JKW-KABUM-20-WA-001-076

🚧 This website is under continued development. We appreciate your patience!

Previous Text Back to Volume PageNext Text

Wylie title	tshe dpag med pas mngon par dbang bskur zhing/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 76, Pages 145-146 (Folios 73a1 to 73b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. tshe dpag med pas mngon par dbang bskur zhing zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 145-146. Khams sde dge rdzong sar dgon: Rdzong sar blo gros phun tshogs, 2020.
Genre	Prayers - smon lam
Colophon	།ཞེས་པའི་ཞུ་མཆིད་ཀོ་ཀི་ལ། །བརྗོད་པ་སྙན་པ་གླུ་ལེན་ཅིང་། །རྟེན་དངོས་གཤོག་རླབས་གཡོ་དང་བཅས། །གང་ཞབས་དགའ་བའི་ཚལ་དུ་སོང་། །ས་འབྲུག་དབོ་ཟླའི་གྲལ་ཚེས་དགེ་བར་གུས་པས་ཕུལ་བ་སརྦ་དཱ་ཤྲེ་ཡོ་བྷ་བ་ཏུ།།
	zhes pa'i zhu mchid ko ki la/_/brjod pa snyan pa glu len cing /_/rten dngos gshog rlabs g.yo dang bcas/_/gang zhabs dga' ba'i tshal du song /_/sa 'brug dbo zla'i gral tshes dge bar gus pas phul ba sarba dA shre yo b+ha ba tu/

1 Texts in this Section (sde tshan or chos tshan)

76 145-146	ཚེ་དཔག་མེད་པས་མངོན་པར་དབང་བསྐུར་ཞིང་། ཞེས་པའི་དབུ་ཅན། tshe dpag med pas mngon par dbang bskur zhing/ zhes pa'i dbu can Prayers - smon lam	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཨོཾ་སྭསྟི་སིདྡྷཾ། ཚེ་དཔག་མེད་པས་མངོན་པར་དབང་བསྐུར་ཞིང་། །རྣམ་པར་རྒྱལ་མས་ཡིད་སྲུབས་དཔུང་ཀུན་བཅོམ། །ཡིད་བཞིན་འཁོར་ལོའི་ཕྱག་གིས་དབུགས་དབྱུང་བས། །རྨད་བྱུང་ཤིས་པའི་དགེ་མཚན་རྒྱས་གྱུར་ཅིག །ལེགས་བྱས་ཆུ་གཏེར་བྱེ་བའི་སྙིང་པོ་ནི། །ཕུང་པོ་བསྔགས་འོས་བདུད་རྩིའི་དོ་ཤལ་ཅན། །བསོད་ནམས་དམ་པའི་ནོར་བུའི་གཟི་འབར་བ། །སྔོན་མེད་ཟླ་བ་གསར་པའི་ཉེ་དྲུང་དུ། །སྤྲིན་སྔོན་ཆུན་པོ་མཐིང་བའི་མདོངས་མཐའ་བཞིན། །མཆིད་འོས་ཟིལ་དངར་ཐོབ་པས་སྤྲོ་དགའི་ཡིད། །དབྱར་གྱི་པདྨོ་ལྟ་བུར་རྒྱས་པ་ནས། །ཞུ་མཆིད་སྦྲང་རྩིའི་དྲི་བསུང་ཅུང་ཟད་འཐུལ། །གང་གི་ལུགས་བརྒྱའི་འབྱོར་པ་མ་སྨད་པའི། །རྒྱལ་རིགས་སཱ་ལ་ཆེན་པོའི་ནགས་ཀླུང་དུ། །མཚུངས་མེད་མི་ཡི་ལྷ་གཅིག་འཁོར་བཅས་དང་། །མཐོ་རིས་ཡོན་ཏན་དུ་མའི་དུས་སྟོན་དར། །དབང་ཕྱུག་དམ་པའི་དཔལ་གྱི་རོལ་སྒེག་དང་། །དད་དང་ཤེས་རབ་བརྩེ་བའི་སྙིང་པོ་དང་། །ཀུན་ལ་ཕན་པར་མཛད་པའི་ཕྲིན་ལས་བཅས། །འཚོ་གཞེས་དགེ་བའི་སྐལ་བཟང་རྒྱས་པ་ནས། །འདིར་ཡང་ཐུགས་རྗེའི་གཟིགས་པ་མ་སྨད་པས། །མངོན་པར་དྭངས་པའི་གསུང་མཆིད་ཏམྦུ་ར། །རྣ་བའི་བཅུད་དུ་སོན་པའི་དགེ་མཚན་གྱིས། །གུས་སྤྲོའི་ཆུ་གཏེར་ཅིར་ཡང་འཕེལ་བར་གྱུར། །བླ་མ་ལྷར་བཅས་བྱིན་རླབས་ཀྱིས། །དབུགས་འབྱིན་ཐོབ་པའི་དགེ་སྦྱོང་ཡང་། །ཟག་ཕུང་ཉེར་འཚེ་དང་བྲལ་བཅས། །ཕན་བདེའི་བསམ་སྦྱོར་དཀར་བར་མཆིས། །མཚམས་ཞུས། ཤྲཱི་བི་ཛ་ཡནྟུ། འབྱུང་འགྱུར་དུས་ཀྱང་འཆི་མེད་གྲུབ་པའི་ལྷ། །རྣམ་གསུམ་གཅིག་བསྡུས་མཚོ་སྐྱེས་བླ་མ་ཡིས། །མི་ཡི་དབང་མོའི་སྐུ་ཚེ་ཡུན་དུ་བརྟན། །ལེགས་མཛད་ཕྱོགས་བཅུར་འཕེལ་བའི་བཀྲ་ཤིས་སྩོལ། །དེ་སྲིད་ཐུགས་རྗེའི་སྤྱན་རས་ཀྱིས། །འདིར་ཡང་སྔར་བཞིན་བཙའ་བ་ནས། །གསུང་མཆིད་བདུད་རྩིའི་ཆར་འབེབས་བཞིན། །རིང་མིན་དགྱེས་ཞལ་མཇལ་བར་སྨོན། །ཞེས་པའི་ཞུ་མཆིད་ཀོ་ཀི་ལ། །བརྗོད་པ་སྙན་པ་གླུ་ལེན་ཅིང་། །རྟེན་དངོས་གཤོག་རླབས་གཡོ་དང་བཅས། །གང་ཞབས་དགའ་བའི་ཚལ་དུ་སོང་། །ས་འབྲུག་དབོ་ཟླའི་གྲལ་ཚེས་དགེ་བར་གུས་པས་ཕུལ་བ་སརྦ་དཱ་ཤྲེ་ཡོ་བྷ་བ་ཏུ།། །། ༈

[edit]

tshe dpag med pas mngon par dbang bskur zhing /__zhes pa'i dbu can/ oM swasti sid+d+haM/_tshe dpag med pas mngon par dbang bskur zhing /_/rnam par rgyal mas yid srubs dpung kun bcom/_/yid bzhin 'khor lo'i phyag gis dbugs dbyung bas/_/rmad byung shis pa'i dge mtshan rgyas gyur cig_/legs byas chu gter bye ba'i snying po ni/_/phung po bsngags 'os bdud rtsi'i do shal can/_/bsod nams dam pa'i nor bu'i gzi 'bar ba/_/sngon med zla ba gsar pa'i nye drung du/_/sprin sngon chun po mthing ba'i mdongs mtha' bzhin/_/mchid 'os zil dngar thob pas spro dga'i yid/_/dbyar gyi pad+mo lta bur rgyas pa nas/_/zhu mchid sbrang rtsi'i dri bsung cung zad 'thul/_/gang gi lugs brgya'i 'byor pa ma smad pa'i/_/rgyal rigs sA la chen po'i nags klung du/_/mtshungs med mi yi lha gcig 'khor bcas dang /_/mtho ris yon tan du ma'i dus ston dar/_/dbang phyug dam pa'i dpal gyi rol sgeg dang /_/dad dang shes rab brtse ba'i snying po dang /_/kun la phan par mdzad pa'i phrin las bcas/_/'tsho gzhes dge ba'i skal bzang rgyas pa nas/_/'dir yang thugs rje'i gzigs pa ma smad pas/_/mngon par dwangs pa'i gsung mchid tam+bu ra/_/rna ba'i bcud du son pa'i dge mtshan gyis/_/gus spro'i chu gter cir yang 'phel bar gyur/_/bla ma lhar bcas byin rlabs kyis/_/dbugs 'byin thob pa'i dge sbyong yang /_/zag phung nyer 'tshe dang bral bcas/_/phan bde'i bsam sbyor dkar bar mchis/_/mtshams zhus/_shrI bi dza yan+tu/_'byung 'gyur dus kyang 'chi med grub pa'i lha/_/rnam gsum gcig bsdus mtsho skyes bla ma yis/_/mi yi dbang mo'i sku tshe yun du brtan/_/legs mdzad phyogs bcur 'phel ba'i bkra shis stsol/_/de srid thugs rje'i spyan ras kyis/_/'dir yang sngar bzhin btsa' ba nas/_/gsung mchid bdud rtsi'i char 'bebs bzhin/_/ring min dgyes zhal mjal bar smon/_/zhes pa'i zhu mchid ko ki la/_/brjod pa snyan pa glu len cing /_/rten dngos gshog rlabs g.yo dang bcas/_/gang zhabs dga' ba'i tshal du song /_/sa 'brug dbo zla'i gral tshes dge bar gus pas phul ba sarba dA shre yo b+ha ba tu//__//_!_