JKCL-KABUM-11-DA-116

🚧 This website is under continued development. We appreciate your patience!

Previous Text Back to Volume PageNext Text

Wylie title	rgyal po'i glud bsngo bsdus pa
Location	chos kyi blo gros bka' 'bum Volume 11, Text 116, Pages 553-554 (Folios 1a1 to 1b5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. rgyal po'i glud bsngo bsdus pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 553-554. Bir, H.P.: Khyentse Labrang, 2012.
Genre	Ransom Rituals - glud
Colophon	ཞེས་པའང་ཆོས་ཀྱི་བློ་གྲོས་པས་ཤིང་རྟ་ཟླ་དགུ་ཚེས་ཉེར་བརྒྱད་ལ་བྲིས་པའོ།།
	zhes pa'ang chos kyi blo gros pas shing rta zla dgu tshes nyer brgyad la bris pa'o//

1 Texts in this Section (sde tshan or chos tshan)

553-554	རྒྱལ་པོའི་གླུད་བསྔོ་བསྡུས་པ། rgyal po'i glud bsngo bsdus pa Ransom Rituals - glud	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

རྒྱལ་པོའི་གླུད་བསྔོ་བསྡུས་པ་བཞུགས་སོ། ཧྱ་གྲཱི་ཝ་ལ་ན་མོ། ཕྱེ་གཙང་མར་མཁར་ཐབ་དམར་པོའི་རྩེར་གཏོར་མ་དཀར་ཟླུམ་བསང་ཕྱི་མཐེབ་རིལ་གྱིས་མཚན་པ་དང་། དམར་གཏོར་གྲུ་གསུམ་ཁྲག་ཀྱུས་བརྒྱན་པ་བཅས་དང་མདུན་དང་ཟུར་བཞིར་མར་མེ་རེ་ཤིང་ཐུར་ལ་འཛུགས། དར་ཟབ་སོགས་དཀོར་ཆ་ཅི་རིགས་དང་དཀར་དམར་སྐྱེམས་ཕུད་བཤམས། སྣོད་གཅིག་ཏུ་གླུད་གཟུགས་ཆེ་བ་གཅིག་ལ་གླུད་ཕྲན་གྲངས་མང་དང་ཆང་བུ། ཏིང་ལོ། གླུད་རྫས་སྣ་ཚོགས་བཀྲམ། །རང་རྟ་མགྲིན་ནམ་གུ་རུ་དྲག་པོའི་ས་མ་ཏི་ལ་གནས་པས། སྔགས་དྲུག་ཕྱག་དྲུག་དང་། ནམ་མཁའ་མཛོད་ཀྱི་སྔགས་རྒྱས་བརླབས། རང་གི་ཐུགས་ནས་འདོད་པའི་རྒྱལ། །ལྕགས་ཀྱུ་ཐོགས་པ་མང་སྤྲོས་པས། །སྲིད་པའི་བདག་པོ་བེ་ཧར་སོགས། །རཱ་ཛ་འཁོར་དང་བཅས་པ་རྣམས། །སྐད་ཅིག་ཉིད་ལ་གཤེགས་སུ་གསོལ། ཀྱེ། །ང་བདག་འཛིན་པ་ལས་བྱུང་བའི། །དྲེགས་པའི་བདག་པོ་བེ་ཧ་ར། །ཚངས་པའི་བཀའ་ཉན་སྒྲོལ་གིང་ཆེ། །སྲིད་པ་གསུམ་གྱི་སྲོག་གི་བདག །སྲས་ཡུམ་བཙུན་བློན་སྐྱོ་སངས་དང་། །རུ་འདྲེན་གར་མཁན་འབག་སེང་སོགས། །སྤྲུལ་པ་ཡང་སྤྲུལ་འཁོར་བཅས་རྣམས། །དགྱེས་པའི་མཐུན་རྫས་འདི་བཞེས་ལ། །ཆོས་འཁོར་གཉན་པོའི་བསྟན་པ་སྐྱོངས། །དམ་སྲི་རྒྱལ་འགོང་གནོད་པ་བཟློག །འཁོར་ལ་བཀའ་ནན་མ་ཆུངས་ཤིག །ཁྱད་པར་སྙིགས་དུས་ང་རྒྱལ་གྱིས། །བསྐྱེད་པའི་ཤི་འདྲེ་རཱ་ཛའི་གཟུགས། །གཅོད་ལོག་སྔགས་པའི་ཚུལ་འཆང་རྣམས། །གླུད་དང་དཀོར་ཆ་སྔགས་རྒྱ་དང་། །ཏིང་ངེ་འཛིན་གྱིས་བྱིན་བརླབ་པ། །མི་འཛད་ནམ་མཁའི་མཛོད་སྤྲུལ་ནས། །སྦྱིན་གྱིས་དབང་པོ་དྲུག་ཚིམས་ནས། །ལན་ཆགས་བུ་ལོན་བྱང་གྱུར་ཅིག །གནོད་འཚེ་གདུག་པའི་སེམས་ཀུན་སྤོངས། །བྱང་ཆུབ་སེམས་དང་ལྡན་པར་ཤོག །ཁ་འབར་སྔགས་དང་མཚན་བཞི་བརྗོད། གྲངས་རྫོགས་ཆོས་ཀྱི་སྦྱིན་པ་བྱས། ཆོས་རྣམས་སོགས། སྐྱེམས་ཕུད་མཆོད་ཅིང་གཏོར་གླུད་རྣམས། ཆུ་བོའི་གཞུང་ལ་བསྐྱལ་བྱས་ཏེ། ཀྱེ། །ད་ནི་འདུག་པའི་གནས་མེད་ཀྱི། །རྒྱལ་ཆེན་རང་གི་གནས་སུ་གཤེགས། །འབྱུང་པོའི་ཚོགས་རྣམས་རྒྱ་མཚོའི་མཐར། །སོང་ཞིག་ནམ་ཡང་མ་ལྡོག་ཅིག །བཀའ་ལས་འདས་ན་རྡུལ་དུ་བརླག །གུ་གུལ་བདུག་ཅིང་ཐུན་གྱིས་བྲབ། །དྲག་པོའི་སྔགས་ཀྱིས་མཚམས་བཅད་དང་། །ཤེས་རབ་སྙིང་པོའི་མདོ་བཟློག་བྱ། །ཟབ་མོ་ལྟ་བའི་ངང་ལ་བཞག །དགེ་བསྔོ་བྱ་ཞིང་ཤིས་པ་བརྗོད། །དེས་ནི་རྟག་ཏུ་བདེ་བར་འགྱུར། ཞེས་པའང་ཆོས་ཀྱི་བློ་གྲོས་པས་ཤིང་རྟ་ཟླ་དགུ་ཚེས་ཉེར་བརྒྱད་ལ་བྲིས་པའོ།། །།

[edit]

rgyal po'i glud bsngo bsdus pa bzhugs so/__h+ya grI wa la na mo/__phye gtsang mar mkhar thab dmar po'i rtser gtor ma dkar zlum bsang phyi mtheb ril gyis mtshan pa dang /__dmar gtor gru gsum khrag kyus brgyan pa bcas dang mdun dang zur bzhir mar me re shing thur la 'dzugs/__dar zab sogs dkor cha ci rigs dang dkar dmar skyems phud bshams/__snod gcig tu glud gzugs che ba gcig la glud phran grangs mang dang chang bu/__ting lo/__glud rdzas sna tshogs bkram/__/rang rta mgrin nam gu ru drag po'i sa ma ti la gnas pas/__sngags drug phyag drug dang /__nam mkha' mdzod kyi sngags rgyas brlabs/__rang gi thugs nas 'dod pa'i rgyal/__/lcags kyu thogs pa mang spros pas/__/srid pa'i bdag po be har sogs/__/rA dza 'khor dang bcas pa rnams/__/skad cig nyid la gshegs su gsol/__kye/__/nga bdag 'dzin pa las byung ba'i/__/dregs pa'i bdag po be ha ra/__/tshangs pa'i bka' nyan sgrol ging che/__/srid pa gsum gyi srog gi bdag__/sras yum btsun blon skyo sangs dang /__/ru 'dren gar mkhan 'bag seng sogs/__/sprul pa yang sprul 'khor bcas rnams/__/dgyes pa'i mthun rdzas 'di bzhes la/__/chos 'khor gnyan po'i bstan pa skyongs/__/dam sri rgyal 'gong gnod pa bzlog__/'khor la bka' nan ma chungs shig__/khyad par snyigs dus nga rgyal gyis/__/bskyed pa'i shi 'dre rA dza'i gzugs/__/gcod log sngags pa'i tshul 'chang rnams/__/glud dang dkor cha sngags rgya dang /__/ting nge 'dzin gyis byin brlab pa/__/mi 'dzad nam mkha'i mdzod sprul nas/__/sbyin gyis dbang po drug tshims nas/__/lan chags bu lon byang gyur cig__/gnod 'tshe gdug pa'i sems kun spongs/__/byang chub sems dang ldan par shog__/kha 'bar sngags dang mtshan bzhi brjod/__grangs rdzogs chos kyi sbyin pa byas/__chos rnams sogs/__skyems phud mchod cing gtor glud rnams/__chu bo'i gzhung la bskyal byas te/__kye/__/da ni 'dug pa'i gnas med kyi/__/rgyal chen rang gi gnas su gshegs/__/'byung po'i tshogs rnams rgya mtsho'i mthar/__/song zhig nam yang ma ldog cig__/bka' las 'das na rdul du brlag__/gu gul bdug cing thun gyis brab/__/drag po'i sngags kyis mtshams bcad dang /__/shes rab snying po'i mdo bzlog bya/__/zab mo lta ba'i ngang la bzhag__/dge bsngo bya zhing shis pa brjod/__/des ni rtag tu bde bar 'gyur/__zhes pa'ang chos kyi blo gros pas shing rta zla dgu tshes nyer brgyad la bris pa'o//__//