JKW-KABUM-02-KHA-001-021

🚧 This website is under continued development. We appreciate your patience!

Previous Text Back to Volume PageNext Text

རྡོ་རྗེའི་གནས་ཆེན་ཡེར་པ་བྱང་ཆུབ་ཤིང་གི་དགའ་ཚལ་ལ་བསྔགས་པའི་གཏམ་དྲང་སྲོང་གྲུབ་པའི་རྒྱན།

Wylie title	rdo rje'i gnas chen yer pa byang chub shing gi dga' tshal la bsngags pa'i gtam drang srong grub pa'i rgyan
Location	mkhyen brtse'i bka' 'bum Volume 2, sde tshan 1, Text 21, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rdo rje'i gnas chen yer pa byang chub shing gi dga' tshal la bsngags pa'i gtam drang srong grub pa'i rgyan. In 'jam dbyangs mkhyen brtse'i dbang po'i bka' 'bum, Vol. 2: . Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam
Colophon	།ཅེས་པའང་རྒྱལ་ཁམས་ཉུལ་པའི་དཱ་རི་དྲཱ་མཚོ་སྐྱེས་བླ་མ་དགྱེས་པའི་འབངས་ཀྱིས་གྲུབ་པའི་གནས་ཆེན་དེ་ཉིད་དུ་གསོལ་བ་བཏབ་པ་སརྦ་དཱ་སུ་ཤྲེ་ཡནྟུ།།
	ces pa'ang rgyal khams nyul pa'i dA ri drA mtsho skyes bla ma dgyes pa'i 'bangs kyis grub pa'i gnas chen de nyid du gsol ba btab pa sarba dA su shre yan+tu

1 Texts in this Section (sde tshan or chos tshan)

21 64-66	རྡོ་རྗེའི་གནས་ཆེན་ཡེར་པ་བྱང་ཆུབ་ཤིང་གི་དགའ་ཚལ་ལ་བསྔགས་པའི་གཏམ་དྲང་སྲོང་གྲུབ་པའི་རྒྱན། rdo rje'i gnas chen yer pa byang chub shing gi dga' tshal la bsngags pa'i gtam drang srong grub pa'i rgyan Discourses - gtam	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རྡོ་རྗེའི་གནས་ཆེན་སེར་བ་བྱང་ཆུབ་ཤིང་གི་དགའ་ཚལ་ལ་བསྔགས་པའི་གཏམ་དྲང་སྲོང་གྲུབ་པའི་རྒྱན་ཅེས་བྱ་བ། །ཨོཾ་སྭ་སྟི་སིདྡྷི་རསྟུ། བྱང་ཆུབ་སྙིང་པོར་འཆི༷་མེ༷ད་གྲུབ་པའི་བདུད་རྩིའི་དོ་ཤལ་གསར་པ་ནི། །ཅི་ཡང་བཟུང་བ་མཚོ་སྐྱེས་ཞབས་ཀྱི་རྣམ་པ་ཀུན་ལྡན་ཡེ་ཤེས་ཆེས། །བྱིན་རླབས་ཟླ༷་བ༷་ནོར་བུའི་སྙེམས་འཆང་རིག་འཛིན་དགྱེས་པའི་བྲག་ཕུ༷ག་ན། །སྲིད་ཞིའི་དགེ་མཚན་ཕྲག་བརྒྱའི་འཛུམ་དཀར་གཅིག་ཅར་དགོད་དེ་བསྔགས་པར་འོས། ༡ །གང་ན་ཟུང་འཇུག་སྒྱུ་མའི་བཀོད་པ་དང་། །རྗེས་མཐུན་པདྨཱ་ཀ་རའི་མཚན་དཔེའི་ཞལ། །རྣམ་ཐར་གསུམ་ལྡན་དབྱིངས་སུ་སྙོམས་འཇུག་པའི། །ངང་ཚུལ་སྲ་མཁྲེགས་བྲག་རིའི་བ་གམ་ཡོད། ༢ །གཡས་ཕྱོགས་གངས་ཅན་ལྷ་གཅིག་སྲོང་བཙན་རྗེའི། །བསམ་གཏན་ཟིལ་དངར་བཏུང་བའི་བསྟི་གནས་སུ། །འཕགས་མཆོག་ཕྱག་ན་པདྨོའི་ཡེ་ཤེས་སྐུ། །འདུ་འབྲལ་སྤངས་པའི་དགེ་མཚན་རྟག་ཏུ་རྔམས། ༣ །གཡོན་ཕྱོགས་ཐབས་ཤེས་ཨེ་ཝྃ་ཟུང་འཇུག་པ། །རྡོ་རྗེ་དྲིལ་བུའི་མཚན་གྱི་སྒེག་འཆང་བར། །ཆོས་ཀུན་བདེ་ཆེན་སྡོམ་པའི་དཔྱིད་ཐིག་ལེ། །གཅིག་དང་ཐ་དད་བྲལ་བར་མངོན་སུམ་རོལ། ༤ །སྟེང་ཁར་སངས་རྒྱས་གཉིས་པ་པདྨ་སྐྱེས། །རྫུ་འཕྲུལ་རྡོ་རྗེའི་བཀོད་པར་དགྱེས་བཞིན་དུ། །བདེ་སྟོང་ཉེ་རྒྱུའི་འདུ་བར་སྤྱོད་པའི་གནས། །མཐོང་བའི་མོད་ནས་ཚེ་འདིའི་སྣང་ཞེན་འཇིལ། ༥།འོག་ཏུ་གངས་རིའི་ཡུལ་ན་སྔོན་མེད་པའི། །འཇིག་རྟེན་མིག་གཅིག་སྨྲ་བའི་ཉི་མ་ཆེ། །རྣམ་པར་སྣང་མཛད་སྲུང་བས་རིམ་གཉིས་ཀྱི། །བདུད་རྩིའི་མཆོག་དངོས་གྲུབ་པའི་པདྨོ་བཞད། ༦ །མདུན་ཕྱོགས་ལྷ་རི་འོད་གསལ་སྙིང་པོའི་མགུལ། །དཔལ་ལྡན་མར་མེ་མཛད་དཔལ་ཡབ་སྲས་ཀྱིས། །བསམ་ཡས་སྒྱུ་འཕྲུལ་བཀོད་པས་གསང་བའི་ཆོས། །འཇིགས་པ་མེད་པའི་སེང་གེའི་སྒྲ་ཆེན་བསྒྲགས། ༧ །གཞན་ཡང་མཁས་པའི་ཚོགས་རབ་བྱེ་བ་དང་། །གྲུབ་པའི་སྐྱེས་བུ་དུ་མས་བསྟེན་པའི་གནས། །ལྷ་དང་དྲང་སྲོང་དགྱེས་པའི་དགའ་ཚལ་ཆེར། །དཔའ་བོ་ཌཱ་ཀིས་རྡོ་རྗེའི་གར་གྱིས་རོལ། ༨ །མདོར་ན་དྲན་པས་སྲིད་བདེའི་འཁྲུལ་པ་ཞིག །སླེབ་པ་ཙམ་གྱིས་བདེ་ཆེན་ཡེ་ཤེས་སྐྱེད། །རྩེ་གཅིག་བསྒོམས་ན་མཆོག་དང་ཐུན་མོང་གི །དངོས་གྲུབ་མྱུར་དུ་སྦྱིན་པའི་གྲགས་པས་མཛེས། ༩ །དེ་སླད་སྲོག་དང་བཅས་པའི་ལུས་ནི་ཞི་བའི་ནགས་འདིར་མངོན་ཕྱོགས་ནས། །ཐ་མལ་སྣང་བའི་ཞེན་པ་ཇི་སྙེད་སྒྱུ་མའི་ལྷ་སྐུར་ཤར་བའི་མཐར། །བརྟན་དང་གཡོ་བའི་བྱེད་པ་མཐའ་དག་དྷཱུ་ཏཱིའི་ཕྱག་རྒྱར་སྦྱར་བ་ལས། །སྣང་གསུམ་འཕོ་ཆགས་སྤྲོས་པས་མི་ཕྱེད་འཆི་མེད་གྲུབ་པ་ཉིད་གྱུར་ཅིག ༡༠ །ཅེས་པའང་རྒྱལ་ཁམས་ཉུལ་པའི་དཱ་རི་དྲཱ་མཚོ་སྐྱེས་བླ་མ་དགྱེས་པའི་འབངས་ཀྱིས་གྲུབ་པའི་གནས་ཆེན་དེ་ཉིད་དུ་གསོལ་བ་བཏབ་པ་སརྦ་དཱ་སུ་ཤྲེ་ཡནྟུ།། །། ༈

[edit]

rdo rje'i gnas chen yer pa byang chub shing gi dga' tshal la bsngags pa'i gtam drang srong grub pa'i rgyan/__ rdo rje'i gnas chen ser ba byang chub shing gi dga' tshal la bsngags pa'i gtam drang srong grub pa'i rgyan ces bya ba/_/oM swa sti sid+d+hi rastu/_byang chub snying por 'chiX meXd grub pa'i bdud rtsi'i do shal gsar pa ni/_/ci yang bzung ba mtsho skyes zhabs kyi rnam pa kun ldan ye shes ches/_/byin rlabs zlaX baX nor bu'i snyems 'chang rig 'dzin dgyes pa'i brag phuXg na/_/srid zhi'i dge mtshan phrag brgya'i 'dzum dkar gcig car dgod de bsngags par 'os/_1__/gang na zung 'jug sgyu ma'i bkod pa dang /_/rjes mthun pad+mA ka ra'i mtshan dpe'i zhal/_/rnam thar gsum ldan dbyings su snyoms 'jug pa'i/_/ngang tshul sra mkhregs brag ri'i ba gam yod/_2__/g.yas phyogs gangs can lha gcig srong btsan rje'i/_/bsam gtan zil dngar btung ba'i bsti gnas su/_/'phags mchog phyag na pad+mo'i ye shes sku/_/'du 'bral spangs pa'i dge mtshan rtag tu rngams/_3__/g.yon phyogs thabs shes e wa~M zung 'jug pa/_/rdo rje dril bu'i mtshan gyi sgeg 'chang bar/_/chos kun bde chen sdom pa'i dpyid thig le/_/gcig dang tha dad bral bar mngon sum rol/_4__/steng khar sangs rgyas gnyis pa pad+ma skyes/_/rdzu 'phrul rdo rje'i bkod par dgyes bzhin du/_/bde stong nye rgyu'i 'du bar spyod pa'i gnas/_/mthong ba'i mod nas tshe 'di'i snang zhen 'jil/_5/'og tu gangs ri'i yul na sngon med pa'i/_/'jig rten mig gcig smra ba'i nyi ma che/_/rnam par snang mdzad srung bas rim gnyis kyi/_/bdud rtsi'i mchog dngos grub pa'i pad+mo bzhad/_6__/mdun phyogs lha ri 'od gsal snying po'i mgul/_/dpal ldan mar me mdzad dpal yab sras kyis/_/bsam yas sgyu 'phrul bkod pas gsang ba'i chos/_/'jigs pa med pa'i seng ge'i sgra chen bsgrags/_7__/gzhan yang mkhas pa'i tshogs rab bye ba dang /_/grub pa'i skyes bu du mas bsten pa'i gnas/_/lha dang drang srong dgyes pa'i dga' tshal cher/_/dpa' bo DA kis rdo rje'i gar gyis rol/_8__/mdor na dran pas srid bde'i 'khrul pa zhig__/sleb pa tsam gyis bde chen ye shes skyed/_/rtse gcig bsgoms na mchog dang thun mong gi__/dngos grub myur du sbyin pa'i grags pas mdzes/_9__/de slad srog dang bcas pa'i lus ni zhi ba'i nags 'dir mngon phyogs nas/_/tha mal snang ba'i zhen pa ji snyed sgyu ma'i lha skur shar ba'i mthar/_/brtan dang g.yo ba'i byed pa mtha' dag d+hU tI'i phyag rgyar sbyar ba las/_/snang gsum 'pho chags spros pas mi phyed 'chi med grub pa nyid gyur cig__10__/ces pa'ang rgyal khams nyul pa'i dA ri drA mtsho skyes bla ma dgyes pa'i 'bangs kyis grub pa'i gnas chen de nyid du gsol ba btab pa sarba dA su shre yan+tu//___//_!_