JKW-KABUM-19-DZA-001-023-wylie

🚧 This website is under continued development. We appreciate your patience!

gter ston 'ga' yi lo rgyus sogs/ @#/__/gter ston sangs rgyas bla ma la stod mtsho bar du 'khrungs/__ye shes 'od dang dus mnyam/__glo bo dge dkar gyi gtsug lag nas bla rdzogs thugs gsum thang par/__khog phrad drag sogs nas rta mgrin dregs pa zil gnon rgya gtam/__kha bsgyur sogs mang du thon par grags/__(1)__/rgya lo tsA mar pa dang dus mnyam/__rus rgya/__mtshan rdo rje bzang po/__'phral skad shes pa'i lo tsA/__bal bod mtshams pur+Na rdza ri nas zab gter mang po lam rim/__chung dpyad sogs gso rig gi skor mang du drangs/__sangs rgyas bla ma'i skye ba de ma thag par gsal/__(2)__/sna nam pas glang thang sgrol ma sogs nas sman dpyad rtsis sogs gter kha mang /__'brog bsnan ma thub rgyal dang gcig tu 'dod pa'ang yod/__(3)__/zhang phrom rong gi dum pa chu tshag khar 'khrungs/__rus rgya/__mtshan rdo rje 'od 'bar/__phung po ri bo che sogs gter gnas drug nas gnubs kyi drag sngags mang po gtsor gyur gzhan yang sems phyogs 'jam dpal rdzogs chen ye shes gsang rdzogs/__mtshan brjod kyi 'grel pa sogs gzhung dang man ngag gso dpyad sogs gter ka mtha' yas/__(4)__/sUR+Ya siM ha'am nyi ma seng ge gnyal zhig nya'i seng la bzhed pa'ang yod mod/__mang yul du 'khrungs/__pad+ma sung btsan gyi skye mtha' yin/__byams pa sprin nas thugs rje chen po'i skor sogs bzhes rgyu'ang bzhes ma grub/__spyir bla rdzogs thugs gsum gyi skor mang /__'di rgya lo tsA'i skye bar thang yig tu gsal/__(5)__/g.yu ru ston shAg gis byang pra dun rtse nas rlung 'khor dmar nag dang zlog pa dregs pa nyi shu sogs drag sngags mang du bton/__thang yig tu/__byang gter gter phran 'ga' zhig sbas pa 'di/__zhes pa'ang de'o/__/bai ro'i skye mthar byed/__(6)___/bon po brag tshal gtsang du 'khrungs/__rus bon po/__bum thang rtsis lung zhes dus gsum sangs rgyas bzhugs pa'i lha khang la mon pa rnams dkon mchog gsum gyi lha khang du 'bod pa de nas/__rdzogs chen gu ru bzhi'i lo rgyus/__shrI seng ha'i dmar khrid/__gzhan yang phur pa'i skor/__shangs kyi skye ka thar shing brag nas rA hu la shi sa bstan pa ru sbal nag po'i ser srung bcas chog sogs bton/__'di'ang bai ro'i skye mthar grags/__(7)___/snye mo zhu yas gnod sbyin 'bar ni/__gtsang snye mor 'khrungs/__rong bor 'dam gyi snying drung shel ma brag nas rdzogs chen spyi ti sogs gdan drangs/__bai ro'i skye ba yin/__bla ma dam pa'i sku tshe'i smad du byung bar bris 'dug kyang/__mnga' bdag nyang dang dus mnyam par gsal lo/__(8)__/grub thob dngos grub ni gtsang du 'khrungs/__mi yul du lo sum brgya bzhugs/__sku tshe'i smad la gtsang gi ri bo che nas rta mgrin khro 'dus sogs dang /__lha sa'i gtsang khang byang gi rta mgrin zhabs 'og nas ma Ni bka' 'bum skor phal cher bzhes/__mnga' bdag nyang gi'ang bla ma yin/__(9)__/gtsug lag dpal dge 'di bal po'i slob dpon gtsug lag dpal dge dang gcig par bzhed pa yod mod/__slob dpon de yi skye mthar gsal/__'khrungs yul glo bo'i mtha' bal po dang nye bar 'khrungs/__bal yul e yi gtsug lag gi pha bong ru sbal nag po nas drag sngags them yig bdun pa sogs spyan drangs/__lha bla ma dang dus mnyam/__(10)__/sku tsha ston pa ni 'khrungs yul lho brag__/rus zhu tsha/__mtshan zla 'od 'bar ram/__sman pa pad+ma skyabs zhes grags/__spa gro gcal gyi brag sdig ru 'dra ba nas gter sgrom bzhi las chos bon sman rtsis kyi skor rgya cher bzhes/__'on kyang kun spangs pa'i tshul gyis lhag dpyad mdzad pas chos kyi phrin las chung /__bon gyi rdzu 'phrul drwa ba dang /__phur nag sogs dar rgyas su gyur/__rgyal sras lha rje'i skye mthar gsal/__(11)__/a ya bon po lha 'bum lo rgyus snga mar lho'i phyogs su 'khrungs/__gtsang gi ru mtshams nas chos bon sman rtsis rgya cher bton/__dran pa nam mkha'i sprul par grags/__'brom ston dang dus mnyam zhes pa rung mod/__bon phyogs kyi lo rgyus ltar na/__gtsang rta nag tu 'khrungs/__gu ru rnon rtse zer/__des btab pa'i lha khang da dung yod/__de dang nye ba'i rta nag dung phor brag nas ma rgyud thugs rje nyi ma'i bon skor sogs rgya cher spyan drangs/__grong sngar 'khrul zhig chen po'i rnam par bzhugs/__snga phyi'ang chos dbang rin po che dang dus mnyam par grags pa de yin/__bai ro'i skye mthar gsal/__(12)__/khyung po dpal dge ni gtsang la stod du 'khrungs zhes snang ba/__mang yul gung thang pa yin/__rus khyung po/__mtshan dpal dge__/mon bum thang nas bon zab mo sde drug__/has po ri nas kyang chos bon rtsi/__sman rgya chen bton/__dus rtags la dpags te lha btsun byang chub 'od kyi dus tsam byung bar bzhed mod/__nyang gi dus tsam yin 'dra'o/__(13)__/sha mi rdo rgyal ni/__'khrungs yul shangs kyi stod sha mi pra du bya bar 'khrungs/__mtshan rdo rje rgyal po/__has po ri nas dgongs don zab tig ces pa'i chos bka' rgya cher bton/__'di mdo sngags kyi bstan pa yongs su rdzogs pa'i gzhung lag len dang bcas par snang /__gzhan yang chos nor gyi gter kha mang du byung /__lo tsA ba sha mi go cha'i sprul par gsal/__rten sngags btsun/__mdo sngags la'ang mkhyen pa rgyas/__dus lha bla ma'i skabs tsam gyi snga thog tu byung bar snang /__(14)_/ldang ma lhun rgyal/__dbu ru stod 'bri gung dang nye ba'i gzho yi lung par 'khrungs/__sngags btsun gyi rigs dang rten yang der bzhugs/__zhwa lha khang gi dkor gnyer dkyus ma'i tshul bzung /__gnas de nas bi ma snying tig gi rgyud dang man ngag rgya cher spyan drangs/__lce btsun seng ge dbang phyug dang /__mnar mda'i lce sgom la gnang bas 'od skur gshegs shing rgya cher dar/__bi ma la'i sprul par grags/__(15)__/gra pa mngon shes 'khrungs yul gra nang pa/__rus shud phu/__rab byung thog ma'i me yos la 'khrungs/__dam pa'i chos mngon pa la mkhas pas mngon shes/__mtshan dbang phyug 'bar/__rten dge slong /__gra thang sogs gtsug lag khang dang gnas gzhi mang du bzhengs/__bsam yas dbu rtse'i sgo gong nas gnod sbyin zhang blon dang dzaM dmar skor/__ka ba bum pa can nas gso rig rgyud bzhi spyan drangs pas gangs can pa rnams kyi phan bde'i btsas chen por gyur/__shud pu dpal gyi seng ge'i skye bar grags/__(16)__/ra shag gter ston ni/__yar 'brog gnyan du 'khrungs/__mtshan chos 'bar ram/__bsod nams rdo rje/__rten sngags 'chang chen po/__rnying ma bka' ma'i gzhung dang man ngag gdams chos gso dpyad sogs la mkhas/__rje mi lar tshe ring ma'i sgrub skor kyang 'dis gnang bar grags pa don la gnas/__spa gro dang /__mchims phu/__mkho mthing sogs nas ma mo sgang shar chen mo/__srid pa'i phems sogs dang /__mdos chog gi skor rgya cher bzhes/__mar pa dang dus mtshungs/__sras brgyud kyang phyi ma'i bar yod/__sku tshe ring bar bzhugs par gsal/__bai ro'i skye mtha'o/__(17)__/mnga' bdag nyang rin po che ni/__lho brag shar gtam shul 'jod pa gser dgon du 'khrungs/__gdung bram ze nyang /__mtshan nyi ma 'od zer/__mdo sngags kyi gzhung dang man ngag la gsan bsam rgya cher mdzad/__thugs rje chen po zhi drag las grub pa thob/__gtam shul srin mo sbar rjes brag nas thugs rje chen po 'gro 'dul sogs dang /__mkho mthing rnam snang sku rgyab nas mchims phu'i gter gnas 'phos pa'i bka' brgyad bde gshegs 'dus pa sogs rgya cher spyan drangs/__yi dam dang mkha' 'gro'i bka' babs/__phrin las mtha' yas/__sras slob kyi brgyud pa 'phel/__gter kha gong mar grags/__mnga' bdag khri srong gi sku'i sprul pa'o/__(18)__/dbon sras khyung thog ni gter 'byung snga ma rnams su mi gsal/__phyis dbon sras khyung thogs su khas 'che ba gsum tsam byung bar grags/__'ga' zhig gis rig 'dzin rgod ldem la ngos bzung /__don du la stod phyogs su bon rigs las byung ba'i sngags pa/__mtshan g.yung drung 'bar/__gram pa rgyangs sogs nas chos bon gyi gter kha ci rigs bzhes kyang /__grong sngags dkyus ma'i tshul mdzad pas 'gro don cher ma byung /__jo bo'i dus tsam byon/__(19)__/ra mo shel sman ni/__'khrungs yul yar lung lha stod ra mo sman chu khar gnyags kyi rigs las byung /__mtshan ye shes bzang po/__rten sngags btsun ral pa can/__gzims khang du sman sgrub mdzad pas/__de dang nye ba'i brag la sman shing sdong po 'khrungs pa dgun dus me tog bkra ba phyi lo'i bar yod/__yar klung pad+ma shel gyi brag sogs nas bla rdzogs thugs gsum dang /__gso rig sogs mang du spyan drangs/__grub pa'i rdzu 'phrul kyang mtha' yas mod/__sman sngags dkyus ma'i tshul mdzad pas chos kyi 'gro don che bar ma byung /__chu bcos dang 'bam bcos sogs da lta'i bar dar/__mnga' bdag nyang gi dus tsam byung /__sku tshe'ang ring du bzhugs/__gnyags lo chen po'i byin rlabs kyi sprul pa'o/__(20)__/gter kha 'og ma gu ru chos kyi dbang phyug ni/__lho brag nub la yag tu 'khrungs/__rus spang rje btsan po/__gtsug lag dang mdo sngags gzhung dang lag len mang du gsan pas ston par grags/__mtshan chos kyi dbang phyug__/la yag gnam skas can dang /__mkhar chu lcags phur can sogs nas bla rdzogs thugs gsum sgrub sde brgyad sogs gter kha bco brgyad la dbang bsgyur/__grub pa'i go 'phang mthon por gshegs/__bla ma dang thugs rje chen po'i bka' babs/__phrin las mtha' yas/__sras slob kyi brgyud 'dzin 'phel/__mnga' bdag gsung gi sprul pa'o/__(21)__/gu ru jo tse ni/__skyid shod smad snye mdar 'khrungs/__rten grong sngags dkyus ma/__skyid smad 'u shang rdo dang nye ba'i lha ri rtse lnga'am bod kyi ri bo rtse lngar grags pa'i rgyab logs nub phyogs zangs yag brag nas zab gter pusti sum cu tsam dang /__sangs rgyas kyi ring bsrel/__o rgyan rin po che'i phur chas dang /__sku tshab brgya rtsa brgyad sogs rgya cher spyan drangs/__gter rdzas phal cher ge re lha pa'i rin chen dbang gi rgyal por gtad/__chos kyi 'gro don che bar ma byung /__'phags pa rin po che'i dus tsam byon par gsal/__'di'i gter ma phur chas mang zhig stod lung mda' dngos grub ldings su da lta'ang yod/__lha sras mu tig btsan po'i skye mtha'o/__(22)/_____/__!__bai ro'i skye mtha' gter ston rog rje gling pa 'gro 'dul rtsal ni/__rang gter rta phag yid bzhin nor bu'i lo rgyus las/__smon lam thebs pa'i skyes bu ni:__mdo smad theg pa dgu yi gnas:__gser ri khram shing shar sgo na:__rta lug sprel gyi lo pa ni:__lag mthil spyan mig stag sham can:__pad+ma'i ming can brtul zhugs spyod:__ces dang /__dus tshod kyang /__'don dus bdud gyi rgyal po ra yi ming :__smon lam log pa'i dam sri lnga yi dpung :__bod khams lhags nas bstan pa thams cad bshig:__bod khams sil bur mi rung sna dgu 'byung /__zhes gsungs pas ljongs 'gar bod du slebs pa'i dus yin 'dra/__des gnas mchog bag 'dzam sgrub phug nas spyan drangs pa'i thugs rje chen po yid bzhin 'gro 'dul zhes/__'gro 'dul phyag bzhi pa yab yum/__g.yas g.yon du sgrol ma dkar sngon/__phyogs bzhir rigs bzhi sgo bzhir mkha' 'gro sde bzhi bcas yod pa'i las byang /__dbang /__khrid/__gnas lung sogs chos tshan chung ngu mang ba/__rong dong lung pa nag po'i srin rdzong brag dmar dkyil nas spyan drangs pa'i rta phag yid bzhin 'bar ba zhes/__rta mgrin zhal gsum phyag drug yum can/__phyogs bzhir rigs bzhi/__rtsibs bcur khro bcu/__sgo skyong phra men bzhi bcas yod pa'i dbang /__las byang /__rab gnas/__smad las sogs tshang bar/__tsha ba rma bya gdong nas spyan drangs pa'i mgon po tshogs bdag yid bzhin nor bu'i dbang /__phrin las/__smad las sogs chos tshan nyung ngu bcas yid bzhin skor gsum du grags pa'i pusti chung ngu zhig mthong /__chos bdag gi gtso bo rgyal dbang skal bzang /__zhwa dmar chos kyi don grub/__karma pa byang chub rdo rje sogs yin tshul snang na'ang 'gro don ji ltar byung ma nges so/___/__!_stag mo gter ston dbon sras khyung thog ru lag gi phyogs zhig 'khrungs/__rgyangs kyi yon po lung nas rdzogs chen kun bzang snying tig zhes thugs rje chen po dang 'brel ba/__lha lum gsang ba'i gter gnas nas dbang chen rta mgrin/__khroms zangs byang ngos nas bla ma zhi drag__/bsam yas dbu rtse nas rnam sras yon tan 'byung ba sogs spyan drangs/__gter chos nyung du dum dum zhig pod gcig mthong /__chos rje gling pa la gter gyi bka' babs yod tshul sogs zhus pa rnam thar du gsal ba de'o/__/'di'ang bai ro'i skye mthar mdzad snang /__spyir pad+ma bka' thang gi lung zin de ni jo bo rje bod du ma byon gong /__dbus gtsang mi bcus bstan pa spel skabs g.yas ru byang gi stod bon po'i brgyud pa zhig la 'khrungs/__mtshan bla dwags dbon sras zhes pa'ang de'i rgyu mtshan du snang /__rgyangs yon po lung gi gtsug lag khang sogs nas ban bon gyi gter ka mang po spyan drangs na'ang 'gro don rgya cher ma byung ba 'dra/__rten sngags btsun/__bai ro'i skye mtha' chos bon 'dres mar spyod pa zhig go/__/yang 'ga' zhig gi rig 'dzin rgod ldem dbon sras khyung thogs su ngos 'dzin pa/__spyir 'gal ba med kyang /__dus rtags dang mi 'grig par snang /__gong du smos pa'i stag mo gter ston 'di rgyal po lha bzang gi dus tsam yin pas phrin las ni cher ma byung /__'on kyang chos gling pas kyang chos gsan min mi gsal yang /__gter ston yin rgyur mdzad cing /__rwa ston sogs kyis tshad ldan du bzhed snang ngo //____//_!_