JKW-KABUM-02-KHA-001-005

🚧 This website is under continued development. We appreciate your patience!

Previous Text Back to Volume PageNext Text

Wylie title	mkhas dang grub pa'i khyu mchog la bsngags pa'i gtam zla ba'i 'khri shing
Location	mkhyen brtse'i bka' 'bum Volume 2, sde tshan 1, Text 5, Pages 30-31 (Folios 15b2 to 16a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mkhas dang grub pa'i khyu mchog la bsngags pa'i gtam zla ba'i 'khri shing. In 'jam dbyangs mkhyen brtse'i dbang po'i bka' 'bum, Vol. 2: 30-31. Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam

1 Texts in this Section (sde tshan or chos tshan)

5 30-31	མཁས་དང་གྲུབ་པའི་ཁྱུ་མཆོག་ལ་བསྔགས་པའི་གཏམ་ཟླ་བའི་འཁྲི་ཤིང་། mkhas dang grub pa'i khyu mchog la bsngags pa'i gtam zla ba'i 'khri shing Discourses - gtam	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མཁས་དང་གྲུབ་པའི་ཁྱུ་མཆོག་ལ་བསྔགས་པའི་གཏམ་ཟླ་བའི་འཁྲི་ཤིང་ཞེས་བྱ་བ། ཀ༷་ཀུ་བྷ་ལྟར་སྒེག་པའི་མཆུ་སྒྲོས་ལས། །ཁ༷་བའི་རྡུལ་བརྩེགས་ཁྲོད་ན་གནས་པའི་འགྲོ། །ག༷་ལ་བ་དེར་ཕན་བྱེད་དམ་པའི་ཆོས། །ང༷་བདག་འཛིན་པའི་གཉེན་པོ་དག་ཏུ་སྩལ། ༡ །ཅ༷་ཅོའི་རླབས་ཕྲེང་བྲལ་ཀྱང་བདེན་གཉིས་རྒྱུན། །ཆ༷་ཙམ་མཚོན་བྱེད་ལེགས་བཤད་ཆར་རྒྱུན་ཏེ། །ཇ༷་ཆང་སྐྱེམས་ཀྱིས་མི་མཚོན་ལམ་གྱི་མཆོག །ཉ༷་ཟླ་ཆ་ཤས་གང་བའི་རྗེས་སུ་འགྲོ། ༢ །ཏ༷་ལའི་ཕྲེང་བས་བསྐོར་བའི་དབེན་པའི་གནས། །ཐ༷་དད་འདུ་འཛི་བྲལ་བའི་ནགས་ཁྲོད་དེར། །ད༷་ལྟར་སྒྲུབ་པའི་དམ་བཅའ་རབ་བཟུང་སྟེ། །ན༷་མལ་ས་མ་དྷཱི་ལས་འདའ་མི་བགྱིད། ༣ །པ༷་ལ་ཤ་ཡི་ཡལ་འདབ་གསར་པ་དང་། །ཕ༷་རོལ་ས་འཛིན་མཛེས་བྱེད་པདྨོའི་ཚལ། །བ༷་མཆོག་འདོད་འཇོའི་ཀཱ་ལ་ཤ་བཞིན་དུ། །མ༷་ཆགས་ཚུལ་ཁྲིམས་མཆོག་གིས་རབ་ཏུ་སྒེག ༤ །ཙ༷་ན་སྣ་ཚོགས་འགྱུར་བའི་ཆོས་ཉིད་ཕྱིར། །ཚ༷་གྲང་ཁུར་བཟོད་སྒྲུབ་པའི་དམ་བཅའ་དང་། །ཛ༷་ཡའི་བསྟན་ལ་སྨན་པའི་ལྷག་བསམ་ནི། །ཝ༷་ལྟར་ཀུན་ཏུ་ཉུལ་ཀྱང་ཡོངས་མི་གཏོང་། ༥ །ཞྭ༷་ཐོད་དར་གྱི་ཕོད་ཁ་བཅིངས་བྱས་ཏེ། །ཟ༷་འོག་གོས་སུ་བཀླུབས་པའི་འབྱོར་ལྡན་ཀྱང་། །འ༷་འུར་ནད་ཀྱི་ཕོ་ཉས་བཏབ་པའི་ཚེ། །ཡ༷་མཱནྟ་ཀའི་གདུང་བ་རབ་འཇིགས་ཕྱིར། ༦ །རཱ༷་མ་ཎ་ཡི་ཉག་ཕྲན་སྦྱོར་བ་ལྟར། །ལ༷་ཀླུང་འགྲོ་ཀུན་ཐར་པར་སྒྲོལ་བའི་སྙིང་། །ཤ༷་ཟ་ཁྲག་འཐུང་རྣམས་ཀྱིས་ཐོབ་མིན་ཏེ། །ས༷་བཅུ་ལྡོག་མེད་ཀློང་དུ་རྒྱ་ཡིས་བཏབ། ༧ །ཧ༷་ཅང་ཁྱོད་འདྲའི་མཁས་དང་གྲུབ་པ་ཡིས། །འཛམ་བུས་མཚན་པའི་ལྗོངས་འདིར་གང་གྱུར་ན། །ཨ༷་ལ་ལ་སྟེ་ད་དུས་སྙིགས་མ་འདིར། །དེ་འདྲའི་སྐལ་པས་ཕོངས་ཕྱིར་སྐྱོ་བའི་གནས། ༨ །འོན་ཀྱང་གང་གི་ཡོན་ཏན་ཨུཏྤལ་དཀར། །རབ་བསྔགས་ཟླ་ཤེལ་གསར་པའི་སོར་མོ་ཡིས། །བཟུང་སྟེ་དད་པའི་ཐོར་ཚུགས་རྩེ་མོ་རུ། །བཅིངས་པས་བདག་ཀྱང་སྐལ་བ་ཨེ་མ་སྦོམ། ༩ །སརྦ་ཛ་ཡནྟུ།། །། ༈

[edit]

mkhas dang grub pa'i khyu mchog la bsngags pa'i gtam zla ba'i 'khri shing /__ mkhas dang grub pa'i khyu mchog la bsngags pa'i gtam zla ba'i 'khri shing zhes bya ba/_kaX ku b+ha ltar sgeg pa'i mchu sgros las/_/khaX ba'i rdul brtsegs khrod na gnas pa'i 'gro/_/gaX la ba der phan byed dam pa'i chos/_/ngaX bdag 'dzin pa'i gnyen po dag tu stsal/_1_/caX co'i rlabs phreng bral kyang bden gnyis rgyun/_/chaX tsam mtshon byed legs bshad char rgyun te/_/jaX chang skyems kyis mi mtshon lam gyi mchog__/nyaX zla cha shas gang ba'i rjes su 'gro/_2_/taX la'i phreng bas bskor ba'i dben pa'i gnas/_/thaX dad 'du 'dzi bral ba'i nags khrod der/_/daX ltar sgrub pa'i dam bca' rab bzung ste/_/naX mal sa ma d+hI las 'da' mi bgyid/_3__/paX la sha yi yal 'dab gsar pa dang /_/phaX rol sa 'dzin mdzes byed pad+mo'i tshal/_/baX mchog 'dod 'jo'i kA la sha bzhin du/_/maX chags tshul khrims mchog gis rab tu sgeg__4__/tsaX na sna tshogs 'gyur ba'i chos nyid phyir/_/tshaX grang khur bzod sgrub pa'i dam bca' dang /_/dzaX ya'i bstan la sman pa'i lhag bsam ni/_/waX ltar kun tu nyul kyang yongs mi gtong /_5__/zhwaX thod dar gyi phod kha bcings byas te/_/zaX 'og gos su bklubs pa'i 'byor ldan kyang /_/'aX 'ur nad kyi pho nyas btab pa'i tshe/_/yaX mAn+ta ka'i gdung ba rab 'jigs phyir/_6__/rAX ma Na yi nyag phran sbyor ba ltar/_/laX klung 'gro kun thar par sgrol ba'i snying /_/shaX za khrag 'thung rnams kyis thob min te/_/saX bcu ldog med klong du rgya yis btab/_7__/haX cang khyod 'dra'i mkhas dang grub pa yis/_/'dzam bus mtshan pa'i ljongs 'dir gang gyur na/_/aX la la ste da dus snyigs ma 'dir/_/de 'dra'i skal pas phongs phyir skyo ba'i gnas/_8__/'on kyang gang gi yon tan ut+pal dkar/_/rab bsngags zla shel gsar pa'i sor mo yis/_/bzung ste dad pa'i thor tshugs rtse mo ru/_/bcings pas bdag kyang skal ba e ma sbom/_9__/sarba dza yan+tu//___//_!_