JKW-KABUM-03-GA-001-013

🚧 This website is under continued development. We appreciate your patience!

First section in volume. Back to Volume PageLast section in volume.

གྲུབ་ཐོབ་ཨོ་རྒྱན་པའི་ལུགས་ཀྱི་བསྙེན་སྒྲུབ་ཀྱི་ཁྲིད་འཆད་པ་ལ་སོགས།

Wylie title	grub thob o rgyan pa'i lugs kyi bsnyen sgrub kyi khrid 'chad pa la sogs
Location	mkhyen brtse'i bka' 'bum Volume 3, sde tshan 13, Pages 281-286 (Folios 141a6 to 143b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. grub thob o rgyan pa'i lugs kyi bsnyen sgrub kyi khrid 'chad pa la sogs. In 'jam dbyangs mkhyen brtse'i dbang po'i bka' 'bum, Vol. 3: 281-286. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Stages of the Teachings - bstan rim

Tibetan Text

Wylie

[edit]

གྲུབ་ཐོབ་ཨོ་རྒྱན་པའི་ལུགས་ཀྱི་བསྙེན་སྒྲུབ་ཀྱི་ཁྲིད་འཆད་པ་ལ། ཡིད་ཆེས་ཤིང་ཁུངས་བཙུན་པར་བྱེད་པ་བརྒྱུད་པའི་ལོ་རྒྱུས་དང་། བརྒྱུད་པ་དེ་ལས་བྱུང་བའི་གདམས་ངག་གཉིས། དང་པོ་གཞན་དུ་གསལ། གཉིས་པ་ལ་སྨིན་བྱེད་དང་། གྲོལ་བྱེད་གཉིས་ལས། དང་པོ་དབང་བཞིའོ། །གཉིས་པ་ལ། སྔོན་འགྲོ། དངོས་གཞི་གཉིས་ལས། དང་པོ་ལ། རྒྱུད་སྣོད་རུང་དུ་བྱེད་པ་སྐྱབས་སེམས། སྡིག་སྒྲིབ་སྦྱོང་བར་བྱེད་པ་རྡོར་སེམས། བྱིན་རླབས་འཇུག་པར་བྱེད་པ་བླ་མའི་རྣལ་འབྱོར། ཚོགས་གཉིས་རྫོགས་པར་བྱེད་པ་མཎྜལ། ལུས་ངག་ཡིད་གསུམ་རྫོགས་པར་བྱེད་པ་དབེན་པ་གསུམ་བསྟེན་པ་དང་ལྔའོ། །གཉིས་པ་དངོས་གཞི་ལ། བསྙེན་སྒྲུབ་གསུམ་ལ་བརྟེན་ནས་འཇིག་རྟེན་ དང་འཇིག་རྟེན་ལས་འདས་པའི་ལམ་བགྲོད། ལམ་དེ་བར་ཆད་མེད་པར་བྱ་བའི་ཕྱིར་བསམ་གཏན་གྱི་གེགས་བསལ། གེགས་བསལ་ནས་མཐར་ཐུག་གི་འབྲས་བུ་ཐོབ་པའི་ཚུལ་བསྟན་པའོ། །དང་པོ་ལུས་རྩ་དག་པར་བྱེད་པ་སྐུ་རྡོ་རྗེ་བསྙེན་པའི་ཡན་ལག་རྒྱུ་སོར་སྡུད་དང་། འབྲས་བུ་བསམ་གཏན། ངག་རླུང་། གསུང་རྡོ་རྗེ་སྒྲུབ་པའི་ཡན་ལག་སྲོག་འཛིན། ཡིད་ཐིག་ལེ༴ ཐུགས་རྡོ་རྗེ་སྒྲུབ་ཆེན་གྱི་ཡན་ལག་རྗེས་འཇིག་རྟེན་པ། འཇིག་རྟེན་ལས་འདས་པ། ཏིང་སྟེ་གསུམ་མོ།། །། ༈

རྡོ་རྗེ་གསུམ་གྱི་བསྙེན་རྫོགས་སྒྲུབ་ཆེན་གདན་རྫོགས་ལུགས་སུ་བསྒོམ་པ་ལ། བཤད་པས་གཏན་ལ་ཕབ་པ་དང་། སྒྲུབ་པས་ཉམས་སུ་ལེན་པ་གཉིས། ། ༈ གྲུབ་ཆེན་དཔེ་མེད་མཚོའི་ལུགས་ཀྱི་སྦྱོར་དྲུག་ལ་སྔོན་འགྲོ་དང་དངོས་གཞི་གཉིས། དང་པོ་ལ། སྤྱན་རས་གཟིགས་ཀྱི་སྒོམ་བཟླས། རྡོ་རྗེ་སེམས་དཔའི་སྒོམ་བཟླས། དུས་ཀྱི་འཁོར་ལོའི་བསྐྱེད་རིམ། བླ་མའི་རྣལ་འབྱོར། ཚོགས་ཀྱི་འཁོར་ལོའོ། །གཉིས་པ་ནི། སོར་བསམ། སྲོག་འཛིན། རྗེས་ཏིང་དྲུག་གོ། །། ༈ རོ་སྙོམས་སྐོར་རྣམས་རྡོ་རྗེ་འཆང་གིས་ཏཻ་ལོ་པར་གསུངས་ཤིང་། དེས་བསྡུས། དེས་ནཱ་རོ་པ་ལ་གནང་། དེས་ག་ཡ་དྷ་རའི་སྲས་དྲི་མེད་བཤེས་གཉེན་ནམ། ཕྱིས་ཏི་ཕུ་པར་གྲགས་པ་ལ་གནང་། དེས་རས་ཆུང་པ་ལ་གནང་ནས་གཏེར་དུ་སྦ་བར་གདམས། རས་ཆུང་པས་ལྷོ་བྲག་མཁར་ཆུར་གཏེར་དུ་སྦས་ནས། ཁ་བྱང་སུམ་པ་དང་། དེས་གླིང་། དེས་ཆོས་རྗེ་གཙང་པ་རྒྱ་རས་ལ་གཏད་ནས་འདོན་པར་བསྐུལ། དེས་ལྷོ་བྲག་མཁར་སོ་གསུམ་དུ་སྒྲུབ་པ་སྙིང་པོར་མཛད། སླར་ལོ་གསུམ་དུ་ཁམས་འདུས་ཀྱི་རྐྱེན་བྱས་ནས་བསྙུན་པའི་མཐར་བདུད་ལས་རྒྱལ། མཆོག་གི་དངོས་གྲུབ་བརྙེས། འདི་ཉིད་གཏེར་ནས་ཕྱུང་སྟེ་ཧ་པོ་གོང་དུ་ལོ་རྒྱུས་ཙམ་བསྙད་པར་མཛད་དེ་རིམ་གྱིས་བསྟན་པའོ། །དེ་ལ་སྤྱི་དོན་ཅུང་ཟད་འཆད་ན། དང་པོ་ཕྱོགས་གར་གཏོགས་པ་ནི་ཆགས་མེད་ཀྱི་སྤྱོད་པ་ལས་གཉིས་སུ་མེད་པའི་སྤྱོད་པ་ལམ་གྱི་རིམ་པར་སྤྱོད་པས་བོགས་དབྱུང་བའི་ཕྱོགས་སུ་གཏོགས། གཉིས་པ་ཚིག་དོན་གང་གིས་བསྡུས་ན། དང་པོ་ནི། རྡོ་རྗེའི་གླུས་གཉིས་སུ་མེད་པའི་སྤྱོད་པ་མདོ་ཙམ་བསྟན། ཏིལླིའི་གསང་ཚིག་ཏུ་སྤྱོད་པ་བཞི་རྒྱས་པར་ཕྱེ། སྤྱོད་པ་ཆོས་ཀྱི་གླུ་ནཱ་རོ་པས་མཛད་པར་གཉིས་སུ་མེད་པའི་སྤྱོད་པ་དབྱེ། སྤྱོད་པ་བཞི་དབྱེའོ། དེ་རོ་སྙོམས་སྐོར་དྲུག་ཏུ་བསིལ་བ་རྒྱས་བཤད་དོ། །གཉིས་པ་ལ། ཀུན་བཟང་དང་། གསང་སྤྱོད་དང་། བརྟུལ་ཞུགས་དང་། ཕྱོགས་ལས་རྣམ་རྒྱལ་གྱི་སྤྱོད་པ་བཞིའོ། །མིང་འདོགས་པའི་རྒྱུ་མཚན་ནི། ས་ལ་སོགས་པའི་འབྱུང་བ་རྣམས་ལས་སྐྱེས་པ་ནི་འབྱུང་བ་སྟེ། ཕུང་ཁམས་སྐྱེ་མཆེད་ཀྱིས་བསྡུས་སོ། །དེ་དག་ཆོས་རབ་ཏུ་རྣམ་པར་འབྱེད་པའི་ཤེས་རབ་ཀྱི་ངོར་དབྱེ་རྒྱུ་མེད་པས་རོ་གཅིག་པ་ཞེས་བཞག་པ་ནི་རོ་སྙོམས་ཏེ། དེའི་ཕྱིར་འབྱུང་བ་རོ་སྙོམས་ཞེས་བྱའོ། །གཞན་སྐྱོན་དུ་བྱེད་པ་ཐམས་ཅད་འདིར་ཡོན་ཏན་དུ་སློང་པར་བྱེད་པས་ཟློག་སྒོམ་སོགས་སུ་གསུངས་སོ། །མངྒ་ལཾ།། །། ༈ བླ་མེད་ཀྱི་རྒྱུད་ལས། བྱེད་ཆིངས་ཀྱི་སྟོབས་ཀྱིས་ལྟེ་བར་རྟེན་འབྲེལ་བཅུ་གཉིས་ལུགས་འབྱུང་དུ་བཅིངས་པས། ལུགས་ལྡོག་ཏུ་རྒ་ཤི་སོགས་གསུམ་འགགས་པས་རགས་པའི་མཚན་ཉིད་ཅན་གྱི་ཐ་མལ་པའི་ལུས་འགགས། དེ་འགགས་པས་ལེན་པ་སོགས་གསུམ་འགགས་པ་སྲོག་རླུང་གི་མཚན་ཉིད་ཅན་གྱི་ཐ་མལ་པའི་ངག་འགག །དེ་འགགས་པས་རེག་པ་སོགས་གསུམ་འགགས་པས་ཁུ་བའི་མཚན་ཉིད་ཅན་གྱི་ཐ་མལ་པའི་ཡིད་འགག །དེ་འགགས་པས་རྣམ་ཤེས་སོགས་གསུམ་འགགས་པས་འཛག་པའི་མཚན་ཉིད་ཅན་གྱི་ཐ་མལ་པའི་ཡེ་ཤེས་འགག་པའི་འདུས་བྱས་པའི་འཁོར་བ་རྣམ་པར་དག་པའི་སངས་རྒྱས་ཀྱི་ས་ཐོབ་ཅིང་། དེ་ཉིད་ལ་མཐོང་ལམ་ཞེས་བཤད། དེ་ནས་བདེ་སྟོང་ཟུང་དུ་འཇུག་པའི་ཡེ་ཤེས་སོ་སོ་རང་རིག་པའི་རྟེན་འབྲེལ་གྱི་རྩལ་སྦྱངས་བས། འདུས་མ་བྱས་པའི་འཁོར་བ་དྲུངས་ནས་ཕྱུང་སྟེ་ཤེས་བྱ་མཐའ་དག་པྲ་ཕབ་པ་ལྟ་བུའི་རང་བཞིན་ལ་ལོངས་སྤྱོད་ཀྱང་། དམིགས་པ་མེད་པའི་སྙིང་རྗེས་གཞན་གྱི་དོན་འབའ་ཞིག་ལ་འཆེལ་བའི་འབྲས་བུའི་མཆོག་བརྙེས་པར་འདོད་དོ། ། ༈

བདག་ཅག་ཁོ་ནའི་སྟོན་པ་བདེན་པར་སྨྲ་བ་དེས་ཆོས་ཕུང་བརྒྱད་ཁྲི་བཞི་སྟོང་གསུངས་པ་དག་བསྡུ་ན། འདི་ལྟར་དབང་པོ་རྟུལ་འབྲིང་རྣོན་པོའི་ངོ་སྐལ་དུ་ཆོས་འཁོར་དང་པོ་དང་། བར་དང་། ཐ་མར་བཞག་པ་གང་ཞིག །ཐུན་མོང་གི་དབང་དུ་བྱས་ན་བདག་མེད་པ་ལ་སོགས་པ་གཟུགས་ནས་རྣམ་མཁྱེན་བར་གྱི་ཆོས་ཀུན་སྟོང་པ་ཉིད་དུ་གཏན་ལ་ཕབ་པ་དཔྱད་པའི་གནས་སྐབས་ནི་བར་དུ་དང་། འཁོར་གསུམ་ཡོངས་སུ་དག་པའི་གཏམ་གྱིས་ཆོས་ཐམས་ཅད་ཁས་ལེན་དང་བྲལ་བ་ཟུང་འཇུག་རབ་ཏུ་མི་གནས་པའི་དབུ་མར་གཏན་ལ་འབེབས་པ་ཤིན་ཏུ་དཔྱད་པའི་གནས་སྐབས་ནི་གཅིག་ཤེས་སུ་བསྟན་པའི་ཚུལ། བདག་པོ་སྤྱོད་པའི་གཉེན་པོར་གསུངས་པ་ནི་མི་མཇེད་འདི་ཁོ་ནའི་དབང་དུ་བྱས་ཞེས་ཀྱང་བཏགས་གྱུར་ལ། །སོགས་དང་། མདོ་སྡེ་དགོངས་པ་ངེས་འགྲེལ་དང་། ཕྱིར་མི་ལྡོག་པའི་འཁོར་ལོའི་མདོ་སོགས་ཀྱིས་བསྟན་ལ། ཁྱད་པར་གྱི་དབང་དུ་བྱས་ན། སོ་སོར་ཐར་པ་ནི་བདེན་པའི་ཚུལ་ཞེས་དང་པོ། རྒྱུའི་ཐེག་ཆེན་ཐམས་ཅད་ལ་ཕ་རོལ་ཏུ་ཕྱིན་པའི་ཚུལ་ཞེས་བར་པ། རྡོ་རྗེ་ཐེག་པ་ཐམས་ཅད་ལ་གསང་སྔགས་ཀྱི་ཚུལ་ཞེས་ཐ་མར་བཞག་སྟེ། དེ་ཡང་། སྔ་མ་ནི་དོན་དམ་པ་ལ་འཇུག་པའི་རིམ་གྱིས་ཡིན་ལ། སྟོན་པས་བསྟན་པའི་དུས་ནི་མ་ཡིན་ཞིང་། ཕྱི་མ་ནི། སྟོན་པས་འཆད་པའི་དུས་དང་འཇུག་རིམ་གཉིས་ཀ་ཅིའི་ཕྱིར་མདོ་དང་སྔགས་ཞེས་བརྗོད་ཅེ་ན། ཟབ་པའི་དོན་མདོར་བསྟན་པ་ཙམ་ལས་རྫོགས་པར་མ་སྨོས་པས་མཐར་ཐུག་པའི་ཐེག་པ་ལ་བཀྲི་བའི་ཕྱིར་ན་སཱུ་ཏྲ་སྟེ་མདོ་དང་། དེའི་དོན་རྫོགས་པར་བསྟན་པས་སངས་རྒྱས་ཀྱི་སྤྱོད་ཡུལ་མཐའ་དག་པ་ལ་ཤེས་ནས་བདེ་མྱུར་གྱི་མཐུས་འཁོར་བ་ལས་ངེས་པར་སྐྱོབ་པའི་ཕྱིར་མནྟྲ་སྟེ་སྔགས་སོ། །ཞེས་བཞེད། ། ༈

[edit]

grub thob o rgyan pa'i lugs kyi bsnyen sgrub kyi khrid 'chad pa la sogs/ grub thob o rgyan pa'i lugs kyi bsnyen sgrub kyi khrid 'chad pa la/__yid ches shing khungs btsun par byed pa brgyud pa'i lo rgyus dang /__brgyud pa de las byung ba'i gdams ngag gnyis/__dang po gzhan du gsal/__gnyis pa la smin byed dang /__grol byed gnyis las/__dang po dbang bzhi'o/__/gnyis pa la/__sngon 'gro/__dngos gzhi gnyis las/__dang po la/__rgyud snod rung du byed pa skyabs sems/__sdig sgrib sbyong bar byed pa rdor sems/__byin rlabs 'jug par byed pa bla ma'i rnal 'byor/__tshogs gnyis rdzogs par byed pa maN+Dal/__lus ngag yid gsum rdzogs par byed pa dben pa gsum bsten pa dang lnga'o/__/gnyis pa dngos gzhi la/__bsnyen sgrub gsum la brten nas 'jig rten _dang 'jig rten las 'das pa'i lam bgrod/__lam de bar chad med par bya ba'i phyir bsam gtan gyi gegs bsal/__gegs bsal nas mthar thug gi 'bras bu thob pa'i tshul bstan pa'o/__/dang po lus rtsa dag par byed pa sku rdo rje bsnyen pa'i yan lag rgyu sor sdud dang /__'bras bu bsam gtan/__ngag rlung /__gsung rdo rje sgrub pa'i yan lag srog 'dzin/__yid thig le=__thugs rdo rje sgrub chen gyi yan lag rjes 'jig rten pa/__'jig rten las 'das pa/__ting ste gsum mo//___//_! rdo rje gsum gyi bsnyen rdzogs sgrub chen gdan rdzogs lugs su bsgom pa la/__bshad pas gtan la phab pa dang /__sgrub pas nyams su len pa gnyis/___/__!_ grub chen dpe med mtsho'i lugs kyi sbyor drug la sngon 'gro dang dngos gzhi gnyis/__dang po la/__spyan ras gzigs kyi sgom bzlas/__rdo rje sems dpa'i sgom bzlas/__dus kyi 'khor lo'i bskyed rim/__bla ma'i rnal 'byor/__tshogs kyi 'khor lo'o/__/gnyis pa ni/__sor bsam/__srog 'dzin/__rjes ting drug go/___//_! ro snyoms skor rnams rdo rje 'chang gis tai lo par gsungs shing /__des bsdus/__des nA ro pa la gnang /__des ga ya d+ha ra'i sras dri med bshes gnyen nam/__phyis ti phu par grags pa la gnang /__des ras chung pa la gnang nas gter du sba bar gdams/__ras chung pas lho brag mkhar chur gter du sbas nas/__kha byang sum pa dang /__des gling /__des chos rje gtsang pa rgya ras la gtad nas 'don par bskul/__des lho brag mkhar so gsum du sgrub pa snying por mdzad/__slar lo gsum du khams 'dus kyi rkyen byas nas bsnyun pa'i mthar bdud las rgyal/__mchog gi dngos grub brnyes/__'di nyid gter nas phyung ste ha po gong du lo rgyus tsam bsnyad par mdzad de rim gyis bstan pa'o/__/de la spyi don cung zad 'chad na/__dang po phyogs gar gtogs pa ni chags med kyi spyod pa las gnyis su med pa'i spyod pa lam gyi rim par spyod pas bogs dbyung ba'i phyogs su gtogs/__gnyis pa tshig don gang gis bsdus na/__dang po ni/__rdo rje'i glus gnyis su med pa'i spyod pa mdo tsam bstan/__til+li'i gsang tshig tu spyod pa bzhi rgyas par phye/__spyod pa chos kyi glu nA ro pas mdzad par gnyis su med pa'i spyod pa dbye/__spyod pa bzhi dbye'o/__de ro snyoms skor drug tu bsil ba rgyas bshad do/__/gnyis pa la/__kun bzang dang /__gsang spyod dang /__brtul zhugs dang /__phyogs las rnam rgyal gyi spyod pa bzhi'o/__/ming 'dogs pa'i rgyu mtshan ni/__sa la sogs pa'i 'byung ba rnams las skyes pa ni 'byung ba ste/__phung khams skye mched kyis bsdus so/__/de dag chos rab tu rnam par 'byed pa'i shes rab kyi ngor dbye rgyu med pas ro gcig pa zhes bzhag pa ni ro snyoms te/__de'i phyir 'byung ba ro snyoms zhes bya'o/__/gzhan skyon du byed pa thams cad 'dir yon tan du slong par byed pas zlog sgom sogs su gsungs so/__/mang+ga laM//___//_! bla med kyi rgyud las/_byed chings kyi stobs kyis lte bar rten 'brel bcu gnyis lugs 'byung du bcings pas/__lugs ldog tu rga shi sogs gsum 'gags pas rags pa'i mtshan nyid can gyi tha mal pa'i lus 'gags/__de 'gags pas len pa sogs gsum 'gags pa srog rlung gi mtshan nyid can gyi tha mal pa'i ngag 'gag__/de 'gags pas reg pa sogs gsum 'gags pas khu ba'i mtshan nyid can gyi tha mal pa'i yid 'gag__/de 'gags pas rnam shes sogs gsum 'gags pas 'dzag pa'i mtshan nyid can gyi tha mal pa'i ye shes 'gag pa'i 'dus byas pa'i 'khor ba rnam par dag pa'i sangs rgyas kyi sa thob cing /__de nyid la mthong lam zhes bshad/__de nas bde stong zung du 'jug pa'i ye shes so so rang rig pa'i rten 'brel gyi rtsal sbyangs bas/__'dus ma byas pa'i 'khor ba drungs nas phyung ste shes bya mtha' dag pra phab pa lta bu'i rang bzhin la longs spyod kyang /__dmigs pa med pa'i snying rjes gzhan gyi don 'ba' zhig la 'chel ba'i 'bras bu'i mchog brnyes par 'dod do/___/__!_ bdag cag kho na'i ston pa bden par smra ba des chos phung brgyad khri bzhi stong gsungs pa dag bsdu na/__'di ltar dbang po rtul 'bring rnon po'i ngo skal du chos 'khor dang po dang /__bar dang /__tha mar bzhag pa gang zhig__/thun mong gi dbang du byas na bdag med pa la sogs pa gzugs nas rnam mkhyen bar gyi chos kun stong pa nyid du gtan la phab pa dpyad pa'i gnas skabs ni bar du dang /__'khor gsum yongs su dag pa'i gtam gyis chos thams cad khas len dang bral ba zung 'jug rab tu mi gnas pa'i dbu mar gtan la 'bebs pa shin tu dpyad pa'i gnas skabs ni gcig shes su bstan pa'i tshul/__bdag po spyod pa'i gnyen por gsungs pa ni mi mjed 'di kho na'i dbang du byas zhes kyang btags gyur la/__/sogs dang /__mdo sde dgongs pa nges 'grel dang /__phyir mi ldog pa'i 'khor lo'i mdo sogs kyis bstan la/__khyad par gyi dbang du byas na/__so sor thar pa ni bden pa'i tshul zhes dang po/__rgyu'i theg chen thams cad la pha rol tu phyin pa'i tshul zhes bar pa/__rdo rje theg pa thams cad la gsang sngags kyi tshul zhes tha mar bzhag ste/__de yang /__snga ma ni don dam pa la 'jug pa'i rim gyis yin la/__ston pas bstan pa'i dus ni ma yin zhing /__phyi ma ni/__ston pas 'chad pa'i dus dang 'jug rim gnyis ka ci'i phyir mdo dang sngags zhes brjod ce na/__zab pa'i don mdor bstan pa tsam las rdzogs par ma smos pas mthar thug pa'i theg pa la bkri ba'i phyir na sU tra ste mdo dang /__de'i don rdzogs par bstan pas sangs rgyas kyi spyod yul mtha' dag pa la shes nas bde myur gyi mthus 'khor ba las nges par skyob pa'i phyir man+t+ra ste sngags so/__/zhes bzhed/___/__!