JKW-KABUM-20-WA-001-060

🚧 This website is under continued development. We appreciate your patience!

Previous Text Back to Volume PageNext Text

ས་སྐྱོང་སེ་ནཱ་ཤུ་བྷ་ནས་སྲིད་སྐྱོང་རྭ་བསྒྲེང་ནོ་མི་ཧན་ཆེན་པོར་ཁྲི་ཕེབས་ཀྱི་ལེགས་འབུལ་སྟོབ་པའི་ཡི་གེ།

Wylie title	sa skyong se nA shu b+ha nas srid skyong rwa bsgreng no mi han chen por khri phebs kyi legs 'bul stob pa'i yi ge
Location	mkhyen brtse'i bka' 'bum Volume 20, sde tshan 1, Text 60, Pages 111-115 (Folios 56a4 to 58a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sa skyong se nA shu b+ha nas srid skyong rwa bsgreng no mi han chen por khri phebs kyi legs 'bul stob pa'i yi ge. In 'jam dbyangs mkhyen brtse'i dbang po'i bka' 'bum, Vol. 20: 111-115. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog
Colophon	།ཞེས་པའང་ས་སྐྱོང་ཆོས་རྒྱལ་ཆེན་པོ་ནས་ཆབ་ཤོག་གི་ལམ་ནས་བསྐུལ་བ་ལྟར་རིགས་པར་སྨྲ་བ་ཚངས་སྲས་དགྱེས་པའི་བློ་ལྡན་གྱིས་བྲིས་ཏེ་ཕུལ་བ་དགེ།
	zhes pa'ang sa skyong chos rgyal chen po nas chab shog gi lam nas bskul ba ltar rigs par smra ba tshangs sras dgyes pa'i blo ldan gyis bris te phul ba dge

1 Texts in this Section (sde tshan or chos tshan)

60 111-115	ས་སྐྱོང་སེ་ནཱ་ཤུ་བྷ་ནས་སྲིད་སྐྱོང་རྭ་བསྒྲེང་ནོ་མི་ཧན་ཆེན་པོར་ཁྲི་ཕེབས་ཀྱི་ལེགས་འབུལ་སྟོབ་པའི་ཡི་གེ། sa skyong se nA shu b+ha nas srid skyong rwa bsgreng no mi han chen por khri phebs kyi legs 'bul stob pa'i yi ge Official Letters - chab shog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ས་སྐྱོང་སེ་ནཱ་ཤུ་བྷ་ནས་སྲིད་སྐྱོང་རྭ་བསྒྲེང་ནོ་མི་ཧན་ཆེན་པོར་ཁྲི་ཕེབས་ཀྱི་ལེགས་འབུལ་སྟོབ་པའི་ཡི་གེ་མེ་ཏོག་ཆུན་པོ་ཞེས་བྱ་བ། པུཎྱཛྙཱནབིམུཀྟབཱིཛཀཾ བོདྷིགརྦྷཛལཀྵཎཾཤུབྷཻཿ སྡེབ་སྦྱོར་མཉམ་པའི་བྲིཏྟའི་བྱེ་བྲག་དག་པའི་སྣང་བའོ། །ཤཱནྟབྷཱབནཙཱུཌབིཤྲམཾསིཤཱསནྱགཏིཾརབིརྫཡཱེཏ། །རྣམ་གྲོལ་བསོད་ནམས་ཡེ་ཤེས་ས་བོན་ནི། །བྱང་ཆུབ་སྙིང་པོར་འཁྲུངས་པའི་དགེ་མཚན་གྱིས། །སྲིད་དང་ཞི་བའི་གཙུག་ན་ངལ་འཚོ་བ། །ཡོངས་རྫོགས་བསྟན་འགྲོའི་ཉི་མ་རྒྱལ་གྱུར་ཅིག ༡ །ཚངས་སོགས་ཆེ་དགུའི་འདར་ལྡན་ཐོར་ཚུགས་ཀྱིས། །ཡང་ཡང་ཕྱིས་པའི་ནོར་བུའི་བ་གམ་གྱིས། །མངོན་པར་མཐོ་བའི་ཆོས་ཀྱི་རྒྱལ་ཐབས་ཆེ། །ངོ་མཚར་བྱེ་བས་མཛེས་པའི་ཉེ་དྲུང་དུ། ༢ །དཔག་བསམ་རྐང་བས་འཐུང་བས་དགའ་ཚལ་བཞིན། །ཡིད་ཅན་ཀུན་དགའི་འཇུག་ངོགས་གཅིག་གྱུར་པ། །ཁྱོད་ཞབས་དག་པའི་རིན་ཆེན་བཻ་ཌཱུཪྻར། །སྲས་བཅས་རྒྱལ་བས་ཤིས་པའི་མེ་ཏོག་འཐོར། ༣ །དེ་སླད་ལྷས་སྐྱོང་རིགས་ཀྱི་ལྕུག་ཕྲན་ཡང་། །དད་གསུམ་ངང་ཚུལ་རྒྱས་པའི་བརྟུལ་ཞུགས་ཀྱིས། །ཐལ་མོའི་ཆུ་སྐྱེས་སྤྱི་བོར་ཟུམ་དང་བཅས། །བསྔགས་བརྗོད་གཏམ་གྱི་རྒྱུད་མང་ཅུང་ཟད་བསྒྲེངས། ༤ །གང་ཚེ་བསོད་ནམས་རྒྱ་མཚོའི་རོལ་སྒེག་ནི། །ཡེ་ཤེས་འབིགས་བྱེད་རི་བོས་བསྲུབས་པ་ལས། །མཚན་དཔེའི་ཟླ་རིས་བྱས་པའི་དགེ་མཚན་གྱིས། །ས་གསུམ་བཀྲ་ཤིས་གསར་བའི་སྣང་བས་ཁྱབ། །བཅུ་ཕྲག་དྲུག་གི་སྤྲིང་ཡིག་དང་འགྲོགས་བཞིན། །ཆོས་ཕུང་གྲངས་མེད་འཆད་དང་སྒྲུབ་པ་ལ། །འཇམ་མགོན་གཉིས་པའི་ངོ་མཚར་འདིའོ་ཞེས། །བློ་ལྡན་བློ་ཡི་སྙེམས་པ་གཅིག་ཅར་འཕྲོག ༦ །གཟུང་འཛིན་འཁྲུལ་པ་དག་པའི་འོད་གསལ་དབྱིངས། །འཇུག་དང་ལྡང་བ་བྲལ་བ་སྙོམས་འཇུག་བཞིན། །ཇི་ལྟ་ཇི་སྙེད་གཟིགས་པའི་ཡེ་ཤེས་ནི། །སྲས་བཅས་རྒྱལ་བ་ཀུན་དང་མཉམ་པ་ཉིད། ༧ །ཁྱད་པར་འཕགས་མཆོག་ཕྱག་ན་པདྨོ་ཡི། །ཡོངས་རྫོགས་ཕྲིན་ལས་རྒྱ་མཚོར་དབང་བསྒྱུར་བས། །དེང་ནས་བཟུང་སྟེ་ཁོར་ལུག་རི་བོའི་ཁོངས། །རྫོགས་ལྡན་དུས་ཀྱི་དགའ་སྟོན་གསར་དུ་ཚུགས། །དེ་སོགས་བསྔགས་འོས་ཡོན་ཏན་མི་ཟད་པ། །སྤྲིན་བྲལ་ཉིན་མོར་བྱེད་པ་རྣམ་བརྟག་བློས། །ཐལ་མོའི་ཀུ་མུཏ་སྙིང་གར་ཟུམ་དང་བཅས། །སྒོ་གསུམ་གུས་པའི་དད་ཕྱག་ཉིན་བཞིན་སྟོབས། ༩ །ལྷག་བསམ་དག་པའི་ས་གཞིར་ལེགས་འཁྲུངས་པའི། །དངོས་འབྱོར་མེ་ཏོག་ཕྲ་མོ་འདིས་མཚོན་ཏེ། །ཡིད་སྤྲུལ་མཆོད་པའི་སྤྲིན་ཕུང་མཐའ་ཀླས་པས། །བྱང་ཆུབ་བར་དུ་བསྙེན་བཀུར་བགྱིད་ལ་ཕྱོགས། ༡༠ །གདུང་སེལ་གངྒཱའི་རྒྱུན་གྱི་ཞབས་བསིལ་དང་། །དབང་པོའི་མཚོན་གྱིས་བརྡར་བྱས་འཛད་མིན་པའི། །སྡིག་དང་ལྟུང་བ་ལས་བྱུང་སྒྲིབ་པའི་དྲི། །སྟོབས་བཞིའི་བདུད་རྩིའི་ཐིག་པས་ཡུད་ལ་སྦྱོངས། ༡༡ །མགོན་པོ་ཁྱོད་ཀྱི་བྱང་ཆུབ་སྤྱོད་པས་མཚོན། །འཕགས་དང་སོ་སྐྱེའི་ལེགས་བྱས་ཕུང་པོ་ལ། །ཡི་རང་ཨུཏྤལ་འཛུམ་སྒྲོས་གྲོལ་བ་ཡིས། །རྣམ་དཀར་འབྲས་བུ་ལྷན་ཅིག་དབང་དུ་བགྱི། ༡༢ །རིགས་ཅན་གསུམ་གྱི་འགྲོ་བ་མཐའ་ཀླས་པ། །རྨོངས་དང་མ་རིག་འཐིབ་བུས་ནོན་པ་ལ། །ཐར་པ་དམ་པའི་ལམ་བཟང་སྣང་བྱེད་པའི། །ཞི་བསིལ་བདུད་རྩིའི་སྒོ་བརྒྱ་འབྱེད་པར་གསོལ། ༡༣ །ལྷར་བཅས་ཡིད་ཅན་སྤྱི་དང་ཁྱད་པར་དུ། །འཛམ་བུའི་ལྗོན་པས་མཚན་པའི་སྨན་ལྗོངས་འདིར། །ཕན་བདེའི་བྱེད་པོ་གཅིག་གྱུར་ཐམས་ཅད་མཁྱེན། །ཞབས་པད་སྲིད་མཐའི་བར་དུ་བརྟན་པར་མཛོད། ༡༤ །དེ་ལྟར་བསགས་པའི་དགེ་ཚོགས་ལམ་གསུམ་རྒྱུན། །བྱང་ཆུབ་སྙིང་པོའི་རྒྱ་མཚོར་རོ་གཅིག་པས། །འཇིག་རྟེན་འཇིག་རྟེན་འདས་པའི་དགེ་ལེགས་ཀྱི། །བཀྲ་ཤིས་སྣང་བས་རྟག་ཏུ་ཁྱབ་གྱུར་ཅིག ༡༥ །སླར་ཡང་སྲིད་དང་ཞི་བ་ཡི། །དགེ་མཚན་རིན་ཆེན་བྱེ་བའི་ཕུལ། །ཁྱོད་ཞབས་བསྐལ་བརྒྱར་འཚོ་གཞེས་སླད། །ངག་གི་རྒྱུད་མང་འདི་སྐད་བསྒྲེངས། །ཤྲཱི་ཤྲཱི་ཤྲཱི་བི་ཛ་ཡནྟུ། གང་གིས་བསྙེན་པ་ཙམ་ནས་ཕན་བདེའི་མཆོག །སྦྱིན་ལ་ཙིནྟཱ་མ་ཎིས་མཚོན་མིན་པ། །བསོད་ནམས་བརྒྱ་ལས་གྲུབ་པའི་མཚན་དཔེའི་བྱིན། །རྟག་པ་རྒྱུན་གྱི་འཁོར་ལོ་ཞབས་བརྟན་གསོལ། ༡ །རྒྱལ་ཀུན་སོ་སོར་རྟོག་པའི་ཡེ་ཤེས་དང་། །འཇུག་པ་གཅིག་པའི་དབྱངས་ཀྱིས་དགེ་བྱས་པའི། །ཆོས་ཕུང་རྒྱ་མཚོའི་ངོ་མཚར་སྤྲོ་བཞིན་དུ། །ངེས་པར་ཞིང་ཁམས་འདི་ལས་ཡོལ་མེད་ཤོག ༢ །ཟད་དང་མི་སྐྱེ་ཤེས་པའི་ཡེ་ཤེས་ནི། །འགྱུར་བཅས་སྲིད་པའི་ཁམས་ལས་རྣམ་གྲོལ་ཕྱིར། །ཤིན་ཏུ་ཞི་བ་དམ་པའི་རྒྱལ་ཐབས་ལ། །འཆི་མེད་གྲུབ་པའི་རྣམ་ཐར་བཟུང་གྱུར་ཅིག ༣ །ཡོན་ཏན་མཐའ་ཀླས་བདུད་རྩིའི་དོ་ཤལ་དང་། །ཕྲིན་ལས་སྣང་བ་དཀར་པོས་ས་གསུམ་ན། །དོན་གཉིས་ངལ་འཚོ་མཆོག་ཏུ་རྒྱས་བཞིན་དུ། །འདིར་ཡང་ཡེ་ཤེས་གཟིགས་པས་ཁྱབ་པར་གསོལ། ༤ །མདོར་ན་སྐྱབས་ཀུན་འདུས་པའི་ཞལ་སྐྱིན་མགོན་པོ་ཁྱོད་ཀྱི་ཐུགས་རྗེ་ཡིས། །གནས་སྐབས་མཐར་ཐུག་སྨོན་པའི་དོན་ཀུན་ཡིད་བཞིན་འགྲུབ་པའི་དགེ་མཚན་གྱིས། །བསྟན་དང་འགྲོ་བའི་རྒུད་པ་ཀུན་ཞི་ཕུན་ཚོགས་འབྱོར་པས་མངོན་མཐོ་བའི། །བཀྲ་ཤིས་སྣང་བ་དམ་པའི་དཔལ་གྱིས་འཇིག་རྟེན་ཁམས་ཀུན་མཛེས་གྱུར་ཅིག །ཛ་ཡ་ཛ་ཡ་སུ་ཛ་ཡ། །ཞེས་པའང་ས་སྐྱོང་ཆོས་རྒྱལ་ཆེན་པོ་ནས་ཆབ་ཤོག་གི་ལམ་ནས་བསྐུལ་བ་ལྟར་རིགས་པར་སྨྲ་བ་ཚངས་སྲས་དགྱེས་པའི་བློ་ལྡན་གྱིས་བྲིས་ཏེ་ཕུལ་བ་དགེ། །། ༈

[edit]

sa skyong se nA shu b+ha nas srid skyong rwa bsgreng no mi han chen por khri phebs kyi legs 'bul stob pa'i yi ge/ sa skyong se nA shu b+ha nas srid skyong rwa bsgreng no mi han chen por khri phebs kyi legs 'bul stob pa'i yi ge me tog chun po zhes bya ba/_puN+yadz+nyAnabimuk+tabIdzakaM_bod+higar+b+hadzalak+ShaNaMshub+haiH_sdeb sbyor mnyam pa'i brit+ta'i bye brag dag pa'i snang ba'o/_/shAn+tab+hAbanatsUDabishramaMsishAsan+yagatiMrabirdzayA+eta/_/rnam grol bsod nams ye shes sa bon ni/_/byang chub snying por 'khrungs pa'i dge mtshan gyis/_/srid dang zhi ba'i gtsug na ngal 'tsho ba/_/yongs rdzogs bstan 'gro'i nyi ma rgyal gyur cig_1_/tshangs sogs che dgu'i 'dar ldan thor tshugs kyis/_/yang yang phyis pa'i nor bu'i ba gam gyis/_/mngon par mtho ba'i chos kyi rgyal thabs che/_/ngo mtshar bye bas mdzes pa'i nye drung du/_2_/dpag bsam rkang bas 'thung bas dga' tshal bzhin/_/yid can kun dga'i 'jug ngogs gcig gyur pa/_/khyod zhabs dag pa'i rin chen bai DUR+Yar/_/sras bcas rgyal bas shis pa'i me tog 'thor/_3_/de slad lhas skyong rigs kyi lcug phran yang /_/dad gsum ngang tshul rgyas pa'i brtul zhugs kyis/_/thal mo'i chu skyes spyi bor zum dang bcas/_/bsngags brjod gtam gyi rgyud mang cung zad bsgrengs/_4_/gang tshe bsod nams rgya mtsho'i rol sgeg ni/_/ye shes 'bigs byed ri bos bsrubs pa las/_/mtshan dpe'i zla ris byas pa'i dge mtshan gyis/_/sa gsum bkra shis gsar ba'i snang bas khyab/_/bcu phrag drug gi spring yig dang 'grogs bzhin/_/chos phung grangs med 'chad dang sgrub pa la/_/'jam mgon gnyis pa'i ngo mtshar 'di'o zhes/_/blo ldan blo yi snyems pa gcig car 'phrog_6_/gzung 'dzin 'khrul pa dag pa'i 'od gsal dbyings/_/'jug dang ldang ba bral ba snyoms 'jug bzhin/_/ji lta ji snyed gzigs pa'i ye shes ni/_/sras bcas rgyal ba kun dang mnyam pa nyid/_7_/khyad par 'phags mchog phyag na pad+mo yi/_/yongs rdzogs phrin las rgya mtshor dbang bsgyur bas/_/deng nas bzung ste khor lug ri bo'i khongs/_/rdzogs ldan dus kyi dga' ston gsar du tshugs/_/de sogs bsngags 'os yon tan mi zad pa/_/sprin bral nyin mor byed pa rnam brtag blos/_/thal mo'i ku muta snying gar zum dang bcas/_/sgo gsum gus pa'i dad phyag nyin bzhin stobs/_9_/lhag bsam dag pa'i sa gzhir legs 'khrungs pa'i/_/dngos 'byor me tog phra mo 'dis mtshon te/_/yid sprul mchod pa'i sprin phung mtha' klas pas/_/byang chub bar du bsnyen bkur bgyid la phyogs/_10_/gdung sel gang+gA'i rgyun gyi zhabs bsil dang /_/dbang po'i mtshon gyis brdar byas 'dzad min pa'i/_/sdig dang ltung ba las byung sgrib pa'i dri/_/stobs bzhi'i bdud rtsi'i thig pas yud la sbyongs/_11_/mgon po khyod kyi byang chub spyod pas mtshon/_/'phags dang so skye'i legs byas phung po la/_/yi rang ut+pal 'dzum sgros grol ba yis/_/rnam dkar 'bras bu lhan cig dbang du bgyi/_12_/rigs can gsum gyi 'gro ba mtha' klas pa/_/rmongs dang ma rig 'thib bus non pa la/_/thar pa dam pa'i lam bzang snang byed pa'i/_/zhi bsil bdud rtsi'i sgo brgya 'byed par gsol/_13_/lhar bcas yid can spyi dang khyad par du/_/'dzam bu'i ljon pas mtshan pa'i sman ljongs 'dir/_/phan bde'i byed po gcig gyur thams cad mkhyen/_/zhabs pad srid mtha'i bar du brtan par mdzod/_14_/de ltar bsags pa'i dge tshogs lam gsum rgyun/_/byang chub snying po'i rgya mtshor ro gcig pas/_/'jig rten 'jig rten 'das pa'i dge legs kyi/_/bkra shis snang bas rtag tu khyab gyur cig_15_/slar yang srid dang zhi ba yi/_/dge mtshan rin chen bye ba'i phul/_/khyod zhabs bskal brgyar 'tsho gzhes slad/_/ngag gi rgyud mang 'di skad bsgrengs/_/shrI shrI shrI bi dza yan+tu/_gang gis bsnyen pa tsam nas phan bde'i mchog_/sbyin la tsin+tA ma Nis mtshon min pa/_/bsod nams brgya las grub pa'i mtshan dpe'i byin/_/rtag pa rgyun gyi 'khor lo zhabs brtan gsol/_1_/rgyal kun so sor rtog pa'i ye shes dang /_/'jug pa gcig pa'i dbyangs kyis dge byas pa'i/_/chos phung rgya mtsho'i ngo mtshar spro bzhin du/_/nges par zhing khams 'di las yol med shog_2_/zad dang mi skye shes pa'i ye shes ni/_/'gyur bcas srid pa'i khams las rnam grol phyir/_/shin tu zhi ba dam pa'i rgyal thabs la/_/'chi med grub pa'i rnam thar bzung gyur cig_3_/yon tan mtha' klas bdud rtsi'i do shal dang /_/phrin las snang ba dkar pos sa gsum na/_/don gnyis ngal 'tsho mchog tu rgyas bzhin du/_/'dir yang ye shes gzigs pas khyab par gsol/_4_/mdor na skyabs kun 'dus pa'i zhal skyin mgon po khyod kyi thugs rje yis/_/gnas skabs mthar thug smon pa'i don kun yid bzhin 'grub pa'i dge mtshan gyis/_/bstan dang 'gro ba'i rgud pa kun zhi phun tshogs 'byor pas mngon mtho ba'i/_/bkra shis snang ba dam pa'i dpal gyis 'jig rten khams kun mdzes gyur cig_/dza ya dza ya su dza ya/_/zhes pa'ang sa skyong chos rgyal chen po nas chab shog gi lam nas bskul ba ltar rigs par smra ba tshangs sras dgyes pa'i blo ldan gyis bris te phul ba dge/__//__!