JKW-KABUM-16-MA-029-030

🚧 This website is under continued development. We appreciate your patience!

Previous Text Back to Volume PageNext Text

Wylie title	phur bu'i lugs kyi dbyangs can brgyud 'debs smon lam mtsho byung dgyes pa'i rol mo
Location	mkhyen brtse'i bka' 'bum Volume 16, sde tshan 29, Text 30, Pages 305-307 (Folios 25a4 to 26a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. phur bu'i lugs kyi dbyangs can brgyud 'debs smon lam mtsho byung dgyes pa'i rol mo. In 'jam dbyangs mkhyen brtse'i dbang po'i bka' 'bum, Vol. 16: 305-307. Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs

1 Texts in this Section (sde tshan or chos tshan)

30 305-307	ཕུར་བུའི་ལུགས་ཀྱི་དབྱངས་ཅན་བརྒྱུད་འདེབས་སྨོན་ལམ་མཚོ་བྱུང་དགྱེས་པའི་རོལ་མོ། phur bu'i lugs kyi dbyangs can brgyud 'debs smon lam mtsho byung dgyes pa'i rol mo Lineage Supplications - brgyud 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བྲམ་ཟེ་ཕུར་བུའི་ལུགས་ཀྱི་དབྱངས་ཅན་མ་དཀར་མོའི་རྗེས་གནང་གི་བརྒྱུད་འདེབས་སྨོན་ལམ་དང་བཅས་པ་མཚོ་བྱུང་དགྱེས་པའི་རོལ་མོ་ཞེས་བྱ་བ་བཞུགས་སོ། །སྒྲ་དབྱངས་ལྷ་མོ་གསུང་གི་དབང་ཕྱུག་མ། །གང་དེས་རྗེས་བཟུང་བྲམ་ཟེ་ཕུར་བུའི་ཞབས། །གཏུམ་པོའི་སྡེ་དང་མཆོད་སྡོང་སེང་གེ་དང་། །ཉི་མ་སེང་གེ་རྣམས་ལ་གསོལ་བ་འདེབས། །དཔེ་མེད་མཚོ་དང་རྒྱ་མཚོ་ཆེན་པོའི་ཞབས། །སུམ་པ་ལོ་ཙཱ་སྨྲ་དབང་གཟད་རིང་པ། །བོ་དོང་རིན་རྩེ་ཐང་ཆེན་བློ་གྲོས་དཔལ། །ཆོས་དཔལ་རྒྱལ་མཚན་རྣམས་ལ༴ དབྱངས་ཅན་གྲུབ་པ་ཀུན་མཁྱེན་ཆོས་ཀྱི་རྗེ། །ཁྱབ་བརྡལ་ལྷུན་གྲུབ་སངས་རྒྱས་དཔོན་པོ་དང་། །སེམས་དཔའ་ཆེན་པོ་སངས་རྒྱས་ཡེ་ཤེས་ཞབས། །སངས་རྒྱས་རྒྱལ་མཚན་རྣམས་ལ༴ རྫ་ཡིག་ཚུལ་རྒྱལ་བསོད་ནམས་རྣམ་པར་རྒྱལ། །ཨོ་རྒྱན་བསྟན་འཛིན་པདྨ་དབང་ཆེན་དང་། །རིན་ཆེན་དར་རྒྱས་ཕྲིན་ལས་ལྷུན་གྱིས་གྲུབ། །འགྱུར་མེད་རྡོ་རྗེ་རྣམས་ལ༴ རིན་ཆེན་རྣམ་རྒྱལ་ཐེག་མཆོག་བསྟན་འཛིན་དང་། །ཀུན་བཟང་རྣམ་རྒྱལ་བསྟན་འཛིན་ཆོས་ཀྱི་རྒྱལ། །འཇམ་དཔལ་རབ་ཏུ་དགྱེས་པའི་བློ་གྲོས་ཅན། །རྩ་བའི་བླ་མ་རྣམས་ལ་གསོལ་བ་འདེབས། །དེ་ལྟར་བླ་མ་རྣམས་དང་ལྷག་པའི་ལྷར། །གུས་པས་གསོལ་བ་བཏབ་མཐུས་བདག་གཞན་འགྲོ། །བྱང་ཆུབ་བར་དུ་དལ་འབྱོར་རྟེན་ཐོབ་ནས། །ཐེག་མཆོག་བཤེས་དང་མཇལ་པར་བྱིན་གྱིས་རློབས། །ཁྱད་པར་སྒྲ་དབྱངས་ལྷ་མོའི་གདམས་ཟབ་ཀྱིས། །རྒྱུད་སྨིན་རྩེ་གཅིག་ཉམས་སུ་བླངས་པ་ལས། །འཕགས་མ་དགྱེས་པའི་འཛུམ་ཞལ་མཐོང་བ་དང་། །གསུང་གི་དབུགས་དབྱུང་ཐོབ་པར་བྱིན་གྱིས་རློབས། །དེ་མཐུས་སྲིད་ཞིའི་ཉམས་འགྱུར་ཇི་སྙེད་གཟུགས། །སྒོ་གསུམ་ནོར་བུའི་མེ་ལོང་ལ་འཆར་བས། །ལྷར་བཅས་ཡིད་ཀྱི་བརྟན་པ་འཕྲོག་བཟོད་པའི། །བཟོ་ཡི་རིག་པ་འཛིན་པར༴ གང་གི་དོན་དང་གང་ཞིག་གསོ་བ་ཡི། །གནས་ལུགས་རྟོགས་ནས་སྨན་དཔྱད་ཟས་སྤྱོད་ཀྱིས། །ཇི་ལྟར་གསོ་བའི་ཚུལ་ལ་མ་རྨོངས་པའི། །ཚེ་ཡི་རིག་པ་འཛིན་པར༴ མིང་དང་ཚིག་གི་རང་བཞིན་རྐྱེན་བདུན་དང་། །རྣམ་འགྱུར་གཉིས་ཀྱི་སྦྱོར་བས་བསྒྲུབས་པ་ལས། །ཚིག་དོན་རྣམ་པར་འབྱེད་ལ་ཟླ་མེད་པའི། །བརྡ་སྤྲོད་རིག་པ་འཛིན་པར༴ གནས་གསུམ་གཞལ་བྱའི་དོན་རྣམས་མ་ལུས་ཀུན། །མངོན་རྗེས་ཚད་མས་གཏན་ལ་འབེབས་མཁས་ཤིང་། །སྒྲུབ་དང་སུན་འབྱིན་སྤོབས་པ་མི་ཟད་པའི། །རྟོག་གེའི་རིག་པ་འཛིན་པར༴ རང་གཞན་གྲུབ་མཐའི་རྣམ་དབྱེ་ལེགས་རྟོགས་ནས། །ཟབ་མོ་དབུ་མར་སྨྲ་བའི་བསྐལ་བཟང་གིས། །མདོ་རྒྱུད་རྒྱ་མཚོའི་ངེས་གསང་འབྱེད་མཁས་པའི། །ནང་དོན་རིག་པ་འཛིན་པར་གསོལ༴ གཞན་ཡང་ཚིག་རྒྱན་སྡེབ་ལེགས་སྦྱོར་བ་དང་། །མངོན་བརྗོད་སྐར་རྩིས་ཟློས་པའི་གར་ལ་སོགས། །རྒྱལ་སྲས་རྣམས་ཀྱིས་བསླབ་པར་བྱ་བའི་གཞུང་། །མཐའ་ཡས་རིག་པ་འཛིན་པར༴ མདོར་ན་ཚུལ་གནས་ཐོས་བསམ་བསྒོམ་པ་དང་། །གཞུང་མང་འཛིན་དང་འཆད་རྩོད་རྩོམ་པ་ལ། །བློ་གྲོས་བདུད་རྩིའི་སྣང་བ་དར་བབས་པས། །ཕན་བདེའི་པདྨོ་རྒྱས་པར་བྱིན་གྱིས་རློབས། ༡༤ ༈

[edit]

phur bu'i lugs kyi dbyangs can brgyud 'debs smon lam mtsho byung dgyes pa'i rol mo/__ bram ze phur bu'i lugs kyi dbyangs can ma dkar mo'i rjes gnang gi brgyud 'debs smon lam dang bcas pa mtsho byung dgyes pa'i rol mo zhes bya ba bzhugs so/__/sgra dbyangs lha mo gsung gi dbang phyug ma/__/gang des rjes bzung bram ze phur bu'i zhabs/__/gtum po'i sde dang mchod sdong seng ge dang /__/nyi ma seng ge rnams la gsol ba 'debs/__/dpe med mtsho dang rgya mtsho chen po'i zhabs/__/sum pa lo tsA smra dbang gzad ring pa/__/bo dong rin rtse thang chen blo gros dpal/__/chos dpal rgyal mtshan rnams la=__dbyangs can grub pa kun mkhyen chos kyi rje/__/khyab brdal lhun grub sangs rgyas dpon po dang /__/sems dpa' chen po sangs rgyas ye shes zhabs/__/sangs rgyas rgyal mtshan rnams la=__rdza yig tshul rgyal bsod nams rnam par rgyal/__/o rgyan bstan 'dzin pad+ma dbang chen dang /__/rin chen dar rgyas phrin las lhun gyis grub/__/'gyur med rdo rje rnams la=__rin chen rnam rgyal theg mchog bstan 'dzin dang /__/kun bzang rnam rgyal bstan 'dzin chos kyi rgyal/__/'jam dpal rab tu dgyes pa'i blo gros can/__/rtsa ba'i bla ma rnams la gsol ba 'debs/__/de ltar bla ma rnams dang lhag pa'i lhar/__/gus pas gsol ba btab mthus bdag gzhan 'gro/__/byang chub bar du dal 'byor rten thob nas/__/theg mchog bshes dang mjal par byin gyis rlobs/__/khyad par sgra dbyangs lha mo'i gdams zab kyis/__/rgyud smin rtse gcig nyams su blangs pa las/__/'phags ma dgyes pa'i 'dzum zhal mthong ba dang /__/gsung gi dbugs dbyung thob par byin gyis rlobs/__/de mthus srid zhi'i nyams 'gyur ji snyed gzugs/__/sgo gsum nor bu'i me long la 'char bas/__/lhar bcas yid kyi brtan pa 'phrog bzod pa'i/__/bzo yi rig pa 'dzin par=__gang gi don dang gang zhig gso ba yi/__/gnas lugs rtogs nas sman dpyad zas spyod kyis/__/ji ltar gso ba'i tshul la ma rmongs pa'i/__/tshe yi rig pa 'dzin par=__ming dang tshig gi rang bzhin rkyen bdun dang /__/rnam 'gyur gnyis kyi sbyor bas bsgrubs pa las/__/tshig don rnam par 'byed la zla med pa'i/__/brda sprod rig pa 'dzin par=__gnas gsum gzhal bya'i don rnams ma lus kun/__/mngon rjes tshad mas gtan la 'bebs mkhas shing /__/sgrub dang sun 'byin spobs pa mi zad pa'i/__/rtog ge'i rig pa 'dzin par=__rang gzhan grub mtha'i rnam dbye legs rtogs nas/__/zab mo dbu mar smra ba'i bskal bzang gis/__/mdo rgyud rgya mtsho'i nges gsang 'byed mkhas pa'i/__/nang don rig pa 'dzin par gsol=__gzhan yang tshig rgyan sdeb legs sbyor ba dang /__/mngon brjod skar rtsis zlos pa'i gar la sogs/__/rgyal sras rnams kyis bslab par bya ba'i gzhung /__/mtha' yas rig pa 'dzin par=__mdor na tshul gnas thos bsam bsgom pa dang /__/gzhung mang 'dzin dang 'chad rtsod rtsom pa la/__/blo gros bdud rtsi'i snang ba dar babs pas/__/phan bde'i pad+mo rgyas par byin gyis rlobs/__14__!