JKCL-KABUM-12-NA-019-wylie: Difference between revisions
WikiBot2015 (talk | contribs) (Created page with "{{WyliePageHeader}} <div class="wylie-content" <onlyinclude> 'dzam gling byang phyogs kyi bstan pa'i bdag po rgyal ba 'jam dpal snying po'i ring lugs nyin mor byed pa'i dban...") |
m (Text replacement - "<div class="wylie-content" " to "<div class="wylie-content"> ") |
||
| Line 1: | Line 1: | ||
{{WyliePageHeader}} | {{WyliePageHeader}} | ||
<div class="wylie-content" | <div class="wylie-content"> | ||
<onlyinclude> | <onlyinclude> | ||
Latest revision as of 12:00, 11 February 2022
'dzam gling byang phyogs kyi bstan pa'i bdag po rgyal ba 'jam dpal snying po'i ring lugs nyin mor byed pa'i dbang po brag ljongs skyabs mgon 7ho thog thu chen po'i 7zhabs pad gdong lngas bteg pa'i khri drung du/__sgo gsum gus ldan mkhyen brtse'i sprul ming pas phyag bcas zhu gsol/__deng /__rje btsun gsang ba 'dzin pa'i bdag po gangs ljongs 'jig rten mig gcig lo tsA chen po'i mchog gi sprul pa'i sku rin po che gang gi mtshan dpe'i nyi gzhon man+da ri bo'i rtse nas mngon par gsal ba dang rgyal ba'i thugs bskyed phrin las 'gogs pa med pa'i rang dbang btsan pos gdan sa chen por zhabs mthil bkra shis kyi 'khor lo bkod grub pa'i grags snyan 'dzin ma'i 'khor yug kun tu khyab pas mdo smad bstan 'gro spyi la phan bde'i bde skyid kyi snang ba gsar du tshes pa dang ring mo nyid nas thugs rjes gzigs pas btsa' ba'i bka' slob gser gyi cod pan gnang skyes bzang pos brgyan pa stsal ba dad spro dpag tu med pa thob cing rab tu dga' ba las thob pa'i bsam gtan gyi bde bas kyang mtshon du ci/__'dir gnas pa'i dge sbyong gi gzugs brnyan 'dzin pa'ang skyabs mchog dam pa rnams kyi thugs rje dpag bsam ljon pa'i 'jo sgeg gis ngal 'tsho bde bar 'khums/__mtshams zhus/__skyabs mgon 7rin po che mchog nyid gser khrir 'khod pa'i legs 'bul maN+Dal mtshon byed bkra shis pa'i lha reg__/li yi maN+Dal/__gsang gsum rdo rje'i rang bzhin bskal brgyar bzhugs mtshon sku gsung thugs rten/__sa snying zho/__dngul gar bu srang bcu/__bcas phul ba zhabs pad bskal brgyar brtan cing thub bstan ris su ma chad pa spyi dang /__khyad par rje bla ma thams cad mkhyen gzigs chen po'i bshad sgrub kyi bstan pa rang 'dod phrag dog gi rnyogs pa can du ma gyur pa bskal pa bzang po'i dus bzhin yang dag pa'i bstan pa rin po che gser sbyangs nor bu'i lhun po ltar gsal bar mdzad pa'i thugs bskyed bzang po bdag gir bzhes grub zhu zhu/__mkhyen/__slad char yang /__zhabs pad bskal pa rgya mtshor 'jigs med seng+ge khri la phyogs las rnam par rgyal ba'i shes rab dang 'chi med grub pa'i gzi brjid nyi ma stong phrag brdal ba'i 'od kyis kun nas brjid cing bskal dus snyigs ma'i rgud mun thams cad sel bar mdzad pa'i phrin las bzang po'i snang bas 'jig rten gsum na yongs su khyab bzhin bzhugs pa nas gus ldan bdag kyang sngar bzhin thugs brtses mi 'dor ba'i bka' mchid bzang po spyi bo'i rgyan du stsal gnang yod pa mkhyen/__zhu 'degs dang /__rnam 'joms khrus ril/__'chi med 'phags ma'i sgo nas sgrub pa'i sku tshe'i bcud len ril bu/__'jam dbyangs shes rab blo 'phel gyi ril bu bcas sde dge sman shod rdzong gsar dgon nas zla tshes bzang por gus phyag bcas phul zhus//___//
