JKW-KABUM-16-MA-029-025

🚧 This website is under continued development. We appreciate your patience!

Previous Text Back to Volume PageNext Text

Wylie title	lam zab bla mchod phyag 'tshal brgyud 'debs zhal skong
Location	mkhyen brtse'i bka' 'bum Volume 16, sde tshan 29, Text 25, Pages 301-302 (Folios 23a4 to 23b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. lam zab bla mchod phyag 'tshal brgyud 'debs zhal skong. In 'jam dbyangs mkhyen brtse'i dbang po'i bka' 'bum, Vol. 16: 301-302. Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs

1 Texts in this Section (sde tshan or chos tshan)

25 301-302	ལམ་ཟབ་བླ་མཆོད་ཕྱག་འཚལ་བརྒྱུད་འདེབས་ཞལ་སྐོང་། lam zab bla mchod phyag 'tshal brgyud 'debs zhal skong Lineage Supplications - brgyud 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མཚུངས་མེད་དཀོན་མཆོག་དཔལ་ལྡན་པས་མཛད་པའི་ལམ་ཟབ་བླ་མ་མཆོད་པའི་ཕྱག་འཚལ་གྱི་ཞལ་སྐོང་འཇམ་མགོན་སངས་རྒྱས་ཕུན་ཚོགས་ཀྱིས་གནང་བའི་འཕྲོ་མཐུད་ནི། འཇམ་དཔལ་གཞོན་ནུ་ངུར་སྨྲིག་རྣམ་རོལ་གྱིས། །རྒྱལ་བ་གཉིས་པའི་ཕྲིན་ལས་སྤེལ་བའི་མགོན། །མཁས་ཤིང་གྲུབ་བརྙེས་སངས་རྒྱས་ཕུན་ཚོགས་ལ། །གུས་པས་ཕྱག་འཚལ་བརྩེ་བས་བྱིན་གྱིས་རློབས། །ཟབ་རྒྱས་སྡེ་སྣོད་རྒྱ་མཚོའི་སྙིང་པོའི་དོན། །ཇི་བཞིན་རྟོགས་ནས་གཞན་ལ་འདོམས་མཁས་པ། །རྡོ་རྗེ་འཛིན་དབང་བསོད་ནམས་དཔལ་ལྡན་ལ། །གུས་པས༴ རྒྱལ་ཀུན་ཡེ་ཤེས་མེ་ལོང་འཆང་བའི་དངོས། །འོད་གསལ་འཆི་མེད་རིགས་སུ་རྣམ་འཕྲུལ་པ། །རིག་འཛིན་བརྙེས་པ་ཀུན་དགའ་བཀྲ་ཤིས་ལ། །གུས་པས༴ སྙན་བརྒྱུད་ཚད་མ་བཞི་ལྡན་གདམས་པའི་བཅུད། །དྲི་མེད་མཁྱེན་པའི་དཔལ་དུ་ལེགས་བཟུང་བ། །ངག་གི་དབང་པོ་བསོད་ནམས་རིན་ཆེན་ལ། །གུས་པས༴ ཐུབ་བསྟན་མདོ་སྔགས་སྤྱི་དང་ས་སྐྱ་པའི། །ཟབ་ཆོས་རྒྱ་མཚོ་འཛིན་ཅིང་སྤེལ་བའི་ཚུལ། །ས་གསུམ་མཚུངས་མེད་ཀུན་དགའ་བློ་གྲོས་ལ། །གུས་པས༴ ཚུལ་གནས་གསན་བསམ་བསྒོམ་པའི་མཐར་སོན་ནས། །འཆད་རྩོད་རྩོམ་པས་སྐལ་ལྡན་རྗེས་སུ་འཛིན། །མཁྱེན་བརྩེའི་ནུས་གཏེར་ནམ་མཁའ་འཆི་མེད་ལ། །གུས་པས༴ ཕྱོགས་བཅུ་དུས་གསུམ་རྣམ་འདྲེན་སྲས་བཅས་ཀྱི། །རིག་དང་བརྩེ་བའི་ཡེ་ཤེས་གཅིག་བསྡུས་པ། །རྡོ་རྗེ་འཆང་དངོས་ཀུན་དགའ་བསྟན་འཛིན་ལ། །གུས་པས་ཕྱག་འཚལ་བརྩེ་བས་བྱིན་གྱིས་རློབས། །ཞེས་སོ། ། ༈

[edit]

lam zab bla mchod phyag 'tshal brgyud 'debs zhal skong / mtshungs med dkon mchog dpal ldan pas mdzad pa'i lam zab bla ma mchod pa'i phyag 'tshal gyi zhal skong 'jam mgon sangs rgyas phun tshogs kyis gnang ba'i 'phro mthud ni/__'jam dpal gzhon nu ngur smrig rnam rol gyis/__/rgyal ba gnyis pa'i phrin las spel ba'i mgon/__/mkhas shing grub brnyes sangs rgyas phun tshogs la/__/gus pas phyag 'tshal brtse bas byin gyis rlobs/__/zab rgyas sde snod rgya mtsho'i snying po'i don/__/ji bzhin rtogs nas gzhan la 'doms mkhas pa/__/rdo rje 'dzin dbang bsod nams dpal ldan la/__/gus pas=__rgyal kun ye shes me long 'chang ba'i dngos/__/'od gsal 'chi med rigs su rnam 'phrul pa/__/rig 'dzin brnyes pa kun dga' bkra shis la/__/gus pas=__snyan brgyud tshad ma bzhi ldan gdams pa'i bcud/__/dri med mkhyen pa'i dpal du legs bzung ba/__/ngag gi dbang po bsod nams rin chen la/__/gus pas=__thub bstan mdo sngags spyi dang sa skya pa'i/__/zab chos rgya mtsho 'dzin cing spel ba'i tshul/__/sa gsum mtshungs med kun dga' blo gros la/__/gus pas=__tshul gnas gsan bsam bsgom pa'i mthar son nas/__/'chad rtsod rtsom pas skal ldan rjes su 'dzin/__/mkhyen brtse'i nus gter nam mkha' 'chi med la/__/gus pas=__phyogs bcu dus gsum rnam 'dren sras bcas kyi/_/rig dang brtse ba'i ye shes gcig bsdus pa/__/rdo rje 'chang dngos kun dga' bstan 'dzin la/__/gus pas phyag 'tshal brtse bas byin gyis rlobs/__/zhes so/___/__!