JKCL-KABUM-08-NYA-010-016

🚧 This website is under continued development. We appreciate your patience!

Previous Text Back to Volume PageNext Text

Wylie title	rje bla ma rnams la phyag 'tshal lo zhes la dkar a ne skal chos la chos kyi blo gros pas gdams pa
Location	chos kyi blo gros bka' 'bum Volume 8, sde tshan 10, Text 16, Pages 267-269 (Folios 16a5 to 17a4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. rje bla ma rnams la phyag 'tshal lo zhes la dkar a ne skal chos la chos kyi blo gros pas gdams pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 267-269. Bir, H.P.: Khyentse Labrang, 2012.
Genre	Advice - zhal gdams
Lotsawa House Link	https://www.lotsawahouse.org/bo/tibetan-masters/jamyang-khyentse-chokyi-lodro/advice-for-sincere-disciple https://www.lotsawahouse.org/tibetan-masters/jamyang-khyentse-chokyi-lodro/advice-for-lakar-ane-kalcho
Colophon	First colophon: །ཚུལ་དེ་སྐད་ཆོས་ཀྱི་བློ་གྲོས་པས། །དོན་ལྡན་གྱི་སློབ་བུར་སྤྲིང་བ་དགེ། Second colophon: །ཞེས་པའང་ལ་དཀར་ཨ་ནེ་སྐལ་ཆོས་ལ་ཆོས་ཀྱི་བློ་གྲོས་པས་གདམས་པའོ།།
	First colophon: /tshul de skad chos kyi blo gros pas/__/don ldan gyi slob bur spring ba dge/ Second colophon: /zhes pa'ang la dkar a ne skal chos la chos kyi blo gros pas gdams pa'o//

1 Texts in this Section (sde tshan or chos tshan)

16 267-269	རྗེ་བླ་མ་རྣམས་ལ་ཕྱག་འཚལ་ལོ་ཞེས་ལ་དཀར་ཨ་ནེ་སྐལ་ཆོས་ལ་ཆོས་ཀྱི་བློ་གྲོས་པས་གདམས་པ། rje bla ma rnams la phyag 'tshal lo zhes la dkar a ne skal chos la chos kyi blo gros pas gdams pa Advice - zhal gdams	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༈ རྗེ་བླ་མ་རྣམས་ལ་ཕྱག་འཚལ་ལོ། །རྟེན་དལ་དང་འབྱོར་པའི་ལུས་འདི་ཉིད། །ནམ་མི་རྟག་འཆི་བ་དྲན་པ་དང་། །འཁོར་བ་ཡི་ཉེས་དམིགས་ལ་བསམ་ནས། །ལས་རྒྱུ་འབྲས་སྤང་བླང་དྲན་པར་མཛོད། །སྐྱབས་བླ་མ་དཀོན་མཆོག་གཙུག་ཏུ་བསྒོམ། །ཡིད་ཆེས་ཀྱི་དད་པས་སྐྱབས་སུ་འགྲོ། །ཁམས་གསུམ་གྱི་སེམས་ཅན་ཕ་མར་ཤེས། །བྱམས་སྙིང་རྗེ་བྱང་སེམས་བསྒོམ་པ་གཅེས། །བསགས་སྦྱོང་ལ་ནན་ཏན་འབད་པ་དང་། །དྲིན་ལྡན་གྱི་བླ་མར་གསོལ་བ་ཐོབ། །བསྐྱེད་རིམ་གྱིས་ཐ་མལ་སྣང་ཞེན་སྦྱངས། །རྫོགས་རིམ་གྱིས་གྱ་ནོམ་ལྷར་ཞེན་སྦྱངས། །དེ་གཉིས་ཀྱི་གནད་འགག་ཟབ་མོ་ནི། །སེམས་མ་བཅོས་གསལ་སྟོང་ཟུང་འཇུག་ངང་། །ཡེངས་མེད་ཀྱི་འཛིན་བྲལ་འཇོག་པ་གནད། །དུས་ཀུན་ཏུ་བཟང་སྤྱོད་སྨོན་ལམ་འདོན། །དགེ་རྩ་རྣམས་བསྔོ་བས་རྒྱས་འདེབས་ཞུ། །ཚུལ་དེ་སྐད་ཆོས་ཀྱི་བློ་གྲོས་པས། །དོན་ལྡན་གྱི་སློབ་བུར་སྤྲིང་བ་དགེ། །། ༈ བླ་མ་ལ་ཕྱག་འཚལ་ལོ། བློ་ལྡོག་རྣམ་བཞི་སྐྱབས་འགྲོ་དང་། །བྱམས་དང་སྙིང་རྗེ་བྱང་སེམས་བསྒོམ། །སྒྲིབ་སྦྱོང་ཚོགས་བསག་ནན་ཏན་བྱ། །བྱིན་རླབས་བླ་མའི་རྣལ་འབྱོར་བསྒོམ། །གསོལ་བཏབ་དབང་བླངས་ཐུགས་ཡིད་བསྲེ། །སེམས་ཀྱི་གཞི་རྩ་ལེགས་པར་བཅད། །ལུས་ནི་བསྒུལ་བསྐྱོད་བྲལ་བར་བཞག། ངག་གི་སྨྲ་བ་རྒྱུན་བཅད་ཅིང་། །སེམས་ཀྱིས་རྟོག་པའི་རྗེས་མི་འབྲང་། །འགྱུ་བ་རང་སར་བཞག་པ་དང་། །རླུང་ནི་དལ་ཞིང་མིག་འབྲས་ནི། །དབྱིངས་ལ་གཏད་པ་དེ་ཡི་སྐབས། །རིག་པ་དངོས་མེད་ནམ་མཁའ་ལྟར། །ངོ་བོ་སྟོང་ལ་རང་བཞིན་གསལ། །ཐུགས་རྗེ་རིག་པ་རྟོག་པ་མེད། །ཀུན་གྱི་འཆར་གཞི་གོ་མ་འགགས། །གསལ་དྭངས་ངང་ལ་མ་ཡེངས་བཞག། རྩལ་སྣང་རྟོག་པའི་རྗེས་མི་འབྲང་། །རང་ཤར་རང་གྲོལ་ཉིད་དུ་བྱ། །ཆོས་རྣམས་སྒྱུ་མ་ལྟ་བུར་བལྟ། །ནམ་ཞིག་འཆི་པའི་དུས་བྱེད་ཚེ། །ཞེན་ཆགས་འཁྲི་བ་ཀུན་སྤངས་ལ། །སྤྱི་བོར་རྩ་བའི་བླ་མ་བསྒོམ། །རིག་པ་ཨ་ཡིག་རྣམ་པས་ནི། །བླ་མའི་ཐུགས་ཀར་ཡང་ཡང་སྤར། །དེ་ཡི་ངང་དུ་འཆི་ནུས་ན། །དག་པའི་ཞིང་དུ་སྐྱེ་བར་འགྱུར། །དེ་ཡང་ད་ལྟ་སྦྱངས་པ་ཡི། །གོམས་པས་འཕོ་བར་ནུས་པ་ཡིན། །རྒྱུན་དུ་ཆོས་སྤྱོད་ཁ་བཏོན་དང་། །སེམས་བསྐྱེད་བསམ་པ་བཟང་པོ་ཡི། །བསྔོ་བ་སྨོན་ལམ་བྱ་བ་གཅེས། །ཞེས་པའང་ལ་དཀར་ཨ་ནེ་སྐལ་ཆོས་ལ་ཆོས་ཀྱི་བློ་གྲོས་པས་གདམས་པའོ།། །།

[edit]

!_rje bla ma rnams la phyag 'tshal lo/__/rten dal dang 'byor pa'i lus 'di nyid/__/nam mi rtag 'chi ba dran pa dang /__/'khor ba yi nyes dmigs la bsam nas/__/las rgyu 'bras spang blang dran par mdzod/__/skyabs bla ma dkon mchog gtsug tu bsgom/__/yid ches kyi dad pas skyabs su 'gro/__/khams gsum gyi sems can pha mar shes/__/byams snying rje byang sems bsgom pa gces/__/bsags sbyong la nan tan 'bad pa dang /__/drin ldan gyi bla mar gsol ba thob/__/bskyed rim gyis tha mal snang zhen sbyangs/__/rdzogs rim gyis gya nom lhar zhen sbyangs/__/de gnyis kyi gnad 'gag zab mo ni/__/sems ma bcos gsal stong zung 'jug ngang /__/yengs med kyi 'dzin bral 'jog pa gnad/__/dus kun tu bzang spyod smon lam 'don/__/dge rtsa rnams bsngo bas rgyas 'debs zhu/__/tshul de skad chos kyi blo gros pas/__/don ldan gyi slob bur spring ba dge/__//__!bla ma la phyag 'tshal lo/__blo ldog rnam bzhi skyabs 'gro dang /__/byams dang snying rje byang sems bsgom/__/sgrib sbyong tshogs bsag nan tan bya/__/byin rlabs bla ma'i rnal 'byor bsgom/__/gsol btab dbang blangs thugs yid bsre/__/sems kyi gzhi rtsa legs par bcad/__/lus ni bsgul bskyod bral bar bzhag/__ngag gi smra ba rgyun bcad cing /__/sems kyis rtog pa'i rjes mi 'brang /__/'gyu ba rang sar bzhag pa dang /__/rlung ni dal zhing mig 'bras ni/__/dbyings la gtad pa de yi skabs/__/rig pa dngos med nam mkha' ltar/__/ngo bo stong la rang bzhin gsal/__/thugs rje rig pa rtog pa med/__/kun gyi 'char gzhi go ma 'gags/__/gsal dwangs ngang la ma yengs bzhag/__rtsal snang rtog pa'i rjes mi 'brang /__/rang shar rang grol nyid du bya/__/chos rnams sgyu ma lta bur blta/__/nam zhig 'chi pa'i dus byed tshe/__/zhen chags 'khri ba kun spangs la/__/spyi bor rtsa ba'i bla ma bsgom/__/rig pa a yig rnam pas ni/__/bla ma'i thugs kar yang yang spar/__/de yi ngang du 'chi nus na/__/dag pa'i zhing du skye bar 'gyur/__/de yang da lta sbyangs pa yi/__/goms pas 'pho bar nus pa yin/__/rgyun du chos spyod kha bton dang /__/sems bskyed bsam pa bzang po yi/__/bsngo ba smon lam bya ba gces/__/zhes pa'ang la dkar a ne skal chos la chos kyi blo gros pas gdams pa'o//___//