JKW-KABUM-23-'A-001-052

🚧 This website is under continued development. We appreciate your patience!

Previous Text Back to Volume PageNext Text

Wylie title	rigs dang dkyil 'khor zhes pa'i dbu can gyi glu
Location	mkhyen brtse'i bka' 'bum Volume 23, sde tshan 1, Text 52, Pages 100-101 (Folios 50b6 to 51a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rigs dang dkyil 'khor zhes pa'i dbu can gyi glu. In 'jam dbyangs mkhyen brtse'i dbang po'i bka' 'bum, Vol. 23: 100-101. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཅེས་པ་འདིའང་སྙིགས་དུས་ཀྱི་རིག་པ་འཛིན་པ་པདྨ་དགྱེས་པ་རྩལ་གྱི་གསང་གཏམ་མོ། །གུ་ཧྱ།།
	ces pa 'di'ang snyigs dus kyi rig pa 'dzin pa pad+ma dgyes pa rtsal gyi gsang gtam mo/__/gu h+ya//

Tibetan Text

Wylie

[edit]

རིགས་དང་དཀྱིལ་འཁོར་ཐམས་ཅད་ཀྱི། །ཁྱབ་བདག་དཔལ་ལྡན་བླ་མའི་ཞབས། །གུས་པའི་སྙིང་གར་བཀོད་ནས་ཀྱང་། །ལྟ་སྒོམ་སྤྱོད་པའི་གླུ་ཞིག་ལེན། །ཨེ་མ་ཧོ་ངོ་མཚར་རྨད་ཀྱི་ཆོས། །གསང་ཆེན་ངེས་དོན་སྙིང་པོའི་ལམ། །ཚིག་གིས་མཚོན་ཡུལ་མ་ཡིན་ཡང་། །ཡེ་ཤེས་རྩལ་ལས་འདི་ལྟར་ཤར། །སྒྲ་དང་ཚིག་ལས་རྣམ་གྲོལ་ཞིང་། །དཔེ་ཡིས་མི་མཚོན་གཉུག་མའི་གཤིས། །ད་ལྟའི་རིག་པ་འདི་ཀ་ལ། །ལྟ་བ་མཐའ་བརྒྱད་སྤྲོས་བྲལ་ཟེར། །དེ་ཡི་ངང་ལས་རྣམ་རྟོག་རྩལ། །ཐོལ་སྐྱེས་ཐོལ་ནུབ་མེད་པར་གྲོལ། །དྲན་འཛིན་གཉེན་པོ་མི་དགོས་པ། །སྒོམ་པ་བློ་དང་བྲལ་བ་ཟེར། །ཚོགས་དྲུག་སྒྱུ་མའི་ལྟད་མོ་ལ། །ཇི་ལྟར་འཆར་ཡང་ཆོས་ཉིད་ཀློང་། །འགྲོ་འོང་བྲལ་བའི་སྲོག་ཤིང་ཅན། །སྤྱོད་པ་ཚུལ་འཆོས་བྲལ་བ་ཟེར། །བསམ་གྱིས་མི་ཁྱབ་ཡེ་ཤེས་ལ། །སྤང་བླང་བསལ་གྲུབ་ཆོས་མ་དམིགས། །ཡེ་གྲོལ་རྫོགས་པ་ཆེན་པོ་ལ། །འབྲས་བུ་མ་བཙལ་ལྷུན་རྫོགས་ཟེར། །དེ་སྐད་གང་ཤར་རྗེན་པའི་གཏམ། མ་བཅོས་དབུ་མའི་མཛོད་ཁང་ནས། །རེ་དོགས་མེད་པའི་སེམས་ཀྱིས་སྨྲས། །དགེ་བས་ཁམས་གསུམ་དོང་སྤྲུགས་ཤོག །ཅེས་པ་འདིའང་སྙིགས་དུས་ཀྱི་རིག་པ་འཛིན་པ་པདྨ་དགྱེས་པ་རྩལ་གྱི་གསང་གཏམ་མོ། །གུ་ཧྱ།། །། ༈

[edit]

rigs dang dkyil 'khor zhes pa'i dbu can gyi glu/__ rigs dang dkyil 'khor thams cad kyi/__/khyab bdag dpal ldan bla ma'i zhabs/__/gus pa'i snying gar bkod nas kyang /__/lta sgom spyod pa'i glu zhig len/__/e ma ho ngo mtshar rmad kyi chos/__/gsang chen nges don snying po'i lam/__/tshig gis mtshon yul ma yin yang /__/ye shes rtsal las 'di ltar shar/__/sgra dang tshig las rnam grol zhing /__/dpe yis mi mtshon gnyug ma'i gshis/__/da lta'i rig pa 'di ka la/__/lta ba mtha' brgyad spros bral zer/__/de yi ngang las rnam rtog rtsal/__/thol skyes thol nub med par grol/__/dran 'dzin gnyen po mi dgos pa/__/sgom pa blo dang bral ba zer/__/tshogs drug sgyu ma'i ltad mo la/__/ji ltar 'char yang chos nyid klong /__/'gro 'ong bral ba'i srog shing can/__/spyod pa tshul 'chos bral ba zer/__/bsam gyis mi khyab ye shes la/__/spang blang bsal grub chos ma dmigs/__/ye grol rdzogs pa chen po la/__/'bras bu ma btsal lhun rdzogs zer/__/de skad gang shar rjen pa'i gtam/__ma bcos dbu ma'i mdzod khang nas/__/re dogs med pa'i sems kyis smras/__/dge bas khams gsum dong sprugs shog__/ces pa 'di'ang snyigs dus kyi rig pa 'dzin pa pad+ma dgyes pa rtsal gyi gsang gtam mo/__/gu h+ya//___//___!_