JKW-KABUM-19-DZA-001-030: Difference between revisions
From Khyentse Lineage - A Tsadra Foundation Project
WikiBot2015 (talk | contribs) (Created page with "{{Khyentse Metadata |classification=Tibetan Publications |subclass=Tibetan Texts |collectiontitle=mkhyen brtse'i bka' 'bum |collectiontitletib=མཁྱེན་བརྩེ...") |
m (Text replacement - "Khyentse Metadata" to "Text") |
||
(4 intermediate revisions by one other user not shown) | |||
Line 1: | Line 1: | ||
{{ | {{Text | ||
|classification=Tibetan Publications | |classification=Tibetan Publications | ||
|subclass=Tibetan Texts | |subclass=Tibetan Texts | ||
|fulltitletib=ཀུན་མཁྱེན་ཡང་སྲིད་འཇིགས་མེད་ཡེ་ཤེས་རྡོ་རྗེའི་ཉམས་སྣང་། | |||
|fulltitle=kun mkhyen yang srid 'jigs med ye shes rdo rje'i nyams snang | |||
|citation=[['jam dbyangs mkhyen brtse'i dbang po]]. ''kun mkhyen yang srid 'jigs med ye shes rdo rje'i nyams snang''. In '''jam dbyangs mkhyen brtse'i dbang po'i bka' 'bum'', Vol. 19: 244-246. Khams sde dge rdzong sar dgon: Rdzong sar blo gros phun tshogs, 2020. | |||
|collectiontitle=mkhyen brtse'i bka' 'bum | |collectiontitle=mkhyen brtse'i bka' 'bum | ||
|collectiontitletib=མཁྱེན་བརྩེའི་བཀའ་འབུམ་ | |collectiontitletib=མཁྱེན་བརྩེའི་བཀའ་འབུམ་ | ||
|author='jam dbyangs mkhyen brtse'i dbang po | |author='jam dbyangs mkhyen brtse'i dbang po | ||
|editor= | |||
|authortib=འཇམ་དབྱངས་མཁྱེན་བརྩེའི་དབང་པོ་ | |authortib=འཇམ་དབྱངས་མཁྱེན་བརྩེའི་དབང་པོ་ | ||
| | |editortib= | ||
| | |tibgenre=History Texts - lo rgyus, Religious History Texts - chos 'byung | ||
|terma=No | |||
|sabcadcategory=Seven | |||
|language=Tibetan | |language=Tibetan | ||
| | |volumenumber=019 | ||
| | |volnumtib=༡༩ | ||
| | |volyigtib=ཛ་ | ||
| | |totalvolumes=25 | ||
| | |textnuminvol=001 | ||
|pdflink=File:JKW-KABUM-19-DZA-001 | |textsubnumber=030 | ||
|pagenumbers=244-246 | |||
|totalpages=3 | |||
|beginfolioline=122b2 | |||
|endfolioline=123b6 | |||
|totalfolios=2 | |||
|multivolumework=No | |||
|rectonotes=sde tshan 1 | |||
|versonotes=mkhyen brtse'i bka' 'bum | |||
|pdflink=File:JKW-KABUM-19-DZA-001.pdf | |||
}} | }} | ||
{{Header}} | {{Header}} | ||
<h1 style="font-size: 24px !important;">Tibetan Text</h1> | <h1 style="font-size: 24px !important;">Tibetan Text</h1> | ||
<onlyinclude> | <onlyinclude> | ||
{{TibP| | {{TibP|ན་མོ་གུ་རུ་བྷྱཿ ཀུན་མཁྱེན་ཡང་སྲིད་འཇིགས་མེད་ཡེ་ཤེས་རྡོ་རྗེ་དེ་ཉིད་དགུང་གྲངས་དྲུག་ཅུར་ཕེབས་པ་རབ་ཡིད་ས་ལུག་ལོར་ཀ་ཀེའུ་ཚང་ཡང་དབེན་མཁའ་འགྲོའི་རྫོང་ཆེན་དུ་བཞུགས་སྐབས། ཆོ་འཕྲུལ་ཟླ་བའི་ཚེས་བརྒྱད་ཀྱི་ཐོ་རངས་འོད་གསལ་དག་པའི་སྣང་བར། གྲུབ་པའི་དབང་ཕྱུག་ཆེན་པོ་འཇིགས་མེད་ཕྲིན་ལས་འོད་ཟེར་ཉིད་རྣལ་འབྱོར་གྱི་དབང་ཕྱུག་མི་ལ་རས་པའི་རྒྱན་ཆ་ལུགས་ཡོངས་སུ་རྫོགས་པར་བཞུགས་པའི་ཞལ་ནས། རྗེ་མི་བསྐྱོད་ངོ་བོ་རྡོ་རྗེ་འཆང་། །ཏཻ་ལོ་ནཱ་རོ་པཎ་ཆེན་དང་། །མར་པ་ཆོས་ཀྱི་བློ་གྲོས་ཏེ། །བཀའ་བརྒྱུད་ཆུ་མགོ་གངས་ལ་ཐུག །དམ་ཆོས་ཕྱག་རྒྱ་ཆེན་པོ་དེ། །མཐའ་འཁོབ་བོད་དུ་བསྒྱུར་བར་མཛད། །རྩེ་གཅིག་གུས་པས་གསོལ་བ་ཐོབ། །ཁྱོད་ལེགས་པར་གསོན་དང་རིགས་ཀྱི་བུ། །དབུ་ཕྱག་རྫོགས་ཆེན་ལྟ་བ་གསུམ། །གཞི་ལམ་འབྲས་བུའི་མཚན་ཉིད་དེ། །མཐའ་བཞི་སྤྲོས་དང་བྲལ་བ་ལ། །རགས་པ་ཕྱི་ཡི་དབུ་མར་བརྗོད། །དེ་སྐྱོན་དང་བྲལ་བའི་རིག་པ་རྣོ། །ཡེ་ཤེས་ཐིག་ལེའི་སྙིང་པོ་ཅན། །གཞི་རྒྱུད་བདེ་བར་གཤེགས་པའི་ཁམས། །ཕྲ་བ་ནང་གི་དབུ་མ་ཡིས། །རྟོགས་པར་བྱེད་པའི་ཐབས་ལ་བརྟེན། །རྣལ་འབྱོར་བཞི་ཡི་ཉམས་ལེན་ལས། །བསྒོམ་མེད་འབྲས་བུ་མཐར་ཕྱིན་ཚེ། །སེམས་ཀྱི་སྟོང་གསལ་འཛིན་མེད་དོན། །ཕྱག་རྒྱ་ཆེན་པོའི་ལམ་བགྲོད་ཚུལ། །གང་ཟག་དབང་པོ་རབ་འབྲིང་སྟེ། །དུད་འགྲོ་ཉག་ཕྲན་མཁའ་ལྡིང་གིས། །མཐོང་བུལ་ཇི་བཞིན་འབྲས་བུར་རགས། །རང་བཞིན་རྫོགས་པ་ཆེན་པོ་ནི། །རིག་པ་ཅར་ཕོག་ངོ་འཕྲོད་ནས། །གཟུང་འཛིན་མདུད་པ་ཞིག་པའི་ཚེ། །སྐུ་དང་ཐིག་ལེ་ངོ་སྤྲོད་ཀྱིས། །རིག་དང་ལོངས་སྐུར་རྩལ་ཆེན་རྫོགས། །སྣང་བཞིའི་འོད་གསལ་མཐར་ཕྱིན་ཚེ། །ཆོས་ཅན་ཆོས་ཉིད་ཀློང་དུ་ཟད། །གཞོན་ནུ་བུམ་སྐུའི་དབྱིངས་སུ་གྲོལ། །སྟོང་གསལ་འདུས་མ་བྱས་པ་ལ། །དགེ་དང་སྡིག་པའི་མཚན་མ་བྲལ། །མཉམ་ཉིད་རིག་པའི་རྒྱལ་པོ་ལ། །སངས་རྒྱས་བཟང་པོས་ཕན་མ་བཏགས། །སེམས་ཅན་ངན་པས་གནོད་མ་བསྐྱལ། །ཆོས་དབྱིངས་བརྡལ་ཁྱབ་ཆེན་པོ་ལ། །ས་དང་ལམ་གྱི་རྩིས་གྲངས་ཞིག །མཉམ་ཉིད་ཆེན་པོར་ཡེ་སངས་རྒྱས། །ཕུང་ཁམས་ཡེ་ནས་ལྷའི་རང་བཞིན། །བསྙེན་ཅིང་སྒྲུབ་པ་ཐང་རེ་ཆད། །སྣོད་བཅུད་དག་པ་རབ་འབྱམས་ལ། །ཞིང་ཁམས་བྱ་བ་ལོགས་སུ་མེད། །རྫོགས་ཕྱག་དབུ་མ་ཆེན་པོ་ཡང་། །རབ་འབྲིང་ཐ་མའི་བློར་འཚམས་པར། །ཆོས་ལོངས་སྤྲུལ་པ་སྐུ་ཡི་བཀའ། །དགོངས་པ་རྟེན་དང་ཚིག་ཏུ་ཤར། །གདུལ་བྱའི་དབང་པོའི་སྐལ་བ་རུ། །གོ་ལུང་མ་ངེས་སྣ་ཚོགས་པས། །ཆོས་སྒོ་བརྒྱད་ཁྲི་བཞི་སྟོང་བྱུང་། །དོན་ལ་མ་རིག་ཉོན་མོངས་དང་། །གཟུང་འཛིན་གྲོལ་བ་ཁོ་ནར་དགོངས། །རྒྱུ་དང་འབྲས་བུའི་ལམ་ཉིད་ཀྱང་། །དྲངས་ངེས་ལྡེམ་དགོངས་དུས་གཞལ་སོགས། །མཐའ་དྲུག་ཚུལ་བཞིས་སེམས་ཅན་གྱི། །ལོག་ལྟ་བསལ་ཞིང་དད་མོས་དང་། །ཡང་དག་ལམ་དུ་འཁྲིད་ཕྱིར་དགོངས། །ལྔ་ཕྲག་ཐ་མའི་དུས་འདི་རུ། །ཉོན་མོངས་རགས་ཤིང་སྡུག་བསྔལ་འཕེལ། །ཐབས་མཁས་སྤྱོད་པ་སྣ་ཚོགས་ཀྱིས། །ཁམས་དབང་མཐུན་པར་མ་བྱས་ན། །མཐའ་གཅིག་དག་གིས་མི་འདུལ་ཞིང། །བློ་ཆུང་དག་གིས་རྗེས་མི་སླེབས། །དོན་འདི་རྟོགས་པར་མཛོད་ཅིག་ཨང་། །ཞེས་དང་། ལུང་བསྟན་མང་དུ་གནང་མཐར་སྐུ་ལས་སྤྲོས་པའི་འོད་ཟེར་གྱིས་རྟོག་སྒྲིབ་ཕྲ་བ་མ་ལུས་པ་སྦྱངས་ཏེ་བདེ་བ་ཆེན་པོའི་ཡེ་ཤེས་ཀྱི་བྱིན་རླབས་ཀྱིས་རྒྱུད་ཡོངས་སུ་སྨིན་པར་མཛད་དོ།། །། ༈ }} | ||
ན་མོ་གུ་རུ་བྷྱཿ ཀུན་མཁྱེན་ཡང་སྲིད་འཇིགས་མེད་ཡེ་ཤེས་རྡོ་རྗེ་དེ་ཉིད་དགུང་གྲངས་དྲུག་ཅུར་ཕེབས་པ་རབ་ཡིད་ས་ལུག་ལོར་ཀ་ཀེའུ་ཚང་ཡང་དབེན་མཁའ་འགྲོའི་རྫོང་ཆེན་དུ་བཞུགས་སྐབས། ཆོ་འཕྲུལ་ཟླ་བའི་ཚེས་བརྒྱད་ཀྱི་ཐོ་རངས་འོད་གསལ་དག་པའི་སྣང་བར། གྲུབ་པའི་དབང་ཕྱུག་ཆེན་པོ་འཇིགས་མེད་ཕྲིན་ལས་འོད་ཟེར་ཉིད་རྣལ་འབྱོར་གྱི་དབང་ཕྱུག་མི་ལ་རས་པའི་རྒྱན་ཆ་ལུགས་ཡོངས་སུ་རྫོགས་པར་བཞུགས་པའི་ཞལ་ནས། རྗེ་མི་བསྐྱོད་ངོ་བོ་རྡོ་རྗེ་འཆང་། །ཏཻ་ལོ་ནཱ་རོ་པཎ་ཆེན་དང་། །མར་པ་ཆོས་ཀྱི་བློ་གྲོས་ཏེ། །བཀའ་བརྒྱུད་ཆུ་མགོ་གངས་ལ་ཐུག །དམ་ཆོས་ཕྱག་རྒྱ་ཆེན་པོ་དེ། །མཐའ་འཁོབ་བོད་དུ་བསྒྱུར་བར་མཛད། །རྩེ་གཅིག་གུས་པས་གསོལ་བ་ཐོབ། །ཁྱོད་ལེགས་པར་གསོན་དང་རིགས་ཀྱི་བུ། །དབུ་ཕྱག་རྫོགས་ཆེན་ལྟ་བ་གསུམ། །གཞི་ལམ་འབྲས་བུའི་མཚན་ཉིད་དེ། །མཐའ་བཞི་སྤྲོས་དང་བྲལ་བ་ལ། །རགས་པ་ཕྱི་ཡི་དབུ་མར་བརྗོད། །དེ་སྐྱོན་དང་བྲལ་བའི་རིག་པ་རྣོ། །ཡེ་ཤེས་ཐིག་ལེའི་སྙིང་པོ་ཅན། །གཞི་རྒྱུད་བདེ་བར་གཤེགས་པའི་ཁམས། །ཕྲ་བ་ནང་གི་དབུ་མ་ཡིས། །རྟོགས་པར་བྱེད་པའི་ཐབས་ལ་བརྟེན། །རྣལ་འབྱོར་བཞི་ཡི་ཉམས་ལེན་ལས། །བསྒོམ་མེད་འབྲས་བུ་མཐར་ཕྱིན་ཚེ། །སེམས་ཀྱི་སྟོང་གསལ་འཛིན་མེད་དོན། །ཕྱག་རྒྱ་ཆེན་པོའི་ལམ་བགྲོད་ཚུལ། །གང་ཟག་དབང་པོ་རབ་འབྲིང་སྟེ། །དུད་འགྲོ་ཉག་ཕྲན་མཁའ་ལྡིང་གིས། །མཐོང་བུལ་ཇི་བཞིན་འབྲས་བུར་རགས། །རང་བཞིན་རྫོགས་པ་ཆེན་པོ་ནི། །རིག་པ་ཅར་ཕོག་ངོ་འཕྲོད་ནས། །གཟུང་འཛིན་མདུད་པ་ཞིག་པའི་ཚེ། །སྐུ་དང་ཐིག་ལེ་ངོ་སྤྲོད་ཀྱིས། །རིག་དང་ལོངས་སྐུར་རྩལ་ཆེན་རྫོགས། །སྣང་བཞིའི་འོད་གསལ་མཐར་ཕྱིན་ཚེ། །ཆོས་ཅན་ཆོས་ཉིད་ཀློང་དུ་ཟད། །གཞོན་ནུ་བུམ་སྐུའི་དབྱིངས་སུ་གྲོལ། །སྟོང་གསལ་འདུས་མ་བྱས་པ་ལ། །དགེ་དང་སྡིག་པའི་མཚན་མ་བྲལ། །མཉམ་ཉིད་རིག་པའི་རྒྱལ་པོ་ལ། །སངས་རྒྱས་བཟང་པོས་ཕན་མ་བཏགས། །སེམས་ཅན་ངན་པས་གནོད་མ་བསྐྱལ། །ཆོས་དབྱིངས་བརྡལ་ཁྱབ་ཆེན་པོ་ལ། །ས་དང་ལམ་གྱི་རྩིས་གྲངས་ཞིག །མཉམ་ཉིད་ཆེན་པོར་ཡེ་སངས་རྒྱས། །ཕུང་ཁམས་ཡེ་ནས་ལྷའི་རང་བཞིན། །བསྙེན་ཅིང་སྒྲུབ་པ་ཐང་རེ་ཆད། །སྣོད་བཅུད་དག་པ་རབ་འབྱམས་ལ། །ཞིང་ཁམས་བྱ་བ་ལོགས་སུ་མེད། །རྫོགས་ཕྱག་དབུ་མ་ཆེན་པོ་ཡང་། །རབ་འབྲིང་ཐ་མའི་བློར་འཚམས་པར། །ཆོས་ལོངས་སྤྲུལ་པ་སྐུ་ཡི་བཀའ། །དགོངས་པ་རྟེན་དང་ཚིག་ཏུ་ཤར། །གདུལ་བྱའི་དབང་པོའི་སྐལ་བ་རུ། །གོ་ལུང་མ་ངེས་སྣ་ཚོགས་པས། །ཆོས་སྒོ་བརྒྱད་ཁྲི་བཞི་སྟོང་བྱུང་། །དོན་ལ་མ་རིག་ཉོན་མོངས་དང་། །གཟུང་འཛིན་གྲོལ་བ་ཁོ་ནར་དགོངས། །རྒྱུ་དང་འབྲས་བུའི་ལམ་ཉིད་ཀྱང་། །དྲངས་ངེས་ལྡེམ་དགོངས་དུས་གཞལ་སོགས། །མཐའ་དྲུག་ཚུལ་བཞིས་སེམས་ཅན་གྱི། །ལོག་ལྟ་བསལ་ཞིང་དད་མོས་དང་། །ཡང་དག་ལམ་དུ་འཁྲིད་ཕྱིར་དགོངས། །ལྔ་ཕྲག་ཐ་མའི་དུས་འདི་རུ། །ཉོན་མོངས་རགས་ཤིང་སྡུག་བསྔལ་འཕེལ། །ཐབས་མཁས་སྤྱོད་པ་སྣ་ཚོགས་ཀྱིས། །ཁམས་དབང་མཐུན་པར་མ་བྱས་ན། །མཐའ་གཅིག་དག་གིས་མི་འདུལ་ཞིང། །བློ་ཆུང་དག་གིས་རྗེས་མི་སླེབས། །དོན་འདི་རྟོགས་པར་མཛོད་ཅིག་ཨང་། །ཞེས་དང་། ལུང་བསྟན་མང་དུ་གནང་མཐར་སྐུ་ལས་སྤྲོས་པའི་འོད་ཟེར་གྱིས་རྟོག་སྒྲིབ་ཕྲ་བ་མ་ལུས་པ་སྦྱངས་ཏེ་བདེ་བ་ཆེན་པོའི་ཡེ་ཤེས་ཀྱི་བྱིན་རླབས་ཀྱིས་རྒྱུད་ཡོངས་སུ་སྨིན་པར་མཛད་དོ།། །། ༈ }} | |||
</onlyinclude> | </onlyinclude> | ||
{{TsagliCall}} | {{TsagliCall}} |
Latest revision as of 17:06, 1 June 2024
Wylie title | kun mkhyen yang srid 'jigs med ye shes rdo rje'i nyams snang | |
---|---|---|
Location | mkhyen brtse'i bka' 'bum Volume 19, sde tshan 1, Text 30, Pages 244-246 (Folios 122b2 to 123b6) | |
Author | འཇམ་དབྱངས་མཁྱེན་བརྩེའི་དབང་པོ་ | |
Less details More details | ||
Citation | 'jam dbyangs mkhyen brtse'i dbang po. kun mkhyen yang srid 'jigs med ye shes rdo rje'i nyams snang. In 'jam dbyangs mkhyen brtse'i dbang po'i bka' 'bum, Vol. 19: 244-246. Khams sde dge rdzong sar dgon: Rdzong sar blo gros phun tshogs, 2020. | |
Genre | History Texts - lo rgyus · Religious History Texts - chos 'byung |
1 Texts in this Section (sde tshan or chos tshan)