JKCL-KABUM-07-JA-048

🚧 This website is under continued development. We appreciate your patience!

Previous Text Back to Volume PageLast text in volume.

Wylie title	chos skyong bka' sgo
Location	chos kyi blo gros bka' 'bum Volume 7, Text 48, Pages 625-628 (Folios 1a1 to 2b2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. chos skyong bka' sgo. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 7: 625-628. Bir, H.P.: Khyentse Labrang, 2012.
Genre	Protector Rituals - gsol mchod
Deity	chos skyong
Colophon	།ཅེས་པའང་ཆོས་ཀྱི་བློ་གྲོས་པས་སོ།།
	/ces pa'ang chos kyi blo gros pas so//

1 Texts in this Section (sde tshan or chos tshan)

625-628	ཆོས་སྐྱོང་བཀའ་སྒོ། chos skyong bka' sgo Protector Rituals - gsol mchod	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༄༅། །ཆོས་སྐྱོང་བཀའ་སྒོ་ནི། ཨཥྚ། འཇིག་བྱེད། འབྱུང་འདུལ། མཁའ་སྤྱོད། ཕུར་པའི་སྔགས། ཤཱ་ས་ན། ཡི་གེ་བཅུ་གཉིས་མ། བདུན་མ། ཞལ། ལས་མགོན་ཕོ་མོ། དམག་ཟོར་བཅས་ཀྱི་སྔགས་བརྗོད་མཐར། ས་མ་ཡ་སྨ་ར་སོགས། དཔལ་རྡོ་རྗེ་ནག་པོ་ཆེན་པོ་ལྕམ་དྲལ་འཁོར་དང་བཅས་པ་རྣམས་ཀྱིས་སངས་རྒྱས་རྡོ་རྗེ་འཆང་༴ །སློབ་དཔོན་བྲམ་ཟེར་མཆོག་སོགས་བྲག་རྫོང་མའི་བརྒྱུད་པ་བཤར། ཡང་ན། ཡང་དག་པ་རྫོགས་པའི་སངས་རྒྱས་རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། བྲམ་ཟེ་མཆོག་སྲེད། བདེ་བའི་རྡོ་རྗེ། ཤརྡྷ་ཀ་ར་བརྨ། ལོ་ཆེན་རིན་ཆེན་བཟང་པོ། བྲག་སྟེང་པ་ཡོན་ཏན་ཚུལ་ཁྲིམས། །མ་ལོ་ཙཱ་བ་བློ་གྲོས་གྲགས་པ། བླ་མ་ས་སྐྱ་པ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་སྐྱ་པཎྜི་ཏ། འགྲོ་མགོན་ཆོས་རྒྱལ་འཕགས་པ། ཞང་དཀོན་མཆོག་པ། ན་བཟའ་བྲག་ཕུག་པ། བླ་མ་དམ་པ་བསོད་ནམས་རྒྱལ་མཚན། བླ་མ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མུས་ཆེན་དཀོན་མཆོག་རྒྱལ་མཚན། རྒྱལ་ཚབ་ཀུན་དགའ་དབང་ཕྱུགཡོངས་འཛིན་དཀོན་མཆོག་འཕེལ་བ། ས་ལོ་ཐམས་ཅད་མཁྱེན་པ། རྗེ་དཀོན་མཆོག་ལྷུན་གྲུབ། མཚུངས་མེད་དཀོན་མཆོག་དཔལ་ལྡན། བྱམས་པ་ཀུན་དགའ་བཀྲ་ཤིས། འདྲེན་མཆོག་སངས་རྒྱས་དཔལ་ལྡན། མཚུངས་མེད་དམ་ཆོས་བསམ་འགྲུབ། མཁན་ཆེན་སངས་རྒྱས་ཕུན་ཚོགས། འཇམ་མགོན་བསྟན་འཛིན་ལྷུན་གྲུབ། བྱམས་པ་དཔལ་ལྡན་ཆོས་སྐྱོང་། སྐུ་དབོན་རིན་ཆེན་མཆོག་གྲུབ། བྱམས་པ་ནམ་མཁའ་འཆི་མེད། བྱམས་པ་ཀུན་དགའ་བསྟན་འཛིན། འཇམ་དབྱངས་མཁྱེན་བརྩེའི་དབང་པོ། ཆོས་རྗེ་ཀུན་དགའ་འཇམ་དབྱངས། །རྡོར་འཛིན་བྱང་ཆུབ་རྒྱལ་མཚན། རིགས་བརྒྱའི་ཁྱབ་བདག་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་ལ་སོགས་པ་རྩ་བརྒྱུད་ཀྱི་བླ་མ་དམ་པ་རྣམས་ཀྱི་བཀའ་དང་དམ་ལས་མ་མདའ་བར། སངས་རྒྱས་ཀྱི་བསྟན་པ་སྲུང་། དཀོན་མཆོག་གི་དབུ་འཕང་བསྟོད། ཁྱད་པར་དུ་རྡོ་རྗེའི་རིག་པ་འཛིན་པ་དང་། སྦྱིན་པའི་བདག་པོ་འདི་རྣམས་ལ་སྲུང་བ་དང་། སྐྱབས་པ་དང་། འགོ་བའི་ཕྲིན་ལས་མཛོད་ཅིག །འདི་རྣམས་ཀྱིས་ཆོས་སྒྲུབ་པའི་འགལ་རྐྱེན་ཕྱི་ནང་གི་བར་ཆད་མི་མཐུན་པའི་ཕྱོགས་ཐམས་ཅད་ཉེར་བར་ཞི་བའི་ཕྲིན་ལས་མཛོད་ཅིག །སྟེང་གདོན་གཟའ་དང་དྲང་སྲོང་གི་གནོད་པ། འོག་གདོན་ཀླུ་དང་ས་བདག་གི་གནོད་པ། བར་གདོན་གཙན་དང་རྒྱལ་པོ་དང་། ཐེའུ་རང་གི་གནོད་པ་ཐམས་ཅད་ཉེར་བར་ཞི་བའི་ཕྲིན་ལས་མཛོད་ཅིག །མཐུན་པའི་རྐྱེན། ཚེ་དང་བསོད་ནམས། དཔལ་དང་འབྱོར་པ། ལེགས་པའི་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་རྒྱས་པའི་ཕྲིན་ལས་མཛོད་ཅིག །ལྷ་འདྲེ་མི་གསུམ་གྱི་འགྲོ་བ་མང་པོ་དབང་དུ་བསྡུས་ནས། ཟས་གོས་ལོངས་སྤྱོད་ཀྱི་ཕོངས་པ་མེད་པ་ཡིད་བཞིན་དུ་འབྱོར་པ་དང་། དེ་དག་གིས་ཀྱང་། སངས་རྒྱས་ཀྱི་བསྟན་པ་རིན་པོ་ཆེ་དང་། འགྲོ་བ་མང་པོ་ལ་ཕན་ཐོགས་པའི་ཕྲིན་ལས་མཛོད་ཅིག །རིག་པ་འཛིན་པ་དང་། སྦྱིན་པའི་བདག་པོ་འདི་རྣམས་ཀྱིས་དམ་པའི་ཆོས་ཚུལ་བཞིན་དུ་བསྒྲུབ་པ་ལ་བར་ཆད་བྱེད་པའི་འབྱུང་པོ་མི་དང་། མི་མ་ཡིན་པ་ཐམས་ཅད་སྲུང་མའི་དབང་པོ་ཁྱེད་རྣམས་ཀྱིས་མི་ཐུལ་བ་མེད་པས་མངོན་སྤྱོད་ཀྱི་ལས་ཀྱིས་ཚར་བཅད་ནས། བསམ་པ་ངན་པ་དང་། སྦྱོར་བ་རྩུབ་པ་ཐམས་ཅད་ཞི་བའི་ཕྲིན་ལས་མཛོད་ཅིག །མདོར་ན་བསྲུང་བྱ་འདི་རྣམས་ཀྱི་ལུས་དང་། གྲིབ་མ་བཞིན་དུ་འགྲོགས་ནས། ཇི་སྲིད་ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་ཆེན་པོའི་གོ་འཕངས་མ་ཐོབ་ཀྱི་བར་བསྲུང་བ་དང་། སྐྱབས་པ་དང་། སྦ་བའི་ཕྲིན་ལས་མཛོད་ཅིག །རྒྱལ་བ་སྲས་བཅས་བདེན་པའི་བྱིན་རླབས་དང་། །ཡི་དམ་ཆོས་སྐྱོང་རྒྱ་མཚོའི་ཐུགས་རྗེ་ཡི། །འགྲོ་བ་འདི་རྣམས་བདག་གིས་བསྲུངས་ཟིན་པས། །འདི་ལ་སུས་ཀྱང་གནོད་པ་མ་བྱེད་ཅིག །མི་འགྱུར་ལྷུན་པོ༴ །སྔོན་ཚེ་རྡོ་རྗེ་འཆང་༴བསོད་ནམས་རི་བོ༴ །འབད་དང་རྩོལ་བས༴ །ཉིན་མོ་བདེ་ལེགས་སོགས་ཤིས་བརྗོད་བྱའོ། །ཅེས་པའང་ཆོས་ཀྱི་བློ་གྲོས་པས་སོ།། །།

[edit]

@#/__/chos skyong bka' sgo ni/__aSh+Ta/__'jig byed/__'byung 'dul/__mkha' spyod/__phur pa'i sngags/__shA sa na/__yi ge bcu gnyis ma/__bdun ma/__zhal/__las mgon pho mo/__dmag zor bcas kyi sngags brjod mthar/__sa ma ya sma ra sogs/__dpal rdo rje nag po chen po lcam dral 'khor dang bcas pa rnams kyis sangs rgyas rdo rje 'chang =__/slob dpon bram zer mchog sogs brag rdzong ma'i brgyud pa bshar/__yang na/__yang dag pa rdzogs pa'i sangs rgyas rdo rje 'chang /__ye shes kyi mkha' 'gro ma/__bram ze mchog sred/__bde ba'i rdo rje/__shar+d+ha ka ra barma/__lo chen rin chen bzang po/__brag steng pa yon tan tshul khrims/__/ma lo tsA ba blo gros grags pa/__bla ma sa skya pa chen po/__slob dpon bsod nams rtse mo/__rje btsun grags pa rgyal mtshan/__chos rje sa skya paN+Di ta/__'gro mgon chos rgyal 'phags pa/__zhang dkon mchog pa/__na bza' brag phug pa/__bla ma dam pa bsod nams rgyal mtshan/__bla ma dpal ldan tshul khrims/__shar chen ye shes rgyal mtshan/__rdo rje 'chang kun dga' bzang po/__mus chen dkon mchog rgyal mtshan/__rgyal tshab kun dga' dbang phyugayongs 'dzin dkon mchog 'phel ba/__sa lo thams cad mkhyen pa/__rje dkon mchog lhun grub/__mtshungs med dkon mchog dpal ldan/__byams pa kun dga' bkra shis/__'dren mchog sangs rgyas dpal ldan/__mtshungs med dam chos bsam 'grub/__mkhan chen sangs rgyas phun tshogs/__'jam mgon bstan 'dzin lhun grub/__byams pa dpal ldan chos skyong /__sku dbon rin chen mchog grub/__byams pa nam mkha' 'chi med/__byams pa kun dga' bstan 'dzin/__'jam dbyangs mkhyen brtse'i dbang po/__chos rje kun dga' 'jam dbyangs/__/rdor 'dzin byang chub rgyal mtshan/__rigs brgya'i khyab bdag 'jam dbyangs chos kyi blo gros ris med bstan pa'i rgyal mtshan la sogs pa rtsa brgyud kyi bla ma dam pa rnams kyi bka' dang dam las ma mda' bar/__sangs rgyas kyi bstan pa srung /__dkon mchog gi dbu 'phang bstod/__khyad par du rdo rje'i rig pa 'dzin pa dang /__sbyin pa'i bdag po 'di rnams la srung ba dang /__skyabs pa dang /__'go ba'i phrin las mdzod cig__/'di rnams kyis chos sgrub pa'i 'gal rkyen phyi nang gi bar chad mi mthun pa'i phyogs thams cad nyer bar zhi ba'i phrin las mdzod cig__/steng gdon gza' dang drang srong gi gnod pa/__'og gdon klu dang sa bdag gi gnod pa/__bar gdon gtsan dang rgyal po dang /__the'u rang gi gnod pa thams cad nyer bar zhi ba'i phrin las mdzod cig__/mthun pa'i rkyen/__tshe dang bsod nams/__dpal dang 'byor pa/__legs pa'i yon tan thams cad gong nas gong du 'phel zhing rgyas pa'i phrin las mdzod cig__/lha 'dre mi gsum gyi 'gro ba mang po dbang du bsdus nas/__zas gos longs spyod kyi phongs pa med pa yid bzhin du 'byor pa dang /__de dag gis kyang /__sangs rgyas kyi bstan pa rin po che dang /__'gro ba mang po la phan thogs pa'i phrin las mdzod cig__/rig pa 'dzin pa dang /__sbyin pa'i bdag po 'di rnams kyis dam pa'i chos tshul bzhin du bsgrub pa la bar chad byed pa'i 'byung po mi dang /__mi ma yin pa thams cad srung ma'i dbang po khyed rnams kyis mi thul ba med pas mngon spyod kyi las kyis tshar bcad nas/__bsam pa ngan pa dang /__sbyor ba rtsub pa thams cad zhi ba'i phrin las mdzod cig__/mdor na bsrung bya 'di rnams kyi lus dang /__grib ma bzhin du 'grogs nas/__ji srid yang dag par rdzogs pa'i sangs rgyas rdo rje 'chang chen po'i go 'phangs ma thob kyi bar bsrung ba dang /__skyabs pa dang /__sba ba'i phrin las mdzod cig__/rgyal ba sras bcas bden pa'i byin rlabs dang /__/yi dam chos skyong rgya mtsho'i thugs rje yi/__/'gro ba 'di rnams bdag gis bsrungs zin pas/__/'di la sus kyang gnod pa ma byed cig__/mi 'gyur lhun po=__/sngon tshe rdo rje 'chang =bsod nams ri bo=__/'bad dang rtsol bas=__/nyin mo bde legs sogs shis brjod bya'o/__/ces pa'ang chos kyi blo gros pas so//___//