JKW-KABUM-23-'A-001-035

🚧 This website is under continued development. We appreciate your patience!

Previous Text Back to Volume PageNext Text

Wylie title	glu rgyal kun snying rje'i rang gzugs
Location	mkhyen brtse'i bka' 'bum Volume 23, sde tshan 1, Text 35, Pages 76 (Folios 38b1 to 38b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. glu rgyal kun snying rje'i rang gzugs. In 'jam dbyangs mkhyen brtse'i dbang po'i bka' 'bum, Vol. 23: 76. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

Tibetan Text

Wylie

[edit]

ཨོཾ་མ་ཎི་པདྨེ་ཧཱུྃ། རྒྱལ་ཀུན་སྙིང་རྗེའི་ཡེ་ཤེས་ཀྱི་རང་གཟུགས། །འཇིག་རྟེན་དབང་ཕྱུག་ཐུགས་རྗེ་ཡི་གཏེར་ཆེན། །རྟག་ཏུ་དྲན་པའི་སྨྲེ་སྔགས་ཀྱི་མགྲིན་གླུས། །གསོལ་འདེབས་བུ་ལ་བྱིན་རླབས་ཅིག་སྩོལ་དང་། །ཁྱོད་སྐུའི་སྣང་བརྙན་བསོད་ནམས་ཀྱི་མཚར་སྡུག །ཏིང་འཛིན་པིར་གྱིས་རྩེ་གཅིག་ཏུ་འབྲི་ན། །ཐ་མལ་སྣང་ཞེན་རྒྱུ་བ་ཀུན་བཅོམ་པའི། །གསལ་བ་ལྷ་ཡི་དངོས་གྲུབ་ཅིག་སྩོལ་ཅིག །གང་གསུང་རྡོ་རྗེ་ཡིག་དྲུག་གི་རོལ་མོ། །མགྲིན་པར་རོལ་ནས་འཆད་མེད་དུ་སྨྲ་ན། །བརྟན་གཡོའི་སྒྲ་སྐད་གྲགས་སྟོང་དུ་འཆར་བའི། །ནུས་པ་སྔགས་ཀྱི་དངོས་གྲུབ་ཅིག་སྩོལ་ཅིག །ཁྱོད་ཐུགས་སྤྲོས་བྲལ་ཡེ་ཤེས་ཀྱི་གནས་ལུགས། །རང་ངོ་ཤེས་པའི་བསམ་གཏན་ལ་བརྩོན་ན། །གཟུང་འཛིན་འཁྲུལ་བ་གཉུག་མ་རུ་ཞིག་པའི། །ཟབ་མོ་འོད་གསལ་དངོས་གྲུབ་ཅིག་སྩོལ་ཅིག ། ༈

[edit]

glu rgyal kun snying rje'i rang gzugs/__ oM ma Ni pad+me hU~M/__rgyal kun snying rje'i ye shes kyi rang gzugs/__/'jig rten dbang phyug thugs rje yi gter chen/__/rtag tu dran pa'i smre sngags kyi mgrin glus/__/gsol 'debs bu la byin rlabs cig stsol dang /__/khyod sku'i snang brnyan bsod nams kyi mtshar sdug__/ting 'dzin pir gyis rtse gcig tu 'bri na/__/tha mal snang zhen rgyu ba kun bcom pa'i/__/gsal ba lha yi dngos grub cig stsol cig__/gang gsung rdo rje yig drug gi rol mo/__/mgrin par rol nas 'chad med du smra na/__/brtan g.yo'i sgra skad grags stong du 'char ba'i/__/nus pa sngags kyi dngos grub cig stsol cig__/khyod thugs spros bral ye shes kyi gnas lugs/__/rang ngo shes pa'i bsam gtan la brtson na/__/gzung 'dzin 'khrul ba gnyug ma ru zhig pa'i/__/zab mo 'od gsal dngos grub cig stsol cig_/__!