JKCL-KABUM-09-TA-020: Difference between revisions
No edit summary |
No edit summary |
||
Line 2: | Line 2: | ||
|classification=Tibetan Publications | |classification=Tibetan Publications | ||
|subclass=Tibetan Texts | |subclass=Tibetan Texts | ||
|citation=[['jam dbyangs mkhyen brtse chos kyi blo gros]]. ''''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 9: . Bir, H.P.: Khyentse Labrang, 2012. | |fulltitletib=རིག་འཛིན་རྩ་རྒྱུད་སྒྱུ་འཕྲུལ་དྲྭ་བ། | ||
|fulltitle=rig 'dzin rtsa rgyud sgyu 'phrul drwa ba | |||
|citation=[['jam dbyangs mkhyen brtse chos kyi blo gros]]. ''rig 'dzin rtsa rgyud sgyu 'phrul drwa ba''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 9: 411-417. Bir, H.P.: Khyentse Labrang, 2012. | |||
|collectiontitletib=ཆོས་ཀྱི་བློ་གྲོས་བཀའ་འབུམ་ | |collectiontitletib=ཆོས་ཀྱི་བློ་གྲོས་བཀའ་འབུམ་ | ||
|collectiontitle=chos kyi blo gros bka' 'bum | |collectiontitle=chos kyi blo gros bka' 'bum | ||
|author='jam dbyangs mkhyen brtse chos kyi blo gros | |author='jam dbyangs mkhyen brtse chos kyi blo gros | ||
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ | |authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ | ||
|terma=No | |terma=No | ||
|jkcloutline=Eleven | |jkcloutline=Eleven | ||
Line 15: | Line 16: | ||
|volyigtib=ཏ་ | |volyigtib=ཏ་ | ||
|totalvolumes=12 | |totalvolumes=12 | ||
|textnuminvol=020 | |textnuminvol=020 | ||
|pagenumbers=411-417 | |||
|totalpages=7 | |||
|beginfolioline=1a | |||
|endfolioline=4a2 | |||
|totalfolios=4 | |||
|multivolumework=No | |||
|colophontib=ཅེས་པའང་རིག་འཛིན་པདྨའི་ཐུགས་རྗེ་དང་། ཌཱ་ཀིའི་བརྡ་ཡི་རྐྱེན་ལས་གཏན་ལ་ཕབ་པའོ།། | |||
|colophonwylie=ces pa'ang rig 'dzin pad+ma'i thugs rje dang /__DA ki'i brda yi rkyen las gtan la phab pa'o// | |||
|pdflink=File:JKCL-KABUM-09-TA-020.pdf | |pdflink=File:JKCL-KABUM-09-TA-020.pdf | ||
}} | }} | ||
Line 23: | Line 31: | ||
<onlyinclude> | <onlyinclude> | ||
{{TibP|༄༅། །རིག་འཛིན་རྩ་རྒྱུད་སྒྱུ་འཕྲུལ་དྲྭ་བ་བཞུགས། ། | {{TibP|༄༅། །རིག་འཛིན་རྩ་རྒྱུད་སྒྱུ་འཕྲུལ་དྲྭ་བ་བཞུགས། ། | ||
དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །བཅོམ་ལྡན་ཀུན་བཟང་འོད་མི་འགྱུར། །ཆོས་དབྱིངས་ཁྱབ་བརྡལ་ཆེན་པོ་ཆེ། །ཞིང་ཁམས་འབྱམས་ལས་འདས་པའི་དབུས། །རང་སྣང་ཤེས་རིག་འཁོར་དང་བཅས། །དུས་བཞི་མཉམ་པའི་དུས་དེ་ན། །སྒྲ་ཚིག་བརྗོད་ལས་འདས་པའི་གསུང་། །ཞིང་ཁམས་ཀུན་ཏུ་ཁྱབ་པར་འཕྲོ། རྒྱལ་བ་རྣམས་ནི་དགོངས་པས་བརྒྱུད། །སེམས་དཔའ་རྣམས་ལ་བརྡ་ཡི་བརྒྱུད། །རྣལ་འབྱོར་རིག་འཛིན་སྒྲ་ཚིག་གི །དུ་མ་ཉིད་དུ་སོ་སོར་གོ །དོན་དམ་ཉིད་ལ་དབྱེར་མེད་ཅིང་། །ཆོས་སྐུའི་དགོངས་པར་གཅིག་པའོ། །གླེང་གཞི་སྟེ་དང་པོའོ། །དེ་ནས་སྟོན་པ་འོད་མི་འགྱུར། །ཀུན་ཏུ་བཟང་པོ་དང་སྦྱོར་བའི། །ཡེ་ཤེས་སྐུ་ནི་རྣམ་པར་སྟོན། །དེ་ཚེ་རྡོ་རྗེ་སེམས་དཔའ་ཡི། །མཆོད་ཅིང་བསྟོད་དེ་གླེང་བསླང་གསོལ། །གླེང་བསླངས་བ་སྟེ་གཉིས་པའོ། །སྟོན་པ་མི་གསུང་དགྱེས་པར་བཞུགས། །ཟག་མེད་བདེ་བ་ཆེན་པོའི་སྒྲ། །ཕྱོགས་བཅུ་ཀུན་ཏུ་འཕྲོས་པ་ཉིད། །ཉིད་ཀྱི་ཐུགས་ཀར་བསྡུ་བྱས་ཏེ། །ཆོས་ཉིད་བྱ་རྩོལ་བྲལ་བའི་སྒྲས། །དེ་བཞིན་ཉིད་དུ་བཀའ་སྩལ་ཏོ། །འདས་དང་མ་འོངས་དེ་བཞིན་གཤེགས། །ཀུན་གྱི་དགོངས་པ་འདི་ཡིན་ཏེ། །རང་རིག་མ་བཅོས་བདེ་བ་ཆེ། །ཀ་ན་དག་ཅིང་མཐའ་དགུས་བྲལ། །གསལ་དང་སྟོང་པ་ཟུང་འཇུག་པའི། །རང་བྱུང་ཡེ་ཤེས་ཐོག་མཐའ་མེད། །གཞི་མེད་རྩ་བ་བྲལ་བའོ། །ཕོ་མོ་མ་ཡིན་ཁ་དོག་མེད། །མཚན་དང་མཚན་ཉིད་མཚན་བརྗོད་མེད། །ཐིག་ལེ་ཉག་གཅིག་འོད་ལྔའི་ཀློང་། །གཞོམ་དུ་མེད་ཅིང་བཅད་པ་དང་། །ཚིག་པར་བྱ་བ་ཡོངས་མེད་ཅིང་། །ནམ་མཁའི་རང་བཞིན་ཡེ་ཤེས་སྲོག །དངོས་པོ་དངོས་མེད་ཕྲ་རབ་ཀྱི། །རྡུལ་གྱི་ཆོས་འདས་རྣམ་པར་འདས། །བསམ་གྱིས་མི་ཁྱབ་ཕྱག་རྒྱ་ཆེ། །བརྟན་གཡོ་ཀུན་ལ་ཁྱབ་པར་གནས། །གཞི་ཡི་རྒྱུད་ཀྱི་སྐབས་ཏེ་གསུམ་པའོ། །ཐབས་ཀྱིས་ཟིན་དང་མ་ཟིན་ལས། །རིག་དང་མ་རིག་གཉིས་སུ་སྣང་། །མ་རིག་སེམས་ཅན་འཁོར་བར་འཁྲུལ། །རིག་ན་ཐམས་ཅད་དག་པ་སྟེ། །མ་དག་བཙལ་ཡང་མི་རྙེད་དོ། །འོན་ཀྱང་དྲི་མ་གློ་བུར་བ། །སྦྱོང་བྱེད་རིམ་གཉིས་ཏིང་འཛིན་བསྒོམ། །རྒྱུད་དག་ཤེས་རབ་མན་ངག་ལྡན། །ལྟ་དགོངས་དྲོད་ཐོབ་སློབ་དཔོན་གྱིས། །དབང་གི་ཆོ་གས་སྨིན་བྱས་པས། །རྡོ་རྗེ་བཞི་ཡི་ས་བོན་ཐེབས། །དེ་ཉིད་གོམས་པར་བྱེད་པ་ཡི། །བསྐྱེད་རིམ་བླ་མའི་དཀྱིལ་འཁོར་ནི། །བསྙེན་དང་ཉེ་བསྙེན་སྒྲུབ་པ་དང་། །སྒྲུབ་པ་ཆེན་པོའི་ཚུལ་གྱིས་ནི། །བསྐྱེད་དང་སྔགས་བཟླས་ཉེར་བསྡུ་ཡི། །རྣལ་འབྱོར་ཆུ་བོའི་རྒྱུན་བཞིན་བརྩོན། །ལམ་བསྐྱེད་པའི་སྐབས་ཏེ་བཞི་པའོ། །བསྐྱེད་པའི་སྣང་ཞེན་བཟློག་པའི་ཕྱིར། །རྫོགས་རིམ་རྣལ་འབྱོར་ཟབ་མོ་ནི། །ལུས་བསྲངས་རླུང་གི་དུག་བསལ་ནས། །སྐུ་ཡི་སྟངས་ར་རིག་འཛིན་གྱི། །བསྐྱེད་པ་ལེགས་པར་གསལ་བཏབ་ནང་། །སྟོང་ཆེན་སྒྲིབ་ཐོག་བྲལ་བ་ཡི། །དབུས་སུ་རྩ་ཡི་གཙོ་མོ་གསུམ། །འཁོར་ལོ་བཞི་ཡི་བརྒྱན་པ་དང་། །མས་སྣར་གཏུམ་མོ་རྃ་དམར་པོ། །རིལ་མ་ཙམ་དུ་བསྒོམ་པ་དང་། །ཡར་སྣར་ཐིག་ལེ་ཧྃ་ཡིག་གཟུགས། །རླུང་བསྐུར་མེ་འབར་རྩ་འཁོར་བསྲེགས། །མེ་ཡི་འོད་ཀྱིས་དྲོས་པ་ཡི། །དྲོད་དང་ཧྃ་ལས་བདུད་རྩིའི་རྒྱུན། །འཛགས་པས་བདེ་བའི་ཡེ་ཤེས་ཏེ། །ལྟེ་བར་དཀར་དམར་ཞལ་སྦྱོར་གྱི། །མི་རྟོགས་ཡེ་ཤེས་དྲངས་པ་ཡི། །ཐབས་ལ་གོམས་པས་གཞན་ལུས་ཀྱི། །ཕྱག་རྒྱ་བསྟེན་ལ་དབབ་ལྡོག་པའི། །ཡེ་ཤེས་དགའ་བ་ངོས་བཟུང་བས། །རྩ་མདུད་གྲོལ་ཞིང་ཐིག་ལེ་དང་། །རླུང་གི་དབུ་མར་སྡུད་པ་ལས། །ས་ཡི་ཡོན་ཏན་རྫོགས་པར་འགྱུར། །རྫོགས་རིམ་མཚན་བཅས་ཀྱི་སྐབས་ཏེ་ལྔ་པའོ། །ཐབས་ཀྱི་ཞུ་བདེས་དྲངས་པ་ལས། །མཚན་མ་མེད་པའི་ཡེ་ཤེས་སྙེད། །རྡུལ་བྲལ་ནམ་མཁའ་དྭངས་པ་ལ། །འོད་གསལ་ཉི་ཟླའི་དཀྱིལ་འཁོར་འཆར། །ཀ་ཏིའི་ལམ་བརྒྱུད་རང་རིག་གི །རང་གི་ཡེ་ཤེས་མངོན་སུམ་མཐོང་། །གཉིས་སུ་མེད་པའི་བློ་ཡི་ནི། །གཉིས་མེད་ཡེ་ཤེས་མངོན་དུ་བྱེད། །ལུས་ཀྱི་འབྱུང་བ་རང་དག་ཅིང་། །འཁྲུལ་པའི་རྟོག་ཚོགས་དབྱིངས་སུ་དག །གཟུང་དང་འཛིན་པ་ལས་གྲོལ་བའི། །ཆོས་སྐུའི་བཙན་ས་ཟིན་པར་འགྱུར། །རྫོགས་པ་མཚན་མེད་ཀྱི་སྐབས་ཏེ་དྲུག་པའོ། །ལམ་གྱི་ཡན་ལག་རྨི་ལམ་དང་། །སྒྱུ་ལུས་འོད་གསལ་འཕོ་བ་དང་། །བར་དོ་དག་ཀྱང་སྒོམ་པར་བྱ། །དྲན་དང་འདུན་པ་མི་གཡོ་བའི། །ཏིང་འཛིན་ཤིན་ཏུ་གསལ་བ་དང་། །དམ་ཚིག་རྣམ་པར་དག་པར་བྱ། །བླ་མར་མོས་བསྐྱེད་ཉམས་ཆག་སྐོང་། །ཚོགས་དང་གཏོར་མ་སྦྱིན་བསྲེག་དང་། །སྒྲུབ་ཅིང་མཆོད་དེ་དབང་བླང་རྣམས། །ལམ་གྱི་ཡན་ལག་གྲོགས་སུ་བཟུང་། །རིམ་གཉིས་ཀྱི་ཡན་ལག་གི་སྐབས་ཏེ་བདུན་པའོ། །སྤྲོས་བཅས་སྤྲོས་མེད་སྤྱོད་པ་ཡི། །བོགས་དབྱུངས་བརྟུལ་ཞུགས་མཐར་ཕྱིན་པས། །ཕྱི་ནང་གནས་རྣམས་ཀུན་ཏུ་རྒྱུ། །མཁའ་འགྲོའི་ཚོགས་དང་དགྱེས་དགུར་སྤྱོད། །དེ་ལྟར་སྤྱོད་པས་མཚམས་སྦྱར་ནས། །སྒྲིབ་གསུམ་ཡེ་ཤེས་མེ་ཡིས་བསྲེགས། །ཐིག་རླུང་དྭངས་མ་སྟོབས་སུ་གྱུར། །གཙུག་ཏོར་རྩེ་མོར་སོན་པ་ལས། །འཕོ་མེད་བདེ་བ་ཆེན་པོའི་སྐུ། །མཆོག་ཏུ་མི་འགྱུར་དེ་ཁོ་ན། །འབྲས་ཆོས་ཉེར་ལྔའི་བདག་ཉིད་ཆེ། །གཞན་ནས་མ་བྱུང་མ་བཙལ་ཞིང་། །གཞིར་རྫོགས་འབྲས་བུར་སྨིན་པའོ། །དེ་ལས་ནམ་མཁའི་མཐར་ཐུག་པར། །སྐུ་དང་ཡེ་ཤེས་ཕྲིན་ལས་ནི། །རྟག་ཁྱབ་མཛད་པ་འབད་མེད་པ། །འགྲོ་བའི་དཔལ་དུ་རང་ཤར་བའོ། །འབྲས་བུའི་སྐབས་ཏེ་བརྒྱད་པའོ། །རྩ་རྒྱུད་ཡེ་ཤེས་དྲྭ་བ་འདི། །ཀུན་ཏུ་བཟང་པོའི་ཐུགས་ཀྱི་བཅུད། །རྡོ་རྗེ་སེམས་དཔར་རབ་ཏུ་གཏད། །དེ་ཡི་ཐུགས་རྒྱུད་སྤྲུལ་པ་ཡི། །རིག་པ་འཛིན་པའི་ཐུགས་སུ་གདམས། །དུས་ཀྱི་ཐ་མར་སྣང་བར་འགྱུར། | དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །བཅོམ་ལྡན་ཀུན་བཟང་འོད་མི་འགྱུར། །ཆོས་དབྱིངས་ཁྱབ་བརྡལ་ཆེན་པོ་ཆེ། །ཞིང་ཁམས་འབྱམས་ལས་འདས་པའི་དབུས། །རང་སྣང་ཤེས་རིག་འཁོར་དང་བཅས། །དུས་བཞི་མཉམ་པའི་དུས་དེ་ན། །སྒྲ་ཚིག་བརྗོད་ལས་འདས་པའི་གསུང་། །ཞིང་ཁམས་ཀུན་ཏུ་ཁྱབ་པར་འཕྲོ། རྒྱལ་བ་རྣམས་ནི་དགོངས་པས་བརྒྱུད། །སེམས་དཔའ་རྣམས་ལ་བརྡ་ཡི་བརྒྱུད། །རྣལ་འབྱོར་རིག་འཛིན་སྒྲ་ཚིག་གི །དུ་མ་ཉིད་དུ་སོ་སོར་གོ །དོན་དམ་ཉིད་ལ་དབྱེར་མེད་ཅིང་། །ཆོས་སྐུའི་དགོངས་པར་གཅིག་པའོ། །གླེང་གཞི་སྟེ་དང་པོའོ། །དེ་ནས་སྟོན་པ་འོད་མི་འགྱུར། །ཀུན་ཏུ་བཟང་པོ་དང་སྦྱོར་བའི། །ཡེ་ཤེས་སྐུ་ནི་རྣམ་པར་སྟོན། །དེ་ཚེ་རྡོ་རྗེ་སེམས་དཔའ་ཡི། །མཆོད་ཅིང་བསྟོད་དེ་གླེང་བསླང་གསོལ། །གླེང་བསླངས་བ་སྟེ་གཉིས་པའོ། །སྟོན་པ་མི་གསུང་དགྱེས་པར་བཞུགས། །ཟག་མེད་བདེ་བ་ཆེན་པོའི་སྒྲ། །ཕྱོགས་བཅུ་ཀུན་ཏུ་འཕྲོས་པ་ཉིད། །ཉིད་ཀྱི་ཐུགས་ཀར་བསྡུ་བྱས་ཏེ། །ཆོས་ཉིད་བྱ་རྩོལ་བྲལ་བའི་སྒྲས། །དེ་བཞིན་ཉིད་དུ་བཀའ་སྩལ་ཏོ། །འདས་དང་མ་འོངས་དེ་བཞིན་གཤེགས། །ཀུན་གྱི་དགོངས་པ་འདི་ཡིན་ཏེ། །རང་རིག་མ་བཅོས་བདེ་བ་ཆེ། །ཀ་ན་དག་ཅིང་མཐའ་དགུས་བྲལ། །གསལ་དང་སྟོང་པ་ཟུང་འཇུག་པའི། །རང་བྱུང་ཡེ་ཤེས་ཐོག་མཐའ་མེད། །གཞི་མེད་རྩ་བ་བྲལ་བའོ། །ཕོ་མོ་མ་ཡིན་ཁ་དོག་མེད། །མཚན་དང་མཚན་ཉིད་མཚན་བརྗོད་མེད། །ཐིག་ལེ་ཉག་གཅིག་འོད་ལྔའི་ཀློང་། །གཞོམ་དུ་མེད་ཅིང་བཅད་པ་དང་། །ཚིག་པར་བྱ་བ་ཡོངས་མེད་ཅིང་། །ནམ་མཁའི་རང་བཞིན་ཡེ་ཤེས་སྲོག །དངོས་པོ་དངོས་མེད་ཕྲ་རབ་ཀྱི། །རྡུལ་གྱི་ཆོས་འདས་རྣམ་པར་འདས། །བསམ་གྱིས་མི་ཁྱབ་ཕྱག་རྒྱ་ཆེ། །བརྟན་གཡོ་ཀུན་ལ་ཁྱབ་པར་གནས། །གཞི་ཡི་རྒྱུད་ཀྱི་སྐབས་ཏེ་གསུམ་པའོ། །ཐབས་ཀྱིས་ཟིན་དང་མ་ཟིན་ལས། །རིག་དང་མ་རིག་གཉིས་སུ་སྣང་། །མ་རིག་སེམས་ཅན་འཁོར་བར་འཁྲུལ། །རིག་ན་ཐམས་ཅད་དག་པ་སྟེ། །མ་དག་བཙལ་ཡང་མི་རྙེད་དོ། །འོན་ཀྱང་དྲི་མ་གློ་བུར་བ། །སྦྱོང་བྱེད་རིམ་གཉིས་ཏིང་འཛིན་བསྒོམ། །རྒྱུད་དག་ཤེས་རབ་མན་ངག་ལྡན། །ལྟ་དགོངས་དྲོད་ཐོབ་སློབ་དཔོན་གྱིས། །དབང་གི་ཆོ་གས་སྨིན་བྱས་པས། །རྡོ་རྗེ་བཞི་ཡི་ས་བོན་ཐེབས། །དེ་ཉིད་གོམས་པར་བྱེད་པ་ཡི། །བསྐྱེད་རིམ་བླ་མའི་དཀྱིལ་འཁོར་ནི། །བསྙེན་དང་ཉེ་བསྙེན་སྒྲུབ་པ་དང་། །སྒྲུབ་པ་ཆེན་པོའི་ཚུལ་གྱིས་ནི། །བསྐྱེད་དང་སྔགས་བཟླས་ཉེར་བསྡུ་ཡི། །རྣལ་འབྱོར་ཆུ་བོའི་རྒྱུན་བཞིན་བརྩོན། །ལམ་བསྐྱེད་པའི་སྐབས་ཏེ་བཞི་པའོ། །བསྐྱེད་པའི་སྣང་ཞེན་བཟློག་པའི་ཕྱིར། །རྫོགས་རིམ་རྣལ་འབྱོར་ཟབ་མོ་ནི། །ལུས་བསྲངས་རླུང་གི་དུག་བསལ་ནས། །སྐུ་ཡི་སྟངས་ར་རིག་འཛིན་གྱི། །བསྐྱེད་པ་ལེགས་པར་གསལ་བཏབ་ནང་། །སྟོང་ཆེན་སྒྲིབ་ཐོག་བྲལ་བ་ཡི། །དབུས་སུ་རྩ་ཡི་གཙོ་མོ་གསུམ། །འཁོར་ལོ་བཞི་ཡི་བརྒྱན་པ་དང་། །མས་སྣར་གཏུམ་མོ་རྃ་དམར་པོ། །རིལ་མ་ཙམ་དུ་བསྒོམ་པ་དང་། །ཡར་སྣར་ཐིག་ལེ་ཧྃ་ཡིག་གཟུགས། །རླུང་བསྐུར་མེ་འབར་རྩ་འཁོར་བསྲེགས། །མེ་ཡི་འོད་ཀྱིས་དྲོས་པ་ཡི། །དྲོད་དང་ཧྃ་ལས་བདུད་རྩིའི་རྒྱུན། །འཛགས་པས་བདེ་བའི་ཡེ་ཤེས་ཏེ། །ལྟེ་བར་དཀར་དམར་ཞལ་སྦྱོར་གྱི། །མི་རྟོགས་ཡེ་ཤེས་དྲངས་པ་ཡི། །ཐབས་ལ་གོམས་པས་གཞན་ལུས་ཀྱི། །ཕྱག་རྒྱ་བསྟེན་ལ་དབབ་ལྡོག་པའི། །ཡེ་ཤེས་དགའ་བ་ངོས་བཟུང་བས། །རྩ་མདུད་གྲོལ་ཞིང་ཐིག་ལེ་དང་། །རླུང་གི་དབུ་མར་སྡུད་པ་ལས། །ས་ཡི་ཡོན་ཏན་རྫོགས་པར་འགྱུར། །རྫོགས་རིམ་མཚན་བཅས་ཀྱི་སྐབས་ཏེ་ལྔ་པའོ། །ཐབས་ཀྱི་ཞུ་བདེས་དྲངས་པ་ལས། །མཚན་མ་མེད་པའི་ཡེ་ཤེས་སྙེད། །རྡུལ་བྲལ་ནམ་མཁའ་དྭངས་པ་ལ། །འོད་གསལ་ཉི་ཟླའི་དཀྱིལ་འཁོར་འཆར། །ཀ་ཏིའི་ལམ་བརྒྱུད་རང་རིག་གི །རང་གི་ཡེ་ཤེས་མངོན་སུམ་མཐོང་། །གཉིས་སུ་མེད་པའི་བློ་ཡི་ནི། །གཉིས་མེད་ཡེ་ཤེས་མངོན་དུ་བྱེད། །ལུས་ཀྱི་འབྱུང་བ་རང་དག་ཅིང་། །འཁྲུལ་པའི་རྟོག་ཚོགས་དབྱིངས་སུ་དག །གཟུང་དང་འཛིན་པ་ལས་གྲོལ་བའི། །ཆོས་སྐུའི་བཙན་ས་ཟིན་པར་འགྱུར། །རྫོགས་པ་མཚན་མེད་ཀྱི་སྐབས་ཏེ་དྲུག་པའོ། །ལམ་གྱི་ཡན་ལག་རྨི་ལམ་དང་། །སྒྱུ་ལུས་འོད་གསལ་འཕོ་བ་དང་། །བར་དོ་དག་ཀྱང་སྒོམ་པར་བྱ། །དྲན་དང་འདུན་པ་མི་གཡོ་བའི། །ཏིང་འཛིན་ཤིན་ཏུ་གསལ་བ་དང་། །དམ་ཚིག་རྣམ་པར་དག་པར་བྱ། །བླ་མར་མོས་བསྐྱེད་ཉམས་ཆག་སྐོང་། །ཚོགས་དང་གཏོར་མ་སྦྱིན་བསྲེག་དང་། །སྒྲུབ་ཅིང་མཆོད་དེ་དབང་བླང་རྣམས། །ལམ་གྱི་ཡན་ལག་གྲོགས་སུ་བཟུང་། །རིམ་གཉིས་ཀྱི་ཡན་ལག་གི་སྐབས་ཏེ་བདུན་པའོ། །སྤྲོས་བཅས་སྤྲོས་མེད་སྤྱོད་པ་ཡི། །བོགས་དབྱུངས་བརྟུལ་ཞུགས་མཐར་ཕྱིན་པས། །ཕྱི་ནང་གནས་རྣམས་ཀུན་ཏུ་རྒྱུ། །མཁའ་འགྲོའི་ཚོགས་དང་དགྱེས་དགུར་སྤྱོད། །དེ་ལྟར་སྤྱོད་པས་མཚམས་སྦྱར་ནས། །སྒྲིབ་གསུམ་ཡེ་ཤེས་མེ་ཡིས་བསྲེགས། །ཐིག་རླུང་དྭངས་མ་སྟོབས་སུ་གྱུར། །གཙུག་ཏོར་རྩེ་མོར་སོན་པ་ལས། །འཕོ་མེད་བདེ་བ་ཆེན་པོའི་སྐུ། །མཆོག་ཏུ་མི་འགྱུར་དེ་ཁོ་ན། །འབྲས་ཆོས་ཉེར་ལྔའི་བདག་ཉིད་ཆེ། །གཞན་ནས་མ་བྱུང་མ་བཙལ་ཞིང་། །གཞིར་རྫོགས་འབྲས་བུར་སྨིན་པའོ། །དེ་ལས་ནམ་མཁའི་མཐར་ཐུག་པར། །སྐུ་དང་ཡེ་ཤེས་ཕྲིན་ལས་ནི། །རྟག་ཁྱབ་མཛད་པ་འབད་མེད་པ། །འགྲོ་བའི་དཔལ་དུ་རང་ཤར་བའོ། །འབྲས་བུའི་སྐབས་ཏེ་བརྒྱད་པའོ། །རྩ་རྒྱུད་ཡེ་ཤེས་དྲྭ་བ་འདི། །ཀུན་ཏུ་བཟང་པོའི་ཐུགས་ཀྱི་བཅུད། །རྡོ་རྗེ་སེམས་དཔར་རབ་ཏུ་གཏད། །དེ་ཡི་ཐུགས་རྒྱུད་སྤྲུལ་པ་ཡི། །རིག་པ་འཛིན་པའི་ཐུགས་སུ་གདམས། །དུས་ཀྱི་ཐ་མར་སྣང་བར་འགྱུར། ས་མ་ཡཿ རྒྱ་རྒྱ་རྒྱཿ མནྟྲ་གུཧྱཿ ཨ་ཏི་གརྦྷ་རྒྱཿ {{TibChung|ཅེས་པའང་རིག་འཛིན་པདྨའི་ཐུགས་རྗེ་དང་། ཌཱ་ཀིའི་བརྡ་ཡི་རྐྱེན་ལས་གཏན་ལ་ཕབ་པའོ།། །།}} }} | ||
</onlyinclude> | </onlyinclude> | ||
{{TsagliCall}} | {{TsagliCall}} |
Revision as of 17:45, 5 January 2022
Wylie title | rig 'dzin rtsa rgyud sgyu 'phrul drwa ba | |
---|---|---|
Location | chos kyi blo gros bka' 'bum Volume 9, Text 20, Pages 411-417 (Folios 1a to 4a2) | |
Author | འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ | |
Less details More details | ||
Citation | 'jam dbyangs mkhyen brtse chos kyi blo gros. rig 'dzin rtsa rgyud sgyu 'phrul drwa ba. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 411-417. Bir, H.P.: Khyentse Labrang, 2012. | |
Genre | ||
Colophon |
ཅེས་པའང་རིག་འཛིན་པདྨའི་ཐུགས་རྗེ་དང་། ཌཱ་ཀིའི་བརྡ་ཡི་རྐྱེན་ལས་གཏན་ལ་ཕབ་པའོ།། | |
ces pa'ang rig 'dzin pad+ma'i thugs rje dang /__DA ki'i brda yi rkyen las gtan la phab pa'o// |
1 Texts in this Section (sde tshan or chos tshan)
411-417
|
རིག་འཛིན་རྩ་རྒྱུད་སྒྱུ་འཕྲུལ་དྲྭ་བ། rig 'dzin rtsa rgyud sgyu 'phrul drwa ba
|
Text page View PDF |
[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]] |