/_/'di rnams chos kyi rgyal po sa skya pa/__/dpal ldan 'phags pa'i ring la dar ba yin/_/zhes so/__/rigs dang rus dang cho 'brang dang /__zhes pa'i rigs ni mkhas mdzangs dpa' brtul sogs dang ldan pa'i ya rabs kyi spyod tshul ci rigs dang ldan pa'o/__/rus ni rigs nyams pa min pa gang yin pa de rgyud las byung ba'o/__/cho ni zhang po'i rigs kyi 'byung khungs dang ldan pa'o/__/'brang ni bshad ma thag pa gsum po dang ldan pas ya rabs kyi 'brang ba 'dzin pa'o/__/zhes so/__/ji skad du/__so so rig bzhi sa dgu pa/_/ma thob de srid chos kun gyi/__/nges tshig shes min de yi phyir/__/mtha' dag sdeb sbyor su yis shes/__/'on kyang phyogs re'i brda dag kyang /__/'bad pa du mas btsal bar bya/_/yi ge'i sbyor ba la 'khrul na/__/don rnams 'khrul pa smos ci dgos/__zhes pas/__de yang ming gzhi/__de la rtags gsum gyi dbye ba/__/sngon 'jug__/rjes 'jug__/mi 'jug pa/__bya byed las gsum/__dus gsum gyi dbye ba rnams so sor nges par byed dgos//____//__! sman bla don grub pas mdzad pa'i sku gzugs rab byed yid bzhin nor bu/__'phrang kha dpal ldan blo gros bzang pos mdzad pa'i sku gzugs mchod rten bcas kyi cha tshad/__kun mkhyen bu dang stag los mdzad pa'i cha tshad kyi yi ge rnams gal che//____//__! mchod rten gyi nges tshig__/tse t+yai zhes/__dran pa ste chos sku'i yon tan dran pa'am/__yang na bsag pa'am bsag tu rung ba ste yon gyi chos bsag tu rung bar mtshon pa'i phyir ro/_/dbye na/__nyan thos kyi chos gos bzhi ltebs steng lhung bzed kha sbubs pa la 'khar gsil btsug pa lta bu/__rang rgyal rmang gru bzhi'i steng ngos gru bzhi bang rim zlum po bang rim bcu gnyis pa 'khor lo rtsibs brgyad rnam pa can no/__/theg chen la/__lhung bzed kha sbubs pa lta bu dang /__khang bu lta bu dang /__rgyal mtshan lta bu ste gsum gyi phyi ma la sku gdung cha brgyad sogs so/__/de dag gi tshad/__kun mkhyen bu dang /__brang ti paN chen/__sprul sku 'phrang kha ba rnams kyis mdzad//____//__! tshig gter 'grel pa blo brtan bzhi pas mdzad//____//__! rgyan 'grel las/__mngon sum dang rjes su dpag pa'i tshad mas zin pa'i tarka'i gzhung la mkhas pa ni rgyu rig pa zhes bya'o/__/rgyu rig pa byang chub sems dpas 'tshol bar byed de/__'di ltar legs par smra ba dang nyes par smra ba shes par bya ba dang /__rgyu rig pa'i gtsug lag shes par rlom pa'i mu stegs can dag tshar gcod pa dang /__bstan pa 'di la ma dad pa rnams dad par byed pa dang /__dad pa bskyed pa rnams kyi dad pa phyir zhing 'phel bar bya ba'i phyir brtson par byed do/__/zhes so/__/rtsis la/__ang+ki'i grangs kyi yi ge ste de dag 'bri ba dang /__dpri ba dang /__bsnan pa dang /__bsgyur ba dang /__bgod pa ste yi ge'i yan lag lnga dang /__gza' tshes skar ma sbyor ba byed pa ste rtsis kyi yan lag lnga'o/__/rgyan TIka las/__nang rig pa byang chub sems dpas 'tshol bar byed de/__ci'i phyir zhe na bdag nyid kyis 'phags pa'i lam dang de kho na nyid phyin ci ma log par shes pas nyon mongs spang bar bya ba dang /__byas pa chud zos pa dang ma byas pa 'ong ba med pa phyin ci ma log pa shes par bya ba dang /__gzhan la'ang mngon par rgya cher bstan pa'i phyir 'tshol bar byed do/__/zhes so//____//__! byang chub sems dpa'i sde snod las/__/thos pas chos rnams shes par 'gyur/__/thos pas sdig las ldog par 'gyur/__/thos pas don med spong bar 'gyur/__/thos pas mya ngan 'das pa thob/__/ces pas/__phyi nang gi grub mtha' shes pas blang dor gyi gnas la mkhas pa dang /__tshul khrims kyi bslab pa thob nas kha na ma thob pa las ldog pa dang /__sems kyi bslab pa thob nas don med pa'i 'dod pa yongs su spang ba dang /__shes rab kyi bslab pa thob nas zag zad mngon du byas pa'i myang 'das thob par 'gyur ro/__/zhes pa'i don to//____//__! sAts+tsha ni dam pa'i gzugs brnyan te/__mchod rten dang sAts+tsha gcig pa ltar na/__stu bya dang /__tsai t+ya zhes pa ltar na bstod bya'am/__bsod nams bsag byar bshad la/__sbyong rgyud las sdig sbyong dmigs bsal dang /__rgyud sde gzhan du thun mtshams kyi bya bar yang bshad la/__zhi ba 'tsho sogs kyis sAts+tsha gdab pa'i cho ga rgyas pa dang /__mchod rten dang sAts+tsha gcig par byas pa'i phan yon rgyal po gsal rgyal gyis zhus par 'byung la/__grags rgyal gyis mdzad pa'i chos spyod las kyang gdab tshul rgyas pa dang /__rnam par snang mdzad 'od kyi rgyal po'i sngags kyis 'jim pa byin gyis brlabs nas de la sAts+tsha btab pas 'jim pa de la rdul phra rab kyi grangs ji snyed yod pa de snyed kyi 'khor los sgyur ba'i rgyal por 'gyur bar gsungs so/__/jo dar gyi byung khungs dang phan yon sogs ma nges kyang gsung rten spyi 'gre'i phan yon 'byung bar smos ma dgos/_lung thags yu ba la oM phog pa byas na 'thad par gsungs//____//__! rdzas brgyad las/__gi wang ni ma nges/__zho ni legs skyes mas phul/__dUrba ni rtswa 'tshong bkra shis kyis phul/__tshangs pas bil pa phul ba khungs ma rnyed/__dung dkar brgya byin gyis chos 'khor bskor ba'i gsol 'debs rten du phul ba dang /__li khri ni bram ze skar rgyal zhes pa shAkya'i bu rab tu ma byung gong tsam nas sam/__sku mtshal bcad dus lta bu zhig phul lam/__yungs kar kyang nges pa ma rnyed tshul snang yang /__durba dang ku sha nor ba yin las che//____//__! rgyud sde'i dum bu rnam bzhag mngon rtogs dang /__/stong thun gnyis kyi sa bcad bstod pa gnyis/_/bdag med bstod pa'i rnam 'grel dang bcas pa/__/kun tu dgos pa'i gzhung bdun 'thor mi bya/__/zhes dang /__mngon rtogs rgyas bshad gong ma'i dgongs rgyan/__phar phyin lam rdzogs par ston pa thub pa dgongs gsal/__rgyan gnyis 'byed gnyis/__rgyud bla ma ste byams chos sde lnga/__mdo sngags thun mong ston pa rab dbye bcas so//____//__! ngor pa'i rgyud gzhung bzhi zhes/__lam 'bras/__sdom gsum/__tshul dang po gsum mdzes pa'i rgyan/__ljon shing mdzes rgyan//____//__! dbyangs can ma'i skor/__bram ze phur bu dang /__nag mo'i khol gyi bstod pa ni/__bram ze phur bus mdzad pa'i sgrub thabs/__yang dbyangs can ma sgrub par 'dod pas sdig to mi dge ba spangs te/__zhes sogs yod pa/__mjug tu/__khri 'bum lnga stong bzlas pa bya'o/__/zhes pa/__yang /__na mo swa ra swa stI b+h+yaH__zab mo'i gdams pa mchog tu gyur pa'i dngos grub kyi gegs sel/__'di la don gsum ste/__sogs/__gegs sel zab mo a+thi+-i/__yang /__ngag gi dbang phyug la phyag 'tshal lo/__/lha mo dbyangs can sgrub pa'i skabs su dngos grub chen po bzhi 'byung ba gegs bzhi 'byung /__sogs/__mthar/__dbyangs can ma'i gegs sel zab mo a+thi+-i/__yang /__dbyangs can dga' bas sbyar ba'i dbyangs can rjes gnang de nyid kyis mdzad pa'i sgrub thabs gegs sel bcas/__shAkya'i btsun pa nyi ma rgyal mtshan gyis snar thang du mdzad pa'i rjes gnang /__cho ga shes rab kyi 'khor lo thogs pa med pa 'jug pa zhes bya ba/__paN chen nam mkha' dpal bzang gis mdzad pa'i sgrub thabs rjes gnang /__de'i kha skong /__bud+d+ha lak+Sh+mIs mdzad pa'i bsnyen thabs/__brgyud 'debs/__bstod pa bcas so/__/i ti shrI mA~M d+harmA pA le na shru taM//____//__! shes bya'i yul la mngon sum gyis gnod pa med pa/__cung zad lkog gyur la dpyad na dngos stobs rjes dpag gis gnod pa med pa/__shin tu lkog gyur la dpyad na lung rnam dag gis gnod pa med pa/__bstan bcos 'gyur ro 'tshal ni sku zhang chen po grags pa rgyal mtshan pa'i sras kyi thu bo dbon chen kun dga' don grub pas rten bzhengs kyi phyi mo snar thang na bzhugs pa/__der ma bzhugs pa gsar bsnan bcas mkhas grub bu ston gyis dkar chag rin po che dbang gi rgyal po'i phreng ba bya ba brtsams/__de rjes skyid shod tshal gung thang du zhwa lu'i ma mo las/__tshal pa si tu pa dge ba'i blo gros kyis gsar bsnan dang bcas/__kun mkhyen bu ston chen pos dkar chag yid bzhin nor bu rin po che'i za ma tog ces brtsams/__dus phyis sangs rgyas rgya mtshos lnga pa'i zhabs brtan du 'phying dbar stag rtser bu ston gyi ma phyi las/__gsar bsnan dang /__gsar 'gyur bdun brgya brgyad cu tsam bsnan te bzhengs so/__/de'i dkar chag lnga pa rin po ches 'jig rten gsum gyi bde skyid pad tshal bzhad pa'i nyin byed ces brtsams/__sa skya'i mkhas pa g.yag rong sogs kyi sku ring la/__tshad ma mdo dang rnam 'grel tshad ma'i skor/_3_'dul ba mdo dang mdo rtsa 'dul ba'i skor4/__kun las btus dang mdzod gnyis mngon pa'i skor/__6_byams chos lnga dang spyod 'jug phar phyin skor12/__dbu ma rtsa 'jug bzhi gsum dbu ma'i skor15/__rigs gter sdom gsum 17tshad ma spyi yi skor/__zhes po ti grags chen bco brgyad ces pa'i tha snyad byung //____//__! ldeb brgya so bdun mtshams rtsis dkar nag skor brgyud pa yod/__bde mchog las/__chos kyi sku chos skur ngo shes pa 'chi kha nyid du phyag rgya chen po mchog gi dngos grub thob nas rnam shes spyi gtsug nas song ste/__longs spyod rdzogs sku'i zhing khams su 'gro bar 'gyur ro/_/de'i rtags ni pha'i khu ba'i thig le sna bug g.yon nas mar 'byung ngo /__/zhes so//____//__! las kyi sgrib pa rnam par sbyong ba'i gzungs las/__na mo rat+na sogs nas swA hA/__gzungs sngags 'di'i cho ga ni 'di yin te/__rtag tu bzlas brjod byas na las gcig nas gcig tu brgyud pa thams cad rnam par dag par 'gyur ro/__/dus gsum du bzlas brjod byas na mtshams med pa lnga yang byang bar 'gyur ro/__/lan gcig bzlas brjod byas na ltas ngan pa dang bkra mi shis pa rnams med par 'gyur ro/__/lus la 'chang ngam glegs bam la bris nas mgul du thogs te 'chang na dus ma yin par 'chi ba rnams gtan du 'byung bar mi 'gyur ro/__/gang zhig snying rjes non te ri dwags dang /__bya dang /__mi dang /__mi ma yin pa rnams kyang rung ste 'chi ba'i rna khung du brjod na de ngan song du 'gro bar mi 'gyur ro/__/yang na shi ste dus las 'das na shi 'phos pa'i ming nas smos te de'i phyir byams pa dang snying rjes lan brgya'am/__stong ngam/__'bum brjod na de sems can dmyal bar skyes su zin kyang de'i mod la thar bar 'gyur ro/__/sa'am til lam yungs kar ram chu gang yang rung ba la bzlas brjod byas te/__shi ba'i lus la gtor ram/__khrus byas nas de'i 'og tu mchod pa'am/__yang na mchod rten gyi nang du bcug ste bzhag la/__rig sngags bris te mgo la btags na/__de ngan song du skyes pa yang zhag bdun gyis gdon mi za bar thar te/__bde 'gro mtho ris kyi 'jig rten du skye bar 'gyur ba'am/__yang na rang gi smon lam gyi dbang gis skye bar 'gyur ro/__/gang zhig zla ba nya ba'i tshe khrus byas la gtsang mar byas te/__dus gsum du gos brje zhing kha zas mi za'am/__yang na kha zas dkar bag za zhing /__sku gdung dang mchod rten du gang gi ming dang ldan pas lan 'bum bzlas brjod byas na de ngan song las thar te gnas gtsang ma'i lha yi ris su skyes nas sgrub pa po'i thad du 'ongs te mchod par byed/__lus kyang ston la/__legs so zhes bya ba byin nas lan gsum bskor ba byas te mi snang bar 'gyur ro/__/de'i ming bris la gzungs sngags bzlas brjod byed cing mchod rten 'bum byas la gdugs dang rgyal mtshan ba dan la sogs pas legs par mchod nas rgya mtsho chen po dang /__yang na chu klung du btang na des sems can dmyal ba la sogs pa nas thar par 'gyur ro/__/zhes bya rgyud rdo rje'i rigs can mi 'khrugs pa'i gzungs sngags kyi phan yon bstan pa'o/_/shu b+haM/__spyi bo mdun rgyab dpung mgo gnyis/__pus mo gnyis te gnas bdun no/__/zhes so//____//__! gnas brtan rtogs brjod skor/__byams pa lung bstan mdo rgya nag nas 'gyur ba dang /__'phags pa dga' ba'i bshes gnyen gyi rtogs brjod/__'phags pa so so'i rnam thar 'dul ba lung dang mdo sde rnams/__spyan 'dren rgya gar dang rgya nag nas 'gyur ba/__paN chen byams gling pa bsod nams rnam rgyal gyis mdzad pa'i mchod chog__/mchims ston nam mkha' grags kyi sgrub yig__/g.yag sde paN chen dang/__ngag dbang snyan grags dpal bzang pos byas pa'i rtogs brjod/__jo bo rjes mdzad pa'i phyag mchod tshig lhug dang /__de nyid mchims ston gyis tshigs bcad du byas pa/__khro lo'i shAka shrI la zhus pa/__rgyal chen sde bzhi'i rtogs brjod 'dul ba lung gzhi dang /__mdo sde las brgya pa'i sdom tshig ke yan zhes pa'i skabs su 'byung ngo /__/ldeb 228nas 251bar 44yod//__!_// 'jam dbyangs kyi phyag mtshan ri mo'i kha byang la lar/__rgya mkhan pad+ma slob chos ral gri gsum dang /__ska cog sogs 'dab chags mtshon byed du bshad snang na'ang dpyad gzhi'o//____//__! gtsug tor dri med dkyil chog las/_/rmi lam dang sogs nas/__rnam par 'phel/__zhes pa'i tshigs bcad sh+loka34__/ji skad du/__lam du 'jug dus nor dang 'bru rnams sdud pa dang /__/nangs par dus sam yang na zhi ba'i las byed dang /__/dga' ston kun nas 'jug par dgos pa bsgrub pa ni/_/ming tshig 'di dag mi yis rab tu bsgrims te nyon/__/zhes so/_/_!_ bla ma dang sprul sku sogs khri 'don gyi tshe/__khrir 'khod grub bstun skyabs sems khrus gsol dang sku phyi sogs sngon du 'gro bas/__spyi dang bye brag gi lo rgyus dang stang thun ji ltar rigs pas thog drangs/__tshogs sna bdun gdangs gnyis mthar phyin mtshan mchog so gnyis dang /__/rab mdzes dpe byad bzang po brgyad cus spras/__/sprul pa'i 'od zer dpag med 'phro ba can/__/longs spyod rdzogs sku chen por dbang bskur ro/__/oM badz+ra kA ya sid+d+hi a b+hiShiny+tsA mi/__/nye ring kun la snyoms pas tshangs pa'i dbyangs/__/thar lam ston pa lha yi rnga bo che/_/skye med 'gag pa med pa brag ca'i gsung /__/yan lag drug cu'i dbyangs kyis dbang bskur ro/__/wAka a b+hiShiny+tsa mi/__chos nyid dag pa gnyis ldan mngon du gyur/__/chos can ji snyed dbye ba so sor gzigs/__/chos rnams rnam kun mngon rdzogs byang chub pa'i/_/sgrib bral rnam dag dbyangs kyis dbang bskur ro/__/tsit+ta a b+hiShiny+tsA mi/___stobs nyid rdo rje mi 'jigs seng ge bzhin/__/ma 'dres mkha' dag thub bstan chu zla ltar/__/bral dang rnam par smin pa'i 'bras bu yi/__/yon tan drug cu rtsa bzhir dbang bskur ro/__/gu Na a b+hiShiny+tsA mi/__sna bdun spyi ltar dang /__rdzas brgyad bsang sbyang dang /__tshig lhug kha bsgyur/___brgya byin rnga sprin tshangs nyi yid bzhin nor/__/sgra snyan nam mkha' sa gzhi srid mtha'i bar/_/'bad med lhun gyis grub pa'i mdzad pa ni/__/rgyun mi 'chad pa nyid du dbang bskur ro/_/karma a b+hiShiny+tsA mi/__brtan bzhugs gdangs bcas/__shis brjod rgyas pa dril gsil me tog 'thor pa dang bcas/__chos dung rgyun 'bud mdzad/__legs 'bul rnams rim par phul/__zhes snang //____//__! rgya gar skad du/__sa hA dza gI ti/__bod skad du/__lhan cig skyes pa'i glu/__/bla ma dam pa rnams la phyag 'tshal lo/__/stong pa'i nags su me tog rab rgyas pa/__/me tog gcig la kha dog sna tshogs te/__/dpe med me tog skyes na phyogs las rgyal/__/rin thang med pa'i me tog longs shig dang /__/de la rtsa ba med cing yal 'dab med/__/grogs dag ser kha bzang po phyogs brgyar ltos/__/dpe med me tog skyes na phyogs las rgyal/__/rin thang med pa'i me tog longs shig dang /__/ge sar blangs pas sgyu 'phrul mkhan po yin/__/rdo rje dbang phyug chos kyi dbyings la mchod/__/dpe med me tog skyes na phyogs las rgyal/__/rin thang med pa'i me tog longs shig dang/_/mchog dang dga' bral rnam par brtags te zungs/__/bla ma dam pa'i zhabs la gus pas mchod/__/dpe med me tog skyes na phyogs las rgyal/__/rin thang med pa'i me tog longs shig dang /__/rnal 'byor gyi dbang phyug shAn+ta de bas mdzad pa rdzogs so//___//_!_ sangs rgyas la phyag 'tshal lo/__/rdul tshon dkyil 'khor bum pa rdo rje sogs/__grol bar mi lta phung po 'grangs pa'i thabs/__/ka na pas brjod de 'dra su zhig byed/__/thams cad brdzun pas bslu ba yin par 'dod/__/ka na pa'i glu rdzogs so/____/_! kye ma khams gsum sems can rnams/__/rnam rtog sgrog gis dam bcings te/__/'khor ba'i mya ngan 'dam bu ru/__/phyogs bcu kun tu rnam par 'khyams/__/e ma khams gsum bde bar gshegs/__/gdod ma nyid nas grol ba che/__/rnam dag zhing ni bde ba can/__/sangs rgyas rol mo rab tu ston/__/zhes so//____//__! ma hA su kha ta'i glu las/__/ji ltar til la til mar khyab pa bzhin/__/de bzhin khams gsum 'jam dpal sku yis gang /__/de shes lhun grub rnal 'byor sgom pa yis/__/bde chen dam pa chos kyi glu 'di longs/_/zhes dang /__/nam mkha'i nam mkha'i mtshan nyid ci 'dra bar/__/sems kyi mtshan nyid de 'dra bla mas gsungs/__/bla med don de mi shes sgom mi nus/__/bde chen dam pa chos kyi glu 'di longs/__/zhes so//____//__! klu sgrub glu las/__/dar ni kun rdzob yul gyi sha rnams bza'/__/shin tu rnam dag stong pa'i chang ni btung /__/skye 'gro skal ldan rnams la don 'di ston/__/skal med rnams la shin tu gsang bar bya/__/zhes so//____//__! bin+d+hu/__thig le/__b+hA ban/__nyams len/__prad+hA ya byA _baSh+Ta _naM/__sems la gros 'debs pa las/__dmyal ba rnams ni ngu 'bod tsha grang sreg shing 'tshir/__/srod pas phrag dog yi dwags bkres skom skye 'gyur la/__/snying rje'i gnas thob dud 'gro phan tshun zhe sdang che/_/lha yang gnas nas lhung 'gyur mi rnams sdug bsngal mang /__/zhes so/__/yang /__longs spyod sprin phung glog ltar rnam par g.yo bar 'gyur/__/tshe 'di rlung gis bskyod pa'i pad+ma'i chu ltar 'jig__/lang tsho rnams ni mi rtag de ltar bltas byas nas/__/mkhas pa rnams ni myur du nags su 'gro bar gyis/__zhes so//__//__!_s+thA na mA rga pha la/__gzhi lam 'bras bu//____//__! nA da bin+d+hu dwA re/__rtsa rlung gi sgo nas//____//__!_slob dpon ku ku ris/__gang zhig rnal 'byor lte ba sprul pa'i 'khor lo la/__/ban+d+hu ka yi 'bras ltar sa drug ge sar dbus/__/a nr-i su tri pre du ka rigs drug 'gags phyir bsgom/__/dbus su khong stong yig 'bru drug po rim gyis ni/__/ka la thim pas sems nyid 'gags te skye ba med/_/bsgrib bya sgrib byed rang sems dri med dmigs pa med/__rgyud rnams 'dul phyir gsungs te rnal 'byor don dam min/__zhes rnal 'byor sgom pa'i man ngag las so//____//__!_pra ba/__'dzags pa/__tir+thi ka__/mu stegs//___//_!_d+hA tu ra sA/__gser 'gyur gyi rtsi//____//__!_sha sa na/__'dul ba//____//__!_a tsin+ta bsam gyis mi khyab pa//____//__!_pra kr-i ti/__rang bzhin//____//__! slob dpon bAng+ga dzas mdzad pa'i bla med sbyor ba'i rim pa las/__stong dang shin tu stong pa ste/__/stong pa chen po gsum pa yin/__/bzhi pa rgyu 'bras thams cad do/__/thabs dang shes rab sbyor ba yis/__/rdzogs rim yang dag nye bar 'gyur/_/rdzogs pa nye bar mthong ba yis/__/thams cad stong pa'i 'od gsal yin/__/rang rig gsum gyi rnal 'byor gyis/__/rgyud gsum rnam par dag par 'gyur/__/zhes dang /__rnal 'byor dang po'i sbyor ba yis/__/sa ni brgyad po thob par 'gyur/__/'od gsal gsum ldan rdzogs pa yis/__/yongs su rdzogs pa'i sa thob bo/__/zhes so//____//__! pra s+pha ra NaM/__bkram pa/__mu khA ga ma/__zhal gdams sam/__zhal lung //____//__! rgya gar skad du/__a ti yo ga b+hA ba na nA ma a ti rnal 'byor gyi sgom pa'i thabs zhes bya ba/__'phags pa 'jam dpal la phyag 'tshal lo/__/dur khrod brgyad la 'jigs byed brgyad/__/dus mtha'i me 'bar khams gsum bsregs/__/tshangs pa'i sgo nas du ba 'thul/__/rgya mtsho bskams shing pad+ma 'bar/__/rdo rje ze 'bru'i dbus su ni/__/nyi ma'i gdan steng gnas pa de/__/nam mkha'i 'od chen hU~M nyid sgrogs/__/mdzes pa'i sems nyid rgyu ba yin/__/rus sbal 'then cing sgra skad 'byung /__/ri bong can gyi mdud pa dkrol/_/nyams myong dpa' bo rang rig rgyal/__/lhan cig skyes pa'i 'jigs pa'i bdag__/mgon po nyid ni bsam par gyis/__/de nyid snying rje'i dkyil 'khor 'phro/__/de nyid dur khrod me yin te/__/de nyid smra dang zla rgyun 'dzags/__/skye rga shi dang khams gsum gnas/_/rang rig dran te de nyid mthong /__/'di ni gnyis med dbyibs dang bral/__/dngos po'i cho 'phrul brdzun pa ste/__/sems nyid 'khrul pas ma rtogs so/__/a ti'i rnal 'byor rig pa med/__/ji ltar bzhag pa de ltar min/__/gnyis med sems la rtag pa dang /__/chad par 'gyur pa'ang ma yin no/__/de phyir nyi zla'i dbus su ni/__/phra ba'i hU~M nyid bsgom par gyis/__/a ti rnal 'byor sgom pa'i man ngag ces bya ba slob dpon klu'i byang chub kyis mdzad pa rdzogs so/____/_! a dwa ya ni ri ka__/gnyis med kyi rtsa ba/__rnal 'byor pa'i rtog pa'i gegs sel ba zhes bya ba/__rje btsun bla ma dang dpal rdo rje sems dpa' la phyag 'tshal lo/_/ci phyir zhe na gang gis gang la gang ltar bsgom/__/rtags dang yon tan bar chad gegs skyon bsal/__/de dag shes nas goms pas byang chub thob/__/ma thos mi goms mi 'grub yang na 'gyangs/__/dang po ci phyir bsgom pa gzung 'dzin gnyis/_/ma spangs ji bzhin ma bsgom rnal 'byor pas/__/phyag 'tshal mchod bshags sbyin pa ma byas kyang /__/de dag shes nas goms pas byang chub thob/__/bsod nams 'phel yang ye shes rdzogs mi 'gyur/__/gnyis pa gang gis rnal 'byor dang ldan pa/_/thos mang brtson zhing byang chub sdom gnas shing /__/mchod dang sbyin mos byang chub sems ldan pa/_/de ni theg chen gsang ba'i snod yin bsgom/__/gsum pa gang la zhe na rang gi sems/_/ji bzhin ma bcos ye nas rnam dag cing /__/spros bral yod med rtag chad mtha' spangs pa/__/de la g.yengs ba med par rtag tu gnas/__/bzhi pa gang ltar sgom pa bsgom bya dang /__/bsgoms pa gnyis med rang gi ngo bo la/__/ci yang med la cir yang snang gsal bar/__/byings rmugs spros pa'i rtog pa med par bsgom/__/lnga pa de rtags rnal 'byor brtson ldan la/__/dang po gnyid dang 'dod sred chung bar 'gyur/__/de nas rim gyis rmi lam 'od la sogs/__/rtog pa ji bzhin cho 'phrul gzugs kyang ston/__/drug pa de yi yon tan bsam brjod pa/__/mngon sum tshe ring nad rnams gso ba dang /__/gegs sel la sogs yon tan mang po 'byung /__/de bzhin rim gyis byang chub lam la 'jug__/bdun pa bar chad gegs ni rnal 'byor pa/__/gnas spangs gnas tshol gzhan du 'gro 'dod na/_/gnod sbyin gzhan dang gzhan du 'gro 'dod de/__/rnal 'byor sems la zhugs nas gnas gzhan 'phen/__/gal te rnal 'byor bsgom zhing gnas bzung bas/__/smra gcad bar skabs nang du gzhan 'jug dang /__/phyir byung khengs grags 'dod bskams zas nor tshol/__/yi dwags 'dod sred can gdon de sems zhugs/__/gal te rnal 'byor sems 'khrugs 'thab 'dod cing /__/'khor la gshe dang gzhan la spyo byed na/__/'byung po'i bdag po ya ba sho na pa/__/sgrub pa de yi snying la zhugs pa yin/__/gal te rnal 'byor 'phras shing nyal la dga'/__/zas skom sred cing bzlas la mi brtson la/__/lto 'phye nyal brtson snyoms byed ces bya ba/__/rnal 'byor sems la zhugs nas gnas par byed/_/gal te rnal 'byor rang gi longs spyod rkyen/__/yo byad bsrung zhing so 'dzugs srung ma bsko/__/gsog phyir 'dod tshol gzhan du gtong 'dod na/__/gnod sbyin nor srung zhes bya sems la zhugs/__/gal te rnal 'byor pha ma spun tshogs la/__/chags nas smon lam rim gros srung byed na/__/lhan cig skyes pa'i bag chags ma byang bas/__/nyon mongs ma spangs byang chub ring bar 'gyur/__/gal te rnal 'byor gza' skar 'jug phod dang /__/dus dang lo zla bzang ngan rtsi byed na/__/dbyer med mnyam pa nyid dang 'gal bas na/__/byang chub thob pa rab tu dka' bar 'gyur/__/gal te rnal 'byor thog mar rtogs che zhing /_/bsgom brtson snyoms pas bdag bstod gzhan smod na/__/nyon mongs ma spangs nga rgyal 'phel 'gyur bas/__/phyir yang ltung zhing byang chub ring bar 'gyur/__/gal te rnal 'byor bdag la gzhan dag gis/__/sngon dang da ltar ma 'ongs gnod byed ces/__/zhe sdang skyes nas rig sngags gsod gtong na/__/zhe sdang dbang gis byang chub ring bar 'gyur/_/gal te bdag la gzhan gyis mchod bkur zhing /__/bsngags pa mang brjod bstod la sems dga' na/__/'gro la phyogs char gyur te chags sems kyis/__/byang chub lam la 'dis kyang ring bar 'gyur/__/gal te rnal 'byor 'khor mang 'du long dag__/rgyal po lta bur mang po bsten na ni/__/khe grags yin pas sgom pa g.yeng ba'i rgyu/__/byang chub lam las shin tu ring bar 'gyur/__/brgyad pa skyon bsal thabs ni rnal 'byor pa/__/sems la bar chad mtshan ma de byung na/__/'di ltar bsams nas mtshan rtog bsal bar bya/_/chos su cir snang sems las gzhan med cing /__/sems kyi rang bzhin chos nyid ngo bo la/__/bzang ngan spong len 'dod sred byams sdang sogs/__/rtog dang rtog pa'i dbang gis gegs byung na/__/sems la bltas nas gang yang mi snang bas/__/snang med sems rtog mtshan ma ga la yod/__/bdag rtog mtshan mar sems la bzung nyes pas/__/rtog pa thams cad spangs shing rtog med gnas/__/rtog pa med pa la yang gnas pa med/__/de ltar ring du gnas na rtog gegs ni/__/myur bar zhi nas ji bzhin bsgoms pa la/__/bar chad sems kyi rnam rtog 'byung mi 'gyur/__/byang chub 'bras bu myur du thob par 'gyur/__rnal 'byor pa'i rtog pa'i gegs sel ba zhes bya ba dngos grub brnyes pa'i slob dpon mkhas pa chen po sangs rgyas gsang ba'i zhal snga nas mdzad pa rdzogs so//____//__! rgya gar skad du/__lo ka a ti ta sap+ta ka bid+hiH__bod skad du/__'jig rten las 'das pa'i yan lag bdun pa'i cho ga__/sangs rgyas dang byang chub sems dpa' thams cad la phyag 'tshal lo/__/dpal rdo rje sems dpa' la phyag 'tshal lo/__/phyag gnas phyag byed phyag rnams ni/__/gang tshe tha dad mi dmigs pa/__/de 'dir bsngags pa'i phyag yin te/__/rdo rje'i phyag ces brjod pa yin/__/mchod gnas mchod byed mchod pa rnams/__/gang tshe sna tshogs mi dmigs pa/__/de tshe mchod pa chen po ste/__/rdo rje'i mchod pa zhes brjod do/_/bshags bya 'chags byed bshags pa rnams/__/gang tshe rnal 'byor pas ma mthong /_/rang bzhin dag par yang dag mthong /__/de 'dir bshags pa'i mchog yin no/__/rjes su yi rangs thams cad dang /__/bdag dang rjes su yi rangs pa/__/rnal 'byor pa yis mnyam par mthong /__/rjes su yi rangs dam pa yin/__/sgyu mas sprul pa'i sangs rgyas la/_/sgyu mas sprul pa'i lus can phyir/__/brag ca lta bu'i chos rnams ni/__/bstan par yang dag bskur 'debs pa/__/sprul pa dag dang mtshungs par ni/__/thal mo sbyar nas skul byed cing /__/rdo rje'i rnal 'byor mnyam par mthong /__skul bar byed pa'i mchog tu 'dod/_/mya ngan 'da' bzhed sangs rgyas rnams/__/'khor bar sprul pa bzhin du ni/__/sems can sprul pa'i don gyi phyir/__/bzhugs par gsol 'debs de nyid rig__/'jig rten 'das pa nyid kyi phyir/__/de 'dir gsol 'debs mchog tu 'dod/__/dmigs pa thams cad 'jug pa nyid/__/thams cad 'jig rten pa nyid yin/__/rdzogs pa'i byang chub rmi 'dra la/_/de nyid rig pas rmi 'drar rig__/rmi 'dra'i srid par gnas pa yi/__/sems can rnams la phan btags phyir/__/chos kyi dbyings su dpag med par/__/dge ba thams cad yongs bsngo na/__/de 'dir bsngo ba dam pa yin/__/sangs rgyas kun gyis rab tu bsngags/_/'jig rten las 'das pa'i yan lag bdun pa'i cho ga slob dpon mkhas pa chen po dpal mar me mdzad ye shes kyis dpal bsam yas lhun gyis grub pa'i gtsug lag khang chen por mdzad pa rdzogs so//____//__! rgya gar skad du/__bi shud+d+ha daR+sha na tsaR+Ya u pa de sha nA ma/__bod skad du/__/lta spyod rnam dag gi man ngag ces bya ba/__bcom ldan 'das shAkya seng ge la phyag 'tshal lo/__/rmi lam lta bur phyi rol min/__/sgyu ma lta bur bden don min/__/nam mkha' lta bur mtshan nyid bral/__/chos kun rang bzhin 'od gsal ba'o/_/'gro 'ong gnas med byang chub sems/__/rgya chen sems can don la mkhas/__/tshogs gnyis dbyer med lam gyi mchog__/stong nyid snying rje'i snying po bsgom/__/lta spyod rnam dag gi man ngag ces bya ba kha che'i rigs kyi paN+Di ta chen po shAkya shrI b+ha dra'i zhal snga nas mdzad pa rdzogs so/__/mkhas pa chen po de nyid kyi spyan sngar lo tsA ba byams pa'i dpal gyis khro phu bzang lung du bsgyur ba'o//____//__! rgya gar skad du/__tsit+ta rat+na bi sho d+hA nAM marga laM/__bod skad du/__sems rin po che sbyong ba'i man lam 'bras/__ngag ces bya ba/__rje btsun mi pham mgon po la phyag 'tshal lo/__/rnyed dka' dal 'byor myur du 'jig__/las dang de 'bras sdug bsngal yin/__/de spangs shes rab snying rje bsgom/__/skyes gsum lam gyis don gsum 'thob/__/dam pa gsum gyis bsod nams bsags/__/rgya chen thabs kyis yang dag spel/__/shes rab zab mo rnam dag bya/__/zung 'jug bsngo bas rgyas gdab bo/__/kha che'i rigs las bal yul du sku 'khrungs pa'i paN+Dita chen po dpal lnga rig pa'i mchog bud+d+ha shrIdz+nyA na'i zhal snga nas gsungs pa'i sems rin po che sbyong ba'i lam 'bras zhes bya ba rdzogs so/__/mkhas pa chen po de nyid kyi spyan sngar lo tsA ba byams pa'i dpal gyis bal yul yam 'gal gyi gtsug lag khang du bsgyur ba'o//____//__! rgya gar skad du/__b+han+d+ha bi muk+to pa de sha nA ma/__bod skad du/__'ching ba rnam grol gyi man ngag ces bya ba/__'phags pa spyan ras gzigs dbang phyug la phyag 'tshal lo/__/kye ho/_/gang gis 'ching bar byed pa'i rgyu/__/de nyid grol bar byed pa'i lam/__/'di ni 'ching ba gang yang med/__/'ching ba gang yin des grol ba'o/__/'dod chags bde ba chen por dag__/zhe sdang 'od gsal me chen 'bar/__/gti mug rnam par mi rtog nyid/__/dus gsum sku gsum lhun gyis grub/__/'ching ba rnam grol gyi man ngag ces bya ba/__rnal 'byor gyi dbang phyug shrI dzA ga tA mi tra A nan+da'i zhal snga nas gsungs pa rdzogs so/__/rnal 'byor gyi dbang phyug de nyid kyi spyan sngar lo tsA ba byams pa'i dpal gyis bal yul gu lang gser khang du bsgyur ba'o//____//__!