JKW-KABUM-20-WA-001-070

🚧 This website is under continued development. We appreciate your patience!

Previous Text Back to Volume PageNext Text

Wylie title	gang gi mtshan gyi rgyal rnga brdung tsam gyis/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 70, Pages 133-134 (Folios 67a2 to 67b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gang gi mtshan gyi rgyal rnga brdung tsam gyis zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 133-134. Khams sde dge rdzong sar dgon: Rdzong sar blo gros phun tshogs, 2020.
Genre	Invocation of Auspiciousness - bkra shis brjod pa
Colophon	།ཅེས་ཤིས་པར་བརྗོད་པའི་བདེན་ཚིག་གི་མེ་ཏོག་མངོན་པར་འཐོར་བའི་མཚོན་བྱེད་དུ་དགེ་ལེགས་ཀྱི་རེ་ཁཱས་མངོན་པར་བཀྲ་བའི་ལྷ་རྫས་དང་། ཤྲཱི་ཧེ་རུ་ཀ་འཆི་མེད་རྟག་པའི་རྡོ་རྗེ་མངོན་རྫོགས་རྒྱལ་པོའི་དཀྱིལ་འཁོར་དུ་བསྒྲུབས་པའི་མྱང་གྲོལ་བདུད་རྩིའི་ཕུར་མ་བཅས་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་ཕུལ་བ་དགེ།
	ces shis par brjod pa'i bden tshig gi me tog mngon par 'thor ba'i mtshon byed du dge legs kyi re khAs mngon par bkra ba'i lha rdzas dang /_shrI he ru ka 'chi med rtag pa'i rdo rje mngon rdzogs rgyal po'i dkyil 'khor du bsgrubs pa'i myang grol bdud rtsi'i phur ma bcas bya bral chos rje 'jam dbyangs mkhyen brtse'i dbang pos phul ba dge/

1 Texts in this Section (sde tshan or chos tshan)

70 133-134	གང་གི་མཚན་གྱི་རྒྱལ་རྔ་བརྡུང་ཙམ་གྱིས། ཞེས་པའི་དབུ་ཅན། gang gi mtshan gyi rgyal rnga brdung tsam gyis/ zhes pa'i dbu can Invocation of Auspiciousness - bkra shis brjod pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཨོཾ་སྭསྟི་སིདྡྷཾ། གང་གི་མཚན་གྱི་རྒྱལ་རྔ་བརྡུང་ཙམ་གྱིས། །སྲིད་དང་ཞི་བའི་རྒུད་པ་དྲུངས་ཕྱུངས་ནས། །འཆི་མེད་དངོས་གྲུབ་སྟེར་མཛད་ལྷག་པའི་ལྷས། །རྣམ་ཀུན་ཤིས་པའི་མེ་ཏོག་ཆར་དུ་བསྙིལ། །བསོད་ནམས་བྱེ་བའི་ཆུ་གཏེར་བསྲུབས་པའི་ཕུལ། །ལུགས་གཉིས་ཆ་ཤས་ཡོངས་སུ་གང་བའི་ཟླ། །ལྟོས་བཅས་གདུང་བ་སེལ་བའི་དཔྱིད་གཅིག་པུ། །བསྐལ་པ་རྒྱ་མཚོར་འཚོ་གཞེས་བརྟན་གྱུར་ཅིག །གྲགས་པའི་རྔ་ཡབ་ནོར་བུའི་ཡུ་བ་ཅན། །ཕྱོགས་དང་ཕྱོགས་བྲལ་རྣམས་སུ་འགྲོ་བ་ན། །ཕན་བདེའི་དངོས་ཀུན་ཆར་དུ་བསྙིལ་བཟོད་པའི། །རྒྱལ་བའི་མྱུ་གུའི་ལེགས་མཛད་རྒྱས་པར་ཤོག །ཆོས་དང་སྲིད་ཀྱི་གཞུང་ལུགས་མཐའ་དག་ལ། །སྒྲིབ་པ་མེད་པར་འདུས་ཏེ་རེག་པའི་སྤྱན། །འཇམ་དཔལ་གཞོན་ནུའི་རྗེས་སུ་འགྲོ་བ་ཡི། །ལྷར་བཅས་འཇིག་རྟེན་བསྔགས་འོས་ཉིད་གྱུར་ཅིག །ཤིན་ཏུ་བྱམས་པའི་བདུད་རྩིའི་རླན་ཆགས་པའི། །གདུང་སེལ་ཟླ་བ་གཞོན་ནུའི་འཛུམ་འོད་ཅན། །ཕྱག་ན་པདྨོའི་རྣམ་ཐར་མྱུར་མཛད་པས། །ས་གསུམ་ཀུན་ཏུ་དགའ་བའི་དཔལ་སྟེར་ཤོག །ཕས་རྒོལ་མི་སྲུན་རི་བོའི་རྒྱུན་ལུགས་ཀུན། །གཅོད་བྱེད་བརྒྱ་བྱིན་རྡོ་རྗེའི་ཤུགས་འཆང་བ། །གསང་བ་འཛིན་པའི་ནུས་པ་མ་སྨད་པས། །ཡིད་སྲུབས་དཔུང་བཅས་ཁེངས་པ་འཇོམས་གྱུར་ཅིག །ཕྱོགས་དང་དུས་དང་གནས་སྐབས་ཐམས་ཅད་དུ། །མཚུངས་ཟླ་བྲལ་བ་རིག་འཛིན་རྒྱལ་པོའི་སྲས། །མེས་དབོན་གསུམ་གྱི་རྣམ་ཐར་དང་མཚུངས་པའི། །སྐལ་པ་བཟང་པོའི་དུས་སྟོན་དར་བབས་ཤོག །ཅེས་ཤིས་པར་བརྗོད་པའི་བདེན་ཚིག་གི་མེ་ཏོག་མངོན་པར་འཐོར་བའི་མཚོན་བྱེད་དུ་དགེ་ལེགས་ཀྱི་རེ་ཁཱས་མངོན་པར་བཀྲ་བའི་ལྷ་རྫས་དང་། ཤྲཱི་ཧེ་རུ་ཀ་འཆི་མེད་རྟག་པའི་རྡོ་རྗེ་མངོན་རྫོགས་རྒྱལ་པོའི་དཀྱིལ་འཁོར་དུ་བསྒྲུབས་པའི་མྱང་གྲོལ་བདུད་རྩིའི་ཕུར་མ་བཅས་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་ཕུལ་བ་དགེ། །། ༈

[edit]

gang gi mtshan gyi rgyal rnga brdung tsam gyis/_zhes pa'i dbu can/ oM swasti sid+d+haM/_gang gi mtshan gyi rgyal rnga brdung tsam gyis/_/srid dang zhi ba'i rgud pa drungs phyungs nas/_/'chi med dngos grub ster mdzad lhag pa'i lhas/_/rnam kun shis pa'i me tog char du bsnyil/_/bsod nams bye ba'i chu gter bsrubs pa'i phul/_/lugs gnyis cha shas yongs su gang ba'i zla/_/ltos bcas gdung ba sel ba'i dpyid gcig pu/_/bskal pa rgya mtshor 'tsho gzhes brtan gyur cig_/grags pa'i rnga yab nor bu'i yu ba can/_/phyogs dang phyogs bral rnams su 'gro ba na/_/phan bde'i dngos kun char du bsnyil bzod pa'i/_/rgyal ba'i myu gu'i legs mdzad rgyas par shog_/chos dang srid kyi gzhung lugs mtha' dag la/_/sgrib pa med par 'dus te reg pa'i spyan/_/'jam dpal gzhon nu'i rjes su 'gro ba yi/_/lhar bcas 'jig rten bsngags 'os nyid gyur cig_/shin tu byams pa'i bdud rtsi'i rlan chags pa'i/_/gdung sel zla ba gzhon nu'i 'dzum 'od can/_/phyag na pad+mo'i rnam thar myur mdzad pas/_/sa gsum kun tu dga' ba'i dpal ster shog_/phas rgol mi srun ri bo'i rgyun lugs kun/_/gcod byed brgya byin rdo rje'i shugs 'chang ba/_/gsang ba 'dzin pa'i nus pa ma smad pas/_/yid srubs dpung bcas khengs pa 'joms gyur cig_/phyogs dang dus dang gnas skabs thams cad du/_/mtshungs zla bral ba rig 'dzin rgyal po'i sras/_/mes dbon gsum gyi rnam thar dang mtshungs pa'i/_/skal pa bzang po'i dus ston dar babs shog_/ces shis par brjod pa'i bden tshig gi me tog mngon par 'thor ba'i mtshon byed du dge legs kyi re khAs mngon par bkra ba'i lha rdzas dang /_shrI he ru ka 'chi med rtag pa'i rdo rje mngon rdzogs rgyal po'i dkyil 'khor du bsgrubs pa'i myang grol bdud rtsi'i phur ma bcas bya bral chos rje 'jam dbyangs mkhyen brtse'i dbang pos phul ba dge/__//_!