JKW-KABUM-20-WA-001-049

🚧 This website is under continued development. We appreciate your patience!

Previous Text Back to Volume PageNext Text

ངོར་ཨེ་ཝྃ་པའི་དཔོན་སློབ་རྡོ་རྗེ་འཛིན་པ་ངག་དབང་ལེགས་གྲུབ་དཔལ་བཟང་པོར་བརྡ་སྤྲོད་ཀུན་བཤད་ཀྱི་མཚན་འབུལ།

Wylie title	ngor e wa~M pa'i dpon slob rdo rje 'dzin pa ngag dbang legs grub dpal bzang por brda sprod kun bshad kyi mtshan 'bul
Location	mkhyen brtse'i bka' 'bum Volume 20, sde tshan 1, Text 49, Pages 84-87 (Folios 42b5 to 44a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. ngor e waM pa'i dpon slob rdo rje 'dzin pa ngag dbang legs grub dpal bzang por brda sprod kun bshad kyi mtshan 'bul. In 'jam dbyangs mkhyen brtse'i dbang po'i bka' 'bum, Vol. 20: 84-87. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog
Colophon	ཅེས་རྗེ་བཙུན་བླ་མ་དམ་པ་སུམ་ལྡན་རྡོ་རྗེ་འཛིན་པ་ཆེན་པོ་ང༷ག་དབ༷ང་ལེགས་གྲུ༷བ་སྙན་བརྒྱུད་བསྟན་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱིས། སྒྲ་སྙན་སྡེབ་སྦྱོར་སོགས་ཐ་སྙད་རིག་པའི་གནས་ལ་གསན་བསམ་མཐར་ཕྱིན་པར་གྲུབ་ནས་ལེགས་བཤད་ཀྱི་དགའ་སྟོན་ཁྱད་པར་ཅན་སྩོལ་བའི་སྐབས། འཇ༷མ་དབྱང༷ས་སྨྲ༷་བ༷འི་ཉི༷་མ༷་ཚ༷ངས་སྲ༷ས་དགྱེ༷ས་པ༷འི་ལ༷ང་ཚོ༷་ཞེས་མཚན་འབུལ་ཞབས་བརྟན་སྨོན་ཚིག་དང་འབྲེལ་བ་འདིའང་། ཟེ་ཆེན་མ་ཧཱ་པཎྜི་ཏ་འཇ༷མ་དབྱ༷ངས་དགྱེས༷་པ༷འི་བློ༷་གྲོ༷ས་དང་། ངེས་པར་ཐམས་ཅད་མཁྱེན་པ་གུ་ཎ་སཱ་ག་རའི་བཀའ་དྲིན་ལས་བརྡ་སྤྲོད་རིག་པའི་མིང་རྐྱང་ཙམ་ཞིག་ཐོས་པ་ཤཱཀྱའི་དགེ་སློང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོའམ། ཚངས་སྲས་དགྱེས་པའི་བློ་ལྡན་གདོང་དྲུག་དགའ་བའི་ལང་ཚོ་ཞེས་ཀྱང་བགྱི་བས་ཆེད་དུ་བརྗོད་པ་སརྦ་དཱ་ཀ་ལྱཱ་ཎཾ་བྷ་བ་ཏུ།།
	ces rje btsun bla ma dam pa sum ldan rdo rje 'dzin pa chen po ngaXg dbaXng legs gruXb snyan brgyud bstan pa'i rgyal mtshan dpal bzang po'i zhal snga nas kyis/___sgra snyan sdeb sbyor sogs tha snyad rig pa'i gnas la gsan bsam mthar phyin par grub nas legs bshad kyi dga' ston khyad par can stsol ba'i skabs/___'jaXm dbyangXs smraX baX'i nyiX maX tshaXngs sraXs dgyeXs paX'i laXng tshoX zhes mtshan 'bul zhabs brtan smon tshig dang 'brel ba 'di'ang /___ze chen ma hA paN+Di ta 'jaXm dbyaXngs dgyesX paX'i bloX groXs dang /___nges par thams cad mkhyen pa gu Na sA ga ra'i bka' drin las brda sprod rig pa'i ming rkyang tsam zhig thos pa shAkya'i dge slong bya bral ba 'jam dbyangs mkhyen brtse'i dbang po'am/___tshangs sras dgyes pa'i blo ldan gdong drug dga' ba'i lang tsho zhes kyang bgyi bas ched du brjod pa sarba dA ka l+yA NaM b+ha ba tu

1 Texts in this Section (sde tshan or chos tshan)

49 84-87	ངོར་ཨེ་ཝྃ་པའི་དཔོན་སློབ་རྡོ་རྗེ་འཛིན་པ་ངག་དབང་ལེགས་གྲུབ་དཔལ་བཟང་པོར་བརྡ་སྤྲོད་ཀུན་བཤད་ཀྱི་མཚན་འབུལ། ngor e wa~M pa'i dpon slob rdo rje 'dzin pa ngag dbang legs grub dpal bzang por brda sprod kun bshad kyi mtshan 'bul Official Letters - chab shog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ངོར་ཨེ་ཝྃ་པའི་དཔོན་སློབ་རྡོ་རྗེ་འཛིན་པ་ངག་དབང་ལེགས་གྲུབ་དཔལ་བཟང་པོར་བརྡ་སྤྲོད་ཀུན་བཤད་ཀྱི་མཚན་འབུལ་ཞབས་བརྟན་སྨོན་ཚིག་དང་བཅས་པ་འཆི་མེད་བདུད་རྩིའི་སྒྲ་དབྱངས་ཞེས་བྱ་བ་བཞུགས་སོ། །སྡེབ་སྦྱོར་མཉམ༷་པ༷འི་བྲྀ༷ཏྟ༷་ཡི་གེ་བཅུ་གཅིག་པ་གསུམ་བརྟན་ལ་སྤྱིར་རྣམ་གྲངས། ༢༠༤༨ མཆིས་པ་ལས། བྱེ་བྲག་ཨུདྡིཥྟ། ༢༥༨ ཀྱི་མཚམས་ནས་ཟིན་པ་ཨུ༷་པེ༷ནྡྲ༷་བཛྲ༷་ཞེས་བྱ་བའི་པྲསྟཱ་རས་མཛེས་པར་བྱས་པ་ཛ་ཡནྟུ། །དཾབདཾདཱ། ཨ༷མཱ༷ར༷ནཱཐསྱཀརུཎྱཙནྡྲཻ ར༷མཱ༷ར༷ནིཧྱོཏྶཔདེཧིཏུབྷྱཾ། འཆི་མེད་གྲུབ་པའི་བདུད་རྩིའི་བཅུད་ལེན་གྱིས། །འཆི་མེད་ཚེ༷་དང༷་ཡེ༷་ཤེས༷་མཆོག་སྦྱིན་པ། །འཆི་མེད་མགོན་པོའི་ཐུགས་རྗེའི་ཟླ་ཤེལ་གྱིས། །འཆི་མེད་རྟག་པའི་དག༷འ་སྟོན༷་ཁྱེད་ལ་སྩོལ༷། ༡ ། ༈ ཕྱི་མོ་མཉམ་པ་ཛཱ་ཏིའི་སྡེབ་སྦྱོར་ལས་འཕགས་མའི་དབྱངས་ཞེས་བྱ་བའི་པྲ་སྟཱ་རའོ། ། འཇ༷མ་དབྱང༷ས་སྨྲ༷་བ༷འི་ཉི༷་མ༷འི་བྱིན་རླབས་ཀྱིས། །བློ་གྲོས་ཨུཏྤལ་མཆོག་ཏུ་རྒྱས་པ་ལས། །ཚ༷ངས་སྲས༷་དགྱེ༷ས་པ༷འི་ལ༷ང་ཚོ༷་དར་བབས་པ། །སྲིད་ཞིའི་ཕྱོགས་ལས་རྣམ་པར་རྒྱལ་གྱུར་ཅིག ༢ །སྒྲིབ་གསུམ་ཆ་དང་བཅས་ལས་རྣམ༷་གྲོ༷ལ་བ། །ཤིན་ཏུ་ཞི་བ་དམ་པའི་ཡེ་ཤེས་ནི། །རྨད་བྱུང་གཟུ༷གས་སྐུ༷འི་སྣང་བ་རབ་འབར་བའི། །ཞབས་པད་བསྐལ་པ་རྒྱ་མཚོར་འཚོ་གཞེས་གསོལ། ༣ །ལུང་དང་རིག་པས་དག་པའི་མཁྱེན་དཔྱོད་ཀྱིས། །ཟབ་རྒྱས་ཆོས་ཕུང་རྒྱ་མཚོར་དབང་བསྒྱུར་ནས། །འཆ༷ད་རྩོ༷ད་རྩོ༷མ་ལ་འཇིགས་པ་མེད་པའི་དབྱངས། །སྲིད་པ་གསུམ་ན་ཀུན་ཏུ་སྙན་གྱུར་ཅིག ༤ །ཤེས་དང་ཤེས་བྱ་གཉིས་སུ་མི་ཕྱེད་པའི། །ཡེ༷་ཤེ༷ས་གཟི༷གས་པ༷་དམ་པས་སྐྱེ་འགག་དང་། །མཚན་མའི་སྤྲོས་པ་མཐའ་དག་བརྟུལ་བྱས་ཏེ། །འཆི་མེད་རྟག་པའི་བདེན་པ་མངོན་གྱུར་མཛོད། ༥ །བྲལ་སྨིན་ཡོ༷ན་ཏ༷ན་ནོར་བུའི་ཟ་མ་ཏོག །སྲས་བཅས་རྒྱལ་བ་དགྱེས་པའི་དགེ་མཚན་ཅན། །ཕན་བདེའི་འདོད་དགུ་ལྷུག་པར་འབེབས་པའི་དཔྱིད། །ངེས་པར་ཞིང་ཁམས་འདི་ལས་ཡོལ་མེད་ཤོག ༦ །མདོར་ན་བསླབ་དང་གྲོལ་བའི་བརྟུལ་ཞུགས་ཀྱིས། །མཁས་གྲུབ་རྒྱ་མཚོའི་གཙུག་ཏུ་ངལ་འཚོ་བའི། །ཕྲིན༷་ལ༷ས་སྣང་བ་དམ་པས་འཇིག་རྟེན་ན། །ཀུན་དགའི་དགའ་སྟོན་རྟག་ཏུ་སྦྱིན་གྱུར་ཅིག ༧ །ཅེས་རྗེ་བཙུན་བླ་མ་དམ་པ་སུམ་ལྡན་རྡོ་རྗེ་འཛིན་པ་ཆེན་པོ་ང༷ག་དབ༷ང་ལེགས་གྲུ༷བ་སྙན་བརྒྱུད་བསྟན་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱིས། སྒྲ་སྙན་སྡེབ་སྦྱོར་སོགས་ཐ་སྙད་རིག་པའི་གནས་ལ་གསན་བསམ་མཐར་ཕྱིན་པར་གྲུབ་ནས་ལེགས་བཤད་ཀྱི་དགའ་སྟོན་ཁྱད་པར་ཅན་སྩོལ་བའི་སྐབས། འཇ༷མ་དབྱང༷ས་སྨྲ༷་བ༷འི་ཉི༷་མ༷་ཚ༷ངས་སྲ༷ས་དགྱེ༷ས་པ༷འི་ལ༷ང་ཚོ༷་ཞེས་མཚན་འབུལ་ཞབས་བརྟན་སྨོན་ཚིག་དང་འབྲེལ་བ་འདིའང་། ཟེ་ཆེན་མ་ཧཱ་པཎྜི་ཏ་འཇ༷མ་དབྱ༷ངས་དགྱེས༷་པ༷འི་བློ༷་གྲོ༷ས་དང་། ངེས་པར་ཐམས་ཅད་མཁྱེན་པ་གུ་ཎ་སཱ་ག་རའི་བཀའ་དྲིན་ལས་བརྡ་སྤྲོད་རིག་པའི་མིང་རྐྱང་ཙམ་ཞིག་ཐོས་པ་ཤཱཀྱའི་དགེ་སློང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོའམ། ཚངས་སྲས་དགྱེས་པའི་བློ་ལྡན་གདོང་དྲུག་དགའ་བའི་ལང་ཚོ་ཞེས་ཀྱང་བགྱི་བས་ཆེད་དུ་བརྗོད་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

ngor e wa~M pa'i dpon slob rdo rje 'dzin pa ngag dbang legs grub dpal bzang por brda sprod kun bshad kyi mtshan 'bul/ ngor e wa~M pa'i dpon slob rdo rje 'dzin pa ngag dbang legs grub dpal bzang por brda sprod kun bshad kyi mtshan 'bul zhabs brtan smon tshig dang bcas pa 'chi med bdud rtsi'i sgra dbyangs zhes bya ba bzhugs so/___/sdeb sbyor mnyamaX paX'i br-iXt+taX yi ge bcu gcig pa gsum brtan la spyir rnam grangs/___2048__mchis pa las/___bye brag ud+diSh+ta/___258__kyi mtshams nas zin pa uX peXn+d+raX badz+raX zhes bya ba'i prastA ras mdzes par byas pa dza yan+tu/___/daMbadaMdA/___aXmAXraXnAthas+yakaruN+yatsan+d+rai__raXmAXraXnih+yot+sapadehitub+h+yaM/___'chi med grub pa'i bdud rtsi'i bcud len gyis/___/'chi med tsheX dngaX yeX shesaX mchog sbyin pa/___/'chi med mgon po'i thugs rje'i zla shel gyis/___/'chi med rtag pa'i dgaX' stonaX khyed la stsolaX/___1_/_!__phyi mo mnyam pa dzA ti'i sdeb sbyor las 'phags ma'i dbyangs zhes bya ba'i pra stA ra'o/___/_'jaXm dbyangaXs smraX baX'i nyiX maX'i byin rlabs kyis/___/blo gros ut+pal mchog tu rgyas pa las/___/tshaXngs srasaX dgyeXs paX'i laXng tshoX dar babs pa/___/srid zhi'i phyogs las rnam par rgyal gyur cig__2__/sgrib gsum cha dang bcas las rnamaX groXl ba/___/shin tu zhi ba dam pa'i ye shes ni/___/rmad byung gzuXgs skuX'i snang ba rab 'bar ba'i/___/zhabs pad bskal pa rgya mtshor 'tsho gzhes gsol/___3__/lung dang rig pas dag pa'i mkhyen dpyod kyis/___/zab rgyas chos phung rgya mtshor dbang bsgyur nas/___/'chaXd rtsoXd rtsoXm la 'jigs pa med pa'i dbyangs/___/srid pa gsum na kun tu snyan gyur cig__4_/shes dang shes bya gnyis su mi phyed pa'i/___/yeX sheXs gziXgs paX dam pas skye 'gag dang /___/mtshan ma'i spros pa mtha' dag brtul byas te/___/'chi med rtag pa'i bden pa mngon gyur mdzod/___5__/bral smin yoXn taXn nor bu'i za ma tog__/sras bcas rgyal ba dgyes pa'i dge mtshan can/___/phan bde'i 'dod dgu lhug par 'bebs pa'i dpyid/___/nges par zhing khams 'di las yol med shog__6__/mdor na bslab dang grol ba'i brtul zhugs kyis/___/mkhas grub rgya mtsho'i gtsug tu ngal 'tsho ba'i/___/phrinaX laXs snang ba dam pas 'jig rten na/___/kun dga'i dga' ston rtag tu sbyin gyur cig__7__/ces rje btsun bla ma dam pa sum ldan rdo rje 'dzin pa chen po ngaXg dbaXng legs gruXb snyan brgyud bstan pa'i rgyal mtshan dpal bzang po'i zhal snga nas kyis/___sgra snyan sdeb sbyor sogs tha snyad rig pa'i gnas la gsan bsam mthar phyin par grub nas legs bshad kyi dga' ston khyad par can stsol ba'i skabs/___'jaXm dbyangaXs smraX baX'i nyiX maX tshaXngs sraXs dgyeXs paX'i laXng tshoX zhes mtshan 'bul zhabs brtan smon tshig dang 'brel ba 'di'ang /___ze chen ma hA paN+Di ta 'jaXm dbyaXngs dgyesaX paX'i bloX groXs dang /___nges par thams cad mkhyen pa gu Na sA ga ra'i bka' drin las brda sprod rig pa'i ming rkyang tsam zhig thos pa shAkya'i dge slong bya bral ba 'jam dbyangs mkhyen brtse'i dbang po'am/___tshangs sras dgyes pa'i blo ldan gdong drug dga' ba'i lang tsho zhes kyang bgyi bas ched du brjod pa sarba dA ka l+yA NaM b+ha ba tu//____//__!