JKW-KABUM-02-KHA-001-007

🚧 This website is under continued development. We appreciate your patience!

Previous Text Back to Volume PageNext Text

Wylie title	nges don grub pa'i khyu mchog la bsngags pa'i gtam zla gzhon 'dzum zer
Location	mkhyen brtse'i bka' 'bum Volume 2, sde tshan 1, Text 7, Pages 33-34 (Folios 17a2 to 17b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. nges don grub pa'i khyu mchog la bsngags pa'i gtam zla gzhon 'dzum zer. In 'jam dbyangs mkhyen brtse'i dbang po'i bka' 'bum, Vol. 2: 33-34. Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam

1 Texts in this Section (sde tshan or chos tshan)

7 33-34	ངེས་དོན་གྲུབ་པའི་ཁྱུ་མཆོག་ལ་བསྔགས་པའི་གཏམ་ཟླ་གཞོན་འཛུམ་ཟེར། nges don grub pa'i khyu mchog la bsngags pa'i gtam zla gzhon 'dzum zer Discourses - gtam	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ངེས་དོན་གྲུབ་པའི་ཁྱུ་མཆོག་ལ་བསྔགས་པའི་གཏམ་ཟླ་གཞོན་འཛུམ་ཟེར་ཞེས་བྱ་བ། ཀ༷་དག་གཟོད་ནས་རབ་ཞི་ཐུགས་ཆུད་པས། །ཁ༷་བཤད་ནེ་ཙོའི་བཟླས་བརྗོད་དབྱིངས་སུ་ཡལ། །ག༷ངྒཱའི་རྒྱུན་ལས་ལྷག་པའི་ཏིང་ངེ་འཛིན། །ང༷་བདག་ཚ་གདུང་སེལ་ཕྱིར་ལྷག་པར་འབེབས། ༡ །ཅ༷་ཅོ་བྲལ་བའི་ཕྱག་རྒྱ་ཆེར་རོལ་ཅིང་། །ཆ༷་བྱད་ཧེ་རུ་ཀ་ཡི་རོལ་པས་སྒེག །ཇ༷་ཆང་ལོག་འཚོའི་རྫས་ཀྱང་བརྟུལ་ཞུགས་ཀྱིས། །ཉ༷་རྒྱས་ཀུ་མུད་རོལ་བཞིན་ལྷག་པར་མཛེས། ༢ །ཏ༷་ཐཱ་ག་ཏའི་སྙིང་པོ་འགྲོ་རྒྱུད་ལ། །ཐ༷་དད་བྲལ་བར་བཞུགས་ཕྱིར་ཡེ་ཤེས་སེམས། །ད༷་གཟོད་གཞན་ནས་འཚོལ་བའི་རྟོག་པ་ཀུན། །ན༷་མར་ཟུང་འཇུག་བདེ་ཆེན་ཆོས་སྐུར་རོལ། ༣ །པཱ༷་ར་མི་ཏ་དྲུག་ཀྱང་རིག་སྟོང་གཤིས། །ཕ༷་མཐའ་བྲལ་བའི་ཡེ་ཤེས་ལ་རྫོགས་པས། །བ༷་ལང་ལྟ་བུའི་རྨོངས་པའི་དགྲ་ཟླ་ཀུན། །མ༷་ལུས་སོར་རྟོག་ཤེས་རབ་དབྱིངས་སུ་རོལ། ༤ །ཙཱ༷་རི་ཏྲ་སོགས་ཕྱི་ནང་གནས་ཡུལ་ཀུན། །ཚ༷་གྲང་མཉམ་སྦྱོར་འཁོར་ལོ་ལྔ་རུ་ཤར། །ཛ༷་ཧུའི་རྒྱུན་ལྟར་ཞུ་བདེའི་རོས་སིམ་པས། །ཝ༷་ལྟར་ཉུལ་བའི་རྟོག་ཚོགས་དབྱིངས་སུ་ཐིམ། ༥ །ཞྭ༷་ཐོད་བྲལ་ཡང་རལ་པའི་ཟུར་ཕུད་བརྗིད། །ཟ༷་འོག་མིན་ཀྱང་གཏུམ་མོའི་བླ་གོས་གསོལ། །འ༷་འུར་སྣང་སེམས་ཟུང་འཇུག་བདེ་སྟོང་རོས། །ཡ༷་བྲལ་ལམ་ཀུན་གཉུག་མའི་ཏི་ལར་བསྡམ། ༦ །རཱ༷་ས་ན་ཞེས་ཐབས་ཀྱི་འཁྲི་ཤིང་དང་། །ལ༷་ལ་ན་སྟེ་ཤེས་རབ་རོལ་པ་ཀུན། །ཤ༷་ཁྲག་བྲལ་བའི་དབུ་མར་བསྡམས་པ་ཡིས། །ས༷་བཅུའི་ཡོན་ཏན་དགོངས་པའི་ཀློང་ནས་ཤར། ༧ །ཧ༷་རི་ནཱི་ས་ལས་སྐྱེས་ཌཱ་ཀི་ནི། །ཕྱག་རྒྱ་རྣམ་བཞིའི་ངོ་བོར་དགྱེས་རོལ་པའི། །ཨ༷་ཧཾ་ཟུང་འཇུག་འབར་འཛག་བདུད་རྩི་ཡིས། །མཚན་མའི་འཁྲུལ་ཆོས་ལྷན་སྐྱེས་དགའ་བཞིར་ཐིམ། ༨ །དེ་སྐད་གྲུབ་པའི་ཁྱུ་མཆོག་ཆེན་པོ་ལ། །བསྔགས་བརྗོད་ཆུ་ཤེལ་གསར་པའི་སོར་མོ་ཡིས། །དད་གསུམ་ཀུ་མུད་བཞད་པའི་འཛུམ་དཀར་དེས། །བདག་ཡིད་བདེ་སྟོང་མཆོག་གི་རོས་ཚིམ་ཤོག ༩ །སརྦ་ས་མནྟུ་ཤུ་བྷཾ།། །། ༈

[edit]

nges don grub pa'i khyu mchog la bsngags pa'i gtam zla gzhon 'dzum zer/__ nges don grub pa'i khyu mchog la bsngags pa'i gtam zla gzhon 'dzum zer zhes bya ba/_kaX dag gzod nas rab zhi thugs chud pas/_/khaX bshad ne tso'i bzlas brjod dbyings su yal/_/gaXng+gA'i rgyun las lhag pa'i ting nge 'dzin/_/ngaX bdag tsha gdung sel phyir lhag par 'bebs/_1__/caX co bral ba'i phyag rgya cher rol cing /_/chaX byad he ru ka yi rol pas sgeg__/jaX chang log 'tsho'i rdzas kyang brtul zhugs kyis/_/nyaX rgyas ku mud rol bzhin lhag par mdzes/_2__/taX thA ga ta'i snying po 'gro rgyud la/_/thaX dad bral bar bzhugs phyir ye shes sems/_/daX gzod gzhan nas 'tshol ba'i rtog pa kun/_/naX mar zung 'jug bde chen chos skur rol/_3_/pAX ra mi ta drug kyang rig stong gshis/_/phaX mtha' bral ba'i ye shes la rdzogs pas/_/baX lang lta bu'i rmongs pa'i dgra zla kun/_/maX lus sor rtog shes rab dbyings su rol/_4__/tsAX ri tra sogs phyi nang gnas yul kun/_/tshaX grang mnyam sbyor 'khor lo lnga ru shar/_/dzaX hu'i rgyun ltar zhu bde'i ros sim pas/_/waX ltar nyul ba'i rtog tshogs dbyings su thim/_5__/zhwaX thod bral yang ral pa'i zur phud brjid/_/zaX 'og min kyang gtum mo'i bla gos gsol/_/'aX 'ur snang sems zung 'jug bde stong ros/_/yaX bral lam kun gnyug ma'i ti lar bsdam/_6__/rAX sa na zhes thabs kyi 'khri shing dang /_/laX la na ste shes rab rol pa kun/_/shaX khrag bral ba'i dbu mar bsdams pa yis/_/saX bcu'i yon tan dgongs pa'i klong nas shar/_7__/haX ri nI sa las skyes DA ki ni/_/phyag rgya rnam bzhi'i ngo bor dgyes rol pa'i/_/aX haM zung 'jug 'bar 'dzag bdud rtsi yis/_/mtshan ma'i 'khrul chos lhan skyes dga' bzhir thim/_8__/de skad grub pa'i khyu mchog chen po la/_/bsngags brjod chu shel gsar pa'i sor mo yis/_/dad gsum ku mud bzhad pa'i 'dzum dkar des/_/bdag yid bde stong mchog gi ros tshim shog__9__/sarba sa man+tu shu b+haM//___//_!