JKW-KABUM-02-KHA-001-011

🚧 This website is under continued development. We appreciate your patience!

Previous Text Back to Volume PageNext Text

Wylie title	dge 'dun 'dus pa'i sde la bsngags pa'i gtam char sprin rol mo
Location	mkhyen brtse'i bka' 'bum Volume 2, sde tshan 1, Text 11, Pages 38-40 (Folios 19b6 to 20b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dge 'dun 'dus pa'i sde la bsngags pa'i gtam char sprin rol mo. In 'jam dbyangs mkhyen brtse'i dbang po'i bka' 'bum, Vol. 2: 38-40. Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam

1 Texts in this Section (sde tshan or chos tshan)

11 38-40	དགེ་འདུན་འདུས་པའི་སྡེ་ལ་བསྔགས་པའི་གཏམ་ཆར་སྤྲིན་རོལ་མོ། dge 'dun 'dus pa'i sde la bsngags pa'i gtam char sprin rol mo Discourses - gtam	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དགེ་འདུན་འདུས་པའི་སྡེ་ལ་བསྔགས་པའི་གཏམ་ཆར་སྤྲིན་རོལ་མོ་ཞེས་བྱ་བ། ཀ༷་དམ་པ་ཅན་བསིལ་ཡབ་འཁྲིགས་པ་ལྟའི། །ཁ༷་དོག་མཛེས་པའི་འདུས་སྡེ་དམ་པ་ནི། །ག༷་བུར་འཛིན་པས་བསྐྱེད་པའི་ཨུཏྤལ་ལྟར། །ང༷་ཅག་སྙིང་དང་མིག་གི་བདུད་རྩིར་གྱུར། ༡ །ཅ༷་ཅོ་བྲལ་བའི་སྙན་པའི་དམ་ཆོས་དབྱངས། །ཆ༷་བྱད་ངུར་སྨྲིག་བགོས་པས་ལེགས་སྒྲོག་པ། །ཇ༷་ཆང་སྐྱེམས་ལས་ལྷག་པའི་སིམ་པ་ནི། །ཉ༷་རྒྱས་ཀུ་མུད་འཛུམ་ཕྲེང་དགོད་པ་བཞིན། ༢ །ཏ༷་ལའི་འཁྲི་ཤིང་གསར་པའི་བསིལ་ཡབ་དང་། །ཐ༷་དད་བསྟི་གནས་ཕོ་བྲང་མཛེས་པར་བཅས། །ད༷་གཟོད་མཐོང་ན་དགའ་བའི་བཀོད་པ་ནི། །ན༷་མར་ས་འཛིན་ཕྲག་པས་བསྟེན་པ་བཞིན། ༣ །པ༷་ལ་ཤ་ཡི་ཡལ་འདབ་ལྟར་སྒེག་པའི། །ཕ༷་རོལ་ཚུ་རོལ་མཛེས་པའི་ངུར་སྨྲིག་གོས། །བ༷་མཆོག་ཙིནྟ་མ་ཎིའི་རྗེས་འགྲོ་བའི། །མ༷་ལུས་དགོས་འབྱུང་དགེ་འདུན་རྣམས་ཀྱིས་བཟུང་། ༤ །ཙ༷་ན་བསོད་ནམས་འབྲས་བུ་རབ་འབྱུང་ཕྱིར། །ཚ༷་གྲང་གདུང་བ་སྐྱོབ་པའི་རྒྱ་ཕིབས་ནི། །ཛ༷མྦུ་ནཱ་ད་ཞུན་མས་ལེགས་བྱུགས་པས། །ཝ༷་ལྟར་ཉུལ་བའི་འབྱུང་པོའི་ཡིད་ཀྱང་འཆིང་། ༥ །ཞྭ༷་མོ་ལས་གཞན་རལ་པའི་ཟུར་ཕུད་སྤངས། །ཟ༷་འོག་ཇི་བཞིན་མ་འདྲེས་ཚུལ་ཁྲིམས་བསྲུང་། །འ༷་འུར་བྲལ་བའི་ཉེར་ཞིའི་བསམ་གཏན་ལ། །ཡ༷་བྲལ་ཙམ་མིན་རྟག་ཏུ་མཉམ་པར་འཇོག ༦ །རྭ༷་ལྟར་རེངས་པའི་བསམ་སྦྱོར་དང་བྲལ་ཞིང་། །ལ༷་ཀླུང་ཉུལ་བའི་མུ་ཏོའི་ཚུལ་ཀྱང་མིན། །ཤ༷་ཆང་ལོག་འཚོ་སྤངས་པའི་དགེ་འདུན་སྡེར། །ས༷་བཅུའི་བྱང་སེམས་རྣམས་ཀྱང་དགྱེས་པའི་རྒྱུ། ༧ །ཧ༷་རིའི་དྲི་བསུང་འཐུལ་བ་བསླབ་པའི་གནས། །ཆེས་ཆེར་བསྲུང་བའི་མངོན་རྟགས་ཉིད་ཡིན་ན། །ཨ༷་ལ་ལ་ཞེས་ངོ་མཚར་གད་མོའི་སྒྲས། །ས༷་བླའི་ལྷ་རྣམས་ཕན་ཚུན་སྦྲན་པ་བཞིན། ༨ །དེ་ལྟར་བསྔགས་པར་འོས་པའི་ཡོན་ཏན་གཏེར། །རྒྱ་མཚོ་ཆེན་པོའི་མཐའ་དང་མཉམ་གྱུར་མོད། །འདི་ན་ཅུང་ཟད་བླངས་པའི་དགེ་བ་དེས། །རང་གཞན་ཐར་པའི་མྱུ་གུ་འཕེལ་བར་ཤོག ༩ །སརྦ་སིདྡྷནྟུ།། །། ༈

[edit]

dge 'dun 'dus pa'i sde la bsngags pa'i gtam char sprin rol mo/__ dge 'dun 'dus pa'i sde la bsngags pa'i gtam char sprin rol mo zhes bya ba/_kaX dam pa can bsil yab 'khrigs pa lta'i/_/khaX dog mdzes pa'i 'dus sde dam pa ni/_/gaX bur 'dzin pas bskyed pa'i ut+pal ltar/_/ngaX cag snying dang mig gi bdud rtsir gyur/_1__/caX co bral ba'i snyan pa'i dam chos dbyangs/_/chaX byad ngur smrig bgos pas legs sgrog pa/_/jaX chang skyems las lhag pa'i sim pa ni/_/nyaX rgyas ku mud 'dzum phreng dgod pa bzhin/_2__/taX la'i 'khri shing gsar pa'i bsil yab dang /_/thaX dad bsti gnas pho brang mdzes par bcas/_/daX gzod mthong na dga' ba'i bkod pa ni/_/naX mar sa 'dzin phrag pas bsten pa bzhin/_3__/paX la sha yi yal 'dab ltar sgeg pa'i/_/phaX rol tshu rol mdzes pa'i ngur smrig gos/_/baX mchog tsin+ta ma Ni'i rjes 'gro ba'i/_/maX lus dgos 'byung dge 'dun rnams kyis bzung /_4__/tsaX na bsod nams 'bras bu rab 'byung phyir/_/tshaX grang gdung ba skyob pa'i rgya phibs ni/_/dzaXm+bu nA da zhun mas legs byugs pas/_/waX ltar nyul ba'i 'byung po'i yid kyang 'ching /_5__/zhwaX mo las gzhan ral pa'i zur phud spangs/_/zaX 'og ji bzhin ma 'dres tshul khrims bsrung /_/'aX 'ur bral ba'i nyer zhi'i bsam gtan la/_/yaX bral tsam min rtag tu mnyam par 'jog__6_/rwaX ltar rengs pa'i bsam sbyor dang bral zhing /_/laX klung nyul ba'i mu to'i tshul kyang min/_/shaX chang log 'tsho spangs pa'i dge 'dun sder/_/saX bcu'i byang sems rnams kyang dgyes pa'i rgyu/_7__/haX ri'i dri bsung 'thul ba bslab pa'i gnas/_/ches cher bsrung ba'i mngon rtags nyid yin na/_/aX la la zhes ngo mtshar gad mo'i sgras/_/saX bla'i lha rnams phan tshun sbran pa bzhin/_8__/de ltar bsngags par 'os pa'i yon tan gter/_/rgya mtsho chen po'i mtha' dang mnyam gyur mod/_/'di na cung zad blangs pa'i dge ba des/_/rang gzhan thar pa'i myu gu 'phel bar shog__9__/sarba sid+d+han+tu//___//_!_