JKW-KABUM-23-'A-001-009

🚧 This website is under continued development. We appreciate your patience!

Previous Text Back to Volume PageNext Text

ཡེ་ཤེས་ཀྱི་ཌཱ་ཀི་ནཱི་ལ་རྩ་སྔགས་དང་སྦྱར་བའི་གླུ་ཕྱིན་དྲུག་དཔལ་མོ་བཞད་པའི་དབྱངས་སྙན།

Wylie title	ye shes kyi DA ki nI la rtsa sngags dang sbyar ba'i glu phyin drug dpal mo bzhad pa'i dbyangs snyan
Location	mkhyen brtse'i bka' 'bum Volume 23, sde tshan 1, Text 9, Pages 17-19 (Folios 9a6 to 10a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. ye shes kyi DA ki nI la rtsa sngags dang sbyar ba'i glu phyin drug dpal mo bzhad pa'i dbyangs snyan. In 'jam dbyangs mkhyen brtse'i dbang po'i bka' 'bum, Vol. 23: 17-19. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཞེས་པའང་དམར་ཕྱོགས་མཁའ་འགྲོ་འདུ་བའི་དུས་ཀྱི་མཆོད་པ་ཞིག་དང་རྗེས་སུ་འབྲེལ་བར་ཀུན་མཁྱེན་བླ་མ་དགྱེས་པའི་འབངས་མཁྱེན་བརྩེའི་ལྷས་གང་ཤར་གྱི་རྟོག་པ་ཡི་གེའི་གཟུགས་སུ་འདུ་བྱས་པ་སྟེ། འདིས་ཀྱང་རྒྱུ་དང་མི་རྒྱུའི་དངོས་ཀུན་བདེ་བ་ཆེན་པོའི་ཡེ་ཤེས་སུ་འཆར་བའི་ལྷན་ཅིག་བྱེད་པའི་རྐྱེན་དུ་གྱུར་ཅིག
	zhes pa'ang dmar phyogs mkha' 'gro 'du ba'i dus kyi mchod pa zhig dang rjes su 'brel bar kun mkhyen bla ma dgyes pa'i 'bangs mkhyen brtse'i lhas gang shar gyi rtog pa yi ge'i gzugs su 'du byas pa ste/__'dis kyang rgyu dang mi rgyu'i dngos kun bde ba chen po'i ye shes su 'char ba'i lhan cig byed pa'i rkyen du gyur cig

Tibetan Text

Wylie

[edit]

ཡེ་ཤེས་ཀྱི་ཌཱ་ཀི་ནཱི་ལ་རྩ་སྔགས་དང་སྦྱར་བའི་སྒོ་ནས་བསྟོད་པའི་རྡོ་རྗེའི་གླུ་ཕྱིན་དྲུག་དཔལ་མོ་བཞད་པའི་དབྱངས་སྙན་ཞེས་བྱ་བ། ཨ་ཧོ། ཨོཾ་གྱི་ངོ་བོར་སོན་པའི་བློ་འདས་ཀྱི་ཉམས་འགྱུར། །ཕྲ་རབ་རྡུལ་དང་བྲལ་བ་ཡེ་ཤེས་ཀྱི་མེ་ལྕེས། །ཧཾ་ཡིག་བདུད་རྩིར་བཞུ་བའི་ལོངས་སྤྱོད་ཀྱི་ཚོགས་རྗེ། །བདེ་ཆེན་སྦྱིན་པའི་ཕ་རོལ་ཕྱིན་མ་ལ་འདུད་དོ། །པདྨོ་རྒྱས་པའི་དཔལ་ཅན་ལྷན་སྐྱེས་ཀྱི་སྦྲང་རྩི། །ལུགས་ལྡོག་བུང་བ་དགའ་བའི་བཅུད་ལེན་དུ་འཐུང་བས། །རྣམ་ཀུན་མཆོག་ཏུ་མི་འགྱུར་ངལ་འཚོ་ལ་སྦྱོར་བའི། །ཟག་མེད་ཚུལ་ཁྲིམས་ཕ་རོལ་ཕྱིན་མ་ལ་འདུད་དོ། །ཡོ་གི་ནཱི་ཁྱོད་ཐབས་མཆོག་བདེ་བ་ཡི་རེག་བྱས། །ཤེས་དང་ཤེས་བྱ་རོ་གཅིག་མངོན་སུམ་དུ་དྲངས་པས། །མཁའ་ཁྱབ་རྡོ་རྗེ་བཙུན་མོའི་སྣང་བརྙན་དུ་ཤར་བའི། །ཟབ་མོ་བཟོད་པའི་ཕ་རོལ་ཕྱིན་མ་ལ་འདུད་དོ། །ཛྙཱ་ན་གཅིག་པུ་རྣམ་པ་ཐམས་ཅད་དུ་འཆར་བ། །ཞིང་སྔགས་ལྷན་སྐྱེས་དཔལ་མོ་འབུམ་ཕྲག་གི་དབུས་ན། །གང་འདུལ་རྒྱུན་གྱིས་རྟག་པའི་དགའ་སྟོན་ལ་རོལ་པ། །མཐའ་ཡས་བརྩོན་འགྲུས་ཕ་རོལ་ཕྱིན་མ་ལ་འདུད་དོ། །ཝཱ་ར་ཧཱི་ཞེས་འབར་གཡོ་བརྟན་པ་ཡི་རྟོགས་ཚོགས། །སྙིང་དབུས་མི་ཤིགས་དྷཱུ་ཏིའི་ཕྱག་རྒྱ་རུ་བསྡམས་པས། །ཁམས་གསུམ་བསམ་མི་ཁྱབ་པའི་མཁའ་དབྱིངས་སུ་ཐིམ་པ། །འོད་གསལ་བསམ་གཏན་ཕ་རོལ་ཕྱིན་མ་ལ་འདུད་དོ། །ཧཱུྃ་ཡིག་ཡེ་ཤེས་ལྔ་ལྡན་གཞོམ་མེད་ཀྱི་ཐིག་ལེ། །སྒྲིབ་གཉིས་ཆ་བཅས་སྤངས་པ་ཆོས་ཉིད་ཀྱི་གཤིས་ལུགས། །ཟབ་གསལ་དབྱེར་མི་ཕྱེད་པ་སྐུ་གསུམ་གྱི་རང་བཞིན། །ཟུང་འཇུག་ཤེས་རབ་ཕ་རོལ་ཕྱིན་མ་ལ་འདུད་དོ། །ཨ་ཧོ་ཀ་དག་ཌཱ་ཀིའི་ཡེ་ཤེས་ཀྱི་རང་གདངས། །ལྷུན་གྲུབ་སྣང་བ་རྣམ་བཞིའི་འཇོ་སྒེག་དང་སྦྲགས་ནས། །འཕོ་ཆེན་འཇའ་ལུས་རྡོ་རྗེ་དོན་དམ་གྱི་ཕག་མོའི། །གོ་འཕང་ཚེ་འདིར་འགྲུབ་པའི་དངོས་གྲུབ་ཞིག་ཞུའོ། །ཞེས་པའང་དམར་ཕྱོགས་མཁའ་འགྲོ་འདུ་བའི་དུས་ཀྱི་མཆོད་པ་ཞིག་དང་རྗེས་སུ་འབྲེལ་བར་ཀུན་མཁྱེན་བླ་མ་དགྱེས་པའི་འབངས་མཁྱེན་བརྩེའི་ལྷས་གང་ཤར་གྱི་རྟོག་པ་ཡི་གེའི་གཟུགས་སུ་འདུ་བྱས་པ་སྟེ། འདིས་ཀྱང་རྒྱུ་དང་མི་རྒྱུའི་དངོས་ཀུན་བདེ་བ་ཆེན་པོའི་ཡེ་ཤེས་སུ་འཆར་བའི་ལྷན་ཅིག་བྱེད་པའི་རྐྱེན་དུ་གྱུར་ཅིག ། ༈

[edit]

ye shes kyi DA ki nI la rtsa sngags dang sbyar ba'i glu phyin drug dpal mo bzhad pa'i dbyangs snyan/__ ye shes kyi DA ki nI la rtsa sngags dang sbyar ba'i sgo nas bstod pa'i rdo rje'i glu phyin drug dpal mo bzhad pa'i dbyangs snyan zhes bya ba/__a ho/__oM gyi ngo bor son pa'i blo 'das kyi nyams 'gyur/__/phra rab rdul dang bral ba ye shes kyi me lces/__/haM yig bdud rtsir bzhu ba'i longs spyod kyi tshogs rje/__/bde chen sbyin pa'i pha rol phyin ma la 'dud do/__/pad+mo rgyas pa'i dpal can lhan skyes kyi sbrang rtsi/__/lugs ldog bung ba dga' ba'i bcud len du 'thung bas/__/rnam kun mchog tu mi 'gyur ngal 'tsho la sbyor ba'i/__/zag med tshul khrims pha rol phyin ma la 'dud do/__/yo gi nI khyod thabs mchog bde ba yi reg byas/__/shes dang shes bya ro gcig mngon sum du drangs pas/__/mkha' khyab rdo rje btsun mo'i snang brnyan du shar ba'i/__/zab mo bzod pa'i pha rol phyin ma la 'dud do/__/dz+nyA na gcig pu rnam pa thams cad du 'char ba/__/zhing sngags lhan skyes dpal mo 'bum phrag gi dbus na/__/gang 'dul rgyun gyis rtag pa'i dga' ston la rol pa/__/mtha' yas brtson 'grus pha rol phyin ma la 'dud do/__/wA ra hI zhes 'bar g.yo brtan pa yi rtogs tshogs/__/snying dbus mi shigs d+hU ti'i phyag rgya ru bsdams pas/__/khams gsum bsam mi khyab pa'i mkha' dbyings su thim pa/__/'od gsal bsam gtan pha rol phyin ma la 'dud do/__/hU~M yig ye shes lnga ldan gzhom med kyi thig le/__/sgrib gnyis cha bcas spangs pa chos nyid kyi gshis lugs/__/zab gsal dbyer mi phyed pa sku gsum gyi rang bzhin/__/zung 'jug shes rab pha rol phyin ma la 'dud do/__/a ho ka dag DA ki'i ye shes kyi rang gdangs/__/lhun grub snang ba rnam bzhi'i 'jo sgeg dang sbrags nas/__/'pho chen 'ja' lus rdo rje don dam gyi phag mo'i/_/go 'phang tshe 'dir 'grub pa'i dngos grub zhig zhu'o/__/zhes pa'ang dmar phyogs mkha' 'gro 'du ba'i dus kyi mchod pa zhig dang rjes su 'brel bar kun mkhyen bla ma dgyes pa'i 'bangs mkhyen brtse'i lhas gang shar gyi rtog pa yi ge'i gzugs su 'du byas pa ste/__'dis kyang rgyu dang mi rgyu'i dngos kun bde ba chen po'i ye shes su 'char ba'i lhan cig byed pa'i rkyen du gyur cig___/__!