JKCL-KABUM-04-NGA-006

🚧 This website is under continued development. We appreciate your patience!

Previous Text Back to Volume PageNext Text

ཨ། གདོད་ནས་སྣོད་བཅུད་རྣམ་དག་ཞིང་ཞེས་དགའ་རབ་རྡོ་རྗེའི་བླ་རྣལ།

Wylie title	a/ gdod nas snod bcud rnam dag zhing zhes dga' rab rdo rje'i bla rnal
Location	chos kyi blo gros bka' 'bum Volume 4, Text 6, Pages 23-24 (Folios 1a1 to 1b6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. a gdod nas snod bcud rnam dag zhing zhes dga' rab rdo rje'i bla rnal. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 4: 23-24. Bir, H.P.: Khyentse Labrang, 2012.
Genre	Guru Yoga Texts - bla ma'i rnal 'byor
Colophon	།དེ་ལྟར་བླ་སྒྲུབ་ཉུང་ངུ་འདི། །རྨིས་ཉམས་བརྡ་ཡིས་བསྐུལ་བ་དང་། །རིག་ངོར་གང་ཐོན་བྲིས་པ་འདིས། །རང་རིག་བླ་མར་གྲོལ་གྱུར་ཅིག །རབ་ཚེས་ཆུ་སྤྲུལ་ཟླ་བཅུ་ཚེས་བཅོ་ལྔ་ལ། ཀུན་བཟང་འོད་གསལ་སྙིང་པོས་སོ།།
	/de ltar bla sgrub nyung ngu 'di/__/rmis nyams brda yis bskul ba dang /__/rig ngor gang thon bris pa 'dis/__/rang rig bla mar grol gyur cig__/rab tshes chu sprul zla bcu tshes bco lnga la/__kun bzang 'od gsal snying pos so//

1 Texts in this Section (sde tshan or chos tshan)

23-24	ཨ། གདོད་ནས་སྣོད་བཅུད་རྣམ་དག་ཞིང་ཞེས་དགའ་རབ་རྡོ་རྗེའི་བླ་རྣལ། a/ gdod nas snod bcud rnam dag zhing zhes dga' rab rdo rje'i bla rnal Guru Yoga Texts - bla ma'i rnal 'byor	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

ཨ། གདོད་ནས་སྣོད་བཅུད་རྣམ་དག་ཞིང་། །ཡེ་སྟོང་ཆེན་པོའི་ངང་ཉིད་ལས། །རང་ལུས་ཕྱག་རྡོར་ཞི་བར་གསལ། །མདུན་མཁར་དབྱིངས་སྣང་མཐིང་ག་ཆེར། །ལྷུན་གྲུབ་འོད་སྣང་ཚོམ་བུར་བརྡལ། །དེ་དབུས་ཐིག་ལེ་འོད་ལྔའི་ཀློང་། །རིན་ཆེན་ཁྲི་རྐང་པད་ཉི་ཟླར། །ཐེག་མཆོག་བསྟན་པའི་ཤིང་རྟ་ཆེ། །དགའ་རབ་རྡོ་རྗེ་ལོངས་སྐུའི་ཆས། །ཞི་འཛུམ་དཀར་གསལ་མཚན་དཔེས་སྤྲས། །ཕྱག་གཡས་སྐྱབས་སྦྱིན་ཐད་ཀར་བརྐྱངས། །གཡོན་པས་སྟ་ཟུར་གདན་ལ་བརྟེན། །དར་ཤམ་རིན་ཆེན་རྒྱན་ཆས་མཛེས། །ཞབས་གཉིས་སེམས་སྐྱིལ་རྟ་བབས་ཚུལ། །སྐུ་ནི་འགྱིང་བག་ཚུལ་དུ་བཞུགས། །གནས་གསུམ་རྡོ་རྗེ་གསུམ་གྱིས་མཚན། །འོད་འཕྲོས་ཡེ་ཤེས་པ་སྤྱན་དྲངས། །ཆུ་ལ་ཆུ་བཞག་བཞིན་དུ་གྱུར། ཨཿ རང་རིག་བླ་མར་ལྟ་བའི་ཕྱག །སྣང་སྲིད་ཡེ་རྫོགས་མཆོད་པར་འབུལ། །སྡིག་ལྟུང་སྐྱེ་མེད་ཀློང་དུ་བཤགས། །མ་བྱས་དགེ་ལ་རྗེས་ཡི་རངས། །ལྷུན་གྱིས་གྲུབ་པའི་ཆོས་འཁོར་བསྐོར། །སྐྱེ་འཆི་མེད་པའི་ངང་དུ་བཞུགས། །ལྷུན་གྲུབ་གཞོན་ནུ་བུམ་སྐུར་བསྔོ། །སྐུ་གསུམ་ཆེན་པོར་བྱང་ཆུབ་ཤོག །ཨོཾ་ཨཱཿཧཱུྃ། རྡོ་རྗེ་སེམས་དཔའ་དགའ་རབ་དཔའ་བོ་ལ། །མི་ཕྱེད་གདུང་ཤུགས་དྲག་པོས་གསོལ་བ་འདེབས། །འོད་གསལ་དགོངས་པའི་རྩལ་ཆེན་རབ་རྫོགས་ནས། །འཕོ་ཆེན་འཇའ་ལུས་རྡོ་རྗེའི་སྐུ་ཐོབ་ཤོག །ཨོཾ་ཨཿ གུ་རུ་པྲ་ཛྙཱ་བྷ་ཝ་ཧེ་བཛྲ་སརྦ་སིདྡྷི་ཧཱུྃ། བླ་མའི་གནས་གསུམ་འབྲུ་གསུམ་ལས། །སྐུ་དང་སྔགས་ཕྲེང་ཕྱག་མཚན་དང་། །འབྲུ་གསུམ་འོད་ཟེར་བདུད་རྩིའི་རྒྱུན། །རང་གི་གནས་གསུམ་རིམ་ཅིག་ཆར། །ཞུགས་པས་དབང་ཐོབ་སྒྲིབ་བཞི་དག །ལམ་བཞི་བསྒོམ་ཞིང་སྣང་བ་བཞིའི། །ཕ་མཐར་ཕྱིན་པའི་ས་བོན་བཞག །མཐར་ནི་བླ་མ་དགྱེས་པ་ཆེས། །སྤྱི་བོ་ནས་བྱོན་སྙིང་དབུས་བཞུགས། །ཐུགས་ཀར་འོད་ལྔའི་ཀློང་དཀྱིལ་དུ། །ཀུན་བཟང་ཡབ་ཡུམ་བཞུགས་པ་ཡི། །ཐུགས་དབུས་ཐིག་ལེ་སྔོན་པོའི་སྟེང་། །ཨ་མཐར་ཀློང་དྲུག་ཡིག་འབྲུས་བསྐོར། །རང་གི་རྣམ་ཤེས་ཚོགས་ཐམས་ཅད། །དག་པའི་ཀློང་དུ་བསྟིམ་པ་དང་། །རིག་སྟོང་འོད་གསལ་ཆེན་པོའི་ངང་། །མ་གཡོས་རྡོ་རྗེའི་བཟླས་པ་དང་། །ངག་བཟླས་རླུང་བཟླས་ཅི་ནུས་བྱ། །ཐུན་མཐར་དགེ་བསྔོ་ལམ་ཁྱེར་སོགས། །རྗེས་ཀྱི་རིམ་པ་སྤྱི་ལྟར་རོ། །དེ་ལྟར་བླ་སྒྲུབ་ཉུང་ངུ་འདི། །རྨིས་ཉམས་བརྡ་ཡིས་བསྐུལ་བ་དང་། །རིག་ངོར་གང་ཐོན་བྲིས་པ་འདིས། །རང་རིག་བླ་མར་གྲོལ་གྱུར་ཅིག །རབ་ཚེས་ཆུ་སྤྲུལ་ཟླ་བཅུ་ཚེས་བཅོ་ལྔ་ལ། ཀུན་བཟང་འོད་གསལ་སྙིང་པོས་སོ།། །།

[edit]

a/__gdod nas snod bcud rnam dag zhing /__/ye stong chen po'i ngang nyid las/__/rang lus phyag rdor zhi bar gsal/__/mdun mkhar dbyings snang mthing ga cher/__/lhun grub 'od snang tshom bur brdal/__/de dbus thig le 'od lnga'i klong /__/rin chen khri rkang pad nyi zlar/__/theg mchog bstan pa'i shing rta che/__/dga' rab rdo rje longs sku'i chas/__/zhi 'dzum dkar gsal mtshan dpes spras/__/phyag g.yas skyabs sbyin thad kar brkyangs/__/g.yon pas sta zur gdan la brten/__/dar sham rin chen rgyan chas mdzes/__/zhabs gnyis sems skyil rta babs tshul/__/sku ni 'gying bag tshul du bzhugs/__/gnas gsum rdo rje gsum gyis mtshan/__/'od 'phros ye shes pa spyan drangs/__/chu la chu bzhag bzhin du gyur/__aH_rang rig bla mar lta ba'i phyag__/snang srid ye rdzogs mchod par 'bul/__/sdig ltung skye med klong du bshags/__/ma byas dge la rjes yi rangs/__/lhun gyis grub pa'i chos 'khor bskor/__/skye 'chi med pa'i ngang du bzhugs/__/lhun grub gzhon nu bum skur bsngo/__/sku gsum chen por byang chub shog__/oM AHhU~M/__rdo rje sems dpa' dga' rab dpa' bo la/__/mi phyed gdung shugs drag pos gsol ba 'debs/__/'od gsal dgongs pa'i rtsal chen rab rdzogs nas/__/'pho chen 'ja' lus rdo rje'i sku thob shog__/oM aH_gu ru pra dz+nyA b+ha wa he badz+ra sarba sid+d+hi hU~M/__bla ma'i gnas gsum 'bru gsum las/__/sku dang sngags phreng phyag mtshan dang /__/'bru gsum 'od zer bdud rtsi'i rgyun/__/rang gi gnas gsum rim cig char/__/zhugs pas dbang thob sgrib bzhi dag__/lam bzhi bsgom zhing snang ba bzhi'i/__/pha mthar phyin pa'i sa bon bzhag__/mthar ni bla ma dgyes pa ches/__/spyi bo nas byon snying dbus bzhugs/__/thugs kar 'od lnga'i klong dkyil du/__/kun bzang yab yum bzhugs pa yi/__/thugs dbus thig le sngon po'i steng /__/a mthar klong drug yig 'brus bskor/__/rang gi rnam shes tshogs thams cad/__/dag pa'i klong du bstim pa dang /__/rig stong 'od gsal chen po'i ngang /__/ma g.yos rdo rje'i bzlas pa dang /__/ngag bzlas rlung bzlas ci nus bya/__/thun mthar dge bsngo lam khyer sogs/__/rjes kyi rim pa spyi ltar ro/__/de ltar bla sgrub nyung ngu 'di/__/rmis nyams brda yis bskul ba dang /__/rig ngor gang thon bris pa 'dis/__/rang rig bla mar grol gyur cig__/rab tshes chu sprul zla bcu tshes bco lnga la/__kun bzang 'od gsal snying pos so//____//