JKW-KABUM-20-WA-001-089

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal kaH thog rdo rje'i gdan gyi chos smra ba'i zla ba rmog ston gsang bdag chen po'i rnam 'phrul seng khrir mnga' gsol skabs legs 'bul gyi yi ge
Location	mkhyen brtse'i bka' 'bum Volume 20, sde tshan 1, Text 89, Pages 157-160 (Folios 79a1 to 80b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal kaH thog rdo rje'i gdan gyi chos smra ba'i zla ba rmog ston gsang bdag chen po'i rnam 'phrul seng khrir mnga' gsol skabs legs 'bul gyi yi ge. In 'jam dbyangs mkhyen brtse'i dbang po'i bka' 'bum, Vol. 20: 157-160. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog
Colophon	།།ཞེས་པའང་སི་ཏུ་མཆོག་སྤྲུལ་རིན་པོ་ཆེ་ཆོས་ཀྱི་བློ་གྲོས་པའི་ཐུགས་བཞེད་སྐོང་སླད་བྱ་བྲལ་བ་མཁྱེན་བརྩེའི་དབང་པོས་ལྷུན་གྲུབ་སྟེང་གི་ཆོས་གྲྭ་ནས་བྲིས་ཏེ་ཕུལ་བ་དགེ།
	zhes pa'ang si tu mchog sprul rin po che chos kyi blo gros pa'i thugs bzhed skong slad bya bral ba mkhyen brtse'i dbang pos lhun grub steng gi chos grwa nas bris te phul ba dge

1 Texts in this Section (sde tshan or chos tshan)

89 157-160	དཔལ་ཀཿཐོག་རྡོ་རྗེའི་གདན་གྱི་ཆོས་སྨྲ་བའི་ཟླ་བ་རྨོག་སྟོན་གསང་བདག་ཆེན་པོའི་རྣམ་འཕྲུལ་སེང་ཁྲིར་མངའ་གསོལ་སྐབས་ལེགས་འབུལ་གྱི་ཡི་གེ། dpal kaH thog rdo rje'i gdan gyi chos smra ba'i zla ba rmog ston gsang bdag chen po'i rnam 'phrul seng khrir mnga' gsol skabs legs 'bul gyi yi ge Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དཔལ་ཀཿཐོག་རྡོ་རྗེའི་གདན་གྱི་ཆོས་སྨྲ་བའི་ཟླ་བ་རྨོག་སྟོན་གསང་བདག་ཆེན་པོའི་རྣམ་འཕྲུལ་སེང་ཁྲིར་མངའ་གསོལ་སྐབས་ལེགས་འབུལ་གྱི་ཡི་གེ་གསང་འཛིན་བཞད་པའི་དབྱངས་སྙན་ཅེས་བྱ་བ། །

༈ སྡེབ་སྦྱོར་མཉམ་པའི་བྲྀཏྟ་ཡི་གེ་བཅོ་བརྒྱད་པ་བསྟན་འཛིན་ལ་རྣམ་གྲངས་སྤྱིར། ༢༦༢༡༤༤མཆིས་པ་ལས། བྱེ་བྲག་ཨུདྡིཥྚ། ༣༧༨༥༧གྱི་མཚམས་ནས་ཟིན་པ་མེ་ཏོག་གཡོ་བའི་འཁྲི་ཤིང་ཞེས་བྱ་བའི་པྲསྟཱ་རས་མཛེས་པར་བྱས་པ་ཛ་ཡནྟུ། །

བཛྲསྠཱཤཱསྟྲཱཿ སུབརཤུདྡྷིཏཾསཱནུཙཱརོགཎཱཔྡྷཽཿ ནིཏྱཱནནྟཱནཱཾསམཡསུབཙཻཿསྐནྡྷདྷརྨསྱམགྷཻཿ ནཱགནྡྲཾནིརྨཱཾབརསུགགནཾབྱཱཔྟིདམྱསྱཀལྤཾ། སིདྡྷཱམཱརཱཎཱཾནབཤུབྷརུཙིཾལཀྵཎཱལོཀབྷཱུཡཱཏ། །རྡོ་རྗེའི་གནས་སུ་མཆོག་གི་སྟོན་པས་དག་པའི་འཁོར་ཚོགས་རྒྱ་མཚོ་ལ། །རྟག་པ་རྒྱུན་གྱི་དུས་སུ་ལེགས་འདོམས་མཐའ་ཡས་ཆོས་ཀྱི་ཕུང་པོའི་སྤྲིན། །སྐལ་བཟང་གདུལ་བྱའི་མཁའ་ལ་ཁྱབ་མཛད་མཆོག་གི་སྤྲུལ་སྐུ་གདེངས་ཅན་དབང་། །འཆི་མེད་གྲུབ་པའི་དགེ་མཚན་གསར་བས་འཇིག་རྟེན་ཀུན་ཏུ་སྣང་གྱུར་ཅིག ༡ །རྡུལ་བྲལ་ཤེས་རབ་འོད་གསལ་དབྱིངས་ལས་ཐབས་མཆོག་སྒེག་མོའི་གླུས་བསྐུལ་ཏེ། །ཟུང་འཇུག་སྒྱུ་འཕྲུལ་དྲྭ་བའི་རོལ་མོས་མགོན་ཁྱོད་སྲིད་འདིར་བཞེངས་པ་ན། །རྒྱལ་བའི་མྱུ་གུ་དམ་པ་ཉིད་ཅེས་ཐོག་མ་ཉིད་ནས་བསྔགས་བརྗོད་གཏམ། །ཚངས་ཆེན་ཞིང་འདིའི་ཕ་མཐར་བརྒལ་ལ་སླར་ཡང་ཚིག་གི་པདྨོས་མཆོད། ༢ །གང་ཞིག་རྟོགས་བྱའི་ཆོས་ཅན་ཇི་སྙེད་སྐུ་དང་ཡེ་ཤེས་རང་སྣང་བས། །དོན་དམ་ཆོས་ཉིད་གཞན་དུ་མ་དམིགས་བདེན་གཉིས་དབྱེར་མེད་ཟབ་མོའི་དོན། །ཇི་བཞིན་ཐུགས་སུ་ཆུད་པའི་རང་གཟུགས་གསང་བདག་དཔའ་བོར་གྲགས་འབར་བ། །རྒྱལ་བའི་མྱུ་གུ་གཞོན་ནུའི་ཟོལ་གྱིས་འཕགས་བཞིའི་སྤྱོད་ཡུལ་ཀུན་ཏུ་འཇུག༣། མཐའ་གཉིས་སྤྲོས་པ་དབུ་མར་བསྙིལ་བའི་སྟོང་པ་ཆེན་པོའི་འཆི་མེད་ལམ། །སྙིང་རྗེ་སྒྱུ་མའི་འདུ་འགོད་བྱེ་བས་ཕྱག་རྒྱ་གཅིག་སྤྲོས་ཟླ་ཚེས་ནི། །ཚོགས་ཀྱི་སྤྱོད་པའི་ཡར་ངོར་འཛེགས་ལས་བརྟུལ་ཞུགས་གྲུབ་པའི་ཆ་རྫོགས་པ། །ས་བཅུའི་དབང་ཕྱུག་ཀུན་གྱི་དབུས་ན་ལྷུན་གྲུབ་རིག་འཛིན་གར་གྱིས་རོལ། ༤ །ཆོས་དབྱིངས་ལོངས་སྤྱོད་རྫོགས་པའི་སྣང་བརྙན་སྤྲུལ་པའི་གཟུགས་གཞན་འཆར་བའི་སྐུ། །དངོས་གཅིག་དུ་མའི་ཚུལ་དུ་ཤར་བ་ཡེ་ཤེས་ཆེན་པོའི་བྱིན་འཆང་ཞིང་། །རྟག་ཅིང་ཁྱབ་དང་ལྷུན་གྱིས་གྲུབ་པའི་མཛད་པ་ཕྲིན་ལས་མཐའ་ཡས་པས། །འཇིག་རྟེན་གསུམ་གྱི་འདྲེན་པར་བསྔགས་པའང་དོན་གྱི་སྙིང་པོས་རབ་ཏུ་ལྕི། ༥ །འོག་མིན་ཆེན་པོར་གདམས་ཤིང་གཏད་པའི་དགོངས་འགྲེལ་རྨད་བྱུང་རྡོ་རྗེའི་རྒྱུད། །རྣལ་འབྱོར་གསུམ་གྱི་སེང་གེའི་ང་རོས་ལོག་སྨྲ་རྣམས་ནི་མཐར་མཛད་པ། །རྒྱལ་བ་གཉིས་པའི་ཆོས་ཀྱི་ཁྲི་ལ་སྲས་བཅས་འདྲེན་པས་མངའ་གསོལ་བའི། །ཕུན་སུམ་ཚོགས་པའི་དགེ་མཚན་སྣང་བས་བསྟན་པའི་རྫོགས་ལྡན་གསར་དུ་དྲངས། ༦ །དེ་སླད་གང་གི་ངོ་མཚར་རྣམ་ཐར་སྤྲིན་སྔོན་ཆུན་པོ་གཡོ་བའི་དཔྱིད། །མོས་གུས་མདོངས་མཐའི་སྙིང་དུ་སྡུག་པས་དད་གསུམ་ཟློས་པའི་གར་བསྒྱུར་བཞིན། །ཕྱག་གི་ཕྲེང་བས་མདུན་ནས་བདར་ཏེ་དངོས་པོ་ངེས་པར་བསྟན་པ་ཡི། །བརྗོད་པ་ཉུང་ངུའི་ངག་གི་རྒྱུད་མང་གཟུར་གནས་མཆོད་པའི་སྤྲིན་དུ་སྤྲོ། ༧ །སླར་ཡང་གསོལ་པ། ཨོཾ་སྭསྟི་ཤྲཱི་བི་ཛ་ཡནྟུ། མཚན་པའི་གདུག༷ས་དཀར་ས་གསུམ་བླ་ན་བརྗིད་པའི་སྐུ། །མཁྱེན་གཉིས་གསེ༷ར་ཉ༷་ངག་ཚིག་དབྱངས་སུ་ཟློས་པའི་གསུང་། །འདོད་དགུའི་མཆོག་སྩོལ་བུ༷མ་པ༷་བཟང་པོའི་ཐུགས་མངའ་བའི། །གསང་གསུམ་ཡོན་ཏན་སླར་ཡང་དྲན་པས་ཕྱག་བགྱིའོ། ༡ །དངོས་ཡིད་མཆོད་སྤྲིན་པ༷དྨ༷་དཀར་པོས་མདུན་བདར་ཏེ། །སྟོབས་བཞིའི་དུང༷་གིས་སྒྲིབ་གཉིས་རིམས་ནད་འཇིལ་དང་བཅས། །མགོན་ཁྱོད་ངོ་མཚར་འཕགས་རྣམས་དགྱེས་པའི་བདུད་རྩི་ལ། །རྗེས་སུ་ཡི་རངས་སྙིང་གི་དཔ༷ལ་བེ༷་ཅིར་ཡང་བྱེ། ༢ །བཀྲ་ཤིས་གང་ཞིག་འཚོ་གཞེས་རྒྱ༷ལ་མཚ༷ན་བསྐལ་པ་རྒྱ་མཚོར་བརྟན་པ་དང་། །ཆོས་ཀྱི་འཁོ༷ར་ལོ༷་རྟག་ཏུ་བསྐོར་བས་བསྟན་འགྲོའི་ཕན་བདེ་མཐའ་ཡས་པའི། །སྭསྟིའི་དབྱངས་སྙན་ཕྱོགས་བརྒྱར་བསྒྲགས་པས་ཡིད་སྲུབས་སྡེར་བཅས་སྤ་བཀོང་སྟེ། །སྲིད་ཞིའི་དགེ་ལེགས་རྫོགས་ལྡན་འབྱོར་པ་འཇིག་རྟེན་ཀུན་ཏུ་འཕེལ་གྱུར་ཅིག༣། སརྦ་དཱ་ཀ་ལྱཱ་ཎཾ་བྷ་བ་ཏུ།། །།ཞེས་པའང་སི་ཏུ་མཆོག་སྤྲུལ་རིན་པོ་ཆེ་ཆོས་ཀྱི་བློ་གྲོས་པའི་ཐུགས་བཞེད་སྐོང་སླད་བྱ་བྲལ་བ་མཁྱེན་བརྩེའི་དབང་པོས་ལྷུན་གྲུབ་སྟེང་གི་ཆོས་གྲྭ་ནས་བྲིས་ཏེ་ཕུལ་བ་དགེ། །། ༈

[edit]

dpal kaHthog rdo rje'i gdan gyi chos smra ba'i zla ba rmog ston gsang bdag chen po'i rnam 'phrul seng khrir mnga' gsol skabs legs 'bul gyi yi ge/ dpal kaHthog rdo rje'i gdan gyi chos smra ba'i zla ba rmog ston gsang bdag chen po'i rnam 'phrul seng khrir mnga' gsol skabs legs 'bul gyi yi ge gsang 'dzin bzhad pa'i dbyangs snyan ces bya ba/__/_ !_sdeb sbyor mnyam pa'i br-it+ta yi ge bco brgyad pa bstan 'dzin la rnam grangs spyir/_262144mchis pa las/_bye brag ud+diSh+Ta/_37857gyi mtshams nas zin pa me tog g.yo ba'i 'khri shing zhes bya ba'i prastA ras mdzes par byas pa dza yan+tu/_/ badz+ras+thAshAs+t+rAH_subarashud+d+hitaMsAnutsArogaNAp+d+hauH_nit+yAnan+tAnAMsamayasubatsaiHskan+d+had+harmas+yamag+haiH_nAgan+d+raMnirmAMbarasugaganaMbyAp+tidamyas+yakalpaM/_sid+d+hAmArANAMnabashub+harutsiMlak+ShaNAlokab+hUyAta/_/rdo rje'i gnas su mchog gi ston pas dag pa'i 'khor tshogs rgya mtsho la/_/rtag pa rgyun gyi dus su legs 'doms mtha' yas chos kyi phung po'i sprin/_/skal bzang gdul bya'i mkha' la khyab mdzad mchog gi sprul sku gdengs can dbang /_/'chi med grub pa'i dge mtshan gsar bas 'jig rten kun tu snang gyur cig_1_/rdul bral shes rab 'od gsal dbyings las thabs mchog sgeg mo'i glus bskul te/_/zung 'jug sgyu 'phrul drwa ba'i rol mos mgon khyod srid 'dir bzhengs pa na/_/rgyal ba'i myu gu dam pa nyid ces thog ma nyid nas bsngags brjod gtam/_/tshangs chen zhing 'di'i pha mthar brgal la slar yang tshig gi pad+mos mchod/_2_/gang zhig rtogs bya'i chos can ji snyed sku dang ye shes rang snang bas/_/don dam chos nyid gzhan du ma dmigs bden gnyis dbyer med zab mo'i don/_/ji bzhin thugs su chud pa'i rang gzugs gsang bdag dpa' bor grags 'bar ba/_/rgyal ba'i myu gu gzhon nu'i zol gyis 'phags bzhi'i spyod yul kun tu 'jug3/_mtha' gnyis spros pa dbu mar bsnyil ba'i stong pa chen po'i 'chi med lam/_/snying rje sgyu ma'i 'du 'god bye bas phyag rgya gcig spros zla tshes ni/_/tshogs kyi spyod pa'i yar ngor 'dzegs las brtul zhugs grub pa'i cha rdzogs pa/_/sa bcu'i dbang phyug kun gyi dbus na lhun grub rig 'dzin gar gyis rol/_4_/chos dbyings longs spyod rdzogs pa'i snang brnyan sprul pa'i gzugs gzhan 'char ba'i sku/_/dngos gcig du ma'i tshul du shar ba ye shes chen po'i byin 'chang zhing /_/rtag cing khyab dang lhun gyis grub pa'i mdzad pa phrin las mtha' yas pas/_/'jig rten gsum gyi 'dren par bsngags pa'ang don gyi snying pos rab tu lci/_5_/'og min chen por gdams shing gtad pa'i dgongs 'grel rmad byung rdo rje'i rgyud/_/rnal 'byor gsum gyi seng ge'i nga ros log smra rnams ni mthar mdzad pa/_/rgyal ba gnyis pa'i chos kyi khri la sras bcas 'dren pas mnga' gsol ba'i/_/phun sum tshogs pa'i dge mtshan snang bas bstan pa'i rdzogs ldan gsar du drangs/_6_/de slad gang gi ngo mtshar rnam thar sprin sngon chun po g.yo ba'i dpyid/_/mos gus mdongs mtha'i snying du sdug pas dad gsum zlos pa'i gar bsgyur bzhin/_/phyag gi phreng bas mdun nas bdar te dngos po nges par bstan pa yi/_/brjod pa nyung ngu'i ngag gi rgyud mang gzur gnas mchod pa'i sprin du spro/_7_/slar yang gsol pa/_oM swasti shrI bi dza yan+tu/_mtshan pa'i gdugaXs dkar sa gsum bla na brjid pa'i sku/_/mkhyen gnyis gseXr nyaX ngag tshig dbyangs su zlos pa'i gsung /_/'dod dgu'i mchog stsol buXm paX bzang po'i thugs mnga' ba'i/_/gsang gsum yon tan slar yang dran pas phyag bgyi'o/_1_/dngos yid mchod sprin paXd+maX dkar pos mdun bdar te/_/stobs bzhi'i dungaX gis sgrib gnyis rims nad 'jil dang bcas/_/mgon khyod ngo mtshar 'phags rnams dgyes pa'i bdud rtsi la/_/rjes su yi rangs snying gi dpaXl beX cir yang bye/_2_/bkra shis gang zhig 'tsho gzhes rgyaXl mtshaXn bskal pa rgya mtshor brtan pa dang /_/chos kyi 'khoXr loX rtag tu bskor bas bstan 'gro'i phan bde mtha' yas pa'i/_/swasti'i dbyangs snyan phyogs brgyar bsgrags pas yid srubs sder bcas spa bkong ste/_/srid zhi'i dge legs rdzogs ldan 'byor pa 'jig rten kun tu 'phel gyur cig3/_sarba dA ka l+yA NaM b+ha ba tu//__//zhes pa'ang si tu mchog sprul rin po che chos kyi blo gros pa'i thugs bzhed skong slad bya bral ba mkhyen brtse'i dbang pos lhun grub steng gi chos grwa nas bris te phul ba dge/__//_!