JKW-KABUM-20-WA-001-069

🚧 This website is under continued development. We appreciate your patience!

Previous Text Back to Volume PageNext Text

Wylie title	bsod nams rgyu las 'bras bu'i ye shes brnyes/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 69, Pages 131-133 (Folios 66a2 to 67a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bsod nams rgyu las 'bras bu'i ye shes brnyes zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 131-133. Khams sde dge rdzong sar dgon: Rdzong sar blo gros phun tshogs, 2020.
Genre	Invocation of Auspiciousness - bkra shis brjod pa
Colophon	།ཅེས་པའི་ཞུ་མཚོན་ཨུན་ཆེན་མདངས་ལྡན་ལྷ་ཡི་རེག་བྱ་བཅས་རྒྱལ་བའི་མྱུ་གུ་ཞི་བའི་བློ་གྲོས་ཀྱིས་སྨྲས་ཤིང་བྲིས་ཏེ་ཕུལ་བ་ཤུབྷཾ།།
	ces pa'i zhu mtshon un chen mdangs ldan lha yi reg bya bcas rgyal ba'i myu gu zhi ba'i blo gros kyis smras shing bris te phul ba shub+haM

1 Texts in this Section (sde tshan or chos tshan)

69 131-133	བསོད་ནམས་རྒྱུ་ལས་འབྲས་བུའི་ཡེ་ཤེས་བརྙེས། ཞེས་པའི་དབུ་ཅན། bsod nams rgyu las 'bras bu'i ye shes brnyes/ zhes pa'i dbu can Invocation of Auspiciousness - bkra shis brjod pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བསོད་ནམས་རྒྱུ་ལས་འབྲས་བུའི་ཡེ་ཤེས་བརྙེས། །སྒྲིབ་པ་ཀུན་བསལ་རྟོགས་པའི་ཕུལ་ཕྱིན་ཀྱང་། །སྙིང་རྗེའི་ཕྱི་བཞིན་འགྲོ་བའི་སེམས་དཔའ་ཆེ། །རིག་འཛིན་སྤྲུལ་པའི་གར་མཁན་ག་ལ་བར། །གང་ཚེ་འདས་པའི་དུས་ན་སྔོན། །སྟོང་གསུམ་འཇིག་རྟེན་ཤར་གྱི་ཕྱོགས། །འོད་མ་རྒྱ་འབྱམས་ཞིང་ཁམས་སུ། །སྟོན་པ་ཤེས་རབ་རྒྱས་བྱེད་བྱུང་། །དེ་ནས་གཡུང་དྲུང་སེམས་དཔའ་ནི། །ཁྲི་དང་དྲུག་སྟོང་འདུས་པའི་ཕུལ། །རྒྱལ་སྲས་འ་ཞ་དོན་ལྡན་པ། །རིགས་མཆོག་ཡོངས་སུ་སད་པ་ཡོད། །དེར་ནི་གཤེན་རྒྱལ་མི་བོ་ཆེ། །རྫུ་འཕྲུལ་འོད་ཀྱི་རླབས་སྤྲོས་པས། །པདྨའི་དྲི་ལ་བུང་བ་བཞིན། །སྨོན་ལམ་མཐུ་ཡིས་མདུན་ལྷགས་ཚེ། །སྟོན་པས་སྔོན་དང་ཕྱི་མའི་མཐའ། །རྒྱས་པར་སྩལ་བས་དབུགས་དབྱུང་སྟེ། །གསང་བའི་དོན་རྣམས་མདོར་སྡུད་ཕྱིར། །མཚན་གྱི་ཡི་གེ་བརྗིད་པ་བྱིན། །སྤྲོ་བའི་རླན་གྱིས་བསྐྱེད་བསྲིངས་པའི། །བསམ་གཏན་སཱ་ལའི་ལྗོན་པ་ནི། །སེང་གེ་རྒྱབ་བསྣོལ་བྲག་ཕུག་ཏུ། །འཁྲུངས་པས་རབ་ཞིའི་འབྲས་བཟང་མངར། །མ་འོངས་གདུལ་དཀའི་ཞིང་འདི་རུ། །རྣམ་འདྲེན་དོན་ལ་འགྱུར་མེད་མཆོག །ལྷ་དང་མི་ཡི་མགོན་གཅིག་པུར། །ལུང་བསྟན་ནོར་བུའི་ཅོད་པན་འབར། །ཨེ་མ་དེ་ལྟའི་ངོ་མཚར་ཅན། །ཟག་མེད་ཞི་བ་འོད་ཀྱི་ལུས། །འདི་ན་ངུར་སྨྲིག་འཛིན་པའི་ཟོལ། །ཁྱོད་ལས་གཞན་དུ་མ་དམིགས་ཕྱིར། །སྐྱེ་བས་ཐོབ་པའི་སྤངས་རྟོགས་དང་། །སྦྱོར་བྱུང་བསྔགས་འོས་ཡོན་ཏན་དང་། །དེས་ཀྱང་གཞན་ཕན་ཕྲིན་ལས་ཏེ། །གསུམ་པོ་འདི་ནི་ལྷན་ཅིག་རྒྱས། །དེ་ཕྱིར་བརྩེ་བས་དྲངས་པའི་ཚིག །དབྱངས་ཅན་ངག་གི་ཏམྦུ་ར། །འདི་ན་ཐོབ་པའི་རབ་དགའི་ཡིད། །བསམ་གཏན་བདེ་ལ་རེག་སྙམ་བགྱིད། །འདི་ན་འབྱུང་བ་འདུས་པའི་ལུས། །རྣམ་འགྱུར་གདུང་བས་འཁྱུད་བྱས་ཀྱང་། །ཡིད་ནི་བྱང་ཆུབ་སྤྱོད་པ་དང་། །རྗེས་སུ་འདུས་པ་འབྲལ་མི་བཟོད། །མཚམས་ཞུས། །སླད་མའི་ཆར་ཡང་། ནོར་ནི་རྨོངས་པའི་ཁྱད་ཆོས་ཏེ། །ས་ཡི་དབང་ཕྱུག་ལས་ཀྱིས་འཕང་། །འཇིག་རྟེན་འདི་ན་དཀོན་པའི་ཕུལ། །དམ་པའི་སྐྱེས་བུ་འདྲ་བ་སུ། །དམ་པ་དམ་པར་བགྲང་བ་ལ། །ཡོན་ཏན་མཐའ་དག་རྫོགས་དགོས་ཕྱིར། །བསམ་ཡས་ཡོན་ཏན་ཀུན་གྱི་མཛོད། །ཁྱོད་ནི་ཨུ་དུམྺཱ་ར་བཞིན། །དེ་ཕྱིར་ཡིད་ཅན་གདུང་སེལ་ཞིང་། །གཤེན་བསྟན་མཛེས་པའི་རྒྱན་གཅིག་པུར། །བསྐལ་པ་རྒྱ་མཚོར་ཛཱི་བནྟུའི། །ཤིས་བརྗོད་རོལ་མོ་རྟག་ཏུ་འཁྲོལ། །ཅེས་པའི་ཞུ་མཚོན་ཨུན་ཆེན་མདངས་ལྡན་ལྷ་ཡི་རེག་བྱ་བཅས་རྒྱལ་བའི་མྱུ་གུ་ཞི་བའི་བློ་གྲོས་ཀྱིས་སྨྲས་ཤིང་བྲིས་ཏེ་ཕུལ་བ་ཤུབྷཾ།། །། ༈

[edit]

bsod nams rgyu las 'bras bu'i ye shes brnyes/___zhes pa'i dbu can/ bsod nams rgyu las 'bras bu'i ye shes brnyes/_/sgrib pa kun bsal rtogs pa'i phul phyin kyang /_/snying rje'i phyi bzhin 'gro ba'i sems dpa' che/_/rig 'dzin sprul pa'i gar mkhan ga la bar/_/gang tshe 'das pa'i dus na sngon/_/stong gsum 'jig rten shar gyi phyogs/_/'od ma rgya 'byams zhing khams su/_/ston pa shes rab rgyas byed byung /_/de nas g.yung drung sems dpa' ni/_/khri dang drug stong 'dus pa'i phul/_/rgyal sras 'a zha don ldan pa/_/rigs mchog yongs su sad pa yod/_/der ni gshen rgyal mi bo che/_/rdzu 'phrul 'od kyi rlabs spros pas/_/pad+ma'i dri la bung ba bzhin/_/smon lam mthu yis mdun lhags tshe/_/ston pas sngon dang phyi ma'i mtha'/_/rgyas par stsal bas dbugs dbyung ste/_/gsang ba'i don rnams mdor sdud phyir/_/mtshan gyi yi ge brjid pa byin/_/spro ba'i rlan gyis bskyed bsrings pa'i/_/bsam gtan sA la'i ljon pa ni/_/seng ge rgyab bsnol brag phug tu/_/'khrungs pas rab zhi'i 'bras bzang mngar/_/ma 'ongs gdul dka'i zhing 'di ru/_/rnam 'dren don la 'gyur med mchog_/lha dang mi yi mgon gcig pur/_/lung bstan nor bu'i cod pan 'bar/_/e ma de lta'i ngo mtshar can/_/zag med zhi ba 'od kyi lus/_/'di na ngur smrig 'dzin pa'i zol/_/khyod las gzhan du ma dmigs phyir/_/skye bas thob pa'i spangs rtogs dang /_/sbyor byung bsngags 'os yon tan dang /_/des kyang gzhan phan phrin las te/_/gsum po 'di ni lhan cig rgyas/_/de phyir brtse bas drangs pa'i tshig_/dbyangs can ngag gi tam+bu ra/_/'di na thob pa'i rab dga'i yid/_/bsam gtan bde la reg snyam bgyid/_/'di na 'byung ba 'dus pa'i lus/_/rnam 'gyur gdung bas 'khyud byas kyang /_/yid ni byang chub spyod pa dang /_/rjes su 'dus pa 'bral mi bzod/_/mtshams zhus/_/slad ma'i char yang /_nor ni rmongs pa'i khyad chos te/_/sa yi dbang phyug las kyis 'phang /_/'jig rten 'di na dkon pa'i phul/_/dam pa'i skyes bu 'dra ba su/_/dam pa dam par bgrang ba la/_/yon tan mtha' dag rdzogs dgos phyir/_/bsam yas yon tan kun gyi mdzod/_/khyod ni u dum+WA ra bzhin/_/de phyir yid can gdung sel zhing /_/gshen bstan mdzes pa'i rgyan gcig pur/_/bskal pa rgya mtshor dzI ban+tu'i/_/shis brjod rol mo rtag tu 'khrol/_/ces pa'i zhu mtshon un chen mdangs ldan lha yi reg bya bcas rgyal ba'i myu gu zhi ba'i blo gros kyis smras shing bris te phul ba shub+haM//__//_!