JKCL-KABUM-09-TA-028-wylie

🚧 This website is under continued development. We appreciate your patience!

rtsa gsum pad+ma snying thig las/__/rig 'dzin bla ma'i sgrub pa ni/__/dben par mchod gtor tshogs byas la/__/sngon 'gro'i rim pa gzhan du shes/__/dngos gzhi bskyed rim bsgom pa ni/__/AHchos kun de bzhin nyid dbyings las/__/rang snang 'gags med snying rje'i rtsal/__/rang rig ngo bo hrIHdkar po/__/de nyid yongs gyur skad cig gis/__/ma hA gu ru pad+ma 'byung /__/a tsar+ya gzhon nu 'dzum khro'i nyams/__/rus rgyan stag sham dril g.yer 'phyangs/__/zhabs gnyis rgyal po rol pa'i stabs/__/g.yas g.yon rdo rje b+han+d+ha bsnams/__/man+dA ra ba sbas pa'i tshul/__/kha T+wA~M ka yi rnam par 'chang /__/lus nang rtsa gsum 'khor lo lnga'i/__/thugs kar ye shes rol pa rtsal/__/mi bskyod rdo rje sems dpa' mthing /__/rdo rje dril 'dzin yum la 'khyud/__/mgrin par pad+ma gar dbang dmar/__/pad+ma dril 'dzin yum la 'khyud/__/spyi bor 'jam dpal rdo rje dkar/__/ral gri glegs bam yum la 'khyud/__/thams cad zhi chags khro 'dzum ldan/__/dar dang rin chen rus pas brgyan/__/rtsa 'dab DA ki grangs med bzhugs/__/lhun grub rdo rje lus kyi grong /__/gdod nas yongs grub chen por gsal/__/rlung sngags dbyer med bzlas pa ni/__/lus dkyil lha rnams thugs ka ru/__/rang rang sngags kyi phreng bas bskor/__/de las 'od 'phros don gnyis byas/__/tshur 'dus rang la thim par sgom/__/oM a ra pa tsa na d+hIHoM ma Ni pad+me hU~M:__oM gu ru badz+ra satwa ru lu ru lu hU~M b+h+yo hU~M:__spyi dril/__oM AHhU~M badz+ra gu ru pad+ma sid+d+hi hU~M:__bsnyen pa dus grangs rtags bzhin sbyar/__/rig 'dzin dngos grub thob par 'gyur/__/mthar ni lte ba'i rtsa 'khor las/__/me sbar haM yig zhu ba'i rgyun/__/lus dkyil lha rnams dgyes pa bskyed/__/mthar ni 'od gsal chen por bzhugs/__/rjes kyi rim pa gzhan du shes/__sa ma ya/__gu h+ya/__zhes pa'ang shing glang smin zla'i tshes 2la gnas brtan dgon gsang sngags pho brang gi yang rtser pad+ma ye shes rdo rjes bris pa'o//__//