JKW-KABAB-11-DA-008-wylie

🚧 This website is under continued development. We appreciate your patience!

@#/__/kun bzang thugs gter las/__yang dag zhi khro phur gsum gyi phrin las kyi byang bu grub gnyis nor bu'i rgya mtsho zhes bya ba bzhugs so/__/na mo gu ru shrI he ru kA ya/__/'khor 'das kun khyab rang rig byang chub sems/__/gdod nas dpal chen 'khor lor shar ba des/__/bde mchog sgyu ma'i phyag rgyas sgo gsum la/__/btab nas grub pa gcig pu'i dbugs dbyung stsol/__/gang de'i sgrub thabs bka' gter gyi/__/ring srol rgya mtsho'i snying po'i bcud/__/mchog grub thugs kyi ti la ka'i/__/phrin las bklags pas chog pa bsdeb/__/de la thog mar dben cing byin chags pa'i gnas su rten dang sgrub rdzas sogs skabs su babs pa'i gtor mchod rnams legs par tshogs nas/__phyi nang gsang ba'i khrus bya bar gsungs pas de ltar ram/__rdor sems he ru ka'i sgom bzlas tsam grub na legs/__phrin las kyi gzhung la gsum/__sngon 'gro/__dngos gzhi/__rjes kyi las rim mo/__/dang po la lnga/__thog mar kun rdzob tu mkha' khyab kyi sems can rnams la byams pa dang snying rje chen pos khyab par byas la/__/bdag dang mtha' yas sems can rnams/__/ye nas sangs rgyas yin mod kyang*/__/rtog pa'i dbang gis 'khor ba las/__/byang chub mchog tu sems bskyed do/__/don dam gyi sems lnga bskyed pa ni/__e ma'o ngo mtshar rmad kyi chos/__/rdzogs pa'i sangs rgyas kun gyi gsang*/__/skye ba med las thams cad skyes/__/skyes pa nyid nas skye ba med/__/e ma'o ngo mtshar rmad kyi chos/__/rdzogs pa'i sangs rgyas kun gyi gsang*/__'gag pa med la thams cad 'gags/__/'gags pa nyid nas 'gag pa med/__/e ma'o ngo mtshar rmad kyi chos/__/rdzogs pa'i sangs rgyas kun gyi gsang*/__/gnas pa med la thams cad gnas/__/gnas pa nyid nas gnas pa med/__/e ma'o ngo mtshar rmad kyi chos/__/rdzogs pa'i sangs rgyas kun gyi gsang*/__/dmigs pa med la thams cad dmigs/__/dmigs pa nyid nas dmigs pa med/__/e ma'o ngo mtshar rmad kyi chos/__/rdzogs pa'i sangs rgyas kun gyi gsang*/__/'gro 'ong med las 'gro dang 'ong*/__/'gro 'ong nyid nas 'gro 'ong med/__ces pa rnams kyis sems bskyed/__gnyis pa bgegs bskrad cing mtshams bcad pa ni/__chos nyid stong pa'i ngang las ni:__rang rig hU~M du gsal ba las:__'od kyis snod bcud dag par sbyangs:__tshur 'dus hU~M nyid gyur pa las:__bdag nyid rdo rje sems dpar bsam:__oM badz+ra yak+Sha nI lam ba ra d+ha ra da ha badz+ra pA Ni hU~M phaT:__thugs las rdo rje gnod sbyin tshogs:__'phros pas bgegs tshogs bskrad par bya:__oM badz+ra yak+Sha kro d+ha dz+wa la ha la ha la hU~M phaT:__hU~M:__rang bzhin dag pa'i chos rnams la:__sangs rgyas sems can gnyis med de:__ma rtogs pa dang log par rtog:__phyogs rtogs yang dag nyid ma rtogs:__lta ba sa 'phangs dmas pa dang :__sems kyi mdud pas bcings pa yis:__bzhi stong gcig la bar chad byed:__sems kyi don rnams ma rtogs shing :__ji ltar bstan kyang ma go ba:__'di ru 'dug pa'i skal med kyis:__sa phyogs 'di ru gnas ma byed:__lung chen 'di las khyed ma 'da':__gsang ba 'di las khyed 'das na:__de bzhin gshegs pa'i bka' bcag pas:__lus ngag sems bcas brlag par 'gyur:__de bas mi gnas gzhan du dengs:__oM badz+ra tsakra rak+Sha rak+Sha mu la tsu la rak+Sha rak+Sha hU~M hU~M hU~M:__badz+ra dz+nyA na dz+wa la raM:__zhes nga rgyal brtan pos bka' bsgo zhing gu gul yungs thun rol mo'i sgra dang bcas pas bar du gcod pa thams cad bskrad la/__hU~M:__mi rtog ye shes bgegs bsal nas:__mi 'gyur mi shigs rdo rje'i sku:__rdzogs pa'i ye shes mtshams bcad do:__oM shU n+ya ta dz+nyA na badz+ra swA b+hA wa At+ma ko\u0f85haM:__khro bo phyag mtshan gur du gtams:__phyi rol ye shes me ru 'bar:__ces don dam dang kun rdzob kyi srung 'khor brtan pos mtshams bsrung :__gsum pa tshogs bsags pa ni/__badz+ra sa mA ya dzaH__zhes rdo rje bsdu ba'i rgya byas/__dmigs med mkha' ltar dag cing khyab pa'i sku:__spyan drangs gshegs su gsol ba mi mnga' yang :__thugs rje'i ngang nyid chos skur dag pa las:__ye shes sgyu mar rol cing gshegs su gsol:__e h+ye hi b+ha ga wAn:__ma hA kA ru Ni kA dr-i sh+ya ho:__sa ma ya dza dza:__dzaHhU~M ba~M ho:__nges pa'i don ston ye shes 'byung ba'i mdzod:__ma rig mun pa sel ba'i ye shes sgron:__dus gsum bla ma rnams la phyag 'tshal lo:__tshe rabs sngon nas bsnyen cing bsgrubs pa'i lha:__dus gsum rgyal ba'i yon tan gter 'dzin pa:__sgrub mchog yi dam lha la phyag 'tshal lo:__thugs nyid zhi ba'i ngang las ma g.yos kyang :__drag shul thabs kyis 'gro ba 'dul mdzad pa:__rdo rje srin po'i tshogs la phyag 'tshal lo:__srid gsum 'joms pa'i lha la phyag 'tshal lo:__mnyam nyid ngang gis khro la phyag 'tshal lo:__khro bas longs spyod mdzad la phyag 'tshal lo:__rdo rje 'du 'phro'i tshogs la phyag 'tshal lo:__dus gsum rgyal ba kun gyis bsgrubs pa'i lha:__tshogs gnyis rdzogs nas yon tan mthar phyin pa'i:__sku dang ye shes tshogs la phyag 'tshal lo:__a ti pu ho:__pra ti pu ho:__gnyis med don gyi ngo bo la:__spros pa'i mtshan ma mi mnga' yang :__bde mchog ye shes rol par bsgrub slad du:__dges shing brtan par bzhugs su gsol:__badz+ra sa ma ya tiSh+Tha lhan:__phyi nang dngos 'byor yid las byung :__kun bzang mchod sprin rab 'byams kyis:__dus gsum 'du 'bral med par mchod:__badz+ra satwa pra tIts+tsha d+hU pe/__puSh+pe/__A lo ke__gan+d+he/__nai bi d+yA/__shap+da/__badz+ra lA se hU~M/__badz+ra mA le trA~M:__badz+ra gIrti hrI:__badz+ra nIrti A:__badz+ra pany+tsa a mr-i ta pU tsa AHhU~M:__badz+ra bo d+hi tsit+ta pU tsa AHhU~M:__spros pa'i mtshan ma mi mnga' yang :__sems can thar pa'i lam 'dren phyir:__gzugs skur bstan pa khyed la bstod:__'khor ba thog ma med pa nas:__sdig pa bdag gis bgyis pa dang :__bgyid du bdag ni stsal ba dang :__bgyid pa dag la rjes yi rang :__de dag so sor bshags par bgyi:__phyogs bcu'i sangs rgyas sgrub pa dang :__byang chub lam la zhugs pa dang :__gzhan dag dge ba bgyid pa la:__dad pas rjes su yi rang ngo :__phyogs bcu'i zhing khams rab 'byams su:__skal dang ldan pa'i sems can la:__zhi dang khro bas gang 'dul ba'i:__rmad byung chos kyi 'khor lo bskor:__rgyal ba 'khor dang bcas pa rnams:__ji srid snang ba gnas kyi bar:__de srid mya ngan mi 'da' bar:__'dul ba'i dbang gis bzhugs su gsol:__sangs rgyas rnams dang des gsung chos:__byang sems 'phags pa'i dge 'dun la:__dus 'di nyid nas bzung nas ni:__byang chub bar du skyabs su mchi:__rlung rtsa drod dang thig le'i bde ba la:__ma nor rim gyis bsgoms nas su:__'od gsal spros bral zung 'jug pa'i:__phyag rgya chen po'i lam 'di bsten par bgyi'o:__bsags pa'i dge ba thams cad dang :__mos pa gzhan la bgyis pa rnams:__'gro ba kun gyi don slad du:__bdag gis yongs su bsngo bar bgyi'o:__zhes pa rnams kyis bsags sbyong spel gsum byas la mthar/__dbang po dgyes pas 'od du zhu:__bdag la thim pas sdig sgrib dag:__ye shes gzi byin ldan par gyur:__ces bsgom/__bzhi pa sman gtor rak+ta phyi mchod rnams byin gyis brlab pa ni/__ra~M ya~M kha~M gis dag par sbyangs:__b+han+d+ha'i snod nang zla sogs steng :__'bru lnga rigs lnga yab yum bcas:__sbyor ba'i byang sems bdud rtsir dbab:__snod bcud yongs su bdud rtsir bskyil:__dbang po'i tshul du dbang chen sku:__shes rab bcas pas bdud rtsi srung :__oM AHhU~M badz+ra a mr-i ta hU~M hrIHThA:__lan gsum/__bdud rtsi myang la/__bdag rgyud kyi sgrib gnyis bag chags dang bcas pa sbyang par gyur:__gnas khang mchod rdzas rnams la 'thor/__mchod pa'i yo byad dam tshig gi rdzas rnam par dag pas nam mkha' gang bar gyur:__phyogs bcur 'thor la/__bdud rtsi'i rdul khro chung gi tshogs dpag tu med pas bgegs thams cad tshar bcad cing srung ba'i gur khang du gyur:__'bru gsum 'od kyi gtor ma dag:__sbyangs bsgyur 'dod yon lnga ldan bsam:__oM AHhU~M ma hA ba lin+ta pU dza hU~M:__lan gsum/__ra las khrag gi rgya mtsho che:__'dod chags dag pa'i ngo bor bsam:__ma hA rak+ta dz+wa la hU~M:__lan gsum/__phyi lnga rang rang lha mo'i tshogs:__dpag med sprin ltar 'khrigs pa'o:__oM sarba pU dza AHhU~M:__lnga pa tshad med bsgom pa ni/__snying rjes sdug bsngal gcod par byed:__byams pas kun la skyob pa ste:__byang chub sems dang ldan pas dga':__gzung 'dzin bral ba'i don la gnas:__don dam pa yi btang snyoms so:__zhes bsgom don yid la bkod nas tshig gis gsal 'debs pa ni/__/sems can bde dang ldan gyur cig__/sdug bsngal kun dang bral bar shog__/bde dang rtag tu mi 'bral zhing*/__/chos kun mnyam nyid rtogs par shog__/ces pa rnams kyis sngon 'gro song*/__gnyis pa dngos gzhi la gnyis/__zhi bar bsnyen/__khro bor sgrub pa'o/__/dang po la bskyed pa'i rnal 'byor ni/__aH__sangs rgyas tshe 'dir sgrub pa'i phyir:__sku gsum sa la goms par bya:__rigs kyi rigs te rigs kyi gtso:__thugs kyi thugs te thugs kyi mchog:__thig le ye shes gcig pa yi:__mi gnas ye shes chen po bsgom:__yang dag grub pa gcig pu nyid:__dang por chos kyi dbyings nyid la:__dmigs pa med pa'i don gyis bsgom:__mi dmigs chos dbyings de nyid do:__ma hA su kha hU~M:__rang rig spros bral nam mkha' dwangs pa'i dkyil lta bu'i ngang du blo bzhag pa ni de bzhin nyid do/___sangs rgyas bde chen kun 'dus pas:__chos kyi dbyings kyi ye shes kyis:__thams cad ma lus yongs la khyab:__rang bzhin 'od gsal kun tu snang :__tsit+ta swa b+hA ba:__rig pa rang bzhin gyis 'od gsal ba nyi ma'i snying po lta bu'i mdangs rtsal kun khyab snying rje chen por shar ba ni kun snang ngo*/__rnal 'byor zab mo sku gsum rdzogs:__ma skyes ngang las mngon gsal ba:__sems kyi rang bzhin ye shes gsal:__rgyu yi yi ge a rab gsal:__a:__stong nyid snying rje zung 'jug gi rang mdangs a dkar po lam gyis gsal ba rgyu'i ting nge 'dzin te/__de nas sa bon rnams rim par spros nas rten brten pa bsgom pa na/__s+pha ra Na phaT:__saM ha ra Na hU~M:__e ya~M ba~M su~M la~M b+h+rU~M:__yig 'bru lnga yi 'phro 'du las:__nam mkha' rlung dang bdag nyid mtsho:__rin chen sa gzhi ri rab mdzes:__ye shes me 'od kun tu 'bar:__b+h+rU~M:__cir yang 'gyur ba'i yig 'bru las:__'phros 'dus rin chen gzhal yas khang :__yid bzhin rin chen zur brgyad ldan:__seng ge glang chen rta rma te'u:__rin chen pad+ma nyi zla'i steng :__rgyu yi yi ge a rab gsal:__b+h+rU~M bi shwa bi shud+d+he badz+ra dz+nyA na tsakra rat+na maN+Da la b+h+rU~M:__a:__nam mkha'i dkyil nas ye shes shar:__'phro 'dus gsal bar gyur pa las:__kun bzang rdo rje sems dpar gsal:__mkha' 'gro sgyu ma bde mchog bde:__chos nyid mi 'gyur sku mdog mthing :__g.yas dkar gcig shos dmar ba'i mdangs:_rnam thar sku gsum dbu gsum mo:__phyag drug ye shes drug ldan pa'i:__rdo rje 'khor lo rin po che:__dril bu pad+ma ral gri'o:__dang po mnyam bzhag thabs shes ldan:__zhabs gnyis rdo rje skyil mo krung :__thabs shes zung 'jug dbyer med pa'o:__chos dbyings kun tu bzang mo yum:__zhal gcig phyag gnyis mthing ga'i mdog:__ye shes yab dang mnyam par sbyor:__dbyings rtags dril bu 'dzin pa'o:__zhi ba'i tshul dgu rab ldan cing :__dar dang rin chen rgyan gyis brgyan:__ye shes 'od zer 'bar ba bsgom:__nang rtags phyi ru brda bstan pas:__chos nyid rang rtsal go ba'i don:__thun mong thun mong ma yin pa'i:__mtshan dpe rab brgyan ma 'dres gsal:__ye shes lnga dang sku gsung thugs:___rang rtsal gdod nas dbang byin ldan:__hU~M badz+ra d+hr-ika:__mUM d+hA tu shwa ri ma hA su kha dz+nyA na d+hA tu A:__sarba ta thA ga ta dz+nyA na pany+tsa:__hU~M oM swA AMHhA:__kA ya wA ka tsit+ta oM AHhU~M:__de ltar lha skur phyag rgya bzhi ldan rgya gsal bar bsgoms nas rdzogs byed kyi yan lag rnams ni/__stong nyid ye shes me long las:__ma skyes mi 'gag gzugs skur snang :__mkha' la 'ja' tshon ji bzhin du:__dbyings las phyag rgyar bzhengs su gsol:__e h+ye hi b+ha ga bAn:__ma hA kA ru Ni kA__dr-i sh+ya ho:__sa ma ya s+t+waM:__dzaHhU~M ba~M hoH__dbyings kun rang bzhin rnam par dag pa la:__thugs rje'i dbang gis sprul pa'i skur bzhengs la:__sangs rgyas kun 'dus rgyal ba yab yum gtso:__rang snang thugs rje'i lha la phyag 'tshal lo:__a ti pu ho:__pra ti pu ho:__sems can don phyir nan tan mchog bskyed cing :__ye shes thugs rjes bdag la dgongs nas kyang :__mi dm-igs don phyir dngos grub mchog gyur rnams:__bdag la stsal shing brtan par bzhugs su gsol:__oM badz+ra sa ma ya s+t+waM:__oM badz+ra sa ma ya hoH__oM badz+ra sa ma ya a:__hU~M:__mi bskyod mthing ga dkar dmar zhal:__rdo rje 'khor lo rin po che:__dril bu pad+ma ral gri 'dzin:__yum yang gnyis su med par 'khril:__mi bskyod pa ni ye shes che:__mi g.yo ba ni sku yi rgya:__a ho:__dzaHhU~M ba~M ho:__na mo b+ha ga bAn sa man+ta pra ti:__sarba pU tsa ya:__i daM:__d+hU pe:__puSh+pe:__d+hI paM:__gan+d+he:__nai bi d+yA:__shap+da:__pU dza ho:__rang byung gdod nas rnam par dag:__rtsa brgyad stong la sbyar ba'i sman:__ye shes lnga rdzogs grub pa'i rdzas:__bde gshegs rgyal ba yab yum la:__rnam dag bdud rtsi'i mchod pa 'bul:__oM sarba pany+tsa a mr-i ta khA hi:__sku gsung thugs kyi dngos grub dang :__phrin las thugs rjes 'gro don dag:__rtsol med grub pa'i dngos grub stsol:__oM AHhU~M:sid+d+hi hU~M hU~M:__dri med rnam dag nam mkha'i rang bzhin la:__log rtog mtshan ma mang po'i sprin spangs te:__ye shes nyi zer 'od kyis rab brgyan te:__dag pa'i don du rtogs nas mchod par bgyi:__oM AHhU~M:__su ra to:__sa so ka ma la badz+ra amr-i ta:__ha ra Na:__b+ha ga wAn:__pU dza ho:__khA hi khA hi:__oM:__chos sku skye ba med pa'i rang bzhin las:__gzugs sku sgyu ma skye ba'i skur ston cing :__thugs rje kun las khyab pa'i don mdzad pa'i:__yi dam rgyal ba'i sku la phyag 'tshal bstod:__rang byung ye shes dag pa'i byin rlabs kyis:__bde gshegs rgyal ba yab yum dges rab mchog:__mnyes par rab kyi phul du gyur nas kyang :__thugs dam gnyan po yid bzhin bskang gyur cig:__de nas bzlas pa'i rim pa la gsum/__phyi'i bzlas pa ni/__rang gi thugs tsit+ta rin chen zur brgyad pa'i lte bar a:__de la zla bya'i sngags mu tig phreng ba lta bus bskor ba:__bzlas pa'i rkyen gyis 'od zer 'phros:__rgyal ba rnams kyi thugs dam bskul:__gzi byin thams cad sngags kyi rang bzhin rang sgra dang bcas pa tshur 'dus te bdag la thim pas dngos grub thams cad thob par bsams la/__oM AHhU~M sarba ta thA ga ta kA ya wA ka tsit+ta/__bo d+hi tsit+ta ma hA su kha hU~M A:__zhes rigs 'dus rtsa ba'i sngags nyid ci nus bzla/__nang gi bzlas pa ni/__dbugs phyir 'gro ba'i tshe thugs ka'i a las hU~M gsal la 'tsher ba zhig dbugs dang mnyam du thon/__nang du 'jug pa'i tshe de nyid oM du gyur nas nang du zhugs/__gnas pa'i tshe thugs ka'i a la thim pas zla ba'i sprin dengs pa ltar de nyid shin tu 'od gsal bar bsgoms la rdo rje'i bzlas pa bya ba'o/__/gsang ba'i bzlas pa ni/__thugs ka'i a la sems gtad de skye med brjod bral du rang bzhin gyis gnas pa la mnyam par 'jog pa'o/__/sgrub chen sogs spros pa rgyas pa'i skabs su 'di dag so so'i skul tshig kun bzang don sgrub las 'byung ba ltar bya'o/__/gnyis pa khro bo'i sgrub pa la/__dang po bskyed pa'i rim pa zhi ba nyid khrau bor gnas sgyur ba'i don tu ting nge 'dzin rnam gsum bsgom pa ni/__bde gshegs rgyal ba ma lus kun:__kun bzang ngang las ma g.yos kyang :__khro ba can la khro ba yis:__gdul phyir khro bo'i skur ston par:__chos sku'i rgyal bas 'di skad bskul:__ma bcos spros med byang chub snying po ni:__mkha' ltar mi 'gyur thig le stong pa ste:__ma rtogs blo la rtog pa'i ri mor snang :__thugs rje khros pas khro ba gdul du gsol:__longs spyod rdzogs sku'i rgyal ba yis:__e ma ho:__dang por dam bcas rgyal ba thugs dam can:__sku gsung thugs las sprul pa'i cho 'phrul gyis:__gdul dka' ma lus 'dul zhing tshar bcad nas:__ma bcos snying po'i ngang la 'god du gsol:__sprul sku'i rgyal bas gsol ba btab:__e ma:__shin tu gdug cing gtum pa las:__zhi bas phan par mi 'gyur te:__shes rab thabs kyi rol pa las:__khro bor de bzhin gshegs kun mdzad:__thugs rje'i 'od kyis phyogs bcur bskul:__rang snang rol par kun 'dus nas:__rngams pa'i gdangs kyis gdul bya'i phyir:__e ma thabs kyis gdul ba'i phyir:__thabs chen mchog ldan nga yin te:___snying rjes gdug pa bsgral phyir du:__che mchog thabs kyi khro bor bstan:__snying rje rang gnas mi g.yo bas:__zhi ba thams cad nga yi sku:__bdud 'dul dus las mi 'da' bas:__khro bo thams cad nga yin cing :__dus gsum kun tu nga 'byung 'gyur:__sngon med phyis med gdod nas byung :__snang srid ma bcos dpal chen he ru ka:__kun bzang rol pa spros med chos kyi sku:__he ni ye shes gsal ba'i sgra:__ru ni dbyings su sdud pa'i don:__ka ni byang chub sems chen po:__kun khyab rang snang dpal chen yab yum bsgom:__oM badz+ra ma hA shrI he ru ka hU~M:__ma hA kro d+hI shwa rI sa ma ya s+t+wa~M:__dam tshig pa bskyed pa ni/__rang byung dur khrod gzhal yas su:__zhal gsum phyag drug khro rgyal he ru ka:__g.yas dkar g.yon dmar dbus mthing zhal:__rdo rje kha T+wA~M rnge'u chung g.yas:__dril bu dung dmar rgyu zhags g.yon:__zhabs bzhi dregs pa pho mo mnan:__khro mo yum dang gnyis med rol:__dpal gyi chas brgyad sku la brgyan:__'bar ba'i gar dgus rab tu brjid:__khro bo'i tshul can khros pa yis:__'jig rten gsum dag sreg byed na:__sangs rgyas thugs rje khros pa yis:___khams gsum yongs sgrol smos ci dgos:__hU~M hU~M hU~M:__nga ni ye shes lnga yi bdag:__sku gsung thugs rdzogs byin dang ldan:__'khor 'das kun la rang dbang bsgyur:__che ba'i che mchog ye shes sems:__dz+nyA na pany+tsa hU~M hU~M hU~M hU~M hU~M:__oM AHhU~M:__dz+nyA na sa twa tsit+ta hU~M:__yab yum mkha' gsang byin brlabs la:__thugs las 'od 'phros rgyal ba'i tshogs:__thugs rje drag po'i don du bskul:__thams cad bdag gi spyi bor bsdu:__rdo rje gzhon nu rig 'dzin rnams:__srid pa rdo rje sgrub mdzod cig:__srid pa rdo rje phur bu'i lha:__ye shes khro bor grub par mdzod:__thams cad dges pas rol bar mdzod:__bde ba'i drod kyis 'od du zhu:__bdag gi dbu ma'i lam nas byon:__thugs kar hU~M chen sngon por gsal:__rdo rje khros pas zhe sdang 'joms:__nam mkha'i dkyil na thig pa shar:__mtshon chen sngon po'i yi ge hU~M:__srog gi go ru shar ba dang :__snying gi go ru gsal bar bsgom:__'gro ba sgrol bar thugs bskyed de:__dbyings las ye shes skur bzhengs phyir:__hU~M:__ngang nyid rdo rje chos dbyings las:__sangs rgyas kun gyi ye shes sku:__'bar ba'i khro bo mi bzad pa'i:__sku yi dbyig tu bdag bskyed cig:__hU~M:__thabs kyi spyod pas 'gro don du:__byams dang snying rje gang 'dul ba'i:__sangs rgyas phrin las rdzogs mdzad phyir:__dbang dang byin rlabs 'dir stsol cig:__de skad bskul bas yab yum gnyis:__bde chen mchog tu rol pa las:__hU~M chen gsang ba'i mkha' la phab:__skur byed dbang rnams rdzogs par bskur:__mkha' sgo bral te mdun nyid du:__brjid gsal tsham rngams 'bar ba'i sku:__g.yas dkar g.yon dmar dbus mthing ga:__rtse dgu rdo rje rtse lnga dang :__me dpung 'bar ba kha T+wA~M 'dzin:__phur bu rab tu dril zhing 'debs:__sku smad phur bu drag po'i dbal:__rab 'bar gnam lcags ngar ldan no:__rked pa rgya mdud chu srin kha:__khams gsum zil gnon dbang du byed:__sku la dur khrod chas brgyad gsol:__dpal gyi chas brgyad gar dgus brjid:__ral pa me dpung rgya mdud 'khyil:__sprul pa yang sprul sum sprul dang :__pho nya mang po sku las 'phro:__dug gsum bsgral ba'i e dkyil du:__bzod par dka' ba'i sku mchog bsgom:__de yi sku gsung thugs gnas su:__yi ge 'bru gsum gsal bar bsgom:__kha dog dkar dmar mthing nag go:__oM hrIHphaT:__de las 'od 'phros phyogs bcu yi:__rgyal ba'i sku gsung thugs dag gi:__dbyig bsdus gnyis med thim gyur pas:__rgyal ba'i sku gsung thugs kyi dngos:__dpag med sku gsung thugs dag gis:__'gro kun dbyings su sgrol bar bsgom:__snying rjes bsgral ba'i dam tshig ni:__bsad cing mnan pa ma yin te:__phung po rdo rjes rab bsgral nas:__rnam par shes pa rdo rjer bsgom:__thabs kyis bsgral ba'i skal dang mi ldan rnams:__thugs rje drag po'i shugs kyi myur du sgrol:__ces yang phur sbrags ma'i dkyil 'khor du gsal gdab/__de nas las kyi rim pa rnams kyis rdzogs par byed pa la/__ye shes kyi dkyil 'khor spyan drangs pa ni/__hU~M:__ye shes spyan gyi spyod yul las:__dpal chen khrag 'thung 'khor dang bcas:__sems can don slad dam tshig dgongs:__gnas 'dir ma lus gshegs su gsol:__oM e h+ye hi:__badz+ra a ral+li:__hrIng hrIng hrIng :__hU~M:__srid pa'i phur bu sgrub pa dang :__dbang dang dngos grub blang ba'i phyir:__ye shes khro bo gshegs su gsol:__badz+ra kI la ya e h+ye hi dzaHhU~M ba~M ho:__bzhugs su gsol ba ni/__che mchog mnyam sbyor 'bar ba'i dkyil 'khor 'dir:__thugs rje thabs kyis khro bo sku sprul nas:__gsang sngags rmad byung drag po'i phrin las rnams:__lhun gyis grub par byin gyis brlab tu gsol:__oM AHhU~M kA ya wA ka tsit+ta tiSh+Tha badz+ra:__'pho 'gyur med par brtan par bya ba ni/__bsam du med do sems nyid nam mkha' che:__brjod du med do rnam shes gzugs dang bral:__'du 'bral med do yum gyi mkha' la rdzogs:__rig pa'i ye shes gnas la 'pho 'gyur med:__shrI he ru ka d+hA tu swA b+hA wa ma hA su kha hU~M:__zil gyis mnan pa ni/__sku gsung thugs su bdag sbyor bas:__pho brang dkyil 'khor rang las sprul:__nga ni bdud kyi bdud bdag ste:__mkha' 'gro'i tshogs bcas ngas bsdu'o:__hU~M ha he phaT b+h+yo dzaHhU~M ba~M ho:__zhes pas 'khor 'das snang srid thams cad rang nyid las gzhan du med pa'i lta bas zil gyis mnan cing thag bcad do/__/phyag 'tshal ba ni/__spros med rtog bral mkha' dbyings dag pa la:__skye med rdo rje'i sku gsung thugs mnga' ba:__'gro mgon rang byung bcom ldan thugs rje'i lha:__'du 'bral med pa'i klong du phyag 'tshal lo:__a ti pu ho:__pra ti pu ho:__srid gsum gdug pa 'dul ba dang :__nga rgyal dregs pa gzhom pa'i phyir:__rdo rje srin po'i lha tshogs la:__rtse gcig yid kyis phyag bgyi'o:__de nas mchod pa rnams kyi thog mar phyag rgya gar ni/__sku bzhi kun la khyab par brdal ba'i sku:__zhal gsum phyag drug khro rgyal he ru ka:__g.yas dkar g.yon dmar dbus mthing zhal:__rdo rje kha T+wA~M rnge'u chung g.yas:__b+han+d+ha rgyu zhags khyung khra g.yon:__yum yang 'du 'bral med par 'khril:__ming dang mtshan ma rtog la mi gnas pas:__mi g.yo ba ni sku yi rgya:__sprul pa rgyan ni/__snang zhing srid pa'i 'dod yon rnams lnga po:__'byung lnga lha mo'i phyag na bsnams nas ni:__sprul pa rgyan gyi mchod pa 'di 'bul gyis:__srid gsum thig ler rdzogs pa'i dkyil 'khor la:__dgos pa'i bzhad sgras rol pa tshul bzhin mdzod:__sarba pU dzaHhoH__bdud rtsi sman ni/__hU~M:__rang byung gdod nas rnam par dag:__rtsa brgyad stong la sbyar ba'i sman:__rtsa ba 'bum phrag yangs pa'i bcud:__rigs lnga dam tshig lnga yi dngos:__ye shes lnga rdzogs grub pa'i rdzas:__rgyud drug sems can kun sgrol ba'i:__dug lnga sel ba'i bdud rtsi 'di:__dpal chen badz+ra he ru ka:__yum chen kro tI shwa rI ma:__sras mchog rdo rje phur bu la:__rnam dag bdud rtsi'i dam rdzas mnyes mchod 'bul:__nam mkha'i mtha' dang mnyam pa'i dkyil 'khor nas:__rig 'dzin mkha' 'gro ma sring thugs dam can:__rnal 'byor srung mar gyur pa mtha' dag la:__rnam dag bdud rtsi dam rdzas mnyes mchod 'bul:__thugs dam skongs la dngos grub stsol:__oM sarba ta thA ga ta ar+g+haM pra tIts+tsha hoH__sarba pany+tsa a mr-i ta kha raM khA hi:__don dam dmigs med thig le las:__dngos po med las dngos grub blang :__byang chub sems kyi sprin yin pas:__ji ltar dmigs pa bzhin du 'grub:__shrI he ru ka:__kA ya sid+d+hi oM:__wA ka sid+d+hi A:__tsit+ta sid+d+hi hU~M:__zhes mchod cing lhag ma dngos grub tu blang*/__rtog bral ye shes kyi mchod pa ni/__spros med rtog bral mkha' dbyings dag pa nas:__skye med rdo rje'i sku gsung thugs mnga' ba:__'gro mgon rang byung bcom ldan thugs rje'i lha:__zhi khro rab 'byams ma lus 'khor dang bcas:__stong nyid dbyings nas thugs dam rgyud bskul gyis:__sprul pa dbyings las rol cing gshegs:__dngos po mtshan ma bzung du med pa la:__ye shes rtog bral yid kyi mchod pa 'di:__stong nyid stong la rol cing bzhes mdzod la:__dgongs spyod zab mo'i thugs dam skongs gyur te:__skye med chos sku'i dngos grub stsal du gsol:__pany+tsa a mr-i ta:__b+ho d+hi tsit+ta ma hA rak+ta pU dza khA hi:__rmad byung gtor ma ni/__hU~M:__rmad du byung ba'i gtor ma dang :__'dod pa'i yon tan rnam lnga po:__chos dbyings skye ba med dbyings las:__ji ltar dmigs pa bzhin du dbul:__ma hA ba lin+ta pU dza khA hi:__gsang nan ni/__hU~M:__khyad par chen po sgrub pa rgyal ba'i bka':__snang srid snang ba chen po shar ba'i rgyu:__rgyu gnyis rkyen gsum sbyar ba'i bdud rtsi 'di:__dpal chen khrag 'thung tshogs la mchod pa 'bul:__stong pa dang ni 'dzin pa dang :__snang zhes bya ba rnam gsum po:__byang chub sems kyi mchod par 'bul:__bla med mchod pa 'di bzhes la:__dbang dang dngos grub stsal du gsol:__sarba pany+tsa a mr-i ta khA hi:__rak+ta la khA hi:__bo d+hi tsit+ta khA hi:__rak+ta khrag ni/__hU~M:__he ru ka yi gnas bcu dang :__dur khrod chen po'i gnas brgyad nas:__dpal chen khrag 'thung spyan drangs te:__dur khrod mchog gi gnas chen 'dir:__zhing chen gsar rnying tir bam bcas:__dmar gyi ar+g+haM rgya mtshor bskyil:__mkha' 'gro 'bar ba'i tshogs bcas rnams:__ma lus bzhes te rol par mdzod:__gti mug rtsad nas bcad pa'i phyir:__sha yi phung po mchod par bzhes:__'dod chags rtsad nas bcad pa'i phyir:__khrag gi rgya mtsho mchod par bzhes:__zhe sdang rtsad nas bcad pa'i phyir:__rus pa'i phung po mchod par bzhes:__sdug bsngal rtsad nas bcad pa'i phyir:__bde ba chen po mchod par bzhes:__mkhyen brtse nus ldan khro rgyal 'bar ba'i tshogs:__bdag 'dzin la sogs 'khrul pa'i dgra bgegs rnams:__bdag med chos nyid dbyings su bzhes par mdzod:__shrI he ru ka:__hU~M ha he phaT b+h+yo:__badz+ra kI la ya ma hA badz+ra:__ma raM kha raM khA hi:__hr-i da ya bi pa ta ya hU~M phaT:__ma hA mA~M sa rak+ta kiM ni ri ti bo d+hi tsit+ta kha raM khA hi khA hi:__bstod pa ni/__hU~M:__bde gshegs thams cad mnyam nyid thugs kyi ngang :__ma skyes rdo rje kun tu bzang po ni:__thabs la mkhas pas khro rgyal skur snang ba:__kun bzang he ru ka la phyag 'tshal bstod:__rnam dag sku la 'dod chags mi mnga' yang :__dgyes chen chags pas dpal chen sku la 'khril:__yab yum gnyis med bde chen lhun rdzogs sku:__yum chen dpal 'bar ma la phyag 'tshal bstod:__yab yum thugs las bskyed pa'i sras mchog ni:__bde chen thugs mchog ye shes rtse gcig pa:__gdug pa 'dul mdzad dus las mi 'da' ba'i:__badz+ra kI la ya la phyag 'tshal bstod:__ces pa tsam mam/__spro na don sgrub las 'byung ba'i phur bstod kyang sbyar/__smon lam gsol ba ni/__ho dgongs su gsol:__khams gsum chos nyid kyi dur khrod:__dug gsum sku gsung thugs kyi dkyil 'khor:__tsit+ta mkha' mnyam klong gi rgyal po:__kun gzhi ma bcos pa'i thig le:__yid ye shes sems dpar bzhugs pas:__thugs ye shes kyi klong na:__don dbyings dang ye shes gnyis su med de:__zla gam gcig dang mar me gcig tu don gsal te:__rtags thabs dang shes rab:__'bras bu sku gsung thugs:__dpal chen po ye shes kyi skur gsal ba yang :__thig le chen po ye shes kyi skur gyur cig:__de'i don gsal bar bsgoms pas:__sangs rgyas thams cad kyi rtsa ba ma bslad pa'i sems nyid:__gzhan du btsal mi dgos par:__rang la rang chas su grub kyang :__de nyid rtogs pa klong du mthar phyin te:__sangs rgyas par gyur cig:__'on kyang sangs rgyas dang :__sems can thams cad yid rang byung gi ye shes su:__brtsal ba med par sangs rgyas pa yin pas:__bdag kyang de bzhin du sangs rgyas par gyur cig:__hU~M a la la ho A:__bshags byang ni/__hU~M:__rtsa srog tsit+ta lus ngag yid gsum po:__gu h+ya gsang chen sku gsung thugs kyi mdzod:__kun gzhi'i klong nas rang byung ye shes shar:__shes rab zhan pas de ltar ma rtogs te:__don dam thig le gnyis su med par bshags:__ji ltar snang ba lha yi dkyil 'khor du:__snying po brjod pas thams cad rdzogs pa'i tshul:__dbyer med ngo bo rang rig chos kyi sku:__thabs la mkhas pas gnyis su med par bshags:__zhes pa rnams so/__/gnyis pa bzlas pa'i rim pa la spyir yang phur so sor sgrub pa dang sbrags sgrub gang byed kyang rtsa ba'i bsnyen pa dang sgrub pa chen po'i skabs su so sor bzla ba dang*/__sgrub mchod dbang bskur rgyun gyi rnal 'byor sogs la chun dril du bzla ba'i tshul gnyis su yod pa'i dang po la gsum/__bsnyen pa rang gi gnas sbyong ba/__nye bsnyen lha la 'phro 'du bya ba/__sgrub pa gnyis med kyi dgongs pa rtsal sbyong ba'o/__/dang po ni/__rang gi thugs tsit+ta rin chen 'bar ba'i gzhal yas khang par nyi ma'i dkyil 'khor gyi steng du ye shes sems dpa' rdo rje 'dzin pa kun tu bzang po'i cha lugs can/__de'i thugs rin chen zur brgyad pa'i dbus su rdo rje sngon po rtse lnga ba'i lte bar hU~M sngon po/__/rat+na zur brgyad la ru lu 'bru brgyad bklag phyogs su bskor ba/__ljags kyi rtsa bar pad+ma 'dab bzhi'i ge sar la snang ba mtha' yas/__de'i ljags pad+ma dmar po 'dab brgyad kyi lte bar AHdmar po la 'bru brgyad dmar pos bskor ba/__klad pa dung khang gi nang du zla ba'i dkyil 'khor gyi steng du rnam par snang mdzad/__de'i dung khang du 'khor lo dkar po rtsib brgyad pa'i lte bar oM dkar po la 'bru brgyad dkar pos bskor ba/__thams cad kyang mar me ltar 'bar zhing gsal ba'i 'od zer 'phro ba'o/__/zhes gsal brtan ma gyur gyi bar du bsgoms la/__oM ru lu ru lu hU~M b+h+yo hU~M:__zhes bzla'o/__/de nas/__thugs ka'i sngags phreng las gnyis pa 'phros/__ljags steng dang dung khang gi sngags phreng brgyud de rang sgra dang bcas shangs bug g.yas nas 'thon/__yum gyi shangs bug g.yon nas zhugs/__mkha' gsang brgyud de thugs srog sngags phreng la bar ma chad du thim par gyur/__ces sgom bzlas bya/__gnyis pa ni/__thugs ka'i sa bon sngags phreng dang bcas pa las 'od zer gser gyi ba thag lta bu 'phros/__rgyal ba rnams kyi thugs dam bskul/__slar 'dus te thugs kyi dpal be'u gang bar bsams la skyed med brjod bral gyi ngang la bzla/__ljags steng gi sa bon sngags phreng dang bcas pa la 'od zer mgar gyi tshwa tshwa lta bu 'phros/__rgyal ba rnams kyi gsung bskul/__slar 'dus te ljags kyi pad+ma gang bar bsams la sgra skad ru lu'i sgra grags stong 'u ru ru sgrogs par mos la bzla/__dung khang gi sa bon sngags phreng dang bcas pa las 'od zer mgal me klad la bskor ba lta bu 'phros/__rgyal ba rnams kyi sku la thim/__slar 'dus te sku'i 'khor lo gang bar bsams la lha sku phyag rgya chen po gsal stong dbyer med rang shar du dmigs te bzla'o/__/gsum pa ni/__thugs ka nas sngags kyi 'od zer 'phros/__rgyal ba rnams mchod pas mnyes/__sku gsung thugs kyi dngos grub thams cad 'od zer gyi rnam pas bdag la thim/__rigs drug gi sems can rnams kyi sgrib pa sbyangs/__snang srid thams cad dpal chen po'i skur gyur nas ru lu'i sgra 'brug stong ldir ba ltar sgrog par bsams la bzla'o/__/de nas phur pa'i bsnyen pa la/__sras mchog gi thugs kar nyi ma'i dkyil 'khor gyi steng du ye shes sems dpa' hU~M yig mthing nag gi mthar kI la 'bru dgus g.yas su bskor bar dmigs la/__oM badz+ra kI li kI la ya hU~M phaT:__ces 'od zer spro bsdu gong gsal gnyis med rtsal sbyong ltar bya'o/__/gnyis pa chun dril du bzla ba ni/__dmigs pa gong smos rnams tshangs ba'am mi lcogs na gnyis med rtsal sbyong ltar byas la/__/ru lu dang kI la ya gnyis sbrel mar bzla ba'am/__oM badz+ra shrI he ru ka badz+ra kI la ya:__ma hA tsaN+Da sarba duSh+tAM hU~M hU~M phaT:__ces pa'ang bzlas la stong tshig mchod bstod spyi ltar phul/__de rnams kyis dngos gzhi song*/__/gsum pa rjes kyi las rim la lnga/__tshogs kyi mchod pa/___yar gnas gtor 'bul/__mar gnas lhag chog__/srung ma'i gtor skyong*/__dkyil 'khor bsdu rim mthar dge dang bcas pa'o/__dang po la tshogs kyi yo byad rnams legs par bsham ste thog mar yungs thun dang bdud rtsi 'thor/__'khyil ba'i sngags brjod pas bgegs bskrad/__byin gyis brlab pa ni/__hU~M:__bdag nyid che mchog dpal gyi thugs ka nas:__ra~M ya~M kha~M gsum yig 'bru'i 'phro 'du yis:__tshogs kyi zhal zas 'dod pa'i longs spyod rnams:__mi gtsang dri ma nyes pa'i skyon rnams kun:__bsreg dang gtor dang bag chags sbyang bar bya:__badz+ra dz+wa la raM:__ya~M s+pha ra Na phaT:__khaM bi shud+d+ha\u0f85haM:__hU~M:__rang gi thugs ka'i sa bon las byung ba'i:__ya~M ra~M ka~M dang a yi 'phro 'du las:__rlung me thod skyed b+han+d+ha'i nang du ni:__bcud kyi snying po yi ge 'bru gsum bsam:__hU~M:__b+han+d+ha mtshan ldan rin chen snod nang du:__oM dang AHhU~M yi ge'i 'phro 'du las:__tshogs kyi zhal zas sha lnga bdud rtsi lnga:__zag med ye shes bdud rtsi'i rgya mtsho las:__'dod pa'i yon tan lnga dang ldan pa ru:__rgyal ba'i thugs dam bskang phyir byin gyis rlobs:__oM AHhU~M sarba ma hA pany+tsa a mr-i ta hU~M hrI:ThA:__tshogs rten spyan 'dren pa ni/__hU~M:__rab 'byams phyogs bcu'i 'jig rten na:__thugs mchog bde ba chen po yab yum dang :__rigs mchog lha dang lha mo'i 'khor dang bcas:__rgyal ba rgya mtsho rig 'dzin ma lus kun:__longs spyod tshogs la rol phyir gshegs su gsol:__oM badz+ra sa ma ya dza:__tshogs cha lnga bgos pa'i dang po mchod pa ni/__lha rnams thams cad tshogs pa la:__skye bo dam pa kun tshogs nas:___tshogs kyi zhal zas sna tshogs 'bul:__ye shes thugs rjes dgongs la bzhes su gsol:__mnyam pa'i grub rdzas chen po dag:__bdag dang mnyam pa'i tshogs la dbul:__bza' dang bca' dang btung dang bgo:__longs spyod lnga ldan thams cad ni:__dkyil 'khor la yang dkyil 'khor thim:__chos nyid la yang chos nyid rol:__snang srid skye med dbyings su bsgral:__zhe sdang 'od gsal mchod par bzhes:__snang stong chos nyid rol par sbyar:__'dod chags bde stong mchod par bzhes:__ma rig 'od gsal ngang du dag:__gti mug mnyam nyid mchod par bzhes:__ma hA ba lin+ta ga Na tsakra pU dza pra tIts+tsha ho:__kha kha khA hi:__gnyis pa bshags pa ni/__kun bral cir ma spangs pa'i mnyam nyid las:__ma rig bslu ba'i dbang gis ma rtogs te:__dngos 'dzin thugs dang 'gal ba ci mchis pa:__rang byung rnam dag ngang du mthol shing bshags:__zhes dang yi ge brgya pa brjod/__cha gsum pa bsgral bltab ni/__de la dm-igs pa'i rten byas la/__na mo dkon mchog gsum la phya 'tshal lo/__dkon mchog gsum gyi bka' bden pa dang*/__chos nyid rnam par dag pa'i bden pa dang*/__chos can rgyu 'bras bslu med pa'i bden=__zhi khro sgyu 'phrul rnam par rol pa'i lha tshogs rnams kyi bden pa=__sprul pa yang sprul phyag brnyan dang bcas pa'i bden=___bden pa chen po'i mthus/__ma rungs pa'i sems can bsgral ba'i zhing du gyur pa thams cad mtshan ma rdzas kyi rten 'di la mchis par gyur cig__/nr-i tri badz+ra ang+ku sha dza:__dzaHhU~M ba~M ho:__phur bu gdab ral gris gtubs la/__hU~M:__dam tshig chen po'i dus la bab:__sprul pa chen po'i dus la bab:__phyag brnyan chen po'i dus la bab:__shwa na mu kha'i=__bdag nyid chen mo'i dus=__sa bdag chen mo'i=__bka' nyan ging gi dus la bab:__khyed kyi dam tshig dus la bab:__dang po byang chub mchog tu sems bskyed cing :__dus gsum rgyal ba'i gdung sob pa'i:__rig 'dzin bdag cag rnams la ni:__sdang ba'i dgra dang gnod pa'i bgegs:__bdud dang bar du gcod pa dang :__dngos grub 'phrog cing 'tshe byed rnams:__khro bo chen po'i byin rlabs kyis:__yud tsam gyis ni 'dir bkug nas:__mngon spyod tshul bzhin bsgral ba dang :__sdug bsngal nyams su myong bar mdzod:__oM badz+ra kI li kI la dzaHhU~M ba~M ho:__ka taM ka ye dza ye bi dza ye a dzi te a pa ra dzi te ma ra se na pra mA ra ta na ya sarba big+h+nAn ba~M hU~M phaT:__bstab pa ni/__gong gsal rak+ta 'bul tshig__hU~M:__he ru ka yi gnas bcu sogs brjod la 'bul lo/__/cha bzhi pa rnal 'byor pa rnams la drangs te/__ho:__rmad byung gsang ba'i longs spyod 'dis:__bsod nams tshogs chen rmad byung rdzogs:__lha dang dbyer med chos nyid kyi:__ngang du rang byung ye shes rol:__ces 'bul len byas la nang gi sreg blugs kyi dgongs pas rol/__dme lhag bsdus la dkyil 'khor mdun lhag dkyil gyi steng du bzhag go__/gnyis pa ni/__'bul gtor dang tshogs cha lnga pa gnyis su byas pa'i cha gcig bsham/__bdud rtsi bran la rnge'u chung gi sgra dang bcas pas/__hU~M hU~M:__spros med rtog bral mkha' dbyings dag pa nas:__skye med rdo rje'i sku gsung thugs mnga' ba:__'gro mgon rang byung bcom ldan thugs rje'i lha:__zhi khro rab 'byams ma lus 'khor dang bcas:__stong nyid dbyings nas thugs dam rgyud bskul zhing :__sprul pa'i dbyings nas rol phyir gshegs su gsol:__ye shes rtog bral yid kyi mchod pa 'dis:__dgongs spyod zab mo'i thugs dam bskangs gyur te:__bdag la mtshan rtags sprul pa'i dngos grub stsol:__hU~M:__rtag chad g.yung drung nam mkha'i rang bzhin la:__thugs rjes khros pa'i sku mchog cir yang ston:__dus gsum rgyal ba'i thugs kyi ngo bo ni:__rab 'jigs khro bo'i rgyal po he ru ka:__srid gsum dpal mgon rnam thar dbu gsum ldan:__'gro drug thar mdzad phyag drug mtshon cha 'dzin:__skye bzhi rtsad gcod zhabs bzhi brkyang bskum bsgrad:__'bar ba'i thod phreng sbrul gyi gdub 'khor brgyan:__dur khrod chas brgyad mang pos klubs zhing brjid:__rdo rje'i gshog pas srid gsum zil gyis gnon:__mkha' 'gro'i rgyal po phrin las yid bzhin gter:__phyi nang ma sring mkha' 'gro sprin phung bcas:__dkyil 'khor 'dir gshegs mchod yon 'di bzhes la:__lha mchog khyed 'dra'i dngos grub bdag la stsol:__hU~M:__kro tI shwa ri dpal 'bar ma:__sku mdog mthing nag 'bar ba ste:__khams gsum srid la dbang sgyur zhing :__dbyings las 'phro 'du sna tshogs 'byin:__tsit+ta chen po mchog la rol:__'gro 'dul las kyis sems can don la brtson:__bud med tshogs kyi rje mo gshegs nas kyang :__'gro kun dbyings su grol ba'i dngos grub stsol:__kro tI shwa ri dpal 'bar ma:__rgyu las byung ba'i de bzhin gshegs:__lhan cig ma nor don mdzad ma:__mngags pa'i gnas su yud tsam gyis:__skad cig yud la dbang du byed:__sprul gcig myur du rnam rgyal dpal:__bdud dang ru dra dam las 'gal:__thal ba bzhin du rab tu rlog:__ha ha hi hi rol cig dgongs:__rol tu chug cig kha raM khA hi:__ma hA ru tra phaT phaT:__a li u li:__ta li ta pa li:__daMSh+tAM g+hu na ro lu tri:__khar ma yo gi ni:__khar ma khA hi:__hU~M hU~M:__gru gsum mthing nag 'bar ba'i dkyil 'khor nas:__dam tshig chen po gshegs=__sprul pa chen po gshegs su=__phyag brnyan chen po gshegs su gsol:__thugs dam bzhin du gshegs nas kyang :__rtags dang mtshan ma bstan pa dang :__dbang dang dngos grub stsal du gsol:__me phung 'bar ba'i klong dkyil na:__dpal chen rdo rjai phur bu'i lha:__khro bcu sprul pa khro mor bcas:__kun kyang 'jigs pa'i cha lugs can:__sku smad drag po'i phur bu yis:__dreg pa phyogs skyong 'khor bcas gzir:__dbu skra ral pa'i thor tshugs can:__gyen du 'khyil cing srid rtser 'bar:__mi mnyam khro gnyer zlog pa ni:__log par lta ba 'dul ba'i phyir:__ye shes mche ba gtsigs pa yis:__skye shi rtsa ba gcod pa'i tshul:__thugs rje ye shes byin rlabs las:__'bar ba'i phyag mtshan sna tshogs bsnams:__ngo mtshar rmad byung cho 'phrul las:__dur khrod dpal gyi chas kyis brjid:__thugs rje'i byin rlabs sprin phung gtibs:__byams pa'i 'od zer glog ltar 'gyu:__rngam pa'i nga ro 'brug stong ldir:__sprul pa'i gnam lcags ser chen 'bebs:__sngon gyi thugs dam chen po yis:__klan ka chen po bdud la tshol:__kyal ka chen po bgegs la byed:__thugs rje chen po'i byin rlabs kyis:__bdag la byin gyis rlobs mdzad cing :__bdag gi lhag pa'i bsam pa rnams:__khyed kyis grub par mdzad du gsol:__'khyil shing rgyan yang 'khyil ba ste:__brjod du mi gnas sku yi ngang :__sgra las 'das pa drag po'i gsung :__bsam dang bral zhing sgrol byed thugs:__sku gsung thugs kyi bdag la bstod:__khro mo dbang phyug sku la nyer 'khril ma:__thabs dang shes rab 'brel ba'i dkyil 'khor nas:__phra men mgo brnyan sku 'phros ma:__gdug pa 'dul mdzad de la phyag 'tshal bstod:__rmad byung gtor mas thugs dam gnyan po bskang :__bdud rtsi sman gyis dgyes par thugs dam bskul:__rak+ta dmar gyi mchod pa 'di bzhes la:__ye shes rol pa'i phrin las grub par mdzod:__a mr-i ta:__ba lin+ta:__rak+ta khA hi:__zhes sman raka bcas 'bul/__gsum pa ni/__dmar gtor dang tshogs cha gcig bcas dme lhag steng rkang gsum khar bzhag__/lhag mgron spyan drangs te/__thal mo dang bshugs pa bcas pas/__hU~M:__las kyi rdo rje byed par dam bcas pa'i:__lhag ma kha chu'i dam la gtogs so 'tshal:__don rnams ma lus ston cing 'phrogs ma yi:__dbang phyug chen po'i ci bgyi bka' nyan zhes:__las rnams zhal gyis bzhes pa'i phra men ma:__mdzes ma'i sku la 'jo sgeg tshul 'chang zhing :__me tog chun mdzes legs pa'i rked 'chings can:__rdo rje phra men ma dang phyag brnyan tshogs:__dpal 'bar khro mo'i rgyud la gtogs pa rnams:__bye ba 'bum phrag yangs pa'i sde dpon tshogs:__dbang phyug chen po'i las mdzod da tshur spyon:__dam tshig tshul bzhin mchod kyis gshegs su gsol:__badz+ra DA ki nI:__A kaD+D+ha ya a kaD+D+ha ya:__pra be sha ya pra be sha ya:__b+han+d+ha ya b+han+d+ha ya:__to sha ya to sha ya:__mo ha na mo ha na:__sarba DA ki nI:__A kar+Sha ya dzaHdzaH__oM badz+ra yak+sha rak+sha:__ma ma kro d+hI dzaHb+h+yo:__dzaHhU~M ba~M hoH__badz+ra DA ki nI:__e a ral+li hriM hriM dza:__zhes pas spyan drangs la/__oM badz+ra yak+sha rak+sha ma ma kro tI b+h+yo:__dun ting dun ting :__sa ma ya dzaHdzaHnan:__hrIHhU~M dzaH__zhes pas dbang du bsdus la gdan du gding*/__sa ma ya:__ar+g+haM pra be sha ya phaT:__zhal bsil cing ljags rdo rje'i sbu gu can du gyur par bsam/__oM g+ho ru dr-i sh+ya sa ma ya:__ar+g+haM pra tIts+tsha ba lin+ta pU dza khA hi:__badz+ra:__bud+d+ha:__rat+na:__pad+ma:__karma:__DA ki nI:__pra tIts+tsha ma hA ba lin+ta pU dza kha raM khA hi:__zhes pas phud la dgyes pa rnams rol par bsam/__tshogs de'i cha shas dme lhag tu bsre/__oM a mr-i ta i dan te na ra kan:__zhes kha chus bran la dam bcas par bsam:__oM sa ma ya gu ya ka ra sid+d+hI hU~M phaT:__ces dam tshig phog ste/__sngon gyi dam bcas pa dran par bsam/__oM AHhU~M sarba pany+tsa a mr-i ta hU~M hU~M badz+ra tsit+ta sa ma ya hU~M khA hi khA hi:__zhes bdud rtsi dbul/__sa ma ya/__ma hA ar+g+haM pra tIts+tsha ho:__ma hA rak+ta pU dza khA hi:__zhes pas rak+ta dbul/__sa ma ya ar+g+haM pra tIts+tsha ho:__ma hA ba lin+ta khA hi:__zhes gtor ma dbul/__hU~M:__mkha' 'gro ging dang lang ka chung mar bcas:__ma mo pho nya sprul pa 'bum sde'i tshogs:__dam tshig bzhin du phrin las dus la bab:__shwa na mu kha'i dus la bab:__bdag nyid chen mo'i=__sa bdag chen mo'i=__bka' nyan ging gi dus la bab:__yang phur srung mar zhal bzhes pa'i:__bran dang bka' nyan pho nya'i tshogs:__bka' bzhin gtor ma 'di longs la:__sngon chad ji ltar dam bcas ltar:__mngon spyod phrin las myur du mdzod:__ma tha ma tha badz+ra:__dz+wa la dz+wa la badz+ra:__su ru su ru badz+ra:__mu ru mu ru badz+ra:__ba lin+ta khA hi:__hU~M ma ma pa shaM ku ru:__ma taM dz+nyA ka ra i nan:__d+ha ti ma ma:__shrI kra ma karma ka ra:__ba lin+ta khA hi:__ka taM ka ta:__dza ye bi dza ye/__a dzi te a pa ra dzi te:__ba lin+ta khA hi:__ma ra se na pra mar ta ni hU~M phaT:__ma hA ba lin+ta khA hi:__oM badz+ra yak+sha rak+sha sha:__sa ma ya:__ma ma krau d+hI badz+ra b+h+yo:__pra be sha ya phaT dza:__ces pas gdan la bkyes la dkyil 'khor gyi mu ran la bzhag la tha tshig brjod cing phrin las bcol:__dang por phud kyis mi mchod du:__bcom ldan dpal chen phud kyi bdag:__de nas tshogs la mi rol du:__ma mo mkha' 'gro tshogs la dgyes:__tha mar lhag mas mi mchod du:__bran gyi tshul du khas blangs pa:__dbang bsdus zil gyis mi gnon du:__sngon gyi tha tshig dam las 'gal:__kha chus dam tshig mi bsre ru:__'khu ldog dam las log gis dogs:__so sor gnas su mi dgod du:__dam bcas bzhin du mngag par byas:__khyad par mchod pa mi bstab tu:__gsang ba'i dam tshig srung la brtson:__sngon tshe khyed kyi dam bcas pa:__dpa' bo khyed la rim gro skyed pa'i phyir:__bdag gi lus 'di gdan du dbul:__ma sring chung ma bran gyi tshogs:__dpa' bo chen po'i 'bangs su 'bul:__ma sring rnams kyis dam bcas pa:__dbus su mchis pa'i skal med kyis:__dkyil 'khor mu ran mtha' ru zhog:__phud la 'tshal skal ma mchis kyis:__lhag ma zhal chab bron la stsol:__'bangs la nan tan ma chung zhig:__zhes pas khas blangs dam bcas bzhin:__bka' yi pha 'babs 'di long la:__rnal 'byor bcol ba'i phrin las mdzod:__gtor mar me sgron btsugs te rak+ta sbreng zhing*/__hU~M:__he ru ma bdun phra men tshogs brgyad dang :__pho nya'i tshogs bcas khyung gi khra thogs ma:__dbang phyug 'jug sred ging gi tshogs dang bcas:__stong khams bsrung bar dam bcas ma mo rnams:__brjid pa'i hU~M sgra sngags kyi ser chen bsgril:__sna tshogs lus la rdo rje'i mche gshog can:__rol pa mchog gi sa la dam bcas bzhin:__tshar gsum dung chen rak+ta'i rba klong 'khrugs:__rnam lnga'i longs spyod tshul bzhin sbyar ba 'di:__ma chags gsang ba'i dam la gtogs so 'tshal:__phyag rgya gar gyi g.yab 'dor zhing :__sngags tshig gshugs pa'i brda yis spyan 'dren gyis:__phyag rgya gsang ba'i dbyings nas sku bzhengs la:__thugs dam brda la dgongs te gshegs su gsol:__'tshal skal bzhin du bka' yi gtor ma bzhes:__lta bas mkha' la 'gro ba'i mkha' 'gro ma:__dam tshig shugs kyis 'gro ba'i shugs 'gro ma:__ye shes dbyings la rol pa'i dbyings phyug ma:__bla med byang chub sgrub pa'i phrin las mdzod:__bar chad bdud kyi tshogs rnams zhi bar mdzod:__tshe rabs kun tu dge ba'i bshes gnyen mdzod:__ma ma:__ma ma du na b+h+yo:__ma hA pany+tsa a mr-i ta khA hi:__ba lin+ta:__rak+ta:__tsit+ta:__go ra tsa na:__ba su ta:__kiM ni ri ti b+hi na du dza khA hi:__dur khrod dpal gyi phau brang du:__khyad par dpal gyi gtor ma sgrub gnas nyul:__mi bzung gtong ba'i gtor ma mkha' 'gro'i zas:__sha khrag dmar gyi gtor ma dam pa 'di:__bka' yi mchod sbyin rgya chen la:__dpal gyi 'khor na gnas pa'i lha srin dang :__ging dang pho nya yang sprul rnams:__ma dang sring mo mkha' 'gro'i tshogs:__bran dang yang g.yog 'khor dang bcas:__mi zad gter gyi dam rdzas la:___sprin phung bzhin du bsdu bsdu nas:__rnam rtog 'dzin pa'i nyon mongs kun bsgral te:__yongs su bsngos pas kun tu tshim gyur cig:__ces gtor ma gtsang sar 'bul/__dme lhag bshal chu rgyab tu skyel la/__oM sarba b+hU ta u ts+tshiSh+ta ba liM ta khA hi:__zhes dang rol mo'i sgra bya'o/__/bzhi pa ni/__rak+sha ma hA kA la dang lha mo rang byung rgyal mo bka' gter srung ma rnams la gtor chog rgyas bsdus gang rung gis gtor ma 'bul zhing phrin las bcol/__spro na brtan ma bskyang ba'ang spyi ltar bya'o/__/lnga pa la/__gtang rag mchod bstod ma gsungs pas dgos nges med kyang spyi mthun ltar mos na mdor bsdus tsam bya/__yi ge brgya pa brjod la nongs pa bshags/__tshogs mgron sogs rten yod na brtan bzhugs dang*/__dkyil 'khor rdul tshon gyi phyogs dang rten med na gshegs/__dkyil 'khor nyer bsdu ni/__oM:__ma skyes rnam dag chos dbyings rang byung la:__rnam rtog mtshan ma'i spros pa kun dang bral:__phyi nang snod bcud 'khor 'das skye 'gro rnams:__chos nyid rnam dag stong nyid ngang la gnas:__chos nyid bsam du med do sems nyid nam mkha' che:__kun bzang yangs pa chos kyi dbyings:__rnam dag lam chen 'gro kun sgrol:__stong gsal dag pa mkha' la nyi shar 'dra:__ma bcos rang snang bdag nyid chen por bsgom:__oM ru lu ru lu hU~M b+h+yo hU~M:__zhes bzlas pas/__bdag gi thugs ka nas 'od zer 'phraus:__snod kyi 'jig rten stong par sbyangs:__bcud kyi sems can 'od kyi rnam par bsdus nas gzhal yas khang*/__sras mchog phur bu'i bar rim gyis bsdus nas rang la thim/__bdag nyid kyang ye shes kyi 'od lngar 'dus/__de ye shes sems dpa' la/__de rdo rje hU~M la/__hU~M ye shes kyi thig le/__de 'ang me long la has btab pa bzhin mi dmigs chos nyid ka dag rang bzhin gyis 'od gsal ba'i ngang du mnyam par gnas par gyur par mos la chos nyid rnam dag gi dbyings su la bzla/__spyod lam la 'jug pa ni/__oM badz+ra ma hA shrI he ru ka hU~M:__zhes pas/__slar yang dpal chen po zhal gcig phyag gnyis pa'i skur gyur par mos la/__rtag chad kyi mtha' bsal/__go bsgo lus bsrung ni/__/bdag nyid he ru ka gsal zhing gzi byin dang ldan par gyur pa'i lus kyi cha thams cad de bzhin gshegs pa'i rdul phra rab kyis gtams pas rdo rje gsum gyi rang bzhin tu gnas par bsams la/__go cha'i rgya bcings te/__cis kyang mi phyed mi shigs pa'i/__/stong pa'i go cha bla na med/__/mtshan ma'i yul kun bcom nas kyang*/__/thams cad myur du rgyal bar gnas/__/oM badz+ra ka wa tsi ya man+d+haM/__zhes pas gnas lngar rgyas gdab/__oM hU~M su ra ta rak+shA haM/__zhes pas brtan par byas la/__theg pa chen po spyi dang khyad par gyi bsngo ba dang smon lam rgya cher gdab/__shis brjod ni/__byang chub sems mchog shes rab ting 'dzin gyis:__nyon mongs bdag 'dzin rnam rtog kun spangs nas:__bdag nyid chen po'i don la rab goms pa'i:__bkra shis des kyang deng 'dir bde legs shog:__rdo rje sems dpa'i sprul pa skar ltar 'phro ba yis:__za byed bdud dang log rtog kun btul nas:__bla med byang chub mchog la 'god pa yi:__bkra shis=__zhi rgyas dbang dang mngon spyod phrin las kyis:__rgyud drug sems can ma lus kun bsgral te:__bla med mi gnas sa la 'god pa yi:__bkra shis=__bka' gsang rmad byung bsgrub pa'i dkyil 'khor du:__rdo rje slob dpon mched dang lcam dral gyi:__thugs dam chen po yongs su bskangs ba yi:__bkra shis des kyang deng 'dir bde legs shog:__ces brjod la me tog 'thor zhing rol mo'i sgra snyan la yun ring sgrogs te dge legs su bya'o/__/rdo rje'i sku dang gzhom med ru lu'i sgra'i/__/gzi byin 'gro rgyud mi shigs thig le cher/__/zhugs pas 'khrul pa'i sbubs brtol bde chen gyi/__/ye shes chen po phyogs med rgyas gyur cig__/so skye'i rtog pa'i skyon gyur bla ma lhar/__/bzod par gsol na 'phral yun mi sgrib par/__/lam mchog 'di las gsang ba myur 'grub cing*/__/'di bstan nyi ltar snang ba'i rgyu ru shog__/'di'i chog khrigs kyi dpe rgyun phyogs 'dir ma bzhugs shing gter gzhung nyid rgya 'gyur zang ma lta bur song gshis phan tshun gab 'khrugs bsdeb dgos mang bas dbang rgyun tsam dang sgrub mchod sogs kyi skabs su 'phral 'phral lag len 'debs dka' bar mthong nas/__/sangs rgyas gnyis pa gu ru rdo rje thod phreng rtsal gyi sngags rig 'dzin pa pad+ma gar dbang phrin las 'gro 'dul rtsal gyis tsA 'dra rin chen brag gi sgrub gnas kun bzang bde chen 'od gsal gling du bsdebs pa dge legs 'phel//__//