JKW-KABUM-21-ZHA-002-005

🚧 This website is under continued development. We appreciate your patience!

Previous Text Back to Volume PageNext Text

རྩེ་ཟུལ་མདོར་སྟོབས་ཆེན་མཆོད་རྟེན་བཞེངས་སྐབས་ཀྱི་ཐོ་འཇམ་མགོན་བླ་མར་ཕུལ་བ།

Wylie title	rtse zul mdor stobs chen mchod rten bzhengs skabs kyi tho 'jam mgon bla mar phul ba
Location	mkhyen brtse'i bka' 'bum Volume 21, sde tshan 2, Text 5, Pages 148-155 (Folios 15b4 to 19a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rtse zul mdor stobs chen mchod rten bzhengs skabs kyi tho 'jam mgon bla mar phul ba. In 'jam dbyangs mkhyen brtse'i dbang po'i bka' 'bum, Vol. 21: 148-155. Khams sde dge rdzong sar dgon: Rdzong sar blo gros phun tshogs, 2020.
Genre	Records - tho

1 Texts in this Section (sde tshan or chos tshan)

5 148-155	རྩེ་ཟུལ་མདོར་སྟོབས་ཆེན་མཆོད་རྟེན་བཞེངས་སྐབས་ཀྱི་ཐོ་འཇམ་མགོན་བླ་མར་ཕུལ་བ། rtse zul mdor stobs chen mchod rten bzhengs skabs kyi tho 'jam mgon bla mar phul ba Records - tho	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

བི་ཛ་ཡནྟུ། རི་ཁྲོད་དུ་འབྱོར་བསྟུན་ཚེས་༢༤ལ་རྩེ་ཟུལ་མདོར་སླེབས་རྩིས་ཀྱིས་མཆོད་རྟེན་བཞེངས་རྒྱུ། ཚེས་༢༥ལ་བཅའ་སྒྲུབ་གྲུ་ངེས་ཀྱིས་ཤར་དུ་རིན་ཆེན་ནས་ཀིང་ཀང་སྒོ་ནས་དགྲ་སྲི་མནན་པ། ལྷོར་རྡོར་བྲག་སྤྲུལ་སྐུས་ཚེ་བདག་སྒོ་ནས་དུར་སྲི་མནན་པ། ནུབ་ཏུ་ཉག་ཤིས་སྔགས་པས་གུར་བྲག་སྒོ་ནས་ཕུང་སྲི་མནན་པ། བྱང་དུ་བོན་གཏེར་གྱིས་ཡི་དམ་སྒོ་ནས་འཁྲུགས་སྲི་མནན་པ་བཅས་བསྒྲུབས་ནས་ཚེས་༢༦ལ་མནན་པ་རྒྱེབ། ཚེས་༢༧སྔ་ཆར་གྱུར་བསྟུན། ས་དམིག་བཙལ་རྒྱུ་དང་བསང་གསེར་སྐྱེམས་བཏང་། ས་ཕུར་གཉིས་སམ་གང་རིགས་སློབ་དཔོན་དུ་དགོས་བླ་མ་རྣམས་ནས་ཐུགས་དཔྱད་ཀྱིས་བྱུང་ན་ས་བཅག་འདུར་འཆམས་ཚང་མ། མ་བྱུང་རུང་ཕུར་བའི་ས་ཆོག་ཕུར་གདབ་སྟ་གོན་སྐོར་ཚང་མ། ཚེས་༢༨ལ་རས་བྲིས་ལ་བསྟེན་པའི་སྒྲུབ་མཆོད། ཚེས་༢༩ཉིན་དགྲ་དུར་ཕུར་གསུམ་གྱི་མནན་པ་རྨིངས་དབུས་སུ་རྒྱེབ། དེ་མཉམ་བོན་གཏེར་ནས་དམ་སྲི་མནན་པ་དམིགས་བསལ་གང་ཡོད་མཛད། ཚེས་༣༠ཉིན་ཕུར་པའི་ཞི་བའི་སྦྱིན་སྲེག་དང་རྗེས་ཆོག་མཛད། ཚེས་༡ལ་སེང་གེ་སྒྲའི་ཀླུ་ཆེན་དགུའི་བུམ་པ་སྦ་དགོས་པས་དེའང་སྔ་ཚུད་བསྒྲུབས་ཚར་བར་མཛད་དགོས། སྦ་མཁན་ས་ཕུར་གང་རུང་གིས་མཛད་དགོས། གོང་གསལ་རྣམས་སྒྲུབ་མཁན་དཔོན་སློབ་བདུན་རེའམ་ལྔ་རེ་ལས་མི་ཉུང་བ་དགོས། དེ་ཐམས་ཅད་ཚེས་༢༣སྐོར་འདུ་ནས་བཅའ་གཞི་བསྒྲིག །ཕུར་པའི་ས་ཆོག་དང་འཆམས་ཚེས་༢༧ཉི་དྲོས་ཙམ་གྲུབ་དགོས་འདུག་པས་དེ་ལུགས་སྔ་བཞེངས་མཛད་རྒྱུ་དང་འཆམས་ལྷུ་བསྟུང་རྒྱུ་སོགས་གང་འོས་མཛད། གནམ་གང་ལ་རྡོར་སྤྲུལ་སོགས་ལྕང་རར་བྱོན། ཚེས་༡ནས་སྟོབས་ཆེན་མཆོད་རྟེན་བཅའ་གཞི་བསྒྲིག །དེའང་འཁོར་ལོ་བྲི་མཁན་གསུམ་དགོས་པས་རྟ་མགྲིན། ཤཱཀྱ་རྒྱལ་མཚན། བསོད་སྤྲུལ་དང་ལྷ་བསམ་གང་འོས། ལྷ་བཟོ་གསུམ་དགོས་རྒྱུའི་སྲེ་ཝར་ལྷ་དབང་། དོན་ལྡན། གཞན་ཐང་ཀ་བྲི་ཤེས་མཁན་གང་རུང་གཅིག །འདགས་བཟོ་བློ་ལྡན་ཉི་མ་བཅས་འདི་རྣམས་ཉིན་བདུན་བརྒྱད་མ་གཏོགས་ཡུན་རིང་མི་འགོར། ཚེས་༣ལ་རྩེ་མདོར་སྐོར་ཙམ་སྐྱོད་ནས་ཕྱིའི་མཆོད་རྟེན་རྩིགས་རྨིངས་བཀོད་པ་དང་ཐིག་གདབ། ལྕང་ར་ནས་འཁོར་ལོ་བྲི་སྒྲུབ་ཉིན་བདུན་བརྒྱད་འགོར་འདྲ་བས་དེ་བར་བུམ་གཏེར་བསྒྲུབ་རྒྱུ། འཛོམ་ན་བཀྲ་ཤིས་གཏེར་བུམ་གཏེར་གསར་ལུགས་བུམ་པ་ཆེ་དགུ། ཆུང་བཞི། ཐུགས་རྡོར་རྩ་གསུམ་གཏེར་བུམ། སྟག་ཤམས་ལྷའི་གཏེར་བུམ་ཆེ་གཅིག །ཆུང་བཞི་ཆ་ལྔ་ཙམ། གཏེར་གསར་ཡིད་བཞིན་འཁོར་ལོའི་གཏེར་བུམ་ལྔ། ཀློང་གསལ་གཏེར་བུམ་ལྔ། རཏྣའི་གླང་ཆེན་བཅས་ཆོག །ས་བདག་སྙིང་གཏེར་བུམ་པ་ཁ་ཤས། དགོན་ཆེན་ནས་བསྒྲུབས་ཟིན་ཡོད་ན་དང་མེད་ན་གསར་སྒྲུབ་མགོན་དཀར་བུམ་གཏེར་དགུ། ཀླུ་དབང་རྒྱལ་པོའི་བུམ་གཏེར་དགུ། བྱུང་ན་ཛཾ་དཀར་གའུ་ལྔ་བཅས། ཐོད་པ་འཛོམ་ན་གྲ་མངོན་ཛཾ་དམར་ཐོད་སྒྲུབ། གཞན་ལོངས་སྐབས་དང་བཅལ་ཁ་འཛོམ་ན་དམར་པོ་སྐོར་གསུམ། རྣམ་སྲས་རིགས། ཛཾ་ལྷ་རིགས་ལྔ། ནོར་རྒྱུན་མ། དཔལ་ཆེན་མ། ཨ་པ་རཱ་ཛི་ཏཱ། ཚོགས་བདག་དཀར་པོའི་འབྲུ་སྤེལ། དབྱུ་གུ་སྤུན་གསུམ་གྱི་རྟེན་སོགས་སྒྲུབ་ཐབས་རིན་འབྱུང་ནས་འབྱུང་བ་རྣམས་བཅའ་སྒྲུབ་བྱ། གནོད་སྦྱིན་འཁོར་ལོ་ཕོ་མོ་གཉིས་རྡོ་བརྐོས་གསེར་འདུར་བྱུགས་པ། དྲི་མེད་རྣམ་གཉིས་དཀྱིལ་འཁོར་རྡོ་བརྐོས་གསེར་འདུར་བྱུགས་ཤིང་པྲ་རྩིས་མནན་པ་ཚོན་བཏང་། སམྦུ་ཊིའི་ས་གཡོ་དང་ཐོག་སྲུང་འཁོར་ལོ་ཆེན་མོའང་བྱུང་ན་རྡོ་བརྐོས་གལ་ཆེ་བས་རྡོ་རྐོས་ཀྱང་གསུམ་ཙམ་གཟུགས་བརྐོས་ཐོན་མཁན་དགོས། ཕྱིའི་མཆོད་རྟེན་སྲོག་ཤིང་ཤུག་པ་ཤར་རྟགས་ཅན་རྩ་རྩེ་མ་ནོར། བྱུང་ན་གནས་ཆེན་ཏུ་སྐྱེས་པ་ཐོག་སོ་གསུམ་ཙམ་གས་ཆག་མེད་པ། སྐམ་པོ་འཛོམ་ན་རབ། ཅིས་ཀྱང་མ་རྙེད་ན་ཀཱ་ཤི་བཟང་པོས་གཡོགས་ནས་རས་གཞི་བཟོ། བྲི་རྫས་གསེར་འདུར་འཛོམ་ན་དང་མ་འཛོམ་ན་བ་བླ་གསེར་འདུར་བསྲེ། ཡིག་འབྲུ་ཆེན་པོ་བྱ། ཡང་ན་ཁ་ཆེ་དྲི་བཟང་འཐུག་བོ་བྱུགས་པའི་སྟེང་མཚལ་གྱིས་བྲི། འོད་ཟེར་དྲི་མེད་གཟུངས་མདོ་གླེགས་བམ་སོར་བཞི་གསེར་བྲིས། ཆོས་དབང་སྲོག་ཤིང་བརྟན་པའི་ཙཀྲ་བྱུང་ན་བཟང་། གང་ལྟར་ཡི་གེ་བྲི་རྒྱུ་མང་བས་གཟབ་བྲིས་བཟང་བ་གསུམ་ལས་མི་ཉུང་བ་དགོས། བྲི་གཞི་བྱུང་ན་གོས་ཆེན་ཡ་ཤེར་དབུར་མ་ཡུག་གཅིག །མ་འཛོམ་ན་ཟི་ཏྲེན་སེར་པོ་བུབ་ཆེ་གཅིག །བྲི་རྫས་ཀྱང་གསེར་དངུལ་ལམ་མཚལ་སོགས་དགོས་འདོང་། གཞན་གཟུངས་གཞུག །ཤོག་དྲིལ། གླེགས་བམ། འཁོར་ལོ། སྐུ་གསུང་ཐུགས་རྟེན། དྲི་མེད་རྣམ་གཉིས་ཆས། ཤོག་བུ་སྲབ་མཐུག་དགོས་འདོང་སོགས་ཟུར་ཐོ་ལྟར། ཚེས་༡༤ལ་གཙུག་ཏོར་དྲི་མེད། ཚེས་༡༥ལ་འོད་ཟེར་དྲི་མེད་སྲོག་ཤིང་འཛུག་ཆོག །དེའང་སཱཙྪ་སྒྲུབ་པ་སྔོན་དུ་འགྲོ་བས་གྲུབ་རྩིས། ཟླ་༥པའི་མགོ་མཇུག་ཏུ་བོན་གཏེར་ནས་ལུང་དོན་བསྒྲུབ་དགོས་གང་ཡོད། རང་ལུགས་ཞིབ་ཆ་དང་མནན་སྲེག་འཕང་གསུམ་ཚད་ལྡན། རིན་ཆེན་ནས་རྒྱབ་རིམ་ཞི་བརྔན་བསང་གསུམ། འཁོར་འདས་མཆོད་པ། ས་བདག་དབང་ཆེན། འཁྲུགས་བཅོས་ཚར་གྲངས། སྡེ་བརྒྱད་ཁེངས་མདོས། དམ་སྲི་གླུད་མདོས། མ་མོ་དང་བརྟན་མའི་མདོས་ཆེ་ཆུང་གང་བྱུང་། རྒྱལ་མདོས། གླིང་བཞི་སྤྱི་མདོས། དགོན་ཆེན་ལྕགས་ར་དཔལ་འབྱོར་སྐོར་གྱི་དགེ་སློང་ཆ་ཤས་ཀྱིས་བཀའ་འགྱུར་ཞལ་ཕྱེ། འབུམ་རྒྱས་འབྲིང་བསྡུས་གསུམ། བཀའ་ཐང་སྡེ་ལྔ། བཀའ་འདུས། གཟུངས་འདུས་སོགས་ཆོས་ཀློག་ཆབ་གཏོར་བརྒྱ་རྩ་གླུ་གཏོར། ཆ་གསུམ་ཅི་མང་། ཆོས་སྲུང་སྐོང་གསོལ། སཱཙྪ་གདབ་པ་སོགས་དགེ་བའི་དཔུང་བསྐྱེད། གཞན་ཡང་སྲོག་བསླུ། གཡང་སྐྱབས། མ་མོ་འཁྲུགས་སྐོང་སོགས་དམིགས་སུ་ཁེལ་བ་བྱེད། དབང་ཆེན་དང་གཡང་སྐྱབས་ཀྱི་རྟེན་སོགས་གྲོང་ཆོག་ཕལ་པ་ལྟ་བུ་མ་ཡིན་པ་བཅའ་གཞི་སྐྱོན་མེད་བསྒྲུབ་ཐུབ་པ་བྱུང་ན་གནོད་སྦྱིན་བང་མཛོད་སྐོར་དུ་བཞག་པ་ལེགས། ཟླ་༥ཚེས་༡ནས་སྟོབས་ཆེན་མཆོད་རྟེན་བཅའ་གཞིའི་དབུ་བཟུང་ནས་ཚེས་༡༠སྐོར་མཆོད་རྟེན་རབ་གནས་ཡན་ཚར་རྩིས། དེ་མཚམས་བསྙེན་སྒྲུབ་ལས་གསུམ་དབུ་བཟུང་ནས་བདུན་གསུམ་ཙམ་ལོང་སྐབས་གང་ཡོད། ཉིན་ཐུན་བཞི། མཚན་ཐུན་གསུམ་སྔགས་རྒྱུན་མ་ཆད་པ་དགོས་པས་སློབ་དཔོན་གྱི་གཙོ་བོ་རྡོར་སྤྲུལ་དང་། མགོ་ཚ་བླ་མ་གཙོས་ཚེ་བདག་བསྙེན་སོང་བཅུ་མན་ཆད། ཆོག་རོགས་དང་ཛབ྄་རྒྱུན་པ་སོགས་ཚེ་བདག་གི་བསྙེན་ཆུང་ཙམ་མམ་དེ་མིན་ཐུགས་ཕུར་བསྙེན་པ་སོང་བ་ཙམ་ཡོད་ན་རབ། དེ་མིན་ཚེ་བདག་དབང་ལུང་ཐོབ་པ་བཅུ་སྐོར་ངེས་པར་དགོས། ཟླ་ཚེས་༢༠སྐོར་མཆོད་རྟེན་རྩེ་མདོར་གདན་འདྲེན་གྲུབ་ངེས། ཚེས་༡སྔ་ཆར་མཆོད་རྟེན་བཞུགས་རྒྱུ་དང་གནོད་སྦྱིན་བང་མཛོད་བཅའ་ཁ་བྱས་ནས་སྒོ་ལེགས་པར་བཅད། སྐུ་དཀར་སྔོན་དུ་མ་ཐོན་ན་འདི་ཉིན་ཐོན་ངེས་བྱ། ཚེས་༣དཀྱིལ་འཁོར་སྟ་གོན། ཚེས་༣རབ་གནས་སྟ་གོན། ཚེས་༤རབ་གནས་དངོས་གཞི་འཐོར་ནས་བཅས་སྔ་ཚེ་གྲུབ་པར་བྱ། ཚེས་༥སྔ་ཆར་གཏོང་རག་ཚོགས་མཆོད། བསང་བརྔན། སྦྱིན་གཏོང་སོགས་མཐར་རྒྱས་བྱ། རབ་གནས་ཀྱང་ཕྱོགས་བཞི་ནས་ཁག་བཞི་ཙམ་ཐུང་ན་ལེགས་པས་དཔོན་སློབ་ཞབས་དྲུང་འདྲ་དབུ་བཞུགས་ཀྱིས་ས་ལུགས་ཀྱེ་རྡོར་རབ་གནས་དང་རྒྱས་པའི་སྦྱིན་སྲེག །སྤྲུལ་སྐུ་ཐོས་དགའ་འདྲ་དབུ་བཞུགས་ཀྱིས་ཀར་ལུགས་བདེ་མཆོག་རབ་གནས་དང་དབང་གི་སྦྱིན་སྲེག །བུམ་སྒྲུབ་ཕེབས་ཞོར་རེད་འོང་ན་ཀཿཐོག་ཞིང་སྐྱོང་ཨི་ལེགས་གང་ལྟར་རྙིང་མའི་རྡོར་སློབ་ཚད་ལྡན་ཞིག་གིས་བཀའ་བརྒྱད་སྒོ་ནས་སྨིན་ལུགས་དགེ་ལེགས་འདོད་འཇོའི་རབ་གནས་དང་ཞི་བའི་སྦྱིན་སྲེག །ཚེ་བདག་མཁན་པོ་རྣམས་ནས་ཉིན་གསུམ་ཚེ་ཚེ་བདག་གི་སྒྲུབ་པ་ཡང་བསྐྱར་དང་དྲག་པོའི་སྦྱིན་སྲེག་རབ་གནས་མདོར་བསྡུས་བཅས། དེའང་རབ་གནས་སྟ་གོན་དྲག་པོའི་སྦྱོང་བའི་རྗེས་དྲག་སྦྱིན། སྦྱོང་བ་གསུམ་གྱི་རྗེས་ཞི་སྦྱིན། ཡེ་ཤེས་དབབ་པའི་སྐབས་དབང་སྦྱིན། མངའ་དབུལ་སྐབས་རྒྱས་སྦྱིན་དགོས། ཆོས་སྐྱོང་དང་ཡོན་བདག་བསྒོ་བ་ཀྱེ་རྡོར་ཚང་ཁོ་ནས་ཆོག །ཆོས་སྐྱོང་རྟེན་མདོ་ཚང་ཞིག་དགོས་པ་རྒྱལ་མཚན་བླ་མ་ལ་བསྒྲུབ་བཅོལ་ན་ཆོག་སྙམ། མཆོད་རྟེན་ཐིག་ཚད་དཔེ་ན་ནིང་དགོན་ཆེན་གསེར་གདུང་སྐབས་ཤིང་གི་མཆོད་རྟེན་ཆུང་ངུ་ཡོད་པ་དེ་དང་། ཐིག་ཚད་ལྟ་མཁན་ཕན་བདེ། འཇམ་དབྱངས་ཡོན་ཏན། རྔོ་ཁང་ལྷ་གཉེར་གསུམ་གང་རུང་འོས། སྲོག་ཤིང་འཛུག་སྐོར་སོགས་སེམས་བསྐྱེད་མཆོད་པ་གང་རྒྱས་དང་། བཀྲ་ཤིས་གསོ་སྦྱོང་མཛད་ན་ཤིན་ཏུ་ལེགས་པར་འབྱུང་བས་སིདྡྷིབྷ་བནྟུ། དགེ་ལེགས་འཕེལ། ། ༈

[edit]

rtse zul mdor stobs chen mchod rten bzhengs skabs kyi tho 'jam mgon bla mar phul ba/__ bi dza yan+tu/__ri khrod du 'byor bstun tshes 24la rtse zul mdor slebs rtsis kyis mchod rten bzhengs rgyu/__tshes 25la bca' sgrub gru nges kyis shar du rin chen nas king kang sgo nas dgra sri mnan pa/__lhor rdor brag sprul skus tshe bdag sgo nas dur sri mnan pa/__nub tu nyag shis sngags pas gur brag sgo nas phung sri mnan pa/__byang du bon gter gyis yi dam sgo nas 'khrugs sri mnan pa bcas bsgrubs nas tshes 26la mnan pa rgyeb/__tshes 27snga char gyur bstun/__sa dmig btsal rgyu dang bsang gser skyems btang /__sa phur gnyis sam gang rigs slob dpon du dgos bla ma rnams nas thugs dpyad kyis byung na sa bcag 'dur 'chams tshang ma/__ma byung rung phur ba'i sa chog phur gdab sta gon skor tshang ma/__tshes 28la ras bris la bsten pa'i sgrub mchod/__tshes 29nyin dgra dur phur gsum gyi mnan pa rmings dbus su rgyeb/__de mnyam bon gter nas dam sri mnan pa dmigs bsal gang yod mdzad/__tshes 30nyin phur pa'i zhi ba'i sbyin sreg dang rjes chog mdzad/__tshes 1la seng ge sgra'i klu chen dgu'i bum pa sba dgos pas de'ang snga tshud bsgrubs tshar bar mdzad dgos/__sba mkhan sa phur gang rung gis mdzad dgos/__gong gsal rnams sgrub mkhan dpon slob bdun re'am lnga re las mi nyung ba dgos/__de thams cad tshes 23skor 'du nas bca' gzhi bsgrig__/phur pa'i sa chog dang 'chams tshes 27nyi dros tsam grub dgos 'dug pas de lugs snga bzhengs mdzad rgyu dang 'chams lhu bstung rgyu sogs gang 'os mdzad/__gnam gang la rdor sprul sogs lcang rar byon/__tshes 1nas stobs chen mchod rten bca' gzhi bsgrig__/de'ang 'khor lo bri mkhan gsum dgos pas rta mgrin/__shAkya rgyal mtshan/__bsod sprul dang lha bsam gang 'os/__lha bzo gsum dgos rgyu'i sre war lha dbang /_don ldan/__gzhan thang ka bri shes mkhan gang rung gcig__/'dags bzo blo ldan nyi ma bcas 'di rnams nyin bdun brgyad ma gtogs yun ring mi 'gor/__tshes 3la rtse mdor skor tsam skyod nas phyi'i mchod rten rtsigs rmings bkod pa dang thig gdab/__lcang ra nas 'khor lo bri sgrub nyin bdun brgyad 'gor 'dra bas de bar bum gter bsgrub rgyu/__'dzom na bkra shis gter bum gter gsar lugs bum pa che dgu/__chung bzhi/__thugs rdor rtsa gsum gter bum/__stag shams lha'i gter bum che gcig__/chung bzhi cha lnga tsam/__gter gsar yid bzhin 'khor lo'i gter bum lnga/__klong gsal gter bum lnga/__rat+na'i glang chen bcas chog__/sa bdag snying gter bum pa kha shas/__dgon chen nas bsgrubs zin yod na dang med na gsar sgrub mgon dkar bum gter dgu/__klu dbang rgyal po'i bum gter dgu/__byung na dzaM dkar ga'u lnga bcas/__thod pa 'dzom na gra mngon dzaM dmar thod sgrub/__gzhan longs skabs dang bcal kha 'dzom na dmar po skor gsum/__rnam sras rigs/__dzaM lha rigs lnga/__nor rgyun ma/__dpal chen ma/__a pa rA dzi tA/__tshogs bdag dkar po'i 'bru spel/__dbyu gu spun gsum gyi rten sogs sgrub thabs rin 'byung nas 'byung ba rnams bca' sgrub bya/__gnod sbyin 'khor lo pho mo gnyis rdo brkos gser 'dur byugs pa/__dri med rnam gnyis dkyil 'khor rdo brkos gser 'dur byugs shing pra rtsis mnan pa tshon btang /__sam+bu Ti'i sa g.yo dang thog srung 'khor lo chen mo'ang byung na rdo brkos gal che bas rdo rkos kyang gsum tsam gzugs brkos thon mkhan dgos/__phyi'i mchod rten srog shing shug pa shar rtags can rtsa rtse ma nor/__byung na gnas chen tu skyes pa thog so gsum tsam gas chag med pa/__skam po 'dzom na rab/__cis kyang ma rnyed na kA shi bzang pos g.yogs nas ras gzhi bzo/__bri rdzas gser 'dur 'dzom na dang ma 'dzom na ba bla gser 'dur bsre/__yig 'bru chen po bya/__yang na kha che dri bzang 'thug bo byugs pa'i steng mtshal gyis bri/__'od zer dri med gzungs mdo glegs bam sor bzhi gser bris/__chos dbang srog shing brtan pa'i tsakra byung na bzang /__gang ltar yi ge bri rgyu mang bas gzab bris bzang ba gsum las mi nyung ba dgos/__bri gzhi byung na gos chen ya sher dbur ma yug gcig__/ma 'dzom na zi tren ser po bub che gcig__/bri rdzas kyang gser dngul lam mtshal sogs dgos 'dong /__gzhan gzungs gzhug__/shog dril/__glegs bam/__'khor lo/__sku gsung thugs rten/__dri med rnam gnyis chas/__shog bu srab mthug dgos 'dong sogs zur tho ltar/__tshes 14la gtsug tor dri med/__tshes 15la 'od zer dri med srog shing 'dzug chog__/de'ang sAts+tsha sgrub pa sngon du 'gro bas grub rtsis/__zla 5pa'i mgo mjug tu bon gter nas lung don bsgrub dgos gang yod/__rang lugs zhib cha dang mnan sreg 'phang gsum tshad ldan/__rin chen nas rgyab rim zhi brngan bsang gsum/__'khor 'das mchod pa/__sa bdag dbang chen/__'khrugs bcos tshar grangs/__sde brgyad khengs mdos/__dam sri glud mdos/__ma mo dang brtan ma'i mdos che chung gang byung /__rgyal mdos/__gling bzhi spyi mdos/__dgon chen lcags ra dpal 'byor skor gyi dge slong cha shas kyis bka' 'gyur zhal phye/__'bum rgyas 'bring bsdus gsum/__bka' thang sde lnga/__bka' 'dus/__gzungs 'dus sogs chos klog chab gtor brgya rtsa glu gtor/__cha gsum ci mang /__chos srung skong gsol/__sAts+tsha gdab pa sogs dge ba'i dpung bskyed/__gzhan yang srog bslu/__g.yang skyabs/__ma mo 'khrugs skong sogs dmigs su khel ba byed/__dbang chen dang g.yang skyabs kyi rten sogs grong chog phal pa lta bu ma yin pa bca' gzhi skyon med bsgrub thub pa byung na gnod sbyin bang mdzod skor du bzhag pa legs/__zla 5tshes 1nas stobs chen mchod rten bca' gzhi'i dbu bzung nas tshes 10skor mchod rten rab gnas yan tshar rtsis/__de mtshams bsnyen sgrub las gsum dbu bzung nas bdun gsum tsam long skabs gang yod/__nyin thun bzhi/__mtshan thun gsum sngags rgyun ma chad pa dgos pas slob dpon gyi gtso bo rdor sprul dang /__mgo tsha bla ma gtsos tshe bdag bsnyen song bcu man chad/__chog rogs dang dzaba? rgyun pa sogs tshe bdag gi bsnyen chung tsam mam de min thugs phur bsnyen pa song ba tsam yod na rab/__de min tshe bdag dbang lung thob pa bcu skor nges par dgos/__zla tshes 20skor mchod rten rtse mdor gdan 'dren grub nges/__tshes 1snga char mchod rten bzhugs rgyu dang gnod sbyin bang mdzod bca' kha byas nas sgo legs par bcad/__sku dkar sngon du ma thon na 'di nyin thon nges bya/__tshes 3dkyil 'khor sta gon/__tshes 3rab gnas sta gon/__tshes 4rab gnas dngos gzhi 'thor nas bcas snga tshe grub par bya/__tshes 5snga char gtong rag tshogs mchod/__bsang brngan/__sbyin gtong sogs mthar rgyas bya/__rab gnas kyang phyogs bzhi nas khag bzhi tsam thung na legs pas dpon slob zhabs drung 'dra dbu bzhugs kyis sa lugs kye rdor rab gnas dang rgyas pa'i sbyin sreg__/sprul sku thos dga' 'dra dbu bzhugs kyis kar lugs bde mchog rab gnas dang dbang gi sbyin sreg__/bum sgrub phebs zhor red 'ong na kaHthog zhing skyong i legs gang ltar rnying ma'i rdor slob tshad ldan zhig gis bka' brgyad sgo nas smin lugs dge legs 'dod 'jo'i rab gnas dang zhi ba'i sbyin sreg__/tshe bdag mkhan po rnams nas nyin gsum tshe tshe bdag gi sgrub pa yang bskyar dang drag po'i sbyin sreg rab gnas mdor bsdus bcas/__de'ang rab gnas sta gon drag po'i sbyong ba'i rjes drag sbyin/__sbyong ba gsum gyi rjes zhi sbyin/__ye shes dbab pa'i skabs dbang sbyin/__mnga' dbul skabs rgyas sbyin dgos/__chos skyong dang yon bdag bsgo ba kye rdor tshang kho nas chog__/chos skyong rten mdo tshang zhig dgos pa rgyal mtshan bla ma la bsgrub bcol na chog snyam/__mchod rten thig tshad dpe na ning dgon chen gser gdung skabs shing gi mchod rten chung ngu yod pa de dang /__thig tshad lta mkhan phan bde/__'jam dbyangs yon tan/__rngo khang lha gnyer gsum gang rung 'os/__srog shing 'dzug skor sogs sems bskyed mchod pa gang rgyas dang /_bkra shis gso sbyong mdzad na shin tu legs par 'byung bas sid+d+hib+ha ban+tu/__dge legs 'phel/___/___!_