JKCL-KABUM-09-TA-043-wylie

🚧 This website is under continued development. We appreciate your patience!

seng gdong ma'i sun bzlog bskang bshags mdor bsdus bzhugs so/__/gtor ma sku glud/__gser skyems tshogs mchod ci 'byor pa bshams la chu chang gis bran la/__na maHsarba ta thA ga ta b+h+yo bi shwa sogs nam mkha' mdzod kyi sngags rgyal na gsum dang /__oM AHhU~M ha ho hrIHlan gsum res byin gyis brlabs/__kye snang srid gdod nas dag pa'i klong /__/ma bcos ma bslad de bzhin gshegs/__/rigs kyi yum chen lnga ru snang /__/de las sprul dang yang sprul gyi/__/dpa' bo mkha' 'gro bsam mi khyab/__/'dir gshegs tshogs kyi 'du bar byon/__/tshogs dang gtor ma rgya re che/__/'dod yon rnam lnga'i sprin phung 'phro/__/srid zhi'i longs spyod bsam mi khyab/__/mkha' dbyings khyab par gang ba 'di/__/dbang po drug gi dgyes dgur rol/__/snyigs dus sems can bde skyid dang /__/bstan pa rin chen spel ba yi/__/ston pa rdo rje rgyal po mchog__/don dam gshegs bzhugs bral na yang /__/ma rig kun rtog gis bslad pa'i/__/'khrul pa can gyi snang ngo ru/__/rga na 'chi ba'i tshul ston pa/__/de dag dbyings su zhi ba dang /__/sde brgyad kla klo gdug pa yi/__/byad phur rbod gtong gnod pa dang /__/lo zla zhag dus sri rkyen kun/__/drag mo seng ge'i gdong can gyi/__/bden pa'i stobs kyis bzlog tu gsol/__/ye shes las dang 'jig rten gyi/__/mkha' 'gro'i tshogs rnams gtor glud bzhes/__/dar thags rang rang gnas su sdud/__/phan bde'i 'byung gnas rig 'dzin rje'i/__/sku tshe'i gegs 'phrang zhi ba dang /__/'jig rten khams 'dir gsang gsum gyi/__/gzi brjid nyi 'od ltar gsal zhing /__/mi g.yo mi 'gyur 'pho med kyi/__/rdo rje'i g.yung drung khri mchog la/__/brtan par bzhugs pa'i phrin las mdzod/__/ces brjod la tshogs gtor rnams mchod/__ces pa'ang 'khrul zhig rin po che dpa' bo rdo rjes bkra shis pa'i lha reg bcas gsung gi bskul ba de 'phral nyid du pad+ma ye shes rdo rjes smras rim bzhin tshe ring bkra shis kyis gus pas bris pa rje btsun bla ma rnams zhabs pad yun du brtan pa'i rgyur gyur cig__/mang+ga laM//__//